|
|
|
 Re: غايتو يا مغتربيين السعودية ماااا بسألكم (Re: Adam Youssif)
|
ههههههههههههههههه
يا أخي أضحك الله سنك
ذكرتني بالمغترب السوداني العاجباهو السعودية لكن زهجان من السعوديين ... أها واحد سألو .. كيف السعودية ؟ قال ليهو والله السعودية سمحة بس لو طلعوا لينا منها السعوديين ديل .. خليهم يختونا كده ولا كده ...
ههههههههه
دا داير يطلع أصحاب البلد ويتحكر هو ويتقنقن .....
غايتو يا مغتربيين السعودية ماااا بسألكم
| |
  
|
|
|
|
|
|
|
|
Re: غايتو يا مغتربيين السعودية ماااا بسألكم (Re: الهادي الشغيل)
|
اخونا الهادي الشغيل
حياك الله
| Quote: دا داير يطلع أصحاب البلد ويتحكر هو ويتقنقن |
ذكرتني بحالي زماااان اول ما جيت السعودية كنت بتشاكل مع كفيلي كل يوم
في يوم من الايام قال لي: هو أنا الكافلك ولا انت كفيلي؟؟
هههههههههههههههههه
الحمد لله اتفكيت منه والان اصبح صديقي وبيني وبينك كدة لمن اتزنق قاعد اشيل منه قروش هههههههههههههه
الشكلة جابت نتيجية
لكن ما لدرجة اقول ليهو يا انا يا انت في البلد دي
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: Adam Youssif)
|
تحية طيبة لك أخي آدم يوسف
غايتو من البتقول عليهم ديل مطول شديد جداً
في السعودية وطالما في رزق لسه مكتوب فيها
مااااااااافي طريقة رجعة أو مغادرة إلا أكمل
المكتوبة لي ...
بيني وبينك صاحبنا ده زوده شوية وأداها جردل
عديييييل ...قول ليهو مااااااااالدرجة دي الواحد
بيدوب في الإنتماء
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: ولياب)
|
آدم يوسف
تحياتي
الغربة حارة والقعاد في السودان أشد حراً
وشكلك إغتربت سنين عددا لأنه الـ full suit بتاعك دا في السودان لو بقيت وزير الخارجية ما بتلبسو (وجهين ضاحكين عند اللزوم) أها يا أخوي الناس في بلاد المهجر وبخاصة في السعودية الحال ما عاجبهم ويزداد سوء يوماً بعد يوم لكين كمان هنا وما أدراك ما هنا الأمور تخطت مرحلة قف تأمل. أها باين ليك الناس تاني بترجع بي أخوي وأخوك.
هادن السودانيين الغربة وزهدوا فيها بعد أن أصبحت ما جايبه همها في فترة سابقة فكان العدد الذي يفكر في الغربة والإغترب قليل بل رجع بعض المغتربين نهائي ، لكين لمن دقت في الحيطة وجات راجعه أصبح الكل يتسابق على الهجرة لأن الحال مال ميلاً بيناً حتى كاد أن يصبح أفقي عديل كده.
المغتربين بلا إستثناء في دول الخليج وبخاصة السعودية ذات الكثافة العالية من جماعتنا يعيش معظمهم هموم لا قبل لهم بها – فرج الله همومهم ويسر أمورهم – وخايف أكمل وأقول ورد الله غربتهم يقوم واحد يفكرني بدعى عليهم ، فهناك من مضىى على إغترابه عشرة أعوام وربما عشرون بل ثلاثون حتى أها العمر بعد كده باقي فيهو شنو ، والأمر أن القوانين تعتبرهم بلا إستثناء expatriates أبو سنة خدمة زي أبو ثلاثين سنة كفيل وإقامة وخروج وهلم.
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: almulaomar)
|
المبدع الملا عمر
احييك
| Quote: الغربة حارة والقعاد في السودان أشد حراً |
أشد حرأ دي قاصد بيها السخانة اليومين دي ولا شنو
| Quote: وشكلك إغتربت سنين عددا لأنه الـ full suit بتاعك دا في السودان لو بقيت وزير الخارجية ما بتلبسو |
هسع عليك الله الـFull suitبتاعي دة ما أحسن من حقت اللمبي ههههههههههههه
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: Adam Youssif)
|
اضحك الله سنكم يا ادم يوسف...
..لكن الفرج قريب لان الحكومة السعودية حتلغي نظام الكفالة من السنة الجاية
....وحيكون عندكم كرت اخضر تسافروا وترجعوا زي ما عاوزين...
والله يديكم الصحة والعافية ...والعودة السريعة النهائية للوطن العزيز..
(انا ما بدعو عليكم لكن بدعو ليكم والله) وجه ضاحك
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: اميرة السيد)
|
وبعدين يا ادم يوسف في كلمة نسيت اشير ليها..
اذا تابعت معانا قصة المملكة العربية السعودية حتعرف
ليه النظام الملكي السعودي هو افضل نظام لحكم هذه المملكة
وحتعرف ليه ال سعود عندهم الف حق لحكم هذه المملكة...
.....وبرضه عاوز اعلق على كلام الزول الظريف البيهدد السعودي
ويقول ليه: يا انا يا انت في البلد دي...
الزول ده اذا مقيم في مكة او المدينة عنده حق يقول الكلام ده...
عشان المدينتين ديل للمسلمين جميعا في بقاع الارض...
والله يدبك الصحة والعافية
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: اميرة السيد)
|
العزيزة أميرة السيد
Quote: الزول ده اذا مقيم في مكة او المدينة عنده حق يقول الكلام ده...
عشان المدينتين ديل للمسلمين جميعا في بقاع الارض... |
لو السعوديين طبقوا كلامك دة كان اي زول مقيم في المدينتين دي أخد القرين كارد من زماااان وكان لبسنا عقالات هههههههههه
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: الهادي الشغيل)
|
في عوائل في السعودية امورهم معقدة بحيث انا تستعصى على الحل و دائما ما يكون الرجوع للسودان هو الحل
الامثل ما يمنع هؤلاء من السفر هو المخاوف..ما عندنا بيت..حاشتغل شنو في السودان..الاولاد اتعودوا على هنا
و ما دايرين يرجعوا..الخ
و بمجرد وصولهم السودان و بشكل سحري امورهم بتبقى احسن و بدقشوا مع الداقشين و الحياة بتستمر.
اعرف حالات كثيرة و ساهمت في حلحلة بعضها قدر المستطاع.
الناس دي يا شغيل لو بطلوا خبيط الحلل البسووا فيهو ده و اتخذوا قرارات شجاعة حياتهم ستكون افضل
بكثير من الحياة التافهة التي يعيشونها في السعودية باقامات منتهية و بلاغات الهروب و نصب
المعقبين و من لف لفهم.
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: سيف النصر محي الدين)
|
حبيبنا الهادي الشغيل
كلامك دة والله ترك في نفسي أثر عظيم لاحول ولا قوة الا بالله الله المستعان
Quote: في عوائل في السعودية امورهم معقدة بحيث انا تستعصى على الحل و دائما ما يكون الرجوع للسودان هو الحل
الامثل ما يمنع هؤلاء من السفر هو المخاوف..ما عندنا بيت..حاشتغل شنو في السودان..الاولاد اتعودوا على هنا
و ما دايرين يرجعوا..الخ
و بمجرد وصولهم السودان و بشكل سحري امورهم بتبقى احسن و بدقشوا مع الداقشين و الحياة بتستمر.
اعرف حالات كثيرة و ساهمت في حلحلة بعضها قدر المستطاع.
الناس دي يا شغيل لو بطلوا خبيط الحلل البسووا فيهو ده و اتخذوا قرارات شجاعة حياتهم ستكون افضل
بكثير من الحياة التافهة التي يعيشونها في السعودية باقامات منتهية و بلاغات الهروب و نصب
المعقبين و من لف لفهم. |
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: اميرة السيد)
|
Quote: في عوائل في السعودية امورهم معقدة بحيث انا تستعصى على الحل و دائما ما يكون الرجوع للسودان هو الحل
الامثل ما يمنع هؤلاء من السفر هو المخاوف..ما عندنا بيت..حاشتغل شنو في السودان..الاولاد اتعودوا على هنا
و ما دايرين يرجعوا..الخ
و بمجرد وصولهم السودان و بشكل سحري امورهم بتبقى احسن و بدقشوا مع الداقشين و الحياة بتستمر. |
دكتور سيف النصر
لك التحيات الغوالي ومشتاقين يا حبيب
فعلاً الوضع عند بعض الناس وما نسمعه ونشاهده من حولنا ظاهرة تستحق الوقوف عندها وما سردته أخي غيض من فيض وقطرة في بحر لجي ..
فعلاً الأمر معقد وخبيط الحلل هو السائد أخي .
تحياتي ،،،
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: Adam Youssif)
|
الغربة طاحونة كبيرة ، والمغتربين تنْدرِش أيامهم بين رحى وحجارة هذه الطاحونة ،
والسعداء هم من يحسنون الإستفادة من هذه الأيام المدروشة فيستخلصون دقيقا ناعما هينا لمقْبِل أيامهم ، أما مِن إستهان بغربته ولم يُحْسِن إستخدامها فيعود ( بالنخالة ) والبعض لسان حاله يقول : كأننا يا بدر لا رحنا ولا جينا.
ردّ الله غربة الجميع سالمين غانمين.
واصلوا ... فالبوست متنفّس
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: معتصم سليمان)
|
الحبيب معتصم سليمان
Quote: عشان كدي أتاريك ما اشتغلت ببمداخلتي الشغلة
مع أني انا الشخص التاني اللي داخل معاك |
والله قريت مداخلتك ومرورك الكريم وجهزت ليك الرد المتين لكن والله زي ما ذكرت ليك لمن اجي اكتب الرد تتداخل الكلمات
وتبقى زحمة وبما اني IT وكدة نزلت مجموعة من مستعرضات الويب Fire Fox - Spark وهلم جر حتى بقيت ارد على الجماعة
فاعذرني عزيزي
ولك مودتي
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: حامد بدري)
|
العزيز حامد بدري
Quote: مسا الخير
غايتو حالى في الغربة عشرين سنة واصبع ضوووة بي غادي ماف ونعيش رزق اليوم باليوم
فجيبو لي الشيخ يقرا لي اوراد من حنيييني البي الغرام الزاد
حالي اصبح حال حال سواد ورماد
الغربة تجقلب والشكر للكفيل |
الله يعنيننا بس
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: الهادي الشغيل)
|
الحبيب الهادي الشغيل
| Quote: يا زولات انتو جايين البلد دي تلعبوا ولا تترزقوا |
هههههههههههه دة عسكري عبيط
يعني عشان جايين نترزق ما نرفه عن انفسنا ما نلعب ما عندنا شي تاني الا الشغل
لكن عجبتوني وريتوا الجماعة ديل كيف يتعاملوا معانا بالاحترام
دمت
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: Adam Youssif)
|
طيب خد دي :
عندما كنت أعمل مترجماُ في وزارة الدفاع والطيران في الرياض ( الادارة العامة للاشغال العسكرية) كان لدينا زميل سوداني أصيل استدعاه المدير ووجد عنده شاب سعودي .. قال المدير هذا الشخص الذي سيحل محلك لأننا بصدد سعودة وظيفتك والمطلوب منك تعليمه قبل ما تغادر ... ابتسم الزميل وقال للمدير ( لو أن أحداً متزوج امرأة وعاش معها ردحاً من الزمن ثم تزوج أخرى صغيرة وأتى بها للبيت وطلب من الزوجة الكبيرة أن تعلمها الطبخ بحكم أنها جديدة وصغيرة فهل تعلمها .. ضحك المدير وقال له : بل ستسممها .. فرد أخونا : أنا لن أسممه لكن ما بعلمه ليكم ... فنفسيتي تأبى أن أعلم من سيحل محلي ويتسبب في قطع عيشي .)
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: الهادي الشغيل)
|
صباح الجمال .. ادمي وضيوفك تحياتي .
| Quote: يا أنا يا أنت في البلد دي؟؟ |
أكان قال كدي والله اتلوم لوم اليابا فضيل هههههههه!
*****************
صهيل خيلِك وَرَا الضَهَرَاتْ،
وفارْسِكْ حَىْ، قَدِحْة الضَّىْ،
مَجَرْتَقْ بالنِّضَالْ مُـــــــــو نَىْ،
ولا فَتَــــــــرْ إِتْفَـــــــزَرْ لا مَــاتْ ...
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: الهادي الشغيل)
|
الحبيب الهادي الشغيل
لك التحية
| Quote: ( لو أن أحداً متزوج امرأة وعاش معها ردحاً من الزمن ثم تزوج أخرى صغيرة وأتى بها للبيت وطلب من الزوجة الكبيرة أن تعلمها الطبخ بحكم أنها جديدة وصغيرة فهل تعلمها .. ضحك المدير وقال له : بل ستسممها .. فرد أخونا : أنا لن أسممه لكن ما بعلمه ليكم ... فنفسيتي تأبى أن أعلم من سيحل محلي ويتسبب في قطع عيشي .) |
زولك دة جاب ضرب مثل في محلة جابها من الآخر
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: Adam Youssif)
|
لك التحية أخي آدم وضيوفك
الغربة .. الحياة المؤجلة
حتى الناس الحاولو يعيشو بدون تأجيل.. نفسياً حياتهم مؤجلة وظاهريا عايشين
كتير جدا بتلاقي ناس في السعودية بالذات عملو حاجاتهم كلها
وما زالو قاعدين .. قاعدين ليه؟؟ انا أقول ليك
بقى في عند نسبة كبيرة من المغتربين هاجس اسمو السودان
وعندهم إحساس انو لو مشيت هناك ح تنتهي
وحا تغلبك العيشة ..
(والناس برتاحو نفسياً شديد لمن يسمعو بي زول كان معاهم ومشى السودان وفشل وجا راجع)
(عشان دا بديهم إحساس إنهم صح)
طيب .. لمتين؟؟
حا نمشي أهلنا متين؟
حا نعيش متين؟؟
الله أعلم
والغريب انو كلهم بعانو
وزي ما ذكر الاخوان فوق .. لو رزقك ما انقطع ما تقطعو
طيب .. ولو ما انقطع نهائي.. نعيش العمر كلو بإحساس مؤقت؟
بإحساس الغربة الكلنا عارفنو؟؟
عايزين قدر كبير من الشجاعة .. بعد أن نعقلها ونتوكل
.
.
.
.
.
.
.
معذرة للاطالة ولكن الموضوع دا هو اليد البتوجعنا كلنا
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: الهادي الشغيل)
|
السودانيون في بلاد الغربة الكثير منا ليس لديه اى هدف aimless .. المهم اغترب وبس ..
ماهى الاسباب التى تدفع السودانيين للجلوس سنوات طويلة فى بلاد الغربة (30 سنة وما فوق )........هل السبب هو عدم وضوح الهدف والاتجاة الى المظاهر الخداعة ؟؟؟ ..... لان مهما طال السفر لابد ان ياتى يوم ونرجع لوطننا السودان ..... لماذا يشتهر السودانيون بين اوساط الجاليات بانهم اكثر الجاليات فى الصرف والبذخ وعدم توفير الأموال ؟
الموضوع ده كبير وله أبعاده فهناك جوانب ايجابية جعلت مننا نتصف بهذا الوصف مثل الصرف على الأخوات والخالات والعمات والأرامل والجارات أحيانا .. يعني الواحد راتبه مقسم ومن يوم 5 تلقاهو مفلس . وهناك جوانب سلبية منها ما أشرنا اليه وهو الصرف غير المرشد وتسلط الزوجات وعدم وضع هدف معين من الغربة ( يعني ما بنعرف نحسبها صح) المصري بيحدد راتبي كذا بصرف كذا .. بوفر كذا .. بشتري الشقة في خلال كذا .. بجهز البنت في خلال كذا .. وطوالي على بلدو ...
عالم بطالة ( نقلاً عن مجيدو)
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: الهادي الشغيل)
|
سلام آدم
هاك هذه القصة التي عايشتها بالرياض :
****
أحد الأمراء الكبار بالسعودية طلب من مدير أعماله أن يقوم بتعيين غفير سوداني على بوابة قصره الجديد و التي ستسكنها عروسه الجديدة.
مدير الأعمال يحب السودانيين جدا ،، فقام بواسطة أحد السودانيين بتعيين (واحد كبير السن) معروف بالصرامة والجدية فقد كان جنديا بالجيش.
و قال له مدير الأعمال : لا يدخل القصر أحد حتى آمرك بالسماح له بالدخول مهما كان.
زولنا وضع هذا الكلام (حلق في أضانو).
مساء اليوم التالي:
جاء الأمير مع السائق لقصر عروسه ، القصر المحروس من زولنا الكلس.
جاء الأمير دون علم مدير الأعمال ،،
أطلق السائق البوري فأطل زولنا من شباك صغير و قال و هو عابس الوجه مقطب الجبين : نعم ،، بتضرب بوري مالك ؟
فنزل السائق و قال له بصوت خفيض : دة الأمير فلان صاحب القصر ،
و القاعدة جوة زوجته الجديدة. أفتح الباب قبل ما تخرب بيتنا و بيتك.
فقال الزول : و الله لو أهلو كلهم جوة ما يخش ،، إلا المدير يكلمني شخصيا.
هنا أحس الأمير بالجدل الدائر بين الإثنين ،، فنادى السائق ، و فهم منه ما يحدث ،، فإتصل من هاتف السيارة على المدير الذي أتى مهرولا ببيجامة النوم. و تم إحتواء الأمر.
في الصباح نادى الأمير زولنا و قال له : الحين عرفتني ؟
أيوة يا طويل العمر و أنا متأسف.
لا ما تتأسف ، إنت زول تمام ، و عشان كدة أنا زودت راتبك.
و لا زال زولنا يقف منتصبا عند البوابة رغم سنواته التي تعدتْ الستين خريفا ،
يحسب الأيام بالتاريخ الميلادي مستعجلا الإجازة ليرى رفيقة دربه و أولاده و أحفاده ،، و يحسب الأيام بالهجري ليستلم راتبه و ينطلق لإرسال المصاريف الشهرية.
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: ابو جهينة)
|
Quote: والله بنعرف بعض الزملاء والأخوان عملوا بزنس وعقار ات وعماير ريعها ومدخول ايجاراتها أضعاف ما يتقاضونه من راتب هنا في السعودية ومع ذلك ما مفكرين يرجعوا للسودان ..
|
الهادي اخوي
زي ما قلت فوق والله المسألة دي انا اتوصلت لي إنها رعب بس ما اكتر .. الناس بخافو يفقدو الحياة الساهلة الهنا فببقى ليهم أسهل انهم يعيشو على الهامش من يمشو السودان الله يدينا اليقين بس ويقوي إيماننا
.
.
.
.
زي ما قال لي ود عمي.. والله إحساس الوطن دا الا انت براك الطاريهو هههههههههههههه
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: نادر النور آدم)
|
Quote: يعني يا ولياب بعد الموت بقى السفر للسودان ذاتو فيهو كلام ...
|
ود الشغيل الهادي
مع التحية شكراً لتعليقكم الضافي على ما ذكرناه من (مقولة) والحالات التي ذكرتها أصبحت معروفة وسط أخواتنا السودانيات .
قصص كثيرة عايشناها وأخرى سمعناها ، ولي هناك (أسرار) أحفظها لنفسي ولولاها لسردت لكم بعض القصص الواقعة ،
ولكن أنأي بنفسي عن خصوصيات الناس ، ربنا يسترنا ويسترهم .
وهنا أسرد لكم قصة أخونا الذي فصل من العمل وقرر له الخروج النهائي ، وأتى إلى المنزل وعليه مسحة حزن وسألته
الزوجة : مالك مبوز كده وحزين ، قال لها : فصلوني من الشغل ودقو لي نهائي ،،، هنا صرخت الزوجة ،،،، سجمي
نحن حنقعد مع مين !!!!
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: نادر النور آدم)
|
نادر النور حبيبنا
| Quote: الحياة الساهلة الهنا فببقى ليهم أسهل انهم يعيشو على الهامش من يمشو السودان الله يدينا اليقين بس ويقوي إيماننا |
منو القال الحياة ساهلة
والله كلها هم وغم ووجع راس وكيل وزهج وحبسة
والله لو في امكانيات ومصدر رزق ثابت كان الواحد شتت زمااااان
| |
|
|
|
|
|
|
|
|
|
Re: غايتو يا مغتربيين السعودية ماااا بسألكم (Re: ابو جهينة)
|
ابو جهينة حبيبنا
Quote: و لا زال زولنا يقف منتصبا عند البوابة رغم سنواته التي تعدتْ الستين خريفا ،
يحسب الأيام بالتاريخ الميلادي مستعجلا الإجازة ليرى رفيقة دربه و أولاده و أحفاده ،، و يحسب الأيام بالهجري ليستلم راتبه و ينطلق لإرسال المصاريف الشهرية. |
عمنا دة خلاص ثبت نفسو للغربة الطويلة الأمد
تحياتي
| |
|
|
|
|
|
|
| |
Adam Youssif
معتصم سليمان
ولياب
almulaomar
Mohd Ibrahim
ابو جهينة
سيف النصر محي الدين
حامد بدري
مني عمسيب
نادر النور آدم
فيس بوك
تويتر
انستقرام
يوتيوب
بنتيريست