|
Re: الورجاغه وحمل الثوره الكاذب......................... (Re: munswor almophtah)
|
عزيزنا عبدالله، عبدالله لك السلام ولود المكى السلام ولمن يود للسودان سلامة السلام. عزيزنا ود المكى فوق الرأس وهو أستاذى وأستاذ أساتذتى وخياراته كلها فوق الرأس كذلك وإختياراته وطرائقه لا تجد منا إلا التقدير ولا نتمناه إلا كذلك وجميعنا علينا بالتعامل مع الآخر كما هو أو بعلاته وبذلك سيحل إشكالات الخلاف الضاره أما زعم البعض بأنهم الأصح وغيرهم على باطل فذلك خطاَ أحمراً وخطأً لا غفران فيه فحتى العقيده ليس لأحدٍ قدرة بفرضها على أحد أو حرمانه منها والديمقراطيه تبدأ من هنا والهمجيه تبدأ من هنا فالوعى وإحترام حق الآخر لا تلاعب فيه ولا أحدٌ سينجح بنزعه عنه والتغيير لا يتم بالجوطه والمناحات وعزايات الأجره ولكن بإراده واعيه لا تصنع أعداءَ ولك السلام.
منصور
| |
|
|
|
|
|
|
Re: الورجاغه وحمل الثوره الكاذب......................... (Re: munswor almophtah)
|
بسم الله الرحمن الرحيم 3 يونيو 2016م بيان صحافي
بدعوة من الرئيس ثامبو أمبيكي التقى الإمام الصادق المهدي رئيس حزب الأمة القومي به في جوهانسبرج يوم الخميس 2 يونيو 2016م. قال السيد أمبيكي أنه يريد أن يعرف أسباب امتناع الحاضرين من قوى نداء السودان في 21 مارس الماضي عن التوقيع على خريطة الطريق، فهي قد حققت أهم مطالبكم وهي: 1. مطلب أن يكون الوقف الشامل لإطلاق النار وتبعاته مرتبطا بالاتفاق السياسي وليس معزولا عنه وسابق له. 2. ومطلب أن تكون كفالة الإغاثة الإنسانية في مناطق العمليات جزءً من إجراءات بناء الثقة ما يعني سرعة إنقاذ المواطنين المتضررين بالحرب. 3. مطلب الاعتراف بالجبهة الثورية وحزب الأمة كفريق مشترك في الحوار الوطني. 4. وعلى أية حال فما لم ينص عليه بالتحديد في نصوص الخريطة يمكن بحثه في اللقاء المقترح بينكم وبين ممثلين 7+7. كان الرد: أولا: الشكر له وللآلية الرفيعة على جهودكم المثابرة لمساعدة الشعب السوداني تحقيق السلام والتحول الديمقراطي في البلاد. ثانيا: شكره على توجيه هذه الدعوة لرئيس حزب الأمة وهو قادم بإخلاص لإيجاد مخرج يقبله الجميع لاستئناف الحوار الوطني. ثانيا: صحيح في غياب آلية حوار باستحقاقاتها فالشعب السوداني ماضٍ في تعبئة من أجل انتفاضة سلمية وهي وسيلة مجربة في السودان وكما يعلم الجميع فإن الحركة في الشارع السياسي السوداني قد زادت زخماً ولكن هذا لا يعني أبداً صرف النظر عن آلية الحوار الوطني. ثالثا: المطالب الشعبية نحو نظام جديد عبر الحوار اتسعت وحتى آلية 7+7 ومنبر العاشر من اكتوبر 2015م أصدرت توصيات فيها كثير من المطالب المشروعة وقدم 52 من كرام المواطنين مذكرة للسلطة السودانية تتضمن كثيراً من هذه المطالب. هذه التطورات تعتبر تزكية إضافية لجدوى الحوار الوطني. رابعاً: إن الامتناع عن التوقيع على خريطة الطريق في 21 مارس لا يعني عدم الاعتراف بما فيها من إيجابيات ولا يعني عدم تقدير أهدافها. خامسا: النقاط المطلوب اعتبارها هي: • أن يكون اللقاء التحضيري المقترح شامل وأن تمثُل فيه الحكومة للالتزام بالتنفيذ. • أن لا تعتبر عملية الحوار مجرد امتداد للحوار بالداخل. بل يتفق في الحوار التحضيري على استحقاقات الحوار الوطني. • أن تتوافر ضمانات بتنفيذ مخرجات الحوار الوطني. • أن يكون الحوار الوطني الذي سيجري داخل البلاد بعد تنفيذ إجراءات بناء الثقة وأن تكون رئاسته بتوافق متبادل ولا تخضع لأي حزب. رد السيد أمبيكي: بأنه يمكن أن يدرس هذه النقاط مع أعضاء الآلية والرد عليها. كان الرد: الأفضل أن يأتيك مكتوب من نداء السودان المشتركين في الحوار وأن تجتمع بهم لإصدار اتفاق معكم. وافق على ذلك وأرسل رئيس حزب الأمة مسودة لزملائه بمشروع الخطاب المطلوب ويُرجى أن يتفق عليه ويُرسل الخطاب بأسرع ما يمكن لأن الجميع يقدرون ضرورة إنجاز الحوار الوطني لوقف الحرب وتحقيق الديمقراطية المنشودة وتحقيق مطالب الشعب السوداني المشروعة.
هذا وبالله التوفيق
محمد زكي محمود جوهانسبرج- جنوب أفريقيا
| |
|
|
|
|
|
|
Re: الورجاغه وحمل الثوره الكاذب......................... (Re: munswor almophtah)
|
منصور ود المفتاح رمضانك كريم وورجغتك عينة
إنتا بترمي ليك في كلام وقايلو حقيقة
يا زول لو داير تبقى مؤتمر وطني ابقى عديل ودربك اخدر لكن ما تقعد تبرر لدبكتاتورية ماسكة ليه طلبة وطالبات وما دايرة تفكهم
تلقاهم ناس (وفاق قرشي ومي عادل) خجلوك على موقفك قلتا النجي جاري اشتم المعارضة
يا زول ما في شيء اسمه المعارضة في تنظيمات بالاسم قولها وقول موقفك. عشان كان جبت اسمها منطقك كله بينهار من اساسه مش كدا؟
نمسك معاك واحد واحد؟ أها النقول ياسر عرمان وحركته الشعبية خونة ومارقين وجواسيس ودايرين يحكموا البلد بقوة السلاح؟
طيب عمر البشير والمؤتمر الوطني ديل جو عن طريق الحوار؟
اها دي ورجغة (المثقفين) و(النخبة) الودت البلد في داهية؟
كل واحد داير يبرر لي موقفه؟
خجلت من قصة الحوار بتاع قاعة الصداقة؟
حوار شنو البيعملوا البشير السجونو مليناة بالطلبة؟
وعشان تبرر لكلامك شوف كتبت شنو؟
Quote: إن الزج بالطلاب القصر فى ملاحم عجزت عنها جيوش الخيبة والخسران لا تحقق حلماَ ولا تنتج تغيير فمن يحلم بذلك عليه أن يذهب بنفسه لا بزغب الحواصل من أبناء الغير لينتفض مدعياً الحزن والأسى!!
|
قصر منو يا عم وطلاب منو الفي زول بيقدر يزج بيهم؟
إنتا ولدوك كبير كدا وما كنت طالب ولا ششنو؟ الطلبة بياخدوا مواقفهم وهم عايشين الهم اليومي يا منصور؟
الطلاب ديل شايفين السلاح في الوحدات الجهادية جوة الجامعة عشان كدا ما في أجعص جعيص بيغشهم؟
وعشان عمر البشير بجهازه وأمنه وحميدتي بتاعه بيرجفوا من الطلبة ديل.
وقع ليك ليه ما داير يفكهم عمر البشير.
ودا كوم والوهمة التانية بتاعة (قوات الشعب المسلحة) يا حليلك يا منصور
دي اسمها قوات (الكيزان المسلحة) ولو بقيت جاهل وما عارف، ارفع السماعة واضرب لاقرب زول في قاعة الصداقة وقول ليهو (التمكين في الجيش كان كيف؟) عشان كدا الجيش بقى قاعد جداعة ساكت، وما تسمع الكلام بتاع انتصرنا في النيل الأزرق وغيرو
النحكي ليك القصة عشان ما في زول بيقول ليك عليها: الجيش اتهزم في النيل الأزرق لأنه الجيش دايرين يصفوهو، طلع المتحرك لموا فيهو ناس مالك عقار (بي ضعفهم وقلتهم ومشاكلهم) شالوا عرباته ودباباتو وغيره؟ أها رسلوا قائد القوات القبلية حميدتي عشان يمشي هناك يحارب لأنه الجيش (ما قادر) وقع ليك ولا نزيدك.
حميدتي هو البيقرر الحوار، جهاز الأمن البلغت بيهو السفاهة انه بيبني في نادي تكلفته فاقت (الميتين مليون دولار)
عشان كدا لو تبريرك إنك بتصدق كضب (زول جاء بقوة السلاح وحنث بيمينه واشتغل أجير لصالح حزب وجاء كضب على السودان كله وكتل زملائه وصفّي الجيش). لو دايرنا نصدق انه دا زول سلام وبيدعو للحوار؟ البيمنع شنو برضه أنه عرمان زول سلام وبيدعو للحوار ومني وعبد الواحد وابو السرة وابو جاكومة
يا منصور (إنه ملبوس عليك، لا يُعْرف الحق بالرجال، أعرف الحق تعرف رجاله)
وشاحدك ببركة رمضان دا اكتب ليك رسالة لحميرتي قول ليهو يدي تعليماتو لعمر البشير يفك اسر الطلبة ديل، لأنه ما عندو لا هو لا جهاز امنه الشجاعة البتخليهم يقدموا الطلبة والطالبات ديل للمحاكمة. من باب اولى يفكوهم.
| |
|
|
|
|
|
|
Re: الورجاغه وحمل الثوره الكاذب......................... (Re: munswor almophtah)
|
سم الله الرحمن الرحيم
بيان اسناد الحوار
حول انعقاد الجمعية العمومية
بعد أن تم تحديد انعقاد الجمعية العمومية للحوار الوطني في 6 اغسطس 2016 لاعتماد المخرجات النهائية وبعدها تدخل البلاد في ترتيبات دستورية وسياسية جديدة بتولي مؤسسات الحوار إدارة البلاد والتحضير لانتخابات حرة ونزيهه وشفافة وبذا يكون السودان وضعه أرجله في أول عتبة من عتبات دولة القانون والحكم الرشيد . وهنا ندعو تنسيقية اسناد الحوار للانعقاد الدائم ونهيب بكل عضوية تيار اسناد الحوار مضاعفة الجهد بالتبشير بالمخرجات والتواصل مع الممانعين لتحقيق أكبر قدر من شعار شمول المشاركة الذي ظللنا نرفعه ونعمل له
والله الموفق
د . عمار السجاد رئيس تيار اسناد الحوار الخرطوم 13 يونيو 2016
| |
|
|
|
|
|
|
Re: الورجاغه وحمل الثوره الكاذب......................... (Re: munswor almophtah)
|
الوطني يؤكد مضيه قدماً في إكمال مراحل الحوار الوطني والوفاق السياسي لجمع الصف الوطني
الخرطوم 12-6-2016م (سونا) - اكد المؤتمر الوطني مضيه قدماً في إكمال مراحل الحوار الوطني والوفاق السياسي وجدد العزم على انفاذ مخرجاته رغبةً في تحقيق الاهداف الوطنية الرامية لجمع الكلمة وتوحيد الصف .
و رحب المؤتمر الوطني في بيان اصدرته الامانة السياسية للحزب اليوم بالمجهودات الايجابية للتأكيد على ان خارطة الطريق هي الحل الامثل لايقاف الحرب وتحقيق السلام داعيا كل الاطراف التي ما زالت تتمرس خلف البندقية مراعاة ما يعانيه السكان جراء الحرب وويلاتها والعمل على الاستجابة لتحكيم صوت العقل والتوقيع على خارطة الطريق لتبدأ مراحل السلام لإنهاء الحرب و رفع المعاناة التي يواجهها الشعب .
وثمن "الوطني" كافة جهود الوسطاء والاتحاد الافريقي والآلية رفيعة المستوى ورئيسها السيد ثامبو امبيكي الذي ظل يقدم الجهود لاتمام السلام في البلاد.
نص البيان :
بسم الله الرحمن الرحيم
بيــــان مـــهـــم
ظلت المجهودات تتصل من اجل تحقيق السلام في البلاد ووصولاً للوفاق الوطني والاستقرار السياسي في ازمات تطاولت لسنوات عديدة ولكن بمجهودات الحكومة والوطنيين الشرفاء بدأت تتحاصر فاكتملت حالة الامن في دارفور وعادت الاوضاع الى طبيعتها وسادت روح الحوار الوطني كافة أرجاء البلاد في حوار شاملٍ في قضاياه ويسعى شركاؤه الى اكتمال مكوناته السياسية في التوصل الى انتقال سلس الى اوضاع اكثر توافقاً واستقراراً فجاءت توصياته في مراحلها الاولى لتوافق مطالب القوى السياسية المعارضة كما شهد بذلك بعضهم .
نؤكد على المضي قدماً في إكتمال مراحل الحوار الوطني والوفاق السياسي ونجدد العزم على انفاذ مخرجاته رغبةً في تحقيق الاهداف الوطنية الرامية لجمع الكلمة وتوحيد الصف ونرحب في ذلك بكل المجهودات الايجابية للتاكيد على ان خارطة الطريق هي الحل الامثل لايقاف الحرب وتحقيق السلام وندعو في ذلك كل الاطراف التي ما زالت تتمرس خلف البندقية دعوةً صادقة وجدية لمراعاة ما يعانيه السكان جراء الحرب وويلاتها والعمل على الاستجابة لتحكيم صوت العقل للتوقيع على خارطة الطريق لتبدأ مراحل السلام لانهاء الحرب و رفع المعاناة التي تواجه شعبنا وسيظل الحوار الوطني "المجتمعي والسياسي" الذي التف حوله شعب السودان بكل قطاعاته هو الاطار الاوسع والاشمل لصناعة حلول دائمة وبناءة لكافة مشكلاتنا السياسية وازماتنا ، نصنعه بأيدينا كسودانيين تأكيداً على قدرتنا في انتاج الحلول داخل بلادنا لإستدامة السلام والوفاق ونبدي ترحابنا بأي توجه ايجابي نحو اكمال العملية السلمية عبر الحوار والتفاوض كما نثمن كافة جهود الوسطاء والاتحاد الافريقي والآلية رفيعة المستوى ورئيسها السيد ثامبو امبيكي الذي ظل يقدم الجهود لاتمام السلام في بلادنا.
والله ولي التوفيق
المؤتمر الوطني
الامانه السياسية
12/يونيو /2016م
| |
|
|
|
|
|
|
Re: الورجاغه وحمل الثوره الكاذب......................... (Re: munswor almophtah)
|
فالمنطق الذى صنع الحركه الشعبيه وحركة العدل والمساواه وغيرها من الحركات صنع حميدتى وهلال ويصنع غيرهم فإن صار ذلك الحميدتى بعبعا مخيفا فقد سطر الحوار أسسا للجيش القومى وللأجهزه الأمنيه عندما يأتى زمان بذلها للناس ستعرفها وتقف عليها وبذات نظرتك تلك ننظر نحن لتلك الحركات- حتى التى كنت أنت مشاركا فيها وحست بلا أثر يا الصادق،
يا منصور رمضانك كريم
يا زول القصة ما هلال مريخ، ودعوة الحوار دي ما عندها أي جدية وبقول ليك الكلام دا لأنه الصادق المهدي أول زول لبي الدعوة ومشى لقاعة الصداقة، تقوم الانقاذ تعتقلوا وما تقدمه لمحاكمة.
لو انتا يا منصور شايف دا فيهو جدوى، أنا بشوف ما فيهو أي جدوى لنظام ممكن يحاورني الليلة ويسجني بكرة
أها الجديد شنو يعني بخليهو مختلف من الحوارات السابقة
حوارت شمو يا زول، إتفاقات عدييل كدا؟ الحكومة نطت منها. زمان درسونا (كيف اتفق معك وهذا أثر فأسك؟)
وبعد دا كله يا منصور، أنا طالبت الأحزاب وأي زول يمشي للحوار دا، دي وجهة نظري القلتها، أقرب ناس بعرفهم واتناقشت معاهم ناس حزب المؤتمر السوداني قلت ليهم الحوار دا ما في زول حينفذ مخرجاته ولا حينجح غير في تأزيم الأزمة، لكن (شايفين كيف) لكن لا يمكن فضح الحوار دا إلا بالمشاركة فيهو، اجابتهم قالوا اليدونا الأمان والأمان (هو وقف الاعتقال التحفظي دا والإرهاب بتاع الأمن)
أها يا منصور المفتاح، إنتا ووفدك بتاع كندا مشيتوا الحوار ، ودا موقف أنا دافعت عنه من حقكم لا مكتول ليكم كتيل لا حابسين زول منكم بدون قضية. أها أنا الحابسين ناسي وبنات زي الورد خمسة اسابيع بدون قضية ورافدينهم من الجامعة وما نعيني من اتكلم في ندوة ومشيت اطالب باطلاق سراحهم دقوني بالسوط؟
زول زي دا تتحاور معاه كيف؟
ما بيقدروا، لكن بالحيل لو أنا قاعد في أمريكتي دي ودعوني معزز مكرم احي اشترك في الحوار وآخد كم صورة وأعود بأمان لقواعدي
بطبق مركوبي وبجري للحوار وبجي بعكس بصدق كلامهم السمح ونيتهم الصافية وشوف عيني بقول لمن يتكلموا عن الحوار (لحدي ما دمعتهم جرت)؟
أها المايك معاك اقنع لي ناس حزب المؤتمر السوداني ديل إنه النظام دا جادي في موضوع الحوار، وداير ناس حزب المؤتمر السوداني يشاركوان ولمن رفضوا اضطر جهاز الأمن اضطرار (أي والله) الاضطرار الواحد دا إنهم يعتقلهم عشان يتحاور معاهم وخصوصاً البنات (حنينات وبسمعن الكلام)؟
يا منصور نبذ الحركات واشتم الحركة الشعبية وانعل سنسفيل الحركات واشمت فيهم.
لكن تشكير الراكوبة في الخريف ما خايل فيك اسمعها مني، النظام دا بوديك الماسورة، ولا حوار ولا جيش ولا انقاذ حتترك قيد انملة، والمعارضة حتشارك عاجلا أم آجلاً وحنشوف لينا احتفال احتفالين وطرشمية (وزير) لحين تكرار الحرب (القبلية المرة دي).
يا مثقفين هووووووي، اطلعوا من الذاتي وشوفوا البلد ماشة وين وحوار قاعة الصداقة دا لو ما شفتوهوا م}دي البلد وين الترابة في خشمكم.
الحمد لله أن ابناءكم وبناتكم يا نخبة المنافي عاشوا في بلدان تحترم التفكير وديل حيوقعوا ليكم القصة بعد شوية، وانصحكم نصيحة اخوية لو عندكم اولادكم او بناتكم ما ضروري من صلبكم في الكوميونتي بتاعك
قولوا ليهم آراءكم دي واسمعوا منهم، عسى ولعل انكم تفهموا.
| |
|
|
|
|
|
|
Re: الورجاغه وحمل الثوره الكاذب......................... (Re: الصادق اسماعيل)
|
شكراً يا الصادق نحن مللنا الخلاف ولم يكن لنا إنتماء الا للسودان وراينا طرح الحوار كطريقه للحل أكثر من فعال ولا ضرر فيه فدعنا لا نستبق النتائج ونكون أكثر موضوعيه بالتعامل مع الحيثيات وفقا لما ينتابها من تطور وإلا فالكل يمتلك ماكينة النقد وكلاش قذفها وسنظل فى ذات المربع إلى يوم البعث ونحن ما زلنا نؤمن بهذا الحوار ونثق فى الكيفيه التى أدير بها ونثق فى من صاغوا محاوره فهم أشد حباً وصدقاً وإلتزاماً وايماناَ به وبأفضليته على طرائق التغيير الاخرى والتى لا يختلف على ضررها إثنان فالحوار بديل للحرب التى يكتوى الكل بنيرانها على مساحة السودان كله ونحن نذرنا أن نطلق التشاؤم ونغرس الأمل فى الغير ونفعل الواجب مع الاخر حتى يكون السودان الذى نحلم به ونتمناه وأنا تحدثت عن منطق تكوين الحركات فمحق فى ذلك بقدر ما تبتدع الحركات أو المعارضه طريقة قابلتها الحكومه بأخرى قدرها أو أشد منها وتلك هى أبجديات المواجهات العنيفه فالكل يحشد إمكانياته أما الحوار فقد وضع حداً لذلك وحدد الكيفيه التى تتشكل بها المؤسسات القوميه من جيش وشرطة وأجهزه أمنيه وتلك قضية محلوله تماما لا نهابها ولا نرهبها وينبغى أن تكون السلطه المركزيه قابضه وفقا للدستور الدائم عن أسباب استتاب الامن وحماية الحدود بجيش مؤهل ومؤسسات متناغمه ونحن نذرنا أن لا نتحيد ولكن ننفعل بعمل الواجب المناط بنا وبكامل خياراتنا وإختياراتنا الواعيه ففى الوطن ما هم أحوج إلينا بأن نحمى ظهرهم ونشد من أزرهم ونرفع عنهم البأس وما نفعله هو أقوى الإيمان لإزالة الضرر وهذه المره لا تراجع عنها لانها تمت بإجماع قومى وبتنوعٍ بائن وبحضورٍ مرضٍ وبوعى وحرص كبيرين ولك السلام يا الصادق ونتمنى أن تسهم وفقا لقناعاتك فى تجويد الحوار المجتمعى حتى نخرج من هذه الورطه المجتمعيه التى لا يرحم بقاؤها أحد.
ولك السلام
منصور
| |
|
|
|
|
|
|
Re: الورجاغه وحمل الثوره الكاذب......................... (Re: munswor almophtah)
|
تحدثت عن منطق تكوين الحركات فمحق فى ذلك بقدر ما تبتدع الحركات أو المعارضه طريقة قابلتها الحكومه بأخرى قدرها أو أشد منها وتلك هى أبجديات المواجهات العنيفه فالكل يحشد إمكانياته أما الحوار فقد وضع حداً لذلك وحدد الكيفيه التى تتشكل بها المؤسسات القوميه من جيش وشرطة وأجهزه أمنيه وتلك قضية محلوله تماما لا نهابها ولا نرهبها وينبغى أن تكون السلطه المركزيه قابضه وفقا للدستور الدائم
منصور المفتاح
تحياتي أنا قلت ليك انت متحرك من حتة كره وشماتة للحركات المسلحة، ودا من خلال متابعتي ليك هنا في سودانيز ودا من حقك تماماً أن تحاربهم ويحاربونك وتسلقون بعضكم بأالسنة حداد.
يا منصور يا خي ما ممكن تكتب بدون ما تقرأ أنا كتبت شنو؟
لكن نريحك شوية: يا خي من حق الحكومة تأجر مليشيات قبلية عشان تكتل مواطنينها البتفتكر إنهم اتمردوا ومن حق حكومة الانقاذ دي تأجر مليشيات وتفرضها على الجيش وتظهر الجيش بمظهر العاجز.
ما مشكلة يا منصور، أنا بوافقك (إجرائياً) عشان المسألة ما تكون غلاط وانتصار للذات.
أها الصادق المهدي دا حركات مسلحة.
وفاق قرشي وبقية اولاد المؤتمر السوداني ديل حركات مسلحة عشان تقابلهم الحكومة بوسيلة أشد منها وتعتقلهم ناس بيدعوا للتغيير السلمي تقوم كحكومة تعتقلهم وبعد داك تطالبهم بالحوار.
يا منصور الأعوج رأي والعديل رأي
لكن التلفيق ما حبابو، والوضوح أحسن منه مافي كيف داير ناس المؤتمر السوداني يحاوروك وانتا بتختهم في السجن من غير تهمة. كيف داير حزب الامة يحاورك وانتا بتخت رئيسه عشان اتساءل عن مليشيا قبلية. كيف بتخت ابراهيم الشيخ في السجن لأانه قال الدعم السريع ما جيش حكومي؟
وكيف تجي تطالبهم بالحوار بعد داك؟
ويا منصور يا خي، إنتا فطيت كلامي ساكت،
طيب النقوله ليك تاني وبصورة واضحة: أنا الصادق اسماعيل المقيم بأمريكا أؤيد وأدعو كل الأحزاب والحركات المسلحة أن تشارك في الحوار المزعوم وتطرح مطالبها وتمسك بزمام المبادرة لكي تكشف زيف الحكومة، ويعارض من يعارض على بينة ويوالي من يوالي على بينة.
دا كلامي من بداية الحوار، ومشيتك أنا م}يدها ومشية غيرك؟
الما عاجبني في كتابتك إنك جاي تبيع لينا (صدق ووطنية) الحرامية بتاعين الجبهة كأنهم حريصين على الحوار، دا كلام ما بيشبهك، وإنتا عارف سوءهم وأي زول عارف هم مجبورين على الحوار دا عشان مرنوقين، ووقعوا على نيفاشا وهم مزوقين ومزقوا اتفاقية جيوبني بعد البترول طلع. وشرطوا مقررات مؤتمر الاستراتيجية القومية الشاملة. ولعوا دارفور وادهوها للجنجويد عشان يحافظوا على السلطة.
فلو قلت لي الناس ديل نمشي معاهم عسى ولعل كان بصدقك؟
لكن كدي شوف كلامك دا ما بينطبق على أي زول فيهم؟
وحوار شنو يا رجل، أي مقررات ما بجيزها جهاز الأمن وحميدتي، الا تبلوها وتشربوا مويتها.
ويا ريت لو أقدر أغش نفسي واصدق، لكن مشيت وشفتا بنفسي وسمعت من ناس في الحوار ذاتو، بعد دا آسف ما بقدر أغش نفسي وأصدق (حرص حرامية المؤتمر الوطني على البلد أو حتى على الحوار من أساسو؟
| |
|
|
|
|
|
|
Re: الورجاغه وحمل الثوره الكاذب......................... (Re: الصادق اسماعيل)
|
Quote: طيب النقوله ليك تاني وبصورة واضحة: أنا الصادق اسماعيل المقيم بأمريكا أؤيد وأدعو كل الأحزاب والحركات المسلحة أن تشارك في الحوار المزعوم وتطرح مطالبها وتمسك بزمام المبادرة لكي تكشف زيف الحكومة، ويعارض من يعارض على بينة ويوالي من يوالي على بينة. |
سلام يا الصادق ياخ إلا تلاقى ناس شهامه أو الفريق عيسى أو اللواء يونس أو كثر من من كانوا أفراداً فى العمل المسلح، والحكومه عودها فى الحوار كقدر عود الغير فقط وفرت المناخ لذلك وأنا لا أشك فى بروف على عثمان والقاضى عبيد حاج على ولا السفير عمر بريديدو ولا بروف الحواتى وللا بروف هاشم على سالم ولا السفير عمر حيدر ولا محمد الأمين خليفه ولا كل من قابلتهم فهولاء ليس بحكومه إنهم قامات وطنيه وغيرهم كثر نحن لا شك لنا فى أى منهم أما الحركات أنا لم أرفع فى وجهها بندق ولكن ضد سماسرتها الذين يسمسرون فى إستمرار المحارق وأنا ضد الحرب ومع حق إنسان السودان أن يعيش ويهنأ ولدى فى الحركات أصدقاء وزملاء دراسه وأتمنى سلامتهم وأتمنى أن يرعووا ويراعوا حجم الضرر لهم ولمن يزعمون بأنهم يحاربون من أجلهم فالتمل عندما علموا بحجم خسارة ما يناضلون من أجلهم وضعوا البندق أرضا والأن يسعد السنكهليس والتمل فى تلك السريلانكا فما المانع عندنا تعرف يا الصادق عندما نرى الخطأ ونجمله نكون قد إرتكبنا خطأً أكبر منه فالعمل المسلح ليس بوسيله عصريه لحل قضايا أمه ولكن يمكن أن يكون وسيلة لإبادة أمه وتدمير أسباب الحياة فيها وحتى الحكومه كانت لا تنجو من رأينا فيها فدوما ننادى بلا للحرب ونعم للسلام وسيظل هذا هو الدأب والديدن نحن نسعى ونتمنى أن يأتى فرقاء السودان إلى كلمة سواء ويساوون الخلاف والى الأبد حتى تستعدل هذه الامه ويستعدل قطارها فى قضبان التنميه والتعمير والأمن والرخاء والقبول بالآخر ووحدة الصف وتكاتف الجهد وتقارب الرؤى.
ولك السلام
منصور
| |
|
|
|
|
|
|
Re: الورجاغه وحمل الثوره الكاذب......................... (Re: munswor almophtah)
|
منصور المفتاح والله ما عارف اقول ليك شنو؟
الناس القلتهم ديل نفس الناس القعدوا وعملوا الاستراتيجية القومية الشاملة أها خلوهم عملوها وقالوا كلامهم، استلموها وجدعوها في أقرب كوشة.
بعدين يا منصور أنا بتكلم ليك عن الأحزاب الواقفة ضد العمل المسلحومع العمل السلمي قلت ليك معتقلييييييييييييييييييييييييييييييييييين عضويتها، ديل الناس القاعدين جوة السودان ما بيسمحوا ليهم بندوة
أها لو الناس دي قلبها على الحوار ما بتتعقل شباب هم اصلاً مع العمل اسلمي وبتجيب ناس كانوا شايلين سلاح
وقع ليك ولا لسه؟
بعدين سماسرة منو، والله لو شئت لذكرت لك معلومات تشيب منها عن سمسرة مشاركين هسع في حوار قاعة الصداقة دا، وبالوثائق يا منصور فلا تغرنك العبارات الوطنية التي يتشدقون بها
| |
|
|
|
|
|
|
Re: الورجاغه وحمل الثوره الكاذب......................... (Re: munswor almophtah)
|
أسماء الهواده كروضه مرضه وتمنح للثوار لكى ينتصر جمعهم بها علينا هذا ال Arif Nashed الذى لا يعرف حركة المضاف إليه وحكمه ويحكم على الناس ويا بكرى إفتح الله فقد قلناها فى الماضى ونقولها الآن هذه من التى لا تغتفر ومن أراد أن يكون حارسا لمعرفة فاليحرسها كما تحرس البحوث والوثائق حراسة البنوك فهى أقيم من البنكتوت
منصور
| |
|
|
|
|
|
|
Re: الورجاغه وحمل الثوره الكاذب......................... (Re: munswor almophtah)
|
الوريجيغ كل ماشافلو جعيص بدور إقيف فوقو عشان يظهر دكتور المعز الواحد دا كب شبّ، أسامه الخواض لمن حاحيتو أنا كبر قرعتو منو ويقول خلاس تانى الكركاره تركبو لامن لقالو حجاز رفع منو كبر وهو ما عندو مروه لكبر ولا بعرف كتالو أها فشان ما سقتو معاى الحوار جاء لى جمل أبو شوك دا والله برا خشش السدر ما عندنا لى شغله شوك فى شوك لامن دقنوسو وسفنجتو دى يقولن عوك لكن أنا أكان ما هنق حمار الوادى مانى مخلى فشان إتملصت منو جاى وجاى وأوعكن البكان دا إن ختانى محلو مو عارفو وقلنا يجى ساكت أكان إتونس لكن أكان عارفو ببقى خازوق كدى وعراط والله ما كان ساهى زول شافو وكنت بدور أوديهو سودانفور أول وكان دقولو بربندى فى نص صنقورو دا!!
منصور
| |
|
|
|
|
|
|
Re: الورجاغه وحمل الثوره الكاذب......................... (Re: munswor almophtah)
|
الحسود الحقود لا يمكن له أن يرى الأشياء إلا كما يريد والذى يعجبه يأتى بقلبه فى الحلق ويحكم على ما لا يدرى كنهه ولم يقف على حقيقته بل بس كوشك كوشك ماسك الشطر الميت من القطر يقوم إتشعبط ويقبضو بالثابته وزى ما الدشيناب دقو العنسيت الأكلت لوباهم لامن هرتو أها بنكتوهن من جوفو لمن يتمطق ويضيق به وسيع ذلك القطار حق الحكومه!!
منصور
| |
|
|
|
|
|
|
Re: الورجاغه وحمل الثوره الكاذب......................... (Re: munswor almophtah)
|
وأملو فى إمشى الحوار ما أنتهى متل القال من خشم الله ما سمعت وقت نتلاقى فى المحلات والشهود قاعدين لكن قايل البعمل فيهو بوديهو حته نحن بثينا الرسائل ومازلنا وفى ذات الوقت صنع لهم ما يشغلهم حتى تكتمل الصوره بليلة الحجار للصغار ورجاغه دا أربعه شهور من الكلام الفارغ والشخصنه أها جاء زمن الرد عليك بعد صيد الأفيال وأمانه مو زى شراب ألمى!!
مشكلتو كلها منصور وهنالك قضية وطن كامل!!
منصور
| |
|
|
|
|
|
|
|