|
Re: و الله سمعة المسلمين بقت عجيبة !!! (Re: محمد أبوالعزائم أبوالريش)
|
Quote: إنت المفروض تعتذر عن تهمة السكر والنوادي الليلية
ده قذف واضح وبدون دليل |
ليه يعتذر يا أبو الريش؟
هم الجماعة ديل بغلطوا ؟
طالبتوا يثبت تهمته دي ...
ياهو يقعد يتلولوا كده و كان انعصر بعد شوية يشبكنا بسم الله خرجنا و بسم الله ولجنا ...
ثقافة الاعتذار دايره ناس ريفايند في التعامل يا محمد ...
| |
|
|
|
|
|
|
Re: و الله سمعة المسلمين بقت عجيبة !!! (Re: Abureesh)
|
Quote: زول أتكلم عن المسلمين (في الغرب) وكيف تنظر الناس اليهم.. طوالى نطيت للإسلام؟ وانا اخذ حديثه عن (الغرب) لأنه لم يحدد ولذلك حسن الظن واجب دينى. ذكرتنى واحد مهووس اخو مسلم، احمد دالى سأله عن مشاكل العصر ولا اذكر التفاصيل، ولكن أعتقد كان عن الاقتصاد وحقوق غير المسلم، فما كان من المهووس إلا ان صرخ : ما تستفـز الإسلام!!!
انحطاط المسلمين اليوم وهوانهم على الله لا يحتاج الى دليل.. طيب نبينا عليه الصلاة والسلام قال "لتتبعن سنن من كان قبلكم.... الخ الحديث.. حتى قال بل انتم كثير يومئذ ولكنكم غثاء كغثاء السيل لا يبالى الله لكم.. فهل كان النبى يتحدث عن الإسلام ام عن مسلمى اخر الزمان؟ هل تستطيع ان تقول ان النبى اهان الإسلام ثم تقوم بتكفيره؟ أما الفيديو فقد صوره صاحب برنامج ومحطة يوتيوب معروف وله فريق كامل كان يصور وهو مولود ومقيم في امريكا، وله فيديوهات كثيرة من هذه الشاكلة وغيرها، وهدف نشاطه هو القاء الضوء على الرأي العام الغربى عن المسلمين سلبا وإيجابا.. واللقطة توضح انه حتى الـ ###### الذين لا هم لهم سوى المال واللعب، ولكن لهم مواقف من المسلمين املتها عليهم الفضائيات المليئة بالقتل والدماء والإرهاب. |
عافاك يا أبو الريش ...
| |
|
|
|
|
|
|
Re: و الله سمعة المسلمين بقت عجيبة !!! (Re: يحي قباني)
|
السلام عليكم ورحمه الله وبركاته ما داير اتكلم عن سمعه الاسلام لان للاسلام رب يحميه ويحمى سمعته انا عاوز اتكلم من حاجة غياظة (قادننا ) بيها اعمامنا الكبار زمان كنا بنعمل وزمان الدولار كان بتلاتة جنية وزمان كنا بنشرب لبن كافوري وزمان جامعة الخرطوم الصفوة كنا كل يوم اكل شكل وزمان وزمان ، تحسر علي اللبن المسكوب ياخ طيب الحاضر الوصلن ليهو دا ما بسبب الماضي وافاعيل ناس الماضي ، اكلتو حقنا نحنا ناس الحاضر وعملوها لينا ديون نحنا بدفع في الديون دي سواء كانت اقتصادية او سياسية ، عملتو شنو انتو يا ناس زمان غيرت ورثتونا الفشل الاقتصادي والفشل السياسي وسلمتو البلاد والعباد للحكومات العسكرية ، فشل في فشل وبعد دا كلو بدون خجل شابكننا زمان وزمان كان سمح وزمان كنا مجدعين انا ما حضرت زمان ولكن اجزم بان الشباب الموجود الان احسن من ناس زمان بميه مرة ،
اختشوا زي ما بقول دينق (زول زمان)
| |
|
|
|
|
|
|
Re: و الله سمعة المسلمين بقت عجيبة !!! (Re: ابراهيم عبد الوهاب)
|
Quote: ما تتلولو ..... إنت قلت (نان إنتو فاضيين من البارات والنوادي الليلية) ...... ده إتهام بالسكر والا لأ |
الأخ أبو الريش.
براحة على قصي ده ما يقوم يكب الزوغة، الزبون ده هدية مني لأخونا يحيى قباني.
يا يحى، بالله حافظ على الزبون ده من هجمات وزنقات ناس زي أبو الريش ده.
| |
|
|
|
|
|
|
Re: و الله سمعة المسلمين بقت عجيبة !!! (Re: قصي محمد عبدالله)
|
Quote: سمح بنمشي نعمل شنو في رأيك ؟ |
كل شئ متوفر بالداخل يمكن القيام به و تجربته... ويمكن الإكتفاء فقط بالإطلاع ، أو إجراء إحصاء واستبيان (ولو أن الأعلبية بتكون واقفة ألف أحمر)، أو بيع متطلبات لمالك البار. ليس بالضرورة القيام بكل شئ، ولا يستبعد عمل كل شئ.
| |
|
|
|
|
|
|
Re: و الله سمعة المسلمين بقت عجيبة !!! (Re: محمد أبوالعزائم أبوالريش)
|
الزول الاسمو قصي دا قبل كدا اساء لابني الصغير (عمره كان 3سنوات وقال هو مشلق)
وفي الحقيقة ابني كل من يعرفه يحبه لانه جميل في كل شئ وليس به عيب من اي نوع
لكن قصي غلبو يرد علي انا ومشي يسئ لصورة ابني .....
زول كحيان ساي وماعارف قاعد لشنو في المنبر بتاع الكبار دا هههههههه
غايتو انا مع دينق يشوتوه من هنا باسرع فرصة لانو مافي امل منو ....
| |
|
|
|
|
|
|
Re: و الله سمعة المسلمين بقت عجيبة !!! (Re: عبداللطيف حسن علي)
|
من عجائب الأمور مكابرة الإخوة السلفيين ومحاولة اقناعنا بان سمعة الاسلام على ما يرام اولاً يا شيخ قُصي سوء سمعة الاسلام الان شي واضح غير محتاج لأي جدل مع العلم انو سوء السمعة دا لا يقدح في عضم الاسلام باي شيء إنما ممارسة بعض التيارات السلفية باسم الدين بغض النظر عن مطابقة هذه الممارسات لتعاليم الدين او عدم المطابقة فهي السبب الأساسي لسوء سمعة الاسلام في الأوساط الغير مسلمة وفي الأوساط المسلمة برضو يا شيخ قُصي المكابرة لن تحل المشكلة يجب الاعتراف بالمشكلة اولاً ليتثنى لنا الحل
بالنسبة لاتهامك للزملاء فهو واضح يا شيخ والاعتذار عنه لن ينقص من قدرك شي ولكن المراوغة التي تمارسها هي التي ستخصم منك الكثير
مع تحياتي لصاحب البوست وضيوفه جميعاً
| |
|
|
|
|
|
|
Re: و الله سمعة المسلمين بقت عجيبة !!! (Re: عبداللطيف حسن علي)
|
Quote: الزول الاسمو قصي دا قبل كدا اساء لابني الصغير |
لمثل هذه التصورات لا اتوقع خيرا من امثالك.. و أتمنى أن تأتي بكامل المنشور، لكي أؤكد لك عدم استواء عقليتك... وليس من خصال الرجال طلب طرد الأعضاء، دون النظر إلى النتيجة. مما يجعلك أنت ودينق من ضمن فصيلة الجقور التي لا تعرف سوى النخر .
| |
|
|
|
|
|
|
Re: و الله سمعة المسلمين بقت عجيبة !!! (Re: قصي محمد عبدالله)
|
قبانى الكافر بتاع البارات و النوادى الليلية قالو ليك انطق الشهادة .. ابيت قالو ليك تغتسل امام الجميع .. ابيت و بما انو مرّت تلاتة ايام على البوست ده و لم تستجب علية أمر الحجاج بالاتى تفريقك من زوجتك نقل نسبة اسماء البنات و الاولاد الى والد الام الرجم بى قزاز البيرة فى بار عام
| |
|
|
|
|
|
|
Re: و الله سمعة المسلمين بقت عجيبة !!! (Re: قصي محمد عبدالله)
|
عن أبي عبد السلام، عن ثوبان، قال قال رسول الله صلى الله عليه وسلم: «يوشك الأمم أن تداعى عليكم كما تداعى الأكلة إلى قصعتها»، فقال قائل: ومِن قلة نحن يومئذ؟ قال: «بل أنتم يومئذٍ كثير، ولكنكم غثاء كغثاء السيل، ولينزعن الله من صدور عدوكم المهابة منكم، وليقذفن في قلوبكم الوهن»
القران ذكر ان مسلماً واحداً صابراً يغلب عشرة من الكفار. ولكن شاليط يساوى 1027 مسلماً.. وهذه هي نبوءة الرسول تتحقق بأن المسلمين صاروا بلا وزن ولا قيمة لأنهم فارقوا روح ولب الإسلام وتمسكوا بقشوره ومارسوا قشور الحضارة الغربية.. وليتهم تبعوا روح الحضارة الغربية في العلم والأبحاث العالمية ، ولكنهم اخذوا منها السيارات ومدن القمار مثل لاس فيغاس.. فلا الة يستطيعون صيانتها، دع عنك إبتكارها وصناعتها، ولا دين حفظوا قيمه وامتثلوها في حياتهم. (بقوا بـح)
| |
|
|
|
|
|
|
Re: و الله سمعة المسلمين بقت عجيبة !!! (Re: Hafiz Bashir)
|
سمعة المسلمين العجيبة دي نحن البنكتوي بنارها في امريكا..لان امريكا هي القايدة الحرب على الارهاب...والان معظم الامريكان بيربطو الارهاب بالاسلام والمسلمين وما عارفين ان هؤلاء البينفذوا العمليات الارهابية ليست لهم اي صلة بالاسلام والمسلمين واخر دليل واضح ان التلفزيونات الامريكية تتحدث الان ان صلاح عبد السلام منفذ عمليات الارهاب في باريس والاخوان النفذوا عمليات بلجيكا حياتهم كلها كانت مجون وفساد ونوادي ليلية وخمور والاسلام ليس له اي صلة بهذا الفساد والفواحش..لان الاسلام جاء اساسا للقضاء على هذه الفواحش...وما عارفة الناس ديل بيرتكبوا الجرائم الارهابية باسم الاسلام لشنو!!! وفعلا سمعة المسلمين وخاصة في امريكا بقت مش بس حاجة عجيبة ولكن بقت حاجة زي الزفت.... والمصيبة ان هذه السمعة العجيبة بتدعم المرشح العنصري ترامب الذي يكره المسلمين وهسع كاسح في الفوز في ولايات كثيرة لان الامريكان لمن سمعوا بمجزرة بلجيكا بيقولوا الزول ده صاح وهو الحيخلصنا من الارهابيين... واذا فاز فعلى الاسلام والمسلمين السلام في امريكا واوربا... وبعد يادي القسم يوم ٢٠ يناير ٢٠١٧م نحن في نفس اليوم في الطيارة المتوجهة للسودان.. والله يديك الصحة والعافية
| |
|
|
|
|
|
|
Re: و الله سمعة المسلمين بقت عجيبة !!! (Re: اميرة السيد)
|
Quote: شايف الجماعة مبسوطين من سمعة المسلمين العجيبة، التي تولى نشرها قباني ، مستدلا بمقطع فيديو بين شاب ... وشابة ... ياريت تدخل المساجد وتساهم في القليل من الترجيح... والإستثناء. نسأل الله العفو والعافية. |
أضبط ...!!!
تهمة جديدة ... اطلقها قصي ...
من قال لك ان قباني لا ( يدخل المساجد ) ؟
كيف تعلم ان قباني لا يساهم باي دور في المساجد ؟
كيف تعلم ان كان قباني يتصدق من ماله ام لا يتصدق للمساجد ؟
مطلوب منك الاعتذار او اثبات للتهم الثلاثة التي وصلت حد القذف و حافة التكفير يا قصي ... ______________________________________________________
نصيحة يا قصي ...
الحياة بها جمال يتخطي طول لحيتك و التفكير فيما يخرج من السبيلين ...
وهو جمال خلقه الله سبحانه و تعالي ... و هو جل و على لم يخلق فكرك التكفيري الهدام ...
بل خلقتموه انتم بضيق الأفق و قلة العقل ...
| |
|
|
|
|
|
|
Re: و الله سمعة المسلمين بقت عجيبة !!! (Re: يحي قباني)
|
Quote: و هو جل و على لم يخلق فكرك التكفيري الهدام |
يا زول أنا ما كفرتك. في اتنين هنا في المنشور ده نفسو كفروك عينك عينك، وواحد كمان أصدر في حقك فتاوى... وأنا كعضو ومتابع منتظر ما تؤول إليه الأحكام الصادرة في حقك. ------ المهم : حاول أدخل المساجد و رجح الكفة قليلا ، عسى ولعل الإستثناء يخرجك من بهت كل المسلمين. دخولك لا أدري عنه شيئا، ولكن فقط ذكر الدخول من باب تغير اتجاه الرؤية. ------ المهم : شوف ليك حل مع الناس الكفروك في وشك، وخليني أنا بتاع الظنون.
| |
|
|
|
|
|
|
Re: و الله سمعة المسلمين بقت عجيبة !!! (Re: قصي محمد عبدالله)
|
Quote: المهم : حاول أدخل المساجد و رجح الكفة قليلا ، عسى ولعل الإستثناء يخرجك من بهت كل المسلمين. دخولك لا أدري عنه شيئا، ولكن فقط ذكر الدخول من باب تغير اتجاه الرؤية. ------
|
ما زلت في لولوتك يا قصي ...
و ما زلت تصر على نصحي بالدخول الى المساجد ...
اتهام و كأنك مكشوف عنك الحجاب و تعلم ما في الصدور ...
الإسلام اكبر و ابرح من رؤيتك الضيقة ...
و الإسلام لا يوجد في المسجد المجاور لسكنك في السعودية و يخطب فيه تلاميذ محمد بن عبد الوهاب ...
الإسلام يا قصي ليس هو ما تعرفه انت و ليس ما علمه لك من يخلط عادات و تقاليد بائسة مع الدين الحنيف ...
و اراك فتحت خيطاً جديدا و كأنك تظن انك تجاهد و تحمي الإسلام و سمعة الإسلام ...
الإسلام ليس بإطالة اللحى ... و الإرهاب . و توزيع الاتهامات بالباطل ...
الإسلام دين التسامح و المحبة ...
| |
|
|
|
|
|
|
Re: و الله سمعة المسلمين بقت عجيبة !!! (Re: قصي محمد عبدالله)
|
Quote: كلام جميل. --------- في انتظار ما تؤول إليه الأحكام الصادرة في حقك من جلالدونا بعد تكفيره لك. |
عليك الله اركز ...
طول عمري بسمع في خطبة الجمعة امامنا بختم و يقول ( ان الدين عند الله الإسلام )*
انتوا دينكم الكلو لولوة ده كيف يكون عند الله الإسلام ؟
يا شيخنا امش هذب لحيتك لان الله جميل يحب الجمال ... و جمال الهيئة من نعم الله على عبده ...
و انظر للعالم بنظرة عاقلة بدل ما سايقنك جماعتك ديل ... ___________________________________________________________________________________
* إِنَّ الدِّينَ عِندَ اللّهِ الإِسْلاَمُ وَمَا اخْتَلَفَ الَّذِينَ أُوْتُواْ الْكِتَابَ إِلاَّ مِن بَعْدِ مَا جَاءهُمُ الْعِلْمُ بَغْياً بَيْنَهُمْ وَمَن يَكْفُرْ بِآيَاتِ اللّهِ فَإِنَّ اللّهِ سَرِيعُ الْحِسَابِ
| |
|
|
|
|
|
|
Re: و الله سمعة المسلمين بقت عجيبة !!! (Re: قصي محمد عبدالله)
|
Quote: : هذب لحيتك لان الله جميل يحب الجمال
و كيف تهذب اللحية يا أخا الإسلام؟؟؟؟؟؟؟؟ ومن الذي قال لك أن حلاقة اللحية من الجمال ؟؟؟؟ |
ما قلت ليك ما ترد بي لولوة ؟
دي كمان دايره درس عصُر ؟
عاين في صورة عمك قباني و شوف اللحية المهذبة ... ( اها طلعها دقن كفار كمان ) ...
و اوع تكون ماسك في اعفو اللحى و حفوا الشوارب ... لانه حديث لم تثبت صحته ...
و اما اذا افترضنا صحته ... فكلمة اعفو تعني الاطلاق و أيضا تعني التخفيف ...
اما اللحية المنفرة فليس من الإسلام في شيء ...
| |
|
|
|
|
|
|
Re: و الله سمعة المسلمين بقت عجيبة !!! (Re: قصي محمد عبدالله)
|
Quote: عاين في صورة عمك قباني و شوف اللحية المهذبة |
لا شئ يدل على أن الفي صورة هو عمنا قباني، فليس هنالك سابق معرفة. ولاشئ يؤكد أن قباني (قرض) لحيته على (كده)، ولا شئ يؤكد أن عمنا سيظل يحلق لحيته طول حياته. ------ شفت كيف الأمور تتشعب؟ ---------- فتكم بعافية.
| |
|
|
|
|
|
|
Re: و الله سمعة المسلمين بقت عجيبة !!! (Re: قصي محمد عبدالله)
|
حتى الآن، وبحسب مانح العفو وصكوك الغفران قصي، فإن يحي قباني: (سكير عربيد يرتاد الحانات والمراقص ليلاً ولا يعرف طريق المساجد نهاراً)
مصيبتك كبيرة يا يحي.
عارف خطورة الكلام ده وين؟ يجي واحد من الموتورين بيفتش طريقة للجنة ويقول مافي طريق أحسن من قبض روح هذا الزنديق ... وقصي قاعد في الضل يقسم بالله أنه لم يحرض أحد.
| |
|
|
|
|
|
|
Re: و الله سمعة المسلمين بقت عجيبة !!! (Re: محمد أبوالعزائم أبوالريش)
|
سلامات يا قباني,,,
بوست بس تدى ربك العجب!!! بوست فاقد بوصلة وإتجاهات,,
ياخ معقولة بس!!! موضوع محدد وبسيط ونقاش طبيعى ومنطقى وما جديد فجأة القصص تبقى تكفير وردة و جهاد وحوار أديان,,,
وطشاتة عدييل كدا!! معقولة بس!!!
حيرتمونا والله,,
| |
|
|
|
|
|
|
Re: و الله سمعة المسلمين بقت عجيبة !!! (Re: أيمن الطيب)
|
Quote: سلامات يا قباني,,,
بوست بس تدى ربك العجب!!! بوست فاقد بوصلة وإتجاهات,,
ياخ معقولة بس!!! موضوع محدد وبسيط ونقاش طبيعى ومنطقى وما جديد فجأة القصص تبقى تكفير وردة و جهاد وحوار أديان,,,
وطشاتة عدييل كدا!! معقولة بس!!!
حيرتمونا والله,, |
يا سيدي ...
قلنا امك نكسب ثواب و... لعل و عسى نهدي ...
ياخي شوف العالم بقى في شنو ...
يجوك جماعة مشوهين سمعة الإسلام بأفعالهم و عمايلهم إياها و قايلين روحهم بعلّوا كلمة الله ...
ياخي ملايين المسلميين مشتتين في بلاد الله الواسعة عايشين في امان و سلام و هارموني مع المجتمعات ...
يجيك واحد معتوه مغسول دماغ يمشي يفجر رقبته ...
الولدين حقين بلجيكا كانوا مجرمين ... جابوهم و قلبوهم انتحاريين وودهوهم زي البهايم كتلوا العالم ...
ووعدوهم طبعاً بالجنة و الحور العين ... و الآية البتبدأ بـ ( وَلاَ تَقْتُلُواْ النَّفْسَ الَّتِي حَرَّمَ اللَّهُ إِلاَّ بِالْحَقِّ )
ما بعلموها لمغسولي الدماغ ... حاجة تحير يا ايمن ...
عموما ... صاحبنا اطلق الاتهامات جزافاً ... و زاغ ...
تاني اديهو كم شهر و بجي بسم الله خرجنا و بسم الله ولجنا ...
| |
|
|
|
|
|
|
Re: و الله سمعة المسلمين بقت عجيبة !!! (Re: يحي قباني)
|
Quote: في انتظار ما تؤول إليه الأحكام الصادرة في حقك من جلالدونا بعد تكفيره لك. |
شنو يا شيخ قصى حكاية الكفر و احكام و تؤول اليه دى كل الموضوع تلخيص للبوست و الحتة الماشى عليها ليس الّا و لست من رجال الدين عشان اكفّر و اصدر احكام و عشان تمسك فيها و تبنى عليها يا شيخ قصى القراية بتقول انك تخطيت حدود اللياقة بى اتهامك ليهو انو مرتاد نوادى ليلية و بارات و انو عليهو ان يدخل الجامع زى التكنّو ما دخلو قبل كده وده كلام ما عندك ليهو دليل و الواجب انك تعتذر عن الكلام ده او تثبتو كما طلب الاخ قبّانى و ... بس اللولوة فى شنو
| |
|
|
|
|
|
|
Re: و الله سمعة المسلمين بقت عجيبة !!! (Re: جلالدونا)
|
سلامات يا جلالدونا ,,Quote: اتهامك ليهو انو مرتاد نوادى ليلية و بارات و انو عليهو ان يدخل الجامع زى التكنّو ما دخلو قبل كده |
يا أخوانا في تهمة أو جريمة جديدة إسمها إرتياد نواديى وملاهي ليلية أو نهارية وبارات وما هي عقوبتها وهل تخرج الفرد المسلم من الملة وتوجب إستتابته!!!!!
وعند توجيه كلام من هذا النوع إلى شخص ما كيف يجب أن نتعامل مع هذا الكلام؟؟ في أى خانة يمكن وضعه وهل من حق أحد أن يسأل شخص ما فيما يخص الأماكن التى يذهب إليها وهل يمكن أن نطلق حكم ما على شخص لأنه يذهب لمكان ما؟؟؟
واين هي حدود حرمة (شخصية) أمور الفرد التى يجب أن يقف عندها الناس ويمتنعوا عن الخوض فيها أو مناقشتها أو السؤال عنها طالما ذلك الشخص عاقل بالغ راشد!!
اشرحو لينا يا أخوانا,,
| |
|
|
|
|
|
|
|