السمحة قالوا مرحله بعدك الفريق اصبح خلا جاني الخبر جاني البلا والسمحة قالوا مرحله قول يا لسان في الراحله صوغ المعاني وجملا نافر وما عارف العلي حالي العلي حال الخلا يا عيني جافيتي المنام وخدودي دمعك بللا وين بعدك القي عطوف يلم أفكاري بعد البهدله روح يا نسيم روح قابلا تلقاها نايمة وغافله داعب لخصلات شعرها والثم ضفايرا المسدله وارفع كتيفا الهادلا وكلل خدودا وقبلا وقول ليها من بعدك خلاص شفنا الفريق اصبح خلا يا ربي لحظات الوداع امثالي كيف يتحملا الليلة بوصيك بالحبيب عندك امانة تحملا وتديم علي الخير والهنا وكل يوم تضاعفلوا الحلا قلبي الحنين من قام صغير طول عمرو لا جفا لا سلا
لك الف رحمة استاذنا مصطفي
04-17-2016, 01:55 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
انا رقم تلفون الواتساب هو 00971508612431 ما بطلع بي من البيت يعني لما ما ارد تاكدأني خارج البيت هههههههههههه وتلفوني العادي المحمول 00971501546277 دا فقط للاتصال والمواصلة هاتفياً الأول واتساب بس
04-18-2016, 07:57 AM
عفاف أبو حريرة عفاف أبو حريرة
تاريخ التسجيل: 12-28-2006
مجموع المشاركات: 1818
أغنية وين يا سمير ما جيتا حجبوكَ ولا نسيتا من الأغاني الخالد وقد ذكر محمود ابوالعزائم أنها من الأغاني مجهولة الشاعر ولميحالفه الصواب في هذا هذه الأغنية شاعرتها وكما ذكرتسابقاً من مدينة شندي الشاعرة ( الملكـــة بت حاج أحمد ) ولها من الأشعار الكثير في زوجها عليه رحمة الله عليهما من أشعارها في زوجها
الفارقت سيد بيتها خداري ما بخلي وغيرها من الأغاني المحلية
وهي شاعرة في زمان كان في صوت المرأة شعراً عيب وبالذات في قصائد غزل حملت الشاعرة الملكة هذا القصائد للفنان عثمان الشفيع على شر أن يحفظ سرها ولا يذكر اسمها ونسبت القصائد بعضها للشاعر القرشي بعد أن أجرى عليها الطفيف من التعديل في المفردة مثال هي تقول وين يا بشير ما جيتا وبشير هو بشيربادي عبدالرحمن كان ضابط كبير في الجيش قبل الأستقلال ومات في فلسطين عندما حارب الجيش السوداني جنب لجنب مع المصرين في العمق وكان ايامها بشير بادي برتبة ضابط أوزباشي ( نقيب ) وكان معه الرئيس جمال عبد الناصر و أنور السادات برتبة ملازم أول وقدذكره الرئيس الراحل جمال عبد الناصر في زيارته للسودان في عام 1970 وأنهم كانوا يلقبونه بالفهد الأسود لجسارته وشجاعته وهذا الشئ موثق وموجود في قصاصة جريدة قديمة نقلاً من خطاب الرئيس جمال عبد الناصر الذي تحدث عنه طويلاً يوصف شجاعة هذا الرجل بشير بادي من أبناء شندي فوق مربع ثمانية تزوج بمرأتين زوجته الأولى هي المحبوبة له كانت الشاعرة الملكة بت حاج أحمد وأنبتله بنت واحدة وزوج من بنت عمه في ذاك الزمن الذي يقول البت لي ود عمها
04-18-2016, 02:40 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: اهلين ياخالد يعني عندك كترت كلام وكم هايل من المعلومات ماشاء الله تبارك الرحمن انت موسوعه عديل هههههههه باكر يجيك وجع راس تقول بت ابحريره سحرتني
عينك باردة يا بت ابوحريرة ونسمة البطانة والبسمي الله ما بسحر وأنت أسبقت الحديث بقولك تبارك الله ولا عين بعد ذكر أسم الله
المعلومة تملكتها من الوالدة عليها رحمة الله وحصل غلاط بيني وبين أحد الأخوة وذكرت له كل ما كنت أعلم عن موضوع هذه الأغنية لكنه لم يقتنع وعندما رجعت في أحد عطلاتي تأكدت من المعلومة بل زدت عليها أولاً بشير الذي نظمت فيه هذه القصيدة هو ابن أخ والدي ...... بشير بادي عبدالرحمن محمد إبراهيم وأنا ابوي / علي محجوب محمد ابراهيم وابن عم أمي كان ضابط في الجيش وكان وسيم تزوج الملكة وهي لم تكن من أهلنا في زمان كان زواج الولد لبنت عمه وكل أهله كانوا معارضين في هذا الزاوج ليس لان الملكة ما تستاهلوا ( بل كانت تستاهلوا لانها كانت من ملكات الجمال في شندي ) ولحين ا، توافها الله كانت جميلة ونحن شفناها ونحن صغار وبعدها حصلت الجفوة بين المحبوبين عندما رأى الأهل انه لا فائدة نقلت الوشيات وقيل ما قيل حتى يبعدوا قلبه منها ويتزوج بنت عمه وقد نجحوا وتأذت الملكة من ذلك وسوف اذكر لك قصة ودوافع قولها هذه الأغنية
04-18-2016, 03:11 PM
عفاف أبو حريرة عفاف أبو حريرة
تاريخ التسجيل: 12-28-2006
مجموع المشاركات: 1818
عندما أصرَّ بشير بادي على الزواج من الملكة تزوجها وعاشت معه لكن الأهل كانوا يريدون له بنت عمه وعملوا لذلك وسعوا رغم أن الملكة كانت جميلة جمال مبالغة فيه وطيبة أكثر من جمالها المهم زرعت فتن حتى زعلوا منها الحبيب بكلام هي برئية منه وبدت الجفوة بينهما والملكة كانت تعلم أن الحبيب وصله كلام مغلوط أرسلت له مراسلها ليكون بينهم لقاء بعيدا عن أعين الناس زماناً الساعة ستة مساء ومكان معروف و أوصل المرسال الوصية ولكن بشير لم يأتي وكان مولد القصيدة وين يا بشير ما جيتا حجبوك ولا نسيتا لاحظي أنها تخلق له العذر ... ولا نسيتا رغم أن بيت أهلها وأهله قربين من بعض لكن عز اللقاء حتى تزوج بنت عمه رضى على أهله ولكن عرف حقيقة الكلام وعاوده الحنين لمن أحبه قلبه فعاد لها مرة أخرى وردها في مسماها فكتبت خاري ما بخلي الليلة وين يا الأخدر لونوزرعي
وثم مرت الأيام فتم أستدعاء بشير بادي ليكون ضمن الجند المبعوثين لمصر ومنها لفلسطين للحرب فلبى النداء فكتبت يوم وداعه في محطة شندي ( السكة الحديد ) الفارقت سيد بيتا الليلة وين يا روحي
والتي قلبت كلماتا في المقطع الأول فقط الفارقت ما لقيتا الليلة وين يا روحي
ذكر جمال عبد الناصر إستبسال هذا الفهد الخضر عندما قاتل معه جنب إلى جنب في عمق فلسطين وقد قاد عمليتين الأولى كانت هجموم في العمق والثانية كانت لفك أسرى وقعوا في يدي الأسرائيلين ومات فيها بشير باديبعدأن حررالأسرى المصرين ويقول جمال أنه شارك في عملية فك الأسرى الثانية تحت قيادة بشير بادي وحضر استشهاده رحمة الله لهم أجمعين ويبقى الذكرى مخلدة في كلمات زوجه الوفية الملكة بت حاج أحمد وبالناسبة هي من أسرة الفنان الكبير الطيب عبد الله ( خالة أمه أفتكر )
الطيب عبد الله أيضاً من الذين تغنوا بقيدة وين يا بشير ما جيتا لكن لم أجد لها تسجيل فيديو
04-18-2016, 07:48 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: اهلين ياخالد يعني عندك كترت كلام وكم هايل من المعلومات ماشاء الله تبارك الرحمن انت موسوعه عديل هههههههه باكر يجيك وجع راس تقول بت ابحريره سحرتني
آى يابت ابحريرة ,, المنسى التقول السر قدور جده. ودالمنسى ده سماحتو الزول يلِم فيهو فوق حَجْرَة التيل وفى راكوبة قصب وجنبها بابور ليستر ينتَح والشاى مدَوِّر وهو يحكى والقمَر مضَوِّى كيفك وكيف العول يابت ابحريرة ,,
04-19-2016, 07:04 AM
عفاف أبو حريرة عفاف أبو حريرة
تاريخ التسجيل: 12-28-2006
مجموع المشاركات: 1818
Quote: آى يابت ابحريرة ,, المنسى التقول السر قدور جده. ودالمنسى ده سماحتو الزول يلِم فيهو فوق حَجْرَة التيل وفى راكوبة قصب وجنبها بابور ليستر ينتَح والشاى مدَوِّر وهو يحكى والقمَر مضَوِّى كيفك وكيف العول يابت ابحريرة ,,
مرحبتين حباب الخال والله ياعبدالعزيز ماشاء الله تبارك الرحمان خالد ده ملا راسي زول خلا وعربي قح وزول شيخ عرب ودي مابتخفي علي عين العامه ماعاوزه ليها حصاف بالرغم من انه حياته جلها كانت وما زالت في الغرب والله واحد غيره يلولو ليك الكلام لما ماتطلع منه لابحق ولا باطل وكتير يكون اللولوه دي كلها هو زاته ما فاهمه منها حاجه وراس ماله الوحيد انه عايش في الغرب وبعدين الزول ده طلع صغير في السن كان ماتقع علي كضبه يانديد بت عسيب يا اصغر منها هههه تاني ملم ومترع بي اخبار الشعر والفنانين وحكاويهم وعولمهم الجميله بعدين زول ضو ستار عروض وقضاي قروض بشوف فيه شبه اخواني زول حلو معشر وانت كمان ياخال ما بتتخير منه
04-19-2016, 07:12 AM
عفاف أبو حريرة عفاف أبو حريرة
تاريخ التسجيل: 12-28-2006
مجموع المشاركات: 1818
الموت ده حق بكت الرجال بلدنا.....جال يا شيخي ود ختم الكمال منذر انا....وجدوالامين براقو...شال ياسيدي سيد العارفين كل الجنايز... تندفن ؟ امرا.... عجيب! مولانا .......صلي علي الحبيب دايرنهم ينداوا بي ضرب الدبيب امرق! امرق! امرق واطلب الفضلة من أثر الرسول واكشح عليهم من ثرى الحسوات وقول شاهت وجوه بئس الوجوه السودت وجه الوطن وياانت ياودالحسن انت الحسن طبعك حسن ياالفت يعرب والرطن والما رطن ماشفت شي الناس ترصرص في الصفوف ماشفت شي الناس تنقر في الدفوف ما شفت شي واقفين علي طرف النهار المحتشي وجات البشاير تنتفض مقيودة بي بركة قوافيك تنتشي ملت الشوارع بالهتاف ابت الشوارع تتمشي رقصت طرب بلا وانجلا ما قال بجي روح مشي ياخي الخريف محق خلا بيوضة والزمن الصعيب فات بي وشي الهم رحل ورفعنا رايات النصر مشدودة بي حبل الصبر مسنودة بي شعب المحل يافرحة ما سمت ولا لمت ولا تمت ولا عاش الامل خاذوق نزل ينقذنا قال ينقزنا قول وطعنا في القلب الهمل سال دمو جرحو الما اندمل يا شعب لا ياخدك وجل يا الماك جبان ما عاش من بيك استهان عرطملك الحجر الشقي وخسر الرهان زح يا حجر ما ليك مكان ارحل.. كما القبلك رحل اقنع .....حار بيك الدليل انجع......عارفين البديل الحق ...والدرب والعديل اسمع....وسمعك مو تقيل الموت ...يحوم اطلع ...وجنبنا الدموم غادر...بتكفينا الهموم الغم واحزان السنيــن ارحل متل ما سوى زين ارحل وان لم تمتثل جاياك رياح الصابرين جاياك رياح الصامدين جاياك رياح الصامتين تكفي القدور وتقلع خيام حكم الفجور وتطلق عقال جملو وتثور تفرنب الدجل الكجور وترفرف فوقنا روح حميد تدور تندهنا تملا العتمة نور نادوسك المقطوع يلم خاتي النضم قولة بغم يظهر كما الفتح المبين هبت رياح الصابرين هبت رياح الصامدين هبت رياح الصامتين ونفكو دين دين الوطن حاملنوا دين لازم ننزلو من ضهر هم السنين وينحل قيدك يا بلد فجرك يبين
عبدالمنعم العوض -الرياض -21 مارس 2012م
04-19-2016, 07:36 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10860
الأخ محجوب علي ما شاء الله اتاري البوست مليااان كده و أنا ماعارف؟ انشغلت الأيام الفاتت و بجي ماري جنب البوست لكن ما لفت نظري العنوان و بفوت طوالي. الليلة قلت أخش أشوف.اتفاجأت بإنه البوست موسوعة شاملة للأغاني الجميلة بذكرياتها و شعارءها. شكرا ليك لقد أمتعتني و علمتنا. آسف للتأخير و التقدير الجا متأخر. مزيد من التوثيق و التوفيق.
04-19-2016, 01:32 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: آى يابت ابحريرة ,, المنسى التقول السر قدور جده. ودالمنسى ده سماحتو الزول يلِم فيهو فوق حَجْرَة التيل وفى راكوبة قصب وجنبها بابور ليستر ينتَح والشاى مدَوِّر وهو يحكى والقمَر مضَوِّى كيفك وكيف العول يابت ابحريرة ,,
والله يا الفاضلابي يا أخوي هذا الشعور ملازم جنبي كلكم لي حدكم ولاد وبنات مشتهي لي قعدة معاكم طويييييلة ننفخ فيها كل آهاتنا مع المزمار نسمر نتحدث وعازكم كلكم السنة دي لو الله حينا في شندي تجوني البنزل إجازة في ديسمبر غايتو بت عمسيب أظنها تمش السودان لكن ات والمحرب وحرمة نسمة البطانة وبنات أمريكا الزينات و أولاد شندي حسين والعريفي وكل من زار هذا البوست وأخونا الجديد ود الحسين تعالوا شوفو جناين شندي ناس شندي وديل أحلى شى في شندي ( ناسها وجناينها ) إت مالك قابع في بلاد اليانكي دي أبيت الطلة خايف تمرق ما يدخلوك لكن ما تجيب لي معاك العرريب المسينيح ود شيقوق وقبل ايام في الشارقة لقيت محل مكتوب علي ساعات ود شقوق قربت انزل اخت لي ياء هههههههههههههههههه
04-19-2016, 01:38 PM
اسامه العريفي اسامه العريفي
تاريخ التسجيل: 02-28-2014
مجموع المشاركات: 754
Quote: مرحبتين حباب الخال والله ياعبدالعزيز ماشاء الله تبارك الرحمان خالد ده ملا راسي زول خلا وعربي قح وزول شيخ عرب ودي مابتخفي علي عين العامه ماعاوزه ليها حصاف بالرغم من انه حياته جلها كانت وما زالت في الغرب والله واحد غيره يلولو ليك الكلام لما ماتطلع منه لابحق ولا باطل وكتير يكون اللولوه دي كلها هو زاته ما فاهمه منها حاجه وراس ماله الوحيد انه عايش في الغرب وبعدين الزول ده طلع صغير في السن كان ماتقع علي كضبه يانديد بت عسيب يا اصغر منها هههه تاني ملم ومترع بي اخبار الشعر والفنانين وحكاويهم وعولمهم الجميله بعدين زول ضو ستار عروض وقضاي قروض بشوف فيه شبه اخواني زول حلو معشر وانت كمان ياخال ما بتتخير منه
بت أبو حريرة ونسمة البطانة والله يعلم أكن لكم كل الود والتقدير اسرة طيبة إنت والفحل ضو القبائل ود المحرب وكل مناي أدعو الله أن ألقاكم عياناً لكن ما إتلومتي لوم اليابا فضيل (أنا قدر بت عمسيب ههههههههههه ) وتسلمي كتير يا العافية والعافية تغطيك وتغطي وليداتك مودة واحترام
04-19-2016, 01:45 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: الأخ محجوب علي ما شاء الله اتاري البوست مليااان كده و أنا ماعارف؟ انشغلت الأيام الفاتت و بجي ماري جنب البوست لكن ما لفت نظري العنوان و بفوت طوالي. الليلة قلت أخش أشوف.اتفاجأت بإنه البوست موسوعة شاملة للأغاني الجميلة بذكرياتها و شعارءها. شكرا ليك لقد أمتعتني و علمتنا. آسف للتأخير و التقدير الجا متأخر. مزيد من التوثيق و التوفيق.
ود الحسين سلام الله ما ضراك يا طيب أتفضل ابقى داخل يا الحبيب والقهوة جاية اضبح كبش يا جنى ما دامالأسف ما فات الكثير والجاي اكبر خليك قريب يا جميل الروح
04-19-2016, 01:47 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
قصرنا معاك ياخالد عصام وده اصغر واحد عندي كل ما يجي بلقاني فاتحه البوست قبيل قال لي هو البوست ده لسه ماخلص قلت ليه البوست ده شكله ح يبقي برج خالد علي وزن خليفه هههه
04-19-2016, 03:18 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: قصرنا معاك ياخالد عصام وده اصغر واحد عندي كل ما يجي بلقاني فاتحه البوست قبيل قال لي هو البوست ده لسه ماخلص قلت ليه البوست ده شكله ح يبقي برج خالد علي وزن خليفه هههه
ههههههههههههههههه عصام ربنا يحفظه وقولي حا نظل نتجادع الكلام لما ربنا يكتب الفي المصير نتقابل والله يا بت ابوحريرة الزول الأسمو الفاضلابي دا نفسي اقابلو ويكون همنا فاضي ونقعد بس نحكي كان زمان مرات بدخل علي في الأسكايب نتونس بالكام وتعرفت على كل اسرته لكن مشاغل الدنيا أم قدود شغلتو مننا
لكن كبشك كبش بطانة يا نسمةالبطانة إنتو بتنحروا البتسبل هيييييييع أهل الكرم والواجب ديل أهلك الكريمة بت الكرام
04-19-2016, 04:09 PM
عفاف أبو حريرة عفاف أبو حريرة
تاريخ التسجيل: 12-28-2006
مجموع المشاركات: 1818
كان بشير بادي بادي رجل اسمر طويل القامة كامل الوسامة كان منصبه رتبة يوزباشي ( النقيب ) في ذاك الزمان أكبر من رتبة فريق حين كان اكبر رتبة يمكن أن يصل لها الجندي السوداني صاغ ( رائد )
كانت الملكـــة ستستات الجمال في شندي لذا قالت خداري وما بخلي أنا وين يا الأخدر لونو زرعي
انتَّ تعلم قلبي مفعم إنتَّ ترحم ليكَ مغرم التجافي ديمة أظلّم والوصال يا روحي أكرم
قولي مالي يا خي مالي هايمة فيك وما ببالي الله يعلم شلت بالي ورفضت وصلي يا أخي مالي
غير الشاعر القليل في المقطع الثاني حتى يوحي أنها نظمت في بنت لقد أوفى الفنان عثمان الشفيع ولم يذكر أسم الشاعرة ( كما طلبت هي ) ووضحنا السبب كل أشعار الملكة بت حاج أحمد محفوظة عند أبناء بنتها الوحيدة من بشير بادي ومن ضمن قصائدها قصيدة لبنتها في صغرها غنت لها أغنية بعدها تناولتها ألن البنات في كل بقاع السودان وزيد فيها من المقاطع الشعرية وأصبحت أغنية سباتة ( او أغاني البنات ) تقول فيها
البتولة حلاتا يا زولة البتولة ما خملة ما بتلعب في الرملة وست البنات جملة
ولها الكثير من أشعار الرثاء والحماسة وهي شاعرة لا يشق لها غبار لكن عاشت واشعرت وماتت دون أن يعرفها زول
04-20-2016, 06:20 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: والله يا خالد شغلة بالي عليك لكن في حضرت القامه ابوبكر اكيد التمسنا ليك العزر ومن لقي احبابه نسي اخوانه هههههه يارب دائما تكون بخير ونسمع عنك كل طيب
افو أنسى منو أنتم كل زادي في الحياة بس الواجب ابوبكر كرم الكرم عندم نمشي السودان ونلتقيه اليوم مشى ابوظبي برجع بكرة كيف الأسرة صغار وكبار علهم بخير وعافية وتسلمي يا بت ابوحريرة
04-24-2016, 07:45 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
والله يا عفاف الزول دا ألذ زول في الدنيا أنا طبعاً معه عُشرة سنين في المجر وله من القصص والحكاوي ايوا هو قديمفي المجر قبلنا نحن لما جينا لقينا فيسل عمل الماجستير ومتزوج وعنده فاطمة عمر اربعة أشهر وما شاء الله فاطمة الآن افتكر خلصت كلية التجارة فاطمة تشبه البصاولة والعسولة هي سلمى تدرس صيدلة الأن في سنينها الأخيرة كانت تحبني حب شديد وحتى في صلاة العيد تصر أن تجلس أمامي ههههههههه ( بي بنطلونها الأسود والبلوزة البيضاء ) فيسل كان ساكن في قرية كبير ( شبه مدينة ) اسمها بلقار تبعد عن مديتنا حوالي 80 كيلومتر أول مرة أمشي لي هو كان في مدينتنا وصف لي كيف اركب البص ومن وين وايه اقول لي السائق ( نزلني في بلقار ) حا اقول ليك الكلام زي ما قالوا لي قال بعدما السواق يقول ليك دي بلقار .و زتنزل تمش في اتجاه البص تمش وتمش وتمش لحدي ما تلقى الراجل المشتح يدي كدا ( يقصد تمثال المسيح مصلوب ) وبعد تفوت التمثال اسأل اي زول قول لي علي بيتو وين بجيبك لي بنفس والوصف وصلت ههههههههههه وأحلى شى جنب التمثال لقيت راجل عجوز طوالي سألني ماشي لي علي ؟ قلت لي ايوا قال لي تعال ووصلني لي بيت فيسل وبعدما سلم علي قال لي الراجل أتفضل يا عم تنقو مسمي كل عجايز القرية باسماء سودانية ومن يومها كنت أقضي معهم كل اسبوعين او ثلاثة عطلة الأسبوع ايامها كنا نشتري الخروف بما يعادل 35 دولار وبيته حكومي كبير جداً ( طبعاً هو كان شغال في وزارة الزراعية وزوجته ايضاً ) هههههههههههههههه لما ينزل الجليد الحوش يكون مليان ثلج يطلع ينضف قدام حيطة البيت في الخارج قلت لي أنت بدل ما تنضف جوة تنضف الشارع قال لي هنا في قانون لو واحد وقع جنب بيتك من الجليد بغرموك غرامة ( علاجه ) هههههههه وحلتنا دي كلها سكارى
04-24-2016, 08:10 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: ابوبكر اتصل بي الآن وقلت لي بت ابوحريرة منزلة ليك بوكي ورد بغريكم جميعاً السلام بكري لسة ما حنَّ علي ورسل لي الباسورد
الله يسلمك ويسلمه يا خالد وان نذكر في حضرة استاذنا ابوبكر تلكم السعاده بعينها وبكري اتلوم لوم شديد ههههههههه فضيل دي مابقدر عليها زي كلامات هشام هباني هههه
04-25-2016, 09:05 AM
عفاف أبو حريرة عفاف أبو حريرة
تاريخ التسجيل: 12-28-2006
مجموع المشاركات: 1818
أبلغ عزيزاً فى ثنايا القلــــــب منزله أنى وإن كنـــــت لا ألقاه ألقــــــــاه وإن طرفى موصــــــول برؤيتــــــــه وإن تباعــــــد عن سكناى سكنــاه يا ليته يعلــــــم أنى لست أذكـــره وكيـــــــف اذكره إذ لست أنســــاه يا مـــــــن توهم أنى لست أذكــره والله يعلـــــــم أنى لست أنســــاه إن غـــــاب عنى فالروح مسكنــــه من يسكن الروح كيف القلب ينساه
خالد في بوست بعنوان احتفاء بالمحبه ادخل فيه القرعه تتباهي بشعر اخوها هههه
04-25-2016, 11:13 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
Quote: الله يسلمك ويسلمه يا خالد وان نذكر في حضرة استاذنا ابوبكر تلكم السعاده بعينها وبكري اتلوم لوم شديد ههههههههه فضيل دي مابقدر عليها زي كلامات هشام هباني هههه
نسمة البطانة كيف أصبحتي هو بيني وبينك الشايقي مابشكر ليك الراكوبة في المطر يوم جاء دبي ركبت من عجمان مشيت لي صاحبي الصادق ( صديق تجمعنا به صداقة ) وبعدها مشينا النادي السوداني دبي نلتقي ابوبكر وبعدها كانت هناك بروفا موسيقية ظللنا هناك للساعة الواحد وبعد البروفا وصلنا الصادق لعجمان ( عشيتو بي سندوتشات فول جبتها معيمن النادي ) الصباح سويت لي فطور خواجات ( بيض مسلوق سلاطة حبن ابيض سعودي مارتديلا ولحم ديك رومي مدخن ) وهو بفطر اتصلت زوجته ( زوجته طبعاً جعلية ) قال ليها أنا مع قريبك كتلني بي الجوع ههههههههههه قالت جعلي كان بي براطيش بكرمك يا كضاب يا عفاف زعلني زعل قلت علي بي الطلاق إلا أنزل أجيب ليك اول زول أقابلو اضبحو ليك ضحك ضحك بيني وبينك الشايقي لئيم وأخو وأخوان ههههههههههههههه بتتلم دي ؟؟؟ كيف عقابك
04-25-2016, 01:24 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: أبلغ عزيزاً فى ثنايا القلــــــب منزله أنى وإن كنـــــت لا ألقاه ألقــــــــاه وإن طرفى موصــــــول برؤيتــــــــه وإن تباعــــــد عن سكناى سكنــاه يا ليته يعلــــــم أنى لست أذكـــره وكيـــــــف اذكره إذ لست أنســــاه يا مـــــــن توهم أنى لست أذكــره والله يعلـــــــم أنى لست أنســــاه إن غـــــاب عنى فالروح مسكنــــه من يسكن الروح كيف القلب ينساه
خالد في بوست بعنوان احتفاء بالمحبه ادخل فيه القرعه تتباهي بشعر اخوها هههه
إن شاء الله العافية
04-25-2016, 01:30 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
دي دخلتي من الحواشة فضلة خيركم كل زهور وورود مشيت وقطفت الورود والزهور وجيت صادا كرعي انتحن من المزازة في الحواشة هههههههه .
اها دي من القطفتو تستاهلوا ويشبهكم وتشبهو .
بت عمسيب صالحتيني جبت سيرة اسمي في خشمك أتخيلت شكلك وعرقك يخور وسفنجتك مقطوعة رابطاها بي دلق شلتوت قديم التوب واقع اليد ما قادرة ترفيعها ترفعي مقنعك التوب وصارة عينك وحد ما تشوفي ضل تلفي علي ههههههههههه وغشيتي البسيل الفي طرف بيوت ناس ود علي بليتي حلقك وشغسلتي كرعيك من أثر التراب مع دهنة الكركار الذي كوّن طبقة سميكة وكشحتي باقي الكوز ( ههههههههههه ) في وشك جلقتي جلق
04-25-2016, 01:33 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: وبعد البروفا وصلنا الصادق لعجمان ( عشيتو بي سندوتشات فول جبتها معيمن النادي ) الصباح سويت لي فطور خواجات ( بيض مسلوق سلاطة حبن ابيض سعودي مارتديلا ولحم ديك رومي مدخن ) وهو بفطر اتصلت زوجته ( زوجته طبعاً جعلية ) قال ليها أنا مع قريبك كتلني بي الجوع ههههههههههه قالت جعلي كان بي براطيش بكرمك يا كضاب يا عفاف زعلني زعل قلت علي بي الطلاق إلا أنزل أجيب ليك اول زول أقابلو اضبحو ليك ضحك ضحك
هههههههه لكن والله يا خالد كتلته بالجوع عديل ليه حق يشتكيك لكن بت عمك ااتكاتفت معاك ههه العشاء فول والفطور مارتديلا اتلومتا لوم ههه والباقي تمه براك=
04-25-2016, 02:16 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: هههههههه لكن والله يا خالد كتلته بالجوع عديل ليه حق يشتكيك لكن بت عمك ااتكاتفت معاك ههه العشاء فول والفطور مارتديلا اتلومتا لوم ههه والباقي تمه براك=
تلومتا لوم ههه والباقي تمه براك =>>>>> لوم اليابا فضيل.. .. ازيك يا عفاف.. وان شاء الله تكوني عارفة اليابا فضيل... . والله يديك الصحة والعافية..
ود المنسي: بسمات لافة في شارع بيكاديللي.. وعرفت ليها شارع جديد بعد ادجوير رود... وقالت الشارع بشبه شوارع الدول العربية وحتى اليافطات بالعربي.. وانها ما بتحس بغربة هناك...وهي اظنها ما عندها وقت تدخل النت... الموسيقار مشغولة بدلالها....لكن مرات كتيرة بتقرأ المنبر العام من اول عنوان لغاية آخر عنوان.. وتناقشنا بالتفصيل الدقيق الممل..والله يديك الصحة والعافية
والتحيات النواضر بنكهة زهور وورود حواشة الغالية منى بت عمسيب موصولة اليكم جميعا من بسمات من بلاد الضباب وامتثال من عاصمة العواصم وابتهال من ام المدائن اتبرا وسلافة من كوستي ود ابو سن وهن يتابعن بشغف هذا البوست البديع الرائع كروعتكم .. ..نتابع معكم الكلام الشجي المموسق والشعر بشقيه العامي والفصيح واللحن والنغم الذي يتيه بنا في عالم الخيال.... والله يديكم الصحة والعافية
04-26-2016, 08:26 AM
Khalid Saeed Khalid Saeed
تاريخ التسجيل: 12-12-2005
مجموع المشاركات: 2605
كر علي ود سعيد جانا من الطابق الرابع زي ما قالت الحبيبة بت ابو حريرة اعفي لنا يا الارباب .. اها يا الحبيبة الكرامة تكون كرامتين كرامة شوفت ود الارباب وود خليل . وبركة الجمعوا وكترونا .. يمين الله اربعة من زريبة ود البوش وحلف النشمي الكريم ود الكرام من حقهم .. احمد الله الوفر لي باقي قروش سماد الحواشة . حضروا الصاج يا البنوت اها البضبح منو فيكم يا الكلوس . خرفانة جاااااااهزة نحمد الله .
يا ود الارباب تعال اشربلك قهوة يا الحبيب وقبل علي الخرفان . هدو كبيتها ليك .
04-26-2016, 12:34 PM
Khalid Saeed Khalid Saeed
تاريخ التسجيل: 12-12-2005
مجموع المشاركات: 2605
حباب الملكة حباب الجبنة الهبهانة طيبة وجنزبيله موده
Quote: يمين الله اربعة من زريبة ود البوش وحلف النشمي الكريم ود الكرام من حقهم .. احمد الله الوفر لي باقي قروش سماد الحواشة . حضروا الصاج يا البنوت اها البضبح منو فيكم يا الكلوس . خرفانة جاااااااهزة نحمد الله .
ابشرك .. اولاد جزازير هههههه الا بندور سيد النفاج المك خالد يسمي ويلحقنا المرارة والشية هههههههههه الأرباب أبو أحمد أخو البنوت أمين ماخد جودو من جده يمين سكينو تنحر في السمين إنشاء الله تسلم يالخزين
هاك يالملكة جبار الكسور ..
04-26-2016, 01:09 PM
عفاف أبو حريرة عفاف أبو حريرة
تاريخ التسجيل: 12-28-2006
مجموع المشاركات: 1818
Quote: ود المنسي: بسمات لافة في شارع بيكاديللي.. وعرفت ليها شارع جديد بعد ادجوير رود... وقالت الشارع بشبه شوارع الدول العربية وحتى اليافطات بالعربي.. وانها ما بتحس بغربة هناك... وهي اظنها ما عندها وقت تدخل النت... الموسيقار مشغولة بدلالها.... لكن مرات كتيرة بتقرأ المنبر العام من اول عنوان لغاية آخر عنوان.. وتناقشنا بالتفصيل الدقيق الممل..والله يديك الصحة والعافية
الاميرة أميرة بت المحس وسمح العجو الجاي من المُحوس وكان عوّل ما بينقرو السوس والفلس شن داير يكوس بس يعاين ويشبع مغوس
تحياتنا لها في لفها الأتبراوية والبشرب من موية ستيت زول محنة
Quote: والتحيات النواضر بنكهة زهور وورود حواشة الغالية منى بت عمسيب موصولة اليكم جميعا من بسمات من بلاد الضباب وامتثال من عاصمة العواصم وابتهال من ام المدائن اتبرا وسلافة من كوستي ود ابو سن وهن يتابعن بشغف هذا البوست البديع الرائع كروعتكم .. ..نتابع معكم الكلام الشجي المموسق والشعر بشقيه العامي والفصيح واللحن والنغم الذي يتيه بنا في عالم الخيال.... والله يديكم الصحة والعافية
لهن التحية العطر الأخوات ساكنات بلاد اليانكي يا أميرة سمعتي قصيد مسدار أبوالسرة لليانكي للشاعر القدال أهديكم جزء منها ملحن من عقد الجلاد لكن لازم تسمعي هذه القصيدة كاملة الشاعر محمد طه القدال في اليوتيوب بعد جلسة غداء بي ام رقيقة وبطاطس وبعدما تسمعنها أقلبن الصحن ( قدح أم رقيقة ) طبلة وتعزف الموسيقار امتثال أحلى الألحان تشجيكم في غربتكم تحياتي لكل الشلة بسمات ... امتثال .. ابتهال ... وسلافة أماتي القبيل بحنهن رجني كرفة وقلدة كيف شوق اللبن رجني حزناّ جاني في ميع الصبى يلجني وأطلع مني يا جلدي المنمل جني وأطلع مني يا حزناً بقى مكجنّي وخَلني النبدا مسداري وأودي قفاي لي داراً بقت مي داري جيتا وجلدي بينو بين عضاي الشحمة جلدي الليلة بينو وبين عضاي المافي إلا تراني شوال الكِبس نفيخ جراريب الورم هَدامي في جلدي الورم قولن لي ولا صحي الورم عضاني
04-26-2016, 01:23 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
جايكم يامك من الصفحة الرابعة ، من عند الفنان الجميل النصري هدية الملكة بت عمسيب ،
هلا حباب ود سعيد الأرباب
قال سفرتك مِي في النية ماها الكانت محرية خَابراك عِريف زم العربان ولا قيام الوردية
مالك .....؟ تريان ومندي كاسي الكِتان والهند وقولك كيف ترجى البيشان ولا الغربة البي الزندي
وين طولت الغيبة ظنيتك عرفت ليك نفاجاً كُتر وقاطعتنا يا أرباب قالوا الأرباب بي الدين بسوي الزين غياب من الطابق الرابع إتلومتا لوم اليابا تمها براك ههههههههههههه
04-26-2016, 01:37 PM
عفاف أبو حريرة عفاف أبو حريرة
تاريخ التسجيل: 12-28-2006
مجموع المشاركات: 1818
Quote: والله يا بت عمسيب انت عسل اها كرامتك دي بنخدمه معاك وجهزنا ليك الشيه والمراره
والله ويعلم الله قتا أرد علي الناس ديل وافقدك إخيتي نسمة البطانة لأاني متعود لما أفتح النت أن أجد مداخلة او مداخلات منك ولوغبتي إما عمرة ولا ضيفوف أم البشان
قال القدال برقاً عِبدلي الوزني يا طاش يا جاب المُمزني فرق يا الضيف فعل الغضبان أم فريفرات الحُزني وشن القعدة يا ابو السرة شن القعدة يا ابو السرة في ضُل العمارة أب كمرتن برا ضُقنا الحنضل اليانكي وبلعنا المُرة كملت كوتت التمباك صقعنا الجِرة وكت إتقفلت شقيش قبل بي المرة نرمي أمرنا لي بلد المعاني الحرة الشم خوخّت بردن ليالي الحرة والبراق برق من منَّى جاب القِرة تقلاها أم خدود الليلة مرقت برا
ولك معانا أطربي نسمة البطانة أزهري محمد علي ود المكنية وحسين شندي
04-26-2016, 01:49 PM
عفاف أبو حريرة عفاف أبو حريرة
تاريخ التسجيل: 12-28-2006
مجموع المشاركات: 1818
Quote: الله عليك ياخالد حسين شندي انا بحب اغانيه شديد
يا نسمة البطانة طبعاً حسين دا فيه حاجات حلوة كتير بحة في صوته لجنة في لسانه حضور جميل في فن الدلوكا إضافة لكل هذا رجل صاحب طرفة ونكتة
قال حسين شندي
ذات مرة كان يجلس والده مع والد المذيع التلفزيوني أحمد سلمان لكن في التلفزيون بقولوا لي أحمد سليمان (طبعا بجيني الفاضلابي ناطي هسي أحسن أوضح ) أحمد سلمان هذا غير ضو البيت كان ايضاً مذيع في تلفزيون السودان أها أحمد سلمان هذا من نفس قرية حسين شندي ( الدويمات ) في جلستهم تلك لاحظ ابو حسين شندي ان ابو أحمد سلمان كان حزين وسأله عن سبب الحزن قال حزين يعني الولد عشان إتعلم وبقى مذيع يتنكر لي اسمي ويقولا في التلفزيون أحمد سليمان أنا أسمي سلمان قال يا زول هسي زعلان في دي أنا ولدي سماني شندي عديل ههههههههههههههههههههههههههههه
04-26-2016, 02:40 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
لا لا لا تكفينا متابعة ليس توثيق إنما جلسة حلوة تاتي الناس فيها من كل فج عميق عبر نفاج نجلس في ضل شدرة وارفة ورامية ضليل ضحكة بتزيد الونسة حلاوة يا عريفي الطلة مهمة بسمات مشغولة في الحوامة في الشارع اللقتو دا ان شاء الله تنقطع سفنجتها عشان ترجع لينا
Quote: قال يا زول هسي زعلان في دي أنا ولدي سماني شندي عديل ههههههههههههههههههههههههههههه
ههههه هو كمان عنده حضور عجيب عنده اغنية ياجميل ياراقي احساسك دي انا ممكن اسمعه عشره مرات ورا بعض تاني اغاني الحماس يالله بتخليك عاوز تقعد في الواطه مراات ممكن تفكر تنجلد ههههه غايتو لو في نسوان بتجلدو نسوان دي في ناس مابترضي فيها لكن انا ما ععندي فيها غضاضه اكيد اول واحدي ح تركز بت عمسيب هههه
04-26-2016, 02:54 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: ههههه هو كمان عنده حضور عجيب عنده اغنية ياجميل ياراقي احساسك دي انا ممكن اسمعه عشره مرات ورا بعض تاني اغاني الحماس يالله بتخليك عاوز تقعد في الواطه مراات ممكن تفكر تنجلد ههههه غايتو لو في نسوان بتجلدو نسوان دي في ناس مابترضي فيها لكن انا ما ععندي فيها غضاضه اكيد اول واحدي ح تركز بت عمسيب هههه
أغنية يا الراقي أحساسك فعلا راقية الأحساس
ههههههههههههههه والله يا نسمة البطانة الدلوكا دي بتخلي الزول معلق بين السما والواطا كان ما عرض وصوقر وأخد لي سوط برد شعرة جلدو ما برتاح وضرب السوط والركزة بفرق الناس عشان زينوبة ما بتحوق
ههههههههههههه بت عمسيب تنجلد هههههههههه الشايقية خوافة ما بتركز للسوط
04-26-2016, 02:55 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
عفاف بت ابو حريرة مالك علينا... بصورة الشيه والمرارة جوعتينا عديل واذكرنا عيد الضحية في السودان.. وكل عيد ضحية كنا بنحضره هنا في البلد المافيها عيد... لكن بعد شفنا الصورة ديغيرنا برنامجنا والعيد الجاي كان الله حيانا في السودان الحبيب وحنعمل نفس الفي الصورة.... وكمان القهوة بتاعة نفيسة بت عمسيب مسخت لينا قهوة ستاربكس.. ومنظر الفنجان براهو يشهي القهوة... يا اخواني متين نشوف الخرطوم... واذكرنا نشيد القروية....متين نشوف الخرطوم...لكن نحن قصدنا متين نشوف قريتنا.. والله يديكم الصحة والعافية
(عدل بواسطة اميرة السيد on 04-26-2016, 05:15 PM) (عدل بواسطة اميرة السيد on 04-27-2016, 03:00 PM)
04-26-2016, 05:15 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
ياخ الغُنية دى الزول ده قلب فيها هوبا عديل. بجيها راجع إن الله هوَّن ,, بس بدور دفرة من ودالعبيد وود سيد احمد الجابها ده زاتو ماهيِّن لأن الزول البجيب كلام زى ده يا إما عبقرى يا ماخد شاكوش من النوع ابوكديس فتعالوا نحلل الغنية دى ,, شكلو الشاعر ده مخاوى.
04-26-2016, 06:39 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الحبيب حرسم تسلم على هذه الأغنية التي تعتبر من الخالدات في الفن السوداني الشاعر سيف عبد القادر عبق رحيقها في سماء العاصمة بصوت ثنائي النغم ( زينب وخديجة ) وفيها سكب الشاعر كل مشاعر جميلة كان يكُنها لمحبوبته وأنه ما زال الحب في قلبه لكن تمنعه عزة النفس من عودة في أغاني كدا يا حرسم ما تبدأ لآمن تنتهي ما بتقدر ترفع راسك أو تنشغل عن مفرداتها وفي أغاني تجد نفسك مرات تسمع النغم لكن الزول دا بقول في شنو ما فاهم الجميل دهب مجمر والزبد يذهب جُفاء ويبقى الأصل دوماً تسلم يا حرسم على هذا الذوق الرائع وعمر جعفر من الفنانين ذوي الأداء الرائع
04-26-2016, 07:16 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
هذا أكثر مقطع يعجبني في هذه الأغنية تعجبني والعجب جائز لكن أنظر كان هنان ما عجب على عجب في كونها هادئة أليفة وقد تتوفر هذه الصفات في كثير من النساء لكن عقب لكي يخصص سبب العب ماك النفور بي عفتك العفة ثوب جمال المرأة وعكسها السفور الذي يحط من قدر المرأة فبي العفة يصان السفور والعفة عفاف والعفاف عفة فصنت السفور والحسن والأصل النجيب
سيد عبد العزيز له من الشعر عيون في فن الحقيبة وهو شاعر قائد الأسطول التي أعتذر بها قبل أن يلقى الأمام عبد الرحمن المهدي عندما أشعر في أحد بنات المهدي قصيدته المشهورة ( بت ملوك النيل ) وأجمل أشعاره لشخصي وأحبها جداً
مسو نوركم وشوفوا من جبينا صباح الصباح إن لاح لا فايدة في المصباح
04-27-2016, 02:16 PM
عفاف أبو حريرة عفاف أبو حريرة
تاريخ التسجيل: 12-28-2006
مجموع المشاركات: 1818
اغنيه يوم رحيلك للفنان ابو عركي البخيت للشاعر هاشم صديق للاغنيه رميتين الرميه الاولى احساس بحسو غير عادي ونحوك انت تحديدا بحبك حب بحبك حب ثقل مويه المطر المن السما بتنزل قدر رمل البحار ال ليها بستقبل عدد سيقان شجر مد البصر مثمر عدد ناسا بتتزواج وتتوالد وتتناسل وتتكاثر اقسم ليك يا عاسره بحبك حب ما حباهو جن لي جن ولا حباهو زول لبشر ما حباهو جن لي جن ولا حباهو زول لبشر .ولا جايين من الارحام من بعدك ومن بعدي حيعرفو كيف دا كان بحصل الرميه الثانيه ما بتشبه القمر البتاوق من سما ولا بتشبه البحر الخدار وجمالها ماحاق فى غنا مشيها زى قدل البشاير بى مهل وحديسها زي همس النسايم للنخل ايدينها صابغن الورد وسلامها زي روق الجداول فى الارض من معزتك من معزتك أنتي لي من معزتك آنت لي ختيتى قلبك فوق أيدي وقتي ليهو عزيز على عليك الله احرسو لي فى صباح وفى عشى وقلتى لي معاك سلامه يوم رحيلك من البلاد دارك مرصع بالسواد غيم حزن كل اليتامى وانشر بين كل العباد وفارقت الناس السلامة
04-27-2016, 02:59 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
هذا تعبيرعجيب يا نسمة البطانة أبوعركي فنان أتى في زمان ما زمانه مثله مثل أخيه رحمة الله عليه مصطفى سيد أحمد فنهم لا يكون في الأداء بل في اختيار الصعب لحناً و أداء ويحتاج لجهد
كيف أخبارك يا العافية
04-27-2016, 03:09 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
أغنية مسو نوركم للشاعر سيد عبد العزيز تعتبر من عيون شعر الحقيبة وهي وهذا حسب رأي من أجمل ما قال سيد عبد العزيز مع أنَّ كل قوله درر
وقد حيك الكثير عن مناسبة هذه القصيدة ( والله أعلم لماذا قالها الشاعر ) لكن لا ضير أن نروي ما سمعنا عنها قيل في رمضان ثبت العيد بكرة متأخر فذهب سيد عبد العزيز لموقف العربات البتمشي مدني ولم يجد ما يوصله في النهاية وجد لوري نصف شحنة ركب ضمن من ركبوا طوال الرحلة كان يسمع صوت فتاة تحادث أمها بالقرب منه و أذن الشاعر جعلته ييقن أنها جميلة أكيد شارف اللوري الوصول مع الفجر وعندما بزغ ضوء الفجر رأى سيد عبد العزيز الوجه الصبوح
فنثر الدرر شعراً
مسو نوركم وشوفو من جبينا صباح الصباح إن لاح لا فايد في المصباح
وكذلك سمعنا ( عن معنى كلمة ... مســــــو ) وهي كلمة غير عربية ولا عامية سودانية قيل انها كلمة فارسية ومعناها اطفؤ
04-27-2016, 03:12 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مني عمسيب
خالد علي محجوب المنسي
اسامه العريفي
عفاف أبو حريرة
عبدالعزيز الفاضلابى
محمد عبد الله الحسين
Khalid Saeed
فيصل محمد خليل
محمد عبد الله حرسم
فيس بوك
تويتر
انستقرام
يوتيوب
بنتيريست