Quote: البشير يصدر قراراً بفتح الحدود مع جنوب السودان
الخرطوم (سونا) - أصدر المشير عمر البشير رئيس الجمهورية قرارا اليوم يقضي بفتح الحدود مع دولة جنوب السودان ، كما وجه سيادته الجهات المختصة باتخاذ كافة التدابير لتنفيذ هذا القرار على أرض الواقع.
نحن الما عايزين المرة دي :)
ازيك يا وهيييييط
01-28-2016, 10:41 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
السيد الامين البشاري ناشر صحيفة الحوش اللاكترونية هسي دا ال الله قدرك عليه ... جيب اسباب موضوعية ومنطقية للضرر الذي سيلحق بالسودان اذا اتوحد ... كل العالم وكل البشر بتميل للوحدة ماعدا الناس العنصريين حتى الرادكاليين بعملوا على الوحدة ودونك دولة الاسلام الداعشية .. يبقى المتشددين يا البشاري اتقدموا عليكم انت وناشر الانتباهة والصيحة ... ------ احترامي
01-28-2016, 11:14 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: كل العالم وكل البشر بتميل للوحدة ماعدا الناس العنصريين حتى الرادكاليين بعملوا على الوحدة ودونك دولة الاسلام الداعشية .. يبقى المتشددين يا البشاري اتقدموا عليكم انت وناشر الانتباهة والصيحة ..
هههههههه@علي دفع الله
يعني قصدك الجنوبيين ما بشر ولا شنو؟
علي بدون لف ودوران من يوم ما عرفنا الجنوب وهو يميل للانفصال انفصلوا بارادتهم ورغبتهم وباغلبية لا يرقى اليها الشك
كونهم فشلوا وخذلوا شعبهم دا ما مشكلتنا يا حبيب
ولسه برجع ليك ...
انا ما عايز وحدة مع الجنوب ... مش على كيفي؟ ولو في استفتاء حأصوت للانفصال وليس الوحدة
كلام غريب والله..
01-29-2016, 11:20 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
ياخ الانفصال أتاح لينا لأول مرة فرصة نعرف إنه في الجنوب في مواهب وفي ناس بتعرف يعني شنوا وطن، خلوهم يستمتعوا بوطنهم والاتحاد الكونفدرالي يحقق المصالح المشتركة للطرفين
01-28-2016, 01:03 PM
اباذر عبد العال
اباذر عبد العال
تاريخ التسجيل: 03-26-2015
مجموع المشاركات: 874
الكونفدرالية من مصلحة البلدين ودا كان طلب الجنوبيين في اول الامر وقوبل بالتعنت الشمالي
شوف كنا وين وبقينا وين
الكونفدرالية خيار جيد ومناسب للطرفين ويقوي البلدين ويحفظ خصوصية كل بلد
مشكلتنا في شمال السودان هو المشروع الوهمي بتاع العروبيين الاسلاميين ناس الصحوة وانتهاءا بمشروع اخوان السوء ديل حرموا السودان "الكبير" من فرص كثيرة كان ممكن تجعل مننا دولة محترمة في افريقيا و الاقليم العربي لكن ضاع السودان وتفتت نتيجة لغبائهم وقصر نظرهم
01-28-2016, 04:02 PM
Deng
Deng
تاريخ التسجيل: 11-28-2002
مجموع المشاركات: 52545
حبيبنا البشاري .. منقول من بوست عرفات حسين .. أستاذنا الجنيد لخص الموضوع بطريقة إحترافية وقراءة عميقة .. أصاب كبد الحقيقة ..
شكراً أستاذنا الجنيد حمد .. على هذه القراءة :
Quote: العلاقة مع الجنوب يجب ان تكون استثنائية لما في ذلك من مصلحة للشعبين والشمال محتاج للجنوب والجنوب محتاج للشمال يعني مافي حل غير التوافق وتطوير العلاقات
.......................
وانشاء الله يكون عاقل ويتم ارجاع الجنوب
................
في الحتة دي بحس انو الناس بتظلم اهل الجنوب من غير ما تدري الجنوب( انفصل _استقل ) وبقى دولة كاملة السيادة معترف بها والسودان اول من اعترف بذلك . البشير او غيره من اهل السودان الحالي لا يملكون جق طرح فكرة الاتحاد من جديد. فكرة الاتحاد من جديد اظنها فكرة حالمة ولن تتحقق لا في القريب ولا في المستقبل البعيد حتى وان تغيرت انظمة الحكم شمالا وجنوبا . ولو مرينا على التاريخ بنلقى (نضال _ تمرد) الحركات المسلحة في الجنوب ضد الحكومات في الخرطوم لم يتوقف لا في شمولية ولا ديمقراطية كلو والجبخانة مدورة يبقى الحال نفس الحال .
علاقات متطورة حرية تنقل واقامة وتملك وعمل . اتحاد اقتصادي وحدات شرطية وعسكرية (مشتركة) لضبط الحدود ده الممكن نحلم بيه لكن اتحاد وعلم واحد ده مستحيل
01-28-2016, 04:30 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
إن جاز القول أيها الكُتاب فإنني أقول:سيستمر الفرعون وعسكره في السلطة والثرورة بشمال السودان عام بعد عام من خلال تقديم تنازلات واحدة تلو الأخرى لجنوب السودان مرة ولإسرائيل حليفته مرة ولأمريكا مرات ومرات في سبيل البقاء!لن يتوقف الفرعون وعسكره عن تقديم التنازلات حتى الرمق الأخير من عهده الظالم.ولنا أن نتصور من يكون (النظام الخالف) الذي يخلفه بخير أو بشر في شمال السودان، وقد تفتت الكتلة الشمالية أحزاباً إلى أحزاب وجماعات إلى جماعات وقبائل إلى قبائل، وضربت (فرق تسد) كل ما كان بين فردين ناهيك عن دولتين؟!أجزم بأن الفرعون إلى زوال كما زالت فراعين من قبله واندثرت ...وأجزم كذلك بأن النظام الخالف هذا لن يكون غير نظام جنوب السودان الذي سوف يطغي بقوة على شمال السودان ... فالتنازلات تلو التنازلات هي سر قوته.
العبار دينق، فى بوستك المرفق لم تجب علي تساؤل ول أبا سماعين ببو ..
Quote: الأخ دينق، هل هناك سوابق أو تاريخ يشهد أن ثمة دولة انقسمت إلى دولتين ثم توحّدت الدولتان مرة أخرى؟ أو أن اقليماً انفصل عن دولة ثم عاد للدولة الأم؟ في اعتقادي الذي يصل إلى اليقين أن طلاق الدولتين بائن بينونة كبرى... وما بنفع تيس مستعار لك تحياتي ببــــــــــــو
ونشوف رأي الجميع ..
بريمة
01-28-2016, 11:06 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
عمليا اعتقد أنه لا مجال للوحدة بين البلدين والجيل الحالي في الجنوب والشمال لا يزالون على قيد الحياة خاصة الجنوبيين الذين عانوا من الظلم والتهميش وويلات الحرب منذ استقلال السودان . قد تتم الوحدة في حياة الأجيال القادمة إذا تمت معالجة المشكلات التي ادت إلى اختيار الجنوبيين للانفصال. عموما الذي يجمع بين الجنوب والشمال أكبر من ما يفرق ، ولولا اخطاء السياسيين الشماليين المتراكمة منذ استقلال السودان واهمالهم التام للجنوب لما حدث الانفصال .
تحياتي ووافر احترامي
01-29-2016, 05:04 AM
aosman
aosman
تاريخ التسجيل: 02-04-2002
مجموع المشاركات: 3443
Quote: الأخ دينق، هل هناك سوابق أو تاريخ يشهد أن ثمة دولة انقسمت إلى دولتين ثم توحّدت الدولتان مرة أخرى؟ أو أن اقليماً انفصل عن دولة ثم عاد للدولة الأم؟ في اعتقادي الذي يصل إلى اليقين أن طلاق الدولتين بائن بينونة كبرى... وما بنفع تيس مستعار لك تحياتي ببــــــــــــو
ألمانيا الغربية والشرقية الآن أصبحت ألمانيا, اليمن الجنوبي واليمن الشمالي الآن اليمن الشمالي.... هل هذه الدول لا تعتبر دول؟
01-29-2016, 05:49 AM
عمر دهب
عمر دهب
تاريخ التسجيل: 10-19-2014
مجموع المشاركات: 2010
أنا مع الوحدة لأسباب عدة, لكن في نفس الوقت هنالك عدة أسباب يؤدي إلي ضرر السودان,,, أولا جنوب السودان اختار الانفصال بإرادة نفسه وكانت هنالك تصريحات غير مسؤولة من بعد المسؤولين في جنوب السودان وبعد الانفصال لم تسعى حكومة جنوب السودان على المحافظة على علاقات جيدة مع الحكومة في شمال السودان حيث كانت تدعم حركات التمرد ومن حقنا كشماليين أن نعرف الأسباب الحقيقية التي دعتهم إلي المطالبة بالوحدة؟ حكومة الجنوب حاولت أن تخلق علاقات مع كينيا ويوغندا وأثيوبيا كبديل للشمال, حتى كانت هنالك تصريحات بتصدير البترول عن طريق كينيا ومن قبل تحدثنا مع بعض الزملاء عن صعوبة ذلك لأن كينيا في منطقة مترفعة جدا وعليه فإن إنسياب البترول سوف يكون في إتجاه معاكس للإنحدار وبذلك التكلفة تكون عالية جدا للحوجة إلي مضخات مساعدة. حكومة جنوب السودان ركزت في الفترة ما بعد الانفصال على معاداتهم لحكومة الشمال بدلا من أن تركز على بناء دولتهم. دولتهم الآن تعاني من مشاكل كثيرة جدا وصعوبات جمة نتيجة للانخفاض المريع في سعر البترول ومشاكل أمنية ومشاكل قبلية مع العلم بأن شمال السودان أيضا تعاني من نفس المشاكل لكن قد تختلف في الدرجات. في النهاية مهما كانت الظروف فأنا شخصيا أؤيد الوحدة لإعتبارات كثيرة لكن لابد أن تتم على ضوء رؤية واضحة ودراسة دقيقة وتخطيط سليم وواضح وقوانين تضبط الدولة ولابد أن يكون هنالك إندماج مدروس ومخطط له بطريقة دقيقة جدا. لابد أن نتعرف بالمشاكل والسعي الجاد لحلهم. مهما كانت الظروف ومهما نظر أو احس بعض من الأخوة بمعاملة عنصرية من بعض الأخوة في شمال السودان تظل علاقتنا معهم مميزة ولا يمكن أن يحصلوا على التعامل الجيد بيينا في دول مثل كينيا ويوغندا. مرة في البالتوك قبل الإنفصال حكى لنا بأنه كان في يوغندا مع أحد قيادات الحركة الشعبية وفجأة سيارته وحلت في منطقة طينية, جاء عندهم يوغنديين وعرضوا عليهم أخراج السيارة من الطين مقابل مائة أو مائتين دولار. ذكر بأن القيادي الجنوبي قال ليهو: بالله عليك الله عليك الله شوف ديل, طوالي طبلوا قروش, بالله هسي لو كنا في السودان أبو مروة ما كان جاء وظط طلع العربية وضبح لينا خروف وقال والله ما تمشوا إلا تتغدوا وتشيلوا معاكم زوادة؟
01-29-2016, 11:45 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
يا أخي، المستنير علي دفع الله سألك سؤال بصفتك ناشط اسفيري وصاحب صحيفة ومنتدى فكري، شنو اسبابك الموضوعية لعدم قبولك للوحدة؟ علي كيفي وهم ليش انفصلوا أول كدا بس ما بنتوحد ديل لا يندرجن ضمن الاسباب الموضوعية التي يسأل عنها المستنير دفع الله
الأخ اللمين لك التحية، الأخ بريمة لك التحية، الأخ عثمان لك التحية وأقول لك بالنسبة لموضوع الألمانيتين، فإنت تعرف أن ألمانيا بعد الحرب العالمية الثانية كانت غنيمة بين معسكرين مختلفين عقائدياً وسياسياً وفكرياً واقتصادياً. وعندما ذاب المعسكر الشرقي أتت الفرصة مواتية لشعبي البلدين لتقرير مصيرهما فاختارا طوعاً دون إكراه العودة إلى الوضع الطبيعي الذي كانتا تحلمان به. بالنسبة لموضوع انفصال الجنوب، الذي يسميه الجنوبيون استقلالاً وكأنما كانوا مستعمَرين، فقد ذهب الجمل بما حمل وطارت الطيور بأرزاقها وجفت الأقلام ورفعت الصُحف Case closed. أما الذين يقولون بأن الطيب مصطفى ذبح ثوراً في وضح النهار عندما صوّت الجنوبيون للانفصال، فأقول لهم: تذكرون يوم الاثنين الأسود عندما قام الجنوبيون بقتل أهلنا من الجموعية والبطاحين في بحري وفي وسط الخرطوم نهاراً جهاراً ، قتلاً بالفؤوس والعصي والحرق، في يوم الاثنين الأسود الذي أتى بنبأ هلاك جون قرنق، مما اضطر أهلنا إلى التعامل معهم في يوم الثلاثاء التالي. تذكرون جيداً حادثة كلمنت أمبورو في ستينيات القرن الماضي عندما ورد نبأ كاذب باغتياله من قبل المندكورو. ماذا فعل أبناء الجنوب في الخرطوم؟؟؟. والمندكورو ديل أنت يا عثمان واللمين وبريمة وأنا وغيرهم. وإذا كان هناك من ينادون بعودة الوحدة مع الجنوب فإن للاتحاديين أيضاً المطالبة بالاتحاد مع مصر.... مصر التي تضم أكثر من أربعة مليون سوداني من أهلنا المحس والدناقلة والحلفاويين وغيرهم ويتمتعون بحقوق تفوق مليون مرة تلك التي يتمتع بها السودانيون في الجنوب. وأيضاً لطالب أهلنا الزغاوة والفور والمساليت والبرنو والبرقو والبقارة وغيرهم بالدمج مع تشاد. وأيضاً لطالب أهلنا في الشرق بالوحدة مع أريتريا وأثيوبيا. لو قررت هذه الحكومة أو دخلت في مفاوضات أو مساومات أو حتى أحلام تتعلق بالوحدة مع الجنوب لقاتلناها شرّ قتال، ونون الجمع تعود لكثيريييين مثلي. ببــــــــــــــــو
01-29-2016, 07:03 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
الاخ عثمان تحياتي فعلا كلامك صحيح انو الجنوبيين صوتوا بنسبة عالية للانفصال لكن يا جماعة ما تنسوا انو اخوانا الجنوبيين في عهد الانقاذ كان الحنوب وانسان الجنوب بوابة للجنة . وحتى بعد نيفاشا راينا منابر اسست لعزل الجنوبيين وليست منابر عادية بل منابر رسمية ومن يفتكر انو منبر الطيب مصطفى غير رسمي فاليتحسس افكاره ...في ظل الظروف دي كان لابد للجنوبين ان ينادوا بالانفصال انا وانت وكل سوداني شمالي وجنوبي لينا دور في الانفصال لعجز ساستنا و رؤيتهم الضيقة .طيب لو في امكانية توحيد لاحت في الافق اتمنى نسعى لها ونشجعها ونهتم بيها لانو الشمال والجنوب لو اتوحدوا على رؤى جديدة ثق السودان حا يكون ليه وضع جيد ..بس اتمنى يتم الوحدة والنظام في شمال السودان اتلاشى والنظام جنوب السودان تطور من احاديته وامن بالتعددية .. -------------- رسول الاستنارة دوك ابو بكر شاكر للتعضيد وتوضيح مقاصد المداخلة -------------- صديقي المهندس الامين بشاري نفسك مالو قايم يا اخي انت طرحت طرح يشابه ما يطرحه الطيب مصطفى عشان كدى انا ذكرت اسمك مصنفا كفكر الطيب مصطفى وسؤالي كان عادي مافيه اي ابتزاز ولا بعرف الابتزاز في حياتي ... واجابتك واضحة على كيفك شكرا ليك . لكن غير مقنعة .... مودة واحترام ..
Quote: صديقي المهندس الامين بشاري نفسك مالو قايم يا اخي انت طرحت طرح يشابه ما يطرحه الطيب مصطفى عشان كدى انا ذكرت اسمك مصنفا كفكر الطيب مصطفى
المقاربة عصية بيني وبين الطيب مصطفى وفكره وانت تعلم ذلك جيدا
Quote: سؤالي كان عادي مافيه اي ابتزاز ولا بعرف الابتزاز في حياتي ...
سؤالك كان لناشر صحيفة الحوش وكأنك تريد أن تشير ضمنيا الى دعم الصحيفة لاراء الطيب مصطفى كما قلت لك اكتب هنا باسمي وما اكتبه يمثلني انا الامين موسى البشاري فقط
من العدل ان يستفتى الشعب السوداني في امر الوحدة يا علي كما حدث معهم ثم ان الانفصال كان خيارهم وصوتوا له باغلبية فلماذا ترمي اللوم على الشمال؟
انا شخصيا لا ادعم اي اتجاه للوحدة مع الجنوبيين
ارجو ان تتابع وتقرأ البوست الذي جلبت لك رابطه هسي دينق قال ما عايز وحدة اها رأيك شنو؟ هههههههه
اطنان مودة واحترام يا رفيق...
01-29-2016, 09:57 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: تذكرون يوم الاثنين الأسود عندما قام الجنوبيون بقتل أهلنا من الجموعية والبطاحين في بحري وفي وسط الخرطوم نهاراً جهاراً ، قتلاً بالفؤوس والعصي والحرق، في يوم الاثنين الأسود الذي أتى بنبأ هلاك جون قرنق، مما اضطر أهلنا إلى التعامل معهم في يوم الثلاثاء التالي. تذكرون جيداً حادثة كلمنت أمبورو في ستينيات القرن الماضي عندما ورد نبأ كاذب باغتياله من قبل المندكورو. ماذا فعل أبناء الجنوب في الخرطوم؟؟؟. والمندكورو ديل أنت يا عثمان واللمين وبريمة وأنا وغيرهم.
وكل فترة والتانية قتل التجار الشماليين في الجنوب ونهب ممتلكاتهم بينما هم يجدون أحسن المعاملة في الخرطوم .. بسبب حرب الجنوب لا يكاد يخلو بيت من قتيل او معوق او اسير او مجنون
القضية اصبحت ليست قضية حكومة وحكومة بل شعب وشعب ولذلك لا للوحدة مع الجنوب مرة أخرى
الاختلافات بيننا وبين الجنوب كبيرة وكبيرة جدا
لا يجمعنا معهم
العرق او الاثنية ولا الدين ولا اللغة ولا العادات ولا التقاليد
ولا ولا اي حاجة سوى الارض والارض نفسها محل شك
باختصار كدا عدم التجانس دا يجعل من الوحدة امرا عصيا وهم انفسهم ظلوا يناضلوا ويتمردوا من اجل الانفصال وقد تحقق لهم عبر حكومة السجم دي
01-29-2016, 07:05 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: يا أخي، المستنير علي دفع الله سألك سؤال بصفتك ناشط اسفيري وصاحب صحيفة ومنتدى فكري، شنو اسبابك الموضوعية لعدم قبولك للوحدة؟ علي كيفي وهم ليش انفصلوا أول كدا بس ما بنتوحد ديل لا يندرجن ضمن الاسباب الموضوعية التي يسأل عنها المستنير دفع الله
بكور المستنير
علي دفع الله انا رديت عليهو واديتو رابط اتعب نفسك شوية واقرأ
ولا ارسل ليك الردود بال DHL
الجنوبيين اختاروا الانفصال بمحض ارادتهم
يبقى اي محاولة للوحدة من حقنا نرفض او نقبل
وانا ارفض الوحدة لأن اي وحدة جديدة ستكون شراكة بين المؤتمر الوطني والحركة الشعبية
وافتكر جربنا مثل هذه الشراكة وبالتأكيد ستكون خصما على بقية اقاليم واهل السودان
لا... للوحدة مع الجنوب مرة أخرى
01-29-2016, 08:39 PM
على تاج الدين على
على تاج الدين على
تاريخ التسجيل: 10-25-2008
مجموع المشاركات: 2213
رغم الاكاذيب والدعاية الرخيصة والاساطير التى اسسها التيار النخبوى الجنوبى...بالتعاون مع الغرب الثقافى والدينى ..بشان الاضطهاد العرقى والدينى والتمييز والتهميش....الذى مارسه الشمال ضد الكتلة الجنوبية منذ اكثر من خمسة عقود...ومن ثم اتخذت القيادة التاريخية الجنوبية قرارها بالانفصال فى استفتاء مشهود بنسبة 99% ...واسست دولتها المستقلة والتى لم يمضى عليها خمسة اعوام.....ما الذى تغير حتى يطالب الجنوبيون بالوحدة مرة اخرى؟؟؟ هم نفس اهل الشمال العنصريين ...الذين يمارسون الاضطهاد الدينى والعرقى والتهميش..فلماذا تطلبون الوحدة مع اناس بهذه الصفات؟؟؟ نحن الان معركتنا الحقيقية للنهوض هى ضد الفساد...وتفجير طاقات الانتاج....ليس لدينا وقت نمضيه فى صراعات وحروب وتاخر تاريخى مرة اخرى
01-29-2016, 10:27 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
رغم الاكاذيب والدعاية الرخيصة والاساطير التى اسسها التيار النخبوى الجنوبى...بالتعاون مع الغرب الثقافى والدينى ..بشان الاضطهاد العرقى والدينى والتمييز والتهميش....الذى مارسه الشمال ضد الكتلة الجنوبية منذ اكثر من خمسة عقود...ومن ثم اتخذت القيادة التاريخية الجنوبية قرارها بالانفصال فى استفتاء مشهود بنسبة 99% ...واسست دولتها المستقلة
والله انا الحكاية عايظاني جنس غيظ ومرة قلتها لكمال الجزولي في ندوة في الرياض المشكلة في ناس الشمال وكلامهم نحن الجنوبيين ظلمانهم ومارسنا عليهم شنو وشنو الخ الخ الجنوبيين عمرهم ما حاولوا ينصهروا في السودان او ينتموا اليه اي حركة تمرد منهم كانت تضع الانفصال كجند وهدف اساسي من انانيا ون وانانيا تو وما تبعهما هم اختاروا الانفصال وفي النهاية اللوم على الشمال
اها جاء دور الشمال ليقول كلمته
Quote: ما الذى تغير حتى يطالب الجنوبيون بالوحدة مرة اخرى؟؟؟ هم نفس اهل الشمال العنصريين ...الذين يمارسون الاضطهاد الدينى والعرقى والتهميش..فلماذا تطلبون الوحدة مع اناس بهذه الصفات؟؟؟
اكتشفوا انهم مجتمع قبلي متخلف بدلا من تثبيت اركان دولتهم اقتتلوا فيما بينهم وارتكبوا فظاعات ضد بعضهم لم يرتكبها الشمال معهم اثناء الحرب (على اختلاف الحكومات والانظمة)
الاختلف :
انهم كانوا يراهنون على البترول وابتزاز الشمال به فجأة اسعار البترول دقت الدلجة فداهمهم الجوع والخوف والمرض
السؤال لماذا نتوحد معهم عشان البترول؟ ما الذي يضيفة لنا الجنوب ؟
البترول يطير ياخ!
Quote: نحن الان معركتنا الحقيقية للنهوض هى ضد الفساد...وتفجير طاقات الانتاج....ليس لدينا وقت نمضيه فى صراعات وحروب وتاخر تاريخى مرة اخرى
بالضبط كدا معركتنا تغيير النظام ومحاربة الفساد وبناء وطن يسع الجميع عليهم يسهل وعلينا يمهل
كفانا عتالة للجنوبيين منذ الاستقلال وحتى 2011 :)
01-30-2016, 09:05 AM
محمد جلال عبدالله
محمد جلال عبدالله
تاريخ التسجيل: 06-24-2011
مجموع المشاركات: 4552
Quote: ألمانيا الغربية والشرقية الآن أصبحت ألمانيا, اليمن الجنوبي واليمن الشمالي الآن اليمن الشمالي.... هل هذه الدول لا تعتبر دول؟
الألمانيتين واليمنين لم ينفصلوا عبر استفتاء شعبي بل تم فصلهم قسرا بواسطة المستعمر البريطاني أو بإرادة دول المحور بعد الحرب العالمية الثانية ولذلك سهل عليهم التوحد مرة أخرى .. أما حالة شمال وجنوب السودان فلا تنطبق عليهما
01-30-2016, 09:07 AM
محمد جلال عبدالله
محمد جلال عبدالله
تاريخ التسجيل: 06-24-2011
مجموع المشاركات: 4552
بعدين أنا بستغرب في البيصفوا طرح الأمين البشاري بالعنصري لمجرد رفضه الوحدة! يعني الجنوبيين يحاربوا ويعملوا استفتاء (ويرفضوا الوحدة) وينفصلوا ما عنصريين والبيرفض الوحدة معاهم بعد انفصالهم يبقى عنصري؟؟؟ عجبي!
01-30-2016, 11:31 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: بعدين أنا بستغرب في البيصفوا طرح الأمين البشاري بالعنصري لمجرد رفضه الوحدة! يعني الجنوبيين يحاربوا ويعملوا استفتاء (ويرفضوا الوحدة) وينفصلوا ما عنصريين والبيرفض الوحدة معاهم بعد انفصالهم يبقى عنصري؟؟؟ عجبي!
شفته المحن دي!
شكر لرفد البوست ... لا .. للوحدة مرة أخرى
01-30-2016, 09:10 AM
سيف الدين بابكر
سيف الدين بابكر
تاريخ التسجيل: 01-14-2016
مجموع المشاركات: 3325
Quote: الألمانيتين واليمنين لم ينفصلوا عبر استفتاء شعبي بل تم فصلهم قسرا بواسطة المستعمر البريطاني أو بإرادة دول المحور بعد الحرب العالمية الثانية ولذلك سهل عليهم التوحد مرة أخرى .. أما حالة شمال وجنوب السودان فلا تنطبق عليهما
بل تنطبق على حالة السودان. لمن يرى بعينين!
من فصل بين شمال السودان وجنوب السودان هو التيار اليميني الرأسمالي المتأسلم المستعرب (المستعمر الداخلي) الذي حكم السودان منذ 1956 وحتى اليوم..
فإذا سقط آخر حجارته - نظام البشير المتضعضع - حتماً سيفتح الطريق أمام وحدة السودان (على أسس جديدة) مرة أخرى وستكون وحدة حقيقية وبتوافق تام بين السودانيين.
وحتماً سيحدث ذلك ولو كره الكارهون.
01-30-2016, 09:16 AM
محمد جلال عبدالله
محمد جلال عبدالله
تاريخ التسجيل: 06-24-2011
مجموع المشاركات: 4552
Quote: بل تنطبق على حالة السودان. لمن يرى بعينين! من فصل بين شمال السودان وجنوب السودان هو التيار اليميني الرأسمالي المتأسلم المستعرب (المستعمر الداخلي) الذي حكم السودان منذ 1956 وحتى اليوم.. فإذا سقط آخر حجارته - نظام البشير المتضعضع - حتماً سيفتح الطريق أمام وحدة السودان (على أسس جديدة) مرة أخرى وستكون وحدة حقيقية وبتوافق تام بين السودانيين. وحتماً سيحدث ذلك ولو كره الكارهون.
يا اللخو .. انفصال الألمانيتين واليمنين كان قسري لذلك كانت الوحدة سهلة أما انفصال الجنوب فكان اختياري لذلك لن تكون وحدة بإذن الله ولو كره الكارهون للانفصال جيب لي حركة مسلحة قامت في ألمانيا وادعت الاضطهاد وتوصلت للانفصال جيب لي حركة مسلحة قامت في اليمن وطالبت بالانفصال ثم تم لها!! قل لي كيف تنطبق الحالة؟ لو كان الكيزان واللا التيار اليمني المزعوم البتقولو ده فصل الجنوب بدون استفتاء كان يكون معاك حق .. لكن انفصلوا بإرادتهم وبأغلبية ساحقة 98% فيكيف يعودون؟؟
01-30-2016, 11:37 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: من فصل بين شمال السودان وجنوب السودان هو التيار اليميني الرأسمالي المتأسلم المستعرب (المستعمر الداخلي) الذي حكم السودان منذ 1956 وحتى اليوم..
التيار اليميني الرأسمالي المتأسلم المستعرب .. تطير عيشتهم
Quote: فإذا سقط آخر حجارته - نظام البشير المتضعضع - حتماً سيفتح الطريق أمام وحدة السودان (على أسس جديدة) مرة أخرى وستكون وحدة حقيقية وبتوافق تام بين السودانيين.
وحتماً سيحدث ذلك ولو كره الكارهون.
كلامك مجافي للحقيقة
الجنوبيين قاتلوا كل الانظمة عسكرية وديمقراطية لم يفرزوا بين احد من اجل هدفهم وهو الانفصال
01-30-2016, 11:40 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: Abulizz Ali · Folkstone college أنا مع البشاري تماماً... الوحدة مع دولة الجنوب لن تتم إلى قيام الساعة. أسباب موضوعية جداً جداَ أدت إلى الانفصال بنسبة 90%.. مع احترامي للأعضاء الذين يؤيدون فكرة الوحدة ، اعتقد أنّ موقفهم عاطفي.. انا من الناس الذين يحبون إخوتنا الجنوبيين للحد البعيد، ولكن الوحدة نهي نهي
اطمئن لن تكون هناك وحدة مع الجنوب ما عندنا وقت نضيعوا معاهم
شكرا يا العزيز
01-30-2016, 12:47 PM
Deng
Deng
تاريخ التسجيل: 11-28-2002
مجموع المشاركات: 52545
Quote: والله انا الحكاية عايظاني جنس غيظ ومرة قلتها لكمال الجزولي في ندوة في الرياضالمشكلة في ناس الشمال وكلامهمنحن الجنوبيين ظلمانهم ومارسنا عليهم شنو وشنو الخ الخالجنوبيين عمرهم ما حاولوا ينصهروا في السودان او ينتموا اليهاي حركة تمرد منهم كانت تضع الانفصال كجند وهدف اساسي من انانيا ون وانانيا تو وما تبعهماهم اختاروا الانفصال وفي النهاية اللوم على الشمال
طبعا أنت كانسان عنصري، تعتقد بأن على أهل الجنوب أن ينصهرون في السودان أو ينتمون اليه! ولكنك كصاحب عقلية عنصرية أقصائي، لا تريد أن تعترف بأن الجنوبين هم السودان وهم أهله الحقيقين، فهم ليس بحاجة أن ينصهرون في وطن هم الأصل فيه، وهم ليس بحاجة أن ينتمون الى وطن هم خلقوا فيه. الذين يجب أن ينتمون الى السودان وينصهرون فيه هم الذين قدموا من خارجه وهاجروا اليه لاحقا. حركات التمرد التي قامت، فامت لأسباب موضوعية ومعروفة للجميع. نعم أختار أهل الجنوب الانفصال، ولم يكن لهم خيارا أخرا، ولن يرضى أي انسان بأن يعيش تحت نظام حكومة الجبهة الإسلامية الفاشي. وأنت تحت تحت من الذين يؤيدون هذا النظام في المحارق التي يقيمها في مناطق مختلفة من السودان، فأنت لا تختلف كثيرا عن موسى هلال أو حميدتي، فأنت تحمل نفس عقليتهم العنصرية القبلية المتعطشة للدماء.
أنا كتبت وقلت أن أي حديث عن الوحدة في الوقت الراهن هو مجرد استهلالك سياسي فقط. على دولتي السودان أن تعملان على تأسيس الحريات وحقوق الأنسان والديمقراطيات أولا، ثم بعد ذلك من الممكن أن نتحدث عن الوحدة. ومالم تتغير العقلية التي تتحكم في مقاليد الثورة والسلطة في السودان، لن تكون الوحدة بين السودانان مستحيلة فقط، بل سينقسم السودان الشمالي الى دول عديدة، وكل المؤشرات الأن تتجه في ذلك الاتجاه.
حكومة الاخوان المسلمين الفاشية لن تتخلى عن السلطة إلا عن طريق إذالتهم بالقوة العسكرية، والحركات المسلحة المعارضة لن تتخلى عن الكفاح المسلح كوسيلة للتغير. أما الذين مازالوا يحلمون بوسيلة تغير سلمية، فهم سوف ينتظرون كثيرا، هذه الحكومة الفاشية ليست مثل حكومة النميري أو عبود. ففي تلك الأنظمة كان هنالك بعض الوطنين من مدنين أو عسكريين من الذين لديهم أخلاق. ولكن نظام الاخوان المسلمين لا يوجد بينهم من الوطنين أو من الذين لديهم أخلاق، فهم مجرمين ومتعطشين للدماء ومستعدين أن يقاتلون الأخرين حتى الموت.
ملحوظة: كلمة عنصري أنا أطلقها على صاحب البوست من زمان وليس بسبب هذا البوست، الرجل عنصري ولكنه لا يدري ما هي العنصرية
Quote: اكتشفوا انهم مجتمع قبلي متخلف بدلا من تثبيت اركان دولتهم اقتتلوا فيما بينهم وارتكبوا فظاعات ضد بعضهم لم يرتكبها الشمال معهم اثناء الحرب (على اختلاف الحكومات والانظمة)
الاختلف :
انهم كانوا يراهنون على البترول وابتزاز الشمال به فجأة اسعار البترول دقت الدلجة فداهمهم الجوع والخوف والمرض
السؤال لماذا نتوحد معهم عشان البترول؟ ما الذي يضيفة لنا الجنوب ؟
البترول يطير ياخ!
Quote: نحن الان معركتنا الحقيقية للنهوض هى ضد الفساد...وتفجير طاقات الانتاج....ليس لدينا وقت نمضيه فى صراعات وحروب وتاخر تاريخى مرة اخرى
بالضبط كدا معركتنا تغيير النظام ومحاربة الفساد وبناء وطن يسع الجميع عليهم يسهل وعلينا يمهل
كفانا عتالة للجنوبيين منذ الاستقلال وحتى 2011 :)
العنصري الأمين موسى البشاري.
طيب لو المجتمع الجنوبي قبلي متخلف، البحصل في شمال السودان ده شنو؟ الأقتتال الذي يحدث بين القبائل في غرب السودان مسقط رأسك ده جاي من وين وسببوا شنوا؟ هل ينطبق على السودان الشمالي بأنه مجتمع قبلي متخلف؟ ثم تعال حدثنا عن من هم الذين يسيطرون على مقاليد السلطة والثروة في السودان، والى أي قبائل ينتمون؟ ولماذا مازال القتال يدور في السودان الشمالي بعد أستقلال الجنوب؟؟
أرجع لأتفاقية البترول وسوف تجد في ذلك الأتفاق أن جنوب السودان كان بيدفع أموال البترول لدعم الأقتصاد الشمالي لكي لا تنهار الدولة. تجي أنت تقول أبتزاز؟؟ ده كلام فارغ ولا أساس له وأنا ما عارف أنت كنت كيف قاعد بتناقش في كمال الجزولي بي فهمك ده؟
بعدين قلت لي "معركتنا تغيير النظام ومحاربة الفساد وبناء وطن يسع الجميع" فاقد الشيئ لا يعطيه.
01-30-2016, 06:16 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: طيب لو المجتمع الجنوبي قبلي متخلف، البحصل في شمال السودان ده شنو؟ الأقتتال الذي يحدث بين القبائل في غرب السودان مسقط رأسك ده جاي من وين وسببوا شنوا؟ هل ينطبق على السودان الشمالي بأنه مجتمع قبلي متخلف؟ ثم تعال حدثنا عن من هم الذين يسيطرون على مقاليد السلطة والثروة في السودان، والى أي قبائل ينتمون؟ ولماذا مازال القتال يدور في السودان الشمالي بعد أستقلال الجنوب؟؟
السؤال دا محول لناس الحركات وحاملي السلاح وهي واحدة من العلل التي ابتلي بها السودان
الجنوب شعب متخلف ونسبة الامية فيه مرتفعة جدا ولا دي عايز تغالط فيها كمان؟ واتحداك لو ما تعدت نسبة الامية ال 80 %
Quote: كشف نائب وزير التربية وعلوم التكنولوجيا بدولة جنوب السودان السيد بول مكوين، ان الحرب التي اندلعت منذ العام الماضي ادت الي تضرر كبير في مجال تعليم الكبار وخاصة"محو الامية " لانها ادت الي تشتت الاساتذة وتخريب المدارس مما رجع جنوب السودان الي درجة الصفر علي حسب تعبيره، وأكد نائب الوزير ان كل من ولاية اعالي النيل ، الوحدة و ولاية جونقلي كانت تزدهربدور لتعليم الكبار بسبب وجود الرحل ورعاة الابقار لكن تضررت بالحرب، وابان ان الحكومة لديها خطة لمحو الامية في البلاد تتمثل في تأهيل الاساتذة وانشاءالمدارس لتعليم الكبار وخصوصا للجيش الذين خرجوا عن التعليم منذ وقت مبكر، وكشف نائب الوزير ان نسبة الامية عند النساء في جنوب السودان يصل الي نسبة 80% اما في الرجال يصل الي 70% ,وشدد "مكوين" الي ضرورة تعليم المراءة لانها تمثل ركيزة اساسية في المجتمع
يأتي هذة التصريحات في اطار الاحتفال باليوم العالمي لمحو الامية وسيتم الاحتفال هذا العام باليوم الدولي لمحو الأمية في جميع أرجاء العالم. أما الاحتفال الرئيسي فسوف يجري في مدينة "دكا"، حيث تنظم حكومة بنغلاديش بالتعاون مع اليونسكو مؤتمراً دولياً تحت عنوان "محو أمية وتعليم الفتيات والنساء: لإرساء أسس للتنمية المستدامة ومنح جوائز اليونسكو الدولية لمحو الأمية"، وذلك دعماً للمبادرة العالمية "التعليم أولاً" التي أطلقها الأمين العام للأمم المتحدة
كتبت :
Quote: أرجع لأتفاقية البترول وسوف تجد في ذلك الأتفاق أن جنوب السودان كان بيدفع أموال البترول لدعم الأقتصاد الشمالي لكي لا تنهار الدولة. تجي أنت تقول أبتزاز؟؟ ده كلام فارغ ولا أساس له وأنا ما عارف أنت كنت كيف قاعد بتناقش في كمال الجزولي بي فهمك ده؟
الله الغني
وحدة عشان بترول ما عايزين ... شيلوا انفسكم بعيدا عنا ... وبعدين انتوا بتتدعموا في الحكومة ضد الشعب السوداني قروش البترول اكلوها الحرامية ولم يجد منها الشعب السوداني اي حاجة ودا سبب رئيسي لرفض الوحدة مع الجنوب لانتاج شراكة بين المؤتمر الوطني والحركة الشعبية مما يساعد الوطني على البقاء في السلطة ... شفته كيف؟! 55 سنة جارنكم زي الترلة شعب متخلف وخامل وسكران 24 ساعة
لا.. للوحدة مع الجنوب
01-30-2016, 01:27 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
سلام البشاري الجنوب انفصل حسب استفتاء تقرر في اتفاقية وقع عليها جون قرنق (الوحدوي) شاركو في الحكومة و البرلمان كانو بياخدو نصيبهم من البترول حسب اتفاقهم مع الحكومة بحاربو ليهم 55 سنة مطالبين بالثروة و السلطة .. انتخابات الرئاسة قالو ليهم قدموا مرشح قدموا مرشح يمثل الجنوب و كان شمالي !!!! طالما هم اختاروا الانفصال يبقى من حق الشماليين ان يقرروا اذا كانو راغبين في الوحدة ام لا ... لعب عيال هي ... ؟؟؟؟
تحياتي و احترامي
01-30-2016, 06:22 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: سلام البشاري الجنوب انفصل حسب استفتاء تقرر في اتفاقية وقع عليها جون قرنق (الوحدوي) شاركو في الحكومة و البرلمان كانو بياخدو نصيبهم من البترول حسب اتفاقهم مع الحكومة بحاربو ليهم 55 سنة مطالبين بالثروة و السلطة .. انتخابات الرئاسة قالو ليهم قدموا مرشح قدموا مرشح يمثل الجنوب و كان شمالي !!!! طالما هم اختاروا الانفصال يبقى من حق الشماليين ان يقرروا اذا كانو راغبين في الوحدة ام لا ... لعب عيال هي ... ؟؟؟؟
هلا يا ابو حسين
البوست دا بس يا ابو حسين استفتاء حقيقي على عدم رغبة الناس في الوحدة مع الجنوب لو طرح الامر في استفتاء اتوقع ان تكون النتيجة هي نتيجة تصويتهم للانفصال 98 % سيرفضون الوحدة مع الجنوبيين
شكرا لرفدكم البوست
ولا ... للوحدة مع الجنوب
01-30-2016, 06:01 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
شكراً واذا اتتك مذمتي من ناقص فهي الشهادة لي بأني شنو كدا ما عارف
ما علينا نعود لما كتبت :
Quote: طبعا أنت كانسان عنصري، تعتقد بأن على أهل الجنوب أن ينصهرون في السودان أو ينتمون اليه! ولكنك كصاحب عقلية عنصرية أقصائي، لا تريد أن تعترف بأن الجنوبين هم السودان وهم أهله الحقيقين، فهم ليس بحاجة أن ينصهرون في وطن هم الأصل فيه، وهم ليس بحاجة أن ينتمون الى وطن هم خلقوا فيه. الذين يجب أن ينتمون الى السودان وينصهرون فيه هم الذين قدموا من خارجه وهاجروا اليه لاحقا. حركات التمرد التي قامت، فامت لأسباب موضوعية ومعروفة للجميع.
هههههههه هم الاصل وما عداهم الفروع الاندماج في المجتمع والانصهار فيه والاحساس بالانتماء له من صفات الوطنية مع الاسف الجنوبيين ظلوا معزولين حتى في العاصمة وفي اماكن محددة عشان يمارسوا عاداتهم المعروفة في صناعة الخمور وبيعها والدعارة ... الخ الخ
Quote: نعم أختار أهل الجنوب الانفصال، ولم يكن لهم خيارا أخرا، ولن يرضى أي انسان بأن يعيش تحت نظام حكومة الجبهة الإسلامية الفاشي.
وقت اخترتم الانفصال تاني البكي في شنو؟ لا وحدة مع الجنوب مرة اخرى الا باستفتاء اهل الشمال والغالبية ستصوت ضد الوحدة معكم مرة اخرى .... ياخ نحن ما صدقنا ثم الجنوب حارب الجميع في الشمال وشماعة الاسلاميين والكيزان دي بقت ما بتقسم شوف ليك مكنة غيرها .. قاتلتم كل الحكومات عسكرية وديمقراطية اسلامية وشيوعية
Quote: وأنت تحت تحت من الذين يؤيدون هذا النظام في المحارق التي يقيمها في مناطق مختلفة من السودان، فأنت لا تختلف كثيرا عن موسى هلال أو حميدتي، فأنت تحمل نفس عقليتهم العنصرية القبلية المتعطشة للدماء.
عليك أن تثبت ذلك .. انا معروف اكتب باسمي وبيوز واحد وصورتي معروفة وكذلك تاريخي فبطل اتهامات مجانية ما عندها معنى ..
Quote: حكومة الاخوان المسلمين الفاشية لن تتخلى عن السلطة إلا عن طريق إذالتهم بالقوة العسكرية، والحركات المسلحة المعارضة لن تتخلى عن الكفاح المسلح كوسيلة للتغير. أما الذين مازالوا يحلمون بوسيلة تغير سلمية، فهم سوف ينتظرون كثيرا، هذه الحكومة الفاشية ليست مثل حكومة النميري أو عبود.
ههههههه يعني حكومة سلفاكير ديمقراطية ما ارتكبه سلفاكير في حق شعب الجنوب في سنة لم يرتكبه الجيش السوداني وفي ظل كل الحكومات لمدة عشرين سنة سبي للنساء اغتصابات للقاصرات خصي للاطفال تعذيب للاسرى
والكثير من الفظاعات التي شهد لها المجتمع الدولي
Quote: كلمة عنصري أنا أطلقها على صاحب البوست من زمان وليس بسبب هذا البوست، الرجل عنصري ولكنه لا يدري ما هي العنصرية
اطلاق التهم هين الرك على الاثبات اها انا ما عايز وحدة معاكم تاني لا في الخير ولا في الشر نحترم خياركم في الانفصال واحترموا خيارنا في عدم رغبتنا في الوحدة معكم مرة أخرى
01-30-2016, 06:30 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: MO Ali · محاسب و مراجع قآنوني في سوق دبي المالي Dubai Financial Market البشاري يا صفوة ..... الشعب السوداني كلوا ضد التطبيع مع دولة الجنوب .... لانو الناس ديل صوتو للنفصال بنسبة مائة في المائة ثانيا من اسباب الانفصال قالوا الشمال يمارس عليهم العنصرية وهم مواطنين من الدرجة الثانية يعني عبيد .. الجديد شنو الشمال نفس الشمال والبشيرهو الرئيس ....
هلا MO Ali
يا زول على الايمان بعد الانفصال الهواء الطري والنضيف ضرب العاصمة كلها خصوصا في الحاج يوسف والفتيحاب :) والدنيا بقت أمان
تاني البرجعنا لورا شنو
الجديد البترول دق الدلجة وعرفوا انو الشمال كان ارحم ليهم في ناس في الجنوب عرفوا معنى العبودية بالجد خلال فترة الحرب الاخيرة بين سلفا ومشار
Quote: "استعباد جنسي" لمئات النساء في جنوب السودان
أبوظبي - سكاي نيوز عربية قال تقرير للأمم المتحدة الخميس، إن قوات حكومة جنوب السودان احتجزت نساء واستعبدتهن جنسيا أثناء مهاجمة عشرات المدنيين خارج قواعد الأمم المتحدة. وقال التقرير إن المئات - بينهن نساء حوامل وصغار - اغتصبن في ولاية الوحدة على أيدي جنود من كلا الجانبين.
وقتل عشرات الآلاف في النزاع الذي بدأ قبل أكثر من عامين حيث تخوض القوات الحكومية قتالا ضد قوات مؤيدة لنائب الرئيس السابق رياك مشار.
وقالت الأمم المتحدة إن العنف الجنسي متركز في ولاية الوحدة الغنية بالنفط، وإن القوات الحكومية مسؤولة عن معظم الحوادث.
ووفق بعض تقارير نقلتها "اسوشيتد برس" فإن 35 امرأة تعرضن على الأقل على أيدي جنود حكوميين في شهرين في 2015 خارج قاعدة الأمم المتحدة في بانتيو، عاصمة ولاية الوحدة.
لكن الحكومة في جوبا نفت تقارير الاغتصاب والجرائم الأخرى.
تحياتي
01-30-2016, 06:50 PM
ahmedona
ahmedona
تاريخ التسجيل: 01-08-2013
مجموع المشاركات: 6562
Quote: اولا : ايقاف الحرب واحلال السلام في السودان: - أ - حق تقرير المصير تأكيد مبدأ حق تقرير المصير كحق اصيل واساسي وديمقراطي للشعوب. الاعتراف بان ممارسة حق تقرير المصيـر توفر حلا لانهاء الحـرب الاهلية الدائرة، وتسهل استعادة وترسيخ الديمقراطية والسلام والتنمية. ان يمارس هذا الحق في مناخ من الشرعية والديمقراطية وتحت اشراف اقليمي ودولــــي. ان المناطق المتأثرة بالحرب هي جنوب السودان ومنطقة ابيي وجبال النوبة وجبال الانقسنا. ان مواطني جنوب السودان ( بحدوده المعتمدة في 1 يناير 1956 ) لهم الحق في ممارسة حق تقرير المصير قبيل نهاية الفترة الانتقالية.
Quote: التوقيعــات الحزب الاتحادي الديمقراطي حزب الأمة الحركة الشعبية / والجيش الشعبي لتحرير السودان تجمع الاحزاب الافريقية السودانية الحزب الشيوعي القيادة الشرعية النقابات مؤتمر البجة قوات التحالف السودانية الشخصيات الوطنية
يعني الناس ديل متفقين على الطلاق من زمان!!!
01-31-2016, 07:36 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: تاني وحدة ماف يا انور قالوا كلمتهم وقلنا كلمتنا
سلام أستاذ/ البشاريأحترم وجهة نظرك ولكنك تنظر للأمر بعنصرية وتعالي أجوف.... الحقيقة أن الوحدة بين شطري السودان ستحدث وعلى أسس جديدة وبتأييد دولي كاسح ... وكل المؤشرات تدل على هذه الحقيقة التي ستصبح ماثلة قريباً ولكن.......فقط وفقط بعد التسليم الكامل والتام للحركة الشعبية شمال + جنوب لمقاليد السلطة والثروة في (شمال السودان) سواء عبر نيفاشا 2 أو الغزو المسلح .. أكبر دليل على ما أقول ويقوله الكثيرون أيضاً غيري...أن حكومتكم المدعية للقوة - قوتها وغطرستها على الضعفاء فحسب - لا تفاوض إلا من يقاتلها مثل الحركة الشعبية والحركات المسلحة الأخرى وكذلك لا تتنازل عن السلطة والثروة - كما فعلت في نيفاشا 1 - إلا للحركة الشعبية هذه لا سواها..حكوتكم المدعية للقوة لا تتنازل طوعاً وكرهاً وعلى طاولة التفاوض وتمنح ما لا تمنحه بالحرب إلا للحركة الشعبية هذه ... ولا تنفذ الاتفاقيات إلا معها هي وحدها دون المعارضين المستأنسين المستغلين الآخرين!هل سبق أن أوفت الحكومة باتفاقياتها مع الأحزاب الشمالية الكبرى مثل الأمة والاتحادي وغيرهما؟ إنها لا تفي بالوعود إلا لأصحاب السلاح والقوة العسكرية في الميدان والمدعومين من الحاكم العالمي الظاهر والخفي!بل ستكون هناك وحدة... وحدة السودان تحت حكم الحركة الشعبية لتحرير السودان (شمال + جنوب) لا غيرها .. وغيرها عليه الخضوع سواء بالمفاوضات أو بالسلاح....فهي (النظام الخالف) للنظام التالف!!وستصدق الأيام ما نقول.
وهذا غيض من فيض فيكفي أن تبحث عن اسم سيف الدين بابكر لتعرف عقليته ومرضه وعنصريته وصحي الجمل ما بشوف عوجة رقبتو ... والله صحي :)
لذلك أنت آخر واحد يتكلم عن العنصرية في هذا المنبر فهي مرض عضال أنت مصاب به مع الاسف
واتحداك تطلع كلمة واحدة عنصرية في هذا البوست انا كتبتها
مسألة الوحدة مع الجنوب او عدمها ليست عنصرية ولكنها خياري ورأي ولماذا عندما صوت الجنوبيين للانفصال لم يكونوا عنصريين الشمال لم يفصل الجنوب بل الجنوبيين هم من اختاروا الانفصال وعليهم تحمل تبعات قرارهم
Quote: أن حكومتكم المدعية للقوة
سيف الدين شكلك فرحان بالباسويرد :)
فشنو ؟
ما تركب حمير الضيفان سااااهي عليك الله واذا كان البكتب سكران فالقارئ واعي حكومة منو يا ابو حكومة انت؟
لا فائدة في الوحدة مع جنوب السودان بسبب المبررات التي كتبتها في هذا البوست
تحياتي.... ولا وحدة مع الجنوب مرة اخرى
والامر لا يتعلق بحكومات بل بالشعب السوداني في كل السودان
02-01-2016, 08:19 AM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
السلام عليكم جميعا نعم للوحدة بين الشمال والجنوب في تقديري الإنفصال كان انفصال سياسي ولم يقره الشعب السوداني حتى وإن كانت هنالك إنتخابات، انعم الانفصال سياسي والانتخابات سياسية والشعب السوداني شعب واحد والوحدة قادمة عاجلا أم آجلا، عمل الإستعمار قديما للإنفصال ولم يستطيع كما يعمل اليوم بعض ابناء الوطن للإنفصال اليوم ولكنهم باذن الله منهزمون ، لو ترك القرار للشعب السوداني شمالا وجنوبا لن يختار إلا الوحدة حتى وإن قدم البعض الذبائح فرحا بإنفصال سياسي مصطنع ، ومنقو قل لا عاش من يفصلنا
02-01-2016, 09:07 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: في تقديري الإنفصال كان انفصال سياسي ولم يقره الشعب السوداني حتى وإن كانت هنالك إنتخابات
الانفصال تم عبر استفتاء الجنوبيين وهم اختاروا الانفصال باغلبية ساحقة أي الانفصال لم يكن قسريا ولا سياسيا ودي المغالطة الكبيرة التي لا زالت تعشعش في عقول بعض الشماليين
المسألة اصبحت اكثر من حكاية سياسة او علاقة بين حزب وحزب أو حكومة وحكومة اهل الشمال سوف لن يرضوا بعودة الجنوبيين مرة أخرى
ولا بد من استفتاء أهل الشمال هذه المرة ..
ولا اعتقد أن النتيجة ستكون مع الوحدة
02-01-2016, 09:36 AM
صلاح حمد
صلاح حمد
تاريخ التسجيل: 08-09-2009
مجموع المشاركات: 989
الأخ الكريم الأمين موسي البشاري وضيوفك الكرام السلام عليكم ورحمة الله وبركاته أنا أحترم رأيك وراي بعض السياسيين الذين هم كانوا السبب الرئيسي لإنفصال شعب واحد عاش ألآف السنين في وحدة ، وأختلف معكم في آن الإنفصال كان راي وخيار شعب ، بل هو كان رأي وخيار حزبي لا يمثل شعب السودان شمالا وجنوبا. أخي الكريم ومن الذي قال لك بأن أهل الشمال لن يرضوا بعودة الجنوبيين مرة آخرى ، وليت الإستفتاء الذي تتحدث عنه أتيحت فيه الفرصة لكل الشعب السوداني للمشاركة وعندئذ لم ولن يتحقق الإنفصال. في تقديري الإنفصال كان خطأ تاريخي كبير تتحمله النخب السياسية الحالية شمالا وجنوبا خاصة حزب المؤتمر الوطني والحركة الشعبية ، حيث أن المفاوضات والإتفاقيات التي أدت للإنفصال كانت ثنائية بينهما فقط وبتدخل دولي همه الإنفصال ولم تمثل الشعب السوداني شمالا وجنوبا، ليت الحوار الوطني القائم الآن كان قبل الإنفصال وقبل الإستفتاء السياسي الذي فصل شعب السودان الواحد، اليوم تأكد للسياسيين الذين تسببوا في الإنفصال بأن الإنفصال لم يكن الحل لمشاكل الســــودان ، بل تقدم السودان وإزدهاره في وحدته وتماسكه وذلك ما سوف يحققه أبناء السودان المستنيرين في الداخل والخارج قريبا إن شاء الله ،
مع تقديري واحترامي
02-01-2016, 05:09 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
تحياتي ... يا اخوي اللف والدوران في نفس النقطة ما حلو السياسيين والحكام هم بالضرورة يمثلون الدولة ولو كان القرار سياسي لقلنا أن حق الشعب قد هضم وتم تغييبه بواسطة الساسة
Quote: أنا أحترم رأيك وراي بعض السياسيين الذين هم كانوا السبب الرئيسي لإنفصال شعب واحد عاش ألآف السنين في وحدة ، وأختلف معكم في آن الإنفصال كان راي وخيار شعب
اقرار الاستفتاء الهدف الاساسي منه رد الامر للشعب وابعاد السياسيين وشعب الجنوب قال كلمته في الاستفتاء لم يمارس احد عليه الوصاية بل كان خياره وبنسبة كبيرة
Quote: بل تقدم السودان وإزدهاره في وحدته وتماسكه وذلك ما سوف يحققه أبناء السودان المستنيرين في الداخل والخارج قريبا إن شاء الله
الجفلن خلهن أقرع الواقفات يا صلاح لن يضيف لنا اي اتحاد مع الجنوبيين الا شراكة تطيل عمر هذه الحكومة بالاضافة الى اعباء اضافية تعليم لمجتمع امي ومتخلف من كل عشرة بتلاقي جنوبي واحد متعلم صعب دمج الجنوبيين في المجتمع السوداني للاختلافات الكبيرة بينهم وبين بقية الشعب السوداني
تحياتي
02-02-2016, 11:51 AM
محمد حمزة الحسين
محمد حمزة الحسين
تاريخ التسجيل: 04-22-2013
مجموع المشاركات: 1437
Quote: Ahmed Amin اللطخة Arif Nashed أطلع من البوست يا عاهة.. كفاية علينا المتخلفين العنصريين دينق وعلي دفع الله وسيف الدين بابكر.. البشاري وahmedona.. كفيتوا ووفيتوا.. ..
Quote: باختصار الكل شارك في انفصال الجنوب كيف؟!! ايام الحرب في الجنوب معظم الجنوبيين نزحوا للشمال للأسف تم التعامل معهم كلاجئين وليسوا نازحين من جحيم الحرب داخل بلدهم حيث حصروا في الاطراف بالذات في العاصمة ودا السبب الرئيسي -كان بكل بساطة يتم توزيعهم أوتذويبهم داخل المدن ودا كان بينهي الغبن العهن الواجهوها وقتها والباقي كلكم عارفنوا
وحاليا وفي زمن الحرب فيما بينهم كجنوبيين لا زالوا محل تقدير واحترام وعايشين في امان في الخرطوم
تخيل لو حصل العكس ؟ هل كنته انت والبقية ستجدون نفس المعاملة؟ لماذا يتم قتل التجار الشماليين ويساء معاملتهم هناك
لم يوزعهم احد
كانوا يختارون اطراف المدن للابتعاد عن الحكومة من اجل شرب وصناعة الخمور .... الخ الخ
سلام .
02-02-2016, 03:14 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: Mohamed Ahmed · Olds Atbra high school الغريبة حتي ابو زرطة مع عدم الاندماج الا بي طريقتو المكلوجا البي يعرفااا براهوووو ههههههههههههههههههههههههههههههههه
02-02-2016, 03:17 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: تاج الدين النوبي · يعمل لدى صاحب مهنة حرّة الجبهة الإسلامية هي التي مهدت للانفصال , بعد أن فقد السودان نصف شبابه في الحرب العبثية واختارت الانفصال للجنوب لتتمكن من تنفيذ مشروعها الحضاري والذي كان الجنوبيين حجرة عثرة لأفكارهم الجهنمية , لذا تجد معظم المؤيدين للانفصال والمعارضين للاتحاد هم من الإسلاميين , المواطن السوداني بريء من تهمة فصل الجنوب وكذلك الإنسان الجنوبي , فكلنا عانينا من هذا النظام الإسلامي الهمجي فيا أخ البشاري , لم يكن لك يد في الانفصال ولن يكن لك يد في الاتحاد كذلك , فاحتفظ برأيك لنفسك , حتى يأتي يوم يكون لديك رأي , وهو آت بإذن الله
بعد الانفصال اقتنع الجميع بعدم جدوى الاتحاد
الان غلبتهم دولتهم قالوا نتحد مع الشمال
كل دعاويهم السابقة سقطت .. والاضطهاد والعبودية ومواطنين من الدرجة الرابعة
الخ الخ
مارسها عليهم ابناء جلدتهم وعلموا أن الشمال كان ارحم بهم
لا للوحدة .. ودا رأي ولن اسكت به
02-02-2016, 04:53 PM
jini
jini
تاريخ التسجيل: 02-05-2002
مجموع المشاركات: 30716
يمين الله الصنف السمح عندك انت الراكب فيل موش جمل بشاري اذا انت شايف أهل الجنوب ما اسياد حق وانه أهل الشمال ما عندهم حق في جوبا يبقى انتهيت على ظهر جمل بشاري من حلايب الأمن ممكن تكون شايفه تبع بشاريين مصر ياخ انت لا تعرف ان ابيي هي كشمير اخري لا يحلها الا سودان موحد جني
02-02-2016, 08:25 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Job Kiong الله لا كسبك انت الباصوورد حقتك ما بتروح نحن كمان من نموليلي حلفا لقيت الانفصال ما بقسم معاك نحن من زمن ما بقسم معانا العرجاني مراحا تعال أعرج معانا جني
02-02-2016, 10:43 PM
منتصر عبد الباسط
منتصر عبد الباسط
تاريخ التسجيل: 06-24-2011
مجموع المشاركات: 4132
وماذا استفدنا من الانفصال؟! والجنوب الجديد جبال النوبة وجنوب النيل الازرق انتقلت لهم عدوى الحرب وكأنك يا أبوزيد ما غزيت ... أنا أعتقد الإنفصال خيانة للوطن وتاريخه والمطالبة باستمراره خيانة أكبر .. السودان لو ربنا مقدر له تجاح فسيكون بالاندماج في محيطه الأفريقي ليكون دولة رائدة في محيطها الأفريقي.. وليس في ذيل العرب الذين يموتون الأن بلا ثمن...الاندماج الافريقي يكون بالتنمية الحقيقية .. والاندماج وسط العرب يكون بالتسول للدول البترولية ...
02-03-2016, 00:00 AM
jini
jini
تاريخ التسجيل: 02-05-2002
مجموع المشاركات: 30716
Quote: الجنوب شعب متخلف ونسبة الامية فيه مرتفعة جدا ولا دي عايز تغالط فيها كمان؟ واتحداك لو ما تعدت نسبة الامية ال 80 %
طيب يا اللمين ,, الشمال حكم الجنوب اكثر من نصف قرن. اليس واجب الحاكم رفع الجهل والامية عن شعبه؟ بما ان الحاكمون الشماليون لم يفعلوا ,, فالجنوبيون اختاروا الاستقلال. نقطة سطر جديد.
02-03-2016, 01:40 AM
Gaafar Ismail
Gaafar Ismail
تاريخ التسجيل: 08-27-2005
مجموع المشاركات: 4911
Quote: في تقديري الإنفصال كان خطأ تاريخي كبير تتحمله النخب السياسية الحالية شمالا وجنوبا خاصة حزب المؤتمر الوطني والحركة الشعبية ،
أخي العزيز البشاري وضيوفه الكرام
نعم للوحدة وما الأحداث العديدة المؤسفة التي وقعت بعد الإنفصال بين البلدين إلا مؤشرا صريحا لأضرار الإنفصال . أكيد لو تم الاستفتاء على نطاق كل البلاد (اشامل والجنوب) أستطيع أن اجزم بأنه ما كانت النتيجة هي الانفصال . ينبغي فقط السعي الجاد لإزالة المسببات التي أدت إلى تصويت الجنوبيين للإنفصال بنسبة 99%
تحياتي ووافر احترامي
02-03-2016, 04:57 AM
Gaafar Ismail
Gaafar Ismail
تاريخ التسجيل: 08-27-2005
مجموع المشاركات: 4911
Quote: ليت الحوار الوطني القائم الآن كان قبل الإنفصال وقبل الإستفتاء السياسي الذي فصل شعب السودان الواحد، اليوم تأكد للسياسيين الذين تسببوا في الإنفصال بأن الإنفصال لم يكن الحل لمشاكل الســــودان ، بل تقدم السودان وإزدهاره في وحدته وتماسكه وذلك ما سوف يحققه أبناء السودان المستنيرين في الداخل والخارج قريبا إن شاء الله ،
الأخ العزيز صلاح حمد مليون تحية وقبلة على جبينك لهذا الطرح المتقدم .
تحياتي ووافر احترامي
02-03-2016, 08:25 AM
صلاح حمد
صلاح حمد
تاريخ التسجيل: 08-09-2009
مجموع المشاركات: 989
Quote: نعم للوحدة وما الأحداث العديدة المؤسفة التي وقعت بعد الإنفصال بين البلدين إلا مؤشرا صريحا لأضرار الإنفصال . أكيد لو تم الاستفتاء على نطاق كل البلاد (اشامل والجنوب) أستطيع أن اجزم بأنه ما كانت النتيجة هي الانفصال . ينبغي فقط السعي الجاد لإزالة المسببات التي أدت إلى تصويت الجنوبيين للإنفصال بنسبة 99%
تحياتي ووافر احترامي
الأخ الكريم جعفر إسماعيل
ومعك نردد دوماً : نعم للوحــدة
Quote: الأخ العزيز صلاح حمد مليون تحية وقبلة على جبينك لهذا الطرح المتقدم .
تحياتي ووافر احترامي
شكرا أخي الكريم ، بل مليون تحية وقبلة لك ولكل الذين ينادون بالوحدة وإستدامة السلام لتقدم وإزدهار بلادنا الحبيبة الســــــودان الكبير
مع تقديري وإحترامي
02-03-2016, 11:30 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
نعم الخيانة حدثت ومسئول منها المؤتمر الوطني الذي بصم على حق تقرير المصير ، ومسئولة منها الحركة الشعبية التي فرضت حق تقرير المصير في اتفاقية نيفاشا ، وكل ذلك حدث والشعب السوداني مغيب تماما وباختياره .
الحركة الشعبية قالت انها مفوضة باسم الحديث عن اهل الجنوب ، ونالت ما تبغي استفتاء بنسبة 98% لصالح الإنفصال.
فالوحدة ، والحديث عنها الآن ، واتفق مع دينق في التوقيت ، ليس مجدي ، لأن أي وحدة الآن ستكون خيانة اخرى مفادها تصحيح الأوضاع للحركة الشعبية والمؤتمر الوطني معا ، فأي وحدة تعني حكومة وحدة وطنية بين الحركة الشعبية والمؤتمر الوطني ، وقد تم تجريب هذا الخيار ولم ينجح من قبل ، ولن ينجح في المستقبل ، اللهم الإ كن الحركة الشعبية تتحول الى حزب ديني مثلها ومثل المؤتمر الوطني..او يتحول المؤتمر الوطني الى حزب علماني..!
حديث الوحدة يدور في السودان ، وسط غمار الناس العاديين ، ولمسته في زيارتي للسودان قبل اربعة اشهر ، والغالبية حانقة على خيار الجنوب بان الجنوبيين تخلوا عن الشعب السوداني في احرج اللحظات واختاروا ان ياكلوا نارهم براهم ، فمثل هذا الراي متطرف للغاية للحد الذي يطالب باستفتاء في السودان ان كان هناك اتجاه للوحدة..!..بخلاف ذلك يستمروا في نفس المبدأ:كل ناس ياكلوا نارهم..!
السودانيون في السودان لا يرون الأمر بانه تم تنقية الدولة السودانية وصارت عربية اسلامية صرفة ، فلازالت الإشكالات التي كان يتحدث عنها اهل الجنوب في السابق ، لازالت مستمرة فيما تبقى من سودان.. في نفس الوقت ، نفس الإشكالات تم ترحيلها الى دويلة الجنوب ،و اصبح الصراع اثني ويقوم على القبيلة(دينكا ضد نوير) اكثر من الأيدولوجيا السياسية..!
فالجنوب لم يتطور ، والسودان لم يتطور..!
الجنوب لا يستطيع أن يقتنع بفكرة السودان في استفتاء من اجل الوحدة ، لأن هذا الإستفتاء لن يكون مجرد صناديق (نعم/لأ) وانما سيكون باسس اقل ما فيها ماهي الضمانات التي سيقدمها اهل الجنوب (باعتبارهم من بادر في دعم الإنفصال) بانهم سيعيشون في سلام في ظل الدولة الواحدة ؟..مافي جنوبي امو بت عم ابوهو ح يقدر يقدم ضمانات بعدم التمرد والإستقواء بالتضامن المسيحي والبارونة كوكس والغرب المتلمظ شهوة لخيرات الجنوب وموارده ، ذلك الغرب ، تحديدا الولايات المتحدة ، الذي دفع جميع الأطراف لتنفيذ خيار تقرير المصير ، وعاد الآن يعض اصابع الندم لأن الدويلة الجديدة لم تصمد كثيرا وعاد اهلها للحرب..! لن يستطيع الجنوب تقديم نقد ذاتي لتجربة الإنفصال من ناحية اثارها السلبية واثارها الإيجابية ، وانما لو عادوا سيعودن عن البحث عن بيبي سيتر..
Baby Sitter جديد ، يبحثون عن شماعة يعلقوا فيها مآسيهم..وعن تمييز ايجابي وشنو كده ما عارف..!
المحك الآن ليس هو محك النخبة السياسية الفاشلة في الجانبين ، وانما هو محك الشعوب في الجانبين: هل يستطيع اهل الجنوب اسقاط نظام الحركة الشعبية الحاكم؟..هل يستطيع اهل السودان اسقاط نظام المؤتمر الوطني الحاكم؟.. لأن بصيص الأمل الوحيد هو ازالة الأسباب ، ودونكم حديث البعض العاطفي هنا ، فهنا البعض يطالب بالوحدة دون مناقشة امر الحركة الشعبية ..ومثل هذه العاطفية بالطبع ستولد عاطفية مضادة .. فاذا كان البعض يرغب في الصمت عن الحركة الشعبية ، فمن باب اخلاق ساكت عليه ان يحترم خيار السودان في الصمت على المؤتمر الوطني..!
المشكلة ليست هي مشكلة شعوب في الجانبين ، وانما هي مشكلة انظمة الحكم.
لكل ذلك:
لا اؤيد العودة للوحدة مع جنوب السودان ،و ارى من الأفضل ان يستمروا في كفاحهم ونستمر نحن في كفاحنا.
ولا اؤيد أن يكون للحركة الشعبية شمال أي دور في مستقبل السودان ، لأنها اخترقت الشرعية الدستورية بطوع ارادتها (تم انتخاب مالك عقار واليا للنيل الأزرق في انتخابات ارتضاها ثم انقلب عليها)..وايضا الحركة الشعبية الأم لم تستطع الصمود فمارست الردة وعادت الى عقلية القبيلة (دينكا ضد نوير)..
لا اؤيد فكرة تطبيق مشروع السودان الجديد ، لأنه فشل وبصورة عملية في دويلة جنوب السودان.
ودمتم..
كبر
02-03-2016, 11:28 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: نعم للوحدة وما الأحداث العديدة المؤسفة التي وقعت بعد الإنفصال بين البلدين إلا مؤشرا صريحا لأضرار الإنفصال . أكيد لو تم الاستفتاء على نطاق كل البلاد (اشامل والجنوب) أستطيع أن اجزم بأنه ما كانت النتيجة هي الانفصال .
لا .. لا للوحدة مرة أخرى
أمر الانفصال كان يخص الجنوب فقط وبحسب اتفاقية نيفاشا فإن حق التصويت في الاستفتاء كان للجنوبيين فقط وهو امر طبيعي ومتبع في كل العالم وآخره في اسكتلندا ..
وقد اختاروا عدم الانفصال .. بينما الجنوبيين اختاروا الانفصال
أكبر معضلة هي تحميلنا نتيجة اختيارهم للانفصال
كل الود
02-03-2016, 11:18 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: طيب يا اللمين ,, الشمال حكم الجنوب اكثر من نصف قرن. اليس واجب الحاكم رفع الجهل والامية عن شعبه؟ بما ان الحاكمون الشماليون لم يفعلوا ,, فالجنوبيون اختاروا الاستقلال. نقطة سطر جديد.
الفاضلابي
تحياتي
وهل تم رفع الامية في شمال السودان ولا شرقه ولا غربه؟ الجنوب زيو وزي اي اقليم في السودان
ولكن لبعد الجنوب وعدم استقراره وكثرة الحروب فيه كان اقل الاقاليم في التعليم بالاضافة الى عاداتهم وثقافتهم التي لا تهتم لأمر التعليم.
ثم هسي انفصلوا مالم ما علموا انفسهم وفتحوا المدارس؟
الجهل والامية على استار الخرطوم يا عبد العزيز
اها هاك تقول لي الجنوب البعيييييد داك :)
وبعدين انا ما منكر عليهم انفصالهم بالعكس ابارك لهم الانفصال
أنا ارفض الوحدة
02-03-2016, 11:09 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: أنا أعتقد الإنفصال خيانة للوطن وتاريخه والمطالبة باستمراره خيانة أكبر ..
منتصر تحياتي
في كل العهود كانت الحكومات ترفض منح حق تقرير المصير للجنوب ومطالب الانفصال انطلقت في الجنوب مع أول تمرد جنوبي وكانت جندا حاضرا في مفكرة كل الجنوبيين حتى قرنق
تحياتي
02-03-2016, 11:36 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: Ahmed Amin يا البشاري .. اللطخة Arif Nashed دا ما محتاج بس يقوم يلف... يلف مع عجلات هينو تستعدل مخيخه شايف المناتلين بعد ما ختمك بالختم المعتاد "الكوزنة".. كمان طلعوك "مصري" !! خخخخخخخخخخخخخخ إنتوا يا مناتلين.. الصنف الشدددددددددديد دا بتلموا فوقكوا وين ؟؟ "السؤال موجه تحديداً للمناتل الكبير الخطير jini"
مشكووووووووووور على ضمي للحملة الوطنية لرفض الوحدة..smile رمز تعبيري
مسكين البدا يأمل يا احمد
شابكننا مافي شمال بدون وماف جنوب بدون شمال
كدا واحد يجيب لي جنوبي غنى اغنية وطنية للسودان
لازم نفعل الحملة الوطنية لرفض الوحدة يا احمد ههههههه
اها شوف ديل ... :)
02-03-2016, 12:15 PM
صلاح حمد
صلاح حمد
تاريخ التسجيل: 08-09-2009
مجموع المشاركات: 989
االأم هي الوطن ومثل هذه الأصوات لا ينبغي للسياسة أن تفصل موطنها الكبير الذي تركه لنا الأجداد من نملي حتى حلفا ، وتصحيح الخطأ خير من الإستمرار فيـــه ، العالم كله يتوحد ونحن نتجزأ ،
02-04-2016, 04:36 PM
Deng
Deng
تاريخ التسجيل: 11-28-2002
مجموع المشاركات: 52545
مكنة الشمال العنصري دي بقت ما بتقسم يا زول شوف ليك شغلة غيرها .. كفاية دعاية رخيصة ومبتذلة ظل يسوقها الجنوبيين من اجل الوصول الى الانفصال ثم بعد الانفصال ما عايزين معاكم أي وحدة
ادناه ما كتبت في بوست محمد حمزة
Quote: الاخ دينق
سلام ... ويا دينق أخوي لا يمكنك فرض ودّك على الاخرين ولكن بلا شك يمكنك فرض احترامك عليهم
لم اجد في كلام محمد حمزة الحسين ما يستحق الادانه فقد عبر الرجل عن رأيه ومشاعره صراحة هنا في هذا المنبر ذات المشاعر يحملها الكثير من اخوتنا الجنوبيين تجاه اخوتهم في الشمال ذات مشاعر الكره وعدم الاستلطاف موجودة بين بقية مكونات الشعب السوداني محمد حمد ربه على فكاكه من اخواتنا الجنوبيات في الخرطوم حيث كانت المهنة الغالبة لهن هي صنع الخمور البلدية وتلك حقيقة لا مزايده فيها وهنا كلام محمد حمزة الحسين
Quote: ما صدقنا ربنا فكانا من الجنوبيات قولنا دى ثقافة وعندهم حلال
هذه مشاعره لا يمكن لأحد أن يغيرها .. الفرق بينه وبين الآخرين أو معظم الآخرين هو أنهم لم يصرحوا بهذه المشاعر .. لا تحاكم محمد بكلامه بل عليك محاكمة ثقافة شعب كامل.. ومن كلامه ايضاً: Quote: يا هجو يا أخوووووى الجنوب دا اصلوا شعب ربنا ابتلانا بيهو ولا هو بى يشبهنا فى اى حاجه ورضينا بالهم والهم مارضى بينا والحمدلله اراد الله لنا خيراً حيث لم نحتسب لذلك وربنا يعدلا عليهم بيضاء محل ما يقبلوا
اراه قد قرر حقيقة كنت قد كتبتها أنا هنا بكيبوردي وهي أن شعب الجنوب هو المسؤول عن الانفصال وهو خياره الذي اختاره طواعية الجنوبيين لا يشبهون شعب السودان الشمالي ككل اختلاف في العرق واختلاف في الدين واختلاف في الثقافة واختلاف في العادات والتقاليد
الخ الخ
بعد خمسين سنة ادرك كلا الشعبين أن عملية الاندماج بينهما غير ممكنه فكان نتاج ذلك الانفصال الذي حدث باختيار الجنوبيين له وأراه قد تأخر كثيراً
مجرد رأي بدون ساس يسوس ..
___ تعديل كلمة اختاره حيث سقط حرف الراء سهواً
فأين العنصرية يا هذا؟
لا يمكنك فرض ودك على الاخرين وتلك حقيقة فهي مشاعر انسانية لا علاقة لها بالعنصرية اما الاحترام فلا علاقة له بالعاطفة ويمكنك فرضه باسلوبك وتعاملك مع الناس
فهمته يا دبليو بوووك كواك لوال اجوقك؟
الرابط الجبتو دا طلع لي منو كلامي العنصري وطبعا أنت قلة الادب وزفاة اللسان حقتك ما محتاجة اثبات
وهاك الدليل
02-04-2016, 10:35 PM
سيف الدين بابكر
سيف الدين بابكر
تاريخ التسجيل: 01-14-2016
مجموع المشاركات: 3325
أتباع الفرعون؛ إنه يقول لكم فاتبعوه: أني ما أريكم إلا ما أرى ...
إن كان الأمر بيد فرعون الشمال السودان لما ترك الجنوب يأخذ دولته منفرداً بعيداً عن الشمال .. وكلمة السر هي النفط لا غيره! لا إنسان الجنوب حتى ولو كان مسلماً خالصاً!!
الآن عندما أدرك فرعون السودان الغرق يأتي على الملأ ليقول .. آن أوان الوحدة بين الشمال والجنوب مرة أخرى! لأن الفرعون وعصابته هم من يحتاج إلى هذه الوحدة بين منبع النفط ومنفذه!
ولكن أتباع الفرعون لا يفقهون!
سلموا عقولهم له واتبعوا العصابة بلا هدى ولا كتاب منير! حتى أوردوهم موارد الهلاك .......... وواقع الحال لا يحتاج إلى مقال.
سيعود السودان موحداً ولكنه على أسس جديدة يفرضها جنوب السودان على شماله المتضعضع: رقص وطرب ولعب وغناء - من القمة إلى القاعدة - فساد وسفك دماء: فلا الرب معه ولا الناس!
02-05-2016, 02:03 AM
سيف الدين بابكر
سيف الدين بابكر
تاريخ التسجيل: 01-14-2016
مجموع المشاركات: 3325
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة