|
|
|
 Re: رقية وراق : نفتش عليك بالسراج (Re: الجندرية)
|
رقراق
قبل السفر ، إتصلت مساء الجمعة وأنا في منتصف المسافة ، كنت أحمل لك خمس أعمال شعرية { دواوين } ل عاطف خيري ، الصادق الرضي ، مصطفى سند ، صلاح أحمد إبراهيم و محمد المكي ابراهيم ، أجابني وليد بأنك نمتي من الإرهاق ، وهو نفسه كان واضح عليه التعب من جولة الخور ، رجعت وعملت معه موعد ىخر لم يوفي به ، ثم المرة الثالثة قال لي نحن الآن في السوق ، لو خرجنا بدري حا نمر عليك وبالعدم سوف أمر عليك في طريقنا للمطار ،
يعني السبب في عدم وصول الكتب لك كسلك و وليد اللذي إختفى من يومها ولم يظهر إلا أمس !
| |
 
|
|
|
|
|
|
|
|
Re: رقية وراق : نفتش عليك بالسراج (Re: Adil Osman)
|
العزيزتان ...
جندرية ورقية
رمضان كريم وكل عام وانتما بخير ....
رقية ...سبقني ابوساندرا بتقديم اعتذاره ، فقد حملت الرواية التي وعدتك بها وجعلت اواصل الاتصال بتلفون وليد ولم اوفق في ذلك ، لعل هناك خطأ في الرقم .....
عل كل تحياتي لك ولاسرتك وسأكون علي تواصل معك ......
مودتي ...
| |
|
|
|
|
|
|
|
|
|
Re: رقية وراق : نفتش عليك بالسراج (Re: الجندرية)
|
رقراق
نستبطيء دورة الأيام ، نلكزها لكي تسرع وماهمانا { نقاص أيامنا} طول ماانت حاتجينا ، وسنغني ، سبتمبر إقبل ويومهاسنفرش السكة من المطار حتى بني عمران وسيشهد الكورنيش كرنفال الحب.
الكتاب في حرز مكين ، وحا تفرخ وتزيد
جندرية
تقتلعي البت من واجباتها المدرسية وتجرجريها لغاية هنا حتى يلمو فيها ناس رجاء والفنان عصام ومحمد عبدالرحمن ويجهجهوها وحضرتك عمل حمد لبد ، وبراندوق الديم عملتي { لبتون }
| |
|
|
|
|
|
|
|
|
|
Re: رقية وراق : نفتش عليك بالسراج (Re: الجندرية)
|
ما قلت ليكم الجندرية دي واصلة ،، شوف رقية وراق دي غايبة من زمن طويل ، بس طلبتها الجندرية بإشارة كده ، جات على طول ،،
الجندرية عندي زول بفتش عليهو من زمن اسمه الصاوي يوسف ، كان بيكتب في البورد باسم الصاوي ،، عليك الله ما تشوفي لي ليهو طريقة ،، والبياض يصلك بسرعة البرق ،،
وبرضو عيني باردة ،،
أهلا بيك بت وراق ، والله كلنا اشتقنا ليك ،، وبعدين قلنا ليك تعالي عمرة ، ما جيتي ! عليك الله ما تغيبي ،، بعدين ما دايرين كلام ساكت ، الكلام الساكت ده كل الناس بتعرفو ، عايزين شعر ،،
| |
|
|
|
|
|
|
|
|
|
Re: رقية وراق : نفتش عليك بالسراج (Re: الجندرية)
|
الجندرية
عليك الله أندهي لي زول مفتقدو شديد ، ما بجيب إسمو خايف الهواء { يقسمو} شارف الستين ومازال يلهث ، وقبال كده أدوهو { أعد} في الإملاء ، عليك الخوة فتشيهو لي ، وخوتنا الما قدر عشانا
| |
|
|
|
|
|
|
|
|
|
Re: رقية وراق : نفتش عليك بالسراج (Re: tmbis)
|
الغالي تمبس ،
والله ليك وحشة وفي البال ، لكن شوف عوارض النت .. لما لقيت البوست لقيت برضو انو صباحي أصبح ، الساعة الثانية والنصف صباحا عندنا فأقبل هذه التحية الصباحية العجولة الى أن نلتقي ثانية . لك معزتي القديمة المتجددة والود يا تمبس .
| |
|
|
|
|
|
|
|
|
|
Re: رقية وراق : نفتش عليك بالسراج (Re: رقية وراق)
|
الاخت الرقيقه .. رقيه الف حمد الله على سلامتك وبركة الشفتى الاهل طيبين
رمضان كريم عليك وكل سنه وانتى طيبه ..تصومى وتفطرى على خير ..
حبابك من تانى اختنا رقية.. والود مساحه..
*******
الجندريه سلام حبيبه ..انتى لسه شايله سراجك وبتكوسى فى اهلك ؟
والله انتى حنينه جنس محنه ..
تسلمى بت امنا وربنا ينور دربك وين ما تقبلى بركة دعوات العشر الاواخر..
| |
|
|
|
|
|
|
| |
الجندرية
lana mahdi
أبو ساندرا
abas
عصام عبد الحفيظ
إيمان أحمد
Raja
Adil Osman
محمد عبدالرحمن
عبدالله عثمان
ودقاسم
tmbis
فيس بوك
تويتر
انستقرام
يوتيوب
بنتيريست