الأخ بكري : محمد أحمد سعيد يطرق الباب بشدة يرجى السماح له بالدخول

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 22-09-2018, 07:40 PM الصفحة الرئيسية

مكتبة عبدالرحمن الحلاوي(عبدالرحمن الحلاوي)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
16-12-2005, 10:11 PM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


الأخ بكري : محمد أحمد سعيد يطرق الباب بشدة يرجى السماح له بالدخول

    تحية ود واحترام ياشيخ القبيلة وعلى الباب الأخ محمد أحمد سعيد له الرغبة في الدخول من هنا يرجى السماح له ولكم جزيل الشكر والتقدير .
                   |Articles |News |مقالات |بيانات

16-12-2005, 10:27 PM

إسماعيل وراق
<aإسماعيل وراق
تاريخ التسجيل: 04-05-2003
مجموع المشاركات: 9386

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: عبدالرحمن الحلاوي)

    Quote: محمد أحمد سعيد

    محمد أحمد سعيد - أبو فروع أم شخص آخر
    في الحالتين نثني ونزكي طالما أتى من طرف الحلاوي.
                   |Articles |News |مقالات |بيانات

16-12-2005, 11:04 PM

ALHALAWI

تاريخ التسجيل: 12-09-2002
مجموع المشاركات: 689

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: عبدالرحمن الحلاوي)

    أضم صوتي لصوتك ...
    وحبابك عشرة ...
    الحلاوي
                   |Articles |News |مقالات |بيانات

16-12-2005, 11:17 PM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: ALHALAWI)

    الأخ إسماعيل
    تحية الحب والود
    الطارق الذي كلَّ متنه هو ولدنا محمد أحمد إسماعيل من أبي فروع تلك القرية التي عاشت فيها أمي طفولتيها الباكرة إذ تزوج جدي محمد دفع الله من جدتها زينب عطا المنان من الزيداب في حملة عبدالرحمن النجومي وانتقل بها إلى أبوفروع ولي فيها أقارب ولي فيها أصدقاء وذكريات .
    الأخ علي الحلاوي
    قرأت خواطرك اليوم ونظراً لزحمة العمل لم أعلق . أشكرك مرورك وصوتك
                   |Articles |News |مقالات |بيانات

17-12-2005, 00:35 AM

domdom

تاريخ التسجيل: 04-12-2004
مجموع المشاركات: 422

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: عبدالرحمن الحلاوي)

    اثني
                   |Articles |News |مقالات |بيانات

17-12-2005, 01:58 AM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: domdom)

    لك الشكر دمدوم على التثنية والتعضيد وليدوم التواصل بيننا لمزيد من التعارف [email protected]
                   |Articles |News |مقالات |بيانات

17-12-2005, 04:00 AM

domdom

تاريخ التسجيل: 04-12-2004
مجموع المشاركات: 422

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: عبدالرحمن الحلاوي)

    تعرف يالحلاوي انا من الصباح حكاية امك من ابوفروع دي شاطبة راسي ما قدرت امرها
    لانو محمد دفع ال اتنين الفي الحلة
    محمد دفع الله الديس
    محمد دفع الله العركي
    و ديل الاتنين انا بعرفهم
    طيب انتا من اب سير
    ابوفروع فيها حجوزاب كتير اصلهم من اب سير
    ناس ود تاجر
    عمر ود حسن
    الفكي و د عبد العزير
    و تاني فيها اولاد ود يوسف
    و خلف الله ود ابراهيم
    و ناس قرشي و الطيب ود اردريس
    برضو ما تنسي ناس بسيوني و عول بت الجاز
    كلهم ديل امك ما منهم
    طيب محمد ود دفع الله جدك ده منو قول لي و اربط باكنية لو كان عندو كنية
    معليش غيرت الموضوع شوية
    لكن كلو عند العرب صابون
    المفأجاة انو محمد احمد ده اخوي

    (عدل بواسطة domdom on 17-12-2005, 04:02 AM)

                   |Articles |News |مقالات |بيانات

17-12-2005, 04:12 AM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: domdom)

    الأخ دمدوم
    ناس ودتاجر هم أهلي
    أخوالي : السماني والطيب وعبدالماجد وغيرهم كثر ناس
    وهم :
    عمر ود حسن
    الفكي و د عبد العزير
    و تاني فيها اولاد ود يوسف
    و خلف الله ود ابراهيم
    و ناس قرشي و الطيب ود اردريس
    برضو ما تنسي ناس بسيوني و عول بت الجاز
    كلهم ديل امك ما منهم
    طيب محمد ود دفع الله جدك ده منو قول لي و اربط باكنية لو كان عندو كنية

    وقفة :
    وصلتني رسالة من الأخ محمد أحمد سعيد عبر بريدي الالكتروني يثني على بوست ( الفزعة ياحلاوين الحقوا) معلقاً على البوست ويريد الانضمام لقبيلة سودانييز أون لاين فقلت له سأطلب الأذن من الأخ بكري .
    أشكر اهتمامك ودعنا نكون على اتصال
                   |Articles |News |مقالات |بيانات

17-12-2005, 07:49 AM

Adil Al Badawi

تاريخ التسجيل: 27-07-2005
مجموع المشاركات: 1143

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: عبدالرحمن الحلاوي)

    سلامات يا حلاوي، وعليك الله أدِّيني معاك فِريقَة...

    عزيزي domdom

    لقد قلت:

    Quote: تعرف يالحلاوي انا من الصباح حكاية امك من ابوفروع دي شاطبة راسي ما قدرت امرها
    لانو محمد دفع ال اتنين الفي الحلة
    محمد دفع الله الديس
    محمد دفع الله العركي
    و ديل الاتنين انا بعرفهم
    طيب انتا من اب سير
    ابوفروع فيها حجوزاب كتير اصلهم من اب سير
    ناس ود تاجر
    عمر ود حسن
    الفكي و د عبد العزير
    و تاني فيها اولاد ود يوسف
    و خلف الله ود ابراهيم
    و ناس قرشي و الطيب ود اردريس
    برضو ما تنسي ناس بسيوني و عول بت الجاز
    كلهم ديل امك ما منهم
    طيب محمد ود دفع الله جدك ده منو قول لي و اربط باكنية لو كان عندو كنية
    معليش غيرت الموضوع شوية
    لكن كلو عند العرب صابون
    المفأجاة انو محمد احمد ده اخوي

    غايتو يا أولاد سعيد ونَّاسين جِنِس ونسة ووصَّافين جِنِس وصِف ونسَّابين جِنِس تنسيب: "بالله إنت من سَقَط لَقَط؟! بالله؟! ياخي ما عندنا واحد جار ود عمة حبوبتنا ود بِتُّو معرِّس بِتْ من حِلَّتكم...ياخي البِتْ الأبوها شَغَّال....قول معاي...قول معاي...الخ...الخ.

    أها عشانك يا أستاذي منعم وعشانك يا أستاذي محمد أحمد وعشان كمية النقاء الفيكم الاتنين...أبصم بالعشرة مثنيَّاً طلب أُمحَدْ أحمد

    دقيقة...دقيقة، نسيت...برضو عشان النقاء الفي ود علي الطيب... والنقاء الفي صاحبك، يا منعم، علي محمد خير الله يطراهم بالخير.
    غايتو، تقول حليل المالية والاطارات وأللا تقول إقطع سنين المالية والاطارات، بطريقتك.

    تحياتي.
                   |Articles |News |مقالات |بيانات

17-12-2005, 11:18 AM

domdom

تاريخ التسجيل: 04-12-2004
مجموع المشاركات: 422

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: Adil Al Badawi)

    ود البدوي عربي الشرق
    نحن في انتظار الاخ بكري يدخل أمحد أحمد كما يحلو لنا نطقها
    ما تقوم تفتح المواضيع و نسدر نحن سدري ود اب سن
    المهم كيف الاخ علي محمد خير و كيف عامل و الله انا هو وين ما ني عارفو
    المهم عامل كيف مع اولاده العرب الصعبيين
    ساكن بري و لا رجع
    ود علي الطيب بقي كبير سماسرة الاراضي و رجع لي اصلو و اكان قلت ليهو سلام عليكم
    يقول ليك و عليكم السلام علي الطلاق
    اها اقول ليك جنيات الحلاوين الموضوع موضوعهم و انا سايبو ليهم
    و اجيك في لفة تانية
                   |Articles |News |مقالات |بيانات

17-12-2005, 10:01 PM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: domdom)

    دمدوم سلام عليك آجنى العريبي ود البدوي كلامو خلاني أراجع مفردات من القواميس نضمي الجنى بحتاج لترجمة . وإن شاء الله عرفت لي أهل في أبي فروع لأنو الفروع فرعت فريعات فارعة .
                   |Articles |News |مقالات |بيانات

18-12-2005, 01:02 AM

Adil Al Badawi

تاريخ التسجيل: 27-07-2005
مجموع المشاركات: 1143

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: عبدالرحمن الحلاوي)

    سلامات يا حلاوي، وعليك الله أدِّيني معاك فِريقَة تاني. بالمناسبة يُخيَّل لي إنِّي لاقيتك كم مرَّة أيَّام مساككتك للجرايد في السودان بس المدَّة طالت وما متذكِّر كيف ووين. وأللا إنت ما كنت مساكك الجرايد؟!...

    عزيزي منعم

    بقول كلامي دا وبخلِّي موضوع الحلاوين للحلاوين يِحَلُّوهو وإحِلُّوهو براهم ونتلاقى في لفة تانية.

    Quote: نحن في انتظار الاخ بكري يدخل أمحد أحمد كما يحلو لنا نطقها

    أُمْحَد أحمد زول حلو ودا مكان الناس الحلوين ونحن في انتظار بكري.

    Quote: المهم كيف الاخ علي محمد خير و كيف عامل و الله انا هو وين ما ني عارفو
    المهم عامل كيف مع اولاده العرب الصعبيين

    علي دلوقت عَبْ كبير في وزارة التعاون الدولي وأولادو بِقُو أمدرمانيين رغم أنف الأمدرمانيين.

    Quote: ود علي الطيب بقي كبير سماسرة الاراضي و رجع لي اصلو و اكان قلت ليهو سلام عليكم
    يقول ليك و عليكم السلام علي الطلاق

    ود علي الطيِّب لاقيتو قبَّال شهر تقريباً في السودان وصدقت في حكاية حلايفو: علي اليمين أكان قُلتَ ليهو تبادل المرسيدس بتاعك دا بالمستشارة الألمانية الجديدة دي (إسما منو هي؟!) يقول ليك عليَّ الطلاق ما ببادل. غايتو بِقَت عليهو حكاية واحد قريبنا حلاف الجماعة شارطوهو إنو ما يحلف لمدة عشرة دقايق قام قال ليهم عليَّ الطلاق أكان سويتوها عشرة يوم ماني حالف.

    تحياتي.
                   |Articles |News |مقالات |بيانات

19-12-2005, 03:22 AM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: Adil Al Badawi)

    ود البدوي ودمدوم لكما الشكر والعرفان على المداخلات لكن موضوعنا محمد أحمد والذي اتصل علي اليوم في هاتفي الشخصي وصراحة هذا الاتصال أثلج صدري وأتمنى أن نلتقي بالأخ عبدالمنعم في أبوظبي
                   |Articles |News |مقالات |بيانات

21-12-2005, 01:27 AM

Mamoun Zain
<aMamoun Zain
تاريخ التسجيل: 27-03-2004
مجموع المشاركات: 390

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: عبدالرحمن الحلاوي)

    الأخ عبد الرحمن الحلاوى التحية والشكر لك والتحية للأخ محمد أحمد الذى أتمنى انضمامه للمنبر حيث سيكون انضمامه اضافة ثرة وقلم ينبض بالعطاء ..
    والشكر عبر هذا البوست للأخ محمد أحمد للبريد الالكترونى لموقع حلاوين دوت نت
    والشكر لك مقدما أخ عبد الرحمن واعتذر لعدم وجود هواتف الاخوان ناجى ومهدى لكننى اوعدك أن اتحصل عليها من لندن نهاية هذا الاسبوع
                   |Articles |News |مقالات |بيانات

21-12-2005, 01:51 AM

Mohammed Ahmed Saeed
<aMohammed Ahmed Saeed
تاريخ التسجيل: 19-12-2005
مجموع المشاركات: 684

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: Mamoun Zain)

    أشكرك مامون لقد قام بكرى مشكورا بقبول عضويتى واتمنى ان يتم التواصل
                   |Articles |News |مقالات |بيانات

21-12-2005, 02:15 AM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: Mohammed Ahmed Saeed)

    مبروك محمد أحمد العضوية وخلينا على اتصال وعبدالمنعم منتظرين منه اتصال
                   |Articles |News |مقالات |بيانات

21-12-2005, 02:25 AM

domdom

تاريخ التسجيل: 04-12-2004
مجموع المشاركات: 422

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: عبدالرحمن الحلاوي)

    مبروك
    و تعال يا ود بدوي علي بوست برانا
    عايز افكها فيك
    ها عربي
    اللوبببببببببببببببببببببببببة
                   |Articles |News |مقالات |بيانات

21-12-2005, 02:54 AM

Adil Al Badawi

تاريخ التسجيل: 27-07-2005
مجموع المشاركات: 1143

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: domdom)

    سلامات يا حلاوي للمرَّة التالتة والمرَّة دي بقينا أسياد بيت فاسمح لينا ندخل تووش.

    مبروك يا أمحد احمد وعليك الله أبدأ لينا بشرح دي:

    Quote: الفنان المفضل: محمد سرالختم

    يا منعم ما عندي مانع من:

    Quote: و تعال يا ود بدوي علي بوست برانا
    عايز افكها فيك
    ها عربي
    اللوبببببببببببببببببببببببببة


    بس أفتح البوست لأنَّو أنا هسَّع إيدي وسخانات قاعد أليَّس لي في حيطة.

    تحيَّاتي
                   |Articles |News |مقالات |بيانات

21-12-2005, 06:48 AM

Mohammed Ahmed Saeed
<aMohammed Ahmed Saeed
تاريخ التسجيل: 19-12-2005
مجموع المشاركات: 684

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: Adil Al Badawi)

    عادل سلام
    وأكرر الشكر على التثنية
    محمد سرالختم دا دفعتنا راجل صوتو جميل جدا وبغنى حقيبة فقط وكنا بداخلية الرهد نجلس بعد التاسعة احيانا وخصوصا نهاية الاسبوع ويصدح اخونا محمد باجمل أغانى الحقيبة وحسابى معاهو لازال كلو كسور

    (عدل بواسطة Mohammed Ahmed Saeed on 21-12-2005, 06:56 AM)
    (عدل بواسطة Mohammed Ahmed Saeed on 21-12-2005, 07:00 AM)

                   |Articles |News |مقالات |بيانات

21-12-2005, 08:46 AM

domdom

تاريخ التسجيل: 04-12-2004
مجموع المشاركات: 422

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: Mohammed Ahmed Saeed)

    لو جات سيرة محمد سرالختم ( الفوهرر ) ندخل و نقول
    انو انا ذاتي لمن محمد سرالختم كان دفعتي ( لاحظ انو هو دفعتي و دفعة محمد احمد )
    كان بيغني لينا لمن نحن كنا في سنة تانية ساكنين في فلسطين و اتذكر انو كان ساكن في الغرفة الارضية القريبة من مكتب الباش خفير بتاع الداخلية و كانت اقرب غرفة للصفرة
    الفوهرر طبعا كان يشدو و كان الوحيد ما عليهو مؤثرات
    ربنا يشفي الفوهرر محمد سرالختم و يمد في ايامه
                   |Articles |News |مقالات |بيانات

21-12-2005, 09:32 AM

Adil Al Badawi

تاريخ التسجيل: 27-07-2005
مجموع المشاركات: 1143

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: domdom)

    سلامات يا حلاوي، سلامات يا أمحد أحمد، سلامات يا منعم،

    ما قلت ليكم؟!

    Quote: غايتو يا أولاد سعيد ونَّاسين جِنِس ونسة ووصَّافين جِنِس وصِف ونسَّابين جِنِس تنسيب:

    Quote: ربنا يشفي الفوهرر محمد سرالختم و يمد في ايامه


    آميييين، ويشفي كل صنَّاع الجمال.
                   |Articles |News |مقالات |بيانات

22-12-2005, 01:27 PM

domdom

تاريخ التسجيل: 04-12-2004
مجموع المشاركات: 422

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: عبدالرحمن الحلاوي)

    يا عادل البدوي المسخوت
    شكيت محنك علي الله
    انا عارفك داير تدردقني و تدودرني لي الكلام البجيب الكلام البخرب النظام
    ما كفاك الدردقة السويتها لي محسن خالد اسع دي دخلتو في المكمة و خليتو مع ناس الهامش الثقافي في تمنة زي المؤبد محروسلو بس سكين رغم انو هو ما بهمو لكنهم و انا بعرفهم حارسنو حراسة كلاب البطانة ام سنونا صفر لغزال ريا و الصفية .
    عادل هوي شكيتك علي الله انا الضرس ما زال يتوراني
    ما زلت اشدو بمديح الظل العالي ( درويش )و علو نفس بابلونيرودا و شطارة ناظم حكمت و تهويم ماركيز و فجائيتة .
    ما زالت نادوس حميد تسطر فيني قسم الانتماء للعدالة
    ما زلت احلم بسودان المستقبل .
    لذلك يمكن لوطاويط الظلام ان تسطر الف وثيقة اتهام
    عليك الله خلينا بعيد شوية
    اها اليلة انا ماش اجر السبحة
    اقوم انفخك اسع دي
    و اقلبك صوفي زيييييييي
    لكن يهدأ وجع الضرس
    الكلام الفوق ده هضربة
                   |Articles |News |مقالات |بيانات

24-12-2005, 04:04 AM

Adil Al Badawi

تاريخ التسجيل: 27-07-2005
مجموع المشاركات: 1143

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: domdom)

    سلامات يا منعم، يا منعم سلامات

    تقول:

    Quote: انا عارفك داير تدردقني و تدودرني لي الكلام البجيب الكلام البخرب النظام


    يا زول هيي، طلااااق من جلابيتي الواحدة دي مافي زولاً راجيي ليهو زولاً يدودرو...الناس دي، وأنا وإنت محسوبين في الجُمْلَة، مِدُودِرَا المِدُودِرَا.

    مو ياكا أنت ذاااتك منعم الجابني ليهو خالي في المالية (جيبة شافع للحلاق يوم التيسوعة) عشان يوريني أكتب شنو عشان أمرق بيهو من الجامعة مَرْقَة أمَّات طه اللي هسي ما رجَعَنْ؟! مو ياكا أنت ذاااتك منعم الشرَّق بي وغرَّب بي في نضمي عن التضخَّم فيهو سيرة كل الأعداد إلا أعداد السِبْحَ الماسِكنَّها دي؟! ما بتتذكَّر كلامك؟! مو ياهو كُلو ما قال ماركس وما قال لينين؟! كان ممكن، بالمناسبة دي، أَهَبِش قول المُغَنِّي وأقول ليك: ما تتضارى ورا السِّبَح لكين إتذكَّرْت: منو هو الما متضاري ورا السِّبَح؟!.

    قبَّال كم يوم حضرت ليْ حفلة لأعمال طبَّال كوري وماك طالبني حليفة أكان ما من عدم عجاجة ناس حي…قيوم، الحي…قيوم ونضافة القاعة كنت أقول الطبَّال دا ياهو علي ود كَمَل الدين متحزِّم ديك يا التِحِزِّمة الما بِتغَبَاني…يازول جَزَمْ الإيقاع بتاع "كتلنا الكلبة عشان بامبيَّة…كتلنا الكلبة عشان بامبيَّة" نَسَخو ذاتو الخالق الناطق ولَصَّقو لينا ولمَّا زولك (الطبَّال الكوري) إتفولح وقال خلااااس سوَّى الما بتْسوَّى ما فات الإيقاع بتاع "طلَّق زفتة أم تكشو أم تكشو… طلَّق زفتة أم تكشو أم تكشو" مع شوية موسيقى تصويرية لا تحكي إلا عن زفاتة أم تكشو في نظر الطبيب لا المجرِّب لأنّو زفاتة أم تكشو في نظر المجرِّب لا تعدو كونها غشامة ساكت. خلاصة الأمر: أشْخَتْ الكورة الأرضية دي من تالا اليمين لامِن قلمك يركب فوق الكُّم الشمال لي جلابيتك (خدرا هي وأللا لِسَّاتَك زول سِبَح ساي) تلقى الخَلِق دي على طول الشَخِيت الماسِك ليهو منَّهم عدد ماسكو والهايم ساكت هايم والما مرقَّعة جلابيتو مرقَّعة روحو ذاتا والما مرقَّعة روحو مُعتبِر نفسو عِرِف وزي ما إنت عارف: مافي زولاً عِرِف العِرْفة حقَّت القوم إلا وحِسْبَتو بِقَت من حِسْبَة القوم ذَاتُم. نحنا غايتو أكان الله مَدَّ في عُمُرنا، وبِقى لينا باقي عَقُل بعد محاحاة رِقِّيع الروح اليومي دا، بِنْرَقِّعا الجلابية دا أكان ما جانا الزمن داك متشَمِّر ولِقَانا راجِينو أُمفَكَّو قولاً وفعلاً.

    جُرْ سِبْحَتك تَبْ وسوِّي الدايرو أكَان تنفخ أكان تَسْخَت أكان تَهَدِي أكان دا بهدِّي ضُرْسَك لكين في ناس، وإنت قَطِع شك منَّهم، شَغَلَتُم ما ضرساً بِتَاوِرُم...دَمَّهُم هو البِتاوِرُم...أها دا لا بِقْلَعوهو ولا بِغَيِّروهو بي طَقِم دَم...اللهمَّ بِصْبُرو عليهو وعلي الفِصّيد اليوماتي الجارِّيهو معاهو لي حَدِّي ما يجي يوم الحقيقة الإمَّا فَرَز الدم الفاسد من باقي الدم وإما سَيَّح الدم فَدْ مرَّة وريَّح سيدو.

    تقول، وأشاركك القول:

    Quote: الكلام الفوق ده هضربة

    وأضيف: الحياة ذاتا (أكان الزول بِقَى يمين أكان بِقَى يسار أكان فوق أكان تحت أكان بين البينين) ياها هضربة في هضربة.

    ما بَقْدَر أقْفِل خلوتي دي عليْ إلا بَعَد ما أحييك علي الفَشَّة الفَشَّيتني ليها في الصباح الما كان ناقصو غير صِرِّيخ الكَدَسَة الحايلة السويناهو فوق دا وتحياتي للحلاوي ولأمْحَد أحمد باقي الناس ديل صبرو علينا صبراً بَقَّى الآبري مريسة قوم بَسْ مين يقدر يبُقَّ ليهو مِنَّها بُقَّة تلحِقو الزينين والشينين وتخلِّيهو يدُق عَضْمو وبراهو يضرِّيهو وما يكون هامِّيهو أكان في هوى أكان مافي هوا.
                   |Articles |News |مقالات |بيانات

25-12-2005, 01:43 AM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: Adil Al Badawi)

    عادل البدوي وعبدالمنعم سلام .. الحكاية شنو يا جنيات مسكتو البوست على حسابكم أها دا طرفي منو خليتو ليكم .. أمحمد أحمد دخل الباب وما سمعنا ليهو حس لليلة وعبدالمنعم لابد في حيط ابظبي ديك ( الحيط قطع شك نخرة كلب من شدة سقطها) الايام سقط شديد دا كان عندنا كان زرعنا فيهو قمح لكن في ابظبي القمح بجي مدقق جاهز لا عارفين زراعتو ولا طحنو.
                   |Articles |News |مقالات |بيانات

25-12-2005, 11:47 AM

domdom

تاريخ التسجيل: 04-12-2004
مجموع المشاركات: 422

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: عبدالرحمن الحلاوي)

    عبد الرحمن الحلاوي سلام
    و يا ود البدوي و الله امبارح قاعد نص ساعة ارد كملت الرد اها هبشت ليك واحد من المفاتيح الهبشة محت كل الكتبتو و اظن دي بركة شيخي محت الكلام علشان مرقتني يالمسخوط من الخط
    المهم وقت جابوك جارنك جرة عتود في سوق رفاعة زمن مفرق الحبتين داك . اتذكرت حلاقة يوم التيسوعة براها ليه و ما اتذكرت اكل الفول بي الجبنة و زيت السمسم و الرغيف و عدم غسيل ايديك عشان اشموها و اتصرموها شفع الحلة مالك ما دوعلتك انا يومك داك بي تطلع الفرج و كتين كان الفرج الشارع الصان يفور فورة حلة فور ( الحصاحيصا ) مغرب يوم عيد الضحية . و الناس تكوريك كوراك حميد و قيتن شاف شفع سنة 84 في معسكر المويلح
    في ريحة نار زغاريد الفرج طقن اجر يالزين رواكيب الفضل حرقن
    جرينا جري و جنس خلقا تشوف النار و تتخلقن
    عادل جري الزمن من نميري لي الانتفاضة و الشارع الصان شافتو الدنيا كلها هاج و ماج لمن دمو وصل الركب و حلقو جفا في شارع الجمهورية بين شارع القصر و بنك الوحدة القديم و شارع القصر ذاتو دوخ شرزام مايو اتفولحنا نطالب بزيادة الاجور و تسليم نميري . و كليليمة النضيضيمة سوتو كلام و نضمي الشماسة الحرستهم قبل الاتفاضة و حات الله صاحبتهم ودي اول مرة اذكرها و نقاشتهم لمن جدو سالوه عن التناقض و رد قال لي ضوينا ( ديل كانو نشالين اشتغلوا اول حاجة في مطعم كمونية و علي حسب كلامهم أكل الكمونية تلات وجبات ما بنهضم الا بشم السلسيون )تناقض ده ما هو لو كان عندك جردل مقدود و كبيت فيهو موية يبقي تناقض و لا لا
    المهم كلام الشماسة بعد الانتفاضة انعدل و اسالني انا متابعهم من سنار التقاطع حيث اكبر مدرسة نشالين لي شيخ النشالين حدا عيادة دكتور فضيل الجديدة.
    عادل الكلام اتلخبط و ما بمحي كملة الشماسة ذاتهم بعد السنة الاولي زهجو
    جدوا رجع للنشل و قال حكومة دي ود النجس
    انا قلت خلاص نحن في اخر المطاف
    حميد الكلب عرف اللعبة في اول الايام بعد الانتفاضة عوعا بي
    خوفي من تلحق رفيك يا بريق نجم الحياري و انتا لا نور فريقك لا برق فجر السهارا
    دخلنا كومة الانهزام
    و بدل المسالة ما تبقي نغم كتلنا الكلبة علشان بمبية بقت
    الحتميات تعلق بكرامة شيخ يحل المسالة حتي لو انيا
    و طلق زفتو ام تكشو ام تكشو
    بقت ترخيمة بامل حل المشكلة زي انسرب عرش بلقيس بدعوة سيدي اصف بن بريخا
    الكلام قبل ما يفوت المقام جانا دو الكلب غورباتشوف و تما الناقصة
    انقلب الاول اخر و الاخر اول
    بدل شيوعية تعقب الاشتراكية جاتنا راسمالية بالمحمر و مجمر تاكل لمن تقول بس
    بت العفنة النظرية
    اها نقبل وين و نقول يا منو
    الجهات كلها اتقفلت
    الجهات الستة شمال جنوب
    شرق غرب
    تحت فوق
    شنو يحلها منو الحلا بلة ما بحلها
    يحلوها ناس الخطوة و طي الطي
    البسكتو الوي .
    انا دايرك تدودر الدودار اللخبط ميزان كيانا يوم ركبنا الطيارة مطرودين من بلدنا و انقلبت الاية جيبنا اتملا و موية الملح نفخت بطنا و شفعنا عرفو البلي استيشن و الكمبيوتر و اختلف مقاس المعاناة عندنا
    اها فينا فايدة للغبش بعد
    نحلها في الدايرة الصفيرة و نهوم هيام المجنون
    شكيتك علي الله انا الكتابة رسنها انفكا مني
    مع السلامة

    (عدل بواسطة domdom on 25-12-2005, 11:58 AM)
    (عدل بواسطة domdom on 26-12-2005, 09:24 AM)

                   |Articles |News |مقالات |بيانات

25-12-2005, 03:01 PM

محمدين محمد اسحق
<aمحمدين محمد اسحق
تاريخ التسجيل: 12-04-2005
مجموع المشاركات: 9983

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: domdom)


    أخي عبد الرحمن الحلاوي

    نرحب معك بالاخ محمد احمد سعيد ..
                   |Articles |News |مقالات |بيانات

25-12-2005, 11:18 PM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: محمدين محمد اسحق)

    الأخ محمدين
    تحية طيبة وبعد
    نشكر وقفتك لجانب محمد أحمد .. فقد دخل الجنا المنبر لكن لليلة لا حس لا خبر !!!
                   |Articles |News |مقالات |بيانات

26-12-2005, 07:09 AM

Adil Al Badawi

تاريخ التسجيل: 27-07-2005
مجموع المشاركات: 1143

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: عبدالرحمن الحلاوي)

    سلامات يا حلاوي. يا أخوي بين البايع والمشتري يفتح الله ويستر الله، بالمختصر كدا: البوست دا بتبيعو بي كم؟! بي تمنو ما بخارج؟!

    يا منعم...يا منعم،

    قلت لي كييييف؟!

    Quote: دخلنا كومة الانهزام
    و بدل المسالة ما تبقي نغم كتلنا الكلبة علشان بمبية بقت
    الحتميات تعلق بكرامة شيخ يحل المسالة حتي لو انيا

    و طلق زفتو ام تكشو ام تكشو
    بقت ترخيمة بامل حل المشكلة زي انسرب عرش بلقيس بدعوة سيدي اصف بن بريخا


    يعني، يوم "خنَّقت" القمرا
    الخير يا عشايا "ضارينا بي" أهلنا
    "الما" بسعلوك مننا

    دا كلام داير ليهو عرَّاقي رهييييف وحوش مرشوش نصَّصصصت نهار نُصَّصصصت شهر مارس وريحة زهور النيم تقول: يا "قييييظ" أبقالي شاهد وجَبَنَة تقلِّق بي الهاجس عمرو كلو...أها، وما يكون عِنْدك أدنى فِكرة النُّص التاني من النهار (وأللا من الشهر) داير تسوِّي فيهو شنو. باختصار: إجازة، مش من الشُغُل وإنَّما من ال Rat Race دا الدخلناهو، حكمة الله، بي محض إرادتنا.

    خلِّيني بَسْ أنْجُر لي وضِع مشابه وأكان الله حيانا بجيك وأكان ما حيانا عاد قول عيييك.
                   |Articles |News |مقالات |بيانات

26-12-2005, 09:57 AM

domdom

تاريخ التسجيل: 04-12-2004
مجموع المشاركات: 422

للتواصل معنا

FaceBook
تويتر Twitter
YouTube


Re: الأخ بكري : محمد أحمد سعيد يطرق الباب بشدة يرجى السماح له بالدخول (Re: عبدالرحمن الحلاوي)

    ود البدوي
    تعال و البركة البتفش للعراقي و بس
    خفت تقوم تحذف الالف
    المهم
    نحن في الحالة البطالة
    بالالوب نعدي و من التمر قناع
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de