|
Re: مجادعات.. يا أهل المجادعات (Re: Abuobeida Ali Abdullah)
|
ظبية ناله ماجلبوها يوم السوق وما بد(د)انى* صيادن شحيح ممحوق ياعباسى دا العسل اللذيذ فى الضوق مابننساهو لامن يشهق الواسوق بله ودجبرين جلال الليله جابلو فروق قال ظبيتنا جخسه وسوي فيها شدوق ماشاف المرجرج والخصر مدقوق والفاطر المزرقن والعسل مدفوق? جلال ودجبرين جلال الليله جابلو فروق قال ظبيتنا جخسه وسوي فيها شدوق ماشاف المرجرج والخصر مدقوق والفاطر المزرقن والعسل مدفوق? بله موسى
شبت شافتك ياخويا طير بي فوق وأبعد من هني ماتنشنق في السوق معروف الغزال لحمو القليل مابحوق أرجعو للجداد وضكر الدباس أبطوق
جلال
ود جبرين اظنك ياحبيب مشروق هاك الموية عقبان النضم ملحوق الكييف يخلى البكرى لامن يروق وياخد رشفه رشفه ومره كرفه نشوق ********** ماتضيق ياجلال اصبر علينا وروق وازرع شتلة الريد كان تسيلا عروق بى جدول محنه تزيد تطول لافوق وفايح كرفها يستعدل الطايوق ********** ودجبرين حلاوتنا اللبت لاتحوق حالى طعمها,غالى تمنها خلقه وذوق شتله لتيبه بتفك زنقة المشنوق الرفدور سقاها والفرير ماروق
العباسي
أنا شارقني شوقا لي حليلة السوق الفيها أمرشوم العالية قامتا فوق فارقنا الديار هجينا جينا مروق وماقايلين نفوت ومر الفراق بنضوق ******** الضيق اليزيد مادام ضربنا شروق كايسين للقروش من جيل يباس ممحوق في درب الرجوع نرفع علمكن فوق ونهتف بالفرح يادوب بقينا مروق ******** حلاوتكن تعشرق حككن حنقوق ضافرنبو البرش فارشينو ليك أبزوق نالة مفدعة بت نيل تطول الفوق بي نشاب عيونا بتفزع المسروق
جلال جبريل
| |
|
|
|
|
|
|
Re: مجادعات.. يا أهل المجادعات (Re: جلال جبريل)
|
Quote: وعقب صلاة العصر سوف يكون عقد قراني بدار عمي العامرة |
جلال جبريل ــــــــــــ
جلال العريس يا قندولنــا الشنقـل الريكه يا عريس بت القبـايـل المأصله ومسبوكه مُــو لسـانا البِقُـولَكْ العـروس مبروكه تقولها قلوبنا تديـك التهاني ترميها عليكا
أسعد العباسي
| |
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
جلال العريس يا قندولنــا الشنقـل الريكه يا عريس بت القبـايـل المأصله ومسبوكه مُــو لسـانا البِقُـولَكْ العـروس مبروكه تقولها قلوبنا تديـك التهاني ترميها عليكا
العباسي
شكرا ليك كتير مرجية فيك حاريكة سباقا همام زول واجبن تاريكا صلي علي الرسول وأسأل كمان باريكا يجعلو لي مبارك ومايرجعوها الشيكة
ودجبريل
عندي زول دايرلي منو قروش والشيك بكرة
| |
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
عاد وكتين تقوم مـــن بيتا لــي جاراتا تمــشي وتنفدع تقـطع كبيدتي أنـا زاتا ناجضة الناس جميـع مو بي كلام وصواطا بي الكــرم الـرغيد والقـوم عليهاكفاتا
جلال جبريل
وكــان رقصت بـى قِديمَا ده البتاتا ومالـت وانــتنت بى فدعتا الكَّفاتا وختت في قَفَاها دِيسا الغلَّب المشَّاطه بتخَلي دِمَانا في الساحه تجري شتاتا
أسعد العباسي
ومشيهو عاد لخبت حياتي وجاطا قابض في حشاي حدود المرض ديك فاتا يلعب بي دوام وبيا أصبح باتا لاعب في المحاص قلب خطوطي وساطا
| |
|
|
|
|
|
|
Re: مجادعات.. يا أهل المجادعات (Re: إسماعيل حميم)
|
الدهب المدرع في يداك وجيدك فاقو شعاع جمالك يا الضميرى بريدك واجف قلبى جافل نومى من تـهديدك ناتلا سماحة لا نُشْكر عليهو قصيدك
ود شوراني ـــــــــــ يا اسعد ودكتور بله بالله شوفوا النتل ده كيف
مشتاقين يا بله ياخ انت بتغتس وتقلع من وين؟
| |
|
|
|
|
|
|
Re: مجادعات.. يا أهل المجادعات (Re: إسماعيل حميم)
|
ومشيهو عاد لخبت حياتي وجاطا قابض في حشاي حدود المرض ديك فاتا يلعب بي دوام وبيا أصبح باتا لاعب في المحاص قلب خطوطي وساطا جلال جبريل
مفدوع القوام شتت لحاظنا وجاطا بي ديسو المجدوع الفتّر المشاطا شبّك قلوبنا ولي عروقن شدّ رباطا لخبط حلنا لي أرواحنا زاد إحباطا
إسماعيل حميم
شالت طرحتا وسوت سواتا اللاتا تمرق بالضرا تفقد جميع جاراتا شبكت الرويحة وعشمت شماتا وماهماها هي فقطن تسوي سواتا
ودجبريل
| |
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
Quote: اليوم وبالبسابير ريفي شندي تلك القرية الهامة القامة وعقب صلاة العصر سوف يكون عقد قراني بدار عمي العامرة |
ود جبريل العريس الف مبروك ليك اليوم الـعقد بالخـير يتـممو ليك مولاي الكريم من العين يغتي عليك اقدل يا جنا الملايكة ديك حواليك
| |
|
|
|
|
|
|
Re: مجادعات.. يا أهل المجادعات (Re: Ahmed Yousif Abu Harira)
|
Quote: ودي نهديها لود جبرين لبلاءه الحسن في هذا البوست
بعد الشيب وملك النفس والتجنيب يا قلبى ابتلاك حبا ودادو قريب اح من نار جنى الصيد اب نشوقا طيب مكلوف شايقى تحت الطاعة والتدريب |
أحمد موافقين ود جبرين فوقنا في الترتيب ما أصلو غناي ودوبايو صابــقو صبيب واليوم فيهو نـورة العريس اللِقالو حبيب زرق قلبــو بى سهماً شديـد ما بخيـب
أسعد العباسي
| |
|
|
|
|
|
|
Re: مجادعات.. يا أهل المجادعات (Re: إسماعيل حميم)
|
الناس السلاح شايلنو قالو كتوف من الطنبنجية لاعن كلاشنكوف حالفين الذخيرة يسوها بكرة دفوف بارودن بخور يطرب ضيوفنا كروف جلال جبريل
مبروك الصفاح يا البي الكرم محفوف ما بدور مداعى أصلك في البلد معروف ضيوفك شادة رحال داخلة عليك صفوف جلبت المراحات وكل ضيف بي خروف
إسماعيل حميم
الخرفان طرش رقدن لحومن دوف والضلع الكبار فوقو البديل مردوف كفاتن كلهن بالجن تعالا وشوف وأوعك تنخلع جيب الدفين في الجوف
ودجبريل
بسم الله مافي بالشيطـــــان معاهن
| |
|
|
|
|
|
|
Re: مجادعات.. يا أهل المجادعات (Re: Ahmed Yousif Abu Harira)
|
ودي نهديها لود جبرين لبلاءه الحسن في هذا البوست
بعد الشيب وملك النفس والتجنيب يا قلبى ابتلاك حبا ودادو قريب اح من نار جنى الصيد اب نشوقا طيب مكلوف شايقى تحت الطاعة والتدريب
أبوحريرة
بعد القعد قايم زفافي قريب في الخرتوم نجي ونترك شغلنا نسيب مدعوين جميع تلقونا في الترحيب في يوم 10/10 رقم الأسد والضيب
ودجبريل
| |
|
|
|
|
|
|
Re: مجادعات.. يا أهل المجادعات (Re: محمد البشرى الخضر)
|
ود جبريل العريس الف مبروك ليك اليوم الـعقد بالخـير يتـممو ليك مولاي الكريم من العين يغتي عليك اقدل يا جنا الملايكة ديك حواليك
محمد البشرى الخضر
ود البشري خوي رسلي عاد تبريكا بي زفة ملايكة والعجين دليكا أقبل يارفيق شكرا برسلو ليكا إمشي القانقرد في قفاك باريكا
ودجبريل
| |
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
أسعد فارس فوق ضهر العدو يدق مسماره يا كرناف أبو عشره أبونضاره بيك الرجال يوم الحاره تضارا على الحرام كلامك خلى الدموع تتجارى اضرب تمام أدى الحله عصا وعيطه للنقاره انت راجل الضراء يا دراج المحل ساتر الجاره ***** حميم أخوى نضمك حلو بالحين ول قور بقى مدلقن وشين البندر تعيس شال فى الضهر الشين فزعك مطلوب قبال أقبل دحين لبلد البقاره أنشاءالله أعتل طين أخير من بندر سجنا كركونو درابزين
| |
|
|
|
|
|
|
Re: مجادعات.. يا أهل المجادعات (Re: Abuelgassim Gor)
|
Quote: اليوم وبالبسابير ريفي شندي تلك القرية الهامة القامة وعقب صلاة العصر سوف يكون عقد قراني بدار عمي العامرة . |
ودجبرين مطمن خوفة الملهوف كتفك فى المقام مالاحقنو كتوف فالك ياعريس النيل تساب وجروف والمال والبنون والسترة والمعروف
| |
|
|
|
|
|
|
Re: مجادعات.. يا أهل المجادعات (Re: Balla Musa)
|
Quote: يا اسعد ودكتور بله بالله شوفوا النتل ده كيف
مشتاقين يا بله ياخ انت بتغتس وتقلع من وين؟ |
أبوحريرة ياشيخ العرب
كيفك يابا واريتك تبقى طيب
ياشيخ العرب نحنا مندسين من أوكامبو وبنكوس لينا لأجاويد كان يخارجوا ود البشير.
يا العباسى
عليك الله شوف إسم أبوحريرة دا كيف مفعم بالتراث ومترع بالتفاؤل!
| |
|
|
|
|
|
|
Re: مجادعات.. يا أهل المجادعات (Re: Balla Musa)
|
عليك المولى ياباسبار تقيفلو محامى ودجبرين جلال الفى الكرم قدامى يوم زفوا الاصيله على الاصيل وعصامى برمى نقوطى يوصل للمقامن سامى
بلة موسى
شكرا ليك كتير حقيت وجب إلزامي ياود موسى سي سيد النحاس الحامي ياخي سلام لقاديف بنزفو ليك قدامي ليك وللمعاك ناساسلاحن رامي
ودجبريل
| |
|
|
|
|
|
|
Re: مجادعات.. يا أهل المجادعات (Re: Balla Musa)
|
الرحمة لروح سهام
بالسين سايما روحا وتدى غيرا حياتا وبالها هاديه ماشالت نضم جاراتا بالالف اسمى روح صعدت تعظم ذاتا بالميم ملكه فى قلوب البعرفو غلاتا
بلة موسى
بالسين ساكنة راسية ماتعلي صوت جواطا وبالهاء هجعة تسري الليل تصلي صلاتا بالألف أنضف من مياهو فراتا بالميم مدرت مركب حصاد دنياتا
ودجبريل
| |
|
|
|
|
|
|
Re: مجادعات.. يا أهل المجادعات (Re: جلال جبريل)
|
Quote: من سفر الحبيب اصبحت ماني نصيح غالـبني الصبر وباعلى حـسي اصيح اريت اكان عندي جني و بـساط الريح في دقيقة يحملني لي بلد الوجيهو مليح |
سائلين الكريم يجمع يجيبو سريع ياالتلب اللزوم في الحرة ماك لويع بتعدل الكلام السمح ونضمك مو جِديع لوك الصبر ياالبشرى وصلي قول يا سميع
خالد
| |
|
|
|
|
|
|
Re: مجادعات.. يا أهل المجادعات (Re: Balla Musa)
|
جاكن الأصهب رديف القـــــــوق
بي شاشايو بي دوبايو تب مشـــروق
مرواد الفكك والفي الضلـــع زاروق
ود ابوحوه أناملك الملوك فــــاروق
البيت بيتي تب وحرم ما بدور لي ترحيب..
عوافي ياطيبين
________ فاروق أبوحوه
| |
|
|
|
|
|
|
Re: مجادعات.. يا أهل المجادعات (Re: فاروق أبوحوه)
|
ليك الرحمة ياسهام والملايكة تزفك يات من خاب ونام وعتو نقرة دفك والكان صاحي هام بنزاهة حرفك خالدة الذكرى تاريخ انكتب بكفك
سمية الحسن محمد طلحة
Quote: ودالعباسي الهمام سيد الجلد والرأس سلام ريحانة ودطلحة بت الرجال متراس وبجيب النم طرب فوق البشرى مو نسناس وبعقب بي ودصديق الحبيب ودود ونّاس خالد |
حباب خالد ليك الهيبة باقية لباس ياطيب الأصل الباعد الخناس ياالواعي وفهيم ماقالوا فكرك داس في جنب العرض حاشا خاتي مساس
سمية الحسن طلحة
Quote: سمية بنت الحسن فردة ما بتتجارا في كل المتون حايزة العلوم بجدارا في ساعة الفزع حاشاها ما بتتضارا وان جيت للبوادي كضب البجيب مسدارا الحبر ابراهيم الكباشي |
الحبر سيد الحلقة البيجذب طارا حويت كل العلوم وشربت من أسرارا حبّرت الحديث شرحك بدورلو بصارة الإيد الطايلة ياتو البدنيها يلعب كارا / سُمَيَّة الحَسَنْ طلحة
| |
|
|
|
|
|
|
Re: مجادعات.. يا أهل المجادعات (Re: سمية الحسن طلحة)
|
Quote: بتك يالحسن حافظاهو أهلك جاهن لابسة الحشمةمقنع والشلوخ عارفاهن أدركت الرجال سي بالدروب قاصاهن ومن جنا راكبن في الصي يدفقو ماهن جلال |
ناير العرسان وبت عمو بخيت مأواهن في ذكرى العروج والإسراء تم لماهن ديل عوج الزمان لا جوة مادساهن مارقين برة في كبد المحاص تلقاهن
سمية
| |
|
|
|
|
|
|
Re: مجادعات.. يا أهل المجادعات (Re: سمية الحسن طلحة)
|
Quote: اليوم وبالبسابير ريفي شندي تلك القرية الهامة القامة وعقب صلاة العصر سوف يكون عقد قراني بدار عمي العامرة . وقد حكمت علي ظروف المهنة أن لا أكون هناك فقط إكتفيت أن ألوذ بالهاتف تارة والمسينجر تارة أخرى علي أشفي قليلي من بعض مايعتليني من متعة أن تجول فوق راس الضيوف موجها للصغار أن أجلبو وضعوا وهلم وهلم..
فقد أفادوني أشقائي أن الكثيرين وحسب عاداتنا هناك حملو مالديهم من ذخائر وسلاح لهذه المناسبة :
وكتبت أورد لكم من الذي كتبته أمس:
الناس السلاح شايلنو قالو كتوف من الطنبنجية لاعن كلاشنكوف حالفين الذخيرة يسوها بكرة دفوف بارودن بخور يطرب ضيوفنا كروف **** أضربو للسلاح وخلو الضرب في الجو مافيكن عرور لافي العوير أب بو عازمين البلد حتى العوير رورو من البحر لاعن جبيل القو |
ود ساس السماح التطلق المكتــــــوف جلب المحاصة التركب المخلـــــــوف عاجبني العقد ماليني عافيه وشـــــوف جيبولنا البطان إن شاء الله تبقو ألـــوف
****
سلاحن إن سكت يحرم علينا الجـــو معروفين كرم قاطعين مبيت القــــو يا عافية بلد بين بحري وجبل القـــو ياحبل العصب الما بساوي التــــو
_________ فاروق أبوحوه
| |
|
|
|
|
|
|
Re: مجادعات.. يا أهل المجادعات (Re: فاروق أبوحوه)
|
Quote: الفردوس مقامك يالهميمة العارفة تجري يمين شمال قلبك ملان بالرافة حقيتي الإسم حذتي النياشين كافة قبرك من تلج فوقو المآذن واقفة |
الليله القلب جرحاتو كبت نازفـــــــه لي بت الرجال اللي المواقف صافـــــه رقدت بي شرف ماتت صبورة وواقفـــة أنجض من رجال كسحت خفيفه وراجفــه
________ فاروق أبو حوه
| |
|
|
|
|
|
|
Re: مجادعات.. يا أهل المجادعات (Re: فاروق أبوحوه)
|
Quote: حباب خالد ليك الهيبة باقية لباس ياطيب الأصل الباعد الخناس ياالواعي وفهيم ماقالوا فكرك داس في جنب العرض حاشا خاتي مساس
سمية الحسن طلحة |
عزك فينا ياالريحانة ماهو قِليّل كاسيك الأدب يابت الرجل وضليل بي الخلق الكريم رحلك دوام بميّل صغيركم في الواجب يكيل ويشيّل
خالد
| |
|
|
|
|
|
|
Re: مجادعات.. يا أهل المجادعات (Re: خالد علي محجوب المنسي)
|
التحية لروح الشهيدة سهام عبدالرحمن:
مالجيتى يوم لاقاك عظيم الباس وما اتخرتى للناس البدوروا خلاص الخوف الحقير سويتى ليكى مداس واتلفحتى بالتوب البعجب الناس
***********
اتقدمتى يوم اتجهجه الرواس وماراعك كلام زولن خفيف الراس اتوشحتى بى نور هيبة الفراس ومعيار الشهاده سرفتى حد ماقاس
***********
قبرك مو تراب, قبرك قلوب الناس كونك حيه واتحكرتى فى الاحساس منهاج الشهامه وضعتى فيهو اساس ويوم الحاره قلبك ماعرف وسواس
| |
|
|
|
|
|
|
Re: مجادعات.. يا أهل المجادعات (Re: Abuelgassim Gor)
|
أضربو للسلاح وخلُّو الضرِب في الجو ما فيكن عرور لا في العوير أب بــو عازمين البلد حـتى العويــر رَورَو من الـبحــر لاعن جبـيل القــو
جلال جبريل
الضربو السلاح بعد الصُفاح كرَرَو وفرحانين بيك يا ود القبيلة الضو ياهُم أهلك البسابير صقور الجـو الخاتِين الملام و ما فيهُن نيَّا أشو
أسعد العباسي
| |
|
|
|
|
|
|
Re: مجادعات.. يا أهل المجادعات (Re: مدثر ابراهيم سعيد)
|
فوق صى منكرب والبكره خاتمه جدى ومن كبد السما خوالها قلبى حدى جلاس الطرب شراب العتيق مو نى وخبار النبيذ عراف كتيل الدى
يا أبو السعود طربت أيما طرب لمجادعاتكم ونداءتكم لمشاركتى معكم وتجدنى أسف للتأخير ولكنى متابع عن كثب ودى وسلامى لك
منصور
| |
|
|
|
|
|
|
Re: مجادعات.. يا أهل المجادعات (Re: munswor almophtah)
|
فوق صى منكرب والبكره خاتمه جدى ومن كبد السما خوالها قلبى حدى جلاس الطرب شراب العتيق مو نى وخبار النبيذ عراف كتيل الدى
يا أبو السعود طربت أيما طرب لمجادعاتكم ونداءتكم لمشاركتى معكم وتجدنى أسف للتأخير ولكنى متابع عن كثب ودى وسلامى لك
منصور
| |
|
|
|
|
|
|
Re: مجادعات.. يا أهل المجادعات (Re: munswor almophtah)
|
Quote: فوق صى منكرب والبكره خاتمه جدى ومن كبد السما خوالها قلبى حدى جلاس الطرب شراب العتيق مو نى وخبار النبيذ عراف كتيل الدى
يا أبو السعود طربت أيما طرب لمجادعاتكم ونداءتكم لمشاركتى معكم وتجدنى أسف للتأخير ولكنى متابع عن كثب ودى وسلامى لك
منصور |
حقاً لقد تأخرت علينا كثيراً يامنصور بعد أن وعدتنا وعداً مسنجرياًغليظاً..ولكنك أتيت بقوة قبل أن أرسل إليك ماقاله بشار بن برد للخليفة المهدي الذي وعده بجائزة وأبطأ عليه فتصيده في موكبه وأمسك بلجام حصانه وقال له:
أظلَّت علينا منك يـوماًغمامةٌ ** أضاء لها برقٌ وأـبطأ رُشاشُهَا فلا غيمُها يُجلى فييأسَ طاِمِعٌ ** ولا غيثُها يأتي فتَروي عِطاشُهَا
مربعك أعلاه قرأه معي أحد الأصدقاء الذواقة وقال لي : منصور ده إلا كان يجادعو شيطان..!! غير أنى غامرت وقلت :
رَوِّقْ وامَّـهِلْ سوق شاشي فوق الَصي وعاين في السما وخِبْ خَـلُو كُتْرَالسي خَتَّ وشال عدَّلْ شِرِبْ النقـيع في المَي وخبَّـار نتره كـرَّاف للــبعيد الحي
أسعد العباسي
| |
|
|
|
|
|
|
Re: مجادعات.. يا أهل المجادعات (Re: munswor almophtah)
|
Quote: بعد الشيــب وملك النفس والتجنيب يـا قــلبي إبتلاك حُبـاً وِدادو قريب أح من نار جنى الصيد أب نشوقاً طيب مكلوف شايقي تحت الطاعه والتدريب
أحمد يوسف أبو حريرة
أخي أبوحريرة مربعك هذا أعاد إلي ذهني مربع رائع للشاعرالكبير الجزولي ود إبراهيم ود سبوبه البواردي وهما يجتمعان في القافيق والوزن وحركة الروي ويتناغمان في معناهما الغزلي ، يقول الجزولي :
الــدُرج التنايــا الكُلهِن بُـرَيب غرامِ فيَّ طــوَّل بدري ماهو قريب أبى ما يودِرو العمى والكُبُر والشيب آخد الليل صَنَم وأرجَّا الصُبُح قِنيب |
الأخ الكريم/أسعد العباسي اوافق ، فقد تماثل المربوعين فعلا في القافية والمعنى. وان كان تعبير الشاعر الجزولي عن ولهه (ودشدشته) وبشتنة حاله قوي وواضح وصريح ، على عكس تعبير ودشوراني الذي تدثر ببعض الوقار المعروف عنه. الحقيقة المربوع الذي اوردته انا يعود للشاعر الكبير عبدالله ودشوراني وقد سقطت نسبته اليه مني سهوا. فلكم وله في عليائه العتبى
| |
|
|
|
|
|
|
Re: مجادعات.. يا أهل المجادعات (Re: munswor almophtah)
|
Quote: فوق صى منكرب حاريلو ضمه عشى وحارى رخص غزال شاوينو طاعم شي سعاى المراح مالك الكتير مو شوى ومناح التقال لا بدور شكر لا شئ
منصور |
راكب البخب طاوي المسافات طي راجع لي بلد ستات سماح الزي سويت النواح من بدري مو بيدي غصبا كان فراقك كتف علي كرعي
| |
|
|
|
|
|
|
Re: مجادعات.. يا أهل المجادعات (Re: مدثر ابراهيم سعيد)
|
Quote: برقاً منو شالع وحرسو قاسي علي فدع وانتنى وقواموفارع وني سهما منو صابني وفرّ طار من ايدي ظلمي قبلتو راضي وجرحي نازف حي |
بـرقاً شالِع مِن جيهةْ البريدو مِسَيْ جَرَّحْ جـوفي طراني السغير وسِحَيْ دَعْجَـا وجَبينا جايِدْ للأنيس بالضَيْ مِنْهَا جَنَّ جِنُونِي جَايِلْ في جهنم حَيْ
أسعد العباسي
| |
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
Quote: بـرقاً شالِع مِن جيهةْ البريدو مِسَيْ جَرَّحْ جـوفي طراني السغير وسِحَيْ دَعْجَـا وجَبينا جايِدْ للأنيس بالضَيْ مِنْهَا جَنَّ جِنُونِي جَايِلْ في جهنم حَيْ |
فرت بسمو برقا ً يَضَوي العتمة يوقد لي ْ طريق الرجعة لي بلـــــــد البحجبو علي ْ وجيناتو بترد الروح وتشــــــــــلع ضي ْ تفرحني وتحزني وتودر كل همومي البي ْ
| |
|
|
|
|
|
|
Re: مجادعات.. يا أهل المجادعات (Re: Abuelgassim Gor)
|
كلام فى الخيل :
الخيل طارن طير الله الكريم دلاهن كان فزعنك ترضاهن وكان هجمنك تابهن ****************** ديل رسلن لديل بكلام مقيس كل النهار زاقلات راجلا فطيس ********* شرا وشرشريه ورا ضنوبن صقر الخلا الجيعان تابع دروبا أسعد تر لغادى الخيل ما تعرف ركوبن
| |
|
|
|
|
|
|
Re: مجادعات.. يا أهل المجادعات (Re: جلال جبريل)
|
Quote: قدلت فوقنا ست أمات وضيبن كوم يبرق فاها حرمني الرقاد والنوم صدر الصيد رقيق مافيهو لحما كوم وفي المنظر أجمل وكتين إقوم وإحوم |
جبريل أخوى ماتزيد فوقى نار الهموم مكتول ضهر وبطن و حرمان على النوم تانى جرحها بتك فينى المن زمان مكتوم بقيت متل طير الخريف مبتل حزين مزموم
| |
|
|
|
|
|
|
Re: مجادعات.. يا أهل المجادعات (Re: Abuelgassim Gor)
|
قدلت فوقنا ست أمــات وضيبن كوم يبرق فاها حرمنــي الرقـاد والنوم صدر الصيد رقيق مافيهو لحمـا كوم وفي المنظر أجمل وكتين إقوم وإحوم
جبريل
جبريـل أخـوى ماتزيـد فوقى نار الهموم مكتول ضهر وبـطن و حرمـان على النوم تانى جرحها بتك فينى الـمن زمـان مكتوم بقيت متل طير الخريف مبتل حزين مزموم
قور
ياجبريل ويا قور بتعرفوا الجوز لا يخسر ؟ أها هاكُم :
قدلت فوق قــلوبناأُم قُـرقُداً مـردوْم فَاهَا لاصِف زي نِجَيمةً في ضِهيرا نِجِوْم والسدر الطمـح سَيَّـل في كُبَادنا دِموْم وأشقا العراوي وخلَّف في قلوبنا هِموْم
أسعد العباسي
| |
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
بالأمس كنت أزور الصديق وجدي الكردي رئيس تحرير صحيفة(حكايات) وإنضم إلينا بمكتب الكردي الصحفي الرياضي بصحيفة الراي العام حاتم ضياء الدين وهو إبن أختي وعلمت منه أن الأستاذ بخاري بشير من كبار التحريريين في صحيفة الراي العام وقال لي أنه قد لاحظ أننا(أي أنا وبخاري) كنا نتجادع بالدوبيت من خلال بوست المفتاح مسادير يا أهل المسادير ، فذكرت له بأننا لم نتقابل من قبل إلا من خلال هذا الفضاء الإسفيري‘ ولما لاحظ حاتم أنني أتلهف للقائه قادني إلى مكتبه ولسوء حظي كان الأستاذ بخاري قد غادر مكتبه قبل وصولنا. والآن أهديه الرباعية التالية علها تعيده إلى البورد ونستمتع بمجادعاته:
يا الدقـر الدقش هنش الخلا اب شعـفوفه جيـتك يـا البخاري ياكين قِمِحْ في الشوفه ود الطائي قــال لي والخِسال مـعروفه كبجِل يــا جنــا الشخر ضِحيوه وفوفا
أسعد العباسي.
| |
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
يقول الشاعر الصوفي العاشق محمد شريف العباسي مربعاً رائعاً أورده لكم هنا أيها الشعراء فانظروا إليه وساجلوه.
عندما نصح أحد الأصدقاء الشاعر بترك العشق والشعر لإتفاق ذلك مع روحه المتصوفة قال له:
كان دايِرْني اكــون صُوفي واتُرْكَ النَّمْ بَدِلــو قَلْبـي حَجَراً لا نَزِيــزْ لا جَّمْ مــادام جوفي مــارِن والكَبِدْ مِنْ دَّمْ لابُــدَانَّه بـيْ دَرْبَ الحــبيب تِنْـخَّمْ
| |
|
|
|
|
|
|
Re: مجادعات.. يا أهل المجادعات (Re: بخاري بشير)
|
محمد شريف العباسي قال: كان دايِرْني اكــون صُوفي واتُرْكَ النَّمْ بَدِلــو قَلْبـي حَجَراً لا نَزِيــزْ لا جَّمْ مــادام جوفي مــارِن والكَبِدْ مِنْ دَّمْ لابُــدَانَّه بـيْ دَرْبَ الحــبيب تِنْـخَّمْ /////////////// العباسي قال كبدو الملشقة دم مهرودة وحيح من الحبيب والهم حالف باليمين روحو الأبت تنجم مايدانيها شك أصلو العشم بي كم بخاري بشير
| |
|
|
|
|
|
|
Re: مجادعات.. يا أهل المجادعات (Re: إسماعيل حميم)
|
Quote: إيها الاحباب ضيوف صاحب الدار نسألكم الدعاء بعاجل الشفاء للأستاذ الشاعر الطيب العباسي والد أسعد
مرفق خالص الدعاء
إسماعيل حميم |
نســأل الله ربنـا العزيز وكريم ياسماعيل ود الخيرم ديمه عميم والدنا يشفى من مرضو يا حميم ويرجع لينا من ألمو معافى سليم
| |
|
|
|
|
|
|
Re: مجادعات.. يا أهل المجادعات (Re: إسماعيل حميم)
|
أرسل لي إبن عمي الشاعر المعروف محي الدين محمد شريف مربعاً شعرياً عندما علم بوعكة عمه والدي الطيب العباسي، رأيت أن أورده هنا يقول المربع:
ود العزتيـن الفـرعو ثابت وطيب مخدر ديما بى نسمو مُنعش وطيب يا رب العبـاد أشفيـه عمي الطيب وباكر ينبسط ويصبح مِشَنِق وطيب
شكراً شاعرنا محي الدين.
سأعود إليكمابإذن الله قريباً يا منصور وياحميم.
| |
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
محمد شريف العباسي قال: كان دايِرْني اكــون صُوفي واتُرْكَ النَّمْ بَدِلــو قَلْبـي حَجَراً لا نَزِيــزْ لا جَّمْ مــادام جوفي مــارِن والكَبِدْ مِنْ دَّمْ لابُــدَانَّه بـيْ دَرْبَ الحــبيب تِنْـخَّمْ
قلب الصوفي أرهف من قوارير كم وكم بكأس قوارير ضاق نقيع السم مادام الأمر نافذ والمولى بيهو حكم لابـفيد النـصح لاالـعذل لاالـذم
سمية الحسن طلحة
| |
|
|
|
|
|
|
|