|
|
 خلينا نبدأ من هنا _ ديواني الشعري الأول قريباً بدور النشر والمكتبات
|
يطرح الي المكتبات ودور النشر عقب عطلة عيد الأضحي مباشرة ديواني الشعري الاول
خلينا نبدأ من هنا
أول اصدارة شعرية لي وعيدية لكل قرائي هنا وهناك
ولقاء أول بين الحرف وجملة القراء له علي اختلاف الاهواء وجغرافية المكان والزمان
نتمني للاصدارة الوصول الي قلوب الناس والرضا والاعجاب
|
|
 
|
|
|
|
|
|
|
 Re: خلينا نبدأ من هنا _ ديواني الشعري الأول قريباً بدور النشر والمكتبا (Re: محمد الطيب يوسف)
|
Quote: هند
ياخ والله الف مبروك
خطوة عديلة ولي قدام
الانتقال من النشر الالكتروني للورقي بيعتبر قفزة كبيرة وبحتاج لي جرأة وثقة في النفس لا ينقصانك
طبعا انا زول مكتبات حمشي المكتبة واشتري كم نسخة واهدي منها للناس البتعرف شعر
وطبعا موعودين بمتعة غير وسماوات زرق وبنفسج ووردي وكل الجمال
تحياتي |
نبارك ليك كل جميل أخي محمد الطيب
عقبال نهنئ كل نجاحاتك يا استاذنا
حقيقي النشر الورقي قفزة كما ذكري تبدا باجازة الديوان من لجنة المصنفات وهي لجنة مكونة
من كبار شعرائنا وبحمد الله هذا الديوان نال شهادة تقدير وهو امر يندر حدوثه
وتنتهي بأذن للنشر يصدر عن نفس اللجنة مرورا برقم عالمي متسلسل من المكتبة الوطنية
لنا كل السعادة بالمتابعة منكم ويارب الديوان ينال رضاك واعجابك
وياريت نعرف رايك الشخصي مستقبلا
علي غلاف الديوان الخلفي مرفق ايميلي لمعرفة الاراء
شكرا للطف وكل عام وانتم بخير وربنا يحقق امنياتكم
ودي واحترامي
| |
|
|
|
|
|
|
|
|
|
Re: خلينا نبدأ من هنا _ ديواني الشعري الأول قريباً بدور النشر والمكتبا (Re: محمد على طه الملك)
|
Quote: كما توقعت ..
الآن وضعتي خطوتك الاحترافية الأولى في دنيا الشعر..
مبروك يا بت الباشا الى الامام |
الأخ الأديب استاذنا محمد علي طه
العيد بيك عيدين وبكلماتك الطيبة بكل ماتحمله من تفاؤل
ومعني انساني جميل
لك جانب من هذا النجاح بكلمات طيبة كتبتها لي تعليق علي لقائي الاذاعي ان كنت تذكر
صدقا انا أذكرها دائما ودعمتني للامام لك الشكر والامتنان
كل عام وانتم أكثر عطاء والامنيات لكم بكل جميل تشتهونه وبالصحة والسعادة
عيدك مبارك ويارب كل ايامك أعياد
شكرا نبيلا يشبهك
| |
|
|
|
|
|
|
|
|
|
Re: خلينا نبدأ من هنا _ ديواني الشعري الأول قريباً بدور النشر والمكتبا (Re: سلمى الشيخ سلامة)
|
Quote: مبروك المولود الجديد
هكذا هو ابن من ابنائك
يستحق منا ان نهلل له
اتصور مدى فرحتك بهذا الابن او الابنة
فهى او هو من دمك
تهانى وامنياتى ان يلحقه اخر واخر
لك الحب واتمنى ان ترسلى لى نسختى للكتابة حوله
تحياتى |
الاستاذة الفاضلة سلمي الشيخ
شكرا للطفك وتقديرك والتهاني الحلوة منك
فعلا الديوان وتحديدا الاول هوية ولقاء تعارف مع القارئ فالفرحة به لاتوصف
لنا الشرف بكتابتك الانيقة حوله لك الشكر علي البادرة اللطيفة
كما الوعد بينا نسختك موجودة وتصلك باذن الله قريبا متي ماتوفرت لي السبل
كل عام وانتي بالف خير وسعادة وعقبال نهنئ بكل جميل ليك
ربنا يحقق الاماني
| |
|
|
|
|
|
|
|
|
|
Re: خلينا نبدأ من هنا _ ديواني الشعري الأول قريباً بدور النشر والمكتبا (Re: عائشة موسي السعيد)
|
Quote: حار التهاني للإبنة الشاعرة هند تزين المكتبة الشعرية بالجديد
ننتظر .
بس سؤال لتساهمي بالرد في "ديالوج" مستمر منذ مدة:
هل يمكن ان نصنف الشعر: نسائي ورجالي؟ |
الاستاذة الفضلى عائشة موسى السعيد شكرا للطفك الجميل
عقبال نهنئ كل أفراحك ياعزيزتي ونبارك لكم النجاحات وهي متوالية بأذن الله
وأنتم بيت الابداع والقصيد ورفقة الشعراء لكم التحية جلها
بالنسبة لسؤالك ..
الشعر إحساس بالمسمي العام انا ضد شخصنته في نطاق محدد
هل تعلمي ياعزيزتي أن أجمل ماتغني به فنانون رجال كان من كتابات شعرية أنثوية
والعكس صحيح ..شخصيا لدي أغنية يغنيها بجدارة وباحساس عالي الفنان ياسر مبيوع
موثق لها هنا في هذا المنبر وهذا الرابط لبوست اذاعتها
بشتّاق _ كلمات : هند محمد ، لحن وغناء : ياسر مبيوع
واحيانا تأتي الكتابة الشعرية في شكل تجريدي بخطاب يحمل صيغة الجنس الذي له القوامة
أسمح لي أشوفك
وأكتب فيك غناوي
وأعزف ليك كمنجة
وأحطيلك حكاوي
أشعر بي مرة
وسكن من شجوني
انا فنان وعايز
أهديك كل فنوني
لاأظن ان الشعر قابل للتصنيف كشعر رجالي او نسائي والدليل تنوع صيغ التعبير بين المثني والمذكر
يل احيانا نشعر بالسمو في الخطاب التجريدي والرمزي للقصيدة عندما نعبر كشاعرات
تعبير كالوارد اعلاه
الشعر احساس ياعزيزتي وأجمل الاحاسيس مايطلق بتلقائية واسهاب ورمزية
والقصيدة كيان منفصل وعالم قائم بذاته لها كينونة وشخص اعتباري بمجرد خروجها من
كوامن الشاعر
لك الشكر الجميل علي التهنئة الكريمة ووجودك العطر هنا
كل عام وانتم الخير وربنا يحقق الامنيات
شكرا جميلا
| |
|
|
|
|
|
|
|
|
|
Re: خلينا نبدأ من هنا _ ديواني الشعري الأول قريباً بدور النشر والمكتبا (Re: صديق الموج)
|
ياله رد رصين يا هند!
لا أدري كيف يكون شعرك ان كان هذا هو النثر!!
أعجيني ردك لدرجة كدتِ تغيرين رأيي الثابت في الأمر
قد نلتقي يوماً - بعد قراءة الديوان - لنواصل::
****************
****************
واحيانا تأتي الكتابة الشعرية في شكل تجريدي بخطاب يحمل صيغة الجنس الذي له القوامة
أسمح لي أشوفك
وأكتب فيك غناوي
وأعزف ليك كمنجة
وأحطيلك حكاوي
أشعر بي مرة
وسكن من شجوني
انا فنان وعايز
أهديك كل فنوني
لاأظن ان الشعر قابل للتصنيف كشعر رجالي او نسائي والدليل تنوع صيغ التعبير بين المثني والمذكر
يل احيانا نشعر بالسمو في الخطاب التجريدي والرمزي للقصيدة عندما نعبر كشاعرات
تعبير كالوارد اعلاه
الشعر احساس ياعزيزتي وأجمل الاحاسيس مايطلق بتلقائية واسهاب ورمزية
والقصيدة كيان منفصل وعالم قائم بذاته لها كينونة وشخص اعتباري بمجرد خروجها من
كوامن الشاعر
*********************
كلام جميل.
| |
|
|
|
|
|
|
|
|
|
Re: خلينا نبدأ من هنا _ ديواني الشعري الأول قريباً بدور النشر والمكتبا (Re: عائشة موسي السعيد)
|
Quote: ياله رد رصين يا هند!
لا أدري كيف يكون شعرك ان كان هذا هو النثر!!
أعجيني ردك لدرجة كدتِ تغيرين رأيي الثابت في الأمر
قد نلتقي يوماً - بعد قراءة الديوان - لنواصل:: |
أهلا بيك دايما ياعائشة ..
تأكيد ان الشعر احساس لايقبل التصنيف لشعر رجالي ونسائي
اليكٍ هذه القصائد لشعراء شباب تعضد هذا الرأي
وشوفي كيف قدرو يحكو بلسان الأنثى في القصيدة:
أحلى قدر _ شعر : هيثم مامان
(دويتو)
هو :
مشتاق ليكي وحياتك
واهدي الشوق وأتصبر
ومهما تطول وعود لقياك
محال عن وعدك اتأخر
هي :
أنا المشتاقة وحياتك
وفاقداك والله بالأكتر
وخاطر الريدة لو مكسور
أكيد في يوم بيتجبر
هو :
بخاف تتغير الأحوال
وقلبك ليّّ يتنكر
وتبقي القسمة لي غيري
وأعيشك ذكرى ما أكتر
هي :
عهدا بينا يادنياي
مابنساهو وأتعذر
ولو في الريدة ناس بتخون
حبيبتك والله مابتقدر
هو :
بخاف سرب الفراش لو طار
يتوه عن زهرة النيسر
وتذبل في مواسم الحب
سنابل حبنا الأخضر
هي :
باكر ترحل الأحزان
وبالحب بيتنا يتعمر
ومهما تعاند الأقدار
أكيد راجينا أحلي قدر .
وشاعر أخر كتب قصيدة بلسان أنثى زوجها تركها وتزوج غيرها
وفي ليلة زواجه بعثت له بهذه القصيدة :
أنت السبب _ شعر: كمال شرف
كل شئ جوايا مات
حتى الفرح حتى الحزن جوايا مات
حتى الأمل
زمانو عدى وراح وفات
وأنت السبب
لو كنت مابتعرف تحب سايبني ليه ؟
أصبر عليك صبر السنين
وانا في رجاك من غير سبب
سايبني ليه في ظلمة الليل والتعب
غرقانة فيك
مكتوبة ليك ؟
ولا العذاب ليا أنكتب؟
سايبني ليه
وقلبي الحنين لاملا من وجع السنين
لاقال فراقك كان صعب
أنت السبب
أنا مابخاف من نفسي
لسه بخاف عليك
خايفه الزمن يرميك في بحر الندم
يضحك عليك ويعزي فيك
وانا تاني مابرجع أجيك
لو جيت تسامح تعتذر
وتمد أيديك
أنا مستحيل أرجع اليك
لكني من قلبي الحنين
الكان بريدك وبشتهيك
بتمني ليك ترحل بعيد وتعيش سعيد
لاتشوفني لاتحكيلي بالحاصل عليك
أنا مستحيل أنسى وأجيك
وانت السبب
شكرا للطف ومعذرة للاطالة واختلاف الرأي لايفسد للود قضية
بالنسبة لكتابتي لدى مكتبة شعرية هنا رابطها في بروفايلي لو احببت الاطلاع
شكرا للتقدير
| |
|
|
|
|
|
|
|
|
|
Re: خلينا نبدأ من هنا _ ديواني الشعري الأول قريباً بدور النشر والمكتبا (Re: طارق الكوتش)
|
مساك خير ياهند..
ما أطلتي ولا شي انا متعودة زي ما ذكرتي في ردك الجميل.
أشكرك للأمثلة المعبرة التى أجد فيها مايساندني كما وجدتيها تساند وجهة نظرك..
مثلاً القصيدة الأولى:
استخدام الدايالوج (هو وهي) أكبر دليل على وجود (تقَمُّص).
والثانية:
سمعتي ليك بت تقول: سايبني ليه؟؟ غير في الأفلام و(البت العويرة)؟
ولا تقول:
لكني من قلبي الحنين
الكان بريدك وبشتهيك
ممكن هذه تكون بت خالية من العُقد وجريئة...
لكن الأرجح يكون رجل يتمنى من تقول هكذا كلام في وصف نفسها تمجيداً له.
سأكمل البحث من مكتبتك بعد "النَبْش " وأشكرك على الإذن بس استني نخلص من مخلفات الضحية.
تحياتي.
| |
|
|
|
|
|
|
|
|
 Re: خلينا نبدأ من هنا _ ديواني الشعري الأول قريباً بدور النشر والمكتبا (Re: عائشة موسي السعيد)
|
Quote: والثانية:
سمعتي ليك بت تقول: سايبني ليه؟؟ غير في الأفلام و(البت العويرة)؟
ولا تقول:
لكني من قلبي الحنين
الكان بريدك وبشتهيك
|
ياعائشة ضحكت حتى سالت أدمعي
صحيح كلامك التعبير فيه ركاكة في القصيدتين وخشونة و طريقة اخراج الاحساس
لكن اعتقد ان الفكرة وخيال الشعر لحظة كتابتهم راودو الشاعر بتنوع وبتجريد
شوفي كيف الاحساس تنوع عنده مع الخيال حتي أوصله لهذا الخطاب الشعري الانثوي
يصرف النظر عن متانة التعبير
وجهة نظر قابلة للنقض وربما التغيير
شكرا جميلا علي المساحة الجميلة معك
كوني بألف خير
| |
|
|
|
|
|
|
|
|
|
Re: خلينا نبدأ من هنا _ ديواني الشعري الأول قريباً بدور النشر والمكتبا (Re: فضيلي جماع)
|
Quote: الأخت الشاعرة الرقيقة هند ابوالعزايم
اسعدني كثيرا خبر صدور باكورة إبداعك. ألف مبروك . صحيح أن من حقك سماع راي القراء في عملك الشعري لكن من المهم أيضا أن يكون همك هو القفز إلى المرحلة التالية والتي هي بالضرور ة مختلفة واكثر نضجا. ويقيني انك أهل لتجاوز المراحل بكل ثقفة. انتظر ان يبعث لي احد الأصدقاء نسخة من الخرطوم . وكل عام وأنت والشعر صديقان. |
أستاذي الفاضل الشاعر القامة فضيلي جماع
هذه الكلمات بكل ماتحمله من دعم ومشاعر نبيلة
والتهاني الجميلة منكم فرحة قيمة وانسانية وفرحة لاتوازيها فرحة الاصدارة
شكرا للطف الجميل والاماني العذبة لكم وانتم في القمة المزيد من التألق
والعطاء الادبي المتفرد كما العهد بكم
وعقبال نهنئ يكل جميل ليك يا استاذنا
بالتأكيد الاهم هو القادم وبذل مزيد من الجهد نحو التطوير والخروج بماهو أفضل
جاء اعلاني عن الاصدارة هنا وهناك بهدف الابلاغ عن مولود حي للمكتبة الشعرية السودانية
أتمني ان يجد القبول ..المتابعة منكم تسعدني
لك الشكر بزيادة علي خطك هنا ..وعذرا ان تأخرت وغيبتني الظروف
شكرا بحر مع مودتي والاحترام
| |
|
|
|
|
|
|
|
|
|
Re: خلينا نبدأ من هنا _ ديواني الشعري الأول قريباً بدور النشر والمكتبا (Re: محمد الفاتح خالد حسون)
|
Quote: ودى عيدية الاعياد
الاخت هند
بالتوفيق وكل سنة وانتى بخير
وأنشاء الله يكون الاول ما الاخير
فالشاعر لا تعتريه المخاوف بل الخوف أن يعتريه الكسل
تملى لى قدام ولى قدام
محمد الفاتح خالد |
عقبال نهنئ باصدارتك يا أخي الشاعر محمد الفاتح
يارب كل ايامك أعياد والامنيات الطيبة لك باعوام
واعوام مديدة في رضا الرحمن والسعادة دائما
كل عام وانتم بخير وربنا يحقق الامنيات
وفي ظل المخاوف نبقي علي أمل بكم وبامنياتكم لنا
شكرا للطف الجميل
ودي واحتراماتي
| |
|
|
|
|
|
|
|
|
|
Re: خلينا نبدأ من هنا _ ديواني الشعري الأول قريباً بدور النشر والمكتبا (Re: عاطف عمر)
|
Quote: مليارات التهاني للإصدارة الأولى
لك نرجو دوام الإبداع
قرأت لك موقفاً إنسانياً ( قوياً ) في بوست مجاور
أفاض من عينى دمعاً ،
وإمتلأت نفسي ( غصباً ) منى غبطة
أن سبحان الذي خلق الجمال ترياقاً للقبح
أرجو أن تكون أشعارك فيها من تلك الهموم الإنسانية
كيف نتحصل نحن من نعيش في الخليج على نسخة إن أردنا الإقتناء ؟؟ |
شكرا يا أخي عاطف مكاوي لكلماتك الطيبة
حاولت التنويع في الاصدارة أتمني ان تنال الرضا والاعجاب
حقيقة لاوسيلة لدي لتوزيع الديوان في الخارج ولكنه متوفر هنا في السودان
ونسختك اهداء مني ان وجدت من يوصلها اليك او اي حد جاييكم
يسعدني جدا اهداءكم والمتابعة منكم
فقط أبعت لي في الخاص للتنسيق ان وجدت من يحملها لكم
لك الشكر والتقدير علي تقديرك
مودتي واحترامي يازميل
| |
|
|
|
|
|
|
|
|
|
Re: خلينا نبدأ من هنا _ ديواني الشعري الأول قريباً بدور النشر والمكتبا (Re: عاطف عمر)
|
عاطف عمر
أهلا بيك معليش للبس يا اخي مدرج العاطفات
للحقيقة هذا المنبر يخلق من الاسم اربعين في 3 عاطف و2 عبد الكريم و2 عمر عثمان
الزمالة المقصودة هي زمالة المنبر ولامعرفة شخصية مع الاخ عاطف مكاوي ولا أدري لاي تنظيم ينتمي
ما أتابعه في هذا المنبر بوستات الادب والهلال متابعة متقطعة
أكيد نسختك موجودة فقط التنسيق وأسعدني التصحيح يدل علي نفس نقية وعفوية
وجد جد عشرات حبابك في الحروف
لك العتبي ومودتي
| |
|
|
|
|
|
|
| |
هند محمد
هاشم أحمد خلف الله
عبدالله الشقليني
معاوية المدير
محمد على طه الملك
طارق جبريل
osman righeem
حبيب نورة
محمد البشرى الخضر
عائشة موسي السعيد
سلمى الشيخ سلامة
عمار عبدالله عبدالرحمن
baha eassa
Abuzar Omer
Rasha Swaraldahab
Elmosley
محمد الفاتح خالد حسون
صديق الموج
محمد يوسف الزين
فضيلي جماع
عاطف عمر
فيس بوك
تويتر
انستقرام
يوتيوب
بنتيريست