|
|
 أشـواق ..
|
صحيح بشتاق ..
وافتش ليك
وأسأل عنك الغيمات
وأوصى النسمة كان تغشاك
توصل ليك صدى الآهات
دموع الشوق
وكيف برجاك
وكيف بتذكر الغنوات
وأردد أروع الآلحان
وأسال عنك النجمات
أريتنى الليلة كان ألقاك
أمانة عليك
وكت أشتاق
تجينى براك ..
خواطر اللهفة والآشواق
تسابق الغيمة والنسمات
وتنزل طل
وتبقى السيل
وشمساً تفضح الآهات
وتتوهج مسارب ضى
ساكنة النظرة والكلمات
وأنا المخلوقة شان أهواك
بصارع فى جوى الإنات
وأفضل أرجى يوم جيتك
وأعيش فى الدنيا شان أرجاك
وأخاف من لحظة تبعدنا
وتسرق آجمل اللحظات
وأرجع من جديد أحسب
وأسأل عنك الغيمات
أمانة عليك
وكت أشتاق
تجينى بـــراكــ ..
هند محمد
|
|
 
|
|
|
|
|
|
|
 Re: أشـواق .. (Re: هند محمد)
|
هند...
انا.. فى شوقك
ماهو ذى شوق المسافرين للرجوع..
حسيتو فى الروح
ذى عطش الفؤاد آلآم و جوع..
طيفك معايا مدن مدن..
نتناجى يفرقنا الركوع
أشكيلو..يبكى من العلي..
و ابكيلو يمسحلى الدموع..
مودتى...
| |
|
|
|
|
|
|
|
|
|
Re: أشـواق .. (Re: محمد عثمان)
|
وأنا فى شوقك..
كنت الفكرة
وواقع أنه
الصبر أتلاشى
وأصبح ذكرى ..
العزيز محمد ..أشكر لطفك ومداخلتك الجميلة ..
شكراً جميلاً ..
| |
|
|
|
|
|
|
|
|
 Re: أشـواق .. (Re: هند محمد)
|
Quote: أمانة عليك
وكت أشتاق
تجينى بـــراكــ .. |
الشوق ملاني و فاض كمان
و سرحت هيمان في علاك
مشتاق و كاتم الشوق سنين
مستني اشراق نور ضياك
لوعة و أسى .. فرقة و ضنى
وريني وين آخر مداك
.
.
.
Quote: خواطر اللهفة والآشواق
تسابق الغيمة والنسمات
وتنزل طل
وتبقى السيل
وشمساً تفضح الآهات |
دوام بسأل عليكِ الليل
يناديكِ و يقول سلامات
و تتدفَّق دموع الشوق
و تنزل من عيون تايهات
تفتِّش و مضة من نورِك
تصارع في الظلام سنوات
.
.
.
| |
|
|
|
|
|
|
|
|
|
Re: أشـواق .. (Re: هند محمد)
|
الاشواق
حالة متوه
حاولت استلف اللحظة
بفتش
انا المعذور
لا شايفك
ولا سامع صوتك
ومبهور
فى حالة
تصور فى الخيال
مهزوم
حاولت استلف
تصور
يمكن تكون
شايل من الوصف
صورة
ويمكن
تخيب ظنى
فى سورة
لكن سورتك بالشوق
وجرد السلاح
الكان يمكن
يقاومك
وهللت بالهزيمة
فرح
وقهرت الظلم
ومنيت روحى
بخيالك
ما ظنيت
ويمك
تلاطمت
امواجو
هددت السلام
لذورقى
الورقة
واشبثت
بالحلم
واتمنيتك
لحظة الموت
تاريتى الاشواق
حية
منتصبة
| |
|
|
|
|
|
|
|
|
|
Re: أشـواق .. (Re: هاشم أحمد خلف الله)
|
الرائعه .... هند محمد
أشواقـــ ...
معتلي ...بيك
تشابي ..فوق المدي
نجمك ...حس الغنه
روحك ...نفس القصيد
برجاااكــ وقت السحر
عند الخميلة ..شجــن
وببراكـــ ..حد الشوق
محل العين.. هدب دقشك
المنظوم،،
وحاجب الرمش .. ظل ..الريد
أشوفكــ ..كيف ..ورينــي
أسامح ..الشوق ..وأشواقي
نقئده ..شموع ..ضــواي
تحت ...وصف الحرف ..كلمة
شـــــــــــــــــوق،،
وولًف،،
جرف الشوق هدم لحظات الندم
وسافر ..عبرك جناح الريــد
ســــٌكن ..في ضبابات الهوي
ونامت أشواقي سارحه في دنيا
ما الأشواق ...وطن ..ووطن تاني.
،،،،أبوقصي،،،،
| |
|
|
|
|
|
|
|
|
|
Re: أشـواق .. (Re: مجدي عبدالرحيم فضل)
|
حقيقى ابداع ..مداخلتك فى حد ذاتها قصيدة شاعرنا مجدى..
وقصيدة جميلة بكل ماتحملةه من احاسيس مرهفة ..
أشكر عذب الكلمات والمرور ..تسلم ويسلم لطفك ..
شكراً جميلاً ..
| |
|
|
|
|
|
|
|
|
|
Re: أشـواق .. (Re: sharnobi)
|
شوف الليل كيف أتغير
لبس العتمة وملّ غيابك
وحتى النسمة بتسأل عنك
زى مشتاقة تكون أنفاسك
وأنا فى غيابك كيف أتماسك ؟
محاولة لاستلاف اللحظة ايضا..
العزيز شرنوبى ..مداخلتك جميلة جداً والآجمل حضورك الآنيق ,,
شكراً جميلاً ..
| |
|
|
|
|
|
|
|
|
|
Re: أشـواق .. (Re: هند محمد)
|
هند العزيزه
ماحدث ...
من أهتزازات فاعله وأنا أقرأ
هذا القصيد
أرجعتنى لعنفوان المدعو الشوق
وغادرنى الكلام خلسه
هند كنتِ رائعه
كما من قبل
| |
|
|
|
|
|
|
|
|
|
Re: أشـواق .. (Re: عبدالله داش)
|
داش ..الروعه فى قصايدك ..امامها حقيقى بتخذلنا التعابير والحروف ..
اعجابك يعنى ان القصيدة جميلة اكيد مادام لامست احساسك
سعيدة بالاعجاب والمرور الآنيق ..
شكراً جميلاً ..
| |
|
|
|
|
|
|
|
|
|
Re: أشـواق .. (Re: nabielo)
|
والله لاعندي صحة للكسير بعد ده
ولا برفع ضغطي
عديل كده مشيت طوالي
ورديت عشان اقوليك
لابقرا ولا فاضي للغنا السمح البوجع قلبنا في الغربة
والله وربنا بسألني
فتحت البوست جاتني الغنية الفظيعةدي المليانة شجن
اذكرت اي واحدة اشتقت ليها
واي واحده ادتني شاكوش
واي واحدة صديقة
وعرفت بتكوني
كاتبة ليك كلام في الأشواق
إقطع القلب
إختصرت المسألة
وجريت الرد
وتوش على كلامي ده
لابقول ليك قصيدتك سمحة ولا شينة
شكرناك المرة الفاتت
مادايرة تقيفي
شويه شويه
يوم بي طريقتك دي
بتقتلي ليك زول
رهيف
وفلبو ما بستحمل الأشواق
تضحكي ؟؟؟؟
| |
|
|
|
|
|
|
|
|
|
Re: أشـواق .. (Re: محمد سنى دفع الله)
|
Quote: وحتى النسمة بتسأل عنك
|
وحتي النسمة بتسأل النسيم أن آتي من الحبيب
عن الذي هواها في الضلوع لم تغيــــــــــب
فأشرقتـــي الرُبــي وأزهرتـــي لنا الدروب,,,
,,, واصلـــــــ هبهبات هذة النســائم،،،
،،،،أبوقصى،،،،
| |
|
|
|
|
|
|
|
|
|
Re: أشـواق .. (Re: مجدي عبدالرحيم فضل)
|
هند كل التحايا
شدني المدخل فدخلت
فوجدت نصك يفيض روعه
| Quote: وأنا المخلوقة شان أهواك |
| Quote: وأعيش فى الدنيا شان أرجاك |
وعندما وجدت نفسي في عمق نصك
خرجت انت
Quote: أمانة عليك
وكت أشتاق
تجينى بـــراكــ .. |
ساقبل دعوتك وعندما اجد اسمك
(( حجيكي براي ))
...
..
.
| |
|
|
|
|
|
|
|
|
|
Re: أشـواق .. (Re: محمد سنى دفع الله)
|
Quote: اذكرت اي واحدة اشتقت ليها
واي واحده ادتني شاكوش
واي واحدة صديقة
|
اتلومنا لوووول
حقك علينا
استاذ السنى أنت اليوم بتموت ليك زول بخفة الدم دى لووول
يديك ألف عافية ياخفيف الروح ..ربى يخليك بسمة وضحكة وغيمة فرحة ..
مشكور على البهجة ومرورك البفرحنى دائما وجدا ..
أشكر لطفك والروح الحلوة ..شكراً جميلاً ..
| |
|
|
|
|
|
|
|
|
|
Re: أشـواق .. (Re: nabielo)
|
الروعه فى احساسك الجميل دكتور نبيل وحضورك الدهشة ..
سعيدة بوجودك هنا تقرأنى ..كن بالجوار ..
أشكرك وأشكر لطفك ..شكراً جميلاً ..
| |
|
|
|
|
|
|
|
|
|
Re: أشـواق .. (Re: هند محمد)
|
أخاف أن يضيع منى بعضُ جمالكِ ..
قبل أن يرتد الطرف الىّ ، يا هند
فأنتِ تتركين أثر الورد أينما حللتِ ..
وتنثرين أسراب الغيم ،
ووشايات المساء الحالم ،
وليس للعشاق إلا مشيئة البوح ..
ما أجملنا بجواركِ ...
| |
|
|
|
|
|
|
|
|
|
Re: أشـواق .. (Re: Muna Khugali)
|
هند
النص زي الفاتوا ..
مليان بي روحك .. وغرقان ابداع ..
عارفه انا كنته بقرا نصوصك واقيف وافكر لحظه والقى انو مافي رد اكتبه ..
لي صديقه غاليه
بتحب كتاباتك وبتتابع نصوصك
ادتني مفتاح عرفتك ..
عارفه ..
اجمل حاجه اتقالت في الشوق بقولوها اهلنا بي بساطه وفي كلامهم العادي
"الشوق كتال"
مرات بحلم انو يرجع زمن كان فيهو حب وشوق !!
برجع ليك تاني
كوني دايما
طاقة شوق على الفينا !
| |
|
|
|
|
|
|
|
|
|
Re: أشـواق .. (Re: Aymen Tabir)
|
Quote: وأنا المخلوقة شان أهواك
بصارع فى جوى الإنات
وأفضل أرجى يوم جيتك
وأعيش فى الدنيا شان أرجاك
وأخاف من لحظة تبعدنا
وتسرق آجمل اللحظات
وأرجع من جديد أحسب
وأسأل عنك الغيمات
أمانة عليك
وكت أشتاق
تجينى بـــراكــ ..
|
هند
جيت تاني اقدم مقطع من نصك هديه لي صديقتي !!
شكرا
| |
|
|
|
|
|
|
|
|
|
Re: أشـواق .. (Re: mohmed khalail)
|
مليون سلام استاذ محمد وياألف مرحب بيك و بانتظار عودتك ..
امنياتى بالتوفيق فى عملك ومشكور على المرور الجميل ..
يسلم لطفك ..
| |
|
|
|
|
|
|
|
|
|
Re: أشـواق .. (Re: Aymen Tabir)
|
محظوظة قصيدتى ..وسعيدة باعجابك واعجاب صديقتك استاذ ايمن ..
مشكور على الاختيار والمرور الجميل ..
تسلم ويسلم لطفك ..
| |
|
|
|
|
|
|
|
|
|
Re: أشـواق .. (Re: Aymen Tabir)
|
الراقى استاذ ايمن ..سلامات ومليون تحية ..
تصدق انا ردك ده قريتو كم مرة وغلبنى ارد عليك ..
لو النص حرك فيك شئ تأكد انو الشئ ده موجود جواك اصلاً ..
أشكر لطفك ومرورك الجميل وكلماتك الدافئة الواضحة واللى جد أدتنى حماس للمواصلة ..
شكراً جميلاً ..
| |
|
|
|
|
|
|
|
|
|
Re: أشـواق .. (Re: bushra suleiman)
|
بشرانا صاحب القلم البديع
ما اجملك انت بحضورك العذب وروحك الجميلة وكلماتك الدافئة
كن بالجوار دائما حتى ننتشى انا وحروفى سعادة ..
أشكر لطفك ومرورك العذب ..
شكراً جميلاً ..
| |
|
|
|
|
|
|
|
|
|
Re: أشـواق .. (Re: altahir_2)
|
هند .. الأخت الرقيقة
صباح الإنبهار والدهشة الروعة!!
سلام على أناملك التي خطت هذا الدفق والنميق الجزل ، بهذا الدفق عبرت وصورتِ الأشواق وكأنها كائن حي .. صورتها بمعاناة المعايش الذي هام وإستهام كما لو أنه غكتوى بشفة البعد دهرا .. لذا أقول :-
أيتها الشاعرة الحنونة والحنينة في هذا النوع من كتابة الشعر معاناة مضنية . إنها قصيدة تمزج بين تلقائية الألم الذاتي، والتقنيات الأسلوبية التي تصنع لهذا الألم نبرته وتجلياته المختلفة ولعل الألم، وإن لم يتكرر بالمفردة عينها في كل مرة، فهو القاسم المشترك للتجربة التي تنهض عليها معظم اوجدانيات وعبارات القصيدة فتكتسي نوع من الوله والتوله ومعاناة البعاد والفراق لا تترجمها إلا الأشواق .. وأنت ترجمتِ الأشواق قصيداً ونغماً ولحناً ملائكياً .. أحسنت.
| |
|
|
|
|
|
|
|
|
|
Re: أشـواق .. (Re: ابوبكر يوسف إبراهيم)
|
سلامات شاعرنا ابوبكر ويارب كل صباح جميل صباحك ..
الروعه والانبهار فى قصايدك وردودك ياانسان ياطيب ..
حقيقى بالاضافة لكتاباتك الجميلة بتستوقفنى كتير ردودك فى اى بوست
جميلة بليغة حنونة ومشجعة ..الاحترام واللطف ملكة ليست عند الكثيرين
ولكن بحمد الله موجودة فى دواخلك النقية ..
أشكر لطفك وكلماتك اللطيفة المشجعة ..
شكراً جميلاً ..
| |
|
|
|
|
|
|
|
|
|
Re: أشـواق .. (Re: altahir_2)
|
سلامات فناننا الكبير ضياء ميرغنى ..الابداع فى احساسك الجميل ياراقى ..
أشكرك على ثقتك واختيارك للقصيدة وياريت لو فى امكانى كنت قدمتها ليك
مع كل الامانى الطيبة والود .. لكن القصيدة ماجديدة ونشرتها فى عكس الريح من فترة
واختارها الفنان ياسر مبيوع ولحنها بالفعل ولولا انو لسه ماقدمها للجمهور كنت نزلتها
هنا ملحنة للاستماع ..عموما الجايات أكتر بعون الله ..
أشكر لطفك وحسن تقديرك ..شكراً جميلاً ..
| |
|
|
|
|
|
|
| |
هند محمد
بدرالدين كاجوري
Alsa7afa_30
sharnobi
هاشم أحمد خلف الله
مجدي عبدالرحيم فضل
nabielo
محمد سنى دفع الله
ateif abdoon
bushra suleiman
Muna Khugali
Aymen Tabir
mohmed khalail
altahir_2
الطاهر ساتي
فيس بوك
تويتر
انستقرام
يوتيوب
بنتيريست