|
|
 Re: أساسي وينك يا جميل..... (Re: عصام دهب)
|
إنها مسغبة الحياة يا لورد .. الواحد بقي في حالة جري وركض دائم .. اليوم أتمحق يا سامي واضحي لا يكفي حتى توصيل المدارس ..بتنا نركض و نحن نجلس علي كمبيوتراتنا ... بعدين الحياة بقت جراية وانحنا نفسنا إتقطع .. حتى جلسات القهوة و( مبازلها ) تنتهي باللهاث والأنفاس المتلاحقة ..تلك اللحظات النادرة التي يشقك فيها الحنين للدخول الي البورد لا محالة صائبك فيها الحسد والدهشة .. من اين لكتاب هذا المنبر كل هذا الوقت الذي ينفقونه علي تلك البوستات التي لا تنتهي .. كل ما دخلت المنبر لطالما تمنين ان يقودني احدا لذلك الذي يمتر لكتاب المكان يومهم ..الزول البمتر ايام هؤلاء زول يدو سخية ونفسه طيبة ..بصورة واضحة انا اغبن صلاح جادات علي من يمد له في يومه مدا ..مستحيل يكون نفسه الشخص الذي يمتر له يومه هو الذي يشبر لي يومي .انا احب الكتابة ولكن لابد للكتابة من ضل .. والظل كما اليوم اتمحق هو ايضا ..لو سألتني عن اقصى امنياتي هذه الايام واحلامي .. ساقول لك اني اتوق الي الضللة ..ضل حيطة اذا كمل فيها الضل امشي للحيطة البدا فيها الضل جديد ..وهكذا الي ان تضلم ...الكتابة لا تحتمل الجري وانا اضحيت عداء للمسافات الطويلة .. وبعد هذا تنتظر مني كتابة !! .. ياخ انا لو قريت ربع ما يكتبه هباني اكون ما قصرت مع احمدونا وجادات والمشرف وياسر الشريف .الكتابة بقت عمل مرهق مضني وانا فقدت ادواتها واحساسي بيها ... يومئذٍ دخلت الي مكتبتي وحاولت ان اقرأ ما كان يكتبه اساسي .. صدق شفت زول تاني غير ما انا عليه .. تقريبا لقيت زول ( عطرون ) ما عندو شغلة .. وعطرون هذه مشتقة من عاطل وليس لها أي علاقة بالجردقة والمحريب .. هذا العطرون كان يومه ممتدا بلا هدف ولا مسئولية ولا ركض قاعد يمارس في احباطات الغربة علي رؤس هتيفة النضال والقضية ..الان لا استطيع ان اجزم لك اني لي احباطاتي او اعيش بدونها ..فلا وقت الان لدي للتفكير في الاحباطات ..ببساطة انا ما عارف الموضوع دا بقيت ..بل ولا يشغلني حتى ..زمان يقول ليك وسع صدرك واخرج زفراتك الحرى .. اسع صدرك دا لو اتنفست بيهو تكون ما قصرت معاهو ..الاخوة الذين غشيوا شاطي البوست يسألوا عني مع اخونا سامي اللورد زمان الواحد زي كلامكم دا واطراءاتكم دي ينتظرها حالق والقطعية رفرف تيمس لدرجة انه ممكن يلبس كرفتة ويتموضع ليها .. الان انا اغبنكم علي المساحة التي في ذاكرتكم التي تتذكروني بها .. يا لاتساع راماتكم لذا ومن باب اللطافة ورد المجاملة انا اشكركم علي هذا القيقا بايت الذي افرغتوه لتذكري ..لكن لن استطيع ان اقطع وعدا بالمداومة . فانا ما زلت في بحثي المضني عن الضللة ..منذ ان استولي زوكربيرج علي حيط الواقع كلها وجيرها الي فيس بوكه وزاحمنا في الضللة .. بت لا اقوى علي هجير المكان .
|
|
  
|
|
|
|
|
| العنوان |
الكاتب |
Date |
| أساسي وينك يا جميل..... | سامي عطا المنان | 11-23-15, 07:09 AM |
| Re: أساسي وينك يا جميل..... | محمد عبد الله حرسم | 11-23-15, 07:21 AM |
| Re: أساسي وينك يا جميل..... | وائل حمزه الزبير | 11-23-15, 07:36 AM |
| Re: أساسي وينك يا جميل..... | محمد عبد الله الامين | 11-23-15, 08:46 AM |
| Re: أساسي وينك يا جميل..... | عادل عبدالعزيز عبد الرحيم | 11-23-15, 09:05 AM |
| Re: أساسي وينك يا جميل..... | ALWALEED ALSHEIKH | 11-23-15, 09:10 AM |
| Re: أساسي وينك يا جميل..... | محمد عبد الله الامين | 11-23-15, 09:16 AM |
| Re: أساسي وينك يا جميل..... | علي عبدالوهاب عثمان | 11-23-15, 09:17 AM |
| Re: أساسي وينك يا جميل..... | إبراهيم محبوب الخيري | 11-23-15, 09:25 AM |
| Re: أساسي وينك يا جميل..... | سامي عطا المنان | 11-23-15, 09:46 AM |
| Re: أساسي وينك يا جميل..... | إبراهيم محبوب الخيري | 11-23-15, 09:59 AM |
| Re: أساسي وينك يا جميل..... | عصام دهب | 11-23-15, 10:26 AM |
| Re: أساسي وينك يا جميل..... | اساسي | 11-23-15, 11:25 AM |
| Re: أساسي وينك يا جميل..... | الحاج حمد الحاج | 11-23-15, 11:56 AM |
| Re: أساسي وينك يا جميل..... | Omer Abdalla Omer | 11-23-15, 01:37 PM |
| Re: أساسي وينك يا جميل..... | حسين عبد المجيد | 11-23-15, 01:54 PM |
| Re: أساسي وينك يا جميل..... | سامي عطا المنان | 11-24-15, 07:30 AM |
| Re: أساسي وينك يا جميل..... | سامي عطا المنان | 11-24-15, 07:41 AM |
| Re: أساسي وينك يا جميل..... | سامي عطا المنان | 11-24-15, 07:45 AM |
| Re: أساسي وينك يا جميل..... | سامي عطا المنان | 11-24-15, 07:53 AM |
| Re: أساسي وينك يا جميل..... | محمد المرتضى حامد | 11-24-15, 09:47 AM |
| Re: أساسي وينك يا جميل..... | بكري الخير | 11-24-15, 11:50 AM |
 Re: أساسي وينك يا جميل..... | بله محمد الفاضل | 11-24-15, 03:36 PM |
| Re: أساسي وينك يا جميل..... | Sidig Rahama Elnour | 11-25-15, 06:26 PM |
| Re: أساسي وينك يا جميل..... | عبدالعزيز الفاضلابى | 11-25-15, 09:23 PM |
| Re: أساسي وينك يا جميل..... | زهير عثمان حمد | 11-25-15, 10:05 PM |
| Re: أساسي وينك يا جميل..... | محمد عمر الفكي | 11-26-15, 06:37 AM |
 Re: أساسي وينك يا جميل..... | سامي عطا المنان | 11-26-15, 08:06 AM |
| Re: أساسي وينك يا جميل..... | محمد عبد الله الامين | 11-26-15, 01:39 PM |
|
| |
اساسي
فيس بوك
تويتر
انستقرام
يوتيوب
بنتيريست