شيخ الامين في عيد ميلاده ولا ملك الروم ... ( صور )

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 12-12-2018, 05:05 PM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
23-11-2015, 03:30 PM

Muhib
<aMuhib
تاريخ التسجيل: 12-11-2003
مجموع المشاركات: 3998

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: ABDALLAH ABDALLAH)

    Quote: سؤال : الاستنارة دي عندها حبل ولا مطلوقة ساكت ؟!


    لا اذكر من كتب هذه المداخله ولكن الاجابه
    مطلوقه من غير حبل ..
    بالمناسبه ..شيخ الامين في الحوار التلفزيوني كلامه معقول ولا غضاضه علي الرجل ...فهو رجل دين اسلامي وبيمارس في حريته
    والتابعين له لهم كامل الحريه في اتباعه و في الفرح والاحتفاء به وايضا اين المشكله في احتفال السفراء معه في عيد مياده ؟
    هذا الرجل ليس مشكله السودان ..السودان مشكلته في الحاكم الجائر قسم الناس لطبقات
                   |Articles |News |مقالات |بيانات

12-11-2015, 10:43 PM

صلاح جادات
<aصلاح جادات
تاريخ التسجيل: 15-10-2010
مجموع المشاركات: 23447

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    كمال الخنيث
    - ها ها ها
    - من البتوتر ومن منو يتوتر ... طلعت من حيران شيخ الامين وبرضو عاوز تتكلم عن الرجالة ها ها ها
    - طالما انا مابقدر اجي البلد الانت فيها تعال انت لكينيا عشان نشوف رجالتك .. كفي انك طلعت من حيران الببسي
    - ضحكتك ذاتا بتوري من انت ...
    - قضية تحرش ... الثانوي ده قريناهو نحن الاثنين فقط .. معقولة انا قريت في مدرسة فيها عدد كبير من الكيزان وتحصل لي قضية تحرش والكيزان ما يجبو خبرها
    - قضية يعني وصلت البوليس والمحكمة .. جيب تفاصيلها واسم المتحرش به .. طالما هي وصلت المحكمة مافي داعي لهذا التستر
    - اوعا بس يكون اتحرشت بيك انت ها ها ها .. تعرف عند الجهلاء في الزمن الكنت فيه في الثانوي التحرش بيعتبر رجولة وفحولة
    - تعرف واحد عضو منبر زيك عصرنا شديد هدد وازبد وارعد بانه سوف يكشف ملفي وبعد طول انتظار جا قال لي انت ساكن في غرفة مافيها عفش وانتو ثلاثة في الغرفة
    وانا ساكن في بيتي بلندن .. ده العيب الوحيد الوجدو في ملفي .. اثبت لي الشرف ورفع من قدري دون ان يدري واثبت علي نفسه الخسة والرزالة .. فكان السؤال بيت ملك في لندن من اين لك هذا ؟
    واتضح انه من اثرياء السودان فايضا قيل له من اين لك هذا فهرب من المنبر وحتي اليوم لم يدخله
    - فنجض شغلك وجيب حاجة قوية قدر حليفتك الحلفتها يا حوار الببسي
    Quote: صلاح صواطات

    هههههههههههههههههههههههههه

    مالك أفلست سريع كدا ... و مالك بتتوتر كدا من ما تجى سيرة الرجال و الرجالة 😂😂😂

    أولاً أنا فى بلد ما بتقدر تجيها انت لو نططت .. و متوجه بعد يومين أول أقل للبلد الطردوك منها لمدة أربعة أيام ....

    و هلا هلا على الجد .. انا بطلع العندى .. وانت تكتب ولا ما تكتب تانى ما فارقة معاى .. لكن تكتب و تتمسخر على شيخ الامين بتلاقينى واقف ليك فى حلقك ..

    و برضو يا صواطات انت ما راجل .. و دى ثرثرة منك ساي خلف الكيبورد .....

    راجع ليك بعد شويه .. يا ....................... ههههههههههه

    ..................................................................................................................................

    هاك يا صواطات ...

    حا أديك ليها بالقطارة ........

    (نسيت القضية بتاعتك تحرش .. و إنت متعود ما متحرشين بيك .. و و شكلك ظاااااااااااهر ....)


    قول واحد 😉
                   |Articles |News |مقالات |بيانات

12-11-2015, 10:58 PM

Kamal Abdu

تاريخ التسجيل: 22-02-2007
مجموع المشاركات: 270

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: صلاح جادات)

    صواطات .. ما قلت انا كوز .. هههههههههههههههه

    و انا قلت ليك قول واحد ....

    ما تستعجل على رزقك .....

    و أنا قدر حليفتى .....

    و بالقطاااااارة ................
                   |Articles |News |مقالات |بيانات

13-11-2015, 05:33 AM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: صلاح جادات)

    12208779_707952879306032_7872677345845464046_n.jpg Hosting at Sudaneseonline.com


    لا أدري!
    لم تذكِّرني هذه اللقطة ذَينك السِّماطَيْن! في زمنٍ ما بــ مدينة " حَـلَــبْ ال شهباء كانت! ثم طمرتها "نوافر" الإسلام السياسي في دُهيَتِها البغدادية الدِّمشقية ..!؟
    ولكن، ربما كان لعنوان الأخ/ جادّات، لهذا البوست عن بهرجات عيد ميلاد صوفنجي في أم درمان، وقد اشتمل في "شبه جُملة": ملك الرّوم! أكبر الأثر التذكيري؛
    فكان من باب أولى، أن آتي ببعض "رَويِّ" يتناسب والمناسبة ال " نواة" حتى يُعيد التاريخ نفسه ..!
    دُرُوعٌ لمَلْكِ الرّومِ هذي الرّسائِلُ ...!
    دُرُوعٌ لمَلْكِ الرّومِ هذي الرّسائِلُ يَرُدّ بهَا عَنْ نَفْسِهِ وَيُشَاغِلُ
    هيَ الزّرَدُ الضّافي علَيْهِ وَلَفْظُها عَلَيْكَ ثَنَاءٌ سَابِغٌ وَفَضائِلُ
    وَأنّى اهْتَدَى هذا الرّسُولُ بأرْضِهِ وَما سكَنَتْ مذْ سرْتَ فيها القساطِلُ
    وَمن أيّ ماءٍ كانَ يَسقي جِيادَهُ وَلم تَصْفُ مِن مَزْجِ الدّماءِ المَناهِلُ
    أتَاكَ يكادُ الرّأسُ يَجْحَدُ عُنقَهُ وَتَنْقَدّ تحتَ الدّرْعِ منهُ المَفَاصِلُ
    يُقَوِّمُ تَقْوِيمُ السِّماطَينِ مَشْيَهُ إلَيكَ إذا ما عَوّجَتْهُ الأفَاكِلُ
    فَقَاسَمَكَ العَينَينِ منهُ وَلَحْظَهُ سَمِيُّكَ وَالخِلُّ الذي لا تُزَايِلُ
    وَأبصَرَ منكَ الرّزْقَ وَالرّزْقُ مُطمِعٌ وَأبصَرَ منهُ المَوْتَ وَالمَوْتُ هَائِلُ



    ---------------------------
                   |Articles |News |مقالات |بيانات

13-11-2015, 06:09 AM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    أسِفتُ جدّاً والله أنني لم أكوِّت مداخلة جعيصة للأخ أبوبكر عباس،

    كان يفوح فيها، الصندل الصوفي ال عبيق!

    وَ "تومي" الدنيا فرّاااااقة.

    ولك التحايا يا أبابكر عباس،





    ---------------------------
    والله يا دكتور، لسنا ضد حُريات المُداخلين في تعديل مداخلاتهم،
    ولكن سحبها كما سحب الشَّعَرَة من العجين، يضطّرنا أن نقول لك: ال فيكم اتعرفَتْ!!
                   |Articles |News |مقالات |بيانات

13-11-2015, 07:29 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1436

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)
                   |Articles |News |مقالات |بيانات

13-11-2015, 07:39 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14412

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: أبوبكر عباس)

    Quote: يا أخي، لمان ألقى تبارك في بوست، بتجنب التداخل، بخاف من زيادة الجرعة، لكن ما دام بدلني؛ أقول:

    كتبت قديما عن شيخ اللمين هذه الخاطرة:
    أهديها له الآن في عيد ميلاده الميمون

    مارسيدسات، كرولات، بي إم دبليوهات لونن أبيض، إتحركن ماشات ود البنا في أم درمان، سايقنهن رجال لابسين أخضر ودارعين اللالوب الما خمج، نزلوا جنب البيت و نزلوا معاهم أولادم و نسوانن اللابسات تياب ندى القلعة و بي الفل ميك أب
    جلسوا في صالة أسمح من صالون وردي، الفي الغنا، البي الحرير و الورد مفروش...

    شوية ونسمع صوت نوبة
    حيّ حيّ
    يسبق الصوت ريحة صندل*
    يدخل نبي أم درمان الجديد: شيخ اللمين للصالة ويهز بخيزرانة صغيرة، ماسكها بالإبهام والسبابة ويهزها هزة خفيفة مع إيقاع الطبل والطار،
    طار عقل الحضور وبانت لديهم سعادة إختفت عن أم درمان من زمن الفوزات

    في إستطلاع للحضور سأل مقدم البرنامج امرأة جميلة كاملة الزينة، أكتر شئ لفت نظري فيها، الماتشينق بتاع ظلال الجفون الأخضر بالأزرق مع ألوان التوب، قال ليها
    كلمينا: علاقتك بي أبونا الشيخ بدت كيف؟
    قالت ليهو ما بعرفها بدت كيف، لكن أنا قبل ما أعرف أبونا الشيخ دا، حياتي ما كان ليها معنى، و أنا هسع سعيدة سعادة ما بقدر أوصفا ليك...
    من اللقاء دا، أيقنت انو شيخ اللمين دا نبي
    أصلو النبي دا شنو؟ زول بزرع السعادة في الناس

    * أنا حضرت الحلقة في التلفزيون، ريحة الصندل إتخيلتها ساكت


    جميلة يا أبوبكر

    لفت نظري إليها تعليق الاستاذ أبوجودة

    رحمة الله على جدي الفضيل .. كان لما ينبسط من زول يوصفه بالراجــل (الفحــل)
                   |Articles |News |مقالات |بيانات

13-11-2015, 07:43 AM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: أبوبكر عباس)

    شكرن كتيراً عزيزي أبوبكر عباس،

    وَ حات شيخ اللمين، ما لقيتا بي هناك ..!
    يكون دي كرامة ولّا إيه يا بيه!

    ولاّ يكون ال عَتَبْ على " الشبكة الانترنتية سودانياً" وكدا ..!
    فأنا نظري، واثق منّو شديد!! شفتا كيف.



    على كُل حال، كان دار تشيلا، بعد ده

    شييييييلا

    وُ بي شوّالا

    ههه

    .............
    فقد تمّ التكويت تدكيناً وتشوينا
                   |Articles |News |مقالات |بيانات

13-11-2015, 07:53 AM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    تسلم عزيزنا وأستاذنا/ أحمد الشايقي،

    ولك التحايا الطيبة،

    حقيقة فقد قرأت المداخلة، أول نشرها، وأعتقد أن الأخ أبوبكر، قد قطّع بها كثيراً من الشكوك الحائمة؛ ولمّا جاءت مداخلتك
    ومداخلات الأخ تبارك، احتجتُ أن أراجع مداخلة أبوبكر ( والكاربة ) في توصيف ما أريد قوله عن عيد ميلاد شيخ الأمين ودّ البنا.

    لم أجدها، ف لعب الفار في عِبِّي! ثم ندمتُ ندامة ال كُسَعي لمّا طارت مني التواثيق.


    قطعة أبي بكر عباس، السردية، تصلُح للكثير ال مُثير ال خَطَر.

    والله - يا بكّور الدكتور - ماكا هويِّن سهل قيادَك ,, انتا سيّد نفسَك مين ميييين أسيادك.

    وَ دُمتما
                   |Articles |News |مقالات |بيانات

13-11-2015, 10:50 AM

يوسف الطيب احمد إدريس
<aيوسف الطيب احمد إدريس
تاريخ التسجيل: 03-03-2014
مجموع المشاركات: 845

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    Quote: شيخ الامين من تلاميذ الشيخ عبدالله ودعجوز ...

    له خلوة ببيت المال منذ ما يزيد عن عقدين من الزمان ...

    اشتهر لأسباب عدة ... منها اسلوب حياته العصرية كرجل أعمال ناجح ...

    ومنها جاذبيته لقطاع شباب الطبقة الميسرة من الجنسين ...

    ولكن أهم اسباب شهرته تصدّيه وحيرانه لحملة اغتيال الشخصية التي تنظمها الجماعات السلفية ضده ...


    وين الدين من الكلام دا ؟؟!!
                   |Articles |News |مقالات |بيانات

13-11-2015, 04:30 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: يوسف الطيب احمد إدريس)

    Quote: وين الدين من الكلام دا ؟؟!!

    والله انا ما بقدر افتش دواخلك ... واعرف انت ضليت عن الدين في الكلام دا في ياتو ملف ... لاكين نصيحتي الأخوية لك أن تبقي السؤال مرفوعًا ... وتبحث في دواخلك عن إجابة ... عسى أن يكشف المولى غفلتك عنها ويهديك صراطه المستقيم ...

    نتضامن معك ونسأل الله أن يجيبك:

    وين الدين من الكلام دا؟

    ولكن عمومًا ... نعرفك بأن زعم وجود نسخة واحدة صحيحة من الدين ... ووجود براهين على صحة هذا الدين وخطأ ذاك الدين ... هذا الزعم في حد ذاته مشكلة ... ويجعل كل منا يكفّر الآخر ويتطيّر بدينه .. فأرجو أن لا ندخل ذلك النفق ... لأن البوذي لا يغيّر ما يؤمن به الهندوسي والهندوسي لا يغيّر ما يؤمن به البوذي ... هكذا خلق الله الإنسان ... وهو يهدي من يشاء ... والله لا يحب المعتدين ...








    ... المهم ...
                   |Articles |News |مقالات |بيانات

13-11-2015, 04:47 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    نسأل اخواننا الاقباط إذا كان صاحب الصورة مع شيخ الامين هو أبونا الراهب القمص صرابامون السرياني شخصيًا؟؟

    عشان نقدر نرد على محمد جودة في تشبيه اسقف النوبة بملك الروم ...













    ... المهم ....
                   |Articles |News |مقالات |بيانات

13-11-2015, 06:18 PM

صلاح جادات
<aصلاح جادات
تاريخ التسجيل: 15-10-2010
مجموع المشاركات: 23447

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: يوسف الطيب احمد إدريس)

    كمال الخنيث
    في انتظار نمرة اتنين ...
    البمنعك شنو ماتجي كينيا تدافع عن عرضك يا ديوث ...
    Quote: صواطات .. ما قلت انا كوز .. هههههههههههههههه

    و انا قلت ليك قول واحد ....

    ما تستعجل على رزقك .....

    و أنا قدر حليفتى .....

    و بالقطاااااارة ................
                   |Articles |News |مقالات |بيانات

13-11-2015, 07:01 PM

يوسف الطيب احمد إدريس
<aيوسف الطيب احمد إدريس
تاريخ التسجيل: 03-03-2014
مجموع المشاركات: 845

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: صلاح جادات)

    الأخ تبارك
    قول بسم الله واستهدى بالله المسألة ما محتاجة تفتيش وضلال وهداية وبحث دواخل انت قلت :

    Quote: اشتهر لأسباب عدة ... منها اسلوب حياته العصرية كرجل أعمال ناجح ...

    ومنها جاذبيته لقطاع شباب الطبقة الميسرة من الجنسين ...

    ولكن أهم اسباب شهرته تصدّيه وحيرانه لحملة اغتيال الشخصية التي تنظمها الجماعات السلفية ضده ...


    التلات أسباب مافيها شيء من الدين إطلاقاً ، هل اسلوب الحياة العصرية من الدين يعني الما عايش حياة عصرية ما متدين ؟ وانت حدد انو هو رجل أعمال ناجح
    وأنه جاذبيته لقطاع الشباب من الميسورين وتصديه محاولة اغتيال الشخصية من الجماعات السلفية ؟

    طيب هل فسر آية ؟ شرح حديث ؟ علم أحكام صلاة صوم ميراث شنو الحاجات البتعرفو بيها رجال الدين عملها واللي انت ما أوردتها في كلامك .

    وكلامي كله كان في ما ذكرته أعلاه ، لكن سبحان الله المنبر يعج بـ(محاكم تفتيش الضمائر) وإطلاق الأحكام المسبقة ، مشيت لنسخة واحدة من الدين وكلام كتير وطالما ذكرتها أسألك الرسول عليه السلام قال :
    (تركت فيكم ما إن تمسكتم به لن تضلوا بعدي أبداً) ، أين ما يفعله المدعو الأمين وهو حيرانه مما فعله النبي عليه أفضل الصلاة والسلام وصحابته الكرام ؟

    هل كان في عهد الرسول عليه أفضل الصلاة والسلام نوبة وذكر ؟

    هل في عهد صحابته حصل هذا الشيء ؟

    هل احتفل الرسول صلى الله عليه وسلم بعيد وميلاده ؟

    هل جلس النبي مثل قال جادات مثل ملك كرسي وصولجان وحواريين وحشم وخدم؟

    وكثير مما يفعله الأمين وحيرانه وكثير من الصوفية هل له من الدين في شيء ؟! وتحسباً لا تقولي وهابية وأنصار سنة ، كلمني عن ما ورد في القرآن الكريم والسنة المطهرة فقط

    عشان ما تجيني تقول الوهابية فعلوا أنصار السنة تركوا علان فعل ، أنا اتكلم عن قرآن كريم وسنة مطهرة فقط لا شخوص ولا جماعات
                   |Articles |News |مقالات |بيانات

13-11-2015, 07:35 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: يوسف الطيب احمد إدريس)

    Quote: قال الشيخ الألباني رحمه الله في رسالته " مقدمة في مصطلح الحديث والحديث حجة بنفسه في العقائد والأحكام ": { عن أبي هريرة رضي الله عنه قال: قال رسول الله صلى الله عليه وسلم: تركت فيكم شيئين لن تضلوا بعدهما ما تمسكتم بهما، كتاب الله وسنتي، ولن يتفرّقا حتى يردا على الحوض. أخرجه مالك مرسلاً، والحاكم مسنداً وصححه } (راجع باب وجوب الرجوع إلى السنة وتحريم مخالفتها ص 30 حديث رقم 6).

    قلت: سكت الحاكم عقب رواية أبي هريرة رضي الله عنه ولم يصححه، وفيه صالح بن موسى الطلحي وهو متروك (تقريب التهذيب ج 1 ص 433). ثم رأيت صالح بن موسى هذا، روى الحديث بلفظ آخر " كتاب الله ونسبـي " بنفس السند عن أبي هريرة (راجع كشف الأستار ج 3 ص 223 رقم 2617). وسند الحافظ البزار (المتوفى 292 هـ) إلى صالح بن موسى أصح وأعلى من سند الحاكم (المتوفى 405 هـ) إليه. وهذا اللفظ " كتاب الله ونسبـي " له شاهد بلفظ " كتاب الله وعترتي " صححه الشيخ الألباني وغيره. إذن حديث أبي هريرة بلفظ " سنتي " إما تصحيف أو من أوهام الرواة أو أغلاط وإضطراب صالح بن موسى نفسه فهو متروك كما عرفت. وقد اضطرب فيه مرة أخرى فرواه بلفظ آخر بنفس السند عن أبي هريرة فقال: { قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: إِنَّهَا سَتَأْتِيكُمْ عَنِّي أَحَادِيثُ مُخْتَلِفَةٌ، فَمَا آتَاكُمْ مُوَافِقًا لِكِتَابِ اللَّهِ وَلِسُنَّتِي فَهُوَ مِنِّي، وَمَا آتَاكُمْ مُخَالِفًا لِكِتَابِ اللَّهِ وَسُنَّتِي فَلَيْسَ مِنِّي } (الفقيه والمتفقه للخطيب رقم 345).

    ورواه الحاكم أيضاً بإسناده عن ابن عباس رضي الله عنه ولكن قال عقبه: { وقد احتجّ البخاري بأحاديث عكرمة، واحتج مسلم بابن أبي أويس، وسائر رواته متفق عليهم. وهذا الحديث لخطبة النبي صلى الله عليه وآله وسلّم متفق على إخراجه في الصحيح: يا أيها الناس إني قد تركت فيكم ما لن تضلوا بعده إن اعتصمتم به، كتاب الله، وأنتم مسؤولون عني فما أنتم قائلون؟ وذكر الاعتصام بالسنة في هذه الخطبة غريب، ويحتاج إليها }.
    وفيه إسماعيل ابن أبي أويس متهم بالوضع، قال الحافظ: " لا يحتج بشئ من حديثه غير ما في الصحيح من أجل ما قدح فيه النسائي وغيره إلا أن شاركه فيه غيره فيعتبر فيه " (مقدمة فتح الباري ص 388). قلت: لم يشاركه أحد. وقد تكلم في أبيه أيضا، قال ابن معين: يسرق الحديث وضعفه غير واحد، وقال الحافظ: " صدوق يهم ".

    والحديث روي أيضاً عن أبي سعيد الخدري رضي الله عنه (الفقيه والمتفقه للخطيب البغدادي رقم 272) فيه غير واحد من الضعفاء والمتروكين كسيف بن عمر والصباح بن محمد.

    أما رواية إمام مالك فهي مرسلة، قال السيوطي: { وصله ابن عبد البرّ من حديث كثير بن عبدالله بن عمرو بن عوف، عن أبيه، عن جده } (راجع تنوير الحوالك). وكثير بن عبد الله هذا هو من أركان الكذب كما قال الإمام الشافعي وأبو داود وقال ابن حبان: " روى عن أبيه عن جدّه نسخة موضوعة ".



    لو سألتني انا ... شيتًا قالوا الألباني مشكوك في صحته عندي وإن صح ... لأن الألباني لاجئ سياسي وجليس ملوك وصاحب غرض عليه رحمة الله ...

    أها ... اختلفنا في معيار الكتاب والسنة ... ودخلنا في نفق الهندوسي الداير يقنع البوذي ...

    يا زول واصل السؤال: الكلام دا علاقتو بالدين شنو؟

    وامتحن نفسك: الدين عندك شنو؟

    بالنسبة لى شيخ الامين قلنا إنو حوار الشيخ عبدالله ودعجوز ... يعني تم تشييخو والإذن له في الطريقة كما تم تشييخ مئات الشيوخ على مر مئات السنين في السودان ... لامن نتكلم عن أسباب شهرتو ... فنحن نقصد أسباب تناول الإعلام له وكيف صار حديث المجالس بين الناس ... ولا نتحدث عن دينه ...

    لأن الحديث عن دين شخص لشخص على دين آخر أو على جهل بما يزعم أنه دينه ... حديث جارح ويطعن في حرية الإعتقاد ... فقد ذكرنا أن الرجل لا يقف في مسير الإستنارة التي تهدف لتحرير العقل الإنساني من سلطات الدين والدولة ... مما يعني أن دينه دين تسامح معقلن ... وليس بمصيطر ...

    فيا اخوي ربنا يهدينا ويهديك ...






    ... المهم ....
                   |Articles |News |مقالات |بيانات

13-11-2015, 08:10 PM

يوسف الطيب احمد إدريس
<aيوسف الطيب احمد إدريس
تاريخ التسجيل: 03-03-2014
مجموع المشاركات: 845

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    نواصل (اللت) و(العجن) :

    برضو مشيت للألباني ولاجئ سياسي ومهرب بشر وتاجر سلاح وكلام كتير ما ليه داعي ولا داخل في صميم نقاشنا .

    بعدين شنو تم تشييخه من عبد الله ود العجوز ؟ ود العجوز لا يأتيه الباطل من بين يديه ولا شنو ؟

    أسألك سؤالك ترجع بسؤال غير تاني ما ليه علاقة بالكلام نهائي ، انا تعريفي للدين خليه وريني انت فهمك للدين شنو

    ادينا فهمك للدين امكن نتبعك وتبقى ليك شيخ طريقة .. المافي شنو ؟

    وبرضو بتتكلم عن دين شخص آخر وما إلى ذلك ، ياخ تكلم لي عن مفاهيم أفكار مذاهب عقائد ، أبعدنا من الشخوص نهائي عشان نصل لحل

    جيب من القرآن والسنة الحاجة الانت مقتنع بيها وصحيحة وشايفة هي الأصح وبعدها طبقها على الأمين وحواريه وهل هي صحيحة ولا لا ؟

    وكفى الله المؤمنين القتال
                   |Articles |News |مقالات |بيانات

13-11-2015, 09:28 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: يوسف الطيب احمد إدريس)

    Quote: برضو مشيت للألباني ولاجئ سياسي ومهرب بشر وتاجر سلاح وكلام كتير ما ليه داعي ولا داخل في صميم نقاشنا

    دا تخريج حديث ... الألباني تكلّم في الحاكم ليبرر تخريجه ... والحاكم تكلّم في ابن ابي موسى ... وأنا تكلمت في الألباني لأضع لك نتيجتي النهائية ... المسألة ليست مزاج شخصي للتدخل في شؤون الألباني ... ولكن جلب حقائق حوله لتقييم مصداقيته ... مثل كونه لاجئ من البطش العثماني في ألبانيا ... وكونه جليس ملوك ومتملق سلطة ... وكونه صاحب غرض خدمة السلطة التي لجأ إليها بأحاديث تعضد سلطانها ... وهكذا ... هذه حقائق حول السياق الذي يقوم فيه بتخريج الأحاديث ... وتطعن في مصداقيته ...

    Quote: انا تعريفي للدين خليه وريني انت فهمك للدين شنو

    ادينا فهمك للدين امكن نتبعك وتبقى ليك شيخ طريقة .. المافي شنو ؟

    المافي أنا ... هذا المشترك لا يمكن الوصول إليه حاليًا ...

    انت يا زول فكيت شيخ الامين؛ اتدرّعتني انا؟

    Quote: جيب من القرآن والسنة الحاجة الانت مقتنع بيها وصحيحة وشايفة هي الأصح وبعدها طبقها على الأمين وحواريه وهل هي صحيحة ولا لا ؟

    اجيب لى منو؟

    جبت ليك من الألباني انو السنة بدعة موضوعة كلفظ من لسان رسول الله في الحديث ... وطبعًا السنة لم يرد ذكرها في القرآن ... يعني معيار مشترك بيناتنا عشان اجيب ليك وتجيب لي ... مافي

    هسي كمان بقيت داير تبقيني شيخك؟

    يا راجل الله يهدينا ويهديك ....





    ... المهم ....
                   |Articles |News |مقالات |بيانات

13-11-2015, 10:08 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14412

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    شكرا أستاذ أبو جودة

    Quote: قطعة أبي بكر عباس، السردية، تصلُح للكثير ال مُثير ال خَطَر.


    أخونا ابوبكر (جاب العيد) .. على قول الخليجيين أحبابنا

    ووضع موضوع رواية أدبية غاية في الرفعة

    في قريتنا (ديك) كما يقول الفادح نزار وفي قريتنا الحقيقية (حكواتي) هو الآخر أخو فداحـة ينسب للكثير من (ألفقراء .. والمعنى واضح) الكثير من الفداحات أيضاً

    هي مما (يسكت عنه) في الغالب ويؤسفني أنه لم يصبح بعد محل كتابة أدبية جادة وهو قصور في هذا المجتمع الذي يفتقد إلى الصراحـة ويركن إلى السلامة (غادي غادي)

    لك التحية أبو جودة ولأبي بكر قدر ما أسعدنا .. ونشكره على اسعادنا ...

    أحمد الشايقي
                   |Articles |News |مقالات |بيانات

13-11-2015, 10:22 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14412

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: أحمد الشايقي)

    يا تبارك أخوي

    قرأت افادتك بأن الرجل المسمى نفسه الشيخ الامين هو حوار الشيخ ود العجوز

    ولعلمك يا أخي فالحق لا يعرف بالرجال وإنما الرجال يعرفون بالحق .. والرجل هذا رأيناه في التلفزيون وعلى اليوتيوب يستشهد بآيات شهيرة من القرآن الكريم ولا يحسن قراءتها ولا تجويدها

    فمثل الذي يلحن بالقرآن الكريم لا يصلح أن يؤم الصلاة ناهيك عن أية أمور أخرى

    فما بالك من رجل يشتكي منه جيرانه بالحي مر الشكوى (وبقية القصة وتفاصيلها معروفة)

    فارتباطه بشيخ ود العجوز لا يعنينا في شئ ولو تطابق فعل الشيخ ود العجوز نفسه مع فعل المسمي نفسه الشيخ الامين لأنكرنا عليه ما يفعل وما يقول

    لو طلبت طريقاً صوفيا يا تبارك فدونك قمة الشجرة المكاشفية ولا تتوقف حتى ترد الشكينيبة ففيها غنى عن كل هؤلاء

    ومن قصد البحر استقل السواقيا

    أحمد الشايقي
                   |Articles |News |مقالات |بيانات

13-11-2015, 10:34 PM

صلاح جادات
<aصلاح جادات
تاريخ التسجيل: 15-10-2010
مجموع المشاركات: 23447

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

                   |Articles |News |مقالات |بيانات

14-11-2015, 04:04 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: صلاح جادات)

    Quote: فما بالك من رجل يشتكي منه جيرانه بالحي مر الشكوى (وبقية القصة وتفاصيلها معروفة)

    ما هذا التناقض يا شايقي؟

    انت وكتين عارف التفاصيل ... ما متعاطف مع شيخ الامين مالك؟



    ما تبقى زي شيخ مزمل فقيري ... أدين في تهمة اشانة سمعة ضد شيخ الامين ... واتحكم بى دفع تعويض 10000 جنيه ...

    وشيخ الامين عفا التعويض قال: شيخ مزمل راجل محمول ...






    ... المهم ....
                   |Articles |News |مقالات |بيانات

14-11-2015, 04:58 AM

يوسف الطيب احمد إدريس
<aيوسف الطيب احمد إدريس
تاريخ التسجيل: 03-03-2014
مجموع المشاركات: 845

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    أصبحنا وأصبح الملك لله ، ونسأل الله أن يعيننا على (توم) و(جيري) :

    يا تبارك منو القال مزاج شخصي ومنو الطلب منك تتدخل في شؤون الألباني ؟

    بالنسبة لكلامك عن الألباني برجع ليك فيهو برواقة ، أما الآن موضوع بسيط جداً

    أوردت أسباب اشتهار المدعو الأمين ، الأسباب دي ليها علاقة بالدين ولا لا ؟

    وعشان تثبت لينا ليها علاقة بالدين ولا لا هات ما تراه أنت ديناً وأحكم لينا على كده ؟!

    ورينا تصرفات الأمين وهل وردت عن النبي صلى الله عليه وسلم ولا صحابته ولا لا ؟

    دا كل الموضوع ببساطة واختصار شديد ..

    كلامك فيه نقاط كتيرة محتاجة نقاش لكن عشان نخلص (توم) و(جيري) يا ريت ترد على ما ورد أعلاه من أسئلة
                   |Articles |News |مقالات |بيانات

14-11-2015, 05:24 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1436

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: يوسف الطيب احمد إدريس)

    Quote: أوردت أسباب اشتهار المدعو الأمين ، الأسباب دي ليها علاقة بالدين ولا لا ؟

    ليها علاقة وكمان عميقة بإعتقاد ودين شيخ الامين وأتباعو يا يوسف
                   |Articles |News |مقالات |بيانات

14-11-2015, 05:30 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: يوسف الطيب احمد إدريس)

    Quote: يا تبارك منو القال مزاج شخصي ومنو الطلب منك تتدخل في شؤون الألباني ؟

    حبيبي ...

    انا بحاول اشرح ليك انو الصنعة الإسمها "علم الحديث" ... نظامها كدا ... بيقولوا عليها "علم الرجال" لأنو بتقرقر شخصية الرجل عشان تحدد إنو "من الثقاة" ولّ "من المتروكين" ولّ من "ما بينهما" (وتشمل ورع وخلاّط ومجهول ووضاع وكذاب وهلم جر) وقلنا ليك الألباني لاجئ وجليس ومغرض ... وواحد من مؤسسي "علم الرجال" حرد جلسة تدارس عن سير أعلام الرواة والأسانيد ... وقال للجماعة انو دي نميمة واتخارج ... فأنا مقدّر موقفك من هجومي الشخصي على الألباني ... ولكن أصول صنعة "علم الحديث" كدا ... ولامن امتهنها الألباني كان قايل اصحابو الملوك بيعصموهو من الهجوم الشخصي ...
    Quote: أوردت أسباب اشتهار المدعو الأمين ، الأسباب دي ليها علاقة بالدين ولا لا ؟

    ديني ولّ دينك؟

    لأنو انا ما بعرف اغتيال الشخصية وحمل اللافتات وقيادة الهمر وجذب الميسورين والميسورات في دينك وضعهم شنو ... عمومًا انا ما داير احشر ديني في الموضوع ... داير اتكلم كلام موضوعي في اسباب الإشتهار كما حدثت في الواقع ...
    Quote: وعشان تثبت لينا ليها علاقة بالدين ولا لا هات ما تراه أنت ديناً وأحكم لينا على كده ؟!

    ورينا تصرفات الأمين وهل وردت عن النبي صلى الله عليه وسلم ولا صحابته ولا لا ؟

    دا بيرجعنا لى غلات "علم الحديث" الما اتفقنا فيهو على إسناد "السنة" لرسول الله حتى الآن ...

    لاكين باختصار شديد ... لو داير تتناقش اتناقش بموضوعية واترك المناوشات الدينية ..

    لا بسألك عن دينك ... لا تسألني عن ديني ..

    وإذا دار بخلدك سؤال: علاقة الكلام دا بالدين شنو؟

    فننصحك بالتمسّك بالسؤال ... والتفتيش عن إجابة في دواخلك ... عسى الله يهدينا ويهديك ...





    ... المهم ....
                   |Articles |News |مقالات |بيانات

14-11-2015, 05:48 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    Quote: ليها علاقة وكمان عميقة بإعتقاد ودين شيخ الامين وأتباعو يا يوسف

    واضح انو يوسف لا يدين بدين شيخ الامين ...

    انا منهدش:

    لماذا يبحث عمّا يطعن في دين شيخ الامين؟

    لماذا لا ينشغل بدينه هو؟






    ... المهم ....
                   |Articles |News |مقالات |بيانات

14-11-2015, 10:05 AM

يوسف الطيب احمد إدريس
<aيوسف الطيب احمد إدريس
تاريخ التسجيل: 03-03-2014
مجموع المشاركات: 845

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    أبو بكر عباس

    سلام عليكم

    Quote:

    Quote: أوردت أسباب اشتهار المدعو الأمين ، الأسباب دي ليها علاقة بالدين ولا لا ؟

    ليها علاقة وكمان عميقة بإعتقاد ودين شيخ الامين وأتباعو يا يوسف


    ورينا العلاقة شنو ؟!

    ؛؛؛ ؛؛؛ ؛؛؛

    تبارك

    اعترف لك بأنك نجحت في جرجرة السؤال ومطمطته بشكل بارع .

    بعدين البسوي فيه الأمين دا دين ولا مذهب ؟!

    يا شيخنا ممكن أجيب اقتباسات كتيرة جداً وأقارن ما يفعله الأمين وحوارييه مع صحيح القرآن الكريم والسنة المطهرة، تقوم تنفيه كله وتقول دا ما صاح ودا القالو ودا عشان كدا سألتك وريني المقتنع بيه انت من القرآن والسنة وطبق لينا على ما يفعله الأمين وحوارييه هل هو صحيح ولا لا ؟ لكن مصر إن تمط وتجر السؤال الواحد دا إلى ما لا نهاية ، ما عارف هو استعراض عضلات فكرية ولا الفهم شنو ما واضح ؟

    طيب لا تسألني من ديني ولا أسألك من دينك ، طيب لو عايزين نقيم البسوي فيه الأمين وجماعته نقيم كيف ؟

    وممكن تشرح كيف اتناقش بموضوعية وكيف اترك المناوشات الدينية ؟

    Quote: لماذا يبحث عمّا يطعن في دين شيخ الامين؟

    لماذا لا ينشغل بدينه هو؟


    انتو شيخ الأمين مش قالو محدث ومجدد علم التصوف ورائد علم النهضة بالتصوف ؟ طيب ليه ما ننشغل بالبسوي فيه ويدخل في التقييم والتقويم والتعديل ؟

    يوسف ما قال هو مجدد ولا محدث ولا طلع منبر ولا قال شيخ طريقة ولا قال زعيم جماعة عشان عرفت الفرق .
                   |Articles |News |مقالات |بيانات

14-11-2015, 11:26 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: يوسف الطيب احمد إدريس)

    Quote: طيب لا تسألني من ديني ولا أسألك من دينك ، طيب لو عايزين نقيم البسوي فيه الأمين وجماعته نقيم كيف ؟

    وممكن تشرح كيف اتناقش بموضوعية وكيف اترك المناوشات الدينية ؟

    انت عايز ليك مناظرة دينية مع شيخ الامين؟

    بالله لو قبل بى مناظرتك اعزمنا عشان نحضر ...

    خصوصًا انو نتيجتك جاهزة:
    Quote: بعدين البسوي فيه الأمين دا دين ولا مذهب ؟!


    بعدين انت بتحصحص في شيخ الامين وفيني انا بى معاييرك انت ودينك انت ليه؟
    Quote: يا شيخنا ممكن أجيب اقتباسات كتيرة جداً وأقارن ما يفعله الأمين وحوارييه مع صحيح القرآن الكريم والسنة المطهرة، تقوم تنفيه كله وتقول دا ما صاح ودا القالو ودا عشان كدا سألتك وريني المقتنع بيه انت من القرآن والسنة وطبق لينا على ما يفعله الأمين وحوارييه هل هو صحيح ولا لا ؟ لكن مصر إن تمط وتجر السؤال الواحد دا إلى ما لا نهاية ، ما عارف هو استعراض عضلات فكرية ولا الفهم شنو ما واضح ؟

    في زول جاك قال ليك البتسوي فيو انت دا غلت؟

    انا قاولتك ولّ قاولت شيخ الامين انو انا مقتنع بى شنو؟

    ياخي الموضوع انو زعيم ديني وشيخ صوفي مشهور ... عمل عيد ميلاد ... وعزم دبلوماسيين ومسيحيين وأديان أخرى ... جا انصاري السنة اشتكى انو السفير الامريكي ما زارهم ولا عزمهم ... جبنا ليهو صور دكتور اسماعيل مع السفير حين اهداه المصحف ... استنكر على انصار السنة إهداء المصحف للسفير ... سألناهو عن كيفية التعامل مع السفير حسب وجهة نظرو ... اتخارج تاني ما جا ... جانا التقدمي محمد جودة قال شيخ الامين يعاند استدامة التطوّر (أيًا كان معنى هذا التعبير العجيب) ... قلنا ليهو كيف ... قال بيلهي الشباب عن مشاريع استدامية تطورية اتضح انها ما موجودة ظاطو ... وجدع لينا سيرة الجمهوريين في النص في شكل وردة ... واقتبس كلام ابوبكر عباس دخل بيهو بى حمد ومرق بيهو بى خوجلي ...

    يعني الموضوع كلو ما فيهو سيرة دين وموقف ديني وأحكام فقهية حول ضرورة أي شي معلوم من الدين بالضرورة (يا قول السلباطة) ...

    فإنت هسي جايي داير تعرف رايي الديني في شيخ الامين ... يعني ما رايي السياسي زي عثمان انصاري السنة ومحمد جودة ...

    وانا قلت ليك نقاش ديني ما داير ... نقاش موضوعي حول الوقائع والأحداث زي راي احمد الشايقي في مشكلتو مع الجيران (التفاصيلها معلومة من الإعلام بالضرورة برضو ) ... ما عندك أي مشكلة ... نسرد ليك ونناقشك زي العجب ...

    لاكين حكاية تفتيش ضماير الناس ... ومقتنعين بى شنو وما مقتنعين بى شنو ... حقو تبطّلها ...







    ... المهم ....
                   |Articles |News |مقالات |بيانات

14-11-2015, 11:31 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1436

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    يا تبارك، أعصابك
    الإستنارة محتاجة طولة بال
    يوسف دا لو ما دايرو؛ أديني ليهو
                   |Articles |News |مقالات |بيانات

14-11-2015, 11:37 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: أبوبكر عباس)

    Quote: يا تبارك، أعصابك
    الإستنارة محتاجة طولة بال
    يوسف دا لو ما دايرو؛ أديني ليهو


                   |Articles |News |مقالات |بيانات

14-11-2015, 11:35 AM

يوسف الطيب احمد إدريس
<aيوسف الطيب احمد إدريس
تاريخ التسجيل: 03-03-2014
مجموع المشاركات: 845

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    بالله عليك يا تبارك وين أنا قلت عايز مناظرة بيني وبين الأمين ؟؟

    وين الكلام دا ؟؟

    إني آمنت بالذي خلق السموات والأرض من هذا لت وعجن ..

    بعدين ياخ لو نسيت أنا بذكرك هاك دا سؤالي :

    Quote:

    Quote: شيخ الامين من تلاميذ الشيخ عبدالله ودعجوز ...

    له خلوة ببيت المال منذ ما يزيد عن عقدين من الزمان ...

    اشتهر لأسباب عدة ... منها اسلوب حياته العصرية كرجل أعمال ناجح ...

    ومنها جاذبيته لقطاع شباب الطبقة الميسرة من الجنسين ...

    ولكن أهم اسباب شهرته تصدّيه وحيرانه لحملة اغتيال الشخصية التي تنظمها الجماعات السلفية ضده ...


    وين الدين من الكلام دا ؟؟!!



    كدي وريني وين استنارة وتطور واستدامة والخطرفات الما معروف بتجيب فيها من وين ؟؟
                   |Articles |News |مقالات |بيانات

14-11-2015, 11:38 AM

يوسف الطيب احمد إدريس
<aيوسف الطيب احمد إدريس
تاريخ التسجيل: 03-03-2014
مجموع المشاركات: 845

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: يوسف الطيب احمد إدريس)

    Quote: يا تبارك، أعصابك
    الإستنارة محتاجة طولة بال
    يوسف دا لو ما دايرو؛ أديني ليهو


    الشيء شنو يا أبو بكر عباس بني آدم ولا شوال فحم ...

    ممكن نسميها شنو ظرافة زايدة عن اللزوم ولا استنارة فوق الجميع ولا فهم بحجم سنوات ضوئية ..

    اللهم لا تمحننا ولا تبلينا
                   |Articles |News |مقالات |بيانات

14-11-2015, 11:39 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: يوسف الطيب احمد إدريس)

    Quote: شيخ الامين من تلاميذ الشيخ عبدالله ودعجوز ...

    له خلوة ببيت المال منذ ما يزيد عن عقدين من الزمان ...

    اشتهر لأسباب عدة ... منها اسلوب حياته العصرية كرجل أعمال ناجح ...

    ومنها جاذبيته لقطاع شباب الطبقة الميسرة من الجنسين ...

    ولكن أهم اسباب شهرته تصدّيه وحيرانه لحملة اغتيال الشخصية التي تنظمها الجماعات السلفية ضده ...


    وين الدين من الكلام دا ؟؟!!

    ياتو دين؟
                   |Articles |News |مقالات |بيانات

14-11-2015, 11:41 AM

يوسف الطيب احمد إدريس
<aيوسف الطيب احمد إدريس
تاريخ التسجيل: 03-03-2014
مجموع المشاركات: 845

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    Quote: ياتو دين؟



    الدين الإسلامي
                   |Articles |News |مقالات |بيانات

14-11-2015, 11:45 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: يوسف الطيب احمد إدريس)

    Quote: الدين الإسلامي

    يعني الإباضية؟

    طيب ياخي مش كان تقول كدا من الصباح ... عشان نوجهك لى اخواننا الإباضية يردّوا عليك ...

    انا ما بقدر اتكلم في الدين نيابة عنهم بصراحة ...







    ... المهم ....
                   |Articles |News |مقالات |بيانات

14-11-2015, 11:50 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    لو قاصد بى "الدين الإسلامي" الإمامية الإثناعشرية نبّهني ... عشان ما اكون فهمتك غلت







    ... المهم ...
                   |Articles |News |مقالات |بيانات

14-11-2015, 11:51 AM

يوسف الطيب احمد إدريس
<aيوسف الطيب احمد إدريس
تاريخ التسجيل: 03-03-2014
مجموع المشاركات: 845

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    تبارك

    رغم اني ما احب الاصطفاف والمساندة في النقاش لكن عملاً بنصيحة أخونا عاطف عمر من الفيس أحسن الواحد يتوقف عن النقاش الدائري المطاط .

    فتك بعافية ... سلام
                   |Articles |News |مقالات |بيانات

14-11-2015, 11:55 AM

يوسف الطيب احمد إدريس
<aيوسف الطيب احمد إدريس
تاريخ التسجيل: 03-03-2014
مجموع المشاركات: 845

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: يوسف الطيب احمد إدريس)

    Quote:

    Quote: الدين الإسلامي

    يعني الإباضية؟

    طيب ياخي مش كان تقول كدا من الصباح ... عشان نوجهك لى اخواننا الإباضية يردّوا عليك ...

    انا ما بقدر اتكلم في الدين نيابة عنهم بصراحة ...







    ... المهم ....



    Quote: لو قاصد بى "الدين الإسلامي" الإمامية الإثناعشرية نبّهني ... عشان ما اكون فهمتك غلت







    ... المهم ...



    بالله دا زول عايز يتناقش !!!!!
                   |Articles |News |مقالات |بيانات

14-11-2015, 12:06 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: يوسف الطيب احمد إدريس)

    Quote: بالله دا زول عايز يتناقش !!!!!

    وانت داير تدردقني في نقاش ديني انا ما عايز اتناقشو؟ ...

    قلت ليك الكلام دا عديييييل ... إلاّ يشيلوك يضربوا بيك الواطا حتين تفهم انو انا ما عايز اتناقش نقاش ديني؟

    قلنا ليك لو عايز نقاش موضوعي تعال ..

    هسي كلامي دا ... الغلت فيهو شنو ... عشان اصححو:

    1/ شيخ الامين من تلاميذ الشيخ عبدالله ودعجوز ...

    2/ له خلوة ببيت المال منذ ما يزيد عن عقدين من الزمان ...

    3/ اشتهر لأسباب عدة ... منها اسلوب حياته العصرية كرجل أعمال ناجح ...

    4/ ومنها جاذبيته لقطاع شباب الطبقة الميسرة من الجنسين ...

    5/ ولكن أهم اسباب شهرته تصدّيه وحيرانه لحملة اغتيال الشخصية التي تنظمها الجماعات السلفية ضده ...

    لو فيهو كذب أو تحوير للوقائع قول ...

    ولو حقيقة ... تكون فهمت علاقة الدين بالحقيقة بالضرورة ...







    ... المهم ....
                   |Articles |News |مقالات |بيانات

14-11-2015, 12:08 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    اخد نقلة يا ابوبكر عباس ...







    ... المهم ...
                   |Articles |News |مقالات |بيانات

14-11-2015, 12:36 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1436

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    يا يوسف، آسفين مجرد مداعبة، لكن الظاهر عليها طلعت غليظة
    نقطتك تهمني وأنا غير تبارك حابي اتناقش في الموضوع من النقطة البتحاول تجر ليها تبارك
                   |Articles |News |مقالات |بيانات

14-11-2015, 12:43 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: أبوبكر عباس)

    طيب جاوب يا الفالح ...

    في دينك - الإستناري دا - هل لديك أدلة شرعية على صحة ما يفعله شيخ الامين؟

    (انت قايلني زايغ من شوية؟)









    ... المهم ....
                   |Articles |News |مقالات |بيانات

14-11-2015, 01:20 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1436

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    تعريفي للدين هو ظن حسن
    والعقيدة في الدين الفلاني هي:
    حكم لا يقبل الشك فيه لدى المعتقد، بالظبط زي ما قالت اللغة
    هذا الحكم غير قابل للنقد من منطق عقلي متفق عليه
    لذلك عشان الدساتير تشمل كل هذه الأحكام تحت مظلة واحدة قالت:
    حرية الإعتقاد وتشمل الحرية داخل الظن الواحد
    والشكر لجون قرنق على دستور 2005

    عشان كدا لمان يوسف يجي يخت معايير للدين الصحيح
    نقول ليهو أمشي كدا ولّ كدا هو في نفسو مجرد ظن
    لم تُخضعه في البداية لأي معايير عقلية؟! داي في النص تقول لينا:
    لا بُدّ أن يتفق من شنو وشنو ما عارف!!

    (عدل بواسطة أبوبكر عباس on 14-11-2015, 03:17 PM)

                   |Articles |News |مقالات |بيانات

14-11-2015, 03:08 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8536

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: أبوبكر عباس)

    في رأيي ان اللمين و حيرانو احرار في ممارسة الدين او ما يعتقدون انه الدين بطريقتهم
    يدقوا النوبة..يرقصوا..يتحننوا..يحننوا..هم احرار او المفترض يكونو احرار.
    اما ازعاج ناس الحلة بالعربات و المكرفونات و اطلاق الرصاص في الهواء
    فهم ليسو احرارا على الاطلاق و ينبغي أن يجدوا وسيلة للتفاهم مع الناس.
    ثانيا: استقبال حميدتي و عمر البشير و غيرهم من الشخصيات غير المرغوب
    فيها من قبل بعض الناس لابد أن يثير هذا البعض ضدهم و يدخلهم في جدل و جدال
    و هجوم و نقد فلابد لهم حينها من تحمل ما يجيهم. و قديما قال الفرنجة:
    if you cannot stand the heat get out of the kitchen
    اما بخصوص السلفيين فهؤلاء ايضا يجب أن تكفل لهم حرية نقد ما يرون
    من وجهة نظرهم انه يستحق النقد و هكذا الحياة يا قول منير.
    ارجو أن اكون قد وفقت في تحرير المسألة و بيان مناط الاختلاف
    هذا و الله ولي التوفيق.
    كتبه و املاه الفقير لربه..الخ
                   |Articles |News |مقالات |بيانات

14-11-2015, 05:41 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: سيف النصر محي الدين)

    بس يوسف يفهم ... إنو نحن خالينو على عقيدتو ... يخلينا على عقيدتنا ...

    لا يصححنا لا نصححو ...

    لو عقيدتو تحضّو أو تأمرو بنصحنا وإرشادنا وأمرنا بما يعرف ونهينا عن ما يستنكر ...

    فليعلم: هذا تعدّي ... بنطقطقو فيهو زي السلام عليكم ...

    فالمدخل بتاع ...

    دينك شنو؟ ورايك شنو؟ ودا بيوافق ولّ بيخالف السنة؟

    عشان بعد داك ندخل في غلات مذهبي ويمكن توحيدي ذاتو ...

    ... دا مدخل ما مقبول مبدئيًا ...

    شوف عقيدتك بتقول ليك شنو؛ وامشي بيه ... ما تتعدى على زول ..






    ... المهم ...
                   |Articles |News |مقالات |بيانات

14-11-2015, 06:46 PM

صلاح جادات
<aصلاح جادات
تاريخ التسجيل: 15-10-2010
مجموع المشاركات: 23447

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    واصلوا في النقاش حتي نجد فرقة لقراءة كل المداخلات
                   |Articles |News |مقالات |بيانات

14-11-2015, 07:35 PM

يوسف الطيب احمد إدريس
<aيوسف الطيب احمد إدريس
تاريخ التسجيل: 03-03-2014
مجموع المشاركات: 845

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: صلاح جادات)

    Quote: يا يوسف، آسفين مجرد مداعبة، لكن الظاهر عليها طلعت غليظة
    نقطتك تهمني وأنا غير تبارك حابي اتناقش في الموضوع من النقطة البتحاول تجر ليها تبارك


    الأخ أبو بكر عباس ، عذرك مقبول واعذرني اذا احتديت معاك في التخاطب ربما افتكرت الأمر جادي فاعذرني مرة أخرى
    وحبابك وحباب مداعباتك في أي وقت ، ربما التينشن حق النقاش خلا الواحد ما استوعب المداعبة ..

    بالنسبة للنقطة التي تهمك وكانت مثار النقاش ، ما عندي مانع انه تفتح بوست وتنقله وأجيك لأنه بصراحة حسيت أنو تغير مسار البوست حق أخونا جادات والحركة دي أنا ما بحبها

    فيا ريت يعذرنا الأخ جادات إن تغير مسار بوستيه .

    بالنسبة لحتة انو النقطة البحاول أجر عليها تبارك دعني اختلف معك في لفظة (تجر) دي ، بصراحة أنا ما بحب المسائلة السائدة في المنبر ترصد اصطفاف جرجرة أشياء كثيرة حاصلة ما بتنهضم

    القصة وما فيها انو سألته سؤال محدد من سياق كلمه وربي الكعبة لو جاوب إمكن كان يتقفل من رده والموضوع خلاص ولو كتر مداخلتين تلاتة كان خلصنا لكن الحصل أهو قدامك

    فتك بعافية ...
                   |Articles |News |مقالات |بيانات

14-11-2015, 07:41 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: يوسف الطيب احمد إدريس)

    Quote: القصة وما فيها انو سألته سؤال محدد من سياق كلمه وربي الكعبة لو جاوب إمكن كان يتقفل من رده والموضوع خلاص ولو كتر مداخلتين تلاتة كان خلصنا لكن الحصل أهو قدامك

    ما هكذا يا سعد تورد الإبل ...










    ... المهم ....
                   |Articles |News |مقالات |بيانات

15-11-2015, 12:05 PM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    Quote: جانا التقدمي محمد جودة قال شيخ الامين يعاند استدامة التطوّر (أيًا كان معنى هذا التعبير العجيب) ...
    قلنا ليهو كيف ... قال بيلهي الشباب عن مشاريع استدامية تطورية اتضح انها ما موجودة ظاطو ...
    وجدع لينا سيرة الجمهوريين في النص في شكل وردة ...
    واقتبس كلام ابوبكر عباس دخل بيهو بى حمد ومرق بيهو بى خوجلي ...

    خليك مع الزمن يا تبارك، وليك التحايا.. وَ جدلياً كدا، ح أقبل بي تلخيصك حول جيئتي والذّهوب؛ ومن ( الحِتَّة دي!) ما بقول ليك ما " دايرو معاك" ..!! ههه
    لكين شايف استدامة التطوّر دي عصلجت معاك بالحيل! مع أنها - بالمقارنة مع ما تحوزه من لأآلي المعارف - ولا شي.

    تقول: قلنا ليهو كيف.... قال بيهلي الشباب عن مشاريع استدامية تطوّرية. وأقول: أتنكر أن حفلات هذا الشيخ، بما يحوم حولها من "تقاليع" وَ " موضات" وَ "حركات" كتييييرة، فضلاً عن نشاطاته للقيام بأعمال دبلوماسية رسمية ليست من مهامِه، وعلاوة على تزيّوئه بِ زيِّ "ابن الذوات" في الدنيا الإنقاذوية ال فرندقس دي!! من قطط النظام ال هالك بإذن الله، ومن قادة ميليشيا النظام، ومن دبلوماسيي الغرب المسيحي الهوّام على موائد المتطلّعين بالدِّين! وبال تجارة آل-بوبار!! بل وفوق ذلك! تلك ال عنادة و روح التعدِّي السافر - إن لم نقُل، روح التَّشَفِّي! لـِ قِيَم وموروثات حي ودّ البّنا الأمدرماني العريق؛ تلك التي تمظهرت في قدرة الشيخ ال باتع في تجيير " قضاء الحاكم" لصالح ما يُريّحه ويُتعِب "أهل الحي" كأنما هو الوحيد ال( غزال الحي!) لا يستجريء صلاح صليب ولا حمّاد عجرد ولا باتيستا ..! أن يقول له: رِفقاً بال حيارى ..! و ..و..و... إلخ الواوات؛ ثم يأتي ال "واو" الضّكر!! ألا وهو: سعيُ شيخ اللمين إلى تغيير قواعد اللعبة في ما يختصُّ بــ "التصوّف" السـوداني المعروف سمته، والمقبولة زهادته، وكذلك مقبولة " مجاراته" في السياسة!! ولو إلى حَدٍّ مــَا. ليس ذلك فقط! بل تطلّع ويتطلّع شيخ اللمين وحيرانه ال غيييييير! إلى تجريق العقيدة السودانية الإسلامية السمحاء
    وقمــحاء، وتعريتها بطريقة تخُضُّ أجعص شيخ ..! وبعد:

    ألا ترى في كل ما ورَد أعلاه مـــمّا يُلهي الشباب عن استدامة مشاريعهم التطورية وكدا ...؟ ف على كيفك ياخ! إذن؛ أما أنا فأرى في بعض ما جرى، إلهاءاً للشباب ال عامِلِ ال فَطِنِ؛ ولا أستبعد أن يضحى بين عشية وضحاها هذا الشيخ اللمين، نقطة ارتكاز شبابية موّارة بالتطلّعات الباترة وباسرة..! على الرغم من هوان خطره حالياً، وبرغم وضاعة موضوعاته التي يهتمّ. أمّا إن زدتَّ على ذلك، عطب واقعنا السياسي والثقافي والشفافي، فسيكون الغد السوداني، بلا شباب فطن أو غير فَطِن !!وإن حدث مثل ما نحكي! دون أن نتصدّى له ولو بال " كتابة في سودانيز بس!" نخشى ساعتها أن نكون من الذين قالت لهم "الأخبار" إن شيخ اللمين وحيرانه ال غييير!! قد سوّوا وفعلوا في الأرض، فقالوا منطربين: وأنا مالي ومالو .. أنا مالو ومالو .. أنا مالو وماااااالو .. ده ال شغلني دلالو؛ وحينها لابد أن نصبح على شرّ مُنقَلَب! بأن نجد أنفسنا وجهاً لوجه أمام " مسيخٍ دَجّال " أو " نيرون ٍ " حَرّاقٍ قَتّال، أو "مُختار ٍ " هَرَّاشٍ قلقال، أو " أبي بكر" بغدانيٍّ "أطّاع" للرُّقاب بتأوّلٍ فاسد!! بل حتى وعلى " إثم" السَّفَّة! والحال، أنّ من أدبياتنا الصبيانية، ما إن يشحدَك صديقك السَّفَّة، حتى تقول له: السَّفَّة بي تَفَّة!! و ال عربون " بوسة" و " الضمان" همزة.

    وُ بس!

    (عدل بواسطة محمد أبوجودة on 15-11-2015, 12:42 PM)

                   |Articles |News |مقالات |بيانات

15-11-2015, 03:51 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    Quote: ألا ترى في كل ما ورَد أعلاه مـــمّا يُلهي الشباب عن استدامة مشاريعهم التطورية وكدا ...؟

    بل لا أرى هذه المشاريع التطورية التي تزعم لها الإستدامة وتمام العافية ...

    طالبناك بالإيتاء بمثال لمشروع تطوّري مطروح يعاند استدامته شيخ الامين ... فسقتنا مشوار شارع المرغنية آنف الذكر ...

    Quote: ولا أستبعد أن يضحى بين عشية وضحاها هذا الشيخ اللمين، نقطة ارتكاز شبابية موّارة بالتطلّعات الباترة وباسرة..! على الرغم من هوان خطره حالياً، وبرغم وضاعة موضوعاته التي يهتمّ. أمّا إن زدتَّ على ذلك، عطب واقعنا السياسي والثقافي والشفافي، فسيكون الغد السوداني، بلا شباب فطن أو غير فَطِن !!وإن حدث مثل ما نحكي! دون أن نتصدّى له ولو بال " كتابة في سودانيز بس!" نخشى ساعتها أن نكون من الذين قالت لهم "الأخبار" إن شيخ اللمين وحيرانه ال غييير!! قد سوّوا وفعلوا في الأرض، فقالوا منطربين: وأنا مالي ومالو .. أنا مالو ومالو .. أنا مالو وماااااالو .. ده ال شغلني دلالو؛ وحينها لابد أن نصبح على شرّ مُنقَلَب! بأن نجد أنفسنا وجهاً لوجه أمام " مسيخٍ دَجّال " أو " نيرون ٍ " حَرّاقٍ قَتّال، أو "مُختار ٍ " هَرَّاشٍ قلقال، أو " أبي بكر" بغدانيٍّ "أطّاع" للرُّقاب بتأوّلٍ فاسد!!


    طيب ... دي النقطة التانية الكنت جاييك عليها ... بس ما كنت عايز ارد على تحليل فطير لمآلات المستقبل ... بدون ما صاحب التحليل الفطير يكتبو ظاطو

    عشان كدا قلنا ليك دعّم لينا مقارباتك لشخصية شيخ الامين بشخصيات تاريخية زي الحشاش وابوبكر البغدادي (وشايفك كررت عداءك غير المبرر للثائر "نيرون" غالبًا بسبب محمود درويش) بالإضافة لشخصيات المسيح الدجال وعمر المختار وما معروف عندك منو من الشخصيات التاريخية والأسطورية تاني

    يعني ما معقول يعني ... يعني نبني نقدنا لى شيخ الامين على "حدس" و "نبوءة" محمد ابوجودة ولّ شنو؟

    انت شكلك ما كنت مستعد لدفاع جاد عن شيخ الامين ... بنرجاك ... امشي استعد وتعال ...







    ... المهم ....
                   |Articles |News |مقالات |بيانات

16-11-2015, 01:23 PM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    Quote: بل لا أرى هذه المشاريع التطورية التي تزعم لها الإستدامة وتمام العافية ...


    لا لا لأ ا يا حِدِإ

    إن لم ترَ فالآخرون يرون ويسمعون ويُشاهدون فــَ يغتاظون!
    وأنا لم أزعم تمام العافية لتلك المشاريع، وبالطبع، مشروعك انتا ده ( حتى لو كان دفاعاً عن شيخ اللمين بتاعك ده) هو مشروع ذو استدامة، ولكن
    لا تضمن له العافية.

    -----

    Quote: انت شكلك ما كنت مستعد لــــــــــــــــدفاع جاد عن شيخ الامين (من ابن شيخ الدين!).... ... بنرجاك ... امشي استعد وتعال ...


    سَمِح.
                   |Articles |News |مقالات |بيانات

16-11-2015, 04:17 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    Quote: مشروعك انتا ده ( حتى لو كان دفاعاً عن شيخ اللمين بتاعك ده) هو مشروع ذو استدامة، ولكن لا تضمن له العافية.

    انا ما عندي مشروع هولي ... انا جزء من مشروع عالمي للسلام الأخضر ... وهو ليس مشروع ذو استدامة ... بل من تحدياته السلام المستدام والتنمية المستدامة ... يعني استدامة السلام والتنمية والكفاية والبيئة الصالحة لحياة الإنسان والحيوان ... هدف المشروع وليس صفته ... والتسامح الديني (الذي يمثله شيخ الامين وغيره) من شروط استدامة السلام الإجتماعي ... الإستدامة تصنع باستيفاء الشروط الموضوعية في الواقع ... ولا تتنزل من السماء على أفواه المثقفاتية ... غيري الشايف مشروعات ديل ... قاعدين يطرحوا مشروعاتهم هنا وقاعدين نتحاور معاهم ... بتاعين الإستنارة على بتاعين الهامش على بتاعين أسلمة غير المسلمين على بتاعين العلمانية على بتاعين داعش ... لغاية الشيوعيين الكيسهم فاضي خالس ... قاعدين نتناقش معاهم ويتناقشوا معانا ... وننتقد مشروعاتهم وينتقدوا مشروعنا ... اليقول لينا انتو جمعية بيئة ... والنقول ليهم انتو فاشية ... مافي "مشروع استدامة تطوّر" بعاندو شيخ الامين ... لو في قولو لينا ...

    يا محمد ابوجودة ... اطرح لينا تحليلك الإستنجت بيهو مقارنة شيخ الامين بشخصيات عصابة القناع الأسود الطرحتهم هنا ...

    ما تتلولو ...





    ... المهم ....
                   |Articles |News |مقالات |بيانات

16-11-2015, 06:42 PM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    والله يا تبارك أخونا،
    لا عرفناك مع اللمين! ولّا مع " التّانين" ..!
    غايتو! المُهِم، قتا كيف:
    Quote: يا محمد ابوجودة ... اطرح لينا تحليلك الإستنجت بيهو مقارنة شيخ الامين بشخصيات عصابة القناع الأسود الطرحتهم هنا ...


    أوكي:

    سأكتب بعضاً ممّا يفيد في الاتجاه، ذلك أنني - والله - متعوووك، وبالي مشغوول، والواجب ردوووم!! وكمّااا غايظاني " طرطشة" الزمن ده، ماكان تجرّعت.
    شوف يا صاحب، أرى أن انبلاجة هذا المتشيّخ، تشبه إلى حدّ كبير انبلاجات مَن سبقوه! وأعني أؤلئك الذين قفزوا من حضيض ( الكسب) إلى علالى (المكتَسَب المجّاني، بل وجاني)،
    وبأكثر الطرق مجّانية؛ بمعنى، أن يكون المنبلج تحدّثه نفسه بأنه (ابن جلا) ولا يكون من القادرين! ولا الصّابرين على السير في طريق الكدّ الثمين؛ وقُصاراه أنه (واصل) واصل.
    ينبلج شبه هذا الزعيم الزعمنجي! كما تزعمج غيره من الهالكين! ثم قبضوا على أعِنّة الفوضى، وساقوا الذراري والبراري وخرّبوا البلدان، كــ الحسن الصباح زعيم الحشّاشين،
    و بقيّة رهطه من الأشباه التاريخيين. وبالمقارنة، بين الأمس القاتم والحاضر الأقتم، ترى أن الانبلاجات المتشابهة، قد ظللتها ذات الظروف المحيطة ك: شيوع روح المغامرة ل كسب المحالات!
    وفي ظلّ فقرٍ للإمكانات الشخصانية لل مُنبلِج ( أم فَكّووو) من مُعتَلَقات فهم العصر، وهضم ما مضى من تراث إيجابي، ولا حتى (أدنى) معرفة بالــشَّرِّ الذي رسخ جرّاء تلك الانبلاجات؛ بل ودون
    أدنى تورُّع عن التّزَيئ بأزياء "نجوم العصر" فضلاً عن التّحلّي بالطموح الثعلبي! ذاك الذي لا يقوم إلّا على الفهلوة، والهلوَلة، والجلوَلوة إلخ,,, بلا أدنى حِس عقلاني، ولا شعور اجتماعي معقول!
    ومن الممكن أن تطلق على هؤلاء: أنهم الساعون إلى تغيير قواعد اللّعب، ليس كفاءة، وإنما تدلّساً مع نجوم العصر من محظوظين وقابلين - لضعتهم وسفاههم!- تغيير أي قواعد!! متى ما كانت غير
    مواتية لما يريدوا أن يُضَرَّون.


    ..............
    وعُذراً على القِلّة.
                   |Articles |News |مقالات |بيانات

16-11-2015, 09:43 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    Quote: وأعني أؤلئك الذين قفزوا من حضيض ( الكسب) إلى علالى (المكتَسَب المجّاني، بل وجاني)، وبأكثر الطرق مجّانية؛ بمعنى، أن يكون المنبلج تحدّثه نفسه بأنه (ابن جلا) ولا يكون من القادرين!

    في هذه لا يشبه شيخ الامين ذلك الحسن الصباح ... فبينما بدأ الصباح فقير ماديًا وروحيًا ... لم يبدأ شيخ الامين فقير ماديًا على الأقل ... وبينما انشقّ الصباح عن الطريقة الإسماعيلية ونادى بالعنف بسبب الإضطهاد الذي يقع عليه ... لا يتعرض شيخ الامين لأي اضطهاد ولم ينادي بالعنف ولم ينشق عن الطريقة المكاشفية ...

    وبالتالي وجه المقارنة الذي أتيت به مبني على معلومات مغلوطة ... إما عن شيخ الامين أو عن الحسن الصباح ...

    باقي كلامك إنشا ساي ما فيهو حجة الزول يناقشها ...







    .... المهم ....
                   |Articles |News |مقالات |بيانات

18-11-2015, 05:41 AM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    Quote: باقي كلامك إنشا ساي ما فيهو حجة الزول يناقشها ...




    إنشا إنشا


    إنشاياً مكرّب ولا خبراً مَضَرَّب!


    .................
    بخيت وسعيد عليك شيخك اللمين ال مكاشفي ال عجوزي ال..............!!
                   |Articles |News |مقالات |بيانات

18-11-2015, 05:52 AM

احمد الشيخ
<aاحمد الشيخ
تاريخ التسجيل: 23-12-2014
مجموع المشاركات: 781

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    قال الأستاذ محمد جودة : شيخ اللمين بيلهي الشباب عن مشاريع التنمية المستدامة

    دي زي حكاية بتكشح مالك وهم في المركب
    الشباب المع شيخ اللمين نسبتهم كم من شباب السودان
    دا اذا كان اصلا في مشاريع تنمية مستدامة شغالة والناس ديل ملهيين عنها
    دا اذا كان اصلا تتلمذ شباب لشيخ اللمين يعني ضمنيا الهاؤهم عن مشاريع التنمية المستدامة
                   |Articles |News |مقالات |بيانات

18-11-2015, 06:29 AM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: احمد الشيخ)

    Quote: الشباب المع شيخ اللمين نسبتهم كم من شباب السودان

    مهما كانت النسبة، فالأشياء تبدأ صغيرة ثم تكبر

    دا اذا كان اصلا في مشاريع تنمية مستدامة شغالة والناس ديل ملهيين عنها

    طبيعة الحياة، وأنّو الزول (الشاب) حي يُرزَق، تقتضي أن هناك مشاريع حياة، بــ وعي أو بدونه! و بغضّ النظر عن وجودٍ مُتحَقَّق أو وجود حُكمي.

    دا اذا كان اصلا تتلمذ شباب لشيخ اللمين يعني ضمنيا الهاؤهم عن مشاريع التنمية المستدامة

    ها هُم، قد أسلموه قيادهم، وآخرين من دونهم! أو فوقهم، إليهم ينظرون بعين الاعتبار!! لا سيما و الشيخ، سَيَّرو ده! قد حاز الدبلماتيكية و المالوية وال وال وال، أفتستبعد
    يا عزيزي أحمد الشيخ، أن يصحو السودانيون يوماً فيجدوا أن التلاميذ صاروا عُصبة متدعِشّة؟


                   |Articles |News |مقالات |بيانات

18-11-2015, 06:37 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1436

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    سلام يا أحمد الشيخ، نقطة أبو جودة بتاعة إلهاء التصوف للتنمية أنا معاها.

    بعدين أتّا هنا مستنكر عليهو الكلام دا وبهناك بعد خمس دقائق في بوست تبارك بتاع الحوار قلت:
    "بعد تنتهو من الحتة دي بالله اتحاوروا لينا في ما يهم المواطن السوداني من آليات حكم ومحاسبة وتنمية"
    يعني آليات التنمية البتفتش عنها دي لز ما فيها الإنسان؟ فيها شنو؟
                   |Articles |News |مقالات |بيانات

18-11-2015, 06:57 AM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: أبوبكر عباس)

    السلام عليكم,,,


    لو كنت مكان شيخ الأمين,,,


    لطلبت من الأخ كمال عبدو التوقف فورا عن مواصلة التداخل والدفاع عنه وعن الطريقة في هذا البوست,,,,





    إذا كان سيتابع بنفس الأسلوب,,
                   |Articles |News |مقالات |بيانات

18-11-2015, 08:21 AM

احمد الشيخ
<aاحمد الشيخ
تاريخ التسجيل: 23-12-2014
مجموع المشاركات: 781

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: أبوبكر عباس)

    المستنير ابو بكر عباس تحياتي
    كيف تكون مستنير وتتبنى راي الوهابية في الصوفية انهم ناس عطالى كسالى لا ينتجون؟
    الصوفية هم المزارعون وهم التجار وهم الصناع وهم المهنيون
    لم يترك احد منهم مهنته ليتفرغ للتصوف
    وما تراه من جلوس بعضهم في الزوايا او التكايا انما هي في ايام معدودات من السنة في الحوليات او ما شابه
    اعتبرها اجازة سنوية ياخ

    ثم وانت في طريق نشر استنارتك ارجو ان تقرأ عن جهود الصوفية في نشر الاسلام وفي محاربة المحتلين اذا تعرضت بلادهم لغزو وفي جهود الترجمة والفكر والفلسفة
    ومعظم علماء الاسلام الذين ساهموا في حضارته ابان ازدهار الحضارة الاسلامية ينسبون بطريق او آخر للتصوف
    الصوفية هم حملة ألوية الاستنارة يا مستنرينا
    تقديري وتحياتي
                   |Articles |News |مقالات |بيانات

18-11-2015, 07:23 AM

احمد الشيخ
<aاحمد الشيخ
تاريخ التسجيل: 23-12-2014
مجموع المشاركات: 781

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    شكرا استاذنا محمد ابو جودة على الردود الهادئة وسعة الصدر ، وانا من المستمتعين الدائمين بمداخلاتك الثرة ذات الذخيرة اللغوية التي استفيد منها كثيرا واتمتع بها بغض النظر عن الاتفاق او الاختلاف مع محتواها

    مهما كانت النسبة فالأشياء تبدأ صغيرة ثم تكبر
    ====
    صحيح ولكن حتى اذا نجح شيخ اللمين في استقطاب غالبية شباب السودان فتأثير ذلك على مشاريع التنمية المستدامة (الما عارفين هي شنو لسه) يجاب عليها في النقطة الثالثة ان تتلمذ الشباب لشيخ اللمين بماذ يعطل هذه المشاريع
    هؤلاء الشباب اللذين نجح اللمين في استقطابهم لو لم يتواجدوا معه لتواجدوا ربما في جلسات الكتشينة او القعدات او الفيس او في اللساتك او عند ستات الشاي
    ثم انهم لم نسمع بأحد منهم ترك عمله ومشروعه ووظيفته ليتفرغ لمتابعة شيخ اللمين
    فيهم الدكتور والمهندس والموظف والتاجر وكل يواصل في عمله ويأتون لشيخهم في اوقات فراغهم ولم يتركوا مشاريعهم التنموية الخاصة بهم ليجلسوا مع شيخهم
    وربما جلساتهم مع شيخ اللمين يعظهم فيها عن قيمة العمل والتنمية فتكون جلساتهم معضدة لمشاريع التنمية لا معطلة لها
    ومن المستحيل ان يتحول الصوفي لداعشي ، لأن التصوف يزرع في الإنسان قيم المحبة والتسامح والسلام ، بل ربما من احد اساليب معالجة "التدوعش" هو نشر قيم التصوف الذي في رأي يمثل قيمة الوسطية في الإسلام
    تقديري
                   |Articles |News |مقالات |بيانات

18-11-2015, 08:10 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: احمد الشيخ)

    Quote: سلام يا أحمد الشيخ، نقطة أبو جودة بتاعة إلهاء التصوف للتنمية أنا معاها.

    انت يا مستنير ما مرت عليك مدحة يا ليلى ليلك جن؟

    الخليفة عبدالله التعايشي لامن تقمّص رايك دا ... تسبب في أبشع مجاعة مرت على السودان في 1888 (1306هـ) ...

    إنت متخيّل انو الناس دي كانت بتزرع وتاكل وتشرب بى إرشادات الشيوخ ... لا في مشاريع تنمية ... لا في ري مصري ... لا في مشروع جزيرة ... لا في وزارة زراعة ..

    شيوخ الصوفية ديل التنمية ظاطا ...










    ... المهم ....
                   |Articles |News |مقالات |بيانات

18-11-2015, 08:14 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1436

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    Quote: شيوخ الصوفية ديل التنمية ظاطا

    لكل زمان مقال
                   |Articles |News |مقالات |بيانات

18-11-2015, 08:30 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: أبوبكر عباس)

    Quote: لكل زمان مقال

    ياما أولاد علّموا آباءهم واجدادهم كيفية استخدام الجلاكسي ... هذا لم يقدح في الآباء ... ولم يمنع الابناء اتخاذهم قدوة ...

    الكلام على "الفكرة" في عضمها يا ابوبكر ...

    إذا كانت الفكرة قابلة للتطوير وغير دوغمائية جامدة ... لماذا لا نطوّرها أو على الأقل ندعم من يفعل ذلك ...








    ... المهم ...
                   |Articles |News |مقالات |بيانات

18-11-2015, 12:16 PM

ABDALLAH ABDALLAH
<aABDALLAH ABDALLAH
تاريخ التسجيل: 25-08-2007
مجموع المشاركات: 6352

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: تبارك شيخ الدين جبريل)

    Quote: المستنير ابو بكر عباس تحياتي
    كيف تكون مستنير وتتبنى راي الوهابية في الصوفية انهم ناس عطالى كسالى لا ينتجون؟
    الصوفية هم المزارعون وهم التجار وهم الصناع وهم المهنيون
    لم يترك احد منهم مهنته ليتفرغ للتصوف
    وما تراه من جلوس بعضهم في الزوايا او التكايا انما هي في ايام معدودات من السنة في الحوليات او ما شابه
    اعتبرها اجازة سنوية ياخ

    ثم وانت في طريق نشر استنارتك ارجو ان تقرأ عن جهود الصوفية في نشر الاسلام وفي محاربة المحتلين اذا تعرضت بلادهم لغزو وفي جهود الترجمة والفكر والفلسفة
    ومعظم علماء الاسلام الذين ساهموا في حضارته ابان ازدهار الحضارة الاسلامية ينسبون بطريق او آخر للتصوف
    الصوفية هم حملة ألوية الاستنارة يا مستنرينا
    تقديري وتحياتي

    أحمد ودالشيخ
    شكراً .
                   |Articles |News |مقالات |بيانات

18-11-2015, 09:01 PM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: ABDALLAH ABDALLAH)

    مساء الخير عليكم جميعاً

    وشكراً عزيزي أبابكر عباس، والشكر والتحايا موصولين لعزيزنا أحمد الشيخ.

    والله يا عزيزي أحمد، ليس الزمان زمان تصوّف! ناهيك أن يكون زمان " قِراطة" التصوّف! وبمعنىً أقرب، " كــُرَّاد" التصوّف.
    فالعقل الجمعي السوداني، هذه الدهور، مايزال مُشبّعاً بحكاوي متصوّفة المرحوم الكاتب، محمد ود ضيف الله، في مؤلّفه
    الموسوم ( طبقات ود ضيف الله)، وبرغم التحقيق الأكاديمي لكتاب الطبقات، لواحد من اللامعين الأكاديميين السودانيين
    كـــ الدكتور/ يوسف فضل، إلّا أنّ المفارقات،التي حشت الكتاب واقاصيصه، لم تدع لــ" حُبِّ التصوّف" تقديراً جمعياً، (
    يقولو عليه!!)، حيث أصبح أديم التصوّف مجرّحاً مخزخزاً متبزا باللاعقلانية ( وُ ليْ حَــدّو كمان!!).

    فإن كان للزمن سياقه، فالتصوف السنّاري وما بعده، من المُمكِن بلعه - ولو - بشوية موية! ثم اتخاذ الكتاب ( الطبقات)
    وثيقة تُشير دون أن تلمس! تُحكى وتُروى وتُجَيَّر لدعم الأنساب الدينية، فتحفظ للقباب والضرائح وال فرائح وال كرامات
    بعضاً من ( إشارة) ..! لكنها في أكثر الأحوال، إشارة فوضوية.


    فتيان شيخ الأمين، وما أدراك ما أجواء شياخة وتصوّفية شيخ اللمين! أناسٌ من طينة هذا الزمان، وليسوا من بقايا
    الشيخ فرح ود تكتوك، ولا الشيخ الهميم، ولا أظنهم دارسي القاضي دشين! بل هُم نسل (ما بعد الكولونيالية)
    وَ " زهرات الحداثة الآوروأمريكية" ولا أستبعد أن بعضهم ربما يحمل الAmerican Green Card، ومولع بالتسوّق
    في مولات دُبي! وحريص على قضاء (كم) شهر في الحجاز.

    فأينهم من الراحل الدكتور الشاعر المثقف، د. محمد عبدالحي؟
    يُهاتون بالعودة إلى سنار، وهموا قد دخلوا النفق البترودولاري، واصطّكّتْ أسنانهم بتحسيب ال مليارات!! سواء
    عند شيخهم الشاب، أو عند كِبار الموظِّفين ل انبلاجة الشيخ!! حتى يقرّب لهم البعيد، وربما رجوه أن يحلل لهم
    القريب!

    وتقول، عزيزي أحمد الشيخ، إنهم يتجمّعون في حَلَقة الشيخ، عند الملمّات وفي أويقات فراغهم من أعمالهم..!
    والثابت هنا، أنهم يتجمّعون ب " موضة" ترطيبية باذخة..! وربما كان ثمنها " الشي الفلاني" ..! لا يقدر عليه
    مواطن منكوب مغلوب وعليه الهمّ وال فَلَس مصبوبان.

    عزيزاي،

    عَلِّلاني ..! فإنّ بيض الأماني فَنِيَتْ xxx وَ الظلامُ ليس بـــــــِ فانٍ ..!
    ..............................
    وافر التقدير والاحترامات

    (عدل بواسطة محمد أبوجودة on 18-11-2015, 09:08 PM)

                   |Articles |News |مقالات |بيانات

19-11-2015, 01:49 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    والله يا محمد ابوجودة انت بتبرطم ساي ...

    لماذا يعيبهم جيلهم أو بترودولارهم أو قرين كاردهم؟

    إليسوا أبناء هذا العصر العولمي؟

    اللهم لا تمحننا لا تبلينا ...







    ... المهم ...
                   |Articles |News |مقالات |بيانات

19-11-2015, 07:06 AM

احمد الشيخ
<aاحمد الشيخ
تاريخ التسجيل: 23-12-2014
مجموع المشاركات: 781

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    تحياتي الأستاذ ابو جودة
    ما فهمت انت معترض على التصوف عموما (في عضمه) ولا على النموذج الجديد البحاول شيخ اللمين يقدمه بالموضة الجديدة (الباذخة)
    عشان نعرف نناقش في شنو
    ليس الزمان زمان تصوف
    ====
    بالعكس اخي ابو جودة ، ربما الوقت الحالي اشد ما تكون الحاجة لقيم التصوف المتضمنة التسامح وقبول الآخر والاعتدال لمقابلة السائد الآن من تطرف وارهاب واقصاء للآخر
    نقدم قيم التصوف كعلاج ناجع لمرض التطرف والإرهاب

    انتقاد البذخية في لمات شيخ اللمين ربما يتفق معك فيها الكثيرون ومنهم شيوخ من الصوفية للعلم ولكن ربما ليس من نفس منطلقاتك
    فهو هنا يقدم نموذجا مغايرا لما رسخ في الذهنية الجماعية عن التصوف المبشر بالزهد والقناعة والتقشف
    لكن عموما ما لم تكن الأموال التي اقيمت بها هذه اللمات الباذخة مسروقة او منهوبة او مجلوبة بطريق غير قانوني فهم أحرار في التمتع بما آتاهم الله ما داموا يخرجون منها الأنصبة القانونية والشرعية
                   |Articles |News |مقالات |بيانات

19-11-2015, 07:35 AM

سيف اليزل الماحي

تاريخ التسجيل: 26-12-2006
مجموع المشاركات: 2909

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: احمد الشيخ)

    .



    يا تبارك ياخ، أبو جودة ده "متغايظ" من شيخ اللمين، فدعوه يعبر!
    وبيني وبينك الراجل معاط! بالمفتشر كده وبدون أيتها إستنارة!



    عيد الميلاد الما لقاهو جدي!
    .
                   |Articles |News |مقالات |بيانات

19-11-2015, 07:18 PM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: سيف اليزل الماحي)

    Quote: يا تبارك ياخ، أبو جودة ده "متغايظ" من شيخ اللمين، فدعوه يعبر!



    هلا أبي السيوف، ولك التحايا ..


    الحكاية كمان جابتلها "سيوووف" ..؟

    (دعوه يعبِّر)، دي، زي دعه يعمل، دعه يمُر ..!



    .....................
    ههه
                   |Articles |News |مقالات |بيانات

19-11-2015, 07:12 PM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: احمد الشيخ)

    عزيزي وأستاذي/ الأخ أحمد الشيخ،
    لك التحايا الطيبة،
    تقول:
    Quote: ما فهمت انت معترض على التصوف عموما (في عضمه)
    ولا على النموذج الجديد البحاول شيخ اللمين يقدمه بالموضة الجديدة (الباذخة) عشان نعرف نناقش في شنو


    أكيد بنتناقش عن "ظاهرة شيخ اللمين" كـــ متصوف يدّعي التصوف القديم، ولكنه يمارس Style يتناقض مع ما عــُرِف عن التصوف السـوداني القديم.
    ووجوه التناقض اللميني، تتمثّل في الكثير من الطرائق الحياتية، لا تشبه ولا توقِّر طرائق فضلاء الناس من جيرته وأهل حيِّه! وهي تناقضات تجد
    ترحاباً من " نجوم العصر" ممثّلين في " قطط الحكومة" السُّمان! و " قادة ميليشياتها السريعة والبريعة" كما تتمظهر التناقضات في تقارب مُثير
    للرِّيبة! مع كِبار النّافذين في الملايين، والوظائف، والعلاقات الدبوماسية. كل تلك التناقضات، تصُبّ في غير " المجرى العام" للحياة وتطلعاتها العادية
    في السودان، هذه الأيام؛ وبالتالي، فإنني متوجِّس! أرى في شيخ اللمين، وطرائقه الجديدة ، تياراً طائفيا جديداً، لن يزيد حال البلد إلّا وبالاً على وبالٍ.

    لا أراني " مُعتَرِض" على التصوف عموماً ( في عضمه)، ما دام التصوف يجري - في إطاره الخصوصي - على منواله المعروف من المتصوفين! ويلزم حدوده في رياضة النفس وعلى
    هدي العقيدة الإسلامية، ولكن! إن تطاول بعض المتصوِّفة، وسعوا أن يصوِّفوا الناس من طَرَف! ثم تقدّموا صفوف العمل العام استناداً على ما " طلع بإيديهم" من حشود
    الحيران وشظايا من السُّلطة الزمانية، فبالطبع، أنا معترض! بل وقادح في مثل هذه الطلعات العامة، غير الموضَّبة إلّا بال لّفِّ وَ الدّوَران.


    ...................................
    مع التحايا
                   |Articles |News |مقالات |بيانات

19-11-2015, 07:48 PM

احمد الشيخ
<aاحمد الشيخ
تاريخ التسجيل: 23-12-2014
مجموع المشاركات: 781

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    تحياتي الاستاذ ابو جودة
    اتفق مع مداخلتك الاخيرة تماما
    ما دمت تعترض على النموذج الجديد للتصوف الذي يحاول شيخ اللمين تقديمه وليس في ذات التصوف
    وان كان البعض يلتمس له عذرا في انه يحاول جذب فئة معينة من المجتمع قد لا تجذبها البروش والدغما
    لكن قد يرد عليهم بان التصوف يسعى للارتقاء بالناس الى قيمه لا ان ينزل بقيمه لأهواء الناس
    والأعمال بالنيات والله أعلم بنيته
    كما ظهر مؤخرا الحج السياحي والمساجد ذات النجوم الخمس والصوم ذو النوم
    حتى تحولت العبادات لعادات اجتماعية تكمل شهوة التفاخر والتكاثر بدلا من ان تؤدي دورها الطبيعي في كبح او على الأقل تهذيب الشهوات
    اتفق معك قلبا وقالبا
                   |Articles |News |مقالات |بيانات

19-11-2015, 08:42 AM

احمد الشيخ
<aاحمد الشيخ
تاريخ التسجيل: 23-12-2014
مجموع المشاركات: 781

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: ABDALLAH ABDALLAH)

    تحياتي استاذنا عبدالله عبدالله
    لي الشرف بمداخلتك
                   |Articles |News |مقالات |بيانات

19-11-2015, 12:13 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: احمد الشيخ)

    Quote: يا تبارك ياخ، أبو جودة ده "متغايظ" من شيخ اللمين، فدعوه يعبر!
    وبيني وبينك الراجل معاط! بالمفتشر كده وبدون أيتها إستنارة!



    عيد الميلاد الما لقاهو جدي!

    هي نان يا ودالماحي ... كان شفتو القبة بتاعة مراسم جنازة "روزا بارك" ... بعد كانت ممنوعة تقعد في الكرسي في البصات ... بتعملوا شنو؟



    القبة من برة ياها دي ... يشهد الله ...











    ... المهم ....
                   |Articles |News |مقالات |بيانات

20-11-2015, 06:55 PM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: صلاح جادات)

    Quote: كما ظهر مؤخرا الحج السياحي والمساجد ذات النجوم الخمس والصوم ذو النوم؛
    حتى تحولت العبادات لعادات اجتماعية. تكمل شهوة التفاخر والتكاثر بدلا من ان تؤدي
    دورها الطبيعي في كبح، او على الأقل تهذيب الشهوات

    اتفق معك قلبا وقالبا


    وأنا والله، سعيد باتفاقنا، ولك وافر التقدير، عزيزي أحمد الشيخ؛ وقد استوقفنتي عبارتك التي تبدأ من: " كما ظهر مؤخرا الحج السياحي إلخ,,,,"
    والتي تطرح "موضوع ساعة" خطييييير! ألا وهو هذا التفشخر الساري! بين القطاعات الرسمية في بلادنا، وللأسى، ينهمكون فيه بي كرعينهم
    وإيديهم! ثم لا يلحظون أنه ضـــدُّ لما رفعوا من شعارات لدولة لها رسالة حضارية، وبعث إسلامي يستهدف الإحياء العقلي لسنن الدِّين القويم. وما
    إن يأتي إليهم تناصحاً، إلّا أوغلوا في المغالطات!!

    الناظر لحال التدين في بلادنا هذه السنوات، يفجعه ال" حِسّ" التجاري في معظم "أهل" التديّن! كأنما يخادعون الناس! ولكن الحقيقة الأوضح،
    أنهم يخادعون أنفسهم، بل وأحياناً، كأنما يخادعون الله تعالى، واللهُ خادعهم.

    مع انتشار الفساد السياسي والأخلاقي والمالي والاقتصادي وال وال وال، إلّا أنّ فساد " أهل التديّن " يظل هو الأظهر! مطفِّحاً على كل الشاشات.
    فعندك: الأوقاف وأراضيها في المدينة ال " كرش فيل" !! و عندك " هيئة الحج والعُمرة" وعندك " ديوان الزكاة" و عندك إيه ولّا إيه!!؟

    يتسنّم قمم وقيادة تلك الأجهزة الحكومية، أناسٌ مُتَسّيِّسون! يصبّحون المواطن ويمسّونه بأنهم كذا وكذا ..! وأن العمل الإسلامي كذا وكذا إلخ,,,
    ثم يُسهبون في وصف "ذواتهم" ال فارغة، بأنهم من " طينة" القوي الأمين!!

    السؤال:
    هل هؤلاء الناس جادّون؟ بل: من أين جاء هؤلاء الناس ....!



    .............................
    والتحايا للجميع
                   |Articles |News |مقالات |بيانات

21-11-2015, 07:21 AM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    السؤال:
    هل هؤلاء الناس جادّون؟ بل: من أين جاء هؤلاء الناس ....!



    ...................
    والتحايا للجميع


    من وين يجي "احتفال متصوف" بعيد ميلاده بهذه الصورة ال فشخرية البهارجية ذات البِنية الرسمية!! فلربما - إن أحيانا الله تعالى- في مقبل العام القادم
    سوف يكون مثل هذا الاحتفال الميلادي لواحد من " نجوم هذا العصر" من فوق سارية القصر الجمهوري ...!!؟ وب حضور أكثف وأشدّ رسمية وأكثر
    بهارجاً وضجيجاً بلا أدنى " مصلحة " تعود للمواطن السـوداني ال منكوووووب.





    ................
                   |Articles |News |مقالات |بيانات

21-11-2015, 07:30 AM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    Quote: والله يا محمد ابوجودة انت بتبرطم ساي ...

    لماذا يعيبهم جيلهم أو بترودولارهم أو قرين كاردهم؟

    إليسوا أبناء هذا العصر العولمي؟

    اللهم لا تمحننا لا تبلينا ...


    عزيزي تبارك،
    أرجوووك! اخلع عنك "الانجذابة الصوفية" حينما تتناول كلامنا، حتى لا تبلع ــه بي صوفو ..!




    ..............
    غايتو جِنِس مِحَنْ.
                   |Articles |News |مقالات |بيانات

21-11-2015, 04:53 PM

محمد الجميل

تاريخ التسجيل: 21-10-2009
مجموع المشاركات: 86

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    السلام عليكم جميعاً...

    انشاء ماشاءالله كتيره .. ربنا يذيد و يبارك ...

    بعض الإنشاء تتحدث عن منهج التصوف و بعضها عن منهج و طريقه ارشاد ابونا الشيخ الامين بحسد واضح و محاوله لتقليل مكانته (عقد نفسيه ربنا يشفي) و البعض الاخر ما عارف هو أساسا بكتب في شنو...

    الخلفاء الراشدين الاربعاء كل منهم كان له منهجه و سيره . منهم من كان غني جداً (عثمان ابن عفان رضي الله عنه) ومنهم من كان فقير جداً (علي بن ابي طالب كرم الله وجه)،

    اتركه الإنشاء و الحسد و العقد النفسيه .. و أرجو ان نشوف المقصد و المنهج اللذي يدعو له ابونا الشيخ الامين ...


    Watch "شيخ الامين فرائض الصلاة الجزء الاول" on YouTube - https://youtu.be/-Gos9yei0CMhttps://youtu.be/-Gos9yei0CM

    Watch "الشيخ الأمين - فرائض الصلاة "الجزء الثاني"" on YouTube - https://youtu.be/EcwlRurZkrwhttps://youtu.be/EcwlRurZkrw

    Watch "شيخ الامين فرائض الصلاة الجزء الثالت" on YouTube - https://youtu.be/hZbeqaxIDKIhttps://youtu.be/hZbeqaxIDKI
                   |Articles |News |مقالات |بيانات

22-11-2015, 08:05 AM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد الجميل)

    مرحبا بالشيخ الحواروَ ياله من مدخل!!
    Quote: السلام عليكم جميعاً...انشاء ماشاءالله كتيره .. ربنا يذيد و يبارك ... بعض الإنشاء تتحدث عن منهج التصوف و بعضها عن منهج و طريقه ارشاد ابونا الشيخ الامين بحسد واضح و محاوله لتقليل مكانته (عقد نفسيه ربنا يشفي) و البعض الاخر ما عارف هو أساسا بكتب في شنو... الخلفاء الراشدين الاربعاء كل منهم كان له منهجه و سيره . منهم من كان غني جداً (عثمان ابن عفان رضي الله عنه) ومنهم من كان فقير جداً (علي بن ابي طالب كرم الله وجه)، اتركه الإنشاء و الحسد و العقد النفسيه .. و أرجو ان نشوف المقصد و المنهج اللذي يدعو له ابونا الشيخ الامين ...Watch "شيخ الامين فرائض الصلاة الجزء الاول" on YouTube - https://youtu.be/-Gos9yei0CMhttps://youtu.be/-Gos9yei0CMhttps://youtu.be/-Gos9yei0CMhttps://youtu.be/-Gos9yei0CMWatchhttps://youtu.be/-Gos9yei0CMhttps://youtu.be/-Gos9yei0CMhttps://youtu.be/-Gos9yei0CMhttps://youtu.be/-Gos9yei0CMWatch "الشيخ الأمين - فرائض الصلاة "الجزء الثاني"" on YouTube - https://youtu.be/EcwlRurZkrwhttps://youtu.be/EcwlRurZkrwhttps://youtu.be/EcwlRurZkrwhttps://youtu.be/EcwlRurZkrwWatchhttps://youtu.be/EcwlRurZkrwhttps://youtu.be/EcwlRurZkrwhttps://youtu.be/EcwlRurZkrwhttps://youtu.be/EcwlRurZkrwWatch "شيخ الامين فرائض الصلاة الجزء الثالت" on YouTube - https://youtu.be/hZbeqaxIDKIhttps://youtu.be/hZbeqaxIDKI[/QUOTEhttps://youtu.be/hZbeqaxIDKIhttps://youtu.be/hZbeqaxIDKI[/QUOTEhttps://youtu.be/hZbeqaxIDKIhttps://youtu.be/hZbeqaxIDKI[/QUOTEhttps://youtu.be/hZbeqaxIDKIhttps://youtu.be/hZbeqaxIDKI[/QUOTE]

    والحال يقتضي أن نردّ عليك ب:

    مَنْ يــَــهُــنْ .. يسهُلُ ال هواااااان عليه xxx ما لِــجُرحٍ بـــــِـــمَيــــِّتٍ إيلامُ ..!

    أو:

    يا أرضُ احفظي ماعليك! وُ يا بدر نورك كَــمــِّلوووهشيشك بي شيش! يا دا البلاوسلام

    (عدل بواسطة محمد أبوجودة on 22-11-2015, 08:11 AM)

                       |Articles |News |مقالات |بيانات

22-11-2015, 09:58 AM

منتصر عبد الباسط

تاريخ التسجيل: 24-06-2011
مجموع المشاركات: 7437

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    Quote: هل كان في عهد الرسول عليه أفضل الصلاة والسلام نوبة وذكر ؟هل في عهد صحابته حصل هذا الشيء ؟

    نعم أقر النبي صلى الله عليه وسلم رقص الحبشة في مسجده ويكفى هذا لأن إذا قيل قال النبي أو أقر النبي صلى الله عليه وسلم
    فلا حاجة لقول الصحابي أو اقراره رضي الله عنهم
    وهل كان في زمن النبي صلى الله عليه وسلم تكفير لمن يقول لا إله إلا الله ووصفه بالمشرك لأنه تبرك بأثر أو توسل بنبي أو صالح؟!
    أو كان مذهب الخوارج كلاب النار يجد كل الاحترام والتقدير أكثر
    من احترام من هم أقرب للدين وتعاليمه؟
    Quote: هل احتفل الرسول صلى الله عليه وسلم بعيد وميلاده ؟

    أما الاحتفال الانسان بعيد ميلاده أمر لم يفعله أحد من شيوخ الصوفية الذين لم يلتزم شيخ الأمين خصوصاً والصوفية يمزجون الدين بالمكان
    وعادات المكان واعرافه وطبائعه مالم تكن مخالفة للدين وما لم تكن عبادات مخصوصة
    وللعرف اعتبار في الشرع
    والاحتفال بعيد الميلاد ليس من أعرافنا ولا من أعراف الصوفية وهي تظل سلوك فردي يخصه

    (عدل بواسطة منتصر عبد الباسط on 22-11-2015, 10:01 AM)
    (عدل بواسطة منتصر عبد الباسط on 22-11-2015, 10:03 AM)
    (عدل بواسطة منتصر عبد الباسط on 22-11-2015, 10:21 AM)

                   |Articles |News |مقالات |بيانات

22-11-2015, 01:39 PM

ABDALLAH ABDALLAH
<aABDALLAH ABDALLAH
تاريخ التسجيل: 25-08-2007
مجموع المشاركات: 6352

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    Quote: سوف يكون مثل هذا الاحتفال الميلادي لواحد من " نجوم هذا العصر


    الأخ محمد أبو جوده , تحياتى


    يا حبيب , كل المؤشرات تَدُل وتؤكد على أن شيح الأمين القادرى طريقةً الأشعرى نهجاً وسلوكاً


    هو أحد نجوم هذا العصر والمتلألئه فى سماء السودان .


    أوضح دليل على هذه النجوميه هذا البوست , المُطَلِع عليه حتى الآن أكثر من 12400 قارئ


    وأكثر من 177 مشارك .


    بالتأكيد إن لم يكن نجماً لكان القراء والمشارين وإن وٌجِدوا لن يتعدوا أصابع اليد .

                   |Articles |News |مقالات |بيانات

22-11-2015, 07:49 PM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: ABDALLAH ABDALLAH)

    أهلاً بالحبيب الأخ عبدالله عبدالله،


    و ( ودّ عبدالله ال عليك بــ تحكـــّى "من الحكي والحكاء بإعجاب وتوقير" .. آل عدناني ال شريف ود مكة)


    يا عزيزي تقول: ثم أقول:


    Quote: يا حبيب , كل المؤشرات تَدُل وتؤكد على أن شيح الأمين القادرى طريقةً الأشعرى نهجاً وسلوكاً


    القادريّ طريقةً، أتعني بها أنه من أتباع الشيخ عبدالقادر الجيلاني؟ وهل تقصد بــ"الأشعري" نهجاً و سلوكاً، أتعني أنه


    من دارسي " أبو الحسن الأشعري" ..؟ إن كان ذلك كذلك، دحين آ عبدالله، ما عصرتَ على الرُّجلَيْن التاريخيّين ديل؟ وبالحَيْل كمان!! وفقما أعتقد.



    هو أحد نجوم هذا العصر والمتلألئه فى سماء السودان .


    إن كان نجمها، فباعتقادي، هي نجومية إبليسية..! أو سماء السودان، أصبحت رمادية بما يجري فوق أرضها من "فطريات" سامّة، و "كعاكِعٍ لامّة"


    والناس بطونها طامّة..! إلّا القليلون، كأنّما لا يشعرون بالغثيان ..!



    أوضح دليل على هذه النجوميه هذا البوست , المُطَلِع عليه حتى الآن أكثر من 12400 قارئ وأكثر من 177 مشارك .


    صدقتَ، إن كنتَ تعني أنها نجومية في إطار " منبر حوار" كبير، كمنبرنا ده؛ ولكنها نجومية شُنار! وخمطٍ وشيءٍ من أثلٍ قليل+ حبّة شمار حار .. وُ كلّو وَدار.



    بالتأكيد إن لم يكن نجماً لكان القراء والمشاركين وإن وٌجِدوا لن يتعدوا أصابع اليد .


    ولكنّ أكثرهم مُستغربووووون! أن تطفو على سطح التصوف السـوداني ( المـهقول) بعضاً من " بثور" زي دي!! أصلو ما معقول .. كلام زي دا ...!







    ..................


    وااا أسفاي، إن كنتُ ظلمتُك.. لم أحدِّث بها نفسي يوما.. لكين ه نعمل إيه؟ العمل عمل ربّنا ( كما تقول المصاريا) ..


    مع وافر التحايا لكم..

                   |Articles |News |مقالات |بيانات

23-11-2015, 02:05 AM

ABDALLAH ABDALLAH
<aABDALLAH ABDALLAH
تاريخ التسجيل: 25-08-2007
مجموع المشاركات: 6352

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    Quote:


    وااا أسفاي، إن كنتُ ظلمتُك.. لم أحدِّث بها نفسي يوما.. لكين ه نعمل إيه؟ العمل عمل ربّنا ( كما تقول المصاريا) ..


    مع وافر التحايا لكم..


    وليس هنالك أسف , الأخ الحبيب محمد أبو جوده.


    بل أنا السعيد بهذا التحاور المحترم مع شخصكم الكريم .


    وليس هنالك ظلم وكل ما فى الأمر إختلاف وجهتى نظر حول شخص كريم


    أراه نجماً يتلألأ فى سماء صافيه لكن رُبَ ليلةٍ ممطرةٍ حجبت الرؤيا بسحبهاعنكم .

                   |Articles |News |مقالات |بيانات

23-11-2015, 03:03 PM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: ABDALLAH ABDALLAH)

    أهلاً بالأخ الحبيب عبدالله

    وقد سَرّ بالي أن ضمّختَ مرورك بهذا الإلف والوقار الشجين، فشكراً لك، حيث كتبتَ:

    Quote: أراه نجماً يتلألأ فى سماء صافيه لكن رُبَ ليلةٍ ممطرةٍ حجبت الرؤيا بسحبهاعنكم .
    وأقول: ربمالكين آ عبدالله، هي مطرة نصااااح
    إنما إيه!
    سيلٌ منحدِر من المطرات والسُّحُب القاتمات ..

    ولك وفير التحايا

    (عدل بواسطة محمد أبوجودة on 23-11-2015, 03:07 PM)
    (عدل بواسطة محمد أبوجودة on 23-11-2015, 03:11 PM)

                   |Articles |News |مقالات |بيانات

23-11-2015, 03:46 PM

السر عبدالله
<aالسر عبدالله
تاريخ التسجيل: 09-11-2006
مجموع المشاركات: 1118

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    مارسيدسات، كرولات، بي إم دبليوهات لونن أبيض، إتحركن ماشات ود البنا في أم درمان، سايقنهن رجال لابسين أخضر ودارعين اللالوب الما خمج، نزلوا جنب البيت و نزلوا معاهم أولادم و نسوانن اللابسات تياب ندى القلعة و بي الفل ميك أب
    جلسوا في صالة أسمح من صالون وردي، الفي الغنا، البي الحرير و الورد مفروش...

    شوية ونسمع صوت نوبة
    حيّ حيّ
    يسبق الصوت ريحة صندل*
    يدخل نبي أم درمان الجديد: شيخ اللمين للصالة ويهز بخيزرانة صغيرة، ماسكها بالإبهام والسبابة ويهزها هزة خفيفة مع إيقاع الطبل والطار،
    طار عقل الحضور وبانت لديهم سعادة إختفت عن أم درمان من زمن الفوزات

    في إستطلاع للحضور سأل مقدم البرنامج امرأة جميلة كاملة الزينة، أكتر شئ لفت نظري فيها، الماتشينق بتاع ظلال الجفون الأخضر بالأزرق مع ألوان التوب، قال ليها
    كلمينا: علاقتك بي أبونا الشيخ بدت كيف؟
    قالت ليهو ما بعرفها بدت كيف، لكن أنا قبل ما أعرف أبونا الشيخ دا، حياتي ما كان ليها معنى، و أنا هسع سعيدة سعادة ما بقدر أوصفا ليك...
    من اللقاء دا، أيقنت انو شيخ اللمين دا نبي
    أصلو النبي دا شنو؟ زول بزرع السعادة في الناس
    QTOTE
    ______________________________________________________
    _______________________________________________________
    _______________________________________________________

    اذا كان هذا هو النموذج الجديد للتصوف... فإن التصوف أصابه خراب كبير... والشيوخ
    القابلناهم قبل كده ابدا ما كانوا يتصرفون بمثل هذه البدع....وبعض الناس بيقولوا ان الشيخ
    الأمين شيخ فقط للشباب ...وهذه مغالطة أخرى...
    لكن اذا شيخ الأمين ده حافظ القرآن وبيستدل بآيات من القرآن الكريم على صحة نموذجه الصوفي
    فما بنقدر نعترض على نموذجه الجديد.. وربما كان على حق.. والله هو العالم ببواطن الأمور..
                   |Articles |News |مقالات |بيانات

24-11-2015, 00:31 AM

Amin Eltaib
<aAmin Eltaib
تاريخ التسجيل: 12-04-2014
مجموع المشاركات: 220

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: السر عبدالله)

    لا أعلق على الموضوع من زاوية الدين .. فلا نهاية لنقاش ألدين .. ولن تزالوا مختلفين .

    لكن من ناحية أخلاقية

    ف الأمين وحيرانه مزعجين ..وبحرفية الكلمة .. مزعجييين .. تسببوا في ضيق شديد لأهل الحي والعابرين .


    إن كانوا يحتمون بالدين فلن تسترهم الأخلاق .


    أصبح اتباعه بالألوف .. ومازال يصر بالانحشار في ذلك الحي الصغير والطريق الضيق الكان شاقي الترام.

    طالما أكرمه الله بالمال والسلطة والجاه .. فليكرم الناس بفضاء واسع لا يضايق فيه أحد ولا يزعج فيه شخص

    وبعد داك يدق نوبته للصباح .. ويوزع بركاته على من يشاء ..

    بس يرحم الناس من فرض نفسه وأتباعه عليهم .. محتميا بالسلطة


    وكما قلت إن لم يكن من أجل ألدين ( المشيلنه وش القباحة الزمن ده ) .. فمن أجل الأخلاق
                   |Articles |News |مقالات |بيانات

25-11-2015, 10:39 AM

محمد أبوجودة
<aمحمد أبوجودة
تاريخ التسجيل: 10-08-2004
مجموع المشاركات: 3758

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: Amin Eltaib)



    Quote: اذا كان هذا هو النموذج الجديد للتصوف...
    فإن التصوف أصابه خراب كبير... والشيوخ القابلناهم قبل كده
    ابدا ما كانوا يتصرفون بمثل هذه البدع... .وبعض الناس بيقولوا ان الشيخ
    الأمين شيخ فقط للشباب ...وهذه مغالطة أخرى...


    كلام صحيح مية 100% ... شكراً الأخ السر عبدالله، ولك التحايا

    ........................
    ولك التحايا، أخي أمين التلب، في قولك:
    (( لكن من ناحية أخلاقية ف الأمين وحيرانه مزعجين ..وبحرفية الكلمة .. مزعجييين ..
    تسببوا في ضيق شديد لأهل الحي والعابرين ...
    إن كانوا يحتمون بالدين فلن تسترهم الأخلاق. ))

    ولكم التحايا
                   |Articles |News |مقالات |بيانات

25-11-2015, 11:58 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: محمد أبوجودة)

    اتفق مع الاخ أمين الطيب لو كان معيارو واحد لكل المؤسسات الدينية ...

    Quote: فليكرم الناس بفضاء واسع لا يضايق فيه أحد ولا يزعج فيه شخص

    وبعد داك يدق نوبته للصباح .. ويوزع بركاته على من يشاء ..

    بس يرحم الناس من فرض نفسه وأتباعه عليهم .. محتميا بالسلطة


    والله لو كل المساجد بطلت الإزعاج بتاع الأذان والصلاة بالمكرفون يكونوا ما قصّروا ... خصوصًا صلاة الصبح وصلاة الجمعة ...

    إزعاج لى ازعاج ... اخير نوبة شيخ الامين ...








    ... المهم ....
                   |Articles |News |مقالات |بيانات

25-11-2015, 11:54 AM

Othman Al-Hasan Babikir
<aOthman Al-Hasan Babikir
تاريخ التسجيل: 03-07-2014
مجموع المشاركات: 859

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: صلاح جادات)



    قال الأخ : أمين التلب
    ( إن كانوا يحتمون بالدين فلن تسترهم الأخلاق .)



    ونقول :
    من لا أخلاق له فلا دين له ، قال صلى الله عليه وسلم: "إنما بعثت لأتمم مكارم الأخلاق"،
    كما قال صلى الله عليه وسلم: "ألا أخبركم بأحبكم إلي وأقربكم مني مجلساً يوم القيامة؟
    فأعادها ثلاثاً أو مرتين. قالوا: نعم يا رسول الله. قال: "أحسنكم خلقاً".
    وقال رسول الله صلى الله عليه وسلم: "إن من خيركم أحسنكم خلقاً"
    هذا دليل على عظمة الأخلاق في الإسلام، فالمسلم بأخلاقه يمكن أن يكون داعية للإسلام دون أن يتكلم بكلمة،
    فالناس أسرع تأثراً بالأفعال منهم بالأقوال. والله أعلم.

    مع تحياتي
                   |Articles |News |مقالات |بيانات

25-11-2015, 12:05 PM

Othman Al-Hasan Babikir
<aOthman Al-Hasan Babikir
تاريخ التسجيل: 03-07-2014
مجموع المشاركات: 859

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: صلاح جادات)


    قال الأخ تبارك :

    ( والله لو كل المساجد بطلت الإزعاج بتاع الأذان والصلاة بالمكرفون يكونوا ما قصّروا ... خصوصًا صلاة الصبح وصلاة الجمعة ...

    إزعاج لى ازعاج ... اخير نوبة شيخ الامين ... )



    نفهم من كلامك ده إنك بتقيس الآذان والصلاة بذكر الصوفية ؟؟؟؟؟
                   |Articles |News |مقالات |بيانات

25-11-2015, 12:27 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: Othman Al-Hasan Babikir)

    Quote: نفهم من كلامك ده إنك بتقيس الآذان والصلاة بذكر الصوفية ؟؟؟؟؟

    أي نعم ... وأجراس الكنائس ... ونقّارة الكجور ... لعل فهمك يسع كل ذلك ...

    (والله انا كنت شاكّي انو الفهم عندك شغال أصلاً ... لاكين احبطتني!!)

    بالله يا اخواننا عثمان الحسن بابكر دا لامن يصل حتة "لقد صبأ ابن زليخة" ... ألكزوني ...









    ... المهم ....
                   |Articles |News |مقالات |بيانات

25-11-2015, 12:48 PM

Othman Al-Hasan Babikir
<aOthman Al-Hasan Babikir
تاريخ التسجيل: 03-07-2014
مجموع المشاركات: 859

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: صلاح جادات)

    قال المدعو : كومار أب شلخه (والله انا كنت شاكّي انو الفهم عندك شغال أصلاً ... لاكين احبطتني!!)


    ونقول له : حقيقة كنت عايز آخد وأعطي معاك في الحوار لكن مستواك في الحوارقد ظهر من خلال ردك أعلاه ،
    ويؤسفني أن يكون هناك بشر بهذا المستوىالمتدني من الأخلاق ...
    لا يعجزني الرد عليك لكني لا أريد أن أتعامل معك بأخلاقك أنت وإلا فإن اللغة العربية حبلى ومليئة بالكلام
    والعبارات البذيئة والكلام النابئ .لكني ح أتعامل معك بأخلاقي أنا عشان كده بقول ليك : الله يسامحك ياخي

    (عدل بواسطة Othman Al-Hasan Babikir on 25-11-2015, 12:58 PM)
    (عدل بواسطة Othman Al-Hasan Babikir on 25-11-2015, 01:01 PM)

                   |Articles |News |مقالات |بيانات

25-11-2015, 01:15 PM

ABDALLAH ABDALLAH
<aABDALLAH ABDALLAH
تاريخ التسجيل: 25-08-2007
مجموع المشاركات: 6352

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: Othman Al-Hasan Babikir)

    Quote: قال المدعو : كومار أب شلخه

    أخى عثمان الحسن
    سماحة الدين الإسلامى تنهى التنابذ بالألقاب
    ( ولا تنابذوا بالألقاب بئس الإسم الفسوق بعد الإيمان )
                   |Articles |News |مقالات |بيانات

25-11-2015, 08:51 PM

Amin Eltaib
<aAmin Eltaib
تاريخ التسجيل: 12-04-2014
مجموع المشاركات: 220

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: ABDALLAH ABDALLAH)

    أُطمئن أخي تبارك أن مقياسي للإزعاج واحد .. ويشمل :-

    ١/الآذآن الذي أصباح مبارة في علو الصو ت - رغم تقارب المساجد وعلو المآذن وحداثة مكبرات الصوت - ومط كلمات الآذان حتى تكاد أنفاس المؤذن أن تتقطع ونبرة الإغاظة في ايقاظك شئت أم أبيت والتناوب بين المؤذنين حتى يستمتع كل واحد منهم بفرصته بالكامل في إستعراض قدراته الصوتية رغم أننا جميعاً قد أدركنا وبقوة انه قد حان موعد الصلاة.
    ٢/ الصلاة بمكبر الصوت الخارجي
    ٣/ الخطبة الصياحية وبالمكبر الخارجي التي تحرم حتى بقية المساجد من الاستماع لخطبة إمامهم
    ٤/ قرآءة القرآن بنفس الطريقة والدروس والمواعظ والتراويح والتهجد ( سمعتوا ليكم في الدنيا تهجد لله بهذا الصخب والهياج- في وقت نيام الكثيرين- كما يحدث في السودان ؟؟؟؟؟

    الإزعاج كالإرهاب لا دين له
                   |Articles |News |مقالات |بيانات

25-11-2015, 11:09 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8609

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: Amin Eltaib)

    والعجب العجاب
    نقل الصلوات لتفرج على من يصلون

    يا خي معقولة بس اقعد واجيب فشار
    واتفرج على زول بيصلي
                   |Articles |News |مقالات |بيانات

26-11-2015, 04:09 PM

Amin Eltaib
<aAmin Eltaib
تاريخ التسجيل: 12-04-2014
مجموع المشاركات: 220

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: الصادق اسماعيل)

    Quote: والعجب العجاب
    نقل الصلوات لتفرج على من يصلون


    على الأقل في الحالة دي عندك خيار تغيير القناة
    لكن البسوه في المساجد ده - هيجة وفرض الصوت العالي ( زي نقاشاتنا )

    على أني لا أقصد بإزعاج الأمين وجماعته الصوت فقط وإنما ،،، إغلاق الطرق ،، تكدس العربات والناس ،، الإحتكاكات مع
    سكان الحي والتي وصلت للضرب والركل وأقسام الشرطة .
    وأرجو أن لا تنسب تلك الحوادث ل ناس محرشنهم جهات معينة .. لأنه بغض النظر عن الصراعات الدينية القائمة
    فإن هناك ضرر حقيقي يقع على الناس



    بعدين قصة التدين الصاخب دي شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
                   |Articles |News |مقالات |بيانات

26-11-2015, 06:22 AM

Othman Al-Hasan Babikir
<aOthman Al-Hasan Babikir
تاريخ التسجيل: 03-07-2014
مجموع المشاركات: 859

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: صلاح جادات)



    قال الأخ / عبد الله عبد الله

    ( سماحة الدين الإسلامى تنهى التنابذ بالألقاب )
    ( ولا تنابذوا بالألقاب بئس الإسم الفسوق بعد الإيمان )




    ونرد :
    انت يا كافي البلاء مداخلتو الكلها سب ولعن وشتم وإزدراء وتحقير دي ما شفتها
    بس عينك ما وقعت إلا في الإسم الكتبتو أنا ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    ولعلمك هذا الإسم ليس من عندي إنما نقلته من البروفايل الخاص به فهو كاتب
    أن إسمه الحقيقي " كومار أب شلخه " فلم أتجنى عليه ولم أسبه ولم أشتمه ....
                   |Articles |News |مقالات |بيانات

26-11-2015, 07:06 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: Othman Al-Hasan Babikir)

    Quote: ونرد :
    انت يا كافي البلاء مداخلتو الكلها سب ولعن وشتم وإزدراء وتحقير دي ما شفتها
    بس عينك ما وقعت إلا في الإسم الكتبتو أنا ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    حاشاك السب واللعن والشتم والتحقير ... بس انا من حقي أشك ... ما بقدر اقطع بما يسيئك ويزدريك ... بعدين انا لامن اكون محبط يعني الفهم عندك شغال ... يعني انا الخسران ..

    انتو زمان كان في "المدح بما يشبه الذم" ... حصل عليهو شنو؟

    ما تزعل ساكت يا عثمان ... حبينا نحرف اتجاه الحوار لأنو مشى حتة ما جميلة ...

    إنت لامن تحاول تأكد قياسي للآذان بالذكر الصوفي ... عايز تصل لى شنو؟

    الازعاج لا دين له زي ما قال اخونا امين الطيب ... وليس في الآذان ما يعفيه من كونه إزعاج ...

    لاكين كل الطقوس الدينية المزعجة ... تقوم على مقبولية المجتمع لها ... وهذه انتفت في واقعنا المعاصر والحمدلله ...

    أي زول يزعجك سواء قبلت أم لم تقبل ... وشيخ الامين لم يشذ على هذا الواقع ... إن لم يكن ألطف المتعاملين معه ...

    (بالمناسبة حكاية المضاربة مع الجيران تقع خارج سياق حجة الإزعاج يا أمين الطيب ... وقد تابعنا أحداثها لحظة بلحظة)

    فلك العتبى يا شيخ عثمان بابكر ...








    ... المهم ...
                   |Articles |News |مقالات |بيانات

26-11-2015, 07:18 PM

Muhib
<aMuhib
تاريخ التسجيل: 12-11-2003
مجموع المشاركات: 3998

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: Othman Al-Hasan Babikir)

    الاخ Othman Al-Hasan Babikir
    الاخ عبد الله عبد الله ..رجل صانع سلام في هذا المنبر وحسن الاخلاق ونشهد له بحسن الكلم
    ولا اظنه يريد شئ سوي نصحك وليس لومك ..

    اما مع تبارك .. ( وجه ضاحك) شيل الصبر ..
                   |Articles |News |مقالات |بيانات

27-11-2015, 01:13 PM

Amin Eltaib
<aAmin Eltaib
تاريخ التسجيل: 12-04-2014
مجموع المشاركات: 220

للتواصل معنا

FaceBook
تويتر Twitter
YouTube


Re: شيخ الامين في عيد ميلاده ولا ملك الروم ... ( (Re: Muhib)

    Quote: إن لم يكن ألطف المتعاملين معه ...

    (بالمناسبة حكاية المضاربة مع الجيران تقع خارج سياق حجة الإزعاج يا أمين الطيب ... وقد تابعنا أحداثها لحظة بلحظة)


    بالتأكيد الأمين ليس ألطف المتعاملين .. والأحداث تشهد

    زمان الحولية والذكر كان في أطراف المناطق السكنية ... مع وجود قبول عام .

    كل المشاكل والمشاحنات والتحفز والعنف والعنف المضاد .. ده كله ما إزعاج لناس الحي ؟؟؟؟ ناهيك عن المشاركين في الأحداث



    غايته يا تبارك .. عين الرضا عن كل عيب كليلة
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de