|
|
|
 Re: في ذكري (( الكوكبة السبتمبرية .... الشهداء )) قصائد .. صور .. فيديوهات ... (Re: مني عمسيب)
|
شباب قدام الشاعر محمد مدني
"عمر الزهور
عمر الغرام "
عمر التمسك بالتمام
وكت انبلاج الفجر
من قلب الظلام
لمّا الحمام
يكشف أحابيل الصقور
يهدِل هديل
دغري وعديل
يكسر دواير المستحيل
يكسيها أضلاع
من مثلث ومن مربع
ومستطيل
ويبقى السلام
ما اتفاقيات
ولا حفلات كلام
ولا رص كراسي
وصف بكاسي
وكم مساعِد ومستشار
حيكون رئاسي
وكم قنيصل دبلوماسي
السلام
راح يبقى قاسي
على اللئام
ما فيهو رجعة من المَلَفْ
ما بنعفي ليهم ما سلفْ
بنكفي دين الشعب
من أول سلف
ولحدي آخر نقطة
من دم الخلف
ومن الموارد ما تلف
أو بعزقوه الأرزقية
وسفّو سف
نفتح حساب
للإنقسام
وكمان كتاب
تِمَّة وتمام
لي عطبرة
وسكة حديدا
للجزيرة
الجفَّفُو الدم من وريدا
للصحة والتعليم
وتشريد الكِرام
من أجل تمكين اللئام
دارفور وميات الألوف
ما بين شهيدة ومستباحة
وبين مشرد في الكهوف
يفطر ألم ويتعشى خوف
لولايو للنوم المناحة
مافيش سلام
أو حتى راحة
إلا الحساب
يتخطى إنو يكون ولد
ما يبقى خصم على البلد
مش قالو جايين بالحدود
يا هو ده الحساب
ما ليهو حد
| |
 
|
|
|
|
|
|
|
|
Re: في ذكري (( الكوكبة السبتمبرية .... الشهداء )) قصائد .. صور .. فيديوهات ... (Re: مني عمسيب)
|
الأخت الحبيبة منى عمسيب ..
يا سلام يا منى .. اننى أتمنى .. أن يعم السلام العالم ..
وكما ذكرت فى كلماتك الرائعة ..
Quote: ونحن من تحت ظلال هذه الذكري المعطرة برائحة الدم الطاهر .. والارواح السامية بسمــو
الوطنية ... نرجو من جميع المنظمات بكل انواعها للاصرار بملاحقة قتلة هـــولاء الكوكبة
وبالاكثر اصرارآ متابعة القضية وتقديمهم للعدالة . ولا نامت اعين القتلة مفسدين الانقاذ ولصوصه ! |
صحيح .. نحن بعيدون عن الوطن الحبيب .. ولكن الله قد حبى كل شخص
وزنة كى يستثمرها فى حياته .. فالذى يستطيع أن يكتب فليكتب .. والشاعر
فليكتب شعراً ..
والذى يستطيع أن يغنى فليغن .. والذى يستطيع أن يعمل بالسياسة فليعمل ..
وهكذا ..
فالكاتب فى مثل هذه الظروف لابد وأن يكتب لإستشعار واستنفار الهمم
لفضح هذه الأنظمة الفاسدة .. ونفس الشئ للشاعر .. يؤلف أناشيدَ ..
والملحن يقوم بتلحينها .. والمغنى يقوم بغنائها ..
فليتنا نستغل هذه المواهب إستغلالاً صحيحاً لخير الجميع ..
ومع كل هذا .. يجب أن نرفع أكفنا الى الله عز وجل ، أن يرحم
عباده من كل ظالم أثيم .. لأن عين الله ساهرة ولا تنام ..
فهو العالم بكل ما يدور فى كل شبر من الأوطان ..
وهو القادر لقشع هذه الظلمات .. ليأتى النور ..
ابشرى يا أختاه .. فالظلام سينقشع عما قريب ..
وبإذن الله ..
أخوك وعمك العجوز ..
ارنست
+++
| |
|
|
|
|
|
|
|
|
Re: في ذكري (( الكوكبة السبتمبرية .... الشهداء )) قصائد .. صور .. فيديوهات ... (Re: مني عمسيب)
|
شعر سعد عبد القادر العاقب سعيد
سافك دم
وماكلْ سُحْت
وجايِّي تحجْ؟
ذنوبك تلحقك وسط الحجيج وتفجْ
لا لبيك ولا سعديكْ
حجار الكعبة تلعن فيكْ
وكلْ طايفْ ملبي الليلة يدعو عليكْ
وكيف داير تطوف بالبيتْ
ودم شهدانا لا زال جاري بين ايديكْ
يا كاتْل النَّفِسْ عمداً
قلوبنا عليك نيران باقَّة ما بْخَمْدَنْ
تفر من ضوهن مرعوب تضاري عيونك الرِّمْدَنْ
وشِنَّ الحج وشن المسعى والإحرام
وكسبَك من خبيث وحرامْ
يا كاتل النفس يا حامي كل إجرامْ
تحل في مكة بين حجاج
ومكة بتلعنك زي عابد الأصنامْ
وما بتخجل
تقيف قدام إله قهارْ
وانت بتعبد الدولار
وتكتل في سبيلو وِلادْ
وتحرق في سبيلو بلادْ
فلا لبيك ولا سعديك
ولا الرب الرحيم بقبل
دُعا الظالم على المظلوم
وسيان لو تطوف بالكعبة
أو تنبح تسب الشعب في الخرطوم
دم شهدانا يحبط كل عبادتك وتبقى من النعيم محروم
داعي عليك كل الشعب
نعمنو افتقر مما سرقت وجاع
داعية عليكَ أم هزاع
وكل من ضاقت الأحزان
يوم زغرد رصاصك فوقها
يا كاتل النفوس الطيبة باسم الدين
وكل فاقد عزيز الليلة يدعو عليك
والرب المجيب سمّاع
وشِنّ الحج ورمي الجمرة
وانت الأوْلَى بالرميات من الشيطان
يدعو عليك أسياد وجعة ضاقو القَوْ
وستات وجعة من غدرك دموعهن شو
جيت تتدبي في الظلمات وخايف الضو
كلاب الحله شَمَّنْ فيك ريحة إبليس وقالن هَووْ
كباير الموبقات حايشاك فكيف تنحلْ
وشن بِتْسوْ
يدعو عليكَ كلْ بيتاً سقيتو المُرْ
يا المسخت عيد أُمَّات
عزيزهن برصاصك ماتْ
وكان راجيات صلاة العيد
عشان يرجع يقالدَنُّو
فكان عيديتهن منك كفن ورفاةْ
تدعو عليك موية النيل
وجبل البركل الخالدْ
وتدعو عليك بطانة الخير
وأرض الفور ونبتة ورملة العتمور
تعود مأزور وغير مأجور
ويرجاك القصاص
وعدالة الشعب العفيف وصبور
شعر سعد عبد القادر العاقب سعيد
| |
|
|
|
|
|
|
|
|
|
Re: في ذكري (( الكوكبة السبتمبرية .... الشهداء )) قصائد .. صور .. فيديوهات ... (Re: Kostawi)
|
التحية لجميع المرور الكريم .. وتعيشوا وتخلدوا شهداءنا .
ومشكور الصديق الفيسبوكي ..
...
Abdallah Mohammed Abdallah · الأكثر تعليقا · Elgazeera
مسدار الشهداء
أهداء الي شهداء ثورة 23سبتمبر2013م الاماجد
يا نجماتنا ان ضوت
علي الجايين يلاقو شليل
ويا بتيقة البذرات
علي أرضا ..عشمنا
تشيل ..
ويا ندهتنا ..للرايحات
مراحا تشيل
يا ..توديعة الامات
للداقشين ..مهاجر الدنيا
يلقو ..عديل
يا فلذاتنا ..يا كبداتنا
يا دعواتنا ..عز
الليل ...
...
Abdallah Mohammed Abdallah · الأكثر تعليقا · Elgazeera
مسدار الشهداء
أهداء الي شهداء ثورة 23سبتمبر2013م الاماجد
يا نجماتنا ان ضوت
علي الجايين يلاقو شليل
ويا بتيقة البذرات
علي أرضا ..عشمنا
تشيل ..
ويا ندهتنا ..للرايحات
مراحا تشيل
يا ..توديعة الامات
للداقشين ..مهاجر الدنيا
يلقو ..عديل
يا فلذاتنا ..يا كبداتنا
يا دعواتنا ..عز
الليل ...
اخوتي الاعزاء \ كوستاوي .. وذو اليد .
لكم التحية والتقدير .. ومشكورين علي المرور المضيف .
الشهيدة عوضية عجبنا .. دماها في اعناقنا ..
| |
|
|
|
|
|
|
|
|
|
Re: في ذكري (( الكوكبة السبتمبرية .... الشهداء )) قصائد .. صور .. فيديوهات ... (Re: وضاحة)
|
يا عريس الغُبش
أمانيك القطوف
قبضة السيف تقاس
هزها الشعب... فقاما
فى شفاف القلب وسّدناك سهماً،
وحساماً
هل ترى ريح الهبوب؟
أم قناديل الغروب؟
أم مرايا... الماء؟
تسقيهن بالورد الخضيب!
ذاك سبتمبر الدفئ
مرة أخرى يجئ
يا رياح الشهداء
أقشعى الحزن القمئ!
شامخ الجبهة مزموم الشفة
فى جدار الغرفة المرتجفة
أتملاك إذا ما الشوق يهطل فى دمائى
يختلى اليتم، ويجفل
كارتعاش الأرصفة
فى العيون الواجفة
أعولت ريح تسف
ذكريات لا تجف
أسطر دوَّت كطلقات،
وأطياف تدفُ
| |
|
|
|
|
|
|
| |
مني عمسيب
Sudany Agouz
سامى عبد المطلب
Kostawi
نعمات عماد
محمد أبوالعزائم أبوالريش
وضاحة
فيس بوك
تويتر
انستقرام
يوتيوب
بنتيريست