|
|
 Re: الشطر الميت الذى ظل السودان يرضع منه 60 سنة (Re: adil amin)
|
قال شيوعيين قال
******
1- انقلاب مايو والمخازي الممتدة من 1969-1972 مسؤل منها الحزب الشيوعي السوداني "الاشتراك الجنائي "واسوأها مسخ العلم والشعار تمهيدا لمسخ الهوية السودانية لاحقا بواسطة الأخوان المسلمين ثالثة الأثافي الجاتنا من مصر.السؤال ما هي المخازي الموثقة من 1969-1972؟؟
2- قيمة الليبرالية والاشتراكية موجودة في المجتمع السوداني بالفطرة وتتجلى في اشكال عديدة من الممارسات الاجتماعية -الضرا- في الغرب والشرق والزاوية في الشمال- وفطور رمضان في الشارع -بنك طعام سوداني- التكية- والضيافة الحرة –لا توجد فنادق كثيرة في السودان استضاف السودانيين 9 الف جزائري و11 الف مصري في مباراة مصر الجزائر 2014 في بيوتهم
الانجليز الجو السودان كانوا اشتراكيين وانبهروا بالاشتراكية السودانية "الفطرية "وصمموا الدولة السودانية على قيم المجتمع الليبرالي للاشتراكي-الإدارة الأهلية- مجانية السكن بيوت الحكومة ومجانية التعليم -الداخليات - ومجانية السفر-التساريح...
الناصريين والشيوعيين والأخوان المسلمين بضاعة"مسخ" جاتنا ما أسوا بلد لا تحترم السودان ولا السودانيين لحدي هسة هي مصر وبكل صفاقة كمان تحرص على مصالحها الضيقة فقط في السودان وعبر عملائها المموهين بعناية من "نعر" السودان..وهسة خت الكلام ده قدامك لحدي ما تصل مستواه "اكبر اشتراكيين ليبراليين في السودان هم السيد عبدا لرحمن المهدي ومحمود محمد طه -أعداء مصر -لأنهم يدعون لأصالة السودان...واكبر مشروع دينامكي على الإطلاق للدولة السودانية هو السودان الجديد المتمثل في اتفاقية نيفاشا ودستور 2005 وبرنامج الحركة الشعبية للأسطورة د. جون قرنق .. ولو ما رفعنا إصر مصر واعتذرنا للثلاثة ديل والانجليز كمان نكون لحدي هسة اواسيج خديوية نبات سلسلع..زيكم كده هجين مستعرب بائس يستجدي الاعتراف من العرب و مصر المهببة ..والبقاء في الساحة برستيج ساكت من اجل "أنا اورجغ اذا أنا موجود"...
ولو كانت الشيوعية الوافدة للسودان عبر "حستو" من "حدتو "اصيلة وموقف حقيقي ورؤية لا تموت ماركسية كمان.مش تقليعة ذى الشارلستون والخنفس وتحرمني منك ..الليلة نحن في 2014 وبعد وقفتوا في وجه المعونة الأمريكية والعلاقات السودانية الأمريكية من الاستقلال وشمتو بي الرئيس عبود شمات في ثورة اكتوبر1964 وما خليتونا ذى كوريا الجنوبية او اليابان او الهند او البرازيل.. وباريتو الحصان/ مصر..وقعد ابو عيسى يجعر مع نميري لمن مات هبل صنم العرب الأكبر عبد الناصر ...
"الغر ّق حلفا " وما اداكم فولت واحد بتاع كهرباء من السد العالي وجمع ليه مهدي مصطفى الهادي نسوان بالأجرة نائحات ذي فلم مصري قديم في "روتانا زمان"..ده كله كان نغفروا ليكم لو كنتوا يا شيوعيين بعد وصلتوا أرذل العمر ومرحلة "من نعمره ننكسه في الخلق "بعد انهيار الشيوعية الدولية1990 لو مشيتو قعدتو في كازخستان أو كوريا الشمالية أو كوبا أو فنزويلا أو لو مشيتوا الهامش تاني ذى الشاعر حميد في ارض حفيف الأجنحة كوشلاند -نوري-...كلكم بي سلامتكم في قلعة الامبريالية العالمية الآن أمريكا دون حياء والغرب الاستعماري السعيد..تورجغوا في الراكوبة بس كلما اداكم البشير "عفصة"....من اكبر مخازي الشيوعيين"السقوط عاموديا الى أسفل" وعدم الالتزام بالمبادئ التي كانوا يدعون لها...وده برضه موثق بس نعف عن ذكر الأسماء ...
والسكة الحديد ومشروع الجزيرة تطورت كما نوع في زمن عبود وزمن نميري -العصر الذهبي-1972-1978 -بعد تجاوز الناصريين والشيوعيين وقبل الكيزان. وعهدهم الغيهب الممتد حتى الآن ...
السؤال
استفدنا شنو في السودان من البضاعة الصفوية الرديئة الجاتنا من مصر "الناصريين والشيوعيين والإخوان المسلمين "ووضعت نفسها بديل للأنصار والختمية والأحزاب التي أسسها الانجليز مع ديمقراطية وست منستر يا ناس (سوط) العرب ...؟؟ وهل السودان كان ناقص عقل ودين وما فيه فكر أو مشاريع سياسية سودانية ؟عشان نستورد بضاعة مضروبة من الخارج....فشلت حتى في بلد المنشأ..
|
|
  
|
|
|
|
|
| |
adil amin
فيس بوك
تويتر
انستقرام
يوتيوب
بنتيريست