قانون تنظيم العلاقات الجنسية بين الكلاب في أمريكا ...

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 17-12-2018, 01:51 AM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-10-2015, 01:15 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


قانون تنظيم العلاقات الجنسية بين الكلاب في أمريكا ...
                   |Articles |News |مقالات |بيانات

09-10-2015, 01:22 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب في أمريكا ... (Re: يحي قباني)

    جالس امام التلفزيون اشاهد الاخبار ...

    ترمب هبب شنو ما بعرف ...

    المرشح المتحدث في الكونجرس انسحب ...

    باخرة البضاعة غرقت تحت هوريكين اوهو ...

    و اشيل و اقلب في القنوات ...

    و فجأة وقعت في حلقة لــ Judge Judy

    و انا بصراحة اعز Judge Judy معزة شديدة ...
                   |Articles |News |مقالات |بيانات

09-10-2015, 01:33 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    الحلقة عبارة عن سيدة ( المتهمة ) تمتلك كلبة ( انتاية ) ...

    اتفقت مع جارها ( الشاكي ) و الذي يمتلك كلب ( ضكر ) ...

    ان يعاشر كلبه كلبتها لان كلبه ود أصول ... ( احبها و تحبني و يحب ناقتها بعيري .. )

    تم ضرب الموعد و الليلة المرتقبة ... وأتي الجار بكلبه الفحل ...

    و لم يقصر ود الأصول في أداء واجبه كاملاً ...

    (عدل بواسطة يحي قباني on 09-10-2015, 02:38 AM)

                   |Articles |News |مقالات |بيانات

09-10-2015, 01:38 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    و حدث المطلوب ... و تحقق الأمل و نالت الجارة و كلبتها المراد ...

    حملت ( توفي ) ... من ود القبايل ( روي ) ... ***

    و اخضعتها سيدتها لرعاية و برنامج تغذية كامل ...

    ثم اتى اليوم الموعود ... و اخبرت الجارة جارها بالحدث ...

    و اتى الجار راكضاً هو و كلبه الأصيل ...

    واذا بتوفي تضع تلاتة جريوات من احلى و اجمل الجراقس في الدنيا ...

    *** تم إخفاء الأسماء الحقيقية للأبطال لحفظ الخصوصية ..
                   |Articles |News |مقالات |بيانات

09-10-2015, 01:45 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    بعد حفل صغير اقتصر على العائلتين ( الكبيرة و الصغيرة ) ... ***

    تبادل فيها الجاران انخاب الحدث السعيد ...

    و جلست توفي على وسادة مخملية و روي ينظر لها و لأبنائه نظرة الأب الحنون ...

    و انتهت السهرة و قبل خروج الجار من منزلها سألها ...

    أي من الجريوات ستعطيني ؟

    فنظرت اليه نظرة اللبؤة التي تخاف على أشبالها و قالت مزمجرة ...

    ماذا تقول ؟ تأخذ ماذا ؟

    على الضمان و لا عضة ما اديك ... انت جنيت ...

    انا ربيت و كبرت و غذيت ... و انت تاخد على الجاهز ؟

    مافي ليك ...

    خرج الجار غاضباً و قرر ان يذهب الى القضاء !!!

    تم حجب اسم المدينة و الولاية حتى لا نظن انها كارولاينا ...
                   |Articles |News |مقالات |بيانات

09-10-2015, 01:58 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    تم فتح البلاغ من صاحب الكلب ود القبايل رغم محاولات روي على منعه تجنباً للفضايح ...

    ووصلت القضية الى مكتب السيدة جودي ...

    و أتت بالمتهمة و الشاكي ... امامها ...

    و بعد ان سمعت الطرفين ... تلت عليهم فقرة من القانون ...

    أي و الله العظيم ... فقرة عديل في القانون الأمريكي تتحدث عن القصة دي بالتحديد ...

    تقول الفقرة ....

    اذا اتفق طرفين على ان يعاشر كلب احدهما كلبة الآخر ...

    و حدثت الولادة ...

    فمن حق صاحب الكلب ( المُحمّل ) ان يتحصل على عدد واحد جرو حسب اختياره و لا يحق لصاحب الكلبة ان يختار أي من الجريوات يذهب للطرف الاخر ...

    كما يمكن في حالة موافقة صاحب الكلب المُحمِّل بدلاً عن اخذ جرو من الجريوات ان يتحصل على مبلغ 150 دولار مقابل كل جرو مولود ...

    بحد اقصى خمسة جريوات او 750 دولار ... و لا يحق له الحصول على أي مليم على أي كلب زيادة من الخمسة ... !!!!

    ( هي زاتها لو جابت اكتر من خمسة تكون بنت كلب ) ...

    هنا ... اغمضت عيني ... و تذكرت حال الإنسان في بلادنا ...

    قوانين تنظم العلاقات بين الحيوانات ...

    و لا توجد قوانين تكفل للمواطن حق المعيشة كبشر ...

    اغتصاب عيني عينك ... و أطفال مجهولة الهوية ... و الدنيا ماشة ...

    مايقوما ... ايتام ... و على عينك يا تاجر ...

    و لا قانون للإنسان في بلادي ...

                   |Articles |News |مقالات |بيانات

09-10-2015, 02:02 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    زمان كنا بنجنّح الجرادة نقطع كرعينها نلعب بيهم محمد قال اقيفو و محمد قال اقعدو ...

    وكنا نربط الكدندار من كراعة بي دبارة نلعب بيهو ...

    و كمان أبو الحداد طلعنا ايمانو برباط الخيت ندردقه و نسحبه من جحره ...

    يا ربي مافي حتة في القانون بتتكلم عن تجنيح الجراد ؟
                   |Articles |News |مقالات |بيانات

09-10-2015, 02:16 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    على ذكر القوانين و حفظ حقوق الحيوان ...

    سنة 1984 ... شغال مهندس في مكتب عبد الوهاب و عبود في الرياض ...

    عندي عربية داتسون 140Y ... بيضاء فاقع لونها ...

    امتطيتها بعد يوم عمل طويل و معي زميلي الباشمهندس الجميل بابكر شمس العُلا ...

    و الاتفاق انني ذاهب في طريقي لكلية الهندسة لرؤية أسماء المتخرجين لما فيهم لنا من أصدقاء و زملاء و ذلك للاطمئنان ...

    فقلت له نذهب الى الجامعة و بعدها ( اجدعة ) جنب القيادة العامة لاخذ مواصلة لبحري ...

    و بالفعل باركنا للاصدقاء و اتفقنا على اللقاء ليلا في دار المهندس ...

    و في طريق العودة في الشارع القادم من كلية الهندسة و القمسيون الطبي ... و في تقاطع البلدية ...

    وقع القدر ...

    أتت سيارة مرسيدس 230 مسرعة من جهة الخرطوم و التهمت سيارتي من باب شمس العلا ...

    و تقلبت السيارة 3 مرات و استقرت امام منزل دكتور احمد عبد العزيز ...

    و اتى بوليس الحركة ؟؟؟؟ لا اسعاف و لا دياولو ....

    ساقونا الاتنين زي الحرامية على أساس انا الغلطان ...

    و اتو بنا الى مكاتب الحركة ... و تم حجزي للصباح للعرض على القاضي و اطلقوا سراح بابكر ...

    لم يسألني أي احد ماذا تشعر ... لم يفكروا هل من نزيف داخلي ؟؟؟

    و للحق حتى لا أكون كاذباً ... سألني الضابط المناوب لو داير اتعشى فول معاهم ... ( كرم السودانيين ) ....

    سيارتي جلست في المنطقة 3 شهور و لم ترى العافية بعدها ...

    و لو تعرفوا سيد العربية المرسيدس كان جاي من وين و ليه ....


    تحتاروا ...
                   |Articles |News |مقالات |بيانات

09-10-2015, 02:29 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    تم عرضي على القاضي اليوم التالي ... و لدهشتي كان القاضي مولانا عادل سمير ... زميل المنبر هنا ..

    و اتى صاحب السيارة المرسيدس و معه بن عمه الذي كان بجانبه و يعمل تاجر اسبيرات في المنطقة ...

    و سألت صاحب السيارة و كان مترجماً في السعودية وقتها و بادية عليه آثار النعمة ( جلد المغتربين البارد داك ... انا جربته و الله و ما حاسد ) ...

    قلت ليهو ياخي الحصل شنو و مالكم ؟

    قال لي و الله أصلا كنا في زيارة لمريض في مستشفى الخرطوم ... و عند باب الخروج اشترى ود عمى ده دستة برتكان ... و أصلا احنا ماشين الحاج يوسف و طلعنا طوالي ...

    لما دخلنا بوابة بري ود عمي عد البرتكان لقاهم حداشر برتكانة ؟؟؟

    قال لي دور ارجع للحرامي ده نجيب البرتكانة الناقصة !!!

    أبو اهلك !!!!!!!

    برتكانة طلعوا بيها دين أبو أهلي ... و بعد ده كله ...

    مافي زول سألني عندك صداع ؟ في دوخة ؟ راسك لافة ؟

    يعني كان اموت فطيس ... بسبب شطارة تجر الإسبيرات ...

    و الله ما أخفي عليكم ... اصابني روي و توفي بالحسد و الحزن ...
                   |Articles |News |مقالات |بيانات

09-10-2015, 03:03 AM

عمر دهب
<aعمر دهب
تاريخ التسجيل: 19-10-2014
مجموع المشاركات: 1672

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    صباح يغرد كالبلبل ماتنسى تكسر اللام
    اكيد الواطه عندكم ماصباح
    لكن ياقبانى انتى كلامك كلو صباحات
    وحتى لو كلامك فيه حساده حسادتك حسادة السرور
    ياخى انت وسط الكلمات القبيحه والشتائم التى يشيب لها الراس هنا
    بقعة من الضوء لاتنطفى اين ماظهر اسمك .
                   |Articles |News |مقالات |بيانات

09-10-2015, 03:53 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: عمر دهب)


    مميّز يا قبانى ..



    بريمة
                   |Articles |News |مقالات |بيانات

09-10-2015, 03:54 AM

muntasir

تاريخ التسجيل: 07-11-2003
مجموع المشاركات: 3682

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: عمر دهب)

    سلام يا قبة قصة تعشير الكلاب دي بنخليها يفتو فيها الأمريكان الجدد لكن الحادثة انا في السودان ما كان بغيظوني إلا ناس سلامة سلامة تكون مدقوش وديشك سايح يقوموا العطالة من تحت الشجر ويشبكوك سلامة
                   |Articles |News |مقالات |بيانات

09-10-2015, 04:53 AM

Mohamed Yassin Khalifa
<aMohamed Yassin Khalifa
تاريخ التسجيل: 14-01-2008
مجموع المشاركات: 6316

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: عمر دهب)

    سلام يا قباني...

    تعرف اليومين ديل عندنا في بوسطن ونيوهامشر خبر زول ضرب ليهو كلب جيرانو الـ "شواوا" الدخل بيتو وإتبول فيهو. الزول هو مرشح لمجلس المدينة لقى الكلب بن الكلب بيبول خارج بيتو ومعاهو كلاب تانية.. أها قام شاتو بكراعو ذي الكورة... والكلب طار ووقع في الواطة ميت. الجيران كلموا سيد الكلب الجا وشاف كلبو ميت والكاتل واقف ساكت.. ولا حتا إعتذر ليهو. أها ضرب للبوليس الجا وقبض على المجرم القاتل ودخلوهو الحراسة. وصاحبنا مرق بالضمانة 1,000 دولار لغاية يوم المحكمة في 10 ديسمبر الجاي.

    القضية عاملة ضجة كبيرة والكاتل قال إتعرض لتهديدات بالكتل كتيرة من ناس زعلانة من جريمتو القاسية دي وعاوزين ينتقموا منو لقتلو الكلب "المالطي" الوديع!


    http://www.whdh.com7News Boston WHDH-TV
                   |Articles |News |مقالات |بيانات

09-10-2015, 12:43 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: عمر دهب)

    Quote: صباح يغرد كالبلبل ماتنسى تكسر اللام
    اكيد الواطه عندكم ماصباح
    لكن ياقبانى انتى كلامك كلو صباحات
    وحتى لو كلامك فيه حساده حسادتك حسادة السرور
    ياخى انت وسط الكلمات القبيحه والشتائم التى يشيب لها الراس هنا
    بقعة من الضوء لاتنطفى اين ماظهر اسمك .

    عمر دهب يا رجل يا دهب ...

    جمل الله كل ايامك ياخي ...

    ياخي لما الواحد يبدأ صباحه بي جنس كلامك ده ... يملأ سدرو هوا و ينفخ جضومه و يمرق يقول

    الدنيا برضها سمحة و فوقها ناس سمحين زيك كده ... رغم انف الشاعر الفصيح التجاني حاج موسى لما قال :
    يا دنيا ياما فيك ناس
    بتقابل الريد بالجفا
    يا دنيا ياما فيكى ناس
    اتعلمت قل الوفا
    ويا دنيا ياما فيكى ياما
    وياما فيكى وبس كفى
                   |Articles |News |مقالات |بيانات

09-10-2015, 12:45 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    Quote: مميّز يا قبانى ..



    بريمة

    بريمة يا رجل يا دكشنري ...


    اسعد الله صباحاتك ...
                   |Articles |News |مقالات |بيانات

09-10-2015, 12:56 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13737

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    Quote: و كمان أبو الحداد طلعنا ايمانو برباط الخيت ندردقه و نسحبه من جحره ...


    أبو الحداد .. دق لي مرواد .. الساعة اتنين .. بديك قرشين.

    (دودرت) أبو الحداد يا عجوز؟

    إزيك ياخ ..

    تلفونك ما بيك خبور
                   |Articles |News |مقالات |بيانات

09-10-2015, 02:12 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    Quote: سلام يا قبة قصة تعشير الكلاب دي بنخليها يفتو فيها الأمريكان الجدد لكن الحادثة انا في السودان ما كان بغيظوني إلا ناس سلامة سلامة تكون مدقوش وديشك سايح يقوموا العطالة من تحت الشجر ويشبكوك سلامة

    و يا منتصر يا صديقي ...

    الأمر ما بخلى من ( لطش ) بعض الغنائم من شرايط كاسيت و نضارات ...

    يعني مِيتة و خراب ديار ...

    (عدل بواسطة يحي قباني on 09-10-2015, 02:13 PM)

                   |Articles |News |مقالات |بيانات

09-10-2015, 02:30 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    Quote: سلام يا قباني...

    تعرف اليومين ديل عندنا في بوسطن ونيوهامشر خبر زول ضرب ليهو كلب جيرانو الـ "شواوا" الدخل بيتو وإتبول فيهو

    ود الخليفة يا فنان ...

    عليك الله الchــواوا ده بيشوتوهوا كان ما غبيان ... ياخي ده كلب زينة ...

    يستاهل لأنه ما عنده قلب ...
    ______________________________________________________________________________
    زمان اصحابي أولاد عمك مختار كانزا بيمسكوا الكلاب الضاله يربطوها في عمود النور و يرجموها شي باليد و شي بالنيل ...

    و مافي زول قال ليهم عينكم في راسكم ...

    و العجب اصحابي أولاد الحكيم في غرب ... كان بدخلوا الكدايس الطاشة جوة شوال و يضربوا بيها الحيط ...

    انت قايل الله غضبان علينا من شوية ... :)



                   |Articles |News |مقالات |بيانات

09-10-2015, 02:32 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    Quote: أبو الحداد .. دق لي مرواد .. الساعة اتنين .. بديك قرشين.

    (دودرت) أبو الحداد يا عجوز؟

    إزيك ياخ ..

    تلفونك ما بيك خبور

    أبو الحداد زاتو قالوا هجّ من البلد ...
    _____________________
    بنقرك سلك بعد شوية ...***

    *** دي حسب القاموس الجديد يا عمو ...
                   |Articles |News |مقالات |بيانات

09-10-2015, 02:36 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    واحدة بتسأل راجلها ...

    ايه الفرق بيني و بين غادة عبد الرازق ؟

    قال ليها هي غادة ... و انتي عبدالرازق ...
                   |Articles |News |مقالات |بيانات

09-10-2015, 02:42 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    غايتو يا قبة
    أهلك الفرنجة عندهم محن بيعرفوها برااااهم
    Quote: تقول الفقرة ....

    اذا اتفق طرفين على ان يعاشر كلب احدهما كلبة الآخر ...

    و حدثت الولادة ...

    فمن حق صاحب الكلب ( المُحمّل ) ان يتحصل على عدد واحد جرو حسب اختياره و لا يحق لصاحب الكلبة ان يختار أي من الجريوات يذهب للطرف الاخر ...

    كما يمكن في حالة موافقة صاحب الكلب المُحمِّل بدلاً عن اخذ جرو من الجريوات ان يتحصل على مبلغ 150 دولار مقابل كل جرو مولود ...

    بحد اقصى خمسة جريوات او 750 دولار ... و لا يحق له الحصول على أي مليم على أي كلب زيادة من الخمسة ... !!!!

    ( هي زاتها لو جابت اكتر من خمسة تكون بنت كلب ) ...


    طيب لو أنجبت هذه الكلبة ( المبجلة ) **** لو أنجبت جرواً واااحدا
    أو قل لو عاش لها بعد الولادة جرو واااحد فقط
    ففي هذه الحالة
    هل يكون هذا الجرو من حق ( أهل العريس ) ؟؟ بـ ( نص القانون ) ؟؟
    أم يكون هذا الجرو من حق ( أهل العروس ) بـ المنطق وبـ ( روح القانون ) ؟؟



    ________________

    هذه الكلبة ( المبجلة ) ****
    والله ياقبة لقد خفت أن أكتب ( هذه الكلبة ) مجرداً هكذا فيظنني أهلك الفرنجة إنني - لا سمح الله - أشتمها
    فألحقتها بـ ( المبجلة )

    هذا ما لزم توضيحه
    فنحن يا صديق لا نقدر على (محن ومكايدات ) الفرنجة

    (عدل بواسطة عاطف عمر on 09-10-2015, 02:43 PM)
    (عدل بواسطة عاطف عمر on 09-10-2015, 02:46 PM)

                   |Articles |News |مقالات |بيانات

09-10-2015, 03:06 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20287

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: عاطف عمر)

    قباني وضيوفه
    تحية
    ماذا عن الحمير
    مرة شفت في السوق حمارة شايعة وجاها حمار .. ومع بداية العلاقة جاء سيد الحمارة جاري .. وابطل الممارسة بواسطه عكازه .الذي فصل بين حمارته والحمار الاخر
    ولحق الحمار عكازين تلاتة
    قال حمارتو حرة والحمار مكادي
                   |Articles |News |مقالات |بيانات

09-10-2015, 03:30 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: عاطف عمر)

    Quote: طيب لو أنجبت هذه الكلبة ( المبجلة ) **** لو أنجبت جرواً واااحدا
    أو قل لو عاش لها بعد الولادة جرو واااحد فقط
    ففي هذه الحالة
    هل يكون هذا الجرو من حق ( أهل العريس ) ؟؟ بـ ( نص القانون ) ؟؟
    أم يكون هذا الجرو من حق ( أهل العروس ) بـ المنطق وبـ ( روح القانون ) ؟؟


    فاتني ان أقول ان نفس المادة من القانون تقول ان الحد الأدنى لأخذ واحد جرو ان تكون السيدة الواضعة قد انجبت جروين اثنين على الأقل ... ( او ثلاثة لا اذكر ) ...

    فليس من المنطق ان تلد جرو واحد ثم يؤخذ منها ....

    ولا في أي قانون ده يا توفي ... نكون عادلين كمان ... ياخي استخدم روح القانون و ليس نصه فقط ...

    عمك الفاجومي قال عن كلب ام كلثوم

    هييييص يا كلب الست هيص لك مقامك فى البوليس
    بكره تتولف وزاره للكلاب ياخدوك رئيس

    (عدل بواسطة يحي قباني on 09-10-2015, 03:31 PM)

                   |Articles |News |مقالات |بيانات

09-10-2015, 03:33 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    Quote: قباني وضيوفه
    تحية
    ماذا عن الحمير
    مرة شفت في السوق حمارة شايعة وجاها حمار .. ومع بداية العلاقة جاء سيد الحمارة جاري .. وابطل الممارسة بواسطه عكازه .الذي فصل بين حمارته والحمار الاخر
    ولحق الحمار عكازين تلاتة
    قال حمارتو حرة والحمار مكادي

    نعم يا حفيظ كلو الا خلط الانساب في الحمير ...
                   |Articles |News |مقالات |بيانات

09-10-2015, 04:44 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13737

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)


    يا عاطف أسئلتك صراحة تعسفية.

    كلامك ده بيشبه كلام ناس الشرع، بيجيبوا فرضيات مافي واحد بيفكر فيها بس لغرض الفتوى.

    قالوا واحد سأل: ما حُكم من يدخل مسجد حاملاً قربة مليئة (فساء).
    في الحالة دي، يكون هو ده السؤال، والا يكون السؤال: هو زاتو ملاها كيف وجاب الهواء ده كلو من وين؟
    _______
    الناس لو عايزين ينظموا الأنساب ما تريحوهم.
                   |Articles |News |مقالات |بيانات

09-10-2015, 05:19 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: محمد أبوالعزائم أبوالريش)

    Quote: يا عاطف أسئلتك صراحة تعسفية.

    يا أبو الريش يا خوي مع الفرنجة ديل الإحتياط واجب

    قالوا ليك

    حرامي نط في بيت
    أهل البيت مسكوهو متلبس بالسرقة
    بنية من هنا وكف من هناك
    عمنا الحرامي عمل فيهم قضية وقال ضربوهو ضرب مؤذي
    لا ، والمحكمة حكمت ليهو بتعويض

    يعني أعمامك أصحاب البيت لو خلوهو سرق سرقتو واتخارج كان أبرك ليهم
                   |Articles |News |مقالات |بيانات

09-10-2015, 05:43 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20287

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: عاطف عمر)

    هههه تعرف يا عاطف قبل فترة قريت قصة حرامي تلب في البيت ووقع في حفرة . رفع قضية علي ناس البيت وكسبها
    خواجات واجرك علي الله
    بسو البدع
                   |Articles |News |مقالات |بيانات

10-10-2015, 12:32 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: عاطف عمر)

    Quote: يا أبو الريش يا خوي مع الفرنجة ديل الإحتياط واجب

    قالوا ليك

    حرامي نط في بيت
    أهل البيت مسكوهو متلبس بالسرقة
    بنية من هنا وكف من هناك
    عمنا الحرامي عمل فيهم قضية وقال ضربوهو ضرب مؤذي
    لا ، والمحكمة حكمت ليهو بتعويض

    يعني أعمامك أصحاب البيت لو خلوهو سرق سرقتو واتخارج كان أبرك ليهم

    طبعاً ...

    قايل القصة فوضى يا توفي ...

    الحرامي في السودان بالعكاكيز لامن دمه يسيح توديهو الحراسة بين الحياة و الموت ...

    و الامباشي في القسم بدل ما يحميه و يعالجو يتم الباقي شلاليت ...

    ياخ انحنا أمم فاشيستية ...
                   |Articles |News |مقالات |بيانات

10-10-2015, 12:28 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: محمد أبوالعزائم أبوالريش)

    Quote: يا عاطف أسئلتك صراحة تعسفية

    اصلوا الولد ده يابو الريش من يومه سندكالي ...
                   |Articles |News |مقالات |بيانات

10-10-2015, 12:57 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)


    أمريكا بلد بِدع ..

    لما جيت أمريكا جديد لنج .. كنت شغال فى "نايت شفت" .. وأخذتنى نعسة وقلت نمشي "سفن إليفن" .. نديها واحد كباية شاي ..
    وأنا داخل علي باب المحل .. إذا برجل يحمل تلفزيون كبير .. ويتتعتع به .. قدمت له دعوة إن كان يريد مساعدة .. قال لي .. نو.
    دخلت المحل .. فإذا بالحبشي والحبشية الشغالين فى الوردية .. يكتبون وكأنهم طلبة مدارس .. شاغلتهم .. قلتهم غريبة اليوم شكلكم ذي طلبة المدارس .. شيئ كراسات وكتابة!

    قالوا أنت ما شايف .. قلت ليهم شايف شنو؟ .. قالوا الحرامي الشايل التلزيون وأنت قابلته فى الباب ..

    هل تصدقوا شعر جسمى وقف .. حرامي شايل التلفزيون عينك يا تاجر .. وصحبي الحبشي أسمو "قفا" .. وما دقاهو ولا حتى أعترضه ..!


    قلت للحبشي "قفا" .. أراه ندقوا الزول وجنيبوا التلفزيون .. قال لي أمشي براك .. !

    أنا وقفت فى الشباك أعاين ساكت .. الزول خت التلفزيون فى "بك أب" .. ودور العربية .. فرفرفر .. وساق مشي .. ديك أخر مرة شفنا فيها التلفزيون ..

    ضرب الحبشي للبوليس وسلمه الأوصاف وأنتهي الأمر بخلو الحبشي والحبشية من المسؤولية ..

    بريمة
                   |Articles |News |مقالات |بيانات

10-10-2015, 03:39 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: بريمة محمد)

    Quote: قلت للحبشي "قفا" .. أراه ندقوا الزول وجنيبوا التلفزيون .. قال لي أمشي براك .. !

    أنا وقفت فى الشباك أعاين ساكت .. الزول خت التلفزيون فى "بك أب" .. ودور العربية .. فرفرفر .. وساق مشي .. ديك أخر مرة شفنا فيها التلفزيون ..

    ضرب الحبشي للبوليس وسلمه الأوصاف وأنتهي الأمر بخلو الحبشي والحبشية من المسؤولية ..

    يا بريمة انت عارف طبعا مليون زول مات مقتول بي درب انا داير يحمي المحل او البضاعة ...

    العملية ما بتسوى ... ياروح ما بعدك روح ... ده القانون السائد ...
                   |Articles |News |مقالات |بيانات

10-10-2015, 01:23 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    Quote: خواجات واجرك علي الله
    بسو البدع

    هاك دي يا حفيظ

    الراجل قرا اعلان في الجريدة و مشى اتبرع بماء الحياة للجوز المثليات ديل ... عشان واحده منهن تحمل ...

    الحاجة حملت وولدت و ( راجلتها ) انفصلت منها و مشت عاشت على دعم الحكومة ...

    قومي يا الحملت اطلبي بالمحكمة انو المتبرع يدفع ليها اعاشة لي ( جناهو ) ...

    و قوم يالقاضي احكم لي صالحها ...



                   |Articles |News |مقالات |بيانات

10-10-2015, 01:39 PM

احمد الشيخ
<aاحمد الشيخ
تاريخ التسجيل: 23-12-2014
مجموع المشاركات: 781

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    مش قبل فترة كان في نقاش في السودان عن قانون جديد لحقوق الحيوان؟
    حتى كان اسمه رفاه الحيوان او حاجة زي دي
    ومع انه الناس وكتها سخرت من الفكرة للمفارقة بوضع الانسان في بلادي واعتبروه نوعا من الترف
    لكن شخصيا كنت معه قلبا وقالبا بسبب الممارسات والظلم البين على حيوانات بلادي
    حلوة حيوانات بلادي دي .. كونه تعتبر الحيوانات في البلد سودانيين برضه
    بالعكس الحيوان اولى بالرعاية لانها ما بتقدر تدافع عن نفسها او تطالب بحقوقها

    بس الفرنجة ديل غلبهم ينظموا العلاقات الحميمة بين البشر
                   |Articles |News |مقالات |بيانات

10-10-2015, 03:08 PM

نادر الفضلى
<aنادر الفضلى
تاريخ التسجيل: 19-09-2006
مجموع المشاركات: 5124

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: احمد الشيخ)


    بوست ظريف

    الفحل الكلب روى يطلبوه يسوى ويدفعوا ليهو ويختار كمان الجرو العلى مزاجو
    ومثيله فحل الحصان والتور ....
    والفحل البنى آدم يدفع عشان يسوى !

    وروى وجروات شجرة العائلة بتاعتهم مسجلة ومعروفة أبا عن أم عن جد وجدة!

    بخصوص حرامية البيوت، عندنا فى السودان تدان إذا أذيته، ولو أصبت زائرالليل (داخل بيتك)
    بعيار نارى دفاعاً عن النفس .. بتدخل فى سجيم وجيم ومحاكمة
    بينما فى أمريكا من يقتحم منزلك تشوتو زى السلام عليكم والبوليس يشكرك .. والبوليس
    يوصيك خليك حريص تشوتو فى حرم منزلك (الجثة ما يلقوها بره فى ال Drive way !

    * ياخ ما كملت لينا قصة عربتك القلبها خردة تاجر الإسبيرات، المحكمة إنتهت كيف ومولانا عادل سمير
    حكم بشنو .. .. أنتهز الفرصة وأحييه

                   |Articles |News |مقالات |بيانات

10-10-2015, 03:21 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: احمد الشيخ)

    Quote: بس الفرنجة ديل غلبهم ينظموا العلاقات الحميمة بين البشر

    غايته بشرهم الهنا ما عندهم قضية ...

    و امورهم منظمة كان بس ختو الون نايت ستاند ...
                   |Articles |News |مقالات |بيانات

10-10-2015, 03:36 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12767

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    Quote: * ياخ ما كملت لينا قصة عربتك القلبها خردة تاجر الإسبيرات، المحكمة إنتهت كيف ومولانا عادل سمير
    حكم بشنو .. .. أنتهز الفرصة وأحييه

    ازيك يابن عمي ...

    تعرف تاجر الاسبيرات كان هو المشكلة الأساسية في القضية تان يوم ...

    الشاب السايق العربية جاي من السعودية و رجل لطيف و مريّش ...

    و ابن عمه زاته مريش طبعا و عنده محلات اسبيرات في المنطقة و من اغنياء المنطقة الصناعية حسب رواية صديقي عبد الرؤوف حاج مروحة صاحب محلات اسبيرات البيجو ...

    بعد بيات الليلة في حوش الحركة في الخرطوم ... و عدم السؤال ان كنت معافى ام لا ...

    قالوا نمشي المحكمة زي الساعة 7 صباحاً كده ( وهي قاعة داخل حوش الحركة ) و القاضي وصل و الان في مكتبه ...

    جوا الشباب منديين و اخوك طبعا وشوا يلعن قفاهوا ... اتمضمضته بي شاي لبن ... مسواك مافي ...

    و دخلنا القاعة و جا مولانا القاضي ... واذا به عادل سمير فردتنا من الخرطوم الاميريه ...

    بس داير ابتسم كده راح ناهرني ليك ...

    بعض الشرح المستفيض قال تمشوا بره و تحاولوا تعملوا تسوية و تجوني راجعين ...

    مرقنا البرنده بره و بس عمك صاحب الاسبيرات قال اقل شي 5000 جنيه ؟

    و كتها انا مهندس في كاربلن مكتب عبدالوهاب و عبود راتبي زي 400 جنيه او حاجة كده ...

    صاحب العربية زاته قال ليهو كتيره نخففها عليهو ياخي ... و بالفعل ساعدني الرجل ما قصر ...

    داك قال ليهو انا بقول 5000 و حالتي لسع ما كشفت على ( الساسيه ) الساسيه ده طلع الشاسي ...

    المهم بي جاي بي جاي قبلت و قلت عليك يا الله ... اخد سلفية المهم اتخارج من المحلة المهببة دي الحتى صاحبنا الفيها نهرنا ...

    دخلنا لمولانا عادل و اتفقنا ... بس جيت مارق و ما داير اعاين لعادل سمير في وشه زاته ... ما خلاص انتهينا ...

    قام نهرني تاني زي اجي جنبو كده ...

    مشيت عليهو قام وطّى راسه علي و قال لي بعد ما تخلصوا بره تعال لي في مكتبي نفطر ... عندي فول كارب ...

    أبو اهلك ياخي منشف دمي من الصباح مالك ؟ ( طبعا دي في سري ) ... ( عادل بكون قراها حسي اول مره اني نبذته في سري ) ..
                   |Articles |News |مقالات |بيانات

10-10-2015, 04:19 PM

نادر الفضلى
<aنادر الفضلى
تاريخ التسجيل: 19-09-2006
مجموع المشاركات: 5124

للتواصل معنا

FaceBook
تويتر Twitter
YouTube


Re: قانون تنظيم العلاقات الجنسية بين الكلاب ف (Re: يحي قباني)

    يا قبانى

    تعرف القضاة البنهروا إلا فى السودان! .. والأطباء البنهرو إلا فى السودان!

    ياخ أنا فى قضية حرامى نط فى البيت إتشالقت وفتحت البلاغ بإسمى، .. والحرامية الثلاثة فكوهم تانى يوم بى ضمان،
    بقيت أنا وشخصين واحد من ود أرو والتانى من الركابية لهما مسروقات ظبطت مع الحرامية .. على مدار أكثر
    من عام مداومين شهريا لحضور جلسات لقضية تؤجل كل مرة لأن أحد المتهمين لم يحضر وكانوا يتناوبون
    فى الغياب عن الجلسات .. الجلسة بتكون مدتها ما أكتر من خمسة دقائق وكلام القاضى نهير، ولما تسمع أوامر
    القبض على المتهم الغايب تقول خلاص المرة الجاية بنتحلا.. تفتح خشمك عشان تحتج علىاللغيابات المتكررة
    للمتهمين وتلتلتنا وضياع وقتنا .. القاضى غير مستعد للإستماع ويديك نهره زى الما حصل شى !
    لحدى اليوم ما قادر أفهم ليه أسلوب النهير دا؟! وأظرف شى يوم غبت من جلسة لم يكن لى علم
    بمواعدها .. طلع أمر بالقبض على الوالد رحمة اللهة عليه (كان عايش وقتها) وعلى أخى
    الأصغر أحمد الفضلى كان شاهد فى القضية .. لحدى اليوم ما عارف القضية حكم فيها بشنو
    أم حفظت .. أنا شخصيا إتحليت منها بالإغتراب !

    مولانا عادل سمير ما أدوها ليهو فى الكلية ولكن دربوا عليها، وكذلك أطباء السودان!
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de