النجيضة أول البوست

Quote: الاخ معاوية انا اقصد بوست جادات.....برضو رفعتو ....وصباح الخير واحسن ليك نمت

Quote: المهم صحيت الليلة الصباح (هههه)*

Quote: وقت النجيضة كملت من أول البوست يبقى الناخد خشم خشمين معاك في عنوان البوست قبل يجوك ناس منتصر :) مريحة جدا قصة النجيضة اول البوست عشان تكسب زمنك من اول مداخلة وتفهم الموضوع وتطلب الله واكان عندك وقت وما بتستثقل دم سيد البوست ممكن تجي تاني تتم الونسة. المغسة في بوستات تقوم وتقع وتلف وتدوّر لي الصفحة التانية ما تعرف سيد البوست عايز يقول شنو

Quote: الكورة في العالم كلو؛ موهبة تتلقى الرعاية والاهتمام؛ والدراسة والمتابعة والخبرة... النتيجة انتصارات مدوية؛ عندنا الدجالين يدخلوا لسانهم الزفر دا في كل حاجة تبوظ... تبا لهم والجهلاء رؤساء الاندية المعينين من المؤتمر الوطني لالهاء الشعب... تبا لهم جميعا... اتمنى خسارة المريخ؛ وهو امر مؤكد بحسابات العقل؛ والتجربة؛

Quote: صديقي وإبن خالي الشاعر حنفي حاج الطيب في اوائل التسعينات قال لي: تعال ياعبيد نترك ثلاثة اشياء مشاهدة الكورة السودانية وكذا سماعها في الإذاعة مشاهدة وسمع أخبار القضية الفلسطينية ترك تعاطي السجائر ومن يومها طلقت الثلاث طلاق تلاتة..

Quote: لكن يا عبيد الرابعة المسكتها دي بتكون كاااربة

Quote: ما ممكن نصل مرحلة أن تكون سعادتنا في تعاسة بعضنا البعض .. أمس المريخاب فرحوا بخروج الهلال أكثر من فرحة أتحاد الجزائر بالتأهل واليوم الهلالاب يتربصون بهم ليردوا لهم الصاع ولن يفش غبينتهم الا يخرج المريخ وبهزيمة ثقيلة كمان . أمس المانشيت الرئيسي في صحيفة رياضية ( وااااي وااااااااي وااااااااي ) يعني لا كورة لا أخلاق لا أدب

Quote: زي اتنين بكونوا بدو ونستهم في الشارع وهم ماشين عليك ولمن يصلوك يكملو ونستهم "من حيث انتهت" يقول ليه متابعا : بس يا سيدي في النهاية اداني البتاعة وداك يقول ليه وما اداك معاها الهناي؟ ويخليك انت تضرب اخماس في اسداس يا ربي البتاعة البجي معاها الهناي شنو

Quote: قال النجيضة هههههههه.. اتا ما تقول غلبني النوم وفرشت من اربعه صباحا عشان نجي نواجبك عدييييل.

Quote: اتا يا معاوية عندك حركات ديش وأكروبات فضائية شأنك شأن المثقفين ورواد الإستنارة كما يزعمون .. قول لي كيف ؟؟ ببساطة لأنو ماممكن تقنعني لو مصت المصحف الشريف وشربتو انك ما عندك علاقة بهلال مريخ لدرجة ما عارف المباراة الإتلعبت بين منو ومنو ونتيجتا كم ؟؟ ياخ حبوبتي التى أكملت هذا الصيف 88 ربيعا قاعدة تسب وتلعن في صحافة المدرجات الملت الجماهير وهم وخزعبلات ( خزعبلات دي قاعدة تقولا خشعبلات )، تجيء اتا تعمل نفسك ميت ؟؟

Quote: اها وحياة نضري

Quote: طلعت مثلي يامعاوية هلالابي Made in Taiwan تصدق مابعرف اسم لاعب واحد في السودان كله خليك من الهلال لكن الولف كتال كما يقولون ..الهلال ولا القعاد في السهلة بس التعصَب قل .. الغلب ناكلوا في حنانا ساااكت بالجد كده طلعت كم

(عدل بواسطة معاوية الزبير on 10-05-2015, 05:16 AM)

Quote: يتخيّل لي هو زاتو زهج و ح يناقش على هذا الأساس

Quote: مثلك تماما أقف محتارا حين أبحث عن نتيجة منتظرة لخبر ما , ولعل الأخوة الافاضل بالبورد متيقنين أن الجميع قد شاهد الحدث موضوع الخبر , وما يجب أن يكتب هو التحليل فقط , وحتى التحليل يكتب من الزاوية التي يقف عندها الكاتب فقط , والأمر يصبح متعة للكاتب ذات نفسه وامتاع لآخرين ينتظرهم الكاتب بمداخلاتهم التي تثري البوست المعني, أما للباحثين عن النتائج فلهم الله وعليهم الصبر الجميل الى أن تفرج

Quote: انت صحي بوستك ده موضوعه شنو ؟

Quote: يسلم نضرك يا حبيب وما تشوف شر اول في التبادي النرقد ليك رويحتك الهلال طار بالتعادل صفر صفر في الجزاير ثم ثانيا العيد يتبارك عليك انت والاسرة الكريمة وكل من تحب وأخيرا الحاميك النوم شنو بالله ياخ

Quote: بعد ما وصل نص المسافة قال للسواق: إنت البص دا ماشي وين يا أخينا.

Quote: هسّي ياتنظير مش بتستاهل قوم لف من امّها !!

Quote: طلاق بائن بينونة كبرى الحمد لله رب العالمين فقد أنعم على من ضمن نعمه التي لا تعد ولاتحصى أنعم على بأن ( أطلق بالثلاثة ) وأنا في عنفوان شبابي وكامل صحتى أطلق شيئاً إسمه ( الكرة السودانية ) بهلالها ومريخها وفريقها القومي ذات نفسو والحمد لله أن حدث ذلك الطلاق البائن بينونة كبرى قبل أكثر من عشر سنوات في وقت لم يكن مرض السكر قد عرف طريقه إلينا وكنت أظنني أبعد الناس عن طريقه كنت هلالياً متعصباً وليس لتشجيعي للهلال من سبب ظاهر فالشعب السوداني يولد بالفطرة مسلماً وهلالياً وكنت أشجع فريق التاكا في مدينة رفاعة ، أحببته منذ كنت طفلاً في المدرسة الإبتدائية ، ربما لوجود أساتذتي عمر محيسى وصالح سليمان والصادق عبدالكريم سليمان ( الصادق أب صلعة ) بين صفوفه صدقاً لا أذكر سبباً محدداً ولا موقفاً لذلك الطلاق البائن ، فقد وجدتني وبعد أن كنت أحسب الساعات والدقائق من بعد ثلاث أيام لأى مباراة وجدتني لا أهتم بأن أتفرج علي على أى مباراة حتى وإن وجدتها متلفزة أمامي... وإن حضرتها لا أتذكر أحداثها بعد دقيقة من إطلاق الحكم لصافرة النهاية وبالطبع صرت أجهل حتى أسماء اللاعبين بعد أن كنت أحفظهم وأحفظ سيرهم الذالتية منذ أن ولدوا . يا ربي أكون مالي ؟؟

Quote: عاطف عمر يمين شككتنا في روحنا دي. قلنا الزول دا سمع ولّ جابو ليهو. المهم يا حبيب الحال من بعضو لكن انا ما جبت سيرة الطلاق دي في خشمي انسحبت تدريجيا.. مرة مسيار ومرة مسفار ومرة مصياف لغاية ما وقفت على نهائي كاس العالم بعدين خليك من عدم معرفة اللاعبين، أنا مشجعين المريخ من مشجعين الهلال ما فارزهم في المنبر دا ومشتاقين والله