|
|
|
 Re: الجلابة الحلوين (Re: اباذر عبد العال)
|
يا اسماعيل البوست واضحة فيه الروح اللطيفة التي التقطها بريمة و الغالي, مالك فاتت عليك
تعال في بوستات اخرى جادة اثر مشاكل الجلابة و الغرابة
كن بوستات ابوبكر شكّاك دا للونسة و التفريق وفك الدبرسة حسب المقاولة مع بكري :)
| |
  
|
|
|
|
|
|
|
|
Re: الجلابة الحلوين (Re: محمد البشرى الخضر)
|
السلام و التحايا لصاحب البوست و ضيوفه الاعزاء
و مرحبا بالجميع في واحة الجلابة الحلوين، و يا
اجمل الحلوين وين عهودك وين.. كما لا يفوتنا
ازجاء وافر الشكر و التقدير للحبيب بكري
ابوبكر لمنحنا عضوية المنبر و نأمل ان نساهم
معكم و نفيد و نستفيد ..
ارقدوا عافية..
| |
|
|
|
|
|
|
|
|
|
Re: الجلابة الحلوين (Re: محمد على طه الملك)
|
قلت أتعزز وأغيب شويّة، لكن لقيت روحي بعد نحلب البوش ما عندي أي حاجة
أها قلت أخير نرجع لمراح العرجا!
بروفسور حسن فرح صديقي من نافذة الفيسبوك معترض على جعلنة (جعله جعلي) عمر الخليفة وبقول أنو عمر رباطابي!!
يا بروف، إتّو كلكم ستة وعشرين زول، كمان دايرين تعملوا ليكم كيان منفصل عنّا!!
يا كا إتّا وبابكر بدري، وشوقي بدري، ومعاوية الزبير
ستة وعشرين ذاتو ما تامين
| |
|
|
|
|
|
|
|
|
|
Re: الجلابة الحلوين (Re: أبوبكر عباس)
|
يا مولانا المك شفت نتيجة فحص الجينات بتاعة الدناقلة والبجا والميدوب ..
ههههههه تطابق تاااام ..والله أنا ذاتي لما إتحيرت .
التكوينات القبيلة الحالية معظمها نتيجة لتحالفات ومشيخات ونزوح ..كما ذكر صديقي الباحث التاريخي رشيد السر عبر نافذة فيسبوك .
| |
|
|
|
|
|
|
|
|
|
Re: الجلابة الحلوين (Re: AMNA MUKHTAR)
|
يا أمونة الشغلا ولا دايره فحص جينات لإنو البجا حكمو وادي النيل والنوبة حكمو سواحل البحر ..
عندي ملاحظة كل حضارات وادي النيل ( الكوشية ) تقع شرق مجرى النيل وتداخلت امتداداتا حتى الحبشة وسبأ وممالك حمير..
وحدين قالو لحدت الهند .
وتمددت غربا إلي الجبال الواقعة على بعد ثلاثة مراحل من النيل حسب الأسواني..
وجنوبا حتى قرية (كرسي )على النيل الأبيض ربما كانت هي كوستي يعني ناس وداب سن ذاتم خاشين في الجك ههه..
:
اتمنى للجلابي ابوبكر إقامة طيبة في البوست ..
:
يا معاوية خيرا تعمل ....
| |
|
|
|
|
|
|
|
|
|
Re: الجلابة الحلوين (Re: محمد على طه الملك)
|
سنة واحد وتسعين كنت شغال باحث حقلي بمشروع ألماني لأبحاث الإبل بالبطانة، ولأسباب إدارية بكلية البيطرة جامعة الخرطوم كنت بسافر لمحطتنا الحقلية (مجرد قطية) باللواري وفي زي تمانية كيلو من آخر نقطة مدنية كنت بمشيها بكرعي أو على ظهر دابة، مرات على ظهر حمار من حمير الري بتاعت فريق السعدية العاملين فوقو المحطة، أو على ظهر ناقة، وكنت بنوم مع الرعاة في البر متابعا إبل الأبحاث ويحدث أحيانا أن تجلس في مخلوفة موضوعة على الأرض وتتغطى بمشمع (كان لونو اصفر) طيلة الليل أثناء هطول المطر.
كزول حنكوش من مدني، الحياة دي كنت بقشر بيها على أصحابي وأهلي في مدني كزول خشن ومغامر
أها مرّة زرت عمي المرحوم أحمد سلطان بمزاد مدني وونستو بالبعمل فوقو بفخر شديد
رد لي قائلا وكان زول رائع الحكي والونسة: والله يا بابكر ولدي، لقيتوها بااااردة
حكيت رأسي وشفطت لي بقة من الشاي وقلت ليهو: كيف الكلام دا؟
قال لي في الأربعينات أنا وفلان، وفلان العامل فيها برجوازي* دا، وفلان ال... إشترينا لينا تلاتة وأربعين حمار من حمير شندي الأصليات ديك، وضربنا البطانة دي قاصدين القضارف، كلما ما نمشي لينا مسافة ستة سبعة ساعات نريح لينا في حلة، وأهل البطانة ديل والله، يا بابكر ولدي، كلهم دواوينم مفتوحة وما قصروا معانا، وحتى حميرنا بكرموها، يا أخي البطانة دي فيها كترة قرى جعليين، وحات الله، يا بكّة، كل ما يجيبوا لي كورة لبن بالليل فوق التعب داك، بسري أدعو للمك نمر وأتمحن في الفائدة الجابت لينا جريتو!
أقاطعو: يعني أحسن من ركزة ود سعد؟
يرد: يا أخي ركزة ود سعد شفنا منها شنو؟!
وصلنا القضارف وبعنا البضاعة بقروش محترمات، وإشترينا لينا عيش وديناهو مدني ومن ديك وعيييك
ــــــــــــــــــــــــــــــ
* برجوازي دي من أنا، لكنو وصفو بكلمة تدي المعنى دا
| |
|
|
|
|
|
|
|
|
|
Re: الجلابة الحلوين (Re: أبوبكر عباس)
|
Quote: بروفسور حسن فرح صديقي من نافذة الفيسبوك معترض على جعلنة (جعله جعلي) عمر الخليفة وبقول أنو عمر رباطابي!!
يا بروف، إتّو كلكم ستة وعشرين زول، كمان دايرين تعملوا ليكم كيان منفصل عنّا!!
يا كا إتّا وبابكر بدري، وشوقي بدري، ومعاوية الزبير
ستة وعشرين ذاتو ما تامين |
والله بالغت يا بكور، أها ديل اربعه ونعمات حمود خمسة وبت عوض الكريم سته
وأحمد عمر الرباطابي براهو عشرين
| |
|
|
|
|
|
|
|
|
|
Re: الجلابة الحلوين (Re: معاوية الزبير)
|
ول أب ابوبكر،
يا أخى حرام عليك .. زي ما قال معاوية
Quote: بروفسور حسن فرح صديقي من نافذة الفيسبوك معترض على جعلنة (جعله جعلي) عمر الخليفة وبقول أنو عمر رباطابي!!
يا بروف، إتّو كلكم ستة وعشرين زول، كمان دايرين تعملوا ليكم كيان منفصل عنّا!!
يا كا إتّا وبابكر بدري، وشوقي بدري، ومعاوية الزبير
ستة وعشرين ذاتو ما تامين |
بروفسر حسن فرح، رجل أمة كاملة بحاله ..مثل سيدنا أبراهيم الخليل.
هل تصدقوا البروف هو ضمن الرعيل الذين سودنوا مدارسنا فى جنوب كردفان!
بريمة
| |
|
|
|
|
|
|
| |
الطيب رحمه قريمان
Elmoiz Abunura
محمد البشرى الخضر
Faisal Saad
محمد على طه الملك
أبوبكر عباس
معاوية الزبير
بريمة محمد
فيس بوك
تويتر
انستقرام
يوتيوب
بنتيريست