|
|
 Re: ود ابوسن، ود شيقوق، ود البوش، ود المنسي، انتو ناس سمحين... (Re: النعمان خوجلى)
|
انتو عارفين يا إسحاق واميرة
Quote: يا خي دي أشهر Coffee Company وفنجان القهوة عندهم بـ 17 ريال وعليك أمان الله أكان أدوك معاها قروش ما تقدر تشربها من مرارتها، وعندنا هنا أصبحت موضة ونوع من البرستيج كل واحد يجيك من الصباح طابي كبايتو الورقية المزخرفة ليها قدوم زي قدوم ود أبرك ومصوها مص ما بشربوها شراب، والسندويش عندهم أقل حاجة 25 ريال وحات الله كان جيعان ليك إسبوع ما تقدر تشيل منه قضمة وكان راتبك ألف ريال كان ما جيت شايل الصباح قهوة الاستاربكس يعني إنت زول ضهاري وماك متحضر. الليلة عاد فضحتنا جنس فضيحة مع ناس أمريكا وهولندا
|
من أيام كنت محامي سنة 86 بمدينة السوكي كنت بصل المكتب يوميا الساعة السادسة صباحا عشان اتصفح في المجلات القضائية لانو مسجلة فيها اشهر القضايا باللغتين العربية الإنجليزية وكنت حريص جدا لحظة تصفحي هذه ان يكون فنجان القهوة المتنتن قدامي اتجغم واقرا - وحتى لما جيت الخليج الهندي عارف انا مع الصباح ما عايز غير نسكافى . وكمان لم ازهج خلال يومي الجمعة والسبت بمشي مخصوص لكارفور عشان اشرب القهوة البدوسوها تززززززززززززز وبراك تمشي تخمش ليك قصبة قصبتين حقات سكر و تقول كدا تتبوبر - اها اوع القهوة البدوسوها تزززززززززز دي ياها اللاخمننا بيها يا ناس البندر - باقي لي اسحق دور مكنة البنادر كمان
| |
  
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
غايتو يا اميرة زولك أبو سنينة هسه يكون ضحك ضحكة لامن اتفنقل من عنقريبو - أصلك ما تغلطي قدام أبو سنينة و تقولي ود شيقوق بهدوا ليهو ورود و زهور انتظري هسه بجيت ناط يقول شنو
بعدين الاستار بك دا شنو ؟
دى خمارة العجين عند الخواجات بسموها استار بوكس ................ ات يوم من كتر مقابضتك واكلك للكسرة حااارة من الدوكة ما غطسوا ليك رويسك دا فى الخمارة بتاعت العجين او تشوك فى يدك بعود مولع من تحت الدوكة
ورد وزهور............ سبحان الله العربيى كان نهرة واحد عشان يجرى 2 كليو بقلع البوتا من العيش فى المشروع الان حواشات ورد قادر الله فى خلقة ( من حواشة عيش فتريتة لحواشة زهور ورد ) والله يا بت عمسيب سويتها فينا يا بت عمى مالك علينا كنا كويسين ومرتاحين
البردانة موتى من الصقط حقك لحق امات طه هههههههههههههههههههههههههههههههههه
ود بلة اخوى قلت العريبى كان فتح بجيب لاهلة بلية ....................... الله يستر على ناس البردانة ............ شكلها جاياهم كبيرة خلاص
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Yousif A Abusinina)
|
الله يسختكم يا المسانيح
وحات الله قايلها برنامج تلفزيون ستار اكاديمي
خالتي لو ما قلت البن قدامها وشمت القلوة في قلاي الخشب .. وكشحت حبة سكر في البن .. وجابت المدق وعزفت عليهو انغام .. ترفع وتخت وتحرك حديدة البن وتطلع نغمات عذبة الجبنة ولا بتخش ليها في راسها
باقي تجيبو لينا الايس كوفي
واحد صحبي قبل 6 سنة جاب لي 4 كراتين ايس كوفي و 5 كراتين بيرة خالية كحول مدتها قربت تنتهي .. عليك الله ختيتها في التلاجة ووقعت فيها بي قدومي
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Yousif A Abusinina)
|
اخي النعمان
تحية وسلام منى ومن بقية رفاق درب الاميرة
Quote: الاخ الجميل ود شيقوق هذه القصة الجميلة وسردك الجميل لها تجعلك لاتمل من قراءتها، فهل نشرتها من قبل فى فى احدى الصحف او المنتديات.
|
الله يخليك - نعم نعم نشرتها في سودانيز اونلاين هذه وقد طلبها منى احد الصحفيين لنشرها ولكني رفضت
لو عايزها كاملة امشي لقوقل واكتب ( قصة غرامية في محراب القضاء ما الذي دفعني للمشاركة في هذه الجريمة - شيقوق)
لك وافر الود
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
ود ابو سن شوف زولك قالك كان تعدلوووووووووووو ................................خبرات وحضارات سادت ثم بادت ههههههههههههههههههه
هوووى يا بت عمسيب والاميره نعمان ود خوجلى دخل كفووووه لسان العريبى المسنوح دا
وحات الله العريبى دا عاوز دردقة لكن بجيب اخررررررره
هههههههههههههههههههههههههههههه ها يا اميرة مش قلت ليك ود أبو سنينة كايس ليها - عشان تاني ما تجدعي ساي ياخ هههههههه
ود اب سن
كيفتني بالحيل لكن كراتينك دي كان ممكن تعمل ليها تلقيح عشان يكون الاب من قلب أثينا والام سلالة الرديف ............. نضييييييييييييييييف
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Yousif A Abusinina)
|
عزيزي النعمان ود خوجلي
مرحب في الحوش الواسع
فعلا زي ما قلت ديل ناس سمحين واذا انت رجعت لأول مداخلى لي
عن سبب فتح البوست حتعرف سبب سماحتهم وواصل كمان لجوه وتعرف روائعهم
البقدموها هنا..
وكل زوارنا هنا ناس سمحين ورائعين .. وكل يوم بنكتشف ابداعات جديدة
ونرجو ان تواصل وتشاركنا مما عندك من ذكريات...
والله يديك الصحة والعافية
تخريمة
يا ود شيقوق انا طبعت قصة .. قصة غرامية في محراب القضاء ..." وابتديت في
قراءتها وبعد داك بنجي للتعليق..
والله يديك الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
سلامات شيقوق
الأصل في منتديات النقاش أنه الناس كانت تختار اسم مستعار عند التسجيل وهي عادة تجدها في جميع المنتديات بجنسياتها المختلفة. والحقيقة هي عادة حلوة وحميدة لان الاسم المستعار ممكن يكون عنده دلالات وأيضا تنتبه له الذاكرة وتتعامل معه بصورة أفضل. وهكذا كان التسجيل هنا في المنتدى في البداية إلى أن "تغيرت" القوانين
(لاتاحة الفرصة لاكبر عدد من الناس للسب والشتم ولايذاء الآخرين في أنفسهم وأهلهم) وكثير من أوائل المسجلين هنا أتوا من منتدى آخر بنفس اسمائهم المستعارة هناك وأنا منهم. لما حاولت اسجل في المنتدى الآخر ما قدرت اسجل باسمين اخترتهم لانهم لم يكونوا متاحين وبصراحة تضايقت من الموضوع ثم لمحت اسم واحدة من المشاركات
"جوافة".. وفجأة قفزت إلى رأسي حبوبتي و"غلوتياتها" – وقد عشنا كل سنوات الطفولة بعيدين عنها لذلك كانت المرات القليلة التي كنا برفقتها مميزة وعالقة في الذاكرة - تذكرت غلوتية تقول فيها "طاسة تمنطاسة في البحر غطاصة بطنا لولي وضهرا نحاسة" وكانت الاجابة الرمانة وسجلت على طول بهذا الاسم، عليها رحمة الله. هذا
مع العلم بأن الجوافة والرمان من الفواكه المزعجة في الأكل بسبب كثرة البذور :)
المسنوح أب تفه شينة وكانت عاجباه اتمنى أن يكون قد فقد آخر شعراية منها وأهديه هذا الرابط وأدعوه للمشاركة فيه
تحياتي استاذ الطيب..
...........................................
خلال عودتي لبوستات عام 2012م كي اطبع القصة الغرامية في محراب القضاء كاملة وجدت شخصية سمحة جدا وتعليقاتها سمحة شديد واسمها رمانة ..
ودعوتها للمشاركة معنا في الحوش الواسع..واسمها رمانة .. واقرأوا مداخلتهاواظنها اول واحدة استخدمت تعبير المسنوح والسنوحة..
والله يديكم الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبدالحفيظ ابوسن)
|
Quote: يا خواني ابو سنينة دي قال مشغول الله يسهل عليهو وود شيقوق مشغول وود ابو سن
رغبة في الكتابة معلنة العصيان اها شن بنسو ؟ انا ذاتي بعد كم يوم مغادرة
واهو وصيتكم الموت من الحياة مو معروف واختص اخوي ود بلة وكل الاحبة البسعودية
لو حصل قدر الله وامره تحجوا لي والموت من الحياة مو معروف انا بخاف من ركوب الطيارة
وبعتبرها وسيلة الموت السريع اكتر من الوصول ههههههه ومو بغيير رأي فيها علا لما اصل
بالسلامة محل ما ارك اها عشان كدي دي وصيتي يا الحبان قررت السفر لي مصر وربنا يوصلنا
بالسلامة ودعواتكم الصالحات . |
بت عمسيب صحي مسافرة ومفارقانا وممسخة علينا دُنيانا
تمشي وتجي بي السلامة
ومادام من شندي انا قدرت أدخل النت أكيد في قاهرة المعز بتلقي ليك دبارة تدخلي وتطلي
لكن يا الحبيبة أجعي وعجلي ف العودة لبلد الزهور عشان أنا ناوي أزورك وبين الحقول نجلس
وبدل الحرف يكون نضمي
الأميرة بت مصطفى ود السيد ( أها قصرت مع ابوك ) عاد تاني بغلط وأجيب سيرة عبدالرحيم الخلتو قرب يقد شاشة المنتور ويدخل
لي
قبل يومين كنت في الجزيرة
والجزيرة يا بت السيد مي جزيرتكم ( الجزيرة أم دوح ) دي جزيرتنا في سواقي شندي
وهي الأرض الزراعية التي يطمرها النيل في ايام الفيضان وعندما ينحسر ماء الفيضان تزرع بقية السنة وهي أخصب الأراضي
وكان يوم روعة أدت فيه ذكريات الصبى وركوب الخيل وإتقلبت فوق ضهر المهرة زين لما نزلت غلبني المشي
وصلنا الجزيرة حوالي الساعة العاشرة صباحاً شايلين معانا لحم الضان المو خمج شدينا حلتنا على حطب وما أجملها حلة ويقودا
حطب وخلينا تجقجق فوقنا ناراً هادية
معاي أخوي الأصغر المهندس محجوب وابن عمتي حسن ( المشرف على مزارع العيلة )
خلينا الحلة فوق نارها الهادية ونزلنا علي البحر
البحر هو النيل يا بت السيد بنقول لي البحر وكان قلتي النيل بقولوا ليك آ جنى ما تنضم لينا بالأقليزي
طفرت لخاطر بعض ابيات شعر وأنا اقترب من البحر ابيات من قصيدة ( بت البلد )
التي قال فيها الشاعر
تقعد تحُش اللوبي
لي الكاويق تقش
تصل البحر...
والموج يداعبا
فوق هِدوما ينط يرش
خضنا في البحر لمشافة متيرات معدودة
عاد الما الجزيري بقت مخاضي
وتحت طوفين زِيادي
وعُدت وعادة الذاكرة لأيام خلت وكُنت يافعاً طري البدن أيام الطفولة عندما كنا ننزل لي البحر نعوم
وكنا أيامها نتحدى بعض
من هو العوام
من هو الغطاس
كنا نرمي بكرة العُشر في العمق نقول ( لمن تحدده وتريد أن تتحداه )
ديك أمك ( اي كرة العُشر )
وما إن يسمع هذه اللفظة من الحدي حتى تراه سبح لكي ينقذ أمه ويصل لها ويأتي وترمي له الثاني
ديك أختك
وما يأخد نفس يعود لكي ينقذ أخته
وعندما يعود بأخته ترمي له الثالثة والأخيرة
ديك جارتكم وتمسي له واحدة من بنات جيرانهم
فيعود وينقذها
وعاد الما بنقد ديل التلاتا مو راجل
وكانت أيام خلت جمالها وروعة الروح فيها
كانت تلك حياة طفولتنا ببساطتها ربت فينا معانٍ كبيرة ( قدر الأم والأخت والمرأة )
وليعودة لوصف ذاك اليو الجميل في الجزيرة
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
Quote: خلال عودتي لبوستات عام 2012م كي اطبع القصة الغرامية في محراب القضاء كاملة وجدت شخصية سمحة جدا وتعليقاتها سمحة شديد واسمها رمانة ..
ودعوتها للمشاركة معنا في الحوش الواسع..واسمها رمانة .. واقرأوا مداخلتهاواظنها اول واحدة استخدمت تعبير المسنوح والسنوحة..
|
رمانة الاسم مكتوب بالانجليزي نعم - يا بت السيد - الله يديك العافية - يعجبني حضورك ومتابعتك لكل حرف يكتب في هذا المنتدى
في الحقية رمانة ليست اول من اطلق كلمة مسنوح وانما هي التي اختارت عنوان لاحد البوستات الذي بدات احكي فيه عن مسيرة حياتي وكان عنوان البوست الذى اختارته رمانة ( رحلة العمر و مشوار السنين ) وهو مؤرشف الان في مكتبتي بسودانيز - لم يتسن الى مواصلة الكتابة لاسباب متعلقة بزحمة العمل .
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
ود اب سن
اما انا او انت خارج الشبكة - الزول الزي سمعت بيهو منو.؟
اميرة
Quote: الأصل في منتديات النقاش أنه الناس كانت تختار اسم مستعار عند التسجيل وهي عادة تجدها في جميع المنتديات بجنسياتها المختلفة. والحقيقة هي عادة حلوة وحميدة لان الاسم المستعار ممكن يكون عنده دلالات وأيضا تنتبه له الذاكرة وتتعامل معه بصورة أفضل. وهكذا كان التسجيل هنا في المنتدى في البداية إلى أن "تغيرت" القوانين
(لاتاحة الفرصة لاكبر عدد من الناس للسب والشتم ولايذاء الآخرين في أنفسهم وأهلهم) وكثير من أوائل المسجلين هنا أتوا من منتدى آخر بنفس اسمائهم المستعارة هناك وأنا منهم. لما حاولت اسجل في المنتدى الآخر ما قدرت اسجل باسمين اخترتهم لانهم لم يكونوا متاحين وبصراحة تضايقت من الموضوع ثم لمحت اسم واحدة من المشاركات
"جوافة".. وفجأة قفزت إلى رأسي حبوبتي و"غلوتياتها" – وقد عشنا كل سنوات الطفولة بعيدين عنها لذلك كانت المرات القليلة التي كنا برفقتها مميزة وعالقة في الذاكرة - تذكرت غلوتية تقول فيها "طاسة تمنطاسة في البحر غطاصة بطنا لولي وضهرا نحاسة" وكانت الاجابة الرمانة وسجلت على طول بهذا الاسم، عليها رحمة الله. هذا
مع العلم بأن الجوافة والرمان من الفواكه المزعجة في الأكل بسبب كثرة البذور :)
المسنوح أب تفه شينة وكانت عاجباه اتمنى أن يكون قد فقد آخر شعراية منها وأهديه هذا الرابط وأدعوه للمشاركة فيه
|
برضك زي الطشيتي خارج الشبكة هههههههههه الكلام الفوق دا على أي خلفية ؟ شطبتي راسي
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
سلام للناس السمحة لما تعشرق ..
Quote:
بت عمسيب صحي مسافرة ومفارقانا وممسخة علينا دُنيانا
تمشي وتجي بي السلامة |
الحبيب ود المنسي ان شاء ما تمسخ عليك الحياة وخلاس حا اكون علي امل اللقاء لما
ارجع باذن الله .. عمومآ حا اغادر يوم 27\12 واتوكلت علي الله .. الليلة مشيت الحواشة هيلتي
وهدو جبت ليك منها ربطة زهور تشبهك يا المريود ..
| |
|
|
|
|
|
|
|
|
 Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
سلامات يا المسانيح ....
طبعا بقينا نستعمل التعبير ده بقوة قلب بعد ما عرفنا انها ما شتيمة..
وما شاء الله الحبايب كلهم مجتمعين بس بنت عمسيب ووضاحة وسلمى وولد حلتنا ود الفاضلاب
مسجلين غياب.
الحبيب ود شيقوق
اطلعت على الجزء الاول من قصة غراميات بت السوكي بعدما الاميرة طبعتها لي
والبداية روعة .وهسع روحي مشحتفاني عشان اقرا بقية القصة .
الحبيب اسحق بلة
بالمناسبة ناس استار بكس ديل بيستغلوكم استغلال سئ لان كباية القهوة مفروض تكون
عندكم في السعودية بسبعة ريال فقط لان السعر هنا تقريبا دولارين فقط للكباية الصغيرة
لكن الكباية المتوسطة حوالي دولارين ونصف..مفروض تحتج.لكن اظنهم بيحددوا السعر
على حسب دخل الفرد.وطبعا السعوية بلد النفط والمال واغني بلد في الدنيا ،بعد دولة قطر،
لازم دخل الفرد بيكون بيساوي دخل الفرد في امريكا مرتين.
وانا قرات الاسبوع الماضي في جريدة امريكية اقتصادية ان اعلى دخل للفرد في العالم الان في
دولة قطر وبعدها الكويت وبعدها بروناي دار السلام.
وسمعت من الاميرة ان الحبيب ود المنسي بيقضي اجازة في شندي وما بيقدر يدخل النت الا نادرا.الله يكون في العون
لكن الجميل انه بتنفس الهواء والنسيم العليل الهابي من الاتبراوي
واشمعنى يعني ود ابوسن بيدخل النت بالسهولة دي ومسجل حضور جميل.ولا احتمال ناس كوستي عندهم تقوية
في النت
ومع اشواقنا ودمتم بالف خير لحين عودة المسنوحة الاميرة بعد فترة غياب اسبوعين او ثلاثة وكلفتني بمواصلة
قصة اسرة بن لادن وشرحت بهناك ليه كلفتني.
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
بختنا وضاحة المرشحة للجنة اختيار العناوين المعلقة جاتنا
تاني نصلح علاقتنا معاها كويس هي اصلا ما بتوافق الا على تعليق بوستات الجكس الحبشي بس هههه
اميرة
تمام كملي قصة بت السوكي وتعالي مقبلة لينا
| Quote: بالمناسبة ناس استار بكس ديل بيستغلوكم استغلال سئ لان كباية |
امبارح طبعا كنا اوف ودايما بمشي كالفور ، اكبر محل تسوق في السلطنة ، عشان اطلب لي فنجان قهوة وما بعاين لاي لافتة عشان اعرف اسم الشركة
امبارح مشيت لهذه المحل وطلبت قهوة - الموظف جاب لي القهوة ومعاها ورق استبيان للعملاء لتصنيف خدماتهم من حيث الجودة
اها من ضمن الاسئلة ( هل حصل ان تعاملت مع ستار بكس؟) طوالي تذكرتكم وتذكرت اسحاق ود البلة وفقعتها ضحكة براي كدا في المقهى
غايتو كتر خيركم ثقفتونا - تاني ادوني جرعات زي دي طوالي عشان اكون مواكب وكدا .
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
تانى مافي جكس ولا حبش انا عاوزة ابقي سلفية
وبجى كل يوم هنا املئ ليك خشمك دا طين وامشي
حكى عجيبببببببببببب وقريببببببببببب ظنيت دكتورة الحريم على قول ود المنسى تكون ميوردة ومرتفعى الحراررة
الكلام دا من راسك او كراسك وضاحة هههههههههههههههههههههههه.................... دا قول شيقا زمان سجيمة وردمية اصلا ما مارق منها قاعد ابارى لى فى الجكس يمين ويسار (العريبى استعد وابقى جااااااااااااهز عاوزة تطير يوبيلك بتاع الحديد فى راسك )
الطين اللسجم خشيموووووووو المافية غير النضمى وطولت اللسان
اب سن اخوى اتوسط لصاحبك من وضاحة ............. جات لصاحبك زى الصاروخ
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
الناس السمحون.
سلام ومحبة
| Quote: الاخ الجميل ود شيقوق هذه القصة الجميلة وسردك الجميل لها تجعلك لاتمل من قراءتها، فهل نشرتها من قبل فى فى احدى الصحف او المنتديات. |
طبعا نشرها في سودانيز وكانت تلك اللحظة التي كشف فيها شيقوق عن جوانب مدهشة في كتابة السيناريو بعيدا عن القانون.
قال نجيب محفوظ ذات مرة :" إن الذي يريد أن يتعرف على نجيب محفوظ سيجده في الرواية وليس السينما" وقلنا ساعتها الزول العاوز يتعرف على قدرات شيقوق السردية عليه بـ " بقصة حب في محراب القضاء".
بالمناسبة يا شيقا عزيزنا إسحاق بلة الأمين ده زول " فرانكفوني" عشان كده كتاباته دائما متلألئة وذات بريق يعني جاية من عامود عاصمة النور مباشرة!
محبتي
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الفاتح ميرغني)
|
Quote: بالمناسبة يا شيقا عزيزنا إسحاق بلة الأمين ده زول " فرانكفوني" عشان كده كتاباته دائما متلألئة وذات بريق يعني جاية من عامود عاصمة النور مباشرة!
|
الأستاذ/ الفاتح ميرغني
شكرا جزيلا وكتر خيرك على الثناء على مشاركاتي وكتاباتي المتواضعة التي أرى أنها ليست ذات قيمة وسط هذه المجموعة من الفطاحلة أمثال مولانا ود شيقوق وصحبه الكرام / الكريمات. مثل هذا التشجيع يحفزني أكثر على المشاركة والتجويد.
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
الفاتح طوكيو
Quote: طبعا نشرها في سودانيز وكانت تلك اللحظة التي كشف فيها شيقوق عن جوانب مدهشة في كتابة السيناريو بعيدا عن القانون.
قال نجيب محفوظ ذات مرة :" إن الذي يريد أن يتعرف على نجيب محفوظ سيجده في الرواية وليس السينما" وقلنا ساعتها الزول العاوز يتعرف على قدرات شيقوق السردية عليه بـ " بقصة حب في محراب القضاء".
بالمناسبة يا شيقا عزيزنا إسحاق بلة الأمين ده زول " فرانكفوني" عشان كده كتاباته دائما متلألئة وذات بريق يعني جاية من عامود عاصمة النور مباشرة!
|
والله يا الفاتح اخوي الف الف شكر لكن بالغت عديل البتصنف درابي البجدع فيهو دا بكتابات نجيب محفوظ
ايوا كلامك في العزيز إسحاق صاح الزول فرانكفوني لكن خات نفسو دي في الواطة يطول عمرو
ياخ لما بنات البندر ( بت السيد وبت عمسيب ) زنقني بالستار بكس اخوي ود البلة جاني ناطي زي سريع النهمة وحياتاك زولاتك تفرقنّ ايدي سبأ
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
| Quote: ياخ لما بنات البندر ( بت السيد وبت عمسيب ) زنقني بالستار بكس اخوي ود البلة جاني ناطي زي سريع النهمة وحياتاك زولاتك تفرقنّ ايدي سبأ |
لوووول يا شيقا النصيحة لله الأميرة بت السيد دي ادتك: The benefit of the doubt
وبعدين بت عمسيب دي الوحيدة الجات بحديقة من الزهور والورد في هذا البوست فإستحقت لقب البت الحديقة!
محبتي لكم جميعا.
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Abdlaziz Eisa)
|
والله يا الاميرة
بوستيك عمر عمار طالما جاب ليك محبوب الجماهير وسفير السودان في طوكيو الفاتح ابن الميرغني -
وكمان شايف تحت جاك - يا اميرة - عبد العزيز عيسى اكبر مسنوح في منتدى سودانيز اونلاين
Quote: لوووول يا شيقا النصيحة لله الأميرة بت السيد دي ادتك: The benefit of the doubt
وبعدين بت عمسيب دي الوحيدة الجات بحديقة من الزهور والورد في هذا البوست فإستحقت لقب البت الحديقة!
|
ياخ بت السيد دي اصلها هدية ورضية مش زي واحدة كدا مسنوووحة اسمها وضاحة تقوم تكتر معاها طوالي تعلنك persona none grata
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
الأخوات الشهمات الكريمات بت عمسيب وبت السيد
أهديكن هذه القصة التي يحق لكن كسودانيات أن تفخرن وتفاخرن بها شعوب الأرض قاطبة.
شهامة امرأة سودانية - إسحاق بله الأمين
قابلتها صدفة بمطار الملك عبد العزيز الدولي بجده. امرأة في العقد السابع من عمرها ،تحس من النظرة الأولى أنك في حضرة امرأة عظيمة: الوقار زينتها والحكمة كساؤها والهدوء طبعها. كانت عينها لا تزال مضمدة، بالقطن والشاش وكانت تضع نظارة طبية على عينيها، مما يدل على أن عملية أجريت لها حديثا. علمت من خلال حديثها، أنها جاءت إلى المملكة في زيارة بغرض العلاج، وكانت في رعاية ولدها.
أعلن عن موعد إقلاع الطائرة المتوجهة إلى مطار الخرطوم. دخل المسافرون إلى الصالة الداخلية،لإنهاء إجراءات السفر. رفض موظف الخطوط أن يسمح لهذه السيدة المسنة بالدخول لأنها افتقدت بطاقة صعود الطائرة. بحثت معها عن هذه البطاقة ولم نجدها. فقلت للموظف محاولا إقناعه: إن سيدة في مثل هذه السن ، يتوقع منها أن تضيع بطاقة الصعود .
لم تنجح شفاعتي عند الموظف وأصر على منعها، وقد أعلن النداء الأخير للرحلة. فكرت فيما يمكن عمله للسيدة، وقد أزف موعد الإقلاع ، ولم يهن علي أن أترك هذه السيدة لوحدها . ناشدت بعض الإخوة المسافرين على هذه الرحلة، أن يساعدوا السيدة و أوضحت لهم الأمر.
هب نفر كريم من المسافرين و ناقشوا موظف الخطوط وأقنعوه. وقد أعجبته هذه الهبة الكريمة والنخوة التي اعتادها منهم والتي تميزهم عن غيرهم.
وصلنا مطار الخرطوم بالسلامة وقمت بالواجب تجاه هذه السيدة الأم جمعت حقائبها وساعدتها ، في صالة الجمارك. قدمت على السيدة مودعا، خارج صالة المطار، وكان ابنها في انتظارها. أصرت السيدة إصراراً شديداً، على أن أمضي تلك الليلة تحت ضيافتها بمنزلها ، بأم درمان ؛ بعد أن علمت أنني لست من سكان العاصمة. اعتذرت للسيدة بأن الوقت كان ليلاً وكان لزاماً علي السفر لأهلي لحضور مناسبة سعيدة تنتظرني. قبلت اعتذاري ولكن عدم الرضا كان ظاهرا على عينيها. وددت الانصراف ، ففاجأتني بسؤالها:
" يا ولدي إنت متزوج ولاّ عازب ؟"
أجبتها بأني لم أتزوج بعد. فقالت بجدية لمستها في نبرات صوتها:
"قاسمة ومتنضرة يا ولدي كان داير تعرس في باقي الليل ده أدخلك في بيتك" . صمتت المرأة برهة ثم أضافت:
"أنا بت بتتعرس ما عندي، لكن عندي البسمعو كلامي وما بعصو ليّ أمر" هزني كلامها ؛ إذ فهمت أنها تريد أن تزوجني إحدى حفيداتها.
أعجبتني جديتها وملأني كلامها فخراً (برجالتها وضكرنتها). ولو كنت رجلاً (ضكراناً) مثلها ؛ لما ترددت لحظةً في قبول طلبها. أن مصاهرة امرأة عظيمة كهذه شرف لا يناله إلاّ رجل مثلها. شكرتها واعتذرت لها بأسف بالغ وقلت لها باكيا:
" إن المناسبة السعيدة التي تنتظرني هي عقد قراني".
| |
|
|
|
|
|
|
|
|
 Re: ود ابوسن، ود شيقوق، ود البوش، ود المنسي، انتو ناس سمحين... (Re: وضاحة)
|
Quote: حكى عجيبببببببببببب وقريببببببببببب ظنيت دكتورة الحريم على قول ود المنسى تكون ميوردة ومرتفعى الحراررة
الكلام دا من راسك او كراسك وضاحة هههههههههههههههههههههههه.................... دا قول شيقا زمان سجيمة وردمية اصلا ما مارق منها قاعد ابارى لى فى الجكس يمين ويسار (العريبى استعد وابقى جااااااااااااهز عاوزة تطير يوبيلك بتاع الحديد فى راسك )
الطين اللسجم خشيموووووووو المافية غير النضمى وطولت اللسان |
وين يا ابوسنينة مشتاقين
الكلام دا من مبارة المسنوح والمسانيح في المنتدى كل يوم نتعلم حاجاتكم بتاعت السودان دى هاهاهاهاها
المسنوح خلى جكس الفيس
سمعت شمار مكسر في حبشية مطيرة النوم من عيونوا الصغار ديل
اقروا لي ولا شوفوا لى فكى يطبوا الراجل كبر وكورتوا فكت 
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: وضاحة)
|
Quote: الكلام دا من مبارة المسنوح والمسانيح في المنتدى كل يوم نتعلم حاجاتكم بتاعت السودان دى هاهاهاهاها
المسنوح خلى جكس الفيس
سمعت شمار مكسر في حبشية مطيرة النوم من عيونوا الصغار ديل
اقروا لي ولا شوفوا لى فكى يطبوا الراجل كبر وكورتوا فكت |
منو البتعلم اوع انتى؟ ياخ انت مصنوعة full option عابر للقارات تعرفي تقلي بن الجبنة في المقلاية و كمان تتجدعي بال ............ سيستم في المولات
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
Quote: اسحاق
اسما بت اللمين
والله انا في الغربة كلما انتكي براااااااااااااى واحكل كراع في كراع واعاين فوق لسقف الشقة بقول ود شيقوق افو افو افو افو امانة ما ربك غضب عليك يا حليل عرش بيوت أهلك النجاض البعلقوا فيهو تواريب الهواميك فوووووق ( العنكوليب والعشريف والتبش ) ويا حليل المزارعيين الصحي صحي زى حاج احمد الرفاعي القلتو لي يا اسحاق اخوى مما كملوا حشهم ربطوا حديد نجاماتهم وملوداتهم وواسوقهم في شوال ماهل و مرات كمان يعلقوهو في اضان شعبة امينة البيت وما بنزلوهو الا الرشاش ووقت يجوا يدلوهو يلقوا ليك ابو الدنان سكن في قرينات الشوال .
قمت طلعت يا اسماء اختي برة البناية مع الصباح مع طلعة الشمس اتلفت جاى وجاى وجاى غير الهنود والبنغال ما لقيت الحبة تاني رجعت بتكلم مع نفسي ود شيقوق حليلك هسع قدلة زى دى ما تستاهل تكون قدلة زولا وسط عولو بشهّل في حالو لسدرة الخلاء وتقوم أم أولاده النجيضة تشهلو بملاح ورق بكمونية بايت ليهو يومين معلق في المشلعيب وعليهو كسرة بااااااااايتة نصفها لين ونصفها يابس ويختوا ليك جنبو ليمونة صفّرة عينة الليمون البقع براهو من فروعو وكتين يستوى . وكان بخيت تكون كسرتك حمّرة والطاحونة فاطة في دقيقو تلاتة اربعة حبات وتقوم كدى تنعدل متوجه حواشتك .
تقوم تتذكر انك نسيت التمباك وتاني ترجع لدكان الشريف عبد اللطيف تملأ حقتك وتخمش ليك سفة من حقتو ( بضم الحاء) قبال يسلمك حقتك وتقوم تطلع القروش ومنتظره يرجّع ليك باقيك وتقوم تاخد ليك ترة لى وراء وتلفض السفة زى لفضة الخرطوش للجبخانة وقت عقد الزواج وتجي تقول ليهو ( اديني الباقي يا حاج)
يلا يا اسحاق وبت الامين امسكوا لينا الواسوق لحدى نرجع ليكم |
الإقتباس دا يا ود شيقوق من مشاركاتك الجميلة التي أتحفت بها بو ست " هنا فداسي" بموقع سودانيز أون لاين بتاريخ 8/12/2007 وصاحبة البوست الأستاذة أسماء الأمين. تم إختيار هذا البوست من ضمن أفضل البوستات التوثيقية بالموقع في تلك السنة.
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
ود عمي بلة
| Quote: الإقتباس دا يا ود شيقوق من مشاركاتك الجميلة التي أتحفت بها بو ست " هنا فداسي" بموقع سودانيز أون لاين بتاريخ 8/12/2007 وصاحبة البوست الأستاذة أسماء الأمين. تم إختيار هذا البوست من ضمن أفضل البوستات التوثيقية بالموقع في تلك السنة. |
والله انت بتبالغ الكلام دا نكتو من وين وهل فعلا انا كتبت الكلام دا ؟
والله يا إسحاق اخوى لو انا فعلا كتبت الكلام دا معناها انعدل واتلهم كتابة الرواية او القصة
انت عارف أي انسان ما ما اطربتو كتابتو او غناهو معناها ما نجض الخدمة والكلام دا انا بجد بقرا فيهو هسه واطربني طرب ما عادي
والله بقرا في الكلام وفاكرك كاتبو انت لانو اقرب لكتاباتك انت والله
التحية عبرك للاخت أسماء وجميع عولي ناس فداسي
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
Quote: وسمعت من الاميرة ان الحبيب ود المنسي بيقضي اجازة في شندي وما بيقدر يدخل النت الا نادرا.الله يكون في العون
لكن الجميل انه بتنفس الهواء والنسيم العليل الهابي من الاتبراوي
واشمعنى يعني ود ابوسن بيدخل النت بالسهولة دي ومسجل حضور جميل.ولا احتمال ناس كوستي عندهم تقوية
في النت |
هيييييييع يا الأميرة بت مصطفى
قادر ادخل النت لكن قاعد وأجتر واخزن في قصص ناس شندي وكل يوممن تصبح لامن تمسي من مجلس لي مجلس
هههههههههه
ناس ابوسن يا الأميرة النت عندهم ( دبل كك ) ما شايفا كل مداخلة دبل
وين بسمات سلامات كتار ليها
الحبيب ود الفاضلابي ما عترتي في شارع ؟
الحبيبة وكلك ذوق بت عمسيب منانا
مشكورة كتير على هذا الكم الزهري يا وردة الشي بي الشي وتسلمي
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
وسمعت من الاميرة ان الحبيب ود المنسي بيقضي اجازة في شندي وما بيقدر يدخل النت الا نادرا.الله يكون في العون
لكن الجميل انه بتنفس الهواء والنسيم العليل الهابي من الاتبراوي
واشمعنى يعني ود ابوسن بيدخل النت بالسهولة دي ومسجل حضور جميل.ولا احتمال ناس كوستي عندهم تقوية
في النت>>
>>>>>>>>>>>>>>>>>>>>>.<<<<<<<<<<<<<<<
الحبيب خالد ود المنسي
انت بتسأل من بسمات.. واذا انت اتمعنت في الإقتباس الفوق ده كمت حتعرف الكتبت الكلام ده بسمات وليست اميرة لان اميرة غايبة عن النت لمدة اسبوعين
واذا رجعت لبوست اسرة بن لادن حتعرف السبب المخليني اكتب نيابة عن اميرة شنو...
وعشان كده اي مداخلة تقراها من اليوم ولمدة اسبوعين بتكون بسمات الكاتباها حتى في البوستات الثانية..
وبعدين اميرة ما عندها شغلة بالأتبراوي.. واظنها ما شافت الأتبراوي قبل كده..
لكن المهم انت الفيهم لأنك الوحيد الجبت سيرتي بهنا وباقي الناس السمحين ما قروا تحياتي ليهم ولا يمكن زي ما بيقول عبد الحفيظ ابو سن عفصوني
وهم جارين ...
وكل عام وانتم بخير
ودمت بالف صحة وخير وعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
Quote: ود البلة يا رائع أنت زول جميل شديد أتابع كل حرف لك بشقف
فلله درك يا حلو طاعم المذاق كلمة وحرف ولي قدام ونحن معك متابعين
|
الأخ الحبيب ود المنسي
شكرا على كلامك الطيب عن كتاباتي المتواضعة.
ياخي إنت وأصحابك وخياتك ريحانة هذا البوست وعطره الفواح
كتاباتكم عفوية وصادقة عشان كده بتدخل القلب على طول.
نحن في غربتنا في حاجة لأناس أمثالكم يمتعونا بكتاباتهم وأحاديثهم وحكاويهم الرائعة ، وها أنتم تفعلون. واصلوا ولا تحرمونا من هذا الشهد الصافي.
صادق التحية وصافي الود
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
| Quote: يا اخوي اخوك اتلهم ناس مايرنو ما تخاف على |
مناقد الشَّلخَة من العيش كرب بي لبايتو
لامَن جاهو دَهراب الضِّراع في شايتو
يا ..... مايرنو الدَّرع مُخلايتو
دومَك قطَّر البِكري اللَّذيذة قِلايتُو
شاعر من البطانة
إنت عارف يا أخوي الطيب ، ناس مايرنو ديل ومعهم ناس القوني
هم علماء وفقهاء، الكثير من مخطوطات تمبكتو يحملونها في رؤوسهم، والعلم زي ماقال أحدهم للأديب كاكوم
"لاسوّولو كريشات ولا قفيطات"، وناس سمحين وطيبين، وزينين، ولينين جانب، ومخلصين إذا صادقك أحدهم أو حباك الجِيل المِدايف.....!
وفوق ذلك هم من عِدال وقواهم ممشوق ، قوام قناية وخدرتهم خدرة سنمكة ، أو كا قال صديقك حنفي
ماخده قوام قنايه وخضرة السنمكه
وراحتك ونوم عيون العاشق البتبكا
فى زول فاقدك سرف عينيهو ما بتوكا
يا ام إسما مقام جبلاً قريب لى مكّــه
تحيَّات لكل الجميلين الحاضرين والغائبين، بدون فرز، وتحيَّات للعائد من دياره لتوه ، الحبيب ودالمنسي
يا ودبلَّة يسهد الله الرُّوح رايمتك، إ،ت زول من الزَّمن الطَّاعِم
معزة صادقة
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبيد الطيب)
|
Quote: وفوق ذلك هم من عِدال وقواهم ممشوق ، قوام قناية وخدرتهم خدرة سنمكة ، أو كا قال صديقك حنفي
ماخده قوام قنايه وخضرة السنمكه
وراحتك ونوم عيون العاشق البتبكا
فى زول فاقدك سرف عينيهو ما بتوكا
يا ام إسما مقام جبلاً قريب لى مكّــه |
سلام ود الطيب عبيد سلام
وإت كمان القلب ارتاح ليك وانشرح لكلامك السمح.
يكنى عن جمال اللون وحسن القوام والحلاة بالعنكوليب أيضا
قال العارف الشعبي:
إتي شن بتشبهي غير الحليب القبيل حلبو
الا حمًض ولا اتغير طعمو على الشربو
يا عنكوليب فداسي النقرشو ونقو
شوفتك ترفع الفوق فراش مدًو
وقال ود بله مجاريا:
إتي شن بتشبهي غير قطن الجزيرة الفي الحقول زرعو
اللا صفًر ولا اتغير لونه على اللبسو
يا طويل التيلة الفي مصانع الإنجليز غزلو
شوفتك ترد الروح للفي الكفن لفو
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
يا اخوانا لاحظت اسم سيف الدولة ود الكامل في البوست دا لكن اتقول معاهو شيطان قدر ما فتشت البوست دا من ص 1 لحدى ص 4 لما لقيت ليهو كلام
العبيد
Quote: إنت عارف يا أخوي الطيب ، ناس مايرنو ديل ومعهم ناس القوني
هم علماء وفقهاء، الكثير من مخطوطات تمبكتو يحملونها في رؤوسهم، والعلم زي ماقال أحدهم للأديب كاكوم
"لاسوّولو كريشات ولا قفيطات"، وناس سمحين وطيبين، وزينين، ولينين جانب، ومخلصين إذا صادقك أحدهم أو حباك الجِيل |
الله يجازيك بالخير الكمان بقيت تعرف مايرنو وشيخ قوني
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
قال العارف الشعبي:
إQuote: تي شن بتشبهي غير الحليب القبيل حلبو
الا حمًض ولا اتغير طعمو على الشربو
يا عنكوليب فداسي النقرشو ونقو
شوفتك ترفع الفوق فراش مدًو
وقال ود بله مجاريا:
إتي شن بتشبهي غير قطن الجزيرة الفي الحقول زرعو
اللا صفًر ولا اتغير لونه على اللبسو
يا طويل التيلة الفي مصانع الإنجليز غزلو
شوفتك ترد الروح للفي الكفن لفو |
هيييييييييييييع كع يا ود البلة
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
الاميرة واخوانها السمحين سلام من الله عليكم
ما تابعت معاكم الايام الفاتت بسب سفره صغيره الى جده
اخي ود شيقوق القصة انا قراتها من قبل بس ناسي وين الكبر حصل والظهر احدودب واشتعل الرأس صلعه وليس شيبا لان مافى شعر
| Quote: هوووى يا بت عمسيب والاميره نعمان ود خوجلى دخل كفووووه لسان العريبى المسنوح دا وحات الله العريبى دا عاوز دردقة لكن بجيب اخررررررره |
ود ابوسنينه لك التحية
الاميرة انت ختيت فى حوشك ابوسن وابو سنينه يعنى ختيتينا بين فكين ههههها هههها ديل ما بنقدر عليهم مع حكاويهم وكلامهم الجميل عاملين ذى حبوبتى الله يرحمها
ود ابوسن شيخ العرب اخبارك وصحتك لك كل الود والاحترام
نكته ظريفه تبين حصافة وسرعة بديهة ابوسن شيخ العرب الكبير، حضر اليه فى الصباح احد الاعراب وقال لشيخ العرب ماشى السوق اشترى حمار وبغشاك بعدين
وبعدالظهر مر العربى بدون ما اشترى الحمار فسأله شيخ العرب اها اسعار الحمير كيف فى السوق فقال له الاعرابى متلك متلك فرد عليه شيخ العرب المتلى انا خليه المتلك انت بيكم.
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
Quote: الحبيب خالد ود المنسي
انت بتسأل من بسمات.. واذا انت اتمعنت في الإقتباس الفوق ده كمت حتعرف الكتبت الكلام ده بسمات وليست اميرة لان اميرة غايبة عن النت لمدة اسبوعين
واذا رجعت لبوست اسرة بن لادن حتعرف السبب المخليني اكتب نيابة عن اميرة شنو...
وعشان كده اي مداخلة تقراها من اليوم ولمدة اسبوعين بتكون بسمات الكاتباها حتى في البوستات الثانية..
وبعدين اميرة ما عندها شغلة بالأتبراوي.. واظنها ما شافت الأتبراوي قبل كده..
لكن المهم انت الفيهم لأنك الوحيد الجبت سيرتي بهنا وباقي الناس السمحين ما قروا تحياتي ليهم ولا يمكن زي ما بيقول عبد الحفيظ ابو سن عفصوني
وهم جارين ...
وكل عام وانتم بخير
ودمت بالف صحة وخير وعافية |
العزيزة كتير بسمات
لك التحية ولك كل الود والأحترام والتقدير
فعلاً إتلومت فيك لوم اليابا فضيل لكن يا الحبيبة اللوم بجي بي الغفلات
والله يعلم الله مافكرت لي سمعت من الأميرة والشي التاني لي أكثر من اسبوعين ما فتحت بوست بن لادن
لانو زي ما قلت ليك بجي بعد حوامة كل يوم ولما افتح النت بكون عين مغمضة وعين مفتحة ويا دوب بفتح
بوست حوش بت مصطفى
لكن والله أنت دوام في البال وما عاش من يعفصك ويفوت فيك حوفا
حوفّا دي دحين عرفتيها
المهم يا ستي اخبارك شنو ولعلك طيبة وشديدة
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
ا اخوانا لاحظت اسم سيف الدولة ود الكامل في البوست دا لكن اتقول معاهو شيطان قدر ما فتشت البوست دا من ص 1 لحدى ص 4 لما لقيت ليهو كلام
العبيد
ود الكامل دخل البوست اول ماشاف اسمك قال احسن يشوف ليه شيخ كارب يحصنوا ويعمل ليه حجاب من الراس للكورين حتى يرجع تانى احسن احفظ نفسة قبل ما تلفحوووووو وتودية التوج يا عريبى يا مسنوح
مزنزززززززززززززززق والله لكن الطله لابد منها
وضاحة ما قصرى اردمى كويس ،،،،،،،،،،،،،،،،،،،،،،،،، لياسة بالخمورهااااااااااا اسبوعين بعد داك ادوها الحيط من المطر ههههههههههههههههههههههههه
ود المنسى معاك
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
Quote: والله انت بتبالغ الكلام دا نكتو من وين وهل فعلا انا كتبت الكلام دا ؟
والله يا إسحاق اخوى لو انا فعلا كتبت الكلام دا معناها انعدل واتلهم كتابة الرواية او القصة أو اي ضرب من ضروب الإبداع.
انت عارف أي انسان ما ما اطربتو كتابتو او غناهو معناها ما نجض الخدمة والكلام دا انا بجد بقرا فيهو هسه واطربني طرب ما عادي
والله بقرا في الكلام وفاكرك كاتبو انت لانو اقرب لكتاباتك انت والله
التحية عبرك للاخت أسماء وجميع عولي ناس فداسي |
شيخ العرب مولانا ود شيقوق
إت قايل روحك زولا هين. تسلم البطن الجابتك.
إت دارس القانون في أعظم جامعة في السودان بل في أفريقيا، وناس القانون أهل البلاغة والفصاحة واللغة والثقافة.
ما شاء الله خيالك واسع وخصب ومقدراتك عالية ولغتك سليمة، يعني أنت مؤهل لكتابة القصة القصيرة والرواية أو أي ضرب من ضروب الإبداع .
صدقني أجد في كتاباتك وتعليقاتك وردودك متعة لا أجدها في قراءة كثير من القصص والروايات.
استخدام اللغة العامية واللهجة المحلية هما مفتاح الوصول إلى مصاف العالمية .
أختر ساكت واعصر القلم لامن يسيك وباكر نقرأ ليك باكورة إنتاجك الروائي" جنى البردانة الخلى الناس حيرانه"
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
يا عزو
انت قاصد رطانة البطن ولا رطانة البطانة
يا الناس السمحين ..حببت اجاريكم في غياب الاميرة
البتتكلم وتفهم كلام قري البطانة لكن الاقتباس الجابو عزو
من كلام ود الراجل ولا حتى ناس شيقوق واسحق ما حيفهمو
وهاتفت الاميرة وقلت ليها ادخلي النت ان شاء الله من النت كافيه
وترجمي ولهسع ما في خبر ...وهي العاملها لي فيها بنت القرية والباديه
ودمتم بالف خير وعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
Quote: يا خالد ود المنسي امشي اقرا بوست صلاح جادات "يا ناس الدوحة الكلام ده متين.....
وشوف براك ود المنسي شالته الهاشمية كيفن لمن سمع اسم شندي من انصاف مدني
ودمت بالفىخير وصحة وعافية |
وجب ... وحاضر يا بت الرجال
وتسلمي يا رائعة على الدعوة
اليوم شدت الرحال من بلاد الزهور الجميلة بت عمسيب متوجهة إلى قلة المعز
اقامة سعيدة وتمشي وترجعي لينا بالسلامة يا ملكة
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبدالحفيظ ابوسن)
|
Quote: اها
الحاصل
نحمد الله شغال فواتح ساي .. من كوستي مدني رفاعة وبالعكس ..اهلنا ديل تمشي لي واحد ما نقيف .. جيت لي فلان وما جيت لي فلان
بقيت اخاف والله الزلط ماليهو امان
الناس اتغيرت حتي قرانا البكا يوم واحد ورفع الفراش العصر
.لو جيت متأخر تفتش الناس فتيش تسمع تركب تسافر بس
اها
وتاني شنو |
أها دا كلو هين ( فوق البدن )
الواجب بتسوي وما خلف درب أبواتك ؟
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
Quote: واوالارض ليه يوطاها
درب ابواتنا زلق يا ودالمنسي ما بتمشي .. عاشو زمن المهلة .. وحبل الصبر البربط ويفضل .. حبلنا هسة ربطو خيبان ينجل براهو لارض ليه يوطاها
درب ابواتنا زلق يا ودالمنسي ما بتمشي .. عاشو زمن المهلة .. وحبل الصبر البربط ويفضل .. حبلنا هسة ربطو خيبان ينجل براهو |
يا ود ابوسن
الحبيب سلااام
حدثوني بيك وسمعتَّ شكرتك
صمد المتعافيات
الصف تهزو نترتّك
قولك سمح فوق ابواتك
وابواتك تلوب
لكن إت بعرفك بي الدين بسوي الزين
تسلم يا ملك
| |
|
|
|
|
|
|
| |
الطيب شيقوق
Yousif A Abusinina
عبدالحفيظ ابوسن
خالد علي محجوب المنسي
مني عمسيب
وضاحة
الفاتح ميرغني
إسحاق بله الأمين
Abdlaziz Eisa
عبيد الطيب
النعمان خوجلى
يحي قباني
قسم الفضيل مضوي محمد
فيس بوك
تويتر
انستقرام
يوتيوب
بنتيريست