القرآن برواية حفص

Quote: تبارك شيخ الدين .. أنا ما قلتَ ليك إنتَ عامل ميِّت (؟) ذكرتني نكتة الحرامي الجاي عريان وداهن جسمه كله بالزيت عشان ما يتمسِك :-) مُجسمة شنو وسلفية شنو يا تبارك (إلهك يرضى عليك ياخ) تصدق إني كرهت السلفيين ديل بسببك إنت بالتحديد؟ :-) ياخ إنت زول مقتنع إنه في إله في الكون ده (تسميه فك مفترس تسميه الإله الكيوت ده ما موضوعي) ساي كده وبدون أي مراعاة للعلم والمنطق والمعرفة العقلية البسيطة ادعيت الادعاء ده (ما بسألك في الادعاء ده أصلًا) لكن إنك تتلصق في الإسلام تحديدًا وبرضو مُصر على مزاعمك "العقدية" في الإله بتاعك المخالف للإله الإسلامي اللي اتكلم عن نفسه بوضوح في القرآن فدي واسعة شويتين يا تبارك يعني قدر ما حاولتَ أفهمك وأفهم راسك المفلف ده فيهو شنو، بالجد ما قدرتَ يا تبارك ياخ! بكل الحسابات المنطقية إنت تحديدًا المفروض تكون زول ربوبي ساي ما عندك علاقة بالأديان، لكن تلصقك في الإسلام العنده إله واضح ومحدد المعالم ده ما راكب لي ياخ! هسي إلهك الما مُجسم ده يا تبارك، ما عنده جنة ولا نار؟ ما بيعاقب غير المؤمن وبيجازي المؤمن؟ (بصرف النظر عن مواصفات الجنة والنار المادية أو غير المادية)

يا هشام آدم - النركّب ليك عمّة "الداعية" - إنت كان اتحلّيت من الفكرة السلفية (مجسّم الرب) ... حا تكتشف انو موضوع الجنة والنار والحساب واليوم الآخر دا موضوع مختلف عن التفاسير والتأويلات السلفية ... لاكين دي معرفة "معتقدية" ... ما معرفة "علمية" ... ولا يمكن أن تخضع لمحاججة "علمية" لتفنيد صحتها أو خطأها ...

الأسهل هو إثبات أن النص القرآني مثلاً ... تعرض للتعديل والحذف والإضافة عبر التاريخ ... ولكن لا يمكن التعامل مع "الإعتقاد" في الخالق بنفس المنهجية ... وعدم "علمية" الإعتقاد هي ما تجعل من "الإعتقاد" ضرب من ضروب "المعرفة" يختلف جذريًا عن "العلم" ... فإن اتفقنا معك "علميًا" حول تاريخ النص القرآني ... فلا داعي للمماحكات "المعتقدية" ...

أنا - كما قال الأستاذ الدكتور بشرى الفاضل لعادل عبدالعاطي - مسلم ابن مسلمة وإبن مسلم ... ولن يستطيع أحد أن ينتزع ذلك منّي

عجبك؟ ... ولاّ غلبك؟






... المهم ....