على خلفية إني لا أساوي ظفر بدر الدين الأمير ـ قصة وفائدة

Quote: بقول ليك إنت تهديدك بفتح البلاغ "ضرب تحت الحزام" في المعركة دي، طبعاً من حقك تلجأ للقانون ما في شك، لكن كدي خليهم ينزلوا الفديو أول بعد داك شيلوا وامشي افتح بلاغك. لكن إنت أديتم ضربة تحت الحزام (وجهجهت الموضوع)، وكنا دايرين نشوفك "واقف قرد". يالصادق طبعاً بعد ما معاوية فت الموضوع ناس كتار عرفوا أنه في زول صورني ومن غير ما نتعب عرفناه لانو معاوية غبي فضح الزول دا بي عوارتو أنقسم الراي بين ناس قالوا خليهم ينزلو الفيديو ونقبض الزول دا وبين ناس قالو أنخس الزول الصورني ويلحق نفسه المهم انا فضلت الخيار التاني لعدة اسباب أهمها أنه الزول دالو كان زي زيك كان عادي خليتو ينقفل لكن الزول دا عنده ظروف خاصة بتخلي البلاغ او القبض عليه يدمر مستقبله نهائي وخصوصاً أنه في ناس كتار بكرهوه لعمايله وكان حا يجيبو فضايحو هنا وانا زاتي ما حا اقصر المهم الحاجة دي حا تدمر مستقبلة وتفضحو وما داير ابقى سبب في تدمير حياة زول والسبب التاني برضه خفت الله لأنه بلاغ زي دا حا يفصله من عمله ويرحله السودان وخفت يكون ربنا مسخره لي رزق اب أو ام أو أخوان مساكين او أي زول مسكين وبرضه من الاسباب الموضوع دا حا يعمل لي ازعاج شديد وجوطة وأنا لا داير ابقى بطل ولا مشهور ولا داير ازعاج وهنا في البورد في ناس هوايتها الورجغة الفارغة في ناس عندهم قداديم عفــنة يورجغوا في أي حاجة ويحشرو قدومهم وينظروا وواحدين ينطو في الشاشة وواحدين يمسكوا ما يكرفونات وواحد يفتحوا بوستات حا تشوف افلام هسع كلهم متابعين البوست دا واحد فيهم بتجرأ يتكلم مافي شوف لو الموضوع مشى الشرطة حا ينظروا كيف عالم ########ات أنت قايل البورد دا فيه رجال البورد دا مافيه رجال يا الصادق صح أنا بشتم لكن لمن زول يشتمني برد ليه شتيمتو بأقذع منها وبشاكل وبنخس وبشرك وبسوي حاجات كتيرة لكن يا الصادق ما مضر لدرجة ادمر حياة زول حتى لو هو هم بي أذيتي ومدام الموضوع بتلحق اخير يتلحق وهو مدام اختار اصدقاء جهلة فأنا ببقى ليه عدو عاقل وشينة سوداني يفتح بلاغ في سوداني تاني في غربة بي سبب انتهاك خصوصية في الغربة والفضايح الحا تظهر بعد داك مافي داعي ننشر غسيلنا للعالم برضه رغبة الانتقام ما عندي يكفني الحاله وما اعرفه عن الشخص الصورني واعتقد انه ممكن ياذيني كفاية اني عارف شخصيته الفاشلة المهزومة وتاريخه القـــذر وسيرته العطنة