دعواتكم لزميلنا المفكر د.الباقر العفيف بالشفاء العاجل
|
|
 Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
عندك الاكيتكشر والسكيم والصورص كود ... وأي إضافة من عندك ...
عشان اعرف انا بتناقش معاك عن شنو ... |
يا ساتر يا ساتر، الفوق دا إنجليزي؟ صورص؟
انت "بتتناقش" معاي؟ في الكمبيوتر
هللويا
Quote:
نجيب روابط لكل ما يفي بتغطية الموضوع من الصفحات الأولى ... ونجي لغاية صفحة 16 نشرح الجبناهو زماااااان داك؟ معقولة؟
هذه الطريقة غير العلمية وغير الموضوعية التي يمارسها حاتم ابراهيم (صرف لينا كلنا ألقاب ولا زال يحتفظ باسمه وباحترامنا له) هي العقبة الأساسية التي تسببت في تطويل البوست في جوانب لا طائل لها ... إنسان لا يعترف بالأدلة العلمية الـ empirical لهبوط ابولو 11 على سطح القمر ... ويعتبر تصوير 2013 جزء من مؤامرة 1968 دا يتفاهموا معاهو كيف؟
كيف يطلق دعاوي بأن الوصول للقمر خدعة ... ثم يرفض أن يدعم دعاواه ببرهان علمي؟
بما أنه يتعامل مع الموضوع تعامل جنائي ويريد برهان "مادي" فقط ... قلنا له أن الحل الوحيد هو أن يذهب زاعمي الهوكس للقمر (بما أن روسيا والصين واليابان والهند وإنتلسات صاروا أطراف في "المؤامرة" العجيبة) ويتأكدوا بأنفسهم إن كانت ناسا صادقة أم خادعة ...
|
يا أخينا الترول من صفحة 3 ,وأنا بصارع في نفرين هنا منهم أبو الريش والتاني اسمو الصادق
ومن صفحة خمسة وأنا بعلم فيك بدون فايدة لغاية ما لخصنا في صفحة 14
الملخص في صفحة 14 لو عندك اعتراض على الفضايح الفيهو ورينا
وأهو جاتك العافية وزي ما توقعت أنا
كلامك بقى بصيغة نحن
نجيب!
نشرح!
نجي!
قلنا!
الزومبي دا ألحقوهو يا فريق ناسا
| |
 
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
مع احترامنا للزميل حاتم ... لاكين الجهل حا يظل ما محترم .. |
وين كان احترامك دا وانت وانت داخل بلا فهم؟
وين دلوقتي احترامك دا وانت للآن بلا فهم؟
وين حيكون احترامك دا وانت للآن مصر على نشر بلادتك هنا؟
أساسيات المدارس المتوسطة ما عرفتها، وعايز "تناقش" في "صورص كود"؟
والله أنا لو منك ملخص صفحة 14 دا يغيبني من المنبر دا سنة.
تخانة الجلد نعمة
أتاريها
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
الزول ده فاكيها في روحو شديد واتجاوز حدودو كذا مرة ومشيتها ليهو لكن زودها شديد عشان كده لازم نديهو من نفس الجرعات الظريفة دي.
|
إذن انت جاي المرة دي بالطيارة عشان (نأدبو ليكم) مش؟
please be my guest
شوف يا أخينا
قبل ما تجينا بسيرتك الذاتية الفوق دي كنا بدينا في التلخيص عشان الموضوع دا طال وزي ناس عمك ترول ديل زي الزومبي
حيواصل كدة يعوق في روحو للأبد.
دلوقتي انتي اتفرغت وراجعت البوست من الصفحة الأولى المداخلة الأولى، أوكي
جيت قلت نبدأ من جديد، يعني ببساطة عايز تبدأ كل البوست مناقشة من الأول على أنغام وهتافات الترول (cheerleader)، مافي مانع
بس ياخي لو كل "خطأ مفترض" حتعمل ليهو مداخلة وأنا أرد عليها وتجي تاني انت تلاوي فيها، دا بيعني في المتوسط ربع ساعة، خمسة دقائق لكل مداخلة.
لو عندك عدد عشرين "خطأ مفترض" دا بيعني نقاش في حدود خمسة إلى ستة ساعات بدون اعتبار التداخلات التانية وشغل الأراجوز بتاع الترول
ومرات حكايات طيارتنا وطيارتكم في النص.
وانت من ختيت كراعك أول مرة هنا بتقول (أنا مشغول وما فاضي ليكم) وجيت تاني بتقول (أنا المرة دي أشغل من الأول)، طيب ياخي نحن كمان بنوفر عليك وقتك الغالي، وبنوفر وقتنا الثمين، قلت ليك أكتب كل القائمة المفترضة في مداخلة واحدة بالطريقة التالية:
1- صفحة كذا المذكور كذا خطأ الصحيح كذا.
2- .........
يعني سطر واحد ولا عايز منك اقتباس ذاتو أنا عارف كتبت شنو وين. صعبة دي؟
بدل تقعد تعيد لي المركبة سايقها بورمان وسايقها صلاح، وداك كذاااااااب وجااااااااااهل واتخيلوا ياجماعة، أصلو هو شنو هو؟ سيجة؟
وفر علينا زمن يا بتاع الكمبيوتر، ولا كيف!
انت قلت نقاش جاد ونقاط محددة، والبتعمل فيهو دا رصد لأخطاء، النقاش بتاعك قلت في الكمبيوتر والأشعة، أهلاً بيك، بس ما ترجعنا لوراء
شنو أعفيك وضبان وضربوا لينا وطيارتنا طارت وجائزتنا راجيانا
أوضح من الأول أظن
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
الأعزاء حاتم ومحمد عبد الله مختار!
السلام عليكم!
ورجاءً ابتداءً من هذه اللحظة افتحوا صفحة جديدة،
لا في العلاقة بينكما فقط،
ولكن في مسار هذا البوست!
نحن (وأعتذر لمن أدرجتهم قسراً تحت هذه الدائرة)
نحن نثق في أنّ كلاكما متخصص في هذا المجال!
فرجاءً تجاوزوا هذه السّلبيّة،
وانطلقوا في مسار إيجابي مفيد للحوار،
وبالتأكيد سيستفيد كلٌّ منكما من الآخر!
كما سوف نستفيد نحن!
فرجاءً أوقفوا التراشق بالحجارة (الإسفيرية)! |
الأخ صلاح
مرحب بيك ومشكور على الاهتمام
مافي تراشق بقدر عدم الاحساس والمنطق في التداخل في الموضوع دا.
أخونا مختار دا للمرة التانية يجي وشايل بيرق (أنا ما فاضي) كراع برة وكراع جوة، في سلبية أكتر من كدا
مشى راجع الستمية مداخلة وجا عايز يبدوا معاهو من الأول، دا القال ما فاضي!
طلبت منه يحصر ملاحظاته غير المؤثرة على صلب الموضوع، ناس 11 و13 وفلان وعلان، الموضوع هنا ببساطة (استحالة الهبوط على القمر عام 1969) فما ممكن يجيني
واحد ويعرض سيرته المهنية والذاتية ويقول لي انت نبرتك عالية وأنا والله مهندس كمبيوتر وهوي أنا والله عملت طيارة بتطير وما فاضي ليك
ومع ذلك يقول (نبدأ من جديد)، أولاً داك جااااااهل وداك كذاااااااب، دا شنو دا؟
مافيش مانع من النقاش بس وين المنطق هنا؟
عندوا رغبة يطلع أكبر كمية من الأخطاء
ويعمل باربيكيو
مافي مشكلة برضو
بس بالطريقة الصحيحة
مش أسلوب بعفيك وضبانتو
باسلوبه دا محتاجين تاني حوالي 100 مداخلة وصفحتين وعشرة ساعات في المتوسط
رصها وأمشي واصل شغلك،
وحيجيك الرد، و لمن تبدأ في الجزء البيستاهل النقاش نتفرغ ليك أكتر
لا لا دايرها هسع وكان ما قادر (أنا بعفيك)
دا مشغول؟
البوست دا أنا والله ما مستفيد منو أي حاجة، ومفروض ما يتجاوز صفحتين للناس البتفهم، لكن أي واحد جاي داخل وشاعر بأني بستفز فيهو
يقوم يبدأ بالتهويشات، أنا جار ناسا، جيب لي شهودك، وناس رابطين (الإنجليزي) في قاشاتهم زي المسدسات يهددوك بيهو، ويقعدوا يملوا البوست بحاجات هم ذاتهم ما عارفينها.
ديل عندك ملخص أدائهم في صفحة 14، ما فيهم واحد مؤهل عشان يشرحوا ليهو ناهيك عن إنو يتداخل.
وناس يحكوا ليك أنا سويت وأنا دايرنّي في أكتر من حتة، زي الشفع
عموماً أتمنى يفهموا كيف النقاش
أنا موجود دائماً، لكن علي باليمين أي واحد عامل فيها (قيادات علمية) وداير يفرجني على قنبوره
بيعرف حاجة
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
الزول ده فاكيها في روحو شديد واتجاوز حدودو كذا مرة ومشيتها ليهو لكن زودها شديد عشان كده لازم نديهو من نفس الجرعات الظريفة دي |
يا أخوي أنا بلا حدود في المسائل دي
حبيت تمشي عديل نختك فوق الراس
عايز ترقص على أنغام الترول وتقول (جرد موية) و(يجازي محنك) و(بعفيك) و(ضبانتو) و(نبرتك عالية) و(لولوة)
والله تمرق هنا من بركبك
فاكيها في روحي دي شرحناها لواحد من حيران الترول هنا
وقلنا (بتعتمد على الكم المعرفي عند الشخص)
فلو كنت متمكن من علومك ما حتشوفني غير شخص عادي
وأنا كذلك
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
ولا يهمك يا باشمهندس حاتم ، انت لا فاكيها في روحك ولا حاجة وزي تواضعك ده أصلو ما لاقانا ، ونحنا ناس قاعدين ساي وإنت سيد العلم زاتو ..
طيب الكلام ده كلو ليه؟ عشان تجاوب على السؤال التالي : | Quote: السؤال الآن يا حاتم : انت قلت 24 رائد فضاء ممكن تورينا الستة الزايدين ديل جبتهم من وين؟ |
صعب الموضوع ده؟ 
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
الأخ محمد عبد الله السلام عليكم،
في رأيي وبدون انحياز:
أنك يُفترض الآن أن تتوجّه مباشرةً نحو كل الدعاوى التي ادّعاها الأخ حاتم،
لكي تكشف ما تراه فيها من وجوه الخلل،
ذاكراً ما يتيسر لك من وجوه الاستدلال العلمي!
فالأخ حاتم قال كلّ ما يودّ قوله في هذا البوست!
ومن حقّه الآن -بل هو من حقك-
أن تذكر كل انتقاداتك وملحوظاتك جملةً واحدة،
لكي تُتيح له كذلك فرصة التعقيب عليها!
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: صلاح عباس فقير)
|
حاتم
سلام
بصرف النظر عن كل الكلام الكتير الدار في البوست دا
انا لمن قلت انا جار ناسا لاني مشيت وشفت وحضرت الجولة بتاعتهم
لكن بعد دا كله انا قلت ليك بدل المرة مية مرة انا ما عندي مانع اصدق نظريتك دي لمن تثبتها لي بالمنهج العلمي التجريبي
انت بنفسك قلت حتلتزم بيه، يعني ما انا ولا زول تاني في البوست دا طالبك بانك تلتزم بيه
وتداخلي معاك تم بناءا على انه موضوعك دا كله نظري وافتراضات تحتاج لدليل عشان يتم تبنيها كحقيقة علمية
انت متعصب لكلامك وبتعبره لا ياتيه الباطل من بين يديه ولا من خلفه، ودي مشكلتك الخلت البوست دا يطول
الموضوع لم يتم اثباته علميا، وعشان كداما في اي جهة علمية اتبنت النظرية دي
ودا كلام انا قلت ليك وقلت الموضوع في النهاية ممكن يكون هلال مريخ
انت اخدت الموضوع بشكل شخصي جدا وبعيد عن الروح العلمية حتى
وانت مفروض على الاقل تعترف انه الموضوع دا فرضية من الصعوبة اثابتها بالمنهج العلمي التجريبي
لانه تكرار التجربة بنفس ادواتها هو المستحيل، يبقى بعد داك لمن نصل القمر مرة اخرى وما نلقى اي اثار لرحلة ابولو بنقدر نقول نظريتك دي صاح
بالمقابل حتظل الحقيقة العلمية (والتى تدرس في الجامعات وفي الدراسات الفلكية ودراسات الفضاء). هي ان ناسا تمكنت من الهبوط على القمر
وسيظل بالنسبة للامركان كلام حقيقى (ما عدا 7and#1642; ما زالوا غير مصدقين)
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: الصادق اسماعيل)
|
| Quote: لانه تكرار التجربة بنفس ادواتها هو المستحيل، يبقى بعد داك لمن نصل القمر مرة اخرى وما نلقى اي اثار لرحلة ابولو بنقدر نقول نظريتك دي صاح |
أخي الفاضل الصادق أسعد الله أوقاتك... لاحظت أنك تردد العبارة المقتبسة أعلاه في أكثر من صيغة خلال صفحات البوست ومفادها أن من أراد إثبات أن ناسا لم تحط برجالها على سطح القمر عليه أن يعيد التجربة مستخدما تجهيزات ناسا ذاتها وإذا لم يجد آثارا كما ادعت ناسا، يكون قد أتى بالدليل العلمي!
في رأيي هذا القول غاية في الغرابة. فأخونا حاتم ادعى منذ البداية أن ناسا لم تذهب إلى القمر ولم يكن بإمكانها القيام بذلك بمعنى أن إعادة التجربة يقتضي أن تكون التجربة الأولى قد تمت فعلا وهذا ما ينفيه حاتم. الدليل العلمي المطلوب من حاتم ليس أن يذهب إلى القمر، بل أن يثبت بالطرق العلمية (ادعى بها العلماء - على سبيل المثال - أن درجة الحرارة في نواة الشمس تقاس بالآلاف؛ أو أن من يدخل في الثقب الأسود لن يستطيع الخروج منه) أن التكنولوجيا المتداولة في ستينات القرن الماضي لا تسمح بإرسال مركبة مأهولة إلى القمر.
هنا يأتي دور النقاش المثمر مع أخينا محمد عبدالله مختار حول التكنولوجيا الرقمية المتداولة في تلك الفترة؛ وربما معه أو مع شخص آخر حول الفيزياء الفلكية لتبيان العقبات أو الظروف الملائمة للرحلة القمرية؛ ثم يأتي دور هندسة الصواريخ والمركبات الفضائية؛ وأخيرا يأتي دور المهتمين بالتواصل لتسليط الأضواء على القصة من وجهة نظر إعلامية ودعائية.
كلما رددت قولك: "يبقى بعد داك لمن نصل القمر مرة اخرى وما نلقى اي اثار لرحلة ابولو بنقدر نقول نظريتك دي صاح"، سيقول لك حاتم: إنتو ما مشيتو من أساسه عشان تصلوا مرة تانية!!!
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد الأمين موسى)
|
يا دكتور محمد الامين بالمناسبة منطقك انت هو الذي في غاية الغرابة. ناسا مشت القمر ستة مرات و انتهت
و طوت هذه الصفحة من تاريخها. جاء نفر من اقصى المدينة يسعون و قالوا أن ناسا كذابة عشان الاسباب التالية
الاشعاع و ما ادراك و في الصورة الفلانية الضل ما ظاهر و المركبة ما غتست في الرمله ليه ..الخ، في ناس ردوا على
هذا الكلام و ناسا مرة او مرتين اوضحت بعض النقاط و لكنها اصلا لم تقل أن هذا الأمر مستحيل بل قالت أنو ممكن
جدا اي جهة في امكانها تكرار التجربة بكل سهولة و هذه هي الخطوات معلنة و معروفة.
| |
|
|
|
|
|
|
|
|
Re: خبايا مشروع أبولو وخدعة الوصول للقمر (Re: سيف النصر محي الدين)
|
Quote: ناسا مشت القمر ستة مرات و انتهت
و طوت هذه الصفحة من تاريخها. |
أخي العزيز دكتور سيف النصر... الصحيح أن ناسا ادعت أنها مشت القمر ست مرات وقدمت بينتها وهناك من يسعى لتفنيد هذه البينة. وطالما أن الذهاب إلى القمر اقتصر على ادعاء ناسا في الستينات - وكأنه معجزة فريدة - سيظل الناس يشككون.
لو ادعيت أني ذهبت إلى داخل الشمس وشيت فيها خروف حمري وعدت سالما سوى أني أتصبب عرقا، هل سأطلب ممن يكذبني أن يكرر التجربة بنفسه؟!
حاتم يشكك في صلاحية بعض المعدات التي ادعت ناسا بأنها استخدمتها في رحلتها إلى القمر، فكيف نطلب منه أن يستخدم التجهيزات ذاتها للذهاب إلى القمر لتفنيد ما إذا كانت ناسا هناك أم لا؟!
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد الأمين موسى)
|
ناسا يا دكتور ما ادعت و اكتفت بالادعاء بل هي شاركت العالم كله في إنجازها
ذاك ، فبثته تلفزيونيا و صورته و وثقت له و شرحت تفاصيله و ادق دقائقه، و هذه
مواقعها لا تزال مملؤة بالمعلومات و الوثائق و الصور، و ها هم جميع الافذاذ في
مجالات الفضاء و علوم الكون لا ينازعونها و لا يشكون في صحة كلامها و وثائقها
فكيف تشبه ذلك كله بمن قال انه ذهب للشمس و عاد في غفلة من الناس و العالمين
و لم يقدم من الوثائق و الصور و الأفلام ما يعضد ادعائه؟
تحياتي لك يا صديقي.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: سيف النصر محي الدين)
|
Quote: فكيف تشبه ذلك كله بمن قال انه ذهب للشمس و عاد في غفلة من الناس و العالمين
و لم يقدم من الوثائق و الصور و الأفلام ما يعضد ادعائه؟ |
طيب لو قُدّمت الوثائق والصور والأفلام، هل سيصبح إدعاء الذهاب إلى الشمس حقيقة؟!!
تذكر يا دكتور أن جورج ميليه رائد المؤثرات الخاصة قدم فيلمه "رحلة إلى القمر" (A Trip to the Moon) عام 1902.
الصور والأفلام مقدور عليها!
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد الأمين موسى)
|
نأسف للتأخير .. نجي الآن لموضوع الهبوط بمحركات صاروخية ..
بداية لازم الناس تعرف انو الهبوط على سطح القمر ده ساهمت فيهو كمية من الشركات والمؤسسات العلمية على سبيل المثال لا الحصر لوكهيد مارتن - بوينج - روكيتداين - الـMIT - ايروجيت - تي آر دبليو وغيرها كتير ، لا يعقل انو كل المؤسسات دي تكون ساهمت في كذبة قدر الضربة زي الهبوط على سطح القمر .. بإختصار المحركات الصاروخية بتاعة الـLEM لو كان عملتها ناسا يبقى في فرصة للتفكير في نظرية المؤامرة لكن عطاء مفتوح للشركات ومنافسة في التصميم والتصنيع والتجربة وشفافية ووضوح في نتائج الإختبارات.
طيب نجي لمحرك الهبوط على سطح القمر Lunar Module Descent Engine وهو من نوع المحركات الصاروخية الكيميائية Chemical Rocket Engine أقصى قوة دفع ليهو 9850 lbs الوقود بتاعو خليط من الهيدرازين وأوكسيد النيتروجين مزود بصمامات تحكم ومحددات اهتزاز ومضخات وأنظمة ضغط وتبريد وقصص طويلة .. المهم ده المختصر المفيد
الصورة التالية توضح محرك الهبوط على سطح القمر
ده واحد من مختبرات المحركات كانت بتمتلكو شركة TRW وبيختبرو فيهو قوة الدفع والإهتزازات والأداء وغيرو بالنسبة لمحركات الهبوط على سطح القمر LMDE
الآن نجي لي نقطة مهمة جداً .. هل فيزياء الأرض هي نفسها فيزياء الفضاء الخارجي؟ لأ بالتأكيد ونسبية اينشتاين بتوضح المسألة دي.
الدفع الصاروخي لا يعمل في الفضاء كما هو الحال في وجود غلاف جوي ويعمل على مبدأ يسمى conservation of momentum والمسألة معقدة ويحتاج شرحها لزمن طويل ولكن من شاء ان يتبحر في هذا الأمر فليبحث في قوقل .. في الفضاء تنعدم الجاذبية وعلى سطح القمر الجاذبية تعادل سدس جاذبية الأرض
مجرد السفر الى الفضاء في وضح النهار وفي زرقة السماء ينقلب الحال بعد الخروج الى الغلاف الجوي .. ظلام تام والشمس تشبه الكشافة في الليل والنجوم لا يمكن رؤيتها بسهولة ولا تظهر في الصور
الفراغ في نفسه يغير كثيرا من قوانين الفيزياء التي نعرفها على سطح الأرض ..
يبقى لو في زول (عاقل) حا يعرف إنو إجراء اختبارات الهبوط في الأرض في وجود الغلاف الجوي بمحركات الهبوط على سطح القمر حا يدي نتائج خاطئة تماماً وكارثية إذا اعتمدوا عليها في الهبوط على سطح القمر وده بيفسر عدم القيام بإختبارات هبوط في فترة الستينيات والسبعينيات.
طيب حيجيك زول يقول ليك طيب ليه بيعملو في الإختبارات هسي في 2014 وليه فرحانين بنجاح هذه الإختبارات على سطح الأرض نقول ليهم لأن الهدف الآن الهبوط بمركبات فضائية مأهولة على سطح المريخ وليس القمر .. والمريخ لمن لا يعرف عندو atmosphere أو غلاف جوي .
لهذه الأسباب وأسباب أخرى تم إختبار هذه المحركات بعد تركيبها في الـLEM في الفضاء الخارجي إبتداء من أبوللو 5 ومن أفضل الإختبارات ما كان في أبوللو 9 وأبوللو 10 والعايز التفاصيل يبحث في قوقل وتوجد كمية كبيرة من الفيديوهات والأمور سارت على ما يرام وأثبتت الإختبارات بالأرقام نجاح هذه المحركات وصلاحيتها للهبوط على سطح القمر .. بإستثناء خلل حدث في اختبار أبوللو 5 وتم تغيير التصميم لاحقاً بعد اعتراضات من ناسا ودخول شركات أخرى ..
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
طيب بالنسبة للهبوط على سطح القمر وليه المحرك ما عمل حفرة ضخمة في منطقة الهبوط ؟ جاوبت عن الموضوع ده قبل كده وبنسخو هنا تاني عشان تسلسل الأحداث يكون كويس :
في حاجات فايتة على كتير من الناس لأنهم ببساطة ما بيقروا .. الـThrust بتاع الـDescent engine ما بيتحسب بالكامل بل بيكون على 6 .. ببساطة لأنو الجاذبية في القمر ضعيفة جداً .. يعني لو وزنك هنا في الأرض 80 كيلو حيكون وزنك في القمر 13 كيلو وزيادة شوية ..
الحاجة التانية الـ LEM بينزل بي زاوية وهو متحرك أفقيا يعني ببساطة ما زي الهيليكوبتر بتقيف قصاد الحتة العايزة تنزل فيها وتبدأ تهبط لغاية ما تستقر.
الحاجة التالتة المحرك بيتم ايقافو تماماً على ارتفاع خمسة أقدام فوق منطقة الهبوط يعني مافي دفع مباشر على السطح.
الحاجة الرابعة القمر فيهو طبقة صخرية اسمها lunar regolith مكسية بالغبار وصخور زجاجية ومعدنية ودي ببساطة بتمنع انو تظهر حفرة بعد تطاير الغبار.
الحاجة الخامسة القمر ما عندو غلاف جوي .. فراغ فقط Vaccum وبالتالي الغازات المندفعة بتتمدد فورياً بمجرد خروجها من المحرك ..
بعدين يا ناس فكروا شوية .. لو فرضنا ناس ناسا (دقسو) في انو (ما عملو حفرة) في ابوللو 11 طيب يدقسو نفس الدقسة في ابوللو 12 14 16 17 وعلى مدار السنوات 1969 لغاية 1972
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
نجي للصورة تحت الـLEM .. ازاحة الغبار واضحة جداً وبعمق قدم تقريباً ، ممكن الناس تفتش عنها في موقع ناسا فتش عنها AS11-40-5921 وفي زيها كتير
الحاجة التانية ، أول زول اتكلم عن الموضوع ده هو نيل ارمسترونج زاتو بي زاتو .. في بداية الـEVA بعد الهبوط مباشرة ، وقال بالحرف الواحد (والفيديوهات موجودة) :
Okay. The descent engine did not leave a crater of any size. It has about 1 foot clearance on the ground. We're essentially on a very level place here. I can see some evidence of rays emanating from the descent engine, but a very insignificant amount.
بعديها طوالي أخد صور لموضع الهبوط زي الصورة الفوق دي وأعتقد انها واضحة جداً .. يعني بالعقل كده مستحيل انو ارمسترونج يكون هو زاتو من ناس نظرية المؤامرة ، بإختصار شديد اي زول من ناس الهوكس حقو يتكلم عن اي موضوع الا الموضوع ده لأنو أول زول اتكلم عنو وشرحو للناس هو ارمسترونج مباشرة بعد ما نزل على سطح القمر.
للزول العايز إثبات صحة الإزاحة الخفيفة دي للغبار في القمر وإستحالة حدوث حفرة من ناحية فيزيائية ورياضية يراجع الوصلة التالية ، بس أهم شئ يكون بفهم في الرياضايات والفيزياء
braeunig.us/apollo/LMcrater.htm
___________
الرد الجايي بإذن الله حيكون عن حزام فان آلن
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
| Quote: الحاجة الخامسة القمر ما عندو غلاف جوي .. فراغ فقط Vaccum وبالتالي الغازات المندفعة بتتمدد فورياً بمجرد خروجها من المحرك |
يا ريت يا محمد عبدالله تشرح لينا عبارة "الغازات المندفعة بتتمدد فوريا" حتى نستفيد ونفهم هذه الظاهرة... وهل ينطبق هذا الأمر على ثاني أكسيد الكربون الناتج عن تنفس رائد الفضاء الهابط على سطح القمر أم يتم إعادة تدوير هذا الغاز حتى يبقى أطول فترة خارج المركبة؟
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
انت اخدت الموضوع بشكل شخصي جدا وبعيد عن الروح العلمية حتى
وانت مفروض على الاقل تعترف انه الموضوع دا فرضية من الصعوبة اثابتها بالمنهج العلمي التجريبي
لانه تكرار التجربة بنفس ادواتها هو المستحيل، يبقى بعد داك لمن نصل القمر مرة اخرى وما نلقى اي اثار لرحلة ابولو بنقدر نقول نظريتك دي صاح |
مش كدة وبس الصادق بيشترط الهبوط عليه بواسطة بشر يشوفوا شوف العين ويجوا عايدين
يشهدوا ليه هو شخصياً إنهم ما لقوا آثار قديمة، ده تعريفه للمنهج التجريبي.
لكن لما اليابانيين والصينيين والهنود يرسلوا مركبات ويتزاوغوا من الآثار المفترضة ويتعمدوا ما يجيبوها بالنسبة ليهو دا (ما دليل علمي) لكن صور ناسا (دليل علمي) صوركم انت والترول يا الصادق كل الفيها تضاريس القمر من ما اتخلق وعليها بيان (هنا هبطوا) كأن ناسا هي التي أقامت الجبال وحفرت الثقوب هناك.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
يا أخينا عبد الله مختار
ياخي كلامي واضح بدل تقعد تعيد في الكلام وتخاطب بيهو الناس، الموضوع أنا المعني بيهو هنا وانت بتكتب هنا عشان تجيب حقائق تعتقد أنها تثبت إدعاءات ناسا
وأنا شايف إنها لخمة بتاعة نصوص وصور وفيديوهات حاولت اتجنبها من البداية، كل البتعمل فيهو انت بتعيد فيها مع إضافة أسلوب سردي روائي،
ياخي لو في أخطأء أسردها كلها مرة واحدة في مداخلة واحدة. ولو عندك كلام علمي قولو بطريقة مختصرة بدل البتعمل فيهو دا.
ولو عايز تكون جادي وعندك نقاط محددة خش في الموضوع مباشرة، أنا ما عارف حكاية (أنا مشغول وما فاضي) دي كانت شنو بالضبط طالما جيت تبدأ تعيد نفس الكلام؟
أتمنى إنك ما تتوهم إني زايغ ولا طالب عفو منك ووتتمادى، بالعكس
ويا ريت تتجنب السخرية عشان ما أجاريك
أنا ما عايزك أوصلك لحالة الترول هنا
والله العظيم
_____
أنا بمهلك لحد نهاية الأسبوع عشان تلتزم بتوفير الوقت لينا هنا
فإذا استمريت تتجاهل نصايحي دي
صدقني المسألة ما حتكون في صالحك
والمرة دي حتغيب وما حترجع
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote: أنا بمهلك لحد نهاية الأسبوع عشان تلتزم بتوفير الوقت لينا هنا
فإذا استمريت تتجاهل نصايحي دي
صدقني المسألة ما حتكون في صالحك
والمرة دي حتغيب وما حترجع |
ياخي .. خوفتني شديد 
أسبوع كتيرة شديد واعمل البريحك .. أنت ما بتفرض علي أكتب بي ياتو طريقة أنا بعمل الحاجة البتريحني بس.
الموضوع الجايي بإذن الله عن حزام فان آلن .. أعتقد أنا ماشي بالترتيب وما طلعت بره موضوع البوست
عندك رد على كلامي قولو .. ما قادر وفر على نفسك الزمن الخايف تصرفو ده .. والسلام
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
| Quote: يا ريت يا محمد عبدالله تشرح لينا عبارة "الغازات المندفعة بتتمدد فوريا" حتى نستفيد ونفهم هذه الظاهرة... وهل ينطبق هذا الأمر على ثاني أكسيد الكربون الناتج عن تنفس رائد الفضاء الهابط على سطح القمر أم يتم إعادة تدوير هذا الغاز حتى يبقى أطول فترة خارج المركبة؟ |
تحياتي د. محمد الأمين
لفهم سبب تمدد الغازات في الفضاء يجب أن نقوم بتعريف مختصر للفراغ Vacuum ، الفراغ عبارة عن مكان أو حيز خالي من المادة (تقريباً) حتى الغازات ، مع العلم أنه لا يخلو تماماً من بعض الذرات لهذا قلت (تقريباً) ، من المتعارف عليه أن الضغط الجوي في الفراغ يساوي صفر لكن الحقيقة أنه قريب جداً من الصفر ، فيزيائياً السوائل والغازات تنتقل من الضغط الجوي المرتفع الى الضغط الجوي المنخفض ، هذا بالضبط ما يجعل الغازات تتمدد بل وتتبدد سريعاً في الفضاء ، لاحظ عدم وجود ضغط جوي مع نشاط جزيئات الغاز .. وفيزيائياً أيضاً السوائل تتحول الى غازات وتتبدد في الفضاء وكأنها معرضة لمصدر غليان قوي جداً .. تخيل لو حدث ثقب في خوذة أو بدلة رائد الفضاء .. سيموت بطريقة بشعة جداً
ما ذكرته أنت بشأن ثاني أكسيد الكربون فإنه ينطبق عليه ما ذكرناه من قوانين فيزيائية ولكن رائد الفضاء يرتدي بدلة فضائية مصممة خصيصاً لتوفير الحماية ووسائل الحياة والتخلص من السموم ، يمكنك مشاهدة هذا الوثائقي لمعرفة كيف يتم صناعة البدلات الفضائية وكيف تعمل ..
تحياتي
| |
|
|
|
|
|
|
|
|
 Re: خبايا مشروع أبولو وخدعة الوصول للقمر (Re: محمد عبدالله مختار)
|
الاحتفاظ بمحصلة القوى ... conservation of momentum يا محمد مختار ... القروا دايناميكا بالعربي بيعرفوا محصلة القوى Momentum .. لأنو المحصلة الرأسية للمقذوفات بتتحسب بتوزيع المعامل الرأسي للقوة مع معامل الجاذبية والمحصلة الأفقية بتتحسب بنهاية عجلة القوة المتبقية من المعامل الرأسي ... بالطريقة دي وبى كتلة المقذوف بتعرف زاوية الإنحراف وطول المسافة التي يقطعها جسم محدد له كتلة محددة متأثرًا بمقدار قوة محددة ...
في الفضاء تغيب الجاذبية وتصير عجلة قوة الدفع أقرب للا نهائية ... فيحتفظ الجسم بمحصلة القوى التي يسببها دفع النفاثات ... باستخدام قانون نيوتن الأول وهو:
(يظل الجسم في حالة سكون أو "حركة منتظمة في خط مستقيم" ما لم تؤثر عليه قوة)
عشان نساعدك في الشرح العلمي ..
أنا شكلي كدا بعد دا حا أتفرغ للبوست دا ... سجن سجن ... غرامة غرامة
... المهم ....
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
طيب
أخونا محمد مختار
المهلة انتهت،
وشكلك مصر تواصل الاستخفاف، أنا عندي سؤال واحد وبديك فرصتين لأني ما عارفك وين في الدنيا دي
بديك لحد نهاية الجمعة بتوقيت غرينتش وبعدها حتلقى ردي في مداخلة واحدة هنا. في إمكانك مواصلة الحديث عن فان آلن أنا متابع ما أظن في حاجة تمنعك.
السؤال ---------------
Quote:
تخيل لو حدث ثقب في خوذة أو بدلة رائد الفضاء .. سيموت بطريقة بشعة جداً
|
الكلام دا أنا ما عرفت المقصود شنو منو لأنو سرد أدبي وخالي من أي معلومة، إيه يعني "طريقة بشعة" سكتة قلبية من البرد مثلاً ولا رقبتو حتنكسر؟
دا مافي صلب الموضوع لكن طالما قصدت الحشو حاعتبرها معلومة هدية منك.
الفرصة الأولى ---------------
السطور التحت ديل أنا اعتبرتهم استخفاف وهي كذلك وبدون سبب واضح يدعوك للاصرار عليها في وقت لم تجد مني سوى الاحترام، عندك فرصة للاعتذار عنها لحد الجمعة بس عشان أراعيك في موضوعات فان آلن والكمبيوتر، لكن ردي على استخفافك في الفترة الأولى والتانية دي أنا جهزتو وعليك تحمل عاقبة أفعالك.
ابتسامات في غير مكانها، وتلميحات بعدم القراءة والتفكير وعدم فهم للفيزياء ولولوة واعتماد على مصادر كاذبة.
Quote:
- لكن نصيحة لوجه الله ، كلمة (مستحيل) دي ما تكتر منها
- عشان مافي زول يفتكر انو الناس ديل قرروا فجأة كدة ينزلوا في القمر
- مؤسف جدا يا باشمهندس تعتمد في شهاداتك على زول تخصصو الجامعي (آداب لغة انجليزية) وتخصصو الفني (furniture maker) وأقصى تطور ليهو كان انو يشغل وظيفة (head of technical publications) في شركة روكيتداين
- لكن والله زعلني بالحيل كلامك عن الكمبيوتر بتاع رحلات أبولو القلت انو في الأرض ما شغال خليك من يشتغل في القمر
- معليش يا هندسة انت بتجيب الكلام ده من وين؟ بس أوع يكون من بيل كيسينغ ..
- للأسف يا هندسة معلومتك غير صحيحة وكافية انها تنسف البوست لأنو بيعتمد على معلومات خاطئة ..
- بس أهم شئ يكون بفهم في الرياضايات والفيزياء
- بعدين في حاجات تانية فايتة على كتير من الناس لأنهم ببساطة ما بيقروا
- بعدين يا ناس فكروا شوية
- عارف يا حاتم أنا زاتي من البعض ديل وأول مرة في حياتي أسمع بالحدوتة ديsmile
- الشخص البيقول انو المسألة دي مستحيلة هو بيل كيسنج وقلنا مليون مرة الزول ده كذاااااااب وجااااااااااهل في الـAstronomy
- أتمنى دي تكون آخر مرة تفترض فيها إنك (الوحيد) العارف الحاجات دي وإنك جايي تنقذنا من خلعتنا في ناسا وإننا فاضين وما عندنا موضوع نعملو
- هسي خلي اللولوة البتعمل فيها دي وجاوب هنا :
- رسل لي ماسنجر وقول انك نقلت الكلام ده بي ضبانتو وما كنت عارفو صاح ولا غلط .. بعفيك لوجه الله
- الزول ده فاكيها في روحو شديد واتجاوز حدودو كذا مرة ومشيتها ليهو لكن زودها شديد عشان كده لازم نديهو من نفس الجرعات الظريفة دي.
- ولا يهمك يا باشمهندس حاتم ، انت لا فاكيها في روحك ولا حاجة وزي تواضعك ده أصلو ما لاقانا
- يبقى لو في زول (عاقل) حا يعرف إنو إجراء اختبارات الهبوط في الأرض في وجود الغلاف الجوي بمحركات الهبوط على سطح القمر حا يدي نتائج خاطئة تماماً
- في حاجات فايتة على كتير من الناس لأنهم ببساطة ما بيقروا
- بعدين يا ناس فكروا شوية .
- صعود وهبوط بمحرك صاروخي واحد وفي وجود غلاف جوي ورياح وجاذبية قوية .. قلت لي مستحيل في 2014 smile
|
الفرصة التانية ---------------
من هنا لنهاية الجمعة حاول صحح الأخطاء في كلامك الأخير والقديم لو عايز برضو، بس ردي جاهز وبناء على النسخة القديمة بما فيها، بس عشان اعتبرك استعجلت وعندك أجر المجتهد بدون مكابرة.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
تحياتي يا باشمهندس ..
واضح انك أخدت الموضوع بصورة شخصية (جداً) وأنا بقول ليك يا زول العفو والعافية
بس في حاجة واحدة لازم تعرفها ، أي عبارة جات هنا كانت رد فعل لي عبارات كتيرة جداً اتجاوزت عنها
وممكن أقتبس ليك من كلامك أكتر من مائة عبارة زي الجبتهم ديل لكن ده ضياع زمن في الفاضي
لكن على العموم لو عايزني أواصل في النقاش العلمي بعيداً عن المهاترات أثبت حسن النية وواصل بدون تهكم ######رية
ولك العهد مني أن يكون النقاش علمي بحت ، غير كده أنا ده طرفي من البوست ده وواصل فيهو بي راحتك
لأني داخل عشان أناقش نقاش علمي ما جيت عشان مهاترات شخصية وأرجع لمداخلاتي الأولى في البوست
بخصوص ردك البتهدد بيهو ده فأعمل الحاجة البتريحك ، عشان ما تفهم (العفو والعافية) انها خوف منك
| Quote: وبديك فرصتين لأني ما عارفك وين في الدنيا دي |
لو ده تهديد فما مشكلة يا صاحب ، رسل لي ماسنجر وبديك عنواني ، تلفوناتي والإيميل وأي حاجة ممكن توصلك لي
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
لو ده تهديد فما مشكلة يا صاحب ، رسل لي ماسنجر وبديك عنواني ، تلفوناتي والإيميل وأي حاجة ممكن توصلك لي
|
ما تخليك خيالي، ما عارفك وين يعني ما عارف فرق الوقت عندك كم بحسب الجغرافيا، لما اقول الجمعة دا عندك احتمال يكون الخميس
لما حددت غرينتش عشان يكون مرجع ليك، جغرافيا بسيطة ما فهمتها؟ مافي تهديد دا مجرد نقاش علمي بعقل مفتوح، بس من طرف واحد.
رد على السؤال دا وفر الوقت
Quote:
تخيل لو حدث ثقب في خوذة أو بدلة رائد الفضاء .. سيموت بطريقة بشعة جداً
|
يعني شنو "طريقة بشعة"؟
المهاترات بديتها انت ارجع للصفحة الخامسة، وجيت هنا منقذ للشباب ديل، أهو عندك العبارات، لما تقول (حقو الناس تفكر وتقرأ) دي مسألة بالتأكيد شخصية
على أي حال، دا مقدور عليه بالحوار هنا، رد وواصل في الحزام والكمبيوتر، أنا متابع.
الله هون، في غير مصلحتك
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
يا حاتم كلمة وغطاها .. حتواصل في الأسلوب ده ؟؟
| Quote: جغرافيا بسيطة ما فهمتها؟ |
| Quote: دا مجرد نقاش علمي بعقل مفتوح، بس من طرف واحد |
| Quote: رد على السؤال دا وفر الوقت |
| Quote: الله هون، في غير مصلحتك |
لأنو ده نقاش (شخصي) ومهاترات وما عندو أي علاقة بالنقاش العلمي وقادر أرد عليهو والله (وأديتك نموذج قبل كده).
لكن والله زهجت من القصة دي وده حيبقى زي نقاش الشفع .. قال لي وقلت ليهو .. بالطريقة دي أنا ما بتناقش معاك
عشان أنا أكسب زمني وانت تكسب زمنك .. والسلام
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
انا اقول ليك طريقة بشعة كيف ...
مع ثقب الخوذة أو البدلة ... ستتبدد كل سوائل الجسد (تتبدد دي مخصوصة لأنو ستتمدد بفرق الضغط الجوي إلى ما يقارب صفر "بار" بحيث تتحول لحظيًا إلى ذرات مشتتة في الفراغ) ... سيتحوّل الجسد لمواد صلبة فقط مما يسبب نحول فجائي ... وغالبًا أن ما يثقب البدلة أو الخوذة سيكون قادر على ثقب الجسد ... لن يكون هنالك نزيف لأن الدم سيتبدد بسرعة أكبر بكثير من سرعة الدورة الموية ... ستتبدد سوائل العيون ومخاض الجيوب الأنفية واللعاب مما يجعل الملامح اشبه بالمومياء ... وبالتأكيد ستفقد البشرة لونها مع الجفاف الفجائي ...
سيكون موت بطريقة بشعة ... لا تسمح ببرهة لصرخة ألم ...
... المهم ....
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
| Quote: رد عليهو لو سمحت (طريقة بشعة) كيف؟ |
ده بيرجعنا لي موضوع تمدد الغازات في الفضاء الشرحناهو فوق .. الغازات الجوة الرئتين بتتمدد وبالتالي بتمزق الرئتين في وقت وجيز جداً اذا حاول رائد الفضاء حبس أنفاسه ، الضغط في الفراغ زي ما قلنا بيقترب من الصفر وفيزيائياً كلما انخفض الضغط انخفضت درجة غليان السوائل بالتالي الزول ده بتغلي سوائل جسمو وبتتبخر ، خاصة السوائل الخارجية زي اللعاب والسوائل الأنفية والدموع ، الأنسجة البشرية بتحبس الغازات جوه الجسم وبالتالي بيحصل تضخم وبينتج عنو تمزق خاصة في الشعيرات الدموية ، في بعض الأنسجة حتتحبس فقاعات خاصة في العينين والجلد .. هذه طريقة بشعة للموت من وجهة نظري.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
طيب
بدايةً، الكلام التحت دا كلو أنا عدلتو أكتر من مرة عشان ما تتحجج بحكاية (الجير الضيَّق الأوضة) شغل الابتسامات و (حقو الناس تقرأ) و(حقو الناس تفكر) دا اسمو استخفاف، بدوهو الجماعة الطلعو جهلاء ديل وجيت انت عايز تواصل فيهو بتتوهم انك أدرى، عموماً لو وريتك النسخة الاصلية صدقني، (حتنشغل) لحد ما الانترنيت دي يطفوها ويجروا قيطانها (كتانها). لكن أنا عايزك تواصل للنهاية عشان تاني ما أسمع منك في حقي كلمة (لولوة، زوغان)، واتفضل دي الردود على اسئلتك الذكية. أنا استعملت نفس أسلوب التلميح بتاعك بتاع (حقو الناس) وما تتضايق، وليبق الود بيننا، لكن العلوم شيء والعواطف شيء تاني.
تعرف أنا أديتك اعتبار أكبر من وزنك، اتوقعتك تقول كلام أكاديمي، لكن مضطر أجاري أسلوبك عشان تفهم و
لأنك طفيف علمياً (ما تزعل دي الحقيقة وحتشوفها) زي طيارات الفلين البتلعب بيها أنا وضعت رواياتك كلها مع ردودها في مداخلة واحدة
وعليك تحمل عاقبة سخريتك في البداية، لأنك وقت دخلت هنا ما حصل قللت من شأنك.
ومبدئياً: للأسف يا أخينا معلوماتك غير صحيحة وكافية انها تنسف تداخلاتك لأنها بتعتمد على معلومات خاطئة وخيال علمي
كذلك أنا دائماً بحاول أعرف دوافع التصديق وفي حالتك افتكرتها عن مباديء علمية لكن لقيتك الأساسيات ما عارفها كالعادة هنا
مسألة عاطفية ودي شرحها في النقاط [25] و [26].
خش، يمرقنك ركبك مني هنا تاني
================================= بداية الرد =================================
[1]--------------------------------------- صفحة 5
Quote:
خليك من انو الـ Lunar Excursion Module - LEM فيهو تفاصيل ما يعلم بيها الا الله والمسألة اكبر من انو تنحصر في الهبوط بمحرك صاروخي ..
جاييك راجع ان شاء الله بس ربنا يهون القواسي .
|
أهو هونها يا أخوي وشكلك فاضي، عشان كدا نبدأ ليك من بكان ما كنت (مشغول)
أها التفاصيل الما بيعلم بيها إلا الله دي شنو في رأيك؟
[2]--------------------------------------- صفحة 5
Quote:
أما قصة الصاروخ تجريبي وبدون ركاب فالمعلومة العارفها انت كويس انو ناسا عملت تجارب لا تعد ولا تحصى للـLEM والمهندسين في كلو مرة كانو بيعدلو فيهو حسب المتطلبات لغاية ما اتكللت المساعي بنجاح بعد داك قرروا يعملو اختبارات تانية في المدار حول الأرض وإختبارات تالتة قريب جدا من القمر لكن بدون هبوط وأخيراً قرروا ينزلوا في القمر ، الغريب شنو في الموضوع ده ووين الحاجة الما منطقية في تسلسل الأحداث والتجارب دي (مع ملاحظة اني اهملت الكتير من التفاصيل) ؟ بعدين المركبة فيها thrusters بتحافظ على التوازن بتاعها بصورة آلية
|
مافي مشكلة يجربوا، لكن اختزال الموضوع في (تكللت بالنجاح) دي انحنا ما بناخدها جربندية كدا
الغريب هنا إنو لسة ما جربوا الهبوط العمودي بمحرك صاروخي على مركبة مأهولة لحد ساعة كتابة السطر دا يا أخينا.
كنا شرحنا ليك لكن يظهر الناس ما بتقرأ
Quote:
طيب أخ عبد الله، في الفيديو النموذج (Lunar Landing Research Vehicle) يعمل على محرك طائرة (Turbo Jet) ولعلك لاحظت الفرق بينه وبين الصاروخ التجريبي
في عدم وجود الدخان الكثيف، هنا النفث (Thrust) محكوم ومنتظم وسلس بحكم الوقود المستخدم والتقنية الخاصة بالمحرك، يعني لا تتوقع مفاجآت من محرك تيربوجيت. فلا يمكن تعمم التجربة على محرك صاروخي فشل مرة حتى في التجربة في فيديو 2014 الذي أتيت به. وبالتأكيد لا يمكن أن تجزم بأنه نفس المحرك المستخدم في المركبة القمرية، لأنها استخدمت محرك صاروخي وليس محرك طائرة يعمل في جو الأرض.
أهي دي المسائل الغريبة (تقنية) مش رواية من طرف واحد.
|
[3]--------------------------------------- صفحة 5
في حاجة محيرة أنا من صفحة خمسة لاحظت إنو في منبر سري جوة البوست بتاعي دا، أول ما يدخل أخينا بتاع طيارات الفلين الترول يقوم يتنفخ ويبدأ يتكلم بالضمير (نحن) وفي نفس الموضوع ومرات يكرر نفس كلامو.
Quote:
===== صفحة 5 =====
مختار: أما قصة الصاروخ تجريبي وبدون ركاب فالمعلومة العارفها انت كويس انو ناسا عملت تجارب لا تعد ولا تحصى للـLEM والمهندسين في كلو مرة كانو بيعدلو فيهو حسب المتطلبات لغاية ما اتكللت المساعي بنجاح
الترول: جيب حسابات واضحة للصاروخ ساترن تمنع إخراجو للمركبة من الغلاف الجوي +++ انا أول مرة اسمع بى "الهبوط العمودي بصاروخ" في هذا البوست ... ويشبه شغل البهلوانات ولا أعتقد أنه يصلح
===== صفحة 6 =====
مختار: ه وثائقي بيشرح تاريخ بدل الفضاء من البداية وحتى الهبوط على سطح القمر
الترول: crgis.ndc.nasa.gov/historic/File:1967_Borman_Collins_Anders.jpg
مختار: للأسف يا هندسة معلومتك غير صحيحة وكافية انها تنسف البوست لأنو بيعتمد على معلومات خاطئة
الترول: لولد دا بيرزع ساااااي ... قايل روحو بيتونس مع اولاد الحلة تحت العمود
===== صفحة 16 =====
مختار: ما تتكلم ساي .. جيب الإثبات من موقع الـMIT أو ناسا إنو ده الكمبيوتر بتاع الـLEM وأثبت إنو لعبة ساي ، الإثبات ده من ناحية الهاردوير في الأول بعدين السوفت وير
الترول: طيب الكمبيوتر ما عندو علاقة بتحديد المسار ... ولا تعرف أنسب منه لمركبة قمرية ...+++ إنت من وين حددت انو كمبيوتر مشحون بالأرقام دي ... إنو ما عندو علاقة بى "تحديد المسار"؟ +++ إنت مش اديناك موقع لهواة تصوير القمر بالتليسكوب؟ ... لقيت شنو يا الناجح؟ ++++ بعدين ما تزوغ ... ورينا رايك في الريـال دا ... وورينا عيوب كمبيوتر ابولو البيحميهو يشتغل ويبقيهو لعبة ساي ...
مختار: الحاجة التانية انا شغال في مشروع من قبل سنة تقريباً لعمل خارطة إشعاعية Radiation Map للسودان بالتعاون مع منظمة يابانية إسمها Safecast +++ السادة ضيوف البوست متأسف جداً لكن الزول ده إضطراني أتكلم ووصلني المرحلة دي ..
الترول: أها ... كدا كويس؟
مختار: بنجمع الأجهزة وبنعمل ليها الكونفقريشن وبنشتغل وبنرفع الداتا في السيرفر
الترول: دايرينك تورينا انت سميت الكمبيوترات "لعبة" وعندها علاقة بتحديد المسار ومجرد لمبات على أي اساس ... +++ عندك الاكيتكشر والسكيم والصورص كود ... وأي إضافة من عندك ... +++ عشان اعرف انا بتناقش معاك عن شنو
مختار: الزول ده فاكيها في روحو شديد واتجاوز حدودو كذا مرة ومشيتها ليهو لكن زودها شديد عشان كده لازم نديهو من نفس الجرعات الظريفة دي
الترول: لو ما داير تتناقش معاي ... قول الروب +++ ومشكلتك مع الكمبيوتر شنو ... وكيف ما عندو علاقة بى تحديد المسار؟ +++ ما في طريقة زوغة المرة دي +++ قلنا له أن الحل الوحيد هو أن يذهب زاعمي الهوكس للقمر (بما أن روسيا والصين واليابان والهند وإنتلسات صاروا أطراف في "المؤامرة" العجيبة) ويتأكدوا بأنفسهم إن كانت ناسا صادقة أم خادعة
===== صفحة 17 =====
مختار: والمسألة معقدة ويحتاج شرحها لزمن طويل ولكن من شاء ان يتبحر في هذا الأمر فليبحث في قوقل .. في الفضاء تنعدم الجاذبية وعلى سطح القمر الجاذبية تعادل سدس جاذبية الأرض (صفحة 16)
الترول: في الفضاء تغيب الجاذبية وتصير عجلة قوة الدفع أقرب للا نهائية ... فيحتفظ الجسم بمحصلة القوى التي يسببها دفع النفاثات ... باستخدام قانون نيوتن الأول (صفحة 17)
|
شفتو يا اخوانا لوريل وهاردي
يعني حتى ما متفقين على متحدث بلسان واحد نفس الكلام يطلع من الطرفين وفي نفس الموضوع
قالوا في النكتة، أبو الدرداق سأل القرادة: ويييينك ما ظاهرة؟
ردت عليهو: مشغوووولة والله، دي جيتي، أنا والجمل أخوي مشينا نجيب عيش من القضارف
دي نكتة ساي يا أخوانا
[4]--------------------------------------- صفحة 16
Quote:
حاتم: بالنسبة ل (RTOS) أنا لم استغرب هذا الاسكيم (scheme) (وليس تكنيك)
التكنيك يا حاتم procedure to complete a task وده البيعملوهو رواد مركبات أبوللو ، أنا ما اتكلمت عن التكنولوجي
|
والتكنيك شنو غير تطبيق للتكنولوجي؟
التكنيك يعني تستخدم موتور كهربائي بدل الهيدروليك، ذاكرة ديناميكية بدل الذاكرة الاستاتيكية، لكن لما تفكر تستخدم (RTOS) دا بيكون اسكيم كامل
انت قايلو نظام في سي دي بسطبوهو؟ اسكيم هنا لأنك بتستخدم معدات إدخال مختلفة محسوبة معاييرها وتأثيراتها على مجمل نظام التشغيل، بتستخدم عنونة ذاكرة غير المألوفة في حالة يكون المستخدم بني آدم، بتستخدم طرق تناوب للسجلات غير المتعود عليها انت في طائرات الفلين، بتستخدم دوائر إلكترونية من مواد غير التجارية البتشتريها السوق، بتستخدم جدولة للمهام بتعتمد اساساً على الوظيفة المخصصة للمركبة ولكل مخرج فعال فيها مش بس المدخلات والبيانات، بتتداول المقاطعات (interrupts) بدرجات أولوية بالغوريثم مختلف، بتستخدم تنظيم للذاكرة غير معد لمجرد الحفظ فقط بل للسرعة في عمليات الحفظ والاستعادة، باختصار مجمل التقنيات دي بسموها اسكيم مش تكنيك، التكنيك ممكن تعدلو في أي وقت لكن الاسكيم بتعمل مرة واحدة انت محكوم بظروف المركبة مش برغبة السواق بتاعها.
[5]--------------------------------------- صفحة 16
Quote:
أنا قدر السيرة الذاتية بتاعتي بالتأكيد ، لكن للتوضيح أنا اتكلمت عن بروجكت محدد لأنك بتنتقد الناس البيتكلمو وما عندهم خلفية عن الموضوع ، بعدين لو انت زعلان على الشهر والنص الصرفتهم ديل اسقف على كده ، مافي زول جبرك تجي تفتح البوست ده اظنك كنت مفتكر انك لمن تجيب الموضوع ده حا نندهش
|
إذن تفتح بوست عن طيارات الفلين (الدرون) مش أي نوع، لا ، بتاعتك تحديداً لأنك عارفها جوة وبرة احتمال، وتشرح الفيها، أها أنا بجي أناقشك
وحاول تطلع نتيجة النقاش دي درون على الأقل، عشان زاتو ننتهي من شغل الطيارات دا.
[6]--------------------------------------- صفحة 16
Quote:
الرحلة بيسافروا فيها 3 رواد فضاء (إلا لو عندك راي تاني) .. من 12 لي 17 تبقى 6 رحلات في 3 رواد يبقوا 18 رائد فضاء
السؤال الآن يا حاتم : انت قلت 24 رائد فضاء ممكن تورينا الستة الزايدين ديل جبتهم من وين؟
|
عدد الرحلات حسب ناسا 9 رحلات (أبولو 8، أبولو 10، أبولو 11 ، 12 ، 13، 14 ، 15 ،16، أبولو 17)، يبقوا 27 رائد "أرسلتهم" ناسا إدعاء للقمر، شيل هوادتك يبقوا 24.
سقطت كلمة (إجمالاً) والجملة الصحيحة هي "تؤكد إجمالاً" وآخرين يعني خلافاً للشائع، الترجمة: (غير الحقيقة العرفتوها عن التلاتة ديل ناسا بتدعي إرسال 24 رائد إجمالاً)، لاحظ المكتوب إرسال وليس (هبوط)، البوست دا يا أخينا عن إثبات استحالة سفر البشر للقمر برمته مش الهبوط بس، حقو الناس تقرأ المكتوب كويس.
الصفحة الأولى قديمة منذ 2009 ولم أقم إلا بتعديل الفقرة اللنكات والضمير العائد لي والسنوات من 40 إلى 45
عشان ما نظلمك اكتر من كدة، انت شفت الكلام العربي البسيط هنا دا اتوهمت إني بنقل من المنتديات العربية مش كدة؟
شوفها هنا، كلماسوفت دا أنا، المحتوى دا مسحتو من موقعي لأنو جاب لي ناس (انعدام الجاذبية):
http://wdelfadul.net/vb/showthread.php؟t=5796http://wdelfadul.net/vb/showthread.php؟t=5796http://wdelfadul.net/vb/showthread.php؟t=5796http://wdelfadul.net/vb/showthread.php؟t=5796 منتديات ود الفضل 2009، النسخة القديمة لنفس الفقرة
http://www.atinternational.org/forums/showthread.php؟t=7044http://www.atinternational.org/forums/showthread.php؟t=7044http://www.atinternational.org/forums/showthread.php؟t=7044http://www.atinternational.org/forums/showthread.php؟t=7044 2009 وكنا بنجادل في غير منبر بكري دا
http://saaa-sy.forumotion.com/t1319-topichttp://saaa-sy.forumotion.com/t1319-topichttp://saaa-sy.forumotion.com/t1319-topichttp://saaa-sy.forumotion.com/t1319-topic 2010 ويقتبسو مننا حقائق بعد نترجمها
http://www.hazemsakeek.info/vb/showthread.php؟26519-%C7%DF%D0%E6%C8%C9-%C7%E1%D3%ED%D1-%DA%E1%EC-%C7%E1%DE%E3%D1ands=3eb653dcc4f0381057d56cb5ea4608fdhttp://www.hazemsakeek.info/vb/showthread.php؟26519-%C7%DF%D0%E6%C8%C9-%C7%E1%D3%ED%D1-%DA%E1%EC-%C7%E1%DE%E3%D1ands=3eb653dcc4f0381057d56cb5ea4608fdhttp://www.hazemsakeek.info/vb/showthread.php؟26519-%C7%DF%D0%E6%C8%C9-%C7%E1%D3%ED%D1-%DA%E1%EC-%C7%E1%DE%E3%D1ands=3eb653dcc4f0381057d56c...381057d56cb5ea4608fd
https://www.facebook.com/ELBAZ.F/posts/10150964264277001https://www.facebook.com/ELBAZ.F/posts/10150964264277001https://www.facebook.com/ELBAZ.F/posts/10150964264277001https://www.facebook.com/ELBAZ.F/posts/10150964264277001 2012 وبنسال أهل الشأن
http://www.christian-dogma.com/vb/showthread.php؟t=167550http://www.christian-dogma.com/vb/showthread.php؟t=167550http://www.christian-dogma.com/vb/showthread.php؟t=167550http://www.christian-dogma.com/vb/showthread.php؟t=167550
لا يا أخوي، القدامك دا واحد من الناس البيرفدوا المنتديات بالملخصات عن الموضوع دا، كمان لو داير تجيب لي سيرة الإنجليزي أبقى مارق ساي والله تشوف رموز تفتكرها راقصات باليه، جاي تحسب لي؟ عان دا.
كلامك بيذكرني عقيدة مثنى وثلاث ورباع.، الموضوع دا أنا ما جيت واقع فيهو بعد انفجار شالنجر بسبب انعدام الجاذبية. قديم وأنا من الناس البيرفدوا المنتديات العربية، مش باخد منها.
[7]--------------------------------------- صفحة 16
Quote:
جميل جداً .. حسب كلامك الـساترن 5 كانوا 13 صاروخ وآخر واحد فيهم هو الوصل المحطة الفضائية Sky Lab للمدار ، طيب تعال نحسب
أول ساترن 5 كان للرحلة أبوللو 8 ، الكوماندر كان فرانك بورمان وآخر رحلة للقمر كانت أبوللو 17 بقيادة جين سيرنان ، ديل 10 رحلات (إلا لو انت عندك راي تاني) ..
|
الصواريخ 13، طبعاً انت رجعت واتأكدت انهم 13 عشان كدة جيت كتبت الملحق دا ومن ديك ما سألت منهم تاني
Quote:
صواريخ ساتيرن 5 الأنجزت المهمات كانت 11 ، أما لو قصدك إضافة الصواريخ التجريبية فده موضوع تاني
|
أيوة 13 صاروخ، كنت عايزهم يركبو ويطيروا طوالي بنمرة واحد، انعدام جاذبية هو؟ والتجريبية مالها؟ ما بتطير؟ ولا اسمها مختلف؟، ليك حق تقول (طريقة بشعة) و(تنعدم الجاذبية)، ياهم ديل
طبعا انت شفت الصورة دي ومن ديك سكت عن الموضوع، مع إنو الموضوع أصلاً ما يستاهل.
[8]--------------------------------------- صفحة 16
Quote:
بداية لازم الناس تعرف انو الهبوط على سطح القمر ده ساهمت فيهو كمية من الشركات والمؤسسات العلمية على سبيل المثال لا الحصر لوكهيد مارتن - بوينج - روكيتداين - الـMIT - ايروجيت - تي آر دبليو وغيرها كتير
|
يا أخوانا دي شنو المرضة بتاعة التكرار دي؟ الناس ديل زي الفنانين المغمورين أي واحد مصر يؤدي بصوته، نفس النشيد
الكلام مكرر، لخصنا وكتبنا كل جهات المقاولة الاشتغلت في تصنيع الصاروخ ساتيرن والمركبات بأنواعها والتجارب عليها في صفحة (10)
لمن يقرأ ويفهم.
[9]--------------------------------------- صفحة 16
Quote:
لا يعقل انو كل المؤسسات دي تكون ساهمت في كذبة قدر الضربة زي الهبوط على سطح القمر
|
نفس الاستعباط وتعمد سوء الفهم منذ خمسة وأربعين سنة، كتبنا وقلنا ما بالضرورة أي من جهات المقاولة في تجهيز المكونات دي تكون جزء من الخدعة بل هي بعيدة كل البعد، كل المسألة إنها شركات مكلفة بمهمة محددة، وذكرنا مثال الخراط بتاع مسيسبي صفحة (8) وايدو أخوك الصادق رد إنابة عني على هشام آدم، و شرحنا ناسا كانت بتحتاج شنو للتلفيق وخداع الناس الما عندها مخيخ في صفحة (9) وكلامك بتاع الشركات دا قلناهو في تلاتة لنكات في صفحة (10).
لمن يفهم حتى لا يعيد اختراع العجلة، ياخي مالك متور نفسنا ياخي بدينا نلخص جاي تاني تقول لا يعقل؟ نحن بدينا نرصدهم بالنفر ولسة خمسين ما حصلنا ترجعنا من البداية.
نوقعا ليك، طيارة الفلين البتلعب بيها دي صنعتها شركة صينية، أها إذا طارت وقشطت ليها صقر في الهواء الشركة الصينية ببناتها الكتار ديلك متآمرات معاك في الجريمة دي؟
[10]--------------------------------------- صفحة 16
Quote:
بإختصار المحركات الصاروخية بتاعة الـLEM لو كان عملتها ناسا يبقى في فرصة للتفكير في نظرية المؤامرة لكن عطاء مفتوح للشركات ومنافسة في التصميم والتصنيع والتجربة وشفافية ووضوح في نتائج الإختبارات.
|
نفس البرطمة الفوق دي، ذكرها بأسلوب مبسط ووافي أخونا الصادق في صفحة (8) تاييداً لردي على الأخت سمارت آنا
وقال (الى حد ما كلام حاتم صحيح، فالحكومة الامريكية لا تعين خراط في ناسا بل تطرح عطاء لما تريدفعله ويتقدم الاشخاص لفعل الشيء وفق المعايير الموضوعة من ناسا مثلا، فناسا لن تصنه المسامير ولكن تطلب مسامير بشكل معين، ويتقدم الاشخاص لصنع وتسليم ذلك المسمار وفقا لمواصافات ناسا)
لكن الناس بتفتكر نفسها بتفهم في ظروف انعدام الجاذبية
[11]--------------------------------------- صفحة 16
Quote:
طيب نجي لمحرك الهبوط على سطح القمر Lunar Module Descent Engine وهو من نوع المحركات الصاروخية الكيميائية Chemical Rocket Engine أقصى قوة دفع ليهو 9850 lbs الوقود بتاعو خليط من الهيدرازين وأوكسيد النيتروجين مزود بصمامات تحكم ومحددات اهتزاز ومضخات وأنظمة ضغط وتبريد وقصص طويلة .. المهم ده المختصر المفيد
|
المختصر المفيد دا كان أكتر من 400 كلمة وصورتين، عشان تذكر حقيقة واحدة:
إنهم جربوا الهبوط العمودي في أبولو 5 وأبولو 9 في الفقرة الأخيرة
وبرضو غلط، بل عدم فهم
أنا في صفحة (5) اخترت ليك أبسط صورة عشان تفهم، صمامات التحكم دي مش عشان تلعب بيها زي الأبنص لا وظيفتين بس مفتوح أو مغلق دا التحكم المقصود في 1969، المضخات وأنظمة الضغط حاجة واحدة يعني توربين واحد بشغل مضخة واحدة براسين لخلط الوقود والمؤكس وكلها دي علبة واحدة عشان كدة في الرسم مربوطات التلاتة بعمود واحد، جزء من الخلطة دي بيشعلوه عشان يدور التوربين وفي اللحظة البتفتح فيها الصمامين تاني مافي طريقة تخفض دفق الوقود إلا لغرض التجارب وعادة بيتوقف المحرك فجأة من أول محاولة، أصلاً ممكن يتوقف حتى مع أقصى ضغط لخلطة الوقود، جزء من الوقود بيمرر حول الفوهة كسائل تبريد، دا كل الموضوع.
[12]--------------------------------------- صفحة 16
Quote:
الدفع الصاروخي لا يعمل في الفضاء كما هو الحال في وجود غلاف جوي ويعمل على مبدأ يسمى conservation of momentum والمسألة معقدة ويحتاج شرحها لزمن طويل
|
ولا معقدة ولا طيارة بدون طيار، المبدأ الأساسي هو الفعل ورد الفعل، ودا صحيح في حال وجود غلاف جوي من عدمه
والمسألة من بساطتها بيدرسوها طلاب الشهادة الثانوية في أول الكتاب يعني فتح شهية، معقدة بس على الناس البتعقد الأمور زيك كدة.
ذكرتني أبو الريش بالمصطلحات الكبيرة عليك دي.
[13]--------------------------------------- صفحة 16
Quote:
في الفضاء تنعدم الجاذبية وعلى سطح القمر الجاذبية تعادل سدس جاذبية الأرض
|
تنعدم ليه! صلصة هي؟
أشهد أن لا إله إلا الله محمد رسول الله
يا أخوي الجاذبية دي من الثوابت الكونية، حقت الله، مااااااالك قايم عليها؟
(اللهم لا تؤآخذنا)
هياااااا النور!
ومال الكواكب بتنجذب لبعضها بإبداء الرغبة الشخصية؟
إذا كان تخيلك للفضاء أي موقع خارج الغلاف الجوي للأرض فدا برضو فيهو جاذبية أيضاً، القمر دا بيلف حول الأرض كايس باركن؟
خليهو القمر، الأرض دي بتلف حول الشمس دايرة تعرفها ضكر ولا انتاية؟
خليها الأرض، النظام الشمسي كواكبو وين غير في الفضاء؟ البلمها شنو حول الشمس؟ تتدفأ؟
خليهو النظام الشمسي، المجرات دي كلها بيجمعها شنو في الكون الفسيح غير الجاذبية؟ غداء عمل؟
ومال المحطة الفضائية العالمية والأقمار الصناعية دي بتدور حول الأرض بالسنين الماسكها شنو؟ حنيتها للأرض؟
مش موجودة في الفضاء برضو؟ أهي عندك في صفحة (9) نقول مشغول بالفلين وما قريتها ما عندك مخ يفكر برضو؟
الناس حقو ما تتحمس لدرجة إنها تضحك طلاب الثانوي فيها، أنا والله قلت القبة تحتها فكي
انت ما قريت ثانوي ولا شنو با أخينا؟ وشابكنا انشتاين ونسبية وانت في الجاذبية دروس ناس الثانوي ما فهمت منها شيء جاي تعطلنا وتعمل لينا لخمة هنا
طيارتنا وضربوا لي هسة وأنا مستعجل
ونرجع ليك نصيحتك الأولى: لكن نصيحة لوجه الله ، كلمة (تنعدم الجاذبية) دي ما تكتر منها، بل ما تقولها قدام ناس الثانوي بالمرة.
دلوقتي اثبت إنك عارف بتقول في شنو ورينا جاذبية القمر دي طلعت سدس بناء على شنو؟ حسبوها كيف؟
عليكم الله شوفو دا، انت بتتباهى باسم انشتاين، ما سمعت بالقانون الرابع لنيوتن بتاع التجاذب الكوني، دا يا بتاع طيارات الفلين قانون عمره 330 سنة جاي انت الليلة تمسحو بالبساطة دي؟ قريت كلامك دا وين يا البتقول (الناس ما بتقرأ)
شفتو الواحد من يقعد يعرض سيرتو ويقول أنا سويت وأنا قريت وانشتاين والنسبية، دا بيغطي على مصائب بالكوموفلاج بتاع المصطلحات والكلام الكبار،
أها شفت الزيك ديل المزة بتاعتي زااااتا، نمسك الواحد نكجموا بس في المحل البتلاطع فيهو دا، نسبية مرة واحدة وانت الجاذبية ما عرفتها شنو؟
شوف يا زول، أنا حأعلمك يعني شنو "انعدام الجاذبية" الانت من ما قمت متخيل إنو منظر رواد الفضاء طايرين جوة مركبة معناها مافي جاذبية، مش كدة؟
أيوة، دا بالضبط فهمك من يوم ما شفت المنظر دا، اسمها يا كابتن (حالة انعدام الوزن) مش انعدام جاذبية، طبعاً تفكيرك القاصر دا عمرك كلوا متخيل إنو في بقعة معينة
فوق الكرة الأرضية أو في الفضاء الخارجي تنعدم فيها الجاذبية مش كدة؟
دي مجرد حالة سقوط حر في مدار حول الأرض، شرحت الكلام دا في تلاتة سطور صفحة (2) للأخ محمد هاشم، ودي معلومات لناس المتوسطة في التمانينات
قريت وين انت بالله؟
وجاي تنقذ الناس و (تأدبني) مش كدة، وداك كذاااااب وداك جاااااااهل.
__________
أها يا بتاع الطيارات، من دربك دا (وما تقول ما فاضي) تمشي أول حاجة تفتح بوست عن النسبية بتاعة انشتاين واختار البتعجبك فيهن وكلمنا عنها يا البتقرأ وتفكر وقسماً بالله قسماً بالله أطلعك ما عارفها هي ذاتا شنو، دا اسمو تحدي وابقى قدر كلامك طالما عايز تلعلع وتقول النسبية. اسم انشتاين دا انت شايلو بطاقة في جيبك بتخوف بيها يعني؟ يلا ابقى مارق ناقشني في نسبياته في بوست منفصل.
أنا لي شهرين بكتب هنا ما قلت (نسبية) ما بعرفها؟ في حاجة تختها حلقة في أضانك اليمين اللغة هنا بسيطة ودا مقصود مش لأني بنسخ من منتديات زي ما متخيل الترول التاني داك، وفي المواضيع العملية الواحد ما بيتحرى تلقين الناس بالتفاصيل عشان دا بيمثل استفزاز لمقدراتهم العقلية لأنهم برضوا بيفكروا زيك.
لما نصحتك تختصر عشان ما تجي تلعلع فينا سايقها بورمان وسايقها صلاح، دا اسمو حشو واي واحد ممكن يطلع عليه، أصريت ومرقت الملاح البايت كلو هنا، والله إلا أديك درس فيهو عشان تاني لما تسمع (جاذبية) تتذكرني كويس.
هو دا شنو دا، ننتهي من التلسكوب يجينا بتاع درون فرحان كمان.
فاكيها في روحي؟
دقيقة دقيقة دقيقة
انت مش قلت اهتميت بالموضوع دا بعد حادثة شالنجر؟
ياخي معليش ظلمناك ساي والله
في احتمال إنو الجاذبية دي انعدمت بعد السنة الانفجر فيها شالنجر
يبقى المبدأ بتاعك الخاص (بإنعدام الجاذبية) دا يمين بالله يفرطق ليك قوانين نيوتين يعدمها النفس، نيوتن بس؟ والله كان أضفت ليهو الزمن كثابت (1986) يمين بالله انشتاين في قبره يعرف حاجة، نسبية شنو كمان يجي انشتاين يخمنا بيها.
هوي ناس المنبر والفيس والمنتديات المجاورة، الزول دا اكتشفتو أنا هنا، حقي براي، ناس أمريكا وسيد المنبر حقك برة لكن (مبدأ انعدام الجاذبية) دا حيتسجل
باسمنا، المهندس دا تحت رعايتي الخاصة، هوي يا ناس أبو الريش والصادق وسيف البجي يتحكحك في زولي دا أنا بخسرو، حدكم تاخدوا صورة معاهو ورا الدرابزين وبالجلاليب وتشتتوا طوالي.
تعال لي بجاي، شوف الحكاية دي فيها قروش وكاميرات وفنادق ونثريات، أنا خمسة في المية كفاني، بس خليني معاك طالع نازل، إن شاء الله استف ليك الشنط.
زماااان صفحة (8) حافظ بشير مش قال
Quote:
غايتو إذا استمريت بغلاطك دا تاني تمانية صفحات إحتمال تحاول تقنعنا بإنو قمر ذاتو مافي
|
بالله تمانية صفحات طق طرق، والله (هون لي) في صمة خشمي
قادر الله، بعد نظر، والله تحت تحت دي كانت نيتي، لكن شوفوا جات براها مش القمر بس، لا، أي كوكب بعد دا (أنا ومختار أخوي) دايرين نثبت عدموا بمزاجنا، الشمس دي زاتا ننيشها ليكم، تكجكجو في البرد، القاعدينلا شنو؟ جاذبية مافي قوموا لفوا
دا قانون نيوتن الرابع، عليه الرحمة، الجاذبية هنا نيوتن الداقس دا سماها (G) قاصد قاذبية، ما بيعرف إنجليزي، أنا حأفسر ليكم مبدأ محمد مختار، ما حتفهمومهو انتو نتفرغ ليكم نسوي شنو:
الكورتين الخدرا والظهرية ديل الجسمين، أو الكوكبين، قول الأرض والقمر، أو الشمس والأرض الدايرنو داك، المافي شنو.
بحسب مبدأ محمد مختار لانعدام الجاذبية، القاذبية تنعدم يعني صفر فالقانون يبقى
دا معناها، قوى التجاذب (F) بطقة واحدة نجيب خبرها، مافي قوى تجاذب. ما ,وقعت ليكم، ما بتتفهموا الأفكار الجديدة؟ خلاص نودي القاذبية تلعب طرف شمال
لو فيكم راجل يجي يقول القمر مافي ولا الأرض مافي ولا الكتلة بتاعة أي واحد منهم بتساوي الصفر ولا المسافة بيناتم لا نهائية، البيعرفو أبو الريش الواحد دا
إنو القمر موجود والأرض ما مسطحة وموجودة والمسافة محددة ومحسوبة، إذن الجاذبية المافي.
#وهو المطلوب إثباته#
حاتم إبراهيم، مساعد المهندس، طالع ونازل معاهو، والمتحدث الرسمي الأوحد باسمه
هيييييه
مبدأ علمي جنن العالم!
يا أبو الريش ياخي ما ترجع لي فوطة الحلاقة الجريت بيها، الزبون دا نحلق ليهو مدنقر دنقير يعني ولا شنو؟
[14]--------------------------------------- صفحة 16
Quote:
مجرد السفر الى الفضاء في وضح النهار وفي زرقة السماء ينقلب الحال بعد الخروج الى الغلاف الجوي .. ظلام تام والشمس تشبه الكشافة في الليل والنجوم لا يمكن رؤيتها بسهولة ولا تظهر في الصور
الفراغ في نفسه يغير كثيرا من قوانين الفيزياء التي نعرفها على سطح الأرض ..
|
عشان جنس الشاعرية دي قلنا اختصر وخش في الموضوع؟
والشمس في النهار ما بتشبه الكشافة في النهار؟
وهل حصل في البوست دا شفت واحد قال النجوم ما ظاهرات ولا بتحشي الكلام حشو هنا بس؟
[15]--------------------------------------- صفحة 16
Quote:
يبقى لو في زول (عاقل) حا يعرف إنو إجراء اختبارات الهبوط في الأرض في وجود الغلاف الجوي بمحركات الهبوط على سطح القمر حا يدي نتائج خاطئة تماماً وكارثية إذا اعتمدوا عليها في الهبوط على سطح القمر وده بيفسر عدم القيام بإختبارات هبوط في فترة الستينيات والسبعينيات.
|
ومال أنا كنت بشرح ليك في مختصر الخليل؟
قلنا ليك ما تمت اختبارات بمحركات صاروخية بل بمحركات تيربوجيت
نصعبها عليك شوية، أها الجماعة الروس بتاعين لونا الانت متأكد إنهم جلبوا صخور من القمر عملوا اختباراتهم وين؟ ولونا نزلت على القمر كيف؟ ورجعت الأرض كيف بالعينات؟ اعتقد قالوا نزلوا لونا بالهبوط العمودي في الستينات ولا ما سمعت بدي؟
تاني اثبت انك ما رايح ورينا (لونا) دي رجعت بعينات صخور من القمر كيف؟ مش التحت دا كلامك:
Quote:
هل انت متعمد انك ما تجيب سيرة السوفيت ولا ما عندك المعلومة؟ كلنا عارفين انو اول مركبة تهبط على سطح القمر كانت سوفيتية وليست أمريكية ، نعم هي غير مأهولة لكنها هبطت على سطح القمر ، بعدين الروس بالمناسبة اتحصلو على عينات من تربة القمر عبر عدد من رحلات المركبة Luna
|
ما بنسألك وصلت القمر ونزلت كيف، دي جكة تانية، انت رجعها لينا ههههه
حتى بعد عام 2000 ولمركبات غير مأهولة، لم يتم استخدام المحركات الصاروخية (للهبوط) بل لتخفيف السرعة مبدئياً، ذكرنا الكلام دا في صفحة (2) للعاقلين.
بعدين حقو الناس تشغل العصيدة الجوة راسها دي، ناسا بتصل للمريخ بمركبات لحد الآن ولا واحدة رجعت بحجر، حقو الناس ما تتعمد تنشر كلام ويكيبيديا هنا وتقول الروس جلبوا صخور بدون تفكير.
[16]--------------------------------------- صفحة 16
Quote:
طيب حيجيك زول يقول ليك طيب ليه بيعملو في الإختبارات هسي في 2014 وليه فرحانين بنجاح هذه الإختبارات على سطح الأرض نقول ليهم لأن الهدف الآن الهبوط بمركبات فضائية مأهولة على سطح المريخ وليس القمر .. والمريخ لمن لا يعرف عندو atmosphere أو غلاف جوي
|
خيالي انت؟ ولا بتقطع من راسك ساي؟ شوف أوعك تحاول تألف لي، أنا لما اهتميت بالموضوع دا ما عشان أرمسترونغ عيونو خضر زي ما شايفك منبهر بيهو هنا
زاتو بزاتو ومستحيل يكذب وشوية وهم شاحن بيهو راسك دا
التقنية الخاصة بمحركات الصواريخ للآن متخلفة عارف ليه؟ لأنها لا تضع عامل التكلفة في الدرجة الأولى، دا السبب في محاولة تفكيك ناسا وتفريقها بين شركات صغيرة.
يابتاع الفلين شفت محركات F1 الخمسة الفي قعر ساتيرن ديلك، كلهم رموهم في البحر بكل المرحلة الأولى بعد دقيقتين ونص فقط وأهم ديلك يادوب طلعوهم للفرجة، شوف هنا يالطيار بدون طيارة:
http://www.bezosexpeditions.com/updates.htmlhttp://www.bezosexpeditions.com/updates.htmlhttp://www.bezosexpeditions.com/updates.htmlhttp://www.bezosexpeditions.com/updates.html
بنقول ليك الكلام دا ليه؟ عشان تفهم إن شغل محركات الصواريخ مش مروحة وموتور صيني رخيص تركبهم في هيكل فلين، لا يا أخوي، كل الموضوع تقليل التكاليف
المحرك الصاروخي بيصمم للعمل لفترة دقائق وسقوطه بعد انفصال المرحلة البيدعمها من ارتفاع كبير وارتطامه بأي سطح بيجعل منه خردة، عشان كدة عايزين محرك يعمل لأكتر من مجرد رحلة الذهاب، ومال ناسا اضطرت للتحول للماكوك بصواريخ وقود جاف وخزان من الفايبر ليه؟ شكلو وجيه يا كبتن؟
دا مكتوب في الفقرة بتاعة شركة أرماديلو بلسان مكدونل دوغلاس في الصفحة الأولى (ذكر السيد توم ويليامز مدير الاتصالات في شركة مكدونل دوغلاس في محادثة هاتفية اليوم أن صاروخاً ذي مرحلة واحدة يأمل الداعمون في أنه سيعزز مجهودات الولايات المتحدة في علوم الفضاء أكمل بنجاح مهمته الأولى اليوم. إنطلق الصاروخ التجريبي في الساعة الخامسة إلا ربعاً مساءاً إلى ارتفاع حوالي خمسين متراً فوق سطح الأرض ثم تجول أفقياً لمسافة سبعين متراً ثم هبط عمودياً على قاعدته وقد دامت فترة تحليق الصاروخ حوالي دقيقة وهي المرة الأولى على الإطلاق التي تهبط فيها مركبة فضائية عمودياً على الأرض لقد كانت لحظات عظيمة تعالى فيها صراخ العاملين في المشروع من الفرح كما ذكر السيد وليامز الذي شاهد الحدث بالتلفزيون من مقر الشركة في هنتنغتون بيتش بولاية كليفورنيا ويقول المهندسون أن هذه التجربة ستثبت أنه سيكون من الأرخص والأجدى استعمال هذه التقنية بدلاً عن المحركات الصاروخية الضخمة التي كانت تستعمل للإقلاع ولمرة واحدة فقط المصدر ورابط الخبر: صحيفة نيويورك ) أرجع وأقرا مرة واحدة في حياتك بفهم، مافي زول عاقل قال (مريخ) ولاحظ قال (أول مرة على الإطلاق)، أفهم
ومكتوب في التعريف عن صاروخك بتاع اسبيس اكس:
http://en.wikipedia.org/wiki/Falcon_%28rocket_family%29#Reusable_rocket_launching_system
Quote:
SpaceX is developing a set of reusable orbital launch system technologies that will bring a first stage back to the launch site in minutes, and a second stage back to the launch pad, following orbital realignment with the launch site and atmospheric reentry, in up to 24 hours; both stages are designed to be available for reuse within "single-digit hours" after return.
Design was complete on the system for "bringing the rocket back to launchpad using only thrusters" in February 2012.
The reusable launch system technology is under consideration for both the Falcon 9 and the Falcon Heavy, and is considered particularly well suited to the Falcon Heavy where the two outer cores separate from the rocket much earlier in the flight profile, and are therefore moving at slower velocity at stage separation.
The reusable launch system was initially announced on 29 September 2011. SpaceX indicated that they would attempt to develop powered descent and recovery of both Falcon 9 stages: a fully vertical takeoff, vertical landing (VTVL) rocket. Included was a video said to be an approximation depicting the first stage returning tail-first for a powered descent and the second stage, with heat shield, reentering head first before rotating for a powered descent. A reusable first stage is now being flight tested by SpaceX with the suborbital Grasshopper rocket.
|
ارجع لويكيبيديا بتاعتك شوفهم قالوا المريخ، ما تتخيل لينا هنا، مافي زول فاضي للكلام الحالم بتاعك دا، وتاني نقول ليك النصيحة: ماتعتمد على افلام الخيال العلمي، سمعت؟
الكلام الانت قريتو عن رغبة اسبيس اكس في عمل صاروخ (reusable) مش عشان ينزل في المريخ بقعرو في التراب زي ما شفت في الفيلم، لا، الحتنزل كبسولة ومش بالهبوط العمودي، لا بطريقة مختلفة، الصاروخ أو المركبة المقترحة دي عشان اعتبارات اقتصادية تمشي وترجع وتنزل في مكانها يعني مواصلات (transporter)، مش يرموها في البحر بعد دقائق، فهمت؟ يعني ما تتوتر لينا هنا وتقول atmosphere كأنك بتشرح في حقيقة كونية جديدة.
دا شنو دا ياخي؟ شابكنا مريخ مريخ
الصادق كوتش، الشبل دا لحقت تسجلوا في التيم بتاعك متين؟
يجازي محنكم ههههه مجانين كورة
بعدين دا منو القال ليك فكرة السفر للمريخ بدأت بعد عام 2000 أو "هسي" في 2014 عشان يا دوب يبدوا في الاختبارات؟ بتقرأ من وين انت بالمناسبة؟
فكرة السفر للمريخ موجودة منذ الخمسينات على أساس تنفذ في التمانينات يعني مفترض يكون عندك بيت هناك قبل 30 سنة من الليلة، ناسا كان غالبها تبدأ الاختبارات دي سنة 1980؟ ما ياها دي شركة أصغر منها بشوية موظفين بدأت فيها، مكلفة؟ أبداً لكن ما الناس ما عندها مخ وما قادرة تربط الوقائع.
نقرب ليك الفهم باقي في ناس فهمها تقيل شوية، لما تجي تلعب بطائرة RC ما فكرت عملوها من الفلين ليه؟ وإذا كانوا عملوها من ألواح الحديد مثلاً كنت حتحتاج لمحركات حجمها قدر شنو؟ ولا ما بتفكر إلا في اللعب بيها؟ ولو فرضاً طشت منك وسقطت حيفضل منها شنو شغال إذا كانت تقيلة؟
حقو الناس يا أخوانا ما تشحن راسها بافلام الخيال العلمي وتصر على إنها حقيقية
[17]--------------------------------------- صفحة 16
Quote:
لهذه الأسباب وأسباب أخرى تم إختبار هذه المحركات بعد تركيبها في الـLEM في الفضاء الخارجي إبتداء من أبوللو 5 ومن أفضل الإختبارات ما كان في أبوللو 9 وأبوللو 10 والعايز التفاصيل يبحث في قوقل وتوجد كمية كبيرة من الفيديوهات والأمور سارت على ما يرام وأثبتت الإختبارات بالأرقام نجاح هذه المحركات وصلاحيتها للهبوط على سطح القمر .. بإستثناء خلل حدث في اختبار أبوللو 5 وتم تغيير التصميم لاحقاً بعد اعتراضات من ناسا ودخول شركات أخرى ..
|
انت فهمت كدة؟
هسع المقال التاريخي دا كلو عشان تجي تقول اختبروا المحركات في الفضاء الخارجي؟
إذا كان المحرك مجهز للهبوط على (سطح) أي كان، فهل تقصد انهم هبطوا في الفضاء يعني؟
لو كنت قلت الفضاء فقط كنا اعتبرناك بتقصد بيئة فراغ محكومة لكن قلت خارجي، انت عارف المقصود شنو بفضاء؟ ولا عاجبك المصطلح؟
أبولو 5 و 9 كانت مجرد رحلات في مدار منخفض هبطوا وين وجربوا شنو بالضبط؟
[18]--------------------------------------- صفحة 16
Quote:
بعدين في حاجات تانية فايتة على كتير من الناس لأنهم ببساطة ما بيقروا .. الـThrust بتاع الـDescent engine ما بيتحسب بالكامل بل بيكون على 6 .. ببساطة لأنو الجاذبية في القمر ضعيفة جداً .. يعني لو وزنك هنا في الأرض 80 كيلو حيكون وزنك في القمر 13 كيلو وزيادة شوية ..
|
دا جهل بالمحركات الصاروخية، سبق ونبهنا ليها أخوك الصادق وجبنا ليهو اللنك دا
http://http://www.universetoday.com/2131/building-an-engine-that-can-throttle-down/www.universetoday.com/2131/building-an-engine-that-can-throttle-down/http://http://www.universetoday.com/2131/building-an-engine-that-can-throttle-down/www.universetoday.com/2131/building-an-engine-that-can-throttle-down/
وقلنا المحرك الصاروخي ما زي مكنة العربية ولا زي المحرك التوربيني تتحكم في دفق الوقود حسب قوة الدفع الانت عايزها،
فهو إما متوقف (cutoff) أو يعمل بأقصى طاقه مصمم عليها (full thrust)، أرجع لصفحة (8) في الرد على الصادق ولصفحة (5) عشان تتفرج في الرسومات
الأولية الانت طلبتها، لأنك ببساطة ما قريتها أو ما فهمتها على الأرجح.
عشان كدة لسة بيعملوا في التجارب على التحكم عليه من سنة 2010 لغاية الآن فهمت يا عطية؟
ومال انت قايل المحرك الصاروخي ممكن يخذلك ويتوقف فجأة ليه؟
لما اتكلمنا عن أثر اسمو (Pogo effect) في الصفحة الأولى انت افتكرتوا دواء قحة؟ ولا كنت مشغول؟
[19]--------------------------------------- صفحة 16
Quote:
الحاجة التانية الـ LEM بينزل بي زاوية وهو متحرك أفقيا يعني ببساطة ما زي الهيليكوبتر بتقيف قصاد الحتة العايزة تنزل فيها وتبدأ تهبط لغاية ما تستقر.
|
أشرح الحتة بأي وسيلة فهمتها بيها، عشان ما نظلمك ولا نعتبروا كلاد أدبي ساكت
[20]--------------------------------------- صفحة 16
Quote:
الحاجة التالتة المحرك بيتم ايقافو تماماً على ارتفاع خمسة أقدام فوق منطقة الهبوط يعني مافي دفع مباشر على السطح.
|
في الحتة دي يا أخينا أحيلك لصفحة (10) وفيها بالضبط كلام عن متى تم إيقاف المحرك أهو اللنك لو داير عبط ناسا
www.history.nasa.gov/SP-4029/Apollo_11i_Timeline.htm
انت هنا بتلمح لأن الإيقاف تم والمركبة أعلى سطح القمر المفترض بخمسة أقدام يعني أوطأ جزء فيها (ارجلها الاربعة) على ارتفاع خمسة أقدام، ناسا بتقول تم الإيقاف بعد استقرار المركبة على سطح القمر المفترض تماماً، عندك السجل، الخمسة اقدام يا أخينا هي الفجوة بين حافة فوهة المحرك ومستوى سطح القمر المفترض أي عند أرجل المركبة الأربعة، قاعد تقرأ من وين معلوماتك؟
[21]--------------------------------------- صفحة 16
Quote:
الحاجة الرابعة القمر فيهو طبقة صخرية اسمها lunar regolith مكونة من الغبار وصخور زجاجية ومعدنية ودي ببساطة بتمنع انو تظهر حفرة بعد تطاير الغبار.
|
في الحقيقة ما القمر بس، أي كوكب في المجموعة الشمسية وغيرها على سطحه تكوينات جيولوجية ممكن تكون معرضة للإجهاد الحراري بالتمدد والانكماش (thermal fatigue) تشققات وبعدها تفتت، يعني مصطلح (Lunar regolith) الانت فهمتو طبقة صخرية هو في الحقيقة بتعبيرنا البسيط تراب وحبيبات حصى وغبار ناعم، زي الممكن تشوفها في تربيزة ولا على شارع الزلط. ما تنبهر بالمصطلحات وتبقى زي أخوانك المهاجرين ديل. كل الموضوع إنو أصحاب أي مهنة بنظموا مصطلحات تخصهم للأمور العادية الانت ربما تكون بتسمع بيها وتشوفها يومياً.
الكلام دا قلناهو في صفحة (15) وضربنا مثل بالتشققات في صخور جبل مكرام، يعني لو تاني سمعت بمصطلح (Georegolith) ما تنخلع واعتبرهم قاصدين كسار وخفجة. الناس حقوا لما تقرأ تفهم ما تقهي ساكت.
القصد: مع ذلك تبقت كمية من التراب والحصى لم تتطاير من مكانها من حفرتك أم قدم واحد،
وعشان نصعبها عليك زيادة، في الصورة التحت دي
آثار التراب القمري أو زي ما بتحب (Lunar regolith) اتكونت حول رجل المركبة القمرية بعد ما استقرت على سطح القمر المفترض حسب ناسا، ولا يزال المحرك لم يطفأ
حسب سجل الأحداث عندك في صفحة (10) إلا بعد ثانيتين، فهل التراب دا نفث المحرك ما قدر يبعدو من مكانه؟
اتمنى تكون فهمت مسألة إنو المحرك الصاروخي بيعمل بأقصى قدرة ليهو، يعني ألدرين ما رفع كراعو من الأبنص لو كنت فاهم كدة.
بعدين يا ناس فكروا شوية وحقو الناس لما تقرأ تحاول تشغل مخها كمان.
[22]--------------------------------------- صفحة 16
Quote:
الحاجة الخامسة القمر ما عندو غلاف جوي .. فراغ فقط Vaccum وبالتالي الغازات المندفعة بتتمدد فورياً بمجرد خروجها من المحرك ..
|
خارم بارم، أي مائع تحت ضغط بيتصرف بطريقة مماثلة وفي حالة زوال الضغط تحكمه قوى أخرى الالتصاق مثلاُ في حالة السوائل.
نوضح ليك أكتر، الغازات تحديداً بتنتقل من الضغط الأعلى للضغط الأسفل حتى الوصول لحالة توازن سواء في الفراغ أو في ظروف ضغط الغلاف الجوي، فورياً ومباشرة دي تحصيل حاصل، ماهو دا المطلوب من محرك صاروخي، يبدأ تمدد الغازات بمجرد إشعال الخليط، انت قايلو مروحة تربيزة؟ ولا طيارة لعب.
البني آدم يبدع لما يضطر يبرر، إذا بتقصد إنها بتتمدد في اتجاهات مختلفة غير أسفل المركبة القمرية فما فائدة المحرك الصاروخي؟
وليه أصلاً مصممين ليهو فوهة لتوجيه النفث في اتجاه محدد طالما الفعل بيتشتت في غير الاتجاه المرغوب؟ وبالتالي رد الفعل في توفير قوة رفع للمركبة غير مضمون؟ من وين جبت كلامك دا يا بتاع طيارات الفلين، أوع يكون من مواقع الديبنكرز؟ وهموك بالمعادلات والمصطلحات وجيتنا تقترح إنها دايرة فيزياء ورياضيات مش؟
ونصعبها عليك شوية، الغازات (اتمددت) في ياتو اتجاه؟
القصد: محاولة التبرير الفطير لا تجعل من الخيال حقيقة.
[23]--------------------------------------- صفحة 16
Quote:
بعدين يا ناس فكروا شوية .. لو فرضنا ناس ناسا (دقسو) في انو (ما عملو حفرة) في ابوللو 11 طيب يدقسو نفس الدقسة في ابوللو 12 14 16 17 وعلى مدار السنوات 1969 لغاية 1972
|
والله ياخي فكرنا قبلك عشان كدا وصلنا للقناعات دي
كلامك عن الدقسات دا إجابتو في المعلومة التانية المدسوسة على فريق ناسا، حتى الآن ما عرفوا غير واحدة بعد لكزناهم لكز. فانت شكلك قريت الستمية مداخلة وفاضي شوف المعلومة دي وين.
[24]--------------------------------------- صفحة 16
Quote:
نجي للصورة تحت الـLEM .. ازاحة الغبار واضحة جداً وبعمق قدم تقريباً ، ممكن الناس تفتش عنها في موقع ناسا فتش عنها AS11-40-5921 وفي زيها كتير
|
لو كنت قلت قدم بس كنا سهلناها عليك واعتبرناك قاصد قدم مكعب.
لكن (بعمق قدم) يبقى مطلوب منك تثبت إنها بعمق قدم، 12 بوصة، إذا كان قياس عينك فدا معناه كل الصور الشفتها كانت بعين ما كويسة
وإذا كانت معلومة أراكها الله فبين لنا أين هي؟ شيل الصورة دي وانت بتاع كمبيوتر مش؟ خططها شمال يمين فوق تحت وطلع لينا عمق القدم دا، ولا بعتبرو كلام أدبي بتاع حالمين ساكت، يا ربي عشان الصورها أرمسترونغ (زاتو بزاتو)؟
[25]--------------------------------------- صفحة 16
Quote:
الحاجة التانية ، أول زول اتكلم عن الموضوع ده هو نيل ارمسترونج زاتو بي زاتو .. في بداية الـEVA بعد الهبوط مباشرة ، وقال بالحرف الواحد (والفيديوهات موجودة) :
Okay. The descent engine did not leave a crater of any size. It has about 1 foot clearance on the ground. We're essentially on a very level place here. I can see some evidence of rays emanating from the descent engine, but a very insignificant amount.
بعديها طوالي أخد صور لموضع الهبوط زي الصورة الفوق دي وأعتقد انها واضحة جداً ..
|
أهي هنا دي الحقيقة والدافع من تصديقك، انبهار عاطفي ليس إلا
مع إنو أنا رديت على كلامك دا، لكن طالما جيت تاني بدون جاذبية نبحت ليك فيهو أكتر، سردب
واضح إعجابك بالأفراد هنا، دا دليل شخصية (satellite) جداً، نيل اتكلم، سو وات؟
هل مطلوب مننا نسلم بأن كلامو وصورتوا غير قابلتين للتكذيب؟
يا بني ما تخليك (lunatic) اكتر من رواد ناسا، أها وبقية الرواد مدى مصداقيتهم عندك قدر شنو؟
انت وسيف النصر هنا دوافعكم واحدة، شوفوا بيقول شنو
Quote:
عالم الفضاء الأشهر على الاطلاق ، موضع ثقة و محبة الملايين حول العالم. العظيم كارل ساجان
|
ولما واحد يهبش أي زول في الرواد بيطلع كلام زي دا
Quote:
الشخص البيقول انو المسألة دي مستحيلة هو بيل كيسنج وقلنا مليون مرة الزول ده كذاااااااب وجااااااااااهل في الـAstronomy ، كذاب لأنو قال الكلام ده موجود في الوثائق الكانت بتمر عليهو وهو لا يمتلك نسخة من وثيقة واحدة
|
مش الاتنين خواجات؟ أها داك مستحيل يكذب ودا كذاااااااااب ليه؟
انت صحي قلت مليون مرة؟ أنا حسبت اتنين بس، نقاش الشفع كيف عامل هو!
[26]--------------------------------------- صفحة 16
Quote:
بعديها طوالي أخد صور لموضع الهبوط زي الصورة الفوق دي وأعتقد انها واضحة جداً .. يعني بالعقل كده مستحيل انو ارمسترونج يكون هو زاتو من ناس نظرية المؤامرة ، بإختصار شديد اي زول من ناس الهوكس حقو يتكلم عن اي موضوع الا الموضوع ده لأنو أول زول اتكلم عنو وشرحو للناس هو ارمسترونج مباشرة بعد ما نزل على سطح القمر.
|
بالله عليكم الله شوفو دا، هسع كلامك دا فرقو من كلام التلسكوب بتاع الترول شنو؟
الترول من ما قام عايش على وهم إنو مخلفات أبولو في القمر منتظرة الزول يعاين ليها بتلسكوب رخيص
وانت دلوقتي قايم بافتراض إنو (ارمسترونج مستحيل يكون)؟ ما تستخدم مستحيل دي كتير ياخ
وعايش زمنك دا كلوا على إنو مستحيل (ارمسترونغ يكون هو ذاته من ناس خدعة أبولو، لأنو نزل على القمر) مش؟
احتمال أستاذ منير ييلقى مجال دراسة في "المنطلقات والمرتكزات" العاطفية الجديدة دي ويضيفها للأسباب المحيرة من انفصام الأفارقة بالبيض
ههههههه
إذن نقطة ارتكازك في تصديقك لخدعة أبولو عاطفية بالدرجة الأولى، دا الكلام القلناهو هنا أكتر من مرة، طيب تعال نزازيك في أرمسترونغك دا ذاتو
أولا: نيل أرمستونغ يستحيل يكذب ليه؟ عيونو خضر؟ عقلك أوحى ليك شنو هنا؟ منطقك شنو إنو مستحيل يتآمر؟
ما كتب مذكراته عن رحلة أبولو ليه؟
ليه رفض يقسم على الانجيل بأنه هبط على القمر؟
يا الترول، ناس بيكي ما بنلقى عندهم حاجة لعلاج الانبهار والخلعة دي؟ كبسولات ولا كان شراب؟ باقي انت جربت علاجهم.
أرمسترونغ أول متهم بقى شاهد الإثبات للهبوط على القمر
خلوهو جلوهو وما تسالوهو، غايتو لو كان الصادق محلك كان قال دا جاري وأنا بعرفو كويس هههه
قلت لي عيونو زرق ما بكضب.
[27]--------------------------------------- صفحة 16
Quote:
للزول العايز إثبات صحة الإزاحة الخفيفة دي للغبار في القمر وإستحالة حدوث حفرة من ناحية فيزيائية ورياضية يراجع الوصلة التالية ، بس أهم شئ يكون بفهم في الرياضايات والفيزياء
braeunig.us/apollo/LMcrater.htm
|
لما بديت في البوست دا كان أهم شيء عندي تبسيطه، دلوقتي عايز تعقدها على نفسك، جيب لينا الفيزياء والرياضيات، أنا والصادق اسماعيل أخوي بنفهم في الرياضيات، الكنتين بنجردوا كل شهر، برانا، الغريبة بيطلع رقم مختلف كل شهر. ولو الصادق ما داير، أنا دا (زول) تعال اشرح لي انت فهمت شنو من الرياضيات والفيزياء عن موضوع الغبار دا.
[28]--------------------------------------- صفحة 17
Quote:
صعود وهبوط بمحرك صاروخي واحد وفي وجود غلاف جوي ورياح وجاذبية قوية .. قلت لي مستحيل في 2014
|
ما عارف ليه مصر على تكرار العبارة السمجة دي، رديت عليك في وقتها وقلت إنو التجارب فعلياً منذ العام 2010 ودا مذكور في الصفحة الأولى عن شركة اسمها أرماديلو، فما عارف هل بتتصور إنك بتجيب في معلومة لي هنا؟ نفس المبدأ مكرر في الفيدو دا
فلما أنا كتبت مستحيل الهبوط بمحرك صاروخي، هل لأني ما عارف معنى مستحيل؟ ولا ما كنت شفت التجربة دي؟ شرحنا ليك شنو يعني مستحيل في إطارها العملي مش التجريبي، جاي تاني تصوط من الأول، الناس حقو ما تعيد ليك الكلام عشان ما تاخد فيها حاجة
.
بعدين في أكتر من رد مني على الموضوع في صفحة 5 لزومو شنو جايب تاني نفس الفيديو ومعاهو سخرية، مش رديت عليك هناك؟
القصد: إذا كانت التجارب من 2010 وحتى 2014 على صواريخ تجريبية غير مأهولة فبأي منطق عايزنا نفهمك إنها كانت غير ممكنة في سنة 1969؟
في حاجة مهمة، شكلك مأخوذ بالموسيقى واللبس والحاجات البتلمع، بس الفيديوهات كل الفيها أمور توضيحة ربما تثبت مفاهيم في مخيلتك فقط.
ونصيحة تانية: ما تاخد معلوماتك من أفلام الخيال العلمي
الكلام التحت هنا في صفحة 17 ما ليهو علاقة لكن طالما أخونا حب يفرغ مكنوناته نريحو كمان شوية
[29]--------------------------------------- ص 17
Quote:
لفهم سبب تمدد الغازات في الفضاء يجب أن نقوم بتعريف مختصر للفراغ Vacuum ، الفراغ عبارة عن مكان أو حيز خالي من المادة (تقريباً) حتى الغازات ، مع العلم أنه لا يخلو تماماً من بعض الذرات لهذا قلت (تقريباً)
|
غبار كوني مافي؟
إشعاعات مافي؟
نيازك مافي؟
مضنبات مافي؟
حجار صغار صغار وعكو وكعاكيل، دت مافي؟
بس إششششششش ساكت؟
أها الفراغ القاصدو هنا دا بتاع الفضاء الخارجي مش؟ (outer space)
حاول تعرف الفراغ وين في البوست دا
[30]--------------------------------------- ص 17
Quote:
من المتعارف عليه أن الضغط الجوي في الفراغ يساوي صفر لكن الحقيقة أنه قريب جداً من الصفر
|
في الحالة دي ما بيقولو (الضغط الجوي في الفراغ) بيقولو الضغط بس
هو انت سميتو فراغ، الجو يلقاهو وين؟
[31]--------------------------------------- ص 17
Quote:
فيزيائياً السوائل والغازات تنتقل من الضغط الجوي المرتفع الى الضغط الجوي المنخفض
|
بحسب نظريتك دي معناها البحار والمحيطات الفوق عليها "ضغط جوي" عالي كل المياه بتاعتها حتصل اليابسة العليها "ضغط جوي" منخفض.
انت يا خينا فاهم "ضغط جوي" على إنو شنو بالضبط؟ الضغط الجوي يا بتاع الفلين تأثيره المباشر على الغازات
السوائل لا تقبل الانضغاط عمليا بل تنتقل من مكان لآخر بقوى الضغط الميكانيكي العادي، يعني لما الموتور يملأ الصهريج ما معناها "الضغط الجوي" تحت أعلى من "الضغط الجوي" فوق في الصهريج، لكان لما تكبس قدومك في الماسورة وتمص كدة انت بتعمل فرق ضغط وبرضو ما ليه علاقة بالجوي بتاعك إلا إذا كان الطرف التاني مفتوح على الهواء، فهمت ، دا كلو لأنو الناس ما بتقرأ لكن بتجي تعطلنا هنا
[32]--------------------------------------- ص 17
Quote:
وفيزيائياً أيضاً السوائل تتحول الى غازات وتتبدد في الفضاء وكأنها معرضة لمصدر غليان قوي جداً
|
صحيح، بس الغليان حالة فيزيائية داخلية، ما سمعنا ب "مصدر غليان" فهل ممكن تورينا مصدر الغليان بتاعك دا شنو؟
[33]--------------------------------------- ص 17
Quote:
تخيل لو حدث ثقب في خوذة أو بدلة رائد الفضاء .. سيموت بطريقة بشعة جداً
|
--- الرد جانا متأخر، موجود التعليق تحت ---
[34]--------------------------------------- صفحة 17
Quote:
الموضوع الجايي بإذن الله عن حزام فان آلن .. أعتقد أنا ماشي بالترتيب وما طلعت بره موضوع البوست
عندك رد على كلامي قولو .. ما قادر وفر على نفسك الزمن الخايف تصرفو ده
|
إذن فاضي وما مشغول انت طالما الزمن بقى ما يهمك
وما تنسى تعمل بنصيحتي المرة دي
لا تسخر ولا تهدر الوقت في الحشو
[35]--------------------------------------- صفحة 17
Quote:
الاحتفاظ بمحصلة القوى ... conservation of momentum يا محمد مختار ... القروا دايناميكا بالعربي بيعرفوا محصلة القوى Momentum .. لأنو المحصلة الرأسية للمقذوفات بتتحسب بتوزيع المعامل الرأسي للقوة مع معامل الجاذبية والمحصلة الأفقية بتتحسب بنهاية عجلة القوة المتبقية من المعامل الرأسي ... بالطريقة دي وبى كتلة المقذوف بتعرف زاوية الإنحراف وطول المسافة التي يقطعها جسم محدد له كتلة محددة متأثرًا بمقدار قوة محددة ...
|
هوي دا عضو المنبر تبارك بالمناسبة، في حالة تجلي خاصة جداً، بيحاول يكتب قصيدة راب
الكلام دا يا الترول كانوا بيدرسوهوا طلاب الثانوي رياضيات تخصص في التمانينات، وفي بداية الكتاب، جايبو هنا "معلومة قيمة"؟
لولا أن اسلوبك يبين ضعفك في الفيزياء والميكانيك كان جبنا ليك المعادلات الحتشوفها ودع ودع، انقرع يا بتاع الشعر الصناعي
ولا أقول ليك، كدي نشوف كلامك دا ذاتو انت فاهمو ولا لخمة مصطلحات زي بتاعة أبو الريش ديك، النص الإنجليزي الترجمتو دا جيبو وعبر عن الفهمتو منو مش تترجم النص، شكلك فرحان إنك بتتناسى العربي بتاع السودان داك.
الجماعة الكبار، زولكم دا جاي يقشر بموضوع التصادم المرن الزمااااان داك أيام نميري بتاع متخيلو علم جديد من ناسا
ياخوي انت من جيل ياتم؟
[36]--------------------------------------- صفحة 17
Quote:
في الفضاء تغيب الجاذبية وتصير عجلة قوة الدفع أقرب للا نهائية ... فيحتفظ الجسم بمحصلة القوى التي يسببها دفع النفاثات ... باستخدام قانون نيوتن الأول وهو:
|
هوي دا تبارك زاتو بزاتو بس شحنو ليهو بطارياتو، ما لقى غير يردد نفس الكلام
غايبة؟ خلاص لما ترجع قول ليها حاتم جا هنا يطلع الرقم الوطني، بجي تاني
شوفو داك فوق قال (تنعدم الجاذبية) دا كمان لحنا وقال (تغيب الجاذبية)
هسع دا نسجلو ليك (Troll's Bylaw of Graffiti) ولا كيف، أخوك قال تنعدم، تغيب دي نصيغها كيف في المعادلات هسع؟ إلا بالاحتمالات
والله مشكلتكم كبيرة خلاص، الزول الوراك قانون نيوتن الأول ما قاليك في واحد رابع اسمو قانون التجاذب الكوني؟
القانون الماسك الكون دا كلو (بالجاذبية) ما بخيوط عنكبوت أو شعر صناعي يا الترول، انت كملت ثانوي؟
ياخي لما تصقع في السماء دا بالتلسكوب أبو 200 دولار بتاعك داك ما بتسأل نفسك القمر دا واقف في محله ليه؟
ومحصلة ودفع نفاث ونيوتن! هو انت الأساسيات هههههه والله ياخ، وما تزعل لأنكم غير ضيعتو زمني ما عملتو أي حاجة أما سمعتك هنا فما بتهمني طالما دخلت البوست دا عشان تسخف بي من البداية
[37]--------------------------------------- صفحة 17
Quote:
أنا شكلي كدا بعد دا حا أتفرغ للبوست دا ... سجن سجن ... غرامة غرامة
|
أياهو زاتو بزاتو معانا هنا من صفحة 3 وقال عايز يتفرغ
أنا والجمل اتفرغنا للبوست دا
قصدك تقول (فكوني ليهو أطق راسي في فرارو)
حبابك الترول، بس والله ما فضلت لي طاقة أعلمك أكتر من كدة، مخك تخين وجلدك تخين
طبعاً يالترول بعد ما ننتهي من جمل شيلك دا، حننفض اضانو عشان تجينا مارق ونشوف كلامك بتاع (الصورص)، صوفك قام تاني والمكنة ديك ياها.
لكن شكلوا بعد شوية حيقول الله ما هون ويلحق طيارات الفلين بتاعتو
[38]--------------------------------------- صفحة 17
Quote:
انا اقول ليك طريقة بشعة كيف ...
مع ثقب الخوذة أو البدلة ... ستتبدد كل سوائل الجسد (تتبدد دي مخصوصة لأنو ستتمدد بفرق الضغط الجوي إلى ما يقارب صفر "بار" بحيث تتحول لحظيًا إلى ذرات مشتتة في الفراغ) ... سيتحوّل الجسد لمواد صلبة فقط مما يسبب نحول فجائي ... وغالبًا أن ما يثقب البدلة أو الخوذة سيكون قادر على ثقب الجسد ... لن يكون هنالك نزيف لأن الدم سيتبدد بسرعة أكبر بكثير من سرعة الدورة الموية ... ستتبدد سوائل العيون ومخاض الجيوب الأنفية واللعاب مما يجعل الملامح اشبه بالمومياء ... وبالتأكيد ستفقد البشرة لونها مع الجفاف الفجائي ...
سيكون موت بطريقة بشعة ... لا تسمح ببرهة لصرخة ألم ...
|
هييييع، من إعداد واخراج تبارك، مش هتغمض عينك
دا تبارك يا أخوانا، شب عن الطوق ولفح سؤال ما موجه ليهو
الترول قاصد المنظر دا
يعني الرائد مويتو تكمل دت، يبقى يابس كر، شعبة راكوبة بس.
يتحول لذرات؟
ذرات انت
بعدين "برهة" ما معناها فترة زمنية قصيرة، ارجع ثقف نفسك
الفتحتين قبل الألف، ياها الثقافة؟
[39]--------------------------------------- صفحة 17
Quote:
ده بيرجعنا لي موضوع تمدد الغازات في الفضاء الشرحناهو فوق .. الغازات الجوة الرئتين بتتمدد وبالتالي بتمزق الرئتين في وقت وجيز جداً اذا حاول رائد الفضاء حبس أنفاسه ، الضغط في الفراغ زي ما قلنا بيقترب من الصفر وفيزيائياً كلما انخفض الضغط انخفضت درجة غليان السوائل بالتالي الزول ده بتغلي سوائل جسمو وبتتبخر ، خاصة السوائل الخارجية زي اللعاب والسوائل الأنفية والدموع ، الأنسجة البشرية بتحبس الغازات جوه الجسم وبالتالي بيحصل تضخم وبينتج عنو تمزق خاصة في الشعيرات الدموية ، في بعض الأنسجة حتتحبس فقاعات خاصة في العينين والجلد .. هذه طريقة بشعة للموت من وجهة نظري.
|
شرحك عن الغازات مختل يا أخوي طالما عايز تقيس (الضغط الجوي) في الفراغ.
وكلامك دا فرقو شنو من الغرق العادي في البحر؟ أبشع دي ولا الاحتراق بالجاز؟
شارع الخرطوم مدني دا فيهو أبشع من ديل.
انت كنت قاصد ديل في الحقيقة
وجملة (طريقة بشعة) دي قصدت بيها كلام الترول الفوق دا، لكن لما سألتك تشرح راسك رجع قلت نتأكد لكن طبعاً ربع ساعة ما بتكفي تطلع على الحقائق كلها، فقمت شنو، تميتها من خيالك بتاع الأفلام، انت قايل الحاجات دي أنا نقلتها من المنتديات العربية؟ ولا محل بتنعدم الجاذبية؟.
يا أخوي بشعة شنو؟ الرائد ممكن يطلع الخوذة دي نص دقيقة ولو لسة واعي يرجع يلبسها تاني ويواصل ونستو، شنو يغلي وتضخم
هاك دا كلام ناسا، لا في دم بيغلي ولا العيون بيبقن بيض مسلوق، مش من السوائل برضو؟
الداير يرجع للصفحة يشوف التفاصيل كلها، قرفنا ذاتو من الشرح شهرين هنا
http://imagine.gsfc.nasa.gov/docs/ask_astro/answers/970603.html
Quote:
You do not explode and your blood does not boil because of the containing effect of your skin and circulatory system. You do not instantly freeze because, although the space environment is typically very cold, heat does not transfer away from a body quickly. Loss of consciousness occurs only after the body has depleted the supply of oxygen in the blood. If your skin is exposed to direct sunlight without any protection from its intense ultraviolet radiation, you can get a very bad sunburn.
|
يعني معظم الضرر من نقص الأكسجين الذي يسبب تلف خلايا المخ، أهي دي الحاجات الأنا من بداية البوست خايف تجيني، ناس تتفرج في الأفلام عمرها كلوا وتصدق الخواجة وتسقط كل المشاهد على الواقع، ما ياها عندكم ناسا بتاعتكم دي
ما فكرتو (تقروا) قالت شنو؟
دا رابط تاني، بيقول حقوا الناس ما تعلن جهلها وتتكلم عن الانفجار والغليان والنفاخ، أول حاجة يتعلموا ويتثقفوا
http://www.geoffreylandis.com/vacuum.htmlhttp://www.geoffreylandis.com/vacuum.htmlhttp://www.geoffreylandis.com/vacuum.htmlhttp://www.geoffreylandis.com/vacuum.html
ودي تجربة حقيقية في غرفة مفرغة، ما شفنا مصارين جات طالعة بخشم الزول، قام في أمانة الله وسأل الناس الحاصل شنو يا أخوانا
ودا خواجة عيونو خضر قال ليكم حقو الناس ما تدمن مشاهدة أفلام الخيال العلمي
================================= نهاية الرد =================================
معليش يا مختار ومعليش يا تبارك، أنا فعلاً قسيت عليكم على أساس انكم عندكم معرفة وقادرين على النقاش لكن في الحقيقة مافي أرضية تجمعني بيكم
مش لأني عالم فلك أو فضاء بس لأنكم بتفتقدوا للأساسيات، لما الواحد فيكم يشوف رائد فضاء عائم في مركبة بيفتكر إنو (لا توجد جاذبية في الفضاء) ودا كلام بخليني أحن عليكم
طيب إذا مافي جاذبية، الناس بتصمم محركات ليه؟ ما أصلها حتكون طائرة في الفضاء زي الريش، انتو عايشين معانا على الكرة الأرضية دي ولا شواطين بتناقشني في المنبر دا؟
ومال نيوتن وكيبلر وضعوا معادلات لحصاد التفاح؟
قوانين كيبلر يدرسها طلاب الثانوي في السودان، سمعتوا بيها؟
وكيف حسبنا من الأرض كتلة القمر والشمس والمريخ؟
وعجلة الجاذبية الأرضية ذاتها حسبوها كيف؟ بمعاونة حسين العجلاتي؟
قال جا يتباهى بالنسبية أعدم الجاذبية
دائماً أخطر الأفراد على البشرية هم ذوو المعلومة الناقصة والمبتورة أو الخاطئة، لأنها بتزين ليهم خيالات وأوهام كتيرة على أنها حقيقة ويظلوا ينشأوا عليها جيل وراء جيل، بعد داك بتكون صارت جبل لا يتزحزح، يقين راسخ، انتو دلوقت مشكلتكم عقدية معاك سيف النصر البيقول (لا ينتطح عليها عنزان)، تعليم الكبار صعب.
محمد مختار، قبل ما تهج بحجة (الجير الضيَّق الأوضة) وتقول ما فاضي
انت دخلت هنا مندفع والنقص العلمي عندك صور ليك إني بتباهى هنا، قلت تجي تنقذ الناس ديل وبالمرة توريني العين الحمراء وطيارة طيارتين
أظنك دلوقتي فهمت كويس السبب البخليك تفتكر إني (فاكيها في روحي)
يابني ارجع كمل اللعب بطيارة الفلين بتاعتك
وتعال اخد ليك تسعة شهور قراية
وأنا منتظر
حكمة أخيرة: العلم نورن والجهل أنور منو..... كيم فوشيوس، حكيمباشي روسي
دكتور سيف عيب عليك تتعلم من الأفلام، الزول في الفراغ ما "بيطرشق"
يا أبو الريش الفوطة بتاعتي الجريت بيها وينا ياخ؟
(عدل بواسطة بكرى ابوبكر on 05-19-2017, 10:15 PM)
(عدل بواسطة بكرى ابوبكر on 05-24-2017, 03:12 AM)
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote: مافي مشكلة يجربوا، لكن اختزال الموضوع في (تكللت بالنجاح) دي انحنا ما بناخدها جربندية كدا
الغريب هنا إنو لسة ما جربوا الهبوط العمودي بمحرك صاروخي على مركبة مأهولة لحد ساعة كتابة السطر دا يا أخينا. |
مصر تلخبت هبوط القمر بهبوط عمودي على الأرض ... الأرض عندها غلاف جوي والمسألة دي زي الحركات البهلوانية ... انا ما عارف فايدة تجريبها في الأرض شنو زاتو ... الطيارات البتهبط عمودي بالمراوح ونفاثات على ملا مين يشيل ...
Quote: قالوا في النكتة، أبو الدرداق سأل القرادة: ويييينك ما ظاهرة؟
ردت عليهو: مشغوووولة والله، دي جيتي، أنا والجمل أخوي مشينا نجيب عيش من القضارف
دي نكتة ساي يا أخوانا |
يقول المثل:
القرادة قالت انا والجمل جبنا العيش من القضارف ...
دي لا نكتة ... لا فيها "ابوالدرداق" ... دا مثل ...
| Quote: بتتداول المقاطعات (interrupts) بدرجات أولوية بالغوريثم مختلف |
الصورص كود بتاع RTOS ما فيهو IRQs نوهائي ... هو كلو 12 bit وأول مرة يستعملوا فيهو عنونة للذاكرة ...
نواصل قراية ورد بكرة الصباح ...
... المهم ...
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
هي كان - على قول المرة الفي نكتة محمد موسى- ولادة الغربة بشعة
اها موت الفضاء ده ما ببقى بشع كيفن؟
و كمان بي بدلة مقدودة؟
|
هي يا دكتور سيف!
أنا لي زمن بباصر ليك في مخارجة مشرفة تقوم تقع معاهم بقدومك؟
الزول ما بيطرشق يا دكتور!
ولا بيتنفخ، والله لوبا عفن دا ينفخو أكتر من الفراغ
___________
قسم الفضيل، كيفك؟
أها، كدة كم كم؟
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
والله دي ما قدرت ابيتها للصباح:
Quote: خارم بارم، أي مائع تحت ضغط بيتصرف بطريقة مماثلة وفي حالة زوال الضغط تحكمه قوى أخرى الالتصاق مثلاُ في حالة السوائل.
نوضح ليك أكتر، الغازات تحديداً بتنتقل من الضغط الأعلى للضغط الأسفل حتى الوصول لحالة توازن سواء في الفراغ أو في ظروف ضغط الغلاف الجوي، فورياً ومباشرة دي تحصيل حاصل، ماهو دا المطلوب من محرك صاروخي، يبدأ تمدد الغازات بمجرد إشعال الخليط، انت قايلو مروحة تربيزة؟ ولا طيارة لعب.
البني آدم يبدع لما يضطر يبرر، إذا بتقصد إنها بتتمدد في اتجاهات مختلفة غير أسفل المركبة القمرية فما فائدة المحرك الصاروخي؟ |
طيب المحرك الصاروخي والنفاثات لزومها شنو؟
كان المركبة الفضائية دي يركبوا ليها مروحة ... ويقولوا دكتور حاتم قال أي مائع بيتصرف بطريقة مماثلة في الفراغ ...
ولّ آآآ .. مافي مائع في الفراغ ... عشان كدا ختوا مع الهايدروجين والأكسجين انبوبة هيليوم ... عشان أخف غاز خامل ممكن يعمل غلاف جوي سغيروني للإحتراق ... وبدونو الهايدروجين والأكسجين بيتبددوا في الفراغ قبل ما يحترقوا ظاطو ...
ياخي ما دايرين نسيء ليك ... لاكين بالغت في تخانة المخ ...
... المهم ....
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
مصر تلخبت هبوط القمر بهبوط عمودي على الأرض ... الأرض عندها غلاف جوي والمسألة دي زي الحركات البهلوانية ... انا ما عارف فايدة تجريبها في الأرض شنو زاتو ... الطيارات البتهبط عمودي بالمراوح ونفاثات على ملا مين يشيل ...
+++++
نواصل قراية ورد بكرة الصباح ...
|
الترول، عليك الله كون شخصية مختلفة هنا عشان ما يجيني الرد وصداه
اللخبطة في راسك الجايط دا، وأنا ما بعرف الهليوكوبتر.
أمشي وتعال، عادي، جربت الشعور دا أنا
شعور بطمام ورغبة في الذهاب للحمام
لكن ما حتنوم
صدقني
كنا زماااان بنحس كدا
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
طيب المحرك الصاروخي والنفاثات لزومها شنو؟
كان المركبة الفضائية دي يركبوا ليها مروحة ... ويقولوا دكتور حاتم قال أي مائع بيتصرف بطريقة مماثلة في الفراغ ...
ولّ آآآ .. مافي مائع في الفراغ ... عشان كدا ختوا مع الهايدروجين والأكسجين انبوبة هيليوم ... عشان أخف غاز خامل ممكن يعمل غلاف جوي سغيروني للإحتراق ... وبدونو الهايدروجين والأكسجين بيتبددوا في الفراغ قبل ما يحترقوا ظاطو ...
ياخي ما دايرين نسيء ليك ... لاكين بالغت في تخانة المخ ... |
المحرك الصاروخي عشان يخلقوا فرق ضغط بسبب الاحتراق وتدفع وتعمل رد فعل يرفع المركبة
لأنك مافهمت أخوك الجمل عايز يصل لشنو
هو عايز يقول إنو الغازات ما بتصل سطح القمر المفترض، بتتبدد بسرعة عشان كدة ما عملت حفرة، دا القاصدو
كلامك عن الأنابيب والغازات دا ما ليهو علاقة وغالباً ما فاهمو وغايب عنك، زي غياب الجاذبية
انت زغللت وفقدت جاذبيتك
اختشي وقوم نوم
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote: مش كدة وبس الصادق بيشترط الهبوط عليه بواسطة بشر يشوفوا شوف العين ويجوا عايدين
يشهدوا ليه هو شخصياً إنهم ما لقوا آثار قديمة، ده تعريفه للمنهج التجريبي.
|
باشمهندس حاتم
سلام
طلبنا منك تعريفك للمنهج العلمي التجريبي الحتثبت بيهو عدم نزول ناسا في القمر
لكنك حتى الآن لم تعطينا فكرة عن المنهج العلمي التجريبي الذي استعملته ووصلت به لهذه النتيجة
التى التى اقتنعت بها وآمنت بها.
وعلى العموم أراك ما زلت في نفس نقطة هلال مريخ والتى تنبأنا بها من أول البوست
وقلنا لك أن ما تقوله فرضيات وتشيككات صعب اثباتها
وحتى الآٍ وبعد غدٍ
ستظل فرضية أن الموضوع تمثيلية تحتاج لشهود وأدلة
وهذا الأمر هو الذي عجز عنه كل المؤمنين بنظرية المؤامرة
إثبات النظرية شعر ليس لمروجيها أي رقبة له
وهم ظلوا يرددون النظرية منذ عشرات السنين وما زالوا محلك سر
أنت تمتاز عليهم فقط بإداعئك بإستعمال المنهج العلمي التجريبي
والذي لم نراك تستعمله حتى الآن، ربما تستعمله في المستقبل القريب ولكنك تراوح مكانك في غلاط
أخذ مكانه في متحف التاريخ في إنتظار دليل من جهة محايدة
وهذه الجهة شئت أم ابيت لديها طرق محدودة جداً لذلك:
1- إرسال مركبة مأهولة بالرواد للقمر وبإستعمال نفس تكنلوجيا ناسا وتجهيزاتها والنزول في نفس الموقع وبذلك ستثبت أن ناسا على حق
أو تفشل الرحلة بسب عجز في الأدوات و(استحالة ذلك) وهنا تتحول نظريتك إلى حقيقة علمية تحل محل الحقيقة العلمية المتداولة بشأن هبوط ناسا على القمر.
وبالتالي كل الذي تبذبه هنا لن يغير من الحقيقة العلمية المعتمدة من علماء الفضاء والفلك ومراكز البحوث والجامعات والمعاهد العلمية
أن ناسا هبطت على القمر.
لو استطعت تغيير هذه الحقيقة العلمية سيكون هذا الإنجاز من العظمة بحيث سيتصدر كل النشرات العلمية والأخبار العلمية
أتمنى لك من كل قلبي أن تنجح في مسعاك وتخرج من دائرة هلال مريخ هذه، وتتجه للبحث بإستعمال المنهج العلمي التجريبي
وتصل لتحقيق الفرضية واثبات التشكيكات.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
بدون فوطة، خشبة تحت بس عشان الصوف ما يبوظ
الترول ومختار
لقينا ليكم كورسات مبسطة
http://www.phys4arab.net/vb/showthread.php?t=66802
http://www.sobe3.com/vb/showthread.php?t=20609
ودي المنتديات العربية البتقروها، في الواطة في (انعدام جاذبية)، أبو الزفت ومال وصلوا هناك كيف؟
http://www.s-oman.net/avb/showthread.php?t=420450
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
لكنك حتى الآن لم تعطينا فكرة عن المنهج العلمي التجريبي الذي استعملته ووصلت به لهذه النتيجة
التى التى اقتنعت بها وآمنت بها. |
يا الصادق
انت لما أنا قلت (استخدام المنهج العلمي التجريبي) فهمت منها إنو أنا عندي مكنات صواريخ في البيت؟
ولا فهمت منها إنو أنا حأرسل صاروخ للفضاء من الخرطوم؟
ولا فهمت إنو أنا حأشيل العدة دي كلها وأجي أقابل جيرانك في الهنغر بتاع ناسا وأوريهم أنا رأيي شنو؟
أنا والله ما قادر أفهمك، انت اكتب هنا فهمك شنو لجملة (استخدام المنهج العلمي التجريبي) وعايزني اقنعك كيف؟
ياخي أديك لمحة، النقطة 28 الفوق دي بتاعة شركة أرماديلو ودي من الشركات البتتعاون مع ناسا
بتطور في مبدأ "علمي تجريبي" اسمو الهبوط العمودي، ناسا بتقول استخدمته بنجاح على القمر خمسة مرات ابتداء من سنة 1969 والروس ذاتهم قالوا نفس الشيء.
دلوقتي يا دوب سنة 2010 ناسا ذاتها بتتعاون مع شركة أرماديلو (تجريبياً) عشان يطبقوا المبدأ (في المستقبل) ولسة ما تم تطبيقه على
مركبات مأهولة لحد ساعة سؤالك دا، مش على الأرض هنا، عشان يجيني واحد يقول لي (الغلاف الجوي)، لا، ولا تم تطبيقه على أي كوكب تاني.
دا ما شايف فيهو تناقض بالنسبة ليك؟
وعشان ما يجيني واحد يقول لي عملوهو وما مستحيل، المركبة اسبيريت وهي عربة مريخية تم إنزالها على المريخ في عام 2004 بمبدأ مشابه لكن فقط (فقط) لتخفيف
سرعة الهبوط وليس لإنزالها على السطح مباشرة كما تدعي ناسا أنها فعلت عام 1969
الثواني من 50 إلى 55
بعدين لي طلب بسيط يا أخ الصادق، فهل تسمح لي؟
رجاء اختصر الكلمات بأسلوب علمي ولا داعي لتكرار (هلال مريخ)
أنا والله اقرأ سطر وأترك ثلاثة لأني أدرك أنك لا تكتب ما يفيد
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
يعلم الله جيت اقرا الكلام الكتير ده ابا يكمل زاتو في النهاية مشيت نهاية الصفحة.. بحاول اقراهو ان شاء الله لاحقا لكن كالعادة معظمو شخصنة للموضوع ، أقل من 10% منو في صلب الموضوع والباقي مهاترات ومحاولات لجر النقاش للطابع الشخصي وهو ما تسبب في ترهل هذا البوست.
المهم (على قول تبارك) انا وصلت الحتة التحت دي وفتها بي شوية وإجابتك يا حاتم (ما صحيحة) .. انت قلت :
| Quote: ولكن ما لا يدركه البعض أنها تؤكد إرسال 24 رائد فضائي آخرين إلى القمر في رحلات أبولو الستة التالية بدءاً من أبولو 12 وحتى أبولو 17 |
إنت قلت أرسلت 24 رائد فضائي في رحلات أبوللو الستة التالية (بدءاً من أبوللو 12 وحتى أبوللو 17) ..
أولاً .. انت حددت إنهم 6 رحلات ..
ثانياً .. حددت إنها بدءاً من أبوللو 12
ثالثاً .. حددت الرحلات دي (أبوللو 12 - 13 - 14 - 15 - 16 - 17) ..
السؤال لا زال قائم : 24 رائد كيف وبي ياتو حساب ؟؟
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
باشمهندس حاتم
أنت كتبتQuote: بعدين لي طلب بسيط يا أخ الصادق، فهل تسمح لي؟
رجاء اختصر الكلمات بأسلوب علمي ولا داعي لتكرار (هلال مريخ)
أنا والله اقرأ سطر وأترك ثلاثة لأني أدرك أنك لا تكتب ما يفيد |
أنت لا تحتاج حتى أن تقرأ ما أكتب، ما دمت تعتقد أنك تملك الحقيقة المطلقة
وأنا حقيقة لا أكتب أي شئ يفيدك في هذا الموضوع
فالموضوع كما قلت لك من قبل ليس فيه جديد كموضوع
هناك معلومات كثيرة ذكرت في هذا البوست أنا استفدت منها وغيري من القراء
لكن الموضوع في حد ذاته ليس مفيد، وأقصد نظرية المؤامرة
وطريقة الغلاط الهلال مريخيىة هذه بالطبع هي غير مفيدة
فأنت تغالط في موضوع من الصعب عليك إثباته
وحتى الآن سيظل مجرد إدعاءات وتشكيكات نظرية لا ترقى للحقيقة العلمية
أعلم أنك متضايق من نقاشك في هذا الموضوع
فهو بالنسبة لك من المسلمات وانت تتوقع أن أي شخص يجلس أمامك ويستمع لك ويتعلم منك
لكن في مثل هذه المواضيع لا تتوقع ذلك.
ويبدو أنك فقدت أعصابك بسرعة، فكمية الإستفزازات واللغة الغير علمية التى تستعملها تبين بوضوح أنك من النوع الذي
لا يقبل الرأي الآخر ولا يستمع إلا لنفسه
وهذه مشكلتك، وبمكنك الكتابة في أماكن مثل "سودانايل" فهناك لن تجد من يناقشك ويمكنك انزال مقالاتك ورؤيتك لهذا الأمر دون تبديد جهدك واضاعة وقتك
نعم من خلال كلامك اتذكر صديقي عضو البورد هاشم عبدالله ونقاشاتنا الهلال مريخية
الآن شئت ام ابيت فانت في نفس المركب، بل وتستعمل نفس اللغة
وهذا لأن الموضوع صعب اثباته رغم ايمانك المطلق به
وفي النهاية اعلم انك لا تقرأ ما كتبه أنا أو حتى ما يكتبه الآخرين وهذا ما جعل ردودك مهزوزة ومجترة
الموضوع صعب ولن يخرج من اطار هلال مريخ إلا بما ذكرته عاليه
رحلة للقمر من جهة محايدة تتأكد من صدق مزاعم ناسا
حينها ستصبح الحقيقة الجديدة هي ما سيصدقه العالم
الآن ورغم السبعة عشر صفحة التى اهرقت في هذا الموضوع
تظل الحقيقة التى تؤرق منامك موجودة
أن الغالبية العظمى من الناس الذين يعيشون في هذا العالم يصدقون رواية ناسا
وأن فئة قليلة جداً جداً هي التى تجهد وقتها ليستمع لها العالم ولكنها فشلت حتى اليوم في اثبات نظريتها.
فواصل اجتهادك، وقلل من اللغة الغير علمية والتى تظهرك بمظهر المشجع المهزوم
وحاول دائماً أن تتعلم وما عيب إنك تتعلم العيب هو التعصب والإيمان الأعمى
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
| Quote: المبدأ الأساسي هو الفعل ورد الفعل، ودا صحيح في حال وجود غلاف جوي من عدمه |
قانون نيوتن الثالث بيتكلم عن القوة وليس الحركة ، مقدار محدد من الـThrust في الفراغ Vaccum يؤدي الى دفع المركبة الفضائية مسافة أكبر بكثير مما لو استخدم (نفس المقدار) من الـThrust في الغلاف الجوي. أعتقد دي أساسيات فيزياء
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
Quote: رحلة للقمر من جهة محايدة تتأكد من صدق مزاعم ناسا
حينها ستصبح الحقيقة الجديدة هي ما سيصدقه العالم |
تحياتي يا الصادق ..
لا أتفق معك لأن الهند والصين كمثال جهات محايدة وصورت أماكن هبوط مركبات أبوللو والآثار واضحة في الصور لكن تم إدراج هذه الجهات في قائمة المتآمرين ..
الحكومة السوفيتية نفسها ناهيك عن أنها جهة (عدو) وليست محايدة لم يقولوا بأن ناسا لم تضع أول إنسان على سطح القمر على الرغم من سبقهم لناسا بإطلاق أول قمر صناعي ووضع أول رائد فضاء في في المدار وأول مركبة فضائية غير مأهولة تحط على سطح القمر .. تلقوا الضربة القاضية من الامريكان عدوهم اللدود في قمة إشتعال الحرب الباردة ، تلقوا هذه الضربة بالتسليم المطلق لأنهم ببساطة تابعوا كل رحلات ناسا الى الفضاء ورصدوا (بأنفسهم) وصول مركبة أبوللو 11 الى القمر.
هذه مسألة (إيمان) بأن ناسا لم تصل القمر ولو ذهب العالم أجمع الى القمر لن يصدق أصحاب نظرية المؤامرة هذا الأمر إلا بأن يذهبوا بأنفسهم ..
تحياتي
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
أوووه المهندس، عوداً حميداً
كدة يا دوب عيونك حمرن ولغتك بقت موزونة وبطلت تضع الوجوه الضاحكة في الأسئلة.
Quote:
وإنعدام الوزن ده سببو شنو؟
|
انعدام الوزن دا يا شاب "حالة" نسبية يعني قياساً بالإطار المكاني الانت فيهو، ممكن تحس بيها حتى في أسانسير، أظن بيدرسوها ناس الثانوي برضو وبتلقى الرسومات بالضبط أسانسير، أما إذا كان الأسانسير دا نازل بعجلة الجاذبية يعني سقوط حر فالزول جواهو وزنو بيكون صفر "نسبياً" يعني بالنسبة للأسانسير وصفر دي يعني (انعدام)، دايماً ركز في كلماتي العربية الأنا بكتبها. حالة يعني حالة.
Quote:
قانون نيوتن الثالث بيتكلم عن القوة وليس الحركة ، مقدار محدد من الـThrust في الفراغ Vaccum يؤدي الى دفع المركبة الفضائية مسافة أكبر بكثير مما لو استخدم (نفس المقدار) من الـThrust في الغلاف الجوي. أعتقد دي أساسيات فيزياء
|
الله يفتح عليك، والقوة من مسببات الحركة، يا أخوي الله يعينك، قوانين نيوتن دي طقم اسمو قوانين نيوتن للحركة، بتاخدوا كلوا مع بعضه عشان تفهم الفيزياء الكلاسيكية،
أنا ما عارف تعليقك دا عايز تغلطني ولا بتوضح زيادة "للضيوف" لكن أهو الترول الحاجة الوحيدة الصحيحة العملها إنو نقل نص قانون نيوتن الأول
"صاح" وقال لا فض فوه (يظل الجسم في حالة سكون أو "حركة منتظمة في خط مستقيم" ما لم تؤثر عليه قوة).
أها في الفراغ مافي موانع عشان تشكل قوة سميها تصادم سميها احتكاك سميها مقاومة، لكن في "الغلاف الجوي" الجو زاتو بزاتو ده موائع غازات بتحتك مع أي جسم بيحاول يعبر خلالها وبتقاوم مروره، عشان كدة المسافة الممكن يقطعها بتكون أقل.
comprendes?
باقي لينا حزام فان آلن والكمبيوتر، تختار البيعجبك، وما تنس وصيتي برضو، لا سخرية ولا تطويل، ولا تكرار.
كلامي لأبو الريش في صفحة أربعة، ولو عايز أسئلة أسهل برضو نجيب ليك، ولو عايز من السنكيت، أرجع أخير للطيارات أم فلين.
_____
أها يلا تقوم (لو بقيت فاضي) تفتح لينا بوست عن الدرون عشان نتعلم منك بالمثل، وبوست تاني عن النسبية
وإجابتك للصادق مع إنها بتعنيني لكن ما حأعمل ما شفتها إلا تطلب مني أرد عليك، لأنك خاطبته باسمه
أما إعادة سؤالك عن الحساب الفوق دي فأنا بعتقد الرد كان واضح، لكن باربيكيو ما بتعملوا بحقي أنا هنا.
welcome aboard
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
ياباشمهندس محمد عبدالله مختار بعد دخلتك بتاعت اندرتيكتن وجدعتك للسي في بتاعتك بطريقه افلام الاكشن وحقيقه فرحنا وقلنا حنستفيد من الوحش ده لكن طلعت ماعندك اي فرق من استاذ تبارك كيسك فاضي ساااي بعدين بالمناسبه انتو الجرجرتو باشمهندس حاتم للشخصنه .. قال طياره من غير طيار هههه 100 دولار وامازون دوت كم تاني في شنو
|
الأخ مصطفى محمد من الفيسبوك، شكراً للمتابعة
الواجعني أكتر في المسألة إنو ديل رجال كبار بعضهم ليهو ضفاير، بعضهم عايش مكان العلم ولسة بينكر حتى الجاذبية مع إنو بيمهد ليها بقوانين هي ذاتها بتثبت الجاذبية.
أنا ما عارف رأيهم شنو في سوء فهم أولي زي دا، حتى الأطفال في أوروبا وأمريكا عارفين المسائل دي ومافي شخص بيكلمك عن (انعدام).
والبيوجع أكتر انهم سودانيين زيي كدة، دلوقتي أنا أشك في الأقاويل عن (الكفاءات) و(العلماء) الهاجرت أو الخلقت فرق في دول المهجر.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
يا حاتم حتى الآن لم تجاوب على سؤالي ..
المشجع بتاع الفيسبوك مصطفى محمد ..
أمشي انت اشتري طيارة من أمازون بي 100 دولار وتعال خش المنافسة بتاعة Drones for good وورينا حتعمل شنو..
أكثر من ألف جهة محترمة شاركت في المنافسة دي ووصلنا الـSemi-Final مع 19 منافس فيها مشاركين من جامعة أوكسفورد والـMIT وجامعة ميونخ وشركات عملاقة في المجال ده .. بنتنافس على مليون دولار قيمة الجائزة الاولى يابو 100 دولار ، أوصل مرحلتي دي بعدين تعال اتفاصح
http://www.dronesforgood.ae/award/semi-finalists#filter=.filter31http://www.dronesforgood.ae/award/semi-finalists#filter=.filter31
خليك في الكورة والفنانين - الحاجات الممكن تفهم فيها .. قال أمازون قال
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
Quote: المحرك الصاروخي عشان يخلقوا فرق ضغط بسبب الاحتراق وتدفع وتعمل رد فعل يرفع المركبة
لأنك مافهمت أخوك الجمل عايز يصل لشنو |
قانون نيوتن التالت ... اصبحنا بى الله والشيخ دفع الله ...
طيب أيه رأيك يا دكتور حاتم ... ما في احتراق لو ما في هيليوم !!!
جرّب انت كدة تولع ليك وقود بتاع هايدروجين في الفراغ (مع وجود انبوب اوكسجين) وشوف البيحصل شنو !!!
ولّ آآآ ... انت ما بتاع علم تجريبي ... إتّ بتنضم ساي ...
تنظّر في غياب الجاذبية ... وجاي تنظر في إنعدام الوزن كحالة ظرفية ... ما فارز الغياب من العدم ...
انت قادي فيزيا وعربي وانجليزي ومنطق ومعامل واستيعاب ... انسان أنوي نادر ...
... المهم ...
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
قانون نيوتن التالت ... اصبحنا بى الله والشيخ دفع الله ...
طيب أيه رأيك يا دكتور حاتم ... ما في احتراق لو ما في هيليوم !!!
جرّب انت كدة تولع ليك وقود بتاع هايدروجين في الفراغ (مع وجود انبوب اوكسجين) وشوف البيحصل شنو !!!
ولّ آآآ ... انت ما بتاع علم تجريبي ... إتّ بتنضم ساي ...
تنظّر في غياب الجاذبية ... وجاي تنظر في إنعدام الوزن كحالة ظرفية ... ما فارز الغياب من العدم ...
انت قادي فيزيا وعربي وانجليزي ومنطق ومعامل واستيعاب ... انسان أنوي نادر ... |
نيوتن التالت! لسسسسسع ما وصلت للرابع لليلة؟
هيا الترول، هسع الناقشك منو في الهيليوم والاعترض على النار الانت ولعتها بالغازات هنا منو؟
والجاب سيرة مكونات وقود الصواريخ والكيمياء هنا منو؟
انت بتسأل وبتجاوب على نفسك؟ ولا دي كوابيسك؟
Quote:
في الفضاء تغيب الجاذبية وتصير عجلة قوة الدفع أقرب للا نهائية
|
تعال انت ورينا الكلام الفوق دا حقك ولا حق منو، ونشوف المنظراتي منو والبنضم ساي منو، تمام؟
وبالمرة نعرف الفرق بين الغياب والعدم وبين مختار والترول
وجيب بالإنجليزي، ترجمتك بتاعة الهيب الهوب مافي زول فارزها، باين نسيت العربي
ولا عايز تنساه مخصوص ما عارف
معلومة: (إنعدام) مصدر خماسي، تكتب بهمزة وصل هكذا (انعدام) مالم تأت في أول السطر،
دي إملاء برضو، ولا تخصصك فتحتين؟
كمل نومك
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
في سؤال سألتك ليهو زي عشرين مرة كده ومنتظر إجابتك بعد داك بالتأكيد بنخش في فان آلن إن شاء الله .. |
4 مرات، احسب صاح يا "مهندس"
سؤالك إجابته انتهيت منها ومعاها صواريخك الحداشر
حارفع عنك الحرج وأديك إجازة أسبوع تجر نفسك شوية
وتخلوني أشوف شغلي
حأغيب عن البوست اسبوع
الترول دا ما تديهو اسئلة هنا، جواط وعامل لينا لخمة، اسأل انت براك.
سمعتو قال شنو؟ ذرات
| Quote: ربنا يشفيك يا حاتم .. |
وصيتي نسيتها بسرعة شكلك
براحتك
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote: تعال انت ورينا الكلام الفوق دا حقك ولا حق منو، ونشوف المنظراتي منو والبنضم ساي منو، تمام؟
وبالمرة نعرف الفرق بين الغياب والعدم وبين مختار والترول
وجيب بالإنجليزي، ترجمتك بتاعة الهيب الهوب مافي زول فارزها، باين نسيت العربي
ولا عايز تنساه مخصوص ما عارف |
كالعادة ما حا تفهم الكلام بالهيب هوب
controls=0andamp;showinfo=0" frameborder="0" allowfullscreen>
... المهم ...
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: تبارك شيخ الدين جبريل)
|
| Quote: نيوتن التالت! لسسسسسع ما وصلت للرابع لليلة؟ |
إذا كان اسحق نيوتن ذات نفسو ... لغاية ما مات ... ما وصل للقانون الرابع الوصلت ليهو انت ...
مين زيّك يا عم ...
نيوتن كان بيحسب عجلة جاذبية كوكب الأرض فقط "9.78 m/s²" وليس عجلة الجاذبية في قيمتها المطلقة "G =6.67x10-¹¹Nm²kg-²" ...
والقانون الرابع اتنشر بعد 71 عام من وفاة نيوتن ...
... المهم ....
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
كويس إنك رجعت تحاول تفهم دروس الثانوي، حتذاكر كتير السنة دي
قانون التجاذب الكوني بيشيروا ليه بقانون نيوتن الرابع أحياناً، عادة يميز عن القوانين الخاصة بالحركة
المهم إنك ما افتكرتوا بتاع آل غور
خليهم يرسلوا ليك المقررات بتاعة الشهادة السودانية قبل ما تجي تكتب هنا تاني
| Quote: نيوتن كان بيحسب عجلة جاذبية كوكب الأرض فقط |
دي معلومة كانت (غايبة) عن كتار هنا، يعني حسبوها حساب، ما غايبة في الفضاء يعني؟
| Quote: في الفضاء تغيب الجاذبية وتصير عجلة قوة الدفع أقرب للا نهائية |
أها وقانون العجلة اللانهائية دا حق منو؟
وشوف لينا برضك الحاجة البتخلي البني آدم يتحول لذرات في الفضاء، فجأة
أنا حأغيب اسبوع
استقل بشخصيتك
وثقف نفسك
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
المتداخلون والمتابعون
السلام عليكم
هذه آخر مداخلة لي في هذا الأسبوع في هذا البوست، والقصد أن تجد المجموعة التي انبرت للدفاع عن ناسا تعاطفاً أو بناء على مفاهيم أساسية خاطئة متسع من الوقت للتفكير بغير الطريقة التي نشأوا عليها وهي القبول والتسليم بالواقع وذلك عند الدخول في نقاش آخر أشد تعقيداً وربما لم يتيسر للكثيرين هنا نماذج حقيقية لتصور الحقائق التي سنخوض فيها، ربما.
النقاط التسع وثلاثون في صفحة 17 كانت ضرورية بكل المرارة التي تحملها لمن وجد في نفسه الثقة للخوض في موضوع الهبوط على القمر المفترض من ناسا، هذا الأسلوب رأيت أنه الأنسب لأنه جراحة لا بد منها لمن نشأ على مفاهيم مغلوطة مثل (انعدام جاذبية، انفجار البشر، غليان الدم، المشاهدة بالتلسكوب، صلاحية الصور كإثبات) لأكثر من سبب:
1- أولها أنه رغم أنني أوضحت في بداية البوست أن النقاش سيكون في أمور محددة تتجاوز هذه المباديء التي يدرسها طلاب المراحل الثانوية، إلا أنني كنت متفائلاً جداً بافتراضي علم المحاورين بهذه الأمور أو اطلاعهم عليها قبلاً على الأقل.
2- هذه الجراحة كانت ضرورية لأنني أدركت أن كل الوقت الضائع هنا كان بسببها، كل الحديث والمغالطات عن الصواريخ، الحركة في مدار، مسار المركبات، محركات الصواريخ، السفر بين الكواكب، الأقمار الصناعية، الهبوط على الكواكب، الظواهر الطبيعية والفيزيائية في الفضاء الخارجي، كل هذا سيكون مشوشاً لمن لم يسمع أو لم يفهم معنى التجاذب الكوني (يطلق عليه في المدارس قانون نيوتن الرابع) ويمتد ذلك لأشياء قد تبدو غير ذات علاقة لكنها في الواقع مرتبطة جداً مثل المشي على القمر، السيارات القمرية، ضغط الغازات، هذه كلها في الحقيقة لن تكون مفهومة لمن يعتقد لأكثر من 40 سنة في (انعدام الجاذبية).
3- وجدت أنها فرصة مواتية لعرض هذه الحقائق بأسلوب صادم ليقيني بأن الآلاف من الذين يتابعون هنا لديهم ذات المفاهيم الخاطئة ولأجيال خلت ويمتد ذلك حتى لمن يتابعون من الفيسبوك ممن ظنوا أننا (من أهل الكهف) فهذه فرصة مناسبة ليعرفوا أن التجاذب الكوني موجود حتى في بيئة المريخ، وأنه لا يصح أن نطلق لقب أهل الكهف إلا لمن غابت عنه هذه الحقائق لأكثر من 330 عام رغم انتشار التعليم الأساسي في معظم الكرة الأرضية.
4- أردت تأكيد مقولتي بأن التصديق في مجمله يقوم على التعاطف بمعزل عن الحقائق العلمية، لدينا هنا أناس (يعتقدون) في البشر أو مخترعاتهم (مثل التلسكوب) غض النظر عن ماذا تقول الحسابات العلمية والفلكية أو الطب، ولدينا هنا أناس يصرون على أن النقاش لن ينتهي لأنة مثل لعب الكرة وهذه ليست الحقيقة، بل لن ينتهي لأن ناسا تكسب بتعاطف هؤلاء وجهلهم أكثر بكثير مما لو حاولت إطلاعهم على الحقائق العلمية، فهم يستميتون في الدفاع عنها من منطلقات عقدية وعاطفية أقوى بكثير من قدرات أي عالم متخصص في التفسير العلمي المبني على القرائن والتجربة.
5-لأن كل النقاط التسع وثلاثون ومعها خمسة عشر صفحة سابقة كان يمكن تلخيصها في ثلاث جمل بسيطة كانت كافية لمن جاء هنا مؤهلاً تأهيلاً أساسياً:
- التقنية في العام 1969 لم تكن تسمح بالهبوط قياساً بأي إنجازات مشابهة في عالمنا اليوم
- كان لناسا دافع قوي للتلفيق وسهولة مطلقة في إيهام الناس بانجاز الهبوط بفعل حملة إعلامية مستمر إلى اليوم
- لم تتم رحلات بشرية طوال فترة 45 سنة لأبعد من 500 كيلومتر فوق سطح الأرض.
فأي شخص عنده خلفية أساسية بما أمعنت في التركيز عليه في صفحة 17 تكفيه هذه الجمل الثلاث بدون الخوض في صور وتلسكوبات ومحركات وإشعاعات. وأتمنى أن يرتقي الذين يناقشون هنا بعلومهم إلى مستوى الهدف الذي وضعته للبوست لا إلى الانتصار لذواتهم في معارك لن تزيد من ذخيرتهم العملية ولا الانسانية شيء، المواضيع القادمة مرتبطة لحد ما بالحقائق الصادمة في صفحة 17 وأتوقع أن تكون بالنسبة لهم نقطة فارقة في حياتهم يتعلمون منها أن الأشياء والأحداث الواقعية ليست كما تبدو في الصور والأفلام وأن أجيالهم القادمة ينبغي أن تعي جيداً الفرق بين الحقيقة والخيال.
أخيراً
درج بعض المتداخلون في محاولة التغطية على جهلهم بالأساسيات بإيراد تفاصيل غير مطلوبة في سياق بساطة العرض هنا، ولا تغير من حقيقة أنهم إنما بنوا على أساس خاطيء منذ مراحل مبكرة في وعيهم وإن تعمدوا نقل كل الموسوعات هنا، أتمنى أن يكفوا عن ذلك فالعيب هو إدعاء العلم ليس الجهل به وعليهم تقبل الواقع وطلب العلم.
أواصل الأسبوع القادم
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
السلام عليكم
خخخخخخخخخخخخخ
غايتو يا مختار كان ترض كان تزعل اتا غلطت غلط ماكن خلاص بدخولك البوست دا لأنو
بصراحة وحسب فهمي المتواضع اتحولت من ( مناقش ) في البداية إلى ( مشجع ) زيك والحبيب
بتاع الفيس اللي هو بتاع كورة وفن ساي .. ماعايز أقول ليك منبهر زيي كدا بالكلام العلمي
بتاع سيد البوست والبخليك تتابعو بى نهم ولهفة حرف حرف وهمزة همزة ولمزة لمزة
ولكزة لكزة ان شئت .. وكلما ما تنتهى من سطر فيهو لسانك حالك يقول : هل من مزيد .. طبعا
هنا بوصف ليك في حالتي وأنا بتابع البوست اعتقادا مني أنك ربما تكون زيي واحد وحاشا أن
تكون مثلي لأنو أخوك ما ناقش أية حاجة في أية حاجة ( بيد) انو بعرف أصول النقاش وطريقتو ..
أكتر ما لفت نظري في تواجدك هنا هو محاولتك المستميتة للاقتناع والإقناع أنو سيد البوست
على خطأ حتي في اضطرارو لرد التراشق والتلميحات الساخرة من جانبك.. والغريبة انو لما
يرد ليك بنفس طريقتك تجىء تكتب ليك سطرين تلاتة السطر الأول تقول ليهو ما تشخصن الأمور
والسطر الأخير تنيشو .. زي حكاية الله يشفيك الأخيرة دي .. هههههههههههههههه
الخلاصة : برضو من وجهة نظر بسيطة وحسب فهمي المتواضع للنقاش انو حاتم كان ومازال
مقنع جدا في طريقتو وسردو وترتيبو للمداخلات والردود وحتي في ردو لمحاولات النيل منو ..
ودا ما بصراحة ما لاحظتو عندك بقدر ملاحظتي لمحاولاتك المستمرة في اغراق البوست بترديد أسئلة
وملاحظات تمت الاجابة عليها قبلا .
ما تعاين لبتارك دا يا باشمهندس مختار لأنو هو ذاتو أنا متأكد أنو عرف نفسو غرق وشبع
غرق في البوست وبحاول يتعلق بى قشة المكابرة أو سمها المكاواة .. خخخخخخ
الصادق يا حبيب .. سلامات ياخ .. أنجز ...... عايز تقول شنو؟ ههههههههههههههه
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: طلحة عبدالله)
|
| Quote: - التقنية في العام 1969 لم تكن تسمح بالهبوط قياساً بأي إنجازات مشابهة في عالمنا اليوم |
التقنية في العام 1969 كانت تسمح بالهبوط بدليل ان الهبوط قد حدث بالفعل و شهد عليه جميع من في الأرض.
.| Quote: - كان لناسا دافع قوي للتلفيق وسهولة مطلقة في إيهام الناس بانجاز الهبوط بفعل حملة إعلامية مستمر إلى اليوم |
الهبوط حدث بالفعل بغض النظر عن وجود دافع للتلفيق. كان ممكنا الحديث عن تلفيق لو أن الأمر كان مقتصرا على رحلة واحدة
يتم تلفيقها و خلاص..لكنها ستة رحلات ناجحات سبقتهن اكثر من عشر رحلات تجريبية. يمكن خداع العالم مرة واحدة و لكنه من المجافي
للمنطق أن يخدع العالم كله ستة مرات متتاليات!
| Quote: - لم تتم رحلات بشرية طوال فترة 45 سنة لأبعد من 500 كيلومتر فوق سطح الأرض |
لو بدأنا الحساب من 1969 لكانت الخمس و اربعون سنة حسابا صحيحا، و لكن في الحقيقة المشروع استمر لما بعد تاريخ
ابوللو 11. ما حدث كان مشروعا محددا انتهى الغرض منه و لأنه ممول بالكامل من اموال الناس دافعي الضرائب في دولة
واحدة فلابد من أن تورد الحكومة مببرا مقنعا تطلب فيه من الناس تمويل المزيد من الرحلات و إلا فما حدث قد حدث و انتهى.
في القريب سيرى الناس بشرا على المريخ و سيجد انصار نظرية المؤامرة مادة جديدة يلوكونها لسنوات قادمات.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: سيف النصر محي الدين)
|
| Quote: الصادق يا حبيب .. سلامات ياخ .. أنجز ...... عايز تقول شنو؟ ههههههههههههههه |
الصادق عايز يقول ما قاله الحسن بن الهيثم مؤسس المنهج العلمي الحديث كما يعترف له بذلك العالم الغربي
و مؤسساته الاكاديمية المحترمة.
ابن الهيثم كان يقول لمن حوله : لا تصدقوا كلامي ، كرروا التجربة التي قمت بها و انظروا بانفسكم صحة النتائج التي
توصلت اليها
قال ذلك عندما شرح كيف تتكون الصورة على المرايا، و عندما اثبت أن الضوء الذي سير مستقيما في الفراغ ينحني
و يغير اتجاهه عندما يمر عبر اوساط مختلفة و غير ذلك.
المنهج العلمي يقرر أنه لكي ترفض نتيجة تجربة علمية يجب أن تكررها بنفس شروطها و تنظر إن كانت النتائج التي
ادعاها اصحاب التجربة صحيحة ام أن كلامك عن فشلها هو الصحيح. غير ذلك اي كلام يصدر عنك هو مجرد كلام
لا يسنده دليل و لا قيمة علمية له.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: سيف النصر محي الدين)
|
Quote: الصادق عايز يقول ما قاله الحسن بن الهيثم مؤسس المنهج العلمي الحديث كما يعترف له بذلك العالم الغربي
و مؤسساته الاكاديمية المحترمة.
ابن الهيثم كان يقول لمن حوله : لا تصدقوا كلامي ، كرروا التجربة التي قمت بها و انظروا بانفسكم صحة النتائج التي
توصلت اليها
قال ذلك عندما شرح كيف تتكون الصورة على المرايا، و عندما اثبت أن الضوء الذي سير مستقيما في الفراغ ينحني
و يغير اتجاهه عندما يمر عبر اوساط مختلفة و غير ذلك.
المنهج العلمي يقرر أنه لكي ترفض نتيجة تجربة علمية يجب أن تكررها بنفس شروطها و تنظر إن كانت النتائج التي
ادعاها اصحاب التجربة صحيحة ام أن كلامك عن فشلها هو الصحيح. غير ذلك اي كلام يصدر عنك هو مجرد كلام
لا يسنده دليل و لا قيمة علمية له. |
طلحة يا حبيب
أهو سيف النصر جاوبك على السؤال
وأنا يا طلحة ما دخلت البوست دا عشان استعرض معلومات
أنا دخلت بناءاً على التصريح أدناه لصاحب البيوست
Quote: وأرجو أن أنوه أن المعلومات في هذا البوست لا يقصد منها دعم الرأي القائل بنزول الانسان على القمر
بل العكس لكني سأنشرها هنا بحيدة لإعطاء القاريء الفرصة للتفكير والتأمل في إمكانية حدوث الأمر الذي يعتبر أعقد مهمة في تاريخ البشرية والفضاء حتى الآن.
كذلك أرجو أن أوضح أنني لا أنكر كل الحقائق الماثلة والمتعلقة بالفضاء فمثلاً السفر للفضاء في مدار حول الأرض بواسطة الصواريخ أو غيرها حقيقة أقرها ووجود خطط للوصول للقمر أو إلى المريخ
هذه مسألة معروفة ولكني أنكر وأنفي مسألة الوصول للقمر بواسطة البشر أو العودة منه،
ولا أعتمد في ذلك على مقارنة الصور أو مغالطات تتعلق بأية شواهد بصرية بل بالمنطق العلمي التجريبي
وألخص عدم اعترافي بما تقوله وكالة ناسا بالآتي:
لم تتوفر في الستينيات أي تقنيات يمكن الاعتماد عليها لتنفيذ خطة للوصول بمركبات مأهولة للقمر
وأن التقنيات التي تعين على إرسال مركبات مأهولة إلى القمر لن تتوفر مطلقاً في هذا العقد. |
فيا طلحة يا حبيب
أنا كنت منتظر المنطق المعتمد على المنهج العلمي التجريبي في إثبات النظرية
وحتى الآن لم أشاهد سوى مغالطات أسميتها (هلال مريخ)، وذلك لطبيعتها الجدالية.
طوال هذا البوست لم أؤكد أن ناسا نزلت القمر، كل ما قلته أن هذه الحقيقة ستظل هي السائدة
حتى يتم دعمها أو تفنيدها بحجج علمية.
الشاهد أن التشكيكات ونظرية المؤامرة تظل تساؤلات منطقية
لكنها لن ترقى لدرجة اليقين التى يتحدث بها حاتم.
يعني مثلاً:
الحقيقة العلمية تقول أن الماء يتكون من ذرة اوكسجين وذرة هيدروجين
لو مغالط جيب لينا تحليل لذرة ماء تتكون من عناصر أخرى
وفي العلم يمكنك أن تأتي بفرضية والفرضية ستظل تراوح مكانها لحين إثباتها أو دحضها
فلو تمّ إثباتها ستكون حقيقة علمية (بنسبيتها) المعروفة.
دا كل خلافي مع الباشمهندس حاتم
هل فرضية عدم نزول شخص على سطح القمر فرضية صحيحة؟
أنا إجابتي أنها حتى الآن لم يتم إثباتها
ولذلك المعتمد من كل الباحثين والمختصين في المجال هو أن كلام ناسا صحيح.
كيف يتم إثبات فرضية عدم النزول:
يتم بوجود جهة تالتة محايدة:
تصل هذه الجهة للقمر بأشخاص أو بمركبة بدون أشخاص وتصور لنا الآثار التى
قالت ناسا أنها خلفتها في موقع الهبوط. وبالتالي تنسف نظرية ناسا
الشئ الثاني
تستعمل هذه الجهة الثالثة كل التكنلوجيا التى استخدمتها ناسا وتعيد التجربة وتثبت أو تدحض.
الكلام دا محاسبة للباشمهندس بكلامه الذي ذكره لنا في مفتتح البوست.
غير ذلك سيظل النقاش كما هو (مدور ليه سنين) وحيستمر كدا
وبعد دا الداير يصدق أي طرف هو حر.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: الصادق اسماعيل)
|
نسخت الكلام الكتير بتاع باشمهندس حاتم ونقحتو من (الكلام الفارغ) عشان أحدد النقاط العلمية الحا أرد عليها بإذن الله .. تقريباً 29 نقطة تحتاج للنقاش .. أقوم حالياً بالرد عليها (بصورة علمية بعيداً عن الأمور الشخصية) وبمجرد إكتمالها سأقوم بإنزالها كمداخلة واحدة كما طلب الباشمهندس حاتم. طبعاً في ناس لجهلهم بيفتكروا انو (الإساءات) نوع من الردود العلمية .. هم أيضاً نتمنى لهم عاجل الشفاء
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: مصعب عجاج)
|
Quote: غايتو البوست ده مستعد احلف انو اجمل بوست اتابعو من سنييين
زي الحاجه الاثريه كل ما مر عليها زمن اذدادت حلا وقيمه
بوست ممتع حد البكا :) |
عارف يا عجاج بمناسبة الحاجة الأثرية دي لقينا حاجات أثرية لي صاحبك حاتم ..
قيمة جداً جداً جداُ ..
تابع المداخلة الجاية دي وحا تستمتع أكتر وأكتر
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote: عارف يا عجاج بمناسبة الحاجة الأثرية دي لقينا حاجات أثرية لي صاحبك حاتم ..
قيمة جداً جداً جداُ ..
تابع المداخلة الجاية دي وحا تستمتع أكتر وأكتر |
سلام محمد,
لو ما عندها علاقه بكلامو هنا فلا تعنيني في شئ
انا لي باخر ما وصل ليهو هنا وطرحو في بوستيهو ده. وبكره لو غير رايو ما بحاسبو بي الكان بيعتقدو امبارح.
يعني ممكن عادي جدا انو زمان يكون عندو اعتقاد في حاجه وبالقرايه والبحث ثبت ليه الخطاء وعدل عن رايو فيها
فيا عزيزي ناقشو في كلامو الهنا , لانو لا يصح انك تجي تجيب لي حاجات قديمه واثريه كانت بالنسبه لي صاح في وكتها داك وانا اتجاوزتها هسي.
عندك ليهو حاجه في بوستيهو ده تخليني اضحك زي ما ضحكت امبارح حبابا الف :)
اي اعتقادات قديمه مالي بيها :)
بالمناسبه
بتختو الوش الاخضر في المشاركة كيف ؟
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: مصعب عجاج)
|
تحياتي باشمهندس حاتم وضيوفه في البوست
حقيقة من امتع البوستات في المنبر وشكرا لاخونا طلحة لفت انتباهنا لهذا البوست
رغم سطحيتنا في نواحي الفضاء لكن شهادة ان حاتم ادار دفة الحوار باحترافية بالغة
| Quote: لو ما عندها علاقه بكلامو هنا فلا تعنيني في شئ |
كلام عين العقل اخونا مصعب عجاج
يا باشمهندس محمد الخروج عن موضوع البوست اسلوب ما جميل
الشيء الملاحظ في مداخلاتك يا محمد الوجه الساخر الاخضر برضو ما جميل منك
عموما بوست ممتع ومحمد المختار راجل ما ساهل بتكلم من واقع معرفة وتجربة فقط اعيب عليه سخريته في بعض الاحيان
الصادق اسماعيل كعادته راجل مهذب في مداخلاته
متابعين ...
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
| Quote: انا لي باخر ما وصل ليهو هنا وطرحو في بوستيهو ده |
سلام يا مصعب عجاج ..
الكلام الفات ده عندو علاقة وثيقة بالبوست ده لأنو حاتم ادعى انو كان بيرفد المنتديات العربية بمعلومات عن الموضوع ده وكان بيخش في نقاشات وكمان بيترجم (حقائق) في الموضوع ده والناس بتجي تقتبس الحقائق دي .. وده كلامو بالحرف :
| Quote: ويقتبسو مننا حقائق بعد نترجمها |
مشينا فتشنا لقينا إنو كلو كذب في كذب ، لا توجد حقائق بل هرطقات أو سمها ما شئت ، صاح ما عيب الواحد يكون جاهل ويتعلم لكن العيب المكابرة ، الزول ده قال انو قديم في الموضوع ده وإنو بيترجم (الحقائق) والناس بتجي تنسخ الحقائق دي .. الكلام ده قالو في البوست ده عشان كده ده من أصل الموضوع.
بعدين ادعى إنو حذف الموقع لأنو بيجيب ليهو الناس الزيي ديل والحقيقة برضو جبناها .. سبب الحذف إنو أدوهو في راسو وإنو موقعو كان لامي ليهو الجهلاء وجاب ليهو مشاكل وبعد ما قرا وإتعلم عرف إنو الحاجات ديك ما جايبة حقها فطوالي مسح المحتوى. يبقى مافي داعي للكذب عشان الواحد يظهر إنو هو عالم زمانو ، لأ وكمان في ذات البوست عامل فيها سيبويه.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
للفائدة .. دي الحقائق البيترجمها حاتم وبيؤمن بيها وخاتيها في موقعو ، والكلام ده في 2010 القريبة دي :
Quote: http://saaa-sy.forumotion.com/t1319-topichttp://saaa-sy.forumotion.com/t1319-topic
2010 ويقتبسو مننا حقائق بعد نترجمها |
حقيقة: لا يظهر كوكب الأرض في الفضاء الخلفي للصور والأفلام العديدة التي التقطت لسطح القمر، واعتقد أن هذا كان إخراجاً سيئاً في حق "الرواد" بالرغم من أننا نعرف سبب ذلك.
حقيقة: يعاني "الرائد" نيل أرمسترونغ الآن من أمراض عقلية إما نتيجة مباشرة لوضع اسمه في المقدمة لأكبر كذبة في التأريخ أو لأنه أصبح مهووساً بسبب كثرة المواقع الإلكترونية التي تظهره كذاباً.
حقيقة: أشيع أن رائد الفضاء في رحلة أبولو 12 بيت كونراد كان ينوي الإعلان عن كذبة الهبوط على سطح القمر في شهر يوليو 1999 الذي يوافق الذكرى الثلاثين، توفي بيت كونراد في حادثة دراجة بخارية قبل أسبوع واحد من يوم الذكرى الثلاثين "للهبوط".
حقيقة: يستغرق المكوك 66 ساعة للوصول إلى محطة الفضاء الدولية على ارتفاع 296 كيلومتر فوق سطح الأرض، إدعت وكالة ناسا أن مركبة أبولو 13 واجهت مشاكل بعد 55 ساعة عندما كانت على ارتفاع 320،000 كيلومتر فوق سطح الأرض!! ياللسخرية.
حقيقة: تساءل يوري غيلر على موقعه الإلكتروني عن السبب الذي دعا وكالة ناسا للتلفيق غير الاحترافي لصور القمر، المعلوم أن يوري غيلر يعتبر صديقاً لإيدغار ميتشل رائد الفضاء في رحلة أبولو 14 ونحن أيضاً نتساءل لماذا لم يسأل صديقه الرائد عن سبب تلفيق الصور؟
حقيقة: قرر الرئيس ليندون جونسون أن تبقى ملفات مشروع أبولو سرية حتى عام 2026 وهذه خطة بحيث لا يبقى أحد من الذين شاركوا في المشروع حياً يلام على الفضيحة، لسنا مرغمين على الانتظار 17 عاماً أخرى فحقيقة أبولو أصبحت واضحة.
حقيقة: إجتمع مسؤولو وكالة ناسا في الستينيات وكانوا يدركون جيداً استحالة إنزال مركبات مأهولة على سطح القمر قبل عام 1970 وقرروا أن يلفقوا مشروع أبولو 11 على أمل أن يتمكنوا من تحقيق الإنزال الفعلي بعد ذلك ثم يبدلون الصور المزيفة بالحقيقية، والحقيقة أنهم لم ينجحوا في أي مهمة خططت لإنزال شخص على سطح القمر.
حقيقة: وصف آرثر ك. كلارك مهمة أبولو 11 بأنها "فجوة في التاريخ"، بينما أشار إليها أ. ج. ب. تيلر بأنها "أكبر حدث لم يتم في حياته كلها"
حقيقة: لم تنجح وكالة ناسا عملية الهبوط القمرية في مشروع أبولو 11 لأنهم حتى عام 2009 يحاولون جعل صاروخ دفع نفاث يهبط ثم يقلع ثانية يحدث هذا بعد 41 عاماً من إدعائهم أن مركبة أبولو فعلت ذلك.
حقيقة: تظهر كل الأفلام التي التقطها رواد أبولو من داخل المركبة الفضائية ضوء أزرق خافت بالإضافة إلى انحناء كوكب الأرض من خلالا نافذة المركبة بينما يفترض أنهم في منتصف الطريق إلى القمر وفي عتمة الفضاء، هذا يثبت أن المركبة إنما كانت في مدار حول الأرض.
حقيقة: الصور المنشورة على المواقع الإلكترونية لوكالة ناسا ملفقة، تبين تلك الصورة خطاً مستقيماً فاصلاً بين الأرض والسماء التي تم تسويدها تماماً.
حقيقة: لم يتغير تصميم المركبة القمرية في المهام اللاحقة أي أنها كانت بذات الأبعاد بلا تعديلات هذا يعني أنه يستحيل أن تحمل العربة القمرية داخلها في نفس المساحة المحدودة حتى ولو تم ضغطها إلى حجم أقل.
حقيقة: للعربة القمرية إطارات يمكن ملئها بالهواء وهذا يعني أنها ستنفجر في الفضاء إذا تم نفخها سلفاً، ولا يوجد هواء في القمر لإعادة ملئها. يقول المصدقون أن للعربة القمرية إطارات مصنوعة من شبكة من الأسلاك وهي صلبة وهذا صحيح بالنسبة للعربة المعروضة في المتحف وقد تم إبدال إطاراتها في منتصف الخمسينات عندما تبينوا أن الإطارات المنفوخة لن تعمل في القمر، لقد مرت 41 عاماً كان يجب على ناسا تدارك الأخطاء التي وقعت فيها خلال برنامج أبولو، وفي كل مرة يسأل أحدهم سؤالاً تقوم وكالة ناسا بالتصحيح بدون تعليق فلا يستطيعون تبرير وجود التناقض ابتداءاً. أنا لدي صوراً للعربة القمرية يفترض أنها التقطت على سطح القمر وتظهر فيها الإطارات ذاتها وفيها صمامات الهواء مثل التي استعملت في مركز كينيدي للفضاء أي أنها نفس العربة، لقد تم تغيير الصور على الإنترنت منذ تم فضح الحقيقة هنا على هذا الموقع.
حقيقة: من المستحيل استخدام بزة فضائية مبردة بالماء على سطح القمر لأن الحرارة هناك تفوق درجة غليان الماء فليست هناك طريقة لتبديد الحرارة.
حقيقة: لقد تم تعليق المركبة القمرية من رافعة عملاقة موجودة في مركز لانغلي للأبحاث في هامبتون بولاية فيرجينيا، وكان يتم إنزالها ببطء بينما تحركها الرافعة للأمام على السطح المزيف للقمر أسفل الرافعة، راجع الصور المبينة في صفحة وقائع أبولو وكذلك الفيديو في القناة 4 "As it Happened".
حقيقة: لثد تم تعليق الرواد أيضاً من تلك الرافعة في وضع أفقي لمحاكاة الجاذبية المنخفضة للقمر، راجع الصور في صفحة وقائع أبولو وقارنها بصورة موقع ناسا للرائد هاريسون شميت وهو يتعثر فستجد أن وضع قدمه المتأرجحة من الخلف متطابق في الصورتين.
حقيقة: اللقطات التي قيل أنها من فيلم لمركبة أبولو 8 تدور حول القمر هو ذاته الفيلم الذي يبين مهمة أبولو 11 باستثناء أن الفيلم تم عرضه بترتيب عكسي، ركزوا على سلسلة الجبال التي تشبه يرقات الضفادع. لقد قامت وكالة ناسا بتجهيز الفيلم لسطح القمر المزيف في مركز لانغلي للأبحاث بتحريك آلة التصوير في إتجاه معين، ثم عكست حركة آلة التصوير ليأتي الفيلم كما شاهدنا.
حقيقة: لقد تم تصوير الفيلم الذي يقال بأنه لمركبة أبولو تدور حول القمر بواسطة آلة تصوير تجري على سكة ببطء أمام نموذج للقمر مصنوع من الجبص.
حقيقة: لقد كان الرائد جيمس لوفيل يقرأ من نص معد سلفاً عندما علق على صورة القمر قائلاً "لونه رمادي في الأغلب، ليست هنالك ألوان أخرى، يبدو مثل الجبص"، ولقد تم تسجيل الصوت قبل فترة طويلة من بدء مهمة أبولو 8، استمعوا جيداً للصوت وستدركون أنه كان يغالب الضحك، وإلا فلماذا يكون الأمر مضحكاً في ظروف مهمة مثل تلك؟ والإجابة لأنه كان بالفعل يتحدث عن الجبص ولذا فقد ابتسم الرائد مايكل كولنز عقب ملاحظته تلك.
حقيقة: أي شخص يصدق أمر الهبوط على القمر لابد أن يكون "أخضر اللون في الغالب"
حقيقة: لقد استخدم مايكل تاتل أثناء عملية تلفيق الصور مشاهد خلفية لجبال من مواقع تدريب الرواد في آيسلندا ومواقع أخرى وذلك لغرض لصقها على الصور الأصلية لعمليات المحاكاة، وقد قام أيضاً بتجهيز الصور البانورامية بعرض 360 درجة لمواقع الهبوط حتى تستخدمها وكالة ناسا، وموقع تاتل الإلكتروني يؤكد ذلك. أغلب الصور التي تبين عملية الهبوط الملفقة تم إعدادها في منتصف التسعينيات وليس في أواخر الستينيات كما يعتقد البعض وهذا بسبب تزايد الشك في تلك الفترة من قلة عدد الصور المنشورة فكان على وكالة ناسا أن تسرع لإعداد كمية إضافية لمقابلة الطلب نسبة لانتشار الانترنت.
حقيقة: تخلص الصاروخ ساتيرن 5 من 97% من وزنه عندما وصل إلى مدار الأرض أما نسبة 3% المتبقية فكانت للمركبة الفضائية التي تم وصعها في المدار.
حقيقة: يبعد القمر بمقدار 400،000 كيلومتر عن الأرض ومع ذلك فإن أشعة الشمس المنعكسة من سطحه تضيء ظلمة كوكب الأرض، فأي شخص يطوف حول القمر سيصاب بالعمى من شدة الضوء القوي المنعكس.
حقيقة: -تم إبعاد الرائد آلان شيبارد من جميع المهام الفضائية في منتصف الستينيات بسبب مرض دوار الارتفاعات، فلا يمكن لشخص بهذه الحالة الصحية المزرية أن يتم تكليفه بمثل هذه المهام الصعبة ولم يتم إشراكه في مهمة أبولو 14 والتي كانت في مدار أرضي.
حقيقة: الحجر الذي تدعي وكالة ناسا أنه من القمر هو في الأصل صخرة بازلتية تم تحميصها في فرن مشع لإكسابها خاصة الإشعاع وحتى إن كانت حقيقية فهم قد جلبوها بأحد المسبارات اللاحقة.
حقيقة: -الإشارات التي تمت مراقبتها لابد أنها أرسلت من الأرض ثم انعكست من القمر أو أنها تمت بواسطة قناة مخصصة فلو كانت هناك أجهزة إرسال على القمر لتم استخدامها اليوم ولما أوقفت عن العمل في السبعينيات.
حقيقة: اعترف مدير وكالة ناسا دان غولدن (لقبه دان دير) في مقابلة صحفية أجرتها معه شينا ماكدونالد عام 1994 بأن الإنسان لا يمكنه غزو الفضاء حتى يتغلب على مخاطر الأشعة الكونية، لقد قال ذلك دون أن يذكر أن أن مهام أبولو المزعومة سافرت في الفضاء لمسافة 400،000 كيلومتر قبل 26 عاماً.
حقيقة: لم يكتب نيل أرمسترونغ أية مذكرات من رحلته المزعومة إلى القمر، ولكنه كتب الكثير عن فترةتدريبه كطيار، ولا توجد صور تذكارية للرائد أرمسترونغ على سطح القمر بعد أن رفض الإذن من وكالة ناسا لأنه كان يعلم أن الأمر برمته ملفق.
حقيقة: لم تكن الرقائق الإلكترونية المستعملة في الحاسوب قد اخترعت في العام 1969 والسعة القصوى للذاكرة آنذاك كانت 256 كيلوبايت وكانت الحواسيب توضع في غرف كبيرة مبردة الهواء. الحواسيب المعاصرة تحتاج إلى ذاكرة قدرها 64 ميغابايت على الأقل لتخزين برنامج لمحاكاة الهبوط على سطح القمر وهذا لا يشمل الذاكرة المطلوبة لتخزين برنامج الإقلاع مجدداً للعودة، سعة ذاكرة الحاسوب المثبت على أبولو 11 كانت 32 كيلوبايت.
حقيقة: لقد كان يتم توظيف رواد أبولو بحيث أن من كان منهم على الأرض يقوم بعمليات مراقبة المهام والاتصالات لأولئك في الفضاء وهذا لتقليل عدد العارفين بحقيقة الأمر. لقد كانت هنالك قناتين للاتصال لكل مهمة من مهام أبولو الأولى لمراقبة الإطلاق وهي تعمل أثناء انطلاق الصاروخ ثم أثناء عودته لغلاف الأرض، أما القناة الثانية فهي لمراقبة المهمة ويعمل فيها عدد محدود من الرواد ويتم تحويل كل المكالمات إليها بمجرد أن تستقر المركبة في مدار الأرض. تأكدوا بأنفسكم من ذلك بمشاهدة تقارير الأفلام في تلك الفترة، الرواد كولنز، ديوك، ألدرين، لوفيل، شيبارد، شميت، كيرنان وآخرون كانوا هم من تولى مراقبة المهام المختلفة، ولقد اعترف الرائد لوفيل بنفسه أنه كانت هنالك قناتين للاتصال بالرواد.
حقيقة: لم يكن ممكناً لرواد الفضاء الانتقال من المركبة القمرية إلى الجزء المخروطي في المركبة الفضائية لأنه كان مشغولاً بثلاثة من المظلات الضخمة مخصصة للعودة ويتم نشرها من ذلك الجزء.
حقيقة: وكالة ناسا لاتزال حتى الآن 2009 تفتقر للوسائل والتكنولوجيا لإنزال شخص على سطح القمر وإعادته سالماً، قد يصبح ذلك ممكناً في المستقبل ولكن هذا الأمر سيبقى بعيداً ولمدى سنوات عديدة.
حقيقة: يعتقد إدوين [المترجم: يلقب باز أيضاً] ألدرين أن عقله قد تضرر عقب رحلته للقمر وهو يعلم تمام العلم أن لم يقترب من القمر أبداً ولذا فإنه لم يصب بأي ضرر من الذي يدعيه، إن إدوين ألدرين هو الوحيد الذي تحدث لوسائل الإعلام من بين "رواد الفضاء" في مشروع أبولو وذلك في الفترة بين السبعينات والثمانينات. إن عقدة الذنب والندم والأخطاء التي صاحبت إجاباته على الأسئلة التي طرحت عليه أجهدته تماماً والضرر النفسي الذي ذكره إنما سببه احتفاظه بالسر طيلة 41 عاماً بدلاً عن الكشف عنه وإراحة باله، ففي كتابه بعنوان "العودة للأرض" كتب ملحوظة عن أنهم أي الرواد الستة تم إظهارهم كالأغبياء، يمكنكم تفسير ملاحظته تلك بالطريقة التي تروق لكم.
حقيقة: يستحيل السفر في الفضاء أبعد من الغلاف المغناطيسي للأرض (magnetosphere) بسبب الأشعة الكونية القاتلة ولم يجد العلماء حتى الآن أية وسيلة لحماية رواد الفضاء من تلك الأشعة.
أسئلة عن أبولو مع إجاباتها
هنا تجدون الإجابات عن أسئلتكم
___________________________________________________
س: ماذا عن الصخرة التي جلبها الرواد معهم أليست دليلاً على أنهم حطوا على سطح القمر؟
ج: كلا، ليست دليلاً، وهذه المقولة واحدة من الحجج الشائعة التي تستخدمها ناسا وكذلك المصدقين للكذبة لإثبات الهبوط على القمر ولكنها لا تثبت أي شيءيء. كانت ناسا تقوم بتصنيع الصخور القمرية قبل وقت طويل من بدء مهام أبولو وهذا مثبت في ملخص تم نشره في عام 1966 أي قبل 3 سنوات من مهمة أبولو 11، وهذه الصخرة التي تبدو في الصورة تم تكوينها من البازلت بالإضافة إلى أجزاء من نيازك تم العثور عليها في القطب الجنوبي، لقد تم توزيع أجزاء منها للجامعات في العالم على أنها من صخور حقيقية من القمر، وهي بالطبع مختلفة تماماً عن أية صخور توجد في الأرض وكان من المخطط أن تكون بهذه المواصفات ولذلك يقول الجيولوجيون بأنها لا يمكن أن توجد في كوكب الأرض. لقد صنعت ناسا صخور القمر وترابه بسهولة شديدة ولم تطالب حتى بمقابل مادي لها سوى تكلفة الترحيل.
لقد بدت وكالة ناسا كمن يطلق الرصاص على قدميه بنشرها هذه الصورة في منتصف الستينيات.
س: لماذا لا تقوم وكالة ناسا بتوجيه تلسكوب هابل الفضائي إلى القمر لمشاهدة مخلفات رواد مهام أبولو؟
ج: تلسكوب هابل مملوك ويدار بواسطة وكالة ناسا التي هي المسؤول الأول عن التلفيق فلا مجال للقيام بذلك، وللتمويه يقوم بعض المدافعين باسم ناسا (مثل فيل بليت صاحب موقع Badastronomy) بإدعاء أن تلسكوب هابل لا يمكنه عرض الصورة بدقة تبين مواقع هبوط مركبات أبولو، ولكن إلى أي مدى من دقة التصوير يحتاجون؟ إن تلسكوب هابل في الحقيقة يمكنه عرض تفاصيل صورة بأبعاد تصل إلى 50 متراً على سطح القمر وهي كافية جداً لعرض المخلفات التي قيل أنهم تركوها هناك. وتملك وكالة ناسا بالفعل صوراً عالية النقاء لسطح القمر ولكنها لا تنشرها لوسائل الإعلام لأن الطلب الأول للناس سيكون رغبتهم في مشاهدة مخلفات مهام أبولو وبالطبع لا يوجد أي شيء منها.
س: إذا كان كل الأمر تلفيقاً لماذا كان يجب على ناسا أن تقوم بتلفيق ستة مهام وليس مهمة واحدة؟
ج: لو لفقت وكالة ناسا مهمة إنزال واحدة فقط لبدأ الأمر مريباً بكل تأكيد، فأرادت ناسا أن تقنع وسائل الإعلام أن لا مشكلة في الذهاب إلى القمر والعودة منه في أي وقت لذا قامت بتلفيق ستة مهام إنزال أخرى وفي كل مهمة مجموعة رواد مختلفة لتحقيق هذا الهدف. والسبب الثاني هو أن ناسا حسبت أن تلفيق مهمة الواحدة سيلقي بعبء الفضيحة كله على الرائدين أرمسترونغ وألدرين إذا تم كشف التلفيق (وهو ما حدث الآن) ولكن بتوزيع الأمر على الكثيرين سيخفف هذا كثيراً من الأمر بتحمله بالتساوي، وبالمناسبة لقد اتهم الكثيرون الرائد أرمسترونغ بالكذب على وسائل الإعلام على أنه لم يكن الأول في فعل ذلك فقد سبقة ستة من الرواد خدعوا الجميع الأول منهم هو بورمان ثم لوفيل ثم أندرس في مهمة أبولو 8 وتبعهم الرواد كيرنان وستافورد ويونغ في مهمة أبولو 10، هؤلاء لم يقترب أي منهم من القمر كما ذكروا فقد استقرت مركبة أبولو 9 على مدار أرضى ومن المؤسف أن ناسا لم تعترف أن كل مهام أبولو التالية إنما كانت في مدار الأرض.
س: ماذا عن تجربة المطرقة والريشة، كيف أمكنهم فعل ذلك على الأرض؟
ج: هذه حجة سخيفة يقول بها المصدقينو ولكنها لا تثبت شيئاً، لقد تم تصوير الفيلم في إضاءة ضعيفة وغير واضح وبلا ألوان كما أن آلة التصوير كانت بعيدة عن المشهد المراد تصويره، فكان من السهل تزييفه وإذا فحصتم اللقطات جيداً فستشاهدون سلكاً رفيعاً (يحتمل أن يكون خيطاً من النايلون المستعمل في قصبة صيد السمك) يعود متعرجاً لوضعه الأصلي وهذا يدل على أن المطرقة والريشة كانتا معلقتين منه. و أود كذلك أن ساحراً مشهوراً مثل ديفيد كوبرفيلد قام بخدع أكثر مهارة من هذه تعتمد على الخداع البصري أمام مشاهدين أمامه مباشرة وعلى مسافة بضعة أقدام. واحدة من هذه الخدع قام فيها بقطع جسده إلى نصفين بواسطة منشار كهربائي ثم تحرك نصفا جسده كل في إتجاه مختلف، فإذا كان مصدقو الكذبة يعتقدون في صحة تجربة المطرقة والريشة فهل يصدقون أيضاً أن ديفيد كوبرفيلد قطع جسده إلى نصفين بواسطة منشار كهربائي؟
س: لماذا يدعم علماء فلك بارزين مثل بيرنارد لوفيل وباتريك موور عملية الهبوط على القمر إذا كانت غير حقيقية؟
ج: جميع العلماء والفلكيين في العالم يدركون حقيقة أن مهام القمر ملفقة ولكنهم يعتمدون على وكالة ناسا في مدهم بالمعلومات المهمة من خلال أجهزتها ومراصدها مثل تلسكوب هابل الفضائي وهم لا يستطيعون تكذيب ناسا لأنها ستحرمهم من معلومات هم في أشد الحاجة إليها.
س: ماذا عن عاكس الليزر الذي تركه رواد الفضاء على سطح القمر ويستطيعون من خلاله حساب بعد القمر من الأرض؟
ج: لقد تمكن العلماء الأمريكان في عام 1946 من إرسال إشارة راديو إلى القمر واستقبال صداها وتمكنوا بعد ذلك من حساب المسافة التي يبعدها القمر بدقة، وفي عام 1960 أدركت وكالة ناسا أن بإمكانهم تنفيذ الأمر بطريقة أدق باستخدام شعاع ليزر نبضي عالي الطاقة. وفي تلك الطريقة ينعكس شعاع الليزر من سطح القمر بذات الطريقة التي ينعكس فيها ضوء الشمس من سطح القمر على الأرض، وفي يوم 9 مايو من عام 1962 (أي قبل 7 سنوات من الهبوط المفترض لمركبة أبولو 11 على سطح القمر) قامت ناسا بتوجيه شعاع ليزر الياقوت النبضي عالي الطاقة إلى القمر لينعكس فتم حساب المسافة بين الأرض والقمر بدقة عالية دون الحاجة لعواكس توضع على سطح القمر. ليست هناك عواكس ليزر على سطح القمر ولم تكن هناك أية عواكس من قبل، وتستخدم وكالة ناسا ذات الطريقة الآن كما استعملتها عام 1962 قبل الهبوط المزعوم لرواد الفضاء على القمر. وبالمناسبة تخطط وكالة ناسا لتوجيه شعاع ليزر ذي طاقة أعلى إلى المريخ لحساب بعده عن الأرض فهل وضع رواد الفضاء أية عواكس هناك لإعادة الشعاع إلى الأرض؟
س: لماذا قام الأمريكان بتلفيق صور الهبوط على القمر، هل ليخدعوا السوفييت في ذلك الوقت؟
ج: كلا لم يكن السبب هو خداع الروس فهل يصدق أحد أن الروس كانوا بذلك الغباء الذي يجعلهم يصدقون كذبة مثل تلك؟ لقد كانت روسيا أكثر تقدماً في تقنيات الفضاء من أمريكا وكانوا يدركون أن من المستحيل إرسال البشر إلى القمر وإعادتهم في تلك الفترة التي صرح فيها الرئيس كينيدي بذلك، لقد تم التلفيق لإقناع الغرب أن أمريكا هي الأفضل في تقنية الفضاء لأن العالم فقد ثقته في قدرات الولايات المتحدة ولم يكن سهلاً على الأمريكان تقبل الوضع الذي يجعلهم في المرتبة الأضعف أثناء تلك الفترة. لم يكن هناك سباق فضاء مثل ما إدعت ناسا التي ابتدعت تلك العبارة وروسيا لم تكن راغبة في إرسال بشر إلى القمر لأنها كانت على علم باستحالة ذلك.
س: هل كان الرئيس الأسبق ريتشارد نكسون وراء عملية تلفيق الهبوط على القمر؟
ج: بالرغم من أن نيكسون كان في الرئاسة أثناء مهام أبولو إلا أنه لم يكن المسؤول مباشرة عن عملية التلفيق، على أنه كان يعلم أو بالأحرى كان يجب أن يطلع على الحقيقة بأن الأمر تلفيق، لقد بدأ التخطيط للتلفيق في مطلع الستينيات ولذا فإن الرئيس ليندون جونسون كان الأكثر إدراكاً لخفايا مشروع أبولو.
س: ماذا عن العدد الكبير من الناس الذين شاركوا في المشروع لماذا لم يتحدث أحدهم عن حقيقة الأمر؟
ج: يدعي المصدقين للكذبة أن برنامج أبولو شارك فيه قرابة نصف مليون من البشر، ولكن هذا العدد يدخل ضمنه المهندسون الذين قاموا بتصنيع أجزاء الآلات في شركات متعددة حول العالم، فإن كان هناك مهندس يقوم بصنع جزء من آلة ما في مصنع هندسي في مدينة سياتل وأخبره رئيسه بأن هذا جزءاً من مركبة أبولو الفضائية فهل ذلك الشخص يعتبر دليلاً على حدوث عملية الهبوط؟ كلا بالطبع لن يكون هذا دليلاً وحتى لو علم ذلك المهندس بأن أبولو مركبة فشلت في الوصول إلى القمر فسوف يباهي زملاءه بأنه قد صمم جزءاً من المركبة التي ذهبت إلى القمر حتى يشعر بالفخر. لقد تم تصنيع أجزاء مركبات أبولو في مصانع عديدة حول العالم، عواكس الليزر مثلاً التي قيل أن الرواد تركوها هناك على القمر صنعتها شركة في فرنسا ثم تسلمتها وكالة ناسا من الشركة الفرنسية وتلك كانت آخر مرة يرونها فيها، وعلى الأرجح تم إخفائها في مخزن ما في مركز لانغلي للأبحاث ولكنها بالتأكيد ليست في القمر، فهل أولئك المهندسين الفرنسيين دليل على أن مركبة أبولو حطت على القمر؟ بالطبع لا فهناك عدد قليل (أقل من 200 شخص على الأرجح) كانوا مسؤولين عن إنجاز العمل الفعلي وذلك لإخفاء حقيقة ما كان يحدث. ولم تكن هناك حاجة لأن يتحدث أحدهم وذلك للأسباب التالية: (أ) كانوا مواطنين غيورين ولن يبوحوا بشيء ضد الولايات المتحدة حتى ولو كان صحيحاً، (ب) لم يكونوا بحاجة لملايين الدولارات لتأمين مستقبلهم فقد حصلوا على ما يكفي ثمناً لسكوتهم، إقرأ تعليقات الذين عملوا في مشروع أبولو في صفحة تعليقات عن أبولو.
س: لماذا لم يفضح الروس عملية الهبوط على القمر إذا كانت فعلاً ملفقة؟
ج: هذه أيضاً حجة شائعة يستخدمها مصدقو الكذبة لإثبات صحة الهبوط على سطح القمر، وهم يبنون هذه الحجة بأن الروس كانوا يسخرون من إخفاقات البرنامج الفضائي الأمريكي في بداية الستينيات أثناء فترة الرئيسين جون كينيدي ونيكيتا خروتشيف. لقد كان خروتشيف يتهكم كثيراً على إخفاقات الأمريكان ووصف رحلة الرائد آلان شيبارد الفضائية بأنها مجرد قفزة قياساً لما فعله الروس [المترجم: قام الرائد يوري غاغارين في أبريل من عام 1961 بالدوران مرة حول الأرض لفترة ساعتين تقريباً]، ولكن عندما غادر خروتشيف السلطة عام 1964 كان خلفه ليونيد بريجنيف متحفظاً ولم يتهكم على الأمريكان وأنصرف الروس لمهامهم، والشيء الذي لا يعلمه كثير من الناس أن الصحيفتين الروسيتين أوضحتا أن عملية الهبوط المفترضة على سطح القمر مجرد تلفيق [المترجم: صحيفتا البرافدا و -----]، وذكرت صحف أخرى عالمية نفس الحقيقة في تلك الفترة، ولكن تم حجب تلك الأخبار من الصحافة الغربية، تذكروا أن الروس كانوا يحيطون أنفسهم بسرية شديدة في عام 1969 وكان بإمكان الروس إطلاع العالم بأن كل العملية مجرد تلفيق لو كان خروتشيف في السلطة ولكن الدول الغربية كانت ستعلق على الأمر بأن الروس يشعرون بالغيرة من نجاح الأمريكان. لقد كان الروس يفكرون بطريقة أفضل، ولفهم الأمر يجب على المرء أن يعرف كيف كان الفكر الشيوعي في فترة الستينيات عندما كان السوفييت يعتقدون أن الشيوعية ستستمر للأبد ولم يدر بخلدهم أنها ستنهار بعد 20 سنة، وعلى العموم فقد استمرت الشيوعية فترة 50 سنة. لقد كانت فكرتهم للرد على عملية التلفيق التي قامت بها وكالة ناسا هو الالتزام بالصمت وعدم التعليق، فالعالم خير من الجاهل على المدى البعيد، فسيكتشف الغربيون الأمر في النهاية وسيدركون أن الحكومة الأمريكية قد خدعتهم، وهذا سيحرض الكثيرين ضد حكومة الولايات المتحدة لأن وسائل الإعلام ستشعر بأنها بدت غبية ولن تثق مجدداً في الحكومة وهذا بالضبط ما كان يتوقع حدوثه الاتحاد السوفيتي السابق أي الثورة على الحكومة التي لا يمكن الوثوق بها، فلو كانت روسيا لا تزال شيوعية حتى اليوم لكان قادتها يضحكون ملء أفواههم من الحكومة الأمريكية التي ينتقدها مواطنوها بعنف الآن، يمكنكم الإطلاع على صفحة تعليقات أبولو لرؤية تعليقات المواطنين الذين يهاجمون الحكومة الأمريكية لإطلاقها دعاية سياسية كاذبة.
تقلا" عن موقع :
http://www.kalmasoft.com/apollo/FACTS.htmhttp://www.kalmasoft.com/apollo/FACTS.htm
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: Munir)
|
| Quote: المتداخلين البيجوا يعملوا مداخلات خاطفة ومناورات بيذكروني رقصاتنا الشعبية بتاعة الصقرية ورقصات السيف مثلاً .. الواحد يخش الحلقة فجأة كده يقعد يهزهز ليك السيف وشوْ شوْ في الهوا لمدة دقيقة وبعد داك يتخارج .. |
اها يا منير وتأكيدا لكلامك دا ... دي عَرْضَة مني سريعة كدا ...
Quote:
يقول معلم وهو معلم للغة العربية
في إحدى السنوات كنت ألقي الدرس على الطلاب أمام اثنين من رجال التوجيه لدى الوزارة .. الذين حضروا لتقييمي ،،
وكان هذا الدرس قبيل الاختبارات النهائية بأسابيع قليلة !!
وأثناء إلقاء الدرس قاطعه أحد الطلاب قائلاً :
يا أستاذ اللغة العربية صعبة جداً ؟؟!
و ما كاد هذا الطالب أن يتم حديثه حتى تكلم كل الطلاب بنفس الكلام وأصبحوا كأنهم حزب معارضة !!
فهذا يتكلم هناك وهذا يصرخ وهذا يحاول اضاعة الوقت وهكذا .... !!
سكت المعلم قليلاً ثم قال :
حسناً لا درس اليوم ،، وسأستبدل الدرس بلعبة !!
فرح الطلبة ،، وتجهم الموجهان ،،
رسم المعلم على السبورة
زجاجة ذات عنق ضيق ،، ورسم بداخلها دجاجة ،، ثم قال
من يستطيع أن يخرج هذه الدجاجة من الزجاجة ؟؟
بشرط أن لا يكسر الزجاجة ولا يقتل الدجاجة !!!!!!
فبدأت محاولات الطلبة التي بائت بالفشل جميعها ،،
وكذلك الموجهان فقد انسجما مع اللغز ^^
وحاولا حله ولكن بائت كل المحاولات بالفشل ؟!!
فصرخ أحد الطلبة من آخر الفصل يائساً :
يا أستاذ لا تخرج هذه الدجاجة الا بكسر الزجاجة او قتل الدجاجة ،،
فقال المعلم : لا تستطيع خرق الشروط،،
فقال الطالب متهكماً :
إذا يا أستاذ قل لمن وضعها بداخل تلك الزجاجة أن يخرجها كما أدخلها ،،،
ضحك الطلبة ،، ولكن لم تدم ضحكتهم طويلاً !!
فقد قطعها صوت المعلم وهو يقول: صحيح،، صحيح،، هذه هي الإجابة !!
من وضع الدجاجة في الزجاجة هو وحده من يستطيع إخراجها
كذلك انتم !!
وضعتم مفهوماً في عقولكم أن اللغة العربية صعبة ..
فمهما شرحت لكم وحاولت تبسيطها فلن أفلح إلا إذا أخرجتم هذا المفهوم بأنفسكم دون مساعدة ،،
كما وضعتموه بأنفسكم دون مساعدة !!
يقول المعلم: انتهت الحصة وقد أعجب بي الموجهان كثيراً !!
وتفاجأت بتقدم ملحوظ للطلبة في الحصص التي بعدها .. بل وتقبلوها قبولاً سهلاً يسيراً!!
هذه هي قصة ذلك المعلم،،
الطلاب وضعوا دجاجة واحدة في الزجاجة،، فكم دجاجة وضعنا نحن في حياتنا العلمية و العملية واوهمنا انفسنا بذلك ؟؟
|
__________
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: قسم الفضيل مضوي محمد)
|
| Quote: تبارك ما فضل ليهو الا يقول ... والله يا حاتم إن جيت للحول ما بخليك ... |
يا قسم الفضيل تبارك قال لي حاتم لو ما عارف قول الروب ..
غايتو تبارك أثبت فعلاُ إنو لمن يقوم كعب .. أو كما قال :)
أيواا .. أنا برضو كنت داير أقول إنو الزول ما يجي يحاول يستعرض علومه زي رقصة السيف والدرقة العملها محمدعبدالله دي .. لأنو والله حوة دي والدة خلاس .. يمين يجيك واحد أشعث أغبر مقلع ليك من البورد يخليك تفهم حاجة .. خاصة السودانيين ديل .. جنهم وجن زول يجي يعمل فيها مقددها .. في واحدين غٌبش هنا الواحد فيهم ساعة يقوم كعب عديل كده .. هسه شوف حكاية إنعدام الجاذبية دي .. أها محمدعبدالله شابكنا حقو تقروا ومفروض الواحد يكون ناقش فيزياء ورياضيات - يعني لو ما ناقش ما تجازف - أها الزبون طلع ماعارف قانون الجاذبية ذاتو بتاع الثانوي -
عاوز أقول أحسن الواحد لو ما متأكد من شغله ما يجي يستعرض عشان الغبش ما يطلعوه ماسورة ..
علي العموم الواحد برضو طلع من البوست ده بحاجات تانية غير دوافع ومؤثرات التصديق والتكذيب والإعتقاد والإيمان .. أقصد نفسيات المنبراوي من الكِبْر والمكابرة والغرور والإنتفاخ والإستعداء والتعالُم والتجاهل التجاهل التجاهل ..
..
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
مرحبتين محمدعبدالله مختار ..
خير ياخوي .. الواحد فقط يبدي ملاحظاته علي المعترك الإستفزازي بينك وبين الأخ حاتم .. ولا أنكر أني مقتنع بطرح الأخ حاتم ولم أري حتي الآن محاججة معتبرة من جانبك أو بقية مؤيدي عملية الهبوط .. ثم ثانياً ياخي إبداء التعليق من جانبي ليس معناه إستعداء ليك أو للآخرين .. هي وجهة نظر ربما ما عجبتك وليس بالضرورة أن تكون بيننا مداخلات سابقة حتي أبدي رأيي في مشاركتك طالما الموضوع عام .. وكذا الحال مع حاتم، فأنا لا أعرفه ولم أقرأ له شئ من قبل .. وأول حروف أقرأها له هي هذا البوست الذي دخلته صدفة وما كنت سأستمر فيه لولا إعجابي بالترتيب الواضح للمعلومة منذ أول مداخلات له في البوست . ولكن زي ما شايف الحصل أنه جاءت مداخلات إستفزازية طوّلت البوست، ولكنها - بأمانة- أنعشته وجعلته مشوقاً ، رغم ما تخللته من إستفزازات شخصية لم تصل لحد الملاعنات العدائية الصارخة ..
وعلي أي حال ليس لي شئ سابق شعور عدائي نحوك وربما أنا أول ما قرأته لك في المنبر قد يكون مشاركاتك في هذا البوست .. فياريت نخلي روحنا رياضية ..
وعموماً نحن في إنتظار تفنيدك لأطروحات صاحب البوست فلربما تعمل لينا breackthrough في الموضوع ..
وبالمناسبة عرضك للحقائق المضادة للهبوط علي القمر من موقع حاتم كان نقلة كبيرة لنا - القراء - حيث لخصت لنا كل النقاط في مداخلة واحدة وربما وفرت علي حاتم زاته كلام كتير كان حيصرف فيه عدة صفحات منبرية ..
وأخيراً سلام - يبدو أنو أسلوبي أشتر، حيث أولاً تأذي منه قباني ثم الصادق ثم تبارك وثم شخصك - يعني أخير أقدر علي خشمي ده :)..
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: Munir)
|
سلامات يا محمد عبدالله مختار
كتبت (معليش يا سيف امسحها لي في وشي) مع أن المخاطب سيف لكني كاحد المتابعين للبوست و المنتظر بفارغ الصبر ردّك على الحجج الأثارها حاتم ما بمسحها ليك و لا بسامحك عليها
على الرغم من الشد و الحدة الحاصلة لكن يبقى في النهاية النقاش مفيد من ناحية طرح حجج وحجج مضادة ودي الحاجة المفيدة لينا كقراء و بصراحة ومع كامل احترامي للأخوان لكن طرحك وتناولك و بدايتك يا محمد كان الأجدى و الأكثر فاعلية وفائدة للنقاش في البوست و تمنيناه أن يستمر كذلك
بوستات الآكشن و السخرية راقدة ومالية البورد فما عايزين البوست دا يتحول لواحد منها و عايزين نطلع بمعلومات مفيدة و نرى منهج نقاش مفيد قائم على المنطق و تفنيد الحجج المطروحة وفي النهاية المسالة ما غالب ولا مغلوب كل واحد يطرح العنده و للقراء الحكم
_______________
خارج النص و تعليق على المداخلة نفسها
لا يفوتك يا محمد أن حاتم هو الدلاّك على الرابط و كخبير آكشن وشراك خداعية إحساسي بقول لي إنك مسكت ماسورة ما
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
| Quote: يبدو أنو أسلوبي أشتر، حيث أولاً تأذي منه قباني ثم الصادق ثم تبارك وثم شخصك - يعني أخير أقدر علي خشمي ده :).. |
النبي فيك ما تمسكو :)
ما اشتر ولا شيتين لو الناس بعدت من الحساسيه واخدت الموضوع ببساطه
انا واحد من الناس البقرا مشاركاتك اكتر من مره فما تحرمنا المتعه ياخ
هذا بعد السلام
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: مصعب عجاج)
|
الأخ مصعب عجاج - شكراً ياخي علي شعورك المشجع ..
لكين بما أني في البوست ده خاشي بزاوية قائمة عمودية علي الموضوع الأساسي ، وبما أني عامل فيها بدرس في المنطلقات النفسية والعقدية فقمت لقيت نفسي - لي رقبتي دي - عندي جلافة في المشاركات .. وربما تعليقاتي جارحة للمتناقشين بسبب إندفاعي وحماسي لفكرتي .. وده أظنه عيب سأحاول أن أتجنبه .. لكين المشكلة أن الطبع يغلب التطبع ..
يعني مثلاً أعتقد أني عبرت بعدائية عن محمدعبدالله ولكنه هزمني بالتحية والسلام .. ونلاحظ مثلاً برضو تبارك رغم أن حاتم استفزاهو كتير لكين تبارك ماخد الأمور بطولة بال وقاعد يرد بسخرية برضو لكنها سخرية ودودة - زي عبارة قول الروب ، وأنا لمن أقوم كعب .. أما الصادق فإنه خاتي أعصابه في تلاجة وما قاعد يستجيب للإستفزازات ومحافظ علي التحية بالسلام .. لكن تعلمنا منه كيف تكون لايوق ويكة بس - وش باسم -
أما صاحبي صلاح عباس فقيري - ده طبعاً زميل دراسة من الإبتدائي - فهو طبعاً بعيد جداً من الروح الإستفزازية ولذلك مشاركاته دائماً متوازنة غير منحازة .. لكني متوقعه بعد شوية يدخل بينا في النقاش المسألة من ناحية شرعية .. طبعاَ الساعة ديك تبارك حيبقي كعب رسمي ..
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: مصعب عجاج)
|
Quote: علي العموم الواحد برضو طلع من البوست ده بحاجات تانية غير دوافع ومؤثرات التصديق والتكذيب والإعتقاد والإيمان .. أقصد نفسيات المنبراوي من الكِبْر والمكابرة والغرور والإنتفاخ والإستعداء والتعالُم والتجاهل التجاهل التجاهل ..
|
الأخوة رواد البوست
سلام
الموضوع دا أبسط بكتير من كل الهيلمانة العاملينها دي، حاتم مهووس بالقصة ومصدقها (إيمان عديل ويقين)، وبالتالي
بيلجأ للإستفزاز والإستعراض، الأمر الخلى الناس الباقيين برضه يجوا ناطين جوز كردة فعل (حديد يلاقي حديد).
الموضوع في حد ذاته (زي ما قلت لمنير) ممكن بسهولة لأي شخص يناقشه (وبالمناسبة هو لا يُنَاقش في الدوائر العلمية).
كل ما عليك أن تفعله هو أن ترى الحجة تذهب لقوقل ستجد الرد عليها.
الكلام أعلاه ينطبق على الفريقين.
فلو أثار أحد مشجعي ناسا نقطة يمكن أن تكتبها في قوقل وستجد رد أصحاب نظرية المؤامرة (قاعد متحكر ومنتظر الـ Cut & Paste)
والعكس صحيح.
المعلومات المبثوثة داخل البوست مفيدة جداً للكثير من الناس، ولكن بالنسبة لصلب الموضوع نفسه لن تغير في شيء.
أنا كنت منتظر من صاحب البوست الإثبات حسب المنهج العلمي التطبيقي (رغم أنف منير)
لأنه دا الشئ الوحيد الحيكون جديد في الموضوع دا.
نقطة تحسب لصاحب البوست أنه نوّه أن البوست في الأساس موجه لقراء العربية، لأنه معظم المكتوب عن الموضوع مكتوب باللغة الإنجليزية.
فخلاصة الموضوع أنه من المستحيل إثبات عدم النزول بالطرق المستخدمة حالياً، وهي في أسوأ الفروض ستعمل على هزهزة يقين بعض المصدقين دون تزويدهم بدليل قاطع على عدم النزول.
وكما قلت أن رواية ناسا ستظل هي الرواية المعتمدة علمياً "نعم علمياً"، وأي دراسات علمية وبحوث متعلقة بإرسال بشر للفضاء ستعتمد على رواية ناسا كنقطة إنطلاق.
منير أثار نقطة جديرة بالإنتباه، وهي الصفة (القشرة بالعلم والمعرفة)، وحقيقة هي عادة غريبة، ولا أعتقد أن شخصاً يمتلك المعرفة يمكن أن يكون بالغرور الذي نراه الآن المنتديات.
والملاحظ أيضاً أن حتى صاحب البوست مُصاب بنفس هذه العادة السيئة (ودا السبب بتاع الصورة يا منير).
في معظم المنتديات السودانية يميل الكثيرون لترديد نفس المعلومات البديهية خوفاً من أن يظن الآخرون أنهم لا يعلمون وهذا الموضوع أحياناً يؤخذ عليك، ولذلك يترهل البوست أحياناً ويقع في نفس الكلام المكرور.
تلخيص النقاط مسألة مهمة وتوضيح نقاط الإختلاف والإتفاق، حاتم عمل ملخص استفزازي بعيد حتى عن روح العلم وأعتقد أنه طوّر هذا الإسلوب (الهلامريخي)
من تراكم خبرته السجالية في هذا الموضوع، وبالتالي هو يقدم الموضوع كمسلمات غير قابلة للنقاش من أساسه، وهو الأمر الذي ذهب بالبوست لكل هذه الصفاحت وما زال يناقش ويدور حول نفس النقاط.
مرة (كم كدا أنا زاتي ماعارف) أقول:
الموضوع سجالي وسيظل إلى أن يقيض الله للبشرية القيام بتجربة تحسم الموضوع بصورة قاطعة وبأدلة علمية لا يتجادل فيها البشر.
وأقترح كتلخيص لهذا البوست وضع كل الحجج والردود عليها ثمّ بعد ذلك ترك الأمر للقاريء للتعامل معها.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: الصادق اسماعيل)
|
Quote: وبالتالي
بيلجأ للإستفزاز والإستعراض، الأمر الخلى الناس الباقيين برضه يجوا ناطين جوز كردة فعل (حديد يلاقي حديد). |
في دا عكست الآية يا الصادق, أرجع لبداية البوست ح تلقى أن حاتم هو من وقع في فخ رد الفعل و لم يبادر لا بالإستفزاز ولا الإستعراض بل العكس هو الصحيح
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد البشرى الخضر)
|
محمد البشرى
كلامك صاح عن بداية البوست
أنا بتكلم عن المرحلة الأخيرة من البوست ومعذرة إن لم انوه لذلك لأني بكتب وفي ذهني ما وصل إليه البوست الآن
وعشان كدا أنا بقترح التلخيص للنقاط الأساسية والردود عليها ووضعها كنهاية للبوست، لأنه بصراحة ما عارفه حيصل لشنو (البوست مش المتداخلين)
القضية شائكة وقديمة وعدم وجود أدلة حاسمة من جهة تالتة حتخليها في الطابع السجالي دا.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
محمد البشرى
كلامك صاح عن بداية البوست
أنا بتكلم عن المرحلة الأخيرة من البوست ومعذرة إن لم انوه لذلك لأني بكتب وفي ذهني ما وصل إليه البوست الآن
|
بل حتى منتصف البوست، وصل لهذا الحال لأنك أنت أيضاً كنت من المستخفين انت واحد منهم يالصادق، كيف تنسى! أهي العينة
صفحة 6
Quote:
وأنا شخصياً لة جبت لي دليل على وجود الهنغر دا وفي ذلك الزمان وفي شهود شافوا المووضوع دا
|
صفحة 7
Quote:
غايتو يا تبارك حسب نظري إنها كراتين
إنت مفروض تثبت لينا إنها ما كراتين وإنه الصورة دي مفتشبة وكان ما اثبت دا، تبقى مريخابي صهيوني
|
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
حاتم
تحياتي
| Quote: كل ردودهم هي الفطيرة اللاقتني هنا (ليه الروس ما اعترضوا، كذبة قدر الضربة لا يعقل يشتركوا فيها، الرواد جلبو صخور) |
أنا طبعاً من أوائل الناس القلت ليه الروس ما أنكروا و إنت قلت إنهم أنكروا لكين ما جبت أي دليل و أنا ما زلت منتظرك
و ياريت ياخي تورينا وجه الفطارة في الكلام الفوق دا شنو؟
حسب منهجي في التعلم يا حاتم يا عزيزي في نوعين من المعرفة.. النوع الأول هو المعرفة المتعلقة بالإعتقاد و دي ما بتنفع فيها الوكالة و كل زول مسؤول من تكوين معرفته بإجتهاده و كده.. و النوع التاني هو المعرفة العلمية و دي معرفة تنبني على تجارب الغير و بالتالي أهم حاجة في تلقيها هو موثوقية المصدر و تخصصيته
مسألة إمكانية الهبوط على سطح القمر او عدمها دي مسألة تخصصية لذلك اهم حاجة عندي في تلقي أي معلومة عنها هي موثوقية المصدر و تخصصيته
يعني بالعربي أنا ما ممكن أتجاوز المواقع الرسمية لمراكز الأبحاث العالمية و الجمعيات العلمية الفلكية و غيرها و أجي آخد معرفتي من بوست مفتوح في منتدى عام لكاتب مجهول*
المنتديات العامة مليانة بالهرطقات لذلك أنا لا أعتمد عليها كمصدر للمعلومات
و مسألة حزام فان آلن و الجاذبية و الصعود و الهبوط ديل شعراً ما عندي ليهو رقبة و فايدة كلامك دا كلو عن الهبوط او عدمه عندي بتعتمد علي إنت منو؟ و متخصص قدر شنو؟ و مصادرك في الكلام البتقول فيهو دا شنو؟ و الجهات المتفقة معاك منو و الما متفقة معاك منو؟
يعني يا حاتم يا إبني لو أنا جيت قلت ليك فيروس الأيدز ما عندو رفيرس ترانسكريبتيز و بالتالي لا يمكن تصنيفه كرتروفايرس (بإفتراض إنو دا شعراً ما عندك ليهو رقبة) .. بتوقع إنك تحتج بمصادر معاكسة لكلامي دا و تسأل أنا منو و علاقتي التخصصية شنو بالطب و الفيروسات و مصدري في المعلومة شنو..
_______________
أحترمك جداً لو طردتني من البوست بحجة أن البوست موجه للمتخصصين و ذوي المعرفة و ليس موجه للعامة
___________
* كاتب مجهول ليس القصد منها تقليل مقدارك و لكنها ترجع لجهلي بتخصصك و إنتاجك و مشاركاتك العلمية
___________
| Quote: وبعد ذلك وجدت أن موضوع الشوهد البصرية لا يثبت شيئاً |
إذا أنا فهمت كلامك دا صاح.. دا بيعني إنك بديت بحثك و إنت غير محايد و تسعى لإثبات رأي محدد مسبقاً و بالتالي حكمك على إمكانية الهبوط اقرب عندك للإعتقاد منها إلى المعرفة العلمية
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
وبالمناسبة عرضك للحقائق المضادة للهبوط علي القمر من موقع حاتم كان نقلة كبيرة لنا - القراء - حيث لخصت لنا كل النقاط في مداخلة واحدة وربما وفرت علي حاتم زاته كلام كتير كان حيصرف فيه عدة صفحات منبرية .. |
المحتوى كان موجود من عام 2009 وهو ترجمة نقلتها بأمانة حسب طلب سام كولبي ولم أوفق في لفت نظره لبعض الحقائق التي اختلف معه فيها، سام كولبي هو الوحيد الذي رد بإيجابية من الذين اتصلت عليهم، معظمهم يظنون أن المتصل يريد أن يوقع بهم لذلك لم أرغب في محاججته ونقلت كلامه إلى العربية، بالتأكيد هناك بعض التناقضات في كلامه، ولعله أدركها.
Quote:
أها محمدعبدالله شابكنا حقو تقروا ومفروض الواحد يكون ناقش فيزياء ورياضيات - يعني لو ما ناقش ما تجازف - أها الزبون طلع ماعارف قانون الجاذبية ذاتو بتاع الثانوي - |
محمد مختار لا يرغب في الرد على الأمور التي يراها معقدة ولا يعلم بها إلا الله. وجد ضالته في تاريخ أنا غير مسؤول عن تفاصيله بل ترجمته، عدها نصراً وتجاهل غرض البوست.
في النقطة الأخيرة يبدو أنها كارثة، فما يتلقاه التلميذ من استاذه يعتبره من المسلمات، كان لدينا أساتذة فسروا لنا آيات أخجل من تفسيراتهم الآن،
السودانيين يعانون من الخجل عند السؤال أو إبداء إشارة تدل على سوء الفهم ولذلك لا يتعلمون سريعاً، موضوع انعدام الجاذبية لاحظته عند الكثيرين بانبهارهم بمنظر
الرواد في الفضاء يعومون وهو ما يوحي بذلك. كوبا أدركت مدى تأثير ذلك ومنعت تسريب معلومات أبولو إلى المدارس بل تقوم بالعكس
وتنشيء أطفالها على أن الأمريكان لم يصلوا إلى القمر ولم يفعل أحد ذلك.
مشكور استاذنا منير
| |
|
|
|
|
|
|
| |
حاتم إبراهيم
تبارك شيخ الدين جبريل
محمد عبدالله مختار
الصادق اسماعيل
محمد الأمين موسى
سيف النصر محي الدين
قسم الفضيل مضوي محمد
طلحة عبدالله
مصعب عجاج
Munir
محمد البشرى الخضر
Hafiz Bashir
فيس بوك
تويتر
انستقرام
يوتيوب
بنتيريست