صورافطار بورداب جدة /اوسكار بفندق الفاف

Quote: طوووووويل

Quote: عكســــة :- مناشدة لكل اعضاء المنبر من اهل جدة وما جاورها من اهل مكة والطائف ورابغ وينبع ( المنطقة الغربية ) تزويد اعضاء اللجنة الجديدة بارقام هواتفهم للاتصال بهم وادخالهم في اي حدث اجتماعي لاي لمة قادمة وفوق هذا من اجل طرح فكرة التلغرام لتسهيل التواصل بين الاعضاء وكل هذه المقترحات سوف تكون من ضمن جدول النقاش مع اللجنة الجديدة

Quote: سؤال يا رحال لجنة بتاعت شنو ؟؟ اوع تكون لبورداب الغربية او جدة ؟!! العارفوا انا انو الدعوة كانت اجتماعية بحتة عبر قروب الواتس اب لبورداب جدة ولا علاقة للافطار باي تكوين للجان او خلافه الحاجات دي دائما بتكون من خلال اجتماعات مخصصة واعداد خاص وجيد ودقيق وليس بعشوائية

Quote: في خلاف اخونا الرحال والرفاعي وبعض الاخوة في مجموعة الواتساب كان ان تحول الخلاف الي مماحكات كما اسلفت والي غلاط وجدل بيظنطي .. فالاخ الرحال مع تقديري له واحترامي له كشخص نشط ومميز ورجل كريم وشهم الا انه يفتقد الي الحساسية الاجتماعية فمثلا في بحثه عن حق صغير يمكنه ان يدوس علي اكثر مما يطلبه , بالظبط زي الزول البيجي الجامع متاخر وداير يمشي الصف الاول ممكن يخوض في روسين النايمين و وشهم بي رجوله عشان يصل فضل الصف الاول او حاجة قريبة من كدا .. ولا اخفيك اخي الرحال ان البعض قد تنفس الصعداء بعد ان تم ابعادك من المجموعة علي اعتبار انك كنت خميرة عكننة تتمسك بامور قدرها البعض تـافـهـة وقدرتها انت عظيمة الا ان بعد ذهابك من المجموعة والحق يقال عادت المجموعة الي تجانسها السابق ولم يحدث خلاف الا في يوم الافطار بخصوص اللجنة المختارة هذا الامر يقودنا الي تساؤل جوهري هل فعلا نحن بحاجة الي رأب صدع ولم شمل الجماعة المنشقين او المبعدين علي وجه الدقة ؟ وهل هم يقبلون بعضهم ويعودون للعمل بتجانس مرة اخري؟ الاجابة علي هذا السوال هي الفيصل ولكن تقديري الشخصي من مصلحة بورداب جدة ان لا يعملوا من اجل رأب صدع فمياه كثيرة مرت تحت الجسر وتقديري ان الافضل ان تقوم كل مجموعة بالذي تراه افضل وتقدم الاحسن .لكن بخلاف ذلك سيتحول بورداب جدة الجسم الذي ظل متماسكا مثله ومثل بقية الكيانات المهترئة التي تعمر جدة واولها الجالية المتهالكة . وهنا لا يفوتني ان اذكر اني سمعتك يا اخي الرحال تتحدث عن انشقاق في جسم رابطة كسلا التي تنضون تحت لوائها بقيادتكم ضد لجنتها التنفيذية وان اجتماعكم في بورداب جدة قد جمع شملكم مرة اخري الا اني اري ان بذرة الانشقاقات امرا يتبعك كظلك يا رحال فتخلص من هذه البذرة ولا تكن سببا في شق امر العباد .

(عدل بواسطة أشرف الرحال on 07-20-2014, 12:44 PM)

Quote: بس خت في بالك الان انه مشكلتنا ما قصة خلافك مع الرفاعي يا اشرف الرحال في الواتساب دي حاجة في النهاية راجعة ليك انت والرفاعي ... البهمنا اللجنة البتمثلنا كبورداب جدة .. واختيارها والكلام القلته فوق انا عن ابعاد الرفاعي .. وانه في لجنة قائمة اصلا عمرها اقل من شهرين .. دا المفيد والبهم الجميع ..مسألة طبيعة خلاف وغيره تظل حاجات شخصية ما بتهم الجميع لكن لا ضير من الرجوع اليها بعد الانتهاء من الموضوع الرئيسي وهو امر اللجنة التي تهم جميع بورداب جدة .. وبعد داك نتناقش حول خلافكم انت والرفاعي او ممكن تفتح ليهو بوست منفصل تحكي فيهو وتسرد بالتفصيل الممل زي ما قلت والعندو الرغبة يجي يشارك فيهو . وربنا يسهل للوالدة ويوصلها بالسلامة تحياتي

(عدل بواسطة Asim Fageary on 07-22-2014, 12:41 PM)

Quote: مواقفي وخلافاتي الفكرية والسياسية وحتي الاجرائية مع الاخ الرفاعي معلنة في هذا المنبر من خلال تقاطعات كبيرة جدة وحادة في حوارات ممتدة لسنوات . الي درجة اني في كثير من الاحيان اعلن مللي وتندري علي ملاحقته لجالية الغربية . ولكن هذا لا يمنع بحال ان الرجل نشيط جدا في جانب العمل العام ورجل خلاق يستنبط فعاليات جديدة ولديه من الكاريزما والعلاقات ما جعله مقبولا بين بورداب جدة للانبراء بالقيام من الكثير من المبادرات جعلت الاخرين يظنون انه رئيسا لهذا الكيان رغم ان هذا لم يحدث اصلا في الواقع ان كان الرفاعي رئيسا لكيان بورداب جدة . ولم اراه يسعي لهذا الامر بل كان حريصا علي الدفع بمن يجد القبول من الجميع مثل العميد يوسف والعمدة شحوتاي وغيرهم . وايضا لمعرفته ان اللجنة ما هي الا امر مظهري ليس الا .

Quote: خلاف جمال السنوسي والرفاعي لا علاقة له ببورداب جدة اصلا , وكلنا شهود علي المناقرات التي تحدث بينهم في الفترة الاخيرة فالخلاف قديم منذ ثلاثة اعوام تقريبا عندما نظما سويا حفلتين للفنان ابو عركي البخيت الحفلان لا علاقة لهم ببورداب جدة . اخونا الرحال خلافه مع بعض افراد مجموعة البورداب وعلي رأسهم حجر خلاف اجرائي بتاع مماحكات واسلوب فهم وتقدير للحاجات , وخلافاته عشان كدا اقرب للغلاط منها للخلاف احيانا لا ترقي لان تكون خلافات زاتو , ولكن في ظل التمترس الحصل في الفترة الاخيرة والاستقطاب من قبل الجماعة الزعلانين من الرفاعي كان ان اصطفوا مع بعض و واوضح اعلان لذلك هو الصورة الرمزية التي يتخزها الرحال وبوست اختيار اللجنة الفتحو جمال ورد عليهو فيهو الرحال ,, رغم انه انحنا اخترنا دشليون لجنة قبل كدا ارجعوا للارشيف كان تلقوا بوست واحد اتفتح للجنة بورداب جدة ... ودا بس دليل بسيط علي محاولة التقاط الكرة لاقصاء الاخ الرفاعي باي شكل كان وهو ما نرفض المشاركة فيه عبر الاساليب الملتوية .. اذن ما دام حصل خلاف وانشقاق في جسم البورداب كاول سابقة تحدث في بورداب جدة في عهد الاخ البوردابي الجديد اشرف الرحال الجسم الذي ظل محافظا علي التجانس والانسجام والتراحم والود طيلة ثلاثة عشر عاما خلون . ما دام الخلاف حصل اذن ليكون اتباع الاصول في اختيار اللجنة وليس تمرير اسلوب النفوس الطيبة الكان متبع سابقة والتراضي لاختيار لجنة للاسف لم تتوفر حسن النية لاختيارها ..رغم اني اول من يرشح جميع الافراد المختارين فيها لو كان الامر يخلو من الشبهات ولكنت اول المباركين فكما اسلفت اللجنة تظل امر شكلي لا يؤثر علي ما يجري في الارض . URLEmailProfileEditرد على الموضوع

Quote: يا عاصم فقيري ما دام اعلنت انه ما عندك علاقة بكيان بورداب جدة مداخلتك دي لفها في ورقة وختها في جيب البدلة الشديدة دي .. يعني بالعربي الدارجي ما بتلزمنا مداخلتك زاتو . لكن لا ضير من الرد عليها من باب المجاملة وما تمشي يدك فاضية من البوست سابقا كانت الروح الطيبة متوفرة جدا وما عندنا اي مشكلة لحدي اول امس في الافطار الاختيرت فيهو اللجنة .. كنا بنعمل الحاجات بحسن نية ومافي زول مبيت اي سؤ للاخر .. اول امس في فندق الفاف كان سؤ النية متوفر بكثرة وانا رديت علي نقطتك دي مسبقا لو بتقرا كويس تلقاني قلت ما ممكن نستخدم حاجات كنا بنعمل بناء علي حسن النية ونستخدمها بسؤ نية ..هنا الوضع اختلف ما دام سؤ النية اتوفر وحصل شقاق وخلاف نرجع للاصول طوالي .. اللجنة الاختيرت شدة ما مباركين عليها الجماعة دفعوا فيها الاف الريالات ..دا كله وانت ما معانا يا عاصم فقيري وما دام اعلنت بوضوح انك ما داير معانا لا يسعنا الا نقول ليك تصحبك السلامة في حلك وترحالك طال عمرك

Quote: أساسي لك التحية ما حدث في افطار هذا العام هو تكرار لما حدث في جميع الاعوام السابقة يتم اختيار لجنة عقب الافطار مباشرة للعمل للعام التالي اذا ليس هذا جديد اخر لجنىة في رمضان السابق كانت برئاسة محمد الهادي اختيرت في فندق قصر المدينة رمضان السابق ولم يكن هناك اعتراض شخصيا عندما طلبت انا عبر مجموعتكم للوتس اب ان تجتمعوا لاختيار لجنة ( خاصة بعد عدة احداث في مجموعة الوتس اب واختلافات) كل الردود كانت منصبة من الاغلبية ان ننتظر حتى رمضان ونختار لجنتنا كما كل عام لم يشر احدا لنا باختيار لجنة في المطار القديم ولم يكن هناك دعوى في البورد او اعلان لاختيار لجنة في المطار القديم او الاعلان عنها لذا انا من طلبت بتكوين لجنة في افطار رمضان كما هو معمول به في كل عام حتى ان اللجنة لهذا العام ضمت من قروب الوتس اب الخاص بكم كل من مجدي فضل - سفيان - محمود م محمود - بلة الفاضل - المليك ولم يعترضوا عند اختيارهم وفي حضورهم ولم يقولو شيئا عن لجنة المطار القديم في الافطار بل لم ذكر اي احد اي اعتراض على اقتراحي بتكوين اللجنة الجديد هذا العام هو الوتس اب ومحموعة الخمسين ومحاولة قيادة العمل بمجموعتكم في الوتس اب وهذا غير مقبول لنا كبورداب ان تقرروا لنا عبر مجموعتمكم في الوتس اب ما نقوم به من اعمال اذا لجنتكم هذه تمثل الوتس اب وليس البورداب لانها محدودة العضوية وان تصف اننا جبناء بأن نعلن لجنة في غياب البعض فاعتقد ان الصفة تطال كل الناس الساهمو في اختيار لجان الاعوام السابقة ومن ضمنهم انت شخصيا وفي غياب الكثير من البورداب نحن مشينا على عرف وتقاليد سنوية للبورداب ولم نقلب الكيان والطريقة المألوفة في إختيار لجنة هي للعمل التطوعي وتم اختيار الناس برضاهم ووافقو واعتذر من اعتذر امام الناس ان يتقدم محمد العوض والمليك وغيرهم من نفسهم لخدمة هذا الكيان شي جميل يحسب لصالحهم وعلينا ان نجدد من يقود العمل ومن سلامة جسم الكيان من وجهة نظري ان يبتعد من يختلف مع الناس ومن ضمنهم انا شخصيا حفااظا على روح الجماعة والحوصل على ادنى نقطة اتفاق وقبول بين الجميع ويتقدم للعمل من يتفق الناس عليه بعيدا عن صراعات السياسة والجالية ولاحكومة لانه نشاط اجتماعي ليس إلا ما قمتمم به في المطار القديم من تحديد لجنة يعود للوتس اب ومن حق اي ناس عمل قروب وتس اب او مجموعة ويكونوا لجنة ويجمعوا اشتراكات نحن هنا بورداب جدة في سودانيز اونلاين ليس لنا علاقة بمجموعة وتس اب سوى انها وسيلة تواصل ما يفيد البورداب هو هذا البورد في نقل ونشر والدعوة لفعالياتهم خاصة وان الكثيرون لا يدخلون الوتس اب وليسوا مضافين لمحدودية القروب (50 فرد) وثانيا انا شخصيا وغيري الكثيرون اتوا للافطار بدعوة البوست وليس من الوتس اب اذا يفترض ان يكون الاساس هو البورد وليس الوتس اب فيما يختص بامور البورداب لان العضوية اساسا من سودانيز وليست من قروب الوتس اب حاشية : ليس لي خلاف مع اي شخص لا شخصي لا عام خلافاتي كلها في طريقة ادارة العامل العام لذا طالبت بي لجنة تقود العمل وونلنتزم جميعا بقراراتها ولا اعرف التصفية كي ابعد فلانا او علانا عن اللجنة في كل عام نختار لجنة بي نفس الطريقة من الحضور وليس من الغايبين ما قمت بنشره في بوست عن اللجنة المختارة لهذا العام بسبب ما كتبته الآن انت يا اساسي عن مجموعة الوتس اب ولجنتكم التي لا نعلم عنها شيئا ووجود قروبين وتس اب للبورداب في جدة لذا اثرت النشر هذا العام لوجود هذا الانفصال وليعلم الجميع من هي اللجنة وكتبت في البوست ان تعمل اللجنة على لم الشمل وتوحد الصفوف خلف لجنة مختارة من الجميع الموضوع اجتماعي وعمل تطوعي يحسب لنا لوا يحسب عليننا والله من وراء القصد

Quote: يا عاصم فقيري ما دام اعلنت انه ما عندك علاقة بكيان بورداب جدة مداخلتك دي لفها في ورقة وختها في جيب البدلة الشديدة دي .. يعني بالعربي الدارجي ما بتلزمنا مداخلتك زاتو .

Quote: سابقا كانت الروح الطيبة متوفرة جدا وما عندنا اي مشكلة لحدي اول امس في الافطار الاختيرت فيهو اللجنة .. كنا بنعمل الحاجات بحسن نية ومافي زول مبيت اي سؤ للاخر .. اول امس في فندق الفاف كان سؤ النية متوفر بكثرة

Quote: لو قريت كلام جمال السنوسي دا كويس برضو حتعرفوا في شلل بتجتمع وتكون لجان بإسم الناس من غير ما تدعوهم شلة أصحاب معينين هم بيدعوا بعض وبيكونوا لجنة ويسموها بورداب جدة

Quote: الأخ العزيز أساسي شكراً لك على طرحك الجرئي والشجاع بكل شفافية ووضوح وأرجو أن تسمح لي بإبدأ وجهة نظري والتي ألخصها في عدة نقاط أولاً : ـ اللجنة التي تكونت في المطار القديم كانت محصورة في قروب الواتس وهي بالضرورة لا تعبر عن جميع بورداب جدة والأخوة المعترضين عليها محقين في هذا الجانب ثانياً : ـ اللجنة الفديمة التي تكونت في إفطار العام السابق لجنة كسيحة ولا أثر لها على الإطلاق بدليل غيابها التام عن المشهد ولم تقم بأي فعالبة أو حتى الدعوة لجلسة أسرية مما يجعل وجودها من عدمه سيان والجهة الوحيدة التي كانت تحمل هم البورداب وتعبر عنهم هي مجموعة الواتس التي أنشأها الرجل الفاضل حجر ورغم قصر فترة تكوينها إلا أنها إستطاعت في فترة وجيزة إنجار ما عجزت عنه كل اللجان السابقة ( حفل طارق أبو عبيدة ، تسليط الضوء على تجرية هشام كمال ، تأبين الراحل المقيم محجوب شريف ، تكريم الدكتور عز الدين هلالي ،إقامة عزاء والدة عضو البورد نصر الدين عثمان ، المساهمة في حل مشكلتين إجتماعيتين واحدة علاج أحد المبدعين والثانية مساهمة مالية في حل مشكلة أحد الإخوة الذين أقعدهم المرض ويعيشون ظروفاً صعبة ( دون ذكر الأسماء ) ثلاثة فعاليات إجتماعية للأعضاء في المطار القديم عضدت من التلاحم والإخاء الحميم بين البورداب ، فضلاً عن عمل صندوق مالي للبورداب لمواجهة الظروف الطارئة بإشتراكات شهرية إلتزم بها الجميع . مما يعني أن القروب نجح بدرجة إمتياز فيما عجز عنه الآخرون إضافة إلى الإفطار لهذا العام والذي جاء بمبادرة ودعم من قروب الواتس . ثالثاً :ـ بالنسبة لتكوين لجنة جديدة عقب الإفطار أتفق معك على أن الترشيح كان سريعا ولم يتجاوز الدقائق العشر وحتى الحاضرين كلهم لم يشاركوا فمنهم من كان خارج القاعة ومنهم من كان منهمك في حديث جانبي بعيداً عن مكان الترشيح وعندما إعترضت أنت على الطريقة التي تم بها الترشيح ودعوت الناس للجلوس مرة خرى لم ينتظرسوى القليل وكان جل الحضور قد غادر موقع حفل الإفطار وأنا كنت مرشح من قبل إخوة كرام محسوبين على قروبنا بتاع الواتس منهم على سبيل المثال الصادق عبد الله ومهندس أحمد التجاني.ولقد إعتذرت عن التكليف سابقاً في هذا البوست قبل مداخلتك فيه لظروف خاصة بي تم شرحها .وللحقيقة لم يكن هنالك أي ترتيب لمؤامرة في حينها ولكن ظهر ذلك ذلك بعد تكوين اللجنة سوف أتطرق له في الفقرة التالية . رابعاً : ـ من الواضح أن فصل العضويين الرحال وجمال السنوسي من قروب الواتس ترك مررات عميقة في نفسيهما ولم يكن للأخ حجر بد من هذا الإجراء للمحافظة على هذا التجمع الناجح بعد تصاعد الخلافات واللت والعجن ووصف جحر بالدكتاتور والمنفرد بقراراته والغريبة هذا الشيئ لم يأتي به أو يلاحظه سوى العضويين المذكورين من جملة خمسون عضو بكل قاماتهم وتوجهاتهم مما يعني أنهما كانا خميرة عكننة ولولا حكمة حجر بإبعادهما لكنا إلى الآن ندور في حلقة مفرغة من المناكفات التي لا تسمن ولا تغني من جوع وربما أدت لإنهيار هذا البنيان الجميل وقد قلتها للأخ الرحال صراحة بأن أسلوبك في التحاور وإدارة النقاش تصيب الجميع بالملل ومن شأنها أن تفرتق أي كيان . وشمل الحذف كذلك الأخ أيوب ولكن للحقيقة الرجل تقبل الأمر بصدر رحب لم يبدي أي ردة فعل وقام بإنشاء قروب موازاي جل أعضاءه أضافهم من القروب القديم وآخرون من خارج دائرة المنطقة فنشكر لأيوب لسعة صدره وإستيعابه للأمر. خامسأً :ـ الأخ الرحال وبعد أن تم ترشيحه من ضمن التسعة المختارين وضح جلياً إستعجاله لإنعقاد اللجنة بل وذهب أكثر من ذلك في وضع الخطط والسياسات للمرحلة القادمة دون الأعضاء وفي خطوة إستباثية ( إنشاء قروب في التلغرام ليسع الجميع في إشارة إلى إلغاء قروب الواتس وتحدثه عن كيفية إختيار تكريم الرموز في دلالة واضحة على أن حجر يقوم بإختيار المبدعين لتكريمهم حسسب هواه كدكتور عز الدين هلالي ) هذا الكلام للرحال في بوست الإفطار وإن دعت الضرورة سوف أقوم بنسخه وإنزاله هنا . سادسا ً وأخيراً : ـ من الواضح أن الخلاف كبير والهوة عميقة ولكي يتم رأب الصدع فإننا نحتاج إلى معجزة حقيقية ومن الواقع يستحيل تحقيق ذلك ومن وجهة نظري الشخصية المتواضعة أن يبقى كل فريق في معسكره وكل ينجز برامجه حسب رؤيته دون تدخل من الطرف الآخر وننسى فكرة كيان جامع لبورداب جدة أو المنطقة الغربية مع الإحتفاظ بشعرة معاوية للتواصل بين الجانبين وتكون لمتنا العامة في الإفطار السنوي الذي يجمع الكل وكفى الله المؤمنين شر القتال

(عدل بواسطة أشرف الرحال on 07-20-2014, 10:15 PM)

Quote: يا سفيان ،،، تحياتي اذن مداخلتك دي كلها عن شأن خاص بقروب الواتس اب ودي حاجة تخصك انت كعضو في هذا القروب ولكن الذي اعرفه ان هذه الفعاليات تمت باسم بورداب جدة وليس باسم قروب الواتس اب وراجع الفعاليات فهل تجد لقروب الواتس اب مكانه في رسميات هذه الفعاليات دي حقائق غير قابلة للانكار يمكن دي الجزئية الوحيدة التي تستاهل الرد ولكن الباقي ده كله لت وعجن بدوافع اساسا معروفة لي انا شخصيا وان كانت هنالك مؤامرة فانت شريك اساسي فيها بدليل انت عضو في لجنتها الجديدة ولماذا لم تعترض في الترشيح وبعد تثبيت الاعضاء الجدد في حينها ولكن تجي تعتذر بعد فض السامر ومضي 24 ساعة او اكثر دي تفتح مجالا للتنسيق بعدين برضو اساسي ما اعترض في الافطار بقيادة هؤلاء ولا في طرح موضوع اللجنة الجديدة الاعتراض ده حصل بعد الانتهاء من مراسيم اعلان اللجنة الجديدة وفي حوار جانبي وليس في المنصة وخليك امين في عكس المشهد ؟ عكســـــة :- الان اصبح موضوعكم مش اللجنة ولا الافطار الان اصبح شغلكم الرحال والسنوسي وحجر وطالما هؤلاء الثلاثي اختلافهم بعيد عن بورداب جدة ليه تلفوا وتجوا للتلميع الساطع ده اطلعوا من هذه الاسطوانة وركزوا ليه اتكونت لجنة في المطار القديم ولماذا قامت هذه الفعاليات باسم البورداب طالما انك بعظمة لسانك قلت قروب واتس اب واللجنة السابقة المنتخبة في قصر المدينة كسيحة مودتي الرحـــال

Quote: ذهب الظمأ ... وابتلت العروق ... وبدأت المشاكل ...... ........... بالمناسبه الفايده شنو من عمل الافطارات وتصويرها ؟ والفايده شنو اصلا من عمل لجان للبورداب ؟ غايتو من خلال كمية من .... الدافورى ... الخاص بلجان البورداب وانشطتهم خصوصا فى دول الخليج وصلت لقناعه انو فينا كمية من الناس بتهوى الخلافات .. وبتهوى المَريَسَة ... وتكوين اللجان من اجل المزيد من الخلافات ... بالله لفيت على كم بوست افطار ... لما عطشت .. ياكافى البلاء .. ما فى افطار واحد عدى كده باخوى واخوك وطلعوا الناس قلوبها نضيفه وصافية ....!!! شكل فى شكل .. وده ما بحب ده .. وده ما بنسجم مع ده .. وده وده وده لا اله الا الله حاجه تعطش بالليل ذاااتو والله العظيم الخلانى اكتب الكلام ده فتحت البوست وقلت ناس جده ما حا يكون عندهم مشاكل .. الفترة الفاتت ما حضرنا ليهم دافورى هنا اللهم الا .. المصارعه الحرة فى موضوع المرأة المفقوده بالتوفيق للجميع

Quote: بالجد يا عاصم فقيري والله العظيم وانا صايم ما عندي ادني رغبة في حوارك او نقاشك او حتي تضيع وقت معاك هنا ولو بقي البوست دا عليك انت دا طرفي منو .. سلاما