|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
أخي الفاضل الارباب خالد ود سعيد الأرباب عندما نذكر فضل أجدادك فنحن نعتد ونعتز ونهز فوق ابواتنا كلنا ويعجبني كتير أنك في دروبهم ساير وما بتخيب مسعايك ما دام عرشت في أساس ابواتك
يا خالد يا أخوي بلدنا كانت تعج بالرجال اليهزو ويرزو لهم المكان ولهم دانت الدّنيا وما وسعت أحترمهم المستعمر عندما دخل البلاد وما كان يجرأ على كسر كلمتهم في كل بقاع بلادنا الحبيب إن مسكتها شرقً وغرباً جنوباً وشمالا كان هناك رجال خطوا أسمائهم بنقش من ذهب نعتز بهم وأسمع ود بادي قال شنو فيهم
سماك الباكى مجدو الزال يا ما كانوا تحتوا رجال ابوخنجر وابوشوتال والصقر البجيك خوجال صوتن كان يمين جلجال ومكسيين كمال وجلال لكن الزمن اسرع سيفن بلحس الفقره وما كان برضو بالحقرة وكانوا بضبحوا الشقره وكانوا بضوقو العادوه نوم الكوع وكانوا بموتوا فى شان حرمة المفزوع
الجعلى اب شرابا حار وقالوا بعدى يومو خنق والشايقى البياكل النار وفوقو نحاسو متخنق ودرفون البجا الصقار وحاقب سيفوا ياكل الشق والغرباوى عينو شرار وكضب القالوا عندو عرق والنيلى البعرفوا كتار على كتل الأسود جرّق والبطحانى والشكرى وغيرهم من أهل فخرى ومنهم أصلى لا بشبع ولا بقنع
ديل هلنا يا الارباب ولك الشكر وما تطوّل الغيبة علينا ادمنّا شوفتك
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
شدو ليهو الشلواح نهموا لي الصُلاح إسلم أبوي .... وكت دخل في السلاح بشوف براق سيفو لآح اللي الخصيم كوااااي
شدو لي اي أسرجوا له الفرس بالسرجواللجام الرِكاب وألبسوا الفرس زينته المعروفة وعادة الفرسان يشد لهم خيلهم ( أما أحد ذويهم أو خادمه )
نهموا لي الصلاح : يقال أنهم فلان اي ناديه وانده له باسمه حتى يحضر ونقول نهم الصلاح اي نادهم بندعاء فيه دعاء أن يحضروا ويغيثوا وينجدوا ( وهذا لايجوز ) فقط نتعرض له من باب أنه ورد في القصيدة نادي الله وإذا دعونا فإنا ندعوا الله ونلجأ لله لكن جهل أهلنا زمان جعلهم يضعوا بعض أهل الدين في منزلة الله وهذا لايجوز
في غرب شندي كانت هناك أمرأة مجنونة وفي نفس الوقت في لسانه لجنة هي تسمع الناس عندما ينهموا الشيوخ يقولون يا موسى ابوالبتول يا سلمان ود العِوضية وحسن ود حسونة الفي اللضّا في ذات مرة سرقت حذاء هذه المرأة فهمت أن تدعوا هولاء الشيوخ لكي يأخذوا لها حقها من اللذي سرق نعالها فقالت
الليلة ياموسي مرمتول .. وحسن ود حسنونه الفي الواتا .. وسلمان ود اللـ وطيا الشال نعالي كراعو تنقطع جط ( الجيم معطشة زي ما بقولوا تنطق ) نهموا لي الصلاح لكي يحفظوه ويعينوه المعين والحافظ هو الله في سماه وأعتلى عرشه والملائمة من حوله بسبحون له في الغدو الآصال
وكت دخل في السلاح بشوف براق سيفو لآح اللي الخصيم كوااااي
وكيف يكوندخول الفراس في السلاح أن يلبس دروعه .. ويلبس خوذته .. يحقب سيفو السنين البتار يحمل درقته ويلبس سكينه في ضراعه ويقول الشاعر انه عندما تجهز بلبس الحرب رأيت سيفة اللماع يبرق كبرق في ليلة ظلماء برق عبدلي الوزني ابوي اللي الخصيم كواااي
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كان لمحجوب كبوشية ( ود شينبو ) القدح المُعلى في أحياء فن هذا التراث الجميل ( فن الدلوكا ) كاد أن يندثر بعد مضي من حافظوا عله وأخرهم الحميرا والجود وود النزيها بعدها بدأ في التراجع وظل في بعض البيوت والعوائل هي التي تهتم بهذا الفن الجميل والتراث الموروث من الفاتوا ... والآن قلَّ أن يقام فرح وما تكون فيه ضحوية في تلك المناطق ( والعود حميد ) وأتمنى أن يظل هذا الفن قائم لما فيه من معاني فاضلة وليت بعض الشاعرات من نسائنا أن يحيين هذه السنة ( قول الكلمة الفاضلة في حق الولد البستاهل ) حتى يحيينَّ ما مات في القلوب بالتشبث بالفضيلة في شبابنا وكما طرق محجوب كبوشيةهذا الدرب طرق فن غنا الأغنية العادية بالمندلين وقد أشتهر بها تلك الأغنية نسيت خلاص وروحت
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كلمات القصيد الأرباب سعيد
الرميات
قول لي البشرى عيني والغميد إتجافو مِن الودعونا وتاني ما بنشافّو الشتل البرد ليلو وضرب عسافّو طبق قلبي في الشنطة ورِكب صفصافو
قول لي البشرى عيني الغميد جافاها ودر تب بقيت بي الكلمة بتلافاها شارطني وشروطو معاي قبيل وفاها مكنة قلبي حوّلا بي اليمين لفّاها
كلمات القصيدة
فارساً بكيل العين وثابت في المحاص شايل الحديدو سنين الأرباب سعيد
مِن أمس الصباح شدولك أبـ غُرة وكبرتا ومشيت شاهر السلاح برا في أبو طليح وِصل والكُتال حرَّ وحققت النصر والخصيم فرَّ
شدولك علي المُهر البسابق الريح وصديت الأعادي وكم كتيل وجريح أبـ سيفاً سنين حديدو ماضي نصيح دمرتَّ العدو خليت عقابو نفيح
مِن تبَّ ونشأ فارساً اصيل ما بتر وثابت في المحاص وللخصيم ببتّر ودقولّو النحاس بي سيفو قام بشّر الأرباب سعدي ود المكوك الحُر
في المِكنية جيت يا الفارس الأرباب ولاقوك بي النحاس بي فرحة وإسترحاب هزيت في النحاس بي سيفك السكَّاب وعزيت البلد يا فارس السعداب
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: قول لي البشرى عيني والغميد إتجافو مِن الودعونا وتاني ما بنشافّو الشتل البرد ليلو وضرب عسافّو طبق قلبي في الشنطة ورِكب صفصافو |
البشرى يعني بها نفسه وعلى مايبدو أن الرباعية من النمة من كلماته أو كلمات صديق لهيشهده على كلامه قول لي البشرى :: تلك الفطرة قد تنافت بين عيونه والغمدة والسبب فراق من محبوب عندما سافرت وبعدت عنه لظروف خارجة من أرادتها رحيل الأهل مثلاً وهنا معاني حلوة الشتول والزرع عندما يبرد الليل تجد منها ريح طيب عطرا وتمايل يبكي القلوب السكلّى من فراق وبعاد هي سافرت لكن في سفرها هذا طبقت مثل ملابسها قلبي في حقيبتها وركبت قطرها او بصها وخلتني جسة هامدة بلا قلب وروح
Quote: قول لي البشرى عيني الغميد جافاها ودر تب بقيت بي الكلمة بتلافاها شارطني وشروطو معاي قبيل وفاها مكنة قلبي حوّلا بي اليمين لفّاها |
نفس النهج مع استبدال الكلمات واكيد كانت مجداعة بين شاعرين وقال الثاني قول لي البشرى عيوني الغميد جافاها .. وفي الحفوة فراق ايضا ودّر : والودار درجة من الجنون والمودّر ما بجمع يقال دا زول مودّر بقيت مودّر وما بحمل بعد فراقها من كلمة بجوط في صاحب الكلمة وبخرب البينا وما أحلى التعبير في الرباعية الأخير عندما قال مكنة قلبي حولَّ بي اليمين لفاها والقلب يميل للجهة اليسرى في القفص الصدري لكن لحبها وبقراقها تحولت ناحية اليمين
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
مِن أمس الصباح شدولك أبـ غُرة وكبرتا ومشيت شاهر السلاح برا في أبو طليح وِصل والكُتال حرَّ وحققت النصر والخصيم فرَّ
الفارس وذو المكانة الاحتماعية العالية تشد له الدابة اي تسرج وتسرج الدابة ( الحِصان او غيرها ) بالسرج .. الرِكاب .. البطان ويجحزم قوي بالذات إن كان المقصد لساحة حرب اللجام ويربط بي مهل تفرش فيها الفروة أو القطيفة ( في السرج ) تزين المهرة بي زينتها للحرب لكي يميز بها الفارس لرفاقه وكذلك يعرفوا عدوه القاصدو وهو منبري لي شدّولو من دغشن بدري قبل يوم أبـ غرة : وابـ غرة هو المهر الذي في جبينه غرة وعادة يكون لون الغرة أبيض في كل الالوان وسوداء في الحِصان الأبيض كبرت مشيت التكبيرة أعلان توكل على الله ( يا غِرق يا جيت حازما ) الله أكبر قولاً حسن ( قد شوه لفظها أهل الإنقاذ ) لكن يظل الله أكبر ولناطقيها من الرجال اللذين عرفوا حق الله وقدره كبرت ومشيت متقلد سفك البتار السنين في ابوطليح وصل الكِتال حرَّ ابوطليح اسم الموقعة ال ذاع فيها صيته عندما قتل الضابط الانجليزي ورفاقه
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
شدولك علي المُهر البسابق الريح وصديت الأعادي وكم كتيل وجريح أبـ سيفاً سنين حديدو ماضي نصيح دمرتَّ العدو خليت عقابو نفيح
شدّولك علي المهر البسابق الريح المهر السريع وقوي هو جزء من هيبة الفارس ومابركب علي المهر السريع إلا فارساً محنك ( مجرق على فنون القتال ) وكيف له مع سرعة المهر ان يميز ضربه لو كان غير حاذق في فنون القتال لكن الأرباب سعيد شدّو لي علي المهر البسابق الريح ( وهنا مبالغة لبيان سرعته فجعل السرعة للمهر اسرع من مر الرياح )
أبـ سيفاً سنين حديدو ماضي نصيح ماضي اي مسنون بشدة ( سنين ) وماضي اي يقطع ان ضرب
دمرّت العدو خليت عقابو نفيح اي عدمتهم نفاخ النار زي مابقولوا
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: مِن تبَّ ونشأ فارساً اصيل ما بتر وثابت في المحاص وللخصيم ببتّر ودقولّو النحاس بي سيفو قام بشّر الأرباب سعدي ود المكوك الحُر |
مِن تبَّ ونشأ فارساً اصيل ما بتر والطفل من صغير بعودو أنو ما يتر من مكان الدواس وما يجري ويفز وهذا كان حال الارباب من تبَّ ونشأ وفي المحاص ( ساحة الحرب ) ثابت جبل وما بنطلع والبلاقي سموهو شايل كفنو دقو لي النحاس والنحاس عادة يضرب بعدما الفرسان تلبس دروعها وخارجة لملاقاة العدو وعندما ضرب النحاس بي سيفو قام بشّر
الأرباب سعدي ود المكوك الحُر ويعني أنه من سلالة السعداب والسعداب حازوا على لقب أرباب وناس مأصلين ولايفهم البعض كلمة مأصل بمعنى أخر تعني : كل من يحمل الفضائل قولاً وعملا فهو أصيل الفضائل معروفة شجاعة كرم شهامة ضكرة حكمة وحنكة ثبات في الرأي وغيرها من الصفات السمحة
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
في المِكنية جيت يا الفارس الأرباب ولاقوك بي النحاس بي فرحة وإسترحاب هزيت في النحاس بي سيفك السكَّاب وعزيت البلد يا فارس السعداب
المِكنية هي قرية غرب شندي وهي موطن الارباب سعيد وهنا قولو لي لما رجع من تلك الحرابة ( ابوطليح ) بقول يوم جيت راجع قابلتك الناس تدق في النحاس تبشير بقدومك يا فارس منطقتهم هزيت اي بشرت في الرجال البدقوا في النحاس وهزتك كانت هزة ودلاد بلد تمام لم تهز وتكبر فوق عار سويتو ( نهب من دماء المساكين ) كما يفعل حكام اليومين دول إنما هزيت بسيف رويته من دم العد وهل نرى الفرق بين هزة الأرباب سعيد فارس السعداب وبين البشير فارس الإنقاذ الفرق شاسع بين رجل حمى المواطن ورجل نهب المواطن الغريبة الأتنين هزو في النحاس وعرضوا وعزيت البلد يا فارس السعداب فعلاً أمثال سعيد اربابيب تمام بحق ومعنى رحمة الله على الأرباب سعيد وربنا يجعل الخير كل الخير ويحمل البنون من اباهم كل جميل
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: وضاحة)
|
Quote: يا مك اشواق كتااار غايتوا انا جهزت ثوبي وبحاول اتعلم لبس الثوب وطالباك مشية لى شندى وحفلة بي دلوكة وحا تشوف العجب لما ارقص هههههه |
شمس المشارق ونقول كدي نم شوف عيني الحبيب بي حِشمة لابس التوب والتوب زاد جمالك زينــة يا المحبوب
تفخر وتفرح شندي وكل الديار لو جيتها ... وتزدهر الشوارع لي قدلتك لو مشيتها.. يوم داك الأعمى بشيل المكسر ويجي يشوف القمر نزل من سما شندي وإتحكر قعد في ضحوية بي الدلوكا بعد الشفتو دبي بتخيل يوم داك بنوتنا يجلدن بطان ليلنَّ نظرة منك ونظرة يا أبوعلي ( يا ختم )
لوجيهتي الرقيص بخمك واطير بيك لي جبل أم وعلي شارع الزلط يسو ليك لوحة تحمل رقصة الملاك في شندي
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
هذه الأغنية الخفيفة من الأغاني ذائعة الصيت في تلك المنطقة يا جنّوي روقوا ليّا بلالي فوق الزين دُخري ليّا
وجنّوي تعني هي مفردة : جنّون جنى وجمعها جِنيات وتطلق على الصغار وقد تطلق أيضاً على الشباب في مقتبل العمر للنداء إن كُنت لا تعرف أو نسيت أسمه ساعة النداء وهي كلمة مقبولة بين الناس أن قالها الأكبر منك سنا تعال يا جنى وهي من الأغاني البتقلب الحفلة لساحة قتاك وعراك عندما يترنم بها الفنان
مفردات الاغنيــــة
يا جنّوي روقو ليّا بلالي فوق الزين دُخري ليّا
الزين دا دابي وفي عريشتو والناس تَلاوذ من كشيشتو الببدا الجري وا نبيشتو دا يا جنّوي روقو ليّا بلالي فوق الزين دُخري ليّا
أنا ما بعاين بي عيوني وما بضحك وأفر سنوني لو تجرو كحلوني جيبة الدم حننوني دا يا جنّوي روقو ليّا بلالي فوق الزين دُخري ليّا
يا الوين سموك ألاصم دا التامي الرأي والفهم يوم جانا كاتم ما نضم وديل ساقم قدامو كم دا يا جنّوي روقو ليّا بلالي فوق الزين دُخري ليّا
يا جنّوي أسترو حالي سمح الريد في مجالي ديل بجيبو الدمي بي المجاري بشيلو الرووس في المخلاي دا يا جنّوي روقو ليّا بلالي فوق الزين دُخري ليّا
الزين يا مُقنع وليتّو والله يا خُصام الزين شقيتو الزين دا دابي وسمو ريقو الزين إن هبش الزول بعيقو دا يا جنّوي روقو ليّا بلالي فوق الزين دُخري ليّا
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: Yousif A Abusinina)
|
Quote: لكن قول للمسنوح شندى فوق فرق من شندى
لكن تجى شندى فوق وندورها صديق سرحان
او ياسر سيد خليفة او عصام محمد نور
ونشوف الوز عوااااااااام بالتوب
تعرف الشى المزعلنى شديد ان من كثر الشغل العلى ما بدأت الحوش اى من ايام وعل حسن حظى وجدت الناس على مززززززاجى
الله يحفظ الجميع وامام العجائز المراهقين شــــــــــــــــــــــــــــيقا |
مرحب حبابك عشرة وجيب معاك المسنوحة تزور اهلها في جبل ام علي ويدغسها حجير من حجار الجبل الزرق في كراعا وطعنها شوكة ههههههههه لو حصل دا بنقعد نفتش في الاسعاف والوز بعوم في طرب البلد واسمع جنس النضمي وصادف اني بكتب عنو الان سيف الجامعة وامنـــــة
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
في الفترة التي ظهر فيها الفنانين حسين شندي والفنان سيف الجامعة كان يتربع على الساحة في شندي وضواحيها الفنان (محمد خير قوار ) وهو سابق لهم والفنان أو الثنائي عوص الأسيد وعوض الطيب الثنائي فاروق الشريف وبابكر سيد أحمد ( وكما يحلو لناس شندي تسميتهم جوز الباتا ) ولم تنقص التسمية من قدرهم كان الكثيرين محبين لهملكن الأسم كان تندر يعشقها أهل تلك المنطقة أن تظل بينهم الفنان قمر الأنبياء الفنان عوض الجلال شقيق اللاعب الكبير الكبير الذي مثل الهلال العاصمي عثمان الجلال ولاعب فرق ساردية قبل الهلال الفنان علي الزين محمد الزين واللذي كان والده فنان من قبله ثم لحق بهم الفنان عصام الجاك بادي والفنان الاستاذ عوض الكريم
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
الرميات
يا ريح الصبا الجيتنا من أبوسالف كيف سبيل خيولاً سيدا عباد وكالف الخلاني فوق نيران جهنم خالف حار بالحيل فراق الزول بعدما يوالف
شبكتينا يا أمنة وشبكتي الناس معانا في شُباك شبك شبكت شبايكو معانا لبست توب شبك في شبايكا مشبكانا والداير الشِبك الأجدع شبكتو معانا
نص القصيدة
أمنة الفي الضمير كاوياني ما شفتوها يا خلاني
في عينيها عالم تاني وزي زي أمنة ما لاقاني في إيدي الحرير مساني ومن يوم داكا جاني الجاني وما شفتوا يا خلاني
واحدين قالوا ضامر هافا واحدين قالوا شفنا الشافا بس براي بجيد اوصافا وسارح ديسا فات أكتافا وما شفتوها يا خلاني
عامت وإنتنت زي بانة ساقيها الندى ورويانة القلل صبرنا وأذانا شفتا عيوني في سيقانا وما شفتوها يا خِلاني
جلت قدرتو السواكي شال من توب عفافو كساكي جاب كل الجمال أداكي ومنو إخترتي إنتِ براكي وما شفتوا يا خلاني
تعالوا أسمعوني خبارا المن النسيم تتضارى شالت من كِبيدتي مرارة يوم صديرا عام في الدارة أمونة أخمجي الدارة خلّت ناس فلانة حيارا وما شفتوا يا خلاني
الدُر في سنونا لأآلي والعُناب لِهيجا الحالي الكمّل صبرنا الغالي الودر عمرنا الغالي روشرش عينا كابي وضاري وما شفتوا يا خلاني
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: علي محمد الفكي)
|
Quote: فالزبد يذهب جفاء ويبقى ما ينفع الناس .. والدفع والمدافعة بين الخير والشر سنة كونية ماضية .. لذا لا يزعجنا ما تفرزه الدمامل .. ونسال الله معك لهم الشفاء |
أخي الفاضل علي محمد الفكي جزاك الله كل خير وبركة من يوم خط قلمي حرفاً ( بالأصح كي بوردي ) في هذه المنابر عكفت أنادي لكلمة الخير ولا فخر في ذلك وهذا من طبعي أجتهد في الخير هي الدُنيا فيها شنو ويبقى الخير وماينفع الناس والزبد يذهب جفاءَ كلمة طيبة والحسنة معطت شارب الأسد وهذا مثل له معانيه ومدلولاته العظيمة قيل أن ملك جعل مهر بنته شارب الأسد ولمن يأتي به زواج بنته المصون الحسناء وذهب الفرسان ومات من مات وجرح من جرح وعادوا خائبين كان هناك رجل طيب بين الناس فخرج لكي يأتي بمهر الأميرة فضحك الناس منه ######روا لم يلق لهم بال حمل معه قليل من لحم رماها في اليوم الأول من بعيد للأسد وكل يوم يأتي بقطعة ويرميها ويقرب مسافة من الأسد إلى أن صار يقترب منه بضع خطوات وهكذا نمت معرفة بينه الأسد والرجل الذي يغذيه وصل إلى صار يجلس للأسد ويطعمه في فمه وفي يوم من الأيام معط من شارب الأسد سبيبة وأتى بها للملك فزوجه بنته وسأله كيف حصل على سبيبة من شارب الأسد وعجز عنها الفرسان حكى له القصةوفي ختامها قال للملك الحسنة معطت شارب الأسد وضاحة اخي الكريم علي قلبها أبيض متل اللبن وضاحة إنسانة لم يعرف الغل والحسد لقلبها طريق لكن تنقصها كيفية التعامل مع الشر إن حدق بها وفسر قولها الصافي العفوي حسب ما يترجمه عقله الخرب فيهب وتهب وتخرب مالطة لك الشكر أخي علي مرات عدد وشكراً على القول الطيب وأنت أيضاً لا تنفعل من قول العارف عزو مستريح وكله كلام يحمله الهواء وعلي قول اهلنا وحق الرجال بي بياخدوا عنوة وجبر وصراع ودواس وصراع الرجال متنّى ( اي مرتين ) ما من وراء كي بورد عفى الله عنما سلف والبعفى المسيح عند الله بلقى جزاه تحياتي ومودتي
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: الطيب شيقوق)
|
تحياتي خالد حقيقة بوست وريف وانيق
ديمة في العشاق
ديمة في العشاق القلوب مرتاحة وإنت يا قلبي الما لقيتلك راحة ديمة في العشاق القلوب فرحانة في مجال الكون تسمو أعلى مكانة تنجلي وتتهنى... يبقى في إمكانه بالسرور وتطوف الدنيا بي أركانه
ديمه في العشاق القلوب تتهنى في مجال الحب تلقى ما تتمنى إنت يا قلبي عليك حبيبك ضن يا قليب إتصبر .. الله يدي الجنة
يوم قطارو القام ... الفراق هزاني يا دموع الدم ... الجارية في وجداني ما قدرت أوادعوا ... من سهادي الجاني والألم بيقطع جوه في وجداني
ما عرفت الحب ... كنت بسأل عنو ماني قايل الناس في سبيلو يجنو ولم شفت عمايلو قلت أهرب منو .. واللي ما عارفين عليهو يبكو يغنو
والاغنية دي عندي معاها قصة في رحاب شندي العامرة اتذكر واحنا اطفال كنا في احدى الزيارات لشندي وكانت هناك مناسبة زواج .. واستمعت للاغنية في الحفل بصوت الفنان قوار .. وبعدها بيوم اخذني ابن عمي للحلاق واتفاجات بأن الحلاق هو مغني حفل الامس .. وبذات دهشتي قلت ليهو مش انت الكنت بتغني امس .. وغنيت ديمة في العشاق .. فضحك وقال لي ايوا وبعفوية الطفولة قلت ليهو غنيها لي تاني ولم يخيب طلبي وبداء يدندن بها اثناء قص شعري .. وكل ما استمعت للاغنية اتذكر قوار .. واعتقد انها المرة الاولى والاخيرة التي رايت فيها قوار ولكن ما زالت صورته في الذاكرة .. ناس من زمن جميل
ـــــــــــــــــ لك خالص الشكر على القصة المعبرة التي سقتها نتمنى ان نكون مثلها رغم شعرة اهلنا الجعليين التي تتاورنا وتسود في كثير من الاحيان
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: والاغنية دي عندي معاها قصة في رحاب شندي العامرة اتذكر واحنا اطفال كنا في احدى الزيارات لشندي وكانت هناك مناسبة زواج .. واستمعت للاغنية في الحفل بصوت الفنان قوار .. وبعدها بيوم اخذني ابن عمي للحلاق واتفاجات بأن الحلاق هو مغني حفل الامس .. وبذات دهشتي قلت ليهو مش انت الكنت بتغني امس .. وغنيت ديمة في العشاق .. فضحك وقال لي ايوا وبعفوية الطفولة قلت ليهو غنيها لي تاني ولم يخيب طلبي وبداء يدندن بها اثناء قص شعري .. وكل ما استمعت للاغنية اتذكر قوار .. واعتقد انها المرة الاولى والاخيرة التي رايت فيها قوار ولكن ما زالت صورته في الذاكرة .. ناس من زمن جميل |
ولك في رحاب شندي ذكريات طبعاً سؤال طرى عفواً بحكم أني من شندي وأعز شندي وأهل شندي ويا حليل ربوع شندي بلد الجمال عندي
الفنان محمد خير قوار فنان عشق الحقيبة والفن الأصيل وكان بالنسبة لناس شندي بادي محمد الطيب بتاعهم كان يعمل حلاق وله أجمل محل حلاقة ايامها في شندي والما حلق عند قوار ما حلق وقدلة يا مولاي حافي حالق وعند قوار وفي شارع القبة ( قبة أبوفراج ماري ) تعرف ذكرتني بي قصتك مع قوار قصة شاب في أمتداد الدرجة الثالثة كانت أمه تبيع الخضار في سوق أربعة قرب محلات الجوهرة جاء ذات مرة والممرات كثيرة الفنان زكي عبدالكريم ليشتري خضار من أمه وكان ذاك الولد موجود مع أمه فرأى زكي عبدالركيم وإنشده وفتح خشمو ويعاين لي وبعدها سأله أنت الفنان زكي عبد الكريم قال لي : نعم أنت البجيبوك في التلفزيون ؟ قال لي : نعم انت البتغني أميرة الشباب يا السمحة أنا جايك عريس ؟ قال : نعم .. أنت يا ولد أمك دي رضعتك ويكا
ـــــــــــــــــ
Quote: لك خالص الشكر على القصة المعبرة التي سقتها نتمنى ان نكون مثلها رغم شعرة اهلنا الجعليين التي تتاورنا وتسود في كثير من الاحيان |
نعم يا الحبيب القصة لها مدلولاتها قصدت بها أن يعمر الناس الوصل بينهم كلمة طيبة وعن حرتنا بقول ليك البحالينا ويراضينا بنمشي معاهو بي هداوة وروقة والبكازينا ويعادينا حفرنا ليهو لي المخروقــة بتعرف المخروقة ولا إت ولد بندر زي المسنوحةالما بتشبه البنوت وضاحة
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
وأنا كان بدورك وبريدك إنقص والمشتهي الحنطير يطير الجالسين في ضلي ديل إن شاء الله يجلسوا يا يابا جنب قبر النبي ويزورو قبرو وإنتَّ تلاقيهم عائدين في المطار هههههههههه مودع ومستقبل السايب كان ما رعيت بي قيدك بكلم أبوسنينة بي قصة الدكتور الهندي وأبوسنينة شبكة إن إنشبك فيك وحات الله ملايق بي ويكة صعيد ما بنفك كان إتقرن في الزول ههههههههههQuote: وأنا كان بدورك وبريدك إنقص والمشتهي الحنطير يطير الجالسين في ضلي ديل إن شاء الله يجلسوا يا يابا جنب قبر النبي ويزورو قبرو وإنتَّ تلاقيهم عائدين في المطار هههههههههه مودع ومستقبل السايب كان ما رعيت بي قيدك بكلم أبوسنينة بي قصة الدكتور الهندي وأبوسنينة شبكة إن إنشبك فيك وحات الله ملايق بي ويكة صعيد ما بنفك كان إتقرن في الزول هههههههههه] |
خصمت بالرسول كان مارسلتها فى الخاص
العريبى محل ما يدخل يعكر الجو الجو والمزاج زى صبغة ثوب الساكوبيس تصبغ التوب واللابس التوب انت خليك فى طريقك وبوست الرائع والله حالة ما متانسين زى المسنوح لما يقعد تحت شجرة اللالوب وكورة الكسرة بالروب جنبة والروب ل نص اصابعينو
والعراقة والسروال خريطة العالم
لبس البدل والقمصان ونسى اصلة وفصلة
قلت لى مشى يترشح ههههههههههههههههههههههههههههه عالم موهومة
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: عبدالعزيز الفاضلابى)
|
خالد وضيوف صالونه الانيق تحياتي والتحية لشندي الابداع حكى لي ابن عمي الدكتور شمس الدين احمد .. انهم في حفل استقبالهم كطلاب جدد بالصرح الشامخ مدرسة شندي الثانوية بنين .. في اواخر السبعينات غنى في هذا الحفل الطالب سيف الدولة محمد الحاج ( الفنان سيف الجامعة ) وكان وقتها طالباً بالصف الاول .. ثم اعقبه بالغناء الطالب حسين علي جبريل ( الفنان حسين شندي ) وكان وقتها طالباً بالصف الثالث .. وكان ختام الحفل الفنان مجذوب اونسة من رابطة اصدقاء المدرسة .. في حفل واحد قدمت المدرسة ثلاثة فنانين اصبحوا نجوم للغناء في السودان .. وقول للزمان ارجع يا زمان .. واحدة من امنياتي ان اسكن هذه المدينة او احدى قراها حيث عبق الاجداد وسيرة الخالدين .. حيث الطيبة والاصالة والقيم والجميلة الراسخة في اهله رسوخ الجبال الشم ..
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: علي محمد الفكي)
|
Quote: خصمت بالرسول كان مارسلتها فى الخاص
العريبى محل ما يدخل يعكر الجو الجو والمزاج زى صبغة ثوب الساكوبيس تصبغ التوب واللابس التوب انت خليك فى طريقك وبوست الرائع والله حالة ما متانسين زى المسنوح لما يقعد تحت شجرة اللالوب وكورة الكسرة بالروب جنبة والروب ل نص اصابعينو
والعراقة والسروال خريطة العالم
لبس البدل والقمصان ونسى اصلة وفصلة
قلت لى مشى يترشح ههههههههههههههههههههههههههههه عالم موهومة |
ود ابوسنينة ههههههههههههههههه مالك تداير توكرني وحات الله زولك بشم في قفا يدو مجند كل شواطين مايرنو معا
كرب وضاحة في مشيتو الأخيرة دي البنية بقت مابتحملبعدو شيقا وين شيقا وين قدت أضاني خلي هو يوريك انت رسل لي في الخاص قول لي مشكلتك مع الدكتور الهندي العمل ليك العملية شنو برا بحكي ليك وكان أبا انا بعدها بوريك ههههههههههههه هههههههه لبس البدلة وشنق الكرفتا زي لسان العجل الجرق زمان كانت كل أحلامه شال أكرافة بالكحلي وجلابية فيها بقعات زيت بهت لونها بعد غسل الجلابية يبرم الشال في راسو وقاعد بي جنبة في لوري أوسن أبيض ضميرك في كبوتو ريشة نعام ومع اللفة اديس البنزين لي الصاجة لكن ود ام بللل ( ود عمو ما سوى فينا خير ) أجبرو أن يفك الخط ونجح وقرح العررريب ومنديك وعيييييييك إنطلق في المابر زي تيس حاجة سكينة يلبلب ويطلع وينزل
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: خالد وضيوف صالونه الانيق تحياتي والتحية لشندي الابداع حكى لي ابن عمي الدكتور شمس الدين احمد .. انهم في حفل استقبالهم كطلاب جدد بالصرح الشامخ مدرسة شندي الثانوية بنين .. في اواخر السبعينات غنى في هذا الحفل الطالب سيف الدولة محمد الحاج ( الفنان سيف الجامعة ) وكان وقتها طالباً بالصف الاول .. ثم اعقبه بالغناء الطالب حسين علي جبريل ( الفنان حسين شندي ) وكان وقتها طالباً بالصف الثالث .. وكان ختام الحفل الفنان مجذوب اونسة من رابطة اصدقاء المدرسة .. في حفل واحد قدمت المدرسة ثلاثة فنانين اصبحوا نجوم للغناء في السودان .. وقول للزمان ارجع يا زمان .. واحدة من امنياتي ان اسكن هذه المدينة او احدى قراها حيث عبق الاجداد وسيرة الخالدين .. حيث الطيبة والاصالة والقيم والجميلة الراسخة في اهله رسوخ الجبال الشم .. |
شندي الثانوية كانت مدرسة وكان المعلم معلم وقتها
نعم هولاء كانوا دفعة قضوا سنين مع بعض سيف الجامعة وحسين شندي ( وأنا مجذوب اونسة كان يعمل صايغ دهب في سوق شندي محل سنجر لصياغة الذهب ودرس قبلهم علي الزين الفنان المعروف وصاحب مركز لدراسة الموسيقى الآن في البندر وعلي الزين أبن الفنان المعروف اليوزباشي ( جيش وقتها ) الزين محمد الزين شاعر أغنية أشتهرت كثيراً يا عيني تعاينن جننتنو قلبي
حباب عشرة وتعال حرّم نخليك ترمي الحجر ومحل ما يقع حجرك تدق والوتد حد لبيتك ههههههه وهاك يا الحبيب أسمع أغنية الزين محمد الزين الشهيرة نتاج شنداوي خالص شعره ولحنها وتغنى بها ردحاً من زمان كا أطرب بها كل فناني شندي وبعدها طارت مع الرياح وغزت العاصمة والأقاليم اشعر هذه الأغنية عندما في فترة خدمة في جنوب السودان لكن هذا الفنان بدل الكثير من كلماتها وستينا هي زوجته ستنا ويوقل فيها يا غربة هنينتنا ويا ظروفنا سوقينا أشتهينا سيتنا يا الله ودينا لي المتمة غرب شندي وكانت زوجته ستنا عليهما رحمة الله الأتنين من المتمة غرب شندي
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
سلام جاكم المك خالد الفاضلابي ود الرجال المافى زيك مثيل مشتاقيين والله ماتخافوا على بت عمك بت عمكم جبل ما بهزها ريح و هي عارفة نفسها شنو وعارفة تماما كل إناء بما فيه ينضح وانوا الدنيا دى فيها الزين وفيها حثالة من البشر لا زمة لا ضمير لا اخلاق لا تربية
المسنوح جاء نابل من وين هههههههههه
كنت بفتش لي في فديوا في اليويتوب طلع لى الفديوا دا كدى شوفوا الشي ديل يكون عندنا معاهم عرق ولا شنو ههههههه بطان صاح شوفوا البنية الحليوة دى فرحت كيف بركز زولة دا زكرتنى اغنية الكابلي بتاعت سعاد هههههه
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: وضاحة)
|
Quote: كنت بفتش لي في فديوا في اليويتوب طلع لى الفديوا دا كدى شوفوا الشي ديل يكون عندنا معاهم عرق ولا شنو ههههههه بطان صاح شوفوا البنية الحليوة دى فرحت كيف بركز زولة دا زكرتنى اغنية الكابلي بتاعت سعاد هههههه |
ههههههههههههههه بقيتي مسلطة ياشمس المشارق ( يا ملكة ) دا نكتي من وين ؟ شفتي الزول الفصيح البنضم دا بس ود شيقوق ( الرجال تجقلب وهو حزموني ولزموني النقوم أشاكل ) غايتو لو مهر البنت في البردانة كان سيطان في البطان زولك كان قعد أعذب ليومي ويومك ههههههههههههه البطان هُلنا ونحن أهلو يا عرريب أنا الجقم البحر وإتكرع هههههههه تاني بتجي الحوبة
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: Yousif A Abusinina)
|
Quote: المسنوحة العريبى بقبل البطان بس بعنكوليب وبس
ود المنسى ما بعيش عذابى لكن بكب الزوقة بدو (2) بياكل ناس البردانه حنك قلت لك الزول اكل عيش فى لسانه
ما بعرف يضحك على ناس البردانة |
ود شيقوق هين أنا المحيرني الكوريلّا العمروها دي ومسكت الدرب العجمية وضاحة إتفصحت ولسانا طلق بقت تتفاصح والتقول مولودة في شندي وجرت كراعا الداية أمنة مختار بت السرف ههههههههههههههه صدقت الله زولك حنكو سنين ماكل ناس مسقط نقا وحنك لآمن بقى السكرتير الاجتماعي
وبقول لي أستاذ الطيب ههههههه قادر الله الخلق ود باشري وهذا مثل محلي مرأة في مناطقنا كان زوجها دميم فكانت لكما أستعجبت من شئ قالت ( قادر الله الخلق ود باشري ) واصبح مثل يقال في تلك المنطقة وقد تعدى وأصبح مثل يعرفه الكثيرون
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: علي محمد الفكي)
|
حِقو لي قولي ولداً غيرك إنتَّ أنا مابهز فوقي نسيبة البجري
أخوان البنات الليلة يوم كتلو إتشمر وقف حاشا ما نكرو إتشمر وقف حاشا ما نكرو ما غلبو الحديث القاضي ما نهرو
اخوان البنات الجرى دا ما حقى حقي المشنقه والمدفع اب ثكلى حقى المشنقه والمدفع اب ثكلى وحالف باليمين اعز بنات اهلى نسيبة البجرى
اخوان البنات القدة عطشانا وبدوها الرجال البحملو بطانا وبدوها الرجال البحملو بطانا والبجرى نسيبتو ومرتو طلقانا
وحقو لي قولي : اي اعلموا مني أن ما قلت هو الحق وصاقة فيه وهي بتشكر من أحبت وععشق قلبها لانها قالت ولداً فلو كانت بتشكر في والدها لما قالت ولداً أحتراماً له وتقديرا ولو كان أخيها لما قالت يهز فوق اي يشيل مني الشبال عندما أرقص ويهز فيها فقط هو وغيره حرمان عليه شبال منها يعني يسمك يا شيقوق هههههههههههههه
يقال للولد القارح الحوبابي والسادي مكانتو تمام أخو البنات أويلقب بي ابو فلانة أو أخو فلانة أخو البنات اي حامي حماهنَّ إتشمر : كلمة تقال لما يجهز الشخص ما يلبس ويرفعة حتى لا يعيق حركة يديه أستعداداً لقتال إتشمر وقف
القِدة هي سوط العنج البطان معروف هو الجلد بالسوط أما نسيبتو وهي مسبة مشروطة يقال لك لو ما فعلت هذا نسيبتك وكان الرجل لا يرضى في نسيبته أبداً وهي جدة عياله ويحميها ويفداها نسيبتك اي نسيبتك سوت العيب والعيب معروف ( وهي مسبة .. سباب ) البجري نسيبتو ومرتو طلانة اي البجري تعيب نسيبته ( النسيبة هي ام الزوجة ) وتطلق منه زوجته للعيب اللذي فعل ( الجري )
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
أيـ رسوة البفرتقا كُلو ما تتلّم سمع الشين ... وعفن الأندريم في الشم فجيخ الحنضل الحاتل نِقيع السَمْ ... يَخُش ويتوججا .. وين ما شمَّ ريحة دم ويم العَركة والوغر البلا نسام ... جاموساً يتلتل لا رسن لا لِجام .. وقيعة الهجعة يا الليل البسودو ضلام حنضل قوز ولون قطران وشراباً سام
أبـ رسوة : هو لأسد وكان الشكرة أن يكون الرجل شئ راجم كعب كاسر كاسح مخيف يهلع فلذا يكون التشبيه بكل شئ فتاك مفترس قاسي أو مرض عُضال سمع الشين : اي زي الخبر الشين عند سماعه فأنه يدوش ويصم والأندريم غاز نفاذ يفوح من نبات معين رائحته كريه والحنضل : مر الطعم لاذع في الفم نقيع السم : اي مثل السم المنقوع ويكون معقود اي يغلى في نار ويقال والله أعلم أن السم أن إذا تم غليه زادت فاعليته السمومية ويم الحارة يدخل جوة في وسط العركة ويتوججا اي يتحكر ودوام تلقى في محل الدم والعركة فورة وفي يوم العركة : اي في يوم الحرابة والدنيا كتمة لا نسمة تهب والعرق مطر هو يخوجل زي الجاموس لا قيد لا ( لجام ) اي صريمة والصريمة هي مقود الجاموس والبقر تربط في فمه وتلوّى في القرنين ويقاد منها وقعت الهجعة : اي دمسة الليل البهيم المظلم وحنضل القوز مر القوز هو تلة من رمل ولون قطر أن اي أسود السواد بخيف شرابن سام السم يهلك
| |
|
|
|
|
|
|
|