حمور سلام أنا مشيت في نفس إتجاهك الماشى فيهو في مساله هل محمود محمد طه رسول الله ؟ و ما لقيت إجابه واضحه ، حسي بكرر معك تساؤلاتك و بسأل اخوانا الجمهوريين و ارجو صادقا الرد بوضوح هل الأستاذ محمود رسول الله ؟ و إذا كان الأمر عندكم كذلك ، الله تعالي يقول : ((لقد أرسلنا رسلنا بالبينات وأنزلنا معهم الكتاب والميزان )) ، ما هي بينات الأستاذ علي أنه رسول الله ؟! و ما مصير كل من وصلته دعوه الأستاذ و لم يؤمن بها ؟!!
08-23-2009, 06:45 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
مسألة ختم الرسالة دي نقطة مهمة لا يمكن تجاوزها بكل بساطة،، لنأخذ مسألة المهدي نموذجا، ، لمن الرسول الكريم يدلي بحديث يوضح فيه بشتي الصور ان هناك انسان ات بعده سواء كان هذا الانسان سالبا او موجبا، يبقي هذا الامر جزء من رسالة النبي الاكرم، ووجب االانتباه له، وعندما يكون الشخص الذي اخبر عنه النبي الكريم، شخصا غير عادي، اوكل له امر نشر الدين والعدل في سائر اركان المعمورة ، بل ويصل الأمر ان يمد الله في عمرها حتي يبعثه، وهو امر لم يقم به نبي ولا رسول مرسل من قبله فهذا ليس بشرا عاديا، بل ويصل الأمر حد ان يصلي خلفه رسول عظيم كالمسيح عليه السلام،،، يبقي هذا الرجل مفوض تفويضا كاملا من الله سبحانه وتعالي،،، وهذه هي الرسالة وهذا هو الرسول......
الأمر الثاني :
Quote: فلماذا لا يظهر في مخاطباتكم ( العامة طبعا لا الخاصة فإن في كتاباتكم الخاصة و حواراتكم يظهر هذا القول لكن ايضا على استحياء) أن محمود محمد طه رسول الله .. و لماذا لا تنزهونه عن ظن أمثالي أنه مجرد بشر مجتهد يخطئ و يصيب من عندياته .. و تشهروا أنه رسول من الله ؟
بالنسبة لهذا الموضوع لم افهم المقصود بالظبط، بل التبس علي الأمر ، هذا الحديث يمكن ببساطة ان يصدر عن شخص عادي، لكن ان يصدر من اديب متمكن ومفكر مثل الاستاذ / حمور فهنا يحدث الخلط،،، مسألة التفويض من الله سبحانه وتعالي هذه لم ينكرها اي جمهوري، بل صرح بها الاستاذ / محمود شخصيا في كتبه، بانه تلقي عن الله كفاحا،، وماذا يعني هذا ...؟؟؟ الا يعني اجابة لكل تساؤل طرحته، الشيء الثاني ، مسالة التنزيه هذه ليست جزءا من الافكار ، الاستاذ نفسه نأي بنفسه ان يكون حجابا بين الناس وربهم، موضوع الخطأ والصواب يمكنك ايراد اخطائه في الفكرة، او ما تراه خطأ فيما طرحة من طريق محمد عليه افضل الصلاة والسلام ،، وعند اثبات الخطأ يمكن عندها ان نقول يخطيء ويصيب..
سيدي العزيز / حمور زيادة..
الغموض ليس في الفكرة الجمهورية الغموض فيما توارث وتألف عليه الناس، وسبق ان قلت لك ان مسألة (رسول) وختم الرسالة فيها خلط كبير...
اما عن هذه:
Quote: و هذا في نظري عجيب.
وهكذا سيدي .. يعود الدين غريبا كما بدأ ... فطوبي للغرباء..
08-24-2009, 05:19 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
دكتورنا العزيز رمضان كريم, تصوم و تفطر علي خير و إنشالله جهازك يكون إتصلح . تقول يا دكتور :
Quote: الاخ امين رمضان كريم وأنا اسف لأني اتاخرت في الرد عليك وأنا داخل باسم بتي مريم لأني عندي مشكلة في جهازي. أنت تسأل عن علم الله المطلق ده ياتو. كأنك تريد أن تقول انو علم الله كلو الرسول قالو لينا.هل تعتقد أنت أن كلماعلمه النبي عن ربه قالو للناس؟علم لله البقصدو علم مطلق حتى النبي لا يعلمه كله في اطلاقه والرسول بلغ منو ما أمر بتبليغه وهو علم الرسالةونهي عن تبليغ ما لم يؤمر به
والله يا دكتور في أكتر من مداخله منك بكون شاكي إنك ما قاعد تقرا ردودي ، حسي أنا بقيت متأكد ، لانو أنا كررت كلامي ده أكتر من مره ، يا دكتور أنا قلت :
1
Quote: و في دي متفق معك فيها ميه الميه ، إنو أنه صلي الله عليه و سلم كان يعلم أشياء لا يعلمها غيره ولم يعلمها –هو- لغيره ، لكن الأشياء دي - في تقديري - نحن ما مكلفين بمعرفتها ، لانو لو مكلفين بمعرفتها بيبقي صلي الله عليه و سلم ما بلغ الرساله كامله و لا أدي الامانه كامله و أظنك بتتفق معاي إنو مافي مسلم بيقول بهذا القول .
2
Quote: يا منصوري ، أنا ما بفتكر إنو الرسول صلي الله عليه و سلم أبلغنا بكل ما يعرف علي إطلاقو !الرسول صلي الله عليه و سلم أبلغنا بكل ما يخرجنا من الظلمات إلي النور و بكل ما يقربنا من الجنه و يبعدنا من النار ، فواتح الآيات دي لو كان علمها بقربنا للجنه و يبعدنا من النار كان المصطفي صلي الله عليه و سلم كلمنا بيها .
3
Quote: ال Job description بتاعت الرسول صلي الله عليه و سلم إنو يبلغنا بكل تفاصيل ما يبعدنا عن النار و يقربنا للجنه ، ما إنو يورينا كل ما يعلم ! فكل ما سكت عنه صلي الله عليه و سلم نحن ما مأمورين بمعرفتو لانو معرفتو لا بتبعدنا من نار و لا بتقربنا لجنه !! فهل يعقل يا منصوري إنو تكون في رساله تانيه للعامل منهم أجر سبعين من الصحابه و الرسول صلي الله عليه و سلم ما يتكلم عنها اصلا و لا في حديث واحد ؟
4
Quote: يا أخوي الموضوع ده بسيط جدا : في أشياء الرسول صلي الله عليه و سلم كان عارفها لكنو ما كان مكلف بتبليغها ، لانها ما بتدخلنا جنه و لا بتبعدنا من النار ، علمها ما بينفعنا و جهلها ما بيضرنا ! و ده ما بيتناقض مع المثل بتاع فواتح الآيات . و كلامك سليم جدا إنو كل حرف فيه وضع بدقة متناهية، واي كلمه في القرأن ده بتدي معني معين ، لكن معرفه الحكمه منها ما مطلوب مننا كمسلمين لصلاح ديننا و دنيانا و لا بتدخلنا جنه و لا بتبعدنا من النار
كيف بعد ده كلو تجي تقول لي (كأنك تريد أن تقول انو علم الله كلو الرسول قالو لينا) ....؟!!!!
08-24-2009, 05:44 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: ووسيلة معرفة ما نهي عن تبليغه او جزء منه هو اتباعو في عملوا في خاصة نفسه على قاعدة واتقوالله ويعلكم الله
قال ابن كثير :(وقوله { واتقوا الله } أي خافوه وراقبوه واتبعوا أمره واتركوا زجره { ويعلمكم الله } كقوله { يا أيها الذين آمنوا إن تتقوا الله يجعل لكم فرقانا } وكقوله : { يا أيها الذين آمنوا اتقوا الله وآمنوا برسوله يؤتكم كفلين من رحمته ويجعل لكم نورا تمشون به })1/446 و المعني واضح : (واتقوا الله ويعلمكم الله ) يعني أنّ الله ينير بصائر أهل التقوى فيفقهون في الدين كما يقول الشيخ ربيع بن هادي المدخلي مستدلا بحديثه صلي الله عليه و سلم (من يرد الله به خيرا يفقهه في الدين ) في شرح الأيه . يعني ببساطه كده كل ما الزول يخاف الله فياتمر بأمره و يجتنب نواهيه ، ربنا يفقهو في الدين ، لكن لانو الأستاذ بيفسر حسب ما يخدم فكرتو فسرها بالطريقه الإنت قلتها دي !! بعدين يا دكتور منو ده الأتقى من سيدي رسول الله صلي الله عليه و سلم عشان ربنا يديو علم حجبو منه صلي الله عليه و سلم أو منعو من بذله للناس ؟! تفسيركم ده يا دكتور بيضاف للتفاسير الاخري للآيات و الأحاديث اللي بيفسر فيها صاحب الفكره كما يحلو له ، فقط ليثبت أن فكرته من الإسلام . و جبتها بالتفصيل و ما في أي منكم جاوبني علي منطقيه تفاسير الأستاذ .
08-24-2009, 06:09 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: الرسول صلي الله عليه وسلم قال حيجي المهدي وحيجي عيسي بن مريم ديل رسل ولا لا؟ وهل عيسى بن مريم ده حيجي يطبق شريعة الرسول محمد ويخلي المسيحية.
يا دكتور السيد المسيح عليه و علي نبينا أفضل الصلاح و أتم التسليم رسول من أولي العزم كمان لانو مذكور في القران و في ألسنه ، و مهدي أخر الزمان ما رسول لكنه رجل صالح و مذكور في كميه لا حصر لها من الأحاديث جبت ليكم منها جزء فوق . بعد ده السيد المسيح يطبق الشريعه الإسلاميه ، المسيحيه ما عندنا معاو مشكله لانو مذكور في القران و السنه و مأذون من الله تعالي و معصوم ، ما عارف كيف بتقارنو و بتستدل بيهو علي إنو الفكره من الإسلام و صاحب الفكره - اللي ما مذكور في أي حديث - و اللي بيفسر القران و الأحاديث بما يخدم فكرتو مأذون ليه ؟!!
08-24-2009, 09:47 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
منصوري يا حبيبنا سلام عليكم و رحمه الله حا أحاول أرد علي كلامك لحمور لحدي ما حمور يجي يرد ليك : تقول:
Quote: مسألة ختم الرسالة دي نقطة مهمة لا يمكن تجاوزها بكل بساطة،، لنأخذ مسألة المهدي نموذجا، ، لمن الرسول الكريم يدلي بحديث يوضح فيه بشتي الصور ان هناك انسان ات بعده سواء كان هذا الانسان سالبا او موجبا، يبقي هذا الامر جزء من رسالة النبي الاكرم، ووجب االانتباه له، وعندما يكون الشخص الذي اخبر عنه النبي الكريم، شخصا غير عادي، اوكل له امر نشر الدين والعدل في سائر اركان المعمورة ، بل ويصل الأمر ان يمد الله في عمرها حتي يبعثه، وهو امر لم يقم به نبي ولا رسول مرسل من قبله فهذا ليس بشرا عاديا، بل ويصل الأمر حد ان يصلي خلفه رسول عظيم كالمسيح عليه السلام،،، يبقي هذا الرجل مفوض تفويضا كاملا من الله سبحانه وتعالي،،، وهذه هي الرسالة وهذا هو الرسول......
كلامك الظللتو ليك ده : كلام جميل و ما عندنا عليهو إعتراض بغض النظر عن مفوض تفويضا كاملا من الله سبحانه وتعالي أم لا ، لكن الكلام ده إنت جبتو عن المهدي من أحاديث المصطفي صلي الله عليه و سلم ، وين الاحاديث البتتكلم عن الأستاذ و فكرتو ؟ يا منصوري يا أخوي ، ما ممكن إنت و دكتور أحمد تستشهدو علي صحه الفكره و إنها من الإسلام بإيرد أحاديث عن شخص تاني مذكور باسمو و وصفو و حالو و هيئتو ، سوي كان رجل صالح أو رسول !! كونو مهدي أخر الزمن عليه السلام رسول من الله ، ولا رجل صالح ده موضوع و مبحث تاني ، الحاجه البتهمنا هنا إنو مذكور في صحاح الاحاديث ، ليه الأستاذ ما مذكور و لا مره ؟!!!!
08-24-2009, 09:54 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: مسألة التفويض من الله سبحانه وتعالي هذه لم ينكرها اي جمهوري، بل صرح بها الاستاذ / محمود شخصيا في كتبه، بانه تلقي عن الله كفاحا،، وماذا يعني هذا ...؟؟؟
طيب يا منصوري إنتو بالواضح و ما ناكرين زي ما قلت إنو الأستاذ محمود رسول الله ، طيب جاوبني عليك الله علي السؤالين ديل : 1 الله تعالي يقول : ((لقد أرسلنا رسلنا بالبينات وأنزلنا معهم الكتاب والميزان )) ، ما هي بينات الأستاذ علي أنه رسول الله ؟! 2 ما مصير كل من وصلته دعوه الأستاذ و لم يؤمن بها ؟!!
08-25-2009, 07:25 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
Quote: كلامك الظللتو ليك ده : كلام جميل و ما عندنا عليهو إعتراض بغض النظر عن مفوض تفويضا كاملا من الله سبحانه وتعالي أم لا ، لكن الكلام ده إنت جبتو عن المهدي من أحاديث المصطفي صلي الله عليه و سلم ، وين الاحاديث البتتكلم عن الأستاذ و فكرتو ؟ يا منصوري يا أخوي ، ما ممكن إنت و دكتور أحمد تستشهدو علي صحه الفكره و إنها من الإسلام بإيرد أحاديث عن شخص تاني مذكور باسمو و وصفو و حالو و هيئتو ، سوي كان رجل صالح أو رسول !! كونو مهدي أخر الزمن عليه السلام رسول من الله ، ولا رجل صالح ده موضوع و مبحث تاني ، الحاجه البتهمنا هنا إنو مذكور في صحاح الاحاديث ، ليه الأستاذ ما مذكور و لا مره ؟!!!!
موضوع المهدي ده بالذات ، موضوع مهم ، وفي غاية الاهمية، ولأهميته رأئك فيه اهم،، خلينا نحسم النقطة دي ، وبعدين نمشي لي باقي النقاط..
لك سلامي..
08-25-2009, 07:57 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
Quote: طيب يا منصوري إنتو بالواضح و ما ناكرين زي ما قلت إنو الأستاذ محمود رسول الله ، طيب جاوبني عليك الله علي السؤالين ديل : 1 الله تعالي يقول : ((لقد أرسلنا رسلنا بالبينات وأنزلنا معهم الكتاب والميزان )) ، ما هي بينات الأستاذ علي أنه رسول الله ؟! 2 ما مصير كل من وصلته دعوه الأستاذ و لم يؤمن بها ؟!!
جميل جدا،،، انا عاوز ارفع الترس لنمرة (3) ، وعشان امشي معاك بصورة اكثر وضوحا، في الأول خليني الأمضي الاقرار ده، وبعدين اجيك صادي ( ابتداءا من هذه المداخلة، ستكون الاجوبة الواردة في المداخلات، هي قناعتي ورؤيتي الشخصية للأستاذ / محمود وللفكرة الجمهورية عموما، وهي ليست ملزمة لغيري من الاخوان الجمهوريين، ومسئوليتي تجاهها مسئولية فردية، وانا مسئول عنها مسئولية تامة) ... اخي الكريم / امين محمد سليمان.... لقد وصف النبي الكريم( عليه واله االصلاة والسلام ) الاستاذ / محمود محمد طه، وصفا دقيقا في صحيحي البخاري ومسلم، وبين طبيعة مهمته بصورة لا لبس فيها،،، وسأزودك بالدليل... لك محبتي..
08-25-2009, 02:46 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: لقد وصف النبي الكريم( عليه واله االصلاة والسلام ) الاستاذ / محمود محمد طه، وصفا دقيقا في صحيحي البخاري ومسلم، وبين طبيعة مهمته بصورة لا لبس فيها،،، وسأزودك بالدليل... لك محبتي..
سلام يا منصوري ، و في إنتظار الدليل .
08-27-2009, 06:09 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
=== الأخ أمين سلامات ورمضان كريم أنا أتابع هذا الحوار منذ بداياتو ومن قولة تيت كان واضح لي انك ماك زولا باغيلو حق .. واضح هو موضوع بتاع show أكتر منو طلب حق والدليل على ذلك اعترافك نفسك بمفارقتك لما تركك عليه النبي الكريم (نهايتو) الأمر دة دين وما بعدو دين وبحيلك لنصين من طريق محمد واحسن انت تبقي أولي بالنبي مننا والأستاذ دة لا عندنا بيهو قرابة ولا عندو خيل بهديه لينا ولا مال... نحنا طالبين حكمة ووجدناها عندو وبسببها قاطعنا اهلنا ودخلنا السجون .. انت ابقي على الأمر دة وان بقت عندك نجيضة وشفنا عندك ما يقنعنا انو الحق عندك خيمة وبنقلعها ونجي عليك أحيلك للنصين:
08-28-2009, 08:43 PM
عبدالله عثمان عبدالله عثمان
تاريخ التسجيل: 03-14-2004
مجموع المشاركات: 19192
ومحمد ، وهو رسول للأمة المسلمة ، صاحب رسالة أكبر منه وهو رسول للأمة المؤمنة .. فهو في رسالته للمسلمين أحمدي ، وفي رسالته للأمـة المؤمنـة محمـدي ، وسبب الفـرق بين الرسالتين حكم الوقت .. الفرق بين وقت الرسالة الأولى ـ القرن السابع ـ .. ووقت الرسالة الثانية ـ القرن العشرين ـ .. من أجل الإشارة إلى هذه المسائل صدر هذا الكتاب ، من تحت أيدينا ، من غير إثبات الصلاة اللفظية على النبي ، مع أنه كله صلاة عليه في مستوى أرفع مما يصلي عليه المصلون ..
08-28-2009, 08:45 PM
عبدالله عثمان عبدالله عثمان
تاريخ التسجيل: 03-14-2004
مجموع المشاركات: 19192
إن محمدا هو الوسيلة إلى الله وليس غيره وسيلة منذ اليوم ـ فمن كان يبتغي الي الله الوسيلة التي توسله وتوصله إليه ، ولا تحجبه عنه أو تنقطع به دونه ، فليترك كل عبادة هو عليها اليوم وليقلد محمدا ، في أسلوب عبادته وفيما يطيق من أسلوب عادته ، تقليدا واعيا ، وليطمئن حين يفعل ذلك ، أنه أسلم نفسه لقيادة نفس هادية ومهتدية ثم أما بعد ، فإن هذه دعوة إلى الله ، داعيها محمد ، وهاديها محمد .. وهي دعوة وجبت الاستجابة لها أمس وتجب الاستجابة لها اليوم ، كما وجبت أمس ، وبقدر أكبر ، إذ الحجة بها اليوم ألزم منها بالأمس . (( قل إن كنتم تحبون الله فاتبعوني يحببكم الله )) وإلا فلا .
08-29-2009, 00:29 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
قبل أي شي : أنا ما فاهم الحاصل شنو ، لكن كل ما أبتدي نقاش مع واحد منكم فجأه يختفي و نبدا من أول و جديد : بعدين أنا بجاوب علي أسئلتكم كلها إجابات محدده و لمن أسألكم أسئله محدده ، بتردو لي بكلام الأستاذ و شرحو بدون ما تجاوبوني . حسي إنت قعدت تشرح لي في الفكره الجمهوريه ، أنا ما عايز شرح للفكره ، أنا كلامك ده كلو عارفو . بعدين يا عبد الله يا أخوي : أنا بتاع شو و مفارق درب النبي و ما زولا زولا باغيلو حق ، خليك مني و جاوبني علي أسئلتي ديل إذا تكرمت : 1 الله تعالي يقول : ((لقد أرسلنا رسلنا بالبينات وأنزلنا معهم الكتاب والميزان )) ، ما هي بينات الأستاذ علي أنه رسول الله ؟! 2 ما مصير كل من وصلته دعوه الأستاذ و لم يؤمن بها ؟!! 3 أخونا المنصوري قال :
Quote: لقد وصف النبي الكريم( عليه واله االصلاة والسلام ) الاستاذ / محمود محمد طه، وصفا دقيقا في صحيحي البخاري ومسلم، وبين طبيعة مهمته بصورة لا لبس فيها،،، وسأزودك بالدليل...
و مشي تاني ما جا و الغايب عذرو معاو. هل إنت متفق معاو علي الكلام ده و لا لا ؟ لو متفق معاو جيب لينا الحديث لو ما متفق معاو كلمنا . و عليك الله يا عبدالله عثمان ما تجي تشتمني و تشخصن الموضوع ، جاوبني - لمصلحه النقاش و عشان تنشرو دعوتكم دي - ما عشان سواد عيوني . و تصوم و تفطر علي خير .
08-29-2009, 06:22 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
معليش يا خي كنت في اجازة صغيرونة كده مع الاطفال،، واسف للتأخير...
يا خي الموضوع ما زي ما انت فاكر ، موضوع اختفاء وكده،،، ونختفي ليه، ما عندنا شيء حسب قناعتنا بيجعلنا نختفي، ولا عندك اسئلة نعجز عن اجابتها،،،
اها يا خوي هاك الحديث اهو:
ورد في صحيح البخاري، الصادر عن دار الفجر ، في صفحة 355 ، الحديث رقم: (7026 ) مايلي:
(حدثنا ابو اليمان، اخبرنا شعيب عن الزهري، اخبرني سالم بن عبد الله بن عمر ان عبد الله بن عمر رضي الله عنهما قال: قال رسول الله (صلي الله عليه وسلم) ((بيا انا نائم رأيتني اطوف بالكعبة ، فأذا رجل ادم سبط الشعر بين رجلين ينطف رأسه ماءا، فقلت من هذا ؟ قالوا: بن مريم ...فذهبت التفت فأذا رجل احمر جسيم جعد الرأس اعور العين اليمني، وكأن عينه طافئة فقلت من هذا؟ قالوا: هذا الدجال اقرب الناس به شبها بن قطن))
لك تحياتي
08-29-2009, 02:10 PM
الزوول الزوول
تاريخ التسجيل: 05-14-2003
مجموع المشاركات: 2463
السلام عليكم ...... رمضان كريم وتحياتي للجميع متابع متابعة لصيقة وأحسب أن جمعاً كبيراً من القراء... كذلك وهذا بمثابة تنبيه للأخوة الجمهوريين أنهم فكرة وتفكيراً وسلوكاً تحت المجهر وأهدي (سلوكاً) هذه للأخ عبدالله عثمان وبدرجة أقل لد.أحمد الحسين فالضيق بالمحاور ومحاولة شخصنة الحوار كانت في العادة تصبغ خصوم الفكرة الجمهورية.. ولكننا بدأنا نحسها في الأخوة عبدالله عثمان ود. أحمد الحسين تحية للأخ جمال المنصوري المحاور المهذب (الشجاع). وتحية أكبر للأخ أمين محمد سليمان على سعة صدره وصبره وتركيزه على أهدافه ووقوفه في وجه كل محاولات لي عنق البوست لوجهات أخرى ........ لم أكن لأتداخل لولا رغبتي في إبقاء البوست في الصفحة الأولى علّني أفهم مراد الأخ جمال المنصوري من إيراده لهذا الحديث
Quote: اها يا خوي هاك الحديث اهو:
ورد في صحيح البخاري، الصادر عن دار الفجر ، في صفحة 355 ، الحديث رقم: (7026 ) مايلي:
(حدثنا ابو اليمان، اخبرنا شعيب عن الزهري، اخبرني سالم بن عبد الله بن عمر ان عبد الله بن عمر رضي الله عنهما قال: قال رسول الله (صلي الله عليه وسلم) ((بيا انا نائم رأيتني اطوف بالكعبة ، فأذا رجل ادم سبط الشعر بين رجلين ينطف رأسه ماءا، فقلت من هذا ؟ قالوا: بن مريم ...فذهبت التفت فأذا رجل احمر جسيم جعد الرأس اعور العين اليمني، وكأن عينه طافئة فقلت من هذا؟ قالوا: هذا الدجال اقرب الناس به شبها بن قطن))
دليلاً على اعتقاده بأن الأستاذ محمود محمد طه رسولاً من عند الله وأن وصفه فُصّله الرسول صلى الله عليه وسلم في الصحيحين أو كما قال
Quote: اخي الكريم / امين محمد سليمان.... لقد وصف النبي الكريم( عليه واله االصلاة والسلام ) الاستاذ / محمود محمد طه، وصفا دقيقا في صحيحي البخاري ومسلم، وبين طبيعة مهمته بصورة لا لبس فيها،،، وسأزودك بالدليل... لك محبتي..
.........
08-29-2009, 06:51 PM
الشامي الحبر عبدالوهاب الشامي الحبر عبدالوهاب
تاريخ التسجيل: 09-24-2008
مجموع المشاركات: 17541
Quote: تحية للأخ جمال المنصوري المحاور المهذب (الشجاع). وتحية أكبر للأخ أمين محمد سليمان على سعة صدره وصبره وتركيزه على أهدافه ووقوفه في وجه كل محاولات لي عنق البوست لوجهات أخرى
اضم صوتي الي صوتك اخي الزوول
08-29-2009, 11:55 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
منصوري سلام عليكم و إنشالله تكونو قضيتو وقت سعيد في الاجازه .
تعرف والله الذي لا إله إلا هو من ما فتحت البوست ده ، مافي مداخله حيرتني قدر مداخلتك دي : ما ممكن يكون حديثه صلي الله عليه و سلم :
Quote: ((بيا انا نائم رأيتني اطوف بالكعبة ، فأذا رجل ادم سبط الشعر بين رجلين ينطف رأسه ماءا، فقلت من هذا ؟ قالوا: بن مريم ...فذهبت التفت فأذا رجل احمر جسيم جعد الرأس اعور العين اليمني، وكأن عينه طافئة فقلت من هذا؟ قالوا: هذا الدجال اقرب الناس به شبها بن قطن))
دليل علي :
Quote: لقد وصف النبي الكريم( عليه واله االصلاة والسلام ) الاستاذ / محمود محمد طه، وصفا دقيقا في صحيحي البخاري ومسلم، وبين طبيعة مهمته بصورة لا لبس فيها،،،
ما ممكن يكون الأستاذ هو المقصود ب (رجل ادم سبط الشعر بين رجلين ينطف رأسه ماءا، فقلت من هذا ؟ قالوا: بن مريم ) و الكلام ده من عده وجوه : 1 نفس هذا الحديث مروي بطرق عده في صحيح مسلم ده ذاتو كالاتي :
Quote: حدثنا يحيى بن يحيى قال قرأت على مالك عن نافع عن عبد الله بن عمر أن رسول الله صلى الله عليه وسلم قال أراني ليلة عند الكعبة فرأيت رجلا آدم كأحسن ما أنت راء من آدم الرجال له لمه كأحسن ما أنت راء من اللمم قد رجلها فهي تقطر ماء متكئا على رجلين أو على عواتق رجلين يطوف بالبيت فسألت من هذا فقيل هذا المسيح بن مريم ثم إذا أنا برجل جعد قطط أعور العين اليمنى كأنها عنبة طافية فسألت من هذا فقيل هذا المسيح الدجال
Quote: حدثنا محمد بن إسحاق المسيبي حدثنا أنس يعني بن عياض عن موسى وهو بن عقبة عن نافع قال قال عبد الله بن عمر ذكر رسول الله صلى الله عليه وسلم يوما بين ظهراني الناس المسيح الدجال فقال إن الله ليس بأعور ألا إن المسيح الدجال أعور عين اليمنى كأن عيينة عنبة طافية قال وقال رسول الله صلى الله عليه وسلم أراني الليلة في المنام عند الكعبة فإذا رجل آدم كأحسن ما ترى من آدم الرجال تضرب لمته بين منكبيه رجل الشعر يقطر رأسه ماء واضعا يديه على منكبي رجلين وهو بينهما يطوف بالبيت فقلت من هذا فقالوا المسيح بن مريم ورأيت وراءه رجلا جعدا قططا أعور عين اليمنى كأشبه من رأيت من الناس بابن قطن واضعا يديه على منكبي رجلين يطوف بالبيت فقلت من هذا قالوا هذا المسيح الدجال
Quote: حدثنا بن نمير حدثنا أبي حدثنا حنظلة عن سالم عن بن عمر أن رسول الله صلى الله عليه وسلم قال رأيت عند الكعبة رجلا آدم سبط الرأس واضعا يديه على رجلين يسكب رأسه أو يقطر رأسه فسألت من هذا فقالوا عيسى بن مريم أو المسيح بن مريم لا ندري أي ذلك قال ورأيت وراءه رجلا أحمر جعد الرأس أعور العين اليمنى أشبه من رأيت به بن قطن فسألت من هذا فقالوا المسيح الدجال
2 إنت إخترت الطريق المروي بيهو الحديث الما فيهو اسم عيسي أو المسيح ، بس ابن مريم . طيب في موقع الفكره ، في السيره الذاتيه قلتو :
Quote: توفيت والدته – فاطمة بنت محمود - وهو لماّ يزل فى بواكير طفولته وذلك فى العام 1915م تقريبا،
يبقي كيف يا منصوري زول إسمو محمود ود فاطمة بنت محمود يبقي إسمو المسيح عيسي بن مريم .
3 المذكور في حديث المصطفي صلي الله عليه و سلم هو رسول الله المسيح عيسي بن مريم عليه و علي نبينا أفضل الصلاه و أتم التسليم ، يعني الحديث ده ما بيتكلم عن واحد إسمو عيسي و أمو إسمها مريم ، لانو في كميه كبيره جدا من الأحاديث الصحيحه البتتكلم عن عوده السيد المسيح ، و رجعتو و قتلو للدجال ....الخ. الشاهد إنو الكلام في الحديث عن سيدنا عيسي رسول الله ما عن واحد إسمو عيسي و أمو إسمها مريم ، خليك من واحد إسمو محمود و أمو إسمها فاطمة بنت محمود .
4 لو لاحظت يا منصوري في الحديث المصطفي صلي الله عليه و سلم بعد ما ذكر رؤيتو للسيد المسيح قال (ورأيت وراءه ) و في روايه أخري (ثم ذهبت ألتفت ) بعداك بدا صلي الله عليه و سلم يوصف في الدجال ، مما يعني إنهم الإتنين (السيد المسيح و الدجال ) حا يكونو في نفس الفتره الزمنيه ، و طبعا ده غير الأحاديث البتتكلم عن إنو السيد المسيح عليه السلام هو من سيقتل الدجال و يكسر الصليب ....الخ ، لكن حبيت أثبتها ليك من حديثك ده تحديدا إنو الرجل الموصوف في الحديث و الدجال بيكونو في نفس الفتره الزمنيه و بيتلاقو لانو لمن المصطفي صلي الله عليه و سلم يقول (ورأيت وراءه ) أو (ثم ذهبت ألتفت ) معناتو كلام بيحصل بالجد . طيب ، كلنا عارفين إنو الأستاذ و لد و توفي ، فهل ظهر الدجال في حياته ؟!!!
5 إنت جبت الحديث ده دلاله علي إنو المصطفي صلي الله عليه و سلم وصف الأستاذ فيهو وصف دقيق وبين طبيعة مهمته بصورة لا لبس فيها : الحديث ما فيهو وصف دقيق أصلا خليه يكون مطابق لوصف الأستاذ : الوصف إنو (ادم سبط الشعر ) ، ادم معناتها أسمر فدي ممكن تطابق الأستاذ لكن سبط الشعر معناتها :
Quote: لم يكن ناعما مسترسلا ولم يكن ملتويا
علما إنو سبط الشعر دي صفه شعر المصطفي صلي الله عليه و سلم ، يعني ما ممكن يكون في زول سوداني شعرو مطابق في الشكل لشعره صلي الله عليه و سلم لأسباب جينيه بحته. وصف دقيق للأستاذ دي معناتها - و صلحني لو أنا غلطان - راجل اخضراني مشلخ عيونو صغار و جبهتو عريضه ....الخ ما ممكن من أعطي جوامع الكلم صلي الله عليه و سلم يوصف الأستاذ ب (رجل ادم سبط الشعر ) لانو وصف صحيح خمسين في الميه بس . و حاشاه صلي الله عليه و سلم من الخمسين في الميه .
6 كيف يكون المصطفي صلي الله عليه و سلم بين طبيعة مهمه الأستاذ بصورة لا لبس فيها, و الحديث ما فيهو طبيعه مهمه الشخص الموصوف أصلا ؟!!!
08-30-2009, 03:41 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
الاخوان الزوول و الشامي سلام عليكم و رمضان كريم و كتر خيركم علي المسانده . و اضم صوتي الي صوتكما للإشاده بأدب و تهذيب أخونا المنصوري . و ربنا يهدينا جميعا .
08-30-2009, 03:50 AM
حمور زيادة حمور زيادة
تاريخ التسجيل: 03-28-2007
مجموع المشاركات: 12116
Quote: بالنسبة لهذا الموضوع لم افهم المقصود بالظبط، بل التبس علي الأمر ، هذا الحديث يمكن ببساطة ان يصدر عن شخص عادي، لكن ان يصدر من اديب متمكن ومفكر مثل الاستاذ / حمور فهنا يحدث الخلط،،، مسألة التفويض من الله سبحانه وتعالي هذه لم ينكرها اي جمهوري، بل صرح بها الاستاذ / محمود شخصيا في كتبه، بانه تلقي عن الله كفاحا،، وماذا يعني هذا ...؟؟؟ الا يعني اجابة لكل تساؤل طرحته، الشيء الثاني ، مسالة التنزيه هذه ليست جزءا من الافكار ، الاستاذ نفسه نأي بنفسه ان يكون حجابا بين الناس وربهم، موضوع الخطأ والصواب يمكنك ايراد اخطائه في الفكرة، او ما تراه خطأ فيما طرحة من طريق محمد عليه افضل الصلاة والسلام ،، وعند اثبات الخطأ يمكن عندها ان نقول يخطيء ويصيب..
الاجابة على ما قصدته انا هو تماما ما شرعت انت فيه بعد رفع الترس لنمرة 3. حمدت الله اني لم اتعجل الرد عليك و الا كنا دخلنا في متاهات كلامية. بينما صبري على الرد قادنا مباشرة الى الرد العملي من جانبك. ما شرعت فيه هو بعض ما سألت انا عنه. ان يظهر هذا القول في دعوتكم و مخاطبتكم العامة ( الاستاذ محمود رسول الله - النبي صلى الله عليه و سلم بشر بالاستاذ محمود - الخ ) و معها حكم من لم يؤمن برسالة الاستاذ و حكم من قتل الاستاذ .. الخ. اراك شرعت كما قلت لك في الرد العملي على دعواي فتبين و تسكتني و تعلمني. شكرا جزيلا. انتظر قولك - الذي حرصت ان تقول انه قولك الخاص - حتى اعلق ان كان لي تعليق.
ما احب ان اقوله هنا اني يا اخي رجل من عامة الناس يحق عليه و ما يحق عليهم. فلا تخدعني عن نفسي و ترفعني درجات ليست لي.
ـــــــــــــ الخال العزيز امين .. اقبل عن ابن اختك .. اعرفك تماما و افهم ما تكتب بحكم المعرفة .. لكن لفظة يختفي و يختفون موحية بأن حالة هروب مقصودة تحدث. اعلم انك لا تقصد و لو كنت تفكر في هذا لما كتبته للناس .. لكن اللفظة موحية لمن لا يعرفك. و للناس مشاغل .. و قد يصمت شخص لانه دخل ليدعوك فلم يجد انك ستهتدي .. و قد يمل الانسان من الحوار مهما كان فيغيب فترة. فحبذا لو خففت عن اخينا المنصوري وقع الكلمة فاظنها اذته.
08-30-2009, 04:20 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
شكرا يا حمور علي التنبيه و أعتذر للاخوان إذ فهمو غير ما قصدت . لكن تبقي نقطه مهمه في هذا الموضوع ، إنو إذا كان أنا بتناقش مع شخص واحد و ده الكان بيحصل في البوست ده في أكتر من تسعين في الميه من الوقت ، بفترض إنو من باب الأدب مع المحاور إنك لو ماشي و ما جاي لانك يئست من المحاور مثلا أو حسيت إنو ما بيستاهل تضيع وقتك معاهو أو لأي سبب أخر ، مفروض تكلمو عشان ما يكون مستنيك ترد علي أسئلتو زي ما حصل لي . عموما ما بفتكر ممكن يكون في زول خائف أو خجلان يناقش دينو ، و أمر الفكره الجمهوريه أمر دين كان بالنسبه لاخواني الجمهوريين و لا لينا نحن الما جمهوريين . كتر خيرك يا حمور علي تنبيهك و للجميع العتبي حتي يرضو .
08-30-2009, 05:47 AM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
الأخوة الكرام / الزول الحبر الكباشي حمور زيادة امين محمد سليمان
تحية خاصة للأخ / حمور اولا : مهما كانت ردودك فلن ادخل معك في ملاسنة، لا شيء يجبرني علي تغيير سلوكي مهما كانت اجابة الطرف الأخر، برغم اطلاعي علي جميع بوستاتك وفهمت المقصود منها،، بس عاوز اقول ليك شيء واحد، الامر عندما يكون امر مناقشة للدين، فلا بد من الصبر، فعدم الصبر لايعني العلم بحال من الاحوال فانت تعرف ان القرأن نزل علي مدار 24 عاما،، فأذا كان الله سبحانه وتعالي صبورا في التنزيل، وجب الاقتداء به في الاجابة....
ثانيا: الاستاذ / محمود ليس بديلا للنبي عليه افضل الصلاة والسلام، في الشهادة، (يعني ما جاء يبدل الشهادة من اشهد الا الله الا الله واشهد ان محمدا رسول الله، الي محمود رسول الله) والا سينسحب ذلك علي المهدي المنتظر ايضا، فالسماء ارست علي الارض عن طريق محمد كل ما ارادت ان تقوله للبشر، والذين يأتون رسلا في هذا الطريق يأتون علي هدي رسالة محمد ، وعشان كده الاستاذ / وضح ليك في كل كتبه ان هذا هو طريق محمد،،،،علي فكرة استاذي العزيز / حمور،، انا فاهمك كويس زي جوع بطني .....علي فكرة (انا رافع الترس ده عشانك انت بالذات) لك مودتي
الاخ / امين
شايفك ماسك لينا قوي في لي عنق الحقيقة، والدرب الساهل وحاجات كده،،، اولا قبل ان اسألك عاوز اوضح ليك نقطة قد تكون غايبة عليك، وهي : اننا لم نولد حمهوريون، انما التزمنا هذا الطريق بعد تمحيص شديد، يس حبيت الفت نظرك الي هذه النقطة.. يبقي : سؤالي ليك، هل انت تمتلك الحقيقة كاملة حتي تحكم بما حكمت ؟؟ ام تستند الي فهم ناس يختمون كتبهم واحاديثهم بعبارة تؤكد انهم لا يعلمون مراد الله وهي (الله اعلم بمراده)،
بالنسبة للحديث اعلاه، يا سيدي، النبي ذكر اسم المسيح عيسي بن مريم صراحة في احاديث وصفه فيها بعكس الاوصاف التي وردت في بن مريم،، وعشان اثبت ليك كلامي ده تعالي نفلفل الحديث ده فلفلة شديدة،، ونشوفو بيوصف في منو ؟؟؟
علي فكرة ولا رواية واحدة اشارت الي انه المسيح عيسي بن مريم، واحد فقط اورد شكه في ان كان ما سمعهة هو عيسي بن مريم ام بن مريم فقط، وذلك الراوي: عبدالله بن عمر - خلاصة الدرجة: صحيح - المحدث: مسلم - المصدر: المسند الصحيح - الصفحة أو الرقم: 169، وهو يدعم قولي بان هناك فرقا بين (عيسي بن مريم، وبين بن مريم) وتعال نشوف الكلام ده كيف...
المعلومات الأولية المتوفرة عن هذا الرجل تقول:
الاسم: بن مريم. الجنس: ذكر الديانة: الاسلام لون البشرة: ادم الشعر: سبط. علامات اخري مميزة : عيون واسعة، لديه جلحات، انف واسع..
اها يا / أمين ، لمن تجي تحلل المعلومات دي حتجيك النتيجة كده: اولا : الرجل ده اسمر ،،لأنه ادم اللون، واللون الادم هو لون اديم الارض الذي يتراوح بين الاسود والاحمر الداكن ، يعني احبش..
ثانيا : شعرو لا سبيب لا قرقدي،، بين بين يعني... وبجمع اللون مع صفات الشعر ، تلقي انو الصفات دي تنطبق علي سكان المنطقة من النوبة شمالا وحتي شمال النيل الازرق، مرورا بالهضبة الاثيوبية، الي منطقة البحر الاحمر...يعني كده نعرف انه اسود فاتح وشعروا بين السبيب والاجعد، يعني بالواضح كده، الزول ده يقطن المنطقة المسماة، الحبشة او السودان.. ثالثا : هذا الرجل من امة محمد (لطوافه حول الكعبة) و ليس بحال من الاحوال عيسي بن مريم، فالمسيح عيسي بن مريم،بجانب ان النبي وصفه بأن له بشرة بيضاء مشرئبة بحمرة، ، كانت له شريعته الخاصة، بينما نجد هذا الرجل (المسمي بن مريم) اسود اللون ويؤدي مناسكة طبقا لشريعة محمد (الطواف حول الكعبة) .. صفات مشتركة بينه وبين المسيح:
اشتراكهما في لفظة بن مريم دليل تشابه حياتهما ورسالتهما، فالمسيح عيسي بن مريم، عدل شريعة موسي وارتفع بها الي مستوي روحي عالي وراقي، وهذا الرجل سيفعل في الدين الاسلامي ما فعله عيسي في اليهودية، بنص حديث اخر (يقتل الخنزير ويضع الجزية) وهي تعديلات جوهرية في الشريعة الاسلامية،، بل وتصل الاصفات المشتركة بينهما الي القتل والصلبكما قتل وصلب المسيح، كذلك يفعل بهذا الرجل، بل والاكثر انه لايوجد قبر معروف للمسيح عيسي بن مريم، كذلك بالنسبة لهذا الرجل،،، قل لي بالله عليك يا أمين من من المسلمين السود تنطبق عليه هذه الصفات ؟؟؟.
لك حبي
08-30-2009, 08:36 AM
صلاح عباس فقير صلاح عباس فقير
تاريخ التسجيل: 08-08-2009
مجموع المشاركات: 5482
الأخ أمين وضيوفه الكرام السلام عليكم ورحمة الله وبركاته غبت عن هذا المكان الجميل عشرة أيام، حالت دون متابعتي لهذا البوست الحواري المهم! أولاً: شهرٌ مبارك، وكل عام وأنتم بخير! ثانياً: أقول: يمرُّ هذا البوست العجيب بمنحنيات مثيرة، ومن ذلك ما لمسناه في خطاب الأخ المنصوريّ من إشاراتٍ إلى أن الدعوة الجمهورية لها مراتب، وأنها تتدرج في خطابها، لا تدرجاً تكتيكيّاً فقط من أجل إقناع الطرف الآخر بحقّ الدعوة، ولكن كذلك تدرجاً استراتيجيّاً يظهر فيه أنّ للدعوة الجمهمورية وجهاً آخر، على الأقلّ! لقد كتبت في مداخلتي السابقة:
Quote: الدكتور أحمد محقٌّ في كلامه إذا كان (شخصُُ الداعية) في ذاته غير مهمٍّ، يعني إذا كان الأستاذ (رجلاً مفكراً) مثل مصطفى محمود مثلاً، وأردنا أن نحكم على ما أورده من وجهات نظر وأفكار، فعندئذٍ لا ينبغي أن ننظر إلى ذاته وصفاته، ولكن إلى ما عبّر عنه من أفكار فقط! نزنها بميزان الحقّ المقرَّر في نصوص الوحيين! ولكن الأستاذ لم يُعبر عن وجهة نظرٍ فقط حول مسائل مختلفة، نعم كان مفكراً مستوعباً لواقع الحياة المعاصرة، وتجلياتها الفكرية! ولكنّه إضافةً إلى ذلك يجعلُ لشخصه مكانة كبيرة ومتميّزة في دعوته، فهو يزعم أنه رسولُ رسالةٍ ثانية، وأنّ ما يصدر عنه من أفكار، إنما يرد بناءً على هذا التقدير!
فكان ردُّ الدكتور أحمد الحسين واضحاً، جارياً مجرى الاستفهام المنكر لما تفوّهت به، قائلاً:
Quote: من أين لك أن الأستاذ قال انه رسول الرسالة الثانية؟ هو في الحقيقة قال بالنص محمد رسول الرسالتين!
ثمّ لما عبّر الأخ حمور عن نفس الفكرة التي عبرت عنها، ولكن بمنطق مختلف، وبصورةٍ أدقّ، قائلاً:
Quote: الأهم من هذا - لو اذنت لي فان الحوار الفكري هنا ممتد لكني ارغب في معرفة امر خاص - الاقرار الحيي أن الاستاذ رسول الذي يظهر فقط في النقاشات .. لماذا ؟ أليس وجود رسول جديد و عدم قفل باب الرسالة أهم و أولى بان يشهر و يذاع بدل الظن أن الاستاذ "مجرد" مفكر اسلامي مثله مثل غيره بينما هو في الحقيقة رسول من الله مأمور بأوامر مطلع على نبوءة (نبوءاته المشهورة عن مستقبل السودان ) .. فلماذا التعتيم على محمود محمد طه رسول الله لحساب الاستاذ محمود المفكر الاسلامي ؟
عندئذٍ فوجئتُ بأنّ الأخ المنصوري يُقرّر ما أنكره سابقاً الأخ الدكتور أحمد الحسين، وكلاهما جمهوريّان، في مسألةٍ من كبرى المسائل، ولا شكّ أنّهما متفقان في الإقرار، ولكن كان الإنكار على سبيل التكتيك، يقول المنصوريّ ردّاً على حمور:
Quote: مسألة التفويض من الله سبحانه وتعالي هذه لم ينكرها اي جمهوري، بل صرح بها الاستاذ / محمود شخصيا في كتبه، بانه تلقي عن الله كفاحا،
ثم يؤكد الأخ أمين بناءً على ما قرّره الأخ المنصوري:
Quote: طيب يا منصوري إنتو بالواضح و ما ناكرين زي ما قلت إنو الأستاذ محمود رسول الله ، طيب جاوبني عليك الله علي السؤالين ديل : 1 الله تعالي يقول : ((لقد أرسلنا رسلنا بالبينات وأنزلنا معهم الكتاب والميزان )) ، ما هي بينات الأستاذ علي أنه رسول الله ؟! 2 ما مصير كل من وصلته دعوه الأستاذ و لم يؤمن بها ؟!!
فلم يُنكر الأخ المنصوريّ، بل اتجه إلى الإجابة عن أسئلة الأخ أمين قائلاً:
Quote: اخي الكريم / امين محمد سليمان.... لقد وصف النبي الكريم( عليه واله االصلاة والسلام ) الاستاذ / محمود محمد طه، وصفا دقيقا في صحيحي البخاري ومسلم، وبين طبيعة مهمته بصورة لا لبس فيها،،، وسأزودك بالدليل!
وطبعاً كما تابعتم أيّها الإخوة الأفاضل، فإنّ الأدلة التي ساقها الأخ المنصوريّ، (وهو يرفع الترس رقم 3) كشفت عن حقيقة مثيرةٍ، وهي اعتقاد الأخ الجمهوريّ المنصوريّ، بأنّ (محمود محمد طه) هو (ابن مريم) الذي أشارت إليه أحاديث صحيحة، ولكنه يزعم بأنه ليس (المسيح عيسى ابن مريم) المذكور في أحاديث أخرى صحيحة، يعني: أنّ (أحمد هنا ليس هو حاج أحمد)! إذن، يؤكد الأخ المنصوري على (الوجه الديني الرسولي) للفكرة الجمهورية، عوضاً عن (الوجه الفكريّ الاجتهاديّ)، أو بموازاته! وبذلك يبدو بوضوح صحة الخطّ الذي سلكه الأخ أمين، وعليه نبقى في انتظار الاستدلالات التي طلبها! والتي بدأ الأخ المنصوريّ في إيرادها، مترقّبين أن يكشف لنا عن (شخصية ابن مريم)!
لي رجاء شخصي، وهو عدم خلط قناعتي الشخصية حول الاستاذ / محمود ، والفكرة الجمهورية، وقناعة الاخوان الجمهوريين الاخري،، ببساطة كده، يمكنك تصنيفي علي انني محمودي،، ومن هذا المنطلق، يمكنك ، سأقوم بالرد عليها،،، دون محاولات للربط بين مواقفي ومواقف الاخرين....
لك شكري ومودتي
08-30-2009, 09:06 AM
صلاح عباس فقير صلاح عباس فقير
تاريخ التسجيل: 08-08-2009
مجموع المشاركات: 5482
Quote: إذن، القضية بسيطة: أثبتوا لنا أنّ محموداً قد أُرسل بهذه الرسالة، وعندئذٍ ستجدونا من أول المتّبعين لكم!
وانبرى الأخ الدكتور منكراً أن يكون محمود مدّعياً لرسالةٍ! واللهِ يا جماعة، سرى في نفسي شعور غريب، شعور بالرّهبة -وليس الخوف- من أنّني قد أصبح جمهوريّاً، لأنّني أعلم أنّ للأستاذ إمكاناتٍ فكرية كبيرة، فإذا كان كذلك، وكنت أحسبه مدّعياً للرسالة، ولذلك أرفضه! فالآن إذ يؤكد لي هذا الأخ أنه لم يدّع رسالةً، وإنما هو مفكر إسلاميّ مجتهد، فعندئذٍ لا بدّ أن أتفق معه على الأقل في أصل التفكر، وقابلية النصوص الشرعية للتفكر: (ولقد يسّرنا القرآن للذكر فهل من مدّكر)!؟ وقد أصبح من أتباعه الذين كانوا يلفتون نظري بسعة صدرهم وحبهم للحوار الهادئ –خلافاً لما نرى في هذا البوست من بعضهم- ! ودخلتُ موقع الفكرة الجمهورية، وعزمتُ على قراءة كتاب الرسالة الثانية، قراءةً حديثة واعية! ثم عرضت لي الشواغل، فجئتُ اليوم ودخلت البوست لأُفاجأ بهذه الاعترافات المثيرة! هذا، مع احترامي للجميع، وأنّ روح المعرفة والبحث المنصف ينبغي أن تطغى على كلِّ شيء، والآن، إذا ذكر الأخ المنصوري من الدلائل ما يؤكد به زعمه أنّ محموداً هو (ابن مريم)، ويكشف لنا الحجاب عن حقيقةٍ ظلت مستترةً عن أعيننا وأعين علماء الأمة دهراً طويلاً، فلماذا لا نسلم له، إذا جاء بأدلة وبراهين ناصعة البياض!!!
08-30-2009, 09:11 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
رؤيتي هذه رؤية شخية استغرقت 24 عاما استهلكت فيها الاف الساعات من اعادة قراءة الكتب الاسلامية، وليس لها صلة بما جاء في كتب الفكرة الجمهورية،،، لذا رجاءا اذا اردت الحقيقة والحق، دعنا نخوض في الادلة الشرعية، يعني تلقي ما عندك والقي ما عندي دون ربط بمواقف الاخرينـ يمكنك ان تناقش الاخ / احمد في قناعاته، اما اذا اردت مناقشتي فدع الحديث يكون بيني وبينك/كم ، وليكن ادلة وبراهين .... ولتكن انت اول من يلقي..
لك شكري
08-30-2009, 11:16 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
أخي جمال تحية واحتراماً شكراً لك! ولكن سياق الحوار بينك والأخ أمين ممتدّ، ونحن نتابع معكم! ونستأذنكم في التداخل من حينٍ لآخر! لكن في سياق الحوار نفسه! نعم، أنت أكدت أنّ رؤيتك للموضوع رؤية خاصة، هذا فيما يتعلق ببيان أصل شرعية الفكرة الجمهورية، حيث ربطّتها بشخصية (ابن مريم) الواردة في الأحاديث الصحيحة! وإن كنتم تتّفقون في أن الأستاذ رسول من عند الله، أخذ عنه كفاحاً! وعلى ما أظن أن الأخ أمين وجميع الإخوة المتابعين، يترقبون أن تكشفوا اللثام عن كيفية فهمكم لهذا الربط بين شخصية (ابن مريم) ومحمود محمد طه! أُجدّد شكري!
08-31-2009, 07:20 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
كدي قبل اي كلام اخر، وعشان ما نبقي كل مرة نرجع للنقطة الأولي ، كدي اول حاجة يا انفي لينا يا اكد انو الصفات الشرحتها انا بتتطابق مع وصف الحديث ولا لا،، وبعدين زي ما قلت ليك اجاوبك حتي الاشباع...
لك جزيل محبتي
08-31-2009, 07:19 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
منصوري يا حبيبنا سلام عليكم و شكلنا دخلنا في الغريق ، ربنا يمرقنا سالمين ! أولا : تقول :
Quote: علي فكرة ولا رواية واحدة اشارت الي انه المسيح عيسي بن مريم، واحد فقط اورد شكه في ان كان ما سمعهة هو عيسي بن مريم ام بن مريم فقط، وذلك الراوي: عبدالله بن عمر - خلاصة الدرجة: صحيح - المحدث: مسلم - المصدر: المسند الصحيح - الصفحة أو الرقم: 169، وهو يدعم قولي بان هناك فرقا بين (عيسي بن مريم، وبين بن مريم) وتعال نشوف الكلام ده كيف...
كيف يعني يا منصوري ولا رواية واحدة اشارت الي انه المسيح عيسي بن مريم ؟! إنت أوردت روايه الحديث الما مذكور فيهو اسم المسيح أو عيسي ، فقط بن مريم و الروايه كالاتي : حدثنا ابو اليمان، اخبرنا شعيب عن الزهري، اخبرني سالم بن عبد الله بن عمر ان عبد الله بن عمر رضي الله عنهما أنا أوردت تلاته روايات فيهم المسيح أو عيسي بن مريم و الروايات كالاتي : 1 حدثنا يحيى بن يحيى قال قرأت على مالك عن نافع عن عبد الله بن عمر 2 حدثنا بن نمير حدثنا أبي حدثنا حنظلة عن سالم عن بن عمر 3 حدثنا محمد بن إسحاق المسيبي حدثنا أنس يعني بن عياض عن موسى وهو بن عقبة عن نافع قال قال عبد الله بن عمر و الأحاديث دي يا منصوري في صحيح مسلم كتاب الايمان رقم 1.71 باب ذكر المسيح بن مريم والمسيح الدجال ، و الرابط أهو ده : http://ar.wikisource.org/wiki/%D8%B5%D8%AD%D9%8A%D8%AD_...AF.D8.AC.D8.A7.D9.84 جبنا ليك الحديث مروي بثلاث روايات مختلفه و الراوي الأخير واحد و هو عبدالله بن عمر ، يعني يا منصوري تلاته أحاديث مرويه عن عبد الله بن عمر : إتنين بيذكروه بإسم المسيح بن مريم و واحد قالو (عيسى بن مريم أو المسيح بن مريم لا ندري أي ذلك ) و من صحيح مسلم نفسو ، و حكمه ربنا الكلام ده تحت باب يسمي : باب ذكر المسيح بن مريم والمسيح الدجال عليك ا لله يا منصوري عاين لما تحته خط في التبويب ، الباب ذاتو إسمو باب ذكر المسيح بن مريم ، ما بن مريم ساي ، يبقي كيف تقول :
Quote: ولا رواية واحدة اشارت الي انه المسيح عيسي بن مريم، واحد فقط اورد شكه في ان كان ما سمعهة هو عيسي بن مريم ام بن مريم فقط،
08-31-2009, 08:20 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: المعلومات الأولية المتوفرة عن هذا الرجل تقول:
الاسم: بن مريم. الجنس: ذكر الديانة: الاسلام لون البشرة: ادم الشعر: سبط.
الإسم بينا ليك إنو إسمو عيسي بن مريم أو المسيح بن مريم ، ما بن مريم ساي . و شكلنا متفقين في الجنس و الديانه و لون البشره . نجي للشعر ، تقول :
Quote: ثانيا : شعرو لا سبيب لا قرقدي،، بين بين يعني.
( سبط ) : يعني سبييبي و سبط عكس جعد ، يعني ما قرقدي . ما عارف كيف إنت توصلت لي إنو معني سبط ( لا سبيب لا قرقدي،، بين بين يعني) لانو الكلام ده ما صاح ، سبط يعني سبييبي !!!
08-31-2009, 08:35 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: ثالثا : هذا الرجل من امة محمد (لطوافه حول الكعبة) و ليس بحال من الاحوال عيسي بن مريم، فالمسيح عيسي بن مريم،بجانب ان النبي وصفه بأن له بشرة بيضاء مشرئبة بحمرة، ، كانت له شريعته الخاصة، بينما نجد هذا الرجل (المسمي بن مريم) اسود اللون ويؤدي مناسكة طبقا لشريعة محمد (الطواف حول الكعبة) ..
ده كلام عجيب يا منصوري ! كيف يعني السيد المسيح ما حا يتبع الشريعه الإسلاميه لمن يعود أخر الزمان ؟!! حسي نحن نصدق كلامك و لا كلام المصطفي صلي الله عليه و سلم : 1 روى مسلم عن أبي هريرة عن رسول الله أنه قال: والذي نفسي بيده ليهلنّ ابن مريم بفج الروماء حاجاً أو معتمراً أو ليثنينّهما .( مسلم رقم 216 2 اخرج أحمد عن أبي هريرة قال: قال رسول الله : ينزل عيسى ابن مريم فيقتل الخنزير ويمحو الصليب وتجمع له الصلاة ويعطي المال حتى لا يقبل، ويضع الخراج، وينزل الرحماء فيحج منها أو يعتمر أو يجمعهما، قال وتلا أبو هريرة: (وَإِن مِّنْ أَهْلِ الْكِتَابِ إِلاَّ لَيُؤْمِنَنَّ بِهِ قَبْلَ مَوْتِهِ) [18] 3 اخرج أحمد عن أبي هريرة أن النبي قال: الأنبياء أخوة لعلات[19]،أمهاتهم شتى، ودينهم واحد، وإني أولى الناس بعيسى ابن مريم، لأنه لم يكن بيني وبينه نبي، وأنه نازل فاعرفوه، رجل مربوع (معتدل)، إلى الحمرة والبياض، عليه ثوبان ممصران[20] كأن رأسه يقطر، وإن لم يصبه بلل، فيدق الصليب، ويقتل الخنزير، ويضع الجزية ويدعو الناس الى الإسلام، ويهلك الله في زمانه الملل كلها إلا الإسلام، ويهلك الله في زمانه المسيح الدجال، ثم تقع الأمانة على الأرض حتى ترقع الأسود مع الإبل، والنمار مع البقر، والذئاب مع الغنم، ويلعب الصبيان بالحيات لا تضرهم، فيمكث أربعين سنة ثم يتوفى ويصلي عليه المسلمون.
يبقي كيف السيد المسيح عليه و علي نبينا أفضل الصلاه و أتم التسليم ما حا يتبع شريعه الإسلام ؟! و لو السيد المسيح يومئذ ما مسلم ، المسلم منو ؟! و الأحاديث قدامك : حا يصلي و يحج و يعتمر و ويقتل الخنزير ويمحو الصليب !!!
08-31-2009, 09:19 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: حدثنا ابو اليمان، اخبرنا شعيب عن الزهري، اخبرني سالم بن عبد الله بن عمر ان عبد الله بن عمر رضي الله عنهما قال: قال رسول الله (صلي الله عليه وسلم) ((بيا انا نائم رأيتني اطوف بالكعبة ، فأذا رجل ادم سبط الشعر بين رجلين ينطف رأسه ماءا، فقلت من هذا ؟ قالوا: بن مريم ...فذهبت التفت فأذا رجل احمر جسيم جعد الرأس اعور العين اليمني، وكأن عينه طافئة فقلت من هذا؟ قالوا: هذا الدجال اقرب الناس به شبها بن قطن))
Quote: اخرج أحمد عن أبي هريرة أن النبي قال: الأنبياء أخوة لعلات[19]،أمهاتهم شتى، ودينهم واحد، وإني أولى الناس بعيسى ابن مريم، لأنه لم يكن بيني وبينه نبي، وأنه نازل فاعرفوه، رجل مربوع (معتدل)، إلى الحمرة والبياض، عليه ثوبان ممصران[20] كأن رأسه يقطر، وإن لم يصبه بلل، فيدق الصليب، ويقتل الخنزير، ويضع الجزية ويدعو الناس الى الإسلام، ويهلك الله في زمانه الملل كلها إلا الإسلام، ويهلك الله في زمانه المسيح الدجال، ثم تقع الأمانة على الأرض حتى ترقع الأسود مع الإبل، والنمار مع البقر، والذئاب مع الغنم، ويلعب الصبيان بالحيات لا تضرهم، فيمكث أربعين سنة ثم يتوفى ويصلي عليه المسلمون.
بالله يا منصوري تأمل ما تحته خط في الحديثين ! و لا أزيد !!
08-31-2009, 10:38 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
خامسا خلينا نفترض إنو الرسول صلي الله عليه و سلم فعلا قال بن مريم بس . ما المسيح عيسي بن مريم : الله تعالي يقول عنه صلي الله عليه و سلم ( و ما ينطق عن الهوى ، إن هو إلا و حي يوحى ) هل ممكن لمن المصطفي صلي الله عليه و سلم يقول (فقلت من هذا ؟ قالوا: بن مريم ) يكون قاصد زول إسمو محمود محمد طه ، أو محمود ود فاطمه بت محمود ؟ هل بيتفق ده مع شهادتنا بأنه صلي الله عليه و سلم تركنا علي المحجه البيضاء ؟!!! زول داير يوصفني عشان لمن الناس تشوفني تعرفني ما ممكن من ضمن الوصف يقول للناس إسمو منصوري ! بيبقي كذب و إفتراء حتي لو تطابقت صفات أمين و منصوري ،أي زول ما كضاب لن يسمي أمين محمد سليمان ، جمال المنصوري ، ناهيك عن الصادق الأمين صلي الله عليه و سلم الذي لا ولم و لن يسمي محمود محمد طه أو محمود ود فاطمه , بن مريم !! المنع المصطفي صلي الله عليه و سلم يقول (فقلت من هذا ؟ قالوا: محمود ) أو (بن فاطمه ) ، المانعو شنو كان هو قاصد الأستاذ ؟ المنعو شنو في أحاديثو كلها صلي الله عليه و سلم إنو ما يذكر الأستاذ صراحه ؟ هل بيضللنا ؟ هل بيخفي علينا و يصعب لينا في الأمور ؟ هل ما عارف كان بيقول في شنو ؟ حاشاه ، حاشاه ، حاشاه بأبي و أمي صلي الله عليه و سلم !!! !!!
08-31-2009, 09:29 PM
الزوول الزوول
تاريخ التسجيل: 05-14-2003
مجموع المشاركات: 2463
السلام عليكم ...... تحياتي الأخ جمال المنصوري والأخ أمين وأرجو أن لا أكون أقحمت نفسي في حواركما وأفسدت على المتابعين متعة الحوار الراقي المتحضر ... طبعاً بعد الترس نمرة 3 فالحوار تحول من حوار حول الفكرة الجمهورية إلى حوار حول معتقدات الأخ جمال المنصوري الشخصية وإن كنت أتمنى أن يأتي الأخوة الجمهوريين ليناقشوا الأخ جمال ليعضدوا أفكاره إن كان لها أصل في اعتقادهم أو يأخذوا على يده ليعيدوه الى جادة الفكرة الجمهورية إن كانوا يستنكرون موقفه وأن لا يكتفوا بهذا الصمت الذي قد يفسر انه موافقة له وأن كانوا يرون أنه صرح بما لا يجب التصريح به. .... الأخ جمال... لا أعرف إن كان اعتقادك بأن الأستاذ محمود محمد طه هو مسيح ثاني هو توارد خواطر وافق اعتقاد العقيدة القاديانية بمحض المصادفة أو انك تأثرت بقراءتك لمعتقداتهم وآمنت بها مع تحوير الدور المرسوم لمؤسس العقيدة القاديانية ميرزا غلام القادياني ليناسب الأستاذ محمود.. وقبل أن أناقشك في انطباق زعم أن الأستاذ محمود هو "إبن مريم" المذكور في الحديث فلا بأس –لفائدة المقارنة- أن نأتي بمختصر العقيدة القاديانية
........ زعم ميرزا غلام أحمد القادياني 1839م – 1908م. أنه هو المهدي الموعود و المسيح المنتظر في نفس الوقت. و ادعى لاحقاً أن الله جعله مريم ابنة عمران عليها السلام لمدة سنتين. و الحقيقة أن غلام قاديان لم يدعي أنه ثلاثة في واحد فقط. فقد ادعى لاحقاً أنه نبي الله آدم و إبراهيم و موسى و جميع الأنبياء و المرسلين عليهم السلام. كما و ادعى سنة 1905م بأنه النزول الثاني لكريشنا المقدس عند الهندوس. يقول غلام قاديان بأنه ما دام عيسى عليه السلام قد مات فإنه لن يبعث قبل يوم القيامة بل سيبعث شبيه له هو الغلام نفسه. و يستدل أتباع الغلام – القاديانيون و اللاهوريون – على صحة ادعاء الغلام بأحاديث صحيحة يدعون أنها تصف عيسى ابن مريم وصفًا مختلفًا عن المسيح المنتظر. و الحديثان المتعارضان برأيهم هما: (1) في صحيح البخاري حديث عن رحلة الإسراء حيث رأى رسول اللـه محمد صلى الله عليه وسلّم عيسى ابن مريم، فوصفه بأنَّـه أحمر جعد، و الحديث رواه ابْنِ عُمَرَ رَضِيَ اللـه عَنـهمَا قَالَ ((قَالَ النَّبِيُّ صلى الله عليه وسلّم رَأَيْتُ عِيسَى ومُوسَى وَإِبْرَاهِيمَ فَأَمَّا عِيسَى فَأَحْمَرُ جَعْدٌ عَرِيضُ الصَّدْرِ وَأَمَّا مُوسَى فَآدَمُ جَسِيمٌ سَبْطٌ كَأنَّـه مِنْ رِجَالِ الزُّطِّ)).
(2) في صحيح البخاري أيضاً حديث يصف فيه رسول الله صلى الله عليه و سلم المسيح عليه السلام حيث رآه في المنام بأنَّـه آدم سبط الشعر، و الحديث رواه أيضاً ابْنَ عُمَرَ رَضِيَ اللـه عَنـهمَا قَالَ ((قَالَ رَسُولُ اللـه بَيْنَا أَنَا نَائِمٌ رَأَيْتُنِي أَطُوفُ بِالْكَعْبَةِ فَإِذَا رَجُلٌ آدَمُ سَبْطُ الشَّعَرِ بَيْنَ رَجُلَيْنِ يَنْطُفُ رَأْسُهُ مَاءً فَقُلْتُ مَنْ هَذَا قَالُوا ابْنُ مَرْيَمَ فَذَهَبْتُ أَلْتَفِتُ فَإِذَا رَجُلٌ أَحْمَرُ جَسِيمٌ جَعْدُ الرَّأْسِ أَعْوَرُ الْعَيْنِ الْيُمْنَى كَأَنَّ عَيْنـه عِنَبَةٌ طَافِيَةٌ قُلْتُ مَنْ هَذَا قَالُوا هَذَا الدَّجَّالُ أَقْرَبُ النَّاسِ بـه شَبـها ابْنُ قَطَنٍ وَابْنُ قَطَنٍ رَجُلٌ مِنْ بَنِي الْمُصْطَلِقِ مِنْ خُزَاعَةَ)). يقول القاديانيون و اللاهوريون أن الحديث الأول يصف مسيح بني إسرائيل عليه السلام. أما الحديث الثاني فيصف المسيح المنتظر الذي سينزل في آخر الزمان حيث يذكر الحديث الأعور الدجال أيضاً. ويؤمن القاديانيون بتناسخ الأرواح وقد ادعى ميرزا غلام في أواخر ايامه بانه المسيح بن مريم بل انه ادعى ان الله جعله االسيدة مريم نفسها لمدة سنتين ثم نفخ فيه (اى في ميرزا غلام) روح عيسى فتحول إلى عيسى والنص موجود في كتابه المسمى كتاب روحاني خزائن ج19ص50 حيث يقول: ((جعلني الله مريم لمدة سنتين ... ثم نفخ فيّ روح عيسى كما نفخ في مريم. و على صورة استعارية صرت حاملاً. و بعد مرور عدة أشهر لا تزيد عن عشرة بعد هذا الإلهام تحولت من كوني مريم إلى عيسى. و بهذا أصبحت المسيح عيسى بن مريم – كتاب روحاني خزائن ج19ص50)). ومن الوحي الذي يدعيه ايضاً هذه (الآيات) ((فَجَاءه الْمَخَاضُ إِلَى جِذعِ النَّخْلَةِ قَالَ يَا لَيْتَنِي مِتُّ قَبْلَ هَذَا وَكُنتُ نَسْيًا مَّنسِيًّا)). ......... هذا تعريف بسيط بالطريقة القاديانية لخصته من موقع رابطة أدباء الشام ويمكن لمن أراد التفصيل أن يقرأ التفصيل على الرابط التالي http://www.odabasham.net/show.php?sid=7789
..
08-31-2009, 10:20 PM
الشامي الحبر عبدالوهاب الشامي الحبر عبدالوهاب
تاريخ التسجيل: 09-24-2008
مجموع المشاركات: 17541
كما انها هناك تشابه كبير بين ما يطرحه الجمهوريون وبين ما يطرحه البهائيون نلمسه في الآتي
Quote: ويقولون كما أن الإسلام نسخ الديانات السابقة فالبهائية نسخت الإسلام وكل الأديان كانت ناقصة وبدائية وإنما جاءت لتُكمَّل بدين البهاء الكامل ومع ذلك فإن البهاء يتظاهر باحترام الأديان الخرى ليقول لأتباعها : إن دياناتكم جاءت لتبشر بقيامي . ولقد نسبت إلى ربهم كتب يؤمنون بأنها هي وحي الله ومنها - ولعله أولها - كتاب (إيقان) الذي طبعه محفلهم المركزي في مصر سنة 1352هـ وهو في 200 صفحة ويقول عنه أعظم دعاتهم الجرفادقاني في رسالته الثانية من مجموعة رسائله المطبوعة بمطبعة السعادة بالقاهرة ص 36 عند كلامه على المعاد والرجعة : ( إن إرادة حضرة المحبوب لازالت أقطار الأرض منروة بأنواروجهه ورياض العالم مزينة بأزهار أمره ...... فعليك بالاعتراف من معين ( الإيقان ) الذي جرى من قلم الرحمن هذه الزمان ...... به فك ختم النبيين ( أي بطل به كون محمد صلى الله عليه وسلم خاتم النبيين ) .
ومن بعض تعاليمهم : أن جميع الاديان صحيحة وأن التوراة والإنجيل غير محرفين ولا بد من توحيد جميع الأديان في دين واحد هو البهائية وترك دين الإسلام و الله تعالى يقول : ( ومن يبتغ غير الإسلام دينا فلن يقبل منه وهو في الآخرة من الخاسرين ) . ومن تعاليمهم أيضاً رفض حقائق الشريعة والعبادات الإسلامية من الصلاة والصيام والزكاة والحج والقصاص والجهاد .....
شوفوا بصريح العبارة انا لا داير لي جمهوري يساندني، و مافي داعي تنادي فيهم، خليك معاي رأس لي رأس، حبابك الف، داير ليك جمهوري غيري، افتح ليك بوست ونادي الانت عاوزوا، البوست ده اسمه حوار مع المنصوري، وانا يا ني المنصوري، كدي قبل الافتراضات البي تفترضوا فيها ، شوفوا لينا موضوع الحديث ده . وبعدين يا امين، راجع قوقل ده كتير حتلقي الجلحات دي جايبا ليك من وين ؟؟ واذا ما لقيتها في قوقل، اشتري الكتب دي، ما نحنا قبلك اشتريناها، ولا القروش كتيرة علي العلم ،، بعدين كلمة (افرض ، ونفترض) دي بعد الترس 3 انساها خالص ، انت بتدعي انو عندك الحقيقة، عشان كده، وشغال احكام وافتراضات، والجماعة بي وراك ينقحوا ويرموا في التيراب،، اها يا اخوي .. نحن عاوزين حقائق بس، عندك حقيقة كبها، ما عندك، مافي داعي تجي كل مرة ترمي ليك كلام زي لوي عنق الحقيقة ، وكده، الكلام البي تسووا فيه ده،، مجرد ونسة،،، طلبتوا الدليل والدليل اهو جبناهو في الحديث الفوق ده،،خلونا نحسم الموضوع ده في الاول،،، سواء كان الزول ده عيسي بن مريم ولا بن مريم ولا غيروا، الحديث بقول الزول ده اسود، وشعروا مجعد،، عندكم اي اعتراض علي الكلام ده؟؟ جيبوا الدليل ،،. شوف يا امين ويا الزول ويا الحبر، انتو رفضتوا مناقشة افكار الاستاذ من الأول بصورة علمية، دلوقت الموضوع بقي غير، نقاش وحوار بعد حسم النقطة دي ،، بعدين قيدانية شنو وبهائية شنو يا باشا ؟؟، فكرة المسيح دي فكرة اصيلة في الدين الاسلامي، عندك تشكيك فيها يبقي عندك شك في احاديث الرسول ؟؟ بعد ما تثبت انو الحديث الوارد فوق ده، كضب، وان الشرح الجبتو انا ده كلام فارغ، بعد داك، اوعدك وعد قاطع، انو ح اخليك انت شخصيا، تجيب كل الادلة العاوزة انا، من الكتاب والسنة...!! ده وعد. مني ليك،،.كدي هسع انفي لينا الحديث الانا جبتوا ده وبعدين نتحاور,, وليكم علي حتي الاشباع،، ومن الكتاب والسنة،، وماني سائلكم تب عن انتماءاتكم.. واقبل الاحاديث من جميع المصادر، من المذاهب الخمسة، ومن التأليف الخاص، بشرط تكون (قال رسول الله..) اها في اوكازيون اكتر من ده ؟؟.. بس بعد اللغم الفوق ده..
ملحوظة: يا خي انت وود اختك ما قدرتوني كويس، عشان كدي اتفاقنا بتاع مافي مهزوم ومنتصر، يعتبر ملغي، من هنا وكدي يسود قانون الصراع( منتصر ومهزوم) .. نسيت اقول ليك يا خوي ، الترس (3) عندو مشكلة بسيطة كده، انو مليان الغام ، واي اجابة تجيبها من قوقل حترجعك قوقل تاني، ويمكن اكتر من مرة،،
السلام عليكم ...... الأخ جمال المنصوري تحية طيبة لا أريد أن تتشتت جهود الحوار بيننا والأخ أمين مبتدر البوست يديره بكفاءة وبتركيز جميل وأظن أن بعض الغضب قد أصابك من مقارنتي للفكرة التي خرجت بها بعقيدة القاديانيين وهذاه مقارنة مشروعة بحكم أن الحديث الذي تستند اليه في زعم أن (إبن مريم) هو الأستاذ محمود محمد طه قد استند اليه قبلك ميرزا غلام القادياني وفي الحقيقة لم آتي بهذه المداخلة كطرف في النقاش ولكنها أداة مساعدة في فهمه ومعلومة لمن لم يسمع بها. .... بخصوص دعوتي للأخوة الجمهوريين لإبداء رأيهم حول فرضيتك بنبوة الأستاذ محمود فإنني أظن (ولا زلت) أن هذا سيؤدي إلى إثراء الحوار ومساعدتنا لفهم أفضل للفكرة وبالرغم من قولك أن البوست مكتوب بإسمك فالأخ أمين دعا الجميع إلى الحوار بالإضافة إلى أن الحوار أساساً هو حول الفكرة الجمهورية عموماً أنت أتيت بهذا الحديث وأولت أن المقصود به هو الأستاذ محمود محمد طه الأخ أمين فند تفسيرك هذا في ست مداخلات ( أولاً وثانياً....الى خامساً ) وننتظر ردك عليها قبل المواصلة ويا ريت بنفس الترتيب ........ لك تحياتي
09-01-2009, 08:19 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: شوف يا امين ويا الزول ويا الحبر، انتو رفضتوا مناقشة افكار الاستاذ من الأول بصورة علمية،
الاستاذ جمال المنصوري تحية واحتراما
انا شخصيا من الذي يكنون تقدير واحتراما للاستاذ محمود محمد طه فقد كنت مجاورا له في الحارة الاولي شفت المثلث وانت جاي من كبري النص نحن علي اليمين وهو شمال وكنا ونحن ذاهبين الي المدرسة (محمد حسين) نمر عليه جئة وذهابا ودائما ما نشاهده في الزي السوداني المبسط سروال وعراقي ساكبيس وهو اما مودعا او مستقبلا ونسلم عليه ويرد علينا بنفس ابتسامته التي فارق بها هذه الفانيةولذلك شعرت بغصة في الحلق لاعدامه الذي قراته عاجلا علي الوكالة الفرنسية في مقر عملي بالسعودية و بصفتي من بئية صوفية اتفق مع محمود محمد طه حتي مرحلة معينة وهي معروفة لدي المتصوفة بالزوق والمشاهدة او مايعرف بالمعراج الروحي ولكن اختلف معه في اتخاذ ذلك المعراج سببا للانفصال عن شريعة خاتم المرسلين او ما تسمونه انتهاء مرحلة التقليد لان كل المتصوفة قد جعلوا من تلك المرحلة مرحلة رباط اقوي بالرسول الكريم وشريعته
حوار عابر في مساله الشبه بين السيد المسيح و الأستاذ : أو سادسا
- إنت قلت إنه الرسول صلي الله عليه و سلم سمي الأستاذ بن مريم - هو سماهو بن مريم عشان في شبه شديد مع المسيح بن مريم - شبه في في شنو ؟ - السيد المسيح عدل شريعه موسي ، و الأستاذ عدل شريعه النبي المعصوم - السيد المسيح اليعدل كان عدل ، عارفنو رسول و القران و الأحاديث مليانه بيه و جا بكتابو و بيناتو ، الأستاذ ده لا آيه ، لا حديث ، لا عندو كتاب من الله لا عندو بينه ، يعدل كيف ؟! - والله الأستاذ مأذون ليه بالتعديل - أدينا دليل علي إذنو ده ! - مافي دليل ، نحن مصدقنو بس كده !!! و بالمناسبه في أوجه شبه تانيه بينو و بين السيد المسيح . زي شنو يعني - الإثنين قتلو و صلبو - بمنطقك ده ابن مريم مفروض يكون الحلاج لانو الحلاج قتل و صلب الأستاذ عرفنا إنه مات مقتول ، لكن ما صلب - و الإثنين قبرهم غير معروف - ياخي أنا عندي جدي لليله ما عارفين قبرو وين ، هل ده بيعني إنو في شبه بينو و بين السيد المسيح يخليه يغير دين الله ؟
09-01-2009, 11:36 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: السادة: امين محمد سليمان الزول الحبر الكباشي
تحية طيبة
شوفوا بصريح العبارة انا لا داير لي جمهوري يساندني، و مافي داعي تنادي فيهم، خليك معاي رأس لي رأس، حبابك الف، داير ليك جمهوري غيري، افتح ليك بوست ونادي الانت عاوزوا، البوست ده اسمه حوار مع المنصوري، وانا يا ني المنصوري، كدي قبل الافتراضات البي تفترضوا فيها ، شوفوا لينا موضوع الحديث ده . وبعدين يا امين، راجع قوقل ده كتير حتلقي الجلحات دي جايبا ليك من وين ؟؟ واذا ما لقيتها في قوقل، اشتري الكتب دي، ما نحنا قبلك اشتريناها، ولا القروش كتيرة علي العلم ،، بعدين كلمة (افرض ، ونفترض) دي بعد الترس 3 انساها خالص ، انت بتدعي انو عندك الحقيقة، عشان كده، وشغال احكام وافتراضات، والجماعة بي وراك ينقحوا ويرموا في التيراب،، اها يا اخوي .. نحن عاوزين حقائق بس، عندك حقيقة كبها، ما عندك، مافي داعي تجي كل مرة ترمي ليك كلام زي لوي عنق الحقيقة ، وكده، الكلام البي تسووا فيه ده،، مجرد ونسة،،، طلبتوا الدليل والدليل اهو جبناهو في الحديث الفوق ده،،خلونا نحسم الموضوع ده في الاول،،، سواء كان الزول ده عيسي بن مريم ولا بن مريم ولا غيروا، الحديث بقول الزول ده اسود، وشعروا مجعد،، عندكم اي اعتراض علي الكلام ده؟؟ جيبوا الدليل ،،. شوف يا امين ويا الزول ويا الحبر، انتو رفضتوا مناقشة افكار الاستاذ من الأول بصورة علمية، دلوقت الموضوع بقي غير، نقاش وحوار بعد حسم النقطة دي ،، بعدين قيدانية شنو وبهائية شنو يا باشا ؟؟، فكرة المسيح دي فكرة اصيلة في الدين الاسلامي، عندك تشكيك فيها يبقي عندك شك في احاديث الرسول ؟؟ بعد ما تثبت انو الحديث الوارد فوق ده، كضب، وان الشرح الجبتو انا ده كلام فارغ، بعد داك، اوعدك وعد قاطع، انو ح اخليك انت شخصيا، تجيب كل الادلة العاوزة انا، من الكتاب والسنة...!! ده وعد. مني ليك،،.كدي هسع انفي لينا الحديث الانا جبتوا ده وبعدين نتحاور,, وليكم علي حتي الاشباع،، ومن الكتاب والسنة،، وماني سائلكم تب عن انتماءاتكم.. واقبل الاحاديث من جميع المصادر، من المذاهب الخمسة، ومن التأليف الخاص، بشرط تكون (قال رسول الله..) اها في اوكازيون اكتر من ده ؟؟.. بس بعد اللغم الفوق ده..
ملحوظة: يا خي انت وود اختك ما قدرتوني كويس، عشان كدي اتفاقنا بتاع مافي مهزوم ومنتصر، يعتبر ملغي، من هنا وكدي يسود قانون الصراع( منتصر ومهزوم) .. نسيت اقول ليك يا خوي ، الترس (3) عندو مشكلة بسيطة كده، انو مليان الغام ، واي اجابة تجيبها من قوقل حترجعك قوقل تاني، ويمكن اكتر من مرة،،
تصبحوا علي خير (عدل بواسطة جمال المنصوري on 01-09-2009, 03:44 ص) (عدل بواسطة جمال المنصوري on 01-09-2009, 09:48 ص)
حا أجي أرد علي كلامك ده كلو إن شاء الله !! أمنيتي إنكم تردو علي كلامي حته حته زي ما بعمل معكم ، و عليك الله يا منصوري ما تعملها زعل و كلام ميت ! نحن بنتناقش في موضوع بتاع دين ، طول بالك علينا ، زي ما نحن مطولين بالنا . أتمني من كل قلبي إنو مداخلتك الجايه تفند لي النقاط السته الجبتها ليك عشان نواصل ! و أقعد عافيه
09-02-2009, 03:05 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: شوفوا بصريح العبارة انا لا داير لي جمهوري يساندني، و مافي داعي تنادي فيهم، خليك معاي رأس لي رأس، حبابك الف، داير ليك جمهوري غيري، افتح ليك بوست ونادي الانت عاوزوا، البوست ده اسمه حوار مع المنصوري، وانا يا ني المنصوري،
البوست ده مفتوح بإسمك نعم ، لكن أنا من الأول قلت العايز يشارك بي رأي يشارك ، و حتي لو ما قلت كده : ده منبر مفتوح ما ممكن تمنع زول من المشاركه ، ليه ما اعترضته لمن كان الجمهوريين هم البشاركو : دكتور الحسين براهو مداخلاتو في البوست ده تفوت ضعف مداخلات الاخوان الما جمهوريين مجتمعين و تزيد : ليه ما قلت ليه خليني مع أمين راس لرأس ؟! مالك قعدت تتابع من مقاعد المتفرجين و أنا حداشر يوم بناقش في دكتور الحسين براهو ؟ مش ده كان كلامك :
Quote: الاخ / امين محمد سليمان
تحياتي واشواقي
اسف لعدم تداخلي معك لمدة طويلة فقد كنت اتابع من مقاعد الجمهور...
و بالمناسبه أنا ما فارق معاي أحاور منو و الدليل علي كده أنا كنت برحب و و بناقش اي أخ جمهوري شارك في البوست ده . الفكره - علي الأقل بالنسبه لي - إنو نتحاور و نستفيد و ما ممكن أوصف ليك كميه الحاجات الإستفدتها من البوست ده . تلاته من الاخوان الجمهوريين يبدو معاي نقاش و فجأه الاقي روحي الله و رقبتي : عملها عمر عبد الله و دكتور الحسين و عبدالله عثمان . لمن في نص النقاش يمشو ما يجو ! ما لي حق أقول وين أخوانا الجمهوريين ؟! لمن أخت أسئله مرقمه كل مره ، و معها استجداء بالإجابه علي أسئلتي و ما القي إجابه في تسعين في الميه من الوقت ، ما لي حق أقول وين أخوانا الجمهوريين ؟!
09-02-2009, 03:14 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: كدي قبل الافتراضات البي تفترضوا فيها ، شوفوا لينا موضوع الحديث ده .
يا أخوي أنا ما أفترضته أي إفتراض ،ياخي أنا شفت ليك موضوع الحديث بتفصيل ممل و رديت ليك علي مداخلتك الفيها الحديث بسته نقاط ، إنت جيت سألت فيها ؟ ياخي أمسك نقاطي دي وحده وحده ، قول لي يا أمين كلامك في النقطه دي غلط لانو كيت كيت ، و في دي كيت كيت ، لكن ولا إنت و لا الاخوان الجمهوريين ما عملتو كده في البوست ده . .
09-02-2009, 03:24 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: وبعدين يا امين، راجع قوقل ده كتير حتلقي الجلحات دي جايبا ليك من وين ؟؟ واذا ما لقيتها في قوقل، اشتري الكتب دي، ما نحنا قبلك اشتريناها، ولا القروش كتيرة علي العلم ،
يا سيدي أنا ما كذبتك و قلت ليك مافي جلحات ! أنا قلت ليك جبتها من وين ؟! إنت جبت حديث قلته إنو الحديث ده الرسول صلي الله عليه و سلم وصف فيهو الأستاذ وصف دقيق و بين مهمتو بصوره لا لبس فيها ، الحديث طلع لا فيهو الأستاذ لا فيهو وصف دقيق لا فيهو بيان مهمه : خليك من عيون واسعة و جلحات و انف واسع ، قلنا ليك جبت الكلام ده وين ، تقول لي إشتري كتب ؟!
09-02-2009, 03:25 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: انت بتدعي انو عندك الحقيقة، عشان كده، وشغال احكام وافتراضات، والجماعة بي وراك ينقحوا ويرموا في التيراب،، اها يا اخوي .. نحن عاوزين حقائق بس، عندك حقيقة كبها، ما عندك، مافي داعي تجي كل مرة ترمي ليك كلام زي لوي عنق الحقيقة ، وكده،
يا منصوري وين أنا قلت ليك أنا عندي الحقيقه ولا هو كلام و السلام ؟! أنا من ما البوست ده بدا غير ما ببين في مفارقه الفكره الجمهوريه للدين و بطالبكم بدليل علي صحه ما تؤمنون به ، ما عملت حاجه ، و أي كلام بقولو بجيب دليلو ، مشكلتكم إنكم ما بتناقشو أدلتي و لا بتفندوها ، يا بتجو تشرحو لي الفكره الجمهوريه يا ياهو بتجو تقولو كلام عايم ساي زي كلامك ده . في مساله لوي الأحاديث و تفسيرها علي هواكم دي ، كلامك صاح ما مفروض أقول لوي مفروض أقول كسر رقبه عديل ، عليك الله يا منصوري لمن تجي تقول :
Quote: لقد وصف النبي الكريم( عليه واله االصلاة والسلام ) الاستاذ / محمود محمد طه، وصفا دقيقا في صحيحي البخاري ومسلم، وبين طبيعة مهمته بصورة لا لبس فيها،،، وسأزودك بالدليل
و تجيب لي حديث المصطفي صلي الله عليه و سلم
Quote: ورد في صحيح البخاري، الصادر عن دار الفجر ، في صفحة 355 ، الحديث رقم: (7026 ) مايلي:
(حدثنا ابو اليمان، اخبرنا شعيب عن الزهري، اخبرني سالم بن عبد الله بن عمر ان عبد الله بن عمر رضي الله عنهما قال: قال رسول الله (صلي الله عليه وسلم) ((بيا انا نائم رأيتني اطوف بالكعبة ، فأذا رجل ادم سبط الشعر بين رجلين ينطف رأسه ماءا، فقلت من هذا ؟ قالوا: بن مريم ...فذهبت التفت فأذا رجل احمر جسيم جعد الرأس اعور العين اليمني، وكأن عينه طافئة فقلت من هذا؟ قالوا: هذا الدجال اقرب الناس به شبها بن قطن))
لك تحياتي
دليل علي كلامك ، يبقي فعلا كسر رقبه هو التعبير الصاح ، ما لوي عنق ساي ! و جبت ليك سته نقاط عن الكلام ده ، تعال فند كلامي نقطه نقطه !!
09-02-2009, 05:33 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: الكلام البي تسووا فيه ده،، مجرد ونسة،،، طلبتوا الدليل والدليل اهو جبناهو في الحديث الفوق ده،،خلونا نحسم الموضوع ده في الاول،،، سواء كان الزول ده عيسي بن مريم ولا بن مريم ولا غيروا، الحديث بقول الزول ده اسود، وشعروا مجعد،، عندكم اي اعتراض علي الكلام ده؟؟ جيبوا الدليل ،،.
الونسه بسويها البيجي يكتب كلام مرتب و بدليل علي كل كلمه و لا الناس البتلقي القول علي عواهنو ؟! بعدين إنت جبت ما تظن إنه دليل ، ردينا ليك علي دليلك و بينا ليك إنه لا يستقيم عقلا و لا نقلا و لا منطقا إنه الأستاذ يكون هو المقصود بإبن مريم ، فند أدلتنا بعدين تعال قول لينا إنتو بتتونسو ! يا منصوري الله يسألك الحديث بيقول شعرو مجعد ؟!! سبط بقي معناتها مجعد ؟! حكمه ربنا في سماو إنو سبط عكسها جعد ، يعني دي زي تفسير أبيض بمعني أسود ، لكن كلو يهون في سبيل إثبات صحه الفكره و صاحبها !!
09-02-2009, 05:57 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: شوف يا امين ويا الزول ويا الحبر، انتو رفضتوا مناقشة افكار الاستاذ من الأول بصورة علمية،
العلميه دي وينها يا منصوري ؟ ولا كلام والسلام ؟ قلتو الفكره الجمهوريه و الرساله التانيه من الإسلام قلنا ليكم جيبو لينا دليل من الإسلام ، قلتو مافي دليل !! قلتو الأستاذ رسول من الله قلنا ليكم الله تعالي يقول : ((لقد أرسلنا رسلنا بالبينات وأنزلنا معهم الكتاب والميزان )) ، ما هي بينات الأستاذ علي أنه رسول الله ؟ قلتو لينا إنتو ما بتناقشو أفكار الأستاذ بصوره علميه !!
Quote: دلوقت الموضوع بقي غير، نقاش وحوار بعد حسم النقطة دي ،، بعدين قيدانية شنو وبهائية شنو يا باشا ؟؟، فكرة المسيح دي فكرة اصيلة في الدين الاسلامي، عندك تشكيك فيها يبقي عندك شك في احاديث الرسول
كلامك سليم إنو فكرة المسيح دي فكرة اصيلة في الدين ، إنت عرفتها فكره أصيله كيف ؟ مش لانو في أحاديث واضحه و صريحه عنها ؟ إذا كانت إجابتك بنعم مفروض توريني ليه مافي أحاديث واضحه و صريحه عن الفكره الجمهوريه ؟! هل المصطفي صلي الله عليه و سلم كتم ما أنزل الله و لا نسي و لا حصل شنو ؟! الاسئله دي ما بتردو عليها ليه ؟!! يذكر المسيح و يذكر المهدي و يذكر الدجال و ما يذكر الأستاذ بإسمو ليه ؟!! ليه بن مريم ؟! هسي ما إنتو الجمهوريين أفكاركم واحده ، في زول قاعد يناديك يا دكتور أحمد الحسين ؟!!
09-02-2009, 06:35 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: بعد ما تثبت انو الحديث الوارد فوق ده، كضب، وان الشرح الجبتو انا ده كلام فارغ، بعد داك، اوعدك وعد قاطع، انو ح اخليك انت شخصيا، تجيب كل الادلة العاوزة انا، من الكتاب والسنة...!! ده وعد. مني ليك،،.كدي هسع انفي لينا الحديث الانا جبتوا ده وبعدين نتحاور,, وليكم علي حتي الاشباع،، ومن الكتاب والسنة،، وماني سائلكم تب عن انتماءاتكم.. واقبل الاحاديث من جميع المصادر، من المذاهب الخمسة، ومن التأليف الخاص، بشرط تكون (قال رسول الله..) اها في اوكازيون اكتر من ده ؟؟.. بس بعد اللغم الفوق ده..
الحديث ما كضب ، الحديث صحيح ، الما صحيح شرحك ، جيب ادلتك علي صحه شرحك ، فند كلامي و طلعو غلط ! سته نقاط ، تعال قول لي إنت في النقطه كذا قلت كذا كذا كلامك غلط لانو كده كده .نقطه نقطه من واحد لسته . عشان نفكك لغمك ده .
09-02-2009, 07:06 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: ملحوظة: يا خي انت وود اختك ما قدرتوني كويس، عشان كدي اتفاقنا بتاع مافي مهزوم ومنتصر، يعتبر ملغي، من هنا وكدي يسود قانون الصراع( منتصر ومهزوم) ..
ما قدرناك كويس ؟ ياخي أنا ما فضل إلا أقول المنصوري رضي الله عنه ، عليك الله أمشي أقرا البوست ده من الأول و شوف الكلام الكاتبو أنا عنك و بالمناسبه أنا ما كنت بجامل فيك أنا مقتنع و ما زلت إنك إنسان صادق و مهذب بمعني الكلمه ، لكنك كغيرك من الاخوان الجمهوريين فتنتو بالأستاذ فصدقتم كل ما قال بدون منطق و لا دليل ، عرفتو الحق بالرجل ، و ما عرفتو الرجل بالحق ، و دي مشكله الناس البيتفتنو برجل و بيصدقو كلامو كلو ، بعداك لا منطق بينفع و لا دين بينفع . ود أختي ده جا قال لي إنت ممكن تكون آذيت المنصوري بكلامك بتاع بتختفو ده ، جا ينبهني عشان أعتذر عليك ، قمت أنا - رغم إنو المعني ما مقصود و لا فكرت فيهو أصلا - اعتذرت ليك !! تقول لي ما قدرناك كويس ؟ شوف إنت عملت شنو : جا عبدالله عثمان و شتمني ، شتمني عديل كده . إنت سألتو ؟ قلت ليه الكلام ده ما صاح منك ؟ و تقول لي ما قدرناك نحن برضو ؟!!!
منتصر و مهزوم دي أخدها إنت علي كيفك لكن أنا الموضوع ده بالنسبه لي أصلو ما منتصر و مهزوم ، نقعد نتناقش أنا و إنت و الناس تستبين و تحكم و ما شرط ذاتو نعرف حكمهم ده . يا سيدي الموضوع دين ، الناس استشهدت عديل في سبيل الدين ده ، خليه من شتمه و لا زعله إسفيريه !!!
09-02-2009, 07:10 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
خلينا نستعدل البوست ده !! أخر حاجه أنا رديت ليك بسته نقاط علي الحديث ، رد لي عليهم واحده واحده عشان نمشي لقدام ! سؤاليني الأساسيات مافي زول جاوب عليهم ، لكن ما مشكله ، نشوف موضوع الحديث و بعدين نجي لسؤاليني لو ما عندك مانع !
09-02-2009, 08:24 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
اولا يا حبيب، انت خليت نص الحديث، ولم تدل برأئك حوله، وشتت تجاه ربط الفكرة الجمهورية بالقاديانية، وده موضوع بجيك لي بي رواقة، بس بعد ما توريني رائك صراحة، الحديث الفوق ده صحيح ولا كذب،، الحاجة التانية الزول ده لونو زي ما انا قلت اسود وشعرو مجعد ولا لا..
بعد داك بجي اناقش معاك امور الدين دي علي ضوء الكتاب والسنة،، والحشاش يملا شبكتو...
تسلم يا حبيب
09-02-2009, 08:26 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
التقدير الا انا قاصدوا مش علي شاكلة (المنصوري المؤدب، والجمهوري ال كله اخلاق) التقدير القاصدوا انا المستوي الفكري، او مستوي قدرة عقلي علي الاستيعاب،، ودي من طريقة ادارتك للحوار، توضح انو اعلي نقطة مسجلة عندك لتصنيفي، هي (ان لم تكن تحت الصفر، فهي صفر) .. ودي تبدوا واضحة من الطريقة الاحتفالية التي ظهرت بعد الترس 3 ، وحسب ظني كنتم فاكرين انو وصلتوني للنقطة التي لن استطيع بعدها فعل شيء، وعندها تستطيعون تبيان مخالفة الفكرة الجمهورية للدين.
الشيء التاني: طرحك بقول انك بتمتلك كل الحقيقة، عشان كده لمن اجيبك باي اجابه، ببتوجه بعد داك مخاطبا الراي العام، لتوضيح ان هذا يختلف مع الحقيقة،،مع العلم انك لا تمتلك كل الحقيقة، وقناعاتك دي عن اخرين تعتبر لا تمت الي الحقيقة بصلة، وهذا ما اردت ان اوضحه لك حين قلت لك في ردود سابقة، ان كل ناس صاح حسب منهجهم وتفكيرهم،، وده ما عجبك، بعد داك اوردت مصطلح علماء المسلمين، قلت ليك ده منصطلح سياسي، مقصود بيهو علماء السلطة والسلطان، اها انت مشيت تحاكمنا علي ضوء ارائهم..
شوف يا امين
خلينا نحسم موضوع الحديث الفوق ده، وليك علي نقاطك الجايبه دي ، مش بس اجاوبك عليها،، بس نضرا فوق عمري اهرسها ليك هرس( ايات واحاديث) وما تشوف الا كل شيء يعجبك،
لك شكري ومودتي
09-02-2009, 09:01 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
ستة ردود وردت من الأخ امين ، لم تخرج عن كونها ترديد لعبارات، وجه الشبه وحاجات من دي،، طيب، انا داير اجيك في نقطتين:
الأولي: انت قلت في الأول الحديث ده خاص بعيسي بن مريم،،، وجبت لنكات كتيرة عشان تثبت الموضوع ده... صاح..
دلوكت انت حدد موقفك، هل سيدنا عيسي ، اسود وشعروا مجعد، ولا لا ؟؟؟
الشيء الثاني:
مسألة الشبه:
طالما في صفات مشتركة بين الموصوف والاستاذ، يبقي ان نسبة 75% في صالح انو الاستاذ هو الشخص نفسو لأنو حتي الأن لا يوجد منافس فعلي وحقيقي ليهو علي هذا المقام... 25% تبقي مرتبطة بما يدعو اليه يعني يفترض بعد ده نناقش اصول دعوته، ونحكم لها او عليها طبقا لميزان الشريعة المحمدية.. فأن تطابقت يبقي هو الشخص المطلوب،والاستاذ : دعوته تتلخص في (الرسالة الثانية من الاسلام، وطريق محمد) وان لم تتطابق يبقي 25% مش هو ..وانت هنا يأ امين كل البتعمل فيه انك بتقفز قفز فوق الاجابات للوصول لما هو ثابت عندك، عن طريق الافتراضات ، وعايزنا نتغاضي عن القصور في طرحك،، يا سيدي طرحك قاصر لأنك غير ملم بالصفات الظاهرة لسيدنا عيسي، وعشان كده لمن فوجئت بانه عيسي هنا لونو اسود، حاولت تشتت الكورة في اتجاه الافتراضات ، ودي مرفوضة شكلا ومضمونا، لأننا هنا نتحدث عن وقائع ظاهرة، حديث شريف عن رجل ذو مواصفات واضحة، فأما انك ترفض انو الشخص ده الاستاذ / بموجب اسانيد ودلايل واضحة، او تقبل به ، هنا لا مجال لورود كلمة افرض وثانيا من غير المقبول ان يكون طرحك لربط الحديث بسيدنا عيسي علي ان (عيسي الابيض، وعيسي الاسود) شخص واحد.. يعني ببساطة يا الزول مش تجري طوالي للقيدانية والبهائية، وطريقة التكفير،، بالصورة دي انت بتكفر كل من يخالفك الراي، وكذلك يكفرك الاخرين، وده مش اسلوب نقاش، كان تنتظر، وتطرح وجهة نظرك في الحديث نفسه، وفي الصفات الانا قلتها، وبعدين لمن تثبت خطأ استدلالي، تقوم تجيب الربط، مش تربط، طوالي، وتطلب مناقشة ماتتطرحة، بينما هناك مسألة معلقة بيننا، في الأول النحسم الخلاف ده، وبعد داك لكل مقام مقال..
ملحوظة: عرفت يا امين ليش انا بقول ليك ما قدرتني حق قدري ؟؟
لك تحياتي
09-02-2009, 10:19 AM
صلاح عباس فقير صلاح عباس فقير
تاريخ التسجيل: 08-08-2009
مجموع المشاركات: 5482
Quote: طالما في صفات مشتركة بين الموصوف والاستاذ، يبقي ان نسبة 75% في صالح انو الاستاذ هو الشخص نفسو لأنو حتي الأن لا يوجد منافس فعلي وحقيقي ليهو علي هذا المقام... 25% تبقي مرتبطة بما يدعو اليه يعني يفترض بعد ده نناقش اصول دعوته، ونحكم لها او عليها طبقا لميزان الشريعة المحمدية.. فأن تطابقت يبقي هو الشخص المطلوب
هذه الصفات المشتركة المشار إليها صفات حسية، وليس فيها كما يُقال علامة مُميزة فارقة، وبالتالي فعلى افتراض أنها تجمع بين (ابن مريم) و(الأستاذ)، فهي كذلك تجمع بين (ابن مريم) وكثيرٍ من الناس! والذين قد يكون واحدٌ منهم (مفكراً إسلاميّاً) مثلاً، فعندئذٍ لا ينقصه من أجل أن يكون هو (ابن مريم) إلا الادّعاء! الإخوة الجمهوريّون لا يُحبّون هذا المبحث، المتسائل عن أساس شرعية الفكرة نفسها، يُريدوننا أن نتجاوزه للحوار حول مضمون الفكرة! وليس في ذلك من مشكلةٍ إلا أنه سيكون أمراً مخالفاً لمنهجية البحث العلميّ، لأنّنا سنناقش أفكاراً، فمن الواجب أن نعرف طبيعة هذه الأفكار: هل هي محضُ اجتهادٍ بشريٍّ في النصوص الشرعية، فهذا لا إشكال فيه، قابل للحوار معه وفيه، ولكن إن كانت هذه الأفكار يُقال: إنه تلقّاها من الله كفاحاً، فعندئذٍ إن كنا مؤمنين بذلك، فما علينا إلا أن نفهم مضمونها الذي سيكون صحيحاً قطعاً! وإن لم نكن مؤمنين بذلك فمن حقّنا والواجب علينا أن نقف عند حدود هذا المبحث! وأرجو من الأخ المنصوري أن يرد على النقاط الست التي أوردها الأخ أمين نقطة نقطة، حتى نتمكن من المتابعة الجيّدة!
09-02-2009, 05:15 PM
د.أحمد الحسين د.أحمد الحسين
تاريخ التسجيل: 03-17-2003
مجموع المشاركات: 3265
الأخ الأستاذ صلاح...تحيتي ومحبتي بفولك هذا وضعت الامور في نصابها
Quote: هذه الصفات المشتركة المشار إليها صفات حسية، وليس فيها كما يُقال علامة مُميزة فارقة، وبالتالي فعلى افتراض أنها تجمع بين (ابن مريم) و(الأستاذ)، فهي كذلك تجمع بين (ابن مريم) وكثيرٍ من الناس! والذين قد يكون واحدٌ منهم (مفكراً إسلاميّاً) مثلاً، فعندئذٍ لا ينقصه من أجل أن يكون هو (ابن مريم) إلا الادّعاء!
ولذلك الاعتماد على هذا الأحاديث لا يقود الى شئ. فلم تغني أوصاف النبي عليه الصلاة والسلام الواردة في كتب المسحية في تأكيد دغواه. ولهذا السبب تركت النقاش في هذا البوست لأن التركيز عليه يؤدي الى حلقة دائرية. ليس المهم زعم من يزعم أنه بن مؤيم ولكن المهم معرفة محتوى ما يقول. والنبي الكريم نفسه لا دليل على أن ما جاء به يوحى اليه أنه من الله غير محتوى دعوته وصدقه. وقد كذب اليهود سيدنا عيسى رغم الاشارات عليه في توراتهم ولا زالو يكذبونه. ولم اسمع ولم أرى الاستاذ محمود يستخدم هذه الأحاديث لتأكيد حق الفكرة الجمهورية ولكنه يشير دائما الى ضرورة النظر الى محتوى الدعوة.فاذا زعم احد أنه بن مريم فيجب أن نكذبه أو نصدقه من محتوى دعوته نفسه اذ لا سبيل ولا دليل على صدق مزاعم دعوة دينية الا بالنظر الفاحص لدعوته (يا ايها الذين امنوا ان جاءكم فاسق بنيإ فتبينو....) أما قولك......
Quote: الإخوة الجمهوريّون لا يُحبّون هذا المبحث، المتسائل عن أساس شرعية الفكرة نفسها، يُريدوننا أن نتجاوزه للحوار حول مضمون الفكرة!
فغيرصحيح اذ اننا في الواقع نحب نقاش اي شئ ولكن مدخل الأخ امين للنقاش لا يقود الا الى حلقة دائرية ولا يمكن معرفة مشروعية اي فكر الا من محتواه. وبهذه المناسبة الفكرة الجمهورية هي طريق محمد الذي يعني تقليده وتجويد تقليده فنحن شيخنا النبي عليه الصلاة واسلام والاستاذ محمود هو مرشدنا في هذا الطريق. وما جاء من معارف هي ثمرة هذا الطريق ولذلك محتوى الدعوة ومشروعيتها ولم نجد أحدا يقول ان دعوة الاستاذ لطريق محمد خطأ ولكن الاحتجاج دائما على مسألة هل الاستاذ محمود رسول أو نبي وقد أجاب الأستاذ على كل هذه التسآولات في كتبه ومحاضراته.واليوم اذا زعم شخص انه المسيح الموعود فلا سبيل الى معرفة صحة زعمه من الأحاديث الواردة ولكن يمكن التأكد من هذا الزعم من محتوى دعوتهعلى قاعدة تكلموا تعرفو وقد قال المسيح لتلاميذه "اياكم والانبياء الكذبة. قالوا وكيف نعرفهم قال بثمارهم تعرفونهم" وجزء من ثمارهم هذه محتوى دعاويهم. هذا ولك مني كل التحيات ورمضان كريم.
09-02-2009, 05:45 PM
حمور زيادة حمور زيادة
تاريخ التسجيل: 03-28-2007
مجموع المشاركات: 12116
Quote: ملحوظة: يا خي انت وود اختك ما قدرتوني كويس، عشان كدي اتفاقنا بتاع مافي مهزوم ومنتصر، يعتبر ملغي، من هنا وكدي يسود قانون الصراع( منتصر ومهزوم) .. نسيت اقول ليك يا خوي ، الترس (3) عندو مشكلة بسيطة كده، انو مليان الغام ، واي اجابة تجيبها من قوقل حترجعك قوقل تاني، ويمكن اكتر من مرة،،
الاستاذ المنصوري .. تحياتي .. عذرا فلم استطع قط فهم او بلع هذه الاشارة الى "ود اختك " في سياقها الذي وردت فيه. اعتقد يا اخي اني لم اكن طرفا مباشرا في هذا النقاش إلا حين سألت عن لماذا لا يظهر الحديث عن الاستاذ محمود كرسول في الادبيات العامة للجمهوريين و يغلب عليها التعامل مع الاستاذ كمفكر و مجتهد من عندياته. و قد تفضلت انت بالقاء اللوم على الاخرين و شرعت توضح ان الاستاذ رسول الله. حرصا مني على ان تبين كل كلامك و لأن فيه قطعا ما لم اعلمه من قبل ( مثال ذلك كلامك عن ابن مريم فهذه اول مرة اسمع هذه الحجة ) لم اتداخل لاعلق و اضرب امثلة على اقرار الجهوريين على تعامل قطاعات كبيرة مع رصيد الاستاذ محمود المعرفي كرصيد مفكر و مجتهد اسلامي لا مجرد رسول. و قدرت ان حواراً كهذا يطول ولزمت الصمت اتابع ادلتك و افادتني بداياتك علما. لذلك اتعجب جدا من ان غضبتك على اسلوب الخال امين انسحبت عليّ تباعا لمجرد اننا نتفق مع ملايين المسلمين الذين ليسوا بجمهوريين. اعتقد يا اخي ان الغضب قد غلب عليك .. و الغضب من الشيطان فاستعذ بالله منه ..و إن شعرت ان نقاشك مع امين لن يقود الى اي خطوة الى الامام فان ايقاف النقاش اوفق و اجدى و لا عيب فيه. فقد يصمت من له اليد الطولى في المعرفة .. كما قد يصمت من انقطعت حجته. فاغلاق باب النقاش ليس عيبا و لا عارا. و لو فعلت و ذهبت ثم جاء امين يتشدد و يعتبره هروبا و انسحابا لرأيتني ألومه تماما كما لمته على كلامه عن الغياب. تقبل احترامي لك الذي لم يتزحزح .. فالغضب العارض لا يفسد الاحترام الراسخ. مع مودتي.
09-02-2009, 09:35 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: التقدير الا انا قاصدوا مش علي شاكلة (المنصوري المؤدب، والجمهوري ال كله اخلاق) التقدير القاصدوا انا المستوي الفكري، او مستوي قدرة عقلي علي الاستيعاب،، ودي من طريقة ادارتك للحوار، توضح انو اعلي نقطة مسجلة عندك لتصنيفي، هي (ان لم تكن تحت الصفر، فهي صفر) .. ودي تبدوا واضحة من الطريقة الاحتفالية التي ظهرت بعد الترس 3 ،
والله الذي لا إله إلى هو ، أنا موضوع الترس التالت حقك ده ما إشتغلت بيه دقيقه ! لانو أنا عارفو من الأول : ياخي إنتو كل واحد فيكم عندو فهم مختلف لموضوع الفكره الجمهوريه و أسسها الشرعيه و الدليل علي كده إنو أنا بناقش فيكم إنت و عمر عبدالله و إنتو بتجيبو لي في الاحاديث ألما عندها علاقه عشان تثبتو بيها إنو الفكره الجمهوريه من الإسلام ! جا دكتور الحسين و من أول مداخله قال لي مافي إثبات زي الانت عايزو ده - اللهو آيات و أحاديث - للفكره . الشي التاني من حوارات أخري قريتها ، أول حاجه الجمهوريين بيعملوها بيقولو ليك إنو دي قناعتي ورؤيتي الشخصية زي كلامك ده لانو نحن ما حزب و لا تنظيم و ......الخ . عشان كده كلامك ده أنا ما إشتغلت بيه و لا علقت عليه . الزول المحتفى بمساله الترس التالت ده إنت يا منصوري ما زول تاني .
Quote: وحسب ظني كنتم فاكرين انو وصلتوني للنقطة التي لن استطيع بعدها فعل شيء، وعندها تستطيعون تبيان مخالفة الفكرة الجمهورية للدين.
بعدين صدقني أنا لو مديك صفر ولا أقل من الصفر ما بضيع معاك دقيقه . فعليك الله يا منصوري ما تحاسبنا بظنونك ، و تجي بعد شويه تقول نقاشكم ما علمي .
09-02-2009, 10:21 PM
عبد الحي علي موسى عبد الحي علي موسى
تاريخ التسجيل: 07-19-2006
مجموع المشاركات: 2929
Quote: جا دكتور الحسين و من أول مداخله قال لي مافي إثبات زي الانت عايزو ده - اللهو آيات و أحاديث - للفكره .
. اليست هذه اجابة على سؤالك الأساسي في هذا البوست؟ طيب يا استاذ أمين ليه استمريت في طرح السؤال والإلحاح عليه بدل ما تدلف لنقاش محتوى الفكرة الجمهورية. انا برضو قلت ليك النبي عليه الصلاة والسلام ما في دليل مثل الذي تطلبه على صحة دعوته وان القران موحى ليهو من الله غير محتوى الدعوة التي جاء بهافقط!!
09-02-2009, 11:05 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: اليست هذه اجابة على سؤالك الأساسي في هذا البوست؟ طيب يا استاذ أمين ليه استمريت في طرح السؤال والإلحاح عليه بدل ما تدلف لنقاش محتوى الفكرة الجمهورية. انا برضو قلت ليك النبي عليه الصلاة والسلام ما في دليل مثل الذي تطلبه على صحة دعوته وان القران موحى ليهو من الله غير محتوى الدعوة التي جاء بهافقط!!
دكتور الحسين سلام عليكم أنا جاي لمداخلتك كلها إن شاء الله ، و من ضمنها بجاوبك علي السؤال ده . و أرقد عافيه
09-03-2009, 02:04 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
Quote: حوار عابر في مساله الشبه بين السيد المسيح و الأستاذ :
- إنت قلت إنه الرسول صلي الله عليه و سلم سمي الأستاذ بن مريم - هو سماهو بن مريم عشان في شبه شديد مع المسيح بن مريم - شبه في في شنو ؟ - السيد المسيح عدل شريعه موسي ، و الأستاذ عدل شريعه النبي المعصوم - السيد المسيح اليعدل كان عدل ، عارفنو رسول و القران و الأحاديث مليانه بيه و جا بكتابو و بيناتو ، الأستاذ ده لا آيه ، لا حديث ، لا عندو كتاب من الله لا عندو بينه ، يعدل كيف ؟! - والله الأستاذ مأذون ليه بالتعديل - أدينا دليل علي إذنو ده ! - مافي دليل ، نحن مصدقنو بس كده !!! و بالمناسبه في أوجه شبه تانيه بينو و بين السيد المسيح . زي شنو يعني - الإثنين قتلو و صلبو - بمنطقك ده ابن مريم مفروض يكون الحلاج لانو الحلاج قتل و صلب الأستاذ عرفنا إنه مات مقتول ، لكن ما صلب - و الإثنين قبرهم غير معروف - ياخي أنا عندي جدي لليله ما عارفين قبرو وين ، هل ده بيعني إنو في شبه بينو و بين السيد المسيح يخليه يغير دين الله ؟
العزيز / امين
تحية طيبة
من الاقتباس اعلاه، يتضح لنا صدقك ان كلامك مرتب، وما نكتبه ليس الا هرجلة غير مرتبة، واعدك من الان فصاعدا ان احاول ما استطعت ترتيب ما اود كتابته لك..والان، لنري ماذا ورد في مداخلتك.. ولنبدأ من نقطة سيدنا عيسي:
قبل الدخول في الاجابة لي ملاحظة بسيطة تتمحور في رجائي ان تتحري الدقة في النقل عني ، فالصيغة التي وردت في مداخلتك اعلاه غير دقيقة،،، ثم بعد ذلك لندخل في صلب الموضوع : سيدي .. اولا : كل الكتب السماوية بما فيها القرأن لم يرد فيها تصريحا مباشرا وواضحا ودليلا حاسما يحوي اسم اي من الانبياء أو الرسل او الشخوص الذين يأتون في قادم الايام، ناهيك عن اجوبة صريحة لأسئلة طرحت علي اولئك الرسل، فهذه كانت اشد غموضا ،و عندك مثال صريح علي هذا ماورد في هذه الاية (يسألونك عن الروح) وكذلك اهل الكهف ، ومن بعدهما الساعة، وغيرها الكثير والكثير مما طرح علي النبي الكريم، ،، يكفيك اشاراته الي المهدي عليه السلام، فقد كان بأمكانه ان يقول بصريح العبارة ان (اسمه: محمد بن عبد الله) ولكنه زاد الأمر تعقيدا، حين قال (يواطيء اسمه اسمي، واسم ابيه اسم ابي) ،، تري اي غموض حوته يواطيء !! ورغما عن هذا تجدنا اليوم نسلم ونحتج بعلمية القرأن وصحة ادلته !!، مع عدم وجود دليل مقنع واضح وصريح.. لذلــك .. يا صديقي ..طلبك ايراد نص صريح واضح دليلا علي الاستاذ / محمود ، من الكتاب والسنة ليس من اساليب القرأن الكريم والسنة نفسها ، اذا كنت تملك دليلا واحدا علي ان هناك ادلة قطعية وصريحة ادلي بها الكتاب والسنة ، في مثل هذه الأمور، يكون لك شرف ان تتحفنا بها، وانا علي يديك لمهتدون ، كذلك نحيلك الي اشارة القرأن للأسم (احمد) وهو ما ورد في التوراة والانجيل،( ولم يقل محمد) ،، وهذا الاسم لعمري لم يكن من اسماء سيدنا محمد الذي سمته به اسرته،،ومهما قلت عن هذا فبنص ورد في مداخلات السيد / صلاح فقيري، فالحاج احمد ليس كأحمد،، بل تعدي الأمر الي الصفات التي وردت عنه في التوراة والانجيل شاركه في الكثير منها كثيرون بما فيهم مسيلمة،،وانت لا تملك دليلا واحدا علي نبوة النبي محمد، خارج اطار القرأن الكريم سوي انك ولدت مسلما فقط ، وانتقل اليك اليقين من اسلافك دون ان تسأل عن الدليل، فاذا كنت تختلف معنا في هذا التصور يمكنك اخماد صوتنا بدليلا احترنا له كثيرا،، هل يمكنك يا صديقي ايراد دليل واحدا من خارج القرأن الكريم علي نبوة محمد (صلي الله عليه وسلم) سيدي المبجل / امين كل الاشارات والاسماء في هذه الكتب كانت تقع في منطقة العموم والغموض ، لتفسح للعقل مكانا للعمل و التحليل للوصول الي نتائج منطقية، وهذا هو الهدف من الدين اساسا (قيادة العقل البشري من منطقة الخوف والخرافة الي منطقة التفكير)، ليتم له المراد من النمو والتطور، لذا تجد معظم ايات القرأن تنتهي ب(لعلهم يعقلون)، اما اولئك الذين كانوا يطلبون الدليل المادي الصرف، فقد قلنا لك في مداخلات لنا سابقة (هم بنو اسرائيل، ومن سار علي نهجهم) وهؤلاء لن يقنعهم الادلة حتي لو رأوا الله جهرة ، فقد قالوها للنبي موسي (لن نؤمن لك حتي نري الله جهرة) هذا هو شكل الدليل الحاسم.وهو ما لم يحظوا به حينها. فأن كنت تريد مثل هذا الدليل ؟؟، فكن صريحا به عندها ستجدنا ان شاء الله من الصامتين. لأن مثل هذه الادلة ليست من نهج الاسلام ولا القرأن ،، فدونك السنة والكتاب، ابحث فيها لعلك تتيقن حينها بأن مرادك ليس مما يجود بها القرأن والحديث النبوي ، فلا تطالب بما لم يقم به القرأن طيلة 14 قرنا ؟؟ قل لي دليلا واحدا او اجابة صريحة وردت في القرأن او الحديث ورد ردا علي سؤال ؟؟،،. ان النبي الاعظم عليه الصلاة والسلام، حتي في اسم (عيسي) الذي ورد في بعض احاديثه لم يكن يعني سيدنا عيسي، بل كان بعني اسما مغايرا له تماما، وبأذن الله ساقوم بالتدليل علي هذه النقطة لاحقا.. هناك حقيقة تاريخية اخري، وهي ان العرب المعنيين مباشرة برسالة النبي محمد لم تكن في كتبهم ومعتقداتهم اي اشرة ولو نبوة تتعلق بنبي من العرب، وان اسمه محمد، ناهيك عن صفاته..وكما نعلم جميعا ان اولي الناس بلغتهم هم اهلها، فأن كنت تعتبر القران معجزة اعجزت العرب ؟؟ انظر ماذا قالوا عن القرأن،، لقد وصفوه بالشعر،، ووصفوا النبي بالساحر..تري ماذا قدم لهم النبي من دليل علي انه نبي ورسول؟؟ هذه بعض الاسئلة علي شاكلة اسئلتك،، ثانيا: المسيح نفسه لم يقدم دليلا واحدا مقنعا لليهود الذين ارسل لهم، ولم تكن هناك اشارة واحدة في التوراة تدل اسمه صراحة، وأن كانت الاشارات عنه كثيرة في التوراة، ولكنها علي طريقة الحديث الذي اوردناه ،، لذلك تجدهم حاربوه وقتلوه وصلبوه ، وما ايمانك بتفويضة من الله سبحانه وتعالي الا نتيجة لأيمانك بالقرأن ، هذا هو الدليل الوحيد الذي تملكه، وهو لم يقدم بينة واحدة علي رسالة المسيح كما وردت في الانجيل.بل ان اهل الكتاب انفسهم رفضوا اعتراف القرأن بنبوة ورسالة المسيح، بالصيغة التي وردت في القرأن .
ثالثا: تحدثت في السابق عن لوي عنق الحقيقة، والان عن كسر عنق الاحاديث ولم تورد دليل واحد علي ان تفسيرنا للأحاديث يخالف نصها، كل الذي اوردته تفاسير لبعض العلماء لا يملكون دليلا هم انفسهم علي صحة تفاسيرهم،وكل كتاباتهم تنتهي ب (الله اعلم بمراده) تري ماذا تعني لك هذه الجملة ؟؟ زعمت ان ما جاءوا به هو الحقيقة ، انظر كيف التوت عنق الحديث حين دللت علي المعني المراد من كلمة (سبط الشعر) بايرادك لكلمة سبط وجعد،دون اضافة، حيث ان ما جيئت به من دليل علي انهما عكس بعض،( وبترت الجزئية التي تتحدث عن ان سبط وجعد يتناقضان فقط في وصف جسد الانسان)، اي حين نقول رجل سبط، او رجل جعد، وهنا يكون معناهما مختلف كليا حيث لا يمكن وصف جسد المرء بالمتموج، ولكن يمكن وصفه بالقصير، وجعد هنا تعني ان جسده ممتليء، ولكنهما تتطابقان في وصف الشعر، فحين نصف الشعر بالسبط ( شعر سبط) يعني الشعر القصير الغير مستقيم، اي المتموج، تري ماذا تعني كلمة (شعر جعد) من وجهة نظرك ؟؟
رابعا: ( رجل ادم)، لم تكن يوما من الايام تعني رجل ابيض مشرئب الحمرة، فوصف اللون بالادم كما وردت في مداخلتنا السابقة تعني (اللون الاسود الفاتح، او اللون الاحمر الداكن اي المائل الي السواد) ، واستعانتك بكتابات بعض المفسرين الذين ارادو ان يسبغوا هذا اللون علي سيدنا عيسي فهو من باب التضليل،،المسيح عيسي عليه السلام ، لون بشرته (ابيض مشرئيب بالحمرة) كما وصفه النبي حسب الاحاديث الصحاح، وكما ورد في الوثائق الاسرائيلية، والرومانية، ولم يكن فيه صفة من صفات السمار ، يمكنك ان تراجع كلمة (رجل ادم) في جميع قواميس اللغة،وبما انني احب ان اكون واضحا وصريحا مع المختلفين معي فسأكون صريحا معك ،( الكلام الجاي ده لغم صغير) بقية الصفات مثل (اجلي الجبهة واقني الانف ) واللتي تعني (جلحات وانف مستقيمة واسعة، ووصف عيونه بالجميلة) وردت في صفات المهدي المنتظر...!!!
خامسا: لو ترويت قليلا اخي امين، لأدركت بانه ليس هناك وجه شبه بين الحلاج والمسيح عيسي بن مريم ،فالحلاج ليس صاحب شريعة، ولم تكن له دعوة معروفة، ولم يعدل في القواعد الاساسية لشريعة النبي، انما كان هائما في الحقيقة الربانية..
يا صديقي امين، المسالة ليست بالبساطة ولا طريقة التفكير التي تنتهجها، المسألة اعقد بكثير، ولكي تصل الي صورة قريبة من الحقيقة ما عليك الا تجميع الكثير من الاحاديث والايات قرب بعضها البعض، وتقرأها بصورة مشتركة،، ح اكون واضحا معك،، هناك لغم في صفات المهدي، كدي اصل الي الحل الصحيح تجد هناك مفاجأة !!. ملحوظة:
شكرا اخي حمور اشكرك جزيل الشكر علي النصيحة، وأن شاء الله اعمل بها، ولكن سيدي ...الأمر ليس كما وصل اليك، انا لم اغضب ، ولكن لي اعتراضات ، جزء من هذا الاعتراض ( النهج الهادي) كدي راجع مداخلات امين كويس تعرف السبب،امين ومن معه يقررون ولا يحاورون، الحوار يا صديقي يكون بين رأيين يتساويان في الفرص دون ان تكون مرتكزات احد الاطراف هي المحتكم اليها،، وهذا الامر مختلف تماما عما يجري ، واعتراضي هنا يختلف عن الغضب، انما هي نبرة تحدي للتأكيد بأن هذا الميدان اعرفه اكثر من الطرف الاخر، بل يمكنني ان اتوقع ردود الطرف الاخر، بل في بعض الاحيان اجباره علي ان يجيء بنفسه بالادلة التي تسندني، وما عليك الا المراقبة، تجد صدق كلامي، بس برضوا نصيحتك مفيدة.. لك جزيل شكري
حوار عن الفكرة
09-03-2009, 02:56 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
Quote: لو لاحظت يا منصوري في الحديث المصطفي صلي الله عليه و سلم بعد ما ذكر رؤيتو للسيد المسيح قال (ورأيت وراءه ) و في روايه أخري (ثم ذهبت ألتفت ) بعداك بدا صلي الله عليه و سلم يوصف في الدجال ، مما يعني إنهم الإتنين (السيد المسيح و الدجال ) حا يكونو في نفس الفتره الزمنيه ، و طبعا ده غير الأحاديث البتتكلم عن إنو السيد المسيح عليه السلام هو من سيقتل الدجال و يكسر الصليب ....الخ ، لكن حبيت أثبتها ليك من حديثك ده تحديدا إنو الرجل الموصوف في الحديث و الدجال بيكونو في نفس الفتره الزمنيه و بيتلاقو لانو لمن المصطفي صلي الله عليه و سلم يقول (ورأيت وراءه ) أو (ثم ذهبت ألتفت ) معناتو كلام بيحصل بالجد . طيب ، كلنا عارفين إنو الأستاذ و لد و توفي ، فهل ظهر الدجال في حياته ؟!!
الحبيب / امين
دعني اخالفك الرأي، فهناك مسافة بينهما بقدر (ذهبت اتلفت) لو كانت الرؤية في نفس الوقت للأثنين كان يمكن ان يكون الزمان واحد، ولكن هنا الاسبقية لأبن مريم، فهو من بدأ للنبي اولا، ثم بعد ذلك ذهب النبي يتلفت، فقياسا بالزمان في الرؤية، فالالتفاته الواحده تعني دهرا، فما بالك بعدة التفاتات ( ذهبت اتلفت)
لك مودتي
09-03-2009, 03:12 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
قاعد اعترض كتير علي اقتباساتك وتحويرها، في كلمة سبط الشعر، انا اوردت الشرح ، باللهجة الدارجة السودانية، وكان كلامي ، ينحصر في سبيبي ، و، قرقدي، واجعد، ولم ترد في كتاباتي كلمة (جعد) من وين جبت الكلمة دي ..
الرجاء تحري الاقتباس
09-03-2009, 03:21 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
Quote: لعرب من أصحاب الشعور السوداء. وهم مثل غيرهم يفاخرون بشعر رئسهم، ويتركونه ينمو ولا يحلقونه على نهو ما كان يفعل اليهود والمصريون. وكانوا يدهنونه؛ ويمشطونه بالمشط، ويتركونه يتدلى على المنكبين. وقد يضفرونه ضفائر. ومنهم من يضفره ضفيرتين يجعلهما تتدليان على جانبي الوجه. وذكر إن العرب تسمي الخصلة من الشعر أو الضفيرة قرناً. ولهذا عرف "المنذر ابن ماء السماء" جدّ "النعمان بق المنذر" ب "ذي القرنين" لضفيرتين كانتا في قرني رأسه. والعرب تكني عن العربيّ بالجعد وعن العجمي بالسوالعرب من أصحاب الشعور السوداء. وهم مثل غيرهم يفاخرون بشعر رئسهم، ويتركونه ينمو ولا يحلقونه على نهو ما كان يفعل اليهود والمصريون. وكانوا يدهنونه؛ ويمشطونه بالمشط، ويتركونه يتدلى على المنكبين. وقد يضفرونه ضفائر. ومنهم من يضفره ضفيرتين يجعلهما تتدليان على جانبي الوجه. وذكر إن العرب تسمي الخصلة من الشعر أو الضفيرة قرناً. ولهذا عرف "المنذر ابن ماء السماء" جدّ "النعمان بق المنذر" ب "ذي القرنين" لضفيرتين كانتا في قرني رأسه. والعرب تكني عن العربيّ بالجعد وعن العجمي بالسبط. والجعد من الشعر خلاف السبط، أو هو القصير منه. وهم يعن بذلك إن سبوطه الشعر هي الغالبة على شعور العجم من الروم والفرس، وجعودة الشعر هي الغالبة. علي شعور العرب. وكانوا إذا. قالوا رجلاً جداً عنوا رجلاً كريماً، كناية عن كونه عربياً سخيّاً، لأن العرب موصوفون بالجعودة. وقد يقصدون بذلك رجلا بخيلا لئيماً، فهو من الأضداد. وذكر إن العرب تقول: رجلاً جعداً، إذا كان قصيراً متردد الخلق. وإذا قالت جعد السبوطة، فإنها تريد بذلك المدح، إلا لن يكون مفلفلاً كشعر الزنج والنوبة، فهو حينئذ ذم وكان الرسول يسدل شعره، ثم فرقه. والفرق إن بجعل شعره فرقتين كل فرقة ذؤابة. والسدل إن يسدله من ورائه ولا يجعله فرقتين. وذكر انه كان يضفره غدائر، والغدائر الضفائر،. وكان إذا طال شعره جعله غدائر أربعاً. وكان يكثر دهن رأسه ولحيته ويكثر القناع كأن ثوبه ثوب زَيّات. وكان يحب لترجّل، وكان يرجل نفسه تارة وترجله عائشة تارة. وترجيل الشعر تسريحه. وقد تقوم به المرأة. ويكون دلك بالمشط. قال امرىء القيس: كأن دماء الهاديات بنحره عصارة حَنّاء بشيب مرجّل
اما عن اللون فاليك الفرق بين الادم، وبقية الالوان:
أخبرنا ابو رجاء قتيبة بن سعيد عن مالك بن أنس عن ربيعة بن أبي عبد الرحمن عن أنس بن مالك أنه سمعه يقول كان رسول الله ليس بالطويل البائن ولا بالقصير ولا بالأبيض الأمهق ولا بالآدم ولا بالجعد القطط ولا بالسبط بعثه الله تعالى على رأس أربعين سنة فأقام بمكة عشر سنين وبالمدينة عشر سنين فتوفاه الله تعالى على رأس ستين سنة وليس في رأسه ولحيته عشرون شعرة بيضاء.
09-03-2009, 05:24 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: ولذلك الاعتماد على هذا الأحاديث لا يقود الى شئ. فلم تغني أوصاف النبي عليه الصلاة والسلام الواردة في كتب المسحية في تأكيد دغواه. ولهذا السبب تركت النقاش في هذا البوست لأن التركيز عليه يؤدي الى حلقة دائرية. .
لمن ربنا تعالي يقول علي لسان نبيه صلي الله عليه و سلم ( قل إن كنتم تحبون الله فاتبعوني يحببكم الله ) نتبعو كيف كان ما بمعرفه الأوامر و النواهي في القران و الاحاديث الانت بتقول الاعتماد عليها لا يقود الى شئ . لكن لانو الاحاديث بتهدم الفكره الجمهوريه و إنتو ما عندكم فيها دليل عايزين تبعدوها ! والله بستغرب كيف ناس يقولو ليك أبعد لينا الاحاديث بتاعت الزول الورانا الدين كلو قرانو و سنتو و تعال نتفاهم بالمنطق بعداك !!
Quote: ليس المهم زعم من يزعم أنه بن مؤيم ولكن المهم معرفة محتوى ما يقول
طيب ده كلام جميل ، ما بنفس المنطق ما تعاين لأحاديث الرسول صلي الله عليه و سلم ، و شوف محتوي ما يقول : يعني لمن صلي الله عليه و سلم يقول : (( تركتكم على مثل البيضاء، ليلها كنهارها، لا يزيغ عنها إلاَّ هالك )) يعني ما خليت ليكم حاجه في الدين ده مفروض تعرفوها ما وريتكم ليها ، لمن يجي الاستاذ يغير في الدين عباداتو و معاملاتو و يسقط حدود منصوصه في القران و ينفي أشياء مثبته في القران و يقول الإسلام برسالتو الأولي لا يصلح لإنسانيه القرن العشرين ، طوالي نمرق الحديث ده و نقول ليه والله في الإسلام مافي كلام زي ده ، أهو ده رسول الإسلام صلي الله عليه و سلم ذاتو قال كلو واضح و مافي شي مفروض تعرفو ما كلمتكم بيهو !! ليه يا دكتور عايزنا ما نشتغل بالأحاديث - اللي هي محتوي رساله المصطفي صلي الله عليه و سلم - و نشتغل بمحتوي رساله الأستاذ محمود ؟!!!! أنا عارف ليه : لانهم الإثنين ما بيجو مع بعض ، واحد فيهم كلامو ما صاح لانهم بناقضو بعض ! نحن إخترنا سيد الأولين و الآخرين صلي الله عليه و سلم ، شوفو إنتو إخترتو منو !!
09-03-2009, 05:59 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: وبهذه المناسبة الفكرة الجمهورية هي طريق محمد الذي يعني تقليده وتجويد تقليده فنحن شيخنا النبي عليه الصلاة واسلام والاستاذ محمود هو مرشدنا في هذا الطريق
أها يا دكتور ده إسمو القاء القول علي عواهنه ! وين شيخكم صلي الله عليه و سلم قال في رساله تانيه ؟! وين قال صلاتو تسقط لمن تجودها وين قال حا يجي وقت الإسلام برسالتو الأولي لا تصلح للقرن العشرين ، عشان كده المصطفي صلي الله عليه و سلم ما شيخكم ، شيخكم محمود محمد طه لانو هو البقول الكلام ده . و كيف يكون الأستاذ مرشد للرسول صلي الله عليه و سلم و هو بناقض ما جاء به ؟! ديل طريقين مختلفين متوازيين ، أصلو ما ممكن يتلاقو !
09-03-2009, 06:10 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: واليوم اذا زعم شخص انه المسيح الموعود فلا سبيل الى معرفة صحة زعمه من الأحاديث الواردة ولكن يمكن التأكد من هذا الزعم من محتوى دعوتهعلى قاعدة تكلموا تعرفو وقد قال المسيح لتلاميذه "اياكم والانبياء الكذبة. قالوا وكيف نعرفهم قال بثمارهم تعرفونهم" وجزء من ثمارهم هذه محتوى دعاويهم.
كلامك ده ما صاح علي الإطلاق ! يا دكتور كميه الاحاديث الوارده عن السيد المسيح بتدي وصف دقيق عن شكلو و مكان نزوله و فعله و عبادتو و قتله للدجال ، يعني تفاصيل كتيره ، لكن لانو الأستاذ ما مذكور بأي حديث عايزين تطلعو أحاديث الرسول صلي الله عليه و سلم ما بتوري تفاصيل و بالتالي ليست ذات بجدوي ! و الله كلام اقل ما يقال عنه إنو ما فيهو توقير لسيد الأولين و الآخرين صلي الله عليه و سلم !
09-03-2009, 06:23 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: طيب يا استاذ أمين ليه استمريت في طرح السؤال والإلحاح عليه بدل ما تدلف لنقاش محتوى الفكرة الجمهورية
لانو في الدين الانا مؤمن بيهو ده ، ربنا قال ( قل إن كنتم تحبون الله فاتبعوني يحببكم الله ) ، حدد زول واحد نتبعو ، و الزول ده صلي الله عليه و سلم ما قال لي إتبع الأستاذ محمود محمد طه ، لو كان قال لي كنت إتبعتو . قال لي إتبع الخلفاء الراشدين المهديين و قال لي إتبع مهدي أخر الزمن و قال لي إتبع السيد المسيح ، و الكلام ده كررو كتير و في أحاديث و مناسبات مختلفه ، و لا مره وحده و أكرر و لا مره وحده ما قال لي إتبع صاحب الفكره ! يبقي ده المحك ما محتوي الفكره .
09-03-2009, 06:26 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: لانو في الدين الانا مؤمن بيهو ده ، ربنا قال ( قل إن كنتم تحبون الله فاتبعوني يحببكم الله ) ، حدد زول واحد نتبعو ، و الزول ده صلي الله عليه و سلم ما قال لي إتبع الأستاذ محمود محمد طه ، لو كان قال لي كنت إتبعتو .
طيب يا أخي نحن لم نقل ليك اتبع الأستاذ محمود محمد طه ولم نجبرك على اتباعه. انت سألت سؤال ونحن قلنا الدليل الذي تطلبه غير موجود غلماذا تطويل الموضوع واللت والعجن
Quote: قال لي إتبع الخلفاء الراشدين المهديين و قال لي إتبع مهدي أخر الزمن و قال لي إتبع السيد المسيح ، و الكلام ده كررو كتير و في أحاديث و مناسبات مختلفه ،
طيب بالله لمن مهدي اخر زمن يجي والمسيح يجئ ويعطوك الدليل على انهن حق وجايين من الله لا تنسى أن تعطينا هذا الدليل
(ولا مره وحده و أكرر و لا مره وحده ما قال لي إتبع صاحب الفكره ! يبقي ده المحك ما محتوي الفكره). لماذا تكرر وما الداعي للتكرار مش أنا من أول مداخلة قلت ليك الديل العائزو مافي غير موجود؟ النبي مرة واحدة ما قال ليك ..طيب خير اذن لك كل الحق في اتباع ما دعاك النبي له وتسمع كلامو ما في مشكلة. هل نحن جبرناك؟ أهو نحن جاوبنا ليك سؤالك: الدليل العاوزو ما عندنا..اوكي ؟ سؤالي الان ماهو الداعي للسير في هذا الموضوع؟ لأنو بصراحة موضوع ممل وغير فكري....طبق الشريعة بكل حذافيرها بعدين تعال قول لينا اتبعت النبي .....مع تحياتي
Quote: طيب يا أخي نحن لم نقل ليك اتبع الأستاذ محمود محمد طه ولم نجبرك على اتباعه. انت سألت سؤال ونحن قلنا الدليل الذي تطلبه غير موجود غلماذا تطويل الموضوع واللت والعجن
سلام يا دكتور كيف ما قلتو لي اتبعو ؟! يعني إنتو تقولو إنكم المقصودين بحديث ( إشتقت لأحبابي ) و إنكم الغرباء اللي المصطفي صلي الله عليه و سلم قال فيهم (طوبي للغرباء ) و إنو عمل الواحد منكم بيساوي عمل سبعين صحابي ، و تقول لي ما قلنا ليك اتبعنا ؟ الخير بتاع إتباع الدعوه الجمهوريه في زعمكم ده ، ما دايرنو لباقي الناس ؟! طيب النقاش في شنو و الحوار في شنو و توزيع كتب الأستاذ الإنتو كنتو بتسمو (الحمله) و الندوات و أركان النقاش و القصه ده كلها في شنو لو ما دعوه للفكره الجمهوريه ؟!
09-03-2009, 07:06 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: طيب بالله لمن مهدي اخر زمن يجي والمسيح يجئ ويعطوك الدليل على انهن حق وجايين من الله لا تنسى أن تعطينا هذا الدليل
الدليل ما بديك ليه أنا يا دكتور ، الدليل ادانا ليه الرسول صلي الله عليه و سلم لمن وصف الناس ديل بشكلهم و هيئتهم و عملهم و مكان نزولهم و تفاصيل دقيقه شامله كامله ، أولم يقل (( تركتكم على مثل البيضاء، ليلها كنهارها، لا يزيغ عنها إلاَّ هالك )) ؟!! إنت كون صاحب فكرتك البتؤمن بيها ما مذكور ، ما تحاول توحي بانو الرسل و الصالحين المذكورين ، ما مذكورين بتفاصيل تخلي الناس تعرفهم لمن يظهرو !!
Quote: النبي مرة واحدة ما قال ليك ..طيب خير اذن لك كل الحق في اتباع ما دعاك النبي له وتسمع كلامو ما في مشكلة. هل نحن جبرناك؟ أهو نحن جاوبنا ليك سؤالك: الدليل العاوزو ما عندنا..اوكي ؟ سؤالي الان ماهو الداعي للسير في هذا الموضوع؟ لأنو بصراحة موضوع ممل وغير فكري....طبق الشريعة بكل حذافيرها بعدين تعال قول لينا اتبعت النبي .....مع تحياتي
الداعي للسير في الموضوع ده إنو نبين خطل الفكره الجمهوريه و عدم خروجها من عباءه الإسلام الحق ، بعدين ضيقكم و شخصنتكم للحوار غير ما بتخصم من رصيدكم من بتعمل حاجه ! و تصوم و تفطر علي خير يا دكتور .
09-03-2009, 07:30 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: من الاقتباس اعلاه، يتضح لنا صدقك ان كلامك مرتب، وما نكتبه ليس الا هرجلة غير مرتبة، واعدك من الان فصاعدا ان احاول ما استطعت ترتيب ما اود كتابته لك..والان، لنري ماذا ورد في مداخلتك..
أنا لمن قلت ليك كلامي مرتب و بالدليل ده كان رد علي كلامك إنو حوارنا معاك عباره عن ونسه !! بعدين أنا ما قلت إنو كلامك هرجلة غير مرتب .
Quote: قبل الدخول في الاجابة لي ملاحظة بسيطة تتمحور في رجائي ان تتحري الدقة في النقل عني ، فالصيغة التي وردت في مداخلتك اعلاه غير دقيقة،،، ثم بعد ذلك لندخل في صلب الموضوع
شفت إنت يا منصوري تجيب الكلام عايم و بعدين تجي تقول نحن بنتونس و نقاشنا معاك ما علمي . مفروض تحدد لي بالظبط عدم الدقه وين ، عشان لو كلامك صاح اقلاهو أعتذر ليك
09-03-2009, 08:08 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: كل الكتب السماوية بما فيها القرأن لم يرد فيها تصريحا مباشرا وواضحا ودليلا حاسما يحوي اسم اي من الانبياء أو الرسل او الشخوص الذين يأتون في قادم الايام، ناهيك عن اجوبة صريحة لأسئلة طرحت علي اولئك الرسل، فهذه كانت اشد غموضا ،و عندك مثال صريح علي هذا ماورد في هذه الاية (يسألونك عن الروح) وكذلك اهل الكهف ، ومن بعدهما الساعة، وغيرها الكثير والكثير مما طرح علي النبي الكريم، ،،
مشكله الأستاذ - في تقديري - إنو طارح نفسو جزء من الإسلام ، في حين إنو كل الناس الجزء من الإسلام مذكورين بواسطه رسول الإسلام صلي الله عليه و سلم . يعني لو الأستاذ جا طرح نفسو رسول من الله بديانه جديده ما كان بكون عندنا معاهو مشكله ، النقاش بيبقي محصور في هل سيدي رسول الله صلي الله عليه و سلم هو أخر الرسل أم لا ! لكن تجو تقولو إنو الفكره الجمهوريه و الرساله التانيه جزء من الإسلام ، مفروض تجيبو لينا دليل من جوه الإسلام و إنتو قلتو ما عندكم الدليل ده !!
Quote: يكفيك اشاراته الي المهدي عليه السلام، فقد كان بأمكانه ان يقول بصريح العبارة ان (اسمه: محمد بن عبد الله) ولكنه زاد الأمر تعقيدا، حين قال (يواطيء اسمه اسمي، واسم ابيه اسم ابي) ،، تري اي غموض حوته يواطيء !! ورغما عن هذا تجدنا اليوم نسلم ونحتج بعلمية القرأن وصحة ادلته !!، مع عدم وجود دليل مقنع واضح وصريح
قلت ليك قبل كده يا منصوري إنو المهدي ده رسول الله صلي الله عليه و سلم ذكرو بالاسم و وصفو وصف و كم سنه حا يحكم و كيف إنو من أهل بيت رسول الله صلي الله عليه و سلم و كيف إنو ربنا سبحانه و تعالي حا يصلحو في ليله و تفاصيل كثيره جدا ، يبقي السؤال المنطقي مش ليه رسول الله صلي الله عليه و سلم قال (يواطيء اسمه اسمي، واسم ابيه اسم ابي) بدل ما يقول (اسمه: محمد بن عبد الله) لانو الاتنين نفس الشي ،السؤال المنطقي مفروض يكون ليه رسول الله صلي الله عليه و سلم ذكر المهدي بتفاصيل كتيره جدا في أحاديث كتيره جدا و ما ذكر الأستاذ ولا مره و الأستاذ و فكرتو بزعمكم من الإسلام ؟!! سؤالي ده - الزهج دكتور الحسين ده - داير ليه إجابه منك يا منصوري : تفسيرك شنو لعدم ذكر الأستاذ و لا مره بواسطه الرسول صلي الله عليه و سلم اللي ذكر مهدي أخر الزمان في أحاديث كتيره ؟!
09-03-2009, 08:39 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: يا صديقي ..طلبك ايراد نص صريح واضح دليلا علي الاستاذ / محمود ، من الكتاب والسنة ليس من اساليب القرأن الكريم والسنة نفسها ، اذا كنت تملك دليلا واحدا علي ان هناك ادلة قطعية وصريحة ادلي بها الكتاب والسنة ، في مثل هذه الأمور، يكون لك شرف ان تتحفنا بها، وانا علي يديك لمهتدون
كيف يا منصوري ما من اساليب القرأن الكريم والسنة ؟! المهدي ده كان ما السنه كنا عرفنا كيف ؟! عوده السيد المسيح لو ما القران و السنه كنا عرفناها كيف ، أي بشر عندو علاقه بالإسلام : مذكور ، الما مذكورين ديل يبقي ما عندهم علاقه بالإسلام .
Quote: ،وانت لا تملك دليلا واحدا علي نبوة النبي محمد، خارج اطار القرأن الكريم سوي انك ولدت مسلما فقط ، وانتقل اليك اليقين من اسلافك دون ان تسأل عن الدليل، فاذا كنت تختلف معنا في هذا التصور يمكنك اخماد صوتنا بدليلا احترنا له كثيرا،،
كلامك سليم : دليلي علي نبوه محمد صلي الله عليه و سلم من القران ، زي ما قلت لدكتور الحسين سابقا : قرأت القران و أمنت بما فيه من معجزات إقتنعت أنه من الله تعالي ، القران ده قال لي ( قل إن كنتم تحبون الله فاتبعوني يحببكم الله ) فعرفت من القران نبوه محمد صلي الله عليه و سلم و وجوب إتباعو . أهلي أدوني دليل صحه الإسلام هو و القران و أنا إطلعت عليهو ! عشان كده لن نمل من ترديد السؤال عن بينه و كتاب الأستاذ طالما إنتو بتزعمو إنه هو رسول من الله . بعدين في نقطه مهمه جدا أري إنكم كلكم كجمهوريين متجاهلنها ، مساله الدليل دي ما جبتها أنا و ما قلت إنو أي رسول من الله لازم يكون عندو بينات و أدله و كتاب منه سبحانه و تعالي ، الكلام ده قالو ربنا سبحانه و تعالي نفسو حين قال عز من قائل ((لقد أرسلنا رسلنا بالبينات وأنزلنا معهم الكتاب والميزان )) . ما عندو الكلام الفي الآيه دي ما يجي يقول هو مأذون ليه من الله و ما تجو تقولو لينا إنو رسول من الله و إنو مافي دليل علي الرسل ، ياخي الله تعالي قال في ، إنتو عشان من تزعمون أنه رسول ما عندو دليل و لا بينه و كتاب من الله تجو تقولو ما في أدله علي الرسل ! ربنا قال في أدله معناتها في أدله ، ما عندكم معناتو صاحب فكرتكم و لا رسول و لا عندو علاقه بالرسل !! !!!!
09-03-2009, 09:06 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: كل الاشارات والاسماء في هذه الكتب كانت تقع في منطقة العموم والغموض ، لتفسح للعقل مكانا للعمل و التحليل للوصول الي نتائج منطقية، وهذا هو الهدف من الدين اساسا (قيادة العقل البشري من منطقة الخوف والخرافة الي منطقة التفكير)، ليتم له المراد من النمو والتطور، لذا تجد معظم ايات القرأن تنتهي ب(لعلهم يعقلون)، اما اولئك الذين كانوا يطلبون الدليل المادي الصرف، فقد قلنا لك في مداخلات لنا سابقة (هم بنو اسرائيل، ومن سار علي نهجهم) وهؤلاء لن يقنعهم الادلة حتي لو رأوا الله جهرة ، فقد قالوها للنبي موسي (لن نؤمن لك حتي نري الله جهرة) هذا هو شكل الدليل الحاسم.وهو ما لم يحظوا به حينها. فأن كنت تريد مثل هذا الدليل ؟؟، فكن صريحا به عندها ستجدنا ان شاء الله من الصامتين. لأن مثل هذه الادلة ليست من نهج الاسلام ولا القرأن ،، فدونك السنة والكتاب، ابحث فيها لعلك تتيقن حينها بأن مرادك ليس مما يجود بها القرأن والحديث النبوي ، فلا تطالب بما لم يقم به القرأن طيلة 14 قرنا ؟؟ قل لي دليلا واحدا او اجابة صريحة وردت في القرأن او الحديث ورد ردا علي سؤال ؟؟،،.
رديت علي مجمل كلامك ده يا منصوري أعلاه ، لكن عندي تعليق بسيط : نحن ما مطالبين الأستاذ يرينا الله جهره ، نحن مطالبنو بدليل إنو جاب كلامو ده من الله تعالي اللي زعم إنو خاطبو كفاحا !! ياخي عمر البشير كان رسل ليه زول سفير في بلد ، بيديه دليل علي إنو مرسل منو ، و لله المثل الأعلى ! عشان كده تفاصيل الفكره الجمهوريه و محتواها ما مهم ، المهم هل هي من الله ولا لا !!
Quote: ان النبي الاعظم عليه الصلاة والسلام، حتي في اسم (عيسي) الذي ورد في بعض احاديثه لم يكن يعني سيدنا عيسي، بل كان بعني اسما مغايرا له تماما، وبأذن الله ساقوم بالتدليل علي هذه النقطة لاحقا.. هناك حقيقة تاريخية اخري، وهي ان العرب المعنيين مباشرة برسالة النبي محمد لم تكن في كتبهم ومعتقداتهم اي اشرة ولو نبوة تتعلق بنبي من العرب، وان اسمه محمد، ناهيك عن صفاته..وكما نعلم جميعا ان اولي الناس بلغتهم هم اهلها، فأن كنت تعتبر القران معجزة اعجزت العرب ؟؟ انظر ماذا قالوا عن القرأن،، لقد وصفوه بالشعر،، ووصفوا النبي بالساحر..تري ماذا قدم لهم النبي من دليل علي انه نبي ورسول؟؟ هذه بعض الاسئلة علي شاكلة اسئلتك،،
يا منصوري ، الرسول صلي الله عليه و سلم ما جا للعرب قال ليهم اتركو عباده الأصنام و الشرك بالله و سكت ! قال ليهم اتركو عباده الأصنام و الشرك بالله و أنا رسول من الله و ربنا أداني كتاب من عندو مصداقا و تأكيدا لكوني رسول منه . دي بيناتي و ده كتابي من الله ! بعد داك يكون في ناس يصدقوه او يكذبوه فده شي طبيعي ، المحك إنو جاب ادلتو علي كلامو . السؤال هل الأستاذ عمل كده ؟! الأستاذ جا قال إنو في رساله تانيه في الإسلام ، صاحب الرساله الأولي صلي الله عليه و سلم ما جاب ليها سيره و لا مره . الأستاذ ما جاب معاهو بينه و لا دليل و لا أي ما يثبت إنه رسول من الله . بس اقرو محتوي الدعوه و خلاص . و ده كلام يا منصوري لا يعتد به شرعا زي ما وضحت ليك . عشان كده المقارنه معدومه بين من عندو دليل و بين الما عندو دليل .
09-03-2009, 09:39 PM
عبد الحي علي موسى عبد الحي علي موسى
تاريخ التسجيل: 07-19-2006
مجموع المشاركات: 2929
إنت دايما يا أخ أمين تسأل: الدليل الدليل الدليل وإذا كل شيء عايز ليه دليل، صدقني لن تعرف. وإذا سلكت طريق الفقه هذا، فلن تصل مع الأخ المنصوري لنتيجة ولن تصل لي الله. وممكن معرفة الفقه تبعد عن النار وتقرب من الجنة، لكنها ليست وسيلة لمعرفة الرحمن. يقول تعالى: (لرَّحْمَنُ فَاسْأَلْ بِهِ خَبِيراً). يعني الرحمن، عايز خبير موش الجنة أو النار. ولاحظت أنك ركزت على الجنة والنار كثيرا. هل توافقني أن (الكبار) لا تهمهم الجنة أو النار كثيرا، إنما تهمنا أنا وإنت. الكبار تهمهم معرفة الرحمن، وهي معرفة غير منتهية، والأستاذ محمود من هؤلاء. الإمام الغزالي يقول: درسنا العلم لغير الله –حرفة الفقه- فأبى ألا يكون إلا لله ويقصد معرفة الرحمن. فاعتزل الناس ودخل الخلوة وبعد عشرة سنوات خرج، وأول ما قاله: كان ما كان، مما لست أذكره**** فظن خيرا ولا تسأل عن الخبر. فالإمام الغزالي ترك الدليل والحرفة وذهب إلى صاحب الدليل والحرفة، فوجده. الجنة والنار: أديك مثال حي هب أن لديك ثلاثة أبناء. الأول يحبك لأنه يريد مالك. الثاني يحبك لأنه يخافك الثالث يحبك، فقط لأنك والده. أظنك توافقني أن الثالث هو المخلص في حبه. عشان كدا، رابعة العدوية قالت: (ما عبدتك خوفا من نارك ولا طمعا في جنتك، إنما حبا في ذاتك) ويقول الله في الزبور: (إن أود الأوداء إلي، من عبدني بغير نوال، إن لم أخلق جنة أو نار، ألم أكن أهلا أن أعبد) فرجائي يا أخ محمد عندما تتكلمون عن أفكار الكبار، اطلبوا السمو لمقاماتهم واجعلونا كذلك معكم ،بدل قصة الجنة والملذات، نعم مطلوبة لكن للصغار. وعشان كل دا أنا حولتك إلى خيط بالأمس ذو صلة بما أدعو له. معليش أخ امين، أسمح لي أن نرجع إلى الخلف قليلا لأنو في مواضيع لم تحسم بعد. مداخلاتي السابقة وأجملها في: حديث (الصلاة معراج العبد إلى ربه)، يعني الصلاة ذات الخمسة أوقات. وحديث (الصلاة صلة بين العبد وربه)، يعني صلاة الصلة. (الذين هم على صلاتهم دائمون) يعطي نفس معنى صلاة الصلة أو سمها صلاة الأصالة.. إنت رأيك إيه؟؟؟؟؟ يعني أعطيني من الفقه معنى الحديثين والآية. وأكرر – رجاءا – أعطني معنى الحديثين والآية. لأني طلبت هذا من قبل ولم أجد إلا قولك: دليلك ...دليلك.ٍ وإذا اتفقت معي على عدم التكرار، فهذا يعني الصلاتين وإلا فأعطني تفسير هذين الحديثين.
أما حديث أبي هريرة (ورثت وعائيين الخ....) فموجود في صحيح البخاري وكأن سؤالك عن تخريج الحديث هذا، يعني أنك توافقني إذا ما ثبتت صحته. فهل وجدت هذا الحديث في صحيح البخاري؟؟؟؟ هو موجود. أها معناه شنو؟؟؟؟ وزي ما قال د. أحمد: النبي (ص) آمنوا بيهو لأنو الناس عارفاه ما بكذب.لكن بالدليل ما ح يآمنوا لو نزلت ليهم مائدة من السماء. او: الدليل للمبتدئ، البعرة وللمنتهي البعير. او: توضأ بماء الغيب إن كنت ذا سر،،،،،،،،،وإلا تيمم بالصعيد أو الصخر تعني فيما تعني: أترك الدليل، إن كنت كاملا. وإلا فكن من أهل الدليل.
مع تحياتي لك والأخ أب بالا واسع المنصوري.
09-04-2009, 01:12 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
الفوق داك كلو كان ردي لأولا ، و ده ردي لثانيا : تقول يا منصوري :
Quote: المسيح نفسه لم يقدم دليلا واحدا مقنعا لليهود الذين ارسل لهم، ولم تكن هناك اشارة واحدة في التوراة تدل اسمه صراحة، وأن كانت الاشارات عنه كثيرة في التوراة، ولكنها علي طريقة الحديث الذي اوردناه ،، لذلك تجدهم حاربوه وقتلوه وصلبوه ، وما ايمانك بتفويضة من الله سبحانه وتعالي الا نتيجة لأيمانك بالقرأن ، هذا هو الدليل الوحيد الذي تملكه، وهو لم يقدم بينة واحدة علي رسالة المسيح كما وردت في الانجيل.بل ان اهل الكتاب انفسهم رفضوا اعتراف القرأن بنبوة ورسالة المسيح، بالصيغة التي وردت في القرأن .
السيد المسيح ما قدم دليل واحد مقنع لليهود ؟!!! بالله يا منصوري ده كلام ؟!! السيد المسيح شال ليهو طينه و عملها طيره بإذن الله ، يقول تعالي :" ياعيسى ابن مريم اذكر نعمتي عليك.. إذ علمتك الكتاب والحكمة والتوراة والإنجيل وإذ تخلق من الطين كهيئة الطير فتنفخ فيه فتكون طيراً بإذنى" السيد المسيح أحيا الموتي قال تعالي : " وأبرىء الأكمه والأبرص وأحيى الموتى بإذن الله". كلم الناس في المهد ، قال تعالي : "ويكلم الناس في المهد وكهلاً" السيد المسيح كان بيعلم الغيب ، قال تعالي : "وأنبئكم بما تأكلون وما تدخروه في بيوتكم" دي معجزات و خرق للعاده تعطي الرسول مصداقيه أمام قومه . يبقي كيف ما قدم دليل واحد مقنع لليهود ؟!!! ولا هو كلام و السلام ؟!!!
09-04-2009, 01:34 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: ثالثا: تحدثت في السابق عن لوي عنق الحقيقة، والان عن كسر عنق الاحاديث ولم تورد دليل واحد علي ان تفسيرنا للأحاديث يخالف نصها، كل الذي اوردته تفاسير لبعض العلماء لا يملكون دليلا هم انفسهم علي صحة تفاسيرهم،وكل كتاباتهم تنتهي ب (الله اعلم بمراده) تري ماذا تعني لك هذه الجملة ؟؟
بالله عليك يا منصوري ما أوردت ليك دلايل علي خطا تفسيرك للحديث ؟! ياخي أنا جبت ليك سته نقاط : واحد إتنين تلاته أربعه خمسه سته ، لكنك لانك ما رديت عليها ، إفتكرتني ما أوردتها !!! و عشان تاني ما تتكلم ساي ، حا أجيبهم ليك بكوتاتم :
Quote: أولا : تقول :
Quote: علي فكرة ولا رواية واحدة اشارت الي انه المسيح عيسي بن مريم، واحد فقط اورد شكه في ان كان ما سمعهة هو عيسي بن مريم ام بن مريم فقط، وذلك الراوي: عبدالله بن عمر - خلاصة الدرجة: صحيح - المحدث: مسلم - المصدر: المسند الصحيح - الصفحة أو الرقم: 169، وهو يدعم قولي بان هناك فرقا بين (عيسي بن مريم، وبين بن مريم) وتعال نشوف الكلام ده كيف...
كيف يعني يا منصوري ولا رواية واحدة اشارت الي انه المسيح عيسي بن مريم ؟! إنت أوردت روايه الحديث الما مذكور فيهو اسم المسيح أو عيسي ، فقط بن مريم و الروايه كالاتي : حدثنا ابو اليمان، اخبرنا شعيب عن الزهري، اخبرني سالم بن عبد الله بن عمر ان عبد الله بن عمر رضي الله عنهما أنا أوردت تلاته روايات فيهم المسيح أو عيسي بن مريم و الروايات كالاتي : 1 حدثنا يحيى بن يحيى قال قرأت على مالك عن نافع عن عبد الله بن عمر 2 حدثنا بن نمير حدثنا أبي حدثنا حنظلة عن سالم عن بن عمر 3 حدثنا محمد بن إسحاق المسيبي حدثنا أنس يعني بن عياض عن موسى وهو بن عقبة عن نافع قال قال عبد الله بن عمر و الأحاديث دي يا منصوري في صحيح مسلم كتاب الايمان رقم 1.71 باب ذكر المسيح بن مريم والمسيح الدجال ، و الرابط أهو ده : http://ar.wikisource.org/wiki/%D8%B5%D8%AD%D9%8A%D8%AD_...AF.D8.AC.D8.A7.D9.84 جبنا ليك الحديث مروي بثلاث روايات مختلفه و الراوي الأخير واحد و هو عبدالله بن عمر ، يعني يا منصوري تلاته أحاديث مرويه عن عبد الله بن عمر : إتنين بيذكروه بإسم المسيح بن مريم و واحد قالو (عيسى بن مريم أو المسيح بن مريم لا ندري أي ذلك ) و من صحيح مسلم نفسو ، و حكمه ربنا الكلام ده تحت باب يسمي : باب ذكر المسيح بن مريم والمسيح الدجال عليك ا لله يا منصوري عاين لما تحته خط في التبويب ، الباب ذاتو إسمو باب ذكر المسيح بن مريم ، ما بن مريم ساي ، يبقي كيف تقول : Quote: ولا رواية واحدة اشارت الي انه المسيح عيسي بن مريم، واحد فقط اورد شكه في ان كان ما سمعهة هو عيسي بن مريم ام بن مريم فقط،
Quote: ثانيا تقول
Quote: المعلومات الأولية المتوفرة عن هذا الرجل تقول:
الاسم: بن مريم. الجنس: ذكر الديانة: الاسلام لون البشرة: ادم الشعر: سبط.
الإسم بينا ليك إنو إسمو عيسي بن مريم أو المسيح بن مريم ، ما بن مريم ساي . و شكلنا متفقين في الجنس و الديانه و لون البشره . نجي للشعر ، تقول : Quote: ثانيا : شعرو لا سبيب لا قرقدي،، بين بين يعني.
( سبط ) : يعني سبييبي و سبط عكس جعد ، يعني ما قرقدي . ما عارف كيف إنت توصلت لي إنو معني سبط ( لا سبيب لا قرقدي،، بين بين يعني) لانو الكلام ده ما صاح ، سبط يعني سبييبي !!!
Quote: ثالثا : هذا الرجل من امة محمد (لطوافه حول الكعبة) و ليس بحال من الاحوال عيسي بن مريم، فالمسيح عيسي بن مريم،بجانب ان النبي وصفه بأن له بشرة بيضاء مشرئبة بحمرة، ، كانت له شريعته الخاصة، بينما نجد هذا الرجل (المسمي بن مريم) اسود اللون ويؤدي مناسكة طبقا لشريعة محمد (الطواف حول الكعبة) ..
ده كلام عجيب يا منصوري ! كيف يعني السيد المسيح ما حا يتبع الشريعه الإسلاميه لمن يعود أخر الزمان ؟!! حسي نحن نصدق كلامك و لا كلام المصطفي صلي الله عليه و سلم : 1 روى مسلم عن أبي هريرة عن رسول الله أنه قال: والذي نفسي بيده ليهلنّ ابن مريم بفج الروماء حاجاً أو معتمراً أو ليثنينّهما .( مسلم رقم 216 2 اخرج أحمد عن أبي هريرة قال: قال رسول الله : ينزل عيسى ابن مريم فيقتل الخنزير ويمحو الصليب وتجمع له الصلاة ويعطي المال حتى لا يقبل، ويضع الخراج، وينزل الرحماء فيحج منها أو يعتمر أو يجمعهما، قال وتلا أبو هريرة: (وَإِن مِّنْ أَهْلِ الْكِتَابِ إِلاَّ لَيُؤْمِنَنَّ بِهِ قَبْلَ مَوْتِهِ) [18] 3 اخرج أحمد عن أبي هريرة أن النبي قال: الأنبياء أخوة لعلات[19]،أمهاتهم شتى، ودينهم واحد، وإني أولى الناس بعيسى ابن مريم، لأنه لم يكن بيني وبينه نبي، وأنه نازل فاعرفوه، رجل مربوع (معتدل)، إلى الحمرة والبياض، عليه ثوبان ممصران[20] كأن رأسه يقطر، وإن لم يصبه بلل، فيدق الصليب، ويقتل الخنزير، ويضع الجزية ويدعو الناس الى الإسلام، ويهلك الله في زمانه الملل كلها إلا الإسلام، ويهلك الله في زمانه المسيح الدجال، ثم تقع الأمانة على الأرض حتى ترقع الأسود مع الإبل، والنمار مع البقر، والذئاب مع الغنم، ويلعب الصبيان بالحيات لا تضرهم، فيمكث أربعين سنة ثم يتوفى ويصلي عليه المسلمون.
يبقي كيف السيد المسيح عليه و علي نبينا أفضل الصلاه و أتم التسليم ما حا يتبع شريعه الإسلام ؟! و لو السيد المسيح يومئذ ما مسلم ، المسلم منو ؟! و الأحاديث قدامك : حا يصلي و يحج و يعتمر و ويقتل الخنزير ويمحو الصليب !!!
Quote: المداخله دي تابعه لأولا :
Quote: حدثنا ابو اليمان، اخبرنا شعيب عن الزهري، اخبرني سالم بن عبد الله بن عمر ان عبد الله بن عمر رضي الله عنهما قال: قال رسول الله (صلي الله عليه وسلم) ((بيا انا نائم رأيتني اطوف بالكعبة ، فأذا رجل ادم سبط الشعر بين رجلين ينطف رأسه ماءا، فقلت من هذا ؟ قالوا: بن مريم ...فذهبت التفت فأذا رجل احمر جسيم جعد الرأس اعور العين اليمني، وكأن عينه طافئة فقلت من هذا؟ قالوا: هذا الدجال اقرب الناس به شبها بن قطن))
Quote: اخرج أحمد عن أبي هريرة أن النبي قال: الأنبياء أخوة لعلات[19]،أمهاتهم شتى، ودينهم واحد، وإني أولى الناس بعيسى ابن مريم، لأنه لم يكن بيني وبينه نبي، وأنه نازل فاعرفوه، رجل مربوع (معتدل)، إلى الحمرة والبياض، عليه ثوبان ممصران[20] كأن رأسه يقطر، وإن لم يصبه بلل، فيدق الصليب، ويقتل الخنزير، ويضع الجزية ويدعو الناس الى الإسلام، ويهلك الله في زمانه الملل كلها إلا الإسلام، ويهلك الله في زمانه المسيح الدجال، ثم تقع الأمانة على الأرض حتى ترقع الأسود مع الإبل، والنمار مع البقر، والذئاب مع الغنم، ويلعب الصبيان بالحيات لا تضرهم، فيمكث أربعين سنة ثم يتوفى ويصلي عليه المسلمون.
بالله يا منصوري تأمل ما تحته خط في الحديثين ! و لا أزيد !!
Quote: خامسا خلينا نفترض إنو الرسول صلي الله عليه و سلم فعلا قال بن مريم بس . ما المسيح عيسي بن مريم : الله تعالي يقول عنه صلي الله عليه و سلم ( و ما ينطق عن الهوى ، إن هو إلا و حي يوحى ) هل ممكن لمن المصطفي صلي الله عليه و سلم يقول (فقلت من هذا ؟ قالوا: بن مريم ) يكون قاصد زول إسمو محمود محمد طه ، أو محمود ود فاطمه بت محمود ؟ هل بيتفق ده مع شهادتنا بأنه صلي الله عليه و سلم تركنا علي المحجه البيضاء ؟!!! زول داير يوصفني عشان لمن الناس تشوفني تعرفني ما ممكن من ضمن الوصف يقول للناس إسمو منصوري ! بيبقي كذب و إفتراء حتي لو تطابقت صفات أمين و منصوري ،أي زول ما كضاب لن يسمي أمين محمد سليمان ، جمال المنصوري ، ناهيك عن الصادق الأمين صلي الله عليه و سلم الذي لا ولم و لن يسمي محمود محمد طه أو محمود ود فاطمه , بن مريم !! المنع المصطفي صلي الله عليه و سلم يقول (فقلت من هذا ؟ قالوا: محمود ) أو (بن فاطمه ) ، المانعو شنو كان هو قاصد الأستاذ ؟ المنعو شنو في أحاديثو كلها صلي الله عليه و سلم إنو ما يذكر الأستاذ صراحه ؟ هل بيضللنا ؟ هل بيخفي علينا و يصعب لينا في الأمور ؟ هل ما عارف كان بيقول في شنو ؟ حاشاه ، حاشاه ، حاشاه بأبي و أمي صلي الله عليه و سلم !!! !!!
Quote: حوار عابر في مساله الشبه بين السيد المسيح و الأستاذ : أو سادسا
- إنت قلت إنه الرسول صلي الله عليه و سلم سمي الأستاذ بن مريم - هو سماهو بن مريم عشان في شبه شديد مع المسيح بن مريم - شبه في في شنو ؟ - السيد المسيح عدل شريعه موسي ، و الأستاذ عدل شريعه النبي المعصوم - السيد المسيح اليعدل كان عدل ، عارفنو رسول و القران و الأحاديث مليانه بيه و جا بكتابو و بيناتو ، الأستاذ ده لا آيه ، لا حديث ، لا عندو كتاب من الله لا عندو بينه ، يعدل كيف ؟! - والله الأستاذ مأذون ليه بالتعديل - أدينا دليل علي إذنو ده ! - مافي دليل ، نحن مصدقنو بس كده !!! و بالمناسبه في أوجه شبه تانيه بينو و بين السيد المسيح . زي شنو يعني - الإثنين قتلو و صلبو - بمنطقك ده ابن مريم مفروض يكون الحلاج لانو الحلاج قتل و صلب الأستاذ عرفنا إنه مات مقتول ، لكن ما صلب - و الإثنين قبرهم غير معروف - ياخي أنا عندي جدي لليله ما عارفين قبرو وين ، هل ده بيعني إنو في شبه بينو و بين السيد المسيح يخليه يغير دين الله ؟
09-04-2009, 01:45 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: رابعا: ( رجل ادم)، لم تكن يوما من الايام تعني رجل ابيض مشرئب الحمرة، فوصف اللون بالادم كما وردت في مداخلتنا السابقة تعني (اللون الاسود الفاتح، او اللون الاحمر الداكن اي المائل الي السواد) ، واستعانتك بكتابات بعض المفسرين الذين ارادو ان يسبغوا هذا اللون علي سيدنا عيسي فهو من باب التضليل،،المسيح عيسي عليه السلام ، لون بشرته (ابيض مشرئيب بالحمرة) كما وصفه النبي حسب الاحاديث الصحاح، وكما ورد في الوثائق الاسرائيلية، والرومانية، ولم يكن فيه صفة من صفات السمار ، يمكنك ان تراجع كلمة (رجل ادم) في جميع قواميس اللغة،وبما انني احب ان اكون واضحا وصريحا مع المختلفين معي فسأكون صريحا معك ،( الكلام الجاي ده لغم صغير) بقية الصفات مثل (اجلي الجبهة واقني الانف ) واللتي تعني (جلحات وانف مستقيمة واسعة، ووصف عيونه بالجميلة) وردت في صفات المهدي المنتظر...!!!
هسي يا منصوري رجل ابيض مشرئب الحمرة ما ممكن يكون اسود فاتح، او أحمر داكن مائل الي السواد ؟ و ده باستخدام شرحك إنت ذاتك ، يعني الزول البلوصف ده أقرب لزول زي ما بنقول حلبي . بعدين اللون ده ذاتو ما حاجه ثابته طول الوقت ، اللون بتغير بتغير الظروف المحيطه و بعامل السن أيضا ، طبعا ما تغيير جذري لكن تغيير ممكن يخلي الزول الابيض مشرئب الحمرة يكون أحمر داكن مائل الي السواد .
09-04-2009, 01:55 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: خامسا: لو ترويت قليلا اخي امين، لأدركت بانه ليس هناك وجه شبه بين الحلاج والمسيح عيسي بن مريم ،فالحلاج ليس صاحب شريعة، ولم تكن له دعوة معروفة، ولم يعدل في القواعد الاساسية لشريعة النبي، انما كان هائما في الحقيقة الربانية..
الحلاج ده يا منصوري أنا ضربت بيه مثال كزول قتل من أجل فكرو ، الأستاذ قتل لكن ما صلب ، الحلاج قتل و صلب ، يبقي هو أكثر شبها للسيد المسيح من جهه القتل و الصلب من الأستاذ ، عشان كده أنا اوردتو ليك كمثال. بعدين ياخي كيف تستشهد لي بشريعه الأستاذ ؟ لو كنا نعلم للأستاذ شريعه لما كان هناك نقاش أصلا ، الأستاذ بالنسبه لينا رجل عندو فكر مخالف لما تركنا عليه سيد الخلق أجمعين و بالتالي فكرو لا يلزمنا ، يعني زيو و زي الحلاج و من هنا كان المثل .
09-04-2009, 02:55 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
دعني اخالفك الرأي، فهناك مسافة بينهما بقدر (ذهبت اتلفت) لو كانت الرؤية في نفس الوقت للأثنين كان يمكن ان يكون الزمان واحد، ولكن هنا الاسبقية لأبن مريم، فهو من بدأ للنبي اولا، ثم بعد ذلك ذهب النبي يتلفت، فقياسا بالزمان في الرؤية، فالالتفاته الواحده تعني دهرا، فما بالك بعدة التفاتات ( ذهبت اتلفت)
أنا جبت ليك الحديث ده مروي بروايات تانيه : حدثنا يحيى بن يحيى قال قرأت على مالك عن نافع عن عبد الله بن عمر أن رسول الله صلى الله عليه وسلم قال أراني ليلة عند الكعبة فرأيت رجلا آدم كأحسن ما أنت راء من آدم الرجال له لمه كأحسن ما أنت راء من اللمم قد رجلها فهي تقطر ماء متكئا على رجلين أو على عواتق رجلين يطوف بالبيت فسألت من هذا فقيل هذا المسيح بن مريم ثم إذا أنا برجل جعد قطط أعور العين اليمنى كأنها عنبة طافية فسألت من هذا فقيل هذا المسيح الدجال
حدثنا محمد بن إسحاق المسيبي حدثنا أنس يعني بن عياض عن موسى وهو بن عقبة عن نافع قال قال عبد الله بن عمر ذكر رسول الله صلى الله عليه وسلم يوما بين ظهراني الناس المسيح الدجال فقال إن الله ليس بأعور ألا إن المسيح الدجال أعور عين اليمنى كأن عيينة عنبة طافية قال وقال رسول الله صلى الله عليه وسلم أراني الليلة في المنام عند الكعبة فإذا رجل آدم كأحسن ما ترى من آدم الرجال تضرب لمته بين منكبيه رجل الشعر يقطر رأسه ماء واضعا يديه على منكبي رجلين وهو بينهما يطوف بالبيت فقلت من هذا فقالوا المسيح بن مريم ورأيت وراءه رجلا جعدا قططا أعور عين اليمنى كأشبه من رأيت من الناس بابن قطن واضعا يديه على منكبي رجلين يطوف بالبيت فقلت من هذا قالوا هذا المسيح الدجال
حدثنا بن نمير حدثنا أبي حدثنا حنظلة عن سالم عن بن عمر أن رسول الله صلى الله عليه وسلم قال رأيت عند الكعبة رجلا آدم سبط الرأس واضعا يديه على رجلين يسكب رأسه أو يقطر رأسه فسألت من هذا فقالوا عيسى بن مريم أو المسيح بن مريم لا ندري أي ذلك قال ورأيت وراءه رجلا أحمر جعد الرأس أعور العين اليمنى أشبه من رأيت به بن قطن فسألت من هذا فقالوا المسيح الدجال
التلاته روايات دي منها إتنين بتذكر (ورأيت وراءه ) و وحده (ثم إذا أنا برجل) يعني التلاته روايات بتتكلم عن حاجه حاصله في نفس الوقت ، بعدين غير كده في أحاديث تانيه إنو السيد المسيح عليه و علي نبينا أفضل الصلاه و أتم التسليم حا يصلي مأموم للمهدي . إذن الناس ديل حا يجو في نفس الوقت . بعدين إنت جبت قصه إنو الالتفاته الواحده في الرؤيه تعني دهرا دي من وين .
09-04-2009, 05:11 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: إنت دايما يا أخ أمين تسأل: الدليل الدليل الدليل وإذا كل شيء عايز ليه دليل، صدقني لن تعرف. وإذا سلكت طريق الفقه هذا، فلن تصل مع الأخ المنصوري لنتيجة ولن تصل لي الله. وممكن معرفة الفقه تبعد عن النار وتقرب من الجنة، لكنها ليست وسيلة لمعرفة الرحمن. يقول تعالى: (لرَّحْمَنُ فَاسْأَلْ بِهِ خَبِيراً). يعني الرحمن، عايز خبير موش الجنة أو النار. ولاحظت أنك ركزت على الجنة والنار كثيرا. هل توافقني أن (الكبار) لا تهمهم الجنة أو النار كثيرا، إنما تهمنا أنا وإنت. الكبار تهمهم معرفة الرحمن، وهي معرفة غير منتهية، والأستاذ محمود من هؤلاء.
يعني يا عبد الحي ، يجي زول يغير في الدين عباداتو و معاملاتو و يسقط حدود منصوصه في القران و ينفي أشياء مثبته في القران و يقول في رساله تانيه في الإسلام و إنو الإسلام برسالتو الأولي لا يصلح لإنسانيه القرن العشرين . و ما علينا إلا نقول ليه صدقت لانك من الكبار ؟!!!! ده كلام شنو يا عبدالحي ؟!!!! الأغرب من ده كلامك بتاع الكبار ديل لا تهمهم الجنه و النار ! و لو هم لا تهمهم الجنه و النار أنا والله بتهمني ، ياخي القران ده كلو غير اتقو الله عشان تخشو الجنه و تبعدو من النار فيهو شنو ؟! إحترت ذاتو أجيب ليك ياتو آيات و أخلي ياته ! يا عبد الحي يا أخوي الأستاذ ما طارح نفسو مفكر شغال في الفكر الإسلامي ، الأستاذ طارح نفسو رسول من الله خاطب الله تعالي كفاحا و الله تعالي أذن له بتغير دينه ، يبقي المنطق إنو يدينا دليل علي إنه رسول مأذون منه تعالي بتغيير دينه . لانو إذا في دليل إنو رسول بعده الكلام البقولو لينا علي العين و الرأس لانو ببقي الكلام ما كلامو ، ببقي كلام الله تعالي ، لكن يجي يقول أنا رسول من الله و ما عندي ليكم دليل ، نقول ليه ربنا قال ((لقد أرسلنا رسلنا بالبينات وأنزلنا معهم الكتاب والميزان )) يعني أي رسول لازم يكون عندو دليل ، أها يا عبد الحي نسمع كلامكم و لا كلام خالقكم ؟!!!
09-04-2009, 06:30 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: حديث (الصلاة معراج العبد إلى ربه)، يعني الصلاة ذات الخمسة أوقات. وحديث (الصلاة صلة بين العبد وربه)، يعني صلاة الصلة. (الذين هم على صلاتهم دائمون) يعطي نفس معنى صلاة الصلة أو سمها صلاة الأصالة.. إنت رأيك إيه؟؟؟؟؟ يعني أعطيني من الفقه معنى الحديثين والآية. وأكرر – رجاءا – أعطني معنى الحديثين والآية. لأني طلبت هذا من قبل ولم أجد إلا قولك: دليلك ...دليلك.ٍ وإذا اتفقت معي على عدم التكرار، فهذا يعني الصلاتين وإلا فأعطني تفسير هذين الحديثين.
فهمي ل (الصلاة معراج العبد إلى ربه) إنك لمن تقول الله أكبر و تبتدى الصلاه فانت بتبتدي رحله الي الله تعالي مفروض تكون خاشع كليه لمن أنت راحل إليه ، و أعتقد (الصلاة صلة بين العبد وربه) ما محتاج شرح فالمعني واضح . بالنسبه للأيه (الذين هم على صلاتهم دائمون) تفسيرها عند ابن كثير كالاتي :
Quote: قال ابن كثير- رحمه الله - في التفسير:
قال تعالى: { الَّذِينَ هُمْ عَلَى صَلاتِهِمْ دَائِمُونَ }
(يشير رحمه الله إلى قول الرسول صلى الله عليه وسلم: " لَا يَبُولَنَّ أَحَدُكُمْ فِي الْمَاءِ الدَّائِمِ الَّذِي لَا يَجْرِي ثُمَّ يَغْتَسِلُ فِيهِ " فالدائم فسره النبي صلى الله عليه وسلم بالذي لا يجري أي أنه ساكن وراكد.. وعلى هذا يحمل قوله تعالى:(دائمون) على الخشوع)
يعني يا عبد الحي الحديثين و الأيه بيتكلمو عن نفس صلاتنا المعروفه دي ، إنو الفرد المسلم لازم يجود صلاتو و يخشع فيها لانها هي الصله البين الله تعالي و بين الفرد المسلم . إنت استندت عليهم لإثبات أن صلاه الاصاله من الإسلام : تعريف صلاه الاصاله - و صلحني لو غلطان - هي الصلاه التي إذا قلدنا صلاه الرسول صلي الله عليه و سلم بإتقان و بتجويد يفضي لسقوط صلاتنا كمقلدين و نبتدي ناخدها كفاحا من الله تعالي !! يعني تكون بتصلي صلاتنا بهيئتها المعروفه ركوع و سجود ....الخ بعداك تجود الصلاه دي كويس لحدي ما ربنا سبحانه و تعالي يسقطها عنك و يديك صلاه جديده تكون حقتك براك ! عايز أعرف كيف الحديثين و الأيه ديل ممكن يكونو دليل علي صحه صلاه الاصاله ؟! و ده الكلام القلتو ليك المره الفاتت . إنتو يا عبد الحي يا أخوي لانو دعوتكم دي ما عندها دليل من الكتاب و السنه أخير تبقو زي دكتور الحسين القال الكلام ده عديل ، بدل لولوه الاحاديث و الآيات عشان تثبتو بيها حاجه مافي في الدين !!
09-04-2009, 09:30 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
من ما بدا البوست ده ، بديت أتلقى رسائل و تعليقات كثيره عنو من كميه من الاخوان خارج المنبر في بريدي الخاص لانو أنا خاتي إيميلي في البروفايل ، و لأن كل الايميلات الوردت كانت كلها بتساند وجهه نظري ما نشرت و لا حتي ذكرت أيا منها هنا . اليوم تلقيت رسله من الاخ ساتي عبد الله ، أنشرها كما وردت و حا أعلق عليها إن شاء الله :
Quote: الاخ العزيز / امين السلام عليكم و رحمه اللله وبركاته اولا الرجاء انزال رسالتي هذه و اعتبروها مداخله مني واذا كنت فعلا كما تذكر انك تريد الحقيقه ولاشي غير الحقيقه ثانيا و الله انا ما جمهوري وفي المداخله دي اعتبرني شيوعي لا ديني امريكي روسي اواي شي بس ما مسلم ثالثا انا متابع البوست دا والله من بداياتو كلمه كلمه البوست من مابدي قلتو حتناقشو موضوع الجهاد علي حسب ما اقترح الاخ المنصوري شويه شويه بقيت تقول انو الاستاذ رسول الرساله الثانيه مع انو الاستاذ نفسو بقول في كتبو انو محمد (ص) هو رسول الرساله الاولي و الرساله الثانيه وقدر ما الاخوه الجمهوريين بقولو ليك الكلام دا في اكثر من خمسين مداخله انت مصر انو هو رسول الرساله الثانيه وبعد داك انت بقيت تطالب بالدليل انو هو رسول وصدقني انت بمثل حوارك دا بضر بالاسلام كثير من غير ان تعلم بحجه انو الرسول لم يذكر اسم الستاذ محمود صراحه وبندي بالذات الاخوه المسيحيين انو خالص مايصدقو انو في نبي بعد سيدنا عيسي . انت بتقول بعدم ذكر اسم الاستاذ الرسول(ص) عاوز يضللنا بنفس منطقك دا موش الرسول (ص) ربنا في القران قالبو انو يقول لينا الرسول الجاي بعد سيدنا عيسي اسمو محمد ماتجي تقول لي محمد واحمد ما واحد والكلام دا ذكرو ليك المنصوري لكنك لم تجبه وخت في بالك انا مامسلم وكمان بالمره جيب لي دليل انو في يوم قيامه وانو في جنه ونار وبرضو خت في بالك انو انا ما مسلم وفي حاجات لا انت ولا الرسول مابتقدرو تجيبو ليهو دليل وبرضو النقطه دي ذكرو ليك الاخ المنصوري خلاصه القول سيب الحاجات الكبيره ديلاصحاب المقامات العاليه وصدقني في بون شاسع بين نقاشك والاخوه الجمهوريين وارجوك ان تكون من الجراءه بمكان وان تنزل الرساله هذه كما هي اسف للكتابه لانو ما عندي كي بورد عربي ولك مني كل الود
09-05-2009, 03:08 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: البوست من مابدي قلتو حتناقشو موضوع الجهاد علي حسب ما اقترح الاخ المنصوري شويه شويه بقيت تقول انو الاستاذ رسول الرساله الثانيه مع انو الاستاذ نفسو بقول في كتبو انو محمد (ص) هو رسول الرساله الاولي و الرساله الثانيه وقدر ما الاخوه الجمهوريين بقولو ليك الكلام دا في اكثر من خمسين مداخله انت مصر انو هو رسول الرساله الثانيه وبعد داك انت بقيت تطالب بالدليل انو هو رسول و
والله قصه الجهاد دي و إنو إتفقنا علي النقاش فيها أنا أول مره أسمع بيها منك هنا . في أول مداخله لي في البوست بعد المطايبه أنا قلت :
Quote: ما أظن في خلاف سواء كنا جمهوريين او لا في إنو ما اتي به الأستاذ محمود ما إجتهاد عالم او عارف ، لكن كلام بيتطلب إنو يكون الأستاذ محمود نبي مرسل او علي علاقه خاصه بالله تعالي تسمح له بتلقي الرساله التانيه و من ثم تبيانها للناس ! السوال : ما هي هذه العلاقه الخاصه للأستاذ محمود بالله تعالي اللي بتسمح ليهو يغير في عباده المسلمين من لدن الرسول صلي الله عليه و سلم و حتي ألان و ما هو الدليل عليها بافتراض إنو رسالتو موجهه للبشريه جمعاء ؟! السوال ده ممكن نعتبرو مدخل للنقاش ....
و ده كان رد المنصوري في أول مداخله ليهو :
Quote: اخي العزيز امين
دعنا نشبع هذه النقطة حقها من النقاش، اذا انها حيوية ومهمة في الحوار، حتي لا نلجأ اليها كثيرا... ولتكن هذه الجزئية هي المحور..
يعني من الأول نحن إتفقنا إنو نناقش مأذونيه الأستاذ البتخليهو يغير في الدين ، فما عارف مساله إنو أنا و المنصوري إتفقنا علي نقاش موضوع الجهاد دي إنت جبتها من وين ؟!
فيما يختص بموضوع الرساله التانيه ففعلا أنا في الأول كنت فاهم إنو الأستاذ هو رسول الرساله الثانيه ، و لمن المنصوري وضح لي إنو الرسول صلي الله عليه و سلم هو رسول الرساله التانيه في مداخلتو بتاريخ 8/2 ، لم أذكر أبدا إنو الأستاذ هو هو رسول الرساله التانيه ، بل كنت - و ما زلت - أقول إنو الأستاذ رسول من الله لانو ده فهم أخوانا الجمهوريين ذاتهم ، يعني ده كلامهم هم ، خليهم يجو يقولو إنو ما رسول من الله و لو أنا رددت إنو رسول من الله أبقي غلطان ، لكن تجي تلومني علي زعم و إدعاء حقهم هم ، تبقي غلطان . بعدين ياخي وين كررو لي في خمسين مداخله ؟!! ولا كلام و السلام ؟!! بعدين يا ساتي يا أخوي الأستاذ مش رسول بزعمهم و بس ، الأستاذ هو بن مريم الحا يجي أخر الزمان و حسي ماشين في إتجاه نقاش إنو مهدي أخر الزمان ذاتو !!
09-05-2009, 03:23 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: وصدقني انت بمثل حوارك دا بضر بالاسلام كثير من غير ان تعلم بحجه انو الرسول لم يذكر اسم الستاذ محمود صراحه وبندي بالذات الاخوه المسيحيين انو خالص مايصدقو انو في نبي بعد سيدنا عيسي . انت بتقول بعدم ذكر اسم الاستاذ الرسول(ص) عاوز يضللنا بنفس منطقك دا موش الرسول (ص) ربنا في القران قالبو انو يقول لينا الرسول الجاي بعد سيدنا عيسي اسمو محمد ماتجي تقول لي محمد واحمد ما واحد والكلام دا ذكرو ليك المنصوري لكنك لم تجبه
جاء في السيرة الحلبية:1 / 82 : و كانت أُمّه ( عليها السَّلام ) قد سمّته أحمد قبل أن يسمّيه جدّه . و في 1/78 : أما " محمد " فقد سمَّاه به جده عبد المطَّلِب في اليوم السابع من ولادته ، و معناه كثير الخصال المحمودة ، و قيل أنه لم يُسَمَّ بهذا الإسم أحد قبل نبينا ( صلَّى الله عليه و آله ) . و عندما سُئل عبد المطلب عن سبب إختياره هذا الأسم لهذا المولود أجاب : أردت أن يُحمَد في السماء و الاَرض [3] . يعني الاسمين إسمو صلي الله عليه و سلم ، فكونو الله تعالي قال أحمد في موضع و قال محمد في أربع مواضع أخريات ، ده ذاتو أكبر دليل علي صحه الاسمين .
09-05-2009, 04:40 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1145
ان شاء الله ح اجاوب ليك كل الكتبتو انت فوق ده نقطة نقطة.. كدي النبدأ بي دي ، وعشان ما اجوط الموضوع ده، ح ارد علي كل نقطة لوحدها وسوف انتظر ردك عليها وبعد ردك ح ارد علي النقطة التي تليها..:
Quote: قلت ليك قبل كده يا منصوري إنو المهدي ده رسول الله صلي الله عليه و سلم ذكرو بالاسم و وصفو وصف و كم سنه حا يحكم و كيف إنو من أهل بيت رسول الله صلي الله عليه و سلم و كيف إنو ربنا سبحانه و تعالي حا يصلحو في ليله و تفاصيل كثيره جدا ، يبقي السؤال المنطقي مش ليه رسول الله صلي الله عليه و سلم قال (يواطيء اسمه اسمي، واسم ابيه اسم ابي) بدل ما يقول (اسمه: محمد بن عبد الله) لانو الاتنين نفس الشي ،السؤال المنطقي مفروض يكون ليه رسول الله صلي الله عليه و سلم ذكر المهدي بتفاصيل كتيره جدا في أحاديث كتيره جدا و ما ذكر الأستاذ ولا مره و الأستاذ و فكرتو بزعمكم من الإسلام ؟!! سؤالي ده - الزهج دكتور الحسين ده - داير ليه إجابه منك يا منصوري : تفسيرك شنو لعدم ذكر الأستاذ و لا مره بواسطه الرسول صلي الله عليه و سلم اللي ذكر مهدي أخر الزمان في أحاديث كتيره ؟!
اتنين وخمسين حديث وردت في المهدي المنتظر، لم يرد فيها اسمه صراحة، وبعد كل الاوصاف الدقيقة الأنت قلت عليها دي، جاء النبي عليه افضل الصلاة والسلام، ومسح كل ده، وقال (لا مهدي الا عيسي) .... كدي حل لينا الشربكة دي ؟؟
عشان كده اتمني انك تراجع معلوماتك دي كلها...
لك مودتي
09-05-2009, 05:15 AM
الزوول الزوول
تاريخ التسجيل: 05-14-2003
مجموع المشاركات: 2463
Quote: جاء النبي عليه افضل الصلاة والسلام، ومسح كل ده، وقال (لا مهدي الا عيسي) .... كدي حل لينا الشربكة دي ؟؟
..... ممكن تعرف لينا مدى صحة الحديث ده؟
لأن الحديث لم يتعد كونه موضوعاً أو منكرأً أو ضعيفاً حسب تقييم علماء الحديث
وأرجو مستقبلاً أن نستبعد مثل هذه الأحاديث الضعيفة أو الموضوعة أو المنكرة من النقاش ....
Quote: هل حديث : (لا مهدي إلا عيسى) صحيح ؟.
الحمد لله
هذا الحديث رواه ابن ماجه في سننه (4039) .
وتكاد تتفق كلمة المحدثين على تضعيف هذا الحديث .
فقد ضَعَّفَهُ الْبَيْهَقِيُّ وَالْحَاكِمُ وشيخ الإسلام ابن تيمية في منهاج السنة (8/256) وابن القيم في المنار المنيف (ص 148) .
وقال الذهبي في "ميزان الاعتدال" (3/535) : هو خبر منكر اهـ .
وقال القاري في "مرقاة المفاتيح" (10/183) : ضعيف باتفاق المحدثين اهـ .
وذكره الشوكاني في "الفوائد المجموعة" (127) وقال : قال الصغاني : موضوع اهـ .
وقال الألباني في "سلسلة الأحاديث الضعيفة" (77) : منكر اهـ .
وإن صح هذا الحديث –وهو لا يصح- فمعناه لا مهدي كامل أو معصوم إلا عيسى ابن مريم . ذكره القرطبي وابن القيم وابن كثير .
فلا ينافي ذلك خروج المهدي في آخر الزمان ، والذي سيجتمع بعيسى ابن مريم عليه السلام ، ويصلي عيسى خلفه مأموماً .
وقد سبق في إجابة السؤال رقم (1252) الأدلة من السنة على خروج المهدي في آخر الزمان بالصفات التي ذكرها الرسول صَلَّى اللَّهُ عَلَيْهِ وَسَلَّمَ ، فلا تعارض هذه الأحاديث الصحيحة بمثل هذا الحديث الضعيف .
انظر : الأحاديث الضعيفة (1/89) للألباني ، و"الموسوعة في أحاديث المهدي الضعيفة والموضوعة" للبستوي (ص 94-104) .
عارف سعادتك قوقل ده ما بخدم غرض كتير ،، واعتراض بعض المحدثين علي هذا الحديث لا ينفي صحته، خصوصا وانه منسوب الي الحسن وهل تضعيف المحدثين بينة؟؟ اليك ما قاله المعترضون: فأما حديث لا مهدي إلا عيسى ابن مريم فرواه ابن ماجة في سننه عن يونس بن عبد الأعلى عن الشافعي عن محمد بن خالد الجندي عن أبان بن صالح عن الحسن عن أنس بن مالك عن النبي وهو مما تفرد به محمد بن خالد، قال أبو الحسين محمد بن الحسين الآبري في كتاب مناقب الشافعي محمد بن خالد هذا غير معروف عند أهل الصناعة من أهل العلم والنقل وقد تواترت الأخبار واستفاضت عن رسول الله بذكر المهدي وأنه من أهل بيته وأنه يملك سبع سنين وأنه يؤم الأرض عدلا وأن عيسى يخرج فيساعده على قتل الدجال وأنه يؤم هذه الأمة ويصلي عيسى خلفه، وقال البيهقي تفرد به محمد بن خالد هذا وقد قال الحاكم أبو عبد الله هو مجهول وقد اختلف عليه في إسناده فروي عنه عن أبان ابن أبي عياش عن الحسن مرسلا عن النبي، قال فرجع الحديث.إلى رواية محمد بن خالد وهو مجهول عن أبان بن أبي عياش وهو متروك عن الحسن عن النبي وهو منقطع، والأحاديث على خروج المهدي أصح إسنادا.
هل تفتكر ده سبب كافي للتضعيف.. طيب وكت كدي بتحب الحق والحقيقة، ما تعترض علي السيرة الحلبية الجاب (امين محمد سليمان) منها حديث التسمية احمد، وانت عارف السيرة الحلبية لأبن العجلوني بعض الائمة قالوا عنها شنو ؟؟ خصوصا حديث رؤية النبي لربه ( علي صورة شاب امرد) ومعارضة ذلك الحديث لحديث السيدة / عائشة)
الحبيب الزول:
الكلمة مسئولية واخفاء الحقائق او طمسها له عواقبه، فأن كنت رجلا حقانيا بحق، فاحكم بني وبين امين بالحق، بين لنا الخطل، في كتابتنا نحن الاثنينـ لا انت تنتحي جانبا، تنكر بعض الكتاب وتؤمن ببعضه الاخر..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أمين محمد سليمان
جمال المنصوري
عبدالله عثمان
الزوول
الشامي الحبر عبدالوهاب
حمور زيادة
بريمة محمد
د.أحمد الحسين
عبد الحي علي موسى
فيس بوك
تويتر
انستقرام
يوتيوب
بنتيريست