لكن ما لقيتكـ من سنة 2 :) الولد ده غنااااااااي يا بوليص وكان ماسكـ الصحافة من حدها ليي حدها :) يا عمر كان عندي ناس عمي في 24 ما أظهر إلا يوم حفلة محمد اسماعيل وانا زول نوم معاهم :)
01-21-2011, 12:45 PM
omer osman omer osman
تاريخ التسجيل: 06-09-2007
مجموع المشاركات: 15218
يااا جنابو يا راااقي .. الزول دا ككو عدييييل في الغناء ياخي ... الكاشف وصلاح محمد عيسى كان بجلّعنا بيهم جلّيع الجن .. بسمة ونظرة دي لا حولاااااااااا تخليك تحن غصبا عنك ... وهو ذااااااااتو في رقبتو زولا سمح بالحيل وحبوووووووووب لمن صاااااح .
طبعا الكلام الفوق دا كلللو من الشرايط يعني ما حضرنا زمنو ... (غمزة عيييين)
Quote: Quote: محمد اسماعيل ، فيصل الصحافة ، عمار السنوسى ، الخالدى
ديل كلهم والله 100% واضيف ليهم كمان دفعتي في المدرسة خالد الصحافة خطيييييير الزول ده ........
نسيتوا اكثرهم اطراباً وامتاعاً يا عبد الدائم وجنابو .. احمد عوض (عجوز) كل من استمع لهذا الفنان (فغر فاه) طربا ودهشةً ومتعةً .. حتى حبايبنا الفنانين فيصل والمرحوم الخالدي وعمار ومحمد اسماعيل وخالد محجوب والموصلي (صحافابي برضو) كلهم يطربون حد الثمالة لهذا العجوز احمد عوض ...
لكن بصراحة محمد اسماعيل خطييييييييييييير ... عليك الله يا جنابو كتر لينا من روائعو الأدائية دي هنا وخلينا نستمتع بيهو ..
وكمان نسألك فضلك في فتح بوست لكل واحد ممن ذكروا هنا على حدا وامتاعنا بالاداء الرااائع لكل واحد فيهم .. دمتم يا حلوين
01-23-2011, 12:29 PM
ياسر السر ياسر السر
تاريخ التسجيل: 08-06-2010
مجموع المشاركات: 3204
يا سلام يا جنابو محمد إسماعيل فعلاً فنان حتى النخاع ,,, وعلى حسب علمي هو موجود ولكن كسول وفي شي تاني موت رفيق دربه الموسيقار سليمان أبو داؤود أثر عليه تأثير كبير ومحمد إسماعيل يخجلك بتواضعه وأدبه وهدوؤه العجيب فنان في كل شي حتى في كلامه، ((وقدحصل لي معه شي عجيب وهو أن أكون مستمع له في بداياتي وأن أكون فنان معه في حفل واحد في أحدى المناسبات)) لقد شاءت الأقدار أن أكون مستمع له في مطلع الثمانينات في حفل زواج إبن خالي وكم كانت فرحتي عندما مرت الأيام وتعرفت عليه في مركز الخرطوم جنوب ولحسن حظي في إجازتي قبل الماضية في السودان كنا سوياً في حفلة أوفر نايت في الصحافة مربع 25 وبالتحديد في بيت ناس الاخ خالد إدريس وهذا كان شرف عظيم لي أن أغنى مع فنان بقامته ،،،، وفي هذه الإجازة لم أتمكن من مقابلته بالرغم من إني ذهبت مرة أخرى الصحافة مربع 25 في مناسبة حفل زواج ولكن للأسف كنت أتمنى واتوقع ان أقابله هناك ولكن لم أتمكن من ذل وللأسف لم أجد من أسأله عنه ،،،، ولكن فعلاً الفنان محمد إسماعيل مظلوم إعلامياً وهذا حال القائمين على أمر الفن والإعلام في بلادي يتيحون فرص لفنانين أنصاف مواهب وغير جديرين بأن يسلط عليهم إي نوع من الإعلام ،،، وفي فترة سابقة كان محمد إسماعيل ملء السمع خاصة في منطقة الصحافات ولا يفوتني ان أذكر صنوه الفنان الكبير أحمد عوض ( عجوز) فقد شكلا سنائية خطيرة في تلك الفترة الجميلة التي كنا فيها نستمتع بالغناء الجميل من جيل الفنانين : محمد إسماعيل ، عمار السنوي ، أحمد عوض ، فيصل الصحافة ، الطيب مدثر ، جلال الصحافة ، عماد الكاشف ، وآخرون لا استحضرهم الآن ،، شكراً يا جنابو على هذا الألق فمحمد إسماعيل يستحق الوقوف من أجله ،، ويا ريت تواصل في البوست الجميل ده ،،
تحياتي : ياسر العيلفون
01-23-2011, 01:06 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
Quote: يا سلام يا جنابو محمد إسماعيل فعلاً فنان حتى النخاع ,,, وعلى حسب علمي هو موجود ولكن كسول وفي شي تاني موت رفيق دربه الموسيقار سليمان أبو داؤود أثر عليه تأثير كبير ومحمد إسماعيل يخجلك بتواضعه وأدبه وهدوؤه العجيب فنان في كل شي حتى في كلامه، ((وقدحصل لي معه شي عجيب وهو أن أكون مستمع له في بداياتي وأن أكون فنان معه في حفل واحد في أحدى المناسبات)) لقد شاءت الأقدار أن أكون مستمع له في مطلع الثمانينات في حفل زواج إبن خالي وكم كانت فرحتي عندما مرت الأيام وتعرفت عليه في مركز الخرطوم جنوب ولحسن حظي في إجازتي قبل الماضية في السودان كنا سوياً في حفلة أوفر نايت في الصحافة مربع 25 وبالتحديد في بيت ناس الاخ خالد إدريس وهذا كان شرف عظيم لي أن أغنى مع فنان بقامته ،،،، وفي هذه الإجازة لم أتمكن من مقابلته بالرغم من إني ذهبت مرة أخرى الصحافة مربع 25 في مناسبة حفل زواج ولكن للأسف كنت أتمنى واتوقع ان أقابله هناك ولكن لم أتمكن من ذل وللأسف لم أجد من أسأله عنه ،،،، ولكن فعلاً الفنان محمد إسماعيل مظلوم إعلامياً وهذا حال القائمين على أمر الفن والإعلام في بلادي يتيحون فرص لفنانين أنصاف مواهب وغير جديرين بأن يسلط عليهم إي نوع من الإعلام ،،، وفي فترة سابقة كان محمد إسماعيل ملء السمع خاصة في منطقة الصحافات ولا يفوتني ان أذكر صنوه الفنان الكبير أحمد عوض ( عجوز) فقد شكلا سنائية خطيرة في تلك الفترة الجميلة التي كنا فيها نستمتع بالغناء الجميل من جيل الفنانين : محمد إسماعيل ، عمار السنوي ، أحمد عوض ، فيصل الصحافة ، الطيب مدثر ، جلال الصحافة ، عماد الكاشف ، وآخرون لا استحضرهم الآن ،، شكراً يا جنابو على هذا الألق فمحمد إسماعيل يستحق الوقوف من أجله ،، ويا ريت تواصل في البوست الجميل ده ،،
تحياتي : ياسر العيلفون
شهادة خبير ........ وزول بعرف في الفن كويس .....
ومحمد اسماعيل لايزال صغير في السن ويمكنه العطاء لسنوات ..........
ياريت يا ياسر تفتشوهو انتو زملائه وتشجعوهو على العودة لجمهوره ...........
01-23-2011, 02:39 PM
ياسر السر ياسر السر
تاريخ التسجيل: 08-06-2010
مجموع المشاركات: 3204
لك الشكر أخي جنابو عمر على ما وصفتني به بأنني خبير وأعرف في الفن كويس وهذه شهادة أضيفها لشهاداتي على الرغم من أنني ليس بخبير ولكن قد أكون بعرف في الفن بصورة مقبولة ،، ولكن للأسف يا جنابو أنا مقيم خارج السودان ولكن أنتم حسب علمي في السودان فيمكنكم أن تبحثوا عن هذا الفنان الجميل وتحاولو أن تبحثوا أسباب غيابه ،،، وشكراً مرة اخرى ...
قبل سنتين كان زواج شقيقتي وأصرت قالت إلا محمد إسماعيل وبالفعل أتصلت به وأنا في غربتي الحزينة فوافق مشكور بإحياء الحفل والحمد لله تمكنت من اللحاق بالمناسبة وأستمعت بالحفل إيما استمتاع.
Quote: العجب يا عمر لو سمعهت في اغنية ((قول ليهو قول ليهو)) تطريب للطيش
والله يا طارق جبريل أصريت عليه إنو يبدأ في الفاصل التاني بــ (قول ليهو قول ليهو ) وفعلا في تلك اللحظة أستعدت أجمل أيام شبابي
Quote: طبعا الكلام الفوق دا كلللو من الشرايط يعني ما حضرنا زمنو ... (غمزة عيييين)
أمير الجمري ياخ نحن دافننو سوا تحياتي ليك يا ع.......... مالك ما داير تتصل بي !!!! ياخ أنا ما دايرك، داير أسلم على الحاجة
01-23-2011, 03:59 PM
اسماء الجنيد اسماء الجنيد
تاريخ التسجيل: 03-31-2010
مجموع المشاركات: 4731
سلام يا عمر وكل الشبيبة في العام 96 كان زواج خالي وممنين نفسنا بحفلة كااااااااااااااربة لفنان مخضرم ده غير عصام محمد نور فنان العائلة
اها بعد سفري الكتير ده بقيت اجهل تماما الاسماء الجديدة للمطربين جينا في سيرة الخال والعروسة بتنا والحفلة في الواحة الجو رهييييييييييب نهاية الشتاء طلع المسرح فنان اول مرة اشوفو سألتهم الفنان منو قريبي قال لي واحد قالوا غناي اسمو محمد اسماعيل ما اكذب عليكم طنطنت وزعلت وقلت ليهم معقولة بس دايرين تجربوا لينا فنان جديد في عرسنا ؟؟ اول ما بدأ بدأ للكاشف وحاتكم بحلقت عيوني لامن آآآآآآآآآآآآآآآآآآآمنت وتاني يا الرقيص جاك بلاء رقصنا لما اشتكا مننا الرقيص بجد فنان له صوت ما عادي ما شاء الله ولديه مقدره للتطريب عااااااااااالية جدا عرفت انه من الصحافة سألت منه مره الاخ فيصل الصحافة قال لي ده راجل فنان وصديق قريب لكنه مقل جدا وما مواظب في الساحة الفنية من هنا نناشد معاك يا عمر برجوع الاخ محمد اسماعيل ونتمنى ليه دوام التقدم ويا ريت لو عمل شريط خاص بيه ورجع للساحة الافتقدته جداااااااااا شكرا يا ابو عبد الرحمن
Quote: طلع المسرح فنان اول مرة اشوفو سألتهم الفنان منو قريبي قال لي واحد قالوا غناي اسمو محمد اسماعيل ما اكذب عليكم طنطنت وزعلت وقلت ليهم معقولة بس دايرين تجربوا لينا فنان جديد في عرسنا ؟؟
هههههههههههههههههههه اتخيلت شكل الاحباط الجاك ..........
Quote: اول ما بدأ بدأ للكاشف وحاتكم بحلقت عيوني لامن آآآآآآآآآآآآآآآآآآآمنت وتاني يا الرقيص جاك بلاء رقصنا لما اشتكا مننا الرقيص بجد فنان له صوت ما عادي ما شاء الله ولديه مقدره للتطريب عااااااااااالية جدا
ههههههههههههه كيف ما بتامني يااسماء ..........
احتمال يكون عرف انو في جمهور جديد قام زاد ليكم الجرعة ..........
Quote: سألت منه مره الاخ فيصل الصحافة قال لي ده راجل فنان وصديق قريب لكنه مقل جدا وما مواظب في الساحة الفنية
ياااخ فيصل الصحافة ذاتو قولي ليهو اظهر ........... اخر شريط ليهو في اول التسعينات
كان بغني فيهو (وحياة المحنة) و (عيونك كانو في عيوني) اموووووووووت والقي الشريط ده
01-23-2011, 09:39 PM
omer osman omer osman
تاريخ التسجيل: 06-09-2007
مجموع المشاركات: 15218
Quote: قبل سنتين كان زواج شقيقتي وأصرت قالت إلا محمد إسماعيل وبالفعل أتصلت به وأنا في غربتي الحزينة فوافق مشكور بإحياء الحفل والحمد لله تمكنت من اللحاق بالمناسبة وأستمعت بالحفل إيما استمتاع.
زولة راقية وبتفهم في الغناء ياصديق .........
طيب ياخ ما تتصل عليه مرة تانية وتقول ليهو الناس بتسأل عن غيابك لعل المانع خير ...........
01-23-2011, 09:37 PM
omer osman omer osman
تاريخ التسجيل: 06-09-2007
مجموع المشاركات: 15218
Quote: والله يا طارق جبريل أصريت عليه إنو يبدأ في الفاصل التاني بــ (قول ليهو قول ليهو ) وفعلا في تلك اللحظة أستعدت أجمل أيام شبابي
يا صديق كيفنك تعرف آخر يوم لينا في امتحان الشهادة بالليل كنت مع دكتور طارق محمد حسين في مربعكم سمعنا صوت حفلة قلنا الا نكتلها لقيناها في مربع 1 في الامتداد لقينا فيها محمد دة يمين لمن غنا ((قول ليه قول ليه)) يمين اخوك كندك ليك الواطة عدييييييييييييييل
يا جنابو انت ما ملاحظ كل الناس الدخلت عندك دي من اولاد الامتداد عشان بس تآمن انه الامتداد دة ما بيطلع الا الفنانين وكونه اديناك بتنا ((الفنانة)) مفروض تحمد ربك ليل نهار
01-24-2011, 00:12 AM
اسماء الجنيد اسماء الجنيد
تاريخ التسجيل: 03-31-2010
مجموع المشاركات: 4731
Quote: النبي فيك كان زعلتي بس جنابوة دة معرس مننا في الامتداد وشايقيي ألتنا كمان قلنا نشاغلو شوية
وحاتك ناس الامتداد ديل غير السكسكة ما عندهم شي
حباب ود امي عاد انا بزعل منك ات آ ود ابوي جبريل ؟ كاوي ساااااااي وحاتك انا زاتي علا اكاويه معاك هو جنابو كان ما بتكم دي كان لقالو مرا فنجرية ؟ مباري لي الديش على قول حبوبتي لوولز البركة اللميتوه لينا كان لي هسي يزازي بي البلود تسلم ام عبد الرحمن يا يمة ست البنيات لالالالا حدهن وكمان مريخابي بري منو بري
مشاققة عاد يا ام عبد الرحمن ان بقيت طلعتي مريخابية علا انا اشوفلي بلد من راجلك وراجلي اتفاصح سااااااااااي وماني عارفة الجاياني ودعتكم الله
01-24-2011, 01:08 AM
ahmed khidir ahmed khidir
تاريخ التسجيل: 03-20-2003
مجموع المشاركات: 1004
اجمل مافي البوست ده مرور كل الناس الجميلين محمد اسماعيل يتملك صوت جميل وتطريب عالي وفي وقت من الاوقات كان من اكتر الفنانين حضورا لكن للاسف الشديد اختفي من الساحه الفنيه تماما قد يكون السبب الاساسي الاعتماد علي اغنيات الاخرين اذا استغل في ذلك الوقت حضوره المميز واعمتد ولو علي بعض اغنياته الخاصه افتكر كان ح يكون مواصل حتي اليوم مشكله الفنان مهما كانت امكانياته لايمكن ان يستمر الا بي اغنياته الخاصه تمنياتي للفنان محمد اسماعيل بالعوده مجددا بي اغنياته الخاصة
01-24-2011, 07:52 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: قد يكون السبب الاساسي الاعتماد علي اغنيات الاخرين اذا استغل في ذلك الوقت حضوره المميز واعمتد ولو علي بعض اغنياته الخاصه افتكر كان ح يكون مواصل حتي اليوم مشكله الفنان مهما كانت امكانياته لايمكن ان يستمر الا بي اغنياته الخاصه تمنياتي للفنان محمد اسماعيل بالعوده مجددا بي اغنياته الخاصة
تعرف يا احمد ........
المشكلة مرات فينا نحن المستمعين ديل ما بنشجع الفنان على الخاص .......
دايرين طوالي نسمع منهم الحقيبة والكاشف وعثمان حسين ووردي ......
وتقبل الجديد منهم صراحة داير مثابرة واجتهاد شديد من الفنان وتنازل من انانيتنا نحن كمستمعين ...
01-24-2011, 00:52 AM
عماد شمت عماد شمت
تاريخ التسجيل: 12-02-2004
مجموع المشاركات: 3857
ياسلام على الفنان المبدع محمد اسماعيل .... الرائع ده كان لمن اغني في اركويت تلقي الناس كلها منتشية خالص... عدت فترة كده كان كل خميس تلقي شغال حفلات طوالي بالذات منطقة الخرطوم جنوب من نمرة 3 وحتي اخر الصحافات محمد اسماعيل كان المطلوب رقم واحد....
راي شخصي في اتنين بس قلدو فنانيين بحس فني عاااااالي جداااااااااااااااا محمد اسماعيل -الكاشف زمراوي ود مدني -الجابري
الاتنين ديل احلي اتنين في التقليد ومتعة في الاداء والحضور وللاسف الشديد رغم اصواتهم الجميلة ماوجدو حظهم... التحية للرائع صاحب البوست
01-24-2011, 05:26 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: محمد اسماعيل مشكل غياب تام ليهو فترة احتمال يكون في القاهرة لسه ؟
في كل الاحوال نرجوا ان يكون بخير وعافية .....
قاااااااااااااااااااااااااااعد يحميد سيدو ولسه بيغني ورابط قروب المزيكا بتاع مركز جنوب وديل مجانين مزيكا رسممممممي
وحاتك يا جنابو المزيكاتيه لما يشتغلو مع زول بيعرف يغني صااااح بيقولو عليهو بعاتي اها محمد اسماعيل ده ياهو البعاتي ذااااااااااااتو
غايتو نحنا عيال الرميلة والقوز والحلة الجديدة ناس الصحافة ديل تعبو مننا تعب شديد حفلات محمد اسماعيل دي حقتنا رسمممممممي لا عندنا قضية بالجكس لا بالعشاء ناس غناء سااااااااكت ونمشي اهلنا مبسوطين . في القوز في واحد اسمو قاسم الاسمراني ده حكاية براهو .
سلام يا جنابو يا احمر ومحبة .
01-24-2011, 07:35 AM
امير عوض الجمري امير عوض الجمري
تاريخ التسجيل: 04-25-2006
مجموع المشاركات: 2560
Quote: أمير الجمري ياخ نحن دافننو سوا تحياتي ليك يا ع.......... مالك ما داير تتصل بي !!!! ياخ أنا ما دايرك، داير أسلم على الحاجة
توأم رووووووووووووحي صديق حمدتو (قيدص وتدمح) والله مشتااااااااااااااااااااق ليك شوق العميان لي متعة النظر ....
ومشتاق لي جلسة بعد حفلة من حفلات محمد اسماعيل نتسامر فيها ونقول عليك الله شفت الزول الكارثة دا غنى قول ليهو قول ليهو دي كيف ... ياخي دا مجنون عديل كدا العجب الليل الليل ما بنومو كأني انا حارس نجومو ...
مشتاق ليك بالحييييييييييييييييييييييييييييل
01-24-2011, 08:06 AM
omer osman omer osman
تاريخ التسجيل: 06-09-2007
مجموع المشاركات: 15218
والله ناس الصحافة ديل تعبانين تعب شديد نلقاها من ( ضهب الامتداد ) ولا الميناء البرى الجديد
لا عليك الله يا سفيان نابرى كان ما اتعشيت وبيتـا كمان عشان تحضر الصبحية .... شوف قوة العين ......
وكمان بتاع الكلاكلة داك الاسمو سيف اليزل ، والله الا تبيت فى ابو حمامة الا كان داير جلال الصحافة بنديهو ليكم ... الصبر قاسى والكلاكلة سفر
لكن يا ياسر العليفون كيفتنى فى حنانى
Quote: ولحسن حظي في إجازتي قبل الماضية في السودان كنا سوياً في حفلة أوفر نايت في الصحافة مربع 25 وبالتحديد في بيت ناس الاخ خالد إدريس
الله .. الله من ناس 25 وحلاوة الحفلات فيها
غايتو يا جنابو زى ما قال ليك صديقى العزيز احمد خدر البوست لمة احلى الناس صديق حمدتو مشتاقين ، عماد عويس ، بت الجنيد ، امير الجمرى وطارق جبريل احكى لينا عن ميدان مدرسة الشهيد الطاهر
البوست ده ناقص معاوية محمد ولد 24 ومعاهو علووووووب
01-24-2011, 10:28 AM
صديق حمدتو صديق حمدتو
تاريخ التسجيل: 03-19-2006
مجموع المشاركات: 451
تحياتي يا عبد الدائم وإنشاء الله تكون بلغت تمام العافية
Quote: البوست ده ناقص معاوية محمد ولد 24 ومعاهو علووووووب
على ذكر علوووب يا عبد الدائم - محمد إسماعيل حكى لي موقف طريف جداً حصل ليهو مع علوووب وقال: "علوب متعود يمر عليهو كل يوم وهو راجع من الشغل ويسأله "الليلة الشغل وين يا أستاذ؟" يوم الحفلة كانت في العزوزاب لكن محمد إسماعيل تلخبط وقال ليهو الحفلة في اللاماب وفي نادي الخرطوم جنوب محمد أكتشف إنو الحفلة في العزوزاب وليس اللاماب، فقال لي ضحكت في سري وقلت علوب الليلة حا يشرب مقلب دولي، وواصل محمد إسماعيل في الحكاية وقال لمن طلعت الفاصل الثاني وفي الأغنية الأولى ألقى ليك علوووب بنطط قدامي - تعرف علوب لف شوارع اللاماب شارع شارع ما لقى الحفلة ومن سؤال لسؤال لحدي ما وصل العزوزاب محل الحفلة. علووب تحفة ياخ وأخونا أمير الجمري عنده مقولة طريفة عن علووب: بيقول علوب ده أكثر من شخص واحد لأنو بيكون موجود في أكثر من حفلة في وقت واحد
Quote: وكمان ياطارق لوسمعتو في (فتنت بيه) مووووت احمر .........
ودي فتنت بيه عشان خاطر جنابو الراقي
01-24-2011, 10:54 AM
ياسر السر ياسر السر
تاريخ التسجيل: 08-06-2010
مجموع المشاركات: 3204
راي شخصي في اتنين بس قلدو فنانيين بحس فني عاااااالي جداااااااااااااااا محمد اسماعيل -الكاشف زمراوي ود مدني -الجابري
الاتنين ديل احلي اتنين في التقليد ومتعة في الاداء والحضور وللاسف الشديد رغم اصواتهم الجميلة ماوجدو حظهم... التحية للرائع صاحب البوست
الأخ خالد،،،،
وما تنسى الفنان سابقاً و المادح حالياً (الجيلي الشيخ ) فقد كان يجيد تقليد الموسيقار العملاق محمد وردي بصورة جميلة ،،، وكمان الفنان الجيلي عبد الماجد أجد تقليد الفنان الكبير عبد العزيز داؤود ،،، وكمان ما تنسى الفنان ياسر عبد الوهاب ( ياسر سيد خليفه) فقد أجاد تقليد سفير الأغنية السودانية الفنان سيد خليفه بصورة جيده أيضاً ،،، وكمان ما تنسى الفنان أحمد عثمان بركات فقد أجاد تقليد عميد الفن السوداني الفنان احمد المصطفى ،، وآخرين لا أستحضرهم الآن ..
تحياتي : ياسر العيلفون
تخريمه : يا خالد أن شاء الله تكون ساكن في محطة البلابل ؟؟؟
01-24-2011, 11:02 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
غَنَّاي .. يمين غناي يا عمر .. أكيد بتعرف كم واحد مر عليك في الحي أو المدرسه حريف في الكوره ويتفوق على أي Messi ولكن تجده لايهتم بها ولا يسعى إلى شهرة أو مجد من ورائها ويتركها مبكرا بينما عدد من معدومي الموهبة متفرغين ليها ، أها يا عمر زولك دا من النوع الأول. تغنى بأغاني الكاشف فأبدع ، يقوقي لصلاح محمد عيسى فيُشجى..
شكرا لك ولضيوفك وودجبرين الممسوس..
01-24-2011, 12:04 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
ممكن تزحوا لينا شويه عاملين لينا فيها اولاد خرتوم وبتسمعوا ههههههه ياعمر انت بتقرا افكارنا وللا شنو في واحد من بوستاتك عايز اشاغلك واجيب ليك سيرة صاحبك ربيع الفنان محمد اسماعيل نرجع لموضوعنا طبعا محمد اسماعيل اصدر اول شريط له مابين عام 1986م و1987م وكان متوفر باستريو ( فورسكو فون ) ولابس فيهو قميص كاروهات جميل وبعد التسجيل ختفو منه صاحبنا هشام بيتي ( السجانة ) عندما نتحدث عن محمد اسماعيل لابد ان نتحدث عن عماد الكاشف واحمد عجوز ( الصحافة ) والبحرواي باعتبار انهم افضل من تغنى بروائع الكاشف في الشريط الذي ذكرته كاني يغني اغنية للكاشف كانت غير متداوله بتقول عودتني غيابك عودني ظهورك يوم شريط ممتع وجميل ولكن حفلاته يتسلطن بها بطريقته الخاصة ويغني يقول : ( ابوي ياوالد ماتبقى لي عارض == احرجت ود الناس بكلامك البارد ) الاغنية دي يجعها ليك وسط اغنية المهرجان وبسمه ونظرة وكل البينا بقى حكاية ياخي مبالغة لما يقول : (تنسى ليه وانا قلبي بتذكر كتير يوم لقيتك وهويتك ) لوما متأكد انو الفنان الكاشف قد رحل من دنيا الاحياء لقلت انه من يغني وغير تقليدة الفائق للكاشيف يضيف لمسته اثناء الغناء ويقول إت إت إت وريتني الحنان بطريقة حلوة ومزازيك الف من النوع البمتع ليك ناس الجمري تعرف ياعر جنابو لما نكون عايزين نستمتع بحفلة في بحري نحن وناس ربيع وامين الشمين وبيتي بنجيب محمد اسماعيل وطبعا صاحبك ربيع كوقتها كان عامل فيها دنجوان وكمل لينا كريم ياردلي من كل الصيدليات ببحري خوفا من الصلعة وبرضو ماخلتو هه هه هه . . يجي عبد الدايم سيد احمد يقول لينا الصحفات والكلاكلات
01-24-2011, 12:21 PM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
Quote: نرجع لموضوعنا طبعا محمد اسماعيل اصدر اول شريط له مابين عام 1986م و1987م وكان متوفر باستريو ( فورسكو فون ) ولابس فيهو قميص كاروهات جميل وبعد التسجيل ختفو منه صاحبنا هشام بيتي ( السجانة ) عندما نتحدث عن محمد اسماعيل لابد ان نتحدث عن عماد الكاشف واحمد عجوز ( الصحافة ) والبحرواي باعتبار انهم افضل من تغنى بروائع الكاشف في الشريط الذي ذكرته كاني يغني اغنية للكاشف كانت غير متداوله بتقول عودتني غيابك عودني ظهورك يوم شريط ممتع وجميل ولكن حفلاته يتسلطن بها بطريقته الخاصة ويغني يقول : ( ابوي ياوالد ماتبقى لي عارض == احرجت ود الناس بكلامك البارد ) الاغنية دي يجعها ليك وسط اغنية المهرجان وبسمه ونظرة وكل البينا بقى حكاية ياخي مبالغة لما يقول : (تنسى ليه وانا قلبي بتذكر كتير يوم لقيتك وهويتك ) لوما متأكد انو الفنان الكاشف قد رحل من دنيا الاحياء لقلت انه من يغني وغير تقليدة الفائق للكاشيف يضيف لمسته اثناء الغناء ويقول إت إت إت وريتني الحنان بطريقة حلوة ومزازيك الف من النوع البمتع ليك ناس الجمري
والله أنت معلم كبيييييييير ياوليد ..........
Quote: وطبعا صاحبك ربيع كوقتها كان عامل فيها دنجوان وكمل لينا كريم ياردلي من كل الصيدليات ببحري خوفا من الصلعة وبرضو ماخلتو هه هه هه
وخلي بالك لازم يكون ياردلي الانجليزي الاصلي ........
غايتو كان ماربيع مصنع ياردلي ده كان قفل ...............
01-24-2011, 12:27 PM
omer osman omer osman
تاريخ التسجيل: 06-09-2007
مجموع المشاركات: 15218
Quote: أكيد بتعرف كم واحد مر عليك في الحي أو المدرسه حريف في الكوره ويتفوق على أي Messi ولكن تجده لايهتم بها ولا يسعى إلى شهرة أو مجد من ورائها ويتركها مبكرا بينما عدد من معدومي الموهبة متفرغين ليها ، أها يا عمر زولك دا من النوع الأول.
01-24-2011, 12:20 PM
omer osman omer osman
تاريخ التسجيل: 06-09-2007
مجموع المشاركات: 15218
Quote: على ذكر علوووب يا عبد الدائم - محمد إسماعيل حكى لي موقف طريف جداً حصل ليهو مع علوووب وقال: "علوب متعود يمر عليهو كل يوم وهو راجع من الشغل ويسأله "الليلة الشغل وين يا أستاذ؟" يوم الحفلة كانت في العزوزاب لكن محمد إسماعيل تلخبط وقال ليهو الحفلة في اللاماب وفي نادي الخرطوم جنوب محمد أكتشف إنو الحفلة في العزوزاب وليس اللاماب، فقال لي ضحكت في سري وقلت علوب الليلة حا يشرب مقلب دولي، وواصل محمد إسماعيل في الحكاية وقال لمن طلعت الفاصل الثاني وفي الأغنية الأولى ألقى ليك علوووب بنطط قدامي - تعرف علوب لف شوارع اللاماب شارع شارع ما لقى الحفلة ومن سؤال لسؤال لحدي ما وصل العزوزاب محل الحفلة. علووب تحفة ياخ وأخونا أمير الجمري عنده مقولة طريفة عن علووب: بيقول علوب ده أكثر من شخص واحد لأنو بيكون موجود في أكثر من حفلة في وقت واحد
ههههههههههههههههههه موووووووووبالغة ..........
ولايذكر علوب الا ونتذكر معه (عثمان ضيق) بعملوا ثنائيات في الرقيص خطيييييييرة جداً .....
01-24-2011, 12:38 PM
اسماء الجنيد اسماء الجنيد
تاريخ التسجيل: 03-31-2010
مجموع المشاركات: 4731
حبابكم يا اهلنا يا سيف اليزل يا خوي ات براك ؟ كلنا راس الصوت وصلنا لكن تب ما نا متخارجين وحات خوتك وخوتهم كلهم يانا المتحكرين في نص الدارة نتفرج في جنس محن ناس ود جبريل البقى مطفق كلو تراهو الطفيق البنشوفو في الصور ده جايهو من القطايع ونقيز الحفلات
Quote: وكمان بتاع الكلاكلة داك الاسمو سيف اليزل ، والله الا تبيت فى ابو حمامة الا كان داير جلال الصحافة بنديهو ليكم ... الصبر قاسى والكلاكلة سفر
يا عبد الدائم اخوي حبابك ,, مالكم علينا آآ ناس !!! اها وناس الجنيد ينومولكم وين .؟ جياد ؟ ولا سوبا والباقير محـــــــــــــــــــنك يا ربي على قول حبوبة ود المدير الله يرحمها ويرجعوا لينا هو بالسلامة كمان مانا عارفنو وين ود المدير و لافي في ياتو حفلة؟ ما يقوم يطلع لينا هو زاتو امتدائي من امتداد وكدة والله صحي
01-24-2011, 12:50 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
Quote: وخلي بالك لازم يكون ياردلي الانجليزي الاصلي ........
غايتو كان ماربيع مصنع ياردلي ده كان قفل ...............
هههههههههههه دي قوية دي ومحتاجة تلفون مباشر الى دبي ودي بعد التلفون ... ياخي ربيع بقول هو من علمكم ثقافة الكريمات وانت عاملين ليهو فيها اولاد اتنين قال : لكن انا مافضي ليك ولو فضيت ليك بخليك تخلي السودان واحسن ليك ماتجمجر فيني ... هههههههه صاحبك حرقتو وبسلم عليك كتير
01-24-2011, 01:13 PM
صديق حمدتو صديق حمدتو
تاريخ التسجيل: 03-19-2006
مجموع المشاركات: 451
Quote: شريط ممتع وجميل ولكن حفلاته يتسلطن بها بطريقته الخاصة ويغني يقول : ( ابوي ياوالد ماتبقى لي عارض == ود الناس احرجتو بسؤالك البارد ) الاغنية دي يجعها ليك وسط اغنية المهرجان وبسمه ونظرة وكل البينا بقى حكاية
كمان جابت ليها سلبطة من ناس بحري!!! حبيبنا وليد عبد اللطيف - كيف أخبارك ياخي؟ تعرف يا وليد نحن بنفتخر بإنو مراكز الفنانين في الخرطوم (جنوب والسجانة) فرخت أفضل الفنانين الشباب (فيصل الصحافة ومحمد إسماعيل وأحمد عوض :عجوز" وعمار السنوسي وعبد المنعم الخالدي وعمر إحساس وعماد عويس وعماد الكاشف والطيب مدثرومحمد عبد الله "وردي الصغير" وعثمان زيدان وعوض الشادي والمرحوم حيدر حدربي وهاشم حسن ......) أكيد برضو نسيت فنانين كتار
وهدية خاصة ليك يا وليد أغنية "برانا" - ياخ محمد إسماعيل ده بيرفع الهابط ذاتو لمكانة عالية
01-24-2011, 01:37 PM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3777
يا سلااااام يا سلااااام يا جنابو عمر الليله هيجت علينا الشجون و رجعتنا السودان و تحديدا الصحافة مربع 24 بيتنا و حلتنا و أصحابنا و فناننا و جارنا و حبيبنا محمد إسماعيل
حبيبنا عبد الدائم ود مربع 25 و حبايبنا الحلوين ناس الإمتداد
و ضيوف البوست الكرام
الليلة أنا بأجز عديل للبوست دا
01-24-2011, 01:52 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
Quote: مالك علينا ياخي جايبها يوتيوب عديل اغنية برانا اظرفة حاجة لما بتاع الكشكوش يديها لفه وكشفة في هذه الاغنية هههههههههههههههه والناس ترفع الايادي ومحمد اسماعيل يكررها قابلت بي ريدي وسالمني في ايدي قلت ليهو ياسيدي الليله يوم عيدي وججججججججججججججع
يا وليد دي أيام ما أظن تاني تتكرر
يا حليل أيامنا السمحة
01-24-2011, 03:30 PM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3777
Quote: حبابكم يا اهلنا يا سيف اليزل يا خوي ات براك ؟ كلنا راس الصوت وصلنا لكن تب ما نا متخارجين وحات خوتك وخوتهم كلهم يانا المتحكرين في نص الدارة نتفرج في جنس محن ناس ود جبريل البقى مطفق كلو تراهو الطفيق البنشوفو في الصور ده جايهو من القطايع ونقيز الحفلات
يا زولة نتخارج وين ؟ انا قايتو مسمر هنا بعد ما مسكت لي رشوة كاربة شديد من الاخ صديق حمدتو..... زمان الواحد فينا كان متحكر في نص الدايرة واسع في نص البوست الجميل ده مع الناس الحلوين ديل يعني بوليس ما بيطلعنا و لو في زول عايز يطلنا بفرتقاه ليهم ..اصلو اخوك فرتاق حفلات .
با شباب فرتيق الحفلة محتاج لشنو ؟ و بكم أسع ؟
01-24-2011, 05:33 PM
بكري عباس علي بكري عباس علي
تاريخ التسجيل: 10-26-2009
مجموع المشاركات: 2264
سلام ناس البوست وعلى راسهم صاحب البوست جنابو ووليد عبداللطيف والله انا كنت تقريبا لحد نهاية التمنينات او بداية التسعينات لا ازكر بالضبط صعب جدا وضد مسألة التقليد جملا وتفصيلا ومابحب الغنيه الا من خشم سيدها الاصلي وكنت بعشق الكاشف لدرجة الجنون وكان رائد مدرسة التقليديه الكاشفيه في التمنينات هو صديق سرحان ورغم انه ادائه ممتاز في تقليد الكاشف الا انه كان لايعجبني لرفضي للتقليد ولكن حينما استمعت صدفه لمحمد اسماعيل في حفل في شمبات وازكر جيدا اول اغنيه كانت " المقرن في الصباح " وبعدها تغيرت فكرتي تماما في مسألة التقليد واصبحت اقبل كل من يقلد بصوره جميله !!!
01-25-2011, 06:20 AM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3777
إيييييييييييييييييييييك يا جماعة مالكم ما بتكلموني الحفلة اتملت بالناس الحلوين والله روعة روعة روعة ... وتسلموا معاوية وصديق على الدرر النزلتوها دي ونحنا اتارينا مقفلين جوانا جمال ما بعدو تاني جمال جيتو انتو وفتحتوهو وخليتونا نشم ريحتو السمحة يا سمحين وعفيت منك يا بت الجنيد محليّة لينا البوست ومدياهو رونق وانتي هنا مرة بي عشرين راااجل .. وحلاة الكلاكلة يا سيف اليزل (كلاكلة لفة لفة لفة ) واحب بحري واموت في الشعبية والمزاد يا وليد امّا الصحااااافة يا عبد الداااائم السهاااااافة دا ما الهناااان ذاااااتو ... وامتدادناالجميل المتفرد في حضرتو تجلس كل الاحياء في ادب واحترام ......
Quote: علووب تحفة ياخ وأخونا أمير الجمري عنده مقولة طريفة عن علووب: بيقول علوب ده أكثر من شخص واحد لأنو بيكون موجود في أكثر من حفلة في وقت واحد
طبعا يا صديق البكون حضر الحفلة في العزوزاب دا ما السأل محمد اسماعيل دا بكون السأل اسياد الحفلة .. لكن السأل محمد اسماعيل بكون لغاية اسي مضهّب في اللاماب وممكن يكون لقى ليهو حفلة هناك بي عبد الوهاب الصادق وكتلها .. وهو ياهو علووووب ذاااتو ، غايتو ما عارف دي تتحلّ كيف ؟
Quote: ولايذكر علوب الا ونتذكر معه (عثمان ضيق) بعملوا ثنائيات في الرقيص خطيييييييرة جداً .....
وثالثهم الشيطان احمد كُشر .. كانوا مثلث طرب خطييير جداًوكانوا حتى لو الحفلة بايخة يهججوها ليك زي عصام الشوالي مع المباريات ...
تسأل عنك العافية يا وليد يا فنان ..
ياسلااااااااااااااااااااااااااام يا جنابو غايتو بوستيك دا يستاهل بوسة .. لمانا مع جوغة حلللللوة جدا ..
01-25-2011, 08:00 AM
ياسر السر ياسر السر
تاريخ التسجيل: 08-06-2010
مجموع المشاركات: 3204
إبراهيم عبد الحليم الدكتور الفنان يا جميل يا غاية المنية أنا شوفتك عندي بالدنيا ،، تسلم يا شفيف وبالجد أنا السعدت بملاقاتك ومعرفتك في السودان وطبعاً رحلة سودانيز أون لاين حسنتها الوحيده إنها عرفتني بناس زيك وفي أخوان جد برضوا الواحد تشرف بمعرفتهم وما عايز أذكر الأسماء علشان ما ادخل في إحراج ،،، وأشكرك على لطفك وكرمك والواحد كان بتمنى إنو تطول بنا الساعات ولكن كان لقاء عابر وإن شاء الله نلتقي قريباً،،والسي دي الجميل كان هدية رائعة لك الشكر عليه ،،، وما تنقطع عندك العنوان ،، تقبل ودي ..
ياسر العيلفون
01-25-2011, 08:32 AM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
معاوية ... ياسادة ياجميل انت لونك اسمر ياخي داك زمن وجميل كما تفضلت ولم يرجع للاسف كما قال فنانا الراحل المقيم الكحلاوي داك زمن ما بحيى مين تاني البعيدو العمر ساقو ومشابو واللي كان كان وين زمان وكان اهلنا بقولو كان الحب حلال ماكان حرام وكان كرومة وكان سرور
محمد غناااااااااي والله ، وعندنا معاههو ومع حفلاتو ذكريات وذكريات .. الله على أيام الحب والشفتنه ، والكبسيبة حفلات وكورة وريدة ، وانتشار في الديم والامتداد والصحافة واركويت والحلة الجديدة والقوز واللاماب والشجرة واللحماداب ولغاااااااية العزوزاب .. والعشرة ونمرة تلاتة ،، بس نمرة اتنين لا يا جنابو ، ما بنحب حفلات ( الحنافلة ) ..هههههههه محمد إسماعيل جبتو في حنتي سنة 2004 ، والحفلة الكبيرة والبعدها كانت بالخالدي ، وعامر الجوهري.. الخالدي - عمار السنوسي - عامر الجوهري - فيصل الصحافة - محمد اسماعيل كان قالوا ليك ناس صلاح عندهم حفلة وكان فنانها ما واحد من الفنانين ديل تبقى دي حفلة جيراننا محمد اسماعيل كان بيغني من الابتدائي في السجانة وبالمناسبة الزول ده ما كبير ، ما تشبكونا ستة وتمنين وسبعة وتمنين ، مشكلتو بدا الغنا وهو صغير ويا وليد عبداللطيف أسأل قرايبو ناس هشام (بيتي) عن عمرو.. محمد بيغني مرتاااااااااح ، وما بيتحرك من مكانو ، بس بيحرك نصو الاعلى.. عماد الكاشف من الديم مش من الامتداد ما تتصلبطوا ساي وعندو في الامتداد أولاد خالتو وهم ناس مصطفى سكو
غايتو نحن الديامة عندنا حق الفيتو في الامتداد والصحافة واركويت وما جاورنا من الأحياء لأنو بنعتبرهم امتداد طبيعي للديم وكده، وحفلاتهم كذلك..
01-25-2011, 11:14 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
يا صلاح انا على قناعة تامة انه مثلث الديم- الامتداد- الصحافة دة دة مثلث بتاع ابداع غريب منبت لي كل شي جميل في السودان اخد الريادة من ناس اللاماب والرميلة والعزوزاب والشجرة حتى ناس السجانة اكلو نيم معانا
01-25-2011, 11:19 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
صلاح عبد الله ... حبيبنا ياخي والله اشوف صورتك ساكت اتذكر مليون حاجة وحاجة حركة بس كنت ماليها هجيج الجامعة زمن ناس ضياء عبد الرحمن
Quote: محمد اسماعيل كان بيغني من الابتدائي في السجانة وبالمناسبة الزول ده ما كبير ، ما تشبكونا ستة وتمنين وسبعة وتمنين ، مشكلتو بدا الغنا وهو صغير ويا وليد عبداللطيف أسأل قرايبو ناس هشام (بيتي) عن عمرو.. محمد بيغني مرتاااااااااح ، وما بيتحرك من مكانو ، بس بيحرك نصو الاعلى.. عماد الكاشف من الديم مش من الامتداد ما تتصلبطوا ساي وعندو في الامتداد أولاد خالتو وهم ناس مصطفى سكو
فعلا كان صغير محمد اسماعيل و هشام بيتي قريبة وورفيقه في سلاح الطيران (فهمتها) ياخي ماتجيب لينا سيرة مصطفى سكو وتموتنا من الضحك مره واحد قال ليهو ابوك راسو زي عكرة الباب قال ليهو عاجبني ابوك يطلعوهو بكرسي ويدخلوة بكرسي زي التلفزيون هههههههههههههههههههه
01-25-2011, 11:20 AM
سارة كرودى سارة كرودى
تاريخ التسجيل: 05-06-2009
مجموع المشاركات: 764
وتعرفي في الزمن داك بعلك دا كان بيقالع عديييل في خور جانقي ... (انا بتاع الساوند يا جنابو مو كدي !!! ) اها خُم وصر ... هههههههههها
ياخي زمن محمد اسماعيل وفيصل واحمد عوض ديل بيغنوا نحن وناس سارة ديل بنقرا في روضة (فاطنة)
يا جماعة والله لقيت لي حلاة موقع وفيه كترة اغاني لي محمد اسماعيل دا لكن غلبني انزلن او اسرقن بالاحرى .. وطبعا انا امي في قصة اشيل وانزل وما عارف دبل كليك وامبيد والحاجات دي .. هو انا ود متين عشان اعرف ليكم الحاجات دي .. ههههههههههههههها .
المهم يا جماعة واحد يدخل لي على الخاص يوريني بسووهن كيفن والله بعد داك امحنكم محنة ...
01-25-2011, 11:53 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
omer osman
ناصر احمد الامين
طارق جبريل
Mohamed Moatasim
عمران حسن صالح
امير عوض الجمري
عبد الدائم سيد أحمد
ياسر السر
nazar hussien
صديق حمدتو
اسماء الجنيد
سيف اليزل جعفر عبد الرحمن
عماد شمت
ahmed khidir
سفيان بشير نابرى
عفاف الصادق بابكر
محمد المرتضى حامد
وليد عبد اللطيف
Moawia Mohammed
نادر النور آدم
بكري عباس علي
إبراهيم عبد الحليم
حمزه بابكر الكوبي
فيس بوك
تويتر
انستقرام
يوتيوب
بنتيريست