لست بجنابو ولا أي حاجة !!!!!!!!

Quote: الاخ عمر عثمان والله انا زيك وامكن اكتر الموقف ده مؤلم وبهز ضمير اي زول عندو ذرة انسانيه جواهو بس في حته لازم الناس تكون واضحه وصريحه فيها برضو,معروف انو الشرطه في عهد النظام ده دخلت فيما يسمي اسلمة العسكريه يعني فرد الشرطه بتلقي محاضرات كتيره جداً في فترة تدريبو اللي حتي جلالاتها بقت اسلاميه,واكيد انو بتشحن بي شحنة كبيره عن تطهير المجتمع من الفسق والفسوق وضرب شاربي الخمر والزناه,وكلام المحاضرات داك الجزء كبير مننا سمعها,لانو الدفاع الشعبي والشرطه الشعبيه طالت الجميع,ببقي الفعل ده يا عمر ما بنفصل من توجه مرسوم ومخطط ليه ومقصود,ومبارك من اعتي رؤؤس الدوله البجو يخرجو العساكر ديل,وثق ياعمر يا اخوي لو العساكر ديل ما مشحونين بالشئ ده,وما مالين يدهم من فوق وفوق خالص ما بعملو الفعل الكريه ده وما يرمش ليهم جفن فاكيد هم عملو وعملو كتير جدا وبي مباركة وزراتم ووزيرم ولانو نحن مجتمع بخاف من الفضيحه الناس بسوقو بناتم وامشو واقطعوها في مصارينن,لكن ربنا اراد انو يكشف الشئ ده بتسريب الفيديو القمئ ده.....فالمساله ما تنفصل يا عمر وتطلع من اتساقها المنطقي والموضوعي,كما ادنت الشرطه في فعلها هذا بالضروره الاخلاقيه زاتها عليك انك تدين النظام والا بتكون ما امين مع زاتك ولا مع الاخرين. معليش لو اطلت عليك ولا قدمت ليك نقد,بس اعتبرني موجوع زيك لكن نظرتي مبرأه من عيب التواطؤ الايدلوجي..... شكرا لموقفك الجميل والذي اتمني ان تكمله بكمال الادانه.....