|
Re: ياجماعة قون الهلال التاني في نيل الحصاحيصا off والا ما off (فيديو) (Re: omer osman)
|
Quote: ورونا رأيكم انتو شنو ؟
|
الأخ عمر مساء الـخير
التّسلّل يُـحسب عند ضرب الكرة وليس عند وصولـها للاّعب الذي يستقبلها في الصّورة أعلاه وكما ترى الكرة داخل الدّائرة الـحمراء فـي منطقة بعد قطعها لـمسافة حيث ضُربت قبل منطقة الـمربّع الأخضر مع تـحرّك بكري الـمدينة للأمام لاستقبالـها والرّكض بـها ورغم وجود الكرة فـي مرحلة متأخّرة عن توقيت ضربتها فاللاعب بكري ( الـمستفيد ) من التّمريرة رغم ذلك ليس فـي وضع تسلّل ( داخل الـمستطيل الأحمر الصّغير ) وهو مغطّى بلاعب النّيل ( فـي الـمستطيل الأحـمر الأكبر ) عدا ذلك فاللاعب مُدّثّر كاريكا فـي وضع تسلّل ( داخل الـمستطيل الأخضر ) رغم أنّ الكرة ليست فـي وضع توقيت ضربتها لكنّه عموماً رغم ذلك ( ليس الـمستفيد ) من التّمريرة والتّسلّل يـُحسب فقط على اللاعب الـمستفيد من التّمريرة أو الـموجّهة إليه الكرة
مودّتـي
| |
|
|
|
|
|
|
Re: ياجماعة قون الهلال التاني في نيل الحصاحيصا off والا ما off (فيديو) (Re: omer osman)
|
Quote: التّسلّل يُـحسب عند ضرب الكرة وليس عند وصولـها للاّعب الذي يستقبلها في الصّورة أعلاه وكما ترى الكرة داخل الدّائرة الـحمراء فـي منطقة بعد قطعها لـمسافة حيث ضُربت قبل منطقة الـمربّع الأخضر مع تـحرّك بكري الـمدينة للأمام لاستقبالـها والرّكض بـها ورغم وجود الكرة فـي مرحلة متأخّرة عن توقيت ضربتها فاللاعب بكري ( الـمستفيد ) من التّمريرة رغم ذلك ليس فـي وضع تسلّل ( داخل الـمستطيل الأحمر الصّغير ) وهو مغطّى بلاعب النّيل ( فـي الـمستطيل الأحـمر الأكبر )
|
كدي قبل ما يجي وليد الشفت أو وليد عبدالطيف (شاهد محايد) نشوف كلام لؤي ده ونقارنو بما يقوله قانون التسلل في الجزئية الجاية دي
Quote: يعتبر اللاعب في وضع التسلل إذا "كان أقرب الي خط مساحة الهدف للفريق الخصم من كل من الكرة ذاتها وثاني أقرب لاعب للفريق الخصم" ما لم يكن في نصف ميدان اللعب الخاص به.
|
كلمة ثاني بالاحمر دي مش بنفهم منها انو كسر التسلل لايتم الا بوجود لاعبين اتنين من الفريق الخصم ؟
والا انا غلطان ؟ بالجد انا عاوز افهم التطبيق العملي الصحيح للنص ده شنو ؟
| |
|
|
|
|
|
|
Re: ياجماعة قون الهلال التاني في نيل الحصاحيصا off والا ما off (فيديو) (Re: omer osman)
|
تعرف ياعمك ...
عندنا صاحبنا رغم انو دكتور لكن (اشتر) ...
وقعت ليهو نبطشية الخميس وهو عندو برنامج كارب ...
قدر ما شاف واحد من اصحابو يشتغل ليهو ما لقي ...
قالوا ليهو ياخ انت ما تشوف دكتورة .........
صنقر دنقر مشي ليها ...
معليش يادكتورة ياخ ممكن تشتغلي لي نبطشية الخميس دي
عشان عندي موضوع مهم ....... الخ
بكل برود وبدون ما ترفع رأسه قال ليهو : اسفة !!
صاحبنا ما كضب قال ليها : والله صحي سيد الرايحة يفتش خشم البقرة !!
الدكتورة قعدت تبكي ومحاربه ليك الزول ده قريب سنة ...
| |
|
|
|
|
|
|
Re: ياجماعة قون الهلال التاني في نيل الحصاحيصا off والا ما off (فيديو) (Re: عمران حسن صالح)
|
Quote: حسي كان ما لؤي ومعاوية حسين كان تاكلنا حنكـ سااااااااااي تعرف يا بوليص (على قول أساسي ) السنة دي حا تنضربوا لامن تغيروا رايكم وتقلبوا تشجعوا برشلونة وأرسنال قنعاً من خير مريخكم المرخرخ ومُكابرة ساااااااااااي |
غايتو هلال مريخ الجاي دي درون مافيها ..
وشكلها كده بتجيب ليها هزيمة كبيرة لواحد من الفريقين ...
نمتنع عن ذكر اسمه في هذه المرحلة الحرجة ...
| |
|
|
|
|
|
|
Re: ياجماعة قون الهلال التاني في نيل الحصاحيصا off والا ما off (فيديو) (Re: omer osman)
|
Quote: كدي قبل ما يجي وليد الشفت أو وليد عبدالطيف (شاهد محايد) نشوف كلام لؤي ده ونقارنو بما يقوله قانون التسلل في الجزئية الجاية دي
Quote: يعتبر اللاعب في وضع التسلل إذا "كان أقرب الي خط مساحة الهدف للفريق الخصم ((( من كل من الكرة ذاتها ))) وثاني أقرب لاعب للفريق الخصم" ما لم يكن في نصف ميدان اللعب الخاص به. |
كلمة ثاني بالاحمر دي مش بنفهم منها انو كسر التسلل لايتم الا بوجود لاعبين اتنين من الفريق الخصم ؟
والا انا غلطان ؟ بالجد انا عاوز افهم التطبيق العملي الصحيح للنص ده شنو ؟
|
جنابو عمر صباح الـخير
كويّس مادام جد عاوز تفهم التّطبيق تعال نورّيك
أوّل حاجة شنو معنـى العبارة الجّات فـي إقتباسك دي ((( من كل من الكرة ذاتـها ))) ؟ بـجيك راجع بـخصوصها
اللاعبيـن الإتنيـن في تساؤلك يا عزيزي منهما حارس الـمرمى فهو محسوب لاعب ومعه لاعب آخر وهكذا يصبحا لاعبيـن إتنيـن وللعلـم هذا في حالة التّسلّل قبل تخطّي الـمدافعين هناك الحالة التـي تُلعب فيها الكرة فـي حالة لا تسلّل فيها ويتخطّـى فيها اللاعب الـمهاجـم للـمدافعين ولا يبقى أمامه غير حارس الـمرمى فـي هذه الحالة حتّـى لو مرّرها للاعب زميل لا يوجد أقرب منه غير الحارس ( كما حدث هنا بين بكري وكاريكا ) في هذه الحالة تُـحتسب تسلّل فقط فـي حالة واحدة إذا كان اللاعب الـممرّرة له الكرة أقرب لخط الـمرمى من ( الكرة ذاتـها ) أي من اللاعب الذي يـمرّرها ولكن إن كان الـممرّرة له الكرة أبعد من خط الـمرمى والأقرب إليه هي ( الكرة ذاتـها ) أو اللاعب الذي يـمرّرها إليه فلا تكون حالة تسلّل يعنـي ببساطة كدا لاعب مشى بالكورة وإتـخطّـى المدافعيـن وقرّب للقون وما فـي غير زميل ليهو والـحارس بس ولا مدافع تانـي والكورة أقرب لـخط الـمرمى من الزّميل التّانـي دا يبقـى ما فـي تسلّل لكن لو الكورة أقرب منّها اللاعب الزّميل لخط الـمرمـى تبقـى تسلّل
وسأشرح لك مقصدي بالصّور ونص قانون التّسلّل لو تـسمح لـي
تــحاياي
| |
|
|
|
|
|
|
Re: ياجماعة قون الهلال التاني في نيل الحصاحيصا off والا ما off (فيديو) (Re: لؤى)
|
فـي الصّورة الفوق دي زي ما مكتوب
الـمهاجم الأزرق داخل منطقة الـجّزاء ( العليهو الرّقم 2 ) ليس فـي موضع تسلّل لأنّه ليس متقدّم عن زميله بمعنـى أنّه متأخّر عن الكرة ( زميله البالرّقـم 1 الـمعاهو الكورة )
ولاحظ الـمدافعيـن بالأحـمر كُلّهـم أبعد من الـحارس والأقرب الـمهاجـميـن البالأزرق فلو رقـم 1 مرّر الكورة لرقـم 2 ما تسلّل عشان رقـم 2 أبعد عن خط الـمرمى من الكورة والكورة مع رقـم 1 هـي الأقرب لـخط الـمرمـى ( الـمنقّط بـخطوط متقطّعة ) دا رغـم عدم وجود مدافعيـن أقرب للـحارس من الـمهاجميـن
وبرجع ليك
| |
|
|
|
|
|
|
Re: ياجماعة قون الهلال التاني في نيل الحصاحيصا off والا ما off (فيديو) (Re: لؤى)
|
فـي الصّورة الفوق دي زي ما مكتوب
( The ball was played by the team mate ) الكورة إتلعبت من الزّميل ( رقم 8 ) ( He was clear no nearer to his opponents goal line than the ball ) ولـم يكن ( رقم 11 ) أقرب لـخط مرمـى الخصم من الكرة
يعنـي الـمهاجم الألـمانـي ( 8 ) قرّب للقون ومرّر الكورة للزّميل رقم ( 11 ) والإتنيـن أقرب لـمرمـى الـخصم وحتّـى لاعب الأرجنتيـن ( 4 ) أبعد من الـحارس لكن الكرة مع رقم ( 8 ) عند الـتّمرير أقرب لـخط الـمرمـى من قرب اللاعب ( 11 ) لـخط الـمرمـى وبالتّالي ( 11 ) ليس فـي موضع تسلّل لأنّه ليس متقدّم عن زميله بمعنـى أنّه متأخّر عن الكرة ( زميله البالرّقـم ( 8 ) الـمعاهو الكورة )
وبرجع ليك
| |
|
|
|
|
|
|
Re: ياجماعة قون الهلال التاني في نيل الحصاحيصا off والا ما off (فيديو) (Re: الصادق صديق سلمان)
|
Quote: غايتو يا لؤي اقول ليك شنو افحمتنا
|
الصّادق سلامات
والله كُلّنا بنحاول نعرف ونستفيد بدون أيّ تعصّب أو إنتماء يؤثّر على حق وجد استبشرت خيـر بدخول العزيز وليد راجل فاهـم وحقّانـي جدّاً والله ولعب حارس ومع مـجموعة ماسّا العجيبة ودا جيل أصدقاء زمن جـميل قبل هجرتـي للسّويد وأعرفهـم جيّداً وأشهد على مواهبهم وياريت لو الـمنبـر بيتيح لينا فرص زي دي بدل البيحصل فيهو بشكل شبه دائـم
مودّتـي
| |
|
|
|
|
|
|
Re: ياجماعة قون الهلال التاني في نيل الحصاحيصا off والا ما off (فيديو) (Re: Hassan Senada)
|
Quote: كدي قبل ما يجي وليد الشفت أو وليد عبدالطيف (شاهد محايد) نشوف كلام لؤي ده ونقارنو بما يقوله قانون التسلل في الجزئية الجاية دي
|
بالله شوف زي ديل يزاحمونا في اكل عيشنا هههههه وعلى قول المصري نحن نشارك العبد في رزقو عمر جنابو صراحة بوست مهم ومفيد جدا واعجبني كلام معاوية حسين والفنان لؤي غير انهم ثقافتهم عالية في فهم كرة القدم يمتلكون باع في تحديد محتوياتهم تقنياً ( بالكمبيوتر ) وعيبهم الوحيد هلالاب رشاشات ( عجبتك ياعمر جنابو صاح ) طبعا ياعمر التحكيم عندنا يعاني كثيرا والان طبعا افضل نوعا ما تعرف في مشكله تحكيميه كبيرة ورثوها للاجيال انه اي باص بيني (اف سايد ) لذلك كثيرا كنا نعاني من هذه المشكلة في الوقت الذي تريد تنفيذ الباص البيني تعمل حساب الحكم ويا صدقت معاك او اجهضت المحاوله .
Quote: التّسلّل يُـحسب عند ضرب الكرة وليس عند وصولـها للاّعب الذي يستقبلها |
( تأمل ) طيب نحن نقول شنو
-------------------- بجيكم للبوست الممتع دا عندي كلام كتير
| |
|
|
|
|
|
|
Re: ياجماعة قون الهلال التاني في نيل الحصاحيصا off والا ما off (فيديو) (Re: وليد محمد المبارك)
|
Quote: المعلومة دي غير صحيحة يا لؤي
التسلل يحسب على اي لاعب مشارك في اللعب
مشارك في اللعب يعني لو شتت انتباه المدافعين والحارس يعتبر مشارك وحتى لو الكورة ما وصلتو
هل مدثر كاريكا شتت انتباه الحارس والمدافعين لو كده بكون سارق
|
وليد العزيز سلامات
كلامك صاح بالنّسبة للتّعبيـر وأنا ذكرت الكلام دا هنا :-
بس أنا غرضي وقصدي فـي حالة التّمريرة لبكري كاريكا ما كان مستفيـد بأيّ حال من الأحوال الـمنصوص عليها
ونواصل ونستفيـد
تـحاياي
| |
|
|
|
|
|
|
Re: ياجماعة قون الهلال التاني في نيل الحصاحيصا off والا ما off (فيديو) (Re: omer osman)
|
Quote: شكراً لؤي وشكراً معاوية وشكراً وليد....
بالجد فتحت البوست للتشويش ومشاغلة الهلالاب لكن جرت الأمور بافضل من ذلك ...
الف شكر لؤي على المحاضرة الدسمة دي والبوست ده انا شخصياً ح ارجع ليهو تاني
وتالت ورابع لحدي ما القصة دي تقع على تماماً ........
|
جنابو العزيز سلامات
ياخـي ياريت لو كُلّ الـمشاغلات والـمكاواة والتّشويش زيّك وزي العزيز صلاح أبو ديّة وطلحة وأساسـي ووليـد ووليد وأميـرة وإلـخ ... كأمثلة لا حصر وعدد مقدّر من الـمحترميـن والـمحترمات لكن الـمشكلة لـمّا هلالاب أو مرّيـخاب الكراهيّة الحقيقيّة تبقى هـي الدّافع وتبقـى القصّة فيها أمانـي موت وتشهير وضرر لا يـمتّ للإنسانيّة بِصِلة
أها قلت لـي لغاية ما القصّة تقع ليك تـماماً قصّة القون أوف ولاّ ما أوف ؟ كان كدا القونيـن أوف زي ما قال العزيز خالد
مـحبّتـي
| |
|
|
|
|
|
|
Re: ياجماعة قون الهلال التاني في نيل الحصاحيصا off والا ما off (فيديو) (Re: Ashraf el-Halabi)
|
Quote: طيب يا منتصر ما دام التصوير بائس وغير واضح عرفتهم كيف تسلل |
قناة قوون بائسة فقط في عدم كشف التسلل ..لكن في كشف التسلل ده واااضحة يا ود البشرى .. والعجب في ضربات الجزاء ..والله التقول شغالة بي نظام ال HD تخريمة : شايف صاحبك مزمل عمل ليهو توزيعة كده طلع فيها الهلال ده خسران 12 نقطة والمريخ البطل المتووج وكده ..يا كافي البلا اصلو ما جاب سيرة كور المريخ وضربات جزاءه هو قايل الدوري الممتاز ده بادي ليهو خمسة اسابيع؟؟
| |
|
|
|
|
|
|
Re: ياجماعة قون الهلال التاني في نيل الحصاحيصا off والا ما off (فيديو) (Re: منتصرمحمد زكى)
|
Quote: يا لؤي كان قلبت الهوبة برضو الهدفين تسلل
|
الأخ الكريـم منتصر تحيّة طيّبة
أنا لا أحتاج لقلب هوبة ولا لأيّ إنفعال فـي هذه الأمور أنا هنا لتبادل الآراء بكُلّ هدوء صحّت أو ضلّت قُبلت أو رُفضت ما عدا ذلك صدّقنـي لا يعنينـي مطلقاً هوس الإنـجراف وراء فكرة الدّعـم فقط لدواعـي إنتـماء فليست هذه من طباعـي أو شِيَمـي أنا لا أودّ هنا التّحدّث عن نفسـي لكنّـي لا أخشى فـي الحقّ لومة لائـم والـحق عندي لا يـحتاج لهوبة أو أكروبات وجـمباز ولا أراه حتّـى مؤثّراً فـي نتيجة مباراة أو غيرها ويلاّ يا سيدي الهدفيـن تسلّل والـهلال طيش البلد دا رأي برضو بدون هوبة
تـحاياي
| |
|
|
|
|
|
|
|