Quote: اوقفت العربية قدام شوية ونزلت بالجد عفاريت الدنيا كلها بتتنطط قدامي ..........
لا قلت ليهو انا منو ولا حاجة ..........
قلت ليهو ياجنابو انت بي طريقتك دي ح تعمل كارثة ولو في بلاغ مفروض يتفتح ليك انت في الاول .........
ياخي حرام عليك لو عندك تعليمات لازم تطلع حملة وتجيب قروش وما بتقدر تخالف التعليمات دي طبعاً ....
امشي اقيف قدام شوية ...............
ما قال لي اى حاجة ............
وركبت عربيتي ومشيت ..........
في المراية شفتهم اتحركوا من ماكنم لكن بالتأكيد عشان يمشوا يقيفوا في حتة تانية !!!!!!!
جنابو عمر سلام: سر عدم الحديث معك هو طريقة الكلام معاهم ، بتعكس انك تستند الي ظهر قوي ... عشان كدة هم بغريزة وفراسة اكسبتها لهم التجرب انك ليس مواطن مغلوب علي امرك وعليه اثرو الابتعاد والمشادة معك. لاحظتها بنفسي انهم يسطيعوا ان يخمنو ماهية الراكب ......
09-01-2010, 07:53 AM
omer osman
omer osman
تاريخ التسجيل: 06-09-2007
مجموع المشاركات: 15218
Quote: جنابو عمر سلام: سر عدم الحديث معك هو طريقة الكلام معاهم ، بتعكس انك تستند الي ظهر قوي ... عشان كدة هم بغريزة وفراسة اكسبتها لهم التجرب انك ليس مواطن مغلوب علي امرك وعليه اثرو الابتعاد والمشادة معك. لاحظتها بنفسي انهم يسطيعوا ان يخمنو ماهية الراكب ......
اكيد يا ابراهيم ....... كلامك سليم 100%
لكن برضو المواطن العادي ما حقو يسكت ولو الشرطي شعر بان المواطن عارف حقوقو كويس صدقني بعمل ليهو حساب ........
09-01-2010, 07:56 AM
omer osman
omer osman
تاريخ التسجيل: 06-09-2007
مجموع المشاركات: 15218
عمر عثمان الشرطة السودانية مشهود لها بالمهنية والانضباط والعفة لإزمان خلت وهي في خدمة المواطن .... الان اضحت الي عدو لدود بفضل بعضهم ... شرطة المرور اصبحت (جامع اتاوت) عنيف يطارد المساكين وبعضهم من قضي نحبه جراء مطارات عنيفة لاصحاب الرقشات (كنموذج) .. الشرطة الان خارج المهنية إسندة لها مهام اخري واسحلة متطورة (دوشكات وهاون ودبابات) وغيره ... للشرطة رجال رفضوان يشاركو في المهزلة والهرج والمرج والفساد وتسلط (المدنيين) علي المهنيين ليكتبو صفحات من تاريخ الشرطة الناصع التي سودت بفضل بعضهم
09-01-2010, 08:01 AM
omer osman
omer osman
تاريخ التسجيل: 06-09-2007
مجموع المشاركات: 15218
Quote: عمر عثمان الشرطة السودانية مشهود لها بالمهنية والانضباط والعفة لإزمان خلت وهي في خدمة المواطن .... الان اضحت الي عدو لدود بفضل بعضهم ... شرطة المرور اصبحت (جامع اتاوت) عنيف يطارد المساكين وبعضهم من قضي نحبه جراء مطارات عنيفة لاصحاب الرقشات (كنموذج) .. الشرطة الان خارج المهنية إسندة لها مهام اخري واسحلة متطورة (دوشكات وهاون ودبابات) وغيره ... للشرطة رجال رفضوان يشاركو في المهزلة والهرج والمرج والفساد وتسلط (المدنيين) علي المهنيين ليكتبو صفحات من تاريخ الشرطة الناصع التي سودت بفضل بعضهم
والله ياعمر لانكف عن توجيه اللوم والانتقاد للاخوة الزملاء متي ما شاهدنا عوجاً يعتري عمل الشرطة .......
وفي موضوع المرور ده بالذات واكثر من مرة بقول ليهم كيف ياجماعة يصبح للشرطي والشرطة مصلحة مادية في تطبيق القانون !!!
حيث تمنح نسبة من الغرامات المتحصلة كحوافز للضباط والافراد ........ وهذا خطأ جسيم يجب ايقافه ........
09-01-2010, 08:09 AM
ibrahim alnimma
ibrahim alnimma
تاريخ التسجيل: 03-28-2008
مجموع المشاركات: 5197
Quote: حيث تمنح نسبة من الغرامات المتحصلة كحوافز للضباط والافراد ........ وهذا خطأ جسيم يجب ايقافه ........
الله يستر عليك ياجنابو: تعرف دي من اكبر الجرائم التي ارتكبتها الانقاذ ، وقد طبقت هذه الجريمة ايضاً في القضاء...... ومااعظم ان تربط مصالح القضاء والشرطة بتجريم المواطن...يمعني انه عندما يكون القاضي صاحب مصلحة مباشرة في تجريم المواطن وكذا الشرطة..يستشري الفساد وللاسف المقصود.....
09-01-2010, 08:14 AM
omer osman
omer osman
تاريخ التسجيل: 06-09-2007
مجموع المشاركات: 15218
وما يكون عندوا اى علاقة بمبلغ الغرامات المتحصل ان شاء الله ما تكون جبت ولا قرش ........... تاخد (البدل او العلاوة) طالما انت مداوم وعلى رأس عملك ...
جنابو عمر , سلامات
ما ذكرته عاليه يمثل حل ممتاز لمشاكل حملات المرور , و يترك رجل المرور يمارس عمله بمهنية بعيدا" عن المصلحة الذاتية ( نسبة التحصيل ) .........
إن تطبيق نظام نسبة التحصيل أثبت فشله في جميع المجالات التي طبق فيها ( الأمثلة كثيرة ) و ذلك لتقاطع المصالح بين المهنية والمنفعة المادية الشخصية...........
تسلم , و ما زلت مصرا" بأنك فقد كبير للشرطة السودانية...........
09-01-2010, 08:45 AM
omer osman
omer osman
تاريخ التسجيل: 06-09-2007
مجموع المشاركات: 15218
ما ذكرته عاليه يمثل حل ممتاز لمشاكل حملات المرور , و يترك رجل المرور يمارس عمله بمهنية بعيدا" عن المصلحة الذاتية ( نسبة التحصيل ) .........
إن تطبيق نظام نسبة التحصيل أثبت فشله في جميع المجالات التي طبق فيها ( الأمثلة كثيرة ) و ذلك لتقاطع المصالح بين المهنية والمنفعة المادية الشخصية...........
بقول للزملاء ............
رجل المرور في الحملات اصبح زي سيد الدكان .......... المنتظر الزبائن من الصباح !!!
Quote: تسلم , و ما زلت مصرا" بأنك فقد كبير للشرطة السودانية...........
شكراً يا عبدالمجيد ............ وده من ذوقكك وحسن ظنك .........
09-01-2010, 08:51 AM
Mohammed Awad
Mohammed Awad
تاريخ التسجيل: 11-13-2009
مجموع المشاركات: 3441
غايتو حأحكى ليك قصة وعارف تعليقك من اسى مرة اتصل على الحاج قال لى تعال لينا فى قسم ******** ليه ياحاج انشالله خير؟ قال لى اخوك فى الحراسة!! ليه مالو؟ قال لى بس كدى انت تعال شوف طريقة للزول دا المهم قلت اصل الاول اشوف الحاصل شنو.. وصلت القسم لقيت ليك العربية اول شى القزاز القدام مكسر والكبوت مطفج قلت الجماعة ديل عملو حادث لكن شكلو زول وقع ليهم من السما... وانا داخل عساكر القسم كلهم يصرصرو لى... استغربت طبعآ المهم لاقيت الحاج.. فى شنو انشالله سلامة؟ قال لى والله ما عارف اضحك ولا ابكى!! ليه؟ قال لى ماشين فى الشارع وكان فى حملة مرور بعدين العسكرى اشر لينا واخوك داير يقيف لكن الظلط عالى فقدم العربية شوية قدام... اها بتاع الحركة قال لى ياحيوان ماتقيف قلنا ليك !! فالمهم قال لى انا بتاع الحركة شفتو جاى على العربية واخوك نزل المرة التانية الشفتة فيها بتاع الحركة كان فى كبوت العربية والقزاز ولو ماشوية كدا اخوك دا كان جابو لى بى جوة... ياخ بالله اخوك دا مايسوق لى زاتو تانى طبعآ قبليها بى يوم الحاج جاتو صدمة سكرى بالليل وقام اخوى ساقو المستشفى فابوى بيحكى لى انو لما العربية وصلت باب المستشفى سامع شمطة مع ناس الهدف لكن فى انو يدخل بالعربية ولا بالنقالةتانى غبا وماوعى بالحاصل شنو... قال لى لما فتحت عيونى فى غرفة الطبيب لقيتو ماسك واحد معلقو فى الحيطة والتانى تحت كراعو والدكتور بيحنس فيهو يسوق ابوى ويمشى خلاص ادوهو علاجاتو... طبعآ الحاج دفُعو ليك حق قزاز وسمكرة زى الترتيب اخوى قال لى طيب ما كان ابوى دا يفتح فينى بلاغ قلت لي عارف العساكر مابيحوشوك بتجيهو راجع
09-01-2010, 08:58 AM
omer osman
omer osman
تاريخ التسجيل: 06-09-2007
مجموع المشاركات: 15218
Quote: عمك زاتو هو البكون عمل المنظر ده .........................
يازول مناظر عمك كتيرة... نوردها لك حسب المناسبات مدير القسم طبعآ ميت من الضحك والموضوع حلاهو سلميآ لكن قال لى الحاج انا لو عندى ولد زى دا بخش بيهو بنك السودان المركزى كل يوم
09-01-2010, 09:05 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
تعرف يا جنابو .. لو قعدت تحكي من الليلة لحدي الأرشفة الجاية قصص ناس المرور دي ما بتخلص! ياخ ديل الواحد لما يشوفهم في الشارع طوالي يقول: أعوذ بالله من الشيطان الرجيم .. (وجعلنا من بين أيديهم سدا ومن خلفهم سدا فأغشيناهم فهم لا يبصرون).
طبعا البعملوهو فينا عشان اللوحات الأجنبية حاجة ما تخلص! مسلسلات عديل كـدا! غايتو أهو ماسكين الصبر لحدي هسي! يوم بعمل عملية أخوكـ أبو طبنجة دا!
09-01-2010, 09:35 AM
omer osman
omer osman
تاريخ التسجيل: 06-09-2007
مجموع المشاركات: 15218
مرة لاقتني حملة وأنا راجع من أم درمان! المكان وين ما عارف غايتو .. عارف أخوكـ بمش بالوصف!
العسكري عشمان، بعاين يمين شمال عشان يمرق لي حاجة ما لاقي قال لي أرفع قزازكـ .. كاااااااكـ فكيت فيهو الضحكـ .. قلت ليهو يعني العربي قدامكـ كلها فاضية ح أظلل قزازي بس!
صحبكـ إضايق .. كان داير يعمل لي مخالفة ضحكـ في وش عسكري!
09-01-2010, 10:03 AM
omer osman
omer osman
تاريخ التسجيل: 06-09-2007
مجموع المشاركات: 15218
Quote: العسكري عشمان، بعاين يمين شمال عشان يمرق لي حاجة ما لاقي قال لي أرفع قزازكـ .. كاااااااكـ فكيت فيهو الضحكـ .. قلت ليهو يعني العربي قدامكـ كلها فاضية ح أظلل قزازي بس!
انا لو محلو بعمل ليك مخالفة عدم تظليل + تخريب الاقتصاد الوطني
افو ........ كيف زول يسوق برادو من غير ما يظلله .......
والناس الببيعو التظليل ديل يعملوا شنو يشحدو يعني ........... ونحن ذاتنا ناس المرور نعمل شنو ؟ نرجع القسم يد وراء ويد قدام ..........
09-01-2010, 09:46 AM
أميرة فاروق عبد العال
أميرة فاروق عبد العال
تاريخ التسجيل: 08-29-2007
مجموع المشاركات: 1129
يا جنابو كيفنك تعرف مرة الحاج عنده مشكلة في البساتم بتاعة القندران قام نزل المكنة قدام البيت يومين بيصلح فيها يوم بالصباح نسمع ليك صوته يكورك في الشارع طلعنل لقينا ليك بتاع حركة قال ليه نمرتك دي مسجلة انك عملت مخالفة امبارح وعفصت خروف في السوق الشعبي والحاج يقول ليه: ياخي انا لي يومين من قدام بيتي دة ما طلعتة بصلح في المكنة جينا طالعين نحن ستة اولاد بالاضافة لي اولاد الجيران بقينا زي 30 واحد تقريبا وزولك كان موقف بتاع تاكسي منتظره شغالينا: الزول دة لازم يمشي النقطة انا زعلت جدا جدا وقلت ليه حا تمشي من هنا ولا (أ... أم حلتك) ونسيت ليك الحاج ذاته شويتين اولاد الحلة مشوا علي بتاع التاكسي قام جاري اخوي الكبير قام قال ليه ادينا البلاغ ونحن بنتصرف زولك طلع قالب الارقام وجات في قندران الحاج شلناهو انا وولدين من الحلة رميناهو في التاكسي وقلنا لي بتاع التاكسي لو تاني جيت الامتداد كرعينك بنكسرهم ليك قام طلع راسه من الشباك وقال للحاج: والله يا حاج شكلها الحلة انت كلها ابوها... يمين كان كتلت بتاع الخرفان ذاته انا ما حا اقبضك
09-01-2010, 11:06 AM
omer osman
omer osman
تاريخ التسجيل: 06-09-2007
مجموع المشاركات: 15218
Quote: طبعاً في فهم تاني بقول انو الحكاية دي اتعملت لمحاربة الفساد او الرشوة تحديداً
والله دي سببها واضح ، لكن العاوز يعاين للفيل ويطعن في ضله، ما حيغلبو التبرير .
عسكري المرور ما أظن راتبو يفوت الـميتين جنيه كان بالغ، فيها الايجار والأكل والشراب والعلاج واللبس والمواصلات - حتى إلخ ذاتا داخلا في الميتين جنيه - تفتكر البحميهو يرتشي شنو؟ الحـل الوحيد إنو الحكومة الظريفة دي ترفع رواتب الناس دي ويخلوا الحلول العشوائية، وسياسة رزق اليوم باليوم، المودية السودان في ستين ألف داهية.
09-01-2010, 12:02 PM
omer osman
omer osman
تاريخ التسجيل: 06-09-2007
مجموع المشاركات: 15218
Quote: عسكري المرور ما أظن راتبو يفوت الـميتين جنيه كان بالغ، فيها الايجار والأكل والشراب والعلاج واللبس والمواصلات - حتى إلخ ذاتا داخلا في الميتين جنيه - تفتكر البحميهو يرتشي شنو؟ الحـل الوحيد إنو الحكومة الظريفة دي ترفع رواتب الناس دي ويخلوا الحلول العشوائية، وسياسة رزق اليوم باليوم، المودية السودان في ستين ألف داهية.
العسكري ما بعرفو بياخد كم بالضبط لكن حسب علمي راتب (العقيد) المنو رتبة والزول يبقي (لواء) لايتجاوز 800 جنيه !!!!!!
09-01-2010, 12:40 PM
ود شاموق
ود شاموق
تاريخ التسجيل: 11-17-2002
مجموع المشاركات: 3605
Quote: العسكري ما بعرفو بياخد كم بالضبط لكن حسب علمي راتب (العقيد) المنو رتبة والزول يبقي (لواء) لايتجاوز 800 جنيه !!!!!!
لاحول ولا قوة الإ بالله العلي العظيم ، والراتبو 800 جنيه دا عنده طبنجة في البيت ولا ما عندو ؟ كيف لا يخرج على الناس شاهراً سيفه ؟ يمين الجماعة ديل المفروض يخشوا الغابة .
جنابو رمضان كريم حالتو ده الخفيف التقيل جاي بعد العيد ، 50 ج اقل مخالفة فورية ، وعاشت الشرطة الرسالية ، وعاشت حكومة اللا وطني ، اشهد الله عسكري المرور البدون شريط عايش في بحبوحة لا تتوفر عند الأطباء النواب ، والله سيارات ، أمجادات ، رقشات ، جوالات آخر صيحة ، سكن فاخر ألخ ، والضابط عارف ورئيس القسم عارف والوزير عارف ، يجب أن تكون هناك يوميا بالخرطوم وحدها ماءة حالة دهس عمدي لعساكر المرور لكن الرجالة تطير ، الكل يبجث عن (مخارجة) ورحم الله الرجال والرجالة .. ياربي لو أنفصل الجنوب وضاع البترول كم سيكون الحد الأدنى للمخالفة المرورية ؟؟؟ الشفيع إبراهيم
09-01-2010, 12:25 PM
omer osman
omer osman
تاريخ التسجيل: 06-09-2007
مجموع المشاركات: 15218
Quote: جنابو رمضان كريم حالتو ده الخفيف التقيل جاي بعد العيد ، 50 ج اقل مخالفة فورية ، وعاشت الشرطة الرسالية ، وعاشت حكومة اللا وطني ، اشهد الله عسكري المرور البدون شريط عايش في بحبوحة لا تتوفر عند الأطباء النواب ، والله سيارات ، أمجادات ، رقشات ، جوالات آخر صيحة ، سكن فاخر ألخ ، والضابط عارف ورئيس القسم عارف والوزير عارف ، يجب أن تكون هناك يوميا بالخرطوم وحدها ماءة حالة دهس عمدي لعساكر المرور لكن الرجالة تطير ، الكل يبجث عن (مخارجة) ورحم الله الرجال والرجالة .. ياربي لو أنفصل الجنوب وضاع البترول كم سيكون الحد الأدنى للمخالفة المرورية ؟؟؟ الشفيع إبراهيم
الله اكرم يا الشفيع ..........
غايتو ناس المرور ديل ماقدر عليهم الا المدير العام الاسبق محجوب حسن سعد ......... خلاهم يمشوا في العجين ما يلخبطوهو ........
محاربة الفساد يجب ان تكون واجب كل ضابط وعليه ان لاينتظر مديره او مدير الشرطة او الوزير ......
09-01-2010, 01:17 PM
Hisham Ibrahim
Hisham Ibrahim
تاريخ التسجيل: 02-19-2006
مجموع المشاركات: 3540
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة