|
|
|
 Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: وضاحة)
|
انت شواطينك ساهلات ،،نشيده ساي بتمرقن...
والعجب،،،اكان ختو ليك شريط،،،يا حاسدين غرامنا...
الكلام في الشواطين الضربو جهات ناس الكيك،الشفيع ابراهيم
عبدالحفيظ ود اب سن...
ود البوش شيطانو هين،،،لبن مراعي بطيرو
لكن عثمان موسي مودرو مودرو...
هسع ودالمدير في السودان،،،الله يستر...
بس بالجد،،،موضوعنا صحيج
انهم رهط من الجن ياسادتي...
وامرهم لا يصدق,,
| |
 
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: Osman Musa)
|
اسمعوا هذا الكلام جيدا ، ايها الظانين بانه حكي لا يسنده منطق ،خارج عن المعقول والمالوف،،نعم،،،ولكنه حدث ،اي والله قد حدث،،حدث نص النهار والعين تعاين،،حدث والخلق شهود،،راتهم العيون،وسمعتهم الاذان،ووعتهم الانفس الطيبة،،،
قال ود النويري الصوفي الورع،،ساحكي لك ماحدث،نعم ،اقسم انا قضيت عمري كله اكل من عرق جبيني بالحلال،،ما حدث حدث...
قال صديقي الهادي احمد عبدالرحيم ، رئيس المحكمة الشعبية،الرجل الصادق ،الشهود العدول،،،نعم حدث،،،في وضح النهار؟ قال والعيون شايفات،،ثم خبرني ثقات كثيرين،،عبدالرحيم ود زروق،،خالي بخيت،،نقدالله ودالصديق ،ويقال ان هناك صحفي من تلك الجهات،رصد ما حدث،،،ثم سمعت من خلق كثيرين....
ذكر ما قد جري......
يتبع ...
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: ياسر السر)
|
حدثني شيخ ود النويري قال،،وصلنا خبر غامض بان الكجوري،الملقب بالابيليس،قرر ان يخوض تجربته علي المكشوف،،سيحشد كل اعوانه،ليثبت لهم مقدراته وحنكته،في خلطة الزئبق الاحمر،مع طقوس تنزيل،قيل انه وجدها في احد الالواح القديمة،نشيد سفر ،،،قال التمكين والبخور يعبق تشعله اوراق خضراء،مرسوم او مصور عليها وجوه لرجال ينتمون لامم غريبة....
حسنا ،سيكون سرنا الاول ،هو سر اخفاء الحديد،ساحرك اعواني للجمع،،وسترون ماذا يحدث...
قال ود كوي المكانيكي الحاذق،،رايت الدنيا مغلوبة،كان الفضاء كله حديد،،يهدر كانه في حرب عظيمة،الات فخيمة،عتيقة من اجود ما صنع العالم،الحفرات الضخمة من ماركة الكاتربلار د 9،اتت شامخة فخيمة كتيبة من 60 واحدة،جاءت قافلة هدارة،80 لوري نيسان 120 بصا هوستن ونيسان 150 بكس 140 تراكتر ماسي،60 بابور،لاف المضخات الطلمبات الشفاطات القاطرات،الترمايات،،كلها من الموارك الفخيمة التي لا يهلكها الدهر بيسر.
ثم جاء جند ابليس،فخيمين،بهيين،طاعمين،حتي انك تعجب،،هل هؤلاء فعلا قبائل الجن...
اشعل الابيليس ناره،،،تلفتنا،،،اختفي كل شئ
لم يعد في كل الجهات الا ذاك العصار الحلزوني الدوار الذي يسمي بود الشيطان...
ثم هدر صوت في الافاق،،غدا المعركة الكبري
نواصل....
| |
|
|
|
|
|
|
|
|
 Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
Quote: انت شواطينك ساهلات ،،نشيده ساي بتمرقن...
والعجب،،،اكان ختو ليك شريط،،،يا حاسدين غرامنا... |
Quote: قال ود النويري الصوفي الورع،،ساحكي لك ماحدث،نعم ،اقسم انا قضيت عمري كله اكل من عرق جبيني بالحلال،،ما حدث حدث...
قال صديقي الهادي احمد عبدالرحيم ، رئيس المحكمة الشعبية،الرجل الصادق ،الشهود العدول،،،نعم حدث،،،في وضح النهار؟ قال والعيون شايفات،،ثم خبرني ثقات كثيرين،،عبدالرحيم ود زروق،،خالي بخيت،،نقدالله ودالصديق ،ويقال ان هناك صحفي من تلك الجهات،رصد ما حدث،،،ثم سمعت من خلق كثيرين.... |
ياخي ربنا يديك العافية محل ما تقبل ، غايتو الانا عارفوا انو الجن ظهر في هذا المنبر وحاول يخفي نفسو لكن شفناهو شفناهو
دي مي كتابة عادية ، جننت الكتابة وقديماً اطلقت العرب علي كل من ينبغ فيهم بأنه ات من واد عبقر حيث يقيم كبار الجن هناك
أكتب أنت وكيبوردك فأنا ها هنا قاعدون
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: بدرالدين بابكر مصطفى)
|
| Quote: ويمين خبروني انو ايات الله ولا بتمش فيهم... |
حقيقة شى مؤسف.... والله لو تعرف ماذا تفعل آيات الله ماتكتب كلام زى دا
الله عز وجل بيده مقاليد السماء والأرض ياللخو... تقول لى جن مابتمشى فيهو آيات الله
وعزة الله الجن لو سمع الآذان يقوم جارى... لكن لأن معظم الناس استحوذ عليهم الشيطان بأفكاره
اها يقوم يقول ليك والله دا آيات الله زاتو مابتعمل فيهو شى... لا حول ولا قوة الا بالله
| Quote: وَاتَّبَعُوا مَا تَتْلُوا الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلا يَنفَعُهُمْ وَلَقَدْ عَلِمُوا لَمَنِ اشْتَرَاهُ مَا لَهُ فِي الآخِرَةِ مِنْ خَلاقٍ وَلَبِئْسَ مَا شَرَوْا بِهِ أَنفُسَهُمْ لَوْ كَانُوا يَعْلَمُونَ |
وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ and#1753; وَلَا يَزِيدُ الظَّالِمِينَ إِلَّا خَسَارًا
آخيرآ ياحبيب اهديك كلمة قيمة جدآ
رُب كلمة يتفوه بها العبد لا يلقي لها بالا تودي به سبعين خريفا في جهنم
ربنا سبحانه وتعالى قال انا عند حسن ظن عبدى بى وأنا معه إذا ذكرني ، فإن ذكرني في نفسه ذكرته في نفسي
وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة..
قالَ رَسُولُ الله صَلَّى الله عَلَيْهِ وَسَلَّم:
"إِنَّ اللَّه قَالَ: مَنْ عَادَى لِي وَلِيَّاً فَقَدْ آذَنْتُهُ بِالْحَرْبِ، وَمَا تَقَرَّبَ إليَّ عَبْدِي بِشَيْءٍ أَحَبَّ إليَّ مِمَا افْتَرَضْتُ عَلَيْهِ، وَمَا يَزَالُ عَبْدِي يَتَقَرَّب إليَّ بِالنَوَافِلِ حَتَى أُحِبَّهُ، فَإِذَا أَحْبَبْتُهُ كُنْتُ سَمْعَهُ الَذِي يَسْمَعُ بِهِ، وَبَصَرَهُ الَذِي يُبْصِرُ بِهِ، وَيَدَهُ الَتِي يَبْطِشُ بِهَا، وَرِجْلَهُ الَتِي يَمْشِي بِهَا، وَإِنْ سَأَلَنِي لأُعْطِيَنَّهُ، وَلَئِنْ اسْتَعَاذَنِي لأُعِيذَنَّهُ، وَمَا تَرَدَّدْتُ عَنْ شَيْءٍ أَنَا فَاعِلُهُ تَرَدُّدِي عَنْ نَفْسِ الْمُؤْمِنِ، يَكْرَهُ الْمَوْتَ وَأَنَا أَكْرَهُ مَسَاءَتَهُ."
رواه البخاري
يا حبيبى من كان الله معه كأنك ملكت كل شى..
تقول لى جن.... جن بتاع الساعة كم... (إنما ذلكم الشيطان يخوف أولياءه فلا تخافوهم وخافون إن كنتم مؤمنين)
هدانا الله واياكم.... اسأل الله لنا المغفرة جميعآ
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: ست البنات)
|
يا جماعة الخير الصبر،،انا انقل ما يقوله الناس،غالبا ما لا اصدق،لكن الكترة غلبت الشداعة،،وانا ذات نفسي،هسع دي لما امشي بي عن عد ابوي حاج حسن تصيبني خوفة وقشعريرة،اها هنا تسكن بت مسمار،نظل ننكرها،ونسخر ممن يصدق قصتها ،اللحظة ،البجي ماش بعند العند،ادرك ورطتي،،واخاطب نفسي مالي انا ومال نكرانها،،واقشعر،ليعود عقلي في الصبح لعناده القديم وانكاره لها.
المهم دي واحدة من تلات ،رسلن لي صديقي ودالنويري،وانا الاوي فيه في الحكاوي دي،نشوفن واحده واحده،ونرجع تاني لحكايتنا الاصل،،اخوانا اللعانين التحت، سامحهم الله،وغفر لنا ذنوبا كزبد البحر،ونحن من فضلو ما قنعنا،،ومن رحمتو ما شبعنا..
لا أحب المغامرة ولا يستهويني ركوب المخاطر .. لكنني قرأت كثيراً عن عالم الجن .. فهو مخلوق يصعب التعامل معه بل يجد الإنسان العادي مشقة في فهمه واستيعابه ... إلا أنه رغم ذلك فهو عالم غير مخيف لمن يلجه بسلاح والسلاح هنا هو المعرفة والعلم والتحصين وعلي كل فالتعامل معه يتطلب منا الحذر والحيطة.
وهذا العالم ليس غريباً عني بحكم مولدي ونشأتي في قرية مويس جنوب شندي وهي قرية أثرية قديمة جداً ، حيث كان يجاورنا المرحوم/ الحاج إبراهيم محمد عليه رحمة الله وتربطني بابنه عبد المنعم علاقة صداقة وطيدة جداً حتى اليوم فقد كان عمنا حاج إبراهيم هذا يعمل بحرس القصر الجمهوري بالخرطوم وله باع طويل في التعامل مع عالم الجن بل كان يتحفنا بصورهم علي الورق الأبيض ويرينا آثارهم علي الأرض والكثير من الأفعال وكنا نتشوق لحضوره كل خميس لنجلس إليه فقد كان رجلاً صالحاً بحق وحقيقة وكان يوصينا دائماً بالتمسك بالصلوات الخمس فهي أساس أي عمل ناجح وكان يحكي لنا عن الجن وعن ملوكهم وأماكنهم ويسمعنا أصواتهم فكسر فينا حاجز الخوف عن هذا العالم.
أما التجربة التي سوف أسردها الآن ما كنت أريد تدوينها لولا إصرار بعض الأخوان الذين عاصروا التجربة وعرفوا بطرق أخري أنني أتعامل مع هذا العالم الغريب فعاشوها معي .. البداية كانت سنة 1985م حينها كنت أعمل سائق جرار بالهندسة الزراعية التابعة لإدارة مشروع الجزيرة ولي منزل أسكن به لوحدي بكمبو المحالج وهو يحمل الرقم (444) كنت في ذلك الوقت في الإجازة السنوية وحضرت للحصاحيصا لقضاء بعض الأغراض التي تتطلب مني البقاء ليومين .. فبينما أنا بالمسجد العتيق بعد أن أديت صلاة الظهر جلس إلي جواري رجل وقور نظيف الثياب يبدو في التسعين من عمره .. حياني باسمي فبادلته السلام بحرارة وتفرست في وجهه عسي أن يكون أباً لأحد الزملاء بالغيط وتوقعت أن يسألني عن ابنه لأقول له أنني في إجازة .. لكنه فاجأني بقوله: أريد أن أصحبك ، فقلت له بسخرية: أنك لن تستطيع معي صبرا .. لم يضحك الرجل بل أردف بحزم بعد أن رفع صوته قليلاً: لذلك أريد أن أصحبك .. قلت له خيراً فلنخرج .. خرجنا سوياً من المسجد .. وقلت في نفسي أنه نبي الله الخضر وسوف أصبر عليه . دعوته للغداء بمطعم المرحوم/ كمال عبد الرازق . . رفض الفكرة وقال لي سوف نتغدي بمنزلك بكمبو المحالج بكسرة وطماطم وزيت سمسم وافقت وأمرته أن ينتظرني حتى أحضرها من سوق الخضار .. رفض ذلك وأصر أن نذهب أولاً للمنزل فطاوعته وذهبنا سوياً . . وكانت المفاجأة التي لم أكن أتوقعها .. فعندما دخلنا المنزل وفتحت الغرفة التي لم يدخلها أحد قبل أكثر من أسبوعين فإذا بكيس كبير في الوسط وهو مليء بالطماطم والكسرة والدكوة وزجاجة زيت سمسم أصابني دوار خفيف وشعرت بشيء من الصداع فالمفتاح عندي ولم يدخل الغرفة أحد طوال تلك المدة فما هذا ؟؟ استدار الرجل أمامي ووضع يده علي كتفي وأمرني بالجلوس حتى أفهم!! وقال لي لماذا أنت مندهش هكذا فأوضحت له سبب دهشتي نظر إلي ببرود وقال: أنا الذي أحضرتها ولا أحتاج لمفتاح .. فقلت له مسرعاً: أنت؟ ومن أنت؟ أمرني أن أهدى من روعي قليلاً حتى أعي الحقيقة وقال لي أنا جارك الحاج عبد الستار.. جن مسلم .. أسكن خلف منزلك حيث يقيم أولادي وعددهم 481 فرداً وأنا أسكن أحد تلال عكا بفلسطين وأحضر إلي هنا في الأسبوع مرتين ثم واصل وأنا استمع إليه مشدوداً – أنا مدين لك بمعروف كبير وأسأل الله ليل نهار أن يوفقني في رده لك فلا جزاء للمعروف إلا المعروف ولا الإحسان إلا الإحسان.
ثم سألته وما هو المعروف الذي اسديته لك ، مسح الرجل لحيته البيضاء بيده فاطرق إلي الأرض قليلاً ثم قال انظر ماذا تري- فنظرت إلي الأرض تحت رجليه فوجدت جيشاً من النمل الأحمر كبير الحجم لم أره في حياتي ملتف حول رجلي الرجل .. قال لي هؤلاء هم أبنائي وأحفادي وأصحابهم جاءوا ليستقبلوني ويشكروك – فقلت له يشكروني عن ماذا؟؟ أمرهم بالانصراف عندما رأي الذعر في وجهي ثم التفت إلي قائلاً أنت أنقذتهم من كارثة كادت تؤدي بهم عندما منعت جارك أن يحرق بقايا الخيش خلف منزلك حيث يسكن أبنائي هؤلاء بل شددت عليه وهددته بالرحيل إن هو قام بالحريق هذا فتراجع عن فعله. هذا موقف لن أنساه لك ولن ينساه لك أبنائي . .. ألم أقل لك أنني مدين لك؟ وأنا أعلم أنك ربما لا تطيق صحبتي ولا يروق لك مجلسي لكن لا بد أن أرد لك الجميل . . فأنا منذ الآن تحت الخدمة في أي أمر يرضي الله ورسوله وسوف تجدني عند حسن ظنك.. فنحن معشر الجن مثلكم تماماً نشعر كما تشعرون ونتألم كما تتألمون ونطرب ونضحك ونبكي ونقابل السيئة بالسيئة والحسنة بالحسنة – أكمل حاج عبد الستار حديثه وراقت لي هذه الفكرة فكرة الصحبة هذه – رحبت به واستأذنته في إعداد الطعام وبعد أن أكلنا وشربنا الشاي أستأذنني في الذهاب لداره لكنه ترك لي شفرة للمناداة عليه في أي وقت وحين.
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: ست البنات)
|
يا ست البنات ،، اقول لك الحق،،هل صدقت انا هذه الحكاية،،لعله كان من تشويق الحكي ان اصمت....ولكني اقول انا لم اصدق هذه الحكاية،،هذا خارج نطاق المعقول،،ولكن نبهني صديق بان ليس لي الحق في ذلك،،،هل اعني ان صديقي كاذب،،،لا والف لا...اذن هل هو اسير خيالات وهزيان،،،،لا ..
اذن اشرح،،،ولماذا اشرح ،انا انقل ماصدقه الجميع....
وشكك فيه قلة،،ولم اصدقه،،،،ما علينا،،هاكم التانية،،،
اما التالة فهي التي صدقتها انا..
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: طلال جبير جابر)
|
ثم نحكي الحكاية التانية والتي يؤكد فيها بن عمي ودالنويري علي واقعية ما حدث له،،ليدلل علي ان ما حدث من دمار في مشروع الجزيرة ماهو الا شغل شواطين،،قلنا له ياخي دي هلاويس ساكت،وصمنا بالجهل والانكار وتحداني انه يثبت لي الامر،،ان الجزيرة ياستنا مسكونه،،ارض الصالحين والقباب والخلاوي،الطيبين والكادحين،،،وغايتو بنصل لي اخرتا،،هل خرب الجزيرة انسي ام جني؟
--
زمني الشغال في الهندسه الزراعيه كنت مسافر لوحدي لما امسيت لقيت لي صراية مفتش دخلت بي تركتري الراجل استقبلني وجاب لي سرير وفرش وابريق ومصلايه صليت العشا جاب لي العشا اكلت مظبوط جاب لي مريسه قلت ليه مابشربها بس داير آخد راحتي نمت للصباح لما صحيت لقيتها صرايه مهجوره وانا نايم في بيت نمل كبييير استغفرت ونفضت هدومي وقمت اتجهزت وصليت الصبح وطلعت عادي
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: Tragie Mustafa)
|
تحية طيبة
مرة قاعدين في نص الحلة محل الجزارة والناس جابت سيرة الجن
كل زول (اتحوقل) و(اتحصبن) منهم واحد مقتنع تب بالجن وقال
في ضمن ما قال انو الجن بقعد محل (الكوشة ) و(الزفارة)
عماً لينا ما وقعت ليه حتة الجن دي قال ياجماعة عليك النبي
الجن ده لو ما فقري يجي من السماء السابعة وينزل الارض وفي الارض
ما يجي الا افريقيا وفي افريقيا دي يخلي كل البلود وينزل السودان وفي السودان
يفوت جزارات الخرطوم والمدن يجي الجزيرة وفي الجزيرة ينزل في عجان دي
ده جن ما عندو شغلة وقال ده بكون جن (مهمش )
.......................................................................................................
العزيز/ عبدالعزيز اسعد الله اوقاتك يالمبروك
واصل
رغم انو القصص دي العقل ما بقدر يميزها بس هي موجودة ومرات اهلنا من الخوف ساي
بكشحوا ليها كوز كوزين وبتبقى لينة وطمبجوها
تحياتي لك ولضيوفك الكرام
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: الجنيد حمد)
|
الأخ عبد العزيز
لك التحية
قصص الشياطين والجن والسحاحير قصص مشوقة والدليل القراءات الكبيرة للبوست الظريف. اسمح لي بهذه الاضافة :
----
صديقي وزميل دراستي محمد عوض الحاج، من أهالي تنقاسي(محلية مروي)، رجل يختزن في ذاكرته الكثير من الحكايات التي يتداولها أهلنا في المنطقة. جاءت ذكرى بلدة ناوى حيث قابلنا سويا شخصا منها، فذكرنا حكاية سحاحير ناوى. ولا أدري لماذا يربط الناس بين اسطورة السحاحير وأهل ناوى، و للعلم هم أناس في غاية اللطف وأعرف الكثيرين منهم وهم أبعد ما يكونوا عن (السحاحير) وشرورهم.
قال لي صديقي محمد عوض أنه قابل في سوق تنقاسي شخصا من مناطق الحامداب وهو من النوع الذي يسرد الحكايات بصورة تجذبك اليه تماما ويحشر في حديثه جملة اعتاد تكرارها ، فيقول (وإنت ماك طالبني حليفي) ولعله يقرأ في عيون سامعيه عدم تصديقهم لما يقول.كان حديثه عن قصة حدثت لعمه كما يقول ، الذي كان يمتلك مركبا صغيرا (فلوكة) يعدي بها الناس بين ضفتي النهر وبين الجزائز الكثيرة الموجودة في منطقة الحامداب. قال الرجل: ( كان عمي في مركبه ومر بجزيرة صخرية صغيرة فرأى تمساحا ممدا فاقترب منه فلم يتحرك لأنه كان مستغرقا في النوم.وكان الرجل يحمل معه (بدينقة) وهي آلة شبيهة بالفأس وبها نتوءات إذا ضرب بها راس التمساح تنغرس فيه وتتسبب في قتله. ضرب الرجل التمساح ، فصرخ صرخة غريبة وغطس في الماء والبدينقة مغروسة في رأسه وغاب تحت الماء. ولم يعثر له على أثر.)
مرت الأيام والسنون ، وكان الرجل قد ترك عمل المراكب واشتغل في بناء الجالوص فرمت به الأقدار في مناطق دنقلا ومر ببلدة ناوى وكان يأمل أن يتجاوزها قبل حلول الليل لما سمعه عن قصص السحاحير ولكنه لم يستطع. فاقترب من بيت معين وفتحت البنت الباب، فأخبرها بأنه ضيف من بلاد المناصير ويريد أن يقضي ليلته ضيفا معهم ثم يواصل سيره صباحا. أدخلته البنت وقالت له أن والدها يرقد في السرير لأنه مشلول وطلبت منه أن يسلم عليه. وعندما دخل عليه في غرفته وسلم عليه، قال له الرجل: (إنت أظنك ما عرفتني؟) فقال له: (أبدا) فأشار الرجل الى حائط الغرفة وطلب منه أن ينظر، فكاد عقله يطير، فقد رأى (البدينقة) التي ضرب بها التمساح مثبتة في الحائط. وأخبره الرجل أنه هو ذلك التمساح وأن الضربة سببت له الشلل. ولكنه طمأنه على أنه ضيفه ولن يأتيه منه سوء، ولكنه قال له أنه لا يستطيع حمايته من بقية السحاحير إذا عرفوا أنه هو الذي ارتكب جريمة ضرب قريبهم بالبدينقة. وقال له الرجل أن المكان الوحيد الآمن والذي لا تستطيع السحاحير دخوله في الليل هو المسجد، وكان المسجد قريبا ، فقفز الرجل حائط البيت وجرى جريا حتى دخل المسجد واحتمى به. ويقول محدث القصة ( وإنتو ما طالبنو حليفة) أن السحاحير كان تزمجر طول الليل حول المسجد. وفي الصباح حقب المنصوري بقجته لا يلوي عن شىء حتى تجاوز بلدة ناوى.
انتهى حديث الرجل عن سحاحير ناوى. وأشهر ساحر منهم هو أديبنا الذي نفتخر به جميعا الدبلوماسي الشاعر الفحل المرحوم سيد أحمد الحردلو ابن ناوى وابن تنقاسي، الذي قال:
تقول لِى شنو
وتقول لِى منو ،
ونحن الخَلوهَ والدايره ،
ونحن تَكيه العايره ،
ونحن الضُّلْ ،
ونحن الكُلْ ،
ونحن سبيل غريب الليلْ ،
ونحن صباح مسافر الليلْ ،
ونحن فَنَاجرةَ الدّنيا ،
ونحن حَبَابْ
حديثنا حَبَابْ
تعال شَرِف .. وشوفنى منو ،
وتقولِى شنو ،
وتقولِى منو ،
أقيف لِسَعْ
وأقيف وأسمعْ ،
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
السادة الاحباء العابرين بي هنا...
اما قصتنا الاساس ،فخلوها بنرجع ليها...
بت علي يقين بان هذا الوطن،،نصيبتو كبيرة...
وانه وطن تحكمه الاسطورة،،وليس نبض الحياة
الكلام الكبار،المدغمس،وفاضي...
برغم من ان 95 بالمية من الناس فيه ،بسطاء طيبين
ناس سلام ومحبة،،،واكل من عرق الجبين
هسع كده نشوف حكاوي الاساطير دي....
نبدا ياست البنات من اول جديد،،،
عشرين حكاية....
خالي الخدر ود الشريف توفي لرحمة مولاه في مستشفي مدني،انا بقرا في مدرسة حنتوب،مات مع المغارب،اكان في امان الله الناس الزارو رجعو قالو طاب،العصير اتنازل،انلمو الدكاترة،مع المغرب اتشهد وادي الروح،الدكاترة عصروا،وجبدو ونفخو،،مافي فايدة،هبشو هنا،وهنا،باصابعينن،سماعتن،،،الفاتحة،،ابوكم اتوفي.
معاهو الضو ود الخدر،اللسع حي ده،والطيب ودالفكي ممارض زول،الكهربا قطعت والسحابة شايلة، كسرنا العينين وجهزنا ابونا ،لقينا لينا عربة ذي الكومر شال الجثمان،والسواق ساق معاهو رفيق.
انا والطيب،والضو،راكبين بي ورا مع الجثمان،والسواق ورفيقو بي قدام،،الليل اليل،والسحاب شال،والبروق اشالعن،ونحن من ترعة لي ترعة،،وفجاة شلع برق مخيف،اعقبته هدير رعد مهول،،طططططط،صممنا اذاننا،واغلقنا عيوننا،،ثم فجاة......
كان خالي الخدر مصنقرا في سطح العربة،،مصنقرا تماما،،وبصوته ذاك القوي،،،زمجر،،،ياساااتر.
انا،والطيب والضو،،بصرخة واحدة،،وقفزنا،،وخضنا الترعة العميقة وجريا علي القرية التي كنا قد اوشكنا وصولها،،وقفت العربة،،ناظر مرافق السايق مايحدث،فوجد ميتنا جالسا،فلحق بنا في صراخ عظيم.
كان سايق العربة،مشعشع شوية،،وله دربة يبدو مع الموتي والجثامين،،،ساق العربة حتي القرية،،كنا نحن موتي في القرية خوفا ورعبا،وكان خالي الخدر علي رجليه يستقبل حمدالله السلامة،ولكن علي ضوء الفوانيس والبطاطير لاحظ الناس عيونه المكسورة.
من ساعتها ولزمن طويل،حدث حكي وكلام يحتل كل المساحة،قرا لنا التحصين،،وعاش خالي الخدر عشرين عاما،،عشرين عاما لم يمرض لساعه،بعيون مكسرة.
حتي موته لم استطع ابدا ان اجلس معه لوحدي،ولا اغشي بيته ليلا ابدا..ومات في اتم عافيته ذات خريف في تمام اللحظة التي شلع فيها برق عظيم.
يعطيني الطب والعلم تفسيرا لما حدث،وموقن بذلك،،ولكن من يسكت خوفا في الدواخل،،ان خالي مات وحيا.
القصة ليست من نسج الخيال ابدا،مسجلة ومثبتة ومعلومة،
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
في بلاد غامضة ،ساقتني المعيشة،وعشق للانسان،،كانت وظيفتي تنسيق واشراف علي تزويد مناطق نائية وسط الادغال البعيدة،بمعينات الحياة،بئر،مدرسة،مركز صحي،وتوعية ضد الايدز.
حدثني احد رفقاي من سكان المناطق عن ان الناس هنا يؤمنون بقصة البعاعيت،وان هناك رجل في احد القري بعد ان شبع موتا،وجهز لموته ،اقيمت الطقوس،ووضع ليوم كامل ببيت الموتي،علي ان يدفن في اليوم التاني،،كان كما قال،يوم احد كنيسة.
والناس في صلاتهم،يدعون ويصلون لروحه،فاجاهم بدخوله في تمام ابهة ثياب موته......وصار زعيما.
في اجتماعنا مع اللجنة في المنطقة،لا حظت بان احد الزعماء يتحدث بطريقة غريبة،اذ كان صوته به صدي،ونظرته ساهمة بعيده،كان مرتبا ولطيفا،، ولكني لم ارتح له.اخبرني صديقي اوجولو ،بان هذا هو عين الرجل،الذي عاد من الموت.
انزلوني انا في ديوان ضيافة،بسيط ونظيف وانيق،وذهب باقي التيم الي المعسكر علي ان يعودوا في الصباح،بقية النهار تولت نسوة ضيافتي اكلا وشربا،في المغيب تركت في المنزل بعد ان اوقدو لي لمبات الجاز،وصار صوت الغناء والطبول يصلني من نواحي القري،وتخوم الغابات،،وارخي ليل ثقيل،مظلم سدوله علي الفجاج،،لا يكسر حدته الا صدي الاغنيات،وحمحمة الصبيان والصبيات في دارات الرقص والطرب.
حاولت ان القط راديو لندن فلم يلقط،معي شريط لعبدالعزيز داوؤد،وكوب شاي،،واستمتاع.
نادي احد ما مستئذنا بالدخول،،نانداني باسمي،وعرفني قبل ان افتح الباب الداخلي بانه الزعيم، ماشنقا،لم ارتح للصوت،،ولكني فتحت له ودخل.
علي ضوء اللمبات كان هو،،الذي خبرتكم عنه، في تمام البهاء،شيخا طاعنا في السن،،نفس النظرات الساهمة،ونفس الفحيح،،ولكن وجهه بدا لي اكثر ضوءا من النهار,
ها انا الان اذا ،وسط ادغال افريقيا الغامضة، في قري نائية والدنيا ليل،وحدي،،مع الزعيم الذي يتحدث عنه الناس،،الرجل الذي عاد من الموت،
يا جماعة السترة والفضيحة متباريات,,
الزول اسوي شنو في الورطة الرميت فيها رقبتي هسع دي.
امانا ما في ناس منتظرنها..
والله الرحمة لي ابوي،،اوصاني بشئ،،بشدة,
ان لا اكذب ابدا...
اقول لكم الحق ياجماعة وتدوني الامان..
والله الذي لا اله الا هو،لقد خفت خيفة،لو انها قسمت علي جميع خواويف الارض لتركو باقيها..
دخل الرجل،،نظرت الي وجهه فاذا هو ابيض كالقمر..
واذا به يطول،،ويمشي في الطول...
وانا اقصر...
وشعري صار مسامير حادة..
وجلدي امتلا ،شوكا،،وبراغي..
كان يحمل سعنا،بان لي كانه طفل ميت.
وفي يده الاخري كفتيرة،،رايتها كاابو القدح,,,
وزلزل المكان زلزالا عظيما,,
ورايت الحيطان تتراقص..
وضوء الفوانيس يعلو ويهبط..
وخرج قلبي من حلقي..
وصرخت نعم صرخت...
ولماذا الكذب،،صرخت..
ذلك انه في تلك اللحظة،،مر بيني والمرحوم ثعبان ضخم..
هذا ما حدث،،نعم ما حدث تماما..
صرخت صرخة،لا اظن ان في العالمين من صرخ مثلها...
الا انها خرجت باهتة كانها لم تكن...
ثم انه بعد صرختني المدوية التي ما اثمرت الا حشجرة،تغشاني سكون،ولكان ياابومروة التي هتففت به قد سارت بها الافاق،،فجاتني خواطر طيبة،ودعوات،وصلوات،،كانت لي ثباتا ومنجاة.
نظرت الي الرجل،فاذا هو مختلف عن مارايته قبل حين،كانت به طيبة وعاطفة انسانية جمة،وهو يهمم ،ايها الضيف،ايها الصديق،ايها الغريب مابك هل انت مريض،هل انادي علي الناس لنحملك خلف الوادي لعيادة الخواجا.
ثم ان الغشاوة بدات في الزوال،وسكن رعبي اوكاد،لم تعد الاضوا تتراقص،ولا الجدران تهتز،كان السعن سعنا كما في بيتنا القديم،وكفتيرة الشاي نفسها،،لم يعد للثعبان من وجود،،ورايت الرجل طيبا واليف.
- ولكنك عدت من الموت،قلتها وسط فرح بالحياة.
وضحك الزعيم،،ضحك ضحكا،لم اسمعه منذ زمن،صافي وصادق،،ونظر بالفة قائلا،،وهل يعود الموتي يارجل ،ظننت هذه الاكاذيب لا يصدقها المتعلمون.
وفتح الرجل قلبه وحدثني،،لقد كان صراعا حادا علي السلطة،كان الكجور ذوي سلطان ونفوذ،،والسحرة والادعياء يعطلون امل ان تشرق شمس،ان تبني مدرسة،ان يقام عمران،،كان كل ذلك محكوم بامرهم،،وكان لا بد لي من هزيمتهم،دبرت امر موتي،،ومثلته وعشته،،وهزمت الموت،،وانا في موتتي المصطنعة،كنت اسمع ضحكاتهم المرتاحة والفرحة برحيلي.
وفاجاتهم بعودتي،،جاءت الوفود من كل مكان لتري الرجل القوي الذي هزم الموت وعاد،،وصرت زعيم الزعماء بلا منازع. وهاهو حلمي يتحقق بنينا المدارس،وحفرنا الابار،،وجلبنا الطبيب.
كان لا بد من ذلك لهزيمة الضلام،بعض المكر لا يضر.
ثم انه ،قادم من الموت او القبر،صار الزعيم صديقي العزيز،،ولقد اكتشفت بفضله عوالما مدهشة لا تصدق،وصارت افريقيا حبي الذي لا امل حبه،،وتلك قصص وحكايا لا بد سنجد لها مجلسا لنتسامر ببعضها،كما نفعل الان في اصقاعنا الطيبة البعيدة.
| |
|
|
|
|
|
|
|
|
 Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عثمان دغيس)
|
سلامات يا عزيزنا عبد العزيز
"لك إنت كنتا وين؟؟" شكرا للحكاوي والقصص..
السودان تمكن منه شواطين الإنس وشواطين الجن..
يبدو أن مسألة الاستعانة بالجن أصبحت مألوفة جدا.. وهناك قصص بلة الغايب وما أدراك. والجرايد مليانة باستعانة كبار المسئولين بالجن للبقاء في المناصب!! شايف كيف؟؟
((انت يا سعد الدين جمعت ورقتك فاضية خايف الجن ديل يلحقوك...
الشي ده جن مسلم ما تخاف...
شكرا))
طبعا حتى الجن المسلم منو خوف.. لعلك قرأت ما كتبه الأستاذ محمود في كتاب "أسئلة وأجوبة الثاني"
وهذا جزء من خطاب من الأستاذ محمود إلى شخص إسمه يوسف:
((خلاصة الرأي لا تستعن بهم !! لا في أمور الدنيا، ولا في أمور الآخرة.. وإن قدموا لك هداياهم الطيبات فلا تقبلها.. وإن طلبوا منك شيئاً من أكل، أو شرب، فأعتذر، بأدب نفس، عن تقديمه لهم.. ولا تبادر بالقطيعة أيضاً، ولكن أطلب إليهم أن يكونوا أخواناً في الله، من غير غرض منك فيهم، ولا منهم فيك.. ولتقطع عليهم وسيلة التدخل في إرشادك في أمور الدين، من إعطائك أوراداً زائدة، مثل الصلاة على النبي، أو الذكر بالمفرد، أو خلافه، فإني أقترح عليك أن تترك الطريق البرهاني، وتأخذ في سنة النبي.. فإنها مأمونة، وواضحة، ومحفوظة من الزيادة.. فلا يمكن لمقترح أن يقترح زيادة عليها، أو نقيصة منها، من غير أن يعرض نفسه لسوء الظن باقتراحه، وللطعن في نصيحته.. ثم إنك إن كنت ملتزماً السنة في العبادة، والمعاملة، فإنك تستطيع، من غير أن تفارق أدب النفس اللائق، أن تعتذر عن أي اقتراح يأتي من قبلهم بزيادة ذكر، أو بمساعدة.. فإن لم يرقهم اعتصامك بالسنة المشرقة في أمر الدين، وأمر الدنيا فبدأ منهم تبرم، أو ضيق، ظهر من أمرهم ما يجب أن يظهر.. وإن سرهم اعتصامك بالسنة في أمر دينك، ودنياك، كانوا أصدقاء خيرين، لا خوف من شرهم، ولا حاجة لمجيء خير عن طريقهم.. فإن من كان مع الله على هذا النحو الذي وصفنا لا يحتاج لمن يوصل إليه الخير، من أمثال هذه الأرواح، ولا ممن هو أعلى منها.. وتصبح بذلك مؤمناً منهم..
كما قلت لك، فإنك، في هذه الآونة، متنازع بين الخير والشر.. بين دنياك، وآخرتك.. فكن عوناً للخير على الشر.. كن عوناً على دنياك لآخرتك، حتى إذا انتصر في صدرك أمر الآخرة، سرت من الآخرة إلى رب الدنيا والآخرة.. وهو نعم المولى، ونعم النصير، وهو المسئول أن يتولى جميع أمورنا، وأن يهديك عافية الدنيا، والدين.. هذا وإني لأنتظر أن أسمع منك، فإني شديد الاهتمام بأمرك هذا، وهو أمر على خطر عظيم، وأهمية عظيمة وبالنسبة لسنة النبي فإني أكلف الأخ إبراهيم ليرسل لك نسخة من "طريق محمد".. وستجدها، إن شاء الله، عاصمة، ومسددة.. إلى أن أسمع عنك فإني،
المخلص
محمود محمد طه))
http://www.alfikra.org/chapter_view_a.php?book_id=22andchapter_id=11
| |
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: ست البنات)
|
صديقي شيخ بانقا،،والده صديق لوالدي،كان رجلا صالحا زاهدا،كان رجل قراني،،من احباب ودالسياح،،بانقا هو زولك ياابوحراز،،علي اية حال،هو يزور والدتنا بحكم محبة الاباء،،لا زلت عند رائي باني اريد اثبات،،هو يعتقد بانه له اتصال بعوالم خفيه،،،الجن،،،لم يدخل الكلام راسي،،ويادكتور ياسر علق علي هذا الحوار بيني وبينه،،،الي الحوار..
تصدق ياعزيز إنو في فنان مشهور جدا _فهوو جني عديل ولا يعلم هذه الحقيقه إلا عدد قليل جدا وقد ذكرت هذه الحقيقه لأخونا علي ابراهيم اللحو _قال لي الزول ده صديقي قلت ليه خلي يجي عشان اواجهو ليك _فعلا اتصل بيه وجاء سريعا ومجرد ما رأني اسرع بالخروج وقطع علاقته مع علي ابراهيم نهائي
اغنية فارقني في البرهه القليله فارقني مابين يوم وليله تذاع بأدعاء انها من كلمات عبدالرحمن الريح لكنها لشاعر من الجن يدعي زاهي_قد لا تصدق
ANA TABAN MA BASDIG
انت اصلك وعارفك مابتصدق لكن لحدي ماتجي السودان حوريك وبعدين إنت حر لكن انا متأكد حأقلب ليك كل افكارك دي
اسمع الحوار ده كلو حا انقلو بي ضبانتو لسودانيزاونلاين ومتابع جدا عندك اية قصص تعليق زيادات اكتبها
يازول انا غيور جدا علي قصة الجن دي صحي انا العالم ده مابعرف عنو كل حاجه وكان عمك ودالنويري خلاني يمين كنت هسع اكون في نصهم_الغريبه اول حاجه كان معجب باجتهاداتي ولما حصلت مرحله معينه عمل لي استوب _حتي علم الجفر انا قطعت فيه شوط طويل جدا لكن برضو وقفني منه بتشديد اكتر من موضوع الجن _تتصور الجفر ده علم رياضيات مأخوذ من سيدنا علي وحاليا شغالين بيهو اليهود بس
في ازاعة اورشليم يوم الاربعاء من كل اسبوع بعد الساعه التاسعه هناك برنامج لعرافين يهود لكنهم يستخدمون علم الجفر وهو يختلف عن السحر اختلاف كبير فهو علم قائم بذاته يعتمد علي الرياضيات فقط
كده قول اشرح
بعلم الجفر ممكن اوريك انت بكره حتقابل منو وحترجع متين _بس تموت متين دي ما حيديك اجابه_بل يديك ايه قرآنيه _انا لما اشتغلت بالجفر سألت عن كل شئ ولما خلصت الاسئله دخلت في عروض الناس وانسابهم لقيت في ناس اولاد زنا وحاجات تنسي معاها اي شئ انا كنت بفطر الساعه 4عصرا لأني بكون مكبس في الاله الحاسبه طول اليوم لا اكل ولا صلاة ولا شغل
كده ورينا اية حاجة في حياتك خارقة اكتشفتها انت
مره كنت اتجول وسط الكتب القديمه حول الجامع الكبير بالخرطوم ووقع في عيني كتاب اسمه الكباريت في اخراج العفاريت ويليه كتاب الجفر للامام جعفر الصادق فأخذت الكتاب واستوعبته شغلة الجفر حتي منعت منها منعا باتا
بس دايرين حاجة خارقه عشان نقتنع ونقنع غير كده ببقي حجا
حكاية عبدالستار دي ليست كلها خيال بل مزجت حقيقة عمنا ابراهيم عمر بمعلومات اخذتها بالجفر عن مثلث برمودا وعن الاستنساخ ودي يااخي معلومات مذهله جدا واتحدي ان تجدها حتي عند وكالة الاستخبارات الامريكيه_انا جاد في ما اقول فلو تحدثت عن الاستنساخ هناك معلومات اخفوها عنا فظيعه جدا وعن حادثة تشيرنوبيل وعن مركبة الفضاء تشالنجر التي تحطمت بعد اقلاعها بثواني
برضو ونسة كدي قول لينا في بلدنا دي ،السودان،اي شئ تعرفه انت خارج عن المالوف قول
إنت تؤمن بالحاجات الماديه بس لكن زي الحكي ده إنته بتشوفو عباره عن اساطير ومابتصدقو وآخر شي تضحك علي ساكت لكن انا عايزك تغير نظرتك للاشياء دي _بالمناسبه إتصل بي هسع اخونا صديق احمديوسف بكلمني بزواج ابنه دكتور الطيب_وصديق ده من اكتر الناس العاشوا معاي تجارب غريبه جدا وعباس ده صاحبي جدا لكن خواف من الحاجات دي لكن صديق عندو استعداد لاستيعاب اي حدث
انت ما تحكم علي ساي خلي حكمك مبني علي تجربتك معاي،،اثبت لي اي شئ غير منطقي اصدقه لكن لا تطالبني بان اؤمن بحكي لمجرد انك حكيته سمعت الاف القصص الغرائببة هل تريد مني تصديقها لمجرد ان قالها زول بالمناسبة حتي هذه الحكاوي الاسطورية انا احبها واحترم الخيال الجرئ الذكي الذي صاغها،،،احك لي حاجة خاصة بك مذهلة وغرريبه
ظهور جماعة من الشياطين والجن بمناطقنا،،تري بالعين ،وتسمع..ممكن صور . [ 1 2 ] 48 4444 عبدالعزيز عثمان 28-01-14, 12:22 PMSHOOF ALRGAM DI KEEF BILAHI
ليس بيننا الان سوي ان نحكي لكن عندما التقيك سوف اجعلك تصدق وفعلا اشياء زي دي لو الزول ماشاف بي عينو مابصدق _ويا اخي تصدق والا ماتصدق الجن متغلغل في حياتنا المعيشيه والاجتماعيه والسياسيه والرياضيه والفنيه ومحل مانقبل هم معانا _تعرف? انا راودوني كتير عشان اتزوج منهم ودي برضو مش حتصدقها لكن اقسم لك بالله تلقيت عروض يسيل لها لعاب اي انسان لكني رفضت ولم اضمن عواقب ذلك _لكنهم جميلين جدا
اانا حاانشر تجاربك دي عندك مانع احكي لي ما حدثAKTB LAY MA HADATH
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
Quote: والغريب في الأمر جميعهم { مفلسين }
ولكنهم مليئون بالايمان والتصالح مع الذات
>>>>>>>>>>>>>>>>>>>>>>>>>>>>>>>>>
عزيزي ابو حراز
جملة في غاية الروعة والفلسفة العميقة شدت اوتر عقلي وقلبي وحواسي الست( ايوة والله ستة وما خمسة)..بتين يا ربي نلقى التصالح مع الذات ...
والله يديك العافية
عزيزي صاحب البوست عبد العزيز عثمان
لا شك انك رجل اديب وقاص متمكن وتملك نواصي الكلم والأسلوب البليغ والسهل الممتنع والذي يفهمه العالم والمثقف والأمي.. انت من زمان وين ما بتتحفنا بمثل هذه الدرر النفيسة .. موضوعك شيق وجذاب وخلينا الشغل عشان نتابعه ونتابع تعليقات القراء الـ VERY SMART
والله يديك العافية
يا وضاحة ما دام انتي محصنة بياسين وأية الكرسي فتأكدي اية عوجة ما بتجيكي لا من شياطين الجن او من شياطين الانس.... ومالك مختفية مرة واحدة .. عساك بخير وعافية
والله يديكي العافية والصحة
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
سبعون عام تقدل بين البيوت ،تعابث الصبيان، تزاور النساء،مواجبة في الافراح والاتراح،،ما غفلت عن معزي لم تزرف فيه الدمع،ولا بكت الراحلين بكاء الفراق والحنين،، ستون عاما ،تسكن بيننا،،في وسط الفريق،بت مسمار،،لم ينكرها منكر،ولا استغربها مستغرب،اخر بقايا جماعة جدي حاج حسن،قبيلة الجن المسلمة التي ورثها من ابونا الفكي الامين ود عبدالصادق ،الصوفي الذي كاد ان يكون قطبا..
ما الذي يدعونني انا للانكار ،وقد بصم الجميع علي انهم راؤوها،عارفوها،خالطوها طعاما واسمار،اللعنة علي هذه الكتب التي اورثتني هذا الشك الجارح،،قال جدي محد علي،نعم ،كيف لا،اعرف كل اسرتها ،ابوها وامها،اخواتها الاخريات،كنت ادخل لهن بالطعام في خلوة ابي الفكي،،يا بني ،لم اري في حياتي احلي او انتضر منهن،ينسدل الشعر الاسود منهن ،علي اك########ن،ثم يمضي لا يحبسه الا عجيزة،يا ولدي لا توصف،عيون من روعة وصفاء،شفاه من اكتناز وشهوة،بركان فائر بالرغائب،وجسد حريري الملمس،قوام يا ولدي ما قسم لامراة في جميع من رايت،وانفاس من شذي وياسمين،ولقد اصطفيت احدي البنات لاتجوزها،كانت تريدني،ولكن ابوي الفكي،سامحه الله ردني،وحرم علي ادخال الطعام،،في الحقيقة كانت رواية جدي محد علي،متماسكة،واكثر جاذبية،وكان يجب علي تصديقها،،الا ان جدي محد علي،كان حكاء عظيم،ولقد ورثت منه هذه الصنعة،،ومن مثلنا يستعمل البهار كثيرا،ولقد كان ذو عبقرية تتجاوز المعقول،،حسنا،،هل انكرها جدي الجاك،ذلك العابد،الزاهد،الملئ بالصدق والعامر بالايمان،،اذكر انه كان يشير اشارات غامضه لوجود الجماعه، فهو جار لهم،والمؤكد ان جدي حاج حسن كان يترك دكانه ومخازنه فاتحة علي مصرعيها ،لم يحدث ابدا ان دخل انسان او حيوان فيهما،،فضلا عن اشارات جدي الجاك عن حفر البير الذي يبدو انه تم في زمن لا يصدق..
تتسرب احاديثها الينا غامضة،تهمس بها الامهات في جلسات القهوة والمشاط،نتسرق السمع لحكيهن المهيب عنها،تقول عمتي نفيسة،حين مات الشيخ اخوي،في ليلة من ليالي الاحزان،دخلت علي،قلدتني وبكت بكاء مرا،بكاء حزين من اهل الوجعة،ثم استرجعت واستغفرت،وطلبت مني ان انقل التعاذي لامي،قول لها بت مسمار تقول ليك،يصعب علي ان اري دمعتك،،،تبكي النسوة،يستغفرن،ثم تحكي حاجة طيبة،وكانت تجيد المشاط ،انها قد مشطتت شعرها،عشرات المرات...
-بت مسمار،تلك حورية،جسدها ناعم كالحرير،نضمها حلو كالعسل ،
تقول ذلك حاجة طيبة،،ولكنها بانة حزن ،والم،تمتعض،وتتغير فجاة النسوة،،ويخرج من الجمع صوت لوم ،صارم.
- الله اجازيها اكان سوت دا..
ما الذي فعلته بت مسمار،سرا صعب البوح،،امد اذني طويلات لعلي اسمع شئيا،،لا جديد...
الولد الحلو ،الملئ باللطافة والظرف،انيس الناس،قضاي الغروض،المهذب،علمه ابوه التجارة الصادقه،ما غش ولا غاضب،دوما نظيفا ،مسرور،حين خطب،زغرد كل الكون،فرح الصبيان والصبيات،في ليلة حنته،لم يعلم احد السبب الغامض الذي ساقه لمخزن القصب،كيف اغلق المخزن،من اشعل الحريق، كيف لم يحس احد بالنار.
تهامس الناس بالفاجعة،بكوه بكاء مرا،لزمان طويل لم يري احد بت مسمار في الفريق..
وبعد زمن صارت تتغشي بعض البيوت،شاكية ملتاعه،،لماذا يظن بها الناس فعل الحريق...
تصرمت السنون،رحل الجدود والاباء والامهات،،تعاقبت اجيال جديدة،اغلقت خلوة جدي حاج حسن،وبقي مكانها ديوانا حسن البناء،ولكنه يظل دوما مهجور،صبت البير بالخرصانة والاسمنت ،يسمر فوقها الصبيان،يتحدثون عن الصبية الحلوة التي تصادفهم في الدروب اخر العشيات ،تناديهم باسمائهم،فيطلقون سيقانهم كللريح..
سالت خالي،الحاصل علي الدكتوراه من جامعة لندن في منتصف ستينات القرن الماضي،،هل رايت بت مسمار؟،يجيبني بفرح وتصالح..
-كتير،،كم وكم مرة...
لماذا انا وحدي ليس لي هذا التصالح الجميل...
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
سلمت الورقة يا عزيز عشان ما نعمل ليكم ملاوزات :)
في الحقيقة فعلت ذلك لسببين، اولهما عدم رغبتي في قطع السرد المشوق
ثانيهما هو انني سمعت قصص قبل يوم أو بعض يوم من افتراعك لهذا الخيط
عن العالم الموازي ،
ذهبت للصلاة في مسجد بضاحية دارا في مدينة بريسبين الاسترالية، لم ادرك جماعة العشاء
و كان هناك ايضا أخ صومالي، وجدنا مجموعة من الاخوة من هنود( فيجي) يشوون شرائح للحم بالطابق السفلي،
كجزء من النشاط الاجتماعي للشباب و ابناء اعضاء المجلس الذي يتعهد المسجد بالرعاية، بعد أن صلينا
سألني الأخ الصومالي ان كان هناك ثمة مطعم حلال بالجوار فاجبته أن اقرب مطعم يبعد حوالي عشرة دقائق أو ربع ساعة على الطريق السريع من هنا،
و اكلهم ليس ذاك الجيد للأسف، و اقترحت عليه أن ينضم للاخوة في الطابق السفلي بدل الذهاب للمطعم، و شجعته بحضوري معه
كان الاخوة الهنود في غاية الحفاوة و للامانة كانت شيتهم كاربة جدا، كالعادة كانوا يتجاذبون اطراف الحديث الى أن انتبهت أن احدهم يقول
أن المسجد مسكون،. انزلت يدي الممسكة بقطعة اللحم و تساءلت : شنو؟؟!
اجابوني نعم هو كذلك!!
و قالوا أن هناك اشياء مريبة تحدث ، ليس في هذا المسجد وحده بل رأوا ذلك في اكثر من مسجد خلال اعتكافاتهم، اخبروني
عادة في هذا المسجد يفتح من يحضر أولا للفجر الابواب و الشبابيك، حضر صومالي ذات مرة و فتح الابواب و الاضاءة
ليجد احدهم نائما فالقى عليه التحية و قال له : لم اراك هنا من قبل،
اجابه الشخص : نعم لم تراني لانني ليس من الانس،
ترك الصومالي كل شيء، حتى سيارته بالموقف داخل المسجد، و ولى مدبرا و لم يعقب!
دحين يا اخوان رايكم شنو؟
القصة دي سمعتها قبل اقل من اسبوع، متزامنة مع هذا البوست تحديدا،
لهذا كانت الورقة فاضية يا عزيز
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: saadeldin abdelrahman)
|
ام حازم رحم الله المرحومة واسكنها فسيح الجنات...
والهم زوجها واحبابها الصبر والسلوان..
وهكذا لا يعلم الانسان متي واين ينزل من قطار كلنا تاركوه..
بالله اليس من قلة العقل ان يتفرعن المتفرعنون،ويقهر القاهرون،ويفسد الحاكمين،يمدون اياديهم للقمة خبز فقير ضعيف،،سارقين وناهبين،،،
وهم لا بد تاركين كل هذا...
هذه الدنيا احمق من لم يعش فيها بصدق ونبل ،فضيلة واستقامة
ثم وظف عقله للابتكار والعمل فيما ينفعه والاخرين..
وقلبه لفعل الخيرات...
ثم ،وبعد ان جيتينا بي هنا اصلك انت مرعوبة من فعل السحر والكجور،الليلة جماعة حلتنا ديل بطرطشوك طرطشه صح،ونحن مانا فايقين ليك ،لقمة العيش مطرطشانا،،فدحين ا المبروكة،،0حجابك لا تودريه....في هذا السودان العجيب ،يتساوي ويتشابه الجميع،،الا الظلمة والغاصبين..
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
سامي ياحبيب ،،ياخي الحكاية دي شكلها دايره تبقي صح...
كان ان كتبت لك ولود شيقوق ردودا،،لا كتشف الان انني،،ويمكن انهم؟ جاطوا الحكاية ههه،انت يفترض تكون اعرف باحد المذكورين،،واعلم انك تعلم ورع وسماحة ابوك ودالنويري مع ابوك ودالسائح،،انت بتكون ياسامي حافظ قصص من تلك الحلال،غرائيبيه،هزم بها اجدادنا واهالينا الملل وصنعوا عالما موازيا صمدوا بلطائفه عبر الازمان...
اعتذر لما اصاب ترتيب الاحباء العزيزين،،،وربك يستر.
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
حبيبنا محمد عوض،،ياخي كيف حالك،،
وكتر خيرك،،والله يامولانا نحن الكلمات بنرمي فيهن بلا بال،لو لا ان تداركنا رحمة الله التي وسعت كل شئ ،تودينا مليون خريف،،ليس عبثا،ولا مسخرة،ولكن طبع يغلب،وغلب يتعب،،ماسي بلاد واهات عباد،،لكن عسي الله ما دام نحن راجيين رحمتو،،يتولانا بها...
كلامك تب فوق العين والراس،وان كان-بيني وبينك -الجن المقصود هنا في الاول،ديل بني ادميين ،بس جن مصرم،،والواقعة هي بيع مشروع الجزيرة بكل الياته،،اها شد حيلك عشان البلعوا حق المساكين ديل،،يرجعوه....
اخونا الداعية التحت،ما شايفوا،بنقول ليهو ياشيخنا،نحن كلامنا اقراه كويس ،شوف قاصدين بيهو شنو ومنو،،ثم ان النبي الكريم،في عام الاحزان والجراح،ادموه واذوه،،فلم يلعن،انما سال الله الهداية،،انتو عندكم دين غير الذي جاء به النبي الكريم،،دين الرحمة،والمحبة...
اما انا فوالله اني لكم من المسامحين،وفي محبتكم من الطامعين
وعذرا،انت يامحمد كلامك مقبول ومعقول.
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
الحبيب الجنيد،،تحايا ومحبة...
انت عارف الجماعة ديل برضو فيهم مهمشين ومضهدين،كحيانين وجيعانين،،،هسع عليك الله كوشنا دي فيها شنو ،ما اقطعوا البحر انبسطوا،،احد اصدقائنا الظرفاء،كان يعمل طبيبا بمستشفي نفسي باحد الدول الشبعانه،،قال لي ياخ نحن السودانيين ديل اصلا ما عندنا زول مجنون،،،فلس وجوع بس،،والله المجنون هنا عشرة ما امسكوه،،بينما كورة عكارة ،ترقد مجنونا لي الصباح...
تحياتي،والصحة والعافية للجميع.
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
اها يا جماعة شوفو صاحبي بيقول في شنو،،،حد يفسر،،عوالم يؤمن بها الناس،،،بله الغائب مثال،،،،عوالم من الاساطير والخرافة،،،تلهث وراءها عربات الدفع الرباعي والمقندلين،،،اليكم تصريح شيخ بانقا الخرافي......
-------------------------- ------------- ---
-ا
نا عايز ادهشك اكتر وانا جادي لكن انت راسك قوي ومابتصدق لكن الايام حتثبت ليك صحة كلامي ده _إيه رايك جمال عبدالناصر موجود وحي يرزق بل ادولف هتلر وماو تسي تونغ والفيس برسلي وجون ترافولتا وجين فوندا وجون كيندي وكثير من مشاهير العالم لعب علما الاستنساخ في جيناتهم الوراثيه وانتجو نسخا طبق الاصل وتعيش هذه الشخصيات في جزر معزوله تحت اشراف استخباراتي عالمي والكثير المثير الخطر يجري في عالمنا ونحن لا ندري---------------------------
ههههههههه.-------------
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
Quote: نا عايز ادهشك اكتر وانا جادي لكن انت راسك قوي ومابتصدق لكن الايام حتثبت ليك صحة كلامي ده _إيه رايك جمال عبدالناصر موجود وحي يرزق بل ادولف هتلر وماو تسي تونغ والفيس برسلي وجون ترافولتا وجين فوندا وجون كيندي وكثير من مشاهير العالم لعب علما الاستنساخ في جيناتهم الوراثيه وانتجو نسخا طبق الاصل وتعيش هذه الشخصيات في جزر معزوله تحت اشراف استخباراتي عالمي والكثير المثير الخطر يجري في عالمنا ونحن لا ندري---------------------------
|
الأخ عبد العزيز بعد السلام
دي واسعة شوية ادينا بروف من فضلك.
تحياتي
كبـّاشي الصـّـافي
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: cantona_1)
|
ياكباشي يا عمده،،،اصحي معانا ياخي...
ماهو ذي نومتك دي رقدتنا القوي،،وخلت ملاس وجماعته ياخدو لحم ضانا ببلاش....
صاحب الادعاء،،ليس انا ياحريف....
انه شيخ بانقا،،اصارع فيه انا لاقنعه بخطا قناعاته،،ويخرج لي كل يوم بواحده اوسع....
انا حكاي بس،،ومحايد جدا،،وبنبسط جدا لمثل هذه الحكاوي،،
فانا اعلم المكر الذي وراءها...
انا بعرف الناس ديل عرفه شديده...
وهم صحباني ،،،ناس بيضا..
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
Quote: يا ود مضوي سلام،ياخوي شدر البردانة،،وغابات الدندر دي هي مربط الجن ذاتو،،،هسع لا خليتو شدره،لا براح فاضي، اها شدو حيلكم...
انت يا شيخ الطيب،،الزول الودر المرة،،،السابقة القضائية المدونة بسودان جورنال ربورت،تقريبا ادعي بانه قد ظنها بعاتية،،والله لو تنورنا براي القانون وتعامله بهذه الفرضيات عندما تقوم عليها دفوعات او تكون سبب جريمة... |
الله يخليك يا عزو
في القانون الجنائي هنالك الكثير من الدفوع القانونية التي يمكن اعمالها لصالح المتهم القاتل مثلا : الدفاع عن النفس او ما يسمى شرعا دفع الصائل وفي هذه الحالة قد يصل الدفع الى حد البراءة متى ما توفرت العناصر الموجبة لذلك . والدفع بالاستفزاز الشديد ومفاجئ والدفع بالجنون ثم الدفع بالخطأ في الوقائع . ولعل ما اشرت اليه يا عزو يندرج تحت مسمى الدفع بالخطأ في الوقائع . والخطأ في الوقائع لا يؤخذ به كدفع على اطلاقه وانما ينبغي استصحاب عدة عناصر لخصها الفقه الجنائي في اطار ما يسمى بمفهوم الرجل العادي reasonable man والرجل العادي هو شخص خيالي ينسب الى بيئة المتهم بحيث تقاس ذهنية القاتل بمقاييس ذهنية ورد فعل ذلك الرجل العادي فيما لو قدر له ان يكون في نفس تلك الظروف والملابسات .
نواص
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: الطيب شيقوق)
|
أغرب شيء كدايس السعودية لاتأكل الفئران
بينما كدايسنا تقرش حتى عضام الفيران
وقد شاهدت أكثر من مرة أن الكديس بالسعودية يلعب مع الفار في حميمية عجيبة جدا
لدرجة إنك تشك أن هذا الكديس { ماراجل } !!!
في السودان الشحمة والنار 00 توم آند جيري بحق وحقيقة
لكن رغم هذا فإن الكدايس هنا غريبة الأطوار
ودائما ما اقول لصديقي ربما هي من بقايا النبي سليمان
تكون ياربي راحت منه وللا شنو ؟؟
الكديسة التي معنا هي أنثى بالحجم العائلي
ويشهد الله أن أي كديس يحوم بجوار بيتنا في السعودية
أو تحدثه نفسه بالقفز من الحوش فإنه يعاقب عقابا صارما
ياخي والله القوة التي بهذه الكديسة لم أر مثلها
فهي رغم كبر حجمها تقوم بمطاردة الكديس الضكر حتى ترميه على الأرض
وقد لاحظت أكثر من مرة حساسيتها المفرطة تجاه القطط الذكور
طوال فترة سكني بالبيت مافي كديس ما قعد يكورك ويجعر منها حينما ترميه
وتقوم بخربشته بطريقة هستيرية جدا
حتى هناك كديس ذو شوارب طويلة
ايقنا جميعاً أنه سيعطيها العين الحمراء
ولكنه والله حينما لمحها قام جاري صووووف
وقد وصلنا جميعا لقناعة بأنها { جنية }
غايتو استفدنا منها لأنها علمتنا أن ننام ليلا ونحن على وضوء
ولكن ستأتيكم الكارثة بعد قليل
لدي قريبي من أهل والدي يحب صيد قطط الخلاء ويطارها ويأكلها
كل يوم يذهب وياتي بثلاث أو اربع قطط سمان
ولديه فسالة غريبة يوم ان يصطاد كديس خلاء
يقفل باب بيته عليه وياكل اللحمة ويشرب الشوربة لحاله
وفي احدى المرات طارد له كديس مع صلاة المغرب
وصاحبنا جراااااااااااااااي بطريقة عجيبة جدا
والكديس حينما شعر بانه مزنوق قام باطلاق شرر في محاولة لتخويف صاحبنا
فقال له : والله العظيم لو جوك ناس المطافي ماعندي معاك شغلة
وراك وراك من هنا وللكانون والبهارات
وفعلا اصطاد الكديس المخيف والغريب
وأكله عن بكرة أبيه
الكارثة حينما اتى للسعودية
قلنا له اعمل حسابك فالكدايس هنا مختلفة
قال بالعكس الكدايس هنا متغذية كويس وتريانة وجسمها مفرهد
مما يعني ان الرجل ناوي على عملية كبرى
ولكن ما لم يخطر بباله في منتصف الليل
نطت عليه الكديسة من الحيطة الى سريره مباشرة
صاحبنا صحى مخلوع وقعد يكورك
شعر بكتلة ترتمي عليه
ووجدها الكديسة وبدأت تنظر اليه بطريقة عجيبة
علي بالطلاق صاحبك شال المرتبة ودخل نام في الغرفة
وبكرة هاك يارحيل
خرج ولم يعد !!!
قال مطافي قال !!!!
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: ابوحراز)
|
أخي عبد العزيز، زولك بانقا ده ألحقو بدكتور أعصاب شاطر، باين الجماعة هبشوا فيهو سلك! الكتاب القالو ده كتاب مزيف ومامكن يعرف بيهو معلومة!
ويا أبو حراز قصتك دي ذكرتني زمان واحد زميلنا في الجامعة جا من الإجازة يحكي حكاوي غريبة من ضمنها قال إن في واحد من غرب أفريقيا كلمهم عن فوائد أكل الضفادع وعزمهم وجبة ضفادع دسمة وهو لبى الدعوة وأكل لحم الضفادع، المهم واحد زميلنا تاني ما صدق الحكاية، مشى بالدس قبض ليهو ضفدعة وختاها في علبة صغيرة وجا لقى صاحبنا قاعد وسط مجموعة كبيرة من الزملاء واستدرجو في الكلام لحدي ما خلاهو حكى قصة أكل الضفادع تاني، وسألو يازول انت أكلت ضفدعة قال أيوه، قال ليهو هسع لو جبنا ليك ضفدعة بتاكلها قال أيوه، صاحبنا فتح العلبة ونطت الضفدعة وقعت في زولنا داك قام نط من الكرسي عاوز يجري وقرب يقع من شدة الخلعة وانفجر الجميع بالضحك وهو برر الحكاية بإنو الضفدعة دي من النوع المنقرط العجيب السام! أها من اليوم داك لما واحد يكون طلع من امتحان صعب ويسألوهو الجماعة الامتحان كان كيف يقول ليهم "منقرط"!
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: محمد عثمان الحاج)
|
أخي محمد عثمان
والله ضحكت لفترة طويلة من الضفدعة المنقرطة دي
كويس الواحد مكتبه لحاله
والا لحدثت كارثة
فمديرنا الجديد لايضحك ولايبتسم !!!
| Quote: ويا أبو حراز قصتك دي ذكرتني زمان واحد زميلنا في الجامعة جا من الإجازة يحكي حكاوي غريبة من ضمنها قال إن في واحد من غرب أفريقيا كلمهم عن فوائد أكل الضفادع وعزمهم وجبة ضفادع دسمة وهو لبى الدعوة وأكل لحم الضفادع، المهم واحد زميلنا تاني ما صدق الحكاية، مشى بالدس قبض ليهو ضفدعة وختاها في علبة صغيرة وجا لقى صاحبنا قاعد وسط مجموعة كبيرة من الزملاء واستدرجو في الكلام لحدي ما خلاهو حكى قصة أكل الضفادع تاني، وسألو يازول انت أكلت ضفدعة قال أيوه، قال ليهو هسع لو جبنا ليك ضفدعة بتاكلها قال أيوه، صاحبنا فتح العلبة ونطت الضفدعة وقعت في زولنا داك قام نط من الكرسي عاوز يجري وقرب يقع من شدة الخلعة وانفجر الجميع بالضحك وهو برر الحكاية بإنو الضفدعة دي من النوع المنقرط العجيب السام! أها من اليوم داك لما واحد يكون طلع من امتحان صعب ويسألوهو الجماعة الامتحان كان كيف يقول ليهم "منقرط"! |
تعرف زولنا نحن والله ياكلها منقرطة
ومبرقعة
ويصر على أن لحم الكديس افضل بكثير من الدجاج
صدقني رفضت بتاتا أن ينزل صاحبنا ميز
حتى لو انزل مكانه وليكن مايكون
ولكن العزابة اصروا بأن يعمل الميز بنفسه
هل تصدق انني كنت اتحاشى ان أتناول اي وجبة في اليوم الذي يطبخ لنا فيه
لأنني اصابتني فوبيا منه
وكنت اتوقع إن أكلت أن تقابلني كراع كديس في اي لحظة
اقدم اعتذاري لصاحب البوست
وللأعضاء سودانيز الكرام
ولكل القراء الأفاضل الذين أخشى ان نكون قد فتلنا لهم البوست
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: ابوحراز)
|
يا مامان ياخوي،،وماك طالبني حليفي،،،قصة صاحبك محمد عوض ده،وحكايو وسحاحير ناوا دي،،سمعتها بذات التفاصيل،،واكان ماني خائف اطلع كضاب،لقلت من صاحبك ده،،في زمان سمح قديم..
ياخي نحن الخلع الخلعونا اياهن،خلن راسنا ذي كبود الهوستن منذ فجر الصبا،،،ولا زالت نص الحلة في البال اوكار للشياطين..
وساعود لك مرة اخري لقصة حكاها صديق من ناوا،،،ولكني اتمني لو اعطيتنا اخري فانا اعلم بان جرابك مليان ومستف،،،هلا،،،ارجوك،،شكرا ايها الحبيب،،،سنلتقي
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
العزيز عثمان دغيس،،تحياتي،،،بعث لي بن عمي ودالنويري رد علي تعليقك،،انا ليس لي راي،واصدقك القول انا شخصيا لو ما الدين قال الايمان بالعوالم دي واجب لما وجدت سببا للايمان بها،،بس احب ومغرم بقصصها وغرائيبيتها،،فهو عالم من الحكي والمسامرة بديع،،،بس ماتكون براك وفي احد مجاهيل افريقيا،،يضرب ليك صديق نص الليل احكي ليك واحده من ديل،،،في نفس الوقت اكون في ذئب يعوي في الفجاج....
-----------------------------------------
صاحبك ده معلوماته ضعيفه عن عالم الجن _الجن تحرقه النار وتحرقه ايضا الماء السخن لذلك نهي عن سكبها في الارض حتي تبرد
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: Mohammed Awad)
|
| Quote: وعزة الله الجن لو سمع الآذان يقوم جارى... لكن لأن معظم الناس استحوذ عليهم الشيطان بأفكاره |
الأخ محمد عوض بعد السلام
بكل أسف أنت تخلط بين الجن والشياطين.
قال تعالي: (بِسْمِ اللهِ الرَّحْمنِ الرَّحِيمِ
قُلْ أُوحِيَ إِلَيَّ أَنَّهُ اسْتَمَعَ نَفَرٌ مِنْ الْجِنِّ فَقَالُوا إِنَّا سَمِعْنَا قُرْآناً عَجَباً (1) يَهْدِي إِلَى الرُّشْدِ فَآمَنَّا بِهِ وَلَنْ نُشْرِكَ بِرَبِّنَا أَحَداً (2) صدق الله العظيم.
وقال تعالى: (وَاتَّبَعُوا مَا تَتْلُوا الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُوا)
وهنا الفرق بين الجن والشيطان. فالجن مسلمون والشياطين كفار بما أنزل الله.
لكن عليك ما معناه بقوله تعالى: إنهم يرونكم هو وقبيله وأنتم لا ترونهم. فمن يقول بأنه راى الشيطان أو الجن نقول له: كلا لن تراهما على حسب ما ورد في كتاب الله.
تحياتي
كبـّاشي الصـّـافي
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: cantona_1)
|
.
.
الأخ الكريم صاحب البوست وضيوفه الكرام
لكم خالص التحية والود والشكر على البوست اللطيف الشيّق .
وياليت لو يستمر البوست لتوثيق الحكايات والأساطير الشعبية حول هذا الموضوع ،وكذلك المعلومات المفيدة .
أستاذنا العزيز كانتونا
تحياتي وأشواقي
يقال أنه لايمكن رؤية الجن على صورتهم الحقيقية من مفهوم الآية الكريمة (إنه يراكم هو وقبيله من حيث لاترونهم) كقاعدة عامة ،لكن يمكن رؤيتهم في حال أراد أحدهم ذلك ، والبعض الآخر يقول أنه يمكن رؤيتهم في حال ظهورهم بشكل آخر . ويقال كذلك أن قدرة التشكل ليست متاحة لدى جميع الجن وإنما سحرتهم فقط .
المعلومات العامة عن عالم الجن متاحة على الإنترنت ويمكن من خلال آية الله العظمى ( قوقل) دام ظله الشريف الاطلاع على عشرات الكتب والمراجع حول الموضوع،لكن تبقى القصص والتجارب الشخصية هي ما نأمل طرحه في هذا البوست الجميل .
مرة أخرى لكم الشكر الجزيل
.
.
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: Osman Musa)
|
Quote: ومن يوم فكرنا يا عزو في موضوع ال business بتاع تعليب منقة الكاملين .
وبعدين ؟ |
الأخ عثمان موسى
بمناسبة التعليب لمنقة الكاملين .. النبي فوقك شوف لي ميكينة صغيرة عشان أشارك معاكم بمنقة أبو جبيهة.
عزيزي عندنا في أبوجبيهة 6,500 بستان مثمر لا تقل أشجار المانجو في أصغر بستان مساحة عن 40 شجرة مثمرة دون الصغار. هذه العدد في الجزء الجنوبي. العدد في الجزء الشمالي أكثر بما يعادل 30% من عدد بساتين الجزء الجنوبي!!
وزي ما قال الراجل عندما سألوه مالك ما تزوجت؟ ردّ: أنا جاهز والعروس جاهزة بس ناقصين القروش. وكمان حالتي أنا جاهز والمنقة جاهزة بس ناقصين المكن والقروش وكله من بعضه.
ممكن مساعدة لله لو ربنا اراد الخير.
تحياتي
كبـّاشي الصـّـافي
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: cantona_1)
|
سلام يا د ياسر،،اشكر لك حضورك البهي....
في اجازتي السابقة وجدت عالم الجن في حياة الناس حاضرا بصورة مزعجة،،ما ظهرت الدنيا علي احد ،الا نسبوها للجن والتنزيل،،ما اصاب احد مرض الا كانت الشياطين وراء ذلك....
التفسير المنطقي لكل ذلك موجود،،ولكني ماقصدت ذلك،انما نعرض المفارقات،،ونترك لكل تفسيرا يريحه....
يا دكتور ياسر ،لو لم تكن انفار من الجن هي من تدير البلاد،فهل تصدق ان مشروعا مثل الجزيرة،،يتشلع في ضحوه،،كل اليات،ومعدات،سكك حديد،جملونات،قاطرات،،،حديد حديد،،،سرايات،،،تنبلع جب،،،ياياسر في ضحوة،،،حدثني احدهم،،بانه وهب حفارا،،حل رقبتو في اسبوع،،عام كامل،لم يربط فيه مسمار،،،ياياسر،،ايها المحترم،،،البلد وجعتو تشق،،وماذا نتوقع من ناس بسطاء،يمرق واحد،بي جلابيه نضيفه،عمه ،شال،،،ويجي بعد ايام متمكنا ومنجعصا في لاندكروزر ملكه،،،بماذا يفسر البسطاء نعمة الزول ده ،،،الجن....
اما تزيين البوست بكلام الاستاذ محمود،،،نرجع له،،حين نضع النقاط فوق حروفها....
لك حبي واحترامي...
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
جاييك احكي ليك عن شدرة العرديب التي تجاوز عمرها 200 سنة بطرف حلتنا
هذه الشدرة تسمى بالمدقة مدقة البن يعني . انت عارف لشنو يا عزو؟ اصلا في اوقات الدماسات ( المغربية) اهلنا المزارعون بجوا تحتها لما يكونوا سادرين الضهاري او نازلين من الضهاري .
اي واحد من اهلنا مر تحتها في ساعات الدماسات بجي يحلف ليك يقول ليك سمع ليهو نسوان بدقن في قهوة عشان كدا سموها المدقة .
نحن زمان كنا بنقوم بدرى باكرية للسدرة ونلقى ليك درس عنكوليب او مخالي متروسة تبش او ام بنة ( حميض يعني) انت عارف ليش ؟ لانو اي زول يجي وقت الدرتية متأخر بيكون شايل معاهو العنكوليب والتبش وام بنة ولما يصل وقت الدماسات للمدقة دي وجملو او حمارو يسمع الاصوات طوالي بنط جافل وبرمي ليك كل الحاجات دي تحت العرديبة ونحن بنقوم دغش نمشي نلقطها لانو مع الصباح مافي اي حاجة طبعا .
يا حليل المدقة فقد قضى عليها فيضان نهر الدندر قبل عامين وصارت جزء من حكاوينا .
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
سلام عزيز
وضيوفه
وانا صغير لكن واعي , شفت واحد في كوستي ,, رجل نضيف وريحتو العطرة طاقة ,, نضيف بشكل ملحوظ وهدومو مكوية بشكل ملحوظ , وجنو تدخين , خشمو ما بقيف من التدخين , وعاطل واعزب
مشهور بين الناس انو معرس جنية , بقولو لو جيت البيت حقو بتسمع كركبة الاواني ويجييب ليك الاكل او الشاي وما بتشوف مرة , لكن بتشم ريحة الكبريت والدخان والخمره
قالوا كده
| |
|
|
|
|
|
|
|
|
 Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالحفيظ ابوسن)
|
جابو السكسفون وعلو المكرفون وينو الليلة
حفلة بمكرفون والفنان عزو والشيالين ابو حراز وابوسن
اذن دي حفلة صباحي وهورس شديد للصباح
قت ليك يا عبدالعزيز غايتو يا جننت ست البنات دي يا طبنجة جننك ههههههه
عاين جاي
ود اخويا لي اسمو يوسف من الله خلقو شويطين حتى من الحبيان كان بحبا بالقلبة زي سبق حمير الجماعة البقلبة داك
هو شويطين ساهي لكن الناس قايلين هابشو جن احمر
اها استفاد من الفهم دا وبقى اسوي البدع معتمدا على تنميطه
حلوة تنميطه دي ول ما لذيذة ؟
المهم يا زعماتو
شيل ودق شيل ودق لحدي ما وصل امتحان الشهادة بالبخرات ساااااااااهي وما في استاذ بجي جنبو
أها امتحان الشهادة السودانية والمراقبين لابعرفو ولا بعرفن كيف الدبارة يا يوسف
قاليهم هينة بتصرف
اول امتحان شال كتاب المادة عديل وطوالي بدأ انقل نقل جد من بطن الكتاب وعلي عينك يا تاجر
وجاب معاهو طيرة ختاها جوة الدرج وقفلوا عليها
المراقب شافو طوالي جا ماشي عليهو
يوسف براحة وبحذر عشان الطيرة ما تطير دخل الكتاب في الدرج وقفلو
وجاء المراقب بعكازته الطويلو وا وا وا
وفتح الدرج وانتي يا الطيرة فرررررررررررررر في وش المراقب ويا الشباك جاتك طيرة
انقر تاني في مراقب جا جنبو
وحتى الان اسمو يوسف طيرة
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
غايتو ياعزيز سالت ربي يديك
العافية وكل ماتتمني ويردك
لي وطنك سالم غانم
معاك حضور ومتابعة لي
بوستاتك الرائعة التي لاتمل
وشايف براك الايام دي البورد
حفر ومطبات ومشاكل لاتحصي
ولاتعد لو مابوستاتك دي كان
الواحد طرشق من الالم البنشوف
فيهو دا بس عائز منك طلب
عشان نتالم جد جد اكتب بوست
عن زكرياتك في المشروع العملاق
في السابق الجزيرة خاصة وانت افضل
من يكتب عنه ...
تسلم ياحبيب
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
سلامات عبدالعزيز عثمان
قلت اقول بسم الله حتي اكتب هنا قصة الخوف من الجن دي قديمه شويه يعني وانا صغيره كدا قبل 15سنه :) قادتنا مناسبة زواج انا وامي لواحده من القري بين عطبره وشندي وشويه الشارع بعيد جدا من الحلال ومسافرين ببص من هكر كدي لبختنا او العاثر تلك الامسيه في العالياب اتعطلت العربيه اظن قريب خمسه ساعات ربك رب الخير وصلنا والوكت في القري حين غياب القمر اسكت خلي خصوصا لو قلع مافيها نفر نزلتنا العربيه في اقرب مكان والغريب لمن نزلنا شفنا بيوت متاخمه الشارع فقلنا دي ديار اهلنا مشينا شويه البيوت راحن مره واحده امي خايفه جدا جدا وماسكاني ترجف تقول لي نزلونا غلط الناس ديل بس ماتخافي مافي شي حافظه سورة يس مش ؟ اي
يلا اقريها
انتهيت قلت ليها كملتها ماووصلنا لسه
قربنا حافظة الناس ؟
اي
اقريها
وفجاة اسمع لك في الخلاء داك صوت ناي اي والله ناي عديييل للان صوتو في اضاني المهم السور الفي راسنا سوا طارت ورعب عديل كرعينا تدخل بعض من المشي المكعوج وبس نط ظهر اولاد صغار زي ناس خامسه سادسه شايلين زمبارة القصب ديك
سلام عليكن
وعليك السلام
الاهل من وين في العرب
امي سارعت جايين من عطبره ماشين عرس اخوي فلان الفلاني بتعرفو
ماشاء الله ماشاء الله وصلتن تب امشن ورانا
ومشينا لمن قلنا سلام ي حله من طرف الحله قدر ما قلنا للاولاد ديل استريحو شويه من مشوار الدرب مادخلو ...حضرنا عرسنا في امان الله بس صوت الناي الحنين جدا وضحك الاولاد واشكالهم الاتخيل لي جميييله ونحن في الخلا
دا عامل لي عقده في حياتي وكل ما اقول احكي لزول اقول مابصدقونا خلي السر في مكانو
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
سلامات عبدالعزيز عثمان
قلت اقول بسم الله حتي اكتب هنا قصة الخوف من الجن دي قديمه شويه يعني وانا صغيره كدا قبل 15سنه :) قادتنا مناسبة زواج انا وامي لواحده من القري بين عطبره وشندي وشويه الشارع بعيد جدا من الحلال ومسافرين ببص من هكر كدي لبختنا او العاثر تلك الامسيه في العالياب اتعطلت العربيه اظن قريب خمسه ساعات ربك رب الخير وصلنا والوكت في القري حين غياب القمر اسكت خلي خصوصا لو قلع مافيها نفر نزلتنا العربيه في اقرب مكان والغريب لمن نزلنا شفنا بيوت متاخمه الشارع فقلنا دي ديار اهلنا مشينا شويه البيوت راحن مره واحده امي خايفه جدا جدا وماسكاني ترجف تقول لي نزلونا غلط الناس ديل بس ماتخافي مافي شي حافظه سورة يس مش ؟ اي
يلا اقريها
انتهيت قلت ليها كملتها ماووصلنا لسه
قربنا حافظة الناس ؟
اي
اقريها
وفجاة اسمع لك في الخلاء داك صوت ناي اي والله ناي عديييل للان صوتو في اضاني المهم السور الفي راسنا سوا طارت ورعب عديل كرعينا تدخل بعض من المشي المكعوج وبس نط ظهر اولاد صغار زي ناس خامسه سادسه شايلين زمبارة القصب ديك
سلام عليكن
وعليك السلام
الاهل من وين في العرب
امي سارعت جايين من عطبره ماشين عرس اخوي فلان الفلاني بتعرفو
ماشاء الله ماشاء الله وصلتن تب امشن ورانا
ومشينا لمن قلنا سلام ي حله من طرف الحله قدر ما قلنا للاولاد ديل استريحو شويه من مشوار الدرب مادخلو ...حضرنا عرسنا في امان الله بس صوت الناي الحنين جدا وضحك الاولاد واشكالهم الاتخيل لي جميييله ونحن في الخلا
دا عامل لي عقده في حياتي وكل ما اقول احكي لزول اقول مابصدقونا خلي السر في مكانو
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: مها عبدالمنعم)
|
الأخ عبدالعزيز و ضيوفه الكرام حكايات الجن و عالمهم فى كل البلدان الناس تتداول قصصهم و ما حدث مع من صادفهم سمعنا و نحن صغار عن أبو لمبه و البعاتي لكن لم يقابلنا أياً منهم ..
سأحكى قصة سمعتها من الشخص الذى حدثت معه شخصياً و حكاها بحضور زميل له فى العمل كنا فى معزومين فى منزله و و معنا أثنين من الأصدقاء و الجميع على قيد الحياة ...
أخونا ( ع ) سائق شاحنة عبارة عن ثلاجة لنقل المجمدات يعمل فى ثلاجة مشهورة فى مدينة جدة تقع فى بداية شارع الذهب من عند الكوبرى ( بورداب و قراء جدة أكيد عرفوها ) ... هذه القصة كانت فى بداية التسعينات من القرن الماضى ... يقول طفينا النور و بقينا على النوم عند منتصف الليل و قتها لم تكن هناك قنوات فضائية كما هى اليوم كانت القناة الأولى السعودية و الثانية باللغة الأنجليزية يقول دخل النوم فى عينى وكأنى أحلم سمعت من ينادينى بأسمى و لم أقم من مكانى بعد عشرة دقائق تكرر النداء بصورة أوضح يقول : نهضت من السرير و توجهت لباب الشقة و فتحته و لم أجد أى شخص تفقدت أرجاء المنزل و لم أجد شيئاً دخلت على أطفالي فى غرفتهم و جدتهم نيام ... يقول : رجعت و نمت لم يمض الكثير من الوقت و ألا ذات الصوت ينادينى باسمي مره أخرى و هذه المره زاد على أسمي يا فلان أنت تسمعني لكنك لم تراني أنا عايز أوصيك ... ( أنت بكره مسافر الرياض وسوف يقع معك حادث و سيموت شخص فى هذا الحادث و الحادث أنت ما غلطان فيه لكن بتطول القضية و ستدفع ديه و تُسجن ... لكن في فديه سوف أعطيك لها أذا أخذتها ما بتدفع ديه ولا بتسجن ) قال ع : فعلاً شاحنتي محملة و بعد صلاة الفجر متوجهين للرياض و معى أربع شاحنات أخري كل سائقيها صوماليون ... قال : بعد سماعي لهذا الكلام طار النوم من عينى و لم أغمض حتى سمعت أذان الفجر ... يقول صحيت زوجتي و قلت لها أنا مسافر و القدر ما معروف دا جوازك و دى قروش تذاكر ليك ولأولادك بطلع بعد شوى بكلم أخوي و أهو أنا كلمتك أذا حصل لى أى شئ تسافرى بالأولاد للسودان ... يقول خرجت و كلمت أخوى بأنى مسافر و القدر و غيره أذا حصل لى شئ تسفر الأولاد يقول : أخوى قال لى يا زول أنت ما كل أسبوع مسافر الجد شنو ..؟؟ قال ليه بس المرة دى حاسى بشئ لكن لم يوضح له شئ عن الشخص الذى ناداه فى الليل ... تحركت الشاحنات محمله دجاج للرياض أحد السائقين الصوماليين لديه شقيقه مسافر للرياض لم يركب مع شقيقه أو مع واحد من أبناء جلدته .. جاء و ركب مع ( ع ) فى شاحنته و تحركوا الظهر وقفوا فى محطة للصلاة و الغداء صلوا الظهر و العصر و تغدوا و تحركوا ... بعد حوالى خمسون كيلومتر تقريباً و فى منطقة صحراوية ثعبان ضخم يطل برأسه فى كابينة القيادة فى سيارة ( ع ) و يتربع على الطبلون ... خاف الصومالي الراكب و كاد أن يفتح الباب و يهرب ( ع ) قال ما حدث ليلة أمس ربطه بهذا الثعبان الذى ظهر فجاءة يقول : هدأت من السرعة ألى أن توقفت على يمين الشارع و قلت للصومالي أنزل و سيب الباب مفتوح نزل الصومالي و الشاحنات خلفي توقفت و الثعبان زحف و نزل و مشى فى الصحراء .. يقول : تبعته و الصوماليين خلفي أحد الصوماليين تناول حجر و هم بضرب الثعبان !!! يقول ( ع ) نهرته و هددته ... أّذا قتلت الثعبان سأقتلك هنا ... يقول الثعبان زاحف أمامنا و نحن خلفه ألى أن وصل عند صخرة و بدأ يدور حولها ... يقول قلت لأحد الصوماليين أرفع الحجر دا ... الصومالي قال ليه يازول ترفعه براك ... يقول رفعت الحجر و وجدت تحته ثلاث ريالات عباره عن أنصاص ريال فئة خمسون هلله يقول أعطى كل واحد من الصوماليين نص ريال و أنا أخذت نص ريال مثلهم ... و تركنا الثعبان مكانه و غادرنا يقول : وصلنا الرياض و فضينا الحمولة و رجعت لوحدي فى الليل ... فجاءة سمعت ضربة قوية فى مؤخرة الشاحنة يقول وقفت ونزلت لأجد أحد البدو مع وانيت هايلكس جاء من طريق فرعى ترابى و دخل تحت الشاحنة و مات فى وقته ... يقول تشهدت و لدى أحرام فى الشاحنة غطيته به و ذلك الوقت لا توجد موبايلات أول مسافر وقف قلت له يا أخى زى ما أنت شايف حصل معاى حادث فبالله عليك انت ماشى أى دورية تقابلك لأمن الطرق بلغهم بالحادث و لم يمض و قت طويل حتى جاءت دورية أمن الطرق و عاينوا الحادث و أجروا أتصالاتهم و جاءت دوريات أخرى و سيارة لأخذ الجثمان و أخذوني لأقرب قسم شرطة ... يقول فى الصباح الباكر نادى علي أحد العساكر بأنه لدي زيارة يقول : حادث حصل بالليل و مافى زول من أهلي عارف ... دا منو الجاي يزورني دا ..!!؟؟؟ يقول خرجت وجدت رجل أسمر طويل يرتدي جلابيه بيضاء أنصاريه يقول : سلم علي و حمداً لله على السلامة و أن شاء الله بسيطة ... و قال لي أنا ساكن قريب من القسم و عرفت أنه فى سوداني عامل حادث وجيت أشوفه و شويه من حديث المجاملات و كان يحمل فى يده كيس به سندوتشين و آخر به قارورتين ماء قال : خُذ هذه السندوتشات لك واحد و قارورة ماء و الشخص المعاك فى الغرفة أديه واحد و قارورة ماء و خُذ هذا الدعاء و أقرأه و أن شاء الله ما بتجيك عوجه ... يقول ودعني وذهب و بعد أن تحركت قلت فى نفسي طيب هو ساكن قريب من القسم وسمع بالحادث كيف عرف فى زول معاى فى الغرفة يقول رجعت للعسكري قلت له لو سمحت نادي الراجل اللى خرج دحين ... يقول خرج العسكري و رجع يقول لى لا يوجد أحد ..!!! يقول فطرنا و نمت وبعد صلاة العشاء قرأت ذلك الدعاء كثيراً و فى الصباح نادوا على و قابلت الضابط و أعطوني كامل الملف فى يدى للتوجه به للمحكمة و مقابلة القاضي بمفردي من غير عسكري معاي ولا ضامن .. يقول توجهت للمحكمة و قابلت القاضي و أطلع على الملف و اعطاني موعد آخر و عدت فى الموعد و تاني موعد و كلها أيام قريبه فى الجلسة الثالثة حكمت المحكمة ببرأتى و أعطوني خطاب للشركة بأنه كانت لى قضية منظورة فى المحمكة ... يقول مرت شهور و فى يوم من الأيام يدق باب الشقة و أذا برجل يقول لى يا أخي أنا مدرس فى القصيم و جئت اليوم من السودان و عايز لى مائة ريال أوصل بها .. طيب أتفضل أتغدى معانا و مافى عوجه رفض رفض بات يقول دخلت و أعطيته مائتى ريال و شكرنى و نزل يقول و أنا بقفل فى الباب تذكرت أن هذا الشخص هو الذى زارنى صباح يوم الحادث الأختلاف عندما زارني فى قسم الشرطة كان يرتدى جلابية و اليوم يرتدى بنطلون وقميص ... يقول فتحت الباب بسرعة و نظرت فى بئر السلم حتى أُنادي عليه يقول : فى هذه اللحظة رأيت شقيقي يصعد السلم قلت له الزول اللاقاك نازل دا نادي عليه ... يقول أخوي قال لى مافى زول نازل ... يقول نزلت و أنا و أخوى لباب العمارة و لم نجد أثر لذلك الشخص ....
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: سليمان القرشي)
|
اها ياسعدالدين شوف حتي هناك في استراليا حيث الخيرات والنعيم،،الجن ما لقي الا فقراء الهنود يقاسمهم لقمتهم،،جن تعبان اي كلام،،يباري في الكوش والخرابات والهدائم وقطاطي المساكين،،يتلبس الجوعي والمساكين وقليلي الحيلة،،،لماذا يوجد الجن دائما في البلدان الفاكه المشهاد،،،هل هناك جن بفينا ،باريس،،من المؤكد انه اذا وجد فلن تجده متتلح الا المهاجرين،،،جن تعبان ،،عديم شغله ،وما عندو موضوع...
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: ست البنات)
|
الاخ الحبيب محمد عثمان الحاج،،التحايا...
بلدك ده فيهو عجائب،،وكل افريقيا ملئية بالغموض.
من الاسهل ان نلغي الاشياء بجرة قلم،هذا علي مستواها الظاهر،ولكن يبقي امر جد عصي ان تخرج كل تراكمات قناعات الطفولة من الوعي،،نسخر من البعاتي،اب لمبة،السحرة،الكتابات المؤذية،الشياطين،،ولكن فجاة تجد نفسك تماما مثل الجدود القدماء،ايمانا وتصديقا،،،الان في بلادنا اكتر المتعاملين بهذا المتعلمين ،ناس السياسة،الكورة،،القروش،،،ولي اصدقاء خلص وسط هؤلاء الكجوريين،،يحدثونني بسخرية عن بكاء اهل الكرة،والمهوسين بالغني...
تلك عوالم عجيبة،،ولو تتبعها الانسان لاخرج منها مليون حكاية...
كيف ولماذا يؤمن الناس بهذا،،لا ادي،،ولكن غالب الناس يؤمنون...
وطبعا ليس لهذا علاقة بعوالم التصوف والفيوض.
| |
|
|
|
|
|
|
|
|
|
Re: ظهور جماعة من الشياطين والجن بمناطقنا،،تري بالعين ،وتسمع..ممكن صور . (Re: عبدالعزيز عثمان)
|
الازهري،،،اما انا فلقد رايته وانا صغيرا،،نزل نواحي حلتنا والدنيا ليل ومطر،،واستقبلته القرية فوق السكة حديد والكنار العظيم،،ومشي كيلوين اتنين خائدا في الطين والحل مع الخائدين،،علي ضوء الرتائن،،تزغد خالتنا الصبر قاسي،،وتغني،،ازهري جاء ،،والبلد طلا،،وجدنينا بي حكم السودنا،،،يسال الهندي عن المشروع حواشه حواشه وعن ناسه نفرا نفرا،،،ثم انهم قضوا معنا ليلتهم ،متفاكرين،،في الزرع والضرع،المدرسه وبابور الماء والشفخانه،،في الفة من غير ما فخفخة وصولجان،،كانما هم اصدقاء وندامي...
الان يا حبيبي الازهري،،ضاع ذلك الجميل،،وحتي حديده والياته،،،تفرقت بين الشياطين...
| |
|
|
|
|
|
|
|
| |
عبدالعزيز عثمان
وضاحة
سليمان القرشي
Osman Musa
saadeldin abdelrahman
عبدالحفيظ ابوسن
ياسر السر
سامى عبد المطلب
الطيب شيقوق
بدرالدين بابكر مصطفى
Mohammed Awad
حماد الطاهر عبدالله
محمد جبره
ست البنات
ابوحراز
سيف اليزل برعي البدوي
طلال جبير جابر
Tragie Mustafa
الجنيد حمد
maman
Yasir Elsharif
الطيب عثمان يوسف
بشرى مبارك ود السقاى
cantona_1
ALazhary2
عبدالله ود البوش
مها عبدالمنعم
على عبدالله بشير
فيس بوك
تويتر
انستقرام
يوتيوب
بنتيريست