دفتر احوال ضابط الشرطة المناوب 2013 {توجد صور}

Quote: لم يسفر كل هذا الكم الهائل من الكتابات والمداخلات من تحريك هذه القضية قيد أنملة....

Quote: سلام سيد فارس .. وأسعد الله أوقاتك .. مستمتع والله بمداخلاتك .. يعجبنى الحضور اليقظ ، ولملمة الشوارد .. بالمناسبة الطيب بشير ده عندو كتابات غاية فى الإمتاع ، لكنه مقل عندى بعض القصائد له ( تدوخ ) .. نقوم نستاذنو ننزل منها حاجة هنا .. والتحايا برضو للشاب صلاح بابكر وين ماكان ..

Quote: وعليه فإننى أرى رأى الزميل العزيز الفارس الهمام ذو الرأى الصائب ...فارس موسى... الذى لم يجامل أو يحابى وادلى برايه الواضح فى إنهاء ذلك البوست والإكتفاء بالبوست الذى لا ينفض سامره....دفتر أحوال ضابط الشرطة المناوب.. وآمل أن يسعفنى الحظ والوقت للمساهمة فيه......

Quote: معليش يا سعادتك إنت الدفعه45 ولا 42 يا جماعه متضحكو فينى

Quote: السيد على جويلى السيد فيصل الحسن السيد عاطف عنتر السيد على سرالختم السيد اسامه على السيد عادل حمزه تقدمت بالمقترح التالى ولم اقرا سوى رد السيد عبد الحفيظ ، ارجو أن أقرا ردودكم خاصة دفعتى على سر الختم لأن رده يهمنى للغايه، فهو صاحب البوست وذلك لأنه سبق وأن نبهنى شخصيا بأن يترك هذا البوست للتواصل الإجتماعى والتداعى والشجن والزكريات وأن نجعل من بوست المفصولين الذى تمت إحالته للإرشيف مكانا لقضية المحالين، وبالتالى تنفس الطفابيع الصعداء ظنا منهم إننا فترنا من الدواس والمجالده والفضح ومطاردتهم .. أأمل أن أقرا لك ردا دفعتى حتى نتعاطى مع هذا البوست وفق ما ترضى وتشير ولا نفرض عليك شأنا لا تقصده او ترضاه . وشكرا التعديل لإصلاح إسم الصديق عادل حمزه فقد كتبته فى اللسته الفوق (صلاح) !! التعديل التانى لإصلاح (خطأ مطبعى) لمفردة (نتعاطى).

Quote: ياخ بصراحه أنا خجلان ليك ؟؟؟ بى إنضباط شديد طبعاً

Quote: ياخ بصراحه أنا خجلان ليك ؟؟؟ بى إنضباط شديد طبعاً

Quote: الاخ الحبيب السيد الحاج عبدالحفيظ تحية واحتراما اختلف معك {مع كل احترامى } فى اعتقادى انه بعد كل المداحلات والكتابات تحرّكت القضية وتم الاتصال ببعض القانونيين وذوى الخبرة ونصحوا برفع دعوة دستوريه لحفظ الحقوق ولكن السؤال ماذا حدث فى موضوع الدعوى؟؟ اخر معلوماتى بعد ان جمعنا ذلك المبلغ المالى اننا بصدد توكيل محامى لرفع القضية وياريت لو يحصل تنوير من من لديه المعلومة من الزملاء بشان هذه القضية بارك الله فيكم

Quote: ارجو أن أقرا ردودكم خاصة دفعتى على سر الختم لأن رده يهمنى للغايه، فهو صاحب البوست وذلك لأنه سبق وأن نبهنى شخصيا بأن يترك هذا البوست للتواصل الإجتماعى والتداعى والشجن والزكريات وأن نجعل من بوست المفصولين الذى تمت إحالته للإرشيف مكانا لقضية المحالين،

Quote: يا على سر الختم سلام تانى يا دفعه ساعلك من الخير ياخى دفاتر الاحوال الفاتت وين ؟ هل إنت عندك مكتبه ؟؟

Quote: أما صلاح بابكر يا سعادتك كان شاب ..بس هسه هو بقى رعيل اول ....لوووول على قول جكس المنبر !!

Quote: تقدمت بالمقترح التالى ولم اقرا سوى رد السيد عبد الحفيظ ، ارجو أن أقرا ردودكم خاصة دفعتى على سر الختم لأن رده يهمنى للغايه، فهو صاحب البوست وذلك لأنه سبق وأن نبهنى شخصيا بأن يترك هذا البوست للتواصل الإجتماعى والتداعى والشجن والزكريات وأن نجعل من بوست المفصولين الذى تمت إحالته للإرشيف مكانا لقضية المحالين، وبالتالى تنفس الطفابيع الصعداء ظنا منهم إننا فترنا من الدواس والمجالده والفضح ومطاردتهم .. أأمل أن أقرا لك ردا دفعتى حتى نتعاطى مع هذا البوست وفق ما ترضى وتشير ولا نفرض عليك شأنا لا تقصده او ترضاه .

(عدل بواسطة بشرى مبارك ود السقاى on 01-05-2013, 10:40 PM)

Quote: الاحباب الكرام تحياتى وفى البداية (نورنا اليوسفى)بكل كلماتة التى تجعل العبرات تنكسب على دفعته الراحل حبيب أُمباشى رحال ونترحم عليه ونقول اللهم أغفر له وأرحمه ولجميع موتانا من الزملاء فى الشرطة فهم السابقون ونحن اللاحقون إن شاء الله نسأل الله لنا ولهم حسن الخاتمة والفردوس الاعلى، لم يتكرم نورنا اليوسفى بالاجابة على سؤال فارس موسى !!! . كنت أعشم من الاخ النور يوسف (سينيرى ) حسب ما بقول الفارس فارس موسى أن يجاوب على (شك فارس موسى !!) ولكن لو نظر فارس موسى لصورة النور يوسف وهو نقيب لما تردد أن يقول من 49 ما شاء الله تبارك الله من الشباب والرياضة( ده ما تحسبو كسير تلج ده واقع والحمد لله قلت ماشاء الله تبارك الله من العين ) فالاخ النور يوسف يا فارس من الدفعة 45 نسأل الله لكل الاخوان من دفعته الصحة والعافية والرحمة والمغفرة للأموات .

Quote: حبيب ، كان كوةً من ضىْ ، فارعاً محتشداً ، فسحة ً من رجاء عاش بين الناس كالرهبان وفارقهم كقطرات الطل صوفيٌ يتنقل بين الأحوال ، من كتف أخضر الى الى ساعد ريّان ، من طرف ٍوديع الى كلمة سواء .. عاش بين الحمد مقاماً والمحبة حالاً.. وسار فينا لكل فضيلة ، عنواناً ومقالاً ..

Quote: التحية للحبيب صلاح بابكر في برد لاهاي

Quote: اتت مداخلة الصديق النور يوسف وفيها قدر وافر من المعقولية والمنطق , حيث كتب الاخ النور الآتى : Quote: وهو ـ أى البوست ـ ككل الوسائط الإعلامية يعنى بإبقاء القضية فى دائرة الضوء ويتطرق لسبل معالجتها على كافة الأصعدة ويقوم بالتوثيق لمراحل تطورها ، والخطوات التى تم إنجازها ، كل ذلك بالتنسيق مع آليات آخرى توجد على الساحة وتتعاطى مع الأمر وفق ظروفها وملابساتها التى قد تختلف مع تمنيات وآمال من يكتبون فى البوست .. الذين يكتبون فى البوست سقفهم الأمل والذين يتحركون على الأرض تحكمهم الوقائع عليه أضم صوتى لصوت الزملاء الذين ينادون باستمرار البوست , وأود ان انوه ان المال الذى بطرف الاخوة بالداخل لا يكفى وقد وجب علينا زيادة الدعم حتى يتحركوا بسهولة ويسر .

Quote: ولكن لو نظر فارس موسى لصورة النور يوسف وهو نقيب لما تردد أن يقول من 49 ما شاء الله تبارك الله من الشباب والرياضة( ده ما تحسبو كسير تلج ده واقع والحمد لله قلت ماشاء الله تبارك الله من العين

Quote: يا سيد النور أنا سعيد جدا إنى جغجغ نقارك

Quote: المشكلة كلكم اقدم مني عدا ودالمشرف وابراهيم الرشيد هههههههههه لانو من 55

(عدل بواسطة Dr.Mohammed Ali Elmusharaf on 01-06-2013, 03:45 PM)

Quote: طبعاً أخوك من كورس الضابط المناوب والى رتبة الملازم أول مزازى بى غرب السودان .. من كفياقنجى ، الردوم ، برام ، كاس ، نيرتتى ، مارتجلو ، قلول وسونى بى غرب الجبل ..

Quote: وانا ذاتى شايقى من نورى السوق يا سعادتك

Quote: فارس يا صديق ياخ أنا مهتم جدا بالاطلاع على رواية الأستاذ تاج السر الملك أرجو ارسالها ان امكن

Quote: معجب جداً بشخصية الناظر بابو نمر وحابب أقرأ عنو أى حاجة ، لو تيسرت لك أى كتابات فى فضاء الله الواسع ده دلنى عليها ..

Quote: * نرجو منكم مراعاة حديث جدنا بابو بالدّارجية . وطولوا وطولن بالكم وبالكن ، مع التأمل . اليوم سوف أختار لكم كيف ساوى الناظر بابو نمر ( معليش عثمان ) ديّة المرأة مع الرجل . وطلب أن يوصلوا الخبر للسيدة فاطمة محمد إبراهيم رئيسة إتحاد نساء السودان آنذاك. الحديث أو سؤال الدكتور فرنسيس للناظر بابو نمر كان عن الدّيات ( خروج ، طبعا الديات كانت مبنية على العرف ، فكانت تقديراتهم كالتالي : ديّة الحمري 60 جنيه أو 60 بقرة ، وديّة الدينكاوي ( ماريق )40 بقرة ، وديّة النويري 30 بقرة ، وديّة الحجيري (30 -50 ) بقرة ، وديّه الرزيقي 71 بقرة وديّة المسيرى الأزرق 60 بقرة، وهذه الديات قابلة للزيادة ، كم سنرى فرانسيس دينق :طيب بالنسبة للقبائل الجنوبية ؟ ( يقصد الديّة ) بابو نمر : القبائل الجنوبيةمقابلنا من هنا النوير . كان قتلوا لينا زول . الزول ده مشا سرق غنم ، الزول من عتاتيق هنا، من أولاد عمران ديل . فزعوا فوقوا لحقوه وكتلوه . يوم كتلوه ديّته ثلاثين بقرة ، بقى عرف بينا وبينهم. هنا ماريق قتلوا لينا زول . حصلت شكلة كده ، قتلوه. ديّته أربعين بقرة منهم ، وبقى عرف . ما شفت يوم داك حسبنا الديّة أربعين بقرة في كادقلي وبقى عرف ؟ عندنا من علينا هنا من أولاد مسعود ، كتلوه ، ديّته منهم خمسة وثلاثين بقرة . يوم بقى قريب ده هنا بعد حوادث 1965 ، هم جوا لغاية الدواس ، رعو هناك شوية ، أولاد كامل ركبوا من هنا قبل العر بما يدللوا. مشو هناك غاروا فوقهم . قتلوا منهم ناس وشالوا البقر وجابوهم . نحن هنا سمعنا الحادث أديت المفتش خبر . وبعدين رسلوا البوليس وما قبضوا اي زول . العرب شتو في فرقانهم ببقرهم. نائب المدير جاء هناك ، غندور جاء ، كورك معاي شديد خلاص . قلت لي خلاص كلامك كملتو ؟ قال لي آي ، كملتو . أها ، قلت ليه الزول ما بحرّش عياله ! بقول ليهم أمشوا أقعوا في الحفرة ! الزول أبوهم ما بنكرهم . تاني كان عمل حاجة ما بنكره ، لكن الزول بقول لعياله وراكم حكومة وقدامكم رجال مثلكم بماوتوكم . تقول لعيالك أمشوا موتو دي ما بنسويها. لكن يوم عملوا خطأ ومشوا ، أنا ما بنكرهم ، أنا بحل المسالة. بوليسك أسه مشى روّح وما عمل حاجه . يمكن خمسه يوم ما مسك ولا أي زول . أنا باكر ركبت عربية من هنا وسقت أجاويدي ومشيت بره لأولاد كامل ورقدت عندهم . أصبحت الصباح ، قلت هوي ، أولاد كامل . قالوا نعم . قلت الكلام ده سويتوه أنتم . والعيال شتو شالوا القش . أنا من محلي يا الناس ديل تجيبوهم وتجيبوا البقر يا أنا فجر بركب بروح هناك بقابل نائب المدير ، بمشي بتنازل من النظارة كلو كلو . ما دام أنا قبيلتي بتعمل البطّال ، وأنا ما بقدر بوقف حد وما بقدر بمسك المجرم، يبقى ماني أهل للوظيفة دي . أنا بمشي بستقيل، بخليكم أنتم الفاس على الراس . ( خروج ، حتى لا أطيل عليكم فتملوا اسمحوا لي أن أختصر لكم ) جدنا بابو نمر وضع أولاد كامل على المحك ، المهم ، أجتمع أولاد كامل إجتمعوا وقرروا أعادة المسروق وسلموا الذين إرتكبوا الجروم للناظر بابو نمر وقام بسجنهم. المسروق كان قدره 1200 رأس من البقر ، إستطاع الناظر بابو أن يسترد منها 1094 رأس ). يقول الناظر : (يوم جوا للدية قالوا نحن بندور الديّة ، نحن اسه كان العيال دول شنقتوهم بينفعونا نحن بشنو ؟ النّاس الماتوا دول العندو ليه أخو والنعدو ليه ولد والعندو ليه أبو ، المال ده لو يوم يجي بياخد بيهو مرأه ، والمرأه بتجيب عياله . وكان الزول شنقوه نحن ما مستفيدين . لا نحن بندور الدية مادام مالنا ذاتنا الشالوه جابوه لينا ). يتابع جدنا الناظر : ( قلنا ليهم خلاص نديكم الدية. الديّة بيناتنا 35 بقرة . قالوا صاح ، لكن إذا دايرين رضانا ، الديّة بينا وبين الرزيقات 50 بقرة. تدونا الخمسين قلنا ليهم كويس ، نحن ما دام خطينا ليكم وأنتم أهلنا وما عملتوا لينا حاجة بطاله ، ونحن ديل خطينا مشينا كتلنا ، عيالكم دول ما هم عيالنا ، نحن حسه بنعطيكم إلا البقر والعيال ماتو. الخمسين بقرة نديكم ليها . خلاص صفقوا وأنبسطوا وقالوا الماتوا فيهم بت ، والبت دي كانت مخطوبة ، وأبوها حل الحبال كلهم المفتلهم قاعدات و سايقين فيها مائة بقرة . وناسكم كتلوها . البت دايرن فيها مائة بقرة. أقول ليهم الدية عندنا نحن المرأة نص الراجل ... ، ولكن بنتكم أم مائة دي أنا بسويها راجل وبديكم خمسين زي ديّة الراجل ... وأنتم يا موظفي الحكومة لمن تروحوا هناك تكلمو فاطمة أحمد إبراهيم ( رئيسة إتحاد نساء السوان آنذاك) وتقولوا ليها المسيرية هناك ساووا المرأة والراجل. خلاص تراضينا ودفعنا الدية ). * رحمك الله يا شيخنا الناظر ، بالله عليكم شوفتوا الحكمة ، وحل المشاكل تحت شجرة ظليلة بفناجين قليلة من القهوة . لله درك يا شيخ العرب

Quote: نواصل ما أنقطع مع ذكريات جدنا بابو نمر . المرة الفائتة توقفنا عند ذكر جدنا دينق مجوك والد الدكتور فرسيس دينق. جدنا دينق ماجوك ذو الأكثر من مائتين زوجة مستنكر كون جدنا بابو نمر ، وهو شيخ كبير ولقبيلة كبيره ، مكتفي بأربعة زوجات فقط . فما هي المناسبة ؟ ذكر الدكتور فرسيس دينق لجدنا بابو نمر الورطة التي هم فيها من جراء تعدد زوجات والده ، وكثرة إخوانه . يسأل جدنا بابو نمر لما لم يقدم النصيحة لصديقه دينق ؟ دكتور فرنسيس :لكن أبداً ما تكلمتم عن قصة الزواج ده عندما شعرت إنه تجاوز الحد المعقول؟ ما تكلمتم في المسألة دي أبدا إنت ودينق ماجوك ؟ الناظر بابو نمر : والله أبداً ، لأنه ما حبيت أتدخل في المسائل اللي زي دي . حتى هو ذاته ، أنا وهو بنتونس ، قال لي يا بابو نمر إنت شيخ كبير وتتزوج اربع نسوان بس عشان شنو ؟ ليه ما تتزوج زياده ؟ قلت ليه والله زي ما أنتم تتزوجوا بدون تعداد ، نحن برضه عندنا عدد محدد بأربعة.... الواحد ما يقدر يزيد عليهن ، ممكن يتزوج أقل ، لكن مش أكتر . بعدين قال لي ما تعمل إستئناف للسيد عبدالرحمن " يقصد السيد عبدالرحمن المهدي " عشان يزيدك ؟ قلت ليه ، السيد عبدالرحمن رقبته ذاتها ما بيقدر بيزيدها ، لأنه دا قانون قديم بتاع الدين بتاعنا .... إنتهي. * تعليقي : هل لاحظتم البراءة في تعامل الناظرين بابو ودينق مجوك ؟ جهل دينق بالتعددية عند المسلمين ، وبساطة رد بابو ( لأنو ده قانون قديم بتاع الدين بتاعنا ) يعني ما قال ليهو يا نجس ، يا كافر ، ولا أعلن عليهو الجهاد ، ولا قطع علاقته معه. فماذا أصاب الناس اليوم ؟ أين هي أدع إلى سبيل ربك بالحكمة ( الحكمة ختوا تحتها خط ) والموعظة الحسنة ؟

Quote: عن رأي جدنا الناظر في الأنوثة الأنجليزية ومقارنتها بالسودانية * سأل الدكتور فرنسيس دينق جدنا الناظر :( في جزء من سؤال أنا ما متأكد أسأله كيف ، ومتعلق بالنسوان. وهو سؤال حساس . كيف كان شعور السودانيين بالنسبة للإنجليزيات كنسوان ، وهل كان يختلف من شعورهم بالنسبة للنسوان السودانيات ؟ * الناظر بابو نمر ، يجيب :( أنا ما عارف شعور الناس كلها . أنا بشعر على إنهن نسوان . لكن في معاملتهم كده ، الواحد ما يشك على أنه في أنوثه . لكن الزول ما بنظر ليهم زي ما بنظر للسودانية وكده . أنا ما بنظر ليهن كده . يعني الواحد لما يشوف إمراة سودانية ، يعني بنظر ليها نظرة ...... أنا شخصياً ما بنظر ليهن النظرة دي أبداً . لأنهن ذاته ، يعني المسائل دي ليها حاجات ...... يعني العيون والقلوب ليهن حاجات بدلوا اللسان . المسألة دي ما موجودة فيهن ، لكن موجوده مثلا في غيرهن . * تعليق : شفتو جدنا دبلوماسي كيف ؟ والسؤال لماذا هناك حزف في النص العربي ؟ أيهما أكثر تذوقا لك النص العربي أم النص الإنجليزي ؟ نتظر مداخلاتكم . فإلي النص الإنجليزي : Francis Deng:There is a part of this question which I am not sure how to ask; it is about women and it rather delicate and sensitive > What was the feeling of the Sudanese towards the British women as women, and did it differ from their their feeling towards the Sudanese women ? Babo Nimir : I don't exactly how other people felt .As for me I felt that they were women ; in their treatment of people , one did not doubt the femininity in their behavior ; but one did not look at them the same way one would look at a Sudanese woman . I did not look at them that way . When you see a Sudanese woman , you look at her with a certain look. I personally did not look at British women with that look . They too probably felt the same way . These things have their own eyes and their own hearts . When right combination is established they click without questions.These did not exist between us and the English; but of course, they exist between us and the Sudanese women

Quote: حكمة إمراة مسيرية وهي والدة شيخنا بابو نمر ( لم يذكر اسمها ). وكذلك سأختار لكم دبلوماسية إمرأة جنوبية ، وهي شقيقة الناظر دينق ماجوك وعمة الدكتور ، اسمها أبول . سأل الدكتور فرنسيس جدنا بابو نمر : ... هل الزوجات والوالدة ، قول يعني النسوان القريبين لك، هل كانوا بيساعدو في التفكير في المسئوليات ويشاركوك شيل الحمولة دي . بابو نمر : النسوان ما بشاركني ، لكن زي حبوبتي طبعاً من نسوان المهدية، ووالدتي اللي هي مربياها حبوبتي ذاتها يوم خطبوها لوالدي كانت صغيره وكده ... فتكلموا معاي كثير في المسائل الزيي يعني كده ، .... لكن النسوان ما بتدخلن في حاجات زي دي ، لكن والدتي وطبعا أعمامي من باب أولى . حتى أن والدتي شافت الشباب الكانوا معاي في البيت وربيتهم وأنا علمتهم وزوجتهم وهكذا وبقوا من أكبر الأعداء .... حتى والدتي قالت لي فلان إنت زمان ما قالوا الملاح أمضى من السلاح . وأم بغيته دي خاف مسخت الملح ... الناس إنت ربيتهم وسويتهم وحسه بقوا عدو ، وجعه واحدة ما جاتهم .( خروج ، هذا الكلام أول مرة أسمعه ، أعرف الملح والملاح ، ولكني لم اسمع بأن الملاح أمضي من السلاح ، ولأول مرة أعرف أن أم بغيته تعني عند المسيرية ( السكر ) لذلك قلت هذه حكمة أمرأة مسيرية ). أما عن دبلوماسية أخت الناظر دينق ( عمة فرنسيس ) فقصتها يحكيها جدنا بابو نمر) يقول جدنا بابو : ( أنا بذكر أخت الناظر دينق ماجوك .. اللي أخدها ولد من البنقو . أ نا قلت ليها يا أبول ، وكان عمي رحمه الفريع ، قلت ليها الزول اللي من بنقو بدفع ستين بقرة ، وأنا بدفع سبعين وأتزوجك . ضحكت وقالت لي إنت ماك أخوي ، كان إنت تزوجتني دينق ما بشيل منك مال . يبقى إنت ودينق ما لقيتوا مال . أحسن أنا أتزوج الزول ده عشان إنت ودينق تجيبوا نسوان أخرات . لكن لمن إنت تتزوجني دينق ما بشيل منك مال ). * ليتك ألححت يا شيخ العرب وتقول 120 بقرة ، على الأقل ما كان حا يكون في مشكلة اسمها أبيي .ماذا تسمون سلوك حبوبتنا أبول ، أليست هكذا هي الدبلوماسية ؟ هل يا تري تعلم منها الدكتور فرنسيس فن العمل الدبلوماسي؟ * هل عرفتم قيمة البقرة عند أهلنا المسيرية والدينكا ؟

Quote: بعد الانتباه والتحية ... المشكلة كلكم اقدم مني عدا ودالمشرف وابراهيم الرشيد هههههههههه لانو من 55 فضلاً ولطفاً لاتجعلوا ابداعكم هذا حبيس دفتر الاحوال وفي المنبر متسع !!! اكتبوا بره وجوه الدفتر المانع شنو !!! بالطبع هذا الامر سبق تدواله كثيراً لكنني لا زلت اصر على اننا يجب ان ننداح خارج صفحات هذا الدفتر هذه امانة في اعناقكم ذكرياتكم مشاهداتكم تجاربكم انفضوا عنها الغبار وقولوا للناس هاؤم اقرءوا كتابيه .. لاتجعلوا هذا العشق سجيناً في الخلايا حتى لانشهد موات الاغنيات ....

Quote: انا سعيد جدا إنك قد أمتعت عينيك بغربنا الحبيب ونهلت من ينابع طيبة اهله الكرماء الطيبون ..

Quote: أيواه كوى , امسلتنق كى سلتنق كى , كلنكنق وى السى جالو سلام .. سلام سيستونق )

Quote: بالنسبة لى ليس لدى إعتراض ، والكتابة فى المنتديات لها إيجابيات أقلها أن تجعلك مهتماً بتجويد الطرح وتمنحك الملكة فى إدارة الحوار .. أعدك بالمحاولة ، فقط تبقى الخصوصية التى يمنحنا لها هذا الدفتر .. ناسكم البره صعبين شديد .. تكتب ليك خاطرة زى الفوق ده يجوك (ناطين ) عشرة ألطفهم يحيرك .. عندنا بوست فى سودانيات إسمو ( خريجو جامعات اسيوط .. ) زى دفترنا ده ، يكاد يكون مغلق عليهم ونادر ما ترى أثر أحرفهم على صفحات الحوار .. المسألة كلها فى فكرة الإنتداء وكيف يرى الشخص نفسه فيها .. غايتو حتى اللحظة أجدنفسى هنا ، لكن سنخوض التجربة قريباً ..

Quote: وكان حينها مدير عام الشرطة كما أذكر المرحوم سعادة الفريق أول فيصل محمد خليل , وبعد اطلاعه على ذلك التقرير أكتفى بالتعليق عليه بجملة متى حدث ذلك ,

Quote: جنابو فارس ... عند عودتي القادمه ألي السودان أنوي رفع ما استطيع من الأوراق الوثائقيه وعدد ضخم من الصور الفوتوغرافيه للشرطه من الستينات حتي التقاعد ...

Quote: فقط تبقى الخصوصية التى يمنحنا لها هذا الدفتر .. ناسكم البره صعبين شديد .. تكتب ليك خاطرة زى الفوق ده يجوك (ناطين ) عشرة ألطفهم يحيرك

(عدل بواسطة فارس موسى on 01-07-2013, 11:08 PM)

Quote: اخونا وحبيبنا عمر عثمان تشكت فى طلبك المره الفائته بعد ان رددت عليك اظنك تقصد السيد النور يوسف ..بمحاولة الدخول فى دورى المنبر والكتابه بغادى؟ بالنسبه للعبدلله الفقير لربه اتواجد فى هذا المنبر زهاء ال8 سنوات وقد كتبت بوستا واحدا !! لكننى اتداخل فى العديد من البوستات واتابع كتابات اعضاء كثر وهذه الطريقه مريحه جدا وأسعد بها كثيرا فلها فوائد عديده اهمها حرية الحركه.. والإستفاده القصوى من الزمن المتاح(الاصلا ممحوق)!! ما بكتب إلا لما اكون فى إجازه كتابة البوستات فيها سجن ومرات بتكون معاهو ردود شاقه .

Quote: النهود: الحاج ابو عاقلة أرتفع عدد ضحايا الإشتباكات القبلية المسلحة التي وقعت صباح أمس بين قبلتيي أولاد هيبان من المسيرية الزرق وأولاد سرور من المسيرية الحُمر إلي أكثر من (102 ) مواطناً سقطوا ما بين قتيل وجريح أثر المعارك التي وقعت داخل أحياء مدينة الفولة كبرى مدن القطاع الغربي بجنوب كرفان عند العاشرة من صباح يوم الأحد ، وقد تمكنت حكومة الولاية بقيادة مولانا أحمد هرون الذي وصل إلى موقع الأحداث ظهر اليوم وفي معيته اللواء كمال عبد المعروف قائد الفرقة 22 بابنوسة واللواء مقدم هبيلة أبو زيكو مدير شرطة ولاية جنوب كردفان ومدير جهاز الأمن والمخابرات الوطني بالولاية من السيطرة على الأوضاع قبيل حلول الظلام حيث فضت النزاعات المسلحة بين الطريفين وانسحب المتانين تجاه الجنوب فيما انسحب اولاد هيبان اتحاه الشرق. وقال شهود عيان تحدثوا للصحيفة من داخل مينة الفولة أن عدد القتلى من الطرفين تجاوز 81 قتيلاً و (18) جريحاً في الاحد النهارية ولم يتثني للصحيفة تأكيد من تلك الأرقام من جهات محايدة. ، وأكد مواطنو حي أم دقل أن سكان الحي تعرضوا لأضرار بالغة من جراء المعارك التي استخدمت فيها الأسلحة النارية بانواعها الخفيفة والثقيلة وقالت تلك المصادر أنة تم حرق المنازل ونهب الأثاثات المنزلية بما في ذلك المواشي والأجهزة الكهربائية ، إلى جانب أكثر من (60) دراجة بخارية( موتر) تم الإستئلاء عليها في المعركة. وبحسب شهود عيان فأن الضرر شمل عدد من المواطنين الأبرياء والعزل حيث تم نهب المحلات التجارية بسوق (جبرونا) شمال شرق السوق الكبير وحرق لكوندة بالسوق وتم قتل صاحبها ويدعى (حامد الناظر ) وأكدت المصادر ذاتها أن أكثر الأحياء ضررًا هي أحياء ود عيساوي وأم دقل وأرقد فايق وحي الريان شرق وجزء من حي المطار. وتعود تفاصيل الحادث إلى أن هنالك ثأر بين القبلتين سببه قتل أح

Quote: أصدق التعازى للأخ فارس .. فى الأحداث المؤسفة التى جرت بمدينة الفولة وراح ضحيتها الكثير من أبناء المسيرية أحسن الله عزاءكم أخ فارس وتقبل الله الموتى وأنعم على المصابين بالشفاء .. دعواتنا معك يا صديق ..

Quote: النهود: الحاج ابو عاقلة أرتفع عدد ضحايا الإشتباكات القبلية المسلحة التي وقعت صباح أمس بين قبلتيي أولاد هيبان من المسيرية الزرق وأولاد سرور من المسيرية الحُمر إلي أكثر من (102 ) مواطناً سقطوا ما بين قتيل وجريح أثر المعارك التي وقعت داخل أحياء مدينة الفولة كبرى مدن القطاع الغربي بجنوب كرفان عند العاشرة من صباح يوم الأحد ، وقد تمكنت حكومة الولاية بقيادة مولانا أحمد هرون الذي وصل إلى موقع الأحداث ظهر اليوم وفي معيته اللواء كمال عبد المعروف قائد الفرقة 22 بابنوسة واللواء مقدم هبيلة أبو زيكو مدير شرطة ولاية جنوب كردفان ومدير جهاز الأمن والمخابرات الوطني بالولاية من السيطرة على الأوضاع قبيل حلول الظلام حيث فضت النزاعات المسلحة بين الطريفين وانسحب المتانين تجاه الجنوب فيما انسحب اولاد هيبان اتحاه الشرق. وقال شهود عيان تحدثوا للصحيفة من داخل مينة الفولة أن عدد القتلى من الطرفين تجاوز 81 قتيلاً و (18) جريحاً في الاحد النهارية ولم يتثني للصحيفة تأكيد من تلك الأرقام من جهات محايدة. ، وأكد مواطنو حي أم دقل أن سكان الحي تعرضوا لأضرار بالغة من جراء المعارك التي استخدمت فيها الأسلحة النارية بانواعها الخفيفة والثقيلة وقالت تلك المصادر أنة تم حرق المنازل ونهب الأثاثات المنزلية بما في ذلك المواشي والأجهزة الكهربائية ، إلى جانب أكثر من (60) دراجة بخارية( موتر) تم الإستئلاء عليها في المعركة. وبحسب شهود عيان فأن الضرر شمل عدد من المواطنين الأبرياء والعزل حيث تم نهب المحلات التجارية بسوق (جبرونا) شمال شرق السوق الكبير وحرق لكوندة بالسوق وتم قتل صاحبها ويدعى (حامد الناظر ) وأكدت المصادر ذاتها أن أكثر الأحياء ضررًا هي أحياء ود عيساوي وأم دقل وأرقد فايق وحي الريان شرق وجزء من حي المطار. وتعود تفاصيل الحادث إلى أن هنالك ثأر بين القبلتين سببه قتل أح

Quote: بسم الله الرحمن الرحيم أصدق التعازى للأخ فارس .. فى الأحداث المؤسفة التى جرت بمدينة الفولة وراح ضحيتها الكثير من أبناء المسيرية أحسن الله عزاءكم أخ فارس وتقبل الله الموتى وأنعم على المصابين بالشفاء .. دعواتنا معك يا صديق ..

Quote: فى يوم عالق بالذاكرة وما أكثر الأيام التى تعلق بالذاكرة فى تلك الأماكن الوهيطة وفى بحثنا الروتينى عن الأسلحة دخلت أحد فرقان المهرية فوجدت الفريق خالياً إلا من فتيات وسط أسمالهن البالية استدارت وجوه كالقمر ، ومن بين أعطافهن يرسل الفجر لونه ونضاره .. أجساد كالسيسبان وعيون تربك تماسكك الهش ، ونظرات لاسعة تملأك خدراً ونعاس .. أما منابع الإحساس وهضابه ، ضاحكة مبتله كيوم خريفى سعيد ومن بين جنبات هذا المسرح الربانى تفوح رائحة البرم ومعاطن الإبل ولبن النوق فتضفى على اللوحة عطراً وفخار .. هنا يفنى الإشتهاء وتموت غريزة البقاء وتبقى فقط أسيراً فى حضرة الجمال قالت إحداهن فى لغة تعيدك الى الدخول وحومل وبادية نجد , وروائع الملك الضليل وتذكرك بخدر عنيزة وويلاتها .. قالت بصوت يجمع بين البراءة واللطافة والدلال : ـ لا تتعب النار عوزبت ، ألبل عيونا زرررررقا ، أكان ما لقينالا شغل متل هناك ده ، بنحرس لنا كِيكيف !!!!

Quote: وأين نحن من ذياك البريق .......... سيادتو فيصل مساك الله بالخير

(عدل بواسطة فيصل عثمان الحسن on 01-07-2013, 11:27 PM)

Quote: وأدعو الله معى أن يتلطف بأهلنا جميعا وفى كل بوادى وأرياف وحواضر وطننا الحبيب.

Quote: كيف تثنى لأصحاب مشروع حضارى كما يقولون أن يستغنوا عن أفضل كوادر الوطن من مهندسين وأطباء واقتصاديين وقانونيين واداريين وعمال مهرة وزراعيين , كيف ستتحقق النهضة بدون كادر بشرى يملك المعرفة والمهارة , أصبحت الهوة كبيرة بين سودان ما قبل 1989 وسودان اليوم الذى فقد ثلث مساحته وربع اياديه العاملة

(عدل بواسطة بشرى مبارك ود السقاى on 01-08-2013, 01:54 AM)

Quote: هذه الحكومة لا تفكر بتاتا فى اى مشروع حضارى او غير حضارى همهم الوحيد البقاء على كراسيهم مهما كانت تكلفته و الان الوطن بقى على عجل الحديد كل خيراته ذهبت فقدنا الحياة الكريمة و فقدنا الامن و فقدنا الوطن ماذا تبقى لنا .. لا شئ