|
|
|
 Re: شمس على النافذة - قصيدة جديدة (Re: فضيلي جماع)
|
Quote: قُمْتُ مبهوراً أغنِّي
بيْد أنِّي ..
ما تغشّاني شعاعُ الشمسِ
أو همْسُكِ
أوْ بسْمةُ أمِّي
سرقوا الشمسَ
ومِن حوْلي تنادَوْا !
بيْدَ أنِّي ..
صِرْتُ في نشْوةِ أحلامي
ومن تلقاءِ نفسي
وطناً أسعى به
عبْر المطاراتِ..المواني !
فيه ماضيَّ
ومستقبلُ أيّامي وأحْلامي |
استاذي الفاضل وشاعرنا القامة فضيلي جماع
تسرق منا دوما بسمة الدهشة بحرفك الندي
تاثرنا بصورك وعزفك قيصارة الوطن المصلوب على مواني الحزن قصيدة
وتاخذنا لعوالمك ...فتمدد عزيزي على مسام اللغة وطن
يدغدغ فينا الحلم ... ويرسمنا خارطة.. على رقاع المستقبل سودان
يفخر بكل ما هو مثلك.... وانت منه
فشكرا وطن
ولك التحية وطن الفقراء والحلم
| |
 
|
|
|
|
|
|
|
|
Re: شمس على النافذة - قصيدة جديدة (Re: د.محمد حسن)
|
Quote: بيْد أنِّي ..
ما تغشّاني شعاعُ الشمسِ
أو همْسُكِ
أوْ بسْمةُ أمِّي
سرقوا الشمسَ
ومِن حوْلي تنادَوْا !
بيْدَ أنِّي ..
صِرْتُ في نشْوةِ أحلامي
ومن تلقاءِ نفسي
وطناً أسعى به
عبْر المطاراتِ..المواني !
فيه ماضيَّ
ومستقبلُ أيّامي وأحْلامي |
متعك الله بالصحة والعافية استاذ فضيلي جماع.
| |
|
|
|
|
|
|
|
|
|
Re: شمس على النافذة - قصيدة جديدة (Re: د.محمد حسن)
|
سرقوا الشمسَ
ومِن حوْلي تنادَوْا !
بيْدَ أنِّي ..
صِرْتُ في نشْوةِ أحلامي
ومن تلقاءِ نفسي
وطناً أسعى به
عبْر المطاراتِ..المواني !
فيه ماضيَّ
ومستقبلُ أيّامي وأحْلامي
وعِشْقي وسُهادي
وبه أنتِ
وأُمِّي ..
وأساطِيرُ بلادي
ـــــــــــــ
سرقوا الشمسَ
الشمس ليست ملكا لأحد بعينه
فيه ماضيَّ
ومستقبلُ أيّامي وأحْلامي
وعِشْقي وسُهادي
وبه أنتِ
وأُمِّي ..
وأساطِيرُ بلادي
أنت تملك كل هذه الأدوات سيدى
إذن لن يطول غياب الشمس .
ودمتم شموس الوطن .
| |
|
|
|
|
|
|
|
|
|
Re: شمس على النافذة - قصيدة جديدة (Re: سلمى الشيخ سلامة)
|
المسرحية والقاصة والأديبة/ سلمى الشيخ سلامة
متعك الله بالعافية. أعرف كم أنت جميلة وحبيبة للكل..وأخيرا هل ضاقت بك المليون ميل مربع فعدت تجربين المنافي مرة أخرى في مهجرك البعيد؟ رد الله غربتنا جميعا..وقبلها رد الله غربة الوطن.
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
يا صديقي .. عندما طالت غيبتك طمنت نفسي بانك حين تعود ستاتي بضوء الشمس فيدخل من كل النوافذ ...وها عدت فملآت ايامنا ضوءا ...
( يا ناس انا عايز ابقي حتة شويعر .. فضيلي وسمية وتماضر ووو انا ما قادر اجمع كلمتيين .. دة كلام .. ما حسد والله بس روحي محرقاني ياسلمي وياتمبس(الصورة) ومحمد ومعاذ وعبدالله )
صحبكم الرطان
ابوبكر
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
ياهندسة كتاباتك كلها (ماعدا معاكساتك لصديقك اللدود ود شيقوق) تنضح بجميل الكلم..شخص هضم الكتب. واضحة نعمة المعرفة وترف الثقافة في كل عبارة تكتبها..سيب التواضع.
بعدين نجي لحكاية "رطان" دي..إنت عارف إنو السودان النيلي كله استقى ثقافتو العربية الإسلامية في القرون الأربعة الأخيرة من العلماء الرطانة في شمال السودان (ومن المحس بصفة خاصة)..وكفاية إنو شيوخ التصوف الراقي معظمهم من المحس: خوجلي أبوالجاز ، حمد ود ام مريوم وغيرهم..خاصة شيوخنا في قباب وأضرحة العيلفون.
ولامن نقوم نحكي عن الشعر المكتوب بالعربية في السودان في القرنين الأخيرين عايزك تجيب لي شاعر واحد كتب شعر أحسن من: جيلي عبد الرحمن أو محي الدين فارس أو صلاح احمد ابراهيم أو جعفر محمد عثمان أو كجراي (بجا) أو خليل فرح بدري، صاحب مارسليز الشعب السوداني (عازة في هواك).
يعني باختصار كدة ماخليتو لصاحبك العريبي ود شيقوق والملكة سمية طلحة غير الدوبيت بتاعهم دا يمشوا بيه ورا المراح.
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
الشعر المكتوب بالعربية في السودان في القرنين الأخيرين
لا بقى ياأستاذ فضيلى نحن أعمق وأعتق ولانضع أنفسنا فى موازين الحداثة...
وعلى الرغم من ذلك نحترم كل ألوان وأشكال الأدب بل نصفق ونطبل لأصحابها بكل أدب
أما الدوبيت الذى نسير به وراء المراح فالكل يطالب بأن يدرس فى المنهج
السودانى وعلى رأس المطالبين به الرطان الذى نفخر به المهندس العلامة /أبوبكر سيد أحمد
ودمتم ذخرا لوطن متمازج .
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
| Quote: ياهندسة كتاباتك كلها (ماعدا معاكساتك لصديقك اللدود ود شيقوق) تنضح بجميل الكلم |
يا صديقي انك تسعي بالشمس عبر مواني وسماوات الدنيا الي بلادنا وانا اتشعلق في رقبة هذا العرريب الذي ما زال في بلادي وباديتها رغم بدلته وكرفتته وغياب جغرافي حتي لا تغيب عن عيوني شمس بلادي ...
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
النطاسي البارع ، والحافظ لإرث الحقيبة الدكتور احمد القرشي
يسعدني أن أراك هنا يا صديقي. بل أنت يا أحمد من يستحق أن نقف لك بما وهبك الله من طاقة وذاكرة تحسد عليهم ، سخرتهما رغم شواغلك كطبيب لخدمة تراث بلدك.
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
| Quote: السودانى وعلى رأس المطالبين به الرطان الذى نفخر به المهندس العلامة /أبوبكر سيد أحمد |
ياملكة ..اولا من غير "مهندس وعلامة" بعدين ودشيقوق يرفع قضية تانية وانا اجهل من جاهل ابن يوميين ..الدنيا اوسع من ان اكون انا علامة فيها ...
اما لماذا طلبت بالدوبيت في مناهجنا لسبب بديهي ان شعر العرب الذي اتانا من الخارج وشعر العرب في الداخل (الدوبيت مثالا) هما شعر للعرب بالنسبة للرطان وكون ان اللغة العربية يتعلمها الرطان او المتحدث بغيرها فلو درس الثانية-الدوبيت- اصلا دون الاولي لراي فيها جمالا يوازي او ربما اكثر مما يري في شعر العرب الوافد حيث ان الثانية-الدوبيت- فيها طعم الارض الذي هو منها ولهاج اهلها..
ربما يختلف الامر لمن هي لسانه عند مولده والله اعلم
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
الصديق ابوبكر
وبما أن خطابك موجه للملكة سمية فليكن التعليق من نصيبها هي . لفت نظري شيء هام في كلامك عن المضمون الإيجابي لدعوتك لتدريس الدوبيت في مدارسنا أو جامعاتنا ، رابطاً ذلك بالعامل الجغرافي للمتحدثين أصلا بغير العربية. أود أن أشيد بهذه اللفتة البارعة منك ، وهي تدخل في صلب علم اللسانيات الإجتماعي socio-linguistics فالتفاعل مع الحاردلو أو ود الشلهمة أو ود الضحوية يكون أسهل على المتلقي السوداني من دراسة السليك بن السلكة أو تأبط شراً وغيرهمامن الشعراء الصعاليك العرب.فالدارس في بلادنا (رطان أو غيره) يعرف الطقس الجغرافي والإجتماعي أصلا لذا فإن استدعاءه للصور الشعرية أو تخزينه لها أمر بدهي. لقد أثرت نقطة غاية في الأهمية يا باشمهندس. لك الشكر.
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
ياملكة ..اولا من غير "مهندس وعلامة" بعدين ودشيقوق يرفع قضية تانية وانا اجهل من جاهل ابن يوميين ..الدنيا اوسع من ان اكون انا علامة فيها ...
ـــــــــــــــــــ
لفت نظري شيء هام في كلامك عن المضمون الإيجابي لدعوتك لتدريس الدوبيت في مدارسنا أو جامعاتنا ، رابطاً ذلك بالعامل الجغرافي للمتحدثين أصلا بغير العربية. أود أن أشيد بهذه اللفتة البارعة منك ، وهي تدخل في صلب علم اللسانيات الإجتماعي socio-linguistics فالتفاعل مع الحاردلو أو ود الشلهمة أو ود الضحوية يكون أسهل على المتلقي السوداني من دراسة السليك بن السلكة أو تأبط شراً وغيرهمامن الشعراء الصعاليك العرب.فالدارس في بلادنا (رطان أو غيره) يعرف الطقس الجغرافي والإجتماعي أصلا لذا فإن استدعاءه للصور الشعرية أو تخزينه لها أمر بدهي. لقد أثرت نقطة غاية في الأهمية يا باشمهندس. لك الشكر.
ــــــــــــ
أخى أبوبكر
ألا يبيح لى هذا أن أناديك بالعلامة ؟
شكرا أستاذى فضيلى فقد كفيتنى شر التلعثم فى الجواب .
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
| Quote: فالدارس في بلادنا (رطان أو غيره) يعرف الطقس الجغرافي والإجتماعي أصلا لذا فإن استدعاءه للصور الشعرية أو تخزينه لها أمر بدهي |
يا صديقي فضيلي ..لا اريد تسيسا لما ذكرت ولكن الشعر خطاب للوجدان يقرب بين الناس فالاولي لاهل السودان من ناطق بها وبغيرها ان يكون شعر هم هو الذي يدرس لهم فالنوبي الذي يدرس شعر ودالشلهمة حتما سيلتقي وجدانه به قبل ان يري اهل منطقته كما هو الحال الان فدراسة شعر شاعر من الشام مثلا في المدارس حبب الينا اهل تلك المنطقة فالاجدر لقاء وجدان اهلنا من خلال شعرهم وشعرائهم كما هو حال غناؤنا الذي لا يختلف وجداننافيه من حلفا الي نمولي حتي ولو اختلف اللسان ..تعريب كثير من اهل افريقيا جاء من خلال خطاب وجداني كان الشعر استهلاله...ولذا فسودنة كل اهل السودان يستوجب خطابا وجدانيا من طين وماء وسماء وشمس وقمر وتلال ووهدان وتلال وجبال السودان يتسلل الي مساماتنا دون استئذان فيبقي فيها مدافعا عن لحمة اهل السودان ...والله اعلم
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
الصديق/ ابوبكر
أحسب أنّ مداخلتي لك أعلاه جرت على نفس الوتيرة. ولذا قلت إن ودالضحوية وودالشلهمة وغيرهما يكونان أقرب إلى وجدان أطفالنا في المدارس من تأبط شرا والسليك بن السلكة وغيرهما من فحول الشعراء الصعاليك العرب (أرجوك راجع مداخلتي، وستجد أنني امتدحت وجهة نظرك هذه). إن فهمي لقومية الثقافة السودانية أساساً يقوم على هذا التداخل الخلاق في الوجدان الذي يجمع عن طريق قبول الآخر لا رفضه وتهميشه. لذا فإن الحقيبة عندي هي بداية تقارب الوجدان الفني القومي لا ما يعرف باغنية ام درمان الحديثة التي يجعل القائمون في المذياع فيها أغاني ادريس ابراهيم ويوسف فتاكي وحتى أغنيات قومية العطر وفدت من كردفان يعدون كل ذلك (من ربوع بلادنا)..أي غنا حلالات وفرقان..وهي كما ترى نظرة استعلائية متخلفة حتى في فهمها للنسيج القومي .
أنت وأنا والملكة سمية نغني على نفس الوتر يا صديقى.
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
صديقي فضيلي ...
حديثي تاكيد لما ذكرت انت
| Quote: (من ربوع بلادنا).. |
رغم ان البرنامج ادي دورا تعريفيا مقدرا ولولاه لما عرف كل السودانيون اسماء كبيرة من فناني الامس واليوم من كل السودان الا ان التصنيف كان خطئا فكل الغناء وما زال سودانيا حقيبة وما تلي ذلك وقبله من كل بقاع السودان ... لا احد يسال عن جهة من يغني غناء سودانيا قبله الوجدان السوداني ..وفي نفس المعني تاتي اشياء كثيرة مشتركة وكثير منها منصهرة الا اصرار علي تفتيتها جهويا ما زال نشطا ...
____
ونعود الي شمسك التي اتتنا اليوم متسرسبة من شقوق حوائط وسقوفات بيوتنا الطينية وفتحات خيام الملاجئ والقطاطي والرواكيب ومن بين اجساد السودانيين المتراصة باذن الله في زحفها الي "جذور الشمس"
صباحكم ناير
ابوبكر
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
الرائع
بهذا الرد الواعي أرحتني يا صديقي. الوجدان السوداني في تلقيه لما هو سوداني غير عابيء بتصنيفات النخبة ونظرتها الأستعلائية المتخلفة. رأيت بام عيني كيف يطرب بجنون أهلك المسيربة للنعام آدم القادم إليهم من أقصى الشمال النيلي في رحلته الفنية لبابنوسة والمجلد ، والحال نفسه مع أغنيات الرطان محمد عثمان وردي في كل شبر من أنحاء السودان.
شكرا على كلماتك النيرات عن قصيدة "شمس على النافذة"..هي محاولة لرفع كفي بالإعتراض على سرقة الشمس من بلدي.
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
Quote: بيْدَ أنِّي ..
صِرْتُ في نشْوةِ أحلامي
ومن تلقاءِ نفسي
وطناً أسعى به
عبْر المطاراتِ..المواني ! |
هذه البيد أني ..
هذه المغالبة للركون و الركوع و التسليم بالهزيمة ..
قتلتني ..
ثم أحياني نفخها في صُوْر ماردك الذي يأبى إلا الإنتصاب وطنا من تلقاء نفسه ..
فسمته سعة المطارات و المنافذ و الموانيء - على ضيقها بوطن آخر سبي -
.. سمته وطن .
وطنٌ يقدل على قدمين ..
أي نشوة ؟ ..
أي حلم ترفعه يا سيدي راية يحلو السقوط دونها .. و يرفع !!
يا شيخي يا باتع السر ..
يا حزمة من ضوء شمس باكر ..
لنا الله من طول قامتك و البهاء المحيط بها ..
الله لا جاب يوم شكرك ..
مودتي و احترامي و كثير تحايا للعائلة .
| |
|
|
|
|
|
|
|
|
|
Re: شمس على النافذة - قصيدة جديدة (Re: Emad Abdulla)
|
أخي الصديق الفنان/عماد عبدالله (العمدة)
كتاباتك مثل فرشاتك تطربني ، إذ أنّ حروفك مثل لوحاتك تنضح بكل جميل. اطربني هذا المديح حتى كدت أصدق أنني لكذلك. وهذه القصيدة وسواها ما كانت لتفصح عن مكنونها يا عمدة لو لا أنّ صاحبها يعلم تماماً أنه - وهو يكتب - إنما ينقل وصية نساء كريمات وقويات ورجال لهم أشرف المواقف ، وهن وهم من يزوده بجرعة الشجاعة والجرأة ليرفع كفه معترضا على القبح والزيف ومحاولة سرقة الشموس.
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
| Quote: هي محاولة لرفع كفي بالإعتراض على سرقة الشمس من بلدي. |
ياصديقي
يستمر الاعتراض فهم ما زالو يحاولون حجب شمس بلادي وفي اسبوع ماضي شاهدت حفلا غنائيا اسموه "اعنية الشباب" وصرفو فيه مالا وجهدا لمدة ثلاث شهور "لجان وحكام وووو" وكانت تلك الليلة الاخيرة واتي الشباب يغني من كل البلاد وكان احسن الاصوات (حكما بتصفيق حاد للمشاهديين) لمغنية شابة كتبت شعرا وطنيا وبلهجة منطقتها فطرب له الجميع فلقد كان صوتها كما اشار اليه مقدم البرنامج " هذا صوت كصوت "استير" " و"استير" هي كروان اثيوبيا وليس في ديار الاحباش من مغنيين ومغنيات ياتي قبلها حتي محمود .. وعند النتيجة دهشت فالمغنية ليست في الثلاث الاوائل فكلهم اتو من حيز جغرافي واحد وغناؤهم كان متشابها ولكن اللجنة ربما احرجها تصفيق الجمهور اعطت جائزة لها سمته "اداء " لا اتذكر بالظبط انما شيئا لا صلة له بمعايير الاختيار والتي كانت كلها في الكلمات ( كونها غنت بلهجتها فهي خارج الاختيار).....اطربتني البنت دون ان افهم ما قالت ولم يطربني الثلاث رغم ان من كتب لهم شعراء معروفيين احترمهم ...
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
باشمهندس أبوبكر
بعيدا عن تسييس البوست ( لو صح أن السياسة بعيدة عن كل مناشط حياتنا)..هذا الذي ذكرت هو قلب المشكلة التي نسميها بكارثة الفكر النخبوي السوداني الفاشل. كل شيء خاضع لمقياس المركز . وكارثة الكوارث ما يعرف بحوش الإذاعة والتليفزيون. تلك المطربة الفتاة التي بهرت الجمهور لا يمكن أن تفوز في برنامج لتلفاز قصد به أن يكون حكرا للغة واحدة ولهجة واحدة من بين لهجات هذه اللغة على رقعة المليون ميل مربع. أما من يحلم بأن يبث مثل هذا الجهاز مادة ثقافية بلغة أخرى في برنامج عام كمحاولة لتنويع المشاركة القومية وإعطاء الفرص - من يمارس حلماً كهذا فهو بلا شك ساذج.
يا أخي أبوبكر هذا وطن طامته الكبرى نفر من بنيه !!
| |
|
|
|
|
|
|
|
|
|
Re: شمس على النافذة - قصيدة جديدة (Re: nourelhadi awad)
|
(وطناً أسعى به)
واسعي اليه
وشوقا أفيض
وحالة سلوي اخفف بها
عن لوعة الروح في قمةالألتياع
وطن تسعي به
ونسعي اليه
نخفف وجدنا بالذكريات عنه
حول نار الامهات
في ليالي الشتاء الموحشة
يكبر فينا الحنين الأنين
الطنين
في الغربة الموحشة
وانعدام الازقة والحوانيت
في المدن البعيدة.
شكرا علي كل كل هذا الالق استاذنا فضيلي
والشعر واحة المستجير من عسف الدنيا
ربيع السماني
| |
|
|
|
|
|
|
|
|
|
Re: شمس على النافذة - قصيدة جديدة (Re: nourelhadi awad)
|
الأخ الفنان /نور الهادي عوص ، كتبت تقول:
Quote: هذا السودانوي النحن
عصب نضم الخصوصية
ياأيها الفضيلي الخاص المفردات
والعام التفاصيل بقامة الوطن
لالوب يطعم تمرا
وباباي يتوحد سدرة
|
شكرا لحروفك الندية واسأل الله أن يجعلني عند حسن ظنك في شخصي أيها النبيل.
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
| Quote: يا أخي أبوبكر هذا وطن طامته الكبرى نفر من بنيه !! |
صدقت صديقي فضيلي ..مرة كنت اقرء كتابا عن الاغتيالات السياسية في السودان منذ التركية وحتي الاستقلال فوجدت ان عدد ما قتل في فترة حكم احد المشيريين فقط يفوق كل اغتيالات تلك الفترة بعشرات قاربت مئة ( اعني ان ما قتله بني السودان من اخواتهم حبا لسلطة )....
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
فضيلي الصديق... الذي يكتب برائحة الطين و عنفوان القرنفل,,,,
لاتبحث عن الكلما, هى تجيئك قصائدك, مشرعة للدخول دون إستئذان.....
تعطينا املا فرح بالقادم...
يامدد,,
لك انفجار العشة الاولى
لك مطر الرعشة البكر زهرا
لك الندى و صوت المغنى
...................
قف مكانك
لنعد لك قوافي النشيد
لتكون قذيفه او تكون ياسمينا
...............
قف لنشكل معا الحلم
او نختصر الطريق الى قلب الازهار البعيدة
هل قلت لك أن العواصف تعانق اصابع كلمتك إذن أقولها الان صياحا
أهديتك بوست رقصdance أو بخور إفريقى بلون الخليد اتمنى ان تستتع به
Dr ibrahim kojan
د إبراهيم كوجان
| |
|
|
|
|
|
|
|
|
|
Re: شمس على النافذة - قصيدة جديدة (Re: ibrahim kojan)
|
الأخ الدكتور /ابراهيم كوجان ، كتبت تقول:
Quote: قف لنشكل معا الحلم
او نختصر الطريق الى قلب الازهار البعيدة
هل قلت لك أن العواصف تعانق اصابع كلمتك ؟ إذن أقولها الان صياحا
أهديتك بوست رقصdance أو بخور إفريقى بلون الخليد اتمنى ان تستتع به |
هذا كثير على شخصي أيها الأخ الكريم..سوف امر على البوست المعني. هذه هبة واجب قبولها يا صديقى. لك الشكر.
| |
|
|
|
|
|
|
|
|
|
Re: شمس على النافذة - قصيدة جديدة (Re: الطيب شيقوق)
|
الطيب شيقوق يا إسما على مسمى (وإن كان هذا الوصف بالطيبة سوف يثير حفيظة صديقنا المشترك أبوبكر "هندسة")..
دعني في المبتدا أعيد أجمل مباركتي للجالية السودانية العظيمة بمسقط على تأكيد ثقتهاالغالية فيك. ومكتب الشئون الإجتماعية- الذي ستشغله كما علمت- هو النخاع الشوكي لجملة نشاط النادي وواجهة النادي إلى الآخرين. وكواحد ممن كان لهم شرف السعي المضني لهذا النادي ذات يوم حتى قام على حائط متين ، يسعدني أن تكون أنت بكل همتك ونشاطك وخبرتك القانونية وعلاقاتك الجميلة مع الكل - يسعدني يا صديقى أنك نلت عن جدارة ثقة الإخوة والأخوات - جاليتنا بمسقط الخضراء.
نجي للهنااااااااااااك يا الطيب....الله يطراك بالخير..سويت لي أبو الشهاق..خليني معاك في مسقط أحسن..كدة كويسين !
| |
|
|
|
|
|
|
|
|
|
Re: شمس على النافذة - قصيدة جديدة (Re: Salah Abdulla)
|
الرجل النبيل صلاح عبدالله
افتقدنا هذه البسمة الجميلة زمنا يا أخي .. هو أنا بقول البوست دا النهار دا منور كدة ليه؟ طمني على ناس الدوحة الجميلين. ليهم في رقبتي دين محبة عجزت أن أرده.
شكرا على مداخلتك وأطرائك على القصيدة.
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
شمس على النافذة
(1)
علِقتْ شمسُ الصباحِ الحُلْوِ
في نافذتي
طبَعتْ قُبلَتها ورْداً
وياقوتا ..
وطارتْ ..
كان في نافذةِ القلبِ بلادي
ِوصدَى همْسِكِ كالجدول
مغسولاً بأمطارِ بلادي!
وضِفافُ الجنّة الخضراءِ
في بسمةِ أمِّي !
وهطولُ الأملِ المنشودِ
في ضحْكةِ أطفالِ بلادي!
(2)
قُمْتُ مبهوراً أغنِّي
بيْد أنِّي ..
ما تغشّاني شعاعُ الشمسِ
أو همْسُكِ
أوْ بسْمةُ أمِّي
سرقوا الشمسَ
ومِن حوْلي تنادَوْا !
بيْدَ أنِّي ..
صِرْتُ في نشْوةِ أحلامي
ومن تلقاءِ نفسي
وطناً أسعى به
عبْر المطاراتِ..المواني !
فيه ماضيَّ
ومستقبلُ أيّامي وأحْلامي
وعِشْقي وسُهادي
وبه أنتِ
وأُمِّي ..
وأساطِيرُ بلادي
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
| Quote: الطيب شيقوق يا إسما على مسمى (وإن كان هذا الوصف بالطيبة سوف يثير حفيظة صديقنا المشترك أبوبكر "هندسة").. |
ياصديقي فضيلي
مسكين الرطان هو انا الهتفت مخاطبا العرريب :
Quote: الفحامي ولا المحامي
ود شيقوق حديد مشحود
|
صاحبنا شغال بتاع شوايات ( فحم وحديد) ما دي عدة الليالي المقمرة والحت
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
Quote: الطيب شيقوق يا إسما على مسمى (وإن كان هذا الوصف بالطيبة سوف يثير حفيظة صديقنا المشترك أبوبكر "هندسة")..
دعني في المبتدا أعيد أجمل مباركتي للجالية السودانية العظيمة بمسقط على تأكيد ثقتهاالغالية فيك. ومكتب الشئون الإجتماعية- الذي ستشغله كما علمت- هو النخاع الشوكي لجملة نشاط النادي وواجهة النادي إلى الآخرين. وكواحد ممن كان لهم شرف السعي المضني لهذا النادي ذات يوم حتى قام على حائط متين ، يسعدني أن تكون أنت بكل همتك ونشاطك وخبرتك القانونية وعلاقاتك الجميلة مع الكل - يسعدني يا صديقى أنك نلت عن جدارة ثقة الإخوة والأخوات - جاليتنا بمسقط الخضراء.
نجي للهنااااااااااااك يا الطيب....الله يطراك بالخير..سويت لي أبو الشهاق..خليني معاك في مسقط أحسن..كدة كويسين !
|
من اين ابدأ يا عزيزي من هنا ام من هنااااااااااااااااااك . دعنى اترك الهنا والهنااااااااااك واسترخي على منكبي الرطاني ده بقليل من الهجاء اوله لماذا هو في هذا البوست ؟
ثانيه - هل مستصحب مترجما حصيفا يمكنه من استيعاب مقاصد القصيدة .
ثالثا : هل هو معك بكل حواسه في هذا البوست ولا برضه هناااااااااااااك؟
يقيني ان المصائب تجمع المصابين يا عيني
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
الصديق ابوبكر
بالله إنت وود شيقوق ما كفاكم بوست الملكة سمية في التهنئة لودشيقوق برضو جايين إنتو الإتنين بفحمكم وحديدكم عشان تقلبوا لينا روضة الشعر دي لمعترك فحم وحديد ورطانة وأعراب ؟ تتصالحوا هنا ولا تمرقوا من الروضة دي طلوع ابليس من الجنة !
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
يا هندسة أنا من بادية وبعرف أخلاق البدو..أهم شي عندهم الواحد يمسكو من لسانو. كلمة الراجل عندهم قيد شرف. ولازم تصدق صاحبك الشيخ ود شيقوق. في البوست بتاع القصيدة هناإنتو تجلسو بي أدب وتسيبو المناقرة. شفت نوع الضيفات والضيوف الداخلين هنا حلوين ورزينين كيفن؟
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
| Quote: هذا نقض للعهود يااستاذى ، اديلو كرت احمر على طول . |
عهود شنو ؟؟ واللخبتة بين الدافوري والشعر شنو ؟؟ يعني مستكتر علي بيت شعر بنضم العرريب بعد قريب لستين سنة من استعرابي ؟ اتفاقية البقط ما كان فيها بند بخصوص الشعر ولا عملو مفوضية شعر ؟ اها انا طالع من هنا وخليت البكان للشعراء ... اها النشوف غير فضيلي منو البيقدر يقول زي الكلام الفوووق في اول الصفحة ...؟؟
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
| Quote: طول بالك يا شيخ العرب..إنت ما حصل حاورت ليك رطان في حياتك ؟ والله على بال ما يقتنع بي كلامك روحك تطلع. بس خليك رايق وامسك الجابرة. |
لالالالالالالا ده كلام ني عديييييييييل كده وكيل بمكيالين ومعاييييييير كتيرة اما تديهو كرت احمر او تقنع من بوستيك ده تمشى تفتح بوست آخر وبرضه بيلحقك - انا حاقترح على بكري يدخل تقنية جديدة تمكن صاحب البوست من انتقاء المتداخلين .
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
إنهم:
سرقوا القمر .....
ونهبوا الأرض ......
و سطوا على السموات السبع ....
إنهم:
قطعوا الحرث و الشجر ،،،
ونضبوا البحر و النهر ،،،
إنهم ..... و إنهم !!!!!
لك التحية ونفحات ذكرى مولد المصطفى (ص) تعبق المكان...
ش
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
| Quote: انا حاقترح على بكري يدخل تقنية جديدة تمكن صاحب البوست من انتقاء المتداخلين . |
علي ميين ؟؟؟ انت لما كت جاري بالترتارة الرطان كان بيلعب بالرمول كونترول كار...والتقنية لعبتي زي ما الحت لعبتك ...شوفلك حاجة تانية ...انت ما قت مرة انك شويعر اها ما تورينا والله فنجرة سااي في غياب ناس الشمس علي نافذتهم ...
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
الأخ هندسة والعريبي
بديت أفكر بالجد أطردكم إنتو الإتنين من البوست الحديقة بتاعنا دا. يا اخوانا هسي شايفين جنس أنيس في البوست عامل رجة وزمبريطة غيركم إنتو الإتنين؟ وروني . راكبين من أي محطة عشان نديكم تذاكركم وتتكلوا على الله !
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
| Quote: وروني . راكبين من أي محطة عشان نديكم تذاكركم وتتكلوا على الله ! |
انا غايتو ود سكة حديد وبركب من اي محطة باورنيك ميتيين او بلوشي مع اهلي بتاعيين الاستناطور واحيانا مع كمساري الفرملة او عربية البوستة ومرات مرات مع السواقيين ... محطات من الابيض الي هيا ووادي حلفا وابوزبد ..الخ اها انت راكب من ويين في قطرنا ؟؟
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
| Quote: انا غايتو ود سكة حديد وبركب من اي محطة باورنيك ميتيين او بلوشي مع اهلي بتاعيين الاستناطور واحيانا مع كمساري الفرملة او عربية البوستة ومرات مرات مع السواقيين.محطات من الابيض الي هيا ووادي حلفا وابوزبد ..الخ اها انت راكب من ويين في قطرنا ؟؟ |
فعلا دا قطركم يا هندسة ، ما دام السناطور وعربية الفرملة وعربية السواقين كلها من ماركة (الناطقين بغيرها)!
اها انت راكب من ويين في قطرنا ؟؟
|
خايف بعد شوية أنطرد أنا ذتي الهددت بطردك إنت وصاحبك العريبي ! عجايب !!!!!!
| |
|
|
|
|
|
|
|
|
|
Re: شمس على النافذة - قصيدة جديدة (Re: الطيب شيقوق)
|
أُحييك وأحيي الرمزيَّة
التَّامَّة والجميلة
المستخدمة بالقصيدة ...
يا لجمالِ المفردة عندك
وهيَ تزدانُ بأروعِ موسيقى
فقد راقتني تماماً
والكلماتُ إنْ راقتني
أوْجعتني ...
وردَّ اللهُ غربتَكم جميعاً
للوطنِ البتول ...
دمتَ بوُدٍّ أستاذي ...
تقبَّل وجوديَ
أخوك/ محمَّدزين ...
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
شيخ العرب إلتزم الأدب يا هندسة..لكن باين عليك كايس على الكرت الأصفر قبل نقول ليك أدينا عرض اكتافك من البوست دا. القطر وقلنا بتاع الرطانة، ودي ما في حد بغالطك فيها.. لكن وكت جابت ليها سخرية من قوافل البدو كدة دخلت في اللحم الحي. وخايف اطلع ليك الكرت الأحمر..وصاحبك ابو عريب يشمت فيك.
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
| Quote: لكن وكت جابت ليها سخرية من قوافل البدو كدة |
اها انا البطلع ليك كروت حمرا ..كيفن تفتكر انو "الحديد" احسن من "قوافل البدو " .. حتي المقارنة لا تجوز ؟؟؟ يا شيوخ العرب شاعركم دي بقي اليكتروني ...
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
Quote: اها انا البطلع ليك كروت حمرا ..كيفن تفتكر انو "الحديد" احسن من "قوافل البدو " .. حتي المقارنة لا تجوز ؟؟؟ يا شيوخ العرب شاعركم دي بقي اليكتروني ...
|
قالوا جدادة الخلا طردت جدادة الفريق. يا ود شيقوق البوست بتاع قصيدتي بقى بتاع ناس (من إندنا). وتطلع لي الكروت الحمراء ليه يا اخوي؟ مبروك عليك ..أقدل فيه.......وارطن !!
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
| Quote: يا ود شيقوق البوست بتاع قصيدتي بقى بتاع ناس (من إندنا). |
قصيدتك كيف؟ انت كتبتها بشان روحك واللا بشانا احنا؟ .. يعني لو ما كنا موجوديين كنت حتكتبا بشان منو والشمش حيدخل من شبابيك ياتو بيت ...؟؟ ياعمي اكتفي باجر انك كتبتها وبس اما حكاية انها بتاعتك دي فانسي ؟؟؟
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
| Quote: قالوا جدادة الخلا طردت جدادة الفريق. يا ود شيقوق البوست بتاع قصيدتي بقى بتاع ناس (من إندنا). وتطلع لي الكروت الحمراء ليه يا اخوي؟ مبروك عليك ..أقدل فيه.......وارطن !! |
هم دوما هكذا يا استاذي جبلوا على ان يكونوا شموليي النزعة ساديي المنهج ولذينك السببين رحلت بنا الدنيا الى ما نحن فيه الان . فاليخرج هذا الرطاني من هنا ليعود البوست اكثر نضارة واشراقا ولتفرد الديموقراطية جناحيها بهدوء في رحابه.
لو كنت المسئول اما ان اديهو عرض اكتافي او الكرت الاحمر على طول .
يا ريت لو اديتني فيهو سحبة؟؟؟؟؟؟؟
| |
|
|
|
|
|
|
|
|
|
Re: شمس على النافذة - قصيدة جديدة (Re: abubakr)
|
| Quote: قصيدتك كيف؟ انت كتبتها بشان روحك واللا بشانا احنا؟ .. يعني لو ما كنا موجوديين كنت حتكتبا بشان منو والشمش حيدخل من شبابيك ياتو بيت ...؟؟ ياعمي اكتفي باجر انك كتبتها وبس اما حكاية انها بتاعتك دي فانسي ؟؟؟ |
اين التحكيم ؟
| |
|
|
|
|
|
|
|
|
|
Re: شمس على النافذة - قصيدة جديدة (Re: فضيلي جماع)
|
| Quote: هذا الرطاني من هنا ليعود البوست اكثر نضارة واشراقا ولتفرد الديموقراطية جناحيها بهدوء في رحابه. |
انت هسع دخلت اللجنة دي كوسة واللا ديمقراطية ؟ بعدين مين قال ليك الديمقراطية بتطير وعندها جناحيين ؟ واللا انت عايزها تطير ؟؟
| |
|
|
|
|
|
|
|
فضيلي جماع
د.محمد حسن
معاذ حسن
محمد المختار الزيادى
سلمى الشيخ سلامة
abubakr
شهاب الفاتح عثمان
د.أحمد الحسين
Ahmed al Qurashi
doma
Emad Abdulla
ABUKHALID
salma subhi
ibrahim kojan
الطيب شيقوق
شكرى سليمان ماطوس
عشة بت فاطنة
محمَّد زين الشفيع أحمد
فيس بوك
تويتر
انستقرام
يوتيوب
بنتيريست