|
Re: الفائز الأوّل في احتجاجات سبتمبر 2013 (Re: Frankly)
|
Quote: : السودان تنوه بمواقف الاتحاد الإفريقي تجاهها الخرطوم 15 ذو الحجة 1434 هـ الموافق 20 اكتوبر 2013 م واس اكد وزير الخارجية السوداني علي كرتي أهمية العلاقات بين السودان ومحيطه الإفريقي التي وصفها بالجيدة. وقال كرتي في تصريحات للاذاعة السودانية اليوم ان بلاده افتتحت العديد من السفارات في الدول الافريقية لتمتين اوجه التعاون حتي تعود العلاقات بين السودان والدول الافريقية الي سابق عهدها . ونوه بمواقف مجلس السلم والامن الافريقي والاتحاد الافريقي تجاه قضايا السودان. |
الاكد منو على كرتى مش كدا ياكمال اذن واس التى تستشهد بها لم تفعل غير نقل كلام على كرتى ما اكتر .. بعدين لاحظ تعود العلاقات الي سابق عهدها دى وفيها اعتراف واضح بالتغيير السئ اللى حصل الجماعة ديل رغم ايو حاجة لكن زلاتهم كتيرة فسابق عهدها دى بتفضح السوء الحصل خلال الفترة الفاتت وبتورى العزلة اللى بحاولو يعالجو فيها ومدخلين ليها واسطات كمان (امبيكى) بالله ياكمال راجع مقال الطاهر ساتى اليوم فى السودانى انا مابقدر ارفقو ليك هنا .. الزلات البتفضح الكذبات ما اكثرها وحسبك تصريح الشريعة المدغمسة حيث كان الاعتراف حاضراً بانهم ما طبقوا الا دغمسة وسموها شريعة وبعدها تصريح الرئيس عن لا تعيين بالمحسوبية والولاء للحزب اللى بتفضح شكل التعيين فى ديوان الخدمة كان كييف و عيييك من تصريحات غبية ليس الهوت دوغ اخرها ولا الكسرة اولها
Quote: ويشهد يومياً تدفق أموال المستثمرين من كل العالم والعالم العربي على وجه الخصوص |
انت جادى يا كمال ؟؟ يومياً كمان ما اسبوعياً ولا سنوياً حتى !! واين اثر ذلك يا عزيزنا - نحن لا نعلم بما يدور فى اضابير وزارة الاستثمار ولكننا نعرف جيداً ندرة وشح الدولار فى خزائن بنك السودان ونعلم تماماً بؤس الحال الفيهو الناس لاننا منهم ونعانى صباح مساء حالنا حال الشعب الفضل ونعلم جيوش الشباب لا ما الشباب وارباب الاسر كمان المغادرة الى الخارج ونعرف عن البطالة المتفشية وما معها من مخدرات وبلاوي ونعرف عن الانهيار الاقتصادى المريع لدولتنا بسبب حكومتنا غير الرشيدة وكل دا يتنافى تماماً مع كلامك الذكرتو الفوق داك كلو فى عزلة اكتر من رئيس مطارد ولا يمنح مجرد تاشيرة عزلة كيف اكتر من طائرة الريس العادت ادراجها من الاجواء السعودية حتى فى الحج عزلة كيف اكتر من انو السعودييين يجلوا الريس بالشكل دا يا سيد كمال الناس بتشترى صلصلة بالملعقة قدر ظروفك يعنى ...تجى تقولى مستثمرين واموال بتدفق يومياً ..بتدفق وين يا ربى اللهم الا مباشرة فى البطون التى امتلأت فساداً
|
|
|
|
|
|
|
العنوان |
الكاتب |
Date |
الفائز الأوّل في احتجاجات سبتمبر 2013 | Frankly | 10-14-13, 11:28 AM |
Re: الفائز الأوّل في احتجاجات سبتمبر 2013 | Frankly | 10-14-13, 11:37 AM |
Re: الفائز الأوّل في احتجاجات سبتمبر 2013 | Frankly | 10-14-13, 11:43 AM |
Re: الفائز الأوّل في احتجاجات سبتمبر 2013 | Frankly | 10-14-13, 11:52 AM |
Re: الفائز الأوّل في احتجاجات سبتمبر 2013 | Frankly | 10-14-13, 12:56 PM |
Re: الفائز الأوّل في احتجاجات سبتمبر 2013 | Frankly | 10-19-13, 10:03 AM |
Re: الفائز الأوّل في احتجاجات سبتمبر 2013 | احمد الأمين على إدريس | 10-19-13, 10:24 PM |
Re: الفائز الأوّل في احتجاجات سبتمبر 2013 | Frankly | 10-20-13, 11:23 AM |
Re: الفائز الأوّل في احتجاجات سبتمبر 2013 | احمد الأمين على إدريس | 10-20-13, 03:00 PM |
Re: الفائز الأوّل في احتجاجات سبتمبر 2013 | Frankly | 10-20-13, 03:45 PM |
Re: الفائز الأوّل في احتجاجات سبتمبر 2013 | عادل البراري | 10-20-13, 03:58 PM |
Re: الفائز الأوّل في احتجاجات سبتمبر 2013 | Frankly | 10-20-13, 07:56 PM |
Re: الفائز الأوّل في احتجاجات سبتمبر 2013 | احمد الأمين على إدريس | 10-20-13, 09:07 PM |
|
|
|