قدر ما تطول حبال الهم بخت إيديَّ فوق وتراً حنين بعزف وما بهتم أزلزل سكـــة الآهــات أفتش بيت شعر ما تم أطرد عنو ليــك أحزان يتاتي نشيد ويتكلم
قدر ما تطول حِبال الهم بهاجر في وريد نسمة أحلق فوق حدود الكم وأسافر في جِناح الليل مع النجمات هناك أحلم أزلزل سكــة الآهات تطول السكـــة زادي نغم وأخت بخيالي فوق بلداً طيفو عطور هديلاك جن ألاقي مداين الكلمات تراقص في الهسيس والنم
قدر ما تطول حبال الهم ونبض الفرحة يتكتّم يعود ضي الأمل وضاح يهل في الساحة يتقدّم تزغرد في الصحاري غيوم يجف نبع الشقا المنضوم جدار الآهة يتهدّم وأخت إيديَّ فوق وتراً أغنيلكم ...... وتعزفو لي إنتو شتم قدر ما تطول حِبال الهم
الدسوقي خالد
02-15-2013, 03:53 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
البَريئة .... الفي ماين الرقة هايمة وغارقة في موجة سماحة
الشفيفة ..... الراسية كلماتا ولطيفة عيونا تهتف من صياحا
الماعنيدة ...... ( لكن أنا بقول العنيدة ) النرجس النديان في إيدا إتفتحّت أنفاسو واحة الحنينة ...... الغردّت بي ليل عيونا نادت الحب المسافر وختَّ في وديان حنونة عليها يرتاحو المواجع تعزف الأيام لحونا ترسم الساحات ظِلالا تصدح الدنيا بـ فنونا
Quote: قدر ما تطول حبال الهم بخت إيديَّ فوق وتراً حنين بعزف وما بهتم أزلزل سكـــة الآهــات أفتش بيت شعر ما تم أطرد عنو ليــك أحزان يتاتي نشيد ويتكلم
أبــ رويس ازييييك مفلتن يا رمة ؟ امس مختفي
نحن فلتنا في حضرة الشاعر الجميل عبدالقادر الكتيابي وكان ما أجملها ليلة شعر فصيح
تحياتي وكل سنة والبردانة مدفية لا يجوز أن نعايدك بفلنتاين لانو خواجة وانت عررريب ومالك خيط زار وسدر سدر يا الدينكاوي راعي البقر يا الديناوي دا شيطان من جنوب السودان
ودا حبشي
وهاك دا بجاوي وبي خلالّو أحمد البشير الهدندوي وتوبو توب حرير الهدندوي راكب الجمال الهدندوي وشايل الخُلّال الهدندوي
تحياتي ومودتي على المرور السليم يا سليم الذوق دا زم بما يشبه المحدح يا الحبيب
02-16-2013, 05:30 AM
عبيد الطيب عبيد الطيب
تاريخ التسجيل: 08-31-2012
مجموع المشاركات: 1801
الجميلين سمحين النّافلة خالد أخوي وابوي الطيب وأم عروض بت خوجلي والمتاوقين جميعا اني عيد الحب ما بعرفو ولم أتذوق طعمه لكن ليكم من الرّيدة الصادقة
بريدك من ولد نامن نقرني الشّيب وبشوق خضرتك شيكة بشير ابو جيب الضايق الحاضر ما بحمل مباع الغيب والضايق الحُمر كتل أم تنيق لي عيب (اي الذي يبيع بالكاش لا يتحمل البيع دينا والذي يصطاد الغزال الحمرة او الريل يكون عائبا اذا اصطاد الغزال الصغيرة واسمها "ام تنيق وهاكم دي صباحية من البادية عمنا شاعر الدوبيت الرائع والدليل الخرّيت شيخ جامع علي التوم وهو مع النوق في سنة مُمحلة (طارحة) فارق البادية الغربية و"شلّق بنوقه او كما يسميها بنات دعتورة
حلال الكرب الحلَّا ناس قَمَّاد يحل دعتورة من بابور جمال ؤعِماد يجينا الساري يملأ الحمرة والرّهّاد تقلب ضحوي غرب زرقينها ليهو سواد تعم القوز جميع ما تخلي لولا بلاد ونرتاح من هموم الدونكي واللعداد ؤقبل القلة تبقالهن هلاع ؤغداد ؤربي يشبع العين المساهرة رقاد اجب الدعوة يا الساجدنلَّك العٌباّد وجادول منمرس في شوفتو زيف فراد ؤعاقرو بليلة فوق الفي رقا البولاد والشيخ قسم الله ساقلو البكر ابو لُباد ؤ سالم نازلو بي راموس ابو التيلاد يارب يا مجيب لي دعوة النشاد تجمع ليّ بيهن وبي علي الاجواد ونرجع تاني نشمي جزونا ابو غراد نشيل التاية فوق زملاً عواتي غِلاد ويبقي غدانا ابو كتحة ولبنهن زاد وبي الجادول نفر بي بسطة ما بتنزاد وكيرهِن يزوم يخنِّق دُلَّق الفدَّاد واحمد جودة لف بي بندقو الصّيّاد وقدام كالج ابودكة ومعاهو رباد وقول لي موسي ارح عقباني مافي قعاد وبت الحوّة دارت الدجِّي والممداد ونلقي هناك نعوم اخوالنا والاجداد وكل البادية ناس حبجور وناس حماد وأخط التاية جنب ودعمي خال قمّاد ونبعِد من حوالي الكلهن حسّاد
(دعتورة اسم ناقة وهنا كنايه عن إبله- الهلاع والقداد اخطر أمراض الإبل الاول يشبه السرطان والثاني القلب "الهارت: الجادول اي السهل الأخضر الممتد وشبهه بزيق فردة شندي يا المنسي اخوي بياض الفردة كالرغام اما السهل او الجادول" كزيقها:" من رأي مناطق رحلة الجزو يعرف ذلك -عاقرو بليلة اي طلاه وعرفه وخبره او كما يقلن الحسان من غنا الجراري (عاجبني سيد أم زور كُل ليلة عاقر دور اي راكب يبحث عن المراعي ذات العشب الطري "أُم دِق" ابو كتحجة هو شاهي حليب النّوق بدون سكر وماء- التاية هي مراح النّعم وايضا نطلقها علي مكان مبيت المسافرين او "القانصين" محبتي
02-16-2013, 05:45 AM
عبيد الطيب عبيد الطيب
تاريخ التسجيل: 08-31-2012
مجموع المشاركات: 1801
Quote: نحن فلتنا في حضرة الشاعر الجميل عبدالقادر الكتيابي وكان ما أجملها ليلة شعر فصيح
والله يا خالد الكتيابي دي مذهل ومدهش حين تقرأ شعره تعرف انك تقرأ شعرا كنا ونحن بالبادية في الثمانينات نقرأ شعره في الوديان والسهول حتي أطلق عليه اخونا حنفي اسم (أنيق الحرف) بدايتنا معه مع الراحل مصطفي سيد احمد في (لمحتك قلت بر آمن بديت أحلم) عندما غنا مصطفي هذه الرائعة للكتيابي في الثمانينات والكثير لا يعرف مصطفي جندنا نحن في البادية اخونا حنفي حين قدم من البندر ووصلنا بالبادية يحمل باكورة تسجيلات مصطفي من الغنا الطّاعم والجديد "تعالي معاي نشيل كتف الغنا الميّل " ومن لمحتك اصبحت مسكون بالكتيابي صراحة وهذا رأي شخصي نجد دهشة الشعر وبزرته متأصلة في شعر عبد القادر الكتيابي
ايوجد احد من الشعراء وصف السودان بهذه الروعة كما الكتيابي
حسبي احبك ايها الوطن الذي... من شمسه نسج الظلالا ياقُبة الالوان والشّجن المطلسم...... ايُّها المهووس بالعُنقِ المقسّم.. والصلاة علي النبيِّ وعشق عاشقه تعالي...
محبتي لكم وللكتيابي
02-16-2013, 11:27 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يا أخوي العبيد واقولها لك صراحة مما خِلق ما بريد التلصق لكن ببقى نملة سكر للسكر لو كان شخص هناك شخص يحمل رسالة ومبدع في مجاله الذي خطه لنفسه .. من يحمل علم ديني أو دنيوي .. الشاعر الأديب ديل بموت لو ما صلت لهم وعرفت منهم واستزدت منهم ولو حرف لمخزوني ألتقيت الشاعر الكتيابي قبل الحفل برفقة صديقي العزيز ( الصادق أبوعشرة ) وعرفني به أحسست أني أعرفة شخصاً من خلال حروفه وشعره .. ثم بعدها جاء أبن عمي عمر وهو صديق قديم له وعرفني به مرة أخرى ما تتخيل السعادة التي طافت أنحاء جسدي شبراً شبرا وكيف حسيت أني طولتلّي شبرين لي فوق حضرت الليلة جالس لوحدي معزول لاني كنت أعلم لو جلست قرب أي شخص سوف انشغل لو سأل لو قام فيفوتني حرف من قوله شربت وهضمت كل ما قال .. يوم الخميس القادم سوف يكون يوم حضرتنا الثانية دعاه صديقي الصادق ابوعشرة وأمس ظللنا نخطط اليوم كله لهذا اليوم وسوف يكون في معيتنا بعض أناس يهتمون بالأدب والشعر وليتك كنت معنا حتى تنهل من معين هذا الزخر الي إنتصب في رجل ( الكتيابي ) لكن ما تخاف بسجل لك كل اللقاء وارسله لك في الاميل يا الحبيب وها وعد إن شاء الله والله يكضب الشينة
02-16-2013, 02:14 PM
عبيد الطيب عبيد الطيب
تاريخ التسجيل: 08-31-2012
مجموع المشاركات: 1801
Quote: مما خِلق ما بريد التلصق لكن ببقى نملة سكر للسكر لو كان شخص هناك شخص يحمل رسالة ومبدع في مجاله الذي خطه لنفسه .. من يحمل علم ديني أو دنيوي .. الشاعر الأديب ديل بموت لو ما صلت لهم وعرفت منهم واستزدت منهم ولو حرف لمخزوني
شكرا خالد أخوي ويا سلام لجمال الروح وحاشاك والله من اللٌّصيق إنت زول جمييييييييييل تملأ الخشم وتفضِّل أنت عارف عندي ود اعم شاعر رقيق جدا العرب مسمنُّو (ابو عاشه) هل تدري من هو ابوعاشه هو نملة السُّكر "الحميره" اها اخوك العبيد مستني عمرتك المن الكتيابي
Quote: شكرا خالد أخوي ويا سلام لجمال الروح وحاشاك والله من اللٌّصيق إنت زول جمييييييييييل تملأ الخشم وتفضِّل أنت عارف عندي ود اعم شاعر رقيق جدا العرب مسمنُّو (ابو عاشه) هل تدري من هو ابوعاشه هو نملة السُّكر "الحميره" اها اخوك العبيد مستني عمرتك المن الكتيابي
محبتي
شكراً علي حديثك الطيب يا الطيب هل هذا الأسم في الشهادة نملة السكر الحميرة
ويا سلاااام لو تهب علينا من حروفه دُعات صباح جميل والغيمة قفلت شمسو
ولك التحية والمودة
02-16-2013, 06:02 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
بعطنن فوق جواديلك تلوب وحورّن وابو الجاعورة بتدقو الكتيرها تورّن البرقة ام جرس رقت فحول وعبرّن ولي شدر العديد ناس ام قرين بتطرّن
عجبي السرحة والقش البعقرو بزرّن وبرعنو ام قريطع من جفاف ما انصرّن سماح نيلك دفر شايل قعوي وطورّن ويا بخت البشوف حزمك خضار وغدرّن هذه واحدة من روائع شاعرنا جمعة البري الكباشي والفخة هي بلدة وقرية جنوب ام بادر وهي (اضاه) ومنهل كبير ومورد مياه عندما يمتلئ في الخريف يكون ملتقي لقبائل الكبابيش والكواهلة وبني جرار وحمر وقبائل اخري خاصة في اواخر الخريف وبداية الشتاء (الدرت) محبتي ويا خالد دكتور جمعه طبيب بيطري وله شعر عن الطبيعة والخريف وموروث البادية من اجمل الدوبيت أظن اوردته في بوستات تانية وله خريدة احسبها من اجمل الدوبيت في وصف الخريف و"الدّرت" وافراح البادية جنّنت ابوي الطيب جِن سوف ارفدك بها عبر بريدك
امشي شوف بوست "الدّرب إنشحط" وتلقي ثلاثة مقاطع من الدوبيت في رثاء الراحل المقيم الأديب الطيب صالح وسوف اخبرك لا حقا لماذا رثيته محبتي
02-16-2013, 06:53 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: محبتي ويا خالد دكتور جمعه طبيب بيطري وله شعر عن الطبيعة والخريف وموروث البادية من اجمل الدوبيت أظن اوردته في بوستات تانية وله خريدة احسبها من اجمل الدوبيت في وصف الخريف و"الدّرت" وافراح البادية جنّنت ابوي الطيب جِن سوف ارفدك بها عبر بريدك
امشي شوف بوست "الدّرب إنشحط" وتلقي ثلاثة مقاطع من الدوبيت في رثاء الراحل المقيم الأديب الطيب صالح وسوف اخبرك لا حقا لماذا رثيته محبتي
تحياتنا للشاعر الجميل دكتور جمعة سؤال يا عبيد لما أكثر الشعر في الدرت والخريف عرفنا الخريف بكون مترجنو كل الخليقة لكن ما الحكمة في الشعر في الدرت ان شاء الله سوف ازور هذا البوست واسكن في
جداً منتظر ان اعرف شوقتني لاسباب رثاء الاديب الطيب صالح
02-16-2013, 07:19 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: الجادول اي السهل الأخضر الممتد وشبهه بزيق فردة شندي يا المنسي اخوي بياض الفردة كالرغام اما السهل او الجادول" كزيقها:" من رأي مناطق رحلة الجزو يعرف ذلك -عاقرو بليلة اي طلاه وعرفه وخبره او كما يقلن الحسان من غنا الجراري (عاجبني سيد أم زور كُل ليلة عاقر دور اي راكب يبحث عن المراعي ذات العشب الطري "أُم دِق" ابو كتحجة هو شاهي حليب النّوق بدون سكر وماء- التاية هي مراح النّعم وايضا نطلقها علي مكان مبيت المسافرين او "القانصين"
يا سلااام يا العبيد زيق الفردة ( فردة نسيج شندي ) أشتهرت مدينة شندي بهذه الصناعة التي أتقنها النقادة في شندي وما زالت تمارس هذه الصنعة
نعم التاية عندنا وقال الحاردلو نحن التاية واإندي وكما ذكرها القدال في أحد قصائده لا يحضرني بيت الشعر الآن وبرضو في بلاد دارفور تعرف بالضرى مكان الضيوف وكما عرفت في بعض نواحي شندي بالدار ويكون وسط الحلة وملك لكل أهل الحلة عكس التاية التي قد تكون ملك لفرد أو أسرة وكذلك الخلوة عرفت بها مكان للضيوف وجدي ابو الوالد عليهما رحمة الله ( بادي ود الحسن بادي العمرابي كانت ساقته الأرزاق واشتغل تاجر في سنجة كانت له خلوة مشهورة ومعروفة في سنجة ) برضو سوف احكي لك قصة هذه الخلوة والوالدة عليها رحمة الله في مداخلة أخرى كما وعدت انت عن سبب الرثاء ماتقول قصدي الشي بالشي ههههههههه لكن اسهبت في الرد ومع قصة الخلوة قصيدة
ما ضقت شاي ابوكتحجة لكن علي حلف علَّ ازور ديارك لا اقطع متى لكن عندما يرفع المولى للقدم واشوف هذه الأشياء الجميلة على طبيعتها وأستأنس في زيارتي لكما انت وحنفي بإذن الله
تحياتي ومودتي
02-16-2013, 08:06 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
لا ... ما تقول نسيتك وما ممكن دا يحصل ونحن البينّا عامرة وزي ما كُنّا أول
أسأل قلبي تلقى مكانك هـُو هـُو وأملي في إخضرارو وما لي غيرو سلوى ما خُنتك يا غالي وبعتك لي الليالي ولا إستهواني فاتن وقولتَّ عليهو أجمل ونحن البينّا عامرة وزي ما كُنّا أول
ليه خليت غرامك يخضع لي الظنون ما هماني غيرك ومين زيك إكون لا .. ما هان عليَّ أغيب عنك شوية وأرجع يوم أقولّك فؤادي خلاص تحوّل ونحن ابينا عامرة وزي ما كُنّا أول
إنتَّ أماني عُمري وكيف أقدر أخوّنك وكيف تسعد سنيني غير ما أشوف عيونك يا البسكر عبيرك أنا ما ليَّ غيرك وغالية عِهودنا باقية مهما بعادنا طوّل ونحن البينّا عامرة وزي ما كُنّا أول
02-16-2013, 09:36 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
كم باقي لينا من العمر من إبتسامة ومن شباب كم من ربيع بكرة بيمر ويمر علينا أسى وعذاب أزرعني كرمةعلى رُوباك وأعصرني في دنّك شراب وألحظ معاي نور القمر من قبل ما نلقاهو غاب
لا ذكرياتنا ولا الهوى أعمارا كانت بالسنين ولو في البعاد عمري إنطوى مين قبلي رجّع عمرو مين ؟ ميلادي كان يوم لُقاك وأيامي ريدك يا حنين الطاف بكيتو سنين ندم لاقيتّو في الصدر الأمين
حيِّ كل جميل في رحابو أنين غني للأنسام وأسري زي الطيف وأروي أيامك كُل معنّى لطيف بكرة ما برجع غير رهاب الصيف ======================================
وعارفني بريدو زاد دلّو عليّ وأنا ذبت في ريدو عاطفة وحنية من ريدي أزيدو هو يقسى عليّا
02-17-2013, 08:36 AM
عبيد الطيب عبيد الطيب
تاريخ التسجيل: 08-31-2012
مجموع المشاركات: 1801
Quote: تحياتنا للشاعر الجميل دكتور جمعة سؤال يا عبيد لما أكثر الشعر في الدرت والخريف عرفنا الخريف بكون مترجنو كل الخليقة
البارحة كتبت هذه المداخلة ولم اجدها
الدّرت هو وقت إنجمامة في البادية (الضّرع والزرع) يكثر اللبن وتكثر المحاصيل والخيرات وفيه تباع البهائم وفيه تتم الأفراح لأن اهل البادية يجتمعوا في منهل ومورد واحد وتسهل اللقيا
مستنين طلّتك شخصي وحنفي وياريت اوضحت سبب رثاء الراحل الطيب صالح في البوست الآخر والسبب في عام الجفاف او ليلة "السّو" كما يمسيها اهل البادية تكالبت اقلام المرتزقة ومصاصي الدّماء علي البادية ونعتوها بكل ما يشين وكان العزاء حين نرجع الي كتابات الأستاذ الطيب صالح فكانت شخصية بنت (العريبي) في مريود والتي سماها الاديب الطيب (بت العريبي الكباشية ) عزاء للعذاري اللائي خدش حيائهن "بعاعيت" الكتابة وكانت شخصية سعيد عشا البايتات عزاءً للرجال
محبتي
02-17-2013, 09:27 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: الدّرت هو وقت إنجمامة في البادية (الضّرع والزرع) يكثر اللبن وتكثر المحاصيل والخيرات وفيه تباع البهائم وفيه تتم الأفراح لأن اهل البادية يجتمعوا في منهل ومورد واحد وتسهل اللقيا
صحيح يا العبيد اخوى وفيه تكثر مناسبات العرس
حليب الدرت يا العبيد فيهو ثمرة اكتر من حليب الخريف
02-17-2013, 06:49 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: مستنين طلّتك شخصي وحنفي وياريت اوضحت سبب رثاء الراحل الطيب صالح في البوست الآخر والسبب في عام الجفاف او ليلة "السّو" كما يمسيها اهل البادية تكالبت اقلام المرتزقة ومصاصي الدّماء علي البادية ونعتوها بكل ما يشين وكان العزاء حين نرجع الي كتابات الأستاذ الطيب صالح فكانت شخصية بنت (العريبي) في مريود والتي سماها الاديب الطيب (بت العريبي الكباشية ) عزاء للعذاري اللائي خدش حيائهن "بعاعيت" الكتابة وكانت شخصية سعيد عشا البايتات عزاءً للرجال
الحبيب عبيد البادية تبقى بادية وباينة للعيان بكرم أهلها بكرم ارضها الخصبة ابملاعق من ذهب لمسئ سيئ أساساً مكان هواه القمر السحب الدُعاش وكل طيب هناك ( في البادية ) تكتمل جمال صورة تلك بالله ماذا يعني القمر لأهل المدين القمرا في البندر ما زي قميراتنا الحِسان تستهوني يا عبيد الحياة بعيداً عن الضوضاء لذا شندي هي حبي وفي شندي من الصباح بمشي الزراعة قرب البحر ( الحمد الله نحن أهل سواقي وضرع ) وحتى أولادي الخواجات من نصل البندر ( الخرتوم في نفس اليوم يصروا على الذهاب لشندي عشق أحمد وامه شندي ولهما في ذكريات نوثقة بالصورة في شندي ) البادية هي الاصل من هنا كانت قصيدة محمد ودبادي هووي يا وليد التي كما ذكر انه نظمها في حق وليد من اولاد البندر مناللذين أطعموا بملاعق من ذهب وكان السبب أن حصل نقاش حول اثر الأقاليم والقريى والبادي على الحضر فكان رأي أثره أيجابي في المدن لكن المد أثرها سلبي في أهل الاقاليم ( بتخربهم ) أشتعلت المناقشة واستفز الوليد البندري ودبادي بكلمات قال كنت ايامها أغبش درفون ( اول سنة في جامعة الخرتوم ) .. اسود متل عود الطندب المحروق وكان هو يلبس سليسلة تتدلى فوق عنقه يتلصف مثل قصبة الصفصاف بين الاصابع أرجع لقصيدة هووي يا وليد
تحياتي ومودتي العبيد
02-17-2013, 07:40 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: يا الشقيلني من قام العبيد دَرفون علقت روحو في النّضمي السَّمِح موزون ؤقلبو برايم الزّول الوهيط ؤحنون مكجِّن قعدت الفِسِل الكعب مجنون بي وراكم جريت نامن رقدت مغبون سوّيت خبّت البتخَّق تقول مكنون وقصّيت دربكم ما لِحقت قصّرت دون فاشركم بعيد لي المتلي زول ممحون باعي قصير غطاي توبا رهيف شنشون
قال فيك الحق الشقيلني وأنت قتا فيهو الحق لا ننظم الشعر لكن مرات صدق المشاعر يحرك بعض من مشاعر تجدالكلام برا مرق لك مني المودة والتحية يافنجري ( عبيد ود الطيب )
الدغري نضمك العبيد وفي السمح متقدم وماكَّ السهيت ،فنجري وللفارغة ما متعمعم تربية رُجال من تبيت صغير ومابتنخ متلوّم دا الصُح قتَّــو ليك لا بدور شكر لا متعشُم
خالد
02-18-2013, 08:03 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يا سعدي وكتين نتقسم بيناتنا أحزان القصيد والحِكايات في العَصُر ونشيل مسافات البِلاد نملاها بالأحلام سفر سُفن تروح وسُفن تعود ومدن تألف في الحكاوي سطر .. سطر فيروز تغنَّي قدر تحِب بُعد السما وحجم البحر والغِنوة تسرقنا ونطير ونعد نجوم الليل سهر والله ما بارحني طيفك لحظة واحدة ولا الوداد ملَّ وفتر لساك معاي ما البينّا .. ماغيمة وتمر البينّا أكبر من حدود كل المسافات والمساحات والعمر البينّا يا ضي الضرا لا خافي .. لا أعين ترى لا لوحة تقدر تقدرا لا لاقّى مرساهو الشعر الشوق فتر ... الأغنيات هايمات وراك باكيات عليكا ... وتر وتر ... البينا يا بعضي النبيل سمر العِشا قمراً وشي ... وقهوة سحر إسماعيل إعيسر
02-18-2013, 09:23 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
قصيدة عيُّوشة عيُّوشة للشاعر محمد الحسن حميد عيُّوشة أحد شخوص الشاعر حميد بنت فقيرة لا أهل لها عيشتها في الشارع تأكل تشرب تنام في الشارع سوف ننزلها مقاطع مرقمة
( عيُّوشة .... 1 )
صبّت غيوم ذات يوم .. فوق أرض معطوشة .. كان في حشاها بعوم .. كركارتو مفقوشة ... في الفيها .. حي قيوم الدنيا مدووشا .. فاقت بصور الدوووم كم حِلّي معروشة
الباقر الدِرويش .. وحِّدو خابر السر .. مابين سبيطة يعيش .. بالليل نبي الله الخِضر جيش يا أبن آدم جيش وِرْ العشق يا تر وينطاير الدرويش بين حَضرتو .. وهوشة ... وتمرق من المافيش للدنيا دقلوشة ... تمرق مروق الريح والغيمة والمطرا قش الخلا اللا ليح .. لا شوك ولا ظهرة تمرق بلا تاريخ وتدخل بها الوكرة دبش الزلط السيخ .. التلتلا الضكرا
02-20-2013, 04:54 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وكِبرت من المافيش بس سابتن يا نوح ............... ( اي ثابتا ) يوم دمَّ قلب الدوم صابت ديارا جِروح وشابت علي الخرتوم اختارت البيروح ............. ( اي الرايح وابت الدايم في بلدنا وسافرت الخرتوم عيُّوشة ) وابت الوفا البيدووم
02-20-2013, 06:09 PM
عبيد الطيب عبيد الطيب
تاريخ التسجيل: 08-31-2012
مجموع المشاركات: 1801
الحبيب دكتور خالد وضيوفو الكرام سلاااااااام مادام في الإنجمامة ومبسوطين اخير نضحك شوية الأخ الجميل حنفي حين كان موظفا بشركة نبراس بالسعودية ومعه صديقه مرغني وكلاهما من بوادي الكبابيش وجمعتهم الغربة ايضا بليبيا سكنا "عذابة" او عذيب وذات يوم زارهم الجميل محمد الراحلي الكباشي إتشمر مرغني لطباخة الحلّة ولكنه فشل في الإخراج مما اغضب محمد وخاطب حنفي قائلا يا تغني علي مرغني وحلتو البايرة دي يا تاني ما بجيكم ليبدع الشاعر ويتحفنا بهذه الروائع
حلّـــــــــــــة ميرغنى
حلَّة ميرغنى السواها كان ما كَفْرة الجوع مافى زول بِدناها يا عبد الله شور كيف الطريقه معاها قال لَى إلا نِتشمَّر نِخوضْ فى ماها
ودّر خِبرتو المشهوره وقال يا أخوىْ أخير أعَصِــر ْ على الماسوره جرِّب غيرها دي والله بارت بورة وخوايس فيها رقدَت بى كُتــُرْ بنَضوره (البنضورة اي الطماطم او الصلصة)
كان قال ليكا انا طباخ وشُغلى نضيفْ تَحَـلـِف إنو كان مو شيف مساعِد شيف يا عبدالله شور دى معاها نعمل كيف ؟ قال دايرين زيادة ناس ولورى رغيفْ
حلَّة ميرغنى السواها كان ما كَفْرة الجوع مافى زول بِدناها يا عبد الله شور كيف الطريقه معاها قال لَى إلا نِتشمَّر نِخوضْ فى ماها
وزي ما قالوا شقي الحال يقع في القيد موية شررررررر قال لنا مرة صديق بمناسبة الحلة أن عمه بعدو ما أولادوكبر وعرسو تعرف علي موظفة في مكان عملهوإتفقا على الزواج فأخبر زوجته وأولاده اللذين حالوا أن يرجعوه عن قراره هذا ولكنه وقف دود مع حبه ولم يتزحزح شبرا فلجأ الأولاد لعمهم عله يرجعه من قراره ... العم سأل أخيه وقال له : يا أخي المرة دي مستورة معاك الزمندا كلو وربت ليك أولادك أحسن تربية أهذا جزاءها تتزوج فيها مرأة أخرى فرد له : يا اخي المرأة دي مابتعرف تطبخ .. البصلة ما بتعرف تكتلها .. والله تأكل طبيخها البصلة تطرشق ليك في حلقك فضحك العم وقال لي : يا أخي 30 سنة ماعرفت البصلة بطرشق إلا هسي وضحك البدورو بتسمو بخيت والما بتدورو بتسمو .... كان معرفت تتمها اتصل بصديق تحياتي ومودتي
02-21-2013, 06:00 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
لكن ... دعى الدرويش لكن ... نجية الجن .. بي دابي رُندا أبـ ريش طارت نديهة ابـ سن من طاعمي زي الفُل إنضبلنت كيفن ؟ لا همبريب .. لا ضُل ... في الريح تضاضي تئن ..
من تابري بي فراشة وزرزور وحواشة دقلوشة كنتوشة لا ماله شماسة همبوبة فقاشة وصيصايس كَرْمُوشة عينيها رماشة أم لمبة فتاشة من كوشة لي كوشة دِنقيرا صنقيرة حِنديرة في غيرا سوّاها دعموشة تلّوشة ولّا ضفاف بَارك عليها جفاف بي ريحو مقشوشة وزي صَرخة الغرقان في الفاضي عز فيضان شعراتَّ منفوشة وشُفع مِبارياها عيُّوشة عيُّوشة الليل هِديماتا شمس الله برطوشا تشرب من الشارع وتلقف من الكوشة
02-21-2013, 06:17 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
عَيُّوشة ... 5 عَيُّوشة أَرقصيلـنا صقرية ... كاروشا السمبا .. جابودي الهورس عَيُّوشة عَيُّوشة ما بترقص لكنها الرقبة مالت بها الدوشّا السطلة من بنزين البنقو التدخين مصّة قميرة دين خمراني في كوشّا بي هرشو بي هرشة براحّا بي شدّيِ زي البتترتع في إيدا دم نقّع والتاني برطوشّا تفلت من الشفع كيف عاقة مهبوشّا متعوّدا الزي دي من بدري مو هسع مما إنضبح جدي في كورتي وإنقطّع وجدعوها في الكوشّا في شندي قام ولّع نيرانو محموشّا في الباشوات ترشّع تشلع في طربوشّا عند لفة الهندي عَيُّوشة منجقدي تخل علي بيتاً سِتاتو متمدي ناساً بعرفوها لكن بعافوها دايرين غسيل عِديِ؟ شاكرين يا دقلوشّا
02-21-2013, 06:30 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يدوها عِيشايِّ ... بي دمعة مرشوشّا وتتملّك الشارع خطواتا مربوشّا السوقة الصبيان عَيُّوشة عَيُّوشة الليل هِديماتا وشمس الله برطوشّا تشرب من الشارع وتلقف من الكوشّا
شبعاني ما ليها جيعاني مدهوشّا في الراح بأهاليها والحلَّ بالكوشّا لا .. من رغيفايِّ كِسرايِّ قرقوشّا لا برتكانيِّ ... بي صفحة مدقوشّا وين المدينة الكان على رغم مافيها من فاقا من حِرمان لحاقّا اياديها وتشفق علي الإنسان لا دَوشّا لا دُشوشّا حنّانة مبشوشّا بي فضلة في مطعم بي فكة في قروشّا بي نظرة لي طفلة في لوعة منقوشّا يا رقصة في حفلة وأحلّى أكلة يوم بوشّا يا كلمي طيبيِّ .. بي البسمة مفروشّا يا عالم الغيبِ شن حلَّ بالكوشّا
02-21-2013, 06:30 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يدوها عِيشايِّ ... بي دمعة مرشوشّا وتتملّك الشارع خطواتا مربوشّا السوقة الصبيان عَيُّوشة عَيُّوشة الليل هِديماتا وشمس الله برطوشّا تشرب من الشارع وتلقف من الكوشّا
شبعاني ما ليها جيعاني مدهوشّا في الراح بأهاليها والحلَّ بالكوشّا لا .. من رغيفايِّ كِسرايِّ قرقوشّا لا برتكانيِّ ... بي صفحة مدقوشّا وين المدينة الكان على رغم مافيها من فاقا من حِرمان لحاقّا اياديها وتشفق علي الإنسان لا دَوشّا لا دُشوشّا حنّانة مبشوشّا بي فضلة في مطعم بي فكة في قروشّا بي نظرة لي طفلة في لوعة منقوشّا يا رقصة في حفلة وأحلّى أكلة يوم بوشّا يا كلمي طيبيِّ .. بي البسمة مفروشّا يا عالم الغيبِ شن حلَّ بالكوشّا
02-21-2013, 06:57 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
حلّابا ما حلَّ بي الباقر الدرويش الجن جنى الحِلّة وناساً بيوتا عَويش رايداكي لي الله أوّل قوالك ريش سِبتيلّو يا ام زلّا قُلتيلّو دايرا أعيش وجاكي الكِضب فلّا خدّر المدن بخشيش مــا أبيخ العلة.. ومأمولّك المافيش
لكن جماعة الله ناس باقرك الدرويش غفرولّك الزْلَّا فاوة العشم والطِيش قفروكّي يا ولَّا بس نقطة التفتيش والعارض الحاشّا وأمباشا سافَّ الديش ناشّا ونعل خاشّا خرطوم وقرقوشّا وين ماشِّي يا فلاشّا سايباها أوطانّك لي واطّا مخموشّا
بتذكروك والليل قمراتو متشوشّا من .. عايشِّي دون دوشّا في الحِلّي دقلوشّا ... جم دوكي تتعشّى وتصبح تقش حوشّا مدخورة لي باكر ما دِلّا عشُّوشّا طوالي بتذاكر بي أصحابا مدووشّا صاب المحل قشّة ورأس البلد دُوشة بالك طفر طشَّ جيتيها مخموشا غَيّرتي لي عشة وسمُّوكي عَيُّوشة مويتك من الشارع وقوتك من الكوشّا وجابولّك الكشّا حين دُرتي كَشكوشّا
02-21-2013, 07:44 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وتنصنَّتيها أصوات أماتك الابوات .. صُديلنّا ... وين كُتي في مجرى ؟ فوق كوشّا ؟ في احضان دقن ميتي؟ أو تفِّي منفوشّا؟ صُدِّيلي يا بتي يا عايشة عيُّوشة أنا عندي ليك إنتي كيف كُنتي كنتوشّا وصُدِّي وكفاك دوشّا دي مدينة ما هيلّك غاشاك ومنقشّا ميتي .. وتقاويلك مافي اليخليِلك .. صبراً يخاويلّك غير ناس أحاويلُن قطعن أحاويلّك سِيبي الفي إيد الغير وإتباهي بي اللِيلّك ما شُوفتي كيف الطير باكي ويغنيلّك يا جُرحنا الحايم طول النهار هائم من مجرى لي كُوشّا بتحاشي لي كومر قبّل علي كوبر ولّا المديرية بي أصحابو مكشوشّا أصحاباً أومولك باكر يَلاقُولّك في مجرى فوق كُوشّا كالعادة يَحْكولّك ودُّونّا لي الضابط في الفيها كان ظابط ما الوضع منجارط وسعر الموم هابط وين قال أوديهن ؟ والعندي ما قادر بالموية أكفّيهن والعسكر أدُّونا سيطان وفكّونا كالعادة يا أخوانا حيكومة مجنونة بنغسّل العربات وما أبعد الكورنيش عتالة .. جرسونات شغلاً ما بأكل عيش وما فينا إضربات غير نضرب الأورنيش وبالحالة دي الكابات مَرات يجيك الديش ما يقبضوا الباعوض الما بدور فتيش ما يصوِّبُو البارود تالا أبـ كلام غِشغيش يا أوضاع ضلامية إشمعنا نحن وليش ؟ نحنا الحرامية ؟ ولا البدسّو العيش
شقيش نقع شقِّقش حتى السِجِنْ مافيش مافيش يا عَيُّوشة
02-21-2013, 07:44 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وتنصنَّتيها أصوات أماتك الابوات .. صُديلنّا ... وين كُتي في مجرى ؟ فوق كوشّا ؟ في احضان دقن ميتي؟ أو تفِّي منفوشّا؟ صُدِّيلي يا بتي يا عايشة عيُّوشة أنا عندي ليك إنتي كيف كُنتي كنتوشّا وصُدِّي وكفاك دوشّا دي مدينة ما هيلّك غاشاك ومنقشّا ميتي .. وتقاويلك مافي اليخليِلك .. صبراً يخاويلّك غير ناس أحاويلُن قطعن أحاويلّك سِيبي الفي إيد الغير وإتباهي بي اللِيلّك ما شُوفتي كيف الطير باكي ويغنيلّك يا جُرحنا الحايم طول النهار هائم من مجرى لي كُوشّا بتحاشي لي كومر قبّل علي كوبر ولّا المديرية بي أصحابو مكشوشّا أصحاباً أومولك باكر يَلاقُولّك في مجرى فوق كُوشّا كالعادة يَحْكولّك ودُّونّا لي الضابط في الفيها كان ظابط ما الوضع منجارط وسعر الموم هابط وين قال أوديهن ؟ والعندي ما قادر بالموية أكفّيهن والعسكر أدُّونا سيطان وفكّونا كالعادة يا أخوانا حيكومة مجنونة بنغسّل العربات وما أبعد الكورنيش عتالة .. جرسونات شغلاً ما بأكل عيش وما فينا إضربات غير نضرب الأورنيش وبالحالة دي الكابات مَرات يجيك الديش ما يقبضوا الباعوض الما بدور فتيش ما يصوِّبُو البارود تالا أبـ كلام غِشغيش يا أوضاع ضلامية إشمعنا نحن وليش ؟ نحنا الحرامية ؟ ولا البدسّو العيش
شقيش نقع شقِّقش حتى السِجِنْ مافيش مافيش يا عَيُّوشة
02-21-2013, 08:39 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يا ريح بشيشي بشيش ويرجع صُراخ الجن والباقر الدرويش نبي الله وأهل الحِن وغيماً مطرتو دريش صقر البطانة أبـ سن وحس دابي رُندا أبـ ريش في الدُمي أخر الليل يالا عاشة صُدي الدار يا حاشا حوشي السيل يا راشّا رُشي النار يا خاشّا بين الحيل ونْفس الغلابي الحار يا طاشّا نحنا يي ديل ضيب المدن غدّار القأرة بي جحارة البوما بي أوكارا الطيري بي عِشوشا الكل مأواه الكافّا بي عيوشا وود البلد داك تاه ضاقت بيهو أرض الله غير مجرى أو كوشّا يفقش صِديرك آه الدنيا مفقوشّا ما آدم بدور حواه في أوضّا بي حوشا اوضة معِيشي ونوم مفروشة معروشة
02-21-2013, 10:19 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
من صور ... وجوبيل دوم ديل يا عَيُّوشة لابُد تجيهن يوم لا بُد يا عَيُّوشة ويا كُل عيُّوشة مطروشّا في لخرطوم في مجاري او كوشّا يا الحقّكن مهضوم يا .. قصِّروا الدُوشا ودُودُوا القيامة تقوم في الدنيا حنكوشّا يا أبونا يا الاسود يا أمنا يا القرقّد يا دون شغُل يا زول ما لاقي منّويصُد طول الوكت مشغول ماسك في بالو يكد وين كنتَ لما الناس الحواشا السموات إتقاسمو الواطا في مدن تجز الرأس كان زولا ما طاطا وكت مافي ولّا ابيت لامن عناء إنقبّيت وأصبحت مقطوع الرأس زي ديش كتير من ناس في الدنيا مارقين كيت
02-22-2013, 11:56 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
جاك الَمَحل قاسيت لامن هرت البيت أو هجروك غصِب صب المطر خبُيت أول هناك طبِّيت دارك لقيتا حَرب كرّرت فرِّيت كان مافي غير تنفُد بي جلدك الأسود وصنقُورك القُرقُد وبي فالك الشامخ زي تاج ابو الهُدهُد لامن يطير لي بلاد لا نبلة لا صياد من كايا حتى جبيت دُود الحلال دون خيت زي مايدور ينقد حاشاك صيبي وعيب لي شينة ما ختيت قدّامي من تبيت قلبك يحس بالغيب ماك التقول يا ريت عند تبْنَتَك لي الجيب دخري وركيزا البيك دغري وعراض إيديك بس كفَّها إنعوَّد بالعندو ينجوّد في الأرض يرمي الحب ما قنبلة ودنميت ياعامراً بالرب يا سيِّداً عَبْ عَبْ لي فيكا قدُر ما فيك قول للمساخر أبيت ... رُش القميري وكَبْ بي العافي يا ناس البيت بي الخوة يا ام سُوميت في الأرض نرمي اَلَحُب ما قنبلة ودنميت
02-23-2013, 02:51 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ما بتقّسمك نُصين ... يا بنية غير نُصين .. سالمات ، من الدوبيت مـــــاهل وطناً وهيط نيلو بيشلُّو محيط ريح الغتاتي نشيط والتمرة ساقا هطيط سابل جريدو بسيط تربالة فقَّري نشيط وحافض الأمانة سبيط لا غفلة لا تفريط لآمن يحين لُو لقيط قوليها يا خية لي النفسو ما هيَّ شن جبهة متكية لي شاشة كاكيّة من يانكي طربوشة جم جبهة دُغرية العِمة مكوية ... صنعة كبوشية ... فوق راسا ملوية ترقش بياض نية حاضنّالا طاقية بالهيبة منقوشة زي وشم، ما كيّا وشلخ في عَيُّوشة يا جَرحنا الطيّب جاييك زمن طيب خيراتو ليك أول صدقني يا طيب مهما الزمن طوّل الحال حــا يتحوّل الكوشّا لي واحة والمجرى لي جدول والسجن لي ساحة بيناتا تتجوّل عينيك مدهوشّا في طفلة دقلوشّا .. كنتوشا ... في حوشّا .. في أيدا بت ألعاب والتاني كشكوشّا فيحاني بالاول ضاجات أهاليلّة .. بأصحابا مدووشّا من كان بتسوّل في مديني مو هيلّا ومن كشة .. لي ... كوشّا
02-23-2013, 07:31 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الغروب في كل مساء ( أمسياتي ) يسألني منك وكيف شوقي ليك وكل زرة رمل مشيناها خُطاً كلمة حلوة حنينة مشتاقة لمشيك وقدتلك فيها وحتى الطيور الراحلة من رهو وسمبر في ظل المساء بتسأل عليك كيف تفارق الضفة والنيل هان عليك ما أنت النيل تغمرني فيض من حنان وانا ضفتيك أضتحضنك بزراعي وألتف ابث لك من المودة رحمة وعطفا كمَّ يا أجمل حُلم ولّى سراعا يامن خدودها شاربة حُمرة من شفق سماءنا عند المغربية العيون وما أجملها طرتني زول كله لهفة بعد طول غياب عن الأهل والله مشتاقين
مـــا أصلها الأيام كدا مــا بتنسى ماضيها القبيل يمكن تسامح مرتين يمكن تعود تنسى الجميل لو مرة زولاً خان حبيب الزيك أنت ما بنعاتبو =====================
ونريدو ريدة وتاني ريدة ما ريدو مافات شبر وين يفوت دا إتوكر جوة الضلوع بس تعود ونعود واقفين نموت ومع حبك ندفن وكان عهدا قطعنا معاك من زمان وزمن الزمن الجميل كان ينسج خُطانا غُنى وصبر والمودة تنضح بالحنان ونتساقى كاسات الغرام وبين حين وحين يحصل خِصام ونعود زي موية البحر وأترجاك جنب البحر نسبح سوا وحبنا معنا وفي البحر نرشف منه
فيكي ملامح الجفلن عصير بي الصّي وطبعك هادي يا القصبة الفريكك ني لونك خمري طابع في الشراشيف كي وخدِّك مروي من شفق المغارب ري (جمعه الكباشي البري) تسلم يا السليم عقلا وقولا
وين ألقاك ورغم مشيتك وبعد خُطاك وضل الحب مستني مجيك وألف غمام هناك راجياك طيور الريدة شقيانة رحيل وأنا والشوق لليوم ماشين في نفس السكة الفيها زمان قَبُل ماتفوت كنّا بنلقاك
02-24-2013, 08:03 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الدسوقي خالد حَرير إيديك ...نَفَس من نور فيه الروح متين تنّبل حرير بفتح نوافذ الفن وكل ما شاعر إتأمل دا يوم تديني موج إلهام بسيب الدنيا ما بسأَّل كفاية علي حرير إيديك بس يا ريت إديك تتقبل
وتتقبل قبول وتتقبل قبلة أطبعها بين يديك يا السمحة في البنوت
وداوي جِراحي يا طيب قلبي الكسير
02-24-2013, 09:48 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
من سحر الجنوب قَسماتو .........( اي تقاسم وجهه بسحر الطبيعة في جنوبنا الحبيب ) ومن طيب زهر الشمال نسماتو ........ ( العبير يفوح عطرا يحمله النسيم من بض جسده ننشقه هوى وحبا ) أحبو وأحب نوناتو ( النونة هي طفقا في الوجنة ..والوجنة هي وسط الخد ) نوناتو الفي وجناتو أحبو وأحب تقديرو أحب رومان صديرو سيف لحظو حين ما يديرو ( اللحاظ .. هي العيون .. وسيف اللحظ هو النظرة بالترمي الزول صريع ومن أضعف خلق الله إنسانا ) أموت ما بعشق غيرو فقدنا الصواب يا شبابنا يا ابو عبدا وين أحبابنا لو متنا هم أسبابنا العْودا يا أحبابنا شيخ إدريس قوم نتسلّى أنا قلبي فارق وولّى ريدي سبب لي عِلة يا الصديق ياود دفع الله يا اللابسا عفافك حُلا ( حلي اي ذهب او ما نحوه من الحِجار الكريمة ) لَهجك للحنضل حللّى ( والحنضل : الحنظل وهو مر يلا يطاق مذاقه حديثك يجعل الحنظل مستساق وحلو ) ودحمد يا زعيم الحِلة من ريدن كيف نتحلّا يا السهمك لينا مبادر أنا فكري نازل وسادر في الجيل مثالك نادر ودا الجنن عبدالقادر
02-26-2013, 08:05 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يا حلوة لو أصلو السفر مكتوب عليك من كم سنة ما أنتي عارفاها القلوب رايداكي طول الأزمنة لا ليها من بعدك بلاد لا ليها من بعدك مُنّى
باكي بستانا النضير روحنا وقميرة حُبنا إتمنى لو يوم في العمر ياالسمحة ليَّ تعودي تاني في عينيك أرحل اسافر أبل يباس الشوق ثواني ومن ضفايرك ليَّ أنسجي عُشة لي حلو الأغاني منك أشيل غيمتن محنة يامنايَّ وكل أزماني
02-26-2013, 08:41 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
في إحدي السنين "الشوايل" والليالي البيض وصلنا مُرسال الفال من قرية "أُم بطيطيخات" دمر فرقان ودكة الشيخ إبراهيم علي التوم معلنا عُرس الصديق فضل الله إبراهيم "البيه" وكانت السيرة او زفة العريس ساعة بالجمال والدواب الأخري من فرقان العريس الي فرقان العروس ولقد لفت نظر البادية او ناس السيرة وقتئذٍ ثلاثة اشياء الأول جمال احدي عذاري البادية وأطلق عليها من يومها كنية "الهوابة" لجمالها وقوامها الممشوق وعنقها الشّارف والثاني بعير الشاعر علي الشيخ "ود المٌر) جمل مزيون من العنانيف الشّوح أبيض اللّون وكوعه "شارد" وجنقو أفدع اسمه ود كسلا تيمنا لأمه التي اهداها احد رجالات الإدارة الأهلية من مدينة كسلا للزعيم المُر والثالث بندقية الصديق علي حمد علي التوم"السير" ماركة (جيم 3) ولقد أبدع الشعراء في وضف الحسناء (الهوابة) خاصة الصديق الجميل الأستاذ سالم موسي (ابو الكنينة) واليوم الخميس فرحة "المطاميس" وانا لوحدي استمع لكاسيت للشاعر الصديق حنفي حاج الطيب استمتعت بأغاني الهوابة وتذكرت أيّام الشقا وشقّت العود وافراح البادية واريد ان اشرككم في إنجمامتكم الرائعة قال الشاعر حنفي حاج الطيب:- جيم علي ود حمد في الحفلة والكسلاوي ديل البشبهو البت العزلها الرّاوي بنوتنا القبيل دايما قمرهن ضاوي الهوابة جات خلّت عجاجهن لاوي -------------------------- بعد ما إتلبْسَن ظهرت لهن هوابة وقول يا كافي خلتهن وحوش في غابة بكيرة اليوم مباعها محرِّم السبابة عيل لي البكري تمشي يسوِّي ليها كتابة (هوابة اي الغزال وشبهها بها لجمالها- السبابة اي الكبسنجية البكري شيخ من المتصوفة وهنا يعني من جمالها سوف تصيبها العيون وينبغي لها الذهاب للشيخ البكري ليحجبها ويحجبها من الحجاب والتمائم) ----------------------------------- الضهرية عمرت وجي الدَّباس متحبِّك وجات وزينة خلّت غزلهن مشبِّك يا بكيرة الهلالي النم بواقع خبّك وحوّيناكي في الحاج والرميلة وربِّك ------------------------------ (في وقت الضهر يخرجن العذاري للشّدو و الرقص واللائي شبههن بطائر البلوم وشبه الحسناء بطائر الوزين لأنها حاذقة ومبدعة في رقص الجراري تعالو شوفو معي هذه اللوحة التي رسمها البدوي محمد ود حامد الكباشي لإحدي الحسان وهي ترقص علي إيقاع غنا الجراري"- رقصت والخلوق منلمِّي ومن عين الحسود ينجيها شافع اللِّمّي حنجور البقدِّس ما غطس فوق ألمي وفندوك البردِّس سيدو ما بشيل عمّي نرجع للشاعر حنفي والهوابة:- بنات أُم سنطة يا سالم سماحهن أخربو والهواب كسحهن وبطّلن في دربو جيم السير بحاكيكي السّمح في ضربو ولينا الحق جمالك تاني نتفاخربو --------------------------- المضمونة والعنقالي ما بتجالسو كيفتينا كيف زي البحكمو مجالسو بنات الحفلة لا بسات من ضهبهن خالصو جاتهن سادة ساكت طلعتهن فالصو --------------------------- شيخ جامع بقول ملت القبيلة عجاج وسالم موسي واحمد لبسوها التّاج بناتنا الكيف عيار ألف البوج لجَّاج وأنا في رأيي ينسحباً بدون إحراج ---------------------------- اقعد عافي يا خالد أخوي ودي مُسيال خميسك وضيوفك الكرام محبتي
03-03-2013, 09:12 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: في إحدي السنين "الشوايل" والليالي البيض وصلنا مُرسال الفال من قرية "أُم بطيطيخات" دمر فرقان ودكة الشيخ إبراهيم علي التوم معلنا عُرس الصديق فضل الله إبراهيم "البيه" وكانت السيرة او زفة العريس ساعة بالجمال والدواب الأخري من فرقان العريس الي فرقان العروس ولقد لفت نظر البادية او ناس السيرة وقتئذٍ ثلاثة اشياء الأول جمال احدي عذاري البادية وأطلق عليها من يومها كنية "الهوابة" لجمالها وقوامها الممشوق وعنقها الشّارف والثاني بعير الشاعر علي الشيخ "ود المٌر) جمل مزيون من العنانيف الشّوح أبيض اللّون وكوعه "شارد" وجنقو أفدع اسمه ود كسلا تيمنا لأمه التي اهداها احد رجالات الإدارة الأهلية من مدينة كسلا للزعيم المُر والثالث بندقية الصديق علي حمد علي التوم"السير" ماركة (جيم 3) ولقد أبدع الشعراء في وضف الحسناء (الهوابة) خاصة الصديق الجميل الأستاذ سالم موسي (ابو الكنينة) واليوم الخميس فرحة "المطاميس" وانا لوحدي استمع لكاسيت للشاعر الصديق حنفي حاج الطيب استمتعت بأغاني الهوابة وتذكرت أيّام الشقا وشقّت العود وافراح البادية واريد ان اشرككم في إنجمامتكم الرائعة قال الشاعر حنفي حاج الطيب:-
يا عبيد اكثر ما يعجبني في شعر الوصف وصف كل ما يمت بصلة تهني القلوب محبوبة سلاح ركوبة (دابة ) وصف البسيط الذي قيمته المعنوية كبيرة ( منديل طاقية من المحبوب ) وقد مجد شعراء كُثر هذه الأشياء ذات المعاني الجميلة وصفاً كدي نجي واحدة واحدة الهوابة والعنافي ود كسلا والجيم 3 أنظرلهوالاء كيف كان الوصف منهم لهدية لها وقع في انفسهم ( فهي من المحبوب )
واصبح من الموروث ادب لذا نحب هذا النوع من الشعر الذي يوثق لخلق سواء كان من ابداع الخالق الأعظم ( بشرا ) أو خلق بارع حاذق ( طاقية .. منديل .. خاتم .. او شئ نعجب به ونملكه جمل وسيارة وغيرها )
03-03-2013, 09:13 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: في إحدي السنين "الشوايل" والليالي البيض وصلنا مُرسال الفال من قرية "أُم بطيطيخات" دمر فرقان ودكة الشيخ إبراهيم علي التوم معلنا عُرس الصديق فضل الله إبراهيم "البيه" وكانت السيرة او زفة العريس ساعة بالجمال والدواب الأخري من فرقان العريس الي فرقان العروس ولقد لفت نظر البادية او ناس السيرة وقتئذٍ ثلاثة اشياء الأول جمال احدي عذاري البادية وأطلق عليها من يومها كنية "الهوابة" لجمالها وقوامها الممشوق وعنقها الشّارف والثاني بعير الشاعر علي الشيخ "ود المٌر) جمل مزيون من العنانيف الشّوح أبيض اللّون وكوعه "شارد" وجنقو أفدع اسمه ود كسلا تيمنا لأمه التي اهداها احد رجالات الإدارة الأهلية من مدينة كسلا للزعيم المُر والثالث بندقية الصديق علي حمد علي التوم"السير" ماركة (جيم 3) ولقد أبدع الشعراء في وضف الحسناء (الهوابة) خاصة الصديق الجميل الأستاذ سالم موسي (ابو الكنينة) واليوم الخميس فرحة "المطاميس" وانا لوحدي استمع لكاسيت للشاعر الصديق حنفي حاج الطيب استمتعت بأغاني الهوابة وتذكرت أيّام الشقا وشقّت العود وافراح البادية واريد ان اشرككم في إنجمامتكم الرائعة قال الشاعر حنفي حاج الطيب:-
يا عبيد اكثر ما يعجبني في شعر الوصف وصف كل ما يمت بصلة تهني القلوب محبوبة سلاح ركوبة (دابة ) وصف البسيط الذي قيمته المعنوية كبيرة ( منديل طاقية من المحبوب ) وقد مجد شعراء كُثر هذه الأشياء ذات المعاني الجميلة وصفاً كدي نجي واحدة واحدة الهوابة والعنافي ود كسلا والجيم 3 أنظرلهوالاء كيف كان الوصف منهم لهدية لها وقع في انفسهم ( فهي من المحبوب )
واصبح من الموروث ادب لذا نحب هذا النوع من الشعر الذي يوثق لخلق سواء كان من ابداع الخالق الأعظم ( بشرا ) أو خلق بارع حاذق ( طاقية .. منديل .. خاتم .. او شئ نعجب به ونملكه جمل وسيارة وغيرها )
03-04-2013, 11:50 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
شفتي زمان في ليلنا القمرا كنّا نجوم في حِداها صوادح كلما ترشي علينا حنانك بهجع عرق الروح الكادح وأنتي قبيل يوم زار عصفورك كان نشوان في حيّنا صادح كنتي الصوفي القاري شرافتك اقر طار الريدا ومادح
03-05-2013, 09:24 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
خلاص مشيتي بدون وداع وسقتي غيمك في رحيل وبدون ميعاد شِلتي الخطاوي وفتّي في سفراً طويل مُش كان تقولي مع السلامة تقولي لينا وداع قبيل أو تخلي وصيـــة بعدك تمسح الدمـــع البسيل
مشيتي شلتي ربيع عمرنا والعيون ضماها ليل حتى العتاب ما فيش طريقة نقولو ليك يا زول جميل
يا حلوة لو اصلو السفر مكتوب عليك من كم سنة ما إنتي عارفاها القلوب رايداكِ طول الأزمنة لا ليها من بعدك بلاد لا ليها من بعدك مُنّى باكي بستانّا النضير روحنا وقميرة حُبنا
أتمنى يوم في العُمر با السمحة ليَّ تعودي تاني في عينيك أرحل اسافر أَبْل يباس لبشوق ثواني ومن صفايرك ليَّ أنسج عُشة لي حلو الأغاني منك أشيل غيمتين محنّة يا منايا وكل زماني
03-06-2013, 06:13 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
رسائل بحر يحلو الحديث مع اهل الفن ونستمتع كثيرا بالسرد الجميل لمشوار الفن ( وسمح الغني في خشيم سيدو) في جلسه صفاء سرد لي الفنان عوض الله ( مشوارهم الفني ) تعالو نستمتع بالرحله الفنيه المثمره ممتده لعقد الجلاد
حورية البحر
03-12-2013, 07:59 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
تحدث قائلاً: بدأت الانطلاقه الاولي علي اعتاب تخرج الاستاذ عثمان النو وعوض الله بشير من معهد الموسيقي والمسرح في العام 1986م حيث تم تناول تجارب الاستاذ عثمان النو خريج قسم التاليف وتطبيق ادائها بواسطة مجموعة صغيره تضم - ( عثمان النو - عوض الله - انور - حواء المنصوري - اسامه مليجي ) حيث كانت اولي التجارب اغنيه امونه وقد كانت مشروع تخرج الاستاذ عثمان النو من المعهد في عام 1985م - بعدها تم التفكير في الاستفادة من التجارب والخبرات التي تكونت عند بعض المغنيين ( المؤسسين) وتم اختارهم لبعض الاعضاء مثل ( شمت - مجاهد- منال ) بالاضافه لعوض الله وانور وبقيادة النو - وفي العام 1986م بدأت معسكرات البروفات حيث استمرت لثلاث سنوات تقريباً وقبل تسجيل التلفزيون الشهير باشهر وانضم العضو عمر بانقا - ولم يكن موجوداً عند تسجيل الحلقه الاولي لعقد الجلاد بالتلفزيون والتي اعتبرت التأسيس الحقيقي لعقد الجلاد وقد كانت بتاريخ نوفمبر 1988م
حوريه
03-12-2013, 08:09 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: سلااااااااام دكتور خالد ومحبة ليك ولي المنجمين معاك في ضُلَّك "الرَّهين" ديل سحبنِّي من سالك طريق ؤمدايح ؤغرسن فيَّا من سِر المحبة سرايح يا قصّاص دروب زولا مِودِّر ؤرايح خلاص ملكن هواي وإتقاسمنِّي شرايح ---------------------------------------- سنين وسنين بعد هاجر بلومي النَّايح وفيكي عترت يا قصّة غرامي الرَّايح يا الفرهد شبابك ؤشال فريعِك مايح أنا إتضرضرت في صندل هواكي الفايح ****************************** من روائع دكتور جمعة الكباشي البري
03-13-2013, 09:10 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
إن أنسى لا أنسى ذِكراك يا إنتي ما أصلو قالوا الرحمن يفطر القلوب على بعض ما إإتلف تحاب وحبيبي خلوقني أحبك خلوقك علشان تهواني سيب عنادك تعال .. ما الشئ الوحيد الذي يعيق حُلم الحبايب هو العناد الحب وئام والحب تحنان وحنية ومودة وإن جرى عكس التيار
03-14-2013, 12:53 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
رسالة من بدر الدين مصطفى =============================
بدرالدين مصطفى · Sudan University of Science and Technology عبيد الطيب .. يا جنا والله مداخلاتك سمحة سماحة فرضة، تحياتي لك ولصديقك الجميل حنفي .. وتحياتي الكتيرة لرواد البوست الكرام .. وأهلك الكبابيش قالوا: ألبل بلاهن في العزيزة بلاوي والبسعاهن إتوقع شرور وبلاوي يوم بي وادي، يوم بي قوز ويوم بي مهاوي ويوم شابعات صقر شلوة الحميدي كلاوي
يوم شارفات علو وراتعات مناصح قشو ويوم متنطحات وابلاً بهطل رشو إن درنا الصح نقولو ونخفي صورة غشو جورن هن ولا قروش المخمس وحشو
ود إدريس الكباشي
03-14-2013, 12:59 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
لمن طلل بين الجدية والجبل محل قديم العهد طالت به الطيل عفا غير مرتاد ومر كسرحب ومنخفض طام تنكر واضمحل وزالت صروف الدهر عنه فأصبحت على غير سكان ومن سكن ارتحل تنطح بالاطلال منه مجلجل أحم إذا احمومت سحائبه انسجل بريح وبرق لاح بين سحائب ورعد إذا ما هب هاتفه هطل فانبت فيه من غشنض وغشنض ورونق رند والصلندد والأسل وفيه القطا والبوم وابن حبوكل وطير القطاط والبلندد والحجل وعنثلة والخيثوان وبرسل وفرخ فريق والرفلة والرفل وفيل واذياب وابن خويدر وغنسلة فيها الخفيعان قد نزل وهام وهمهام وطالع انجد ومنحبك الروقين في سيره ميل فلما عرفت الدار بعد توهمي تكفكف دمعي فوق خدي وانهمل فقلت لها يادار سلمى وما الذي تمتعت لا بدلت يادار بالبدل لقد طال ما اضحيت قفرا ومالفا ومنتظرا للحي من حل او رحل ومأوى لأبكار حسان اوانس ورب فتى كالليث مشتهرا بطل لقد كنت اسبي الغيد أمرد نا شئا ويسبينني منهن بالدل والمقل ليالي أسبي الغانيات بجمة معثكلة سوداء زينها رجل كأن قطير البان في عنكاتها على منثنى والمنكبين عطى رطل تعلق قلبي بطفلة عربية تنعم في الديباج والحلي والحلل لها مقلة لو انها نظرت بها إلى راهب قد صام لله وابتهل لأصبح مفتونا معنى بحبها كأن لم يصم لله يوما ولم يصل ألا رب يوم قد لهوت بدلها إذا ما أبوها ليلة غاب أو غفل فقالت لأتراب لها قد رميته فكيف به إن مات أو كيف يحتبل أيخفى لنا إن كان في الليل دفنه فقلت وهل يخفى الهلال إذا أفل؟ قتلت الفتى الكندي والشاعر الذي تدانت له الأشعار طرا فيا لعل لمه تقتلي المشهور والفارس الذي يفلق هامات الرجال بلا وجل ألا يا بني كندة اقتلوا بابن عمكم وإلا فما انتم قبيل ولا خول قتيل بوادي الحب من غير قاتل ولا ميت يعزى هناك ولا زمل قتلك التي هام الفؤاد بحبها مهفهفة بيضاء درية القبل ولي ولها في الناس قول وسمعة ولي ولها في كل ناحية مثل كأن على أسنانها بعد هجعة سفرجل أو تفاح في القند والعسل رداح صموت الحجل تمشي تبخترا وصراخة الحجلين يصرخن في زجل غموض عضوض الحجل لو أنها مشت> به عند باب السبسبيين لانفصل فهي هي وهي هي ثم هي هي وهي وهي منى لي من الدنيا من الناس بالجمل ألا لآ لا إلا ليء لا بث ولا لآ لا إلا لآليء من رحل فكم كم وكم كم ثم كم كم وكم وكم قطعت الفيافي والمهامة لم أمل وكاف وكفكاف وكفي بكفها وكاف كفوف الودق من كفها انهمل فلو لو ثم لو لو ولو ولو دنا دار سلمى كنت اول من وصل وعن عن وعن عن ثم عن عن وعن وعن أسائل عنها كل من سار وارتحل وفي في وفي في ثم في في وفي وفي وفي وجنتي سلمى أقبل لم أمل وسل سل وسل سل ثم سل سل وسل وسل وسل دار سلمى والربوع فكم أسل وشنصل وشنصل ثم شنصل عشنصل على حاجبي سلمى يزين مع المقل حجازية العينين مكية الحشى عراقية الأطراف رومية الكفل تهامية الأبدان عبسية اللمى خزاعية الأسنان درية القبل وقلت لها أي القبائل تنسبي لعلي بين الناس في الشعر كي أسل فقالت أنا كندية عربية فقلت لها حاشا وكلا وهل وبل فقالت أنا رومية عجمية فقلت لها ( ورخيز بياخوش ) من قزل فلما تلاقينا وجدت بنانها مخضبة تحكي الشواعل بالشعل ولا عبتها الشطرنج خيلي ترادفت ورخي عليها دار بالشاه بالعجل فقالت وما هذا شطارة لاعب ولكن قتل الشاه بالفيل هو الأجل فناصبتها منصوب بالفيل عاجلا من اثنين في تسع بسرع فلم امل وقد كان لعبي كل دست بقبلة أقبل ثغرا كالهلال إذا أهل فقبلتها تسعا وتسعين قبلة وواحدة أيضا وكنت على عجل وعانقتها حتى تقطع عقدها وحتى فصوص الطوق من جيدها انفصل كأن فصوص الطوق لما تناثرت ضياء مصابيح تطايرن عن شعل وآخر قولي مثل ما قلت أولا لمن طلل بين الجدية والجبل
03-14-2013, 10:02 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: وأهلك الكبابيش قالوا: ألبل بلاهن في العزيزة بلاوي والبسعاهن إتوقع شرور وبلاوي يوم بي وادي، يوم بي قوز ويوم بي مهاوي ويوم شابعات صقر شلوة الحميدي كلاوي
يوم شارفات علو وراتعات مناصح قشو ويوم متنطحات وابلاً بهطل رشو إن درنا الصح نقولو ونخفي صورة غشو جورن هن ولا قروش المخمس وحشو
ود إدريس الكباشي
الأخ بدر الدين شكرا لمُسيال البادية والتحية والمحبة لك ولإبن العم الشاعر الرائع عبدالله ود إدريس
عشان طلَّتك البهيّة ومعزة أخونا دكتور خالد وعشان مُسيالك عن النّوق نهديك إنجمامة جميلة "قصاصة من مقال سابق
Quote: ِ هديَّة من بادية الكبابيش لِعُشاق الهَمْبريب والدَّعاش واجراس الهاودج (1- 2 ) عبيد الطيب (ودالمقدم)
دفعوا الهوادج للرحيل واعتموا وغدت لبينهم المدامع تسجمُ وسروا وأروقة الظلام تكنّهم فكأنما من تحت ذلك انجمُ واستكتموا بمسيرهم تحت الدُّجي فأبي نسيم المِسك ان يستكتموا (ابن الهيثم الكلابي)
مُسدار القمرية للشاعرين الرائعين الشاعر علي الشيخ محمد علي التوم(ودالمُر) والشاعر حنفي حاج الطيب (ابو المرضية)
قلنا في مقالنا السابق ان الشاعرة أم ضعينة دياب هي التي بدأت مُسدار القمرية عندما عرفت بشفافية الشعراء اختفاء طائر القمري من الدِّيار وعرفت ان القمري رحل جنوبا مع الأبالة في رحلة النشوق الشهيرة ولولا الشاعرة لما كان مسدار القمرية للشاعرين الرائعين علي الشيخ (ودالمر) وحنفي حاج الطيب ولأن المسدارين يتطرقان الي رحلة النشوق الشهيرة والتي تعتبر من اهم ركائز الحياة الإجتماعية والإقتصادية في بادية الكبابيش ولأن الترحال والتنقل يمثلان للبادية الخلاص من جدب واقفرار المكان وشح الموارد من عشب وماء وكان لابد لشعراء البادية من وصفها لانها ترتبط بحياتهم الاجتماعية والفنية وبحركة بهائمهم فالرحلة الادبية والفنية والشعرية للشاعر تقابل الرحلة علي الارض من رحيل ونشوق حيث وصف الابل وطريقة رحيلها وحركة اهلها ومن حنين النوق وحنين واشواق اهلها وشدو الطيور وتَعلُّق اهل البادية بطائر القمري كان المسدارين في شكل حوار بين الشاعر وطائر القمري ولان الشاعر علي الشيخ هو الذي بدأ المسدار ولانه رائد المدرسة الحديثة للدوبيت ببادية الكبابيش بامتياز ومفرداته ولغته تتميز باناقتها وسموها وهي علي السجية ولديه مخزون هائل من مفردات البادية نبدأ بمسداره وننوه ان للشاعر الرائع ود المُر مسادير في غاية الروعة كمسدار عيون الصَّيد الذي تطرق له حنفي في جريدة الوان ومسدار جمله ود كسلا الذي نطالب حنفي بالكتابة عنه لان لحنفي قلما اكثر اناقة ورشاقة من قلمي
مُسدار القمرية للشاعر الاستاذ علي الشيخ محمد علي التوم (ودالمر)
وين مَدّيتي يا القمرية قالت كنت ناجعة مع السَّراتها قوية لَنْقبنا الصّعيد دار موسي والماهرية واللنقيب بواوي وانا عشي سرج وحوية الشاعر يسال طائر القمري عن سبب اختفاءه عن الديار فتجيبه برحيلها مع زات السراة اي الابل وتوقلها جنوبا حتي وصلنا الي ديار الناظر موسي ود مادبو زعيم الرزيقات وانا اشدو واللنقيب يواوي وكأنَّها هي تعزف واللنقيب يغني ومن فرط حبها للابل وعشقها لصوت اللنقيب اتخذت عشها من السروج والحوايا واللنقيب هو ذلك الشاب الصغير والذي يلازم الابل في حلها وترحالها وهو الذي لم يتعلم الالحان ولا الموسيقي ولكنه حين يضع يديه علي صدره ويضرب بها موضع القلب ضرباً خفيفا ويشدو بلحن اشبه بتغريد الطيور يشنِّف الاذان فيصمت الكون باكمله من حفيف اشجارٍ وخرير مياهٍ وتغريد طيورٍ وحنين فصالٍ وحتي حفيف الهواء الا طائر القُمري حين يسمع واواي اللنقيب يبادله تغريدا وهديلا ثم يخاطبها الشاعرقائلا:- قمرية الرِّهيد ام طوق لقيتها الليلة فوق روب الفريعات فوق سألتها وين مشيتي يا عديمة الزوق قالت شلت دار موسي وبريت النوق عندما وجد الشاعر القمرية تشدو وهي علي رؤوس الاغصان سالها عن اسباب اختفاءها لتجيبه بانها رَحَلَت مع الابالة حتي وصلنا الي ديار الرزيقات وما اجمل الاجابة حين تكون شعرا مَا تْلومني يا الغنَّاي وكان بي هوِّي ما بتعدا من ها خَلاَيْ الدّار اصبحت جَايْحِي ؤ بريت أم رَاي نجعت معاها شان اتْعلَّم الواواي حين لام الشاعر القمرية علي رحيلها دون وداعه ونعتها (بعديمة الزوق) لترد عليه القمرية قائلة: لا تلمني ايها الشاعر لاني ان كان بارادتي سوف لا اغادر دياري مطلقا ولكن عند رحيل الابل (ام راي) اصبحت الديار قبيحة ولذا نشَقْت معها واريد ان اتعلم واوي انقيبها ولقد صدق الرائع حافظ عباس محمد نور حين قال :- والله انحنا مع الطيور المابتعرق ليها خرطة ولا في ايدها جواز سفر ولكن القمرية هنا خرطتها مظعان الابالة وواواي البزر وجواز سفرها تغريدها الدار اصبحت جَايْحِي وملوك مُو فيها وأم زور علَّقت ناجعي ؤ رَزَم حاشِيها قُمْتَ معاها بارياها ؤمَسِكْت التِيها وفي دَوْ الهشاب واويت مع راعيها الدار صارت قبيحة لان الابل (ام زور) تاهبت للرحيل واغلقني حنين فصامها ولذلك ودون ارادتي صحبتها وفي اشجار الهشاب اغرد مع وواوي اصحابها لي دار المساليت مدَّت ؤ ورَدَت با بنوسة وفي الحفاير دّقَت اني مبارياها وين ما علَّقَت واتْعَدَّت ؤمِن واواي انيقبها الكبيدة إنْشَقَّت ثم ياتي وصف حركتها ورحليها واسماء المراعي والبلدان التي رحلت اليها واوصاف ساكنيها حيث تقول :-ذهبنا الي دار المساليت ثم وردنا بابنوسة وفي حفايرها انشانا احواضنا للشراب والمعطن وكل ما ترحل الابل الي ديار اخري اكون معها ولا افارقها ولان واواي انقيبها الم قلبي وادمي كبدي دَمَرت معاها في الخزّان ؤمشينا بِلُود اهلها بطيِّعُوا التيران حِوارك طَن وسيدك علَّق ام نيشان بتين يا أم قُلَّة نرجع لي العرب عُقْبَان ثم دمرنا في خزان ودعة حيث اهلها يمتطون الثيران وتحن النوق (حوارك طّن) من الطنين وصاحبها يحمل سلاحة ولكن هنا تحن القمرية وتشتاق الي ديارها لتسأل الناقة الي متي نرجع لديارنا واهلنا يا(ام قلة) بقاف مضمومة ولام مشددة ؟من اسماء الابل قبل ما قلت اقوم كلمتها أم كُزامة مادين الصعيد قلت ليها اني وشَرَّامة ماتتوصوا عُقبي معاكم الحكّامة خليت البلومة وبِت اعمي حمامة وهنا القمرية تخبر الشاعر قائلة:-قبل رحيلي اخبرت ام كزامة وهي الفتاة الجميلة اخبرتها باني سوف ارحل جنوبا مع الابالة ولكي لا تفتقدي تغريدي وشدوي تركت الحكامة وطائر البلوم وابنة عمي الحمامة خليت البلومة والقديل والحُوَّة ؤنجَعْتَ مع بنات شرمي وسعاية القُوّة دخلنا بلد زغاوة وناس جديري وكوّة ورِعِينا عَضَاوة القوز والدواخل الجوّة ايضا تركت طائر القديل والبلوم وطائر الحوة وهم رهطي وعشيرتي ونجعت مع شرمة وهي الابل وتوقلنا حتي دار زغاوة منطقة جديري وكوة فهنالك المراعي الخصبة ورعينا حتي دواخل المزارع وهي لعمري اخصبها الخزان واللِّضيّة وناس بياض ولقاوة دمرنا هناك اني وجَقْلة ؤرِعينا عَضَاوة فرَّت ؤ دَجَّت أم زور في الهشاب تتحاوه واني قوقيت واللِّنقيب حَزَمها ؤ واوه دمرنا ايضا في منطقة الخزان والاضية وبياض ولقاوة حيث المراعي الخصبة وتفرقت الابل حول شجر الهشاب وانا اغرد واللنقيب يواوي بصوته الجميل لتتجمع ابله اني وجَبَّادة الشايل البَرم عِلّيفو نجعنا حَلالِي من بلد البِضَوِّي شِنيفو قَعُوي سَقَّاي ابو دَكنة المِحَمِّر قيفُو يسألني الله واواي اللَّنقّب كيفو ثم تقول القمرية هي وجبادة الشايل البرم وهي طريقة رعي الابل تسحب الشجر سحبا شال البرم اي ثمار الاشجار نجعنا حلالي وهي للحسرة من بلد زات الزمام وصوت ضفادع (قعوي) ابودكنة و هي منطقة الرهد بكردفان وبها ترعة كبيرة جدا يملأها خور ابو حبل الشهير ونعيق الضفادع كصوت اللنقيب ومن هنا ارسل التحايا الزاكيات لمنطقة الرهد وقاطنيها وحياها الغمام الاربد والعارض الغادي ولي فيها ذكريات وشآ بيب الرحمة تتنزل علي قبر الراحل المقيم الناظر الطيب هارون فقد كان نسيج وحده بحر جانقي البعيد شرمة ام صِرار مدَّتْلُو وسيدها تَمَلِّي هوي وناس الجِبال بتكتلو نجعت معاها هَبَّارة المَمَنَّعْ فَتْلُو والحِمْدِ لله انعَم سافِلها ورَجَعَتْلُو وتوقلت الابل حتي وصلت بحر جانقي واحيانا تحصل مناوشات بين اهلها وسكان الجبال والحمد لله انعمت ديارنا ورجعنا بسلامتنا لِقَت قَفَلْ المَخَرَّق ؤفَرَّت ؤ سَوّيت عشي وأم زور لي الحِوَيِّر دَرَّت من دار الصعيد اني والسَّراتها إنْزرَّت ربنا جابنا قُبَّال السموم ما حَرَّت وهنا اي في الشمال المراعي اكثر خصوبة حيث السهول ممتدة والتلال وتنعدم المزارع واشجار جناين الهشاب وينعدم الباعوض والناموس ولقد وجدت الابل اشجار المعراب (القفل) والسعات وتفرقت في المرعي بعد ان كانت تتحاوي في الهشاب والقمرية وجدت الامان حيث اتخذت عشها علي شجر المعراب والكتر بعد ان كان علي السروج والحوايا وام زور اي الناقة درت الحليب لصغارها والحمد لله ان رجعت ومعشوقتي الناقة قبل ان تهب السموم الحارقة طلبت حَمر كولة وهَرْمَة دارت تَلْوِي في العاطفة وسروح الدَرْمَة ما بقدر بطير عكس الهبوب يا شرمة معاكي سلامة واني منك بقيت مِنْكَرْمة اتجهت الابل شمالا صوب رحلة الجزو الشهيرة وهي في اقصي الشمال والشمال الغربي عند تلال "حمر كولة وهرمة وتيقا" لانها تريد ترعي نبات وعشب العاطفة والدرمة ليكفيها الاستغناء عن شرب الماء(عميلة التأكسُد) وهنا سوف يكون فراقنا لانني لا استطيع ان اطير عكس الرياح حيث لا يوجد الماء وفي وداعة ربنا وحفظه ونأسف اذا تاخرت عن الرحيل معك (منكرمة) اي متأخرة فهذه حال الجفرافيا والتضاريس ولنا عودة في المُسدار الثاني عبيد الطيب (ودالمقدم) بادية الكبابيش
03-18-2013, 09:35 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يا عبيد تسلم على هذا المرور الجميل الجراب ما شاء الله ملئ بدرر عجيبة وحلوة لك مني كل الاشواق بالمناسبة ألأتقيت بالجميل احمد التجاني الماهل في ليلةاحياها في نادي دبي الاجتماعي ابلادية بين الفريق والحلة وكانت محاضرة لها طعم خاص وكنت حاضر في ذهني يا عبيد طوال المحاضرة
فلك مني كل التحايا
03-19-2013, 06:41 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
هذه رسالة من شازلية ( حورية البحر ) تناجي حبيب قد رحل والحيرة تملك فؤادها لما رحل وهل رحل حقيقة وتبكي قلبها الذي كان في الحب صادقا ومخلصا تبكي وفائها الذي أوفت به تبكي كل لحظة كل دمعة كل آهة كل زفرة حب وحنين وهبتها لحبيب ضنى وبعد ولم يفسر سبب هجره وبعاده قلوبنا معك يا حورية البحر هذا زمان يباع فيه الحب في سوف النخاسة وبثمن بخث دراهم معدودات ولى زمان الحب يا طويرة الاحزان ولا املك إلا اقول لك ربنا يهون مصابك مصاب كل عاشق ولهان لحبيب قد ضنى وهجر ===============================================
اريد فراقه لكن قلبي عنيد لا يطيع ولا يلبي وكيف يلبي وقد ملك الملكة منه وكيف يطيعني قلب تربى ونمى على الاخلاص والصدق حبا .... في هجر من أحببت رغم هجره و من دون الحب كيف يظل قلبي حيا وهل تحيا القلوب بغير حب واي حب وليت كل حب كان كما حبي لك ولكنى اعودواقول الشقى مع هجر حبيب يسر اذا العزاء دمع المحب ودمعى جف من زمن بعيد وما عاد البكاء رفيق دربى عدو للبكاء انا وحسبى دموع الامس قبل هواه حسبى اريد فراقه واحس انى اعيش لديه مثل اسير حرب تكبلنى قيود من وفاء في نفسي لحب ضاع في شكى وريبي فلا انا بانسجام مع حبيبى ولا هو راحم لفؤاد صب وست ارى ببعدى عنه سلوى وليس هو المسلى لى بقرب وقلبى لا يحيب نداء ياسى ولا امل يلوح امام ركبى وما بين الحقائق والامانى دخان باختراق العمر ينبى كفى ياقلب ولترحل بعيدا والاً فاض بى وقضيت نحبى اريد فراقه ياقلب فارحم وساعدنى على تفريج كربى فانك شاهد انى برئ ومالى فى عذابك اى ذنب اطعنى مرة لتعيش حرا وتنعم بالامان المستتب والاستقرار اجدى من رحيل وراء الوهم من شرق لغرب لماذا لاتسلم يافؤادى وتقبل راضيا بقضاء ربى وكيف ترى السنين تضيع منا وتزعم ان هذا العيب عيبى انا ياقلب ما فصلت ثوبا لغير الحب او بدلت ثوبى ولكن لاتكن حملا ضعيفا ينادى بالسلام امام ذئب ولا تعطى الوفاء لغير واف فما هدر الوفاء بمستحب
رسالة من حورية البحر
03-19-2013, 08:53 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد علي محجوب المنسي
Muna Khugali
الطيب شيقوق
عبيد الطيب
عصام علي أحمد
munswor almophtah
فيس بوك
تويتر
انستقرام
يوتيوب
بنتيريست