دفتر احوال ضابط الشرطة المناوب

Quote: اللهم انت الشافى فلاتبخل عليه بنعمتك . *** لقد تتلمذنا على يد عمنا بابكر فى تلك الايام النضرة بالخرطوم شمال . وجمعتنا كثير من الجلسات بمنزلهم العامر. *** لكن ولدوا اخونا صلاح بابكر لدى معه طرفة . *** والسبب يرجع لاخونا الحبيب النور يوسف عندما كان يتولى زمام فرع الجنايات بالخرطوم شمال وانامن مرؤسيه فى رئاسة شعبة الجنايات . اخونا النور يوسف الله يطراها بالخير كان عندوا خيار وفقوس وكان دائما مايطلب منى بتوجيه ضباط القشلاق (صلاح بابكر وصلاح الزبير وامين نورالدائم وفى بعض الاحيان امير حسن ) امتثالا لمقولة اخونا صديق الشرطة الشهير وابن الخرطوم غرب عصام العمدة الذى اطلق مقولة (الكسرة مابتبقى رغيف وولد الاشلاق مابقى ظريف ). *** فكانت تعليمات سعادته بان اخطر هولا الظباط بالذهاب للباب الغربى . *** اخونا صلاح بابكر (صر لى الموضوع ) *** بعد احالتى للصالح العام وانا نسيت الموضوع وذهبيت لغرض فى كموبيتر الترخيص الذى نقل اليه اخونا صلاح بابكر*** لقاء دفعتى ياسر عبدالحميدالذى لم اجده . ووجدت صلاح بابكر قلت فى نفسى الموضوع محلول. فشرحت له ماأريد فاجلسنى ولم يعد مرة اخرى . *** عندما التقيت به لاحقا ذكرنى بتلك التعليمات التى كنت اصدرها اليهم بالذهاب للباب الغربى . (الله يجازى محنك يالنور يوسف . *** حللت مرحا اخونا صلاح بابكر واللهم انعم بالشفاء لعم بابكر . أخر الشمارات اتصال من اخونا محمد ماهر من انجلترا بسأل عن شقة اخونا الطيب عثمان يوسف . وافدته بان الطيب لم يحول الاموال بعد. مسك الختام فى سلسة الوجوه المشرقة . *** ساقتنى قدماى لقسم شرطة الخرطوم شرق (انت اولاد 53 دين جايين من وين) رحابة استقبال وكثافة معلومات وعمل جنائى اصيل وتربية شرطية متاصلة ذرعت حتى فى صغار الضباط (الملازم اول عبدالسلام تاج السر نموذجا) . **** نموذج للزمالة السامية والادب الرفيع فى التعامل مع الزملاء المتقاعدين . اخونا العقيد على محمد عثمان انشاء الله يوم شكرك مايجى . ودبرى.>>>>