|
|
|
 Re: الاخوة والاخوات الليلة عيد ميلادى (Re: soma)
|
الأخ علي
باسل ولد يوم 6أكتوبر2005 في الرياض و قد تصادف وجود زوجة أحد الزملاء المصريين لوضع مولودها أيضا .
المهم عمنا المصري جابو ليهو بنت بعد ولد و كان فرحان جدا المهم قعدنا نفكر معاهو في إسم لبنتو. قلت ليه أنا ولدي بسميوه أنور السادات - عاطف السادات لكن بنتك سميها ستة أكتوبر و لو ربنا جاب ليك أخت ليها سميها مدينة نصر
| |
 
|
|
|
|
|
|
|
|
Re: الاخوة والاخوات الليلة عيد ميلادى (Re: Muna Khugali)
|
Quote: كل سنه وانت طيب وربنا يحقق ليك كل امانيك..
اليوم كان كيف وماشي كيف؟؟ |
وانت طيبة يامنى
والله اليوم ماشى غايتو.. قلته امشى اجيب لى شمع اولعه وانفخه زى اولاد الناس لكن يا منى والله خمسة واربعين شمعة ديل عايز معاى عربية مطافى عديل كده
لك ودى المقيم
ابدا
على
| |
|
|
|
|
|
|
|
|
 Re: الاخوة والاخوات الليلة عيد ميلادى (Re: عبده عوض)
|
شكرا ليك يا عبده يا ظريف.. اناوالله الخلانى اتذكرو شنو ماعارف لكن عادة والله بيمر ومابتذكرو ومرات اسجله فى المفكره عشان اتذكر لكن اقوم انسى اعاين للمفكرة.. لكن يا صديقى طالما لسة بنتذكر نجرى اللازم قبل الخروج من الحمام برضها نعمة من كريم
| |
|
|
|
|
|
|
|
|
|
Re: الاخوة والاخوات الليلة عيد ميلادى (Re: Ali Sirelkhatim)
|
علي سر الختم وباسل العسل واشرف مقدما...
كل سنة وانتم طيبين...
وربنا يديكم راحة البال للكبير فيكم والصغير....
انا اهم شئ عندي عيد ميلادي بنتظروا بي فارغ الصبر عشان بحبببببب الهدايا...اليوم داك بشحد البعرفو والما بعرفو عشان يجيب لي هدية...
البيسمع الكلام دة يقول عمري 19سنة..
| |
|
|
|
|
|
|
|
|
|
Re: الاخوة والاخوات الليلة عيد ميلادى (Re: Tragie Mustafa)
|
Quote: علي سر الختم
كل عام وانت بخير
ويا اسامه الفضل كل عام وابنك باسل بخير ايضا.
ربنا يحقق امانيكم ويديكم الصحه و العافيه معا. |
الاخت تراجى
الف شكر
وعيد ميلادى الجاى كان ربنا مد فى العمر حا اقطع الكبرى واجى اعملوا معاكم بى غادى عشان عندكم لمة حلوة بى هناك. ونحن مقدمين طلب عشان ننضم لجاليتكم العامرة ولى هسة ما جانا رد.
| |
|
|
|
|
|
|
|
|
|
Re: الاخوة والاخوات الليلة عيد ميلادى (Re: سارة علي)
|
Quote: انا اهم شئ عندي عيد ميلادي بنتظروا بي فارغ الصبر عشان بحبببببب الهدايا...اليوم داك بشحد البعرفو والما بعرفو عشان يجيب لي هدية...
|
الاخت سارة
شكرا ليك ومن هسه عيد ميلادك متين عشان عندك هدية جاياك من امريكا.. وعلى حس كده عارفك حا تقولى لى عيد ميلادك الاسبوع الجاى.
| |
|
|
|
|
|
|
|
|
|
Re: الاخوة والاخوات الليلة عيد ميلادى (Re: محمد سنى دفع الله)
|
Quote: جمعنا التمام
تعظيم سلاح
تعظيم تهاني
وامنيات
وعيد سعيد
وعمر مديد
وايامك كلها نجاحات
وتعدي كل التجارب الجاية بحنكة الشيوخ
وحكمة الفلاسفة
مودتي |
استاذنا محمد السنى شخصيا
والله نحن بنشكر اخونا بكرى ابوبكر ده شكر كتير خلاص عشان اتاح لينا فرصة انه شخصيات عظيمة زيك كده يباركوا لينا عيد الميلاد
الف شكر يا استاذ محمد السنى
الف شكر
| |
|
|
|
|
|
|
|
|
|
Re: الاخوة والاخوات الليلة عيد ميلادى (Re: Kamal Karrar)
|
Quote: ود السر
كل سنة وأنت طيب...
ثبت شرعا بأنني وأخوي الكاشف (طارق) ديناصورات |
ود السر كرار ياحبيب
بقول ليك عايز لى عربية مطافى تطفى معاى الشمع شدة ما كتير انحنا ذاتنا ديناصورات يا خوى بس ممكن نقسمها لى ديناصورات سينير وديناصورات جونير ايه رايك بقه؟
| |
|
|
|
|
|
|
|
|
 Re: الاخوة والاخوات الليلة عيد ميلادى (Re: doma)
|
جنابو علي سرالختم
** كل سنه وأنت طيب ,, وربنا يحقق الاماني ,, وأن يُعيد لكم الشرطه التي تعرفونها ونعرفها بعد أن ضلت الطريق ,,, ونهدي إليك كل الطـــراوه الفي بــــــحــــــــرى **
| |
|
|
|
|
|
|
|
|
|
Re: الاخوة والاخوات الليلة عيد ميلادى (Re: rosemen osman)
|
| Quote: كل سنة وأنت طيب وربنا يحقق الأمانى |
روزمين الصياد شخصيا
والله الصياد دكتور البيلى ده {اللهم لا حسد}
شكرا ليك مع اجمل الامنيات ليك ولى دكتور البيلى والاولاد بدوام الصحة والعافية
اخوكم
على سرالختم
الولايات المتحدة
| |
|
|
|
|
|
|
|
|
|
Re: الاخوة والاخوات الليلة عيد ميلادى (Re: عبدالكريم أحمد الامين)
|
Quote:
جنابو علي سرالختم
** كل سنه وأنت طيب ,, وربنا يحقق الاماني ,, وأن يُعيد لكم الشرطه التي تعرفونها ونعرفها بعد أن ضلت الطريق ,,, ونهدي إليك كل الطـــراوه الفي بــــــحــــــــرى ** |
استاذنا الاخ عبدالكريم
الف شكر ليك على كلامك الجميل . اللهم امين يا استاذ..لكن هى{الشرطة} شكلها كده دخلت صحراء بيوضة وما عندها {GPS}
| |
|
|
|
|
|
|
|
|
|
Re: الاخوة والاخوات الليلة عيد ميلادى (Re: محمد عبدالمنعم التلب)
|
Quote: يادفعه
كل سنه
وانته طيب
وكل مواليد هذا اليوم
طبعا انا التاريخ حافظو من زمن كنا بالكليه سوا واظنه الكلام ده كان قبل 55سنه
انشاء الله كل يوم عندك عيد ميلاد عشان تلم كل الناس الحلوين الجو يعايدو ليك
رفيق الشده |
شكرا ليك يا رفيق الشدة وايضا مبروك لدفعتنا العقيد التوم النقلية مديرا لجوازات جدة..
وبعدين يا اخواننا نحن اول ناس فى زمننا دخلنا اولى ابتدائى فى زمن نميرى بالرداء الكحلى والقميص ومحى الدين صابر غير المرحلة الى ستة سنوات والعام تلاتة سنوات والعالى تلاتة سنوات..والناس القدامنه كانو بلبسو جلابية وعمة{مدرسة ولا تراويح} واخوى الاكبر منى بتذكر عنده عمه كده بيعرفه براهو كان بيلعب بيها دافورى وما بتقع تقول ملصقها بى بوستك
ابدا على سرالختم
| |
|
|
|
|
|
|
|
|
 Re: الاخوة والاخوات الليلة عيد ميلادى (Re: doma)
|
علي السر أخوي
كل سنة وإنت طيب... وإنشاء الله تتحقق كل أمانيك
بس يا أخوي شد حيلك ... إنتا في خط النص... بطل أكل الحلويات وبالذات التورتة
وإحتفل بميلادك ذي أهلك الخلفة.. شاي حليب ولقيمات ومدحة في ذكر الله والرسول - عليه أفضل الصلاة والسلام
مع مودتي..
| |
|
|
|
|
|
|
|
|
|
Re: الاخوة والاخوات الليلة عيد ميلادى (Re: Mohamed Yassin Khalifa)
|
| Quote: بس يا أخوي شد حيلك ... إنتا في خط النص... بطل أكل الحلويات وبالذات التورتة |
الاخ محمد يسن
معانا واحد صاحبنا مشى الدكتور وجانا راجع مطير عيونو زى الناشلين ماهيتو وقال الدكتور قال ليهو عندك تمانية صلايب سكرى..وانا قلت ليه يا صاحبى كنانة مافيها تمانية صلايب كدى روق وبطل اكل التورتات والحلويات..
شكرا محمد يسن خليفة على النصيحة الغالية وبيناتنا تلفونات.
على سرالختم
| |
|
|
|
|
|
|
|
|
|
Re: الاخوة والاخوات الليلة عيد ميلادى (Re: ماجدة عوض خوجلى)
|
سعادتك
كله تمام
رفعنا خطاب فوري لكلية الشرطة بالاستئذان لحضور عيد ميلادكم الموقر
وننتظر الاذن في غصون 48 ساعة وذلك بتسليم خطاب الي الكومندار في
تمام الساعة الف ومائة..ولله الحمد بعد رفع الاذن من سعادة العقيد
حسين جبارة..تم احاطتنا بخروج فريق من المباحث الجنائية بقيادة
الصول يسري محجوب الي الساحة الخلفية لصنع كعكة مبرقعة وخضراء
تتناسب واصول اللعبة..واخذها الي موقع المعاينة..وتم تجهيز فرقة
خاصة لتقفي اثر هذه الكعكة الدائرية الشكل حتي تصل بامان الي بر
الامان..وبناءا عليه فقد كلف سعادة العقيد باخذ كل الاحتياطات في
الحسبان...بما فيهااخذ كل البصمات للسادة الحضور ورفع تقرير فوري
بعد انتهاء الحدث...ونحن رهن اشارتك في المتابعة والتسليم.
كل سنة وسعادتك والسودان بخير....سعااااااااااااااااااااااااادتك.
| |
|
|
|
|
|
|
|
|
|
Re: الاخوة والاخوات الليلة عيد ميلادى (Re: بكرى ابوبكر)
|
سيد الحوش ذات نفسو
والله يا بكرى انا ما عارف اشكرك كيف.. بالله بس شوف الناس الحلوين الطيبين البيباركو لى ديل..
ياخ ده شعور واحساس ما بتوصف ..ما بتوصف..{19 سنة فى امريكا ياراجل}
الف شكر يا اخ بكرى وان شاالله ربنا يقدرنا على جزاك
على سرالختم
| |
|
|
|
|
|
|
| |
Ali Sirelkhatim
أسامة الفضل
ASHRAF TAHA
Muna Khugali
عبده عوض
سارة علي
Tragie Mustafa
omer osman
Kamal Karrar
محمد سنى دفع الله
حسين محي الدين
doma
عبدالكريم أحمد الامين
rosemen osman
محمد عبدالمنعم التلب
Mohamed Yassin Khalifa
ماجدة عوض خوجلى
ASHRAF MUSTAFA
عامر تيتاوى
عواطف ادريس اسماعيل
بكرى ابوبكر
غادة عبدالعزيز خالد
فيس بوك
تويتر
انستقرام
يوتيوب
بنتيريست