كيف يا فرده شهر العسل

مرحبا Guest
اخر زيارك لك: 04-25-2024, 08:09 AM الصفحة الرئيسية

منتديات سودانيزاونلاين

مكتبة الفساد

ابحث

مدخل أرشيف اراء حرة و مقالات

News and Press Releases

اتصل بنا

Articles and Views

English Forum

ناس الزقازيق

مدخل أرشيف الربع الثانى للعام 2013م

نسخة قابلة للطباعة من الموضوع ارسل الموضوع لصديق اقرا المشاركات فى صورة مستقيمة

« | »
اقرا احدث مداخلة فى هذا الموضوع »

05-21-2013, 08:45 AM

عباس الدسيس

عباس الدسيس
تاريخ التسجيل: 10-11-2012
مجموع المشاركات: 3403

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

كيف يا فرده شهر العسل
بعد ما لملمو الهديمات في الشنط متوجهين لقضاء شعر العسل ساعات وصلو الفندق بعد الاجراءات بدقائق توش جوه الغرفة ، مضت الليلة الاولي بعسلها وبصلها قعد علي كرسي الجلوس الوحيد بغرفة النوم ووضع يده علي خده رافعا رجله اليمني علي الكرسي تاكل بها يده ينظر اليها... شعرها منكوش عين مفتحه وعين مغمضة بعد ما قامت من النوم... إتذكر ايام الطفولة ((شيطان الكوشة)) مجنون الحي اليومو كلو في الكوش وهم صغار إشاغلوهو ، لاحظ لحركات تنفسها ربطها بشخيرها بالليل يا الله (( كل ـب ناس حاجة خدرا)). لاول مرة يلاحظ ان فخذها غير متناسق مع الساق وخاصة الجزء الخلفي لعضلة الساق التي تشبه البامبي نقر علي خده بيده التانية ثم تمتم .....(( يا ربي الزولة دي كانت بتلعب دافوري وانا ما عارف )) . قامت من السرير تكرش في راسها ... كرش كرش كرش مشت علي الحمام ثم ردد مرة اخري .....((يا حولاااااااااااااا الزولة دي انا قايلها زمان وقت حبنا ما بتخش حمام خالص)). بعد شوية طلعت شايله فرشة الاسنان متوجه لي مراية غرفة النوم والمعجون سايل بالجنبات لمح شوية من اللون الاحمر الذي يكون طرف اللون الابيض بمعجون سقنل سايل بجمبة الخشم علي طول اتذكر افلام مصاصي الدماء ، رجعت الحمام خرج من الغرفة حتي لا يسمع اصوات تزيد عليه مأساته. رجع بعد ان طلب الافطار من الاستقبال ..بيض زيتون جبنه سلطه عسل. سألته: بالله ده فطور بشبع وينو الفول ؟؟؟ طلب فول من الاستقبال !!!! لم تنتظره ان يضع صحن الفول في التربيزة قالت له: اجي يا بنات امي فول بدون بصل وزيت سمسم ياكلو كيف؟؟؟؟ راسو لفه الامور عندو جاطت ثم تمتم ...معقولة دي الزولة الكانت حبكانتي زمن وسنين قعد اعاين ليها وهي بتاكل واصابعها تبحث عن قطع البصل داخل صحن الفول وراسها مكبس لي تحت في ثواني لحست صحن الفول وقعدت تكابس في الورده في نص الصحن مع الاضاءة الخافته للغرفه قايلاها جرجيره لم توقف المكابسة حتي نقرت باصبعها نص الصحن ثم توجهت لباقي الصينيه تاكل كانه لم يكن موجودا معها..... ثم تمتم ... الزولة دي قايله مافي غذاء و ل مفتكره شهر العسل لهط واكل بطريقتها دي لي قدام إلي اجيب ليها متعهد عدييييييييييل بتاع اكل قصادها. معقوله انا في شهر العسل و ل حلمان !!!!! رجع للبلد بعد شهر العسل قابله صديقه الذي كان ينوي الزواج.... اها كيف يا فرده شهر العسل جيت لونك ابيااااااااااااض جاوبه... غايتو الامور ما تماااااااام !!!!!! شنو ياخ الزولة دي بتحبها من زمان لو ما كده كان ممكن نقول ادقسته ولقيتها ((سكند هاند)). لولح راسو... لا لا الحكاية ما كده يا فرده.... القصص الخياليه والنظرة الرومانسية قبل الزواج بمنظار المسلسلات التركية خربت راسنا لدرجة الواحد ما كان بتخيل الحبيبه ممكن تدخل حمام وتسوك قدامك ولو خنقتا فولة تكح وتتنخم وتف جمبك وما خفي أعظم الاقنعه اول يوم في شهر العسل تتخلي عنها العروس وتظهر علي طبيعتها تعرف المشكله وين يا فرده..... بعد العرس البنات الشايفم كلهم سمحات ديل تلقاهم بتشابهو زي الصينيات ما تفرق بين السمحه او الشينه تتلخبط عليك الامور. تصور اسبوع واحد واكتشفت الهبل ما عارف لي قدام البحصل شنو !!!!! اقول ليك حاجة ما عايز اوتر ليك حياتك بس اصبر علي شهرين تلاته نعرف باقي القصة عشان افهمك كل حاجة الواحد بقي راسو دايش انطبقت عليهو حكاية ابو البت!!!! تعرف ابو البت يوم لاحظ لي بتو الما متزوجه حامل... سألها: يا بت بطنك بقت كبيرة كده ليه؟؟؟؟ قالت ليهو: ما بعرف كيف ما بتعرفي ما اكون انتي حامل...... يا ربيييييييييييي البت: ما بعرف الوالد: حامل يا بت الايه.............. من وين قولي ولله اقتلك البت : ما بعرف فجأة لقيت نفسي حامل من وين ما بعرف الوالد : يا بت ما عارفه الزفت ده جيبتيهو من وين بس كده وفجأة حملتي البت: يا بابا حسي لو كنت قاعد تاكل ليك في عنب وبطنك وجعتك بتعرف العنبة ياتا الوجعت بطنك. (عدل بواسطة عباس الدسيس on 05-21-2013, 08:47 AM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]