|
|
 Re: على الدرب ... ناس ... بوست تحليلي (Re: عبدالمنعم الطيب حسن)
|
(11)
م . ك . ض
.. يموت في الطعام ، يحب الأكل ،
وينسى ..
يستمرى ...
ويستمر ...
صامتا .....توصيلة ...
اللقمة ، وراء اللقمة ...
لا يتحدث ابدا اثناء الاكل ، شفت التهذيب دا كيف...
شهرين تلاتة الحلة مافيها كرامة ، ولا سماية ، تسأل الرجل وهو يتمطق ...
ياجماعة مافي فتة بي قرب ...
وجاءت سماية ...
صافته ذات صينية ، وبدات المعركة ، سرعان ماجفت الصحون ،
وبدات مراسيل الزيادة...
ياولد دمعة ياخ ، بسرعة شباب كسلانين ،
طه بالله فول ، وكتر الزيت.. طه طه جيب معاك رغيفات ،
يا بتاع ام رقيقة كبلنا ؛ يا انت بتملح في شنو ؟
الكسرة وينا ؟
حسن اكسرنا يازول ...كسرة يا ابو علي
شبعت ..
سمعت زول جاءته صدمة سكري ، مشينا سريع بالبوكسي وصلناهو اهلو ..
سريع سريع قزازتين بيبسي فاق صاحبنا ، رجعنا مكان السماية لسع ما شربنا الشاي ، وكمان امكن
فيها كوتشينة ، المهم لقينا صاحبنا مازال يواصل الالتهام.... عيني باردة ؛
شربنا الشاي .. لعبنا كوتشينة ....العصر عدل على التمرين...
المغرب النادي ، تاني الساعة عشرة مشيت البيت خليتو في النادي ، قابلني بكرة الصباح ...
قال لي : تصدق اللكيلة بتاعت امس ديك ، لا هسع ما ذتها....
الرجل لطيف المعشر ، وحبوب وظريف ، ومن الناس المطلوبة في محيطنا ...
يدخن بشراهة ...
ويحب الكوتشينة ...
امنيته في الحياة ، كما قال : لي ذات مرة ،
الاكل متوفر ، والسجائر بالعلب ، واربعة حرفاء في الوست....
دنيا .............
اغترب صاحبنا ... واصبح اكله الدجاج الميت دا ، كما يسميه ،
اكترش ، وانبرش ...
والشوف ذاتو بقى ما زي زمان ..
والكوتشينة بقى يسارقا مسارقة ..
والكبسة كرهتنا ذاتو !
لديه كوم عيال ..
وغربة حال ..
ومازال سرا يتمنى ، جلسة طعام وسط احبابه وناسه ،
( والسفسفة دي اكان ما قدرنا عليها ....
ان شاء الله نعاين فيها بس )
هكذا ختم لي اخر مكالمة قبل اعداد هذه المداخلة بلحظات ،
افتقده الرهط في الحلة ، اخذته الغربة والمسؤوليات ..
وان مازالت ذكرياته حاضرة بينهم ...
يطول عمره ..
الشهم النهم ...
كما كنا نسميه .......
|
|
 
|
|
|
|
|
| العنوان |
الكاتب |
Date |
| على الدرب ... ناس ... بوست تحليلي | عبدالمنعم الطيب حسن | 04-25-13, 12:39 PM |
 Re: على الدرب ... ناس ... بوست تحليلي | معاوية المدير | 04-25-13, 12:42 PM |
| Re: على الدرب ... ناس ... بوست تحليلي | عبدالمنعم الطيب حسن | 04-25-13, 12:50 PM |
| Re: على الدرب ... ناس ... بوست تحليلي | عبدالمنعم الطيب حسن | 04-25-13, 01:31 PM |
| Re: على الدرب ... ناس ... بوست تحليلي | عبدالمنعم الطيب حسن | 04-25-13, 04:02 PM |
| Re: على الدرب ... ناس ... بوست تحليلي | عبدالمنعم الطيب حسن | 04-25-13, 10:10 PM |
| Re: على الدرب ... ناس ... بوست تحليلي | عبدالمنعم الطيب حسن | 04-26-13, 09:36 AM |
| Re: على الدرب ... ناس ... بوست تحليلي | درديري كباشي | 04-26-13, 10:48 AM |
| Re: على الدرب ... ناس ... بوست تحليلي | عبدالمنعم الطيب حسن | 04-26-13, 05:23 PM |
| Re: على الدرب ... ناس ... بوست تحليلي | عبدالمنعم الطيب حسن | 04-26-13, 06:26 PM |
| Re: على الدرب ... ناس ... بوست تحليلي | عبدالمنعم الطيب حسن | 04-27-13, 07:24 AM |
| Re: على الدرب ... ناس ... بوست تحليلي | عبدالمنعم الطيب حسن | 04-27-13, 04:34 PM |
| Re: على الدرب ... ناس ... بوست تحليلي | عبدالمنعم الطيب حسن | 04-28-13, 06:17 AM |
| Re: على الدرب ... ناس ... بوست تحليلي | عبدالمنعم الطيب حسن | 04-28-13, 06:16 PM |
| Re: على الدرب ... ناس ... بوست تحليلي | عبدالمنعم الطيب حسن | 04-29-13, 06:00 AM |
| Re: على الدرب ... ناس ... بوست تحليلي | عبدالمنعم الطيب حسن | 04-29-13, 05:29 PM |
| Re: على الدرب ... ناس ... بوست تحليلي | عبدالمنعم الطيب حسن | 04-30-13, 04:44 PM |
| Re: على الدرب ... ناس ... بوست تحليلي | عبدالمنعم الطيب حسن | 05-03-13, 11:43 AM |
| Re: على الدرب ... ناس ... بوست تحليلي | عبدالمنعم الطيب حسن | 05-05-13, 05:52 PM |
| Re: على الدرب ... ناس ... بوست تحليلي | عبدالمنعم الطيب حسن | 05-08-13, 10:56 PM |
|
| |
عبدالمنعم الطيب حسن
فيس بوك
تويتر
انستقرام
يوتيوب
بنتيريست