من هو الفنان (محي الدين اركويت) يا (ناذر خليفة)-صور واعلانات

Quote: محي الدين غناااااااااااااي يا ذو اليد ومحترم كمان

Quote: سلامات عوافي محي الدين اركويت ظهر تقريبا ببداية الالفينات وكان فنان شباك كما ذكر اخي ناذر وقد كان يتغني باغالب اغاني الفنان الجابري ببداياته ولم اكن من معجبيه لطريقته العجيبة في الغناء ولوي الكلام .. واذكر انه انتسب الي جامعة النيلين بكلية القانون حين كنا نحن باخر سنة مع ودي واحترامي

Quote: سلام ذو اليد . محي الدين اركويت برز فجأة من العدم في فترة من فترات سيادة الغناء الهابط وسيادة الأورغن.. وخلال فترة وجيزة صار فنان شباك ويقيم الحفلات الجماهيرية وصنع قاعدة ومعجبين على أكتاف غناء الأخرين والكثير من الغناء الهابط .. أثار ظهوره ضجة نسبة لطريقة الغناء التي يتبعها وهي أشبه بتقليد استايل الفنان معتز صباحي .. أذكر عندا عاد الأستاذ سيف الجامعة للسودان بصورة نهائية كنت رئيسا لرابطة معجبيه وكنا نرتب لحفل سيف الجامعة الجماهيري الأول بنادي الضباط ، لم أكن ملما وقتها بتفاصيل الأتفاق ما بين سيف الجامعة وادارة النادي ولكني أذكر تماما أنني مررت باحدى الشوارع الرئيسية ووجدت ملصقا للحفل وفجعت حين وجدت أن من سيغني مع سيف الجامعة هو محي الدين أركويت ويبدو أن ادارة النادي قد اتفقت مع محي الدين بصفته فنان شباك كي ينجح الحفل !! فقمت وقتيا بالاتصال بالاستاذ سيف واستنكرت عليه أن يقبل بالغناء في حفل مع فنان شاب نكرة بلا رصيد فني أو غنائي خاص به لمجرد انه فنان شباك !! وأخبرته أنه بهذه الطريقة سوف لن تستطع تقييم حجم جماهيريتك الفنية وحجم معجبيك الحقيقيين الذين يريدون الأستمتاع بصوت سيف الجامعة وحده !! ذكر لي سيف أن هذه رؤية ادارة النادي وانه لم يسبق له معرفة محي الدين اركويت !! فاخبرت سيف صراحة أنني ومن معي من أعضاء الرابطة سننسحب تماما من هذا الحفل ولن يكون لنا نشاط فيه أو مع الرابطة مستقبلا اذا كانت هذه هي البداية ..! فطلب مني سيف الأتصال بالشخص المسئول في نادي الضباط لأخباره بهذا الامر ,, فأتصلت به وأخبرته رفضنا التام لإقحام محي الدين اركويت في حفل جماهيري يخص سيف الجامعة ! وأخبرني المسئول ذاك أن محي الدين وجوده مهم لضمان نجاح الحفل بما له من جماهيرية ومعجبين ولكنني أصررت على موقفي .. وأخبرت أعضاء الرابطة بالأمر فأجمعوا جميعا على رفض الفكرة ومن ثم قررنا الأنسحاب وتجميد الرابطة .. ولكن في اليوم التالي على ما أذكر اتصل بي سيف الجامعة واخبرني أنه قرر الغاء الحفل مع محي الدين هذا على أن نرتب لحفل في يوم اخر يغني فيه لوحده .. وفعلا هذا ما تم وأقام سيف حفله الجماهيري الأول ونجح الحفل نجاحا باهرا وأمتلأت المدرجات بجماهير سيف الحقيقية وغنى كما لم يغن من قبل ..وتسابق الجميع بعد نهاية الحفل للسلام على سيف .. نواصل

Quote: قالوا ليك الزول غناي

Quote: بالمناسبة هو محامى حالياً .. والغناء دا هواية بس ..

Quote: سلام ياذو اليد رأس السنه الجايه واللا الفات ؟؟ بعدين جيب اغنيه اغنيتين عشان نسمع ونحكم قالوا ليك الزول غناي ..... انا شخصيا ما سمعته لكن سمعنا في الاوال ... يديك العافيه

Quote: محي الدين غناااااااااااااي يا ذو اليد ومحترم كمان

Quote: لكن صراحة إستمتعت كثير بأغنية جاي ليه وأغنية ما ودعوك. شكراً يا أخ عبدالله الحبيب. محي الدين من ناحية الصوت وطريقة آداؤه للأغناني ممتازخاصة لفنان مبتدئ مقارنة بمستوى الفنانين الشباب الذين دخلوا مجال الفن حديثاً محي الدين يملك كل مقومات الفنان الناجح وتتوفر فيه جميع المواصفات الفنية والأبداعية وطريقة الآداء التي يجب أن تتوفر في كل فنان .. ما شاء الله صوت مميز واضح ووجاهة وإبتسامة وتطريب راقي ويجب عليه أن ينظر للمستقبل بتفاؤل.. ويضاعف الجهد ويزيد معرفته بالموسيقى كي يسير الى الأمام. هذا الشاب يحتاج لدعمكم وتشجيعكم والكلمة الطيبة بدل (التشنف).. ما هو حال البلد كل شيء أصبح هابط.. و نقع نحنا..... عادي جداً أي فنان مبتديء لازم يغني غناء هابط علشان يمشي حالو ويكوّن شعبية وقاعدة جماهيرية كبيرة تدريجياً حتى يثبت وجوده في الوسط الفني بين عمالقة الفن.. إنتو إستمعوا لأغانيه الجيدة والباقي الماعجبكم أجهلوه.. مع أمنياتي لمحي الدين بمستقبل ناجح ومشرق في محيط الفن السوداني.

Quote: مشكورين يا شباب .. يا جماعة الناس القالت بتختلف معاي دي محتاجة تقرا مداخلاتي مرة واتنين لأني أبدا ما اتكلمت عن امكانيات محي الدين اركويت الصوتية .. أنا اتكلمت عن فشلو في تثبين نفسو كفنان بسبب اختياراتو لأغانيو وتكلمت عن تسولو للجمهور بي اعلاناتو العاملة دي والبتقلل من قيمة الفن والفنانين ..! رغم امكانات محي الدين الا انو فشل فشل ذريعا في الغناء رغم الجماهيرية التي حظي بها في وقت من الأوقات .. واحمد الله ان محي الدين صار الغناء ليس أكثر من هواية بالنسبة له فأراحنا ورحمنا من غث ما يغنيه ومن سوء اختياراته الممعنة في الهبوط ..!

Quote: سوء اختياراته الممعنة في الهبوط ..!

Quote: ده مش الكاتب تخفيضات بمناسبة شنو وشنو ؟؟ ده زول تحفة والله

Quote: سلام يا ناس و صراحة المسالة لو صوت و امكانياتته و معرفة الغناء و معرفة امتداد مقدرته في النفس فمحي الدين دا بيعرف الحاجة دي كويس جدا جدا. دا الشايفو انا اما قصة عمل ملصقات و ما شنو و شنو و غنى هابط فدي كلها حاجات ما بتدخل اضاني البدخل اضاني ياهو الصوت دا و قلته فيهو الشايفو صاح . الزعل مرفوع كويس؟