|
مــن رهــيد البردي لوحــة "توجد صور" 2
|
قبل عام تقريباً قمت بفتح الجزء الأول من هذا البوست وتمت أرشفته بعد نقله لثلاثة أرباع وإستجابة لطلب الأصدقاء الذين يطلبون مني دوماً أن أكتب عن رهيد البردي" أو دار التعاشة كما يحلو لأهلنا هناك" أبدأ في الجزء الثاني منه
وللذين لا يعرفون محلية رهيد البردي هي محلية تتبع لولاية جنوب دارفور تقع في الإنتجاه الغربي لحاضرة الولاية "نيالا" على بعد 156 كيلو متر وتم تقسيمها الى محليتين مؤخر حيث اصبحت أم دافوق السودانية محلية قائمة بذاتها "إدارياًفقط" وأصبح لها معتمد كما رهيدالبردي ولكن أهلياً يبقى ناظر عموم التعايشة هو "صاحب الكلمة الأخيرة"
ح انزل صور وح أعلق عليها
|
|
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: tmbis)
|
تامبا
Quote: ياخ دي جنة عديل كدا .. والصور دي عبارة عن 3D طبيعة ساحرة ، اكتب يا حافظ .. وريني الحاصل شنو ..؟ |
جدا يا حبيب
من خلال البوست دا انا عايز اوصل للناس فكرة إنو إذا خلينا بترول الجنوب واتجهنا نحو السياحة والزراعة ما فاضيين لي أي دولة في العالم
وأديك ميزة يا تمبس برضو عندنا بترول وثروة حيوانية لكن منو البفكر؟؟
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: سليمان القرشي)
|
سليمان القرشي
Quote: والله ياحافظ بلدكم جميلة ياخي انت المقعدك في الخرطوم شنو اقسم بالله يكون عندنا طبيعة ذي دي اعمل لي سديرية كبيرة وعكاز مضبب ودردور ليل غنم سميح كدي واسرح بالخلا وادوبي سااااي وربابتي معلقة ياسلاااااام ياخي عليك واصل واتحفنا |
الله يرحم ابوي كلنا دخلنا المدارس .. نسوي شنو عاد
لو ما القراية كنت بكون راكب في الجمل دا
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: حسين ديقول)
|
ياسلاااااااااااااااااااااااام ياخي ..
حاجة جميلة ياانقابو ..
ياخي بلدنا لو لقت العدل والمساواة لكان الاستقرار والعيش الكريم والله الواحد ماكان جا اتبهدل في الغربة وكان بقينا دولة عظمى بحق وحقيقة والله يجازى اللي كان السبب ..
شكرا ياحبيب ..
جيت الخرطوم ورجعت وسالت منك محمد المسلمي قال لي ماعنده تلفون .كنت اتمنى اقابلك ..
واصل ..
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: حافظ انقابو)
|
Quote: يا معفن تلفوني عندك من كم سنة والله ما عافي ليك دنيا واخرة |
يامعفن تعفى للكيزان وماتعفى لي انا ؟!!! بعدين تلفونك ده كل ماادق فيهو يرد على الجهاز : هذا المشترك ليس له رصيد ..يعني اتقطع ولا شنو ؟
Quote: ومحمد المسلمي الغتيت عندو ارقامي التلاتة |
صراحة اتلوم لو عنده التلاتة ارقام واتلومت انت لانك مااديتني باقي الارقام
بل لكما ..
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: فايزودالقاضي)
|
أدروب
Quote: يامعفن تعفى للكيزان وماتعفى لي انا ؟!!! |
منو القال ليك انا عفيت ليهم
يا زول انا اصلو ما بعفي حقي
Quote: بعدين تلفونك ده كل ماادق فيهو يرد على الجهاز : هذا المشترك ليس له رصيد ..يعني اتقطع ولا شنو ؟ |
هههههههههههههههههههه التلفون دا خط ياخ ... خط ما كرت بعدين ياخ فيهو ميزة الجلاكسي اس3 ارقام العوام دي بشفرا طوالي شفت كيف؟؟؟
رقمي موجود على البروفايل دا يا ادروب بطل لف ودوران
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: فايزودالقاضي)
|
يا ول ابا حافظ
رهيد البردي او دار التعايشه جنة الله في الأرض تلكم المناطق وهبها الله الجمال الطبيعي ... والنعم والخير الوفير المدفق حدادي مدادي .. والحمد لله تلكم المناطق لم تتأثر كثيراً بالحروب الدائرة في دارفور حيث لم يكن التعايشه طرفاً مباشراً في الصراع
لكن مع ذلك ما بتلحق الكلكة ياخ اهلنا قالوا الديار ثلاثة
مكه العزاها الله .. وتونس الخضراء.. والحديبة ام الديار ...
شفته كيف!
شكراً يا حافظ لأنك صرت لساناً لأهلك واهلنا التعايشه في رهيد البردي
وبعدين دي صورة مستفزة جداً يا حافظ اهلك قالوا :
الشاهي .. والشــيه.. والمرارة النيه .. وشلوفة البنية...
للفقري ما بلقن ليا
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: الامين موسى البشاري)
|
ول أبا الأمين
قلت
Quote: رهيد البردي او دار التعايشه جنة الله في الأرض تلكم المناطق وهبها الله الجمال الطبيعي ... والنعم والخير الوفير المدفق حدادي مدادي .. والحمد لله تلكم المناطق لم تتأثر كثيراً بالحروب الدائرة في دارفور حيث لم يكن التعايشه طرفاً مباشراً في الصراع |
ثم عدت وكتبت
Quote: لكن مع ذلك ما بتلحق الكلكة ياخ |
فتململ
Quote: الشاهي .. والشــيه.. والمرارة النيه .. وشلوفة البنية...
للفقري ما بلقن ليا |
ههههههههههههههههههههههههههه
اللمين قوم لف وتعال راجع
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: صديق عيسى صالح)
|
Quote: يا اللمين الاسم دا محجوز لى دينقا ام الديار حقوق الملكيه محفوظه والا الغرامه عرفيا بتقع |
ول ابا صديق
هههههههههه كيف حالك زمان قلت ليك ياخ تعال نعمل دراسة ونشوف المتشابهات ديل اصلهن شنو عارف مرة الأخ عيســـى جديد وهو أخ وصديق كتب في واحدة من المداخلات غريقه ام الديار ويلا وقفته ليهو في حلقو زي وقفتك دي يلا يلا يلا والسوط السوط حتى طلع مني ههههههههههههههههه عارف الناس دي جات بمسير واحد وبعدين اتفرقوا وكل زول دقش ليهو واحدة من (البواط) الساير عطية ، والمقيم حيماد ، والدخان البتلتل داك راشد الولاد الناقة ابتمشي بيها وين يا الخزامي الداج؟
وأيضاً قال الشاعر "الهداي"
نحـن عيال هبـــان وهبـــان داك أبونا واضحين ساعة الشدة ما بتعبوا بكوسونا الفعل الزين شهونا والسرج أبورطراط لهونا والجار ما بنخونوا ونحمي كرامته لو كان عدونا والما عارفين كرمنا مــرحب بيهم يشرفــونا والدايرين دواسنا أحســن يلمـوا يجربونا أو يسألوا الشافونا حمرة عين فروا ما لاقونا والشدوا خيلهم غـدروا ما قدروا يحصـلونا
حافظ انقابو يا عنقالي اوع تقول حرفت ليك البوست ... والله صحي :)
تحياتي
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: الامين موسى البشاري)
|
Quote: عارف الناس دي جات بمسير واحد وبعدين اتفرقوا وكل زول دقش ليهو واحدة من (البواط) الساير عطية ، والمقيم حيماد ، والدخان البتلتل داك راشد الولاد الناقة ابتمشي بيها وين يا الخزامي الداج؟
|
فعلا الدرب والعرق واحد ..يا اخى فى خيط فى هذا المنبر اخونا بريمه جلب هداى من تشاد العطوى بنضم كأنه فى دينقا او الضعين او الكلكه بقارى على اصوله
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: الامين موسى البشاري)
|
شكرنا الجزيل للكاتب
تحياتنالتعليقك يا ول موسى ذكرتنا بأم الديار التراب الشافته عينك ده تراب بقارة ( هبانية وتعايشة وبني هلبه وسلامات ) المنقا شبعنا فيها ووادي نيالا خضنا عوم أيام كنا في نيالا الصناعية ( الوسطى ) وليس المهنية وعدينا ببحيرة سبدو - دار أهلنا الرزيقات - التي أقيم فيها مهرجان لن يتكرر لجمال عبدالناصر أيام الخليل يرحمه الله وأدلينا غريقة أم الديار التراب ده كله نسخة واحدة ( تراب العطـــايا)
وينك يا بريمــة وينــك يا كبر ألبســوا حجباتكو وجروها من كيلك ليي أب دكنه
الدود والتقل أداوسوا وقاضيهم البعشوم تحت عرديباية البعشوم قال للتقل ( أبولقديبة يغلبك فرع العرديبة ) قفز التقل للفرع ودخل البعشوم في جحرة الصور ما تغلبكوا خلوها كلها 3D نرسلها ليكو من هني وواسوها في أمريكا
مع تحياتي للكاتب ولكل أهالي رهيد البردي وبرام
ضوالبيت
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: عبدالمطلب محمد عبدالرسول)
|
العزيز حافظ ول انقابو
حبابك وكتر خيرك علي هذه الصورة الرائعة كروعة أهلكم
التحية للاهل التعايشة في رهيد البردي والكلكلة وبرام (ومن رهيد البردي نظرة )
شوقتنا (للمناصيص) بش ماشايفين المرين (ابونغاذي)
وياسلام علي سرحة السخيلات ،، وياسلام علي الراكبين الجحفة !!
لقد أبدعت في أظهار الخضرة والماء ونحن في انتظار الوجه الحسن
الله ينصر دينك ياحافظ
حضور ومتابعة ومنتظرين المزيد
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: حافظ انقابو)
|
مجدي ود أم در
Quote: من رهيد البردي لوحة .. جاد حالك ياحافظ أنقابوا والله نقلت لينا لوحات لاتوجد الا في السودان .. شكر من الأعماق للمجهود الكبير وهذا التوثيق الوطني. |
سلمت يداك ومرحبا بك قلم مميز في سودانيز
عبدالمطلب
Quote: لك الشكر يا أخ حافظ على هذه الصور الرائعة ، وأنا أتذكر تماما أول بوست لك كان عن رهيد البردي وكانت بحق صور جميلة كجمال نفوس أهل تلكم الديار ، ونشكرك ثانية وأنت تواصل ما بدأته والذي يفيد كثيرا في التعريف بتلكم الاجزاء العزيزة من بلادنا والتي نجهل عنها الكثير. |
كدا ممكن أعتبرك دفعة تسلم ياخ وتابعنا " التقيل ورا" :)
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: حافظ انقابو)
|
شكرآ الأخ حافظ أنقابو لهذا البوست الرائع والصورة الجميلة حقآ لوحة جميلة وأبدع الشاعر في وصف لرهيد البردي . من رهيد البردي لوحة وهذه نعمة من الله لاهلنا البسطاء في وادي بلبل وعدالفرسان وأمدافوق وما جاورها من هذه المناطق . تخريمة أنت من الرهيد البردي الوداك أنقابو شنو تحياتي لناس لأنقابو والطويشة واللعيد جارالنبي تحياتي ومودتي ياحافظ
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: حافظ انقابو)
|
تشكر يا ول أبا حافظ أنقابو على المناظر الخلابة دي ... الفضه أم صوف دي عانية يين؟
Quote: نحـن عيال هبـــان وهبـــان داك أبونا واضحين ساعة الشدة ما بتعبوا بكوسونا الفعل الزين شهونا والسرج أبورطراط لهونا والجار ما بنخونوا ونحمي كرامته لو كان عدونا والما عارفين كرمنا مــرحب بيهم يشرفــونا والدايرين دواسنا أحســن يلمـوا يجربونا أو يسألوا الشافونا حمرة عين فروا ما لاقونا والشدوا خيلهم غـدروا ما قدروا يحصـلونا |
يا اللمين ايه الشعر المقفى دا يا أخي؟ الهداي بتاعكم إتخارج من وين؟
يعني عاوزنا نرجع الكلكة ولا كيف؟ تلقى هسع عمك أبو دورة قطاع السلب فارش تب ...
تحيات أخوك ودهارون
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: عمر مصطفى مضوي)
|
الله يحفظك يا أنقابو
والله دا أجمل بوست فى سوزدانيز
تعرف .. كان لدينا صديق ترزى فى سوق الشعبية إسمه حسين
وهو من رهيد البردى وكان دائم الحديث عنها وعن طبيعتها الجميلة خاصة فى الخريف
ولم نكن نصدقه.. والكلام دا فى السبعينات من القرن الماضى(شفت عمك كبير كيف)
اما بعد هذه الصور الجميلة فوالله صدقته له التحية اين ما كان
ولك الف تحية
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: شمس الدين ساتى)
|
الحبيب حافظ
شكراً جميلاً على هذا الجمال
دائماً أومن بأن دارفور وكردفان ... وبالذات في الخريف
ليس هناك ما يضاهيهما ... أبداً
وإذا أضفنا لهما روعة إنسانهما ...
سكت الكلام ........
سؤالين بسيطين
رهيد البردي ... هل المقصود بالبردي هنا الشخص الذي يرد الماء ...
أم نبات البردي المعروف؟؟؟
ثم أهناك إبل بهذا القدر في جنوب دارفور ... كنت أظن أن التربة
لا تصلح إلا للأبقار ....
والتحية والمحبة لأهلنا في حاضرة التعايشة رهيد البردي
وبرام الكلكة ... ونيالا البحير ... وظعين الرزيقات ...
وكل ربوع جنوب دارفور الحبيبة ...
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: عبد الباقي الجيلي)
|
عبد الباقي .. حبابك الف
Quote: رهيد البردي ... هل المقصود بالبردي هنا الشخص الذي يرد الماء ...
أم نبات البردي المعروف؟؟؟
ثم أهناك إبل بهذا القدر في جنوب دارفور ... كنت أظن أن التربة
لا تصلح إلا للأبقار .. |
بالنسبة للاسم .. البردي مقصود به نبات البردي .. وهو موجود في رهد بالقرب من مدينة رهيد البردي منذ مئات السنين ولندرة هذا النبات في المنطقة تمت التسمية
بالنسبة للابل .. فهي موجودة بكثرة ويتم تصديرها في السابق الى ليبيا عبر الصحراء وحتى الآن اهلنا هناك بعضهم يرعون الابقار وبعضهم يرعون الابل .. كما هو واضح في الصورة
تحياتي .. وشاكر لك مرورك الجميل
| |
|
|
|
|
|
|
Re: مــن رهــيد البردي لوحــة andquot;توجد صورandquot; 2 (Re: شمس الدين ساتى)
|
العزيز شمس الدين ساتي
تحية وتقدير
Quote: والله دا أجمل بوست فى سوزدانيز
تعرف .. كان لدينا صديق ترزى فى سوق الشعبية إسمه حسين
وهو من رهيد البردى وكان دائم الحديث عنها وعن طبيعتها الجميلة خاصة فى الخريف
ولم نكن نصدقه.. والكلام دا فى السبعينات من القرن الماضى(شفت عمك كبير كيف)
اما بعد هذه الصور الجميلة فوالله صدقته له التحية اين ما كان |
لك وله التحية بقد هذا الجمال
اتمنى عودتك مرة اخرى
| |
|
|
|
|
|
|
|