الإشكالية كلها في كلمة إستقواء دي _ ما بعرف جبتها من وين !! . مصطفى فنان محترم وقدّم الكثير وأنا شخصياً بحبو جداً لكن محمود ده حالة خاصة ، وعلى فكرة في ناس كتار أكتشفوا إنهم كانوا بحبوا محمود دون أن يدروا
محمود عبد العزيز يتمتّع بكاريزما غريبة لم يكن يتمتّع بها أبو سامر ولا وردي ولا محمد الأمين _ القبول من عند الله . والحاجة دي مثبتة بحقائق وأرقام ودونك ما حدث في تشييع محمود وإستقبال جثمانه في مطار الخرطوم . الفنان عشان تقيس شعبيتو لازم تلقى بسمعوه ناس الحلة القامت هسه وناس قريعتي راحت والبقرأ الجريدة والساكّي الترتار والبصلّي بالناس الصبح حاضر يللا محمود كان جمهورو الناس ديل كلهم _ والفنان الحقيقي هو البدُق حسّو كل البيبان وبدخل بي كل الشبابيك
غايتو النجيضة أداك ليها عمر الفاروق ح تكتشف إنو ح ينزل خبر بالبونط العريض عن الذكرى الأولى لرحيل محمود وبالجمبة كده ذكرى رحيل مصطفى سيد أحمد _ والكلام ده بنطبق علي ناس جميلين تانين رحلوا من بلدنا الملعونة دي كلامي ده ما تحقير يعلم الله _ أنا لمن مزاجي يكون مصطفى ممكن أخليه شغال على الأقل أربعة ساعات متواصلة بدون ملل . لكن جماهير الحوت كتااااااااااار لأنو كان الفنان الأول لجيلين على الأقل وما فوقهما وما تحت الثرى .
03-10-2013, 08:27 PM
Elmosley Elmosley
تاريخ التسجيل: 03-14-2002
مجموع المشاركات: 34683
قرأت مداخلتي خارج سياقه وجايز التقصير مني أنا _ أنا بتكلم الكاريزما التي يتمتع بها محمود وتأثيرها على جمهوره أنا من قمت في الدنيا دي فناني الأول _ هم خمسة ! دايماً يتصدّر القائمة محمد الأمين، وردي، مصطفى، أبو عركي، وكابلي . كتبت عن وردي إبان وفاته ما أعتبره البعض كفراً _ وهذا دليل على محبة عظيمة . ولست هنا بصددِ إثبات هذه المحبات . ما أقصده وما زلت مصراً عليه _ أن محمود في هذه الناحية يتفوّق كثيراً ، والخلاف مش على محمود بسمعو منو، الخلاف على تأثير محمود علي الناس البسمعوا ديل . ما شهدته مسارح السودان في حفلات محمود، لم يحدث في التأريخ القريب ولا البعيد .وضف على ذلك أن الفنانين الخمسة ديل تشتّت فنهم بين قبائل المعجبين أما محمود فقد كان الإجماع عليه من الفئة الأكبر في المجتمع _ وهم الشباب .
لو كنت على خطأ قوّموني
ولك محبتي التي تعلم
03-11-2013, 01:26 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: قرأت مداخلتي خارج سياقه وجايز التقصير مني أنا _ أنا بتكلم الكاريزما التي يتمتع بها محمود وتأثيرها على جمهوره أنا من قمت في الدنيا دي فناني الأول _ هم خمسة ! دايماً يتصدّر القائمة محمد الأمين، وردي، مصطفى، أبو عركي، وكابلي . كتبت عن وردي إبان وفاته ما أعتبره البعض كفراً _ وهذا دليل على محبة عظيمة . ولست هنا بصددِ إثبات هذه المحبات . ما أقصده وما زلت مصراً عليه _ أن محمود في هذه الناحية يتفوّق كثيراً ، والخلاف مش على محمود بسمعو منو، الخلاف على تأثير محمود علي الناس البسمعوا ديل . ما شهدته مسارح السودان في حفلات محمود، لم يحدث في التأريخ القريب ولا البعيد .وضف على ذلك أن الفنانين الخمسة ديل تشتّت فنهم بين قبائل المعجبين أما محمود فقد كان الإجماع عليه من الفئة الأكبر في المجتمع _ وهم الشباب .
لو كنت على خطأ قوّموني
الحبيب حبيب نوره اعلم معزتك لهم جميعا في اعتقادي الجازم آن السودان لم يلد فنان بضخامة جماهيرية وردي الذي لم يحدث ان كان هنالك موقع لقدم في كل حفلاته وردي عشق الجماهير له تعدى السودان كثيرا حفلته في استاد اديس اببا لم ولن يستطع فنان سوداني فعلها آما عن العطاء الفني فهذا موضوع اخر كما آن الكم في النهاية ليس هو المقياس قطعا وانا مثلك احبهم جميعا من الناحية الفنية فان منتوج محمد الامين ومصطفى والكابلي ووردي يجعل المقارنه مستحيله ناهيييييك عن استاذ الجميع عثمان حسين ربما لان العمر والظروف السياسية والاجتماعيه لم تخدم الراحل محمود في هذا الآمر الا آنه شخصيته اللطيفه وصوته واسلوبه غير المسبوق وتطلعه غير المحدود قد جعل له هذه المكانة الكبيرة والجماهيرية الطاغية التي استحقها بجدارة
أهل الفن يا جماعة الخطأ الأساسي في المقارنات الماقايمة ليها على اساس دي، يعنى الناس البيحبو مصطفى والبيحبو محمود حيقعو وين في مقارنتكم دي.
الجماهير البيتمتع بيها وردي في السودان وخارج السودان تكاد تكون قدر جماهير الفنانين الموجودين حالياً، الإنتاج الأنتجوا وردي في مختلف انواع الغنا(وطني عاطفي رطانة) كمية ما اتوفرت لي فنان قبل كده، بعد دا أنا من الناس البسمع اغاني محددة لي وردي، وما فناني المفضل، الفنان الأنا بطرب ليهو وممكن اسمع ليهو في أي لحظة هو النور الجيلاني.
خلاصة الموضوع
محمود غناي وشخصية مختلفة تماماً عن مصطفى، ومحمود بيقدر مصطفى جداً، ومصطفى كان كان عايشلحدي هسه حيقدر محمود جداً، وكلو واحد منهم عندو شخصيتو وفهمو ورسالتوا الحبّ يوصلها للناس، واعتقد أن نجاح الاتنين ما فيهو شك.
الرحمة ليهم الاتنين واعتقد أن مثل هذه البوستات تؤذيهم اكثر مما تسعدهم. لقد بذلا حياتهم للفن وللجمال وللحرية ولم يكن همها من هو الأحسن بل كانا يسعيان لتقديم ما ينفع الناس.
شكراً لك مصطفى
وشكراً لك محمود وشكراً لكل مطربي السودان أن شنفتم آذاننا بهذا الطرب.
حسين حمد .. أقرب صوت للراحل محمود عبدالعزيز (رأيي الشخصي) في هذه المرثية ذكر الكثير من أسماء أغنيات الراحل محمود عبدالعزيز في إبداع جميل ...
ـــــــ بالمُناسبة على حسب مُتابعتي لليوتيوب وكقراءة عشوائية لا تعتمد على إحصائية دقيقة .. أعتقد أنّ الراحل محمود عبدالعزيز أكثر فنّان سوداني له فيديوهات مرفوعة على اليوتيوب ...
ولاحظت أيضاً أن نتيجة البحث في مُحرّك البحث قوقل عن "محمود عبدالعزيز" هنا تفوّق الراحل محمود عبدالعزيز في صدارة نتيجة البحث على الممثل المصري محمود عبدالعزيز .. (وربما في إجمالي النتيجة) ...
ـــــــــ وهذه الأشياء لم أتعمّد البحث عنها .. فقد لاحظتها بشكل عفوي ...
03-12-2013, 05:26 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
الأخ بهاء.. في إنتظارك توريني ال 450 أغنية حقت مصطفى اللي لحنها وغناها ..فحسب كلامك إنو كل أغاني مصطفى من الحانه وعدد اغاني مصطفى حسب كلامك 450 .. منتظرك وخلنا نبدا بي أول 237 اغنية بعد داك تم لينا الباقي.. راجيك يا حبوب..
03-13-2013, 01:45 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
الأخوة المتداخلين .... تحياتى لكم جميعا اعتذر عن التأخير نسبة لظروف عملى وتوقعت أن البوست لا يتعدى الصفحة الثانية ولكننى فوجئت اليوم بأن البوست وصل الى الصفحة الرابعة والسبب أن هنالك اصرار من ثلاثية هم الفاروق وطمبل وصبرى طه لا أدرى ماذا يريدون أن يفعلوا بمصطفى الذى ما زلنا نشتم عبيقه واليوم قمت بقراءة كل الردود وسوف آتى للتعليق لكل شخص فردا فردا وأشير الى نقطة هامة جدا هى ان الاخ عمر الفاروق ذكرنى بوزير الاعلام محمد سعيد الصحاف الذى أحدث ضجة كبرى بحديثه عن الأمريكان ووصفه لهم بالعلوج وأنهم سوف ينتحرون عند اسوارالعراق وفجأة لم نرى زير الاعلام العراقى وأصبح مشهورا بالعلوج وبالرغم من كل الضجة التى أحدثها الا أنه لم يكن من المطلوبين وكان كل كلامه مضحكا لأنه كان زائفا وكم أضحكتنى اليوم ياعمر الفاروق بتعليقاتك التى قراتها بتمعن ووجدت فيها أنك تعلم وتكتم الشهادة .... اما أنت يا صبرى لماذا أتيت ثانية ....ألم تعتذر عن المواصلة هنا فى هذا البوست أم أردت أن تأجج البوست .... قسما لن أترك مصطفى بموازاة محمود لأنه الحق والحق أقول وأنتم تعلمون علم اليقين بأن مصطفى كم يعنى لأمة بأكملها ولن تنالون منه وغدا سيأتيكم من يسكتكم ان لم أستطع وكله يكون فى حدود المنطق وهذا وعدا منى
Quote: والسبب أن هنالك اصرار من ثلاثية هم الفاروق وطمبل وصبرى طه لا أدرى ماذا يريدون أن يفعلوا بمصطفى الذى ما زلنا نشتم عبيقه
سأرد عن نفسي فقط .. أين ذكرت مُصطفى بسوء أو قلّلت من شأنه .. أغلب ما تناولته عن محمود عبدالعزيز .. وإن جاءت كلماتي تحمل سيرة الراحل العملاق مُصطفى سيد أحمد فلم أذكره إلاّ بكل جميل .. فياخي ما تتوهّم حاجات ساي كدا من راسك !!!!
Quote: اما أنت يا صبرى لماذا أتيت ثانية ....ألم تعتذر عن المواصلة هنا فى هذا البوست أم أردت أن تأجج البوست ....
يا ابن العم للدرجة دي يعني تضايقت .. ولاّ الدخول للبوست بتأشيرة دخول وخروج .. ياخي ممكن أعلن خروجي هسّي وبعد دقيقة واحدة بس أغيّر رأيي وتاني أجي داخل .. ما عايزني أتداخل معاك أكتب لي الطلب دا بشكل واضح .. بعدها كزائر ساي ما حتلقاني هنا ...
تأجيج شنو وياجوج وماجوج شنو يا اللخو ... شكلك تضايقت مما تناولته من أرقام خاصة بمحمود .. وأقول ليك حاجة من الآخر كدا .. أنت في هذا البوست تستقوى بحدث رحيل محمود عبدالعزيز لتُلفت الناس إلى الراحل مُصطفى سيد أحمد .. والذي لا يحتاج إلى من يحثّ الناس على الالتفات له ..
ولا أعلم الغيب .. ولكن لا أعتقد أنّك سمعت لمُصطفى سيد أحمد أكثر منّي !!!
مُصطفى سيد أحمد من ود سلفاب ريفي الحصاحيصا .. والحصاحيصا دي جارة حيطة بالحيطة لمدينتي رفاعة .. وكثيراً ما أحيا مُصطفى سيد أحمد في بداياته حفلات بمدينة رفاعة .. وقد أحيا حفل زواج خالي العزيز (لزم) .. وأعتقد الوقت دا الله أعلم إنّك بتعرفو ذاتو ..
شنو ليك يا المُغمّض عينيك ...
عايز تورّينا ود جزيرتنا الخضراء ...
ثمّ إنت مُفتكر المُغنّي دا شنو ...
ما تلاتة حاجتين وهما:- 1- صوت.
الكلمة عادي ممكن تشتريها حتى ولو من ست الشاي ... اللحن عادي ممكن لو ما لحّنت براك تجيب ليك واحد مُحترف ويلحّن ليك ...
بعدها يا اللخو ممكن تمسك المايك وتغني .. وتعمل فيها صاحب رسالة أو قضية أو حلّة كوارع ... هسّي إنت عايز تتناول مُصطفى كمغنّي أم كمُلحّن .. إذا عايز تتناولو كملحّن .. محمود ما بجي بي جنبو شبر ... أمّا كشاعر ما أظن مُصطفى شاعر ولا محمود ذاتو بيعرف يتكلّم كلام كُبار كُبار فما بالك يكتب شعر (ياخي رحمهما الله) ما تجيب كثافتي ساي ...
وزي ما قُلت ليك .. ما عايزني أتواصل في البوست قول عديل كدا .. ما تجيني والعبرة خانقاك لمّا العصر كتر عليك وتتفشّى فيني سليقة كدا ...
Quote: بالمناسبة تعليق الحمار ده كان مصحوب بي قصة ..وقتها اوانا من المعتقدين في الراحل مصطفى وكنت بسمعو بشراهة حاولت أغوي واحد من اولاد الشهادة العربية العباقرة والفنانين (طبعا من اقول شهادة عربية انت بتكون جهزت ردك الكعب مش؟ ) اها الزول ده مستمع ممتاز ومتذوق عااالي ..اقنعته يسمع مصطفى سيد احمد وشغلت ليهو عم عبد الرحيم دي ..طفيت ليهو النور وجبت ليهو الهيتفون وطلعت خليتو يعيش الوهمة كما هي .. إسترخى وقرر يستمع بتمعععن..أها فجأة جاني برة ورمى لي الهيتفون في وشي وقال لي : معقووولة يا عمر تسمعني اغنية في النهاية الحمار بيموت ..؟؟؟
وكل السودان يعتز بعم عبد الرحيم بس زولك للأسف ما استوعب الملحمة
03-13-2013, 04:27 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
Quote: بتعليقك الفوق ده وضحت لنا فكرتك يا المصطفاوي انت السنة الجاية تصادف الذكري الاولي لرحيل محمود و تصادف ال 18 لمصطفي و تعال شوف الإستقواء
ياطمبل نحن قدر التحدى ... بس ان شاء الله أنا ح أذكرك ... وياريت ماتجيبوا سيرة مصطفى وبالمناسبة رابطة معجبى مصطفى سيدأحمد تعرف تماما ما تنوون فعله لذلك ستكون هنالك دراسة لكيفية الاحتفاء بمصطفى
03-13-2013, 04:09 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
طيب يا معتز زيزى لا يوجد سبب لجمعهما مع بعض .... هل نستطيع أن نكتفى بالعبارة التى ذكرتها ما لمصطفى لمصطفى وما لمحمود لمحمود ويقوموا ناس طمبل وعمر الفاروق وصبرى طه يقفلوا الموضوع ده على كده
03-13-2013, 04:44 PM
امير طمبل امير طمبل
تاريخ التسجيل: 10-22-2010
مجموع المشاركات: 1722
Quote: ياطمبل نحن قدر التحدى ... بس ان شاء الله أنا ح أذكرك ... وياريت ماتجيبوا سيرة مصطفى وبالمناسبة رابطة معجبى مصطفى سيدأحمد تعرف تماما ما تنوون فعله لذلك ستكون هنالك دراسة لكيفية الاحتفاء بمصطفى
الأخ بهاء الدين حمد الله ع السلامة القصة ما فيها تحدي يا حبيبنا قلنا ليك الراحل محمود عندو جمهور لا يختلف عليه اي اثنين وحاتك السنة الجاية اذا ربنا مد في العمر بذكرك هسة ... هو بالمناسبة الراحل مصطفي سيد احمد عندو رابطة معجبي اول مره اسمع بالرابطة دي غايتو العام القادم بختكم
03-13-2013, 04:46 PM
امير طمبل امير طمبل
تاريخ التسجيل: 10-22-2010
مجموع المشاركات: 1722
اولا تجدنى واسع الصدر ومن غير اللائق أن أكتب لك نص مضمونه عدم المداخلة رأيك مهم يقرأه الآلاف ولهم التقييم فقط اعتبرتك لن تعود ومرحبا بعودتك .... الأغنية ليس كما ذكرت فهى تتكون من خمسة اساسيات 1/ الكلمة 2/ اللحن 3/ الآداء 4/ الصوت 5/ المتلقى وباجتماع تلك العناصر تكون هنالك أغنية ناجحة ... اما ان كنت تعرف مصطفى أكثر منى وتستمع له ايضا اكثر منى فذلك من دواعى السرور واود أن احيطك علما بأن مصطفى سيدأحمد كان فنانا تشكيليا وكان شاعرا ولديه من الأغنيات من كلماته وما رأيك ( لا تنبش الماضى البعيد ألم تكن يوما لقلبى واقعا مجهولا ) الى آخر القصيدة ولديه من كلماته بسيمة ضوء وصديقى الأول ومد ايدك شيل سلاحك ولا يسع المجال هنا لحصرها
بعدين ما تقولنى كلام انا ما قلتو زى ( الحاجة البعرفا جمهور مصطفى عندو ذوق ) ده ما كلامى ... لأننى أعرف الأذواق لا تناقش والدليل على ذلك لم انتقدكم فى ذوقكم لأيا كان ممن تسمعون وكما أننى وحتى هذه اللحظة لم أقل أن محمود ليس من قبيلة الفنانين وكل ما أقوله أنه لا علاقة تجمع محمود بمصطفى لا من ناحية الكلمة واللحن والرؤية والفكرة ... وكلمة الاستقواء هذه لم تكن ان لم يشأ الله أن يموت محمود فى نفس تاريخ مصطفى وهناك من استغل هذا التاريخ وبذكاء ودهاء غير مسبوقين لربطه بمصطفى وتعليق صورة مصطفى ومحمود .... جمهور محمود يعلم تماما أنه سيستثمر هذا التاريخ فى المستقبل ليغطى جوانب كثيرة من حياة محمود ...
Quote: الأغنية ليس كما ذكرت فهى تتكون من خمسة اساسيات 1/ الكلمة 2/ اللحن 3/ الآداء 4/ الصوت 5/ المتلقى
ما لدى المُغني: صوته وتطريبه وأداءه ... جمعتها في الصوت فقط ...
يعني بي تفصيلك دا ممكن أقول ليك نسيت التطريب .. رأيك شنو ؟
ثمّ المتلقي الدخلو شنو هسّي .. أنا بأتكّلم عن المُغني في شحمو ولحمو ... ولم أتحدّث عن درجة قبوله عند المُتلقي .. (إيه رأيك في ناس ما بستمعوا لود الأمين ولا يجد عندهم القبول) ...
Quote: واود أن احيطك علما بأن مصطفى سيدأحمد كان فنانا تشكيليا وكان شاعرا ولديه من الأغنيات من كلماته وما رأيك ( لا تنبش الماضى البعيد ألم تكن يوما لقلبى واقعا مجهولا ) الى آخر القصيدة ولديه من كلماته بسيمة ضوء وصديقى الأول ومد ايدك شيل سلاحك ولا يسع المجال هنا لحصرها
أعرف أنّ بعض الأغنيات من كلماته .. وعلى رأسها غدار دموعك .. ما عنيته شاعر كالشعراء الذين تغنّى لهم .. مثال: حميد وصلاح حاج سعيد .. (وما تجيب كثافتي دي شكلك ما فهمتها) .. فليس تقليلاً من شأن شاعرية مُصطفى .. ولكن فرق ياخ ...
مثال:
بتعرف الفي الصورة دا منو ؟
Quote: بعدين ما تقولنى كلام انا ما قلتو زى ( الحاجة البعرفا جمهور مصطفى عندو ذوق ) ده ما كلامى
وين أنا قُلت الكلام دا كلامك إنت ؟ ياخي قُلت ليك ما تشتّت الكورة ساي كدا .. ركّز ياخ ...
Quote: وكل ما أقوله أنه لا علاقة تجمع محمود بمصطفى لا من ناحية الكلمة واللحن والرؤية والفكرة
كلام جميل .. لكن كلامك دا بتقولوا لي منو وعشان شنو .. مثلاً لو في واحد قال الكلام القلتو دا .. يبقى عندك تبرير إنّك تنفيهو .. لكن كونك تتوهّم كدا ساي وتفترض إنّو قالوهوا دي تبقى عوجة تحتاج الوقوف عندها ...
Quote: وكلمة الاستقواء هذه لم تكن ان لم يشأ الله أن يموت محمود فى نفس تاريخ مصطفى وهناك من استغل هذا التاريخ وبذكاء ودهاء غير مسبوقين لربطه بمصطفى وتعليق صورة مصطفى ومحمود
وإيه رأيك اليوم ذاتو كان يوم الخميس يعني مُصطفى رحل يوم الخميس ومحمود رحل يوم الخميس .. ودي أنا لاحظت ليها بعد البوست بتاعك دا .. وما كُنت جايب خبر لي إنّو محمود رحل في نفس يوم رحيل مُصطفى ... فتّشكر إنّك بشكل غير مُباشر نوّرتني ...
بالمُناسبة يوتيوب أغنية الحزن النبيل الذي يجمع صورة محمود مع صورة مُصطفى وجدته عن طريق الصدفة وذلك بالبحث عنها في اليوتيوب على حسب العبارة التالية: (الحزن النبيل محمود عبدالعزيز) ...
Quote: جمهور محمود يعلم تماما أنه سيستثمر هذا التاريخ فى المستقبل ليغطى جوانب كثيرة من حياة محمود ...
لا أعتقد .. بالعكس جمهور محمود سيتذكر دوماً رحيل مُصطفى في نفس يوم رحيل محمود ...
03-13-2013, 06:36 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
المتلقى هو الحكم الأخير لنجاح الأغنية والعوامل الخمسة دى وضعها مؤسس الموسيقى بيدهوفن مش أنا ..... ويا حليلك يا النايم على حيلك مصطفى توفى يوم الاربعاء 17/1/1996 وليس الخميس والحمد لله ما مات الخميس كان مسكتو فى اليوم والتاريخ .... التطريب هو من ضمن التصنيف الرابع وهو تلقائيا فى الصوت ( هل يوجد تطريب بدون صوت ) لا يوجد عمل ناجح دون وجود المتلقى ( نظرية علمية ) \ هؤلاء الشعراء الذين ذكرتهم يعرفون شاعرية مصطفى بس من الطبيعى أن ينحاز للغناء لأنه وجد نفسه ولا ينتقص ذلك من شعره وهو الذى كان يقوم بتعديل القصيدة من نفس هؤلاء الشعراء الذين ذكرتهم وتتم الموافقة على التعديل الذي قام به مصطفى ايمانا منهم بشاعرية مصطفى .... وطيب فى كل العالم الناس بتحتفى بمصطفى ولمدة 17 سنة فى رأيك منو كان بيذكرنا
Quote: المتلقى هو الحكم الأخير لنجاح الأغنية والعوامل الخمسة دى وضعها مؤسس الموسيقى بيدهوفن مش أنا
أولاً: المصدر لو سمحت ... ثانياً: أنا حديثي عن المُغني في عضمو قبل ما يقدّم نفسو للمُستمع .. الإمكانيات العندو شنو عشان يقدّم بيها نفسو .. مُش النتيجة بتاعتو شنو عند الجمهور .. أفهم دي ياخ ...
Quote: ويا حليلك يا النايم على حيلك مصطفى توفى يوم الاربعاء 17/1/1996 وليس الخميس والحمد لله ما مات الخميس كان مسكتو فى اليوم والتاريخ ....
يبدو أنّ كلامك صحيح على حسب محوّل التاريخ هنا ولكن أنا متأكّد وجدت أحد المصادر يتحدّث عن رحيلهما في يوم الخميس .. على العموم الخطأ من المصدر ...
ودا دليل يا بهاء إنّي ما جيب خبر لي يوم رحيل مُصطفى ذاتو هو يوم شنو .. ودا احتمال بيرجع لضعف الإعلام لرحيل مُصطفى .. والغريبة متذكّر إنّو محمود رحل يوم الخميس .. ودا دليل على قوة الإعلام في رحيل الحوت ... فمن يستقوى بمن ؟
شوف هسّي إنت منطقت نفسك براك كدا .. والمثال الطبّقت فيهو المنطق دا اللي هو شخصي الضعيف الطاشي شبكة من يوم رحيل مصطفى ....
Quote: هل يوجد تطريب بدون صوت
حريف لكن .. يوجد صوت بدون تطريب .. يعني العكس ...
Quote: هؤلاء الشعراء الذين ذكرتهم يعرفون شاعرية مصطفى بس من الطبيعى أن ينحاز للغناء لأنه وجد نفسه ولا ينتقص ذلك من شعره وهو الذى كان يقوم بتعديل القصيدة من نفس هؤلاء الشعراء الذين ذكرتهم وتتم الموافقة على التعديل الذي قام به مصطفى ايمانا منهم بشاعرية مصطفى ....
ياصبرى عندما اكتب لك عن السلم الموسيقى واقول يتكون من الدو الى السى معقول تقول لى المصدر ؟؟ هذه دراسة زيها وزى أى مادة ولو عايز تتأكد من عوامل نجاح الأغنية إقرأ لبيدهوفن اما فيما يختص بالصوت فالأساس هو جماليات الصوت ويمكن أن يكون هنالك صوت جميل قوى ومجاز من مجلس المهن الموسيقية ولكنه يفتقد التطريب ...
Quote: عندما تم تكوين رابطة اصدقاء و معجبي مصطفي سيد احمد ,, في بداية التسعينات ... اين كان الزميل امير طلب يا تري ؟؟؟
الأخ محمد عبدالله شريف في بداية التسعينات كنت موجود هنا في قطر بعد ان عملت قرابة ال 7 سنيين في المملكة العربية السعودية الزمن داك لسة المناضلين كانو بعيدين كل البعد من الأضابير
03-14-2013, 10:57 AM
امير طمبل امير طمبل
تاريخ التسجيل: 10-22-2010
مجموع المشاركات: 1722
Quote: كثير من المداخلات لا تخفي عن اصحابها انهم ذوي مسحه كيزانيه .. يبخسون من قدر الراحل مصطفي كونه معارض لأفكارهم
غايتو يا حبيبنا أخوك ما عندو علاقة نهائي بالناس القاصدهم ديل بيني و بينك الراحل المقيم مصطفي سيد احمد ناس الأفكار الحاوطوهو بجميع الإتجاهات ديل هم زاتهم سبب مرضو قبل ما يتوفي عليه رحمة الله اسأل أخوك عاصرتهم هنا في دوحة الخير دي
يامحمد عبد الله شريف سلامات .. بالله هل نحن بحوجة الى اثبات من هو مصطفى سيد احمد وطبعا الاجابة معروفة للكل ولكن هم يعلمون من هم مستمعى مصطفى وفى لحظة تأمل فى مصطفى وجدته فنانا تشكيليا ومعلما وملحنا مقتدر وشاعرا وعازفا متمكن and#65269;لة العود ومتخرجا من معهد الموسيقى ومعارضا مثقفا ومتمردا على الظلم ويخاطب العقل والوجدان فى آن واحد .. طبعا أنا عايز طمبل والفاروق وطه يقولوا لى يابهاء الكلام ده كلو متوفر فى حوتة عشان نختم بكلامهم البوست
اعتراف جميل وأشكرك عليهو اذن نتفق جميعا بعدم وجود مقارنة بينه وبين مصطفى والآن جاء حديثك بأنه غناى اكثر من مصطفى وجمهورو اكثر من مصطفى وعشان اديك الاجابة المدوية وأرجو أن تتحملوها بسعة صدر بس أصلى الجمعة وأجيلك
قبل أن أجيبك على سؤالك ارجو تحديد ما اذا كان الذين قاموا بتكسير واجهات المطار وحاجز مواقف السيارات هم يتبعون لجمهور محمود أم لا واذا كانت اجابتك لا... أرجو تصنيفهم
Quote: قبل أن أجيبك على سؤالك ارجو تحديد ما اذا كان الذين قاموا بتكسير واجهات المطار وحاجز مواقف السيارات هم يتبعون لجمهور محمود أم لا واذا كانت اجابتك لا... أرجو تصنيفهم
ولماذا لا يكون هدفهم هو التظاهر السياسي ...
ثمّ من أين لي العلم بأنّهم جمهور محمود ؟
ثمّ يا عزيزي أتتذكر ثورة الجنوبيين عقب إعلان وفاة الراحل جون قرنق .. ما تحليلك لذلك .. وما تصنيفك له ؟
03-16-2013, 06:03 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا بهاااء... إنت لمن قلت مصطفى عندو 450 أغنية قلت لي الكلام ده في إيميل؟؟؟ مش قلتو هنا؟؟ طوااالي تجيب ال 450 أغنية هنا ..وبنبر بكري ده شيااال ما عندو مشكلة بيشييل ال450 .. وزي ما قلت ليك انا عافيك منهم كلهم بس اكتب لي 237 أغنية حقت مصطفى ..طبعاً أكيد ماف داعي تكتب ألحان منو مش؟ لأنك قلت كل أعمال مصطفى من تلحين مصطفى وحده.. أتمنى وبدووون لولوة المداخلة الجاية حقتك تكتب لي فيها اسماء الاغاني عشان نقدر نكمل معاك حبل الكضب ده ..
تخريمة : قلت لي نقرط للحمار؟؟؟ هاااك القش ده..
03-16-2013, 08:05 AM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
صبرى طه سلامات ..طبعا انت زول فنان فى المراوغة ... يعنى الجماعة ديل ماشين فى الجنازة وماعارفين الميت منو.... موضوع الراحل المقيم الدكتور جون قرنق معروف بردة فعل المعتقدين بان الموضوع كان تصفية ولا شك من قاموا بالتخريب هم ليسوا بدرجة من الوعى لا تجرنى الى السياسة لا أحبها ولا أفهم فيها ... نحن نتحدث فى موضوع بعيد عن السياسة وقد انحصر موضوعك فى شيئين الصوت والجمهور ... المرحوم محمود يمتلك قدرات صوتية عالية ولكنه للأسف لم يقم بتوظيف صوته تجاه الفن المسؤول بالرغم من تجربته الناجحة فى البوم سكت الرباب ولكنه فشل عند معجبيه ولم يستوعبوهوا وعاد لهم بما عودهم عليه من اغنيات السهل الممتنع واللحن الدائرى بالاضافة الى شركات الانتاج التى استهلكت محمود على حساب موهبته وخاصة البدوى للانتاج الفنى واحتواء يوسف القديل لمحمود ... كان انتاجه دون تركيز وحسابات ودون مستشارين فنيين فى موضوع الدراسة والتوقيت وأضف الى ذلك الذين كانوا من حوله قد ساهموا فى تدميره من نواحى متعددة خاصة فى صغره وعندما كان بكامل صحته وعافيته ولكن عندما يستمر التدمير دون انقاذ فعلى ونصح غالى تستمر الحياة المعتادة الى أن يصل الانسان الى نقطة فات الأوان ( رحمه الله رحمة واسعة ) موضوع الجمهور وبايجاز سريع قد يكون جمهور محمود أكثر من مصطفى كمستمع ايقاعى ولكن عند مصطفى يختلف الوضع ويكون أكثر كمستمع عقلانى .... وهذه ايضا من نظرية مؤسس الموسيقى بيد هوفن عندما قام بتقسيم المستمعين الى ثلاثة أقسام 1/ عقلانى 2/ عاطفى 3/ ايقاعى ويوجد تعريف لكل فئة
03-16-2013, 10:17 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا بهااااء.. الان عروض الصيف خصم 50% لا تدع الفرصة تفوتك ..خفضنا ليك لستة الاغاني لي 119 أغنية فقط .. أكتب لينا فقط 119 أغنية قام بتلحينها الراحل مصطفى سيد احمد ..ولو برضو جقلبت ما مشكلة بنعمل الخفيض 75% ..
قلت لي 450 ؟؟؟ يعني مااا 449 ولااا 451 ؟؟ 450 طق؟؟؟
03-16-2013, 10:24 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يلا النجيك لي سؤالك بتاع هل من كسروا الابواب هم جمهور محمود؟؟ نعم هم جمهور محمود ..أكمل ليك فكرتك عايز تقول شنو؟؟طييب جمهور محمود كلو صعاليق وبتاعين ركشات وفاقد تربوي وأحسن زول فيهم قرا لحدي تالتة ابتدائي ومعظمهم بيشمو السلسيون وعايشين تحت المجاري وربعهم بتعاين حافلات والباقين شوارعية .. حلو معاك ؟ يلا نجييك طوااالي لي جمهور مصطفى بي مفهومك وبي منطقك ده .. ببساطة شديييدة انا بشوف معظم جمهور مطصفى ما هم إلا عبارة عن سكيرة حيارى مفلسين عطالة رمو فشلهم في الدنيا دي ومسؤولياتهم وراء ظهورهم والتفتو فقط لي بريم الشعر وفلفلته مع بنطلون جينز قديم و######ان ثم الحديث بهدووء مرددين : زي بفتكر إنو البلشفية إنتصرت على الماركسية ..
تخريمة : ذكرتني واحد من معجبين مصطفى وهو بيمارس لعبة ثقافة ثقافة وهو بيتناقش مع جماعة قام قال ليهم : انا في النقطة دي بتفق مع الرسول ..
يا بهاء الدين .. حين استقبال جثمان الحوت وصلتنا الأخبار عبر النت أنّ البعض هتف الشعب يُريد إسقاط النظام ... ثمّ إحساس الجمهور بأنّ الحكومة قصّرت في مرض الحوت أكيد ردّة فعلو بتكون مثل هذه المُمارسات ... أمّا إذا دار محور سؤالكم عن جمهور مُصطفى .. فعايزك تفرز لي الكيمان أيّ نوع من جمهور مُصطفى .. الجمهور القاشر بمصطفى سيد أحمد أم الجمهور الذي يتذوٌق فن مُصطفى .. غايتو إنت شكلك كدا من النوع القاشر بمصطفى .. ولمّا الجكس يسألك فنانك المفضّل منو على طول بتقول مُصطفى سيد أحمد .. حتى ولو سمعت ليهو لـ 449 أغنية فقط من مجموع الـ 450 أغنية
Quote: تخريمة : ذكرتني واحد من معجبين مصطفى وهو بيمارس لعبة ثقافة ثقافة وهو بيتناقش مع جماعة قام قال ليهم : انا في النقطة دي بتفق مع الرسول ..
Quote: يلا نجييك طوااالي لي جمهور مصطفى بي مفهومك وبي منطقك ده .. ببساطة شديييدة انا بشوف معظم جمهور مطصفى ما هم إلا عبارة عن سكيرة حيارى مفلسين عطالة رمو فشلهم في الدنيا دي ومسؤولياتهم وراء ظهورهم والتفتو فقط لي بريم الشعر وفلفلته مع بنطلون جينز قديم
لم يكن مفهومى ولا رأيى ولكنك أفلست هنا ياعمر
03-16-2013, 10:35 AM
امير طمبل امير طمبل
تاريخ التسجيل: 10-22-2010
مجموع المشاركات: 1722
Quote: المرحوم محمود يمتلك قدرات صوتية عالية ولكنه للأسف لم يقم بتوظيف صوته تجاه الفن المسؤول
يعني أنت من وجهة نظرك يا سيد العارفين أن الفن المسئول حسب تعبيرك الفنان طوالي يغني للمدافع و الأبرول و الخوازيق مثلا يعني ولا شنو حكاية الفن المسئول ده ما لاقتني قبل كده عميد الفن السوداني احمد المصطفي عليه رحمة الله نغني باغنيات كثيرة هابطة هل هذا يعني انه لا مسئول
Quote: وأضف الى ذلك الذين كانوا من حوله قد ساهموا فى تدميره من نواحى متعددة خاصة فى صغره
ههههههههههههههههه في دي أديتها جردل موية يا بهاء ياخي انت خلي بالك عاوز تجرجرنا الي نقاش بتاع ناس الكورة ساي
Quote: موضوع الجمهور وبايجاز سريع قد يكون جمهور محمود أكثر من مصطفى كمستمع ايقاعى ولكن عند مصطفى يختلف الوضع ويكون أكثر كمستمع عقلانى
أنا ما عارف انت بنيت موضوعك ده بايجازك السريع ده علي اي اساس مستمع عقلاني بتاع شنو بكره حواء بنزين تغني ضد النظام راح تطلعوها في مرتبة ام كلثوم
03-16-2013, 02:49 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
تكتبا هنا أسسسة وبي اسامي الشعراء ..واكرر لا داعي للملحن فقد أكدت بعضمة كيبوردك إنو مصطفى لم يلحن له أحد .. يلا ابدا وانا بساعدك 1- عم عبد الرحيم ..كلمات حميد الحان مصطفى ..
03-16-2013, 03:30 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
Quote: الفن المسئول حسب تعبيرك الفنان طوالي يغني للمدافع و الأبرول و الخوازيق
سلام ياطمبل ... ليس هذا المعنى بالفن المسئول وهنا مصطفى لم يغنى للمدافع والابرول والخوازيق ولكن كان يمكنك أن تفهم وأظنك تفهم أنه قصد بالمدافع العسكر وبالابرول العمال وبالخوازيق الساسة وبالاقلام الطلبة وبالواسوق المزارعين والفن المسئول هو الفن الذى يخدم المجتمع ويناقش قضاياه ويكون آلية للتغيير والتحريض ويدعوا للحريات ويخاطب العقول والوجدانيات ويسمو بالانسان الى حب الأوطان الفن المسؤول هو الفن الذى يعبر عن آمال وآلام الشعب وأيضا هو الفن الذى يحلق بك فى سماوات من الابداع وهو الفن الذى تتجاوب معه الخواطر والمشاعر وهو الفن الذى يحمل الكلمة الصادقة واللحن الشجى وهذا قليل من كثير ... أما موضوع المستمعين فذلك موضوع علمى دراسى ولكى تعم الفائدة قال بيدهوفن أن المستمع العقلانى هو الشخص الذى يستمع للأغنية بتركيز عالى وأن يقوم بتوجيه ذهنه الى الفنان وتكون لديه القدرة فى النقد فى كل جوانب الأغنية ويتجاوب الى حد كبير أما المستمع العاطفى فهو ذلك المستمع الذى اذا ما سألته عن رأيه بعد نهاية الاغنية يقول لك ( والله الأغنية دى حنينة ... سمحة الخ ... ) ولكنه لا يتجاوب الى حد كبير .. أما الايقاعى فهو ذلك الشخص الذى يبدأ منذ بداية الأغنية بالرقص مع الايقاع وحتى أنه يتصبب عرقا وهذا حاله فى كل أغنية ولو سالته عن رأيه فهو لا يجيبك ولا يملك رأيا .... عميد الفن السودانى رحمه الله لم يكن لديه غناءا هابطا بل لديه مثلا زى الخرطوم 3 كانت فى زمن معين وأكيد لديها مناسبتها ولو جاء حديثك هكذا فيمكنك أن تدلى بدلوك فى أغنية (يامعاين من الشباك أرحم قلوبنا معاك ) هنالك أغنيات بعدد أصابع اليدالواحدة لا تعتبر خصما على مسيرة الفنانين الكبار الذين جملوا وجدان الشعب السودانى بأجمل ما يكون من الكلام الرصين ... ومازلت أكرر أن محمود صوت فريد بالرغم من استلافه شيئا من مدرسة الهادى حامد ( ود الجبل ) لكن فى رأيى ليته لو قام بتوظيف صوته وتعامل مع شعراء كبار وملحنين كبار وابتعد من شلة رزق اليوم باليوم
الأخ عمر الفاروق .... هون عليك يارجل ... ألم ترى كيف فعل صبرى بأحباب مصطفى ومحمود أن أتاهم باستراحة والقصد منها فليرتاح الكيبورد قليلا وتسمع الأذن قليلا ولكن برغم اصرارك على عدم الاستراحة سأقول لك وكما قلت سابقا أن معظم أغنيات مصطفى من ألحانه أرجع لكل كتاباتى وعشان أريحك ياعمر الفاروق الذين لحنوا لمصطفى هم الراحل بدرالدين عجاج فى 1/ لمحتك 2/ حاجة فيك 3/ كيف انساك .... ثم جاء الملحن محمد سراج ولحن له الشجن الأليم ثم الراحل سليمان ابو داؤد فى لو بريدك يعنى مالو .... ثم عبد الرحمن الريح فى شقا الايام وقال لمصطفى حمد الريح بيدفع 50 جنيه انت بتدفع كم .... ومنها قرر مصطفى أن يلحن لنفسه وقد نجح بألحانه فى طيبة ورجعلك قليبى المهضلم وبت العرب النوبية وطريق الليل ونفسى فى داخلك اعاين وليه غبت يا القمرة وحليوة ليلة المولد وادفقى والبت الحديقة والقاك وين وعد فات والحزن النبيل ومت فى قلبى وحبالنا الجوة ما تخنت واذا عادت بنا الايام وسحابات الهموم وهموم الرحيل ولا بالحزن الفينا ح نرضى وسافر والسمحة وغدار وفى عيونك ولمن يجى الزمن الفلانى وياجرح عزة هوانا وياضلنا وعجاج البحر ويامطر عز الحريق ويابكرة ووجيدة ونشوة ريد وهردت لهاتى وما طال فى بحرك فى مى وبلاد الله البعيدة وعم عبد الرحيم والمسافة والدنيا ليل ونورا وادينى احساس بالامل وعلى بابك وقلت ليهاوآخر شعاع وعينيك مدن وسطوة محاسنك واسئلة ليست للاجابة وعمنا الحاج ود عجبنا وقمر الزمان ويا جمة حشا المغبون واستلاب وغناء العزلة ضد العزلة ونفسى فى داخلك اعاين وياخطوتك ورسمت فى وبسيمة ضوء ومريم الاخرى والطيور وعجاج البحر وأجراس العودة وواقف براك ومن بعد ما عز المزار وعلمى عيونى السفر ووضاحة وأملنا الباقى ومابين زمنا متمنيهو ومزيكة الحوارى وتقول لى الفراق مكتوب وحسنك بديع ويا مشرع الحلم الفسيح والجالوص والرحيل فى الليل وياسر مكتوم ... والبقية تأتى .... ياعمر الكلام ده مافيهو هظار وح نفيدك بكل أغنياته لك وللفائدة العامة
03-16-2013, 10:09 PM
Elmosley Elmosley
تاريخ التسجيل: 03-14-2002
مجموع المشاركات: 34683
الاخ صبري طــــه انت ما كوز لكن عمايلك عمايل كيزان
يا راجل لو عايز نعمل مقارنه بين الاستاذ مصطفي والفنان محمود رحمهما الله .. كان علي الاقل تكون منصف
و تأتي بتسجيل واضح لقائد الاسطول بصوت مصطفي .. ولكن للاسف لن تجده وحاولت دس السم في الدسم ...
وسميتها استراحه وفي نفسك قصدت مقارنه وعجبك التسجيل الحديث للاستاذ محمود والاكو الفي الصوت و الكمنجات
ونسيت انو دا شغل الاستاذ الموصلي دا مسألة التركيب الالكتروتي للموسيقي او حاجه بالشكل ده..
وجيتنا بنموذج لحفله ضاجه للاستاذ مصطفي بالميكروفانات علي مسرح من حديد مؤجر من محل العجلاتي الفي الناصيه ... لكن برضو لو فعلا كنت ذواق للغنا المؤصل وليه مصطفي متفرد كفنان متكامل كان عرفت الفرق من قولة تيت .... وليه مصطفي قال قايد الاسطول بلكنتنا السودانيه وليه الراحل محمود عليه الرحمه .. غناها قائد
بالقلقله الحلقيه ,,,
ونرجع نقول لبهاء موضوع البوست غير موفق وخاصة مسألة الاستقواء والملاواه ,,فالراحلان الكبيران ما قصروا مع الشعب تب وبذلوا عصارة فنهما من اجلنا واجهدوا نفسهم ليخرجوا لنا هذا الكم من الابداع ,,الذي ارهق اجسادهم النحيله ..فرحلوا عنا لا يبتغون من الا ان نسال لهم الرحمه و هم بين يدي رحمــــن لايظلم أحدا..فحقو الناس تناقش باسلوب فني رفيع بعيدآ عن الهرطقات والتريقه التي قد تفسر اساءآت ,,
الاخوة المتداخلين تحياتنا لكم المقارنة بين فنانين (تو فنان) ، من وجهة نظري المتواضعة لن تصل لنتائج يتفق الناس حولها لأن المسألة مرتبطة بالذوق والوجدان ولولا احتلاف الاذواق لبارت السلع، ولكل فنان جمهوره ومعجبيه...لكن بحساب الانجازات والعلامات الفارعة (لا الفارغة ولا الفارقة)، العلامات فارعة الطول، فانا اتحيز لمصطفى سيد احمد، في عام 1975 او حواليها ظهرت اغنية (غدار... دموعك ما بتفيد)، كان نصها الشعري وهو من اشعار مصطفى سيد احمد، كان ولا يزال مميزا مدهشا، ادهشنا ونحن طلاب بالصور الشعرية التي احتواها وسرعان ما اصبح من النصوص التي كنا نحفظها عن ظهر قلب، ولم يكتف مصطفى بالشعر بل جمع معه موهبة اللحن، وكل هذا ينبئ عن موهبة حقيقية وجدت وستجد مكانها اللائق من الاحترام حتى من خصومه في الفكر...
لا تنبش الماضى البعيد الم تكن يوما لقلبى واقعا مجهـــولا لا تنكأ الجرح القديم فإننى و دعت ليلا مظلما و ثقيلا وحملت روحى فى فواد نازف ما زال يحمل نصفه مشلولا وخلعت اثواب الحداد اما كفى اذ صار قلبك فى الهوى ضليلا
__.__.__
غدار دموعك ما تفيد فى زول حواسو اتحجرت جرب معاك كل السبل وايديهو ليك ما قصرت حطمت فى قلبو الامل كل الامانى الخدرت كلماتو ليك ضاعت عبس لا قدمت .. لا اخرت
__.__.__
ما كنا وكت الليل يضيع تشرق نجومو وتنكتم ويطل شعاع يكشف قناع والظلمة ترحل تنهزم وجفونا من طول السهر تلبس وشاح فرقة والم نستبشر اليوم الجديد ونقول تعود انت العشم
__.__.__
كيف العشم وكتين يموت والغصة تطعن فى الحلق كيف الحنين وكتين يهز لى زول بعيد ما بتلحق كيف الرجوع لىزول قنع شايل رماد(رفاة) قلبـو الحرق سيب الندم وانسى الدموع ما فات زمان ما بتلحق
__.__.__
غدار دموعك ما بتفيد فى ظلمة ما بتعرف شعاع اشباحة زى موج العدم كسر المقاديف والقلاع ونزلنا فى طوف الفشل وابحرنا فى بحر الضياع ونسينا ذكراك الزمان عشناها فى زيف القناع
03-16-2013, 06:13 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
المقارنة غير موجودة ومصطفي فنان صاحب فكر ورسالة ومحمود فنان شباك وجمهور والفرق شاسع بينهما. وأعمال مصطفي ليست كأعمال محمود أغاني استهلاكية وأعمال مصطفى اعمال تناقش رسالة .... أرجو أن أكون بهذا قد وصلت الى ختام البوست مع الدعاء لكل أموات المسلمين بالرحمة والمغفرة اشير الى أنى ختمت بحديث الاستاذ عبد العزيز خطاب .... اخوتى الافاضل المبرزين فى هذا البوست أمير وصبرى وعمر الفاروق سعدت بكم ايما سعادة ..
تخريمة عمر الفاروق ح أكمل ليك الأغنيات عشان ما تقول لى هاك القش ده
الاخ صبري طــــه انت ما كوز لكن عمايلك عمايل كيزان
يا راجل لو عايز نعمل مقارنه بين الاستاذ مصطفي والفنان محمود رحمهما الله .. كان علي الاقل تكون منصف
و تأتي بتسجيل واضح لقائد الاسطول بصوت مصطفي .. ولكن للاسف لن تجده وحاولت دس السم في الدسم ...
وسميتها استراحه وفي نفسك قصدت مقارنه وعجبك التسجيل الحديث للاستاذ محمود والاكو الفي الصوت و الكمنجات
ونسيت انو دا شغل الاستاذ الموصلي دا مسألة التركيب الالكتروتي للموسيقي او حاجه بالشكل ده..
وجيتنا بنموذج لحفله ضاجه للاستاذ مصطفي بالميكروفانات علي مسرح من حديد مؤجر من محل العجلاتي الفي الناصيه ... لكن برضو لو فعلا كنت ذواق للغنا المؤصل وليه مصطفي متفرد كفنان متكامل كان عرفت الفرق من قولة تيت .... وليه مصطفي قال قايد الاسطول بلكنتنا السودانيه وليه الراحل محمود عليه الرحمه .. غناها قائد
بالقلقله الحلقيه ,,,
ونرجع نقول لبهاء موضوع البوست غير موفق وخاصة مسألة الاستقواء والملاواه ,,فالراحلان الكبيران ما قصروا مع الشعب تب وبذلوا عصارة فنهما من اجلنا واجهدوا نفسهم ليخرجوا لنا هذا الكم من الابداع ,,الذي ارهق اجسادهم النحيله ..فرحلوا عنا لا يبتغون من الا ان نسال لهم الرحمه و هم بين يدي رحمــــن لايظلم أحدا..فحقو الناس تناقش باسلوب فني رفيع بعيدآ عن الهرطقات والتريقه التي قد تفسر اساءآت ,,
Quote: الاخ صبري طــــه انت ما كوز لكن عمايلك عمايل كيزان
يا راجل لو عايز نعمل مقارنه بين الاستاذ مصطفي والفنان محمود رحمهما الله .. كان علي الاقل تكون منصف
و تأتي بتسجيل واضح لقائد الاسطول بصوت مصطفي .. ولكن للاسف لن تجده وحاولت دس السم في الدسم ...
وسميتها استراحه وفي نفسك قصدت مقارنه وعجبك التسجيل الحديث للاستاذ محمود والاكو الفي الصوت و الكمنجات
ونسيت انو دا شغل الاستاذ الموصلي دا مسألة التركيب الالكتروتي للموسيقي او حاجه بالشكل ده..
وجيتنا بنموذج لحفله ضاجه للاستاذ مصطفي بالميكروفانات علي مسرح من حديد مؤجر من محل العجلاتي الفي الناصيه ... لكن برضو لو فعلا كنت ذواق للغنا المؤصل وليه مصطفي متفرد كفنان متكامل كان عرفت الفرق من قولة تيت .... وليه مصطفي قال قايد الاسطول بلكنتنا السودانيه وليه الراحل محمود عليه الرحمه .. غناها قائد
بالقلقله الحلقيه ,,,
أها شوفوا جنس دا !!!
يا عمّك أوّل حاجة ودي ممكن يشهد عليها جمهور الحوت بهذا البوست .. وهي أنّ صوت محمود في تسجيلات الحفلات العادية أجمل من تسجيلات الشركات ...
وتاني حاجة لم آتي بالأغنية للمُقارنة بالعكس فقد استمتعت بها عند مُصطفى بنفس القدر الذي استمتعت به عند الحوت ...
ولو كُنت أقصد ما ذهبت إليه أنت لكُنت قد أدرجت اليوتيوب الخاص بمحمود أولاً (لأنّو الاستماع الأولي بوصّلك درجة تشبع بيضيع معه الاستمتاع الثاني) ...
ياخي من أين جاء هؤلاء ؟
أبسط حاجة يا اللّخو .. أنا عشان أجيب الأغنية دي للبوست بحثت في اليوتيوب عن "قائد الأسطول" الفيديوهين الموجودين ديل وجدتهم وراء بعض .. شُفت كيف ؟!
غايتو الراحل مُصطفى بعضاً من جمهورو طلعوا مواسير ساي
ثمّ يا محمد عبدالله الشريف .. أنا لو عايز أتجدّع ليك بالراحل محمود بأغنية قائد الأسطول .. أها عندك صورة لنتيجة بحث "قائد الأسطول" زي ما شرحت ليك في المُداخلة السابقة ...
يلاّ يا عزيزي شوف ... فيديو الراحل محمود تاريخ تحميله قبل سنة وعدد المُشاهدات في نتيجة البحث حتى تاريخ هذه المُداخلة = 78,459
فيديو الراحل مصطفى تاريخ تحميله قبل 7 أشهر وعدد المُشاهدات في نتيجة البحث حتى تاريخ هذه المُداخلة = 1,451
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حبيب نورة
Elmosley
الصادق اسماعيل
عمر الفاروق
بهاء الدين سليمان
امير طمبل
فيس بوك
تويتر
انستقرام
يوتيوب
بنتيريست