أعجبت بتلك الفتاة المتبرجة

Quote: طبعاً من وجهة نظري وراايي الي يحتمل الصواب والخطأ هو انه مب كل بنت متنقبه او متبرقعه محترمه ونفس الشي ينطبق على المتبرجه...ولكن! انا افضل المتبرقعه اكثر اي بمعنى اني اشوف البنت متغطيه احسن من المتبرجه ..رغم اني كنت اعرف بعض البنات كاشفات الوجه ولكنهن محترمات ومتدينات يعني مب شرط انها تغطي خلاص المتبرجه انها ( ++++) !! فمثلا انا كنت ادرس في معهد النيوهورايزن فكنت اعرف بنات كاشفات الوجه ولكن محترمات لاابعد حد ماشفت عليهم شي ابدا وايضا كانت فيه مدرسه +++ في نفس المعهد وايضا كانت متبرجه والله ماشفت منها الا كل شي يرضي الله ورسوله طيبه وخلوقه ومحترمه وحتى انها ماجت لنا ولا يوم حاطه في وجهها صبغ والوان عفواً المكياج عكس بعض الطالبات الله يهديهن قالبين الصف تنافس في المكياج ولا الخاتم ومدري شنو ....فسؤالي هو للشباب هل تحترم المنقبه والمبرقعه اكثر من المتبرجه "الكاشفه وجهها " ولا تحترم الاثنين بنفس القدر ؟