|
|
 رحبو معاى ... بهمام المجمر ... التحنيس مفتوح لمن يرغب
|
قبل سنه وشويه فرحت شديد لما عرفت انو همام المجمر انضم للبورد و يا فرحه ما تمت ...فاخوى الكبير انضم و سكت.. البعرفو همام رجاء مساعدتى فى اقناعه ان يدينا من الفى راسه حبه كان فكر كان ذكريات.... وبالمره انا اكبر كومى ذياده 
هما م انا بفتكر دى انانيه منك تقرا لينا انا و هشام و ما نقرأ ليك .. ليه حقاره والا حقاره
رأيك القاعد فيهو ده..قوم منو...وقولو لينا
______________________________________________________
دحين دى سلامى على لسان عمتك الشفه
|
|
 
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Siham Elmugammar)
|
همام ياخي أسمع كلام أختك وقوم من جبل الفهم عشان تنور غيرك ،،
ياخي أنا أسجل هنا إعجابي الشديد بأبناء حاجة نعمات تلك المرأة الشامخة ،، ربنا إيديها العافية ..
وإن لم يزد لقائي بها عن ساعات إلا أنها كافية بأن أقف مع أختك في طابور التحنيس ،، كما أعتقد بأن شهادة ياسر
حامد لا ترد مجاملة ..
مع إحترامي لكم جميعاً ،،
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: ALGARADABI)
|
ALGARADABI
والله استاذك المربى ده كان لحق جاكم بى جاى ...
مافى زول بضاعته بتنفع..
تلقاك جوه بوستاته ... ما تمرق منها ...
تقرأ و تضحك بس.. حيل يفضل ليك عشان تعلق مافى...
_________________________________
انت عارف نحن لما نمشى نزوره بنكون بنضحك من ندخل لغاية ما نمرق
ادعو الله معى ان يديهو الصحه والعافيه
اصلو فضل عم وحيد ومشيحيد
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: اسعد الريفى)
|
يا عصام بمناسبة الحجه اسمع القصه دى
دروس فى السياسه....
همام انا لقيت فى مكتبتكم كتاب ما فهمت كلمه منو... ممكن تشرح لى ... شال الكتاب من ايدى عاين ليهو .. قال لى يلاكى بهناك ...و مشينا بهناك ... جيبى الكرسى ختيه مقابل باب الشارع من جوه... انا بجيك هسه غطس و جا شايل ليهو طبشير ... و بدأ يشرح ... انا أسأل و هو يجاوب... جات الحجه وقفت ورانا من غير ما ننتبه و اول ما عرفت روقه... ياولد ده شنو ده ..كمان ده الفضل ليك .. كمان عاوز تملا لى راس البت بكلامكم ده... يا بت هوى كفايه السياسين فى البيت ده عرفنا السجون للاولاد و قدرنا عليها ... سجون البنات دى كمان البقدر عليها منو... قوم على حيلك و طيرى من هنا... وانت هوى امسح الباب ده بسرعه... ياحجه مالك ده علم ؟؟؟ خلى البت تتنور... و بعدين قصة النشاط السياسى دى نشوفها قدام ... المهم حنك منى و حنك منو ... الحجه اخلت سبيلنا...
اغرب حاجه لما جا الجد ... كانت بتساعدنا و تغطى لينا من جماعة الرفض فى البيت و نمشى نقيف فى صينية المؤسسه لما راسنا يسخن... و كمان لما نجى راجعين البيت نلقاها عينى عينك فى الشارع ممرقه عصير الكركدى بالجرادل .. و خرطوش المويه ... شى البشرب و هى ماسكه الخرطوش .. وشى البغسل راسه و شى يتمخط من البمبان... بالنسبه ليها اعدام الشيخ محمود محمد طه .. الراجل الكبير ذى ده بيعدمو .. خلاص صبرها انتهى هنا...قامت مرقت جرادلها...
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Siham Elmugammar)
|
ذرية بعضها من بعض
ناس علم وتجربة وخبرة
همام نحن محتاجين ليهو عشان يثرينا ويثقفنا فى المواصفات والمقاييس وضبط الجودةفلا يوجد شعب فى المعمورة عانى كما عانى الشعب السودانى من استيراد السلع الفاسدة مثال (لبن البودرة والاغدية بصفة عامة والادوات الكهربائية ولساتك السيارات والاسمنت الفاسد والعطور وحتى الكحل الذى يوضع فى العين والمبيدات والمخصبات وبروميد البوتاسيوم والقائمة تطول)!
لا اعتقد ان همام الخبير وهسة خبير اجنبى يبخل على هذا الشعب المغلوب على امره!
نتوقع من الاخ همام الاسهام فى هذا المنبر المقروء لفائدة الجميع!
فهلا تكرم حبيبنا همام المجمر
جنى
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: jini)
|
جنى الاخو
| Quote: همام نحن محتاجين ليهو عشان يثرينا ويثقفنا فى المواصفات والمقاييس وضبط الجودة |
نان ده براه يا جنى ؟؟!!! امنى ما تلومت..
كدى شويه كدى ادها دفره ذياده
________________________________________________________
جنى سلام و تحيه من ناس البيت كنا فى سيرتك و امبارح
و كانت قصتنا المفضله حاضره مالعاده
قلعتها و لا عفصتها
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Siham Elmugammar)
|
سهام المجمر تحياتي لكم جميعاً ،،
تخيلي أنا من مدينة مدني ،، جمعتني مع ياسر حامد الدوحة ،، فكان إختياري لخوة ياسر بمجرد مشاهدتي له
أول مرة ،، أسكن في جواي سيرتكم العطرة ،، وكان أن ترافقنا في إجازة للسودان ،، تصوري ناس عصام جبرالله
بإنتمائهم للمدينة كنت أنا ، قبل أن يملأني مزادكم ،، وظل منزلكم محوراً ،، فقد أحببت الحاجة نعمات لما شاهدته
فيهامن كل عناصر علم التربية ( القوة ـ العاطفة ـ الموضوعية ـ الفهم المتطور الذي فشل علماء السياسة في
ملامسته )
أحسست بإنتمائي لها أكثر حين ذاد عليها المرض في الفترة السابقة .. إنها أم بفهم فلها التجلة ،،
وموقفها في مقتل الأستاذ يعني الكثير ،، وأحي أمثالها ، وخاصة حاجة عشه والدة ياسر ..
همام سوف أزيد من درجة التحنيس ،، مع مودتي ..
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Siham Elmugammar)
|
سهام .. هشام (عارفك بتكون متاوق و دودتك .. من الدوحة لكليفلاند .. )
همام بصمته و سكونه الظاهرى .. دنيا من الحكاوى ( وصلنا لمرحلة الذكريات ) !!
عشرات بل مئات من الاحداث لم يكن شاهدا عليها .. بل كان محركا .. و فى أحيان كثيرة (وقودا)
همام .. رجل لا تأخذ منه غير (الصدق) و الجدية .. حتى حين يضحك ، كنا نرى ( شر البلية ما يضحك)
سخريته اللاذعة .. دائما يسبقها تفكير عميق..
موسوعى الاطلاع .. لا يفارقه الكتاب ..
اتمنى أن أراه هنا و فى كل مكان ..
إلا
السودان
لانه هناك
يحترق كل لحظة .. لان كل شئ له و لنا .. ما عاد هو
(كفاية و لا نزيد )...
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Siham Elmugammar)
|
منى خوجلى لا عدمناك
اسعد الريفى و الله هو ما قلت
اسمع ده:
بعد تقديم طلب و مداولات اخيرا و افق الحاج (رحمه الله) ان يمنحنى الاذن بالسفر الى ابتسام فى النهود..فرحت و زغططت وبديت الاستعداد.. يابت راجيك قنقليز بالشطه بالدكوه و الدقه الف..ح ترشى الرمله مع هاله و تتجدعى ونسه... و تتصورى كبندريه و ... وانا فى غمرة التجهيز.. جانى همام ...كان وين ما بعرفو..شعرو منكوش و عيونو حمر من التعب.و مغبر.. العيون الحمر دى عارفاها اساسيه لما يكون الهلال لاعب... فهمام كبقية اولاد وبنات طه مرضانيين عديل كده بالهلال.. ناصية بيتنا كانت مكان التجمع و التجمع المضاد على حسب نتيجة المباره ..يعنى مشجعاتية الفريقين كانو بيجو بيلعبو المرسا ل جاكم برله برله برلليله جنب بيتنا... لكن اليوم داك ما كان فى كوره و اساسا الوقت ذااااتو ما كان وقت كوره... مسكنى من يدى و اليد التانيه ختاها على كتفى و قال لى و عينو فى عينى سهام اختى لو رفعتى رجلك من الخرطوم الايام دى نص عمرك بضيع و ح تندمى طول حياتك.. اسمع كلامى و افتحى للسفره دى... ده كلام شنو ده يا همام فى شنو؟؟؟ قال لى اقعدى بتعرفى...
ثقه كده لغيت السفر .. اها بعد ايام بقيت برجع مغبره و حالتى بالبلى ذيه و ذى الاف غيره ما كنت بشوف عيونهم المرهقه ببساطه لانهم ما كانو ساكنين معانا ....
وطالبنا براس نميرى بكل جديه .. صدقو!!!!!
شكرا يا حبيب فالذاكره سجلت شريط مهما اشغله و اعمل فيه تقديم و ترجيع و احيانا اخته فى الرف ما بنسهق
تعال يا همو اكتب
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Siham Elmugammar)
|
الف الف مرحب بصديق الزمن الجميل همام
بورود اسمك ، تذكرت اجمل ايام العمر فى قاهرة ذلك الزمان ، وتذكرت ايضا حياتنا الثره فى جيزة الصاروخ القاهر ، ومنيل شارع السراى ، مصر الجديده ، مدينه نصر ، وتذكرت ايضا بعض من الزملاء العزيزين.. علاء عبد الرحمن ،نبيل الحضرى ، مها زين العابدين ،بخيت الكامل ، الحاج المنصورى ، اين هؤلاء ياترى وهل من الممكن ان تجمعنابهم ايام طيبه مره اخرى ، واين انت الآن.. مره اخرى مرحبا والف مرحب
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Mustafa Mahmoud)
|
سلام يا شباب
عصام الدين
AlGARAdABI
اسعد الريفى
jini
منى خوجلى
سجيمان
كمال قسم الله
Mustafa Mahmoud
الوصيه فى الذمه...اتصل بى همام الان و هو بسلم عليكم واحدواحد و بشكركم واحد واحد..و قال ليكم كما توقع اسعد فعلا هو ضيع الباسوورد بتاعه...ونسبه لظروف كتيره... ح يشارك بكتابة مقالات.. يعنى حاره علينا مافى ردود وكلامات.. لكن الكحه و لا صمة الخشم..
ما بقدر اوصف ليكم المكالمه عشرينن دقيقه ..يعنى لقيت نفسى تانى قاعده فى الكرسى المواجه باب الشارع... المهم اتمنى ان يستطيع بكرى فى اقرب وقت ان يمرر الباسوورد لهمام حتى يوفى بوعده...
الشكر ليكم منى .. شدييييييييد لمكابرتكم لى فى بوست التحنيس ده.. واها جاب نتيجه...
همام الله يديك العافيه و يخليك لى ولبنياتك The best brother ever
_______________________________________
الاخ مصطفى محمود شكرا لمرورك و بوكيه الورد
همو بستاهل والله
كمااااااااااال قسم الله
لك التحيه
تحايا الف من مجتبى و بسلم عليك شديد
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Siham Elmugammar)
|
إضافة مهمة:
فى زمن الهوامش و الحواشى و بعيدا عن نظم القوافى
همام شئت أم ابيت
منذ تخرجنا من جامعة المعز الفاطمى
أنت ..
و رتل من الخريجين
كنتم
و بلا توقف
بداية النحت فى الصخر
و الكتابة على الحجر
و إثبات الذات .. بعيدا عن (الذوات)
و بعد عقد من الزمان
أتضح أن المسألة كانت ( كتابة على الهواء)
فأعطينا أنفسنا بفية الامل
و تفرقنا فى أرض الله الواسعة ...
و برضو (نتاوق) عليها ( سبورة الهواء) ..
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: الفاتح ميرغني)
|
عصام جبرالله الله يلف راسك ده؟؟؟ لك اشواق بلا حدود
ملاسى اذيك ... النصيحه اتلومو
كمال كرار ويييييينك ياراجل ؟؟؟ بحرى نسمه فى هجير
اسعدالريفى: ذى ما كتبت ليك فوق نحن فى انتظار بكرى يرسل الباسوورد لى همام
البوست بعد ده بقى تقديم طلب لبكرى ان يابكرى رسل الباسوورد
الفاتح ميرغنى و مرحب بيك انت كمان بى جاى
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Siham Elmugammar)
|
الأخت العزيزة سهام
افتكر كراس التحانيس أتملا
ان بحنس تحنيس مختلف
بالمكنة والخيط ..
وكدفدف ..
قدوم أحمر..
الكوارة الثقيلة .. البتكرها...
ونقة الصباح ..
وصارقيل شمبات ..
وجمعات الفسيخ ..
والسنارة ..
والتربيزة ودعمك ..
والشلباية الأنيقة..
ويحر الجبل
وخور السيلت ..
وحفرة أم دوم ..
وبحر أبيض ..
وبحر أزرق ..
والري المصري ..
وتحت الكبري ..
ولما الكهرباء تقطع ..
في الصيف داك..
واقتراحاتك بشراء ألواح التلج و.....
والغمران لحدي المغرب ..
أو
الماذدا موجودة..
والري قريب ..
وحسام المجمر جاهز
وجمال المجمر بدك الشغل
والخرطوم القديمة في سكتنا
والعدة جاهزة
أرح
مزرعة الفقس ..
وربط الصارقيل
عليك يكل ما في النيل الأبيض من قراقير
وكل بلطي النيل الأزرق
وكوارة بحر أبيض
وأب ريالة التافه
ترمي قلم في سودانيزأونلاين
ياسر حامد
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Siham Elmugammar)
|
ok
سهام المجمر ....
سلمي عليهو شديد...
لأنو عمو همام (والله مافي داعي لي عمو) لمن يجي الامارات أنا باكون في ماليزيا عشان الجامعة و كدا .... كلميهو قولي ليهو أحمد يوسف بقى زول جامعات وكلام بالشكل دا ... لكن في بلد كلها كيزان ... آخر مرة قابلتو كانت سنة2003 شهر 10 وأنا نازل ثانوية عامة ...
وللحديث بقية .....................
(التفاصيل في البروفايل)
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Hussein Mallasi)
|
الاخ ابو جهينه
هو فعلا قاعد فوق راى كنت اتمنى ان استطيع ان انقله هنا لكن خايفه ان يكون نقلى غير سليم
المهم نتمنى ان يتحصل على الباسوورد عشان يكتب مقالاته كما وعد
سارى الليل
اوع يكون عمو همام دى ح تجيب وراها عمتو سهام؟؟؟
وفى انتظار بقيه الحديث
هشام المجمر
بركه يا اخوى الجيت داخل باقى زمن ما شفتك
همام كلمنى بنقاشكم .. لكن المره دى قدرنا نصل ان يشارك بكتابة مقالات و نحن فى انتظاره
بعد حصوله على الباسوورد
ملاسى اذيك؟؟!!!!!!!!
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Hussein Mallasi)
|
| Quote: الراجل عديل قال ما بقدر لانو شاعر بانو مافى فايدة |
هشام ود عمى حاج طه
ياصديق همام يكتب عشان الشعب السودانى موش عشان الاعضاء البورد دا فى الحضور بكون الاعضاء 30 والزوار 890 واهم الزوار لانه ياتون للاطلاع اما الاعضاء الكرام ما عدا بعض الاستثناءات بكتوا للمناكفة او المجاملات او تشتيت كورة او استعراض عضلات اوعدم شغلة او فياقة! وبالرغم من ذلك البورد له اقلامه المسئولة والمسكونه بهموم اهله وله قراء فى القبل الاربعة
همام يكتب لتنوير هذا الشعب فى مجال علمه وخبرته واتمنى ان نقرا له فى المقاييس والمواصفات وضبط الجودة فى البلد الاهل بقوا يموتوا بالسرطان بصورة مرعبة!
يا همام عليك النبى عز النبى!
جنى
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Humam El Mugammar)
|
الأعزاء:
سهام- عصام الدين- القرضابي- مني خوجلي - سجيمان- كمال قسم الله - مصطفي محمود- محمدين - نصار -
عصام جبر الله - حسين ملاسي - كمال كرار - الفاتح ميرغني - نادر - أبو جهينة - ساري الليل - عاصم -
عادل عثمان - سلمي - أحمد العربي - غادة
لكم جميعا خالص شكرى و مودتي
أسعد - هشام - ياسر حامد- جني - جاييكم هسة دي
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Humam El Mugammar)
|
يا جني ياصديق .... كلامك صحيح.... الكتابة مسئولية كبيرة, و البورد صورة مصغرة لحالة
متعلمي السودان.
لا تزعجني مناكفاتهم و لا مهاتراتهم خلال مواضيعهم المختلفة, بل أجد في ذلك دليل صحة و عافية,
فالحوار أيا كان قد تنتج عنه معرفة.. و الجدل و الإختلاف ضروريان بل طبيعيان.
كلما كان الإختلاف عميقا و وجهات النظر متباينة- و إن صاحب ذلك في بعض الأحيان عنف لفظي- كلما
إقترب القارئ أكثر من معرفة كيفية تفكير المحاور و اسلوبه في إدارة صراعه
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Humam El Mugammar)
|
موضوع الأمراض المتعلقة بالبيئة و تدهورها في السودان تناوله هام جدا ( ياحليل ناس د. عيسي
عبد اللطيف و رفاقه الكرام بالجمعية السودانيه لحماية البيئة)
أما موضوع انتشار السرطان و المواد المسرطنة فكل المعلومات التى بحوزتي خارجة من خيمة نظرية
المؤامرة " و دي نظرية انا كنت مفارقها فراق الطريفى لجمله" لحد ما منعت طالبة ماجستير في علوم
البيئة من إجراء دراسة حول تأثير صناعة النفط في السودان علي البيئة.
"Effect of formation water disposal"
بواسطة أجهزة أمنية.
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: رأفت ميلاد)
|
همااااااااااااااااااام انت يا يمه لا تفوت لا تموت و يخليك لى
تعلم انت جيدا قبل الاخرين
اننى كنت اثق تماما انك لن تخذلنى اى والله قد كنت على يقين
انك لن تفعل ... فهذا انت و عهدى بك...
الله يخليك...
الاخ رأفت مرحب بيك
نعم نحن فى انتظار همام وكمان هيام!!!!
اتمنى ان تكون ابنتك قد بلغت العافيه
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Siham Elmugammar)
|
يا صباح الخير ..الجميل البهى
المزدان بحضرتكم
حيث عصفت بنا الاشواق
و (أحدودقت) عيناى من الفرحة ( جاية من الحدقة)
و تحدودق عين الرجل فى العربية يعنى (تعمل زووم)
و بناء على حضوركم .. و تلبيتكم لكل رقاع الدعوة اعلاه و التحانيس التى أمتدت من سانت خوزيه الى سيدنى مرورا بمروى و شندى و بابنوسة..
لكم جميعا الود و الاشواق
و دمتم
و نترك المايكروفون الان للاخ همام:-
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Siham Elmugammar)
|
مرحب بهمام طه المجمر
همام ليس فقط اخى الذى ولدته امى و الذى يكبرنى مباشرة بل هو صديق ممتاز و قارئ نهم و مستمع جيد
غير ذلك فهو شخص ذو عقل علمى وناقد وفى نفس الوقت شخص نافذ البصيرة شمولى النظرة
دائما نتحاور حول ما اكتب وفى بعض الاحيان تجده لا يجاملنى قط لو كان الموضوع لا يستحق او كان البوست ضعيفا
همام خبير فى امور البيئة و بالاخص تدوير النفايات وله من جليل الاعمال عندما كان موظفا فى بلدية العين قسم الصحة
اسكت هنا ليس لأن شهادتى مجروحة لانى عندما اتكلم عن همام اتكلم عن الرجل و الانسان دون تحيز بسبب رباط الاخوة
اسكت لادع مجالا لهمام ليعرفكم بنفسه وانا واثق انه قدها و قدود
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: هشام المجمر)
|
طيب... ووين إلهام؟ وحسام؟
هشام متواجد باستمرار وله التحية ايضاً..
كيفك يا همام.. ومرحب "كرت"..
سهام: اثبتي بما لا يدع مجالاً للشك خطل مقولة "العلم في الكبر كالنقش في البحر"... كنت قايل الحكاية في الاول عدم مقدرة على انزال الصور والوشوش... بقيتي كمان تلوني الخط (على وزن تفكي الخط) وتكبريه وتبلديه "من بولد بالانجليزي"... واحتمال كبير تأيتلكيه!!
وكيف الاولاد...
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: Siham Elmugammar)
|
اخى همام
و نحن نجتمع داخل هذا (المشهد)كنت اتمنى ان أجد (الدبيب) الذى لا شك يستمتع بالمتاوقة ..
و اليوم فى الرياض معى اخونا د. المعز الى اضفى على اياما بهجة و (ألقا)
تعرف استعمال الكلمات دى فى التعبير مسألة صعبة ..
زى حكاية تدوير النفايات
و حوسبة الماعارف ايه
.. ما فضل لينا الا نقول
و كان لوجودك بيننا أبلغ الأثر ..
اههه إيه رأيك !!!
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: abdelkhalig elgamri)
|
Quote: تعرف استعمال الكلمات دى فى التعبير مسألة صعبة ..
زى حكاية تدوير النفايات
و حوسبة الماعارف ايه
.. ما فضل لينا الا نقول |
أسعد الريفى
الشئ بالشئ يذكر
كان دكتور قلندر محافظ للخرطوم واهتم بظاهرة الأغنام المنفلتة ووجه بتوقيع غرامات باهظة على أصحابها!
كتب احد الخبثاء مستخدما لغة دكتور جعفر بخيت مخرجا لسانه لقلندر:
ان تغنيمية الآحياء تمثل تناقضات التلبنة الغذائية الغير مرتبطة بتكنيكية التزريب المرحلى وبرسمة التعليف!
جنى
| |
|
|
|
|
|
|
|
|
|
Re: رحبو معاى ... بهمام المجمر ... التحنيس مفتوح لمن يرغب (Re: يحي ابن عوف)
|
سيف بشير: ما أول كنت بقلب فى الفكره(اممممممم) وبعدين قلت وجدتها..مالك المشكله شنو..
ebdelkhalig elgamri سلام ليك... والله نحن فى اشواق لاصوات الطبول القادمات. بس الله يمد العمر
mohmed said ahmed نحن ذاتنا بختنا..الله يديك العافيه
مى الاسيد سلام عليك ..المزاد؟؟؟ غايتو الاسيد دى ما بعرف فيهو اسيد غير ناس خالد الاسيد... انشألله انتى منهم!! فهم اخواناو اخواتنا و احبايبنا و قد المتنا احزانهم فى رباب (جميلة المزاد و وردتها النضره و التى زبلت فى غير موعدها) و من ثم امانى الهادئه و خشمها عندها...اللهم ارحمهن و توب عليهن و اسكنهن فسيح جناتك يارب...
مى الاسيد ادخلى لى جوه و اتوهطى ففى جراب همام الكتير نسأل الله ان يسعفه بالزمن...
يحيى بن عوف... سلام ليك و لى قرنق الخاته فى عينيك ... الزول مات و خلانا محسرين من بؤسنا و خلا وفاضنا من قياده قاعدين نجتر كالابقار هسه لو كان قرنق حى كان شالو الطاقه؟؟؟هسه كان كان قرنق حى كانو مررو قوانين سجمهم ديك؟؟؟؟هسه كان كان و كان...
| |
|
|
|
|
|
|
| |
Siham Elmugammar
ALGARADABI
اسعد الريفى
jini
Muna Khugali
سجيمان
كمال قسم الله
Mustafa Mahmoud
محمدين محمد اسحق
نصار
Hussein Mallasi
Kamal Karrar
الفاتح ميرغني
Nader Abu Kadouk
ابو جهينة
sari_alail
هشام المجمر
عاصم ابوبكر حامد
Adil Osman
سلمى الشيخ سلامة
احمد العربي
غادة عبدالعزيز خالد
رأفت ميلاد
محمد المرتضى حامد
saif basheer
abdelkhalig elgamri
عامر تيتاوى
mohmmed said ahmed
bent-elassied
يحي ابن عوف
هشام هباني
الزنجي
فيس بوك
تويتر
انستقرام
يوتيوب
بنتيريست