|
Re: زواج الخواجة احلي زواج (Re: صبري طه)
|
طقوس و عادات الزواج السودانى ما زالت هى هى، الرجل هو الذى يخطب المرأة و العقد بيتم فى المسجد أو بعد صلاة العصر فى أى مكان، الشيلة هى زاتها بس الدهب زاد و لازم فنان وعرس صالة و دفع المقدم و المهر و الحنة هى نفس الحنة و توب القرمصيص و الدخان والكبريت ولو ما سودانى خليك سودانى. الرجل ما زال يحتاج إلى هذه المحفزات و يعتمد عليها كمحرك للطاقة! وبالمناسبة كل الرجال يحتاجون للمحفزات، فقط يختلف المحفز بإختلاف الثقافة و كلها "وومان أورينتيت" يعنى الراجل ما عندو فيها حاجة ومحفزات الخواجة أصعب للمرأة من محفزات الرجل السودانى الهى ممكن تكون ريحة دخان بس و العميان بجى شايل المكسر! حكاية تكون "باى ديفولت" بلغة التكنلوجيا دى بقت مافى يعنى لازم "مانيوال" أو "وومان مّيد"
مثلاً أسى أنا بعاف الزول أو الزولة العاملة "تاتو" فى جسمهم و بنفس القدر الخواجات و الخواجيات بيعافن الحنة وحاجات الديكوريشن البعملنها نسوانا دى. يعنى تسامح ثقافات و توليفات على شاكلة ما يحدث فى السياسة بين الشعوب فى هكذا أمر مافى! كل زول إستيك لثقافته و الإندماج لا يتم إلا بعد التحول الكامل للثقافة الثانية وهجر الثقافة الأولى و طبعاً دا غير ممكن لإنسان نشأ فى ثقافة معينة. وتجاربنا هنا بتدلل على ذلك يعنى ممكن يكون أكثر من ثلاث أرباع الزيجات التمت بين السودانيين و الأجانب فشلت و السبب فى تقديرى هو الفوارق الثقافية وعدم الإنسجام قد تكون فى البداية فى جازبية المرة الأولى بين الطرفيين، لكن سرعان ما تزبل هذه الجازبية و كل إنسان بيكون عايز يرجع لثقافته يعتمد عليها كمرجعية للتحفيز و لما تكون الثقافتين مختلفتين، المشاكل بتتبدأ وفى النهاية يتم الإنفصال الحزين ودا واقع نحن عايشنو فى المهجر.
| |
|
|
|
|
|
|
Re: زواج الخواجة احلي زواج (Re: الصادق الزين)
|
تحياتي الاخت حليمة وكل المناتلين هنا
موضوع شيق لكن كان محتاج لشهادة زولة عاشت او عايشة التجربة دي فعلا ... لانو البنشوفو بي بره ده ماهو كل الحاصل جوه ..... فيه حاجة بقدر اقدم فيها شهادة انو السودانية قادرة على التعايش مع الخواجة اكتر من قدرة السوداني على التعايش مع الخواجية .. ليه ما عارف ... يمكن المسالة راجعة لي قدرتكن على تقديم تنازلات اكتر ؟؟ المهم من التجارب الشايفنها هم الاثنين بفشلوا لكن تجارت الرجال اقصر عمرا
ذي ما قال اخونا كبر فعلا الرومانسية خشم بيوت ونحنا رومانسييييين خالص خالص بس بي بالطريقة العلمونا ليها والبتعجب بناتنا… انتو اتغيرتوا ولاشنو ؟؟؟ .. عليك الله حسع انا كان عملت لي (ام العيال) رومانسية الهنود ديك تاني ح تحترمني ولا ح تقول للولد الكبير استنى الليلة لمن يجي ابوك ... ودي ذاتها رومانسية يمكن شكلها ما احلى لكن عمرها اطول ....^
Quote: انا ما قلنا احسن....(او انا شخصيا)....و ما قلتا اكعب. كل زول براه. لكن موضوع الرومانسية ده بقدر اعمم فيه بقلب قوى. (: و الموضوع ما جينات. صاحبنا الفلسطينى اللى جاء امريكا للدراسة مختلف من الفلسطينى اللى اتولد فى بلاد الفرنجة. اول ما اشوف فى الشارع رجل جارى قداااام و زوجته وراه بعرفه من عندينا |
الصورة الجابتها اسمارت هي دي فعلا مضحكة ورومانسية جدا لكن انا دائما كنت بشوفها مقلوبة ... بدليل كتير تلقي الواحد مضطر يقيف وينادي ليها .. يعني هي المتاخرة موش هو المتسربع
شكرن ليكن كلكن .. اهو برضو الواحد يراجع شوية
| |
|
|
|
|
|
|
Re: زواج الخواجة احلي زواج (Re: osama fadlalla)
|
حليمة و جميع المتداخلين سلام ..
الزول في بالو تعقيبات وزرات كتيرة لكن خلينا نجلي عشان ما نكرر نفسنا..يعدين في كتير من الشرح بفسد الافكار على اصحابها ..
ولو سمحت لي استاذة حليمة اشارك بأسئلة مهمة بالنسبة لي في النقاش ده ..عطفا على كلام استاذة زينب عن المحفزات نحن كنساء "سودانيات"استجابتنا وتقيدنا بالمحفزات دي كنوع من الترغيب أو كمجاراة أو بلا وعي ..أو حتى حبا في الموضوع بتعاينن ليهو كيفن ؟ وبالمقابل التمرد على الفكرة بتكون استنادا على شنو ..؟
| |
|
|
|
|
|
|
Re: زواج الخواجة احلي زواج (Re: داليا حافظ)
|
Quote:
زواج الخواجة احلي زواج
ياكل الكسرة ويكب ليك الاكل قبال ما يكب لنفسه ...
|
ها .. ها .. هااااا .. معقوله بس نغيب ستة شهور وكده .. نجي نلقي الحواجة مادي راسو .. حاجة تحير يا حلموة والله .. طيب لو سلمنا لي انو الخواجة بيطبخ وبياكل الكسرة وبيكب الاكل في مواعيدو .. اها الخواجة دا بيعرف لي العواسة السودانية وكده ..؟؟؟
| |
|
|
|
|
|
|
Re: زواج الخواجة احلي زواج (Re: وضاحة)
|
Quote: والله لو بعوسة وياكلنى ليها فى فمى ما بعرسوا قال خواجة ديل نسوان موهومات |
غايتو دكتورة الاعشاب دي فاكاها في روحها ... قومي لفي ياسودانية ...
كما لايفوتني ان احي المرأة الخواجية الحبيبة
| |
|
|
|
|
|
|
Re: زواج الخواجة احلي زواج (Re: يوسف الدفينة)
|
جاءتني - من حيث لا احتسب - هذه الرسالة من "صبري طه":
Quote:
يا تبارك تُشكر على المجهود الجبّار والذي للأسف لم يُقنعني بما أقصده أنا ... فالصورة التي جلبتها رغم أنّ بعضهن تبدو عليهن ظهور الرُكب .. وبعضهن يظهر جزء من الفخذ مع الحركة ... لكن يا تبارك أخوي أنا نجيضتي إنت عارفها كويس بس شكلك حبّيت تلف وتدور معاي وأهو جبت لي ناس خلف دور نجيضتي زي دي يا تبارك أخوي:-
..
. |
غايتو انتو اتصرفوا مع كلام الزول دا ... انا عايشت "الشوال" و "الكلوش" و "الآرتشى" في السبعينات ...
... المهم ....
| |
|
|
|
|
|
|
Re: زواج الخواجة احلي زواج (Re: يوسف الدفينة)
|
سلام للجميع ولى حليمه اولا جزيل الشكر للاخوات رمانه نجوان نعمات حمود رشا هويدا شرف الدين عفراء سند تيسير عووضه نجاة سيد احمد سناء عبد السيد اسمارت سلمى الشيخ سلامه مريم الحسين اميره السيد داليا حافظ صفيه محمد رجاء العباسى ومعذره اذا نسيت اسم احد الاخوات ومشكورات على كل كلمه كتبتوها نيابه عنى فى توضيح وجهه نظرى I can't say it better than you والشكر موصول لى اخوان الاخوات ورجال الصحبات ودراجين العاطلات وعلى راسهم تبارك شيخ الدين انت يا يمه تتبارك ايامك وائل عبد الخالق كبر محمد جاد كريم عاصم فقيرى كمال مبارك
معذره بجيكم راجعه بالتفصيل لازم امشى مشوار الآن تحياتى
| |
|
|
|
|
|
|
Re: زواج الخواجة احلي زواج (Re: Halema2)
|
Quote: لاتينوز ما معانا يا جماعة هوي.. اخير المقارنة بالخواجة يااااخ..! |
اوافقك فى الاقتراح ، اخير لينا كتير المقارنة مع الخواجات ، وهماتم دى من رومانسية وغسيل عده مقدور عليها وممكن مباصرتها عشان خاطر عيون عازة
لأنو لو فكينا الحكاية حاتقوم تجيب ليها مقارنه مع اخوانا مصاطيل جمايكا والجماعة ديل لو حريمينا قبلوا عليهم وعرفوا رومانسيتم وطول بالم انسوا الموضوع
وابعدوا كمان حريم الوست انديز وصدقنى ديل لو اخوانا السودانيين عرفوهن وجربوهن تانى لا تقول لى مغربية ولا لبنانية ولا حبشية زاتو والسودانية فى خبر كان
بنرجع ليكم بعد فض الاجتماع وحضور بقية شلاحيف البورد المعروفين
| |
|
|
|
|
|
|
Re: زواج الخواجة احلي زواج (Re: حسن حماد محمد)
|
كل الشُكر والتقدير للأخ تبارك شيخ الدين .. والذي ساعدني في إدراج مُداخلتي بعدما خلّصت الكوتة بتاعتي ليوم أمس ...
وأعود لصرف العربي والنقة الكتيرة أصالةً عن نفسي ونيابةً عن أيّ صاحب نقّة كتيرة ...
فيا تبارك قد تختلف العادات والتقاليد هُنا وهُناك وردّي كان واضحاً على الأخت تيسير ...
Quote: تيسير عووضة كتبت: طبايع غير شنو يا صبري الله يهديك؟
معظم السودانيات كان أماتنا ولا خالاتنا وعماتنا لغاية قريب دا كانوا بيلبسوا فوق الركبة في الأماكن العامة والرجال قبلانين وماشايفين فيها حاجة أصلاً
من بقوا يلبسوا عبايات الخليجيين دا ياهو التطبع بطبايع الغير |
يا تيسير غايتو أنا فترت من الغُلاط .. وكلامك عن اللبس فوق الركبة بالنسبة للسودانيات دا غايتو إلاّ في بيئة غير البيئة التي نشأت فيها أنا دا وإلاّ في زمن غير الزمن الأنا عشت فيهو دا .. حتى الصور القديمة موجودة صور الحبوبات موجودة يا تيسير .. ما عندنا غايتو نحن لبس فوق الركبة ولا سمعتها حتى من ناس البندر (المطلوب العادة السائدة وليست القاعدة الشاذّة) ...
ودي طلبي برضك يا تبارك أخوي:- يا أخوان/ت .. الحبوبتو/أمو/خالتو/حبوبة أمو/ كانت بتلبس فوق الركبة يقول أنا ما تتلبدوا الموضوع لأجل إثراء النقاش
البيئة التي نشأت فيها هي بيئة قبيلة الجعليين وما يتفرع منها وكذا بيئة قبائل عرب الشمال التي تنتمي إلى جهينة كالرفاعيين ... وحتى بعضاً من الذين ينتمون إلى قبائل لا علاقة لها بعادات وتقاليد عرب الشمال عندما تعايشوا معهم تطبّعوا بالكثير من طبايعهم وتأثروا بذلك في لبسهم (مثال: الثوب السوداني) ...
| |
|
|
|
|
|
|
Re: زواج الخواجة احلي زواج (Re: صبري طه)
|
Quote: ولا سمعتها حتى من ناس البندر (المطلوب العادة السائدة وليست القاعدة الشاذّة) ...
ودي طلبي برضك يا تبارك أخوي:- يا أخوان/ت .. الحبوبتو/أمو/خالتو/حبوبة أمو/ كانت بتلبس فوق الركبة يقول أنا ما تتلبدوا الموضوع لأجل إثراء النقاش |
أنا ونص ..ونتلبد ليه لا سمح الله ..
بالنسبة للبندر ده كان حاصل فيهو نص ..ما تخلونا نتهور ونزل صور
نناقش شنو بالضبط ..انو كان بلبسوا كدة ولا لا؟..ولا كان بلبسوا كدة ليه ..؟عشان النقاش بقى بفتر ساعدونا بالمحاور بالله ..
| |
|
|
|
|
|
|
Re: زواج الخواجة احلي زواج (Re: صبري طه)
|
يا صبري
شايفة لي روح غلاط بدت تفرفر من تاني .. لو جاك ولد سميهو ضاع
كلامك الأخير دا وراك إنو إنتو الحالة الشاذة وباقي السودان هو العادة السائدة ..
ـــــ يا الكمريرة ..
أنا يشرفني أكون من خلف عزاز ودينا وزينب ومش هم بس كمان ضيفي ليهن ديل فيكي روح .. ألف روح .. وإنتي روحك طيبة .. ليل الليل الليل .. ومن لم تسعفني الذاكرة لذكر اساميهم ..
نساء يقولوا للشمس قومي ونقعد بدلك أفتخر بيهن أخوات وصديقات وأمهات وارفع راسي واقول أنا ورا ديل .. هو أنا أطول؟
لكن شوفي إنتي ماشة ورا منو الإستثنائية؟
هي تخمج وإنتي تشيلي ليها قفة الخمج شي يقع في هدومك
والباقي نتبالا بيهو نحن
| |
|
|
|
|
|
|
Re: زواج الخواجة احلي زواج (Re: تيسير عووضة)
|
Quote: شايفة لي روح غلاط بدت تفرفر من تاني .. لو جاك ولد سميهو ضاع |
دي ذكّرتني نكتة أخونا الهادي هبّاني ... واحد إسمو بلّة جابوا ليهو ولد احتار يسمّيهو شنو ... استعان بي صاحبو المسطول ... صاحبو قال ليهو سمّيهو "زاد الطين"
Quote: كلامك الأخير دا وراك إنو إنتو الحالة الشاذة وباقي السودان هو العادة السائدة .. |
ودليل كلامك إنّو حالياً حالتنا الشاذّة هي العادة السائدة .. فتأمّل !!
ثمّ يا عزيزتي الحالات الشاذة بتاعة ناس البندر باللبس فوق الركبة زي صورة جنيفر لوبيز لماذا لا تكون تأثراً بالمستعمر الإنجليزي !!!
| |
|
|
|
|
|
|
Re: زواج الخواجة احلي زواج (Re: صبري طه)
|
Quote: (المطلوب العادة السائدة وليست القاعدة الشاذّة) ... |
وعلى فكرة يا صبري العكس كان الشاذ يعني المحجبات كانوا نادرين ..
وناس امي وخالتي وبنات خالاتهم وبنات جيرانهم ..ألخ كانوا من اسر محافظة جدا جدا ..، واللبس ابدا ما كان بيقيسوا بيهو او بحكموا بيهو على أدب الواحدة أو أخلاقاـ حسب شهاداتهم طبعاـ ولا في حتى زول بتجرأ يعاين ليهن بطريقة ما جميلة ..ناهيك عن يتكلم او يعلق ..
| |
|
|
|
|
|
|
Re: زواج الخواجة احلي زواج (Re: Halema2)
|
عليكم الله البوست دا عن عرس الخواجة ما عن النسوان واللبس الشاذ والداير يتكلم عن النسوان ومساويهم يمشي البوستات ديك وخلونا نحن هنا نحتفل بالخواج ونتونس بيه
وما تزهجوا اخواتي ديل وتكرهيهم وتحاكمهن اي واحدة يا بنات تقول الدايرة تقولو وحاولو ركزو علي الخواجة
سلام
| |
|
|
|
|
|
|
Re: زواج الخواجة احلي زواج (Re: Halema2)
|
Quote: الناس البتقول الكلام يكون بتجربة yes الكلام دا عن تجربة قد تكون خاصة بي او باختي او صديقتي
|
يعنى إتن إتزوجتن الخواجة خلاص يا حليمة؟
الرماد كال حماميدكن يا بنات عمى و الله صحى.
الدهى دا علييكم الله أختو و الله زى الجان "كان فكيتى تطير" و الله صحى!!
خواجة شنو مع السقط دا هسه؟
| |
|
|
|
|
|
|
Re: زواج الخواجة احلي زواج (Re: الصادق الزين)
|
سلام للجميع نقطه نظام : البوست دا مخصوص للخواجات اصحابنا العايز يتكلم عن موضوع تانى يفتح بوست انتبهو يا بنات لى تشتيت الكوره من بعض الاعضاء الذين لم ياتو لى حوار :) ويا صبرى طه انا اسرتى والمجتمع النشأته فيه كنا بنلبس فوق للركبه وزى ما قالو ليك الاخوات اللبس ما عندو علاقه بى الاخلاق اطلاقا العفه فى الصدور وليس فى التوب المسدول والباب المقفول .....
ردود سريعه : الاخ خضر الطيب انا لم اصفك اطلاقا بالجهل وانت من الاعضاء الانا بقرأ مداخلاتهم وعندى ليك احترام وتقدر انا وصفته الكلام الانت نقلته هنا بأنو كلام ناس جاهليين سوى كان بحث او غيرو ثم ثانيا ما عندو علاقه بى موضوع البوست
والله افتقدنا فى البوست دا الاخوات زينب الفحل ( دوما ) دينا خالد وعزاز شامى
بجيكم راجعه لى موضوع الخواجه
| |
|
|
|
|
|
|
Re: زواج الخواجة احلي زواج (Re: زينب محمد عبدالله)
|
وعليكم السلام ...
Quote: نقطه نظام : البوست دا مخصوص للخواجات اصحابنا العايز يتكلم عن موضوع تانى يفتح بوست انتبهو يا بنات لى تشتيت الكوره من بعض الاعضاء الذين لم ياتو لى حوار :) ويا صبرى طه انا اسرتى والمجتمع النشأته فيه كنا بنلبس فوق للركبه وزى ما قالو ليك الاخوات اللبس ما عندو علاقه بى الاخلاق اطلاقا العفه فى الصدور وليس فى التوب المسدول والباب المقفول ..... |
غايتو أنا عملت رايح من البوست وأهو تاني رجعت للغُلاط ... اللبس القصير الذي تحدث عنه البعض عارفو وحافظو زنقة زنقة .. بي توب وبدون توب ... ما أقصده أنا واضح زي الشمس وهو الظاهر في صورة جنيفر لوبيز ...
رغم إنو عبارة فوق الركبة دي شاملة .. وممكن تكون من أيّ حد لكن أهو جيتكم بي نجيضتي وهي زي صورة جنيفر لوبيز ... غايتو ما شفت زيّها في البيئة التي تحدّثت عنها نهائياً (والمقصود بي زيّها حد اللبس) لا في خرطوم ولا في ريف ولا في صور جديدها وقديمها خاصة بأقربائي أو جيراني أو ناس الحلة أو ناس المدينة .. إلاّ لمن تطبع بهذه الطبايع في بلاد برّة (يعني شفت سودانيات من خلال الصور لابسات في أمريكا لابسات زي جنيفر لوبيز) ...
وعشان ما أشتّت الكورة نرجع لي موضوع البوست وأدخل بمدخل مُباشر بدون لولوة كتيرة ... من يصف شيئاً ما بالأفضيلة هذا يعني قد جرّبه .. والمُفاضلة بين شيئين يعني تجربتهما الاثنين معاً ... والنجاح في تجربة خاصة لا يعني تعميم هذا النجاح والعكس صحيح ... مثلاً: قد يأتي عنوان بوست حسب الانطباع من التجربة الخاصة كالآتي: زواج الخواجة ما أحلى زواج فهل في هذه الحالة سيكون الفيصل بالقُرعة ولاّ شنو الفهم ؟!
| |
|
|
|
|
|
|
Re: زواج الخواجة احلي زواج (Re: صبري طه)
|
Quote: مثلاً: قد يأتي عنوان بوست حسب الانطباع من التجربة الخاصة كالآتي: زواج الخواجة ما أحلى زواج فهل في هذه الحالة سيكون الفيصل بالقُرعة ولاّ شنو الفهم ؟! |
ياخي الجماعة ديل بى حساباتهم لى "كب" الاكل وغسيل العدة والرومانسية وطولة البال ... زواج الخواجة أحلى حاجة ... تجربة أو ما تجربة ...
انت معناها فات عليك موضوع البوست زاتو ... مش بس "جكسا ف خط ستة" ... (وهو - لمن لا يعلم - اسكيرت يعني ما يقول!)
... المهم ....
| |
|
|
|
|
|
|
Re: زواج الخواجة احلي زواج (Re: تبارك شيخ الدين جبريل)
|
Quote: ياخي الجماعة ديل بى حساباتهم لى "كب" الاكل وغسيل العدة والرومانسية وطولة البال ... زواج الخواجة أحلى حاجة ... تجربة أو ما تجربة ... |
بي نفس منطقك دا يا تبارك .. ممكن تجيك واحدة وتقول ليك أنا جنّي وجن الراجل البدخل المطبخ ويتحشّر في الحاجات دي (وأنا دي مرّت علي) حيبقى عندها زواج الخواجة شنو يعني ؟
Quote: مش بس "جكسا ف خط ستة" ... (وهو - لمن لا يعلم - اسكيرت يعني ما يقول!) |
جكسا في خط ستة .. ياخي إنت جبت النجيضة ... وخط ستة دا للشحتفة وليس للعرض الكامل
| |
|
|
|
|
|
|
Re: زواج الخواجة احلي زواج (Re: صبري طه)
|
يا صبرى طه نحمد لك تراجعك التكتيكى انت مش يا هو ذاتك صبرى طه الكاتب الكلام ادناه:
(يا تيسير غايتو أنا فترت من الغُلاط .. وكلامك عن اللبس فوق الركبة بالنسبة للسودانيات دا غايتو إلاّ في بيئة غير البيئة التي نشأت فيها أنا دا وإلاّ في زمن غير الزمن الأنا عشت فيهو دا .. حتى الصور القديمة موجودة صور الحبوبات موجودة يا تيسير .. ما عندنا غايتو نحن لبس فوق الركبة ولا سمعتها حتى من ناس البندر (المطلوب العادة السائدة وليست القاعدة الشاذّة) ...)
يعنى التراجع فى كلامك من انو مافى لبس فوق الركبه لى السودنيات!!!! لى ركبه جنيفر لوبيز..... بعد شويه يا صبرى حتحسبها بالسنتمترات
| |
|
|
|
|
|
|
Re: زواج الخواجة احلي زواج (Re: زينب محمد عبدالله)
|
Quote: يعنى التراجع فى كلامك من انو مافى لبس فوق الركبه لى السودنيات!!!! لى ركبه جنيفر لوبيز..... بعد شويه يا صبرى حتحسبها بالسنتمترات |
يا زينب أنا ما إتراجعت ويا ريتني لو دعّمت كلامي بالصور من البداية عشان على الأقل ما كان جاني تبارك شيخ الدين بصور العساكر والتي تظهر فيها الركب ومرّات مع الحركة يظهر جزء من الفخذ وهكذا ...
النجيضة موجودة .. وفوق الركبة دي لو اتحسستيها كويّس حتفهمي أنا قاصد شنو ...
أديك مثال (المافي شنو):
هيفاء وهبي .. زي دا ما شفتو عندنا لا في حفلة عامة ولا في حفلة خاصة هسّي أو زمان ... ما تمشي تجيبي لي حالة استثنائية بتاعة عروس وتعتدّي بيها ... (شُفتي الدُش بكتلوهو كيف)
ـــــــــ زينب التي نادت بعدم تشتيت الكورة .. وبعد أن أعدت الكّرة إلى الملعب .. رجعت وشتت الكورة بنفسها ... ثمّ أن الغُلاط وقف عند محطة شُفت وما شُفت .. غايتو إلاّ تشوفيني رجالة ساكت كدا ...
| |
|
|
|
|
|
|
Re: زواج الخواجة احلي زواج (Re: صبري طه)
|
صبرى طه بطل المكابره انت قولته مافى سودانيات بلبسو فوق للركبه لمن الناس اكدو ليك با لاعترافات والصور ان فعلا المرأة السودانيه كانت بتلبس فوق الركبه قمته لفيت ودورته وجبته ليك صوره لى جنفر لوبيز يا عزيزى وبأختصار ...نحن امتا وسطا لا بنلبس خيمه زى ناس طالبان وايران والسعوديه لا بنتعرى زى صورك الجبتها دى we don't have the idea of extreme right or extreme left الاعتدال هو المطلوب وخير الامور اوسطها
| |
|
|
|
|
|
|
Re: زواج الخواجة احلي زواج (Re: زينب محمد عبدالله)
|
Quote: زينب محمد عبدالله كتبت: صبرى طه بطل المكابره انت قولته مافى سودانيات بلبسو فوق للركبه لمن الناس اكدو ليك با لاعترافات والصور ان فعلا المرأة السودانيه كانت بتلبس فوق الركبه قمته لفيت ودورته وجبته ليك صوره لى جنفر لوبيز يا عزيزى وبأختصار ...نحن امتا وسطا لا بنلبس خيمه زى ناس طالبان وايران والسعوديه لا بنتعرى زى صورك الجبتها دى we don't have the idea of extreme right or extreme left الاعتدال هو المطلوب وخير الامور اوسطها |
دا كلامي للأخت تيسير:-
Quote: يا تيسير غايتو أنا فترت من الغُلاط .. وكلامك عن اللبس فوق الركبة بالنسبة للسودانيات دا غايتو إلاّ في بيئة غير البيئة التي نشأت فيها أنا دا وإلاّ في زمن غير الزمن الأنا عشت فيهو دا .. حتى الصور القديمة موجودة صور الحبوبات موجودة يا تيسير .. ما عندنا غايتو نحن لبس فوق الركبة ولا سمعتها حتى من ناس البندر (المطلوب العادة السائدة وليست القاعدة الشاذّة) ... |
أنا لو كايس لي مرّاقة يا زينب .. ما لونته بالأحمر بيمرقني باعتبار إنّو أيّ مثال بتجيبوهو خارج عن البيئة الأنا دا عشت فيها ... شفتي كيف ... لو بتعرفي تلعبي ويست بتضمني ليك مرّاقة قبل ما تمرّري التسمية يا زينب عشان ما يسيكوك ...
وعشان إنتو في النقاش ما تأخذوا الانطباع دا أنا مشيت معاكم عادي عشان أشوف نهايتكم شنو ... وللأسف هسي إنتي يبدو إنّو نهايتك اصطدمت بصورة هيفاء وهبي ... والدليل جُملتك اللونتها ليك بالأحمر في كلامك الفوق دا ...
شفتي جملتك دي:- لا بنتعرى زى صورك الجبتها دى
سيّكتك في قبولك يا أختي ... قولي لي كيف ؟ لأنو مضمون كلامي أنا ذاتو التعرّي دا .. يعني باختصار ما بسمح لي زوجتي تخرج متعرّية ... والتعرّي شيء نسبي عند الناس .. السعوديين عندهم البتكشف وشّها ساي دا تعرّي ما بعدو تعرّي (شفتي كيف) ...
ـــــــــ يا أخوان واحد حريف يجي يشرح لعبة الويست للأخت زينب
ــــــــ تاني برجع وأقول ليك جملتك اللونتها ليك بالأحمر في كلامك الفوق دا بتخليني أخلف رجل فوق رجل وأسف لي سفّة جامدة ومعاها سيجارتين واحدة حمراء وواحدة تانية أياً كان لونها أحب المعيار ذاتو ؟ وبي وجناتو
| |
|
|
|
|
|
|
Re: زواج الخواجة احلي زواج (Re: صبري طه)
|
غايتو يا صبري فعلا يوم اعلنت فترك من الغلاط دا كان يوم تأريخي وما بتكرر تاني وانت الليلة كفّرت عنو تمام تاني ما بحلهن منك إلاّ الكوتة تكمل أو برشلونة يترش :)
Quote: اها نرجع للخواجة وحاجاته الكويسة
الخواجة ما بنق كتير ويحكها شديد : دائما يديك الثقة في نفسك ويتناقس بهدوء ويصدق كلامك وخاصة اذا كان الموضوع له علاقة بتخصصك .. احترام مبالغ فيه ودائما يشجعك في المشاريع والافكار المستقبلية |
يا حليمة تو عدم النقة و اعطاء الثقة و تصديق الكلام و بالطبع عدم الإستعجال دي صفات فردية ممكن يكون جون كدا لكن فليب أخوه ود أعمه عكسو نقناق و فقر و ما بثق في جنس ولية و على العليه مستعجل وحالته بالبلا يعني دي ما صفات شعوب ومجتمعات فبالتالي تعميمها كدا لا يصح وزي ما قلتي تبقى دي خلاصات ونتائج تجارب فردية لا يمكن الأخذ بها لو بقى الحديث عن ثقافة مجتمعات تحكمها عادات و سلوك وتربية و أعراف وقوانين فدا موضوع تاني خالص
| |
|
|
|
|
|
|
Re: زواج الخواجة احلي زواج (Re: محمد البشرى الخضر)
|
Quote: وزي ما قلتي تبقى دي خلاصات ونتائج تجارب فردية لا يمكن الأخذ بها لو بقى الحديث عن ثقافة مجتمعات تحكمها عادات و سلوك وتربية و أعراف وقوانين فدا موضوع تاني خالص |
صعب تفصل الاتنين.. الافراد -الى حد كبير- نتاج مجتمهعم وثقافتهم.. بخيرها وبشرها عشان كده الرجال السودانيين -مثلا- عندهم خصائص مشتركة بعداك بتجي الفروقات الفردية.. البتخلي الواحد اقل او اكثر سودانية من غيره..
لكل من الثقافات المختلفة كيان مميز واطار عام .... لكنها تسمح بقدر من التفاوت -في نفس المجتمع- بين مجموعة واخري وبين زيد وعبيد
| |
|
|
|
|
|
|
Re: زواج الخواجة احلي زواج (Re: نجوان)
|
يا نجوان حاجة زي فلان نقناق و علان لأ و فرتكان ما بحكها شديد و دنجوان يفعل علاقتها شنو بالمجتمعات دي صفات - أو نمط سلوكي - فردي ممكن يتلقي في مكان في العالم وفي مجتمعات مختلفة كونو الأفراد نتاج مجتمعهم و المميزات العامة للثقافة فدي تنطبق على انماط سلوكية تانية زي مثلا البرود, العاطفية, الدقة, السبهللية, الجدية, التسامح... إلخ لكن الاستعجال مثلا !!! كمووووون
| |
|
|
|
|
|
|
Re: زواج الخواجة احلي زواج (Re: نجوان)
|
عليكم الله البوست دا عن عرس الخواجة ما عن النسوان واللبس الشاذ والداير يتكلم عن النسوان ومساويهم يمشي البوستات ديك وخلونا نحن هنا نحتفل بالخواج ونتونس بيه
| |
|
|
|
|
|
|
Re: زواج الخواجة احلي زواج (Re: صبري طه)
|
يا صبري انت غيرت موضوع البوست لاكين ما مشكلة ...
الموضات الكانت منتشرة ما كانت زي هيفاء وهبي ... كانت كدا:
وكدا:
لامن المجتمع يتغير النظرة بتتغير ... ما تتشفتن علينا ...
وانا متأكد انو الألبومات الأسرية تحفل بالصور (البيختو فيها اليدين في الركبة زي التشهد) حافلة بالمودات والأشكال البتودي التوج بمعايير اليوم ...
المشكلة في معايير اليوم ... لأننا عمومًا بنعاني من انحطاط بوتيرة متسارعة على مر الزمن ... في الفكر والحضارة والمجتمع والسياسة والإقتصاد والإنسانية والمودة ... وهكذا ...
... المهم ....
| |
|
|
|
|
|
|
Re: زواج الخواجة احلي زواج (Re: وضاحة)
|
Quote: المشكلة في معايير اليوم ... لأننا عمومًا بنعاني من انحطاط بوتيرة متسارعة على مر الزمن ... في الفكر والحضارة والمجتمع والسياسة والإقتصاد والإنسانية والمودة ... وهكذا .. |
من اجمل ما قرأت .. شكرا يا تبارك ياخ..
| |
|
|
|
|
|
|
Re: زواج الخواجة احلي زواج (Re: وضاحة)
|
بق بق دا ما يشوه تفكيرك ... الكلوش هو الـ waste line يا دكتورة ...
يعني المخصّر كلوش والما مخصّر شوال ... وانا كتبت لى صبري طه "جكسا ف خط ستة" دي هو طلع جهلول ..
نشكر حبوبتك الشففتك اسم المودا ...
(هسى بقينا في "الوزير دقس" و "أوكامبو")
... المهم ....
| |
|
|
|
|
|
|
Re: زواج الخواجة احلي زواج (Re: تبارك شيخ الدين جبريل)
|
Quote: و بالطبع عدم الإستعجال دي صفات فردية
|
الا العجلة ,,
العجلة من السواداني العجلة ما فردية ,, سودانية مية المية وارثين الشهامة من عهداً بعيييييد ,, اللخ اللخ
(بتكلم عن العجلة بصورتها الكبيييييرة طبعاً)
يا بني السودان ,, هذا رمزكم المافي شنو!؟
-----
يا صبري انت من وين في اللهل!؟ ما ياها رفاعة حاضرة شرق الله البارد عموم؟
اها انا المن كريعات ريفي تمبول الريفي رفاعة دا شفت الكلوش، ،بعرف الشوال و جكسا في خت ستة!!
وما اعتقد اني اعجز منك كتير خالص اوي كدا يعني ,, ول شنو؟
| |
|
|
|
|
|
|
Re: زواج الخواجة احلي زواج (Re: Halema2)
|
Quote: نقطه نظام : البوست دا مخصوص للخواجات اصحابنا العايز يتكلم عن موضوع تانى يفتح بوست انتبهو يا بنات لى تشتيت الكوره من بعض الاعضاء الذين لم ياتو لى حوار :) |
| |
|
|
|
|
|
|
Re: زواج الخواجة احلي زواج (Re: Halema2)
|
Quote: ا نجوان حاجة زي فلان نقناق و علان لأ و فرتكان ما بحكها شديد و دنجوان يفعل علاقتها شنو بالمجتمعات دي صفات - أو نمط سلوكي - فردي ممكن يتلقي في مكان في العالم وفي مجتمعات مختلفة |
اختلف معاك هنا.. في مجتمعات نقاقة جدا .. خلينا مع الزوج المصري شوية.. نقة وتحكم مبالغ فيه .. ثقافتهم كده الا من رحم ربي.. عكسه الخواجة.. الغالبية ما بتشوف فيها سلوك زي مثال المصريين ده..
ده ما بمنع انه يكون في زوج مصري ديموقراطي وما نقاق.. او امريكي نجاض لكن بصورة عامة كثير من الثقافات الغربية ما فيها نقة كتيرة وفرض رأي..
| |
|
|
|
|
|
|
Re: زواج الخواجة احلي زواج (Re: نجوان)
|
Quote: ... يمكن المسالة راجعة لي قدرتكن على تقديم تنازلات اكتر ؟؟ |
سلام اخ عثمان وشكرا للمشاركة
برضو كلامك فيه اجحاف فى حقنا مين القال نحن بنقدم تنازلات بالساهل وعن اى تنازلات بتتكلم ? ماهدبل مليون سودانى عرسوا خواجيات واندمجوا وقدموا كمية من الت نازلات ومافي حد اتكلم ...
تحياتى
| |
|
|
|
|
|
|
Re: زواج الخواجة احلي زواج (Re: Halema2)
|
Quote: فى السياسة بين الشعوب فى هكذا أمر مافى! كل زول إستيك لثقافته و الإندماج لا يتم إلا بعد التحول الكامل للثقافة الثانية وهجر الثقافة الأولى و طبعاً دا غير ممكن لإنسان نشأ فى ثقافة معينة |
مابالضرورة ياالصادق ومافي تحول كامل فى موازنة بين الثقافتين ومانحن البنهجر ثقافتنا كليا والا ما كان طبخناليهم اكلنا ولبسناهم الجلابية وديناهم السودان ... الكلام دا فيه اجحاف في حقناوالله نحن النساء ديل اكتر تمسكن بثقافتنا وبنحبها خالص لكن مسالة الزواج دى قرارات شخصية وتجارب وحاجات تانية حاميانى ....
| |
|
|
|
|
|
|
Re: زواج الخواجة احلي زواج (Re: Halema2)
|
غايتو بي طريقتكم دي : زواج مغربية زواج موريتانية زواج خواجة زواج خواجية زواج تشادية زواج نجيرية بالطريقة دي بعد 15 سنة الا نسأل زول : السودان ده شكلو كان كيف علما باني من انصار زواج السودانية ام شلوخا مطارق غايتو يااستاذة حليمة وجاراتها وتبارك وجيرانو كدي شوفو لينا منطقة وسطي لكم التحية
| |
|
|
|
|
|
|
Re: زواج الخواجة احلي زواج (Re: عمر محمد ابراهيم)
|
قبل ما أرد على مُداخلة صورك الأخيرة يا تبارك ...
Quote: تبارك شيخ الدين جبريل كتب: يعني المخصّر كلوش والما مخصّر شوال ... وانا كتبت لى صبري طه "جكسا ف خط ستة" دي هو طلع جهلول .. |
يا تبارك لا جهلول ولا يحزنون ... في عُرف جيلنا نحن "جكسا في خط ستة" ليس كالصور التي جلبتها ...
أشرحها ليك: في لبسة اسمها خطوة فاتحة من خلف الإسكيرتي ... أها يا حبيب لمّا الإسكيرتي يكون قصير نوعاً ما وهو بالطبع تحت الرُكبة في كل الأحوال مع المشي بيظهر الجزء الأعلى من الساق في الخلف وكلّما اتّسعت الفتحة زاد ظهور الساق حتى يصل مرحلة ظهور جزء من الفخذ ... أها يا حبيب دي عندنا إسمها جكسا في خط ستة ...
لو الحاجة دي عند جيلكم مافي ما تصف الناس بالجهل ملح ساكت كدا ...
Quote: حليمة 2 كتبت: لا يا تبارك مشكلة وعليك الله خليك لذيذ وما تجاريهو .... |
يعني أنا ما لذيذ
| |
|
|
|
|
|
|
Re: زواج الخواجة احلي زواج (Re: صبري طه)
|
Quote: قيقراوي كتب: يا صبري انت من وين في اللهل!؟ ما ياها رفاعة حاضرة شرق الله البارد عموم؟
اها انا المن كريعات ريفي تمبول الريفي رفاعة دا شفت الكلوش، ،بعرف الشوال و جكسا في خت ستة!!
وما اعتقد اني اعجز منك كتير خالص اوي كدا يعني ,, ول شنو؟ |
قيقراوي جا يكحّلها عماها ... ليتك قُلت من خلال صور أو ما شابه ذلك ... ولكن لو كان قصدك إنّو جكسا في خط ستة زي صور تبارك الغير سودانية دي وفي نفس الوقت تكون شُفتها عياناً بياناً وفارق السن بيناتنا ما أظن يتعدّى ثلاث إلى خمس سنوات ...
غايتو الحاجة الوحيدة الممكن أقولها ليك وفي رفاعة بالذات إلاّ تكون شُفتها في قبائل غير التي ذكرتها ...
والصورة أدناه توضّح الحد الذي ربما إعتقدته وإعتقده تبارك بأنّه جكسا في خط ستة بتاعة صور تبارك ...
| |
|
|
|
|
|
|
Re: زواج الخواجة احلي زواج (Re: قيقراوي)
|
Quote: أسرعت إلى قارع الطبل " هادم اللذات " كى أعاتبه على فعلته وقبل أن أفتح فمى رفع كفه نحوى وكأنه يقول لى لاتفتح فمك بكلمة وبادرنى قائلاً : يا ولدى الزيك ده كان إنجلد وضحكت عليه العالمين . سألته على عجل ، لماذا !؟ وكان أن أجاب قائلآً : يا ولدى شفت السيطان الفى إيدين البنوت دى كلها كان وقعت فيك ضرب . وجدنى أنظر إليه منتظراً إجابة أوضح فأردف قائلاً : ياولدى .. نحنا ماعندنا زول بعاين ل "..." بنيه ، السوط الشايلاهو كل واحده منهن عشان تضرب بيهو البعاين .. وعشان كدى ياولدى كل واحد من وليداتنا لمن تقرب منو بنيه بدنقر راسو .. الإحترام واجب ياولدى . وواصل قائلآً : أنى كنت بعاين ليك قوى وشايف عويناتك كانت ماشيه وين فشان كدى وقفتهن قبل مايلحقوك ! |
ما لونته بالأحمر هو مربط الفرس يا قيقا ... أتدري ما هو ردائهن الذي يكسيهن ويحميهن من النظر إليهن ...
إنه السوط ... يعني بالدارجي كدا بدل يلبسن (ياخي ما قادر أقولها) لبسن سياط
ــــــــــــــــ
Quote: نحن ندلى الميت فى الحفرة واقف على قدميه ثم نضع الشوك كى لايأكله المرفعين ، وعند الآخرة " يوم القيامة " لامن الجلابى يحفر ويمرق من حفرتو يكون زولنا قطع مسافه ! ياله من تفسير يتماشى مع العقل ! |
لكن ما تقول لي العقل عندهم
| |
|
|
|
|
|
|
Re: زواج الخواجة احلي زواج (Re: يوسف الدفينة)
|
الاخت زينب تحياتى
Quote: ردود سريعه : الاخ خضر الطيب انا لم اصفك اطلاقا بالجهل وانت من الاعضاء الانا بقرأ مداخلاتهم وعندى ليك احترام وتقدر |
ولكى من الاحترام والتقدير الكثير ... انا قلتا اختنا زينب دى الليله مالا قامت على .. مع العلم انو الاسم دا مقدس عندى
بالنسبه للاجانب عموما انا ماكان عندى تجربه وبالذات الخواجات ديل انا بتحاشاهم كثير ..
عايش معاهم ودرستا معاهم وشغال معاهم وشفتا ناس متزوجين منهم ..
وطبعا دا خيار انا ماعندى اعتراض اى زول يتزوج اى زول فى الدنيا دى
واتمنى ليهو السعاده لكن القصص كثيره ومريره بالذات فى البلد دى .
وكمان الامراض الجنسيه اكثر ...
دائما المواضيع ذى دى محتاجه علماء نفس واجتماع واحصائيات دقيقه اذا الناس حبت تناقشا بواقعيه وعلميه.
ذكرت الاخت حليمه بانها شهدت تجربة زواج من خواجه واشادت بيها ,
التجربه دى لو ماحصلت للزول فى رقبتو دى ما اظن يقدر يدى عنها افاده سليمه
لانو الناس لما يدخلو بيتم مابعلم بيهم الا الله , حتى لو قالوا الحاجات مابتصل بتفاصيلا .. بس الله غالب .
كت اوت:
الخواجيه بيضاء مكويه .... والخواجه ماعندو حاجه
| |
|
|
|
|
|
|
Re: زواج الخواجة احلي زواج (Re: خضر الطيب)
|
Quote:
يعني بالدارجي كدا بدل يلبسن (ياخي ما قادر أقولها) لبسن سياط
|
انت قريت المقال دا كيف يا صبري!؟
--------
استجلتا يا عمك!!
انتو بس طواااالي في اي ي ي ي شيء مستعجلين يا بني كجة؟ حيرتونا
ماشي اشوف المستعجل ود القاضي بهناك جبت ليو شنو كمان
| |
|
|
|
|
|
|
Re: زواج الخواجة احلي زواج (Re: قيقراوي)
|
غايتو أنا خايف حليمة2 ست البوست بعد دا تفتح فيني بلاغ ... باقي لي رد على أخونا تبارك على مُداخلة الصور الأخيرة ... بردّو بكرة إن شاء الله ...
Quote: انت قريت المقال دا كيف يا صبري!؟ |
زي صاحبك المنتظر دورو وطيروهو منّو بالطبل :)
ــــــــــ يا قيقا القصة ما قصة استعجال ياخ ... يعني لولا السوط لكانت الملامة ... بنفس المعادلة دي لولا الحشمة باللبس عندينا لكانت الملامة ...
حريمهم لابسات سياط وحريمنا لابسات جكسا × خط ستة
كلما بعد الخط بعُدت النظرات = كلما اقترب السوط بعُدت النظرات وهم لو ما بعاينوا شالوا ليهم السوط ليه ؟
| |
|
|
|
|
|
|
Re: زواج الخواجة احلي زواج (Re: صبري طه)
|
Quote: غايتو أنا خايف حليمة2 ست البوست بعد دا تفتح فيني بلاغ |
مبالغة لكن ؟ اقول لك حاجة انا خليت لك البوست دا والخواجة ظاتو .. ماشي اشوف لي هندي ولا صومالي .. ياخي كرهتنا ...
سلام
_____________________ يا جماعة الخير انا بعت الارض دي لصيري طه بكامل ارادتي
والسلام
| |
|
|
|
|
|
|
Re: زواج الخواجة احلي زواج (Re: يوسف الدفينة)
|
يا حليمة لا كرهتك لا يحزنون .. من حرف مجرى النقاش هو الأخت تيسير عووضة بالرد على مُداخلة لي متعلّقة بمضمون بوستك نفسو وهي متعلّقة بالعادات والتقاليد الداخل فيها خواجيك دا ... راجعي مجرى النقاش وشوفي الانحراف كان وين ... ثمّ أنني عُدت إلى مجرى النقاش وأصرّت زينب إلى الخروج مرّة أخرى ... وكذا واصل البعض ردودهم علي كتبارك وقيقراوي ... فما تتزهجي فيني بدون وجه حق ..
الأخوة والأخوات يمكنكم مُتابعة النقاش حول اللبس وجكسا في خط مافي على الرابط التالي: جكسا في خط ستة
| |
|
|
|
|
|
|
Re: زواج الخواجة احلي زواج (Re: صبري طه)
|
Quote: والله لو بعوسة وياكلنى ليها فى فمى ما بعرسوا قال خواجة ديل نسوان موهومات
|
تحياتي وضاحة ..
سمعتي بي التمساح العجبو الشايقي لامن بلعو بطنو طمت ..؟؟
مع الاعتزار لاهنا الشايقية ...
| |
|
|
|
|
|
|
Re: زواج الخواجة احلي زواج (Re: على محمد على بشير)
|
والله بوست جميل والحوار فيه سلس وشيق جدا وتحيه خاصة للاخت حليمه 2 شكرا حواء السودانيه وتظل هى رمز للتفرد و والعطاء ونكران الذات استمتعت جدا بمداخلات الاخوات الفضليات نجوان واسمارت وزينب ومريم وتيسيبر ورشا احمد وداليا حافظ
الاخوات تيسير عووضه ورشاء احمد رجاء اخوى كفوا عن هذا فهذه اللغه لاتشبهكن والشيطان شاطر
الاستاذ كبر دوما مدادك من ذهب وتحيه للراقى دوما محمد البشرى الخضر الحبيب صبرى طه اسمع كلام تبارك دا كويس و الدهن فى العتاقى وماتشت الكوره
قيقرواى ياخ بقيت مضرب لامثال المافى شنو؟ والعجله ماسدارى
مناشده اخيره حلوم عليك الله واصلى خلينا نستفيد وصبرى خليه ينقرع ولا بنربطو ليط ليك فى اقرب رجل عنقريب
مع مودتى والتحيه ليكن كلكن
| |
|
|
|
|
|
|
Re: زواج الخواجة احلي زواج (Re: يوسف الدفينة)
|
كتب صبرى
( ثمّ أنني عُدت إلى مجرى النقاش وأصرّت زينب إلى الخروج مرّة أخرى ...)
عدت للنقاش بعد كل الكتابه الكتبتها فى موضوع اللبس فوق الركبه
يا خى الناس كانت بتحاول تخرجك من التناقض والشربكه الانت دخلتا روحك فيها وكل ما الناس يحاولو يوضحو ليك انو السودان ده كان بلد جميل وفيه حريات وكانو الناس ما بنظرو لى الناس لابسه شنو وكانت الاخلاق عال العال مش زى هسه انت مصر على الغلاط ...مره بالاحتماء وراء البيئه ومره وراء القبيله ...كأنو انتو عايشين فى كوكب تانى
فى النهايه قمته لقيت ليك مراقه فى كلمه التعرى الانا كتبتها فى مداخلتى الاخيره !!! طيب ما كنت تقولها من اول مره وتريحنا وزى ما بقولو خير الكلام ما قل ودل ..وبالمناسبه يا صبرى اسمو الاسكيرت مش الاسكرتى
معليش يا حلوم يا الخاتيه اللوم ...لكن نحن فى يدنا القياده سوف نحاصرهم من كل الاتجاهات حتى يدفعو فروض الطاعه عن يد وهم صاغرون :)
لقد ولى عهد الخنوع والطاعه العمياء وانتهى عهد التسلط والحقوق تأخذ ولا تعطى
| |
|
|
|
|
|
|
Re: زواج الخواجة احلي زواج (Re: زينب محمد عبدالله)
|
استاذة زينب انتي عسل ياخ ..
بالنسبة للجاين بسوط العنج ودايرين يخوفنا بالدين ويعلمونا ..المكنة دي ما بتقسم هنا ..معظم النساء الهنا ديل ناضجااات لمن بيحيروكم ..افخاخكم مردودة عليكم ..والله هو الحسيب وحده لا شريك له ..
نلبس نحن ..البسوا اهلنا ..ده شهرا ما عندكم فيهو نفقة ..سالتونا عن الزمن داك وقلنا ليكم الكان حاصل المواعظ لشنو ..؟ وهسة في الزمن ده انا داليا دي ما عندي راي سلبي في أي أختيار واحدة لزيها ..كل زول عندوا حدودا البفهما وبقدر بيها اتصرف كيف ..وصاية مافي ..، وأنا دي برضو كأم وعندي بنت ببين ليها حدودنا نحن كاسرة ومجتمع وفق حسابات بنحددا انا وأبوها ..وبعداك هي وخياراتا ..تاني شنو ؟
نرجع للخواجات ..
| |
|
|
|
|
|
|
Re: زواج الخواجة احلي زواج (Re: داليا حافظ)
|
Quote: في حتة مهمة لازم نصل ليها .. الخواجة دا لو اسلم بتكون مصيبتو مصيبة .. لانو حا يتقيد بي تعاليم الاسلام .. وبي كده حا يكون ذي الرجل السوداني وزيادة شوية كمان .. اولاَحا يطالب بي قوامة الرجل على المرأة .. وحا يلتزم بي تقاليد الاسلام .. وحا يكون بارد جنس بــــــرود .. لانو جرب المسيحية بي حرياتها والاسلام بي تقاليده.. يعني حا يكون مافي حاجة ما شافه .. .. |
والله ضحكتني يا استاذ يوسف ياخ ..
جاري للخواجة الاسلم يا دابو ..والما حيقدر يتقيد بي تعاليم الاسلام ..ده باعتبار انو كل (المسلمين) متقيدين بالتعاليم ..!!
وباعتبار كل الرجال السودانيين(المسلمين ) ما شايفيين ..، بتتكلم عن منو أنت بالضبط ؟عن ياتو مسلمين ..المتدينين ولا العصاة..؟ولا البين بين ..؟المسلمين ديل ماناس عاديين فيهم العمل الخواجة ذات نفسه ـ ده باعتبار الخواجة ضد مسلم ـ ما فكر يعملوا في احلامو ..
| |
|
|
|
|
|
|
Re: زواج الخواجة احلي زواج (Re: داليا حافظ)
|
Quote: اجيكم من الآخر .. الاسلام بيمنع زواج المسلمة من المسيحي او الكافر .. وبي كده حا نخش في امور الردة عن الاسلام وكده .. وطبعاَ حا تكونوا بين خيارات كتيرة احلاها مر Quote: فلو اخترتوا الخواجة اما الضرب بي السيف ولا المشنقة حسب تعاليم الاسلام .. ولو اخترتوا السوداني كانك يا ابو زيد ما غزيت ولا ضقته الغزو |
.. |
قلت لي حملة تأديبية عديل كدة ..يا زول انت جاي من ياتو عصر ..هسة لو في واحدة مسلمة قررت تزوج مسيحي مثلا ..وأتفقت معاهو ظاهريا يدخل الاسلام عشان الموضوع يمشي انت ده بسيف ده حتقدر تعمل شنو ؟ ده للناس الماعايزين مشاكل ..
لو واحدة قامت واتحدت وقررت تعمل كدة علنا ودعت الناس ..يازول القيامة ما بتقوم وزول كدة بقدر يعمل حاجة مافي ..يا اخونا شغل العنترة ما بسوي شي..لبنى أحمد حسين ببنطلون ساي وقفت الناس على رجل واحدة ..
تعالوا لينا بالحسنى أحلى مننا مافي
| |
|
|
|
|
|
|
Re: زواج الخواجة احلي زواج (Re: صبري طه)
|
Quote: كدى وضاحه خليها انتا سمعت بى قصة يوسف الظراط ؟ |
بالله عليــك ..!! تصدق رقصة يوسف الظراط دي انا ما سمعته بيها .. طيب لو عندك يا ود البشر ممكن تحاكيها لينا ولا اقول ليك خلينا نشوفها لو امكن ..
تحياتي حبيبنا علي ...
| |
|
|
|
|
|
|
Re: زواج الخواجة احلي زواج (Re: يوسف الدفينة)
|
Quote: اذاَ يجب علينا ان نقف عند امرين الاول يخص عنايتكم و شخصكم الذي يبحث عن زواج المرأة السودانية من الخواجة دون الرجل السوداني .. والثاني يخصنا نحن اصحاب الجهد و الشأن .. ففي الذي يخصكم .. هل انتم مؤمنين بالدور الذي تادونه ضد الرجل السوداني ..؟؟ ومدركين لما يترتب على ذلك في اوساط المجتمع السوداني ولو كان الامر مجرد فقاعة في محيط عريض ..؟؟ |
يا استاذ يوسف سلام
أنت جاد؟
اولا البوست ده ما بنفصل عن السياق الاتكتب على أساسه ..يعني استاذة حلمية وهي قادرة على الرد ما جات كتبت بوستها ساي كدة ..وهو زاتو كان في شكل مزحة لكن برضو بتخللوا انتقادات نتفق معاها او نختلف هي كانت كرد للبوستات البتشجع الزواج من غير السودانية (لو ما شفتها)..ده جانب ..
الشيء التاني فيما يخصني ..أبدا لم أدعو لذلك ..ومع ذلك ليس لدي اي مانع ان يتيمم أيا كان راجل او إمراة القبلة البتريحو..وبشكل شخصي أكتر زوجي البحبو ومقتنعا بيهو وهو سوداني بالمناسبة..لو كان هو زاتو بشخصيتو دي "خواجة" فلن اتردد في الزواج منه ..لكن ما حاجي يوم وأكتب يا بنات يلا اركباكم طيارة تمشوا بيها بلد الفرنجة تنقوا زي ما عايزين ..
بالنسبة لي كل الردود الاتفضلوا بيها الأخوات وهن قادرات عن الدفاع عنها ..، مابتقدر تفصلها عن سياق كونها رد على كل الاستفزاز السخيف البقلل من شان السودانية ..، وفي ذات الوقت بتحمل في طياتها نقد مباشر اذا نحن ما عاجبنكم ..فنحن برضو عندنا تحفظاتنا ..، الموضوع بسيط شديد ..
| |
|
|
|
|
|
|
Re: زواج الخواجة احلي زواج (Re: يوسف الدفينة)
|
صبري انت أصلو ما حتقدر تفوت البوست ده .. يا أخي انت أول الناس الـ صفقوا لحليمة لما فتحته..!
أنا لي ساعتين بقرأ في البوست ده بعد ما دخلت بوستك بتاع جكسا في خط كم كده ما عارفة ولقيت في اشارة لهيفاء وهبي... واكتشفت انه فاتني كتير.. وفجأتن لقيت قيقراوي والدفينة يدلوا بدلوهم خاصة الدفينة عنده دلو كبير خلاص... تحياتي لهما يا صبري .. شايفاك وتبارك تفتوا بغير علم في موضة لبس البنات حأجيكم بهناك .. المهم.. في "كوتات" كده عجبتني وعايزة أعيد كتابتها تاني (في المداخلة التالية) وللاسف بعض المداخلات ضاعت في زحمة الكلام ..يا حليمة لازمك في الويك اند تقري البوست تاني وتلخصيه وتضعيه في نقاط عشان في ناس فعلا جادين وعايزين يعرفه لو في حاجة بيحتاجوا ينتبهوا ليها في مستقبل حياتهم المشتركة..شكرا ليك وللجميع..
| |
|
|
|
|
|
|
Re: زواج الخواجة احلي زواج (Re: rummana)
|
Quote:
وبذلك تنكمش المرأة السودانية وتكسل وتتخشب بفعل احداث وتطور معظم الحراك الاجتماعي والعقائدى والاخلاقي بل ومجمل تقلبات الحياة والتاريخ بما حوى وحمل ثم تنحصر المرأة السودانية في الجزئية السيادية التي عفا عنها الزمن وصارت جزء من الحقيقة التاريخية البالية بل وتظل تلك الانا تسيطر على معظم تصرفات المرأة السودانية لذلك لم ترتقي المرأة السودانية للمكانة القيادية المتطورة التي تتمثل في شروطها تطور المجتمعات وتطور الاحداث من حولها وكل هذا نتج عن الجهل والاستسلام للماثرات التي من حولنا دون الرجوع الى التمسك بالعرف الديني والتقاليد والجهل هنا لا يكمن في معناهو المادي ولنه يكمن في الكيفية التي تمكن المرأة من فهم الاحداث من حولها والتأقلم مع احداثياتها ..
اعتقد بان كل تلك المؤثرات ادت الى تكوين شخصية الرجل السوداني التي اعتبرها حقاَ قوية ومؤثرة لقدرتها على التكيف من ذلك الجهل والاستسلام الذي يعتري بعض حواء السودان
|
تعجبني يا استاذ يوسف .. بس مرات مرات قاعد تجامل بنات حواء ديل على حسابنا !
-----------
رمانة الفوق دي جهلا من النوع المادي ... مادي لسانو عشان تفرزي يا ديجانغو ..افرزي يا رمانة ياخي .. شن لم المغربي على الشامي؟
يوسف ايها الصدّيق ياخي مداخلتك -رغم الاطناب*- لكن قريتا حرف حرف .. وما عرفت اقتبس شنو واخلي شنو؟
المهم (دي ما حقت تبارك) نتكلم في الدين
عارف عمك جان جاك روسو، بتاع العقد الاجتماعي والافكار الكافرة دي .. الزول دا كان بحب ليو واحدة، دينا مختلف .. انقر ما قلب!؟ زي الترتيب! اها ناس الفريق، الكلام دا ما عجبم كلوكلو .. ويحك ..اصبأت عن دسن الاجداد يا ابن اب رويس ( ودا كان دلع روسو)؟ المهم يا سيد الامنتي ليك ما خلو لسو جمبة يرقد عليها .. آل الغبيان .. السجمان .. الصفتك .. النعتك .. صاحبنا ساكت سااااي ..راقدلو فوق راي انت قايلو ساي؟ لا لا ياخي .. فتحة خشمو كدي جابا ليم ضقلا يكركب: دين مبشرينو زي الزولة دي .. اكيد يؤدي الى الجنة المافي شنو (صراحة كدي، بعض الروايات لم تتضمن اللفظ الاخير)
شفت كيف؟
* بتذكرني بشبابي المنبري ... اييييه يا حليلنا فيها
| |
|
|
|
|
|
|
Re: زواج الخواجة احلي زواج (Re: يوسف الدفينة)
|
شكرا يا استاذ يوسف على تهذيبك في الحديث
وأعذرني ان كنت من انصار ما قل ودل ..
Quote: في حتة اسلام الخواجة ظاهرياَ نؤمن بان سنن الاسلام ليها بي الظاهر لكن الا تتفقين معي بان مجرد التفكير في تصرف كهذا مثل ان يسلم الخواجة ظاهرياَ لمجرد ان ديننا الاسلامي قد يحول بينه وبين تلك السودانية هو في الاصل تنازل عن قناعات كان يؤمن بها هذا الخواجة بمثل قناعتة بالارتباط بامرأة سودانية هنا نتساءل الا يمكن ان تتزحزح تلك القناعة في الارتباط لاقل الاسباب الواهية كما تنازل عن قناعتة ورضخ لقوانين السماء وشرع الله ..؟؟ اعتقد بان المبدأ الذي يتجسد في هذا الخواجة هو مبدأ غير جدير بالاحترام وبالتالي شخصية الخواجة هذا هي غير جديرة بالاحترام ايضاَ .. |
ما قلته عن فكرة التحايل على الدين والاعراف ..هو مجرد إفترااااض ..للتدليل على ان فكرة الترهيب ليست مجدية ..
Quote: اما بالنسبة للاستاذة لبني في في اعتقادي انها سعت للشهرة اكثر من مسعاها لرد اعتبارها وتثبيت قناعاتها وحقوقها المهضومة واعتقد بانها قد سقطت في نظر المجتمع الذي نعلم سقوط مريع لن ترد لها مكانتها ومكانة اسرتها في المجتمع كل تلك الاصوات والهيئات التي وقفت من خلفها ونادت بنصرة قضيتها فبالرغم من قناعاتنا التي نؤمن بها ورغباتنا التي نتطلع الى تحقيقها ان كانت صدقاَ او مجرد زيف نتوهمة لا نستطيع ان نقف امام المجتمع كما توهمت الاستاذة لبني بانها ستقف مناصرة ارائها امام المجتمع كما ناصرتها امام سلطة الهوان فان لم يقلها ويعلنها المجتمع فانه قد امن على منهاضته لتصرف الاستاذة لبنى التي حادت عن تقاليد المجتمع وحادت عن التقيد بشرع الله فللمجتمع قانونه التقليدى الذي يكمنا به به صغير المجتمع قبل كبيره .. |
موضع لبنى كان مثال أيضا لفكرة إمكانية الانتصار للحرية الشخصية ..، في زمن منفتح لا يملك فيه أحد الاستفراد بالأخر ..
Quote: اعتقد بان كل تلك المؤثرات ادت الى تكوين شخصية الرجل السوداني التي اعتبرها حقاَ قوية ومؤثرة لقدرتها على التكيف من ذلك الجهل والاستسلام الذي يعتري بعض حواء السودان وعلى ما اعتقد بان نتيجة لذلك خرجت بعض اصوات حواء السودان التي اعتبرها نشاذاَ و التي تنادى بالارتباط بالرجل الاجنبي كالخواجة مثلاَ رغم انف الدين والتقاليد والمجتمع .. |
فهمي لكلامك أعلاه جعلني اعتقد أنك بتقصد كلمة تساهل بدل تكييف ..لأنو فكرة التكييف هي دلالة على ان الموضوع كبير وليس مجرد بعض الاصوات النشاذ ..، لكن التساهل بتاع الرجل السوداني ـ حسب مفهوم كلامك ـ خلانا نتطاول ..مش كدة ؟!
ثم هل الدين يا سيدي يدعو للعنصرية ..؟ والتغيرات الحصلت في (مجتمعات السودانيين) أنت واعي ليها ..؟، هل في بالك الأجيال الاتولدت واتربت في المهاجر ؟ طاف خفي يالك كم واحدة و واحد سافروا واحتكوا بثقافات أثروا وتأثروا بيها..؟..الارتباط بجنسيات مختلفة واقع معاش لا انا ولا انت بنقدر نوقفوا ..، ثم نوقفوا ليه اصلا ؟!طالما انو شروط صحتو متوفرة ..وهنا ما بقصد (الدين) بقدر ما بقصد ان يكون عن قناعة وليس مجرد إنتهازية أو مصلحة ..
Quote: سؤال بسيط يطرح نفسه استاذتي داليا لماذا نجح الرجل السوداني بان بفوز بقلب الكثر من الاجنبيات بمختلف جنسياتهم ويتمكن من الارتباط بهم والامثلة في ذلك كثيرة ومتعددة لدرجة انها اصبحت ظاهرة ولم تستطيع المرأة السودانية فعل ذلك الا عبر المنجاة عبر بعض البوستات التي لا تبرح مكانها ..؟؟ |
بالجد ما عارفة إحابة لسؤالك الاول ..ياريت تجاوب لي انت ..
مناجاة شنو لا سمح الله ..؟ أنت ما مواكب شكلك سودانيات كثيرات متزوجات أجانب وفي اماااان الله حياتهم زي الفل ..، لكن اعتبارك للموضوع على انو مجرد "مناجاة" ..بتناقض مع وصف البوست بالعمق ..بل خوفك من الدعوة والتأثير على الآخرين كان "أوفر" شوية ، فإذا الفكرة سطحية كدة فقدارهقت قلمك في الفاضي ..
| |
|
|
|
|
|
|
Re: زواج الخواجة احلي زواج (Re: Halema2)
|
Quote: طويـــــــــــــــــــــــــــــــــــــــــــل ولا قصير ..؟؟ عريض ولا ضعيف ..؟؟ راسو اشقر ولا راسو اسود ..؟؟ خشمو عريض ولا ذي الودعة ..؟؟ عيونو خضراء ولا عسلية ..؟؟ جبهتو عريضة ولا صغيرة ..؟؟ لونو ابيض ولا حمريطي ..؟؟ تصرفاتو كيف ..؟؟ بياكل واقف ولا نايم ولا نص نص ..؟؟ بيمص ولا بيمدغ مدغ ..؟؟ بالله صورة كاملة للخواجة دا نقدر نتفاعل مع الموضوع قدر ما حاولته اخمر فكرة ما قدرته ..؟؟ |
راجع بداية البوست يا زعيم
الخواجه بيغسل العده وبيكوى الهدوم وبيتونس وبيسرح للبنات وبيسهر الليالى عشان يريح الزوله وأهم حاجه ممهول وما بيتسرع
وبمعنى آخر بيعرف الحب وممارسته بمعناه الكبير
وأظن الأخوات بيقصدن الخواجه بيختلف عن السودانى فى ممارسة الحب
قطعاً السودانى بيحب السودانية حب صادق وعميق
وتأتى المشكلة عند ممارسة الحب عند السودانى
نحن كرجال سودانيين حقيقةً لا نهتم بالأشياء الصغيرة بعكس المرأة
كأن تدخل البيت فى ذكرى الزواج السنوية وأنت تحمل باقة زهور
أو ان تدعو سيدة الحسن والجمال ام عيالك لأمسية خارج البيت على انفراد
أو ان تفاجئ زوجتك بهدية بسيطة وتتبعها بقبلة سريعة قبل مغادرة المنزل للعمل وتدعو لها بيوم سعيد
الى ما ذلك من امثله على صغرها تعكس للمرأة اهتمامك بها وتدخل السرور فى قلبها
الخواجة قد تكون مثل هذه الأشياء من البديهيات عنده ، ولكن الزول السودانى نتيجة للتربية والثققافة قد يجد مشقة كبيره فى التعبير عن حبه بهذه الطريقة
ثم مشاكل وعقد السودانى والسودانية عند ممارسة الحب فى السرير (حتى كلمة سرير هذه تنم عن محدودية فى التفكير لحد ما ) الجنس عندنا فى اوطة النوم فقط وفى آخر الليل بعد مالزول يكون
قد اكمل يومه كله فى العمل فيأتى للبيت وهو منهوك وغير قادر للعطاء لفترة طويلة حيث يغشاه النعاس والنوم بعد اطلاق الطلقة الأولى من الذخيرة ، عكس الخواجه والذى ربما يمارس الحب فى السيارة
وله فى المصعد وله فى راس البيت زاتو
ثم تأتى عوامل اخرى فى هذه الناحية تقلل من درجة استمتاع الزولة بالزول سريرياً ومنها قلة المداعبة والملاطفة والاغراء والذى عادة ما يكون معدوم عند الزول السودانى
الخواجة ونتيجة تربيته فى مجتمع مفتوح ومتقدم مثل هذه الأشياء من البديهيات وقد يكون قد فانتا بسنوات ضوئية كثيرة خاصة فى مسالة المحفزات
حتى الأخوات اللائى تحدثن عن المحفزات يتحدثن بمنطق اكثر من عقدين سابقين
ما عادت المحفزات هى نفس المحفزات من فكتوريا سيكرت وأرمانى ودخان وعطور ، بل هناك محلات تجارية ذات عمر طويل تعمل على بيع المحفزات وتلك متاحة للخواجة اكثر مما هى متاحة للزول السودانى
وخاصة بعد قفل محلات العدنى بأم درمان للذين شهدوا تلك الفترة
الخواجة لديه عدة كاملة وشنطه كبيرة من المحفزات لا يمكن مقارنتها بما يمتلكه الزول غير ما حباه الله به من امكانيات طبيعية وقليل من ثقافة اكتسبها عن طريق النكات مع الأصدقاء
طبعاً الكلام اعلاه قد يكون قبل انتشار الحاسوب وانتشار المجلات والقنوات التثقيفية فى هذا المجال
يعنى الزول مبلغ ثقافته فى حكاية الحب الكبير وممارسته لا تتعدى اطلاعه على كتاب تحفة العروس الذى عفى عليه الدهر
من هنا اظن تأتى كثرة البوستات التى تتحدث عن زواج الموريتانية والمغربية والحبشية وأخيراً زواج الخواجة
الحكاية مرتبطة بممارسة الحب عند الزول والزولة وكل يبحث عن عالم من الاثارة والدهشة قد لا يوفره له الطرف السودانى الآخر
وحتماً للحديث بقية
بالمناسبة وين اخونا ابوساندرا واحد يصحيهو قبل مالبوست دا يمشى الخور
اخواتى الكنداكات خليكم مع الزول انا شايف احسن ليكم وله رايكم شنو ؟
الخواجه جرابو مليان بالعده والمحفزات !!!!! تبارك عليك الله ساعدنا بالترجمة
| |
|
|
|
|
|
|
Re: زواج الخواجة احلي زواج (Re: حسن حماد محمد)
|
بوست تحفه ... يصلح أكثر ليس لدراسة أمر الزواج من الخواجه أو غيره بل لدراسة صورة و متخيل الذات و صورة و متخيل الآخر عند بعض أهل السودان ... شئ عجيب ... شكرآ لمن لفتت الانتباه له :-) ... شقاقين المقابر صعبين
| |
|
|
|
|
|
|
Re: زواج الخواجة احلي زواج (Re: esam gabralla)
|
الجمعية اللدبية العلالتا قايمة دي شني؟
ما قنّا ليكم ما معانا مكرفونات وعدة ...
هسى انا الليلة اول مرة اعرف انو الزواج فيو "جزئية سيادية" ... يا ربي ما بلقى لي فيو شريحة طايرة؟ أو شطيرة حايرة؟
(والله زكرتونا بى ايام جهلنا جنس "زكر" ... لا زلنا له حافظون ... لاكين بكري اتلوّم!)
... المهم ....
| |
|
|
|
|
|
|
Re: زواج الخواجة احلي زواج (Re: تبارك شيخ الدين جبريل)
|
Quote: بوست تحفه ... يصلح أكثر ليس لدراسة أمر الزواج من الخواجه أو غيره بل لدراسة صورة و متخيل الذات و صورة و متخيل الآخر عند بعض أهل السودان ... شئ عجيب ... شكرآ لمن لفتت الانتباه له :-) ... شقاقين المقابر صعبين Esam |
العفو يا ميت :)
كان الله مد في الاجال و لقيت فرقة بجي صادة لعل بعض شقاقين الترب يسمعو من الميتين
واحدة متزوجة خواجة من النوع البينقلب سحار بالليل و ياكل اولاده، الله يهديه.
| |
|
|
|
|
|
|
Re: زواج الخواجة احلي زواج (Re: Kabar)
|
الأخ يوسف الدفينة تحياتي مع احترامي كلامك فيه تناقض شديد فانت من جهة تشيل وتشكر في حواء السودانية وفي نفس المداخلة تنتقدها انتقاد يشبه الشتيمة... ثم تستنكر عليها رغبتها في الزواج من أجنبي وفي نفس الوقت بتقول انها السبب في فشل الحياة الزوجية الباين في كثرة الطلاقات وده كلامك عنها:
Quote: التجارب اثبتت في كثيرها غير ذلك والدليل على ذلك نسبة الطلاق في اوساط المجتمع السوداني فعندما يفكر الرجل السوداني الارتباط بقرينتة يفترض فيها النجاحات التي يمني النفس بها في المستقبل الى ان يظهر العكس من خمول المرأة السودانية ومحدودية افقها وضعف شخصيتها والكثير من المظاهر السالبة في المرأة السودانية التي اثبتتها التجارب ويعتقد البعض بان مجرد التفكير في الارتباط بالمرأة السودانية هو مصادرة لحرياتهم وهضم لحقوقهم ومكتسباتهم وتكبيل لنضالهم وتقييد لقراراتهم ورؤاهم بل ذهب اعتقاد البعض بان الارتباط بالمرأة السودانية هو اكبر نكباتهم ونكساتهم وهو سبب رئيسي في نكبات ونكسات مجاهدتهم ونضالاتهم الطويلة والعميقة والمكلفة في التكيف مع متطلبات الحياة ونوائب الدهر |
ثم وصفتها بالجهل والاستسلام .. فياريت ترسى على بر في رأيك فيها عشان من يريد مناقشتك في رأيك يعرف هو ح يناقشك في شنو بالتحديد مع شكري.. ---------------- الأخت داليا حافظ تحياتي سألت السؤال ده في صفحة سابقة وأنا امكن أكون ما فهمته بس انت وصفتيه بالمهم لذلك حبيت أقتبسه هنا منها تشرحي قصدك ويكون اتطرح مرة تانية.. شكرا ليك
Quote: ولو سمحت لي استاذة حليمة اشارك بأسئلة مهمة بالنسبة لي في النقاش ده ..عطفا على كلام استاذة زينب عن المحفزات نحن كنساء "سودانيات"استجابتنا وتقيدنا بالمحفزات دي كنوع من الترغيب أو كمجاراة أو بلا وعي ..أو حتى حبا في الموضوع بتعاينن ليهو كيفن ؟ وبالمقابل التمرد على الفكرة بتكون استنادا على شنو ..؟ |
| |
|
|
|
|
|
|
|