مليور دولار لمركز الخرطوم لحقوق الأنسان ..ما هو نصيب دارفور منها؟.. !!!

Quote: الأحباب حيدر حسن ميرغني عبد المنعم سليمان هشام مدني معتصم محمد صالح حسين محي الدين محمد النور كبر أولاً كل كلمة موجود في البوست عاليه أنا مسؤول منها شخصياً واتحمل تبعاتها. نحن لم نتهم أي شخص في ذمته ولم نتهم الناس بأنهم حرامية أو هنالك فساد...الخ قلنا ونعيد ونكرر الحديث هنا على اتهمنا بعض السفهاء وعديمي الحياء بـــ"أننا حرمنا أهل دارفور من خدمات" مناضلي حقوق الإنسان في مركز الخرطوم .... كلام لا علاقة له بالواقع... نحن حرمنا السماسرة من مصادر رزقهم ... أي نعم .... ومن دون شك سنواصل حرمانهم من أي أموال.... ونؤكد لكم مرة أخرى طالما نحن فينا روح بتفرفر.... الحصل داك ما بحصل تاني ...وللذين انخدعوا وتصوروا أننا ولدنا في مدينة كيمبردج العريقة. ... نقول ليكم أنا من مواليد مدينة حي العرب أمدرمان.... أساليب البلطجة والتهديد والفتوات والوعيد وقلة الأدب ومحاولة قتل الشخصية وأساليب الابتزاز دي ما بتأثر فيني. ... أعرف قدر نفسي وأعرف تماماً انني ساهمت مع آخرين في حرمان "السماسرة" من دخل معتبر ونفوذ كبير.... وأعلم أنا جقلبة "أخو البنات" القابع في سويسرا زعلان لأنو أختو المعانا وأختوا الهناك ..... وأخونا عادل عثمان نعلم دوافعه وحالتة النفسية وتأثيرها على مداخلاته المرتبكة لذلك نغفر له هفواته..وندعو من صميم قلبنا ان يرد الله غربته. ما عندهم طريقة تاني .....فأرتاح ... الموضوع لا علاقة له لا بالثورية ولا بالحزب الشيوعي ولا يحزنون ... أصحاب القضية الاساسيين ومجموعة التأسيس الاساسية أصبحوا في خبر كان .... وين علي العوض ... وين زين العابدين الطيب ... ووين عبد الباقي ... وين عبد الرحمن الزين ... وين ...ووين .... ديل المفروض كانوا هم في المقدمة.... طبعاً ح يطلع بكرة بيان بأن أي واحد منهم ما عاوزك تجيب سيرتوا ... وأنت دخلك شنو ... وواحد تاني يقول لي أرجوك ما تجيب سيرتي لا بالخير ولا بالشر...لأنو واحد أخونا من الزمرة المهزومة مرسل لي خطاب مسجل بقول لي فيهو "ما عاوزك تتصل بي لا بالتلفون .. وما ترسل لي خطابات تاني .. وما تزعجني ..وما تسألني عن أي حاجة. أنا ما عندي علاقة من اليوم بالموضوع دا"... بلاهي ... يا سلام... أنا وراك (بالتلفون وبالفاكس والايميل والبوستة وبالزيارة في منزلكم العامر كمان) لحدي ما أعرف الحصل شنو؟ ...تحسبوا لعب ... تعودنا على الحاجات دي.... وبعدين أبقوا عشرة على "المبادئ".... أكثر ما أزعجني محاولات الزج بالحزب الشيوعي والتلويح به في ثنايا بعض المداخلات.... تحدث مخبول هنا على أن محمد أبو قصيصة والأستاذ حسن الطاهر خالفا قرارات الحزب والانحياز ضدها في ما يتعلق بالمنظمة... هذا موضوع خطير نرجو من الحزب الشيوعي محاسبته عليه لأنه ضار أبلغ الضرر بمسار عمل المنظمات المستقلة... لم يدعي الحزب الشيوعي بأن المنظمة تابعه له ... ولم ينتخب كل من الأستاذ أبو قصيصة أو الأستاذ حسن الطاهر بأنهم ممثلين للحزب الشيوعي في قيادتها. لقد تم انتخابهم لأنهم اعضاء في المنظمة وبصفتهم الشخصية... هذا كلام خطير نرجو سحبه والاعتذار عنه لأن هنالك شيوعيين في الجانبين... الصراع هنا حول أساليب العمل ومناهجه ... وليس للسيطرة على المنظمة لخدمة أغراض حزبية. .... مرة أخرى، ولو كره الكافرين، عاوزكم تركزوا معاي في تفاصيل المنصرفات عاليها وعلاقتها بالنضال الذي يتحدث عنه هؤلاء السماسرة وسدنتهم. فهم حولوا المسألة الى موضوع "أكل عيش ومجرد وظائف". نحن لم نقول بأن الدكتور الغالي حرامي ولكن أكدنا أن المبلغ المذكور ذهب لصالح جيب المناضل الدكتور مرتضى الغالي وسدنته... ولماذا الحديث فقط عن مرتضى الغالي ... أنا ما برضوا كتبت أسم المناضل فيصل الباقر... وسألت طلال عفيفي عن ما أستلمه من مكافآت ومواهي..وأضيف هنا أسم سعادة المناضل الكبير علي العجب ... يورينا جملة المبالغ التي استلمها خلال الفترة الماضية ... الموضوع بأختصار "أكل عيش وبس".... وقلنا أنشروا أسماء البقية عشان نعرف بس الناس المضت وتصدت للدفاع عن المركز أنها فعلاً منطلقاتها لا علاقة لها بأنها صاحبة مصلحة في الموضوع (Conflict of Interest). والما عاجبو الكلام دا أو ما مصدقوا أهو داك البوليس !! وقائمة الأساتذة المناضلين المحامين الذين استفادوا من أموال المركز عددهم كبير وهم اليوم من غير عمل... خليهم يجتمعوا وبقيادة المناضل الكبير المحامي أمير محمد سليمان لرفع دعوى قانونية على شخصنا الضعيف .... وأخونا الحاج وراق ليهو تحياتنا... أسأل مرتضى قول ليهو أستلمت المبلغ المذكور مع سدنتك خلال هذه الفترة أم لا؟ ويا أخي هشام مدني ... نعم كل المعلومات المذكورة هي من واقع الميزانية المصدقة ومضى عليها سعادة المناضل أمير سليمان مدير مركز الخرطوم ... ومحاسبته الأستاذة مشاعر عمر كمان. وهي معلومات علنية وليست سرية. ومن المؤسف ان المراجع القانوني قدم كشف مراجعته وأشار بصورة واضحة أنه لا يستطيع التأكيد بأن هنالك مبلغ 28 ألف جنية استرليني لا يستطيع التأكيد بأنها موجودة في البنك في حساب مركز الخرطوم (opening and closing). أما التحويلات فهي كلها من بنك إلى بنك ولم ينكر سماسرة مركز الخرطوم استلامهم لها ... وهم لا يستطيعون حتى ولو أرادوا ذلك.... مبلغ المليون دولار دا كان موضع تساؤلنا عن من المستفيد. قولتوا محامين استلموا المبلغ الفلاني .... قولنا ليكم كويس... من هم ؟ قولتوا دفعنا للمحاكم ما غالطناكم ... قلنا ليكم كويس ... بس سؤالنا كان دفعتوا لياتوا محاكم وبخصوص شنو؟ ..قلتو عالجتو 406 مريض ... قلنا كويس ما عندنا مشكلة بس ورونا كم فيهم مريض صاحب حالة جديدة (new patient) وكم منهم متابع لعلاجه من السنة المالية السابقة (follow-up patient)..... أسئلة بسيطة ومشروعة. وأزيدك من الخير خيرين ياشيخ هشام مدني..... تم تحويل مبلغ 203363 يورو لمركز الخرطوم خلال الفترة من أبريل 2007 إلى مارس 2008.... وهي تعادل تقريباً مبلغ 288 ألف دولار. .... يعنى الموضوع أصبح كمان مليون دولار وربع .... وطلبنا مرة واثنين وثلاثة يا ناس مركز الخرطوم عاوزين الحسابات وتفاصيل الصرف لهذه الاموال .... والى الأن ونحن في منتصف شهر سبتمبر أي بعد 6 شهور من انتهاء السنة المالية وهم لم يقدموا لنا الاجابة ..... عاوزين الحسابات يا ناس مركز الخرطوم .... أنا عارف الجهجه والانزعاج بحصل وعدم التصديق للوقائع ... لأنوا أنا ذاتي ما كنت مصدق ... لكن واضح أنو الواقع في مرات كثيرة يحاول بعض السفهاء تجاوزه بالشتائم وقلة الأدب.... مرة أخرى لن نرد عليهم ......