أغاني الحماسة والسيرة .. محاولة للتوثيق

Quote: الأخ الحبيب ودالقرشي أستميحك ( بكري الخير ) هيج مشاعرنا بهذه الأغنية سيد محكر الديوان وفي رواية أخرى في محكر الديوان هذه القصيد كتبت في الحسن ودضبعة شيق عمدة الجوير عبدالله ودضبعة غرب شندي .. كان رجل قارح وفارس وشهم وكريم وفارس القرية ..... نص القصيدة في محكر الديوان ثابت يا أب قلب تقابة لي النيران وين متل الحسن الحسن يا الحسن غنيتّا ليك بي قياس بتهب لي الولايا ولي الدموع قشاش إياك مطر السواري المو هبوب ورشاش حنكو البليغ خلوهو يتحدث سيد زيناً قبيل قبل الناس تعرف الناس سيد أصلاً قديم من الحمزه والعباس الحسن والحسن في عايلة ماتسمّا ضباح الربايب سيد القدح لمّا دالي وبرمكي وببرّد حشا العمّا دا ولادة النجاح الما بتدرك البلما شوف عيني التساب الفوق البلد عمّا ود ضبعة التساب الفوق البلد عمّا أناغنيت بولف ليك ياالدابي العُشاري وزي الشرار عينيك خبرك بندقية عبوها للبنديك تلب يا الصقر توّر الرخم مني الحسن يا الحسن دوم بغني لِي تمساح جلقني وزي الشرار عيني ما شال بندقية وقال بتحميني تلب يا الصقر تور الرخم مني ............................. يقال في مرة وكانت الفنانة حميرا بت كبوشية بتغني في هذه الأغنية ولما جات في البيت الأخير صارت تكرر ( تلب يا الصقر وتوّر الرخم مني ) فنالت عكاز من واحد وقال لها نحن الرخم يا السجم قرب يودرها ورقدت إسبتالية

(عدل بواسطة nazar hussien on 11-17-2008, 01:35 PM)