أغاني الحماسة والسيرة .. محاولة للتوثيق

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-10-2018, 09:27 PM الصفحة الرئيسية

مكتبة د.احمد القرشي عبدالرحمن مهدى(AhmedalQurashi)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
30-11-2008, 07:45 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: اها يا ودالقرشى كدى .
    بعد ما تنتهى من الشغلات دى .
    تحاول كمان تفلفل لينا أغنية
    _
    عرش دود مراقد السار
    الليل .. المو فشار
    خايلة . الملكة فوق مختار


    الاخ العزيز / عثمان موسى

    شكرا لحضورك الانيق ... وانا عارفكم يا ناس الزيداب بتحبو اغانى الحماسه والعرضه وربنا يقدرنا على تقديم المفيد ...
    والعزيز خالد المنسى قد قام بالواجب فى شرح قصيدة سمحه الهيبة فوق مختار.

    شكرا لك عزيزى عثمان
                   |Articles |News |مقالات |بيانات

01-12-2008, 03:28 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    الاخت العزيزة / اشراقة حيمورة


    شكرا جزيلا على اغنية الكابلى ونحن فى انتظار المزيد وان شاء الله سنتحدث بالتفضيل عن هذه الاغانى ..

    لك احنرامى وتقديرى
                   |Articles |News |مقالات |بيانات

01-12-2008, 11:15 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    الاخ العزيز ورفيق الدرب فى الجامعة / عادل عبدالعزيز

    سنوات مضت ولم نلتقى .. ولكن ما زالت تلك الايام فى الذاكرة وانتم حاضرون دائما فى القلب ... سعيد جدا بزيارتك وادعو الله ان يستمر هذا التواصل ... وكلى اشتياق لشخصك الكريم

    لك المودة والتجية والتقدير
                   |Articles |News |مقالات |بيانات

01-12-2008, 05:17 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    نستمع لغنا الحماسة والدلوكا من منبعة
    أرض كبوشية ( الفنان محجوب كبوشية )

    الرميات ثم التقيل ثم الخفيف وكان هكذا مسار القلبة الواحدة




    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

    (عدل بواسطة خالد علي محجوب المنسي on 01-12-2008, 08:05 PM)

                   |Articles |News |مقالات |بيانات

01-12-2008, 11:18 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: ما حرسو الجري وصدرك موشح بالدمى ما بخاف
    فارس الحديد إن حِمي


    الجري للجبان والشردة ما بتخت إلا الرقدة بي خجلة تقعد ليك لي جنى الجنى .. وزي ما قالوا أهلنا الصقر إن وقع كتر البتابت عيب .. الثبات وكت الحارة مكرمة وكذلك كانوا إخيان زينب بت عبدالرحمن والتي نشدت تنم فيهم وعلى رأسهم البخيت ...
    ولداً ما ختالّن زلة
    شن قولك في
    قول مادللا
    ( ودباي العكودابي )

    ماحرسو الجري
    ما ورث الجري والجبن من كابر ( في الأجداد والأبوات ) دوما صدره يحمل عليه نيشان من دم وما مفلوق في قفا رأسو ( وكانوا أهلنا بقولوا للجنى المفلوق فوق قفا راسو جبان بجري وبكردو ويضربو من ورا )
    فكان البخيت بلاقي ومقدم لذا دوما موشح صدره بالدمي في الحرابة ...

    وتصفه أنه فارس في قوته زي الحديد لما يحمى ( السخانة في كل المشبه والمشبه به ) لما يحمى أبعد منو وزح بعيد وإتباقص

    (عدل بواسطة خالد علي محجوب المنسي on 01-12-2008, 11:20 PM)

                   |Articles |News |مقالات |بيانات

02-12-2008, 11:19 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    الاخ العزيز / خالد المنسى

    نحن والقراء فى انتظار شرحك الوافى لاغنية ما حرسوا الجرى وكذلك لاغنية انا ليهم بجر كلام، فانت تجيد الشرح وقاموسك فى اللغة العامية السودانية ذاخر وملئ لذلك تجدنى دائما انتظر شرحك بفارق الصبر فلا تحرمنا والقراء من مداخلاتك المفيدة ... وارجو منك ايراد كل الروايات لكلمات الاغانى فاننى قد كتبت هذه النصوص من افواه الفنانين فارجوك ان تصححنى اذا اخطات حتى تعم االفائدة للجميع فانت تعرف ان الغرض من هذا البوست هو التوثيق لهذا النوع من الغناء السودانى ، وانت بحر فى هذا المجال ويشهد بذلك مشاركاتك فى هذا البوست خاصة وفى المنبر عامة .

    لك حبى ومودتى
                   |Articles |News |مقالات |بيانات

02-12-2008, 05:39 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: يا فارس الألوف الأتَ كفيتن
    كبست الدروع وشلعت خوداتن
    فارسنا البخيت التم شكراتن
    وصديت الخيول وقمحت رِكباتن
    *******

    نغوص مع نم زينب عبدالرحمن في البخيت أخوها
    تقول له: يا الفارس البتقابل الإلوف وتكفيهم. يكفيهّم شعب في الموت

    كبس على الشئ أي هاجم عليه على المحمل المعتاد عليه لكنها هنا تقصد
    أصبت الدروع من فتك سيفك الباتر مما تركها مترهلة وصار فارسها عرضة للطعن.
    والدرع معروف وهو ما يحمى به الصدر والبطن والظهر والعنق أحياناً من قميص ينسج من
    ( حديد مطاوع )
    والخودا هي طاقية حديدية أو من معدن قوي النحاس أو الألمونيوم.
    شلّع الشئ أي فكه من مكان ورماه ( يقول ليك شعلعوا الراكوبة ماخلو فيها حطبة ولا عوداً قايم ).

    عادة الرجل الكريم الفارس والقوي يكون الشكر ما دابو ويتعداه ليصل الشكر
    لأهله وبالذات أخواته وأهله من النساء فالبخيت بشجاعته تمَّ الشكرة لي حرومو
    ( أهله من النساء ).
    وأيضا ممكن تكون بتقصد أن البخيت من ضكرته وثباته كمل حتى شكر النساء له
    ( من كثرة ما قلنَّ فيه من شكر ) وهذا هو المعنى القريب.

    قمحت : يقال لك ما فضل له شئ قمحه اي أخذ منه كل ماعنده
    فالبخيت ما فضل لي فارس على ظهر جواد خلا الخيول وركابها
    فاضية وفرسانها مجندلين في الأرض.
    والركاب : هي حلقتين من حديد تتدلا بحزام من جلد على جنبتي سروج
    الخيل يضع الراكب فيها رجليه سلامة من السقوط ( عندما ينهر الفرس جرياً )


    Quote: من قومة الجهل ليهو الخوف ولا قسمّو
    مدبون في المحاص وفي الدود كتر عشمو
    بدخل فوق بكانن النحاس خلف شتمو
    وركز البخيت الفال والنصُر ختمو


    تقول أن البخيت من ماقام صغير قلبو محدثو وفارس ومابعرف الخوف
    ودايما مدفر لي قدام وما بتر بي صلبو لي ورا.
    ( أن الله لم يقسم من خصلة الخوف في قلبه شئ )
    وقالت شاعرة أخرى :
    ( من قومة الجهل مابخوفوك بي أُخ

    كلمة مدبون ( لم أعرف معناها ) لكنها حسب وضع البيت ( تعني )مفتون بساحات الحرب ( المحاص ).
    وفي الدود كتر عشمو
    أي حتى الأسود تتمنى لو تكون مثله في الإقدام والشجاعة
    يتعشم : تعني يتمنى

    وتقول دائما تراه متقدم في الصفوف الأوائل مكان تطاير الرؤوس
    وعادة في الحرب أصحاب الطبول تكون في ذاك المكان... يوقدون في الأرواح الحماسة
    على العطاء الشجاعة والإقدام.

    النحاس معروف
    والشتم هو يشبه الدلوكا لكنه صغير في حجمه... ويمسك في اليد ويضرب بي
    عصا من جريد نخل .. وبي الشتم تخلف دقة الدلوكا أو النحاس ( النغمة )
                   |Articles |News |مقالات |بيانات

02-12-2008, 06:36 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: ومن قومة الجهل الخوف ولو كارو
    والهول والشرق إصنتو أفعالو
    العوق أب صفوف فالو البخيت شالو
    ومضروب في الوِجن ولاجاني بي شمالو


    وتمضي زينب في الحديث فوق أخوها البخيت تعدد محاسنه وأفعاله
    تقول : من ما قام صغير الخوف ما كان له عادة
    الكار هو العادة
    كارو : عادته

    يقال مثلاً لو هناك رجل نجار أبن نجار ( ياها خدمتهم أو ياهو كاروهم )

    لفظ الهول والشرق يستخدم للتعميم لكل الجهات شمال وجنوب وشرق وغرب
    ( والله أعلم )
    وتقول أن أفعال أخوها البخيت وشجاعته عمّت البلد في كل أنحائها
    وسمعو بي خبرو وضكرته

    العوق : الجيش الكبير الذي يتكون من صفوف ... مينمة وميسرة وقلب الجيش
    كلمة فال لم اجد لها معنى دقيق يفسرها
    لكن لما يقال فال خير ( حال خير )
    وهي تعني أن البخيت كل الجيش عندما تقدم له شلعوا وشالوا( كأنه حملهم ورماهم )

    وكان يتقدم ويضرب وعندما صدأ راجع كان مضروب في الوجن بعد أن أنتهت الحرابة....
    الوجنة هي وسط الخد ( يا شيقوق إت بتريد الوجن )
    وفيها تكون النونة ( وهي طفقة صغير تعبر ترمز عند السودانيين للجمال )
    ( أحبو أحب نوناتّو ... نوناتّو الفي وجناتو )

    والبيت الأخير تريد أن تقول أنه كان متقدم لا متراجع متباقص والدليل أنه عندما أصيب أصيب في خدوده بي جروح
                   |Articles |News |مقالات |بيانات

04-01-2009, 01:41 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29046

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    هيييييييع
                   |Articles |News |مقالات |بيانات

02-12-2008, 12:38 PM

Ishraga Haimoura
<aIshraga Haimoura
تاريخ التسجيل: 24-01-2004
مجموع المشاركات: 1463

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    سلام لود القرشي وخالد المنسي وكل زوار البوست

    كل عام وأنتم بخير وأعاده الله علينا وعليكم بالخير والبركات



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

                   |Articles |News |مقالات |بيانات

02-12-2008, 05:41 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ishraga Haimoura)


    الاخ العزيز /عمر دفع الله

    Quote: اعتقد ان الصحيح:
    جابونا الضحى في مركز الكاملين


    شكرا لحضورك ومتابعتك ...

    حسب علمى ان الكاملين اسمها الحقيقى هو الكامنين بمرور الوقت تغير الاسم الى الكاملين والى الحين بعض الكبار فى السن يطلقون عليهخا الكامنين ... اتمنى من ابناء المنطقة والمهتمين ان بكتبوا لنا عن تاريخ المدينة وحقيقة التسمية

    لك البشكر عزيزى عمر
                   |Articles |News |مقالات |بيانات

02-12-2008, 07:56 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: ماحضروا معاك أخوانك السلاط
    قمزوا الخت علي خيلاً بجن غايرات
    بدخل فوق بكانن حرابو منشبكات
    جاء مرهون علي جفونو الدمي سايلات
    *******

    تعرج زينب لتصف حال البخيت في الحرب وكانت تمني النفس لو حضروا معه أخوته
    الفرسان
    وتقول

    ماحضروا معاك أخوانك السلاط
    والسلاط أي السالطين .. والسالط من من سكين أو سيف أو ماشابه
    هو الماضي السنين ( الحاد )

    وقمزوا الخت علي خيلاً بجن غايرات

    قمزوا أي قطعوا الخت هو خط مسار الخيول الغائرة ( اي طريقها )

    وتصف حال البخيت في ساحة الحرب أنه يدخل في الأماكن التي يصعب على الرجال الدخول فيها
    مكان متابكة فيه السيوف الحراب
    وبرجع الدمي سايلة من على جفونه الجفون معروفة وهي تحت العيون



    Quote: وماحضروا معاك أخوانك الديدان
    قمزوا الخت علي خيلاً بجن رِيقان
    وكت الشوف أشوف صدرك يزم دلهان
    سوالَُن جهاد حمزة وعلي وعثمان


    وتعود تصفه
    ماحضروا معاك أخوانك الأسود .. كانوا قطعوا الخت ( الخط ) او الطريق على خيلاً بجن ( ريقان ) اي صفوف ... الروق هو الصف

    وتقول له واصفة كنت في قتالك وشراستك لا تقل قوة عن فرسان قريش ( حمزة بن عبدالمطلب وعثمان بن عفان وعلي بن ابي طالب )
                   |Articles |News |مقالات |بيانات

02-12-2008, 10:42 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29046

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    انا هنا يا احمداخوي
                   |Articles |News |مقالات |بيانات

02-12-2008, 10:49 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    فوقهم بقول كلام
    كلمات الشاعرة زينب بت عبدالرحمن


    أنا ليهم بجر كلام
    دخلوها وصقيرا حام

    سِم أب درق البِصقّع
    جدري القيعة البفقّع
    والله صوتك مانع بِرتع
    الطيب في شطارتّو مبدع

    سم أب درق الجدادي
    تكل الجدر البعادي
    لي الخصيم ضربو بيأذي
    موسى المُر الحِداقي

    قرقر برقاً ملا لي الوسادة
    قرنو وشال لي مكادّا
    ديل جِنياتنا الندادة
    سيري الدار في سيادة

    قرقر برقاً فوق لي الدرب
    وربط الهول والشرق
    هي أطرولنا الضرب
    وجنياتنا ما بتنغلب

    والله عامر سوقك مِبدّر
    مِجرجر توبك مسبل
    الطيب لي الشر ماببدر
    مُر يا التكل المِجدّر

    أنا غنيت وجبتّا كتبو
    فشلوا القالوا قصّو دربو
    ديل رازوهّو وشافو ضربّو
    وزي السِندالة قلبو

    أناغنيت وجب غُُناكم
    ياالبينين هوي براكم
    البدوركم براكم
    حلق الطير لي غداكم
    الصف العامر رِجاكم
    إتباشروا لي بلاكم
    أركزّوا زينب وراكم

    جرو لي مرة صوتكم
    وورني الليلة صولكم
    إتباشرو الله فوقكم

    (عدل بواسطة خالد علي محجوب المنسي on 02-12-2008, 10:52 PM)

                   |Articles |News |مقالات |بيانات

03-12-2008, 09:31 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    لي فوق
    ولحين ميسرة
                   |Articles |News |مقالات |بيانات

03-12-2008, 01:35 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    ما هو الفافنوس

    شاعرة هذه القصيدة هي بنونه بت المك نمر مك الجعليين والذي احرق إسماعيل باشا في تلك الواقعة التاريخية المشهورة ، ولقد قالت هذه القصيدة في أخيها عمارة والذي مات على فراش المرض ولم يمت في ساحة الوغى والنزال كما كانت تتمنى له ، حيث كانت تريده متوشحا بدمائه في يوم القتال والحرب حيث انه كان رجلا شجاعا ومقداما وبطلا .
                   |Articles |News |مقالات |بيانات

03-12-2008, 03:15 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    ماهو الفافنوس
    شعر / بنونه بت المك نمر

    ما هو الفافنوس ماهو الغليد البوص
    ود المك عريس خيلا بجن عركوس
    احى على سيفه البحد الروس
    ********
    ما دايرالك الميته أم رمادا شح
    دايراك يوم لُقاء بدميك تتوشح
    الميت مسولب والعجاج يكتح
    احى على سيفه البسوى التاح
    *******
    إن وردن بجيك في أول الواردات
    مرنا مو نشيط إن قبلن شاردات
    أسد بيشه المكرمد قمزاته متطابقات
    وبرضع في ضرايع العنز الفاردات
    *********
    كوفيتك الخوده أم عصا بولاد
    ودرعك في أم لهيب زى الشمس وقاد
    وسيفك من سقايتو استعجب الحداد
    وقارحك غير شكال ما بقربه الشدّاد
    *********
    يا جرعة عقود السم
    يا مقنع بنات جعل العزاز من جم
    الخيل عركسن ما قال عدادن كم
    فرتاق حافلن ملاى سروجن دم

    (عدل بواسطة Ahmed al Qurashi on 03-12-2008, 09:18 PM)

                   |Articles |News |مقالات |بيانات

03-12-2008, 08:47 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: اشكرك وانا اتابع التوثيق الباهر
    التقول على فى هذا المقطع هى تقول :
    ( عاشميق حبل الوجج ... أنا ابوى مقلام الحجج .
    والمقلام يستعمل لقطع الحديد وقطع اظلاف الخيول والحمير ..
    تحياتى



    الاخ الغزيز /عثمان موسى

    تم التعديل شكرا جزيلا ... ودائما فى انتظارك لك التحية والتقدير
                   |Articles |News |مقالات |بيانات

03-12-2008, 10:20 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: أنا ليهم بجر كلام
    دخلوها وصقيرا حام

    سِم أب درق البِصقّع
    جدري القيعة البفقّع
    والله صوتك مانع بِرتع
    الطيب في شطارتّو مبدع

    سم أب درق الجدادي
    تكل الجدر البعادي
    لي الخصيم ضربو بيأذي
    موسى المُر الحِداقي


    كما أسلف الدكتور أحمد القرشي أن زينب بت عبدالرحمن في هذه القصيدة جابت شكر خِصال اخوانها الطيب وموسى ....
    فتقول :
    أنا فوقهم بجر كلام
    فوق اخواني
    البدخلوا الحارة يوم الوغى والحدي يحوم فوق السما
    ارتبط وجود الحدي بيوم الوغى ( الحرب ) ليأكل من الأشلاء .. فيوجد بكثرة في السماء يومها ولذا قال البعض واصف يوم الحرب ( حجازو صقر الجو ) مافي شفيع ومافي وجيع .. عدو ورفيق بس والحديث لغة الحسام والسهم وضربة ساطور ....
    فأخوانها كما تصفهم ناس حارة وبتلاقهم ساعة الحوبة وبدخلوا دوماً في أم صقيرا حام ( الحرب وما بدبّو )

    قالت في وصف الطيب
    هو لعدوه مثل :
    سم اب درق البصقع
    أب درق هو الثعبان ( نوع من الثعابين خطير )
    والسم معروف
    بصقع : اي بصقع مثل الصاعقة ( وبالعامية السودانية تعرف بالصاقعة ) يقدم القاف على العين لذا قالت زينب ( بصقع )

    وهو كذلك زي الجدري المرض النزل بقيعة اي ارض منبسطة
    ويفقع ( يطرشق ) الفقع عادة يكون بعد أن ينتفخ الشئ فينفقع
    صوته مانع قوي يريع من يسمعه ( فيرتاع )
    الطيب في شطارتو مبدع
    من ماقام زولاً شاطر وقدامي وزول حارة

    وفي وصف موسى قالت
    سم اب درق الجدادي ( لا علم لي علمياً لكن أهلنا بقولو ان الدواجن هي اكثر المخلوقات عرضة للعدوة وتنتشر بسرعة بيهنا لذا قالت الجدادي )
    وزي تكل الجدري .. زمان كان الناس عندما يصاب احد من الأسرة بالجدري يعزلوه في مكان لوحده .. ومعروف ان جرثومة الجدري تبقى لفترة حتى بعد موت المصاب وقد يصاب من يجلس في ذاك المكان ويأخذ العدوة ... ( إحتمال جرت العادة على عزل المريض في التكل )
    والتكل هومكان عواسة الكسرة وأيضاً هو مكان الطبخ ( المطبخ )

    وهو لخصمه ضربه مؤذي وبقوة
    وهو مر وحادق ومن الحلق ما بنزل ... أختو دربو
                   |Articles |News |مقالات |بيانات

03-12-2008, 10:39 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: قرقر برقاً ملا لي الوسادة
    قرَّن وشال لي مكادّا
    ديل جِنياتنا الندادة
    سيري الدار في سيادة

    قرقر برقاً فوق لي الدرب
    وربط الهول والشرق
    هي أطرولنا الضرب
    وجنياتنا ما بتنغلب

    البقرقر هو الرعد وصوت الرعد حيناً مخيف والبرق يسبق الرعد ( يشلع ثم تدوي )
    والبرق يلع كإبتسامة مارد
    يرنو إلى الدنيا بطرف ساحرِ

    والرعدُ يدوي في الظلام كأنه
    لعنات جن في الظلام القاهري

    ثم ينزل المطر يبدأ نقاط ثم يرشع
    فهي تشبه أخوانها كأنهم تلك الصورة مجتمعة يدخلوا في الناس ( تقصد عدوهم ) الخوف والهلع

    قرَّن اي تلاحمت سحبه منذر بمطر وابل .. والمطر رحمة لكن برضو الناس بتخاف منه ... علي بهائمها وعلي بيوتها فهي واهية كبيت العنكبوت وعلى زرعها من الخراب لذا تجد الناس متوجسة وقت نزول المطر .. ويقروا البسم الله في الأولاد ويدعوا
    أللهم حوالينا ولا علينا....
    وتعود فتقول لإخوانها واطلقت عليهم ( جِنياتنا ) الندادة اي المتقاربين في العمر وبهم كانت سيادتنا ورفعة اسرتنا...

    تعود وتصف بنفس الطريقة لكن بمفردات مختلفة أخوانها
    قرقر برقاً فوق لي الدرب

    وربط والهول والشرق
    والهول والشرق هي الإتجاهات الجغرافية مجتمعة شرق وغرب وشمال وجنوب
    هي اطروا لنا الضرب
    والضرب هو ضرب الصوط

    ( وضرب الصوط والركزّا بفرز الناس .. عشان زينوبة مابتحوق )



                   |Articles |News |مقالات |بيانات

03-12-2008, 11:05 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: والله عامر سوقك مِبدّر
    مِجرجر توبك مسبل
    الطيب لي الشر ماببدر
    مُر يا التكل المِجدّر

    أنا غنيت وجبتّا كتبو
    فشلوا القالوا قصّو دربو
    ديل رازوهّو وشافو ضربّو
    وزي السِندالة قلبو

    أناغنيت وجب غُُناكم
    ياالبينين هوي براكم
    البدوركم براكم
    حلق الطير لي غداكم
    الصف العامر رِجاكم
    إتباشروا لي بلاكم
    أركزّوا زينب وراكم

    جرو لي مرة صوتكم
    وورني الليلة صولكم
    إتباشرو الله فوقكم


    والله عامر سوقك مِبدّر
    مِجرجر توبك مسبل
    الطيب لي الشر ماببدر
    مُر يا التكل المِجدّر


    مجرجر توبك مسبل تعني بها أنه موفور الحال يشتري مايكفيه من قماش فجلبابه جاري بالأرض مسبل
    وتقول انه لا يبادر الناس بي الشر لكن البجي ويخطى ( وقع وقعة سودة )
    فهو مر وزي التكل المجدر ....


    أنا غنيت وجبتّا كتبو
    فشلوا القالوا قصّو دربو
    ديل رازوهّو وشافو ضربّو
    وزي السِندالة قلبو


    أن قلت وكتبت فيه الكثير اصف أفعاله وخصاله المحمودة ...
    وما بلحقوا الدايرين يبقوا زيو ( دا مابتلحق وكضبتو كان قلتوا بتلحقو )
    وهم عارفينو وقبل كدي جربو ( رازوهو ) يرازي الشئ اي يخلخله ويهزه. وعارفينو كيف بضرب وكت يلكم

    وعارفينو ما بخاف وقلبو تقيل زي السندالة
    والسندالة هي الحديدة التي يسوي فيها السمكري الحديد ليكونه للأشكال التي يريدها


    أناغنيت وجب غُُناكم
    ياالبينين هوي براكم
    البدوركم براكم
    حلق الطير لي غداكم
    الصف العامر رِجاكم
    إتباشروا لي بلاكم
    أركزّوا زينب وراكم


    ثم تعود تصف اخوانها مجتمعين وتقول لهم أنا غنيت واشعرت وجبتا فوق غناي وفوق سيرتكم نميت
    وأنتم بينين مثل الشمس للناس ومعروفين ناس حارة وناس حوبة لي الراجينكم في الحرب بارزين وظاهرين. وكت الطير يحلق والنفوس تبلغ الحلقوم .. بدوركم يومها تبباشروا وتهللوا وأنتم ماشين للموت ( البلاء ) وبدوركم تثبتوا للموت واعلموا أني انا ( زينب ) وراكم أشد من أزركم فأركزوا واثبتوا


    جرو لي مرة صوتكم
    وورني الليلة صولكم
    إتباشرو الله فوقكم

    وبعد شكري فوكم دا بدور اسمع صوتكم وقولة هييييييع أنا اخوك يا زينب
    واشوف صولكم وجولكم في الحرب
    وهللوا الله يغطيكم يا أخواني
                   |Articles |News |مقالات |بيانات

04-12-2008, 07:25 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)


    Quote: الاخ ود القرشي..

    لك التحية..

    نتابع باهتمام ما تنثره من درر الحروف...

    ونشتاق الي المزيد..

    عين الله ترعاك


    الاخ العزيز الدكتور / مجدى احمد الشيخ

    شكرا لمتابعنك واهتمامك والكلمة ايضا يمكن ان تعطى دافعا وطاقة لمزيد من الابداع ... شكرا لك صديقى

    مودتى
                   |Articles |News |مقالات |بيانات

04-12-2008, 11:53 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    الاخ العزيز / هيثم لبيب

    شكرا للاغانى التى زينت بها البوست ونحن فى انتظار ما هو الفافنوس بصوت الكابلى والبلابل

    تسلم يا رائع
                   |Articles |News |مقالات |بيانات

04-12-2008, 09:59 PM

محمد عثمان محمود
<aمحمد عثمان محمود
تاريخ التسجيل: 21-02-2008
مجموع المشاركات: 464

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    أخي العزيز د. قرشي

    تحياتي وأشواقي . . وبعد،،

    أنا في غاية الأسف حيث أنني ومن كثرة المشغوليات لم أستجب لندائكم في حينه للكتابة عن المعارك التي دارت في خندق القيقر ببارا لارتباطه الوثيق بأغاني الحماسة والسيرة من خلال أجمل أغنيتين من أغنيات الحماسة وهما خال فاطنة وأحمر عين هوشوه واللتين قيلتا في الفارس نقد ود عمر الركابي.

    وكخلفية لهذا الموضوع يمكننا إعطاء خلفية تاريخية مبسطة وهي أن محمد على باشا وبعد أن استقر رأيه على فتح السودان قد قام بتسيير حملتين إحداهما عن طريق النيل لتصل إلى سنار عاصمة دولة الفونج ويقودها ابنه إسماعيل باشا ومعروف أن هذه الحملة قد أفرزت مجموعة من أغاني الحماسة في مناطق الشايقية وغيرها وانتهت بموت إسماعيل باشا وهروب المك نمر إلى المتمة الحبشية. والحملة الثانية كانت بقيادة محمد بك الدفتردار لتواصل سيرها على النيل ثم تتجه عن طريق الصحراء حتى تصل إلى الأبيض حاضرة كردفان التي كان يحكمها المقدوم مسلم وهو رجل عسكري عينه سلاطين الفور في العام 1812م حاكماً لكردفان.

    وقبل أن تصل طلائع محمد بك الدفتردار إلى الأبيض بعث المقدوم مسلم برسالة للدفتردار قال له فيه انتم مسلمون ونحن مسلمون ولا داعي لمحاربة المسلم ولكن الدفتردار لم يقتنع بذلك وواصل سيره نحو الأبيض وخرج المقدوم مسلم لمقابلته عند مدينة بارا وقد حفر المقدوم خندقاً في بارا وسمي وقتها خندق المقدوم وفي هذا الخندق دارت معركة حامية الوطيس انتهت باستشهاد المقدوم مسلم وانتصار الغزاة بسبب استخدامهم للأسلحة الحديثة ، وبعد ذلك قام عمدة بارا عبد الرحمن ود الخليفة ود دوليب بتوسيع هذا الخندق وسمي بخندق القيقر وقد استخدمه أيضاً الأمير عبد الرحمن النجومي لحصار مدينة بارا حتى سقطت من يد الحكم التركي.

    في العام 1881م قامت إحدى القبائل المجاورة (اللصوص) بشن غارة كبيرة على منطقة أسحف الواقعة على بعد 12 كلم غرب مدينة بارا ونهبوها وأبادوا عدداً كبيراً من أهلها الجوابرة وهم فرع من قبيلة الركابية ومن بينهم 70 من حفظة القرآن الكريم، فقام القائد النور عنقرة ومعه محمود ود أحمد ومحمد ود عوض (جد أخونا د. أحمد القرشي) والعوني ود عبد الله ومعهم السيد الروبي وسرور أفندي نعيم ومحمد السنجك يعقوب وإبراهيم أغا كاشف وود شبو بسحب قوة الجوابرة إلى خندق القيقر لصد هجمات اللصوص، وتركت لنقد الله ود عمر مهمة توصيل النساء والأطفال لهذا الخندق، وأخيراً انتهى هذا السجال بمعركة حامية الوطيس أسفرت عن هزيمة هؤلاء اللصوص وإبادتهم إبادة تامة أمام خندق القيقر وهو الخندق المبين في الصورة أدناه.



    خندق القيقر حيث يوجد الشوك الجاف ويمتد يمين ويسار الصورة لمسافة طويلة

    توصيل النساء والأطفال لخندق القيقر لم يكن مهمة سهلة، فقد قاتل الفارس نقد الله ود عمر قتالاً ضارياً ولم يكن معه سوى عدد يسير من الرجال، ودافع عن النساء والأطفال دفاع المستميت، وعندما أوصلهن إلى الخندق وجد أن السيف قد التصق بيده من كثرة الدماء التي تيبست عليها ولم يتم تخليص السيف إلا بعد أن وضعت يده في إناء به ماء، وفي نقد الله ود عمر هذا قيلت أغنية خال فاطنة وشاعرتها كلتوم بت جابر ود محمد عبد الرازق وفي النور عنقرة قيلت أغنية أحمر عين هوشوه وشاعرتها حكامة النور عنقرة واسمها بحر النيل التي عاشت حتى عام 1924م وكانت مع حاجة آمنة بت عوض شقيقة محمد ود عوض أي جدتكم يا دكتور أحمد.

    التحية لهؤلاء الأبطال ولنسلهم الكريم وسوف يتواصل الحديث عن أغاني السيرة والحماسة وعن أجدادنا الذين صانوا الأرض والعرض وسطروا تلك الملاحم بدمائهم الذكية.

    وإلى لقاءٍ قريب

    (عدل بواسطة محمد عثمان محمود on 05-12-2008, 07:01 AM)
    (عدل بواسطة محمد عثمان محمود on 05-12-2008, 07:04 AM)

                   |Articles |News |مقالات |بيانات

04-12-2008, 10:52 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: محمد عثمان محمود)

    Quote: وانتهت بموت إسماعيل باشا وهروب المك نمر إلى المتمة الحبشية

    نمر ما بفز
    حاشاهو كلا وحاشا
    لمام لي الهمائل
    البي العتامير طاشا
    ذو عفة وثبات
    كرماً معاهو بشاشا
    وتشهد دار جعل
    يوم حرقة الباشا
                   |Articles |News |مقالات |بيانات

05-12-2008, 07:48 AM

محمد عثمان محمود
<aمحمد عثمان محمود
تاريخ التسجيل: 21-02-2008
مجموع المشاركات: 464

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: محمد عثمان محمود)



    منظر عم للمسرح الذي دارت فيه معارك القيقر
                   |Articles |News |مقالات |بيانات

05-12-2008, 03:47 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: محمد عثمان محمود)


    Quote: بوست رااااااائع بمعنى الكلمة....
    أبببشر بالخير



    الاخ / زياد جعفر عبدالله

    شكرا للحضور والمتابعة وكلماتك الطيبة ..سعداء بزيارتك

    لك التحيةوالاحترام

                   |Articles |News |مقالات |بيانات

06-12-2008, 03:30 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: الدكتور الباهر

    تحياتي

    لا تدري ماذا فعل بي ود نوبة..ارجو مخلصا ان تزين هذا البوست القيم ..بذاك الصوت الفريد المديد..اين الباسل بابكر،خال فاطنة،الاكسير جبل بيلا،كاسر جرو الخلا اب ساجور،وقائد الاسطول..ليتك علي اتصال بمحمد تاج الطاهر..ففي زواجه غني بابكر غناء لا ينبغي لاحد بعده ..وهو مسجل في فيديو..كما ان له تسجيلان او ثلاثة بالاذاعة ..ارجو ان تتحفنا بها..اقل ما يمكن ان نقدمه لهذا الكروان الراحل ..التوثيق له والتعريف به..

    حتما سأعود



    استاذى العزيز / سيف الدولة احمد خليل

    اهلا ومرحبا بك وبزيارتك الكريمة والانيقة والتى ابهجتنا واسعدتنا .... تعرف يا سيف فى اجازتى الاخيرة الى السودان والتى تقابلنا فيهااهدى لى الاخ خالد الشيخ حاج محمود شريط به 3 اغانى لودنوبه وهى .. الواعى ما بوصو ، كاسر جرو الخلا اب ساجور وحكاية عامر ودبشيروساحاول الحديث عن الاغنيتين الاخريتين قريبا واتمنى اذا كان عندك اتصال بمحمد تاج الطاهر او اى انسان آخر لديه تسجيلات لودنوبه ان تتحفنا بها والجدير بالذكر ان هذه الاغانى التى اهدانى اياها خالد الشيخ هى من تسجيلات اذاعة كردفان .

    لك الود والتقدير وتحيات للاسرة والاهل
                   |Articles |News |مقالات |بيانات

06-12-2008, 06:49 AM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    ماهو الفافنوس ... عبد الكريم الكابلي .. عود



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

                   |Articles |News |مقالات |بيانات

06-12-2008, 07:21 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29046

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)

    ود القرشي

    صباحك


    جلسة في قريتنا خلال ايام الاجازة - تعال يا المنسي اسمع عمنا حاج امحمد ود الطيب بغنى في شيقا كيف






    هييييييييييييييييييع
                   |Articles |News |مقالات |بيانات

06-12-2008, 11:49 AM

عبد المنعم عمر عثمان

تاريخ التسجيل: 06-12-2005
مجموع المشاركات: 786

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    *
    *
    كتب العزيز د.أحمد القرشي :

    Quote: لقد صورت لنا رقية آخت ود حبوبه مشهد المحكمة في الأبيات الآتية ...


    الإعلان صدر واتلمت المخلوق
    بى عينى بشوف أب رسوه طامح فوق
    كان جات بالمراد واليمين مطلوق
    ما كان بنشنق ود أب كريق في السوق
    الإعلان صدر واتلمت الحلال
    نصبولو السلاح واتكرنف الخيال
    قدر الله الحصل و الزمان ميال
    منسول من ابوك ماك ود حرام دجال

    وكذلك :
    Quote: الشاعرة رقية أخت ود حبوبه
    بتريد اللطام

    لحن / بادي محمد الطيب

    بتريد اللطام أسد الكداد الزام
    هزيت البلد من اليمن للشام
    سيفك للفقر قلام
    *********
    ديّم في التقر انصارو منزربين
    بالصفا واليقين حقيقة أنصار دين
    بالحرب أم طبائق قابلوا المرتيين
    في وش المكن رقدوا التقول نايمين
    ***********
    ديّم في التقر انصارو زاربنو
    بعهدوا القبيل بعيسى تاهمنوا
    اتلموا العمد ليهم نقر سنوا
    الهوج والشرق طار المنام منوا
    **********
    ديّم في التقر قال العمير للسوم
    القوى والضعيف من عينو طار النوم
    الكفرة النجوس مابختوا من اللوم
    حجرت الدرب خليت جمالهم تحوم
    *********
    الأسد النتر وقال الدين منصور
    لمولوا الاورط جابوهم بالبابور
    العمد الكبار كلامهم بقى مدحور
    كم فقشت مدير وكرمت بالمأمور
    ***********
    الأسد النتر بى جيهة الأبقار
    لمولو الاورط شايلين سلاح النار
    ود حبوبة قام ورتب الأنصار
    في كتفيه ديك كم شبعن صقار
    ***********
    الإعلان صدر واتلمت المخلوق
    بى عيني بشوف أب رسوة طامح فوق
    كان جات بالمراد واليمين مطلوق
    ما كان بنشنق ود أب كريق في السوق
    ***********
    الإعلان صدر واتلمت الحلال
    نصبولو السلاح واتكرنف الخيال
    قدر الله الحصل و الزمان ميال
    منسول من أبوك ماك ود حرام دجال
    ***********
    بتكلم بقول بوريك شن حسبوا
    نايبو السنين منّو الرجال حسبو
    كل الخاصموك في الآخرة ما كسبوا
    التبعوك جنود لله ما انتسبوا
    ***********
    رضوان الإله تملأ الضريح كافور
    مسك الرحمه لاح منو يلوح النور
    اغفر سيئات كل من يجيك زور
    في الفردوس هناك يتمنى مهما يدور


    الشكر أجزله لدكتور أحمد القرشي علي جهده المتواصل لتوثيق الأغنية السودانية خاصة الجميلة منها ونحن نثمن كل ذلك 0000000 ولكن تبقي أغنية الحماسة المعروفة (بتريد اللطام ) للشاعرة بت مسيمس وليس لحبوبتنا رقية محمد إمام (أخت عبدالقادر ودحبوبة) .

    - وأعتذر علي الدخول المتأخر لعدم مشاهدتي للبوست من أوله .

    ولك ودي ،،،،،،،،،،،،،
                       |Articles |News |مقالات |بيانات

06-12-2008, 08:48 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: عبد المنعم عمر عثمان)

    Quote: سلامات

    ياريت يا ود القرشي وود المنسي تتكرموا بشرح مفردات الأغنية
    (غير خالد ما ليك تنين)وتورونا درديق الشبيكي


    الاخت العزيزة / اشراقه حيمورة

    اهلا بيك وبحضورك الانيق .... انا بصدد كتابة نص اغنية السيل بوبا حيث عندى تسجيل لها بصوت الفنان بادى محمد الطيب والفنان الكابلى وان شاء الله ساكتب عنها قريبا وسنشرح مفرداتها .

    لك مودتى واحترامى
                   |Articles |News |مقالات |بيانات

06-12-2008, 09:31 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: جلسة في قريتنا خلال ايام الاجازة -
    تعال يا المنسي اسمع عمنا حاج امحمد ود الطيب بغنى في شيقا كيف


    الحاج أمحمد ودالطيب طال الله عمره
    ( هذا الشبل من ذاك الأسد )


    كان حانيتّو حلواً ما بتكمل زينو
    وكان جافيتّو خت القلعة بينك وبينو
    اللتر المكدّك بين جبل لوقنينّو
    بين موجتين يختفك قُبال تشوفك عينو

    زولك داك ( كنت بجيب لي العاجبة الحطب
    والله أنتو مسلطين يا عرريب الدندر
                   |Articles |News |مقالات |بيانات

06-12-2008, 10:21 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: ما هو الفافنوس ماهو الغليد البوص
    ود المك عريس خيلا بجن عركوس
    احى على سيفه البحد الروس
    ********
    ما دايرالك الميته أم رمادا شح
    دايراك يوم لُقاء بدميك تتوشح
    الميت مسولب والعجاج يكتح
    احى على سيفه البسوى التاح


    بنونة بت المك هي البنت الوحيدة للمك نمر
    وأخوانها الأربعة من الذكور
    قال فيهم ودالنعيسان لجدهم عبدالله وددكين عندما خربت عامرة بين الجعليين والشكرية

    بكرة تقع الواقعة
    بجيكم منشتح
    شمس النهار الفاقعة
    وأولادك بلاقوا زي سيوف الصاقعة

    يعني بشمس النهار الفاقعة ( المك نمر )
    ويعني بأولادك ( اولاد المك نمر )

    بنونة كانت شاعرة معروفة ولها الكثير من الأشعار في الحماسة وشكر أخوانها
    وكذلك أمها ( شما زوجة المك نمر ) ولها قصيدة مشهورة في رثاء أخوها حمد وددكين
    شما زوجة المك نمر هي بنت شيخ شيوخ الشكرية عبدالله وددكين
    والمعروف أن المك نمر عاش ردحاً من الزمان في ديار الشكرية وزوجه عبدالله ودكين ببنته شما

    سوف نورد مناحـــــة شما زوجة المك نمر لاحقاً

    قالت قصدية التي تعرف بقصيدة الفافنوس حديثاً ترثي فيها أخاها التي أحبته شديد ( عمارة )

    ما هو الفافنوس ماهو الغليد البوص
    ود المك ..... عريس خيلا بجن عركوس
    احى على سيفه البحد الروس

    الفافنوس نبات طري ونحيف
    والبوص معروف وهو غليظ وهش ايضاً
    تقول : مبدرة وصف أخاه أنه لا يشبه الفافنوس ولا الغليد من البوص

    عريس خيلاً بجن عركوس
    فهو فارس الفرسان تراه في فرسه مثل العريس يوم زفافه
    أحي ::: تعبير عن الوجع والحزن على فقد
    تتذكر محاسنه وصفاته
    أن سيفه كان يحد الرؤوس وسيفه ماضي تخشاه الرجال


    ما دايرالك الميته أم رمادا شح
    دايراك يوم لُقاء بدميك تتوشح
    الميت مسولب والعجاج يكتح
    احى على سيفه البسوى التاح




    كانت بنونة بت نمر تحب أخاه عمارة حب زائد عن بقية أخوانها كان قلبها يميل إليه .. كانت تتمنى له ميتة تناسب فروسيته ميتة في ساحة الحرب فقد خاض عمارة مع أبيه الكثير من المعارك وكان فارس فرسان منطقة الجعليين ( لكن العمر له يوم وقدر مقدر ) ...
    مرض عمارة بمرض الجدري ( المرض الجلدي ) ومعروف أن الجدري فيه قروح وكانت قديماً تعالج وتتداوى بالرماد ( يكمد في القروح لكي يطفيها ) والرماد حار يشح عند وضعه في قروح الجدري .. ما كانت تتمنى له هذه الميتة وهي ميتة الجبناء والزي عمارة مكان موته فوق الركاب وان يحضروها لها موشح بدمه فوق ضهر جواده والسرج مقلوب ....
    نعم الموت في ساحة الحرب شرف يوم تشرأب النفوس والأرواح .. من نفس جبانة تتمنى النجاة لنفس مؤمنة تتمنى أن يكون الحشر من موقف الأقدام في ساحة الحرب ..
    وقال في ذلك أوبفراس الحمداني

    فتاً أثبت في مستنقع الموت رجله
    وقال لها من تحت أخمصك الحشر

    يوم الحرب عجاج وصليل سيفوف ورؤوس تتطاير وأسلاء مرمية تبلغ الروح الحلقوم ( تقول الزول يعرف أجلو ومكان موتو لولا ما كشفو الاله لزول )
    وقد قال في ذلك بشار بن برد

    كأن مسار النقع فوق رؤوسنا
    وأسيافنا ليل تهاوى كواكبه
    فتقول بنونة
    ماكنت أتمنى أن يموت هذا الفارس هذه الموته لكن كنت أتمناه أن يموت فوق ركاب فرسه يصول ويجول يطعن ويُطعن .. لكن لا مفر من قدر الله مات أشجع الشجعان الصحابي الجليل فارس قريش وسيف الله المسلول خالد بن الوليد في الفراش وقال قولته المشهورة التي يعرفها الجميع ( فلا نامت أعين الجبناء )

                   |Articles |News |مقالات |بيانات

07-12-2008, 11:53 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)


    الوافر ضراعو

    ذكر لي الباحث في التراث الأستاذ خالد الشيخ حاج محمود إن شاعرة أغنية الوافر ضراعو هي الهويدة وهى من مناطق سنار ، وذكر الأستاذ خالد إن الهويدة يطلق عليها الرحمة أيضا . ولقد قالت الأغنية في الأمين ود مسمار ولقد سمته نمر العبدلاب ...والأمين ود مسمار أيضا قالت فيه أخته رقيه بنت مسمار الآلاف درجن والتي تحدثنا عنها سابقا ، ولقد تغنت بهذه الأغنية الرحمة مكي وكذلك مهله العبادية كما تغنى بها بادي محمد الطيب ومبارك حسن بركات والفنان الكبير إبراهيم عوض
                   |Articles |News |مقالات |بيانات

07-12-2008, 01:22 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: إن وردن بجيك في أول الواردات
    مرنا مو نشيط إن قبلن شاردات
    أسد بيشه المكرمد قمزاته متطابقات
    وبرضع في ضرايع العنز الفاردات
    *********


    تصف بنونة أنه كان مميز في كل شئ
    إن ورد الماء فهو أول وراد
    وأنه في قوته مثل
    أسود بيشة ... وكما ذكر الأستاذ الطيب محمد الطيب ( عليه رحمة الله أن كل من ( الكدادة وبيشة اليويات وغيرها ) هذه كلها غابات موحشة تكثر فيها الأسود ولذا جاء ذكرها في أشعار الأولين ..
    وقمزاته هي فخذيه وقيل عضلات اليدين ( الأرجل الأمامية ) وهذا يشير إلى أنه مانع متين ..
    ثم تصفه أنه رضع وتربي فوق عنزات فاردات اي ( رضع من معزات لا يلدن توأم ) وهذا يعني هناك وفرة من الحليب لآن لو كان للماعز توأم فماذا يبقى من حليب بعد أن يشبع توأمها



    Quote: كوفيتك الخوده أم عصا بولاد
    ودرعك في أم لهيب زى الشمس وقاد
    وسيفك من سقايتو استعجب الحداد
    وقارحك غير شكال ما بقربه الشدّاد

    الكوفية هي طاقية ( عراقية )
    الخودا هي غطاء رأس في الحرب ( لتحميه )
    أم لهيب هي الحرب
    والدرع معروف وسبق ان ذكرناه
    سيفك مميز


    Quote: *********
    يا جرعة عقود السم
    يا مقنع بنات جعل العزاز من جم
    الخيل عركسن ما قال عدادن كم
    فرتاق حافلن ملاى سروجن دم

    يقال أن السم يكون معقود اي ينزل في شكل نقاط مثل الزئبق والعسل ( تقيل متماسك )
    وهي تشبهه أنه في قسوته على الأعداء مثل جرعة من سم معقود
    وهو مقنع وساتر لكل بنات دار جعل
    وهو ذلك الفارس عندما تتراص الخيل للهجوم لا يسأل عن عددها بل يهجم وما هما ( اخو بنات )
    وهو الذي يفرتك اي يبعزق لمتها وهو الذي يجندل الفرسان من فوق ركابها ويملى سروجها بدماء من عليها ( حبوب حلالي )
                   |Articles |News |مقالات |بيانات

07-12-2008, 05:26 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    الوافر ضراعو



    الوافر ضراعو أمنتو الرسول
    مأمون الوداعه برد دار أبوه
    ********
    غنى يا الهويده
    لود البها وجريت القصيدة
    شال الصوت عرض تاية أخوى فريدة
    يا جنيات انصرفو ميزة أخوى بعيدة
    *******
    تغنى الفى جرفو
    لود البها والخلوق بتعرفو
    شال الصوت عرض يا جنيات انصرفو
    نمر العبدلاب الما بيرجف كتفو
    **********
    غنى يا سلكوكه
    جر النم عليه وخنقى الدلوكه
    انت يا الأصم يا الما بحمسوكا
    يا ضرب يومين تنزل فوق عدوكا
    *******
    تغنى الرحمه قالت
    يا قشاش دموعي العلى سالت
    وقت الحاره جات والفرسان ان جالت
    نادولى الحسن تومى الحرابه دارت
    *********
    فهمك مو دراسه
    يالنيل الطمح كسر التُّراسه
    وقت الصيح وقع والفرسان تتواسى
    برد دار ابوك تضرع ضحى وناسا
    **********
    فهمك مو قليل
    يالهامه اب زنود فى السموم تقيل
    يا رحل الكحل بالشضاض تميل
    جيت يا خيرنا قش دمعى المسيل

    اعتمدت في رواية النص على الفنان بادي محمد الطيب مع إضافة المقطعين الآخرين من تسجيل للفنان مبارك حسن بركات وهنالك أيضا بعض الأبيات تغنيهم مهله العباديه واشك أنهم من أصل القصيدة مثل ...

    الصدر رمان والشلوخ مطارق
    لون البرتكان للدمى حارق
    لون البرتكان للدمى حارق
    يا قمر دورين يا ضو المشارق
                   |Articles |News |مقالات |بيانات

08-12-2008, 11:16 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    كل سنة والجميع يخير وصحة جيدة وعيد مبارك لكل القراء .. اعاده الله لنا ولكم بالخير واليمن والبركات
                   |Articles |News |مقالات |بيانات

08-12-2008, 11:49 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29046

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    كل عام وانتم بخير يا ود القرشي

                   |Articles |News |مقالات |بيانات

10-12-2008, 12:05 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: الطيب شيقوق)

    كل سنة وأنتم طيبين
    ولحين ميسرة
                   |Articles |News |مقالات |بيانات

10-12-2008, 12:54 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    مـــــو لُقاط طرف


                   |Articles |News |مقالات |بيانات

10-12-2008, 01:10 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    نص القصيدة

    منايّا ليك ما وقف
    وإن اتمنيت أنا
    أكبر ويشيل بي ردف
    مو لُقاط طرف

    شدو لي البِزم مربوط
    حقبولّو السنين
    وفي إيدو خايل السوط
    مو لُقاط طرف

    ودلكتّو بترز
    قبل عرسو سابق الحول
    ودالعز أخوي
    الحاشا مو مسغول

    باأب أحمد تقيف من العادّوهو
    السيرة إتقدمت
    بي التخريجة بروهو
    مو لُقاط طرف

    يا العيال تقصرو
    ولا بتدانوهو
    دا هيلو الشئ حرس
    من جدو لي ابوهو

    أبواتك بحلّو القاصد البلد دينّة
    يا أب حنكاً بليغ
    كلمتّو مي نيّة
    مو لُقاط طرف

    جدك بدخل الوكرا والولي هينة
    بحل كاتل الزِمم
    لا شهادة لا بينّة
    مو لُقاط طرف

    أنا قولي ليكا وجيب
    شدو لي وركب
    وفي شباحو أديب
    مو لُقاط طرف

    جلسنلّو البنات
    وقفنلّو بي الترتيب
    وعشمانة الكريم
    رجايا فيك ما يخيب

    يا سعدة اللوقتين
    أبواتك رُجال
    في الأصل بينين
    مو لُقاط طرف

    جدك بدخل الوكرا
    السلاحا سنين
    ود العز أخوي
    منسوب من الجهتين
                   |Articles |News |مقالات |بيانات

10-12-2008, 01:19 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    في أغنية الفافنوس للباحث الجميل
    عبدالله أحمد الشيخ جاد الله

    أن نص الصحيح في بعض المقاطع

    ماهو الفافنوس
    ماهو الغليد البوص
    ودالمك
    عريس خيلاً بجن عركوس

    مادايرالك الميتا أم رماداً شح
    ودايراك يا عشاي بي دمك أتوشح
    الخيل تجقلب والسياف تسوي التح
    والميت مسولب والعجاج يكتح
                   |Articles |News |مقالات |بيانات

10-12-2008, 01:35 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    قبل أن ندخل علي أغنية ( مــو لُقاط طرف ) نميل علي أغنية كبوشية

    وا لومي أنا الليلة

    نص القصيدة

    وأ لومي أنا الليلة
    الشيخ اللمين خمجو
    وزادو ماء

    الليلة الهدي فوق السما بيعوي
    وا شقى ريدي أنا الواقف علي قدمي
    بضرب في الصفوف بي اليسري واليمني
    قالوا البلد كِتلت من الجدري

    الليلة العيال نازلين ضرب توتو
    بوصيكم علي الشيخ اللمين أغشو
    بوصيكم علي الجار كان هكع شيلو
    بوصيكم علي الفايت الحدود واسّو
    بوصيكم علي السيف السنين أسعّو
    بوصيكم علي الحوش الكبير أسعّو
    يا متحاشكين حشكي البيوت خلو
    يا ضايقين حلوها مرها ضوقو
                   |Articles |News |مقالات |بيانات

10-12-2008, 05:11 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17333

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)


    عيد مبارك
    الاخوان الكرام
    د / ود القرشى
    وود المنسى
    سلامات
    و عيد مبارك والسنة الفى وشنا دى دلاليك فرحكم حدها السماء .
    وانا حالف ( سوطين ) حق الجرتق ..
    والله واقفين معاكم فى كل كلمة وكل نقرة شتم ( هذا تاريخ يكتب بحبر الفرح )
    عيد مبارك
    عيد سعيد
    تحياتى .
                   |Articles |News |مقالات |بيانات

10-12-2008, 08:58 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Osman Musa)



    وا لومي أنا الليلة
    الشيخ اللمين خمجو
    وزادو ماء

    الليلة الهدي فوق السما بيعوي
    وا شقى ريدي أنا الواقف علي قدمي
    بضرب في الصفوف بي اليسري واليمني
    قالوا البلد كِتلت من الجدري


    كنت أمني النفس لو كان جانا الخبر اليقين ( عن قصة ومناسبة هذه الأغنية )
    ولكن تأتي الرياح بما لا تشتهي السفنُ
    المعروف أن منظقة كبوشية غنية جداً بالكثير الجم من أغاني الحماسة .. وجادت الأرض ما بخلت بالكثير من أفزاز الشعراء نساء ورجال ....

    سوف أتناول وحسب فهمي البسيط المتواضع ... قصة هذه الأغنية من مفرداتها ومعانيها
    يظهر أن هناك مشكلة حصلت بين فتيان الحي ووصلت المشكلة إلى أن تدخل فيها الناس الكبار فرأت شاعرة الأغنية أن توجه لهم شئ من اللوم في أبيات شعر وتذكرهم ( كيف مفروض للبشر أن يكونوا )

    الشيخ الأمين ( وتنطق بالعامية اللمين ) يبدو أنه شيخ له مكانته بين الناس وعرف بالحكمة لكن في ذاك اليوم فقد السيطرة على نفسها وهاج وماج بين الناس لذا نرى الشاعرة تقول في مطلع قصيدتها...

    وا لومي أنا الليلة
    الشيخ اللمين خمجو
    وزادو ماء

    وا لومي : اي وا حسرتي ووا وجعي ( تقال للتحسر )
    خمج الشي .. اي عجنه وقد يكون عجن غير منتظم لذا يقال للطفل ( خمجان ) اي يخلط الحابل بالنابل

    فتقول وا حسرتي أنا الليلة حتى الشيخ اللمين الرجل العاقل خمج الحديث الليلة وزاد الخمجة ماء ..فلا يمكن لم الخليط لبعضه ( اي لا يمكن تدارك الموضوع وحله) ..

    الليلة الهدي فوق السما بيعوي
    وا شقى ريدي أنا الواقف علي قدمي
    بضرب في الصفوف بي اليسري واليمني
    قالوا البلد كِتلت من الجدري


    في رواية تقول الحدي .. وفي أخرى الهدي والأقرب هي الهدي
    اي الرجل الهادي الحكيم ( الشيخ اللمين ) الليلة هايج وصوته واصل عنان السماء
    والليلة وا شقانا مادام وصل الحال لما وصل إليه ونحن واقفين على أقدامنا لحل المشكلة لكن البهدي الشيخ اللمين شنو ؟ ...
    وصل غضبه حتى بدأ الضرب شمال ويمين وقد يكون ضرب بيد أو كلام
    والبلد خلاس خربت تب كأنه نزل بها ذاك المرض الفتاك الجدري

    (عدل بواسطة خالد علي محجوب المنسي on 10-12-2008, 09:02 PM)

                   |Articles |News |مقالات |بيانات

10-12-2008, 09:17 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: الليلة العيال نازلين ضرب توتو
    بوصيكم علي الشيخ اللمين أغشو
    بوصيكم علي الجار كان هكع شيلو
    بوصيكم علي الفايت الحدود واسّو
    بوصيكم علي السيف السنين أسعّو
    بوصيكم علي الحوش الكبير أسعّو
    يا متحاشكين حشكي البيوت خلو
    يا ضايقين حلوها مرها ضوقو


    نواصل مع الشاعر وهي ترمي بنصائحها للعيال وتوجههم للطريق السوي السليم
    فأبتدرت ابياتها ...

    الليلة العيال نازلين ضرب توتو

    لفظ تو إعتاد العيال والصغار ان يلفظوه عند العب مقلدين به صوت البندق ( البندقية ) تو تو

    فهي تقول الليلة العيال ختو قرض ونازلين فوق بعض ضرب تو تو ..
    ثم تعرج لتنصحهم

    أول شئ بوصيكم وأنصحكم أن تمشوا لبيت الشيخ اللمين تراضو..

    بوصيكم علي الجار كان هكع شيلو
    بدلاً من العراك والقتال بعضكم مع بعض مفروض تكونوا عون لجاركم الضعيف ترفعوا من مقامه بالعون

    بوصيكم علي الفايت الحدود واسّو
    بوصيكم أن تكونوا حراس أمناء على القبيلة والحي وتواسو البفوت حدّو ( وتخلو البسو في دا )

    بوصيكم علي السيف السنين أسعّو
    بوصيكم أن يكون همكم أن تصبحو حماة ولهذا الدار بسيوفكم والفارس أهم شئ عنده هو سيفه

    بوصيكم علي الحوش الكبير أسعّو



    فهي توصيهم أن يصبحوا أهل جود وكرم .. حوشهم كبير وعامر والبيت كلو باب للضيفان ...

    يا متحاشكين حشكي البيوت خلو
    يا ضايقين حلوها مرها ضوقو

    متحشك : اي قابع وجالس في بطن البيت ( وكمان فوق حوش النسوان )
    وهنا هي تلومهم على جلوسهم في البيوت وتطلب منهم أن يخرجوا ليتصفو بتلك الصفات الجميلة من كرم وجود وعون المسكين والفقير والجار وعلى الفروسية ..
    وتقول لهم لا تركنوا طوال حياتك على من قبلكم ( أبواتكم ) ما بدومو ليكم شدرة كوية روية .. تقعدوا طول عمركم راجين الجاهزا وزي ما ضقتو حلو الحياة جربو مرها
                   |Articles |News |مقالات |بيانات

10-12-2008, 09:19 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: عيد مبارك
    الاخوان الكرام
    د / ود القرشى
    وود المنسى
    سلامات

    ود موسى الجميل
    كل سنة وأنت طيب
    شنق طاقتك وادي بي عكازك لكزا فوق كراعك وبي لي جوة الدار
    وسوي هيييييييع
                   |Articles |News |مقالات |بيانات

10-12-2008, 09:54 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29046

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    نتابع يا المنسي واصل
                   |Articles |News |مقالات |بيانات

11-12-2008, 07:29 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: الطيب شيقوق)

    مــــــو لُقاط طرف
    بصوت الفنان خلف الله حمد




                   |Articles |News |مقالات |بيانات

11-12-2008, 08:41 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: منايّا ليك ما وقف
    وإن اتمنيت أنا
    أكبر ويشيل بي ردف
    مو لُقاط طرف

    شدو لي البِزم مربوط
    حقبولّو السنين
    وفي إيدو خايل السوط
    مو لُقاط طرف

    ودلكتّو بترز
    قبل عرسو سابق الحول
    ودالعز أخوي
    الحاشا مو مسغول


    لابد أن نقف عند هذا المقطع
    مــــو لُقاط طرف
    عادة نفس البشر مجبولة على حب كل جميل وحسن .. عندما يلقط الإنسان ثمار أو غيرها فأنه يتحرى أن تكون من أجملها وأحسنها .. لكن ( لقيط الطرف أو اللقيط من طرف ) يتم عادة ... أن يكون من يقوم بالعميلة ( اللقيط ) خائف وجل من أن يراه أصحاب المزرعة( الجنينة ) فيلقط من طرف ما تقع عليه عينه ويده .....

    والشاعرة تقول أن أخاها مـــو لُقاط طرف فهو مصطفى ومنقّى ...

    منايّا ليك ما وقف
    وإن اتمنيت أنا
    أكبر ويشيل بي ردف
    مو لُقاط طرف


    كانت تتمنى له ... وتدعو الله ودوماً ولم تقف ولم تكل من الدعاء يوماً لاخيها أن يكبر ويشب فوق درب أبواتو ويكون شيال تقيل مقنع لبنات أهلو ( والبشيل هو التلب القوي الناصح .. وتتمنى وتدعو الله أن يشيل التقيل ويشيل بي ردف ) اي دبل .....
    ( إترادفو في العجلة اي أن ركبو عليها أتنين ) وأيضاً يقال ( مردف في المدرسة ) ودي أسألوا منها ودشيقوق .. كانوا يردفون خوفاً من الجلد ...

    شدو لي البِزم مربوط
    حقبولّو السنين
    وفي إيدو خايل السوط
    مو لُقاط طرف

    البزم مربوط اي العاتي من الخيل .. يزم يصدر صوت ( بدور الفركا والجري )
    حقبوا لي السنين .. أي قلدوه السيف الباتر السنين .. وحقب الشئ اي جعله على كتفة متبت عليه بيده ..
    وفي إيدو خايل السوط
    أي خايل عليه ومناسب في يده
    وهي تصفة بكل ما هو مظهر للفرسان من شد للحصان وحاقب سيفو وفي يده السوط
    وعادة يحمل السوط العريس يوم عرسه فهي تصف يوم زف أخيها لعرسه .....

    ودلكتّو بترز
    قبل عرسو سابق الحول
    ودالعز أخوي
    الحاشا مو مسغول


    ودلكتو بترز ( مهبكة ) اي أن حفلات عرسه كانت مستمرة من قبل عرسه بحول اي بعام كامل .. وبهذا تحب أن تلفت النظر أنه ولد عز وفوق عز ابواتو قام ومو مسغول ... تعني مو محقور ومستصغر بين أنداده


                   |Articles |News |مقالات |بيانات

11-12-2008, 09:09 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: باأب أحمد تقيف من العادّوهو
    السيرة إتقدمت
    بي التخريجة بروهو
    مو لُقاط طرف

    يا العيال تقصرو
    ولا بتدانوهو
    دا هيلو الشئ حرس
    من جدو لي ابوهو



    باأب أحمد تقيف من العادّوهو
    السيرة إتقدمت
    بي التخريجة بروهو
    مو لُقاط طرف

    هنا نراها تناشد أب أحمد ( قد يكون أخوه الكبير أو خالة ) وكان قديما ومازال الخال الركازة .. فهو شريك الوالد وهو الحنين علي أولاد أخته...
    فهي تناشد أب أحمد أن يحميه من اللذين يعادوهو ...
    وقد يكون أب أحمد شيخ صالح تريده أن يحمي أخيها يوم خروجه في السيرة وهذا هو الأرجح.
    التخريجة هي الدعاء الذي ينشد قبل خروج العريس ساير للبحر أولاً ثم لقباب الشيوخ ثانياً.
    هذه عادة جرت قديماً أن يسير العريس أولاً للبحر ويغسل من ماء النيل تيمناً بالخير في مياه النيل.

    عريسنا سار البحر وقطع جرايد النخل

    والسيرة عادة يكون فيها العريس في أجمل حلّة... العراقي والسروال الطويل والتوب ( التوتل ) ومربوطة الهلال فوق راسو والحريرة فوق يدو اليمنى وحاقب سيفو وفي يدو سوط العنج كان زمان بسوقو بيهو النوق .. والسير تكون عادة بالخيول ....

    يا العيال تقصرو
    ولا بتدانوهو
    دا هيلو الشئ حرس
    من جدو لي ابوهو

    يا العيال تقصرّو
    اي يا أنداده ما بتصلو لمقامه فهو قراح وفي الرجال زايد عود.
    دا أخوي الشئ دا حارسو من أب عن جد عن كابر.
    الشئ هو: الشجاعة والكرم والخلق الكريم والفراسة والضكرة
                   |Articles |News |مقالات |بيانات

12-12-2008, 01:23 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    وينك يا دكتور ؟؟؟
    قام بيك اللحم ولا طريت الأهل ؟
    لي فوق
    ولحين ميسرة

    تحياتي قرشي الجميل
                   |Articles |News |مقالات |بيانات

13-12-2008, 01:39 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: أبواتك بحلّو القاصد البلد دينّة
    يا أب حنكاً بليغ
    كلمتّو مي نيّة
    مو لُقاط طرف


    هي خصال الناس الكرام .. حل كرب الناس .. إيجارة المرقوب ( القاتل )
    يحلون الدين على المدان .. فكان من تراكمت عليه الديون يقصد كرام الناس يحلو عنه دينه
    وتصف الشاعر أخواها وأبائه واجاده أنهم كانوا يحلون الدين عن المدين ...
    وتصفه أيضاً أنه من ما تب قام كان فصيح اللسان بليغ في قوله وهذه إشارة أنه سوف يصبح ذو مكانة بين الناس .. وتصفه أيضاً بالحكمة وأن كلمته يزنها قبل أن يدلي بها فتصادف مكانها ( كلمتو نجيضة )


    Quote: جدك بدخل الوكرا والولي هينة
    بحل كاتل الزِمم
    لا شهادة لا بينّة
    مو لُقاط طرف

    وتسترسل في ذكر خصال أجداده أنهم فرسان ورجال ليوم الحارة .. ويدخلون الحروب ولا يبالو
    وأنهم يجيرو قاتل النفس ويحموه ويحلو جرمه ( بالدية ) أن رضى أهل القتيل .. وعندما يقصدهم قاتل لا يسألوا عن شاهد وماهي الدوافع التي دعته لفعل ذلك ويحالوا قدر ما إستطاعوا حل الجرم الذي إرتكبه
    ومـــو لُقاط طرف
                   |Articles |News |مقالات |بيانات

13-12-2008, 08:00 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)



    الاخ العزيز / خالد المنسى

    كل سنة وانت طيب

    واشكرك كثيرا للمواصلة والاستمرارية وابقاء هذا البوست عاليا بمداخلاتك الثرة ... فى الايام السابقة كنت فى زيارة قصيرة لدولة الامارات العربية لبعض الاصدقاء والاهل .. وكان البرنامج مزدحما حيث لم اتمكن من تصفح النت ... واليوم فقط عدت الى سلطنة عمان ... لك كل الشكر واعزيك ونفسى فى وفاة الاخ والصديق صلاح الشايقى له الرحمة والمغفرة .
                   |Articles |News |مقالات |بيانات

14-12-2008, 11:35 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: فى الايام السابقة كنت فى زيارة قصيرة لدولة الامارات العربية لبعض الاصدقاء والاهل .. وكان البرنامج مزدحما حيث لم اتمكن من تصفح النت ... واليوم فقط عدت الى سلطنة عمان ... لك كل الشكر واعزيك ونفسى فى وفاة الاخ والصديق صلاح الشايقى له الرحمة والمغفرة .


    الله يرحم صلاح الشايقي ويحسن إليه فقد لكل من إلتقاه

    كيف كانت رحلة الأمارات
    هل إلتقيت بالجميل ( الخال ) هاشم حبيب الله محمد
    في رحلتك هذه

    تحياتي ومودتي قرشي وحمدالله على العودة
                   |Articles |News |مقالات |بيانات

14-12-2008, 01:03 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: أنا قولي ليكا وجيب
    شدو لي وركب
    وفي شباحو أديب
    مو لُقاط طرف


    تقول له أنا قولي لك واجب ... علي أن أقوله يا فارس الفرسان وأشجع الشجعان
    يامن حتى عندما شدو له الفرس كان يكسوه الخلق السمح والأدب
    والشباح ( قد يكون طريقة شبحته يمتطي ظهر الفرس )
    وقد يكون الطريقة التي يقود بها الفرس أول ماركب عليه
    وحسب رأي المتواضع أرى أن المعنى الأول أقرب


    Quote: جلسنلّو البنات
    وقفنلّو بي الترتيب
    وعشمانة الكريم
    رجايا فيك ما يخيب


    تصف أخاها أنه كان ذو مكانة رفيعة بين قومه ويوم زواجه جلسن البنات في سباتتهن لسيرته وحفله
    فهو فارس كريم جواد ذو خلق كريم وتتمنى وتدعو الله أن لا يخيب ظنها في أخوها
                   |Articles |News |مقالات |بيانات

15-12-2008, 11:43 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: د. احمد القرشي وضيوفه الكرام
    بوست قمة الروعة
    يستحق ان يستمر طويلا.
    متابعين ..



    الاخ العزيز / معاذ حسن

    شكرا جزيلا لحضورك ومتابعتك وساتحدث فى المداخلات القادمة ان شاء الله عن اغنية النعيم ود حمد .. اتمنى ان تشاركنا فيها .

    لك الود
                   |Articles |News |مقالات |بيانات

15-12-2008, 04:28 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    النعيم ودحمد

    أغنية النعيم ود حمد من كلمات رجل اسمه بابا ، وكان النعيم عمدة للمعيلق ....
    بعد مدح بابا للنعيم غضب أهل بابا نسبة لبعض الخلافات بينهم والنعيم ود حمد فاشتكى أهله للشيخ الجيلى ود العباس ود بدر ناظر الخط الخامس جهة الكاملين فقال الشيخ الجيلى لأهله ( انا بابا دا وسمتو وطلعتو) فمدح بابا الشيخ الجيلى ود الشيخ العباس ود بدر بأغنية ( البشيل فوق الدبر ما بكل ) وسنتحدث عنها لاحقا ... أغنية النعيم ودحمد تغنى بها خلف الله حمد ومبارك حسن بركات وثنائي الدبيبه
                   |Articles |News |مقالات |بيانات

15-12-2008, 06:58 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29046

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)




    ود القرشي

    هيييييييييييييييع ده الشغل ولا بلاش
                   |Articles |News |مقالات |بيانات

15-12-2008, 07:10 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: الطيب شيقوق)

    Quote: يا سعدة اللوقتين
    أبواتك رُجال
    في الأصل بينين
    مو لُقاط طرف

    وتستمر الشاعر في وصف أخواها بكل ما حسن ونبيل
    يامن تسعد بك الأسرتين ( من جهة أبوك ومن جهة أمك )
    ومعروفين أبواتك وأخوالك أصلهم باين ومأصل ومعروف لجميع الناس


    Quote: جدك بدخل الوكرا
    السلاحا سنين
    ود العز أخوي
    منسوب من الجهتين

    تفتخر به أنه من الجهتين مأصل وكريم ونبيل وود عز
                   |Articles |News |مقالات |بيانات

15-12-2008, 08:43 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: الوافر ضراعو أمنتو الرسول
    مأمون الوداعه بدر الدار أبوي
    ********

    كما ذكر الأخ الدكتور أحمد القرشي أن شاعرة هذه الأغنية هي الهويدة ( الرحمة )
    وقالتها في أخواها الفارس الأمين ودمسمار

    الوافر ضراعو إبتدرت بها قصيدتها
    وافر ضراعو تعني كريم جواد
    تعني يساعد المحتاج يرفع ويرقع ويعدل المائل
    ونرى أن أخته رقية قد قالت فيه أيضاً
    الألآف درجن ولداً نجيض ماك ني
    فكان هذا هو ديدن حياته يساعد ويدرج الجار والعشير القريب والبعيد ( يدرج المعنى الأصلي لها اي يساعد شخص أن على السير .. يمشي .. يقال درجه )
    ولكن هي تعني بها يعين ويساعد الألآف من الناس الفقراء

    أمنتو الرسول جرت العادة أن تودع الوداعة عند صاحب الوداعة وهو الله مالك الروح لكن نراها تشفع بي نبيه وحبيبه محمد صلى الله عليه وسلم أن يكون أخوها ود مسمار في وداعة رب العالمين ...
    والرسول عليه الصلاة السلام مأمون على كل شئ من ما تبَّ قام وأسماه آل قريش الأمين ...
    لذا نجد الهويدة تقول
    أمنتو الرسول مأمون الوداعة
    بدر الدار أبوي
    أي ضو البيت وجرت العادة أن تنادي الأم /الأخت ... أبنها / أخوها ( أبوي )


    Quote: غنى يا الهويده
    لود البها وجري القصيدة
    شال الصوت عرض تاية أخوى فريدة
    يا جنيات انصرفو ميِز أخوى بعيدة
    *******

    تدعو نفسها أن لها الحق أن تفخر وتغني لأخوها وتجر فوقو النم والقصيد
    وتقول:
    شوفهو كيف لآمن قام شايل السوط فوق يدو وعرض ( زينة وهيبة )
    والتاية هي مكان اللمة ( الدارة في الحفلة ) وايضاً تعرف الحفلة ( بيت اللعبة )
    وقد ذكرها الشاعر السفير سيدأحمد الحاردلو
    ( نحن التاية والإنداية ) والإنداية معروفة هي مكان شراب الخمر

    وتقول لأنداده أبعدوا دا زولاً مكانتو عالية ....
    والميز هي كلمة أنجليزية سودنّت
    maisonette اي البيت أو الدار وكانت تطلف على دار الضباط ( العذابة )
    وأيضاً في لعبة شديت لابد للعرسة ان تدخل الميز اي البيت ويكون معلم بخط في شكل دائري
    وفي بعض المناطق يقال ( ميس )
    والله أعلم
    وأذكر في سهرة كانت مع الفريق شرطة إبراهيم أحمد عبدالحميد عليه رحمة الله
    ذكر من الكلمات الإنجليزية التي سودنّت أيضا
    ( التمنّا ) وهي نقطة شرطة صغيرة عادة تكون في الأسواق
    وهي أصلاً من كلمة
    ( two men ) عادة يكون فيها شرطيين


    Quote: تغنى الفى جرفو
    لود البها والخلوق بتعرفو
    شال الصوت عرض يا جنيات انصرفو
    نمر العبدلاب الما بيرجف كتفو
    **********

    الجرف هو الأرض التي ينحسر منها النيل وتكون عادةً خصبة
    ود البها.. اي الباهي والناس تعرفه بفعائله
    وتقول :
    شوفوا كيف وكت شال الصوت وعرض وخايلة الملكة والعزة فوقو .. وفوق دا كلو يأكل السوط زي
    شرابو لي الموية وما برجف كتفو من ضرب السوط ولا بترمش له عين.
    وهي عيب أن حدثت لي الزول الراكز لي البطان
    وكما ذكر الدكتور قرشي كانت تسمي الهويدة أخوها الأمين ودمسمار نمر العبدلاب


    Quote: غنى يا سلكوكه
    جر النم عليه وخنقى الدلوكه
    انت يا الأصم يا الما بحمسوكا
    يا ضرب يومين تنزل فوق عدوكا

    سلوكا قد تكون مطربة غناية تطلب منها أن تغني وتجر النم والشكر فوق أخوها
    خنقي الدلوكا
    تخنق الدلوكا أن يوضع مرفق اليد ( الكوع بالعامية السودانية ) في الدلوكا فيبدو صوتها وكأنه مخنوق وإجيك من بعيد ( ومتختخ )
    تغني فوق منو ؟ فوق الأصم أي القارح وفايت أندادو منعة وقوة ومو محتاج أن يحمس أن يسويي الزين
    وضرب يومين أتخيل بالله زول بضربو في لمدة يومين هنا تشبه أخوها كأنه ذاك الفعل ضرب لمدة يومين فهو مؤلم وموجع .. انزل فوق عدوك
                   |Articles |News |مقالات |بيانات

15-12-2008, 09:11 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    [
    Quote: B]تغنى الرحمه قالت
    يا قشاش دموعي العلى سالت
    وقت الحاره جات والفرسان ان جالت
    نادولى الحسن تومى الحرابه دارت

    والرحمة ( الأسم الثاني للهويدة )
    تقول تغني وتنم وتجيب شكرك الرحمة وفوقك قالت
    يا البتمسح وتقش الدموع العليها سالت وكت الحرب وتجيب النصر يا أبو ضراع
    ودوماً بقول يوم تقوم الحرابة والناس مفزوعة والفرسان تصول وتجول
    بس نادو لي الحسن ( الأمين ودمسمار ) هو البقدر عليهم وبدك حصونهم
    وكلمة تومي تعني أحيانا التوأم وقد تعني الرفيق والشقيق أيضاً عندما يكون ملازمك ولا يفارقك

    (عدل بواسطة خالد علي محجوب المنسي on 15-12-2008, 09:13 PM)

                   |Articles |News |مقالات |بيانات

15-12-2008, 09:35 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: فهمك مو دراسه
    يالنيل الطمح كسر التُّراسه
    وقت الصيح وقع والفرسان تتواسى
    برد دار ابوك تضرع ضحى وناسا
    **********

    تقول له يا الفاهم وحكيم وواعي ودا ما جبتو بدخولك للمدارس لكن حنكة ونقاوة ذهن أكتسبها
    من بداوته ...
    وتشبه كرمه بالنيل عندما يفيض ويكسر كل التروس التي وضعت تحجزه وتحد من فيضه الدفاق
    الصيح هو إعلان أن هناك حرب أو عدو هاجم .. ووقتها يحصل الهلع حتى بين الفرسان لكن ( يتواسون )
    أي يثبت كل منهم الأخر
    وقتها أنت مبرد عينا وعين أهلك ( وقالت دار أبوك ) أي بتكون وقتها أنت المفخرة لنا وقدامي
    وبارز وما بتتوارى



    Quote: فهمك مو قليل
    يالهامه اب زنود فى السموم تقيل
    يا رحل الكحل بالشضاض تميل
    جيت يا خيرنا قش دمعى المسيل

    يا الهامة اي يا القائد والرأس .. والهامة هي جزء في الدماغ ( الجمجمة ) .. وتكون لينة في رأس الطفل المولود ...
    أب زنود سبق أن شرحنا معناها
    في ( تور أب زنود ساقوا ) ....
    الزند هو الفخذ في اليد
    والسموم هو هواء حار وقت الظهيرة ( يقولوا ليك يا ولد مارق وين ؟ فوق السموم البتقلي الحبة دي )
    من حرارتها
    الكحل حجر ثقيل ولو وضع في ميزان ميل بكل شي من ثقله. وهي تعني أن أخوها في ثباته وثقله مثل رحل الكحل ...
    والرحل : شوال ( يخاط ليصبح مغلق من الطرفين ) ويقطع في الوسط بفتحة في الجزء العلوي ليصبح مثل جربابين او شنطتين تحمل فيه الأشياء في الحمار او الركوبة اي كانت من جمال وبقال وحصين ...
    قش الدمع .. تعني به أنه بجيب ثأر من قتلوا من قبل في حرب .. عادة الناس كانت لا تبكي على من قتل إلا بعد الثأر له وقتل من قتله أو قتل القبيلة التي قتلته ...
                   |Articles |News |مقالات |بيانات

16-12-2008, 01:07 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)


    النعيم ودحمد

    كلمات بابا
    رواية الفنان / خلف الله حمد

    يا الأحييت سنن البرامكه
    وعاجبني طول ايده سامكه
    يا يابا قول النعيم درّاج المتابكة
    ********
    النعيم يا فحل القبائل
    كريم لمام الهمايل
    شيتا براك ما أظنو خايل
    ايدو أم ِرويق والقِبلي شايل
    ********
    النعيم يا قاصدين لبا
    خشمو انطبع لي مرحبا
    هو عزيمتو ما بردخا
    والبتسبل للضيف بضبحا
    *********
    النعيم قادل وحدو
    ما تكترو وتتقعدو
    هو رب القدرة ساعدو
    ختو لو الصحة ما فنتدو
    ********
    غنيت لدابي الرجيمة
    ما بحوى على البهيمة
    هولك الشكرات قديمة
    ما بشيل المال الفي القسيمة
    ********
    أنا غنيت للولد
    الاسمو النعيم ود حمد
    وكت العيش ِبقى بالقبض
    ديوان النعيم ولا بنسد (انت الكبرى الركز البلد )
    ********
    غنت ليك أم رشوم
    هو مو لها وطق خُشوم
    وكت العيش بقى معدوم
    فوق ضهرو الولية تنوم
    *******
    النعيم الشكر ليهو ُقلتو
    بسبل بتوب سترتو
    زي القمر في ُبهرتو
    باجور شخرت ماسورتو
    ********
    يا الشرفت القضا
    ويا الحاكيت من مكوار بدا
    خدامتو القعدا
    هيِ بتدرِش قالت قضى
    *******
    انا غنيت جبت وصفو
    مكتوب الشرف على كتفو
    ناطو ليه ما لحقو حرفُو
    ديل القبيل ماكلنو حرفو
                   |Articles |News |مقالات |بيانات

17-12-2008, 05:56 AM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    ياناس كل عام وأنتو بخير .. والله نحاسكم صوتو جايب الغاشي والماشي .. لي يومين بحاول أنزل أغنية سنن البرامكة ( النعيم ود حمد ) بصوت خلف الله حمد .. بس الموقع شكلو فيهو حاجة مامظبوطة بحاول أنزله على سيرفر خارجي وأجيبه هنا..
    يديكم العافية ..
                   |Articles |News |مقالات |بيانات

17-12-2008, 07:46 PM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)

    ابن العم الدكتور أحمد القرشي
    السلام عليكم ورحمة الله وبركاته
    كل عام وأمة الأمجاد في الوطن العزيز وخارجه بخير ... تجدني آسف أشد الأسف أن أمر مرور الكرام في مثل هذا البوست السمين النافع لنا ولأجيال قادمة من نسل الأبطال ولا غرو أننا تاريخ ناصع من التضحيات من سنار الأولى إلى الأتراك والمهدية والإنجليز إلى هذه الأيام الحالكة الضحلة ، وهذا البوست أوقد فينا قشعريرة لا يعرفها إلا من يكابدها... نرفع هذا البوست التوثيقي الموسوعوي حتى حين العودة إضافة وإثراءً .
                   |Articles |News |مقالات |بيانات

18-12-2008, 11:18 AM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: عبدالرحمن الحلاوي)

    فوووووووووووووق لغاية حضور الدكتور
                   |Articles |News |مقالات |بيانات

19-12-2008, 07:25 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: عبدالرحمن الحلاوي)


    الاخ العزيز / محمد عثمان محمود

    شكرا للمعلومات التاريخية عن معركة القيقر وازحف ..وايضا اشكرك على الصور التى انزلتها لخندق القيقر، وفى انتظار المزيد من المساهمة فى هذا المجال

    لك حبى واحترامى
                   |Articles |News |مقالات |بيانات

19-12-2008, 08:41 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: النعيم ودحمد

    كلمات بابا
    رواية الفنان / خلف الله حمد

    يا أحيّى سنن البرامكه
    وعاجبني طول ايدو سامكه
    يا يابا قول النعيم درّاج المتابكة


    البرامكة هم الفناجرة أهل الكرم .. لهم مجالسهم الخاصة
    تميزوا بالكرم والجود وحل العقد والصلح وغيرها من الأمور
    الأخرى في مجالسهم......

    فيقول الشاعر بابا أن الشيخ النعيم ودحمد ( في حلة النعيم ودحمد ) قرب قرية المعليق وقرية مركركّا..

    أن النعيم أحّى سنن كريمة جميلة من أيام البرامكة ( ومجالسهم السمحة )

    طول يدو : يعني بها أن خيره وكرمه يطول بها البعيد قبل القريب

    دراج المتابكة : المتابكة هي العاطلة من الحيوان ...
    قد يكون من مرض أو هزال فدوماً تلقاها في أخر القطيع ...

    يدرج أي يساعد على السير ويعني بها ( يعين ويساعد )




    Quote: النعيم يا فحل القبائل
    كريم لمام الهمايل
    شيتا براك ما أظنو خايل
    ايدو أم ِرويق والقِبلي شايل
    ********

    فحل القبائل : الفحل هو الذكر في القطيع وبالذات قطيع الأغنام والماعز
    والفحل يقال أيضاً للجمل الأصيل ( الذكر )
    ويكنّا بها الولد البكون فزّاع لحّّاق في الضيق يتب مسارع في وقت الشدة والحاجة
    والفحل في البهائم هو الذي يقود القطيع ( ووظائفة معروفة في القطيع )
    وهنا أتى بها الشاعر كناية يعني بها أن النعيم ودحمد كان يقود القبائل وأن مكانته رفيعة بين قبائل تلك المنطقة..
    الهامل أو الهاملة هي التي لا ملجأ له /لها .. ولا معين له / لها فالنعيم يأويها ويكرمها ويحسن إليه / إليها

    خايل : مناسب
    شيتن : شئ
    براك : غيرك
    أم رويق : هي المطر
    وهي كناية أن جوده وكرمة مثل المطر لا يعيّن ويحدد ( من طرف بكرم )


    Quote: النعيم يا قاصدين ربا
    خشمو انطبع لي مرحبا
    هو عزيمتو ما بردخا
    والبتسبل للضيف بضبحا


    هنا يناشد اللذين يقصدون دار النعيم ودحمد. يريد أن يعرفهم بمن هو النعيم وماهو طبعة وخصاله .. أنه شخص أنطبعت كلمة مرحب حبابك في خشمه يبادر بها .. كلمة مرحب والترحيب لا تصدر إلا من كريم
    وأنه لا يبخل على ضيفة حتى بالعزيز من بهائمة يذبح له ولا يهمه حتى لو كانت حامل ( دراة ) وهي غالية عند أهل البهائم

    (عدل بواسطة خالد علي محجوب المنسي on 20-12-2008, 09:47 AM)

                   |Articles |News |مقالات |بيانات

19-12-2008, 08:57 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: النعيم قادر وحدو
    ما تكترو وتتقعدو
    هو رب القدرة ساعدو
    ختو لو الصحة ما فنتدو
    ********

    يقول أن النعيم هو الشخص الوحيد القادر ..والقدرة هنا يعني بها الكرم
    والجود ومساعدة الفقراء والمحتاجين
    وينبه من يتطاولا لمجارته في كرمه وجوده ( إن يلزموا مكانهم ما بصلو ويطولّوا )
    هو شخص الله العلي الكريم أعطاه من السعة والنعيم قدر كبير


    Quote: غنيت لدابي الرجيمة
    ما بحوى على البهيمة
    هولك الشكرات قديمة
    ما بشيل المال الفي القسيمة


    هنا يشكره ويقول أنه في طبعه لا يضاهي
    دابي الرجيمة الذي من طبعه أن ( يحوي ) اي يأتي من الخلف
    يدبّى
    دا زولن معروف بالكرم والجود مو شيتن جديد علي .. دا شيتن واثوّا من أجدادو وابواتو
    وكمان زولاً لا يتدنّئ للدنيئة ويترفع عن ذلك
    ورمز لذلك أنه ما بيشيل المال الفي القسيمة ( متأخر الصداق )
                   |Articles |News |مقالات |بيانات

19-12-2008, 09:21 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    Quote: أنا غنيت للولد
    الاسمو النعيم ود حمد
    وكت العيش ِبقى بالقبض
    ديوان النعيم ولا بنسد (انت الكبرى الركز البلد )


    ويواصل بابا في مدح الشيخ النعيم ودحمد
    ويقول في سنة كانت فيها العيوش بي القبض ( قبضة اليد ) ( اي الزول البدي مابدي أكثر من قبضة )
    وهذا قد تكون في السنين المحل وعلى الأرجح أن تكون تلك السنة المحل المعروفة. والتي يضرب بها المثل
    ( سنة ستة ) في هذه السنة والضيق واقع على الخلوق كان ديوانه وداره فاتحة للضيوف ...

    وأنت الكبري الركز البلد
    وهذا البيت أجده أجمل من سابقه
    اي أن النعيم هو الذى سند وساعد الناس في تلك السنة. وهذا المعنى العام
    والكبري معروف أنه يقام على جدول أو نهر أو وادي تعدي به الناس
    وشبه النعيم بالكبري وأنه قدل بي الناس تلك الكارثة الوقعت من محل شديد
                   |Articles |News |مقالات |بيانات

19-12-2008, 09:17 PM

صديق الموج
<aصديق الموج
تاريخ التسجيل: 17-03-2004
مجموع المشاركات: 19433

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: الشكر أجزله لدكتور أحمد القرشي علي جهده المتواصل لتوثيق الأغنية السودانية خاصة الجميلة منها ونحن نثمن كل ذلك 0000000 ولكن تبقي أغنية الحماسة المعروفة (بتريد اللطام ) للشاعرة بت مسيمس وليس لحبوبتنا رقية محمد إمام (أخت عبدالقادر ودحبوبة) .


    د.ود القرشى والمتداخلون تحياتى
    كلام عبد المنعم عمر ده ما يقع واطه..
    بتريد اللطام لى الشاعرة بت مسيمس اما قصيدة رقيه فهى الواعى ما بوصو
    ولاننا نوثق لابد من تثبيت ذلك
    ويبقى الود،،،،
                   |Articles |News |مقالات |بيانات

19-12-2008, 10:19 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: صديق الموج)

    Quote: النعيم الشكر ليهو ُقلتو
    بسبل بتوب سترتو
    زي القمر في ُبهرتو
    باجور شخرت ماسورتو


    يقول أن قلت شكري ومدحي للنعيم ود حمد وكما قال الأتستاذ الطيب محمد الطيب
    أنه كل ماقيل من شعر من مدح ورثاء وذكر محاسن كان صادق لأنه جرت عادة الشعراء
    في ذاك الزمان أن يقولون ماليس في الشخص تودد يريدون به قرب ..

    التوب المسبل هو كناية عن الخيلاء وإظهار رفعة الشخص الذي يلبه

    البهرة هي الضوء الذي يخلب المقل إن نظرت إليه

    الباجور هو بابور الماء ( الليستر الأنجليزي ) فكان الري بالسواقي في ذاك الزمن ولا يملك البابور
    إلا مقتدر وقادر على تكالفه ....
    شخرت هو ذاك الصوت التي تصدر المياه عند خروها من فوة الماسورة ترمي في الجدول
    فهو صوت كصوت شخير النائم

                   |Articles |News |مقالات |بيانات

20-12-2008, 02:55 AM

Osman Musa
<aOsman Musa
تاريخ التسجيل: 28-11-2006
مجموع المشاركات: 17333

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)


    سادتى الكرام
    د/ أحمد القرشى
    الأستاذ ود المنسى
    سلامات يا فرسان
    متابعين .
    وشايفين الرتاين تلمع تجيب الضهبان .
    يا ود المنسى وصيتى ليك .
    الدلاليك لا تبرد ابدا .
    حمس الشتامة .
    وخلى عجاجة سيرتنا تقطع الاطلسى . هب . هب .
    سلامات .
                   |Articles |News |مقالات |بيانات

20-12-2008, 09:58 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Osman Musa)

    Quote: انا غنيت جبت وصفو
    مكتوب الشرف على كتفو
    ناطو ليه ما لحقو حرفُو
    ديل القبيل ماكلنو حرفو


    يقول أنا نميت وغنيت وقلت ووصفت النعيم ودحمد بكل ما هو خصلة له وفيه..
    وهو الشريف النبيل ومابحتاج لي وصف لآن الشرف والنبل باين علي وواضح وله علامات
    عليه ...

    ناطو : أي نطوا وتشابوا حتى يضاهوه في كل خصاله الكريمة
    وهم ندادته ومنافسوه
    هم من أكلو من كرم يده الفياض ....
    وحرفو الأول أفتكر من الحرفة والصنعة
    وحرفو الثانية هي السنسنة من الكسرة ( الطرقة ) وأحيانا تطلق مجازاً
    للأكل كله ( يجي الجنّى جعان ويقول ليها يما أديني حرف أكلو ) اي ملحي لي كسرة
    بي ملاح ( والله أعلم )
                   |Articles |News |مقالات |بيانات

21-12-2008, 01:56 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    يا دكتور ( قرشي )
    جرك بقى بطئ
    لعل المشغولية
    لكن لحين ميسرة بنرجع لك
                   |Articles |News |مقالات |بيانات

22-12-2008, 04:38 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    الاخ العزيز / خالد المنسى

    شكرا جزيلا على المواصلة والشرح ورفع هذا البوست عاليا... الغياب كان لوعكة صحية صغيرة والحمد لله تعافيت وساواصل معكم فى التوثيق لهذا التراث ... لك التحية والود
                   |Articles |News |مقالات |بيانات

22-12-2008, 05:59 PM

حيدر امين
<aحيدر امين
تاريخ التسجيل: 13-07-2008
مجموع المشاركات: 2834

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    الحمد لله على سلامتك د. احمد ولد القرشى

    ارفع البوست للربع الاول من 2009


    اعلان للجميع:ارشفة المنبر العام الحالى للربع الرابع لعام 2008 يوم 27 -12- 2008

    (عدل بواسطة حيدر امين on 22-12-2008, 06:01 PM)

                   |Articles |News |مقالات |بيانات

22-12-2008, 08:05 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: حيدر امين)
                   |Articles |News |مقالات |بيانات

23-12-2008, 11:42 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    كسار قلم ماكميك


    ماكميك هو السير هيرالد ماكمايكل والذي ولد في سنة 1882 وتوفى سنة 1969 وهو ادارى بريطاني تخرج في كمبردج وبعد تخرجه التحق بالخدمة المدنية لبريطانيا حيث عمل بالسودان الانجليزي المصري وقتها إداريا في النيل الأزرق سنة 1915 وبعدها كبير المفتشين بالخرطوم ووصل إلى قمة السلك الادارى حيث شغل منصب السكرتير الادارى في السودان سنة 1926 أما كسار قلم ماكميك فهو الشيخ عبدالله ود جادالله ناظر الكواهله وهو جد السيد الصادق المهدي لامه حيث تزوج السيد الصديق المهدي الرحمة بنت عبدالله ود جاد الله ... وكانت نظارة عبدالله ود جادالله تسيطر على المنطقة بين النيلين حتى الشكابه وانقسمت بعد ذلك إلى ثلاث قطاعات وهى نظارة عبدالله ود شاع الدين ونظارة هبانى في نعيمه ونظارة أولاد زايد ما بعد الحوش حتى الفاو .. أما الشقيق والتي كانت تقع فيها نظارة عبدالله ود جادالله فتقع في الجزء الشمالي الغربي من ولاية النيل الأبيض يحدها من الشمال قوز ود حمارى ومن الشرق قرية السيال إلى حدود قرية الشيخ الحسين وما جاورها ومن الجنوب قرية المراخه وغربا قرية المقيرينات الى حدود منطقة الهلبه ،وتقطن هذه المنطقة قبيلة الكواهله و الجعليين والماجدية والحسانية وبعضا من الجموعية قليل من القبائل الأخرى.. وتتكون منطقة الشقيق من عدة قرى تزيد عن 35 قرية .
                   |Articles |News |مقالات |بيانات

23-12-2008, 06:11 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    تزوج الإمام محمد احمد المهدي فاطمة بنت الحسين الحجازية من الشوال وأنجبت له أم سلمه والتي تزوجها عبدالله ود جادالله كسار قلم ماكميك وأنجب منها ابنته رحمة والتي تزوجها السيد الصديق المهدي وأنجبت له السيد الصادق المهدي ،اى ان كسار قلم ماكميك هو جد السيد الصادق المهدى لامه
    .
                   |Articles |News |مقالات |بيانات

24-12-2008, 08:31 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    لحين ميسرة

    تحياتي دكتور قرشي
                   |Articles |News |مقالات |بيانات

24-12-2008, 11:11 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)


    قصة أغنية كسار قلم ماكميك إن عبد الله ود جادالله اختلف مع ماكمايكل في بعض الأمور الاداريه فهدده ماكمايكل بكتابة تقرير عنه فامسك عبدالله ود جادالله بقلم ماكمايكل الخشبي وكسره ورماه ، فلقب عبد الله ود جاد الله بكسار قلم ماكميك وسميت نظارته بنظارة كسار قلم ماكميك ، ولقد أدت هذه الحادثة فيما بعد إلى تحويل النظارة من أسرة عبدالله ود جاد الله إلى أسرة الاعيسر وهم أبناء عمومته ( في نهاية السبعينات وأنا صغير أتيحت لي الفرصة لمقابلة الشيخ محمد فضل الله الاعيسر المشهور بالهرديمى ناظر الكواهله بأم بادر حيث كان والدي يعمل هنالك ) ..
    ولقد ذكر الأستاذ خالد الشيح حاج محمود إن شاعرة هذه الأغنية هي مستورة بنت كوكو وهى من الشقيق وهى كاهلية ولقد غنت هذه الأغنية أم بارود والرحمة مكي وتغنى بها وسجلها للإذاعة الفنان الكبير بادي محمد الطيب له الرحمة والمغفرة
    .
                   |Articles |News |مقالات |بيانات

24-12-2008, 06:49 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    كسار قلم ماكميك

    عليك بجر النم يا دقر الحرائق
    أصبحت كاتم السم عشميق الأصم
    ********
    شدولو ركب فوق اصهبا وحشي
    رايو مكملو وكلامو ما هبشي
    اديتكم أمانه متقنعه وتمشى
    عاشقانى الامانه ضيف الهجعه يتعشى
    ما بتطاقش الهسوق وما بطاقشو الهسوق ولدا قبيل منسي
    علكيكا كبير ماكميك جنى هكسى
    *********
    الليله البلد اتباشرو ناسو
    يا بحر المحيط مين عبرو وقاسو
    بريطانيا والترك ما لينو ساسو
    والعضم الكبير كسرو وشرب ساسو
    ********
    شدولو ركب فوق اصهبا مو ربيك
    والهوى والشرق شرفا بعاينن ليك
    العاقر تقول بلدى وبسمي عليك
    يا عيد الضحية البفتحولو البيت
    رايو مكملو وكسار قلم ماكميك
                   |Articles |News |مقالات |بيانات

25-12-2008, 06:47 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: جلسة في قريتنا خلال ايام الاجازة - تعال يا المنسي اسمع عمنا حاج امحمد ود الطيب بغنى في شيقا كيف



    العزيز / الطيب شيقوق

    شكرا على هذا الكليب الجميل وحقيقة حاج امحمد رائع ومبدع ....


    لك ودى
                   |Articles |News |مقالات |بيانات

25-12-2008, 05:11 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29046

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    سلام دكتور القرشي

    انت يا دكتور الموضوع البتمسكو بتنجضو مرة واحدة وما بتخلي للناس حاجة يقولوها معاك ووحياتك انا بقرا في رواية عبد الله ود جاد الله وعلاقتو بالصادق المهدي وكنت في غاية المتعة كتر خيرك على المعلومات الرائعة والمفيدة -

    لنا عودة يا زعيم
                   |Articles |News |مقالات |بيانات

27-12-2008, 05:28 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: الطيب شيقوق)

    Quote: الشكر أجزله لدكتور أحمد القرشي علي جهده المتواصل لتوثيق الأغنية السودانية خاصة الجميلة منها ونحن نثمن كل ذلك 0000000 ولكن تبقي أغنية الحماسة المعروفة (بتريد اللطام ) للشاعرة بت مسيمس وليس لحبوبتنا رقية محمد إمام (أخت عبدالقادر ودحبوبة) .

    - وأعتذر علي الدخول المتأخر لعدم مشاهدتي للبوست من أوله .



    الأخ العزيز / عبدالمنعم عمر عثمان

    أهلا ومرحبا بك في هذا البوست وأشكرك على مشاركتك وآراءك التي تثرى النقاش ، ولقد سبق وتحدثنا عن اغنيتى بتريد اللطام والواعي ما بوصو في بوست الحزن في الأغنية السودانية .. وعند ذهابي إلى السودان كنت حريصا على مقابلة بعض أبناء الحلاويين للتأكد من المعلومة والتقيت يبعضهم ومنهم يوسف محمد احمد الطيب وتناقشنا في نسب الأغنيتين وكذلك التقيت بالباحث في التراث الأستاذ خالد الشيخ حاج محمود وكذلك الأخ المهتم الموسوعة على مصطفى والأستاذ عوض بابكر ولقد أكدوا جميعا إن أغنية الواعي ما بوصو هي لبت مسيمس وبتريد اللطام لرقية أخت ودحبوبه .. واني احترم رأيك ووجهة نظرك المدعمة بأسانيدها وسنظل نبحث عن الحقيقة دائما .

    لك الود والتقدير
                   |Articles |News |مقالات |بيانات

31-12-2008, 06:59 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    الاخ العزيز / عثمان موسى


    شكرا لحضورك البهى واهتمامك وتشجيعك لنا.... اهنئك بالعام الجديد وبالسنة الهجرية وكل سنة وانت طيب


    لك حبى
                   |Articles |News |مقالات |بيانات

31-12-2008, 08:03 AM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    قدلة بمهل
                   |Articles |News |مقالات |بيانات

07-01-2009, 02:54 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: صديق الموج)

    Quote:
    د.ود القرشى والمتداخلون تحياتى
    كلام عبد المنعم عمر ده ما يقع واطه..
    بتريد اللطام لى الشاعرة بت مسيمس اما قصيدة رقيه فهى الواعى ما بوصو
    ولاننا نوثق لابد من تثبيت ذلك
    ويبقى الود،،،،





    الاخ العزيز الاستاذ/ صديق الموج

    شكرا لحضورك ومتابعتك ... ولاننا بصدد التوثيق نحاول البحث والتحرى عن كل اغنية ومؤلفها ومناسبتها وبخصوص اغنيتى الواعى ما بوصوا وبتريد اللطام تحدثت عنهما كثيرا واعدك ان رايك ورأى الاستاذ عبدالمنعم عمر عثمان اضعهما فى الاعتبار وان شاء الله نبذل الجهد حتى نصل الى الحقيقة ... ولك الودوالاحترام
                   |Articles |News |مقالات |بيانات

31-12-2008, 08:10 AM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    بتريد اللطام أو أسد الكدادة هي لرقية أخت ود حبوبة حسب ماسمعت وقرأت في أكثر من مكان .. وبحوزتي تسجيل بصوت الأستاذ عوض بابكر من برنامج حقيبة الفن بتاريخ : 23/05/2008م حيث ذكر ماقد ورد وقاله الدكتور أحمد .. ويمكن ان يكون ملحقاً بالأغنية التي قمت بإنزالها هنا ورد فيه بأن الأغنية التي كتبت من أحداث واقعة كتفية هي لرقية أخت ودحبوبة .. وكلي ثقة في ما أورده الأخوان ..
                   |Articles |News |مقالات |بيانات

01-01-2009, 08:10 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)



    كل سنة والجميع بخير وعام جديد سعيد وربنا يحقق امانى الكل
                   |Articles |News |مقالات |بيانات

04-01-2009, 04:52 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    الاخ العزيز / عبدالرحمن الحلاوى


    اشكرك كثير على حضورك الدائم وحرصك على ابقاء هذا البوست عاليا ...واعرف ابناء اهلى الحلاويين واهتمامهم بالفن وحرصهم على توثيقه لك ولهم جميعا الود والتقدير


    لك التحية والاحترام
                   |Articles |News |مقالات |بيانات

04-01-2009, 05:35 PM

وضاحة
<aوضاحة
تاريخ التسجيل: 16-01-2005
مجموع المشاركات: 8878

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)
                   |Articles |News |مقالات |بيانات

06-01-2009, 06:17 AM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: وضاحة)
                   |Articles |News |مقالات |بيانات

06-01-2009, 01:34 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)


    الاخت العزيزة / وضاحة

    افتقدك المنبر فى الفترة السابقة ... اهلا ومرحبا بك واشكرك على اغنيةالكابلى وساحاول كتابة نصها قريبا ..


    لك ودى
                   |Articles |News |مقالات |بيانات

07-01-2009, 06:07 PM

وضاحة
<aوضاحة
تاريخ التسجيل: 16-01-2005
مجموع المشاركات: 8878

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

                   |Articles |News |مقالات |بيانات

07-01-2009, 10:33 PM

NAHID HASSAN BASHIR

تاريخ التسجيل: 26-07-2008
مجموع المشاركات: 141

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    الأستاذ
    أحمد القرشى
    شكراً وأنت تطرق باباً فى حوش الثقافة الشعبية
    وتترس رافد من سهيل تراثنا الثر .. وبالأخص
    سرساب سرف فى السيرة ( بكسر الفاء) الشعبية
    لأهل السودان بما مثلته أغانى الحماسة والسيرة
    من مرجع تأريخى يحكى قصة تبلور وثقافة هذا
    الشعب بتباين إثنياته وبيئاته ومكوناته الثقافيه
    فأنت تقرأ وتسمع فى كل قصيدة قصة المكان والزمان
    أستاذ أحمد القرشى
    لك العتبى إن كنت أسهبت ... ولكن لى العذر...
    لكم أكون سعيدة إن تكرمت بإضافة تحفة :
    (الصافى دهب الخزانه)
    الملحمة ....
    والتى نظمتها السيدة الفارسة ( الحرم عبدالله أبوسن )
    فى عبداللاه ناظر عموم الشكرية .. ومن منا لا يعرف هؤلاء
    قوم .
    للأ سف تعذر على رفع مقطع الفيديو لهذه الأغنية ، أأمل
    أن يتكرم أحد الزملاء التكرم به .

    الصافى دهب الخزانه
    والدوله ام فوت سيد بكانه
    بريدو ود شيوخ البطانه

    شدو ليه البمغى الرسانه
    ومرق الما بدورلو إعانه
    يقيم الليل بالديانه
    ويحل مفصول الضمانه

    مرق ود كرسى الحكومه
    وقشلش دموع الظلومه
    الضايقه بفرج همومها
    والواجبه بعرف لزومها

    بريدو ود شيوخ البطانه
    شدو ليهو قارحو المقلد
    نهم تيلادو المولد
    نسف الكيس لينا جرد
    وشيشك للدمعو برد

    مرق ود بيت الفضاله
    تيتب للهاكعه شالها
    عظيم بالحيل با اب قداره
    متل قريش فى الشطاره

    مرق ود بيت الدراسه
    الطاهر خاتى النجاسه
    شدو ليه ام جراسه
    ودخل البرطن نحاسها

    مرق اب زينا مكمل
    لو مسفوه لو ممهل
    درعو البجوخ منمر
    ولبسو البخوخ مسمر

    قاضى اوقاته وفروضو
    مرق السابلات عروضه

    عوق الآلاف بقودو
    وحرسه صنعة جدودو
    عبد اللاه يبلغ قصودو
    ومتل حاتم يحكو جودو

    عبد الله دقر الحرائق
    ونافى العيب والنقائق
    بالاغراب ماهو عائق
    كريم اخلاق ديمه فائق
    بريدو ود شيوخ البطانه

    دارس سايس الطرائق
    وفارس جاب الحقائق
    وراسى وفى جلوسه رايق
    وبحل المسجون وضايق

    شدو ليه القارح جواده
    ووافر للعامه زادو
    عبد اللاه يبلغ مراده
    على الهايكوت ظعنو قادو

    عبد اللاه الفرسان صميممن
    يشلع عيقان زحيمن
    جدو البيهات عظيمن
    ملك ذوات مو نديمن

    شدو قارحو اب فرايه
    وسل اب جدله وسقايه
    عبد اللاه كاب الولايه
    جليس ستات السرايه

    فروخو نفضت بديدو
    وتسمع كورو وجضيضو
    قود العوق يا عقيدو
    النصر والفوز إنته سيدو

    شدوا ليهو الصر كورو
    ونقروا نحاسو وطبلو
    عوق الآلاف يجولو
    وثقاة الناس بشهدولو
    بريدو ود شيوخ البطانه

    شدوا ليه البنسف سبيبو
    ومرق الما بعيق قريبو
    امين الجار يا حسيبو
    جليس البارعين وضيعو

    غلق زاد مو مخاده
    ومرق الخاتى البلاده
    النصر والفال هيلو عاده
    وبجبد ناس فى الشهاده

    غلق زائد مسدر
    مرق اللى الروح بودر
    ركب حافلو المبدر
    جدو بضارى وبحدر
    بريدو ود شيوخ البطانه

    غلق نيل التسابه
    وقائد راس الحرابه
    قاطع عاقة القرابه
    بكان الموت ما بهابه
    بريدو ود شيوخ البطانه

    يوم القيله بنعاين
    بالطاقات ماهو باين
    تقيل موزون بالقباين

    سد ام دوربالعساين
    ومنع القش بالبطاين

    شدو ليه البعجب رسيسن
    وقود الخيل يا عريسن
    بنات الطيب إت جليسن
    والتاج والنيشان وريثن

    حفلن ولبسن ليوسن
    وجنو سايقات عروسن
    دوام مبسوط من خصوصن
    أديب ما بواخد جلوسن

    حتلن جلبن طقومن
    وجنو طالبات لزومن
    دوام مبسوط من همومن
    قدر ما يقولن فهومن

    شدوا ليه الكورو صر
    مو مسفوه مو مخلى
    بدر فى الحافله سلة
    والمسجون ليه حل

    الفروخ بارياهو بره
    وحنوا ولاقوا المسره
    بريدو ود شيوخ البطانه

    شدوا قارحو البلاوى
    وشويم لى بيتو ناوى
    عظيم ود عمد المقاوى
    وقدر ما اقول بيهو ساوى

    بريدو ود شيوخ البطانه

    ولى عوده ومتابعه
    مع خالص مودتى

                   |Articles |News |مقالات |بيانات

11-01-2009, 04:15 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: NAHID HASSAN BASHIR)


    اتمنى ان يعود العزيز خالد المنسى من اجازته بالسودان بالسلامة ليواصل ابداعه فى هذا البوست ... حقيقة نفتقده كثيرا فى هذه الايام .
                   |Articles |News |مقالات |بيانات


[رد على الموضوع] صفحة 3 „‰ 5:   <<  1 2 3 4 5  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de