|
Re: الحركة الشعبية باعت التذاكر قبل إستلام الترماي!!! (Re: مجاهد عبدالله)
|
Quote: لمن تجى تغيير مبانى (بيتك) بتعمل فترة قدر شنو عشان تكسر وتجيب المواد وتبنى من جديد |
الأخ المحترم دوت عضو الحركة الشعبية سلامٌ من الله عليك
أستمحيك بأن أرد بالدارجي طالما أقتضى ردك ذلك وراجينك راجع ..
ياخينا أول حاجة انا موافقك انو تغيير المبان يحتاج لفترة من أجل التغيير وأي كسير ياخد وقت وترميم داير وقت كتير ولحدي هنا احنا تمام ،تمام معاك ، لكن يأخوي ويييينا المباني دي ولو في مباني كان طلع علينا منفستو وناس ماتت بالملايين وإتشردت بالملايين برضو ولو في مباني ما جات الديمقراطية بعد نميري وقرنق أبى انو يعمل سلام مع مايو تانية ولو في مباني كان بكون في حق تقرير مصير لشعب واحد مضمن في اتفاقية ..يا اخ دوت مافي مباني اصلاً عشان نفكر انو نغيره او نرممه ستاشر سنة والإنقاذ تقتل في الناس شمال وجنوب شرق وغرب ومافي زول قاليها تلت التلاتة كم ، وكمان عشان ما يتفهم كلامنا ده على انو موجه للحركة براها فكل القوي السياسية قصرت في واجبه تجاه حماية المواطن من بطش الإنقاذ وكلها غرقت في نكساته الداخلية ولانو حتى بيوته البنتوهم انها بيوت كانت من بره هلاهلا ومن جوه يعلم الله ،عشان كده كتير من الناس شافت في قرنق والحركة حلم وامل كبير انو يخلصا من عصابة الخرطوم والناس كلها قالت انو عبدالمعين جاء لكن بالخبر الفوق ده لقوه بتعان وتقول برضو تغيير مباني ،وبعدين انا واحد من الناس البشوف انو الإتفاقية بتاعت نيفاشا دي كانت جبُر جبُر للمؤتمر والحركة والجبُر ده ذاتو طلع ميه ميه مع الحكومة الفقشت ريصين ناس كتيرة لانو الحرب الكانت في الجنوب هي جرائم حرب ماتوا فيها مدنيين كتار ومافي زول وصي على دم واحد فيهم لا المؤتمر ولا الحركة لانو دي روح بني ادم والكتل ميه برضو بكره بكتل الف والشغلانية طوالي ماشة زي ده ،عشان كده طوالى بنقول لازم تكون في محاسبة وخاصة للحكومة ،ولكن بالرغم من ده كله قولنا كويس النشوف آخرتا وياها زي ما شايف جابت ليها إحتفال لإنقلاب وين في جوبا كمان ومنو الماشي يرقص هنالك من الحكومة نافع شوفت حقارت الكيزان ديل كيف نافع ده المسئول الأول عن كل الجرائم الحصلت طوال فترته الكان فيها مسئول الأمن والمخابرات في السودان وما أظن ده خافي عليك ،يقتلو الكتيل ويرقصو في جنازتو ،شوفت المغصة الممكن تعمله الحقارة ،عشان كده يا أخوي انا واحد من الناس في المنبر ده قولت كلام محدد عشان نتخارج من الحكومة دي:
Quote: أن المرحلة المقبلة هي مرحلة العمل الشاق والتي تحمل في جوهرها التوعية ولابد من التكاتف والتحالف بين التنظيمات السياسية ،والتحالفات نفسها يجب أن تبتعد عن المكسب السياسي بقدر الإمكان لأنها جولة خاسرة في القريب العاجل وأن توظف كل طاقتها لتنفيذ ما تؤسس له من إستراتيجيات تقدم الشعب ،والشعب السوداني اليوم في امس الحوجة للوعي دون غيره. |
ونجي لسوعالك ده:
Quote: فهمك انت للسياسة شنو ؟ |
فهمي للسياسة ده خلو لانو سؤالك ده ومن الموقع الانته فيهو يمكن أفهمو فهم قبيح لكن اعتبرني زول ساكت من السودانيين الفضلو لافي في واطت الله ام دورور ياخي خلينا انا جيب ليك شافع لسه ما مسكو ليهو القلم وقوليه جنس الخبر الفوق لو ما قاليك الكلام ده اعوج في حق الحركة وكمان يقوليك ليك ياحليل الشعبية .. دحين ياخوي سوعالك ده ما في محلو وخليها مستورة اصلو اليومين سترة مافي فضايح سااااااااااااااااااااكت ..
وابقى طيب اخوي
|
|
|
|
|
|
|
العنوان |
الكاتب |
Date |
الحركة الشعبية باعت التذاكر قبل إستلام الترماي!!! | مجاهد عبدالله | 08-04-07, 02:08 PM |
Re: الحركة الشعبية باعت التذاكر قبل إستلام الترماي!!! | مجاهد عبدالله | 08-04-07, 02:18 PM |
Re: الحركة الشعبية باعت التذاكر قبل إستلام الترماي!!! | أبو ساندرا | 08-04-07, 02:21 PM |
Re: الحركة الشعبية باعت التذاكر قبل إستلام الترماي!!! | مجاهد عبدالله | 08-04-07, 02:43 PM |
Re: الحركة الشعبية باعت التذاكر قبل إستلام الترماي!!! | أبو ساندرا | 08-04-07, 02:53 PM |
Re: الحركة الشعبية باعت التذاكر قبل إستلام الترماي!!! | دوت مجاك | 08-04-07, 02:59 PM |
Re: الحركة الشعبية باعت التذاكر قبل إستلام الترماي!!! | عبده عبدا لحميد جاد الله | 08-04-07, 04:01 PM |
Re: الحركة الشعبية باعت التذاكر قبل إستلام الترماي!!! | مجاهد عبدالله | 08-05-07, 11:43 AM |
Re: الحركة الشعبية باعت التذاكر قبل إستلام الترماي!!! | مجاهد عبدالله | 08-05-07, 01:34 PM |
Re: الحركة الشعبية باعت التذاكر قبل إستلام الترماي!!! | مجاهد عبدالله | 08-05-07, 02:34 PM |
Re: الحركة الشعبية باعت التذاكر قبل إستلام الترماي!!! | Ahmed musa | 08-05-07, 03:09 PM |
Re: الحركة الشعبية باعت التذاكر قبل إستلام الترماي!!! | مجاهد عبدالله | 08-06-07, 06:47 AM |
Re: الحركة الشعبية باعت التذاكر قبل إستلام الترماي!!! | مجاهد عبدالله | 08-06-07, 01:33 PM |
Re: الحركة الشعبية باعت التذاكر قبل إستلام الترماي!!! | مجاهد عبدالله | 08-06-07, 02:41 PM |
Re: الحركة الشعبية باعت التذاكر قبل إستلام الترماي!!! | Ahmed musa | 08-06-07, 03:26 PM |
Re: الحركة الشعبية باعت التذاكر قبل إستلام الترماي!!! | مجاهد عبدالله | 08-07-07, 07:39 AM |
|
|
|