الحكومة والحركة تنسقان للانتخابات ولا عــزاء للحالمين !!!

Quote: المحترم الأخ دينق سلامٌ من الله عليك طبعاً يا دينق كل ما أقرأ التعقيب اضحك ضحك شديد جداً واول مرة تخذلني في الرأي عارف ليه ؟ لانو أول مرة اشوفك تشوف الفيل وتطعن ضلوا .وطوالي اقول دينق ده الكلام ما ممكن يقيف ليهو في حلقو بطرشوا بطرشوا ولكن الليلة زي ما بتقول حبوبة يطرشني ما سمعت طراشك هنا ومعاك انا انوالزول ده في كلاموا الكاتبوا فيهو تعالي وتجني على مواطن الجنوب لكن شوف المصيبة الكبيرة او الورطة الدخلته الحركة وهي فيما يبدوا تذهب قدماً لتأسيس تحالف مع من لاعهود لهم ومع من نكلوا بكل مثل واخلاق الشعب السوداني وليس بعيداً السحل الإنقاذي لكل ابناء السودان سوى من الهامش او المركز.. المهم عارفك لا يمكن أن تقيف مع رغبة الحركة في التحالف مع المؤتمر ولكن ليستعد مواطن الجنوب لشكل آخر من الحكم الشمولي الذي ياسس له المؤتمر الوطني .. خالص الود اخي..