|
|
|
 Re: عبدالمنعم سليمان صديقى يكمل عامه السابع عشر ! (Re: Nadia Elsir)
|
والله يا جماعة سمرية (هبه) ونادية ديل الذ واجمل بنات عرفتهم
طبعا انا لا متذكر عيد ميلادي وللا حاجة
الصباح بدري التلفون يرن رديت لقيته هبة قالت لي كل عام وانت بخير
قلت ليها وانت واهلك والجميع واتونسنا
اصلي قايل التهنئة بمناسبة المولد وميلاد المصطفي (ص)
بعد شوية تتصل نادية وتقول نفس الكلام
قلت ليها شنو يا جماعة قبل شوية هبة اتصلت انتو انا المسلم الصغير وللا شنو
شابكني تهنئة من الصباح ..
نادية قالت لي مولد شنو يا اخوي عيد ميلادك انت دا ..
انا المستغرب فيه البنات ديل بعرفو عيد ميلاد الاولاد الصغار من وين ؟
____
شكرا نادية شكرا هبة
بحبكم
منعم
| |
 
|
|
|
|
|
|
|
|
Re: عبدالمنعم سليمان صديقى يكمل عامه السابع عشر ! (Re: Nadia Elsir)
|
| Quote: انا المستغرب فيه البنات ديل بعرفو عيد ميلاد الاولاد الصغار من وين ؟ |
عبدالمنعم اخوي الكبير
مسكاقمي
يا اخوي وقت ما ولدوك ما كان في شهادة ميلاد ولا حتى مافي زول بيعرف يكتب في حلتكم
الداية قالت بعدما ولدت بتول نادوني للحاجة ام عبدالمنعم قالوا انها تتوجع
وقالت ما فاكرة كان الخواجات لسع في الكمبو ولا ايام الجلاء
مبروك وتهانينا وعقبال الف شمعة
الاخت نادية
مسكاقمي
صاحبنا طلع مولود يوم البتاع الكذب
| |
|
|
|
|
|
|
|
|
|
Re: عبدالمنعم سليمان صديقى يكمل عامه السابع عشر ! (Re: Nadia Elsir)
|
ندوية يا عسل لسة ما شبعت من الونسة معاكم ...!!!!!
كان تكلمينا عشان نديها واحد واحة تاني ..
يا حليل عابد كان هسي عملت ليك عيد ميلاد كااااااااااااااااارب
هو منعم دا ذاتوا ما بكون عارف عيد ميلاده متين بالجد جد ...
لكن غايتو كل سنة ونحن طيبين
قال لحمة قال ...
| |
|
|
|
|
|
|
|
|
|
Re: عبدالمنعم سليمان صديقى يكمل عامه السابع عشر ! (Re: خضر حسين خليل)
|
يا سلام مبروك والله يا منعم ..
أها يا نادية باركنا لعبدالمنعم ..
لكن والله وبالله العظيم شوف عيني دي ، منعم ده قبل سبعتاشر سنة ( مدير كبير ) في الدوحة ..
أوعو تكونوا قايلين لقب ( أمواج ) ده عشان المطعم الفي العمارات البياكل فيهو منعم داك !!!
إنتو قايلين معم ده ( هيّن والا ليّن ) ؟؟
بس سبعتاشر دي كتيرة حبتين ( خلوها تسعتاشر ) ..
| |
|
|
|
|
|
|
|
|
 Re: عبدالمنعم سليمان صديقى يكمل عامه السابع عشر ! (Re: Abdel Aati)
|
أخوناالعزيز جدا منعم عيد ميلاد سعيد وكل سنه وانت طيب وربنا يحقق كل امنياتك الخاصه والعامه
منعم لمن لا يعرفه جيدا ود بلد أصيل وأخو أخوان يعرف الاصول ويتجرد لعمل الخير لا ينتظر فيه حتى الشكر إنسان راقى والله أحببته من أول يوم لاقيتو فى اجتماع بخصوص موضوع غاده نورى ومن ذلك الحين وحتى هذه اللحظه لم يخيب ظنى فى منعم يعنى حب من أول نظره
طوال اجتماعاتنا رغم انو منعم أكتر من يجلب الضحك للمجموعه والله هو أكترنا تحملا للاعباء وأول من يسند لنفسه المهمات
ودى فرصه أعتزر للمجوعه باكملها انى ما ودعتهم لما سافرت وماقدرتا ألاقيهم فى الايام الاخيرة لظروف قاهره وأرجو انهم يقبلو اعتزارى لانهم والله
جعلو اجازتى من أميز وأفيد الإجازات فى السودان والكلام دا لكل مجموعة
باب الامل وعلى رأسهم منعم وناديه السر والانعامين واشراقه وماسا وهبه
وزوبا وطلال وعلى عجب وطلال وهنا ء وخضر وكابو ووديدى والجريفاوى وسمؤال
وعاصم والمهندس وكرفس وكل من خاتنى الذاكره وسقط اسمه سهوا لكم كل حبى
وكامل مودتى والتقدير اتمنى من الله ان يوفقكم جميعا ويعدلا عليكم محل
ماتقبلو
أما بخصوص منعم باختصار كد انشاء الله يوم شكرك ما يجى وربنا يخيك ويحفظك
لكن ما قلت لى انعام حيموره عامله شنو بعد جات من الامارات سمعت انها
جابتلك الشيله معاها بالله تحياتى للجماعه كلهم فردا فرد
مع التحيه لكم ولهن جميعا وكل الحب
| |
|
|
|
|
|
|
|
|
|
Re: عبدالمنعم سليمان صديقى يكمل عامه السابع عشر ! (Re: سلمى الشيخ سلامة)
|
السبعة عشر بعد المائة ، ويا منعم اي من الاناشيد انت حافظها
يا حفيظ ، وانت من متين بتحتفل بعيد الميلاد ، غايتو لقيت ليك اهتمام
وهل عمر السابع عشر فيه الجمعات والعطلات الرسمية ام لا ؟ لانو واضح
انو في خصم هذه الايام وانت عارف انها اكثر من ايام العمر ، يا زول كل سنة وانت سنسنة
| |
|
|
|
|
|
|
|
|
|
Re: عبدالمنعم سليمان صديقى يكمل عامه السابع عشر ! (Re: مصطفي سري)
|
منعم الذي عرفت ... أرق من السبعطاشر سنة ,
يعني شايفا كتيرة عليهو ... لجهة الحيوية ورشاقة الروح
وسماحة العشرة , لكن يمكن أن أضيف لهذا العمر { عقدين } ليعرف
الناس عبدالمنعم الأخر المهموم بالوطن والشجاع فى التعبير عن
وجهة نظره وهو قاااااعد بين الناس وفى عين { تلك } السلطة .
الاهم ... ألحظ أنه يراكم ويبني ويتطور بمعدل ملحوظ ... فله
التحية ... عيد ميلاد سعيد ... وعقبال المية ... أها قصرت معاك
يا منعم ... آمل ألا أكون ... ول أقول ليك البقصر مني بعترف بيهو
وما عندي مانع إتموا أخي الطاهر ساتي ... فأنا وراء المحيط ... بينما
هو معاكم ... فقط أرجو أن تحتملوا { قلة } هظاره ... ووفرة محبته .
نادية السر ... يا حليييييييلك ... أيتها العميقة الوفية , وعندي
ليك أكتر من هذه الأوصاف ... لكني أفرج الآن عما نطقت ... وأدخر الباقي
لمقام يستدعي مقاله ... مع هذا ... يتضاعف فرحي بعيد ميلاد عبد المنعم
لأنها مناسبة راقت لك وأخترتيها موضوعاإسفيريا يبعث على التواصل ...
فأشكر لمنعم كونه موضوعنا ... ولنادية كونها تباشر الفرح وتوزعه على
الناس ... وإن هكذا أنتم ... وكما عرفتكم ... لكم معزتي .
بالمناسبة ... أهنئكم بحلول البارجة الإجتماعية المدعوة إنعام بين
قواعدها سالمة ... بختكم .
وأخيرا ... أسأل عن خالد الماسي ... عساه بخير .
مع مودتي
| |
|
|
|
|
|
|
|
|
|
Re: عبدالمنعم سليمان صديقى يكمل عامه السابع عشر ! (Re: مصطفي سري)
|
مصطفي سري
يا اخوي خلينا من ميلادي انا انكلمك عن مولد الرسول (ص)
مشينا انا والاستاذ وراق عشان نحضر قفلة المولد بامدرمان
بعد زيارة علاء في ود البخيت وجينا ميدان الخليفة 5 دقايق بث
نشال يلم ليك في استاذ وراق وكان القفلة يوم جمعة ووراق لابس
(فل سوت جلابية) يعني تحت عراقي وعمة وما عارف اية والله 5 دقليق
لا الموبايل لا القروش لا حاجة الا اللي في جيبي وانت عارف اللي في جيبي
ما بتجيب غير حلاوة لكوم وحصان صغير المهم والله كان قفلة عالمية !!
يث الحمد لله الواحد نم ال117 تاني بمشي المولد براه
| |
|
|
|
|
|
|
|
|
|
Re: عبدالمنعم سليمان صديقى يكمل عامه السابع عشر ! (Re: Nadia Elsir)
|
اتصلت على صديقي اللدود منعم حتى اهنئه عشان تهنئة البوست دي ما بتكفى وحصل الاتي :
انا جاية من المكتب وبالصدفة بتاع الامجاد مشأ بي بي شارع الصحافة زلط لي منو سنين .. قمت قلت النضرب لي منعم دا اشوفوا وين واقول ليه كل سنة وانت طيب ..
فعلا ضربت ليه حق الله بق الله وين انت وين ما ظاهر اخبارك شنو ... قام قال لي عملت محل في شارع الصحافة زلط قلت لي خلاص انا قريبة لو انت في المحل ممكن اغشاك .. قال لي لا لا انا طلعت ...
وفجأ واثناء ما انا بتكلم اتلفت اشوف ليك منعم جاي في الاتاجه المعاكس بالعربية وبتكلم معاي في الموبايل ....
وواحدة منورة كدة راكبة جنبو ...
ياود انا شايفاك دي منو المعاك دي ...
قال لي ياخ الواحد مايرتاح معاكم وطق قفل الخط في وشي ...
ضربت ليه ... اختفى من حياتي .. وتاني قفل ..
وبتاع الامجاد بس يضحك ...
لما نزلت اديته خمسة الف قال لي عايز ستة الف اصلوا الواحد ما يرتاح معاكم !!!!
| |
|
|
|
|
|
|
|
|
|
Re: عبدالمنعم سليمان صديقى يكمل عامه السابع عشر ! (Re: Nadia Elsir)
|
أيام زيارتي للخرطوم كان الولد عبدالمنعم ملازم أساسي
يوم واحد صديق عمل فيني واجب ودعاني لسهرة كاربة
قال إحتفاءآ بمقدمنا الميمون ، وأخبرته أن صديقي حايجي معاي كدليل وصاف
أخدت بيجو معاي ومشيت ، عشان بيجو تفتيحة وبيعرف السكك والدروب
بيجو نام في نص السهرة ، أصلو كان مرهق
صاحبي قال لي :
{ شنو جايب لي معاك ولد ظهور }
أنا ماعارف الناس دي شايفنو صغير ليه ؟
أنت وريتهم حاجة يا بيجو ؟
صديقنا اللذيذ عاصم أبوبكر حامد كتب :
| Quote: يعنى انت صغير ومال ابوساندرا يكون كيف يعنى ؟؟؟؟ |
غايتو أبو ساندرا بيكون في النص كده ، بينك وبينو
الجامعة كيف يا عاصم ؟
و زيدان
عليك الله لقيتني كيف ؟
| |
|
|
|
|
|
|
| |
عبد المنعم سليمان
عاصم ابوبكر حامد
lana mahdi
معتصم الطاهر
Deng
Ahmed Yousif Abu Harira
ناذر محمد الخليفة
doma
انعام عبد الحفيظ
انعام حيمورة
حسن الجيلى سعيد
معتصم ود الجمام
خضر حسين خليل
Abdel Aati
WAD ELGAALI#4
سلمى الشيخ سلامة
مصطفي سري
HAYDER GASIM
Yassir Tayfour
السمؤال بدرالدين
معتز القريش
سمرية
رشا سالم
Zeinab
محمد عادل
يازولyazoalيازول
عصام عبد الحفيظ
Raja
عبدالمنعم الرزوقي
أبو ساندرا
غادة عبدالعزيز خالد
رأفت ميلاد
عبدالكريم الامين احمد
فيس بوك
تويتر
انستقرام
يوتيوب
بنتيريست