شبَابّكْ تشَابّكْ - مجموعة شبابِيّة على الفيس بووك لدعم و مناصرة البشير في الإنتخابات القادِمة

Quote: الختشو شبعوا موت

و أنا أقول نوعِيتك القرف دي عايشة ليه لحدي هسي!!!!

Quote: و أنا أقول نوعِيتك القرف دي عايشة ليه لحدي هسي!!!!

Quote: و أنا أقول نوعِيتك القرف دي عايشة ليه لحدي هسي!!!!

Quote: الأخوة المؤمنين نرجو أن تحذروا من المنافقين حذراً شديداً.

والله أكبر ولا نامت أعينُ الجبناء

Quote: يا مان ما اسهل الاساءة وزفر الحديث لكن لانها سيلة العاجز لا يلجأ اليها الا العاجز

دي مُش زي أسمع كلامك أصدِّقك أشوف عمايلك أستعجب

يعني إنت عاجِز!!!؟

أكبر شِويّة و سيب أسلوب المُداخلات الفارغة دة لأنو عادي ممكن أواصِل معاك

Quote: في الثمانين ويعمل سائق أجرة على رغم أنه خال الرئيس السوداني -------------------------------------------------------------------------------- على الرغم من أمراض الشيخوخة التي يبدو أنها أصابت سيارة التاكسي التي يملكها الحاج "التوم"، إلا أن الرجل الذي تخطى الثمانيين عاما لا يزال متمتعا بالصحة والعافية، وكله إصرار على الوفاء لسيارته الصفراء، ومقارعة خطوب الحياة بها في مناكب الأرض، بحثا عن لقمة العيش، دون أن يكترث بكونه خال الرئيس السوداني عمر حسن البشير.وفي لقاء خاص مع برنامج MBC في أسبوع في حلقته الجمعة 21 أغسطس/آب، قال الحاج التوم محمد الزين "نعم أنا خال الرئيس البشير، أخرج بالسيارة للعمل بعد صلاة الفجر، وأظل حتى الساعة 12 ظهرا، فإذا وجدت زبائن فالحمد لله وإذا لم أجد أعود إلى بيتي".ومثلما يجمع الأقدمون على أن الماضي خير من الحاضر، لم يخف الحاج "التوم" تباكيه على ريعان شباب التاكسي الذي يملكه، وحلت محله فارهات السيارات ذوات الحول والطول.وعن ذلك يضيف "زمان كان التاكسي حالته جيدة جدا، وكان يعمل بكل قوة لتوصيل طلاب المدارس والجامعات، ولكن حالته الآن أصبحت سيئة ويتعطل كثيرا".وربما يستغرب البعض أن أهل الرئيس السوداني وخاصته يقيمون في بيت متواضع بأحد الأحياء الشعبية في الخرطوم، دون أن ينهلوا من معين صلة القربى، أو يسعوا إلى الإبحار في محيط الغنى وأمواج الشهرة.وفي هذا السياق يقول المهندس أحمد التوم محمد الزين -لمراسل MBC في الخرطوم ضياء الدين الطيب، الذي زار بيت خال الرئيس- "كل الناس يتوقعون أن علاقتنا بابن خالتنا الرئيس البشير قد تكون لها خصوصية بسبب وضعه الوظيفي؛ لكننا نقول لهم: أبدا، لم يكن للمنصب أي دخل أو تدخل في علاقتنا، فنحن أقارب كما نحن قبل أن يكون البشير رئيسا وبعد أن أصبح رئيسا".وبدورها تقول نجلاء التوم محمد الزين ابنة خال الرئيس السوداني "أنا طبيبة أعمل في مستشفى الخرطوم ومتخصصة في مجال الغسيل الكلوي، وأنا تخرجت من الجامعة النيليين عام 2003، ولي أخوات تخرجن قريبا إحداهن من كلية الاقتصاد من نفس الجامعة".ويقول ضياء الدين الطيب "إن الحاج التوم أحد السودانيين الذين أحيوا قيمة العمل والعطاء؛ فقد تمكن بهذه السيارة المتهالكة والمتواضعة من تربية أبنائه التسعة؛ فأهداهم للمجتمع أطباء ومهندسين وقانونيين ومحاسبين وغيرهم، في رحلة حياة عنوانها "الجد والاجتهاد والكفاح".

قطِع شك زول الإم بي سي دة كوز و مُؤتمر وطني

Quote: ( شبابك تشابك ) تجئ هنا فى مقام لا يليق بها .. وكأنها منزوعه من سياقها .. وكأنها مسروقه .. وكأنها مصادره

ما يُضحِكُني حد البُكاء من جاءنا يُطالِبنا بعدم استِخدام عنوان المجموعة (شبابك تشابك) بحُجّة أننا كمن سرق نصاً أو أخرجه من سياقه و النّص للشاعر محجوب شريف ، و لأنّ محجوب شريف ليس مؤتمراً وطنِيّاً أو هو يسارياً هواه فلا حق لنا في اسخدام عباراته.
و من قال أنّ كُلّ مرشِّحٍ للبشير و مؤيد و مساند له مؤتمر وطني!!!؟
و من قال أنّنا حينما تغنّينا مع وردي برائعة محمود شريف هذه (شبابك تشابك) كُنّا شيوعيين!!!؟
ما للشعب فهو لنا
و ما للحِزب يا ريت تنبِّهونا ليهو و قتولوا دة خااااااااااااص بالحزب
شان دة ما لنا
بل هو لكم
إرحمونا يا هؤلاء يرحمكم الله

Quote: ليه رجع واخذ خلف دور من شرم الشيخ

رجع عشان يمشي القصر الجمهوري
يخلِف رِجِل فوق التانية و يُصدِر فرماناتو و بياناتو كرئيس و حاكِم ليك
بس
دي دايرة فهم

Quote: علاء الدين وحضوره سلام.. من البداية كدي مسألة نصوت لي فلان أو علان في ذاتا ما المدخل الصحيح وإنما مناقشة برنامج المرشحين هو الممكن يحدد إتجاه إنو تدي صوتك لي منو ومن كلامك فوق مع د. إشراقة إنت ما عارف برنامج البشير الانتخابي شنو. الشئ التاني مسالة البديل الماسكين فيها دي شِعبي مسوسي وما واقفا دغري لأنو البشير ده ذاتو وقت جاء السلطة ما كان في زول بعرفو مجرد ضابط في قوات الشعب المسلحة بي القتل والقبضة الامنية والقمع بقى الزول الهسه بتفاخروبو ده مع إنو عمايلو ماها الشئ البفاخروبو.

الأخ الحبيب بُشْرى الطيِّب
سلامات
نأسف لتأخُّر التعقيب عليك و لكن كما عزيته لك بسبب عدم إيجاد هُنيهة مِن الزمن للرد برواقة
طيِّب يا حبيبنا
بالنِّسبة لإنو أنا ما عارِف برنامج البشير الإنتخابي شنو
هل تعلم إنو مِن قبل ما تبدو في الأُفق ملامح قدوم أيّام الإنتخابات مُعظم "أقول مُعظم" الشعب السوداني قال أنّه لا خيار لهم سوى البشير
لا برنامج لا دياولو وقتها
قول لي ليه؟
لو كان المُرشح جديد و ما حكم قبل كدة أو حكم و ما نفع كان ممكن نقول وين برنامجو الإنتخابي و جاي عايز يعمل شنو
لكن البشير أصلاً قاااااااااااعد و شغّال و عارفين هُمّ شغّالين شنو و بيعملوا في شنو و عايزين يعملوا شِنو
يعني برنامجو نحن مش في إنتظار معرفتو لا نحن في إنتظار الجديد فيهو بس
إنت عايزني يعني إنتظر برنامج بقول إنو حيعمل طُرُق تربِط العاصمة مع الولايات و الراجل بدأ في طُرُق قارِّيّة؟
عايزني أسأل عن مشاريعو في الصحّة و الراجِل أنشأ مِظلّة التأمين الصِحِّي اللي فيها الدواء بربع القيمة و التشخيص مجّاناً ؟
عايزني أتقصّى عن خُطط المُرشّح الجديد فيما يخُص المطارات و الراجِل بيعمل في مطار عالمي في الخرطوم و الولاليات الكانت مطاراتها صقيعة كمروي بقى فيها مطار دولي؟
عازين أسأل عن الخثطّة الإسكانِيّة و الراجل سجّل السكن العشوائي لساكنيه (الوزير دقس) و بنى المساكِن الشعبِيّة بالأقساط بمقدم 2500 جنيه تسكن في بيت بلوك كامِل الخدمات؟
عايزني أسأل عن شنو أو شنو أو شنو
البرنامج دة ننتظرو من ناس سيدي بي سيدو و نشوف التنظير كيف
نجي للشيء التاني مسألة البديل القلت عليهو شِعبِي مايلِي دة
البشير فِعلاً لمن جاء للسُلطة ما كُنّا بِنعرفو لذلك كُنّا مُنتظرين نعرفو (و ما عِرِفنا عنُّو إلا كل الخير)
و أيّدناهو لأنُّو القبلو الفيهم إتعرفت تب و قِنِعنا من خيراً فيهم
بعدين كلامك هِنا غريب شوية
لأنو وقتها ما كان في بديل ماثِل و الموجود كلو كان من نفس السلّة
هسي الموجود على سُدّة الحُكم خيار جيِّد بالنسبة لينا مع عدم وجود بديل كفؤ لهذا الخيار
يعني قبيل في حكومة ميتانة و مافي بديل لذلك عُمر البشير كان زي وليام والاس
الآن الحُكومة هي الأفضل بينما العايزين يعملوا فيها وليام والاس كضّابين ساي

Quote: أولا لا أظن في زول بيشك إنو أكبر جريمة في الدنيا دي القتل أها زولك ده مسؤل من 10 ألف دارفور ومن 28 ضابط (رمضان) ومن ضباط وشباب جامعات راحوا في الجنوب بي سبب تحويل الحرب الى جهاد. قول واحد إتنين المتعافي والزول التاني والقلته عنهم لا يصلحان البعينم منو؟؟ ما ياهو زولك ده ذاتو والله حتى هو مريس ومتيس؟؟ وأمثالهم كثر في الولايات وفي كل أجهزة الدولة. التالت: الشمالية فعلا ما كان فيها تنمية لكن شن جاب عدم العمار والتنمية لي الحرب والقتل البيكون في خشم بابك. قول 4 مسألة إنو أي ثورة لازم يكون عندها ضحايا ده كلام ساكت وتبرير للإجرام لأنو أي زول ممكن يعمل إنقلاب ويبيد ويقضي على الأخضر واليابس ويجي يقول متل كلامك ده.

كلامك الأخير دة يا بُشرى فيما يخُص ضُبّاط رمضان أتّفِق معاك في إنو الحصل كان جريمة لكن هل من نفّذها هو البشير ؟ هل كان على عِلمٍ بها و قد تواترت كُل الأنباء عن أنُّه لم يكُن له عِلمُ بها؟
كُل الأسماء الحامت حولها أصابع الإتهام في هذه الجريمة غر موجودين في سُدّة الحُكم الآن
بعضهم إلى جوار رب عادل و الآخرون تمّ إقصاءهم و ما عادوا من البُطانة
لو كانوا حوله الآن لكان لنا كلِمةً أُخرى
الحولوا سِمعت كلامنا و تاني بنعيدو
الزبير بشير طه و نافِع و عبد الرحيم و المُتعافي ديل أنا لو مسّكوني القصر يوم واحِد بودِّيهم سِجِن كوبر طوّالي يتريحوا هِناك كم سنة و يطلعوا لعامّة الشعب
و ما نراه أنّ الرّجُل لا يألو جُهداً في تنقيح بُطانتِه و تنويعها لتشمل و قد شملت العديد من ألوان الطيف السياسي السوداني من حركة لإتِّحادي لحزب أُمّة لِشيوعيين
و استحقت لقب حُكومة وُحدة وطنِيّة قبل الإنتخابات نفسها
و دة شيء يُحمد للرجُل وهو انفِتاحه على الآخرين
مسألة دارفور دي انا عندي فيها كلام كتير و آراء كتيرة قُلتها على صفحات هذا المِنبر أُريق و أُهدِر فيها حبرٌ كثير
مسألة الضّحايا ما قُلت إنُّو شيء مطلوب لكل ثورة أو مقبول
لكن قُلت إنُّو مُتوقّع
زول جاي يغيِّر وضِع زول قبلو شايِف إنُّو ما كان صاح
التاني حيرفض و يستميت في الرفض لأنُّو شيف إنو صاح
والأول حيصِر و يُقاتِل بِضراوة لأجل التصحيح
ما الناتِج؟

(عدل بواسطة محمد حيدر المشرف on 11-10-2009, 01:59 PM)

Quote: تمام اخونا علاء الدين .. بالتاكيد صوتنا للقائد البشير .... ارم قدام ....

شكراً ود الباوقة للمرور
و صوتك أبقى عليهو عشرة باقي الصوت غالي و ما بمشي إلا للغالي

Quote: شوف يا سيد عشان ما تجي كل مره تطبع لي الكلام دا وتجي تخرب لي البوستات بتاعي.! المكتوب ادناه كان موجه لي عضو و اخ عزيز معانا هنا في المنبر و الحمد لله اتقبل النصيحه, وتم سحب البوست بعد ان عرف الغلطه بتاعتو....... والمقصود انو كلنا سود و زنوج ومافي داعي للتعالي.... قولنا نشرح ليك محل ما انت قاعد وفي بوستاتك احتمال تفهم..!

الغُلام محمد أحمد بشير
إنت قايل الراس دة فيهو قنبور يا جهلول أفندي ؟
الكلام دة تقولوا للبيفكِّروا زيك اللي لا بيعرفوا يكتبوا ولا يناقشوا و ما ناقشين حاجة
بالمناسبة
مالم تخلِّي قِلّة الأدب و التطاول على الناس الأكبر مِنّك سشنّاً لا تنتظر مِنِّي غير ما ترى

Quote: ‎‎ ‎ ‎‎ ‎Sami Nugud كان البشير و نافع وقوش سقطوا البحوش قوات خليل و دبابات سلفا الحا يجوا دافرين منوووو؟ صدقونى رغم انى مابحب الحكومة، لكن رغم كده من الدغش حا اسوق ناس بيتنا وامشى اصوت لى عمر البشير، يا اخوانا انحنا الناس الغبش القاعدين فى السخانة والكتاحة هنا جووووة البلد دى... بنمرق الصباح ونجى المسا نايمين فى الحافلة وقابضين على كيس الملاح و حلاوتين لى مهند و علا، والحمد لله حامدين شاكرين اننا والله ما...رقين سرايرنا فى الحوش ونايمين فى امان الله بفضل عمر البشير وناس قوش المساهرين، يا اخوانا صدقونى الناس الشابكننا بى هناك اسقطوا المؤتمر الوطنى و يا رزاز الدم حبابك ديل، و افتح زنازينك ديل انا بعرف الكتير منهم ديل ناس قاعدين فى اوروبا وامريكا وضاربين السقط و الويلفر و زهور الاوركيدا و التيوليب و بجوا النت هنا يقزقزوا و يضيعوا زمنهم و كوبى بيست لاشعار محجوب شريف الحماسية، واقسم ليكم برب الكعبة انوا ياها حركاتهم من زمن الجامعة (وطلاب الجامعات فى اوائل التسعينات فاهمين كلامى دة كويس) ياهو بشبكونا فى اشعارهم دى وانحنا المساكين الممكونين تشيلنا الهاشمية ونمشى على الدواس وننقبض و يدقونا بالخرطوش الاسود للصباح والله مافى زول اسال فينا واجى المحامين و العمم والرتب يمرقوا الاولاد التابعين لسيدى محمد عثمان وسيدى الصادق وحتى الشيوعيين الجيفاريين مرة جاء عبد الباسط سبدرات و مرقهم الظاهر بذكريات سبدرات ما قبل الفتح، قال للضابط بتاع الامن عليك الله فكهم اهلهم اصحابى من زمااان والله كرهونى و بقوا بيتى (حائط مبكى)، وانحنا المساكين ندقا لحدى ما يزهجوا مننا افكونا، واسة دايرين اضيعونا تانى، كدى يا اخوانا اتخيلوا محمد عثمان الميرغنى فاز واستلم السلطة، فى ذمتكم دكتور خليل بيصبر يوم واحد ما حيجى دافر بى تاتشراتوا و داناتوا الطائشة الممكن تجى فى اولادنا، اها بس داير اسالكم سؤال واااااحد: باقى ليكم ولد محمد عثمان الميرغنى (أب جيقة) داك حيشيل كلاشوا زى ناس نافع وقوش وانزل الميدان و يدمر القوه العشوائية البربرية المتخلفة الجات دافرة ديك، ياخ واحد من نواب خليل ديل قال داير اعرس ندى القلعة ويقلع ليو بيت فى المنشية كعش للزوجية (كلمة يعرس دى طبعا كلمة لطيفة منى انا) هوى ياناس هوى البلد دى فيها تلتاشر جيش وفيها ناس جواها حقد بلا حدود واقسم بالله العظيم لو لقوا فينا فرقة و فرصة الا يعدمونا نفاخ النار، وللاسف الحقيقة المرة الزى الحنضل انوا مافى جهة بديلة غير ناس البشير ديل بيحلنا منهم ويخلينا ننوم مطمئنين فى بيوتنا ما انحنا بس حتى اهلنا فى دارفو ر (الله يقيل عثرتهم يااااربى يا سيدى) وفى كل مكان خلونا نعترف (انشاء الله بينا وبين نفسنا) انوا اذا ناس المؤتمر الوطنى ديل سقطوا والله العظيم الا تشوفوا المنظر المعهود فى دول افريقيا التعيسة حاصل فى مدنى وسنار وبورتسودان و الابيض والفاشر ونشوف اهلنا شايلين البقج فوق روسينهم و مهرولين نحو المجهول فى رحلة ضياع ستستمر الى الابد. بالمناسبة الجماعة الشابكننا يا رزاز الدم حبابك واسقطوا الكيزان ديل كلما الشغلانة تولع والواطة تجوط والناس يشيلوا البقج ويبقوا ا هاجين كلما كانت كويسة معاهم و الويلفر حيستمر لانو فى بعض الدول الاوروبية بدت تتململ من قعادهم عالة على دافع الضرائب مرطبين قدام النت وبصرفوا الالف وتممية دولار دى بااااردة خاصة بعد الازمة المالية العالمية. ايوة الكلام دة عارفوا بالنسبة لى ناس كدة صعب و محبط لكن انا متاكد انو فى ناس كتاااار متفقين معاى على جزء كبير منو باختصار البلد دى محتاجة فى الوكت دة لى حكومة قوية زى حكومة البشير اكتر ماهى محتاجة لى حكومة المنظراتية الجربناهم قبل كدة وبصرااااحة والله العظيم ناس نافع وقوش ديل احسن منهم مليون مرة . وكان بقت على انا شخصياً حا اكون اشجع منكم شوية واقولا بالواضح انا لو كشفت ليكم ضهرى بتشوفوا العجب لكن نسيتوا كلوا وماشى على بالطلاق من دغش الرحمن يوم الانتخابات وسايق معاى ناس بيتنا واى زول عزيز على كمان و بصوت لى عمر البشير وبجى راجع الحق امشى الشغل و اجى نايم نهاية اليوم فى الحافلة تعباااان منتهى لكن ولله الحمد والمنة شايل كيس ملاحى و قطعتين الحلاوة بتاعت مهند و علا وننوم فى سرايرنا فى الحوش بعيدا عن دانات خليل العشوائية و قذائف جيش سلفا الهمجى. وعليكم الله لو فى زول عندوا بديل للسيناريو دة بخش الراس ادينا ليو بس للاسف الشديد ماااافى، . رفعت الاقلام الصحف

واحِد من أعضاء المجموعة كتب الكلام الفوق دة
واللهِ و أنا بقراهو مرّة حسّيت إنو عايز
و مرّة

Quote: كان البشير و نافع وقوش سقطوا البحوش قوات خليل و دبابات سلفا الحا يجوا دافرين منوووو؟ صدقونى رغم انى مابحب الحكومة، لكن رغم كده من الدغش حا اسوق ناس بيتنا وامشى اصوت لى عمر البشير، يا اخوانا انحنا الناس الغبش القاعدين فى السخانة والكتاحة هنا جووووة البلد دى... بنمرق الصباح ونجى المسا نايمين فى الحافلة وقابضين على كيس الملاح و حلاوتين لى مهند و علا، والحمد لله حامدين شاكرين اننا والله ما...رقين سرايرنا فى الحوش ونايمين فى امان الله بفضل عمر البشير وناس قوش المساهرين، يا اخوانا صدقونى الناس الشابكننا بى هناك اسقطوا المؤتمر الوطنى و يا رزاز الدم حبابك ديل، و افتح زنازينك ديل انا بعرف الكتير منهم ديل ناس قاعدين فى اوروبا وامريكا وضاربين السقط و الويلفر و زهور الاوركيدا و التيوليب و بجوا النت هنا يقزقزوا و يضيعوا زمنهم و كوبى بيست لاشعار محجوب شريف الحماسية، واقسم ليكم برب الكعبة انوا ياها حركاتهم من زمن الجامعة (وطلاب الجامعات فى اوائل التسعينات فاهمين كلامى دة كويس) ياهو بشبكونا فى اشعارهم دى وانحنا المساكين الممكونين تشيلنا الهاشمية ونمشى على الدواس وننقبض و يدقونا بالخرطوش الاسود للصباح والله مافى زول اسال فينا واجى المحامين و العمم والرتب يمرقوا الاولاد التابعين لسيدى محمد عثمان وسيدى الصادق وحتى الشيوعيين الجيفاريين مرة جاء عبد الباسط سبدرات و مرقهم الظاهر بذكريات سبدرات ما قبل الفتح، قال للضابط بتاع الامن عليك الله فكهم اهلهم اصحابى من زمااان والله كرهونى و بقوا بيتى (حائط مبكى)، وانحنا المساكين ندقا لحدى ما يزهجوا مننا افكونا، واسة دايرين اضيعونا تانى، كدى يا اخوانا اتخيلوا محمد عثمان الميرغنى فاز واستلم السلطة، فى ذمتكم دكتور خليل بيصبر يوم واحد ما حيجى دافر بى تاتشراتوا و داناتوا الطائشة الممكن تجى فى اولادنا، اها بس داير اسالكم سؤال واااااحد: باقى ليكم ولد محمد عثمان الميرغنى (أب جيقة) داك حيشيل كلاشوا زى ناس نافع وقوش وانزل الميدان و يدمر القوه العشوائية البربرية المتخلفة الجات دافرة ديك، ياخ واحد من نواب خليل ديل قال داير اعرس ندى القلعة ويقلع ليو بيت فى المنشية كعش للزوجية (كلمة يعرس دى طبعا كلمة لطيفة منى انا) هوى ياناس هوى البلد دى فيها تلتاشر جيش وفيها ناس جواها حقد بلا حدود واقسم بالله العظيم لو لقوا فينا فرقة و فرصة الا يعدمونا نفاخ النار، وللاسف الحقيقة المرة الزى الحنضل انوا مافى جهة بديلة غير ناس البشير ديل بيحلنا منهم ويخلينا ننوم مطمئنين فى بيوتنا ما انحنا بس حتى اهلنا فى دارفو ر (الله يقيل عثرتهم يااااربى يا سيدى) وفى كل مكان خلونا نعترف (انشاء الله بينا وبين نفسنا) انوا اذا ناس المؤتمر الوطنى ديل سقطوا والله العظيم الا تشوفوا المنظر المعهود فى دول افريقيا التعيسة حاصل فى مدنى وسنار وبورتسودان و الابيض والفاشر ونشوف اهلنا شايلين البقج فوق روسينهم و مهرولين نحو المجهول فى رحلة ضياع ستستمر الى الابد. بالمناسبة الجماعة الشابكننا يا رزاز الدم حبابك واسقطوا الكيزان ديل كلما الشغلانة تولع والواطة تجوط والناس يشيلوا البقج ويبقوا ا هاجين كلما كانت كويسة معاهم و الويلفر حيستمر لانو فى بعض الدول الاوروبية بدت تتململ من قعادهم عالة على دافع الضرائب مرطبين قدام النت وبصرفوا الالف وتممية دولار دى بااااردة خاصة بعد الازمة المالية العالمية. ايوة الكلام دة عارفوا بالنسبة لى ناس كدة صعب و محبط لكن انا متاكد انو فى ناس كتاااار متفقين معاى على جزء كبير منو باختصار البلد دى محتاجة فى الوكت دة لى حكومة قوية زى حكومة البشير اكتر ماهى محتاجة لى حكومة المنظراتية الجربناهم قبل كدة وبصرااااحة والله العظيم ناس نافع وقوش ديل احسن منهم مليون مرة . وكان بقت على انا شخصياً حا اكون اشجع منكم شوية واقولا بالواضح انا لو كشفت ليكم ضهرى بتشوفوا العجب لكن نسيتوا كلوا وماشى على بالطلاق من دغش الرحمن يوم الانتخابات وسايق معاى ناس بيتنا واى زول عزيز على كمان و بصوت لى عمر البشير وبجى راجع الحق امشى الشغل و اجى نايم نهاية اليوم فى الحافلة تعباااان منتهى لكن ولله الحمد والمنة شايل كيس ملاحى و قطعتين الحلاوة بتاعت مهند و علا وننوم فى سرايرنا فى الحوش بعيدا عن دانات خليل العشوائية و قذائف جيش سلفا الهمجى. وعليكم الله لو فى زول عندوا بديل للسيناريو دة بخش الراس ادينا ليو بس للاسف الشديد ماااافى،

Quote: عمر ود البشير شيخ العرب في الجمله وفي الحرب الضروس دايماً بقود الحمله اوكامبو الفطيس كان داير يعمل العمله يخفس للسماء تلقاهو قابض قمله عمر ود البشير فارس دواس ونحاس من عزاً أصييييل تركة بني العباس صنديد دار جعــــــل ناس الاصل والساس اوكامبو الغشيم طاقاهو لخمة راس اوكامبو الجبان دربك دا لا تخليه صنقع للسما حتى القمر دليه ات قايل بشيرنا بنتركو نخليه حافظ للكتاب والغره ماليا وشيه شيطانك بطير كان اعترضت مشيه اوكامبو الجبان الكيسو دايماً فاضي فبرك للتهم قال لي رئيسنا يقاضي ماظنو الغشيم قلب صحائف الماضي وياأوباما شوتك دقت العراضي ياخوانا الدلائل للمؤامره كافيه ننصر للبشير لامن تجيه العافيه وفي شان نصرو ننظم للشعر والقافيه ديل اتجمعولنا متل عصابة المافيه نزل ود البشير في دوحة العربان وراهم بيان فارس ولد فرسان عيال اوكامبو ناحو ودمعهم فيضان قايلين البشير ساجننو في السودان وماخابرنو فارس يحمل النيشان

مشكور أخونا ‎Ameer Fathi‎ ‎‎
من الفيس بووك

Quote: داوشننا شاعر الشعب .. شاعر الشعب؛ و بعدين لمن يبقى ليهم حار و يقولوا ليك بتاع الشيوعيين!!

بلاش دوشة

Quote: و الكُلُّ صوته للبشير و الموقِف واضِحةٌ معالِمه زي الهِلال في المُمتاز حسم الدوري قبل المباراة النِهائِيّة

Quote: طبعاً يا ميّادة شغّال من نفسي (أي واللهِ) أوعِّي أي زول يلاقيني في أي مكان عن أهمية صوته و عن الفرق ما بين الحكومة الحالية و الأحزاب و بحمد الله مافي زول اتكلمت معاهو لقيتو لافِّي جاي ولاّ جاي شباب الحي حتى الما جايب خبر و المدّيها بالشلوت داك و ما عارِف يعني شنو إنتخابات إتكلّمت مع أي واحد ألقاهو مِنّهم و يعجبوك واللهِ يا ميّادة إستجابة فورِيّة و علي اليمين لمن جيت مكان التسجيل الناس من شكل اللِّبس و النضارة السوداء بيكونوا قالوا دة يساري كبيييييييييييييير لا عِندنا علاقات معاهم لا بيعرفونا يعني شغّالين على كيفنا و بي كيفنا دون إملاءات أو مُغريات لذلك تجِد حديثنا قد كان مُقنِعاً لكُلِّ من تلقّاه ووعد أن يُصوِّت للبشير خيارنا الأوّل لأوّل مرّة أعلمُ أن صوتي له أهميّة و يجب أن يُوظّف في مكانه الصحيح ما حصل صوّتة في إنتخابات إلا مرة واااااااااااحدة بس و حكيتة في بوست ما صوتّة مع شباب الحِلّة ضد مُرشح المُؤتمر الوطني في اللِّجان الشعبِيّة في الحي و طيّرناهو وقتها و جِئنا بمن نريد و الآن أُصوِّت لُمرشّح الوطني مرّت إنتخابات حِزبِيّة و قِدّامنا بيشيلوا الناس بالقروش ما إشتغلنا بيها هسي أنا مُستعِد أدفع قروش عشان أصوِّت لِمُرشّحي

Quote: وباذن الله حنحتفل هنا في سودانيز اونلاين بفوز الرئيس البسير

غايتو اليوم داك ناس أذناب و ضُنُبّة ديل
المنبر دة ببقى ليهم بمبي عدييييييييييييييل
و ناس حِل عن سمانا ديلك الجايين سيدي بي سيدو نشوف كفاءتهم في الإنتخابات و الحشّاش يملا شبكتو
ديموقراطية عديييييييييييل و صناديق إقتراع
شابكننا ما حيصوِّتوا ليهو إلا المصلحجِيّة و النفعيين و المغتصبين و الحرامية
أها لو الغالبية طلعت كِدة هُم يمشوا يشوفوا الناس الزيّهم و ين و يبعدوا من القالوهم ديل
يشبكونا ليك الناس دي جاية عِندها أهداف و أجِندة وسوف نكشِفها و نُعرّيهم
ياخ قوموا لِفُّوا
أيوة عِندهم أهداف زيييكم واحد
إنتو جايين تدعموا ناس و تخستكوا بي ناس
و نحن نفس الشيء
إنتوا همّكم تعريتنا و كشفنا
و معرِفة هل كوز أم ذنب أم إبريك
و نحن ما شغّالين بيكم أصلاً لأنُّو عوراتكم في السهلة
كلامنا واااااااااااااااااضِح نحن واقفين بندعم مُرشّح للرئاسة إسمو عُمر حسن أحمد البشير
زي ما إنتو عايزين تدعموا المخستِكين بتاعِنّكم ديلك

Quote: غايتو اليوم داك ناس أذناب و ضُنُبّة ديل المنبر دة ببقى ليهم بمبي عدييييييييييييييل

Quote: اوشننا شاعر الشعب .. شاعر الشعب؛ و بعدين لمن يبقى ليهم حار و يقولوا ليك بتاع الشيوعيين!!

Quote: أهضم الزلط لو بهضمك يا ملاسي

شايفك عامِل فيها متظورِف
بس ما خايلة فيك

Quote: شايفك عامِل فيها متظورِف بس ما خايلة فيك

Quote: كااااااااااااااااااك

"مدام" كاااااااااااك جات مِنّك
يبقى "كوكو كوكو" مِنِّي
و نبدأ بمشيئة الله

Quote: Quote: أهضم الزلط لو بهضمك يا ملاسي شايفك عامِل فيها متظورِف بس ما خايلة فيك

Quote: بالله أطلع منها أبو علوة دا حبيبي و عايز اتونس معاهو، و عشان منظرك ما يكون بايخ ما تنطط ساي

Quote: كبار و عوار و تنبذو زي الهناي؟ و الا انتو هناي فعلا؟

Quote: الغريبة عمري ما بحب لبس السفنجات

Quote: ونصيحه اخيره لملم نعلاتك واتخارج

فيصل الرشيد
صاحبنا جي فارا دة ما تعصِر عليهو شديد
سِنّة ناعمة
في ليلو ذاتو مسكتو ليك ون تو لحدي تلاتة صباحاً أظِنُّو نام في الكيبورد و خلاّني لك أنادي و لا حياة لِمن تُنادي
أها مِنّها لي هسي ما جا تاني ما عارِف يكون نايم لحدي هسي ولا النِت المِلِح اللِقاهو اليوم داك لِحسو مِنُّو تاني

Quote: إستجابة فورِيّة و علي اليمين لمن جيت مكان التسجيل الناس من شكل اللِّبس و النضارة السوداء بيكونوا قالوا دة يساري كبيييييييييييييير

Quote: باللاي اليساريين عِندَكُم هسّا بقوا يقشِروا ويلبسوا نضيف؟ سُبحان مُغيِّر الأحوال..

و شهِد شاهِدٌ كان من أهلِها